1472
قناة خاصه للقصائد الشعريه احزان وافراح اهل البيت ع واخبار عن مجالسي الحسينيه للتواصل انقر على هذا الرابط واكون بخدمتك ثواب عمل هذه القناة لتعجيل فرج مولاي صاحب الزمان عج @Rere_1961
گعديه السيدة زينب (ع)
هالليله زينب بقت وحدها
شيريد هذا الزمن من عدها
ضلت بلا وليان
وحسين عالتربان
شيريد هذا الزمن من عدها
١
الليله زينب بالمدامع حايره وتكسر الخاطر
صافنه بليل المواجع عالجثث گامت تناضر
اتعاين حسين بدمعها امهشمه ضلوعه الحوافر
محتاره بدموع الصبر
زينب ومشدوهه الفكر
للسبي ضلت تنتظر
تدري راح اتروح باچر
بالطف تنادي منهو يسمعها
مجبوره من هلت مدامعها
لا خيمه لا صيوان
وحسين عالتربان
شيريد هذا الزمن من عدها
٢
ضلت بحيره تعاين والأفكار اتدور بيها
وين چانت وين صارت سكته مخنوگه ابچيها
زينب العالمه الحره الناس تتفرج عليها
من بعد عزها الطالبي
ايشاهدها گام الاجنبي
ومحرگه اطراف العبي
بعد مافگدت وليها
زينب وحيده بغير اخوتها
تجري على الخدين دمعتها
بس هيه والنسوان
وحسين عالتربان
شيريد هذا الزمن من عدها
٣
بده ليل الصبر توه وزينب اتعاين بعبره
بعينها اتشوف الكواكب والگلب مليان حسره
تدري بحسين ومصابه الخيل من هجمت صدره
زينب وحيده وصابره
الياصوب تمشي حايره
معقوله كل هذا الجره
يمها لو حاضره الزهره
اتمنت الزهره هسه لو تحضر
اتشاهد حسين اعله الثره اموذر
فوگ الثره الصحبان
وحسين عالتربان
شيريد هذا الزمن من عدها
٤
صدت الصوب الشريعه والأم بالروح يكبر
وين كافلها وحماها دمه ينزف بعده أخضر
اتعاين بعيده المسافه شلون توصل يمه تگدر
محتاره تمشي بالفله
لو نوت تتوجه اله
شلون تگدر توصله
والنهر مليان عسكر
فوگ النهر قربان
وحسين عالتربان
شيريد هذا الزمن من عدها
٥
شسوه بيها الزمن انظر زينب وشاهد وضعها
عالجره والصار ابدن مانشف لحظه دمعها
چم ضلع الها تهشم حنت ولزمت ضلعها
بالحومه قدمت چم ولي
زينب ومدمعها ايهلي
وبصوت نادت ياعلي
لچن محد ماسمعها
ضلت وحيده ومحد وياها
من بعد ماضحت بولياها
قرآن يم قرآن
وحسين عالتربان
شيريد هذا الزمن من عدها
المصيبه
زينب الضلت وحيده شحالها بهاي المسيه
لا اهل لا والي عدها بهذا ليل الغاضريه
والأطفال اتحوم يمها اتعاين السكنه ورقيه
ليل الصبر ليل الدمه
والعيله بالبر هايمه
وزينب تعاين للسمه
حايره بليل المواجع ضلت بهذا وضعها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
تجليبه (٢) السيدة رقيه
بگلبك يالمحب أنظر المرقدها
رقيه الماتت أعله حسين والدها
رقيه التركت بصدر الحرم عبره
من طلبت أبوها ورادت اتنظره
جابوا راس ابوها وشبگته بنحره
عليه تبچي بدمع والراس ساندها
تناشد يامصيبه امنين أجاني البين
غطاني الحزن ودموم تجري العين
رقيه اتناشدك جاوب يبويه حسين
ترضه تعوف بنتك بويه وحدها
عزيزة گلبك أني وأدري أني بهاي
محد مابقه ايساندني بويه وياي
ظلمه الدنيا من بعدك يضي عيناي
أگعد وأنظر البنتك وشاهدها
أخلص كل دمع عـيـني والك ابچيه
وأبد ماريد عمري الما اشوفك بيه
أعيش شلون بعدك والعمر اگضيه
وتدري انته برقيه غيرك اشعدها
رقيه أشعدها غيرك وانته تعرفها
بس هظم ومصاب الطف يوالفها
احير امنين الك للحاله اوصفها
يكفيها الدمع ظل ياكل بخدها
سكتت من المها بكثر ماناحت
على الراس الشريف وبالافق لاحت
شبگت راس ابوها طفلته وماتت
وعلى هايه رقيه الزمن خلدها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيده مولاتي رقيه (ع)
طفله تصيح و أدري أشعدها
تريد تشوف بس والدها
فزت و بحزن نادت
رقيه أشطلبت و رادت
تريد تشوف بس والدها
-------------
من أحداث الطف وشاهد هاي الرحله وهالأحزان
مسبـيه العيله ومتوجهه للشام بولـية عدوان
وأقمار التحرس عافوها متوسدين أعله التربان
لا ناصر ظل يحمي العيله ظلت بالطف الوليان
لرض الشام من وصلوها
أبلا وليان من طبوها
طفله وبالدمع صاحـت
رقيه أشطلبت و رادت
تريد تشوف بس والدها
------------------
من طبت للشام العيله هـاك أسمع يالتسـمع زين
طفله وفزت گام أتنادي وتشاركها دموع العين
ياعمه ودلالي أتفطر وين الوالد غايـب وين
ماتدري ولوتدري الطفله وين وعدمن راس حسين
شوف شلون زيدوا همها
من الراس جابوا يمها
يمه أقـتربـت وصارت
رقيه أشطلبت و رادت
تريد تشوف بس والدها
-----------------
يمها الراس وگام أتنظره وأتصورها أتحاچي الراس
وحدك شافوك أبلا ناصر يابويه وهجموا هالناس
ماگطعوا راسك يابويه لو يمك عمي العباس
يدرون بچفين الخوه مگطوعه بلا رايه وطاس
تبچي تنوح شبگت نحره
وگام تصيح يبن الزهره
تشمه بيا كـتـر حـارت
رقيه أشطلبت و رادت
تريد تشوف بس والدها
----------------
شبگت نحره وگامت تبچي وتنحب عالراس المگطوع
وتون بحسرات ولوعه ويم الراس أتصب دموع
وأعله الراس الينزف نادت وبگلب التعبان أتلوع
يابويه أفراگك اذاني وكل گلب الحبك مفجوع
بنتك ليش متحاچيها
راح أتموت رد أعليها
ظـلــت يمه ما گـامــت
رقيه أشطلبت و رادت
