سيد زيد الفحام

02 July 2023 00:26

مقدمه للعباس عليه السلام 2023

يازينب عهد. ما عوفج ابد
حد آخر نَفَس. واگفلج سند
.....

آنه يازينب اخوج الهاشمي حامي الخدر
شحدّه يوصل يم خيامج إلّا اگص راسه الشمر
سيفي سور عله المخيّم رايتي صارت ستر
انتي بس امريني خويه مو اخوج اليعتذر

طلبي ادلّلي يا لبوة علي
فدوه لدمعتج. روحي وكل هلي
.......

تگلّه يا عباس اعرفك گدها يا بدر السمه
ياهو يگدر يثني سيفك وانت ابن حامي الحمه
جيتك اطلب ماي خويه طفال كاتلهه الضمه
كل طفل عباس خويه امن العطش بيك احتمه

عبدالله الطفل. ما ظن يحتمل
آلام العطش. متخلّي عدل
..........
گلها يازينب ابشري وآنه ابن فارس مضر
راح اجيب الماي گوّه وسحگ بصدر النهر
افني عسكر آل امية ما يظل منهم اثـر
ألا ذا غدروني يختي. عذري عباس الگمر

رفّت رايته. وشايل جربته
گاصد للنهر. ترهب خزرته
.......

مجزره بجيوش امية سوه يمّ المشرعه
الروس طارت من رگبها والجثث متگطّعَه
حارت الفرسان كلها لبوفاضل تمنعَه
قرّرو گالوا نغدره حتى نگدر نصرَعَه

گطعوا يمنته. وسفه ويسرته
ياويلي بعَمَد. صابوا هامته
...........

عالنهر طاح ابوفاضل لا يساره ولا يمين
صاح ادركني يخويه وراح يركضله الحسين
مگطّع الچفين شافه. والسهم طافيله عين
انكسر ظهري يگلّه. وشمت بيّة الماله دين

يم راعي العلم. كل حيله انهدم
شَمّه اوّدعَه ما رد للخيم
............

حسيـن رد بـلا عضيــده. والعقيله اتلگّته
وين اخوي الحامي خدري محني ظهره وسألته
حسين ما جـاوبــها بيــده. راح وگّـع خيمته
يعنـي يا زينب كفيــلج. مات فارگ دنيته

يا حامي الظعن. بنات المؤتمَن
حاميهن چنت. تقبل ينسبن

سيد زيد الفحام
____'_____________________________________

سيد زيد الفحام

01 July 2023 17:14

نزلة للأنصار عليهم السلام 2023

للموت للموت وقّعنه العهد
للموت للموت. منعوفك ابد
.......

حبك بدمنه سرَه مسره الكُريّات
ما نعوفك لا وحگ رب السماوات
احنه انصارك نخدمك بالمهمّات
ياحُسين المات دونك والله مامات

ونصيح ونصيح. ياحيدر مدد
للموت للموت.     منعوفك ابد
.......

عفنه كل الدنيا احنه وتّبعناك
بهيئة الهادي مُحمّد نبي شفناك
احنه ما ردنه يزيد الطاغي ردناك
ما تهمنه الدنيا كلها وكثرت اعداك

ويّاك ويّاك. نوگف بالشدد
للموت للموت. منعوفك ابد
......

ياحُسين انصارك احنه بيدك سيوف
انت بس انطينه رخصة ننزل وشوف
نخلّي كل فرسان امية تزحف زحوف
ما تظل روس برگبها توگع صفوف

شجعان شجعان. ميهمنه العدد
للموت للموت. منعوفك ابد
.......

كربله ارض الشهاده واحنه ثوّار
خل تشوف الدنيا كلها فعل الانصار
إلّا نفني آل اميه وناخذ الثار
نعيش ونموت بولائك كلنه احرار

يحسين يحسين. حبك معتقد
للموت للموت. منعوفك ابد
........

ياحُسين الصوت من يمك نذيعه
لا يزيد ولا عُبيدالله نطيعه
مو بني سفيان احنه وياك شيعه
إلّا ناخذ ثارك وثار الوديعه

انصار انصار. لعيالك سند
للموت للموت. منعوفك ابد
.......
ساعه ونعيش السعادة الأبديّـه
وياك بالجنة يبن حامي الحميه
خل يگطعونه النواصب آل اميه
احله من طعم العسل عدنه المنيه

نفديك نفديك. لو حان الوعد
للموت للموت. منعوفك ابد

سيد زيد الفحام
_________________________________

سيد زيد الفحام

01 July 2023 17:12

مقدمه للأنصار عليهم السلام 2023

نقســـــمـ بالألــه وبالنبي والـديـن
حد گطع المناحر ما نعوف حسين
........

اسمع بالطفوف شصاحو الأنصار
غير حسين ما نهوه ولا نختار
خل يسمع يزيد وزمرته الاشرار
احنه بحب ابوالسجاد متمسكين
.........

ربينه بحب علي ولحسين بايعناه
انصـاره وعهــد منعـوفه لا والله
عفنه ديارنه وللموت اجينه وياه
لبوالسجاد فدوه الواحد وسبعين
...........

لِبِن مرجانه وصلو اخبآرنه ولَيزيِد
غير حسين قائد للحكم مَنريد
عهد ارجال هذا وكلنه ايد بأيد
عله رايه ومنهجه للموت متوحدين
.........

اسمعوا يا بني سفيان صرختنه
كلّا يا يزيــد الراد ذلّتنـه
بسم حسين راح انعلّي رايتنه
نحيه نموت احنه بحبه منصورين
..........

لو مو مرّه نتگطّع الف مرّه
منّ حسين ابد هيهات نتبرّه
تبعناه عن عقيده ونعلم بسرّه
وصرنه بحب ابوالسجاد مجنونين
..........

ميّهمنه عددكم يا بني سفيان
احنه ويالحُسين انصار مو عدوان
باجر بالحشر يتبيّن الربحان
منّ ندخل الجنه ونربح الدارين

سيد زيد الفحام
__________________________________________

سيد زيد الفحام

01 July 2023 17:01

رئيسية مسلم بن عقيل عليه السلام 2023

دوّرتك يغالي. بجروح الليالي
جاوبني القدر. مگطوع النحر
بجروح الليالي
........

بويه من يوم العفتني ما غفيت
انتظرتك لحظه لحظه ومااجيت
ودعتني وذاب گلبي من مشيت
طفله لكن من فراقك شيّبيت
دوّرت عنك يمسلم ما لگيت
لكن اشعر بالمصيبه ودم بچيت

اشتمّ بثيابك. وعيوني عله بابك
مرسوم الأثر. مگطوع النحر
بجروح الليالي
........

بويه مسلم مو سهل جرح الهجر
گتلي صبري ومانفع بيه الصبر
ليا وكت ابقه لقدومك انتظر
عُمُر ما بي انت ما ريده العمر
أندعيلك بالسلامه بكل فجر
من گلب محروگ دمه ومنكسُر

بشواگي وحناني. احسبلك ثواني
مكسور الظهر مگطوع النحر
بجروح الليالي
........

آنه يابويه حميده روحي بيك
يمته ترجعلي ونامن بين اديك
بويه دليني مكانك وانه اجيك
طفله ليل انهار اسأل بس عليك
من يوصّل دمعتي وحسراتي ليك
مستعدّه بروحي اوصل وفتديك

الطفله بلا ابوها. بيش يصبّروها
بالكوفه انغدر. مگطوع النحر
بجروح الليالي
........

