-
قصايد عاشوراء الحسين ع.
السلام عليكم ورحمة الله وبركاته
متباركين اعزائي بقرب مناسبة فرحة مولاتنا الزهراء عليها السلام
فضلا وليس أمرا نرجوا دعمكم لهذا 👆المقطع فبدعمكم نستمر ونقدم الافضل وفقكم الله لكل خير
https://youtu.be/QWu_nfYNuyM?si=hUxc8usuiVut5r1K
متابعيني الأعزاء عظم الله لكم الأجر بذكرى اربعينية سيدنا ومولانا الإمام الحسين عليه السلام وأحسن لكم العزاء ورزقنا الله وإياكم في الدنيا زيارته وفي الآخره شفاعته
فضلا وليس أمرا نرجوا دعمكم لهذا 👇المقطع فبدعمكم نستمر ونقدم الافضل بارك الله فيكم
قصائد من جراحات السبي
قصيده بعنوان(درب الشام) كأني بلسان حال مولاتي زينب عليها السلام تقرأ بعدة اطوار
يدرب الشام
حــزن وآلام
يهد حيلي …يهد حيلي
شرر جمرات
نـظر شمـات
يهد حيلي …يهد حيلي
*❈●••┈❁°•🎼••°❁┈•••✦❈*
مشيـت ومنحـني ظهـري. وحبال اليسر بيـدي
الجبـل يتفسر الحـالي. الحزني ينتـحب گيدي
شبعد عندج يدنيه هموم. لزينب حملي وزيدي
صفت الايام
حــزن وآلام
يهد حيلي …يهد حيلي
*❈●••┈❁°•🎼••°❁┈•••✦❈*
يهد الحيل فوگ اجمال. هزيله وامشي مسبيه
وأنـه فـخر الخـدر كلفـه. النـاس اتأشـر اعـليه
خـوارج ااا يـهـالـكلـمه. خـلت جـم جـرح بـيـه
حكم ظُلام
حـزن وآلام
يهد حيلي …يهد حيلي
*❈●••┈❁°•🎼••°❁┈•••✦❈*
تـذوب الروح وتألم. امن اشوف الروس فوگ ارماح
اليهـظمني بعـد عبـاس. ابضعـنه يحـدي الذباح
يـا درب السبي للشام. خلـه اجروح فوك اجراح
مـا تـلـتـام
حـزن وآلام
يهد حيلي …يهد حيلي
*❈●••┈❁°•🎼••°❁┈•••✦❈*
من طف كربله للشام. عفه گلبي اشحمل لوعات
جم صدعه انصدع كلبي. حيلي اتهدمه الصدمات
ثلـث ساعات وكفـونه. يـم بـاب اسـمـه السـاعـات
حرم وأيتام
حــزن وآلام
يهد حيلي …يهد حيلي
*❈●••┈❁°•🎼••°❁┈•••✦❈*
رزايـا الدهـر راواني. ومصاب اقسه من امصاب
عفت ولياني بلحومه. وحرمه امشيت وي اجناب
ابخـرابه حيف تاليـها الفواطم تكعد اعله اتراب
الجفن ما نام
حــزن وآلام
يهد حيلي … يهد حيلي
*❈●••┈❁°•🎼••°❁┈•••✦❈*
الخرابه ليلهه موحش وترهب وحشة الظلمه
ورقـيه تلجـم اجـروحي بأبـويه ويـن يا عـمه
شافـت بالطشت راسه شيـبه امـخضب بدمه
هوت عالهام
حـزن وآلام
يهد حيلي … يهد حيلي
*❈●••┈❁°•🎼••°❁┈•••✦❈*
لخادمة اهل البيت عليهم السلام
أزهار جبار الجياشي
نسألكم الدعاء
ولفاتحه لروح والدي
لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له
••❥ًً❀(•«﷽»•)❀❥ ••
جديد وحصري 💥💥
قصيده لمولاتنا زينب عليها السلام...تقرأ مربوعه وبعدة أطوار
( زينب والمصايب )
زينب والمصايب اتربن سويه
بدت وياها الاحزان من يوم الزجيه
زينب من زغرهه
حاربهه دهرهه
ظل يرميهه بسهام ولحد المنيه
•┈•❈❉✹✹❉❈ •┈•
بدت من هجمة الدار ونار الشبت أباب
عمرهه ازغير بعده وشافت اعظم امصاب
وبده يحفر الوجنات دمعهه اليهل سجاب
تصيح امي شبيهه
بهظم تبجي عليهه
الفجعها تشوف محسن طايح عالوطيه
•┈•❈❉✹✹❉❈ •┈•
خلصت كل عمرهه بس احزان وآلام
من ظلع الزجيه وشافت طبرة الهام
عقيلة آل هاشم بيها أدور الايام
نار بدار امهه
ولحركت خيمهه
من راحت زلمهه بارض الغاظريه
•┈•❈❉✹✹❉❈ •┈•
بين امهه وابوها سم الحسن شافت
مرت هاي السنين مرار الفكد عاشت
جم لوعه ورزيه بكلبهه اسهام صابت
وبدت رحلة حزنهه
ويهد اجبال ونهه
تتانيها بالطفوف الاعظم رزيه
•┈•❈❉✹✹❉❈ •┈•
تتمحن ابعيله وتحديها الذيابه
تطب شام النوايب ويخلوها بخرابه
تشوف اربات الخدور تكعد عالترابه
بدمع تكظي الليالي
وتنوح اعله الغوالي
ومصيبه اعليهه تنضاف يا لوعة رقيه
•┈•❈❉✹✹❉❈ •┈•
اوياهه ما نصف يوم ولا يرحم دهرها
وحيده ابدار غربه يا تالي عمرها
زينب غمضت العين انتهت قصة صبرها
ومحد من الخوان
سره بالنعش دفان
و تاليها غريبه تموت الهاشميه
•┈•❈❉✹✹❉❈ •┈•
لخادمة اهل البيت عليهم السلام
أزهار جبار الجياشي
نسألكم الدعاء
ولفاتحه لروح والدي
لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له