تريد تشوف بس والدها
-----------------
ماگدرت تتحمل طفله طاحت عالراس المذبوح
مرعوبه وتبچي بعبرتها وفوگ الراس أتون وتنوح
ماتهده الطفله المجروحه شيصبر گلب المجروح
لحظه ولن سكتت هالطفله وعالراس أتفارگها الروح
شاهد زين هذا المنظر
طفله أتموت فوگ المنحر
فـوگاه طفـلـتـه ماتــت
رقيه أشطلبت و رادت
تريد تشوف بس والدها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيدة للسجاد (ع)
اخر ايام الحزن
على السجاد ونون
صعبه الفاجعه هاي
ينحب لو شاف الماي
اخر ايام الحزن
١
خل ننحب بدمع المواجع وانوح
بلوعه وبحسره
من شاف ابوه عالغبره طايح مذبوح
وهشمو صدره
السجاد عاش بعمره ينحب مجروح
وجرحه ما يبره
ينظر اعله العايله
وبيها ينظر كربله
ينادي بيها بلواي
ينحب لو شاف الماي
أخر ايام الحزن
٢
عاش بحزنها وكربله موضوعه
يالغاضريه
عالمنذبح ضامي تهل ادموعه
صبح ومسيه
وحسين شافه امهشمات ضلوعه
فوگ الوطيه
ينظر بعينه النحر
والگمر صوب النهر
وراية عباس وياي
ينحب لو شاف الماي
اخر ايام الحزن
٣
ياهو المثل زين العباد وحاله
من گرب يومه
عاشت ايام الطف ثگيله اباله
بحزنه وهمومه
ايشوف الحسين ومصرعه وعياله
شلون مهضومه
والدمع ضل سلوته
ومانساها امصيبته
خل تشهدلي دنياي
ينحب لو شاف الماي
اخر ايام الحزن
٤
هالليله أبو الباقر يودع صبره
وتخلص الآمه
يرحل ابدمعه والجرح مايبره
بأخر ايامه
السجاد ماعنده ضريح وحضره
اتزوره خدامه
المهدي لو باچر ظهر
انزوره وي المنتظر
هناك ننحب بهداي
ينحب لو شاف الماي
اخر ايام الحزن
٥
كل الحزن واللوعه بس للسجاد
ابدمعة الناضر
نجريها كل احنه المواجع تنراد
بيوم أبو الباقر
هالليله حزنه بنص گلبنه يزداد
بجمرة الخاطر
الليله احنه انودعه
وبالدموع انشيعه
ياهله بكلمن جاي
ينحب لو شاف الماي
أخر ايام الحزن
لاتنسون والدي ووالدتي من الرحمه والغفران
خادمكم رياض الرسل الجابري
كعديه للسجاد (ع)
بدموع بدموع للسجاد بدموع
والبكاء عنوانه
خلي انجدد احزانه
للسجاد بدموع
١
الليله يرحل ابو الباقر ودمعته عالخد جريه
من مصاب الطف دمعته تنزل الحد المنيه
ماشرب ماي بحياته اله والدمعه سويه
عاش المصيبه والمحن
عماته من شاهد مشن
گدامه من اتيسرن
انودعه بهاي المسيه
مجروح مجروح عاش ايامه مجروح
من دم احنه نبچيله
خلي انذكره هالليله
للسجاد بدموع
٢
بدمعته وسهر الليالي چان كل نوحه ونحيبه
لوعت الطف بخياله وعاش احزان المصيبه
ينظر المذبوح ضامي چان
والجثه خضيبه
ينظر الزينب عمته
وعليها تنزل دمعته
والزاد نار امصيبته
زينب الصارت غريبه
الالام الالام تسعر نار الالام
تسعر نار بضلوعه
خلي انذكره باللوعه
للسجاد بدموع
٣
خلي ننحب بالمصيبه ونذكر السجاد بيها
أبد ماصارت مثلها وننحب الليله عليها
مات من شاهدها عمته بـالحبال امچتفيها
ماحمل كل نار اليسر
من بعد كل ذاك الخدر
ياوسفه تمشي وي الشمر
وبحبل مجتفوها اديها
مچتوف مچتوف هوه وياها مچتوف
مابطلها دمعاته
خل نذكرها لوعاته
للسجاد بدموع
٤
بعد اصعب نار شاهد علي السجاد الرزيه
من وگف بالشام وحده وزينب بديوان أميه
من بعد عباس زينب اعليها گالو خارجيه
ومنين گالو هالمره
مادور هاي مخدره
بعدك يسبع الگنطره
زينب اخذوها سبيه
لوعات لوعات شفنه هناك لوعات
من يذكر العلويه
اعليها يبچي ليليه
للسجاد بدموع
٥
المصيبه
الليله اخر ليله عنده وتنتهي رحله حياته
عايش السجاد لوعه بين عماته وبناته
الباقر الليله بدمعته ينحب بلحظة وفاته
يدفن ابوه وينزله
وجوه الگبر ينظر اله
ماخذها لوعت كربله
علي السجاد بحياته عاش آيه ومات آيه
لاتنسون والدي ووالدتي من الرحمه والغفران
خادمكم رياض الرسل الجابري
كعديه بحق الامام السجاد (ع)
جرح الشام
ثبت بيه راية نصره
جرح الشام
وضح وانطاها الفكره
من صار بوسط الديوان
موقف ويهز الوجدان
ثبت بيه راية نصره
1
الرجل مهما چان صامد ثابت وراسخ كيانه
يجي موقف يهد حيله ويگدر ايزعزع مكانه
بس علي السجاد شايل اشرف واعظم امانه
بالرغم من نار السبي
حاشاه ماذل الآبي
من وگف چن وگفت نبي
وكشف زيف اهل الخيانه
موقف چان
عالسجاد اشگد كبره
موقف چان
بالمجلس كلها اتنظره
مامتوقعيه بالحسبان
موقف ويهز الوجدان
ثبت بيه راية نصره
2
انظر السجاد حاله من وگف وگفت مقاتل
رغم چان امقيده أيده
ورگبته بكثر السلاسل
بس بقه السجاد يحچي بخطبته ويكشف الباطل
بالشام چانت خطبته
اتمثل الحق بوگفته
والدنيه كلها سمعته
خطب بس خطبت مناضل
بالتعريف
گام ايعرف بالعتره
بالتعريف
ناده وگال امي الزهره
وابن العاري وعالتربان
موقف ويهز الوجدان
ثبت بيه راية نصره
3
خطب خطبه وكشف بيها زيف كل اهل العماله
عرف بنفسه بخطبته وانطه اكثر من دلالة
اتزعزع المجلس وعرفو نيت الظالم افعاله
بالطف مفاهيم القيم
اخذوها من نار الخيم
ولمن ذكر راعي العلم
گام تتصارخ اطفاله
المجلس گام
ينظر واحتار بأمره
المجلس گام
ايعاين ويشاهده صبره
واگف بس وگفت شجعان
موقف ويهز الوجدان
ثبت بيه راية نصره
4
