بصوت. مسلم المطيري
زينب لفت يم حسين
لاچن گابعه بالهم
كلمات الشاعر المرحوم
السيد عبدالحسين الشرع
ابوذيات بصوت. مسلم المطيري
كلمات الشاعرة
ام حسين المحمداويه
بصوت. مسلم المطيري
حين زينب عودت لديارها
كلمات الشاعر
موسى الأحسائي
بصوت. مسلم المطيري
هو الركض مو للزلم
چا زينب شلون اركضت
كلمات الشاعر
حسين حمدان الدلفي
بصوت. مسلم المطيري
#أبوذية
مثل حيرتي وياك حسين من حار
اضمك من عطش من خيل من حار
حشمتك لجن من گمت من حار (منحور)
شبت واشتبهت النسوان بيه
علي محسن الزيادي
#اللهم_عجل_لوليك_الفرج
#تراث
في رثاء الحسين (عليه السّلام)
بأبي الظامي على نهرِ الفرات
دمهُ روَّى حدودَ المرهفات
لستُ أنساهُ وحيداً يستجير
ويناديهم ألا هَلْ من مجير
ويرى أصحابهُ فوقض الهجير
صُرَّعاً مثلَ النجومِ الزاهرات
فدعاهم وهمُ فوقَ الرغام
جُثَّمٌ ما بينَ شيخٍ وغلام
نومكم طالَ فقوموا يا كرام
وادفعوا عن حرمِ اللّهِ الطغاة
لِمََ أدعوكم فلا تستمعون
أمللتم نصرتي أم لا تعون
بكمُ قد غدرَ الدهرُ الخؤون
ورماكم بسهامِ الحادثات
ثمّ ألوى راجعاً نحو الخيام
قائلاً منّي عليكنّ السّلام
فتطالعنَ لتوديعِ الإمام
وتهاوينَ عليهِ قائلات
مَنْ لنا بعدكَ يا خيرَ كفيل
إن حدا الحادي ونادى بالرحيل
وابنكَ السجّادُ مطروحٌ عليل
لم يطق حفظَ النساءِ الضايعات
سيّدي إن فاتنا السعي إليك
لترانا صُرَّعاً بين يديك
لم يفتنا الوجدُ والنوحُ عليك
أبدَ الدهرِ وجذبِ الحسرات
أبدَ الدهرِ لنا دمعٌ سكوب
وعلى نارِ الجوى تطوي قلوب
لا نذوقُ الماءَ إلاّ وتذوب
أنفسٌ منّا بنارِ الزفرات
بادرَ الرجسُ ( خولَّي ) ورمى
حجراً شجَّ الكتابَ المحكما
فأرادَ السبطُ مسحاً للدما
ليرى في مقلتيهِ مَنْ رماه
لا تسلني بعدَ هذا ما جرى
غيرَ أنّ العرشَ أهوى للثرى
وغدا الإسلامُ محلولَ العرى
وبكى الدينُ على حامي حماه
نكبةٌ دهياءُ من فجعتها
أخرجت زينبَ من خيمتها
تصدعُ الأكبادَ في ندبتها
حين وافته تنادي واحماه
أنتَ تمضي لأخيكَ المجتبى
وترى جدّاً وأُمّاً وأبا
وأنا أذهبُ في ذلِّ السبا
ليزيدَ وأراني وأراه
الشاعر المرحوم سيد رضا الهندي
(328)
#اللهم_عجل_لوليك_الفرج
انه الكاظم المسموم تدروني
غريب وعالجسر مطروح خلوني
*******
ايدي امكيده والكيد بجدامي
ومن سجن السجن كضيتها ايامي
الفرح ما مر عليه حته بحلامي
بدمع ومتون يا شيعه تلكوني
******
جوه الكاع سجني وكلش اظلم جان
وصلت المرحله ما اسمع الاذان
اريد اخذ نفس ما يقبل السجان
اموت واخلص امن الدنيه خلوني
******
انه الكاظم وضاع الهوه عليه
ولهسه اسياطهم الهن اثر بيه
ياربي الفرج كمت ادعي يوميه
بيوم الجمعه اريدنهم يشيعوني