ايّست لا خبر منك لا امل
غير ابوالسجاد عمي ماكو حل
سافرت ويّاه عسه بويه ولعل
عمي يلگيلي مكانك لو سئل
ساعه لن طارش اجانه ودمعه هل
سولف لعمّي شجرالك والحصل

امن الكوفه اجانه. طارش ولتقانه
عن مسلم خبر مگطوع النحر
بجروح الليالي
........

بحجره عمي حسين خلاني وقره
الفاتحه وعالخد دمع عينه جره
عظّم الله اجرج بمسلم تره
استشهد ونال الفخر بالاخره
آنه ابوج وانتي عندي مفخرَه
ياحميده وي بناتي امقدّرَه

مسلم بي حميّه. ما بايع اميّه
ضحّه وماخسر.   مگطوع النحر
بجروح الليالي
........

فدوه ياعم والدي وكلّ العمام
المهم انت علينه خيمه يا امام
ياخذ بثاره الشهم حامي الخيام
عمي ابوفاضل شديد الانتقام
من سطح قصر التخاذل والضلام
بيا ذنب مسلم رمو جسمه اللآم

من طاح وتكسّر. گلبي وياه تفطّر
للدين انتصر. مگطوع النحر
بجروح الليالي

سيد زيد الفحام
______________________________&__&&&&

سيد زيد الفحام

01 July 2023 16:55

قصائد مسلم بن عقيل عليه السلام

سيد زيد الفحام

01 July 2023 16:51

رئيسية ام البنين عليها السلام 2023

ودعتك الله يبني يحسين
درب السلامه ياضوه العين
ادعيلك الله يحفظك تروح وترد سالم
شديت ظهرك بالگمر عباس الك خادم
درب السلامه ياضوه العين
.............

امّ البنين الأربعــــــــــــه احسبني امك
عمري گضيته بخدمتك للموت اخدمك
آنه وبنيني وكل هلي من فدوه لسمك
خوفي عليك امن الغدر ناسك تظلمك

هَد حيلي يُمّه بفگدك البين
وين انطي وجهي بغيبتك وين
يحسين اعرفك هاشمي متبايع الظالم
شديت ظهرك بالگمر عباس الك خادم
درب السلامه ياضوه العين
.............

ريحانة الهادي النبي وروح الزجيه
وارث صفات المرتضى حامي الحميه
تعاملني مثل امك چنت تسأل عليه
متعلمه اشوفك كل صباح وكل مسيه

ويّاك اروح شگد تمنّيت
وحشه المدينه ومظلم البيت
يارب تردلي امن السفر ادعي بگلب هايم
شديت ظهرك بالگمر عباس الك خادم
درب السلامه ياضوه العين
.............

ربّيتـــــــلك اربـع زلم كلهم نشامه
يفدونك بوكت الشدد درع الامامه
عباس ابوالغيره الوفي بدر بتمامه
متكفل اختك والظعن هيبه وكرامه

والله ونِعِم من ابني عباس
وكت الشدايد يرفع الراس
فدوه لوجودك سيدي منحر گمر هاشم
شديت ظهرك بالگمر عباس الك خادم
درب السلامه ياضوه العين
.............

انت الأمام المفترض واجب نطيعــه
طاعة يقين ومعـرفه يبـن الوديعـــه
لازم يقــــدملك ثمـن ابنـي بصنيعــه
تشهدله يم المشرعه چفوفه الگطيعه

وصيته من تعطش يمولاي
گبلك ابد ما يشرب الماي
يخسه اليفرّف بينك و بين الگمر واهم
شديت ظهرك بالگمر عباس الك خادم
درب السلامه ياضوه العين
.............

رحت وخذت كل دنيني يوليدي وياك
ام البنين آنه وصحـت اذّاني فــــرگاك
يحسين يا نبض الگلب ما اگدر انساك
ظليت اتاني عله الدرب يا ساعه ألگاك

ياخوفي يبني لكربله تروح
ما بيها بس آلام وجروح
دمعي بغيابك ما نشف مثل المطر دايم
شديت ظهرك بالگمر عباس الك خادم
درب السلامه ياضوه العين
..............

اتنطّـر اخبـــــارك صرت يا ساعه ترجع
اتسـائـل ومامن خبـــــر يرجعلي وقنع
لن بِشِر ابن حذلم صرخ بدموعه وسمع
حسين انذبح راسه انرفع جسمه تگطّـع

كالو متت بسيوف عدوان
يم النهر ذبحوك عطشان
وزينب خذوها عله الهزل من ظالم لظالم
شديت ظهرك بالگمر عباس الك خادم
درب السلامه ياضوه العين

سيد زيد الفحام
______________________________________________

سيد زيد الفحام

01 July 2023 16:48

نعي ام البنين عليها السلام 2023

اني ام البنين انشده بالي
عله الراحو وظل البيت خالي
حال الضايعه بلا راي حالي
عكب حسين وولادي الغوالي
ابچي بحرگتي والصوت عالي

ابچي بحرگتي وبالروح جمره
وگلبي من البچي خلصان صبره
اتنطّر بقيت بدار قفره
عيني عله الدرب لحسين تبره
طالت غيبته وما بان امره

موش عله البنين الراحو وياه
لجله العين تبچي تريد ملگاه
مو هيّن ابوالسجاد فرگاه
يمته لياوكت بالباب اتناه
ويلي ولن اسمعه الناعي ينعاه
حسين انذبح والراس جبناه
وبالخيل جسمه انداس شفناه

سيد زيد الفحام
___________________________________

سيد زيد الفحام

01 July 2023 11:56

نزلة للعليلة 2023

بويه لا تنساني
منتظرِتك آني
ياحبيبي ياحبيبي
...........

يمته ترجع بويه من درب المنيه
بحجرك اگعد والدي وايدك بديه
تبوس راسي والدي وتسأل عليه
تگلّي گومي لعبي وي اختج رقيه

عالدرب تلگاني
منتظرِتك آني
ياحبيبي   ياحبيبي
...........

حسين بويه هم تجي لو اگطع الياس
طفله لكن من غيابك شيّب الراس
گتلي يرجعلي علي لو عمي عباس
ليش ما واحد اجاني تسأل الناس

لية ترجع ثاني
منتظرِتك آني
ياحبيبي   ياحبيبي
...........

هم صدگ ترجع وشوفك تدخل الدار
هيبتك هيبة مُحمّد تسطع انوار
تگعد ويلتم شملنه زغار وكبار
بوية وتلاعب رقية احله تذكار

بالعطف ترعاني
منتظرِتك آني
ياحبيبي   ياحبيبي
............

صح عليله والمرض خلّاني ما گوم
لكن اهون من غيابك گلبي ملچوم
عيني ما طبگت جفنها عافت النوم
بويه ليل انهار ابچي حيلي مهدوم

بحيرتي واحزاني
منتظرِتك آني
ياحبيبي   ياحبيبي
...........

يالعفتني بدار ظلمه احسب جروح
والله من گد البواچي ذابت الروح
لا دمع ينفع يغالي لا ولا النوح
إلّا ترجعلي وشوفك حزني ميروح

هجرك البچّاني
منتظرِتك آني
ياحبيبي   ياحبيبي
...........

فاطمه آنه العليله بويه يحسين
طوّل غيابك علية ياضوه العين
ليا ارض وليامدينه سافرت وين
منين اجيب اخبار عنك والدي منين

چم جرح اذّاني
منتظرِتك آني
ياحبيبي   ياحبيبي
...........