سوه بالشام العجايب وابد ماهاب المنيه
المثله ضحه بأهل بيته صامد بوجه الرزيه
شلون اقمار وكواكب انطه برض الغاظريه
صح انطه اكثر من جرح
لجل الحقيقه تتضح
والراس ينظر عالرمح
وعيلته الكلها سبيه
ايصد بالعين
وبگلبه اتذوب الحسره
ايصد بالعين
والراس اينظره بعبره
راس المبذوح العطشان
موقف ويهز الوجدان
ثبت بيه راية نصره
5
بعد كل رحلة عذابه العاشها وي الصبر دمعه
ذكريات الطف أليمه تلچم اگليبه وتصدعه
لو شرب ماي بحياته عالمواقف كلها ينعه
خلص حياته بس يون
بالمدمع وعايش حزن
بالفاجعه ظل ممتحن
يبچي والدنيه تسمعه
بالدمعات
يتسله وخلص عمره
بالدمعات
يكتب احزانه ويقره
مو ياهو اليتحمل چان
موقف ويهز الوجدان
ثبت بيه راية نصره
المصيبه
بحزن خل انودع احنه رابع انوار الامامه
وخل نصب هالليله دمعه اتفيدنه بيوم القيامه
بالحشر نرجه الشفاعه الليله من ناخذ علامه
انحصل علامه بخدمته
وانحلفه احنه بهل اته
وبالوالد ودم رگبته
كون هالليله بسجلها الزهره تشملنه الزچيه
لاتنسون والدي ووالدتي من الرحمه والغفران
خادمكم رياض الرسل الجابري
بعد ما تحتاج تنشر قصيدتك بغير قناة انشرها بقناتك ودز الرابط فقط واحنة انروجها اعلان حقيقي عراقي مشاهدات او مشتركين للتواصل
@ahmed_alziwar0
قصيده بحق اربعينة مسلم بن عقيل (ع)
نحييها كل عام مواستا لبنته حميده المصادف (١٨) من شهر محرم الحرام
اتعنينه واجينه
نحضر اربعينه
١
نحضر كل سنه وانجدد الدمعه
وانواسي حميده وبالحزن نعه
شما بينه حزن بالمدمع انطلعه
وبالمجلس نصيح وصوتنه ايسمعه
ويعاين علينه
نحضر اربعينه
٢
هالليله حميده تكسر الخاطر
بليلة اربعينه والدمع حاير
نعقد مجلسه وبدمعت الناظر
نترجه الشفاعه بالحشر باچر
وبدمعه حزينه
نحضر اربعينه
٣
مسلم من طلع مصلح الهاي الناس
شايل من علي غيرته ومن عباس
وصل للكوفه دمعه وعاطفه واحساس
بمسلم لو گلت هاي الزلم تنقاس
بهالذكره اعتنينه
نحضر اربعينه
٤
مبعوث الحسين بكوفة الأحزان
من ذبحوه عجيبه الايمان
هوه اعله القصر وحسين عالتربان
عطشان ويسلم گام عالعطشان
والخاطر ونينه
نحضر اربعينه
٥
الليله انودعك بالدمعه والحيره
والمثلك يمسلم صعب تفسيره
سيره وناصعه للوادم السيره
من حيدر علي وعباس ابو الغيره
والمثله عمينه
نحضر اربعينه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
تجليبه اربعينة مسلم بن عقيل (ع)
تصادف (١٨) من شهر محرم الحرام
رحم الله من احياها
يامسلم الك هالروح نفديها
وليلة اربعينك احنه نحييها
١
ليلة اربعينك نبقه بالدمعه
نحييها نضل وبالعمل نسعه
نهجك نهج شرعي احنه وانتبعه
وصرخات الخدم لجلك نعليها
٢
ليلة اربعينك بالگلب غايه
نجددها الك كل عام وفايه
ليلة اربعينك تعتبر آيه
نرتلها بدمعنه ونستلذ بيها
٣
نواسيها الحميده بجمرت المدمع
بليلة اربعينك والگلب يخشع
هاك اسمع يمسلم صحنه هاك اسمع
هاي اگلوبنه يمك امخليها
٤
ماعدها گبر بس هيه ماعدها
من ردت حميده خل نساعدها
من گبل الطفوف افگدت والدها
بهالليله الرهيبه خل نواسيها
٥
كل عام اليمر ياريت يالخدام
نحيي اربعينه والگلب محتام
نجددله عهد منقصر بكل عام
هالذكره الآليمه بدم نوافيها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيدة بحق دفن الأجساد الشريفه بين الامام السجاد والزهراء (ع)
دمعت السجاد تجوي الليله
من حضر يدفن وشايل حيله
ناده بدموع الرزيه
ذوله اهلي اعله الوطيه
والصبر ياذيني
١
اتوكل اعله الباري ينظر
حيرة المجروح دمعه
گعد بجروح المصيبه مدري يدفن مدري ينعه
شاف كل اهله ضحايه وصوت گام ايحس يسمعه
مشه بخطواته الحزينه عالأثر راح ويتبعه
راح يم الصوت وبدمعاته
وطلعت من الروح كل آهاته
ناده بالهم والأذيه
ذوله اهلي اعله الوطيه
والصبر ياذيني
٢
وصل يم صوت اليسمعه شاف وحده بالعبايه
كعد يمها وصد عليها وبالنظر دقق هوايه
من المدينه جتي حضرت كاعده ابين الضحايه
سأل روحه ودمعه يجري
شلون يعرف منهو هايه
خاف يسألها ودمعته بعينه
المثل حاله الليله الله يعينه
ناده برض الغاضريه
ذوله اهلي اعله الوطيه
والصبر ياذيني
٣
گاعد السجاد صافن مادفن واحتار بيها
ينظر بدمعات عينه الها ويحس ابچيها
بيها شم ريحت محمد من اجه اتقرب عليها
اشجابچ الليله ييمه من حچه ولازم اديها
يحچن الدمعات هاي الليله
اتگربت يمه وبدت تشكيله
ناده يايمه الزچيه
ذوله اهلي اعله الوطيه
والصبر ياذيني
٤
جيت يالسجاد يمك ادفن وياك المسيه
گوم خل انروح ندفن يلا احط أيدك بديه
اتوجهت صوب الشريعه بدمعت احزان الرزيه
شافت العباس طايح وطايحه چفوفه رميه
حضنت چفوفه وتعاين ليها
والضلع يلچمها ويأذيها
نادت بونه خفيه
ذوله اهلي اعله الوطيه
والصبر ياذيني
٥
مشت يم حسين راحت شافته اتغير وضعها
اتعاين الجسمه الموذر وگام يلچمها ضلعها
رادت اتشيله وتلمه نادته وحست سمعها
يمه ما اگدر المك نادت وهلت دمعها
حيل من صدرك اشم خليني
دوست الحافر احس تچويني
ما ادفنك مو بديه
ذوله اهلي اعله الوطيه