*****
من اسجد جنت معروفه سجداتي
وابد ما تنمسح من خدي دمعاتي
جذب ماكو بشر يحمل معاناتي
كظمت الغيض والكاظم يسموني
******
يا شيعه المصايب غيرت شكلي
الي مكتوب اموت بعيد عن اهلي
كلها تصيح يمته نشوفك اتكلي
يتامه وعالجسر ضلو يتانوني
********
من طبع اليروح بعيد ما يرجع
غريب وجبدي والله امن السم اتكطع
شفت روح السجن وي روحي اجت تطلع
وصحت اشلون بس اربعه ايشيلوني
*****
انه الكاظم وذاك الالم عشته
وظلم هارون يا شيعه تحملته
عيني مساهره والنوم ما شفته
وبقعر السجون اسنين عافوني
****
تمت
تحسين الخفاجي
يــاهــو الـبـيـنـه حـارگ گـلـبـه ومتانيك
ويـاهــو الـبــيـنه صـافن بس يفكر بيك
يـاهـو الـيـسـهـر الـلـيـل بــدمــع محتار
ويـاهـو البـينه حد وجه الصبح يبجيك
حـجينه هـواي بس هو الحجي شيفيد
بـاللـيـل انـتـعـاهـد والـصـبـح نـجـفيك
فــكـرنـه بـخـلـگ مـاتـســوه اي تـفكير
وانـت ولا اُبـالــي ومــحــد يـنـاجـيـك
صلـفـه اگـلـوبنه اتـاني اللي مـايسوون
وماكو البينه صادگ يگعد ايـحـاجـيك
بــالـشـده نـنــدبك تـفــرج انــخـلــيـك
كــلـهــا اتــريــد مـنـك مـحد الينـطيك
يـاهـو البـيـنه يشعل روحه شمعه بليل
ويـبـلـل شـاربه بـدمـعـه الحزن طاريك
يـاهـو الـبـايـع الـدنـيـه بـرخص ويهيم
ومـن گـلبـه ولـسـانه من صدگ شاريك
مـحـد بـيـنـه عـاف الـدنيه ساعه بيوم
ويـگـعـد عـالــدرب يـنـتــظــرك يـحيك
اذا صـاحـبـنـه عـنـه يـغـيــب مـانرتاح
شـجـانـه وانـت امام وماسئلنه اعليك
يــاهــو البـيـنـه يـاكـل روحه بالتفكير
مــانـعـرف نــعـيـنـك نـعـرف انـئـذيك
الوفه وياك بـس الـشيـب والـدمـعـات
واحـنـه الـمـاوفـيـنـه بـيـمـن نـجازيك
اعـذرنـه اجـيـنـه انـــتــوب يـــامولاي
وهـالـمـره اجـيـنــه نـلـتــزم بـايــديك
وين اتـروح نـمـشـي اويـاك هيج نريد
وكـلـنه انـطيح دمـعه يــم اثر رجليك
قــصـرنه ونــضــل امــقـصـرين هواي
بــس بـمجلس احسـينك امل نرضيك
ابـدمـعـة الـزينـب انعينك يهالمهظوم
والـغـربـة رقـيـه نـبـجـي ونـواسـيـك
اللهم عجل لوليك الغريب الفرج
ابو حميدة الشويلي
#اللهم_عجل_لوليك_الفرج
بصوت. مسلم المطيري
ابوذيه
مولاتي العقيله
ســبــيــه ومـا الـي خـوّان .. يـوعـون
وگلت بلكي الغفوا عالترب .. يـوعـون
أتـانـي الـجـيّـت الـعـبـاس .. يـوعـون
ردت واحـد يـشــوف الـصــار بــيــه
*------------------------*------------------*
✍خـادم زينب (ع)
الشاعر رعد الجريخي
اصيح بصوت واركض وين ما ادري
حيهــم يــا ال هــاشم فرهدو خدري
ــــــــــــــــــــــــــــــــــــــ
اصيح بلافكر مدري اتجه ياصوب
ونيران الخيم لاحت اذيال الثــوب
حيهم ياعلي يل بالشدد منــدوب
لحك طفي نــار البلخيم تســري
ــــــــــــــــــــــــــــــــــــــ
تعال منالنجف يــاحيدر بهمه
ولحك ع البكه منعيال ابو اليمه
نسوان انولت وبعازة الزلمه
مــاتندل دربهــا ولايذه بكتــــري
ــــــــــــــــــــــــــــــــــــــ
يـــاطلابـــة المــــايوس مطلبهــا
ويـــاركــابت المـــازلمه يركبهــا
يهل الصافيه الماخبط مشربهـــا
شوفو خلافكم بيه شعمل دهري
ــــــــــــــــــــــــــــــــــــــ
يــاخيــالة المـاتـذعن لخيــــال
طفلكم بلوغه ينعد بلف رجـــال
احشمكم صدك موجلمة التنكــال
تــاه منالخطر يهل الشيــم فكــري
ــــــــــــــــــــــــــــــــــــــ
واحدكم جمر تتجادح عيونه
ومن حلك السبع حكم تطلعونه
عادتكم الطارش ماتــانــونه
اسرجو خيولكم يعصابتي وذخري
ــــــــــــــــــــــــــــــــــــــ
حيهم يال هاشم كـون مــا تدرون
عدكــم شيخ بهدومه العده يسلبــون
بكل حافر ضلع محتاره المه شلون
سابح بالدمه ومن كل كتر يجري
ــــــــــــــــــــــــــــــــــــــ
فكدت الراي واركض ع الجمر حافي
الـوج وصوطهم يلتف علـى جتــافــي
الوديته اعلــى مــاي عللنهر غــافــي
طفت عينه بسهم وانه نهدم ستري
ــــــــــــــــــــــــــــــــــــــ
شلون بلاخدر وتشوفنـــي العــدوان
وانه زينب وابوي الموش ياهو الجان
بت خدور وامــي تشرف النســــوان
شلـــون سيـــاطهم تدنــه يــم ظهــري
ــــــــــــــــــــــــــــــــــــــ
اركض ونهطر وانهض واطيح اردود
والعــدوان صاحــو بالخيـــم فرهــــود
حامـــي ضعــونه براك النهـــر ممدود
يريت الموت كبله كون اخذ عمري
ــــــــــــــــــــــــــــــــــــــ
اريد اوصل لخوتي والشمر ردني
طكني بحيله كله وطحت من طكني
شما هم ارد اكوم الصوط يجعدني
يدري بهاي يو عباس مايدري
ــــــــــــــــــــــــــــــــــــــ
ريت يشوف حالي الجابني بيمنــا
حتــى الســوط يثغب من اصيح احا
عليه امسى المسه وعباس موش هنا
وبــاجر بالضعن وي الفجــر نسـري
رائد الناشي
وفاة ام كلثوم بنت علي عليهما السلام
بأســم ام كلثــوم نحيـي هالعزاء
نسمع الصار وجرى ابطف كربلاء
بت علي فحل الفحول
نستمــع منهـا اشتگول
تگــــول
مــن يمـــر طـــف الرزايا بالخيال
ينهمــر دمــع الحـــزن والانذهـال
انوجه بحسره او ألم هذا السؤال
للمشــت مسبِـيَّــه بالحـر والرمال
يا أميـره وانتــي مــن ذاك الأميــر
شلون شفتي حسين بدمومه عفير
وجالت اعليه الخيول
نستمع منهــا شتگـول
جروحه غيمـه تمطر ابدم الغرام
حسيــن قربــان العلي رب الانام
تگول صدره مشتجر من السهام
طايــح وعينـــه تشوبـح للخيام
ركضت ابصدري الحوافر يا حسين