من اجه بِشر ابن حذلم للمدينه
من سمعته يصيح بدموعه الحزينه
ياهضيمه حسين جسمه مگطعينه
گمت ادگ عالراس وصرخ ياولينه

يا نبض شرياني
منتظرِتك آني
ياحبيبي   ياحبيبي

سيد زيد الفحام
__________________________________

سيد زيد الفحام

01 July 2023 11:51

مقدمة للعليلة 2023

كربله ابعث الج دمع وسلام
خبّريني اشصار بهلي والخيام
.......

عن ابوي حسين اسألج فدوه لَسمه
فاطمه آنه العليله وروحي يمّه
كربله تجاوبها والموقف ترسمه
لزمي گلبج يالعليله خاف الچمه
هذا ابوج حسين طاح وسال دمّه
بالسيوف مگطع ومسلوب جسمه

ماكو بعيوني ضوه وحشه وضلام
خبّريني اشصار بهلي والخيام
.......

خاف اخبرج فاطمه بحاله وتموتين
آه لو موجودة وتشوفينه بالعين
مثل ما شافت رقية ذبح الحسين
وهجمت عله خيام ابوج الخيل صوبين
وين تنطين الوجه لو بالخيم وين
نار خوف وخيل وسياط الشياطين

طاح حيلي واشعر بصدري السهام
خبّريني اشصار بهلي والخيام
.......

كربله چا وين عمي البي حميه
ليش يرضه تنسلب اختي رقيه
عمج العباس غدروه ال اميه
كطعوا چفوفه كفيل الهاشميه
يالعليله عله النهر عمج رميه
ضحّه دون حسين بچفوفه السخيه

دموعي خنگتني وبعد ما ظل كلام
خبّريني اشصار بهلي والخيام
.......

وين زينب كربله بس لا سبوها
لا تگلّيلي غريبه وسلّبوها
يالتسأليني عله زينب عذبوها
ذيج زينب حايره وذبحوا اخوها
بين خيل ونار تركض شاهدوها
تخلّص الاطفال من غارة عدوها

الله يستر كربله منّ الختام
خبّريني اشصار بهلي والخيام
.......

شصار وي عبدالله اخوي زغير بعده
اغله من روحي الرضيع اهواي اودّه
ما دريتي بسهم نحره حسين ردّه
يالعليله بدم وريده انصبغ مهده
انذهلت امه الشافته وركضت تگعده
شالته ودم منحره عليها تبدّه

يعني راح الچان بحضيني ينام
خبّريني اشصار بهلي والخيام
.......

عن علي الأكبر اخوي وجاسم الشاب
شصار بيهم لا تفجعيني الگلب ذاب
ذاك اخوج مگطع موسّد بلتراب
وجاسم العريس صارت حنّته خضاب
كربله اشسويتي بيه اصواب بمصاب
ريت ميته ولا عشت بفراك الاحباب

رحمي حالي ولا تيتميني حرام
خبّريني اشصار بهلي والخيام

سيد زيد الفحام
_________________________________

سيد زيد الفحام

01 July 2023 11:49

قصائد فاطمه العليلة عليها السلام

سيد زيد الفحام

01 July 2023 10:25

رئيسية للخدمه 2023

اغله امن الدنيا ومابيها
ونبيع ارواح ونشريها
يحسين ونتمسّك بيها
خدمتنه. خدمتنه
...........

كل خادم ذليل يكون يبقه بدمعه يتحسّر
بس انت بكرامه التاج. تلبسَه اليخدم المنبر
اليخدمك سيدي يحسين. ما بين الخَلَگ يكبر
لذلك احنه عالفطره. نخدمك يا ابوالاكبر

بكل مجلس ربعك ملتمّه
ونتحزّم بحزام الخدمه
وايّام المقتل نحييها
خدمتنه.     خدمتنه
...........

ابد ما نترك الخدمه وخط احمر شعائرنه
حُب هاي المجالس دوم. ممزوج ابمشاعرنه
منعوفك يبوالسجاد. لو گطعوا مناحرنه
گلناها ونظل للموت. (يحسين ابضمايرنه)

خالقنه الخالق لعيونك
مولاي ومنعيش بدونك
ننطي ارواح وماننطيها
خدمتنه.     خدمتنه
...........

عاشور وصفر كل عام. نحيي مصابك وننعَه
بين الناعي والرادود. وبين اللطمه والدمعه
بين اليطبر براسه. وبين اليشعل الشمعه
مولاي بمجالسكم. كل الشيعه مجتمعه

وبيوم العاشر نتعنّه
للحضره ونلطم بالجنّه
من صحنك نقره ونبديها
خدمتنه.     خدمتنه
...........

ميهمنه الحچي واللوم. احنه بخدمتك ماضين
هيّـئـنـه الحُسيّنيــات. ولمصابك بچت كل عين
بدينه بصحنك الطاهر. براية مرقــدك يحسين
بلون الأسود انرفعت. علامـه للحـزن شهرين

وبكل بيت انرفعت رايه
لمصابك تعبير الغايه
وبالمحشر باجر تحچيها
خدمتنه.     خدمتنه
...........

متفضّل علينه هواي. صرنه وعشنه من خيرك
ربحان المشه بدربك. خســـران التبـع غيــرك
بس الهادي وهل البيت. عرفوا معنى تقديـرك
حبّينــــاك عالفطــره. وتجَنّنّـه بتصاويـــرك

لو بالواقع ساعه انشوفك
انقبّـل بقدامك ونطوفك
وتقبل اوّلهه وتاليها
خدمتنه.     خدمتنه
...........

احنه عليك محسوبين. سامحنـه يبوالعتـــره
لا تزعل يبوالسجـــاد. بـداعـت امك الزهــره
عدنه ذنوب مثل سهام. تجرحك كل وكت مرّه
ما نتـقـصّـد انـذّيــك. وانت بهـالأمـــــر ادره

بحبك يحسين اتربّـيـنـه
مولاي وحبّك يهدينـه
تواسي المظلومه وترضيها
خدمتنه.     خدمتنه

سيد زيد الفحام
_________________________________________

سيد زيد الفحام

30 June 2023 22:56

مقدمه للخدمه 2023

اول ما صرت خادم لبوالأكبر
وامي امن المهد نذرتني للمنبر
.......

اول ما صرت لحسين نذرتني
بحب هاي المجالس امي غذّتني
خادم منبر المحبوب سمّتني
وبهذا الإسم طول العمر افخر
........

افخر خادم لخدام ابوالعتره
كل عام ابمحرم الطم واقره
ميّمهني اليذمني لخاطر الزهره
كلشي يهون وتحمّل بعد اكثر
.......

اكثر من شماته لو يذبحوني
ما عوف المجالس ما يبعدوني
النواصب والشماته خل يسمعوني
اظل اهتف حُسين لگطعت المنحر
.......

المنحر فدوه لحسين ونزف دمه
الهوى لوما هواه ما يسوه اشتمّه
إنه المخلوق لجل حسين والخدمه
باقي عله العهد هيهات اتغيّر
.......

اتغيّر شكل بس حبك بگلبي
ثابت ما تغيّـر وفخـر بحبّي
يحسين وطريقك منهجي لربّي
الوذ بصايتك ما حير بالمحشر
........