والصبر ياذيني
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
تجليبه الزهراء والدفن
تنعه من المدينه حضرت الزهره
مامدفون ابنها اتشوفه عالغبره
١
من ذبحو ابنها حسين بالعاشر
للطف حضرت ومكسورة الخاطر
مامدفون ابنها وعالصدر حافر
من ذيچ الخيول الداست بصدره
٢
اثر لخيول كلها بصدره مطبوعه
وطاحنته طحن ومهشمه ضلوعه
الزهره شافته بس بالگلب لوعه
مامدفون باقي وحارت بأمره
٣
تحچي وي الجسد وتهل دموع العين
حاچيني يبعد الروح يمه حسين
مامدفون جسمك يمه راسك وين
تحچي وي الجسم والموقف اشكبره
٤
مامدفون ابنها وعالترب عاري
وتشاهد ابنها امچفن بذاري
يبني حسين نادت تلتهب ناري
عليك بكل دمعها تنحب بعبره
٥
گامت تمشي گامت والگلب هايم
العريس الهواشم شافته نايم
من دمه تشاهد حنته القاسم
صبت كل دمعها بلوعه وبحسره
٦
گامت تمشي گامت لچن تتعثر
مامدفون شافت جسمه الموذر
يشبـه والدي ابني علي الاكبر
ليش اسيوف أميه اتگطعه واتوذره
٧
ظلت تمشي ظلت والفكر محتار
فوگ اعله الوطيه شافت الانصار
تيبچي الزهره تبچي وبگلبها النار
وعيون الزچيه من البچي حمره
٨
وصاحت وين ابني الكافل وحامي
فوگ اعله الشريعه شافته وضامي
مهشم راسه شافت والجسم دامي
فوگ السطره ضربت عينها بسطره
٩
و دورت عن طفل ماعبر ست اشهور
مابين الضحايه الزهره بس اتدور
عبدالله تشوفه بالسهم منحور
زين وعين ألها گامت اتنظره
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
كعديه للدفن
الزهره حضرت بعد الطفوف
تنعه
للدفن والگلب ملهوف
تنعه
امن المدينه بالدمع
حضرت ومحني الضلع
للدفن والگلب ملهوف
تنعه
1
امن المدينه الليله حضرت حتى تدفن كل ولدها
تمشي مره ومره توگع امن الضلع تشكي بعدها
بعد ذيچ العين حمره ولازمه السطره البخدها
بهداي تمشي بس تون
وامگبعه بثوب الحزن
والزهره حضرت للدفن
حضرت وتشعر وحدها
شخص شافت يم الاجساد
عرفت
ابني گالت علي السجاد
عرفت
وبگلبها المنفجع
حضرت ومحني الضلع
للدفن والگلب ملهوف
تنعه
2
يم علي السجاد وصلت
صاحت اتگرب عليه
يمها صار وما تحمل من حضن أمه الزچيه
بده ايشم بيها وحضنها
وعالارض طاحو سويه
عاين الخدها المنسطر
وعيونها الكلش حمر
زينب اتذكر والشمر
من ضرب خدها الرقيه
بابچ الحرگوها ظلام ناده
بكربله حرگوها لخيام ناده
امن الاصل ذوله فرع
حضرت ومحني الضلع
للدفن والگلب ملهوف
تنعه
3
گام يدفن علي وامه اتساعده وتهمل دمعها
دفنو الانصار كلهم وگام يلچمها ضلعها
وصلوا العريس حست فاطمه اتغير وضعها
للحسن نادت ياعرس
مبذوح ابنك بالشمس
بگلب امك انه ادري تحس
والحسن حست سمعها
يالحسن ابنك المذبوح يمه
العمه ضحه وناذر الروح يمه
للعرس جابت شمع
حضرت ومحني الضلع
للدفن والگلب ملهوف
تنعه
4
هيه والسجاد گامت ريحه شمت چن ابوها
اتگربت للجثه شافت جثه لكن گطعوها
عرفت الاكبر ابنها الجثه من وليه ولوها
ماگدرت اتشيل الجسم
والجسم صاير چم قسم
بس يضوي مابين الزلم
وگوه گدرو يدفنوها
دفنوا الاكبر وشالوه گوه
جسمه متوذر ودفنوه گوه
صعب جسمه ينرفع
حضرت ومحني الضلع
للدفن والگلب ملهوف
تنعه
5
اتوجهت صوب الشريعه اتصيح وينه الله واكبر
راحت ولزمت ضلعها تمشي مره ومره تعثر
شافت العباس نايم وعالجسد بالدمعه تفتر
نامت بطوله اعله النهر
عباس ابنها بكل فخر
واتدفنه رادت للگمر
وانته للحاله تصور
نادت وتلطم على الراس يبني
جيت ادفنك بيدي عباس يبني
اتحس گلبها ينشلع
حضرت ومحني الضلع
للدفن والگلب ملهوف
تنعه
6
گامت وتشعر الدنيه كلها گام اتدور بيها
وي علي السجاد راحت للحسين بكل بچيها
للجسم وصلت تدفنه لزمته وترجف اديها
رادت تشم ما شمته
هوايه السهام بجثته
حضرت الزهره الدفنته
الزهره تحضر كل بنيها
دفنت الخنصر فجيعه وتنعه
وعالصدر خلت رضيعه وتنعه
اتصور انته بيا وضع
حضرت ومحني الضلع
للدفن والگلب ملهوف
تنعه
المصيبه
بعد ماكملت دفنهم گعدت وتبچي بحزنها
والعرش يبچي البچاها والسمه اتون اعله ونها
الزهره تفتر بالمجالس اتدور اليبچي الابنها
وينه اليساعد فاطمه
اتحضره ملائكة السمه
ويحضره حماي الحمه
بالگبر ميحير باچر اتحضره فاطمة الزچيه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
نعي ايام الدفن
يحيدر بالدفن هاي المسيه
تنادي زينب من الغاضريه
١
زينب حايره بدفن الغوالي
تنادي الزهره وبهاي الليالي
تعالي يم حسن ليه تعالي
ويبويه ياعلي لحگ عليه
زينب بالدمع وبنار الاحزان
تنظر للذبيح المات عطشان
طاح امگطع بحومة الميدان
وضل ابلا دفن أبن الزجيه
طاح اعله الشريعه اليرفع الراس
مصيوب بعمد ومهشم الراس
مامدفون ضل الهيبه عباس
چفوفه مگطعه فوگ الوطيه
بالحومه عليه مرت أيام
انظر للغوالي وگلبي محتام
بعيوني شفت مذبوح جسام
مامدفون ضل جثه رميه
ماهميت من حرگو اخيامي
بعبدالله افكر مات ضامي
مذبوح بسهم والنحر دامي
عليه تبچي وتون ضلت رقيه
علي الاكبر وگع بين الأعادي
مامدفون شبه النبي الهادي
وينك ياعلي ضليت انادي
تحضرني وتشوف اشصار بيه