امنيه تمنيتها وطلبتها من مولاي الحسين عليه السلام وهي أن تقرأ كلماتي في مجالس الرجال وتحققت هذه الأمنيه فالشكر لله ولمولاي وللاخ الرادود الحسيني الموفق فلاح الغانم ادام الله توفيقاته
الى بعض اللاتي يقلن بأن كتاباتي وكتبي غير مرغوب بهن البعض وليس الجميع مع جل احترامي وتقديري للأخريات اللاتي يستحقن أن تصل اعداد مطبوعاتهن لآلاف مؤلفه اقول هذا هو التوفيق الحقيقي وليس كثرة الكتب والمطبوعات التي يأخذن اجورها الماديه دنيوياً فأما أنا الخادمه الذليله الاصغر شأن والاقل قدر ما بين الخدم وبكل فخر فأريد اجري من الحسين وأمه الزهراء عليهما السلام في الدنيا والآخره...وهذا التوفيق آجرني به مولاي الحسين عليه السلام فشكراً لله ولمولاي الحسين عليه السلام على هذا التوفيق الذي لا يناله إلا ذو حظٍ عظيم
والله ولي التوفيق
وفقنا الله وإياكم بهذه الخدمه المباركه ببركات مولاتنا الزهراء عليها السلام
خادمتكم الأصغر شأن والاقل قدر ما بين الخدم وبكل فخر
أزهار جبار الجياشي
نسألكم الدعاء بالتوفيق والقبول ولفاتحه لروح والدي
https://youtu.be/VIa1DcAsmgw?si=2tNGg5E1Kovso2JL
السلام عليكم ورحمة الله وبركاته
عظم الله لكم الأجر وأحسن العزاء
متابعيني الأعزاء فضلا وليس أمرا نرجوا دعمكم لهذا 👇المقطع فبدعمكم نستمر ونقدم الافضل وجزائكم من الله ومولاتي زينب عليها السلام كل خير إن شاء
••❥ًً❀(•«﷽»•)❀❥ ••
جديد وحصري 🔥🔥
قصيده ولأول مره تكتب بقلم شاعره وموظوع القصيده لأول مره يطرح وبقلمي والحمد لله على هذا التوفيق الحقيقي القصيده بحق سيدتنا ومولاتنا لُبابةَ زوجة أبا الفضل العباس عليه السلام وكأني بلسان حالها تعاتب جميع الخدم... تقرأ بعدة اطوار
عندي اعتاب آنه اعله اليخدمون
ابمجالسهم امصابي ما يذكرون
آنه زوجة الحيد
ابو فاضل الصنديد
عندي اعتاب آنه اعله اليخدمون
┅┈●⇝╭✶╮⇜●┈┅
ما واحد ذكرني ولا حجه عني
ولا فكر لاجل عباس يخدمني
أنه الراحوا اعزاز بكربله مني
ابني وكمر دنياي
شفت مصايب هواي
وأصلي من الهواشم لو تبحثون
عندي اعتاب آنه اعله اليخدمون
┅┈●⇝╭✶╮⇜●┈┅
اعتب عل الشيوخ اهل المنابر
الما واحد الاسمي يوم ذاكر
وعلى اليقره عتابي وعلى الشاعر
اليرثون القضيه
بارض الغاظريه
ابقصايدهم اعليه ما يكتبون
عندي اعتاب آنه اعله اليخدمون
┅┈●⇝╭✶╮⇜●┈┅
ويه العيله موجوده بالطفوف
وعشت ويه الحرم لحظاته الخوف
من هجموا علينه العسكر اصفوف
شفت يا حرك الخيام
وألم وي زينب أيتام
العدو بسياطهم بينه يضربون
عندي اعتاب آنه اعله اليخدمون
┅┈●⇝╭✶╮⇜●┈┅
اشمعنه ما تذكروني عجيبه
وأنه عن الفواطم مو غريبه
وتجمعنه سوه نفس المصيبه
وعفنه اجساد اهلنه
وسبي للشام رحنه
وشاركت المصايب ويه أم عون
عندي اعتاب آنه اعله اليخدمون
┅┈●⇝╭✶╮⇜●┈┅
أنه زوجة الكافل أبن الجواد
باب الحاجه الينطيكم امراد
الفده روحه وابنه لبو السجاد
الضاهدني فكدهم
ورحت مسبيه عنهم
بعد عباس بينه العدا يحدون
عندي اعتاب آنه اعله اليخدمون
┅┈●⇝╭✶╮⇜●┈┅
خادمة اهل البيت عليهم السلام وخادمة مولاتي لُبابةَ عليها السلام
الشاعرة أزهار جبار الجياشي
نسألكم الدعاء
ولفاتحه لروح والدي
لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له
/channel/azhar979
بسم الله الرحمن الرحيم
وبه نستعين
ولا يحلوا الذكر إلا بالصلاة على محمد وآل محمد الطيبين الطاهرين
اللهم صل على محمد وآل محمد وعجل فرجهم وفرجنا بهم
المقدمه:
إلى جميع الموالين والمحبين وخدام اهل البيت عليهم السلام...أقدم بين أيديكم بحثي المصغر والبسيط هذا وادعوا الله لي ولكم بالتوفيق
عنوان البحث( الجانب الآخر لحياة أبا الفضل العباس عليه السلام ) وهذا الجانب هو زوجته واولاده وفيه بعض الحقائق المرتبطه بجانبه الأول والذي يخص كيف ولد وكيف ربته أمه أم البنين(ع) على أن يكون خادم لأبناء مولاتنا الزهراء( ع) وعن شجاعته وبطولاته وغيرته وكيف اصبح كفيل لأخته الحوراء زينب(ع) وإلى يوم كربلاء وما قام به من تضحية وفداء حتى نال الشهاده وشرح كيفية قتله مع الاختلاف بأقوال المؤرخين والآراء والروايات والبحوث ولكن كل هذا لا ينفي وجود زوجته واولاده...