بالمحشر افوز بخدمتك يحسين
تندلني وتجيني وماادورك وين
تلزم ايدي بيدك وربح الدارين
ادخل جنّتك مولاي ما اخسر

سيد زيد الفحام
______________________________________

سيد زيد الفحام

30 June 2023 22:24

هلالية رئيسية. 2023

بيك انفجع گلب النبي
دمعه وذبح نار وسبي
للدمعه عنوان
ياشهر الاحزان
......

اول گلب گلب النبي. بيك انفجع وتفطّر
من ذبحوا حسين انذبح گلب النبي وتوذّر
سابع سمه وشاف الشمر. گاعد يحز بالمنحر
مو من دمع من دم بچه. سيد الرسل عالمنظر

بسابع سمه يبچي ويون
اذّيتـه ياشهــــــر الحـزن
ذبحَوله قرآن
ياشهر الاحزان
......

وبيك انفجع گلب الوصي. وماتنوصف احزانه
گلبه انچوه بنار الخيم وماتنخمد نيرانه
بهلالك يشوف الحرم. متعذّبه وحيرانه
وحسينه طايح عالثره. وداست عليـه عدوانه

والـد يشوف ابنه انذبَح
بدم منحره الينزف سبَح
بجروحه عطشان
ياشهر الاحزان
......

عاشور وصعب كل جرح گلب الزجية الزهره
من شافتك هاج الألم. بيها ونعت منكسره
يوليدي صاحت والضلع. هاج وحناها بكسره
شافت حوافر عالصدر. تسحگ وكسرت صدره

يم نحر ابنها المنگطع
ام الحسن تجري الدمع
وتشوفه عريان
ياشهر الاحزان

......

وهذا الحسن لمن نظر لهلالك بآلامه
تذكّر عضيده المنذبح. نحره وفرار ايتامه
المن تهل جدي انفجع. بيك انذبح اسلامه
آنه الحسن ظهري نكسر. من كسّروها عظامه

ضحّيت اله ابني الوفي
لكن گلت ما مكتفي
لو عشره شبّان
ياشهر الاحزان
..........

الله يعين ام الحزن. زينب يشهر اللوعه
شصار بگلبهه المنفجع بت فاطمه المفجوعه
ذكرت اخوها المنذبح. وذاب الجفن بدموعه
وخيول امية الظالمه. كسرت جميع ضلوعه

تنظرلك بوجه السمه
ودموعها تهمل دمه
مفجوعه بخوان
ياشهر الاحزان
......

وصعب جرح جرح السبي. لا يبرد ولا يشفه
يفطر سمه ويخسف ارض. حار القلم شيوصفه
الله يعين ابن الحسن. من هالجرح ما يغفه
مستعره بجروحه ويون. نار السبي ما تطفه

يحسب ثواني لطلّعته
لثار الزجية وعمّته
بجروحه نيران
ياشهر الاحزان

سيد زيد الفحام
________@

سيد زيد الفحام

30 June 2023 22:14

السلام عليكم ورحمة الله وبركاته

اخوتي الرواديد والشعراء والخطباء

بتوفيق من الله جله جلاله ورعاية صاحب الزمان الامام المهدي عليه السلام تم اكمال قصائد العشرة الاولى من محرم الحرام لعام 1445هـ _ 2023م
مع الاطوار
وسيتم نشرها بالقناة خلال هذه الايام المباركة

راجيا القبول من مولاي الحسين عليه السلام
ونظرة مولاتي فاطمة الزهراء عليها السلام لي ولكم لتخط اسمائنا في سجل خدامها ان شآء الله

واطلب من جميع خدمة الامام الحسين عليه السلام الدعاء لي بالتوفيق وقراءة سورة الفاتحة
الى روح والدي خطيب المنبر الحسيني
السيد جوده السيد صادق الفحام

سيد زيد الفحام

25 June 2023 12:11

قصائد حسينية جديد لمحرم

/channel/+VW3SvXgIgHZmMjdi

سيد زيد الفحام

02 July 2023 00:24

مقدمه للعباس عليه السلام 2023

شحّ الدمع والماي
اروينه يالروّاي
يا بالفضل عباس
............

يابالفضل ... شوف الطفل ... عبدالله راح يموت
منّ الضمه ... صابه العمَه ... لا نبضه بي لا صوت
شد رايتك ... وبغيـــرتك ... هِد عالفرات وفوت
جيب النهر ... وخذ الحذر ... من غدرت الطاغوت

عبدالله شوف شبيــه
نار العطش تچويــه
يا بالفضل عباس
............

ماظل بعد ... غيرك سند ... يابالفضل ننخاك
يالهاشمي ... چم فاطمي ... تروينه يترجّاك
الزاد الألم ... حتى الحرم ... عَطّشها حقد عداك
ماعدنه حَل ... بيك الأمل ... لمّن تشيل الواك

هِد وهزم العدوان
اروي الطفل عطشان
يا بالفضل عباس
............
لا مو عتب ... تقبل عجب ... دمعة رقية تسيل
عطشت وجت... ليك وبچت ... ياعمّي ماظل حيل
گبل الأجل ... گوم بعَجَل ... سيف بيمينك شيل.
عالمشـرعه ... متجمّعَــــه ... زيح الزلم والخيل

طب للنهر بالجود
ودَعَي بسلامه تعود
يا بالفضل عباس
............

زينب إنه ... عمري فنَه ... ياخويه بالاحزان
ألنه الصبر ... رفعه واجر ... شيصبّر الرضعان
لهذا الأمر ... انت الذخُر ... يا مرهب العدوان
وجهك يشع ... چفّك نبع ... بي يرتوي الضمآن

شبل الوصي الكرار
سل سيفك البتار
يا بالفضل عباس
............

بوجه الكفَل ... لاح الزعل ... هز رايته الكفّال
أدّلّـلــي ... يختي وعلي ... ارويهـم الاطفال
سيف وعلَم ... بيده وهجَم ... عالمشرعه الخيّال
بسيفه الغضب ... يگطع رگب ... روس وجثث تنشال
بالخيمه صاح حسين
تسلم ينور العين
يا بالفضل عباس
............

مثل الأسد ... هيبه واشد ... رد للخيم محلاه
من بسمته ... ومن جربته ... روّه الطفل ناغاه
وبيده الفحل ... روّه الأهل ... كلها ارتوت بحماه
حامي الخدر ... ما يعتذر ... بس اخته من تنخاه

صاحت يسور البيت
والله وكفو وفّيت
يا بالفضل عباس

سيد زيد الفحام
___________________________________________

سيد زيد الفحام

01 July 2023 17:13

رئيسية للأنصار عليهم السلام 2023

انصار ابواليمه بعهــــــــــدهم وفّو
كلمة شرف بالطف حچو من وگفو
عن حبّه ما نتخلّه
هيهات منّا الذلّه
.........

وگفو مثل سور ودرع لسبط النبي ينصرونه
زلم الشدايـد والحـرب انصاره ميعـوفـــونه
گالوله يبن المصطفه. هـذا العهــد مضمونه
هيهــات عنك نفتـرق خلّيهـــــــم يگطعونه

بيد ابن ظاهر رفرفت رايتهم
لنصرت حسين بكربله فزعتهم
وسمائهم تتعلّه
هيهات منّا الذلّه
.....

