1850
مختصّه بنشر جميع القصائد الحسينيه / احنه غير حسين ماعدنه وسيله للتواصل مع الشاعر @a313l1
يمته اكبور البقيع نزورها
تحضر الشيعه وتوسم اصدورها
...
نحضر بيايوم ونسيل الدمع
وعالبقيع اندّوي العشره شمع
اقبور أهل المكرمه نور ويشع
يا كواكب مايغنص نورها
..
يا كواكب نور من رب السمه
اگبور متهدمه ابـ يادي ضالمه
گلبونه أمن الشوگ ليها مورمه
نور رب السمه يحيط بسورها
..
بسورها يحيط البخت والغانمه
گبور ماضاعت مثل نجم السمه
جارت اعليها الزمره الضالمه
ويه ال النبي ضهرت جورها
..
رغم ماجارت عليها أهل الحقد
ورغم ماهدمو گبور أهل المجد
هاي شيعتهم يجي يوم وترد
بعون الله الاضرحه يعمروها
...
إنعمر الاضرحه ونعلي القبب
الذهب مايحله إله اويه الذهب
شوگنه نطفيه وكل گلب التهب
الشيعه لازم يوم تأخذ دورها
...
يجي يوم وناخذ بثاراتنه
بسم طه وعترته راياتنه
ثارهم بعده تره مافاتنه
الدنيه بالمهدي تضوي بدورها
...
يضهر المهدي ومواكب لربعين
بالبقيع تروح تصرخ ياحسين
نلطم ونبجي. تره ترد السنين
هناكه ادلال الحسن انفورها
..
الدلال تفور ولـ مية هلّه
بحلگ مهدينه بحلاته البسمله
نزور وياه ونضيفه عد هله
وفاطمه ندواي بفزعنه كسورها
..
يابو صالح الك كسرات وهضم
اباب فاطم باجر نزيد اللطم
اهواي الك ثارات شنحجي شنضم
وربك بجفك الدنيه يدورها
...
وعله الباقر والحسن تبجي بحنين
وزين العباد وكبر ام البنين
ونسمع أمن الصادق الحن والونين
اهلك انرد ونشيد دّورها
....
علي محسن الفرطوسي
جرحك عني غطيه
مااكدر اصد ليه
إني بروحي حسرات
وبدمعاتي احاجيه
...
يهل الوادم صعب ماينشرح وضعي
اعله والدنه بهضم من انفجر دمعي
يبو اتراب بغيابك انكسر ضلعي
وبقيت اعله الدمع بالليل افز وانعي
يااكلبي شبعد بيك
خليني أكثر اذيك
روحي نتسرت آهات
وبدمعاتي احاجيه
...
مثل جمر الحطب لمن تلوحه الريح
هيج اعليك تسعر مهجتي وتصيح
زينب من بعد عينك تگوم اطيح
اكعد ياعلي ايتامك دمعها يسيح
راحت احلى أيام
بعدك صرنه ايتام
بكلبي شكد جراحات
وبدمعاتي احاجيه
...
رافگدت الدمع والنوح والحسبات
دليلي أمن الهظم ملجوم والحسرات
اول ليله من دونك يبونه نبات
شحسبلك جرعنه أمن الزمن لجمات
أهيم بعالم النوح
كلبي اعليك مجروح
بقت أبالي چلمات
وبدمعاتي احاجيه
...
فگد الأب صعب منه الدليل يذوب
ومن جرت حسرته تعرفه المتعوب
كابرت الجره واصبر بعد جم دوب
الليله ابفگد حيدر خل تذوب گلوب
ياكسرت دليلي
والرايح خليلي
اجر باليل ويلات
وبدمعاتي احاجيه
...
باجر عيد بس ياعيد من دونك
اليتامه وياهم بهل العيد يردونك
مشتاقين بويه لشوفت عيونك
صعب من بين ادينه لو يشيعونك
كل ايامي تابوت
حزني بصدري منحوت
بدمعنه الليله انبات
وبدمعاتي احاجيه
...
علي محسن الفرطوسي
گضه عمري بنوحي .. انعه لمذبوحي
لو طلعت روحي .. بالموت ارتاح
ياگلبي الدامي .. قربت أيامي
خاتمة آلامي .. الهم ينزاح
***
اكثر كلمه جرحتني علي گالو سبيه
غربه ولچمه ايامي بالدموع الجريه
راحوا أخوتي كلهم ولا ردو عليه
المن ضلتي لوحدي هلا بجيت المنيه
أنه الضيعوني أهلي ورحت ويه الشماته
من عالي الرمح ويصدلي المدلل خواته
حته بموتته يحرسني ياناس شغلاته
ارتاح بموتي .. واغفه بتابوتي
وتحضرني اخوتي .. ويرجعلي الراح
يحضرني الضامي .. قربت أيامي
خاتمة آلامي .. الهم ينزاح
***
لذيج الگعده مشتاگه اويه اخوي الكله غيره
صعبه بغربه موتتها تره بنت العشيره
عمري جروح خلصته وبعد هم موتي حيره
رحت اويه الغرب ميته اولا چني الاميره
لو راح الاخو محد يجي يعوض مكانه
چانت چلمة الخويه شكثر حلوه بلسانه
وهسه بموتي احتاج الوجوده و الامانه
جارحني مصابه .. عذبني غيابه
الدمعه السجابه .. لوگلبي الطاح
ريتك گدامي .. قربت أيامي
خاتمة آلامي .. الهم ينزاح
***
غريبه اجنازتي تطلع ولا تفزع حموله
گلبي ياهو إلي يبشره ويگول إخوتها ذوله
للطف عن خبر موتي حچي ماوصلوله
عندي شگد عتب يم الگمر ياهو اليگوله
هاي مدللتكم حته بالموته غريبه
تطلع من مصيبه وتدخل بثاني مصيبه
ماتت زينب ومحد حضرها ياعجيبه
رادت جيتكم .. شكد محتاجتكم
اترف رايتكم .. بدمعه اويه اصياح
يارفعة هامي .. قربت أيامي
خاتمة آلامي .. الهم ينزاح
***
اني الميته بالحسره أني الضيعوني
ضلت كربله ويايه صور إلها بعيوني
ثچيله موتت اخواني بعدهم موتوني
رداني الزمن مسبيه غربه الشيعوني
بعد جم دوب أضل أنحب صعب غيابي يلفون
أموت بغربتي وحدي ولا غمضولي العيون
ردت وكفتهم اويايه ردت الــ نعشي إمتون
گلبي ولجماته .. وحيرة دگاته
اخر ساعاته .. گاطع سباح
ياصوت ايتامي .. قربت أيامي
خاتمة آلامي .. الهم ينزاح
***
ياموتي تره الخوه تضل عازتها عازه
تكسر خاطر الجناز إذا وحشه الجنازه
أسياد البشر اهلي شعجب هيج أنتجازه
موتي بديرة الغربه عليه أشكد توازه
أريد بكربله موتي اندفن مابين الاحباب
أريد اتمدد وياهم يضمني نفس الاتراب
تراني ميته من ضيمي وهجرهم هاي الأسباب
يمهم دفنوني .. يلي إتشيعوني
كون تودوني .. نعش اعله ارماح
آخر أحلامي .. قربت أيامي
خاتمة آلامي .. الهم ينزاح
***
عيني تشوبح لدربك وحن حنة زياره
شوگي ياكل بصدري ألك مثل الشراره
كفالي اعتذر مگطوعه ايمينه ويساره
واني بكل صباح وكل مسه انخه الغياره
يوميه الهج بذكره متت واني بحسرتي
أيامي گضت بس ماگضت بعدك غربتي
أهل الشام جروحني ولا نشفت دمعتي
مگطوعه اخباره .. وماجتني ابشاره
بصدري اتشب ناره .. بدرك مالاح
يوگف ويحامي .. قربت أيامي
خاتمة آلامي .. الهم ينزاح
***
علي محسن الفرطوسي
صبراً جميلاً عالجرح .. ليل وذبح .. ماسلهمت عيني
أني الشفت وجه الصبح .. فوگ الرمح.. بعيونه يحاچيني
شما ابتعد عن كربله تتقرب الآلام
بنوگ الهزل سوط وحبل تتعذب الأيتام
راسك يصدلي أمن الرمح يحچيلي جرح الشام
كل خطوه چانتلي جرح هيمه وهظم ضلام
طبعه الحنين ايموته الفراگ .. گلبي مشتاگ .. ياجرحي
عشرتنه صارت ذكره يحسين .. بيسر ماشين .. ياجرحي
لوبرد جفي گلبي محروگ .. وحنت النوگ .. ياجرحي
شيبرده گلبي الملتهب
زينب وروح اويه الغرب
*
طرينه ياخويه الفله .. بهل القافله .. والتحدي ناس اجناب
تدري برقيه امدلله .. خدها امتله .. بدمعت حزن وتراب
خويه المثلها مدلله موش بسبي تنگاد
چفي اويه چفها بالحبل هالسفره ماتنراد
صعبه المصايب من شفت مگيد علي السجاد
لو تنزل همومي بجبل إبلا شك يصير ارماد
إني الأميره وبنت الأجواد .. صعبه انگاد .. يخواني
سديت آذاني من الاصياح .. يمته ارتاح .. يخواني
المثلي مو مالت دواوين .. خدري يحسين .. يخواني
إني إلي رباني علي
مو بالمجالس أنولي
*
أمشي بدرب كله خطر .. چان السفر .. كل خطوه بيه موتي
بعيني ترك هجرك أثر .. دمعي إنهمر .. ومبحوح ألك صوتي
بچعب الرمح خويه اندفع شگفيت أنه بجفوف
خلونه من بلد لبلد يبن أمي احنه انطوف
نسمع شتم نشبع هظم چم طفله رجفت خوف
ضهر الهزل ماينحمل خويه بعد شنشوف
تعثر الناگه وخوفنه نطيح .. من تهب ريح .. بغيابك
خلصان گلبي خويه خلصان .. هوايه تعبان .. بغيابك
ماشفت بعدك غير الجروح .. تطلع الروح .. بغيابك
عين الدمع لو سلهمت
تفز برعب دمعه رتوت
*
حگي إذا زدت العتب .. بيتي انهب .. ومن الزلم خالي
أم الخدر ذاك اللقب .. اسمي نتسب .. ويه السبي تالي
ثغرك يبو اليمه نضرب بالخيزران شلون
ياحاضر الشده علي أحضر يبويه أم عون
ياحيرت الماعدها أهل تبقه تدير عيون
تترجه اهلها بالشدد وخوتها إيحضرون
دمعات عيني ألك يحسين.. ياضوه العين .. بعيوني
شديت حيلي وضهري مكسور .. وناري تفور .. بعيوني
منين ماباوع على الناس .. ماكو عباس .. بعيوني
آمنين اجيبن كافلي
ويگلي يختي ادللي
*
حته برمش عيني اتضح .. دمعي الرشح .. يكتب جرح ماطاب
من هالبشر گلبي نجرح .. ضعني نزح .. والتحدي موش أحباب
بليل الخرابه عالترب ويه اليتامه نبات
من كربله باقي أثر بجفوفي هالچويات
تلگونه بالشام بفرح صعبه أحنه علويات
شحسب يخويه ياجرح ويامكثر اللچمات
يدرون ضعن حسين عطشان.. تلگتنه نسوان .. شتمونه
بدو الماي اگبال الاطفال .. والدمع سال .. شتمونه
بحجار شمرو ضعني بحجار .. گلبي محتار .. شتمونه
راسك اشوفه عالرمح
بذاك الحجر لچمو جرح
*
علي محسن الفرطوسي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
https://youtu.be/r0LJhqkCI_w?si=wQt5YIzraPVoWNeh
Читать полностью…
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
https://youtu.be/n4hdP8gc5w8?si=iNOwys9HzPu6HGPP
Читать полностью…
يامحمد من غبت غاب الضوه
ضيعتني بويه لو ضاع الهوه
ينزل هضيمه دمع اليتيمه
يامحمد
*