ريت دونــك نحــري محزوز الوتين
ودمي يتجاره سيول
نستمع منها اشتگول
تروي ام كلثوم بالطـــف اشجره
ابن ابويـه حسيـن حــزّو منحره
عالتــرب طايـح حبيبي خنصره
وشيبتـــه ابــدم النحــر متعفره
والهوى ما ظــل إلـــه بالطف مكــان
بـس غبــار الخيــل اشهـگ والدخان
ريت عمري ما يطول
نستمع منها اشتگول
بعد شتگول الغريبـه ابلا معيــل
تصرخ الاطفال عطشانه ابعويل
عمّه وين الماي ماظل بينه حيل
اتأخــر العبــاس عمنــه والكفيل
اشيقنــع الاطفــال عمهــم مــا يعود
گمــر هاشــم راسـه مصيـوب بعمود
وذِّرَن جسمه النصول
نستمع منها اشتگـول
والسبــي آه السبي دربي الحزين
يحــدي بينه الظالم ابلايـه معين
عالرمح يجري دما راس الحسين
بالخرابـــــه نزلونـــا الظالمــيـــن
من دخلنه الشام عدهـم شفنه عيد
اعلينه يرمون الحجر مدري شتريد
طلعت اتدگ بالطبول
نستمع منها اشتگـول
ماتــت ام كلثوم من هول المصاب
بالطفــوف اتجَرِّعَت چاس العذاب
والجـرح يبقــى اذا ضمــه التـراب
ينتظــر لابــد تجـي لحظة حساب
الله يلعـــن ابـــن مرجانــــه ويزيـــــد
كـــل معادي يسقــى مـــن مـاءٍ صديد
ذوله اعــداء الرسول
نستمع منها اشتگول
كلمات عمار الراشدي
اللحن : قصيدة (لو فرض)
للحاج : باسم الكربلائي
⬛️◾️▪️⚫️﷽⚫️▪️◾️⬛️
•● *(يكفي)* ●•
لسان حال أم كلثوم عليها السلام في أيام رحيلها
▼△▼△▼△▼△▼△▼△▼
يا دنيتي اشتريدين * يوميه بس تغدرين
يكفي أخذتي الاحسين2
كــافي يــا دنــيا قــهر كافي عــذاب
چم سهم صوبتي گلبي ابلا حـساب
ظهري محني صار من ثگل المصاب
و أدري ميفيدچ حـچي لو أي عتاب
عالگلبي من تدوسين * يوميه بس تغدرين
يكفي أخذتي الاحسين2
آه يــا دنــيـا شــنــو ذنــب الـــورود
ليــش غيَــبــتي الأحـــبـه بــاللـحود
ابتـِـديتي ابجــدي و ابــأمي الودود
حتى محسن ما وصل عمره المهود
صوبتي حتى الاجنين * يوميه بس تغدرين
يكفي أخذتي الاحسين2
مــا تــركتــينـي أنــام ابــلا دمــوع
ذاب گلبي اويه العمر مثل الشموع
اختــطفـــتي بويه من بيـن الربوع
و الحــسن عگــبه رحل ابلا رجوع
سممتي وسفه الاحنين * يوميه بس تغدرين
يكفي أخذتي الاحسين2
تالي عفتـيني أسيــره ابـلا عضــيد
و الكفــلني مــرمي ابــحر الصـعيد
موقف ايبچي الصخر مجلس يزيد
شــفته يضرب ابعــصا ثـغر الشهيد
عجبه ولا ترحمين * يوميه بس تغدرين
يكفي أخذتي الاحسين2
من عگـب كل المــحن و النايـبات
عـمري خــلص بـالگــبر لازم أبـات
و انتظر نعــشي يرفعـونه الــولاة
ريـت أخوتي جهــزونـي بالمـمات
و ابغربتي تشمتين * يوميه بس تغدرين
يكفي أخذتي الاحسين2
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
.
تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ
#انشروا_وشاركونا_في_الثواب
بصوت. مسلم المطيري
امي نعمه وكلهه خير
كلمات الشاعر
مصطفى الغريباوي
بصوت. مسلم المطيري
يزهراء. ترتفع صرختنه
كلمات الشاعر
رعد الچريخي
بصوت. مسلم المطيري
يالتشيعونه. يالتشيعونه
كلمات الشاعر
تحسين الخفاجي
✨خدمة محبي باسم الكربلائي تقدم:
📜قصيدة : زينب لفت يم حسين
✒️للشاعر : المرحوم عبدالحسين الشرع
🔖 المناسبة : رثاء السيدة زينب (ع)
ليلة 21 رجب 1440
🕌جامع و حسينية الرسول الاعظم_ بغداد
زينب لفت يم حسين
لچن گابعه بالهم
تگله يا ضوه عيوني
عليمن هالفزع ملتم
🔸🔸🔸🔸🔸
تعنت ليه للخيمه
وتفسر الصخر ونتها
طبت قعدت اگبالـه
وعالخد تهل دمعتهـــا
تـگله اعليك ضلع امك
المظلومه او مصيبتها
سولف لي يماي العين
لا تخفي علي يحسيـن
عليمن هالفزع صوبين
وأشوف ابكثر عج الخيل
وادي كربلــــه غيم
🔸🔸🔸🔸🔸
أويلي من سمعها احسين
سالت دمعة اعيونــــــه
يـگلها أخاف أسولف لـﭻ
او وجهﭻ ينخطف لونه
ابچتلى او چتل أهل بيتي
يختي الگوم يردونه
ولا بد ما تشوفينه
فوگ الثره امگطعينه
يزينب لا تنوحينه
عينج عاليتامه النار
لو شبت بالمخيم
🔸🔸🔸🔸🔸
تگله الكاتبك يحسيــن
من هالناس ﭽـا وينه
يگل لها يماي العين
كلها انگلبت اعلينه
تـگل له حمل اضعونك
او سدر للوطن بينه
يـگل لها ما يخلوني
أسدر بعد بضعوني
نيتهم يـچتلوني
ولابد ما تشوفيني
او شيبي يـگطر امن الدم
🔸🔸🔸🔸🔸
والأكبر عالأرض مطروح
يختي عيونج اتشوفه
او جاسم عالثرى مرمي
ابدال العرس والحوفه
وأخوج اعلى النهر نايم
ويمه امـگطعه اچفوفه
او يمه رايته او جوده
او عينه ابسهم ممروده
بطل حيلي على ازنوده
لو شفتيهن ابكتره
او جسمه اعلى الثره امخذم
🔸🔸🔸🔸🔸
يختي او سهم المثلث
ابدلالي تشوفينه
او عبدالله الطفل يختي
ابدم نحره امطوقينه
او لو شفتي الشمر يمي
ابعدي او لا تحاﭽينه
تره هو يـگطع ابنحري
او يتربع على صدري
يزينب عايني او صبري
لمن يحكم الباري
او هوه ابحالنا أرحم
ابوذيات للسيده رقيه ع
____
خذاني الشوگ يم بابچ وجرني
وصوت نحيب لوعاتچ وجرني
تعال اعله الشمر شدني وجرني
طگني،وشتماني ابن الدعيه
ــــــــــــــــــــــــــــــــــــــ
اليخدم حضرتچ اثبت رُقِيه
وتهد الحيل ياغصتچ. رقيه
تصيرلي من اون لج رَقيه
حرز مكنون يابت الزچيه
ـــــــــــــــــــــــــــــــــــــــــــــــ
نحلني اليسر خويه وسلني
وكلمن شافها احوالي وسلني
اسلي همومي بدمعي وسلني
ونوعي سوه لبتك رقيه
ــــــــــــــــــــــــــــــــــــــــ
ام حسين المحمداويه
نعي موشح نزله حين رجعوا السبايا إلى المدينة السيدة أم البنين تسأل السيدة زينب عما جرى عليها
حين زينب عودت لديارها
استقبلتها ام القمر بعبارها
استقبلتها ام القمر تجري الدمع
تقلها قولي لي وحق كسر الضلع
شصار ماصار وشنو هذا الوضع
انتي زينب لو خيال انوارها
شسوه وياچ الدهر يامخدره
شلون زينب صرتي هيچ امرمره
جاوبيني ياعزيزة حيدره
شاللي سوت كربله بخيارها
قعدي يمي واشرحي يامدللـه
وسولفي لي عن فعايل كربله
صدق يازينب حدابچ حرمله
ومارحم حادي الضعينه اصغارها
قولي يا أم الجلالة والخدر
واطلب ابهالمسألة منچ عذر
راح لو باقي أثر سوط الشمر
هالقضية بقلبي شبت نارها
قولي يابنت الوصي خير العمل
شسوه وياچ الدهر عقب البطل
صدق رحتي اميسره فوق الجمل
والأعادي تعزف ابمزمارها
ياللي چنتي امخدره ومالچ مثل
صدق بيديچ العدا شدوا حبل
وبالشماته والفرح طقوا طبل
وصدق دارت عالخدر كفارها
وسولفي لي يابعد ناسي وهلي
شصار بالديوان ياضنوة علي
صدق حاچيتي الزنيم الجاهلي
وحولچ الشام ابجميع امصارها
والعقلية صاحت ابدمع الألم
كافي يام عباس كل حيلي انهدم
صار كل شي من وقع راعي العلم
فارس الطف كافلي ومغوارها
رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي
السيد موسى الأحسائي
والفاتحة لروح والدي وذويه والمؤمنين والمؤمنات مسبوقة بالصلوات
هو الركض مو للزلم
جا زينب شلون اركضت
خمسين عمر ام الخدر
شوفولي حل يهل لبخت
چمره طاحت بت علـــي
أبچم چثــه بليل أعثرت
ماصايره بوادم كــبل
ياهو لسمع حومه أنولت
بس زينب وعند لعــرب
مرتين خدر الله أنسبــت
ياناس موهيــنه وعلي
نســـوان هاشم تنـــولي
الله وأكبــر ياهلـــــي
بلحــومه زينب صيــــحت
😭😭😭😭😭😭😭😭😭😭😭😭
ياهو من عدكم سمــع
حرمه ويركبوهه الهزل
ياهوه يقبل تنـــــضـرب
اخته ويجتفــــوها بحبل
ترضون زينـــب ياخلك
يضربهـــه بلسـوط النــذل
والحادي متعــــمد تـــره
من يدفع برمحــــة طفل
وشافـــت أبدرب سبي
شافت ألم ماينــــحمـل
موحكهه اذا ماتنعــرف
مابينت نقطـــة ضعف
بيــديهه من كثــر الشكف
كل الســــياط اتكطـــعت
هو السبــي الاول صعــــب
بس السبي الثانــي كلـــف
بلمرهــه الاولهه اتلوعــــــت
بلسبــي ثانــــي ولاعــــرف
لاوألـــي ضل ولاحــــمهه
والنــــاس كــامت تستخف
بيـــهه ويشمتوها العـــرب
وعيـــــونهه ذبلـــت نزف
ضلــــت وحيـــده ام الخدر
مثل الجنــــازه بلا جتــــف
امن السبي الاول باقي اثر
وثاني بالســــوط انحـــفر
اولا خاطـــــر عليهــه انكسر
شمســـــويهه هيج اتمرمرت
😭😭😭😭😭😭😭😭😭😭😭😭
أيـــدفعونهه أبكـــعب الرمح
وقـــبضة الســـيف وبالغــــمد
يضــــربوهه جدام الخـــــلگ
حته الشــــماتهه هم تهـــــد
والسوط مـــو سوط وكبل
من يلســع يشلـــع الجلد
چاهيـــج تاليـــتهه الخدر
بيه ناس غربهه التـــــنفرد
مو قصدي بس واقع صعب
بالمهــــدي تعرف بلقصـــد
عمتـــك وحيده ويه الــــزلم
انـــا ادري مابـــيهم شـــــهم
يابويـــهه زينب تنشتم
وناكه من سمعت بجت
الشاعر حسين حمدان الدلفي
بصوت. مسلم المطيري
بأبي الضامي على نهر الفرات
كلمات الشاعر المرحوم
سيد رضا الهندي
بصوت. مسلم المطيري
انا الكاظم المسموم تدروني