تحزّم حبيب الاسدي وتعصّب بعصّـابه
شايل الراية بيمنته هوس گبال صحابه
گلهم امشونه للسبط. خل نجتمع يم بابه
انجدد البيعه وننحني. انقبّل تراب اعتابه

آل النبي نطمّنهم ونشكرهم
للموت نبقه وياهم وننصرهم
جده النبي شنگلّه
هيهات منّا الذلّه
.......

يم خيمة حسين اوگفو. شيعة علي الوفايه
تهيّئو كلـــــهم للحرب. وبچف حبيب الرايه
صاحو يبن سيد الرسل. انت النصـر والغايه
نضحيلك بدم النحــــر كلمـة انصارك هايه

انطينه رخصة وشوف يابواليمّه
بسيوفنه جيش آل اميه انهزمه
نگص الرگب ونشلّه
هيهات منّا الذلّه
......

گاللهم حسين وكفو. يصحابي يهل الغيره
كلكـم نشامه والوفه. بيكم وضح تفسيـره
ما بيكم إلّا الحيدري. طِيب الخُلق والسيره
والينصر الحق ينتصر. يتخلّـد بتقـــــديــره

صاحوا يبوالأكبر فداك ارگبنه
دونك انقاتل حتى نثبت حُبنه
وحسين بيهم صلّه
هيهات منّا الذلّه
.......

سوّوها بالطف ملحمــه. من قاتـلــو انصاره
روس آل اميه اطايــرت. بسيوفـها البتّـــاره
انصار ابواليمـــــــــه زلم گالوها وخذو ثاره
ترسوها گاع الطف جثث ما ظلت ألهم چاره

لَبيكَ يبن الهادي كلهـــــــم صاحو
وفّوا عهود الصحبه دونه وطاحو
بهذا العشگ نتسلّه
هيهات منّا الذلّه
.....

بسيوف امية تگطّعـوا. انصاره طاحـو كلهم
شاهدهم حسين وبچه. بدمـــــوعه يتأمّلهم
متگطعيــن عله الثـــرَه. دم النحـــــر غسّلهم
گلهـم مثلكــم ما شفت. اوفى البشر سجّلهم

نالوا رضا الخالق الباري بدمهم
هنيالهم وحسين ساكن يمهم
بيها الفخر يتجلّه
هيهات منّا الذلّه

سيد زيد الفحام
________________________________________

سيد زيد الفحام

01 July 2023 17:03

نزلة. مسلم بن عقيل عليه السلام 2023

يمسلم. مصرعك اذاني
يمسلم. ابچي دم خلاني
.............

وصلت اخبارك يبويه بالدرب من جينه
الناعي وي عمي يسولف عمي دمعت عينه
يعني لاشك انت ميت والخبر ياذينه
گتله ياعمي اسالك وينه مسلم وينه

يمسلم مصابك البچّاني
يمسلم.       ابچي دم خلاني
.............

گلّي يا بنتي حميدة آنه ابوچ ابداله
والدچ نال الشهاده الله يدري بحاله
المات لجل الدين اسمه كل زمن يتعاله
مسلم الغالي مكانه غيره محّد ناله

يمسلم. دمك بشرياني
يمسلم.       ابچي دم خلاني
.............

بياذنب مجتمعه كلها ضدك اهل الكوفه
صدگت من گال هسه بالغدر معروفه
وحدك وجيش آل اميه حاوطك بسيوفه
قاتلت وحسين عمي اقسمت متعوفه

يمسلم. موتك بوجداني
يمسلم.       ابچي دم خلاني
...............

آه يا مسـلم يبـويه رادو يأذّونك
من سطح قصر الاماره للأرض يرمونك
بويه وبحبل التخاذل گامو يسحبونك
الله يلعن آل اميه عجزوا يذلّونك

يمسلم. موقفك ربّاني
يمسلم.       ابچي دم خلاني
.............

دمي گام يفور بويه من عظيم صوابك
طفله لكن شاب راسي من مرار مصابك
راح اضل للموت بويه ابچي دم بغيابك
شلون اهيد وانت عني مندفن بترابك

يمسلم. منظرك اضناني
يمسلم.       ابچي دم خلاني
.............

يتّمتني وذاب گلبي لا تظن مرتاحه
مثل طير وطاح بالبر والكسر بجناحه
بويه واليفگد عزيزه ما تطيب اجراحه
واني من يوم الفگدتك فارگتني الراحه

يمسلم فگدك الأعياني
يمسلم.       ابچي دم خلاني

سيد زيد الفحام
___________________________________________

سيد زيد الفحام

01 July 2023 16:56

مقدمه مسلم بن عقيل عليه السلام 2023

زلمه ومن ظهر زلمه
سجّل موقف ابدمه
لحسين وخلد اسمه
........

هذا مسلم تشهد بفضله الروايات
رابي عالعز والشجاعه وطيبت الذات
ما يبايع ما يساوم طاغي هيهات
المات ابن مرجانه لكن هوه ما مات

مسلم باقي للتالي
ضحّه بمنحره الغالي
دون حسين ابواليمّه
...........

بوكت چان اليعترص عالظالم يموت
نهض مسلم ضد يزيد وصاح هالصوت
آنه ويّه حسين ما يحكمني طاغوت
الهاشمي ما يذل نفسه دومه مبخوت

مسلم ما يطخ راسه
حب العترة بنفاسه
عالحق ما يزل جدمه
..........
منزلة مسلم عظيمه شگد چبيره
ختاره ابوالسجاد مبعوثه وسفيره
من دخل للكوفه يعلم عن مصيره
يضحّي نفسه ويثبت بگلبه وضميره

لحسين السبط وفّه
للذل ما يمد چفه
من عزم النبي عزمه
...........

بليلة وحده الناس عافت مسلم وحيد
من ابن مرجانه خافت تبعت يزيد
نهض مسلم صاح للذل ما امد ايد
احنه غير حسين والي علينه مَنريد

كلها تحالفت ضده
بس هاني وفه بعهده
صاحب وفّه بالكلمه
.........

زلزل الكوفه بقتاله وشردت الناس
اليقترب يم سيفه يوگع فاگد الراس
يرهب بطوله وجماله چنّه عباس
چم بطل بقدام مسلم عالثرَه انداس
لوما بالغدر ما طاح
حالف يقبض الأرواح
حيّر بالحرب خصمه
...........

حاطو بمسلم حسافه وتالي غدروه
لقصر ابن مرجانه ينزف دمه ودّوه
من سطح قصر الاماره العالي دفعوه
استشهد ونال الكرامه وما يذلّوه

روحه ومنحره وعمره
فدوه لوالــد العتره
محبوبه وابن عمه

سيد زيد الفحام
__________________________________________

سيد زيد الفحام

01 July 2023 16:53

نزلة ام البنين عليها السلام 2023

من علي يعباس هاي الوصيه
لا تعوفون حسين بالغاضريه
.....

امكم يولدي الاربعه سمعوني
گبل السفر لازم عهد تنطوني
محّد يعوف حسين نور عيوني
بس برضاته لو رضه ترضوني

فدوه كل الارواح لِبِن الزجيه
........

يابالفضل هاي الوصية اسمعها
من والدك حيدر علي منبعها
راية علي بيوم الطفوف ارفعها
ولو هجمت خيول وزلم تمنعها

دون ابواليمه حسين تحله المنيه
........

رادك سند يوليدي تلزم ظهره
ترفع لوائه وما تزل عن امره
سيد شباب الجنة روح الزهره
كلمن ينصره الله يرفع قدره
هاشمي والربّاك حامي الحميه
..........