ناديت اشكثر وگليبي محتار
وينك ياعلي وينك يكرار
ماتحضر يبويه الدفن الأنصار
وتحطهم بالگبر كلهم سويه
زينب حايره والگلب مفجوع
ياليل الدفن ياليل الدموع
تمشي وعثرت ابخنصره المگطوع
ونت بالهضم ونه شجيه
زينب حايره ودمعتها بالعين
لا عباس يحميها ولا حسين
وبليل الدفن بس النساوين
وگلبها اتحمل الهم الأذيه
وينك ياعلي تحضرني ياريت
من طاحو اخوتي بويه ناديت
عمود البيت طاح وطايح البيت
اشكثر ناديت ياحامي الحميه
اخوتي ابلا دفن ضلو ليالي
ماتحضر يبويه تشوف حالي
عگب عباس وحسين ودلالي
اخبرك بويه راح امشي سبيه
ساعات الدفن صعبه وثگيله
وغيرك بويه ماعندي اشتكيله
محد مابقه ايحامي العقيله
بالطف حايره واصفگ بديه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيده للدفن
تبقه لحظات الدفن تچويني
عالصبر متحمله شمخليني
شلون اعوف الغاضريه
وكل اخوتي اعله وطيه
والدموع بعيني
١
شلون اگدر امشي عنهم
اتصير اسأل ياتره
واترك العباس وحده والحسين اعله الثره
ابلا دفن والحيره حيره
والاجسام اموذره
للصبح راح ابقه اناطر
الليله ابقه امساهره
بلكي لو صار الصبح ينسوني
ادفن اهلي واخوتي يخلوني
ادعي من رب البريه
وكل اخوتي اعله وطيه
والدموع بعيني
٢
بيا عذر لو عنهم امشي
بيه لوعات وحزن
انظر اعله الجثث وانحب
من گلب دامي و أون
وين اهلي وين اخوتي
الهم اشتاگ واحن
هواي صرعه وليل وحدي
ياحزن ليل الدفن
صرت مجبوره الدفنهم أني
بين جرحي ولوعتي واحزاني
انظر بعيني الرزيه
وكل اخوتي اعله وطيه
والدموع بعيني
٣
قررت ادفنهم اني
سولفت وي الصبح گلت لو طر فجر باچر
ادفن اشبيدي يصح گبل ليجيبون باچر
الروس اهلي جم رمح
صوت لن ينده عليه
وزيد اجروحي جرح
يادفن باچر تلمي العيله
ودعيهم هاي اخر ليله
غصب راح امشي سبيه
وكل اخوتي اعله وطيه
والدموع بعيني
٤
انظر وبعيوني دمعه
على الضامي ومنسحگ
طحنته اخيول الأعادي
وانه فوگ الراس ادگ
ذبلت اسنين الموده
وراحت ايام العشگ
مارضو يحسين ادفنك
وصار لازم نفترگ
ودعت جسمك يماي عيوني
وياك اتمنه آنه يدفنوني
امشي لكن مو بديه
وكل اخوتي اعله وطيه
والدموع بعيني
٥
بنظرة وداع ارد اودع
كافلي ومارد اله
صحت ياعباس خويه
يالجبتني امدلله
راح اعوفك عالوطيه
وامشي وي العايله
ابلا دفن واعتذر منك
خويه تبقه بكربله
امشي للشام ودمعتي بعيني
بعد چفك چف شمر يحديني
وسفه هذا الصار بيه
وكل اخوتي اعله وطيه
والدموع بعيني
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيده بحق رقيه (ع)
عمه زينب بالدمع صاحت رقيه
بنار دخان الخيم محتركه اديه
شحجي والموقف صعب
ورم امتوني الضرب
صاحت رقيه
١
عمه زينب ماشفت كلشي بحياتي
ازغيره بس من العطش يبست لهاتي
الخيمه حرگوها وطلعت انه وخواتي
اركض ونار الخيم حرگت عباتي
ازغيره ما أحمل ضرب واثنين اديه
امچويات من الخيم بالغاضريه
ليش شمسويه ذنب
ورم امتوني الضرب
صاحت رقيه
٢
عمه ليش الخيم حرگوها علينه
وليش بالهيمه يعمه امطلعينه
ناس ماعدهم رحم وامچتفينه
اچبير عمه الحبل وازغيرات ادينه
ترفه أدينه وابد ماتتحمل احبال
ليش شمسوين ويروعوها الاطفال
حارمينه من العذب
ورم امتوني الضرب
صاحت رقيه
٣
ازغيره مو مالت درب لا صعدت النوگ
گوه صعدوني يعمه وثوبي محروگ
انه بنت حسين هاي اعليه متلوگ
عالزلم مكشوفه عمه وطبت السوگ
الناس من طبينه تتفرج علينه
وين عمي الجابنه من المدينه
بسوگ من بعده اطب
ورم امتوني الضرب
صاحت رقيه
٤
طفله ما أحمل ركض بين الضحايه
اعثرت چم مره يعمه بالعبايه
ليش ياعمه الشمر يركض ورايه
أيده مدها اعله التراچي وگال هايه
عالوجه عمه طحت مشدوه بالي
تمشي وين المثلي والماعدها والي
طحت فوگ اعله الترب
ورم امتوني الضرب
صاحت رقيه
٥
سافرت وي الحرم والممشه دمعه
بين دفعه ودفعه من الشمر دفعه
كل طريق الشام ابچي وجبته انعه
والشمر ضربو رقيه چنت اسمعه
راس ابويه بالطشت جابوه اليه
متت لمن شاهدت طشت المنيه
ما تحملها الگلب
ورم امتوني الضرب
صاحت رقيه
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
تجليبه (١) السيدة رقيه (ع)
اول طفله من جور العده الظلام
على نحر الحسين اتموت برض الشام
١
اول طفله تمشي بليل مسبيه
مابين العده ونيران مچويه
الشمر يركض وراها ايصبح علويه
چتفوها بحبل خل تشهد الأيام
٢
چتفوها بحبل هالليله چتفوها
وجيبو راس ابوها يمها خلوها
لترحموها هاي الليله ضربوها
ولتخلوها تغمض عينها وتنام
٣
مشوها سبيه بنار دمعتها
تمشي وي الحرم وياها عمتها
يا وسفه الشماته كلها شافتها
وينظر گام وسفه الخاص وي العام
٤
وصلت للنواصب والدمع بالعين
بعد رحلتها شافت كل دواهي البين
دخلوها بخرابه ويمها راس حسين
نظرت للطشت بس الگلب محتام
٥
شافت راس ابوها وشهگت بدمعه
متحملت رقيه وبالحزن تنعه
حست لحظه بس ورايح اتودعه
من كثر المواجع كلها والآلام
٦
فزت بالخرابه الطفله من نامت
من شافت ابوها الفرحه مادامت
شافت نحره دامي وبالعجل ماتت
ادعو الليله كون اتسجل الخدام