كلمات الشاعر
تحسين الخفاجي
بصوت. مسلم المطيري
ياهو البينه حارگ گلبه ومتانيك
كلمات الشاعر
ابو حميدةالشويلي
بصوت. مسلم المطيري
(( نـــعـــي ))
مــــــن وكفت عللتل زينب تصـــــــيح
هــــــذا حسين طايـــــح يابو فاضــل
عفه واختك تظل تگوم وتطيــــــح
وتتمايل مثـــــــل ميل السنابــــــل
التعب هدني وطفه بعيني المصابيح
غرب تحدينـــــــي عگبك وانت كافل
اطفالك للســــــبي مــــو للمراجــــيح
شوف شلـــــــــون بينه الوكت مايل
الحزن گلبـــــــي ولا يحتاج تــــوضيح
من يوم الزچـــــــية حــــزن شايـــــــل
وهذولة اخواني عالغبرة مذابــــــيح
وعگـــــــب ذاك الضوه ظلمة المنازل
دوي دور الهواشم چــــــان تســـــبيح
وقرأن وحــــــديث وحـــــــــل مسائل
الشاعر وائل احمد الوائلي
بصوت. مسلم المطيري
اصيح بصوت وركض وين ما ادري
كلمات الشاعر
رائد الناشي
بصوت. مسلم المطيري
بأسم أم كلثوم نحيي هالعزاء
كلمات الشاعر
عمار الراشدي
بصوت. مسلم المطيري
يادنيتي اشتردين
كلمات الشاعرة
الملاية زينب المؤيد
بصوت. مسلم المطيري
على المسموم... هاشم ما تفزعون
====================
تغسلونة وتچفنونة وتشيعون..
على اچتاف الولد نشعة يشيلون..
على التابوت كون اهلة اليونون..
ويم اجنازتة اخوانة ينحبون..
اللحگولة يخوتة موش تبطون..
ياحيف الدهر بالكاظم ايخون..
غريب ويا حسافة ايموت مسجون..
ناحل والوجه متـــــغير اللون..
حماميل اربعة نعشة يحملون..
موش انتم على العيلة تنامون..
حگها لو تصب من دم العيون..
================
أسالكم الدعاء رائد الاسدي
*
امي نعمه وكلهه خير..
امي يم كلب الجبير..
اشما اوصفنج احير.. يمه يمه
................
1_صوغة الله امي ونعمه وعافيه..
ام كلب ابيض وجلمه الدافيه..
تسهر اعلينه والوادم غافيه..
نحلف ابنيتهه كدما صافيه..
ابكل صلا اصرخ ابصوت..
وادعي انه ابكل قنوت..
كون كبلج يمه اموت..يمه يمه
.....................
2_الفارك امه ايتيه الله ايساعده..
الدنيه كلهه اولا افراك الوالده..
هيه بس ويه الوفه متوارده..
يمه ضميني ابحنانج بارده..
اية الله بلحنان..
ماكو منهه ابكل زمان..
يمه حضنج كله امان.. يمه يمه
.................
3_امي جنه وجنه تحت اجدامهه..
انسه هم دنياي بس كدامهه..
الحمد لله ابيتنه مادامهه..
الفارك امه اشكد يحن ليامهه..
جن يعيش ومنكسر..
اشكد يعاتب بلكبر..
ابفركتج ماضل عمر.. يمه يمه
.................
4_امي غير الخير النه اشرايده..
وتبقه دوم اول عجيبه وخالده..
هيه البنص كلبي ضلت كاعده..
العمر من دون امي مابي فايده..
الراحه ماشافتهه يوم..
امحزمه اعلينه وتحوم..
مثل امي ماكو دوم.. يمه يمه
.................
5_يلعزيزه وحضنج ايدفيني..
دعوه منج تسوه كل اسنيني..
وحدي يمه فدوه لتخليني..
ابشوفتج بس انتي اكحل عيني..
البيت من دونج احس..
صبح ومفارك شمس..
يلا اعز من النفس.. يمه يمه
كلمات خادم اهل البيت
مصطفى الغريباوي
نظره مولاتي فاطمه
يزهراء ترتفع صــرختنه
يزهراء خدمتچ جمعتنه
*---------------*---------------*
الساوم بضلعچ تره ايعيش ابندامه
حاله حــــال الخله بخدودچ علامه
الله ميسجله بسجل هـاي الخدامه
يخسر الدنيه ويذل يـــــوم القيامه
تشفعين للتهل اعيونــــه
تشفعين للخدم مضمونه
*---------------*---------------*
خدمتچ يـــــم الحسن خيمه علينه
واليعوف الصرخه هاي يعوف دينه
والله والله عالضلع مـــــــا جاملينه
والله يـــدري يالزچيه اشكد بچينه
بالدموع قصّتچ نرويهه
بالدموع نــارچ انطفيهه
*---------------*---------------*
دمعة عيونه المحب لجلچ يصبهه
انتي ياهي والرجس بالخد ضربهه
شفتي نار الضالمه اليسعر حطبهه
صعبه اگولن فاطمه الكسرو گلبهه
يگولون وكّعوا محسنهه
يگولون والجروح اذنهه
*---------------*---------------*
باب دارچ محترگ لــــمـــــن سمعنه
ذاك يــــوم وهذا يــــوم ايهل دمعنه
مجلسچ خيمه وتحت ضله انجمعنه
الچ فــــــدوه اصدورنه ومحد منعنه
يضنون كسرتچ ننساهـه
يضنون ننسى بضعة طه
*---------------*---------------*
رادو انعوفچ تـــــره وننسى القضيه
واحنه منعوف اللطم حـــــــد المنيه
عهد هـــــــــذا وياچ يالزهره الزچيه
صرخه وحده اتصيح هاي الرافضيه
الچفوف للطم منـــذوره
الچفوف تنگطع معذوره
*---------------*---------------*
لوعه الـــــچ بصدورنه ويلهب جمرهه
يالزچيه وهالخدم نــــــــــذرت عمرهه
شــــــرف تبقه الخدمه لليعرف قدرهه
انضمد اضلوعچ نحس ويخف كسرهه
دعيناچ فاطمه حضرينه
دعيناچ بالخدم سجلينه
*---------------*---------------*
✍ بقلم خادم الحسين ع
الشاعر رعد
يالتشيعونه يالتشيعونه الكاظم غريب اعله الجسر يالتشيعونه
******
بالسجن يا ناس خلصت اسنينه
للفرج يدعي ودمعته بعينه
كافي يا دنيه لا تجرحينه
امن السلاسل ذيج الله اليعينه
لا تتانونه لا تتانونه بالسم ابن جعفر كضه لا تتانونه
*******
امن الشمس محروم وحيرته حيره
والسجن غير كل تعابيره
راسه عالقبله ياهو اليديره
يصرخ الناعي راح ابو الغيره
غمض عيونه غمض عيونه الكاظم يشيعه بهل المسه غمض عيونه
******
كلهم الجمعه يم جسر بغداد
وضلت الشيعه تنطر الميعاد
كلها تتأمل والامل ما فاد
مات ابن جعفر واهله كلها ابعاد
يالتشيلونه يالتشيلونه بهادي بله ويالنعش يالتشيلونه
*****
قصة الكاظم ما حملها انسان
جان يتمنه يلكه يمه اخوان
من كثر صبره حير السجان
وتصفن الحيطان لو قره القران
ما يشغلونه ما يشغلونه عن طاعة الباري ابد ما يشغلونه
******
ايده من الكيد ليش دمها ايسيل
امن الحديد اهواي جسمه ضل ايميل
والله ابن حعفر عنده ما ضل حيل
والنهار اشلون ايعرفه من الليل
ما يخلونه ما يخلونه لو راد يشتم الهوه ما يخلونه
****
اربع احماميل عالجسر خلوه
والطبيب يصيح بيا ذنب سموه
بالدمع والنوح شيعته اتلكوه
لطمو اعله الروس وبالحزن شالوه
وحشه من دونه وحشه من دونه بغداد والدنيه اصبحت وحشه من دونه
********
تمت
تحسين الخفاجي