زينب وديعة حيدر مدللهه
يابالفضل ما غيرك اليكفلهه
لتخلّي واحد يقترب من ظلهه
بالطف اذا طلبت نهر جيبلهه

خيمه صيرلهه وسور للهاشميه
.........

سمعاً وطاعه يُمّه وتأمريني
افني الزلم وكت الحرب بيميني
زينب امانه عندي لتوصّيني
احميها حد ما تنگطع چفّيني

اكفل اختي للموت واجب عليه
........

والله ونِعِم منكم يراعي الرايه
اولادي وعرفكم صدك وفايه
نرضي الزجية المبتغى والغايه
بيكم اشيل الراس وحچي بهايه

ما تقصرون وياي ترباة اديه

سيد زيد الفحام
____________________________________

سيد زيد الفحام

01 July 2023 16:49

مقدمة ام البنين عليها السلام 2023

ماعوف اخوي حسين
حد گطعة الچفين
يايُمّه عهدي وياچ
........

أنه العباس يُمّه وبيدچ تربّيت
وفه وطيب وشجاعه منچ تغذّيت
وصيتچ ابقه خادم خامس اهل البيت
عد عينچ ابشري ولحظه ما زلّيت

يُمّه طمئنّي بهاي
لاخر نَفَس وفاي
يم النهر ألگاچ
..........

ربّيتي وتعبتي لخاطر الزهره
نذرتينه نذر لحسين ابو العتره
اعرف يُمّه ابنج وفهم النظره
نصير حزام ظهره ونمتثل امره

عبدالله يُمّه وعون
وي جعفر يسمعون
يايُمّه عد عيناچ
...........

صاحت والنعم منكم يبو النوماس
بنيني الاربعه بيكم اشيل الراس
اريدك تكفل اختك يبني يا عباس
زينب بت علي بأي حرّه ما تنقاس

اختي بآمان وياي
روحي ونظر عيناي
حطيني عد يمناچ
..........

أنه العباس يُمّه الأشجع بوكتي
اكفل زينب بدم رگبتي وبختي
قسم بالزهره امها الطاهره وانتي
اگص راسه بأديه اليقترب لختي

اكفل خدرها بزود
وچفوف اديه شهود
كلّ الفخر لرباچ
........

يم نهر الفرات اوفيهن عهودي
بالطف من اطب للمشرعه بزودي
دون حسين احامي وتوگع زنودي
ييُمّه وللخيم ما ارجع بجودي

اوگع على التربان
يم النهر عطشان
بجروحي ما انساچ

سيد زيد الفحام
____'________________________________

سيد زيد الفحام

01 July 2023 16:47

قصائد ام البنين عليها السلام

سيد زيد الفحام

01 July 2023 11:54

رئيسية للعليلة 2023

يالماشي عني بيا صبر تصبر بعد روحي
يالشوفتك راحه ودوه يا مرهم جروحي
اصبر بعد مُحال
ياوالــدي تعـال يا مرهم جروحي
..........

شگد گلتلك بويه خذني وماخذتني
ليش من دون البنات اتعذّرتني
چي عليله وخفت اتأذّه وعفتني
ما دريت اشصار لمّن فارگتني
طفله لكن من غيابك شيّبتني
ليش مو انت بحنانك عوّدتني

رف گلبي من هذا السفر. ونخطفت الواني
ياخوفي ما شوفك بعد يل ما الك ثاني
محتاجه للدلَال
ياوالــدي تعـال          يا مرهم جروحي
..........

ريت يابويه خذتني وي خواتي
وي رقيه وسكنه اجمل ذكرياتي
ظلمه من دونك يبوالأكبر حياتي
صرت كل لحظه التمر اطلب وفاتي
عيني عالباب وتجي كل امنياتي
اندعيلك بويه كل يوم بصلاتي

لو رايحـــــه ولا هالقهـــر. يكتلني يوميه
هجرك اشد من كل مرض ما تنشد عليه
خلّاني كالخيال
ياوالــدي تعـال          يا مرهم جروحي
..........

ما شبعت وداع منك والدي حسين
لا تيتّمني دخيلك ياضوه العين
من يدلّيني ويگلّي موقعك وين
خوفي من غدر آل اميه وغدرت البين
من علامات المصيبه وضحن ثنين
هجرك الطَوّل علية ولا خبر زين

خوفي عليك امن الغدر. بيك انشده بالي
عيني عله بابك ونتظر. ياوالدي الغالي
بُعدك علية طال
ياوالــدي تعـال          يا مرهم جروحي
..........

ابّاب دارك گاعده وحسب ثواني
يمته اشوفك ترجع لديرتنه ثاني
بويه ما تدري البچي بعدك عماني
يالگلت لازم اخبرج عن مكاني
لا علي الأكبر ولا عمي اجاني
لشوكت ياوالدي اسهر وتاني

بس لا مشيت لكربله. خوفي يغدرونك
گلبي تگـطّـع بالألم ياوالدي شلونك
جاوبني عالسؤال
ياوالـــــدي تعـال        يا مرهم جروحي
..........

بويه من كثر شتياقي ولهفة الروح
گلت بويه برؤيا اشوفك بلكي مسموح
غمّضت عيني بدمعتي وشهگت النوح
شفتك بعالم منامي دامي مذبوح
راسك عله الرمح بويه ودمه مسفوح
وجسمك مگطع اشوفه وينزف جروح

فزّيت بويه امن الحلم. الطم على راسي
ما اكدر احچي امن الألم. مختنگه بنفاسي
لا تگطع الوصال
ياوالـــــدي تعـال        يا مرهم جروحي

سيد زيد الفحام
____________________________________

سيد زيد الفحام

01 July 2023 11:50

نعي للعليلة عليها السلام 2023

يردون يردون. راحوا هلي وماظن يردون
يلعيون يلعيون. ابچن قهر وعمن يلعيون
يغيبون يغيبون. ما حسبت هالگد يغيبون
يحنّون يحنّون. اهلي المشوا لابد يحنّون
يودّون يودّون. طارش خبر منهم يودّون

آنه العليله وعيني عالباب
منتظره ترجع ليّة الاحباب
حسين ابوي وكل الاطياب
جرح العليله يسيل ما طاب
حدما يجون العنّي غياب

ابوي الراح ما خذني. ولاراد
لا مبعــــــوث ودّالي. ولاراد
عليله وريت دفنوني. ولاراد
حياتي بلا ابو يعطف عليه

سيد زيد الفحام
___________________________________

سيد زيد الفحام

01 July 2023 10:28

نزلة للخدمه 2023

يا ابا عبدالله احنه خدامك
يا ابا عبدالله احنه خدامك
.......

يالغالي. للتالي. منعوفك ابد
نتوالف. نتكاتف. بيّام الشدد
شما تصعب. ما نتعب. منطينك عهد

لا وحگ راس الگمر وچفوفه
دربك ليوم الحشر منعوفه
شيعتك وكت الشدد معروفه
كل وكت لزيارتك ملهوفه

يا ابا عبدالله. محله ايامك
يا ابا عبدالله احنه خدامك
.........

للمنبر. چم منحر. ضحّينه شكثر
ما همنه اليعدمنه. مضمون الأجر
وعيونك. من دونك. ما يسوه العمر

عالمشانق كلمتك گلناها
نرفض الذلّه ولا عشناها
ياحُسين بثورتك نتباها
ورايتك ضد الظلم شلناها

يا ابا عبدالله. رفّت اعلامك
يا ابا عبدالله احنه خدامك
.......

راحتنه. خدمتنه. بعاشور وصَفَر
نحتزّم. للمأتم. ما نخشه الخطر
احبابك. لمصابك. نتوزّع نهر

نجزع عليك ونشگ هدومنه
نكسر صدور وتسيل دمومنه
خل يموت الماقبل ويلومنه
يوم عاشر من محرم يومنه

يا ابا عبدالله خاسر اللّامك
يا ابا عبدالله      احنه خدامك
.........

أذّونه. وظلمونه. عدوانك حقد
عن حبك. عن دربك. رادو نبتعـــــد
ما خفنه. ولا عفنه. نهجك بي نصد

سيدي يحسين يا غالينه
مثل مجرَه النَفَس عايش بينه
بخيرك ومعروفك اتربّينه
رحمتك غيمه وتفيّي علينه

يا ابا عبدالله. كلنه ايتامك
يا ابا عبدالله      احنه خدامك
............

نرفعها. ونتبعها. راية ثورتك
ما تنذل. ما نقبل. تدري بشيعتك
منصوره. ومنشوره. بالطف رايتك

صرختك بالطف حچتها الوادم
من صحت كلا يزيد الظالم
راح هوه وباقي ذكرك دائم
ياحُسين لحد ظهور القائم

يا ابا عبدالله. باقي اسلامك
يا ابا عبدالله      احنه خدامك

سيد زيد الفحام
________________________________________

سيد زيد الفحام

30 June 2023 22:57

مقدمه للخدمه 2023

بأول ايام العزاء
نهتف بهذا النداء
عالعهد نحيي الشعائر ياحُسين
...........

احنه خدامك يبوالأكبر يغالي
ما نهاب الموت لجلك ما نبالي
احله ايام العمر هاي الليالي
من نخدمك نشعر بعالم مثالي

خدمتك اكبر ضمان
لليـدوّر عالأمــــــان
وين مثلك يحصل بهالدنيا وين
.............

انت جبـرائيـل يتفــاخـر يخـدمك
كل صباح وكل مسه موجود يمك
ياحُسين وبالعرش مكتوب اسمك.
دم مُحـمّـــد سيدي يحسين دمك

اليخدمك عن ولاء
هذا محبوب السماء
ينكتب عند الله منّ الآمنين
...........
الدنيا لوما خدمتك ما تسوه لحظه
ما يهمنه المارضه كون انت ترضه
بالشـــــدايـد غيـر اسمك ما نلفظه
ياحُسين بكل گلب موجـود نبضه

ما نعوفك مستحيل
شما نقدملك قليل
نبقه خدامك يبن طه الأمين
..........

كل محرم من يهل نتحزّم حزام
للشعائر والمجالس احنه خدام
نلبس ثياب السواد وننشر اعلام
في سبيلك يجري دمنه ونطبر الهام

نطبر الهامه ونصيح
وا حُسيناً وا ذبيح
لجل دمك خل يصب دم الجبين
..........

نترس الدنيا مواكب حيدريه
كل وكت عاشور عدنه وغاضريه
والله جيل لجيل ما ننسه القضيه
لحدما تظهر الدوله المهدويه
نقسم بدم النحور
نبقه نخدم للظهور
ما يهمنه شما قست بينه السنين
...........

سيد زيد الفحام

30 June 2023 22:28

نزله هلالية 2023

هل محرم والحزن بهلاله
نـرفــع الرايــات لستقباله
........

هل محـرم بالحـزن واللـوعه
والامام المهدي تجري دموعه
عالسبية زينـب المفجـــــوعه
ودمعته بطول الزمن همّــــاله
.......

هل محرم والنبي يبچي ويون
ونشرت املاك السمه ثوب الحزن
ثوب ابواليمّه الذبيح الممتحِن
وفاطمه تبچي وتنوح اگباله
.......

هل محرم يحچي محنة كربله
يالله ياخــدام خل نستقبله
بالمجالس كل عشگنه انرتّله
بالمــــدامـع نبتــدي اعمـــاله
.......

نحيي ايام العزه ونلطم سوه
عالذبيح المات ضامي بنينوه
الماي يجري بالنهر بس ما روه
لا شرب هوّه ولا اطفاله
........

يالله خل نحيي شعائر كربلاء
نلطم عله حسين ونقيم العزاء
شهر عاشور انفرض شهر الولاء
نواسي بي طه الرسول وآله
........

للعـزَه نتهيّئ ونلبس سواد
والمجالس نقره بيها بكل بلاد
عدنه واجب نحيي امره وعتقاد
حسين قائدنه ونظل نقراله

سيد زيد الفحام
_____________________'___________

سيد زيد الفحام

30 June 2023 22:20

مقدمه هلالية 2023

ياشهر الحزن ما ترحم بحالي
خذت وين العزيز علية والغالي
.......

خذت وين العزيز الكلّه حنيّه
اخوي حسين صافي الروح والنيّه
چنت كل يوم اشوفه ويسأل عليه
تاليهه انذبح وتوذّر اگبالي
.......

يشهر بعاشر ايامك متت مرتين
مره عله النهر من گطعوا الچفين
ومن شفت الشمر يگطع وريد حسين
وبقيت بلا اخو مهضومه لا والي
.......

يعاشور المصايب تجرح سهامك
افگدت چم غالي عندي اليسوه بيّامك
عمت عيني وچوتني هواي آلامك.
غريبه وعكب اخوتي منهو يبرالي
.......

يعاشور المصايب والاشد وصعب
رحت مسبيّه وآنه ام الخدر زينب
عكب عزّ الخدر والحشِمه اتغرب
اطب مجلس امية مچتفه تالي
........

يعاشور وابــد ما ترحم الظلّام
سبيه عله الهزل من كربله للشام
عرجه الناگه وعيون الشماته سهام
وأنه الماچان واحد ينظر خيالي
........

تمنّيت المنية ولاشفت منظر
بطشت راس الحبيب حسين ابوالاكبر
ويضرب راس اخويه الظالم الابتر
راس حسين اخويه وراس كفّالي

سيد زيد الفحام
________________________________________

سيد زيد الفحام

25 June 2023 18:59

قصيده لأستقبال محرم الحرام

كل الحُسيّنيـات هيّئـوها
راية مصاب حسين نشروها
مشهوده كل عام
ألـكـم يخـــــدّام
لا تقصرون.          لا تقصرون
..............

لهالشرف تغبطكم املاك السموات
من تخدمون الحُسين البالعطش مات
تنزل عليكم الرحمه والصلوات
وبالقيامه وجوهكم تسطع ضويّات

من هسّه يالخدام همّتكم
كون بمحرّم تسوه وگفتكم
بالمحشر اوسام
ألـكـم يخـــــدّام
لا تقصرون.          لا تقصرون
..............

يالله ياخدام ابواليمه الاكارم
استعدّوا للعَزَه عاشور قادم
الف هنياله الصبَح لحسين خادم
مثل حمزه ونيّة المنضور كاظم

اگبل محرم يالتعشگونه
خدمو الحسين ولاتعوفونه
تضحيته بالهام
ألـكـم يخـــــدّام
لا تقصرون.          لا تقصرون
..............