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
عكيلي للعلويه شريفه
للطالب حاجه ايوديها
العلويه الليله تكضيها
١
هاليله بدمعات الناضر
حضر حاجاتك يالصابر
تكضي الحاجه اتطيب الخاطر
وهالليله بدمعك واسيها
٢
العلويه العاشت بالدمعه
عالطف جان اتنوح وتنعه
بعد الطف ضلت منفجعه
ترحل هالليله الباريها
٣
ربك اجدها وخلاها
اتشافي المرضى وبيها اتباها
للعلويه كلشي انطاها
مركز للحاجه امخليها
٤
لاتتاخر روح اگصدها
للمرقد واطلب من عدها
حلفها اهناك بوالدها
بيديك الحاجه وتنطيها
٥
اتشافي اجروحك من توصها
بگلبك من تتوجه الها
غمض عينك وتئملها
هاي اخت القاسم تدريها
٦
هالليله بدمعات الوادم
نتوسل يا اخت القاسم
هنياله الصايرلچ خادم
والحضرو كون اتسجليها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ميمر للسجاد ع
بجمر الحزن والفاجعه انواسيها
للـزهـره بـالسجاد و انعـزيـهـا
هـالليله للسجــاد نجــري العــبــره
وبــدمعـة الاحــزان نـذكــر صـبـره
ونصيح كلنه بصوت هـا يـالـزهره
من كل گلب صرخـتـنه من نشكيها
جـمــر المصاب الليلــه يامــولانــه
ننحــب الـك يــاسيــدي خــلانــــــه
والزهره تنحب نشعر احنه ويانــه
مدري ننوح اعليك مدري اعليهــا
بـالفاجـعه الليله بگـلبـنـه الصابــر
نجـرع مـرار امصيـبـتـك ونكـابـــر
وانــادي ما ننساك يــابــو الـبـاقــر
هـــاي الجروح البينه تعــرف بيها
ماننسه جــرحــك سـيــدي والآمك
باللوعه والحسره عـشـت أيــامـك
اهـلـك ضحـايــه سـيـدي گــدامــك
كلهــا شفتها وابــد مــانــاسـيـهــا
ماجـفت السجـاد لحظه ادمــوعـــه
بعـيونه شاهـد چم فجيعه و لوعـه
آهـاتـه تبقـه بكل وكت مسموعــه
بطـف كـربله چان الحــرم واليهـا
سهـم المصاب اعليك چان الرامي
بطـف المنايه شفت ابوك الضامي
شلون اگدرت تنظر النحره الدامي
وهمومك شلون اگــــدرت تخفيها
يل تحـمل اللـوعات عـمـرك جبته
أشچم مصاب بعـينك انته الشفتـه
مـن آل اميـه السمــك اتجـرعــته
انـتـــه الفــزت اولهــا وبتـاليهــا
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
كعديه للامام السجاد (ع)
دمعت حزن وهموم الايام
من كربله ماخذها للشام
بدموعه الحزينه
ماخذها الضعينه
من كربله ماخذها للشام
١
بلوعته السجاد يمشي شايل همومه الثكيله
المرض حد حيله وتشوفه لو مشه مهدود حيله
شاف اهله اعله الوطيه صرعه وتصدع دليله
وتسأله ياهو الاذته
بكربله وذوبت مهجته
ايجاوب وتنزل دمعته
وي الشمر مشي العقيله
ويلي الخدر واتشوفه الارجاس
لمن مشينه بغير عباس
والباري يعينه
ماخذها الضعينه
من كربله ماخذها للشام
٢
دمعت السجاد حيره بطلعته من الغاضريه
ينظر العمته وخواته بلوعته وهضم الرزيه
ماتوقعها اعله باله عمته ينظرها سبيه
شاهدها زينب طالعه
ومجتوف هوه بجامعه
وأصوات توصل مسمعه
سكنه ضربوها و رقيه
منظر عجيب ابدمعت العين
عالرمح شاهد راس الحسين
للشام بونينه
ماخذها الضعينه
من كربله ماخذها للشام
٣
علي السجاد بمواقف مرها شغلت ذكرياته
من دخل سوگ النوايب
اهل مابي بس شماته
الوادم اتگاطفه احجار وگام يشگف عن خواته
ناگته الهزله مايله
واتحز رگبته السلسله
ينظر بعينه العايله
وياهضم ليل اليباته
موقف يهزه وهمه عالنوگ
ايشاهد خواته طبن السوگ
شامت يحدي بينه
ماخذها الضعينه
من كربله ماخذها للشام
٤
وصل للشام بدمعته
وبالدفوف استقبلوهم
علي السجاد بهضمته يمشي ويعاين عليهم
گعدوهم بالخرابه سكته مايطلع بچيهم
من بعد لوعات القصر
السجاد لحظاته التمر
خلصها بدموع وصبر
وعالرمح ينظر وليهم
حاچه الرمح يابويه ماشين
لرض المدينه بدمعت العين
ومچتفين ادينه
ماخذها الضعينه
من كربله ماخذها للشام
من رجع لرض المدينه عمره خلص بالنياحه
يبچي لحسين ومصابه
من يمر ليله وصباحه
علي السجاد بحياته ماسكن لا شاف راحه
خلص حياته بالدمع
ذايب مثل ليل الشمع
لحسين والكسر الضلع
أبد ماتنشف جراحه
ودع حياته بليل الاحزان
ماشرب ماي ومات عطشان
والارض المدينه
ماخذها الضعينه
من كربله ماخذها للشام
المصيبه
هذا ليل الحزن هذا والهموم اتدور بينه
علي السجاد وحياته خلصت برض المدينه
چبدته مسمومه تلهب
راح بهمومه الحزينه
زين العباد بلوعته
هالليله سموا چبدته
خفاقه تبقه رايته
نرسل الليله دمعنه للگبر برض المدينه
لاتنسون والدي ووالدتي ووالدتي وأبني عباس من الرحمه والمغفره خادمكم رياض الرسل الجابري
نزله للامام المهدي (عج)
يالمهدي وينك ننتظر
تاخذ بثار حسينك
١
ننتظر ثارك يبو الطلعه البهيه
حسين جدك منذبح بالغاضريه
گوم جرد سيفك بهاي الرزيه
ثار جدك تاخذ وثار الزچيه
يالغايب بفيض الدمع
كل لحظه نسأل وينك
٢
شوف بينه اشصار دمعه بأثر دمعه
كل خميس بليل نشعل الك شمعه
على غيابك سيدي ننتظر ننعه
ربنه ويعجل ظهورك يوم جمعه
وعيون كل هاي البشر
تفرح بشوفت عينك
٣
سيدي الاخطار تتزايد علينه
شكثر نادينه تعجل ياولينه
يبو صالح احنه نتمنه تجينه
بكل مجالسنه يربان السفينه