ما رأيته وأنا ابحث بهذا الموظوع آلمني كثيراً لسببين الأول: بأن زوجته كانت موجوده في واقعة الطف مع بنات الرساله الفاطميات. والسبب الثاني أن للعباس(ع) اولاداً استشهدوا في كربلاء...وقد يكون الكثير منا لا يعرف هذا لأننا لم نسمع به في المجالس في شهر محرم من قبل خطبائنا وشيوخ المنابر وخصوصاً في يوم العباس(ع)وسأذكره لكم بأختصار إن شاء الله
على بركة الله ابدأ
1:من هي زوجة العباس(ع)..هي السيدةُ الجليله لُبابة بنت عبيد الله بن العباس بن عبد المطلب وكانت من سيدات عصرها وافضلهن نسباً وعفه وتنتمي إلى البيت الهاشمي اي انها هاشميه والزوجه الوحيده للعباس(ع) وكان لها دوراً في كربلاء وقفت مع زوجها موقفاً شجاعاً وساندته وبقت معه وهو يرفع لواء الثوره الحسينيه راية الايمان والعزةِ والفداء..واستمرت تقارع السلطه وقاسمت مولاتنا زينب(ع) المصائب والآلام وشاركت بنات الرساله برحلة السبي المؤلمه من كربلاء الى الشام وثم العوده الى المدينه وقضت سنتين بعد استشهاد العباس(ع) وكان لها عويل وبكاء خاص بين النساء فكانت تبكي ليلها ونهارها حتى اشتد عليها المرض وماتت سلام الله عليها وكان عمرها الشريف ٢٥ سنه وفي روايه اخرى ٢٨ سنه فكانت وفاتها سنة(٦٣هج) ولم يذكر اليوم والشهر روحي لها الفداء ويعتقد انها دفنت في المدينه المنوره مع نساء الحسين عليه السلام...
2:من هم أبناء العباس(ع):.هنا تضاربت واختلفت الآراء والاحاديث والابحاث والروايات وحتى المؤرخين عن عدد ابنائه وكأنه صعبٌ مستصعب فيا للعجب وكل العجب فهل يعقل ان لا يعرف عن العباس(ع) هذا الجانب وهو ولد وترعرع ونشأ وكبر في بيت الوحي والنبوه مع الأئمه المعصومين فلماذا كل هذه الاختلافات في عدد ابنائه سؤال يطرح نفسه...المهم بعض العلماء والنسابين وبعض المؤرخين يقولون ولد واحد وهو(عبيد الله) وآخر يقول اسمه ( القاسم) بينما تذكر مصادر اخرى هم ( الفضل وعبيد الله)ويذكر البعض (خمسة اولاد وبنت)وهم(الفضل وعبيد الله والحسن والقاسم ومحمد)ولم يذكروا اسم البنت...ولكن استوقفني أمر عندما بحثت في روايات الإمام زين العابدين(ع) التي ذكرت اسم زوجة العباس(ع)وابنائه.ذكرت بعض هذه الروايات اسم زوجته كما نوهنا عنه وله خمسة اولاد وبنت وهم( الفضل وعبيد الله والمحسن والقاسم ومحمد وصفيه)ويذكر إن القاسم استشهد في كربلاء
اما ما ذكره ابو اسحاق في نور العِين ص ٢٠...إن بعد نداء الحسين(ع)عندما ظل وحيدا بعد شهادة اخيه العباس(ع)خرج اليه غلامان من الخيمه احدهما محمد والثاني اخوه القاسم اولاد العباس وهما يقولان لبيك يا مولانا فقال كفى قتل والدكما فقالا لا والله يا عماه بل انفسنا لك الفداء فأذن لهما بالبراز فقاتلا حتى استشهدا..تمت
اعزائي هدفي من هذا البحث لا أريد أن اكون باحثه بل من اجل ان يتسلط الضوء على شخصيات بطوليه وبارزه في واقعة الطف تخص مولانا ابا الفضل العباس عليه السلام..وايظا هذا حالي عندما اكتب قصائدي لا اكتبها اعتباطا وبدون علم ومعرفه... وسنأتي للاسباب التي دفعتني للبحث في هذا الموظوع...
1:السبب الأول وهو من قبل فتره ما يقارب الشهر وأنا يدور في فكري وتفكيري ليلاً ونهاراً مولاتي لُبابةَ(ع) وخصوصاً عندما آوي الى فراشي لأنام بحيث وصلت لمرحله اتكلم بقلبي وروحي معها باستحياء وخجل لانني مقصره كثيراً بحقها واعتذر منها برجاء وتوسل ودموع فآليت على نفسي أن ابحث وأنشأ بحثي المصغر هذا لا لشئ بل من اجل أن يكون رسالة اعتذار لها وطلبت منها ان تدعمني وتسندي وتلهمني لخدمتها فلم تقصر مولاتي فلها الشكر بعد الله أذ توفقت بكتابة قصائد لها وسأنشرها لكم إن شاء الله...