ادري بيكم بالمجالس ما تقصرون
احضر وياكم وشارك من تحضرون
فاطمه آنه الزجية يالتسئلون
واسو گلبي بالمناحه ودمع لعيون

ابچوا  لمصاب وليدي وجروحه
ذابت يويلي امن السحگ روحه
ونسولف آلام
ألـكـم يخــدّام
لا تقصرون.          لا تقصرون
..............

يالله يالرادود اقره وحضّر اطوار
وانت يالشاعر اسنده وكتب اشعار
ياخطيب المنبر اقره بلوعه وعبار
هذا شهر حسين اجاكم ونتم انصار

اقـرولي عالداستـه الخيّاله
عالمات ضامي وسحگو اطفاله
صرخات الايتام
ألـكـم يخـــــدّام
لا تقصرون.          لا تقصرون
..............

ذكروا زينب بنتي من راحت سبيه
عالهزل مچتوفه ما بين آل اميه
من عكب عباس سبع الغاضريه
تدخل الشام العقيله الهاشميه

بسوگ النواصب ويلي مشّوها
الماشافو خيال الهه شافوها
قصتها بالشام
ألـكـم يخــدّام
لا تقصرون.          لا تقصرون
..............

آنه ام حسين امكم يالتخدمون
عندي حقكم مايضيع شما تتعبون
بيدي اسجّلكم خدمنه لا تخافون
وباجر بيوم القيامه ما تحزنون

كلمن بچه عله حسين منعوفه
نغفر ذنوبه ابدال معروفه
والخدمه ايام
ألـكـم يخـــــدّام
لا تقصرون.          لا تقصرون

#سيد_زيد_الفحام
_______

سيد زيد الفحام

25 June 2023 12:11

#دعم_مؤسسة_منبريون_الحسينية_رقم1
#ملاحظة الدعم 3 ساعات وينمسح من القناة ذمة
للاشتراك بالدعم @ahmed_alziwar0

​┅┅┅┅ـ🌸🕊🕊๘✿ৡ┅┈┈‏
1/الشاعر زيد الفحام/7k
@zaidzai
2/قصائد وألحان منبريه 7k
@Amabeha5533
3/فضائل امير المؤمنين 6k
@FAL_AMEER
4/الشاعرة تبارك العفراوي
@vckvdjdjf
5/قصائد زنجيل 3k
@zngel1441
6/الشاعرة أسيرة الأحزان 3k
@gddaogt
7/مدرسة الزهراء(ع)لتعليم الخطابه3k
@WWWasela33
8/ام ابيها لنشر القصائد 3k
@noorAlhseenn
9/خطباء المنبر الحسيني 3k
@manbarhoysayne1
10/الشاعرة ام علي الساعدي3k
    @tteef
11/تعليم خطابة ولطم3k
@WWWasela33
12/الشاعر امجد الشطري 3k
@oydgh
13/الرادود مسلم المطيري1k
@sheia
14/لاحياة بلا حسين لنشر القصائد2k
@asaadshaker
15/في رحاب الحسين لنشر القصائد/2k
@Alphadli
16/الشاعر لقمان البدران /2k
@lukmanbdran1970
17/الشاعر أحمد الخفاجي2k
@jzlaf
18/بستان الألحان الحسينية لنشر  2k
@alaa66klf
19/الشاعر خالد ألبديري /2k
@khaledALBoudare
20/الُحُانَ الرادود علي الشاوي 2k
@agfjklou
21/اشعار وقصائد حسينية2k
@hseana
22/الشاعر سيد زيد الفحام للمواليد 2k
@zaidzai11
23/آلّشآعرهً آلــــّ؏ــلّويِـــــه آلّمٌوسويِــــۿ2k
@alweyaamosaweyarrrr2626
24/شاعرات الطف 2k
@ya_katealkafen
25/لشاعره ام ياسين الساعدي 2k
@yasminmkhgh
26/تعليم مقامات والاطوار الحسينيه2K
@sueiirit
27/الشاعرة أم رائد /2k
@fhgfhjvd
28/الشاعرة ام احمد البصراوية 2k
@raehinah
29/الشاعرة رغد البهادلي 2k
@Ragadalbhadley
30/الشاعر احمد الخفاجي2k
@jzlaf
31/الشاعر فالح العامري
@falehalameri
32/الشاعر حيدر عيسى البديري /1k
@haederh
33/
34/الشاعر زين لعابدين العيساوي 1k
@ZainIssawi
35/ديوان الإمام المهدي عج 1k
@kairallahhlfi
36/الشاعر كرار اللامي1k
@krrllmy313
37/الشاعر  ناجي ابو كيان الصالحي 2k
@qwertyuuip
38/الشاعر سيد رياض الرسل الجابري 1k
@alral1961
39/الشاعر السيد احمد الميالي1k
@Ahmedalmaialy
40/الشاعر علي محسن الفرطوسي1k
@AliAlFartusi
41/الشاعر حسن لعيبي الحريشاوي1k
@a3lei
42/ قمر الحسين 1k
@kmrrr
43/الشاعر عماد محمد الدراجي
@Emad_Al_Daraji
44/الشاعر سيد فليح الموسوي1k
@AbuhassanAlmusawi2007
45/الشاعرة بنت الاشتر 1k
@drgasa
46/الشاعرة ام زهراء الكعبي 1k
@sharayTAhelAlbeat
47/الشاعره ذكرى الخفاف1k
@zikrakhaffaf
48/الشآعـرهَ سُهـيِله حـسـيـِن 1k
@moohamd1963
49/الشاعر سيد حامد النعيمي 1k
@sayedhamid9
50/ألحان الرادود مصطفى الكربلائي 1k
@mllemustafa
51/ قناة الشاعرة صديقة الهلالي 1k
@hsvni
52/قصائد عاشور (عذاب السبي)1k
@amjoodx001
53/اشعار وقصائد حسينية2k
@hseana

54/الشاعر مجيد عبد الرضا القريشي1k
@MajeedAlquraishi
55/الشاعره الحسينية طيف الساعدي 1k
@tteef
56/الشاعرة ازهار جبار الجياشي
@xcrhyhvfewfhjkbqhj
57/خادمة السيدة رقية بنت الحسين ع
@ssrgk
58/الشاعرة ام حيدر الحمزة الطائي1k
@aseel1278
59/الشاعرة العلوية ام كنان الهاشمي1k
@yazaynae
60/الشاعره ام صادق المنصوري
@HOWEIY
61/الشاعر جعفر الطائي1k
@ggggyyyii
62/القصاید المکتوبه للرادودين حسن الصالحي و محمد الجنابي 1k
@alradodeinpoems
63/الناشر غيث اللامي 1k
@geath1995
64/الشاعر عزيز الفيصلي1k
@azizalfesli
65/قصائد اهات اللعليلة ع
@dgegrh
66/
67/القران الكريم من النجف1k
@tilaawtmenalngf
68/الشاعر ميرزا محمد الساعدي1k
@MullaMohammadAlsaedy
79/ الحان ابو ادم
@hyuiooppp0
80/الشاعرة ام امنه
@omamenai2016
81/قناة خاص النعي
@ashaghalhossein4
82/الناشر مهدي الكعبي
@mehdialkabii
الشاعرة ام عدنان سياحي
@ALMOLAUEOMADNAN
للاشتراك في ليسته

القنوات الدينية الملتزمة فقط
1k فما فوق
التواصل مع الناشــر احمــد الــزوار
@Ahmed_alziwar0
مؤسسة منبريون لنشر القصائد المنبرية
/channel/ahmed_alziwar2