من عالم الذر سيدي
برواحنه شارينك
٤
صعبه ايام التمر بينه وتعدي
انته تعرفهن وحاسبهن يمهدي
على الفطره لو حچينه وياك نبدي
انته قائد قافلتنه وبينه تحدي
ندعيلك احنه بكل وكت
يالمهدي الله ايعينك
٥
تبقه لوعاتك يمهدي ويبقه ثارك
للحسين ومذبحه ماتطفه نارك
عايش بحيره يمهدي وصحره دارك
بين دمعك سيدي وبين انتظارك
ماتطفه نارك للابد
من لوعتك و وانينك
٦
الك نبعث سيدي خالص دعانه
يمته احنه انشوفك وبيدك لوانه
يابو صالح يافخرنه وياحمانه
بيك نشعر كل عزه حاضر معانه
نختملك بدمع الصبر
بس انته شايل دينك
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
عكيلي بحق اربعينة مسلم بن عقيل تصادف (١٨) من شهر محرم الحرام
رحم الله من احياها
يامسلم خدامك جينه
١
جينه بدمعتنه السچابه
والمسلم نحضر لمصابه
احبابه ونحضر احبابه
وبنار المدمع نادينه
يامسلم خدامك جينه
٢
خدام ونقسم منعوفه
من انصد ونحاچي الكوفه
من بعيد انحس بچفوفه
تمسح كل هموم البينه
يامسلم خدامك جينه
٣
هاي الذكره النحضر ليها
مسؤوليه ونشعر بيها
كل عام ابدم انوافيها
مسلم يستاهل والينه
يامسلم خدامك جينه
٤
مسلم علمنه وربانه
بالخدمه انطانه وغذانه
بالمجلس نشعر ويانه
للجنه وباچر يهدينه
يامسلم خدامك جينه
٥
والشيخ الكوفه بهل ليله
من نحضر ننعه ونشكيله
بالمجلس نحضر نبچيله
بالمدمع جينه اتعنينه
يامسلم خدامك جينه
٦
ياربي اتبارك مسعانه
الهل خدمه تقبل رجوانه
حب مسلم دايم علانه
يم مسلم اول تالينه
يامسلم خدامك جينه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
قصيده لدفن الاجساد الطاهره
تحضر بالجروح
للدفن واتنوح
وينك يمذبوح
يحسين يوليدي
٢
بدمعت العين
نادت حسين
من اجتي الكربله
ذابت الروح
على المذبوح
والمدامع هامله
وصلت تنوح الكربله مابين طيحه وعثره
شاهدت جثه اعله الترب گعدت بنار الحسره
تتلمسه بدمع الصبر واتصيح انه الزهره
جيتك ييمه للدفن واتشم ابنها بصدره
مني الوكت باگ
كل نار الاشواگ
ما أحمل افراگ
يحسين يوليدي
٢
تنظر بعين
وتدمع العين
شاهدت نزف النحر
مسحت ادماه
تنادي ويلاه
محد الدفنك حضر
يايمه احضر للدفن يوليدي واتعنالك
حتى أشاهد طيحتك يحسين وانظر حالك
مو ميت اوليدي واحس شنهي اليدور ابالك
زينب ونيران السبي والفاجعه واعيالك
راسك حرامات
مو يمك ايبات
بيه الصبر مات
يحسين يوليدي
٣
خنصرك وين
يمه يحسين
منو الگاطع خنصرك
بنار الضلوع
ابچي بدموع
من اشاهد منحرك
امسح بنحرك يالولد والنحر ينزف دامي
يحسين ليش الياسبب ذبحوك انته وضامي
عود انه اجيتك للدفن واحسبت هاي أيامي
محتامه انه الشوفتك لمن صرت گدامي
للدفن من جيت
بجروحي ناديت
ياشمعت البيت
يحسين يوليدي
٤
جبت ألك ماي
وتشرب وياي
حتى تروه من الضمه
منين ارويك
يمه واسگيك
احتارت أمك فاطمه
مابين راسك والضمه والعطش هاي اسراره
محتاره اشربك يالولد من ياكتر محتاره
ضل جسمك بطف كربله يبني وتشع انواره
والراس هسه بيا بلد ما اعرف انه اخباره
وبلا مواعيد
ضل جسمك اوحيد
عن راسك ابعيد
يحسين يوليدي
٥
بدمعه من جيت
بيها رديت
هواي صعبه حالتك
حزنك اهواي
مو عطش ماي
والمصيبه بدفنتك
ينراد اجيب الدفنتك لازم حصيره ويايه
حتى انه المك يالولد وسهام بيك اهوايه
چفيني انظر بالدمه من نحرك امحنايه
راح ارجع واترك الك دمعات من ابچايه
وداعك والاحزان
يالمتت عطشان
بگليبي نيران
يحسين يوليدي
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
نزله للدفن
بدموع المصاب
كل عام ويون
والمهدي بعذاب
يحضر للدفن
١
كل سنه بلوعاته
ينحب بدمعاته
للطفوف بذاته
يحضر
عالجثث كل ضيمه
الضالات بهيمه
من هجم عالخيمه
العسكر
من شاهد المهدي جثث عالارض مرميه
راح بخياله الكربله واتذكر ارقيه
معقوله ياوسفه الشمر يضرب العلويه
ناده ابلا جواب
وبنار الحزن
والمهدي بعذاب
يحضر للدفن
٢
للدفن من يحظر
بفكره يخطر منظر
عمته بين العسكر
ألم
يبچي تجري دموعه
يدگ فوك اضلوعه
المهدي نار اشموعه
الحرم
من حرگو خيام الحرم شاهد بدمعاته
طلعن وركضن بالشمس ياويلي عماته
من يذكر ايام الدفن تتعاله آهاته
ابلا ثار وحساب
لا ما يستچن
والمهدي بعذاب
يحضر للدفن
٣
للشريعه ابدمعه
بيده شايل شمعه
ليش لازم ضلعه
وصل
من وصل مهدينه
ينظر الچفينه
ونابت بنص عينه
سهم
فوگ النهر لمن وگع محد اجه وشاله
بالخيمه كلها تنتظر وتفرفح اعياله
هالموقف المهدي بقه ظل عايش اباله
هالليله خضاب
بدموعه يحن
والمهدي بعذاب
يحضر للدفن
٤
شاهد الترچيه
عالارض مرميه
شاف دم ابنيه
حاضر
صاح اخذ ثاري
من اسل بتاري
بيها اطفي ناري
باچر
لمن حضر دفن الجثث ودموعه سچابه
يشعر دليله بالهضم والنار لهابه
ناده بألف آه وبچه يحسين ومصابه
ينظر للشباب
گلبه وممتحن
والمهدي بعذاب
يحضر للدفن
٥
بعد اصعب حاله
تلهب ابدلاله
عايشه بنص باله
سبي
تركض الوحدها
والدموع بخدها
عمته ويشاهدها
نبي
زينب يشاهدها تفر بت حيدر بهيمه
نار بدليله تستعر وينادي كل ضيمه
معقوله زينب عمتي لا والي لا خيمه