2:.السبب الثاني وهو عباره عن سؤال بعد ما بحثت واطلعت على الابحاث والروايات اثبتت كلها وجود مولاتنا لبابة في كربلاء مع بعض ابنائها بغض النظر كان واحد ام اكثر فهذا لا ينفي وجودهم
التكمله 👇
متابعيني الأعزاء
السلام عليكم ورحمة الله وبركاته
بسم الله الرحمن الرحيم وبه نستعين
والصلاة والسلام على حبيبنا ونبينا أبا الزهراء محمد وعلى اهل بيته الطيبين الطاهرين
وعظم الله اجورنا واجوركم بشهر المصاب شهر الاحزان واحسن الله لنا ولكم العزاء وجعلنا وإيامكم من الناصرين لهم والباكين على مصابهم
أما بعد:
اعزائي هناك طريقان فقط وهما
الطريق الأول هو طريق الحسين ابن علي عليهما السلام وهذا ما نحن فيه وسائرين عليه وندعوا الله التوفيق والثبات على درب الحسين عليه السلام وقبوله لخدمتنا
الطريق الثاني هو طريق اعداء الحسين عليه السلام المتمثل بيزيد ابن معاويه لعنة الله عليهم ألى أبد الآبدين...وبما أن هذا الشهر ( شهر محرم الحرام ) هو شهر احزان آل محمد صلوات ربي وسلامه عليهم أجمعين فهو شهر احزان محبيهم ومواليهم والتابعين لهم والحمد والشكر لله اننا من اتباعهم ومحبيهم وموالين لهم...ولا يفرح بهذا الشهر إلا اعداء محمد وآل محمد...
اللهم صل على محمد وآل محمد وعجل فرجهم وفرجنا بهم واهلك عدوهم والحاقدين عليهم والفرحين بمصابهم من الاولين والاخرين لعنا يستغيث منه اهل النار يا شديد القوى ...
بعون الله تعالى وبتوفيق منه وبركات مولانا أبا عبدالله الحسين عليه السلام سأنشر لكم جديدنا
الاول: شعر منصه للرد على الفعل الذي قام به شيخ الحاقدين احفاد السقيفه الملعون( عداي الغريري )
والثاني: سأنشر لكم موظوع لاول مره يكتب بقلم شاعره وبعنوان( الجانب الآخر لحياة أبا الفضل العباس عليه السلام ) والحمد والشكر لله على توفيقي هذا ولشكر لمولاي أبا الفضل العباس عليه السلام...فترقبوا ذلك
والله ولي التوفيق
وفقنا الله وإياكم بهذه الخدمه المباركه ببركات مولاتنا الزهراء عليها السلام
خادمتكم الأصغر شأن والاقل قدر ما بين الخدم وبكل فخر
الشاعرة أزهار جبار الجياشي
نسألكم الدعاء
بالتوفيق والقبول ولفاتحه لروح والدي
سارعي بالحجز نزلت اجهزه جديدة لايجيج محرم وتبقين محتارة تعالي معي الى مكتبة عاشوراء
للتجهيزات الحسينية وما تحتاجه الملا واسعارنا مناسبة
👇 يـتـوفـر لـديـنـا 👇
أجهزة صوتية بجميع انواعها 📻
برين صوت الحديث 🔈
اكو غزل 🔈 تكنو سات 🔈
أرقى اللاقطات 🎙️
الباسمي الفضي الشور الطوك الستيل
كتب القصائد 📚
الوشاح 🎗️الكارتات 🎟️
طبع القصائد الحسينية ✍️📜
حقائب لحمل الكتب 👜
يوجد لدينا توصيل لجميع محافظات العراق 🛵
⬇️ للتواصل والاستفسار ⬇️
@ABRAR5325
@ABRAR5325
⬇️ كروب الأجهزة الصوتية ⬇️
/channel/+n-BgqsOHygw5OWNh
اللهم لا تحرمنا من نعمة علي عليه السلام وأنلنا شفاعته 🤲
متابعيني الأعزاء الاكارم كل عام وانتم ثابتين على ولاية أمير المؤمنين علي ابن أبي طالب عليه السلام
مبارك عليكم عيد الله الأكبر عيد الغدير الأغر
••❥ًً❀(•«﷽»•)❀❥ ••
اللهم صل على محمد وآل محمد 🥀
#جديد_وحصري 💥💥
ابوذيه + مقطوعة شعريه والختام رباطات هوسه لعيد الله الأكبر عيد الغدير الأغر لمولانا أمير المؤمنين علي ابن أبي طالب عليه السلام
الابوذيه
خفايا الكون تعلمها وسرها
تملّك حبك الروحي وسرها
وغديرك علي الفرحها وسرها
وبصمتلك بنبض الگلب هيّه
💐🌷💐🧬💐🌷💐
وحيّ الله بأمر نازل علينه
و الله امنصبه والي عَلِينَه
وعلى كل الخلك بسمك عِلَينه
وصرنه نفتخر شيعي الهويّه
مقطوعة شعريه 👇
💐🌷💐🧬💐🌷💐
يحيدر بس إلك ننطيها الاصوات
يقرآن العدل والحق والأحسان
منو غيرك اليستاهل يبو حسين
إمامي إنت والي الكل الأزمان
موش اصبع بصملك ازرك اللون
ابصمتلك يا علي من دمه الشريان
بايعناك كلنه ونعرفك زين
مثلك منوجد وبكل الاكوان
نزيها البسم حيدر الانتخابات
والي ويبقه والي عالانس والجان
من عالم الذر كل احنه بايعناك
واليوالي علي بس هو ربحان
اليبغضك سيدي ويكرها طاريك
دنيا وآخره وبكلشي خسران
خل يرجع يدور اصله من وين
ماله كل نسب ما اله عنوان
💐🌷💐🧬💐🌷💐
( ومنك نعرف // ياهو الاصلي والمنسوخ )
( حبك حيدر فاصل // بين الجنه وبين النار )
(وبس الحامي ادخيله// ننطي الصوت وننطي الروح )
( كلنه انبايع حيدر // بالدم والارواح )
( بدمي ابصمله// وحيدر ما اوفيه )
💐🌷💐🧬💐🌷💐
لخادمة اهل البيت عليهم السلام
أزهار جبار الجياشي
نسألكم الدعاء
ولفاتحه لروح والدي
لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له
/channel/xcrhyhvfewfhjkbqhj
https://youtu.be/J3JZVtBDlXs?si=tE821nXdhPkRzSJx
متابعيني الأعزاء عظم الله لكم الأجر وأحسن العزاء بذكرى استشهاد سيدنا ومولانا الإمام محمد الباقر عليه السلام ورزقنا الله وإياكم في الدنيا زيارته وفي الآخره شفاعته
فضلا وليس أمرا نرجوا دعمكم لهذا 👇المقطع فبدعمكم نستمر ونقدم الافضل بارك الله فيكم
••❥ًً❀(•«﷽»•)❀❥ ••
اللهم صل على محمد وآل محمد 🥀
جديد وحصري 💥💥
إن لم يكن قلمي حُراً ويحارب الظُلم لا يستحق أن يكون حسينياً
شعر منصه للفعل الذي قام حظرة معالي رئيس الوزراء في القمه العربيه التي أقيمت في بغداد بتبرعه ب ٤٠ مليون دولار لدول اخرى من خير العراق وشعبه...والشعب العراقي ٩٠ بالمئه منه يعيش تحت خط الفقر...هذا👇ما خطه قلمي المتواضع للرد على هذا الفعل وتكلم عن لسان حال كل عراقي
❀❀✦▬▬▬✦❀❀❀
يلسوداني خـصمك الله والــعباس
على الفعله الشنيعه اللي قمت بيها
تـتبرع بخـيري وآنـه اظل محتاج
فـعـلتك هـاي مـا واحـد مـسويـها
حـگي انطـيته للـناس العـليه تعيل
وعلـيهم يـشهد الحـاظر وماضـيها
ابـحـگ الشـعـب تـتبـرع بـيا مـال
الفـقر والعـوز هـاي الناس گاظيها
گـلي بـيا شـرع تحـكمنه وبيا دين
وحـگوگ الفـقـير الغـيره تـنطيها
فـقره شكـثر عـدنه وعـدنه ايـتام
تـغـض النـظر عـنها ومـا تهم ليها
اطـفال ونـِـسَه بـشارع تـنام الليل
مـا عـدهـم نـزل ارصفـه التـأويـها
خـصمـك ابـو الـفـقره والمساكـين
حـيـدر عـلي ولـلأيــتـام والـيـهـا
مـا قـابل أنـه بـهذا الجره والصار
اشكـلـتـها ذمّـتك هيـهات أبـريـها
ألـبي خـير اعـله شعبه ينثر الخير
ومـا يـنـطي الحكوك الغـير راعيها
❀❀✦▬▬▬✦❀❀❀
خادمة اهل البيت عليهم السلام
أزهار جبار الجياشي
نسألكم الدعاء
ولفاتحه لروح والدي
لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له
/channel/xcrhyhvfewfhjkbqhj
https://youtu.be/6ORoTN90U6c?si=H2zoGYzuEmag_hvr
لبيك يا زينب
متابعيني الأعزاء نصرةً لمولاتنا زينب عليها السلام نرجوا دعمكم لهذا 👇المقطع فبدعمكم نستمر ونقدم الافضل جزاكم الله خير الجزاء ووفقكم لكل خير
اضع عملي المتواضع بين ايديكم
🌺🌺🌺الفرحه الزهرة 🌺🌺🌺
كلمات الشاعره المبدعه ازهار جبار الجياشي بصوت وهندسه صوتيه خادمكم حسين الجوداوي ومن الله التوفيق والقبول ان شاء الله https://youtu.be/VneGTluvtl0?si=fkbqlkVzTe41FHhK
أنتباه أنتباه أنتباه
هااام جداً👇
السلام عليكم ورحمة الله وبركاته
من كان مع الزهراء صلوات ربي وسلامه عليها كانت الزهراء معه
اعزائي خدمة وخادمات اهل البيت عليهم السلام المخلصين والصادقين بخدمتهم لردع ومحاربة النشاز والمنحرفات في الشعائر الحسينيه اللاتي يسئن للقضيه الحسينيه ولمحمد وآل محمد صلوات ربي وسلامه عليهم أجمعين ولكل خادمه وللشيعه بشكل عام...كالمدعوه نور الهدى المياحي وامثالها وأُخريات اللاتي يصورن انفسهن في المجالس النسويه وينشرنها على مواقع التواصل الاجتماعي وهنه يتمايلن وكأنهن يرقصن على جراحات مولانا الحسين عليه السلام ويقولن عن انفسهن خادمات مولاتي الزهراء عليها السلام ومولاتي منهن برآء فلتعلوا اصواتنا وليكن شعارنا كلا كلا كلا نور الهدى المياحي ومن على شاكلتها ولتضج كل مواقع التواصل الاجتماعي وكل القنوات والكروبات بهذا الشعار لردعهن ولنصرة مولاتنا الزهراء عليها السلام التي نكرت مظلوميتها بنت المياح وبرئت اعدائها وظالميها وترضت عليهم إلا لعنة الله عليها وعليهم...أذ خرجت علينا هذه السنه بافكار شيطانيه وطريق منحرف وهي تسجيل القصائد في الاستوديوا حالها حال الرواديد والمنشدين بملامح وجهها وأيحائات جسدها وبدون حشمه وهذا يسئ لاسلامنا الصحيح وإلى كل خادمه وكل امرأه شيعيه...
فنطالب نحن خادمات اهل البيت عليهم السلام كل الجهات المعنيه والمراجع الدينيه وشيوخ المنابر والعتبات المقدسه في كل العراق وكل من يهمه الأمر بالقضاء على هذه الظاهره التي لا تمد بصله لخدمة اهل البيت عليهم السلام بل تسئ لهم...
هذا والله ولي التوفيق
عن جميع الخادمات وبالخصوص شاعرات اهل البيت عليهم السلام
الخادمه الأصغر شأن والاقل قدر ما بين الخدم وبكل فخر
الشاعره أزهار جبار الجياشي
يوم السبت
١٤/صفر/١٤٤٧ هج
ارجوا من الجميع تعميم هذا المنشور خدمةً ونصرةً للقضيه الحسينيه
قصيده ثكيله
كأني بلسان حال احدى بنات الحسين عليه السلام عندما هجم الجيش على خيامهم وحرقوا الخيام ولاذن بالفرار الى الصحاري
فرينه من الخيمه
آنه وكل ايتيمه
وصرخنه يا ويل
من هجمت الخيل
وركضنه صوب الهيمه
༄🔥 ★═━━▒ ━═★🔥༄
عمتي ورانه تركض وتصيح يا بناتي
يمه تعالن يمي احميجن بعباتي
حيرتي لتزيدنهه وتكثرن حسراتي
صاحت يبويه حيدر
احظر وحامي الخِدَر
وركضنه صوب الهيمه
༄🔥 ★═━━▒ ━═★🔥༄
شفنه الحرم مرعوبه ويانه كلهه ركضت
والخيم بهجوم الكوم بالنار كلهه شبت
وسحگنه فوگ الجمرات واجدامنه اتِجَوَت
عباس كلنه صحنه
يابو الفضل ادركنه
وركضنه صوب الهيمه
༄🔥 ★═━━▒ ━═★🔥༄
من شفنه هجمت الخيل متوجهه علينه
صوب الصحاري كلنه بخوف ورعب فرينه
صحنه يوالينه حسين وينك تعال احمينه
بويه سبونه هالناس
وينك أو وين العباس
وركضنه صوب الهيمه
༄🔥 ★═━━▒ ━═★🔥༄
لمن ركضنه بالبــــــــر بخيولهم لحگونه
وبلا حميه ولا رحــم بسياطهم ضربونه
لو طفل من عدنه ايطيح بالخيل ايسحگونه
جم واحد امن لزغار
جوه حوافرهم صار
وركضنه صوب الهيمه
༄🔥 ★═━━▒ ━═★🔥༄
ننسبي من ارذل بشر واحنه بنات الزهره
يا حالنه كلش صعب حال اليفسر الصخره
والضرب عنَه اتشگفه فخر الخدر الحره
هيه التكفلت بينه
من العدا تحمينه
وركضنه صوب الهيمه
༄🔥 ★═━━▒ ━═★🔥༄
لخادمة اهل البيت عليهم السلام
أزهار جبار الجياشي
نسألكم الدعاء
ولفاتحه لروح والدي
لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له
https://youtu.be/ODBjVgR60iU?si=bKU2AH8dcepGZPSa
اعزائي حباً وخدمةً لمولانا الحسين عليه السلام نرجوا دعمكم لهذا 👇المقطع فبدعمكم نستمر ونقدم الافضل جزاكم الله خير الجزاء
القصيده كتبت بأروع وأبدع الأقلام للشاعرات المبدعات خادمات كروب جبل الصبر زينب عليها السلام لكتابة القصائد المشتركه سائلين الله لنا ولكم بالتوفيق
https://youtu.be/-wFcNkrWH4k?si=GKEeCE-vyYXVfLXp
السلام عليكم ورحمة الله وبركاته
متابعيني الأعزاء فضلا وليس أمرا نرجوا دعمكم لهذا 👇المقطع نصرةً ومحبةً لمولاتنا زينب عليها السلام
وجزائكم من الله ومن مولاتنا كل خير بارك الله فيكم
••❥ًً❀(•«﷽»•)❀❥ ••
جديد وحصري ولأول مره يكتب بهذا الموظوع والحمد لله يكتب بقلمي
قصيده لمولاتنا السيده الجليله لبابة زوجة الرجل العظيم الذي علمنا معنى الوفاء وعرفنا ما هي الاخوه ذلك هو قمر بني هاشم ابي الفضل العباس عليهما السلام ..كأني بلسان حال مولاتي لبابة تخاطب سيدتنا ومولاتنا زينب عليها السلام. ...تقرأ بعدة اطوار
( نفس المصاب )
امصابي وي مصابج. يا بت الزجيه
الكافـلني كفـيلج. راح وكـطع بـيه
والكثرلي حزني
راح اوياه ابني
وعافوني غريبه. باراضي الغاظريه
امصابي وي مصابج. يا بت الزجيه
┅┈●⇝╭✨╮⇜●┈
أبد ما شفت الهموم ولا حزن اللفاني
عمـري ابهـيبه عشـته وي عباس آني
ابجاله ما شفت ضيم ولا حتى ثواني
ابفخر عشت بزمانه
مغطيني ابحنانه
عشت امدلله اوياه ابو جفوف السخيه
امصابي وي مصابج. يا بت الزجيه
┅┈●⇝╭✨╮⇜●┈
طيب اووّفه واحسان شهم كله محنه
ولـو مـره نـخـيـته تـنـضح غـيره مـنه
بـي كـل وصـف يـحتار لـمن اوصـفنه
كل عزي ودلالي
راسي بيه عالي
هد حيلي مصابه. راواني المنيه
امصابي وي مصابج. يا بت الزجيه
┅┈●⇝╭✨╮⇜●┈
ابحـنانه وبـوفائه الكـمر مـا إله مقياس
العمر كظيته وياه ابهيبه ورافعه الراس
وبـالـخوه تـعرفين مـاكـو مـثل عـباس
لجل اعضيده الحسين
قـدمـهـن الـجـفـين
ويكول العمر فدوه. لختي الهاشميه
امصابي وي مصابج. يا بت الزجيه
┅┈●⇝╭✨╮⇜●┈
ابغـربه يخت عباس يـا وسفه صفينه
اليحميني ويحاميج هالراح من ادينه
بعد عين ابو فاضل شمر يحدي الضعينه
دورات الزمن هاي
يالـبلـواج بلـواي
امخدرات الكمر حيف. بولية آل أميه
امصابي وي مصابج. يا بت الزجيه
┅┈●⇝╭✨╮⇜●┈
الكمر من طاح عالماي طاح وياه حيلي
حنـه ضلـعج يزينب وآنـه انـطر دلـيلي
كـفيـلج بـعد مـيعـود يالـحره وكـفيـلي
فكد عباس وابني
يا زينب ضهدني
ونمشي ونخليهم. جثث فوك الوطيه
امصابي وي مصابج يا بنت الزجيه
┅┈●⇝╭✨╮⇜●┈
لخادمة اهل البيت عليهم السلام
أزهار جبار الجياشي
نسألكم الدعاء
ولفاتحه لروح والدي
لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له
/channel/azhar979
السؤال:يا ترى ما السبب الذي جعل على عدم ذكرهم في المجالس الحسينية في شهر محرم وخصوصا في يوم العباس(ع)..تعجبت كثيرا وتألمت لهذا الأمر أذ لم نسمع بهذا لا من ارباب المقاتل ولا شيوخ المنابر الذين يتحدثون عن واقعة كربلاء لا يذكرون زوجة العباس(ع) عندما يذكرون اسماء الحرم المخدرات مثل(رمله والرباب وليلى وسكينه ورقيه سلام الله عليهن واخريات...
ونسمع عن القاسم ابن الحسن(ع) وعن اولاد مسلم(ع) وعن علي الأكبر(ع)وعن الانصار تفصيل عن وهب وام وهب وعن الحر الرياحي وعن عابس(رضوان الله عليهم)..ولم نسمع عن ابناء او ابن حامل اللواء البطل الظرغام الذي ضرب لنا اروع الأمثال بالاخوةِ والوفاء والتضحيات والفداء وحتى لم يذكروا في رثاء..
٣:.أما السبب الثالث والأخير هو عباره عن مطلبان
المطلب الأول:اطلب من كل المراجع وبالخصوص من سماحة السيد علي الحسيني السيستاني(دام ظله)ومن كل الجهات المعنيه بهذه الامور أن تخصص وتجعل يوم معين لوفاة سيدتنا لُبابةَ زوجة العباس(ع)ليكون يوم حزن وعزاء حالها حال باقي الوفيات لنساء آل البيت عليهم السلام...وليكن هذا المطلب مطلبنا جميعاً واتمنى أن يصل هذا الجهات المعنيه
المطلب الثاني:اطلب من خدمة اهل البيت(ع)فضلا وليس أمرا الشعراء والشاعرات ان يرثوا هاتين الشخصتين زوجة وابن العباس (ع)فنحن جميعا مقصرون بحقهم
المطلب الثالث والأخير:اطلب من الرواديد والملالي النساء أن يذكروهم بمجالسهم في محرم وخصوصا في يوم العباس(ع) لأن لهم الحق علينا جميعاً
اعزائي خدمة ومحبين ابا الفضل العباس عليه السلام خدمةً للعباس وزوجته وابنائه واعتذاراً منا جميعا لتقصيرنا في حقهم عمموا هذا البحث او المنشور او الرساله او الطرح سموه ما شئتم وسجلوا موقفاً مشرفاً مع مولاتنا لُبابةَ عليها السلام وجزائكم من الله ومنها كل خير إن شاء الله
هذا والله ولي التوفيق
وفقنا الله وإياكم بهذه الخدمه المباركه ببركات مولاتنا الزهراء عليها السلام
خادمة مولاتي لُبابةَ عليها السلام وخادمتكم الأصغر شأن والاقل قدر ما بين الخدم وبكل فخر
صاحبة هذا البحث البسيط الذي عملت عليه لأيام وليالي بمجهودي الشخصي دون طلب العون من احد ولم يساعدني احد
الشاعرة أزهار جبار الجياشي
نسألكم الدعاء
بالتوفيق والقبول
ولفاتحه لروح والدي
/channel/azhar979
••❥ًً❀(•«﷽»•)❀❥ ••
جديد وحصري 💥💥
إن كان قلمي لا يحارب الظلم والفساد والفاسقين ولا ينطق بالحق لا يستحق أن يكون حسينياً
شعر منصه رداً على الفعل المشين الذي قام به شيخ الغجر جل الله السامعين والمتابعين عداي الغريري بمقطع نشره وهو ينثر الجكليت على المصلين فرحاً بشهر احزان آل محمد صلوات ربي وسلامه عليهم أجمعين فردا على فعله الشنيع هذا 👇ما فاض به قلمي
┅┈●⇝╭✨╮⇜●┈
اخواني عليهم مرجعي كال
وافديهم ابروحي وآنه ممنون
وإلاخوه تشد احزام بالضيج
بشدتهم انطينه ارواح يدرون
وقدمنه شباب هواي وهواي
وحرّرنه الارض والكل يعرفون
وحفظنه اعراضهم من الدواعش
ابدم الشيعه تاليها ينكرون
لوّن بيهم حميه وصدك خوان
ابحزن حسين ويانه يحزنون
ولخاطر الخوه ألي ثبتناها
ابشهر المصاب اسود يلبسون
بس يا للاسف نكروا الوكفات
واحساني أبشر همه يجازون
بمحرم كل سنه نشوفلهم افعال
اولاد الردايا الما يخجلون
يا وسفه نكول اعليهم اخوان
شلون اخوان وبمصابي يفرحون
ولتكولون واحد دينه اوياهم
عني بهالامور اهواي يختلفون
ورجاءًاً لحد ايجامل بدم حسين
متشمتين همه ابذبحه وتشوفون
مره الهم عرس مره هلاهل
ابيوم العاشر وجوبي يدبجون
بمصاب حسين شيخ السنه فرحان
ويطش جكليت فوك اللي يصلون
اذا هذا الفرح يا نذل ما كفاك
دشد وصله بعد واركص يملعون
بهاي افعالهم ثبتوا ادله
والآل النبي هوايه يكرهون
بس جمله اخيره اختم كلامي
ما رايد الإخوه الما يشرفون
┅┈●⇝╭✨╮⇜●┈
لخادمة اهل البيت عليهم السلام
أزهار جبار الجياشي
نسألكم الدعاء
ولفاتحه لروح والدي
لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له
https://youtu.be/xiJYf0dGMZ0?si=xFHT20dN4BAllv-v
متابعيني الأعزاء عظم الله لكم الأجر وأحسن العزاء
فضلا وليس أمرا نرجوا دعمكم لهذا 👇المقطع فبدعمكم نستمر ونقدم الافضل وفقكم الله لكل خير
https://youtu.be/SBqcyg7oRHE?si=SbjRfA31gtAFEPui
متابعيني الأعزاء الاكارم عظم الله لكم الأجر بقرب شهر احزان آل محمد صلوات ربي وسلامه عليهم أجمعين
فضلا وليس أمرا نرجوا دعمكم لهذا 👇المقطع فبدعمكم نستمر ونقدم الافضل جزاكم الله خير الجزاء ووفقكم لكل خير
https://youtu.be/dMqfJRlh-fo?si=5pC7idAHOOvHLDCb
متابعيني الأعزاء الكرماء فضلا وليس أمرا نرجوا دعمكم لهذا 👇المقطع فبدعمكم نستمر ونقدم الافضل وجزائكم من الله ومولانا أمير المؤمنين علي ابن أبي طالب عليه السلام كل خير
نعي گرناوي للاحباب يوم العيد
عيد المكبره عالفاكد احباب
وعيد افراك للعنده بعيدين
الوياهم سعيده اكظينه الايام
بعدهم بالحزن صرنه امعيدين
كل عيد اليمرنه جنه كابوس
نكظيه ابدمع وبهظم وونين
ونكل للعيد اوكف لا تجينه
بعيد اهلك مشوا ما ندري لا وين
شلي بالعيد واهل العيد غياب
سكنوا باللحود اهلي الطيبين
بقلم ✍🏻الشاعرة أزهار جبار الجياشي
https://youtu.be/8j9pOlYuQQU?si=m3j77wqf1eLR524x
اللهم ارزقنا حجة بيتك الحرام يا الله 🤲
متابعيني الأعزاء فضلا وليس أمرا نرجوا دعمكم لهذا 👇المقطع فبدعمكم نستمر ونقدم الافضل وفقكم الله لكل ما يحب ويرضى ورزقكم حج بيته
#جديد محرم 2025
قريبا جدا 💥💥
#انتظروا.. ديوان هشيم الظلوع بجزءه الرابع
خاص بالدفنه والسبي والإمام السجاد والإمام الحسن المجتبى "ع" والأربعين والرجوع إلى المدينة
ديوان مرتب بطريقة المجالس
يحتوي الديوان وبمختلف الاطوار.. على القصائد الثقيلة والمربعه والنعي والابوذيه والفزاعيات الجنوبية والخفيفة والعزائية والهوسات واكثر
للشاعرة والملة رِضاب الاسدي
إصدار مكتبة حسن الطريحي للطباعة والنشر والتوزيع
شكرا لله ولساداتي وموالي أهل البيت عليهم السلام على هذا التوفيق 🙏🏻
https://youtu.be/Sh-M1hh0ynM?si=v9qoUITyFUkIySGA
متابعيني الأعزاء متباركين بالمولد الميمون لسيدنا ومولانا الإمام علي ابن موسى الرضا عليهما السلام واسعد الله ايامكم وقضى حوائجكم
فضلا وليس أمرا نرجوا دعمكم لهذا 👇المقطع فبدعمكم نستمر ونقدم الافضل بارك الله فيكم ووفقكم لكل خير