من الطفوله بعيوني دمعه
جفني بغيابك ذوبته شمعه
نعشك يغالي صعبه اشيعه
الخيمه طاحت الراح شيرجعه
فارگتني وصارت الدنيه جرح
عذبتني ليل عمري بلا صبح
بجفوني غيمه دمع اليتيمه
يامحمد
*
الزهره ضلعك فكدك كسرها
نار المصيبه يسعر جمرها
التفگد أبوها شينفع صبرها
تعيش بمناحه باقي عمرها
من وداعك ضاعت سنين دمع
ياغيابك ينحني منه الضلع
گلبي اعله ضيمه دمع اليتيمه
يامحمد
*
بيادمعه ابجي يل فارگتني
شيعتك إني لو شيعتني
بويه بمماتك هم موتتني
لجروحي والنوح بعدك عفتني
مانسيتك يلي عايش بالگلب
هذا حالي كلشي من بعدك صعب
عشت الحريمه دمع اليتيمه
يامحمد
*
آنه وجروحي جيت اعله قبرك
يابويه اشكي وعن حالي اخبرك
خليني اغفه ساعه اعله صدرك
الدنيا ضلمه ضيعنه بدرك
اشتكيلك الزهره مكسور وتون
بويه بعدك ماشفت غير الحزن
ضلوعي هشيمه دمع اليتيمه
يامحمد
*
ماضلت عيون فراگك عماني
جروحي اكبار والليل اجاني
مالحضه أنساك اگعد وتاني
فراگ الابو حار بناره چواني
ياحبيبي الموت بعيوني شفت
من عفتني بدمعة عيوني التفت
لو هب نسيمه دمع اليتيمه
يامحمد
*
تموت الاحلام بموتت حبيبي
ياوالدي أسمع نوحي ونحيبي
جنت أنته وياي لجرحي طبيبي
بعدك للجروح صاير نصيبي
كل حياتي صارت بلون الحزن
بس صورهم تحضن طيوف الجفن
الدنيا هيمه دمع اليتيمه
*
علي محسن الفرطوسي
يازينب يازينب يازينب يازينب
*
أفترگنه .. واليفارگ أهله عمره يعيشه مكسور
نهظمنه .. وإني اشوف اعله الرماح تميل النحور
ايفززني لو هب الهوه - بلكت عطر جاب
من جسم اخوي المنذبح - المتغطي بتراب
بطف المصايب كلشي راح - حته الحجر لمصابي ناح
زينب بعد ماتستراح - بيا عذاب
بكل خطوه نيشان الدموع - ماينجبر كسر الضلوع
شجم حافر تسحگه الجموع - اعله التراب
شجم ليل أضل مانايمه
عيوني لدربكم هايمه
جروحي بعد مالايمه - بغيابك
الدنيه اويه زينب مايله
أشكد مصايب شايله
طشت هذيج العايله .. بغيابك
بعذابي ... خلوني
بمصابي ... خلوني
يازينب يازينب يازينب يازينب
*
بقينه .. خويه بديار الغرب بعدك ولينه
بسبينه .. تره الماعنده ولي الله اليعينه
من المسه لحد المسه - دمعاتي بالعين
اصحه وابات اعله الدمع - يهلي يطيبين
بخدودي نهران وتصب - شجم حسره تعثر بالگلب
بسمك سواليف الدرب - أنته وين
شلونك يغافي اعله الرمح - ياغيمه وضعونك فلح
رويني من نحرك جرح - يالحنين
خليني أعيش جروحك
ماينشيع من نوحك
شد روحي خويه بروحك .. بچيني
يابو سوالف دافيه
عيني أبد ماغافيه
وياك اخذت العافيه .. بچيني
يگلبي ... لاتبرد
اعله تعبي .. لاتبرد
يازينب يازينب يازينب يازينب
*
بدينه .. احبال والحادي يمر بينه على السوگ
بچينه .. ومن بچينه اويانه تنحب گامت النوگ
اشلون البواتر غافيه - وزينب اسيره
بنت الحموله تنضرب - اربات العشيره
الماشايف الضلها بشر - راحت اسيره بهل السفر
بجفها الحبل تارك أثر - يامصاب
زينب يهل زينب مشت - للفرگه ناگتها حدت
الجانت اميره تغربت - ياعذاب
جفوف بحبل مچتوفه
أدخل غريبه الكوفه
ولا عافني ولا عوفه .. هالجرح
عشرتنه جانت حلوه
هاي النوايح تسوه
يحسين طحنه ابلوه .. هالجرح
غريبه .. اختكم
بمصيبه ..اختكم
يازينب يازينب يازينب يازينب
*
عطشنه .. الماي لو جابوه ألنه يجرح گلوب
بجرحنه .. الشوگ يكتل وإني اطرن ذيج الدروب
يطشرني جرحي اعله الحزن - وتلمني عبره
بعباس اشد حيلي البقه - وحجي اويه نحره
بالدمعه افك ريجي الصبح - وتفزعلي الدنيا بجرح
من الله لاينطي الذبح - والخيول
شيبت من هالجروح - عمري خلصته انوح
تالي من عدكم اروح - شرد اگول
شحجيلك اعله آلامي
محتاره خويه ايتامي
يانهر شفتك ضامي .. يبن أمي
يمسلبين اثيابك
هد حيلي هذا غيابك
بينه حده سلابك - يبن أمي
جروحي .. بغيابك
ينوحي .. بغيابك
يازينب يازينب يازينب يازينب
*
دمعتي .. تجري وسولف حزن وآلام المتون
بحسرتي .. ابني بيت أحزاني أو إركانه العيون
حزني عليكم ماگضه - ضل عايش وياي
بجفوفي اسد باب الفرح - ويلجمني الماي
ضعني نزح من كربلاء - بذاك الظهر مو بالخفاء
جسمك يضل ابهل العراء - ياغريب
لفني على جروحك دوه -يل جرحك يلجمه الهوه
شلون انذبح ذاك الضوه - شكد عجيب
قرآن اشوفك مو جسم
ترتل على روس الزلم
رغم التعب بس تبتسم .. ماتموت
ماي أنته ماشوفك عطش
خيرانته عالحومه نفرش
شي نعمه مالمك نعش .. ماتموت
حروفك .. مذبوحي
اشوفك .. مذبوحي
يازينب يازينب يازينب يازينب
*
علي محسن الفرطوسي
وفايه .. منطينك عهد
والرايه.. ماتنزل إبد
**
جينه نتوافد الك بعهودنه
نغلق البوب وتركنه بيوتنه
بأبِي أنْتَ اْو اُمِّي ونفسي وأموالي
انته ياأول ذبيح هوايه شاغل بالي
من طحت مو للأرض خلاك ربك عالي
ياأيه .. بالسجده وسِجد
والرايه.. ماتنزل إبد
**
يا تجاره منين ماجيلك ربح
يامُطر ومفيض بخيره الفِلح
واحد وسبعين بالطف نصرتك
بكد نجوم الليل هسه الگصدتك
جينه مشايه وتنومس رايتك
مشايه .. صرنه أكبر عدد
والرايه.. ماتنزل إبد
**
هالمواكب چنها بطفوفك خيم
تحترگ بالشوگ يحسين الخدم
عدنه ماي الموكب اغله أمن الذهب
من رحيق الجنه هنياله الشرب
الچاي بيه قُدسية لأسمك انتسب
بفيايه ... هنياله الگعد
والرايه.. ماتنزل إبد
**
الـ مشالك بيدك تعبره السراط
من سُليمان النبي وارث بساط
انته يا وارث جميع الأنبياء
انته إلي اتخدمك أملاك السماء
الدنيه ضلمه وإنزلك ربك ضياء
ويايه .. اشوفنك مدد
والرايه.. ماتنزل إبد
**
إذن آذان العشگ حان النشور
الف حجه والف عمره لليزور
اليزورك چنه عارج للسمه
ياخذ امراده وتبشره فاطمه
المايشوف الشمس بعيونه العمه
بدرايه .. هالكلمه وبعد
والرايه.. ماتنزل إبد
**
علي محسن الفرطوسي
جمالك إيه بجفوفك رايه
▪️▪️▪️▪️▪️
علي شد الثامه برز من خيامه
زعل بدر الساده ياهو ضل گدامه
ياعلي لمن تطب سوح الحرب بچيها
عمتك زينب تصد زم رايتك وفديها
تريد حچايه بجفوفك رايه
▪️▪️▪️▪️▪️
ياگمر بعوينك الأكبر يسمونك
مضحي لجل حسينك فنهم يلاگونك
كربله وهاي الزلم غيره وعزم بجفوفها
هاشمي وطِب للحرب يزرع رعب ويطوفها
زلم وفايه بجفوفك رايه
▪️▪️▪️▪️▪️
بيده لاح الباشط علي طبها مزامط
الجيش تسمع صوته بالجحافل لاگط
حيته طفوف المنايه وفزعته معروفه
الهوه يغازل لوه بطف نينوه بطيوفه
نطيت كفايه بجفوفك رايه
▪️▪️▪️▪️▪️
مايعوف حسينه للمخيم عينه
صگر يفتر عالروس صيدته بجفينه
ياصگر لوح السمه وامطر دمه بصولاتك
ياشهم بچي الزلم غيره وعزم كلماتك
جزه الرمايه بجفوفك رايه
▪️▪️▪️▪️▪️
بالعمامه الخضره كتب اسم الزهره
فاطمه تشد حيلك بياعلي يدگ صدره
حيدري هذا وزعل غاضب دخل ميدانه
شچم نحر بالطف نحر چنه الكمر عنوانه
أمير الثايه بجفوفك رايه
▪️▪️▪️▪️▪️
شد عليهم سيفه الموت صار بكيفه
ايلوحهم بالخزره اخذ منهم حيفه
خزرته تشبه رمح موت وذبح بعيونه
بالوغه ضنوة علي هذا علي يسمونه
الحرايب هايه بجفوفك رايه
▪️▪️▪️▪️▪️
علي محسن الفرطوسي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
بحاجتي نخيتك
خادمك واجيتك
ياابو طلبه واني اعرفك .. تگضي الحاجه
🔸🔸🔸🔸🔸🔸🔸🔸
الله خله الخير كله ابابكم
الصعبه تنحل من ازور اعتابكم
الله فرج همه كلمن زاركم
امن الفرح طاير يرد خطاركم
شكراً بدمعتي
لرحمتك جبتني
يابو طلبه واني اعرفك .. تگضي الحاجه
🔸🔸🔸🔸🔸🔸🔸🔸
أكصد الباب المراد بدمعتك
موسى إبن جعفر اليگضي حاجتك
يمه لاتحتار يسمع طلبتك
قبل لاتحجيها يعرف كلمتك
خيره غرگاني
بفضله خجلاني
يابو طلبه واني اعرفك .. تگضي الحاجه
🔸🔸🔸🔸🔸🔸🔸🔸
هذا دكتور العلل والمستحيل
ابابه من تدعي حزن گلبك يشيل
شما نذرنه الحضرة الكاظم قليل
الحاجه تگضي بعتبته وكل هم يزيل
واگف اعله بابه
والوفه بعتابه
يابو طلبه واني اعرفك .. تگضي الحاجه
🔸🔸🔸🔸🔸🔸🔸🔸
لو قرينه الفاتحه ونهديها
واحنه نقره البسمله ويگضيها
روحي تعبها الدهر تدريها
حاجتي يم بابك مخليها
ماتضل صعايب
تنجلي النوايب
يابو طلبه واني اعرفك .. تگضي الحاجه
🔸🔸🔸🔸🔸🔸🔸🔸
روحي شدة علگ وبشباچكم
يابو طلبه عشت عمري بجالكم
نضره هاليله بدمع جينالكم
يل گصدتو زيارته هنيالكم
زورو بالنيابه
عني ابمصابه
يابو طلبه واني اعرفك .. تگضي الحاجه
🔸🔸🔸🔸🔸🔸🔸🔸
روحي حنت والبُعد ماينحمل
على جناح الشوگ ودموعي تهل
ميت وشباجه ايردني عدل
لو نطوفه الدهر كله مانمل
تدري مالي غيرك
غرگاني خيرك
يابو طلبه واني اعرفك .. تگضي الحاجه
🔸🔸🔸🔸🔸🔸🔸🔸
بليلة مصابك دمع عيني يهل
گلب كل شيعي لمصابك منفعل
نعشك اعلى الروس لازم ينحمل
جروحنه من غيبتك ماتندمل
مدمع الغياره
لفگدك يتجاره
يابو طلبه واني اعرفك .. تگضي الحاجه
🔸🔸🔸🔸🔸🔸🔸🔸
علي محسن الفرطوسي
يانور نازل عل أرض هاليله
يانور نازل عل أرض هاليله
......
متصدره أخباره ... من السمه ابشاره
بجوف بيت الله نزل نوره الإهي
انولد حيدرنه ... محفله اليجمعنه
حيدر علي انته الولي ومحله التباهي
نتباهه بحروفه ... ارواحنه اطوفه
يابسملة عشاگ محله إسمه بشفاهي
يامحله هالفرحه ... الهايم ترك جرحه
وملتهي ابالفرحه المثلها مايضاهي
اشواگ عاشگ للحبيب اهديله
يانور نازل عل أرض هاليله
......
طيور الفرح نزلت ... أجمل لحن غنت
علي علي علي علي حيدر يغالي
أبيت ابو طالب ... جاء الفتى الغالب
بالكعبة مولود إو فرح گلب الموالي
اشعار نهديله ... نسهرله هاليله
سهران گاعد للصبح وانته اعله بالي
كل بيت كتبيته ... لحب حيدر اهديته
ياشيخ گلبي وسيدي وهيبة دلالي
يطيور أجمل تهنئه وديله
يانور نازل عل أرض هاليله
......
ياگلبي المجِرح ... بمولد علي افرح
الدنيا كلها انساها إو أمشي الأمامي
ويه الكمر اسهر ... وبحبك اتسمر
ماعندي غيرك سيدي انته غرامي
انثر ورد دربك ... ماجوز من حبك
يابو الحسن انته تصل حبي وهيامي
طير الفرح غنه ... للحضره يتعنه
يابو الحسن أسمك يظل أحلى الأسامي
ياغزل حيدر ياقصيده احجيله
يانور نازل عل أرض هاليله
......
بالبوب دگينه ... ندعو اهالينه
احضر حفلنه يالتحب هيم بهوانه
الخير بوجوده ... يمطر على زنوده
الخير كل الخير بالمولد اجانه
أنولد حيدرنه ... والفرح بالجنه
هالليله أملاك السمه تفرح معانه
كتبو اساميكم ... حيدره اليحميكم
بعونه الله مايوگع يضل عالي لوانه
الليله الموالي لازم يشد حيله
يانور نازل عل أرض هاليله
......
امساهره عيوني ... وماترمش جفوني
اكتب شعر وتغزل بأجمل قصيده
بياعلي مطلعها ... ابياتي تسمعها
ياشيعي افرح والفرح لجل الصميده
اكتب مواويلي ... ويشع بدر ليلي
كل بيت بسمك حيدره لازم اعيده
مجنون أنه بحبك ... من صغري بدربك
بيقضتي وأحلامي عشگ حيدر أريده
وين اليحب حيدر شعر انطيله
يانور نازل عل أرض هاليله
......
علي محسن الفرطوسي
اللهم صل على محمد وال محمد
اللهم عجل لوليك الفرج والعافية والنصر يالله
ولدي اربعتهم .. من قدمتهم
حبيبي حسين حبيبي حسين
اطلب رضاتك .. يبني وغلاتك
حبيبي حسين حبيبي حسين
**
اربعه اولادي اويه ضعنك مقصره اگولن ماوفيت
ياحُسين أقبل قليلي جبت ألك ولدي وأجيت
بخدمتك إني وبنيني عيوني يم ضعنك بچيت
فاتحه يبني اعله روحي ايسهل أمرك هالقريت
بهودج اختهم .. من زورتهم
حبيبي حسين حبيبي حسين
هاي الأميره .. الكلمه الأخيره
حبيبي حسين حبيبي حسين
**
بالضعن راحو حيادر زنودهم تلوي الحديد
ابو فاضل كافل اخته أبني [ذو البأس الشديد]
وجهي بيضه گبال زينب إلها سوي إلي تريد
حسين يامولاي گله وصير إله حامي وعضيد
حچي العيون .. بالحب يكون
حبيبي حسين حبيبي حسين
يوليدي أريد .. نعم العضيد
حبيبي حسين حبيبي حسين
*
مهجتك ياجعفر أبذل وإني اعرفك ماتلين
امشي بضعون الفواطم وعالهوادج صير عين
كلمه خليها اعله بالك انضيع من دون الحُسين
يبني هذا إبن الزجيه خيره المالي الادين
يم الفرات .. هالحب نجاة
حبيبي حسين حبيبي حسين
تروي ضماي .. هالكلمه هاي
حبيبي حسين حبيبي حسين
***
وانته ياعثمان أريدك تحرس اخيام الدلال
كربله بجفك تهزها لو ضعن مر بيه خيال
يبني ياعبد الله جفك يعدل الهودج المال
ولدي ترفعونه راسي وينضرب بيكم مثال
لحظة سكون .. تتكاتفون
حبيبي حسين حبيبي حسين
حامل لواه .. يسند كفاه
حبيبي حسين حبيبي حسين
**
لكربله وعاشرها يجري دمعي جن دجله وفرات
عالنهر ذيج المواقف طعم سوت للحياة
من عگب عينك ييمه العمر بعدك شتات
رضعت ولدي اعله امودك نحور توگع للخوات
نحره يگول .. لبن البتول
حبيبي حسين حبيبي حسين
يطلب رضاه .. يضحي بدماه
حبيبي حسين حبيبي حسين
***
علي محسن الفرطوسي
.....
القصيده لأم البنين عليها السلام
أسمع تونين . من ونتج گلبي انكسر
اسمع تونين
يمنه الحنينه . يمنه الحنينه
***
شلون حبها أنوِصفه أمنه كلها عاطفه
الغاليه هاي
بشيلة أمي البخت روحي بيها اتعلگت
وكت العطش ماي
جلمة اليمه شكثر منها حنينه
المايشوف امه صدك معميه عينه
الصبر من عدها احنه تعلمينه
ياأم الحسين يمج أصيح بعبرتي
ياأم الحسين
يمنه الحنينه . يمنه الحنينه
***
أنتي يل كلج حنان جفوفج التمطر أمان
يمه يمه
ونتج اتفسر الصخر يمه دلالي انفطر
والدنيه ضلمه
گمت أخاف أمن اليتم بسلا تروحين
الدنيا ماترحم أبد ياأم الحسين
يمه حاجيني گبل لاتغمض العين
هذا الولد هذا مكسور يم أمه يون
هذا الولد هذا
يمنه الحنينه . يمنه الحنينه
***
كاسر جناحي الهظم خوفي منج انحرم
وجهج إذا غاب
عيني تنبلعج نهر كلشي ولا هذا الخبر
ايغطيج الاتراب
كون أموت اوياج يل كلج محنه
يمه تكتل ونتج يابعد اهلنه
ليش منج ننحرم واحنه بصغرنه
يابعد العيون تسوين عمري ودنيتي
يابعد العيون
يمنه الحنينه . يمنه الحنينه
***
بعطر جفج دنيتي أمن الصغر كل راحتي
امن أسمع دلل لول
هسه اني أو دمعتي اليتم موت ضحكتي
وثگال الاحمول
جثه سوتني المناحه بوكت موتج
البيت چنه المقبره المابيه صوتج
لاتخليني صحت يمه امروتج
فتحيها العيون غمضتي والدنيا انعمت
فتحيها العيون
يمنه الحنينه . يمنه الحنينه
***
والله حيره حيرتي من أضل بغربتي
باجر بالطفوف
سولفيتيلي شكثر عن حرگ خيمه ونحر
وعن نهر وجفوف
يمه باجر موضلع تتكسر ضهور
الخيل تسحگني واضل عالغبره منحور
يمه اطشر أشلاء بظهر عاشور
باجر غربتي بطف كربله نشوف العجب
باجر غربتي
يمنه الحنينه . يمنه الحنينه
***
ياهو يحضر دفنتي يمه أضل بغربتي
وزينب غريبه
يمه من هسه استعد لطفهم اليذبح ولد
وياخذ سليبه
اليموت بديره غربه يريد العزاز
بكربلاء عاري ييمه وماكو جناز
لكل هلي واخواني بالطف باجر اعتاز
ياكثر الجروح تهدملي حيلي بكربلاء
ياكثر الجروح
يمنه الحنينه . يمنه الحنينه
***
علي محسن الفرطوسي
يافاطمة يافاطمة
****
يل كاسر ضلوع
ياباب الجذوع
مخليني إطفه واشتعل نار ومصاب
فاطم وره الباب
صدر السمه انصاب
دمعه بجفن طاحت تسولف ياعذاب
ظهري نكسر بمصابج .. كلما امر ابابج .. بنفاسي دُخان
گلبي يفز لعيونج .. وايتامج يريدونج .. بيتي امتله احزان
كلما يمر طاري الج دمعي يهل نهران
يم الحسن ضاع العمر بالونه والأحزان
اني علي يافاطمة بنعشج رحت دفان
طاح العمر ... يم القبر
يازهرتي .. ضاع الصبر
يافاطمة يافاطمة
****
شايل نعش نور
يادرب الگبور
شيعتها ودربي رسميته أبجروح
اصعب جرح چان
بم حسن دفان
واليشيع غالي يرجع كله نوح
يم الحسن حاجيني .. مافززاج اونيني .. ضاع العمر ضاع
الفاتحه أمن اقراها .. فوگ القبر ونعاها .. ياكسر الضلوع
جان الحلم نگضي العمر وانتي السند للروح
هسه بغيابج فاطمه ماأهوه غير النوح
صبري انجله يازهرتي بجرح الهجر مذبوح
فگدج صعب .. كاسر گلب
حيدر علي .. ودمعي يصب
يافاطمة يافاطمة
****
بروحي تشب آه
الغالي فگدناه
18 عمر الورد مومالت اجروح
گلبي الشبع ضيم
بجفوني اثر غيم
هوه اليفاركله غالي اتشوفه مذبوح
واضح جرح بعيوني .. اطفالج يسألوني .. آمنه متى تعود
زينب تون يم بابج .. ضاعت عليها اخبارج .. والغالي مفگود
هاي اليتميه اتحيرت زينبنه ماترتاح
مابيدي غير اصبر بعد وادري الصبر مفتاح
اليدفن حبيبه بنص لحد مايلگه غير اجراح
ام الخدر .. هل تنتضر
بسيل الدمع .. حد الفجر
يافاطمة يافاطمة
****
ليل الفگد صار
من عنده احتار
ماتغفه عيني أو اشبع بدمعي اليصب
ياجرح الاحباب
منه الجفن ذاب
ايهزني يالزهره الهوه لمن يهب
الفركه هدت حيلي .. صاحي ونوح ابليلي .. فاجعني المصاب
بدري بتمامه مشيعه .. راجع كسير ابدمعه .. وبثيابي الاتراب
بجفوفي ادفنها ورد ومسح بالجفون
ذكره مريره ومؤلمه الغالي مدفون
والله غيابج فاطمه مبين بالعيون
كسرة ضلع .. نار وصفع
بابي احترك .. سال الدمع
يافاطمة يافاطمة
****
علي محسن الفرطوسي
(كروب خاص بالقرأن كذلك يوجد قناة خاصة بتعليم القرأن الكريم)
/channel/ayaaa2585
شايل تابوت لوعمري نشال
دمعات العين تشرح هالحال
نعشج هادل متوني
دمعه اتغرگ عيوني
شايل تابوت
****
العشرتها حلوه للقبر راحت
تعاند سكوتي دمعتي الطاحت
غير الهضم واللوعه ماشافت
فاطمه لچمات اشكثر شافت
ياصبر يفيد ومضيع اعزاز
بنعش الزهراء طالع جناز
مايل ضهري شافوني
دمعه اتغرگ عيوني
شايل تابوت
****
مثل الجمر يسعر وسط روحي
بغيابج شمكثرهن اجروحي
بعدج تره ماينگطع نوحي
كلبي نذبح سميته مذبوحي
عاشرت النوح بغياب النور
ضلع الزهراء وگلبي المكسور
اشهگ حسره سمعوني
دمعه اتغرگ عيوني
شايل تابوت
****
فكيت ريجي بدمعة عيوني
نعش الحبيبه شالته متوني
درب المقابر غيره لو ني
مكسور ضهري وحيلي شافوني
ذاك البسمار تاركلي آلام
بس الحسرات وبالدار أيتام
ولدج من يسألوني
دمعه اتغرگ عيوني
شايل تابوت
****
دافنها بيدي وراجع بدمعه
الفارگ حبيبه ينكسر ضلعه
اگعد حزين ابداري أو انعه
النايم بگبره لبيته شيرجعه
الدافنله احباب يرجع مكسور
راحت ياناس قنديل النور
بفگد الزهره كسروني
دمعه اتغرگ عيوني
شايل تابوت
****
انضر ايتامي ودمعتي بخدي
مكسور گلبي تيتمو ولدي
عام الحزن بفگد ام حسن يبدي
راحت أم روحي وباقي لوحدي
زينب بالنوح شبتلي النار
لأمي اشتاقيت ترجع للدار
عنها لاتمنعوني
دمعه اتغرگ عيوني
شايل تابوت
****
بالدمعه ذابت عيني بغيابج
يوميه ايتامج تجي لبابج
فكدچ يزهره هاظم احبابج
ليليه امشي واشتم اترابج
كل حسره دگول بگلبي المصيوب
الشيعله احباب دلاله يذوب
ميت إني شيعوني
دمعه اتغرگ عيوني
****
علي محسن الفرطوسي
https://youtu.be/LqiBscnzKx4?si=TMHmxw0jVQxls-UX
Читать полностью…
سفره بظهر نوگ .. بجفوفي أحبال السبي
سفره بظهر نوگ
ياگلبي متعوب ياگلبي متعوب
....
ماتبرد جروح الگلب .. الشفته أصعب من صعب
بظهر عاشور
بالغربه عماتي شفت .. إني العليل اتحيرت
أمشي مجبور
الينولي من الغرب يحتاج اخوته
روحي اشتهت ملگه هلي بس أهلي موته
ذباح أهلي أسمعه ويهظمني صوته
محد رحمنه .. مشونه گوه اعله الهزل
محد رحمنه
ياگلبي متعوب ياگلبي متعوب
....
كل خطوه جانتلي ألم .. من المصارع للخيم
خطواتي تابوت
اليدفن أبيده هله .. تسولف دمعته الهامله
من يسكت الصوت
دافنهم بنص اللحد لو دافن الروح
جنازتك كسرة ضهر وترستني جروح
من بعدك عينك والدي طاوعني النوح
دفنيت العزاز .. ورجعيت مكسور الظهر
دفنيت العزاز
ياگلبي متعوب ياگلبي متعوب
......
ياوالدي نرجع حلم .. الطف أخذ مني زلم
كلهم غياره
رحنه على ضهور الهزل .. جم طفله تصرخ وي طفل
ماتطفه ناره
زينب اميره بت علي راحت سبيه
وإني عليل وهالسفر أثر عليه
يابويه اخذوني غصب احبال اعله اديه
من گيدوني .. عيوني على عيونك تصد
من گيدوني
ياگلبي متعوب ياگلبي متعوب
...
احنه اشرف بيوت البشر . . مو حلوه نمشي بهل السفر
يهدونه للشام
كل خطوه جانت جارحه .. حادينه مابيه مستحه
يضرب بالايتام
طبينه للشام وشفت بعيوني الصار
راس الحسين اعله الرمح شمروه بحجار
كلها اطلعت تشتم علي إكبار وصغار
گلبي التهم نار .. شتمونه ياحامي الحمه
گلبي التهم نار
ياگلبي متعوب ياگلبي متعوب
....
انضر رقيه بهل الوضع .. مسلوبه وتهل الدمع
وتنادي يحسين
بذيج الخرابه من تون متورم بسوط المتن
دم تهمل العين
اتفز يتيمه أمن الألم وتريد ابوها
جابولها الراس بطشت أو سكتوها
ماتت رقيه بالخرابه عذبوها
بعيوني لجمات .. يحسين موبس بالمتن
بعيوني لجمات
ياگلبي متعوب ياگلبي متعوب
....
عماتي اربات الخدر .. ياوسفه يحديهن شمر
من بعد عباس
وناتي تبجي الحجر .. من التعب ضهري نكسر
مخنوگ الانفاس
الموت ماخذ كل أهل بيتي بالطفوف
السجاد إني بعيني شفت ارماح وسيوف
عباس طايح عالنهر مگطوع الجفوف
مذوبح الحسين .. والراس شالوه برمح
مذبوح الحسين
ياگلبي متعوب ياگلبي متعوب
....
علي محسن الفرطوسي
بدرب السبي ... بهـيبـة نَبي
بت حَيدر الاسيره
؛؛؛؛؛؛؛؛؛؛؛؛؛؛؛؛؛؛؛؛؛؛
سبحانه رب الصورج رب السماوات
هيبتج هيبة نبي وحجابج أيات
ينزل اعليج الوحي بهيئة كرامات
راس أخوج أويه الضعن ضّوه لمسافات
لامومره ... ومخدره
بعالي السمه أميره
؛؛؛؛؛؛؛؛؛؛؛؛؛؛؛؛؛؛؛؛؛؛
حسين أخوها للسحگ صدره مضيفه
تشلع ضلوع الحوافر من تضيفه
الگاع عطشانه ورواها من نزيفه
للرمح عزب نحر من چان ضيفه
شال الرمح ... وجه الصبح
كلشي انتچه اعله خيره
؛؛؛؛؛؛؛؛؛؛؛؛؛؛؛؛؛؛؛؛؛؛
لوننضرج يازينب بعين البصيره
كون نتوضه بدمع ونصلي غيره
مانصدگ عالهزل راحت اسيره
راح اخوهه اويه الضعن شيخ لعشيره
صوط الشمر ... تارك اثر
حيرتهه والله حيره
؛؛؛؛؛؛؛؛؛؛؛؛؛؛؛؛؛؛؛؛؛؛
عفيه اخوهه الماتركهه بكل الاحوال
مشه راسه اوياها يحمي كل الاعيال
ينضر بحسره العقيله فوك الاجمال
راسه يمطر غيره لوشاف لضعن مال
لمن هوه ... راسه ضوه
راسه لحده وضميره
؛؛؛؛؛؛؛؛؛؛؛؛؛؛؛؛؛؛؛؛؛؛
راس اخوهه ايباوع لهيبة عبيهن
لو بجن يمه خواته ايصد عليهن
راسه غطه الشمس حته ايفيي ليهن
من كثر ضرب الصياط أمعذبيهن
الهمْ ينجلي ... ياكافلي
براسك وَحِي للغيره
؛؛؛؛؛؛؛؛؛؛؛؛؛؛؛؛؛؛؛؛؛؛
زينب انتي اعضم لغز صار بعباتج
بيج هيبة حيدره وغيره بصفاتج
مصحف براسج يرتك ابصلاتج
صرتي كافل زينب وتحمي خواتج
بروحج علي ... براسج ولي
يالبوة العشيره
؛؛؛؛؛؛؛؛؛؛؛؛؛؛؛؛؛؛؛؛؛؛
من دخلتي الكوفه ونتضرلج الناس
وكفتج وكفت علي وبطول عباس
مو مثل أي امرأة بالشرف تنقاس
أمن العرش خدرج نزل وخوتج حراس
بطف كربله ... انتي البسمله
مصحف حزن تفسيره
؛؛؛؛؛؛؛؛؛؛؛؛؛؛؛؛؛؛؛؛؛؛
للشاعر علي محسن الفرطوسي
شجرة نبوه بكربله مزروعه
زينب اميره ورايتج مرفوعه
▪️▪️▪️▪️▪️
سبحانه رب الصورج من نوره
قُل هل أتت مثلج مره مذكوره
اخوتها كلهم عالثره منحوره
سورة صبر بت حيدر اعظم سوره
عاشت هضم عاشت مُصيبه ولوعه
زينب اميره ورايتج مرفوعه
▪️▪️▪️▪️▪️
آدم بجالج وعتنه اويه ضعونج
مريم تهز نخله وتحشم عونج
تنزلج أملاك السمه يخدمونج
شلتي قضية كربله اعله متونج
آية وفه بماي النهر مطبوعه
زينب اميره ورايتج مرفوعه
▪️▪️▪️▪️▪️
براهيم قرر يفدي إسماعيله
تبدل فداه وستقبل التبديله
ونتي أخوج نهدم بالطف حيله
الذباح راسه برمح عالي يشيله
كبشاً عظيم امهشمات ضلوعه
زينب اميره ورايتج مرفوعه
▪️▪️▪️▪️▪️
انتي السفينه ومايطيح شراعج
نوح اعتناج وگام ينخه ابابج
بطوفانه كاتب دمعي بس لمصابج
لحفظ الرسالات انتي ربج جابج
أشجم نبي لجلج تسيل دموعه
زينب اميره ورايتج مرفوعه
▪️▪️▪️▪️▪️
ضعنج طلع من كربلاء للكوفه
تسبيحه اسمج ياغلاة احروفه
عباس يفديلج نضر وجفوفه
جنج علي وبالشام حلت خوفه
ذلت زلم بت حيدر المفجوعه
زينب اميره ورايتج مرفوعه
▪️▪️▪️▪️▪️
فوگ الرماح الروس تهتز غيره
زينب اميره وهم تضل أميره
وحدها لاچن تنحسب عشيره
ذلت يزيد بقصره ضل بحيره
كد كيدك بذاك القصر مسموعه
زينب اميره ورايتج مرفوعه
▪️▪️▪️▪️▪️
علي محسن الفرطوسي
جمالك حلالك شمس ما ضمها الغيم
يغالي ودلالي روح امك بيك تهيم
يجاسم والگلب فايض حنانه
بوجودك يشعر بحبه وأمانه
يغالي يغالي
**
يل متملك وجداني
حبك يجري بشرياني
بوجودك يابعد أمك كبر صيتي
وياك شمحله أيامي
يوليدي وبيك احلامي
بجمالك تسرح عيوني يعافيتي
اشوفنك كمر ليلي وشمس تضوي بنهاري
غزل تتمايل وعمرك نبع يوليدي جاري
على عيونك غفت عيني ولگيتك احلى طاري
إذا لحضات اضيعك تلتهب بشواگي ناري
غرامي وهيامي عطرك بنفاسي يفوح
كلامه ابتسامه الورد مو مال جروح
رجف گلبي وأحس هاجر مكانه
بوجودك يشعر بحبه وأمانه
يغالي يغالي
**
گلبي يشوفك نبضاته
انته الحاضن دگاته
بمنامي وصحوتي مافارگت حلمك
أركضلك ركض الضامي
ليك توديني اجدامي
بنفس واحد نعيش ودمي من دمك
هواي الما يهب منك بعد شلي بنسيمه
إذا وجهك اضيعه بعيني اشوف الدنيا هيمه
يهيبة رمله وبيوم الضمه تفزعلي غيمه
عدم هذا الوجود إبلا وجودك ماأله قيمه
يجنه ومحنه محبتك ماتنقاس
امانك حنانك امير الحب وحساس
عليت وجن لوه ترف بسمانه
بوجودك يشعر بحبه وأمانه
يغالي يغالي
**
الك كل المشاعر
حديث الديره صاير
نهر جاري وعذب من عنده نتروه
هله بشبل الهواشم
الك دلالي هايم
يبو الغيره الحسينيه يبو النخوه
عليك امن الحسد اقرأ بصدر هايج حنينه
أخاف وخوفي خلاني نمت ليلي حزينه
صفات ابن الحسن مضرب مثل لهل المدينه
يماي العين الك عيني تضل يبني رهينه
صفنتي وحسرتي وتضل انته اعله البال
حبيبي يشيبي أتنشف دمعي السال
الأخذ طبعك يضل سيد زمانه
بوجودك يشعر بحبه وأمانه
يغالي يغالي
**
وجهك من لون الگمره
منك اتروه بنضره
يكل أهلي اجيك بلهفة وبحرگه
متربي ابيت حسينك
يابو الشيمه مسمينك
بحنانك يبني وطبعك صعب الگه
أفز من نومي وركضلك أنادي ياحبيبي
يثمرة روحي من أمرض فقط انته طبيبي
يهنيالي بوجودك انته بالدنيا نصيبي
تباريني إذا أكبر وكت ضعفي ومشيبي
بصفاتك حلاتك عطش وحروفك ماي
اضمك وشمك يابو الغيره الوفاي
گلب واحد وأبو اليمه بدمانه
بوجودك يشعر بحبه وأمانه
يغالي يغالي
**
سبحان السوه عيونك
شگد عذال يحسدونك
منو غيرك بعد غوثي وضوه عيوني
ياشمعه التضوي اسنيني
إبلا نورك شلي بعيني
يحسدوني البشر حگهم يحسدوني
جمالك معجزه ونازل مثل مصحف قريتك
تميل الدنيا لو تزعل وإذا يضحك فديتك
عمود الخيمه أنته وهيبتي وبختي لگيتك
بليالي الطف شمع لو دم نزف هذا بلحيتك
بحياتي ومماتي بعد وجهك ماشوف
هويتك فديتك بس أنته بگلبي أطوف
بشر لا مو بشر صاير هوانه
بوجودك يشعر بحبه وأمانه
يغالي يغالي
**
علي محسن الفرطوسي