واهناك الرباب
تبچي ابلا ابن
والمهدي بعذاب
يحضر للدفن
٦
بالدمع ظل يفتر
للدفن من يحضر
شاف خيل وعسكر
ينهب
لو چنت حاضرها
المعركه وناصرها
چان محد مرها
زينب
لو حاضر بطف كربله وعباس ويايه
بنص ساعه چان المعركه بالجود والرايه
نجمعها كلها وتنتهي روس الزلم هايه
ولا عاش المصاب
حسين ويطمئن
والمهدي بعذاب
يحضر للدفن
لا تنسون والدي ووالدتي وأبني عباس من الرحمه والغفران
خادمكم رياض الرسل الجابري
تجليبه الزهراء والدفن
تنعه من المدينه حضرت الزهره
مامدفون ابنها اتشوفه عالغبره
١
من ذبحو ابنها حسين بالعاشر
للطف حضرت ومكسورة الخاطر
مامدفون ابنها وعالصدر حافر
من ذيچ الخيول الداست بصدره
٢
اثر لخيول كلها بصدره مطبوعه
وطاحنته طحن ومهشمه ضلوعه
الزهره شافته بس بالگلب لوعه
مامدفون باقي وحارت بأمره
٣
تحچي وي الجسد وتهل دموع العين
حاچيني يبعد الروح يمه حسين
مامدفون جسمك يمه راسك وين
تحچي وي الجسم والموقف اشكبره
٤
مامدفون ابنها وعالترب عاري
وتشاهد ابنها امچفن بذاري
يبني حسين نادت تلتهب ناري
عليك بكل دمعها تنحب بعبره
٥
گامت تمشي گامت والگلب هايم
العريس الهواشم شافته نايم
من دمه تشاهد حنته القاسم
صبت كل دمعها بلوعه وبحسره
٦
گامت تمشي گامت لچن تتعثر
مامدفون شافت جسمه الموذر
يشبـه والدي ابني علي الاكبر
ليش اسيوف أميه اتگطعه واتوذره
٧
ظلت تمشي ظلت والفكر محتار
فوگ اعله الوطيه شافت الانصار
تيبچي الزهره تبچي وبگلبها النار
وعيون الزچيه من البچي حمره
٨
وصاحت وين ابني الكافل وحامي
فوگ اعله الشريعه شافته وضامي
مهشم راسه شافت والجسم دامي
فوگ السطره ضربت عينها بسطره
٩
و دورت عن طفل ماعبر ست اشهور
مابين الضحايه الزهره بس اتدور
عبدالله تشوفه بالسهم منحور
زين وعين ألها گامت اتنظره
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
كعديه بحق الامام الحسين الحسين (ع)
هيهات هيهات لا للذله هيهات
بدمه مـن سگـه الغبره
صرخه اعلنها دم نحره
لا للذله هيهات
١
حسين من ارض المدينه من طلع لا مو سياسي
ماطلع من اجل منصب مابحث عن الكراسي
طلع لمن شافه دينه كله ويلات ومآسي
محتاجه دينه وانـتـفـض
من الباري هالامر انفرض
اعلنها صيحه مـــن نهض
حتى لــو ينگـطــع راسي
مامات مامات المثله ايعيش مامات
الدينه ثـبـتــه بعــمــره
صرخه اعلنها دم نحره
لا للذله هيهات
٢
حسين لو قائد سياسي ويبحث يريد المناصب
چان مـاقدمها روحه بكل سهوله بلا مصايب
نهض لجل الدين ثائر بالعدل والحق يطالب
ماهمه كلشي من طــلــع
هـيهـــات للذل مــاركــع
ماساوم الطاغي وخضع
ودفع من دمه الضرايب
ويلات ويلات صار الدين ويلات
خطها العبـره والعـبـره
صرخه اعلنها دم نحره
لا للذله هيهات
٣
وصل لرض الطف يشاهـد كل الاعداد الجبيره
وصل مو قائد سياسي وصل مصلح كله غيره
شاف اهل الدنيه تنظر وگام ينظرهم بحيره
أيراقب الاحــداث بحـذر
وگدامه يستعرض صور
والـزينب ايصد النـظــر
العل هزل تمشي و اسيره
صرخات صرخات بالطف تعله صرخات
صاحب مـبـدأ و فـكـره
صرخه اعلنها دم نحره
لا للذله هيهات
٤
حسين مصلح نعم مصلح مو لجل كرسي الرئاسه
راح يصلح امه فسدت وهاي عالامـه انتكاسه
خلي فكرك زين يمي والحجي ميزه بفراسه
الامه چانت طاغــيــه
هيه وجميع الحــاشيه
قدم الدينه التضحــيـه
والثمن گصوله راسه
دمعات دمعات نجري اعليه دمعات
حتى الديــنـه ميخسره
صرخه اعلنها دم نحره
لا للذله هيهات
٥
حسين بالطف رسم النه خط مجد ماله نهايه
والبدايه الها ضحه بدمه معــروفه البدايه
غايه عند حسين دينه وهاي اسمى واهم غايه
مو مهم تنجح ثورته
ولا مهم دمه ورگبـته
المهم يــرفــع رايـتـه
بدمه وانرفعت الرايه
رايات رايات قائد رفع رايات
راية نصــــر لـلــزهــره
صرخه اعلنها دم نحره
لا للذله هيهات
٦
كل سياسي كون يدرس نهج ابو السجاد ينجح
وكون مبدأ عنده ثابت بالعقيده وحتى يفلح
وكون لو محتاج دينه ينذبـح ميهاب مذبح
هاي الشروط بهل الفصل
وحتى السياسي ينـقــبـل
مــا يحـكــــم اله بالعــدل
لو حجه وعالناس صرح
قامات قامات الدين يريد قامات
وقامه حسين واشكبره
صرخه اعلنها دم نحره
لا للذله هيهات
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
عگيلي ليلة العاشر
زينب تنحب يوم العاشر
١
زينب هالليله بيا حاله
ضلت مابين الخياله
وحسين اتكفلت بعياله
وحدها ومكسورة خاطر
٢
تنظر للحومه بدمعتها
وتصد اتعاين لخوتها
مابين النار ودمعتها
بالطف ضل الجفن امساهر
٣
محد هالليله ايحاميها
بالحومه وطايح واليها
زينب والوحشه اتباريها
مهضومه وبالدمعه اتكابر
٤
تنظر للعباس ابدمعه
واتذكرت ايامه وتنعه
مجبوره بهالليله اتودعه
زينب واتعوف الطف باجر
٥
راح اطلع باجر مسبيه
يحسين وجثتك مرميه
تعرف شنو الأثر بيه
مطبوع انته بصدرك حافر
٦
زينب ماضل واحد عدها
بالدمعه المتفارگ خدها
من الطف نادت والدها
ياحيدر لو يمنه وحاضر
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري