2256
خادمكم ملا علي الشاوي للتواصل ali_20115
يالصادق جرحك شيروفه
يالصادق جرحك شيروفه
&&&&&&&&&
ياباب الله وعلمه ونوره
حزنانه أملاكه ودستوره
وگلوب الشيعه مكسوره
ودمعات عله الخد.مذروفه
&&&&&&&&&&
يالصادق علمك رباني
ناموس ومبدأ انساني
ضد الطاغوت الشيطاني
وللعالم واضح معروفه
&&&&&&&&&&
جرحك ماينشل شكبره
والحبك مخنوگ بعبره
مكسور بفگدك شيجبره
من مصابك حدب شوفه
&&&&&&&&&&
املاك الله ورسله تنادي
وتواسي الفارس والهادي
امرك يالصادق مو عادي
والحبك مصروعه طيوفه
&&&&&&&&&&
مفهوم الفارس مفهومك
وغاياته وكل زود علومك
والعالم مهظوم بيومك
والباطل شاهرهه سيوفه
&&&&&&&&&&
غصه ولوعه وجرحك بينه
هو المنقذ بس مهدينه
لاخر لحظه ومنتظرينه
من انشوفه بحظن الكوفه
&&&&&&&&&&
الخادم عبدالمعين الشمري
يالصادق يمسموم
*. *. ***
ناسك واليحبون
بتشيعك يصرخون
يبجون ويلطمون
والمدمع جره ادموم
***
نار ابكل گلب نار
موكب للطم صار
واحد من الأقمار
وايشيعنك انجوم
***
يومك شيب الراس
ناس اتصبر بناس
عايش بين الأنفاس
جرحك بينه لليوم
***
كل عمرك جراحات
بس رغم المعانات
نقرالك روايات
ومنك نأخذ اعلوم
***
رايح الله وياك
بگلوبنه دفناك
راية حگ رفعناك
وخلي اللايم إيلوم
***
كل جرة نفس آه
ثوب اسود لبسناه
نندب واحسيناه
مات وحيله مهدوم
يالصادق يمسموم
محمد الجماسي
اللهم عجل لوليك الفرج
نعي للامام الصادق
****
طلع نعش الحزن للصادق بهل يوم
والزهره تنادي وليدي يالمسموم
١
من شاهدت نعش الصادق ابدمعه
كعدت بالحزن بالفاجعه تنعه
يالصادق ييمه صوتي متسمعه
عليك بصوت اصيحن والگلب مالوم
٢
نعش الصادق المحمول بالحسره
وتمشي وي النعش بالآه والعبره
بالمدمع تنادي فاطمه الزهره
يوليدي ييمه والدمع مسجوم
٣
نيران النعش بالگلب لهابه
والزهره تصب دموع سچابه
اليوم الصادق ايودعونه احبابه
مهموم ويودع للگبر مهموم
٤
اليحب يمشي ابدمعته وي النعش مأجور
نعش الصادق المسموم والمغدور
نور من العرش هذا النعش بي نور
معروف الأمر للوادم ومعلوم
٥
طلع نعش الحزن هالليله بالمدمع
وبزود الخدم هذا النعش يطلع
هذا النعش هذا بالگبر ينفع
نعش الصادق الگضه العمر مظلوم
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
#استشهاد_مولاي_الامام_الصادق_ع
ما حرگولي خيمات _ وبناتي مو غريبات
ما ركضن واديهن بيهن احبال
بيدي شايل الماي _ وركض حاير اهواي
بتراب الخيم طفوهـــا لاطفال
((ہہ᯽★★★᯽★★★᯽ہہ))
شايــــل الماي ابديه _ اركض ودمعي يصب
بماي اطفي النار انه _ زينـب اطفـي بتــرب
حاط اچفوفي ع ضهري نار بيتي انه انطفت
وگعدن ابحضني بناتي وعيني تجري و دمعت
الخيمه مــو للبيت صعبه النار لــــو بيها مشت
والخيم بالهيمه تطفي عمتي زينـب حــــاولت
شبيد الحرمه ياناس _ وجمر الخيمه للراس
مصايب عمتي مو سهله تنگال
ماكو بكربله افياي _ وركض حاير اهواي
بتراب الخيم طفوهـــا لاطفال
((ہہ᯽★★★᯽★★★᯽ہہ))
بيتي صح احترگ كله _ ايـدي مابيها حرگ
الـــوادم ابيتي تطفي _ بكربله الـوادم تطگ
اطشرت يم باب داري گوه اجره گمت النفس
مختنگ صح انه صدري صدري ماداسه الفرس
سهم ماكو حدر ضلعي ورمح بصفاحي انغرس
هوايه جدي صدره بالطف والله ياناس انرفس
عجيبه غير اليموت _ جسمه يشيله تابوت
بس جدي بحصيره جسمه ينشال
محد داسه بهداي _ وركض حاير اهواي
بتراب الخيم طفوهـــا لاطفال
((ہہ᯽★★★᯽★★★᯽ہہ))
النار ما شبگت بنـاتي _ عمتي الف چويه انچوت
شربتهن مـــاي بيدي _مــن العطش سكنه انلوت
ردت اقيس الغاضريه بفاجعت بيتي وحرت
بس ذكرت اركاض عمتي والله زين ومامتت
براحتي اركض يوادم مــاكو خيل مــن التفت
اخيال مـــــــا طالع لزينب تمشي مسبيه وكت
محد يرضه ترتاح _ حـادي النوگ ذباح
بكيف المو عرف مسبيه الاعيال
تمشي وفاگده الراي _ وركض حاير اهواي
بتراب الخيم طفوهـــا لاطفال
((ہہ᯽★★★᯽★★★᯽ہہ))
منين ابدي بعد حيره _ بحضني ماميت طفل
اسهام ماكو عليه طاحت _ جرني محد بالحبل
بثوبي محد حاط ايـــده وعاري خلاني الضهر
بـــالحجر محد شمرني وذبني مــن فوگ المهر
بسهم مــــــاممرود گلبي ومامتت دمــــي يخر
بخير انه اضلوع صدري اضلوعي مابيهن كسر
مـامسلوب الاهـدوم _ ولاگلبي انه ملچوم
بصدري مارفس يم اختي رجال
جاري واگف اوياي _ وركض حاير اهواي
بتراب الخيم طفوهـــا لاطفال
((ہہ᯽★★★᯽★★★᯽ہہ))
اذكـرت بــاب الــزجيــه _ هنا بعد گلبي وگف
دموعي ما الحگ المها _ امسح وجرحي نزف
تهون كل هاي المصايب هوه بيت الله احترگ
بين بـــــاب وبين حايط ضلع للزهــــره انطبگ
نرفس حيل الباب بيها طــاح محسن ونسحگ
نـــــــار والبسمار يچوي محسن الزهره اختنگ
چف بخدها مطبوع _ خلف الباب وتلوع
صارت فاطمه من العصره اخيال
صعبه الفاجعه هاي _ وركض حاير اهواي
بتراب الخيم طفوهـــا لاطفال
((ہہ᯽★★★᯽★★★᯽ہہ))
مـقتـدى سـالـم
قصيدة للإمام الصادق (عليه السلام )
----------------------------------------
اتمنى اشوفنلك ضريح اتمنه
بارض البقيع وخدمتك تجمعنه
يصادق مجلس ابدارك
وتصير الشيعه زوارك
أمامي ،، أمامي
-----------------------------------
سوالف شوگ ،، نفس مخنوگ ،، گلب محروگ ،، على الصادق يون
ضريحك وين ،، يجرح حسين ،، تشوف العين ،، على ترابك حزن
اشوفن حضرتك يلصادق أمنيتي
وادخل للضريح وتنتعش ريتي
أشم شباچ گبرك يا بعد بيتي
واگلك كون يمك هايه تاليتي
وانه ادري بيك وياي تسمع شحچي
وابقه اطلب الحاجات يمك وابچي
اجيتك وانه خطارك
وتصير الشيعه زوارك
أمامي ،، أمامي
-------------------------------------
احسك دار ،، ولا محتار ،، برد كل نار ،،
امان زيارتك
هوى المحبوب ،، خريف ذنوب ،، اجه المتعوب ،، دخيل بحضرتك
حلم يم مرقدك من نرفع الرايه
ونجيك من العراق سيول مشايه
كلنه بصوت واحد والله عنايه
أذا جاء النصر واكتملت الايه
سبح بحمد الله يم اعتابه
هذا الضريح الما يرد طلابه
يهنيال الصبح جارك
وتصير الشيعه زوارك
أمامي ،، أمامي
-----------------------------------------
مجالس نور ،، سبط مذكور ،، يجي عاشور ،، مجالس بالصحن
يرفعة راس ،، چثيره الناس ،، صعب تنقاس ،، على طول الوطن
سلام ويه الدموع ونبچي بالحضره
بلا خدمه ومجالس هالعمر صحره
بوجه الضيف تقره الحاجه والنظره
حچينه بدمع شايل شوغة الفقره
نبچي اعله زينب والحسين أبابك
يا جعفر الصادق عظيم أمصابك
خذتنه العالم اسرارك
وتصير الشيعه زوارك
أمامي ،، أمامي
-------------------------------------------
محرم جاي ،، يچنك ماي ،، حلمنه بهاي ،، بحضرتك ننجمع
تجي الرايات ،، والولايات ،، بضريح تبات ،، وندگ اعله الضلع
بعيدين ويظل الشوگ كاتلنه
مد أيدك علينه ارجوك ساعدنه
حلم بس الحلم والله موتنه
شوكت يصبح حقيقه ويمتى تجمعنه
كلما نغمض عين تطلع صوره
عن حضرتك وتصيح خل انزروه
حبيب وننطر اخبارك
وتصير الشيعه زوارك
أمامي ،، أمامي
-----------------------------------------
رحيل ارواح ،، عزيز وطاح ،، شوكت نرتاح ،، بنداءٍ حيدري
شعائر ثار ،، وعي وفقار ،، سلام ونار ،، البقيع الجعفري
هلا بزوار جعفر يمتى نسمعهه
وعلى الگبه الشريفه الرايه نرفعهه
هناك الشيعه يمك ها يمرجعهه
ونأذن بالولايه وكلهه نجمعهه
بصحن الضريح الصوت ولد الزهره
ثار الضلع ميموت عايش جمره
بثار العتره نتشارك
وتصير الشيعه زوارك
أمامي ،، أمامي
كلمات الخادم / رعد الفريجي
ثوابها الى روح والدتي
#تراث
دار الوحي مرجونه ..والحيدر يودعونه
والفلك وضعه تغير ..والملك دمعه فجر
والحيدر يودعونه
ــــــــــــــــــــــــــــــــــــــ
هالله هالله شهالموادع غير الكون ونظامه
زلزل العالم العلوي وماجت أركان الإمامه
والگمر نوره تغيب وغربت شمس السلامه
والحلم صيوانه إنهدم
والصبر مصيوب بسهم
ولمن نشف بحر الكرم
يبس گلوب اليتامه
يـفگدهـم يفكدونه ..وبرواحهم يفدونه
وبمصيبته صوبهم .. وبطيحته سيبهم
والحيدر يودعونه
ــــــــــــــــــــــــــــــــــــــ
روحي شـاطت وبدليلي النار تتواگد مشاعل
ولعد رابع سما توجه ضامري والدمع هامل
شفت آثار المصيبه والملك صاعد ونازل
منهم بمحرابه هووا
بآثار دمه تخضبوا
ومنهم لعد راسه إگعدوا
ورتلوا قرآن كامل
واشرافهم ينعونه ..من رادوا يضمدونه
گطعوا هرش الدلال ..ضمدوا جرحه الچتال
والحيدر يودعونه
ــــــــــــــــــــــــــــــــــــــ
چني أسـمع صوت يدوي ودهش فاكرتي برهيبه
صوت جبرائيل ينده ويصرخ بصرخه غريبه
والأفلاك العالميه إنصابت بفتره عجيبه
والأنبياء تهيأت
وبصوره قدسيه إنزلت
بتوديع ابوحسين إحضرت
وشاركتنا بهالمصيبه
للمصطفى يواسونه .. وواجبهم يأدونه
أدووا المعروف بهاي ..وگعدوا يگطروله الماي
والحيدر يودعونه
ــــــــــــــــــــــــــــــــــــــ
حيدر بحاله خطيره ينازع يجود بمهجته
واهل بيته تحوم دونه وكلمن يكفكف دمعته
صد لبو محمد وشافه بصدره تتكسر عبرته
وإنكسر گلبه على الحسن
ناداه ودموعه جرن
عالدين إنت المؤمن
وجهدك وجهدي إحتسبته
وضلع الصبر تحنونه .. عالدين وتحامونه
وإنغشى عليه وتغير .. وصوت النوايح كبر
والحيدر يودعونه
ــــــــــــــــــــــــــــــــــــــ
وإنتبه حيدر ونادى يا عزيز مودع الله
بالأرامل واليتامى يولدي هالله هالله
وريت زينب ما تشاهد لا هوان ولا مذله
وعباس من دون إخوته
فورت دمه شيمته
ودهشت المحضر حسرته
والمفافر مو محله
صوت البچى يخفونه ..لوالدهم يراعونه
لا ينخدش دلاله ..بضجة صريخ عياله
والحيدر يودعونه
ــــــــــــــــــــــــــــــــــــــ
بحالة الإغماء حيدر فاق والحاله ثچيله
وسلم الرايه لفتاها وزرگ عينه على العقيله
صاح زينب هاي زينب والدمع فجر مسيله
خدرچ بهالرايه إنرصد
والرابض بحدها أسد
عباس إلچ نعم الضمد
وفي وما يحصل مثيله
عباس يهتف عونه ..عودي وگرعيونه
من احمل باليمين الجود .. والهاشميين شهود
والحيدر يودعونه
ــــــــــــــــــــــــــــــــــــــ
آه يا گلب العقيله بسهم الموادع تمرد
تمثلت مصرع وليها بجسم والدها المدد
وانبعت عناها شافت كربلا وخدر المفرهد
وتصورت حرگ الخيم
وصاحت يفاروق العلم
وين المراجل والشيم
وين صواني المشيد
صيوانچ يشيدونه .. والخدرچ ينطرونه
ولو عطشوا عيال حسين .. يرويهم بماي العين
والحيدر يودعونه
المرحوم
مهدي الأموي الكربلائي
#اللهم_عجل_لوليك_الفرج
تهدمت والله اركان الهدى
......
صوت جبريل اعتله ابسابع سمه
صوبو هامت علي حامي الحمه
خضبو محرابه ويلي بالدمه
ويتمو ولد الزجيه فاطمه
وزينب الصارت غريبه
ياعظم هاي المصيبه
تهدمت والله اركان الهدى
......
علي ماتمم صلاته بالفجر
بالسجود الاول وراسه انطبر
ويلي ما كمل صيامه ابهل الشهر
والمناجاته بجه الليل ابقهر
واعتله بفكده نحيبه
ياعظم هاي المصيبه
تهدمت والله اركان الهدى
.......
ضجه صارت بالارض لجل الولي
وصيحت الاذان ارجع ياعلي
اليتامه اخلاف عينك تبتلي
الفكد مثلك همه ابد ما ينجلي
بعدك الوحشه رهيبه
ياعظم هاي المصيبه
تهدمت والله اركان الهدى
.......
بعد عينه الدنيه فاركهه الفرح
كلشي بيهه اتغير وكلشي انذبح
وشهر رمضان اعله توديعه انجرح
جرح ما يشفه الامر واقع صبح
صوبو هامت حبيبه
ياعظم هاي المصيبه
تهدمت والله اركان الهدى
.......
ألعرش واللوح بمصابه انفجع
ويلي عالكرار صيحاته رفع
وحشه ظل محرابه خالي امن الجمع
واله يشتاك السجود اويه الركع
الصلاه لجله كئيبه
ياعظم هاي المصيبه
تهدمت والله اركان الهدى
.......
باجر المهدي ابطلعته ينتفض
ياخذ ابثار الصميدة والفرض
ويمحي كل جور وظلم فوك الارض
وبيده ينشر خيرهه بطول وعرض
بس تضل روحه سليبه
ياعظم هاي المصيبه
تهدمت والله اركان الهدى
.......
كلمات
✍ موسى الخادم
من فاطمه العلي
هلي خلصو هلي
من الباب للمحراب لچمه
حيدر علي محتاجه اشمه
هلي خلصو هلي
***
شيعود لمتكم الي شيجيب ابوي وامي
مشتاگه للكعده سوى يا خبر موت جدمي
التمينه تونه وجتنه الاخبار
فرهدو فرحة گلبي والدار
الصدر اليضمنه ايكسره بسمار
منهه وكرهنه الباب والنار
من اهد طيحت أمنه طحنه
من ماتت وداعتهه متنه
والنوب طاح شلون زلمه
حيدر علي محتاجه اشمه
هلي خلصو هلي
*****
مخنوكه يا وادم ترى صعبه اليفارگ روحه
من الليل حد جيت الفجر سهرانه لا مذبوحه
اتمنيت اشوف الچانو وياي
واشتم عطرهم وانحب هواي
الرايح گبر بس بالحلم جاي
بحسرة حظن خلاني وفياي
فگد العزيز يشل الچفوف
ياخذ الحيل وياخذ الشوف
يا شيلت المهيوب ندمه
حيدر علي محتاجه اشمه
هلي خلصو هلي
*****
لا والد ولا أم بعد طير وبلا جنحانه
گاع وصفيت بلا مطر للموت اظل عطشانه
چلمة ال بويه امغربه لهناك
حدر التراب امدده اوياك
حاضر الشده الرمل غطاك
چنهه بحلم لمن دفناك
نهيل التراب ودمع العيون
ظلينه بس شلون وشلون
ميت واصيح الله يسلمه
حيدر علي محتاجه اشمه
هلي خلصو هلي
*****
عيد المگابر من يهل كلمن يروح الناسه
يبدي المشيب من النظر سهله اليشيب راسه
يهل التراب اهلاه يلحنان
تعبان ظل ايتچي تعبان
يمكم گعدنه بعمر ذبلان
دورنه هلبت يمكم امچان
ياهو اليريد انموت يمه
حيدر علي محتاجه اشمه
هلي خلصو هلي
********
خلصت بعد يابو الحسن ردينه وشردينه ؟
تابوت رد من الدفن خلونه وانذبينه
بيت انهدم لن اهله غياب
لمة اهل خربهه التراب
ما ظل زغير اوجوه شياب
يسلمنه حزن انگاب لنگاب
واضح دمعنه وما نضمه
حيدر علي محتاجه اشمه
هلي خلصو هلي
كلمات الخادم / رعد الفريجي
#نعي
موش على طوله وشايلينه
وردالي والدم ساد عينه
خيم علينه امصاب ابو حسين
من شفنه راسه الطابرينه
البيت ظل يعلى نشيجه
من شفنه يبلع گوه ريجه
وينچ ييمه الزهره هليوم
طبرت علي كلش غميجه
ياريت عميه كون هلعين
ولا شفت طب مشيول ابوحسين
اصوابه يمه وطبرت الراس
بگلوبنه خلفن نياشين
امنيلي حيل وجلاده
وانظراله مايل على اولاده
گلبي وصل متگطع اعليه
من أسمعت صوت المناده
كلما نصه صوت المحاچي
بينه عله صوت البواچي
كل اخوتي يم جرحه يبچون
بدموع متروسه الخواچي
يلزهره وينچ عن مصابه
هد حيلنه ويظهد اصوابه
انطبر راس الدين نصين
وعمامته دم من خظابه
عن علي وينچ يلحبيبه
أبدمه نگعت شيبه شيبه
شافه الطبيب وگال ودعوه
ومن طبرته أيس طبيبه
داير ابونه تجمعينه
وانصيح من يعلى ونينه
كل لحظه لمن يگرب الموت
يمه نحس اتغربينه
علي الحميداوي الكربلائي
#اللهم_عجل_لوليك_الفرج
( نعي السيدة زينب عند رأس ابيها في لحظاته الاخيره )
ها نام ها غمض عيونه
يحسين ابوي انخطف لونه
خلوه لا لا تغطونه
الله واكبر هذا ابونه
حاچيني هم بصدره انفاس
شو تبچي جاوبني يعباس
خلوني عندي عتاب اگوله
ارد ارجع لعمر الطفوله
واغفى على صدره واشتكيله
شالو اهلنه شلون شيله
بويه علي حاچيني بويه
يحسين راح الزين خويه
المن بعد وجهي اديره
حيره اللفتني شلون حيره
كسرتنه يا وادم چبيره
ها نايم وگدامك انحب
گلولي ميت والدمع صب
وانا جبتلك ماي تشرب
منك ردت بس چلمه وحده
بس گلي بويه وعمري رده
آه يا علي الراح شيرده
خلوني يم البيه محنه
يم التخاف الزلم منه
يا موت ابعد لتدنه
شو خلصتهم كل اهلنه
ارد ابچي يم راسه واحاجيه
وبدموع عيني ابچي واغطيه
گلبي اليريدك وين اوديه
چا هيچ تخلص هاي هيه
جوه التراب اهل الحميه
ها يا علي شمسوي بيه
رايح بعد ما بيك جيه
البارحه امي وانته هاليوم
عايف دليلي بحرگه ملچوم
بويه لفانه العيد وانته
وجهك علينه ليش درته
ماظل صبر الا وصبرته
بس بويه موتك موش وكته
يا بيت يسوه بدون الاحباب
عافونه راحو جوه التراب
ياهو انتلگه بدگة الباب
وياهو البعد يسأل علينه
على حزني احاچيمن عليراح
ابد ما صدگ الگالو عليه راح
لحد جبريل ما نادى علي راح
انهدم گلب السمه بهاي المسيه
بينه يعيش ما ظن راح ألمنه
مثل ما چان ماخذ راحه لمنه
أبونه اليوم غرب راح لأمنه
الضلع والهامه يتلاگن سويه
كلمات الخادم / رعد الفريجي
عندما وصلت اللحضات الاخيرة واقترب الموت من مولاي أمير المؤمنين(ص) تحتار اهنا مولاتي السيدة زينب(ص) شلون تودع ابوها أمير المؤمنين وتگول….
مخنوگة روحي شلون أودعة..
گرّب علي للموت
حاچاني بس بعينة دمعة..
حضرو ألي التابوت
نفسي يزينب راح اگطعة..
ماكو بعد كل صوت
حسين بعيونة يبچي ويصد
گلي يزينب لا؟ ما يرد
منظر مماتك يشلع گلب
يموتنة بوية هذا الفگد
سبل چفوفة
وغمض عيونة…وانة حرت
بعيني اشوفن
لحضة مماتة…كمت وطحت
صاحالي زينب
راحن اموتن…مات؟ ومتت
راح من ادينة….
___________________________
هاي النهاية وراح اعوفة…
ابچي وديّر العين
العباس اروحن كمت اشوفة..
يبچي سوة ويحسين
گلبي يبوية شلون اروفة..
مثلك نجيب منين
هاية النهاية التكتل كتل
لمن وداعك بوية وصل
تمنينة احنة مچانك نموت
خلص دمعنة وضاع الأمل
تشابگنة گلنة
بلحضة مماتة…وسد الجفن
ودعنة سكتة
بدمعة عيونة…وصار الحزن
من گد طبرتة
وعضم المصيبه…عيونة انعمن
راح من ادينة….
___________________________
زينب يبويه بطلي دمعچ..
سمعي كلامي جروح
حسين هسه هذا يمچ..
وباچر يضل مذبوح
صبري يزينب ضمي حزنچ..
يگتلچ يبويه النوح..
شبعي من خوتچ زينب نضر
بعيدة المسافه وباچر سفر
عاشر؟؟ وراكم يكضي ذبح
ومن المخيم ميضل أثر
باچر عذابچ
يكبر يزينب…متضل خيم
يذبحون اخوتچ
كلهم عطاشه…هذا الألم
وحدچ غريبه
والحيرة حيرة…دمعه وندم
راح من ادينة…
____________________________
الوصيه…مولاي امير المؤمنين يوصي مولاي ابا الفضل العباس ويگلة…
عباس بوية هاية زينب..
وانتة الكفيل تصير
هاي الحنينة لا! متتعب..
ما تنهضم وتحير
جمره بدليلي بروحي تلهب..
زينب وكتها يدير
متعلمة زينب بس علدلال
ماتدري شنهي طاري الحبال
خوفي عليهة من يلفي شام
تتعب يبوية ويطلع خيال
ماهية سهلة
زينب اميرة…صعبة الهزل
من چف گمرها
وغيرة حنانة…لچف الحبل
بلشام اسيره
لكلهة مهابة…ما تنعقل
راح من ادينة…
___________________________
✍️محسن الباوي
اللهم عجل لوليك الفرج
____________________________
/channel/muhseen0
لحن القصيدة 👇👇
#استشهاد_مولاي_امير_المؤمنين_ع
لاتموت _ بــويــه افتح عينك
لاتموت _ يموت تدري حسينك
بويه يلطولك ضوه _ مات وياك الهوه
لاتموت _ لاتموت
((ہہ᯽★★★᯽★★★᯽ہہ))
غمضت عينك يبويه وغمضت عـيــن الشمس
مـــره وحـــده يبني گلي مثل مــــاگتلي امس
حيل بيه اصياح بويه انـه بس مــــا بيه حس
ياهو اگعد واشتكيله بحالي مـــا واحد يحس
للرحيل _ نـاوي هـــــاي الليله
للرحيل _ حسين مــاخذ حيله
نندفن حلمي سوه _ مات وياك الهوه
لاتموت _ لاتموت
((ہہ᯽★★★᯽★★★᯽ہہ))
بويه ياضحكت يتامه حيلي مو نص كله راح
ويني وين انه هجرك شيبي برموشي انه طاح
من عصر بالحجره افتر عشر اصابع بـ الصفاح
شابگ اهدومك وابچي مـــــن اشمهن استراح
بيه روح _ زيــــــن ضلت بيه
بيه روح _ بشاربــــــك رد ليه
ها يسر القل هوه _ مات وياك الهوه
لاتموت _ لاتموت
((ہہ᯽★★★᯽★★★᯽ہہ))
خيمه طولك بعد طولي شعنده فوگاك التراب
هذا حالي الموت راحه ولا شفت هذا المصاب
اليتامــــه الليـلـــه بعدك محد ايدگلها بـــــاب
لا يجينه العيد خنگه نكشخ بسـود الــــثياب
يالحنين _ رد عـــلـي ليتامـك
يالحنين _ بويه كمل اصيامك
بطبرتك گلبي انچوه _ مات وياك الهوه
لاتموت _ لاتموت
((ہہ᯽★★★᯽★★★᯽ہہ))
بداعة الـزهره يبويه گـــوم رد عافيتي الي
انت ابوي وانت ناسي وانت اهلي وكل هلي
دنيا ضلمه البيت ضلمه كلشي ضلمه ابلا علي
بگلبي هوسه اصياح فاگد صوت فگدك معتلي
لا تـروح _ انموت بويه ابدونك
لا تـروح _ مــــره فك اعيونك
الموت بفراگك دوه _ مات وياك الهوه
لاتموت _ لاتموت
((ہہ᯽★★★᯽★★★᯽ہہ))
حاني ضهري وگوه امشي ع حياطين انتچي
بويه بالضيم انه حالي وراحتي صارت بچي
مگابل السجاده وانحب ساكت وعيني تحچي
هذا بــويـــه العيد خنگه العيد مــا اريده يجي
گوه اگوم _ وگوه اشيل اجدامي
گوه اگوم _ اندفنت انــه حلامي
عمري يابويه انطوه _ مات وياك الهوه
لاتموت _ لاتموت
((ہہ᯽★★★᯽★★★᯽ہہ))
للـخـادم
مـقتـدى سـالـم
يوم اهدعش شعبان فــرحانـــه دنيــانــه
فرحــان ابو السجاد والشيعــه فرحانــه
بمولد الأكبــر علــي بمولد الأكبر علــي
*
لحسين أشــرق يـا بــدر يشبـه بــدر جــده
نفـس المعـانــي والشـبــه والنـــور البخـده
ما مات ابو الزهره ابـد چـي لن علي عنـده
نفس المعاني والخُلـق يعنــي النبـي بعــده
نفس النبي المختار رب العلا انطانه
فرحــان ابو السجاد والشيعه فرحانه
بمولد الأكبــر علــي بمولد الأكبر علـي
*
أمـلاك ربنــا گصدتـه طشـت أريـج ويـاس
صـوره لمحمد بالمهد مـن كـل كتـر تنبـاس
هنت ابــو اليمه بعلي نثــرت ورد عالـراس
بچفوفه هز مهده بفرح عمه الگمر العباس
عمه الگمر فرحــان والحـــره ويانـــه
فرحــان ابو السجاد والشيعه فرحانه
بمولد الأكبــر علــي بمولد الأكبر علـي
*
بشعبان هـل وجهه البهي يوم اهدعش منه
ومـــن حنّــة الجنـــه المهــد أمــلاك حنّـنه
والجنه گصـدت للمهــد مشتاگــه الـه الجنه
و شمــت بمهده يا عطــر عطـر النبي چنــه
عطــر النبوه أهنــاك مــوجود بركانه
فرحــان ابو السجاد والشيعه فـرحانه
بمولد الأكبــر علي بمولد الأكبر علي
*
حگنــه نصفگ بالفــرح ونهنــي ابـو اليمــه
ونعلگ لهل الفــرحه شمـع ونجـدد البسمه
الحسين نعمــه ونشكــره بارينـه عالنعمــه
الضيع حسين بدنيته صدگني هــذا أعمـه
بي احنــه متمسكين بحسين مولانــه
فرحــان ابو السجاد والشيعه فرحانه
بمولد الأكبــر علي بمولد الأكبر علي
*
الشاعر
موسى البديري
عباس الطف بچفينه
عباس الطف بچفينه
-------------------------------------------
خيال الموت وراعيهه
گاع الطف مهره امسويهه
بيمينه اولهه وتاليهه
هذا الكافل عم سكينه
عباس الطف بچفينه
---------------------------------------
هاي الجربه الفوگ امتونه
هذا الموت بنص عيونه
چا وين الجيش ايلاگونه
رد حيدر ماظن ناسينه
عباس الطف بچفينه
--------------------------------
حتى الماي ايريد ايزوره
هذا النور العاشگ نوره
وبچفه الرايه المعموره
يا شطهم مات امگبلينه
عباس الطف بچفينه
----------------------------------
سوى بگاع الطف اسوايه
جيش وصار ابچفه حچايه
ماتت وادم جوه الرايه
يا رهبة عباس وعينه
عباس الطف بچفينه
-----------------------------
هيه الحومه بدونه شبيهه
ما تحلى أوهوه امحليهه
گالب سافلهه وعاليهه
تفصال الهه وما ناخينه
عباس الطف بچفينه
--------------------------------
شنهي الطول وشنهي الهيبه
سبحان الخالق ترتيبه
ذاك الشط وراح ايجيبه
چا وين الناس الحامينه
عباس الطف بچفينه
---------------------------------
عبرت وادم صوب الكوفه
شردت كلهه وتبقى چفوفه
هاي الرهبه وهاي الخوفه
هد بظهره الوالي حسينه
عباس الطف بچفينه
----------------------------------------
تخلص ما تبطي وخلاهه
بالطف ما توگف رحاهه
محلاهه بچفه شمحلاهه
هاي الرايه وهاي ايمينه
عباس الطف بچفينه
كلمات _ رعد الفريجي
@HxzEU1
#قناه_نشر_القصائد_المنبريه
هله يا بو علي
عشگي الاولي
حبيتك سميتك
عشكي الاولي
..
ميلادك ما اجمله هالليله الفرح حله ميلاد الإباء
هله يا بو علي هله هله بيك بگد كربله وبگد السماء
انت شمعة كربله ومصباحها
والسمه علنت الك افراحها
والملائك صفگت بجناحها
يا بو علي
فرحانه السمه
يا بن فاطمه
ناديتك سميتك
عشكي الاولي
..
عله مهدك فطرس نزل
شفه جنحه وشافك امل مثلك يلگه وين
گالوله شنهو الحصل
ردد هذا المستهل محبوبي حسين
وصاح ابو السجاد روحو لبابه
سجلو اسمكم يا خلگ بكتابه
يا هو مثلك و الدوه بترابه
يا بو علي
دوه اسمك دوه
واغله من الهوه
شميتك سميتك
عشگي الاولي
...
أرضه بنارك احترگ هيهات عنك افترگ يا اعظم إمام
لولاك گلبي ما يدگ مهيوب وياك العشگ ولغيرك حرام
انت مو صدفه رزق رباني
واليضيعني ايعرف عنواني
تراب يم باب الصحن يلگاني
يا بو علي
وداعة گبتك
بيتي بحضرتك
يم بيتك سميتك
عشگي الاولي
...
اهواك يا جنة عدن اهواك يشهدلي الزمن وايام السنين
ضايع دونك يا وطن لو گالو انت لمن اصرخ للحسين
آنه عله الفطره اصيح بصيحتي
حسين احبنك يبعد رويحتي
حروفك بوكت الصلاه تسبيحتي
يا بو علي
مربيني بزغر
مدللني بكُبر
تربيتك سميتك
عشگي الاولي
...
مولاي يا عطر الورد ما يوم عنك ابتعد يا كهف الحنان
تاخذني الدنيه وترد يحسين وارجعلك عبد والگاك الأمان
انت سر العاجز بتفسيرك
تضيع روحي من تروح لغيرك
الخير انت وكلنه عشنه بخيرك
يا بو علي
والحب كلمتين
خادم للحسين
وبصيتك سميتك
عشگي الاولي
...
خادم الحسين ( عليه السلام)
كرار حسين الكربلائي
( ابو كميل)
نعي للامام الصادق
****
طلع نعش الحزن للصادق بهل يوم
والزهره تنادي وليدي يالمسموم
١
من شاهدت نعش الصادق ابدمعه
كعدت بالحزن بالفاجعه تنعه
يالصادق ييمه صوتي متسمعه
عليك بصوت اصيحن والگلب مالوم
٢
نعش الصادق المحمول بالحسره
وتمشي وي النعش بالآه والعبره
بالمدمع تنادي فاطمه الزهره
يوليدي ييمه والدمع مسجوم
٣
نيران النعش بالگلب لهابه
والزهره تصب دموع سچابه
اليوم الصادق ايودعونه احبابه
مهموم ويودع للگبر مهموم
٤
اليحب يمشي ابدمعته وي النعش مأجور
نعش الصادق المسموم والمغدور
نور من العرش هذا النعش بي نور
معروف الأمر للوادم ومعلوم
٥
طلع نعش الحزن هالليله بالمدمع
وبزود الخدم هذا النعش يطلع
هذا النعش هذا بالگبر ينفع
نعش الصادق الگضه العمر مظلوم
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
#ابوذيات
للامام الصادق عليه السلام
موش ادموع يتجارن .. تره دم
او حتى بالحلم عينه .. ترى دم
گأنه الخيل ينظرها ...... اترادم
اعله صدر احسين يوم الغاضريه...
عليه ما مِل من الدمعات . وسأم
الصدره باللطم لحسين ... وسّم
مات امن القهر والجور ... وسّم
ويتامه الليله عگبه الجعفريه...
وبلسان حاله عليه السلام يقول:
أنا الما وجع دلالي .... ولا ذانِ
غير الركضن العمتي ... ولاذن
وحگ الشرع . والمذهب . والآذان
دمعهن أشد من السم عليه .......
ابو فاطمة الطائي
#اللهم_عجل_لوليك_الفرج
ابوذيات لاستشهاد الإمام جعفر الصادق عليه السلام
على عروش الهدايه الك منصب
بغيابك دمعنه سيل منصب
كل شيعي بگلب مجروح منصب
بفگدك يبو الكاظم هلمسيه
وجهك ياهلال العلم منهل
هدايه ومعرفه للناس منهل
الكاظم بالتراب اعليك منهل
هَلَّت دمعته وَنَارَه سريَّه
الشاعر حسن لعيبي الحريشاوي
...شهادة صادق العتره عليه السلام....
ويلاه يا سيدي ويلاه ياسيدي
.........................................
ياوكت ليجي مظلوم
يحگ نبچي عليك بدم
العين عليك ماتنلام
من تجري الدمع زمزم
ياجرح الننوح عليه
فراگك سيدي والسم ؟
لو نبچي يبو الكاظم
الگبرك ذاك المهدم
.........................................
يمشيد الدين علوم
المنك مااخذ خسران
الكتاب بداركم نازل
ونته الترجم القران
الامه شبيها يالصادق
منها غايب الوجدان
ذمه مارعت ليكم
وتبعت خط بني سفيان
.............................................
هم حرگو الدار عليك
نفسهم سيدي العدوان
بجيت اتذكرت مولاي
بالطف رگظت النسوان
عمتك سيدي بهيمه
تلم الحرم بالميدان
ونفسهم ردو الگبرك
وهدموه بحكم مروان
.........................................
من أنوح يم گبرك
العده اتگول الدمع ممنوع
عجيبه وتدعي التوحيد
وحجي تسمعنه مامسموع
بتقيتنه شنريد انگول
بحسرتنه نظل انلوع
يكون انطيح يم گبرك
ونشيد الگبر بضلوع
......................................
راعي الثأر يا مولاي
يظهر يمتى لجل الثار
بشيعتكم امانيها
كلها اصغارها وكبار
مثل ما بربعين حسين
نجي من كل كتر زوار
انشيد گببكم ذيج
يالصادق بدمنه الحار
........................
خادمكم قاسم المالكي
يحيدر الك وسط العرش ماتم
طحت والفرض شهره وياك ماتام
هاذي غيبتك ياعلي موت ام
غبت ياگمر عن هاي البريه
............
تره اليطلع نذب احنه وراه ماي
الطلع حيدر وگمت انه وراه اماي
الچنت حاسبته الي مسند وره اماي
غفل شال وبگيت اصفگ بديه
..................
عليك الدمع عيني ماتبينه
ومن ون العليكم ماتبينه
صدك يحسين صارت مات ابينه
علي وانطبر راسه بهل مسيه
..................
حيدر من مشه عنه يتم لاه
يتامه والشهر ماظن يتم لاه
اصيحن صومه والدنه يتم لاه
علي ميت يرد الصوت ليه
..................
مشه وقرآنه حيدر مايرتله
ولا عين اعله فكده ما يرتله
كل واحد مصيبه مايرتله
اصد داره وحزنهه ايعيل بيه
...............
يالامطوع الانس بالسيف وجان
الك نيران وسط الگلب وجن
بعد مالي غرض بالمشن والجن
النطرت اعليه باگوه امن اديه
السيده زينب عليها السلام
خادم اهل البيت علي الزرگاني
@HxzEU1
#قناه_نشر_القصائد_المنبريه
#نعي
موش على طوله وشايلينه
وردالي والدم ساد عينه
خيم علينه امصاب ابو حسين
من شفنه راسه الطابرينه
البيت ظل يعلى نشيجه
من شفنه يبلع گوه ريجه
وينچ ييمه الزهره هليوم
طبرت علي كلش غميجه
ياريت عميه كون هلعين
ولا شفت طب مشيول ابوحسين
اصوابه يمه وطبرت الراس
بگلوبنه خلفن نياشين
امنيلي حيل وجلاده
وانظراله مايل على اولاده
گلبي وصل متگطع اعليه
من أسمعت صوت المناده
كلما نصه صوت المحاچي
بينه عله صوت البواچي
كل اخوتي يم جرحه يبچون
بدموع متروسه الخواچي
يلزهره وينچ عن مصابه
هد حيلنه ويظهد اصوابه
انطبر راس الدين نصين
وعمامته دم من خظابه
عن علي وينچ يلحبيبه
أبدمه نگعت شيبه شيبه
شافه الطبيب وگال ودعوه
ومن طبرته أيس طبيبه
داير ابونه تجمعينه
وانصيح من يعلى ونينه
كل لحظه لمن يگرب الموت
يمه نحس اتغربينه
علي الحميداوي الكربلائي
حيدر .. صلى الله عله اعيونه
حيدر .. خيمه عاليحبونه
علي علي علي علي حيدر
ــــــــــــــــــــــــــــــــــــــ
حيدرنه قرآن .. وللشيعه ربان .. نهتف بالاذان .. اشهدو الحق علي
ماغيره محبوب .. عايش بالگلوب .. وبدمنه مكتوب .. ياعشگنه الأولي
الله خالقنه العلي ازغار اكبار اي والفلق
واحنه من نندب علي ليش اتصير أنته بقلق
لاتعاتب شيعته وجه اللوم للي خلق
حيدر.. عدكم مثله شَوفونه
حيدر .. خيمه عاليحبونه
علي علي علي علي حيدر
ــــــــــــــــــــــــــــــــــــــ
للشيعه مـنهاج .. اسم الوصي تاج .. وايسبب ازعاج .. للبعض هذا الاسم
حكهم يغارون .. حيدر علي يكون .. وي موسى هارون .. وبالحرب هان الزلم
حيدر ابوقعة أحد واحد چان بالملحمه
اتفاجأ بقوته الوحي وصاح بصوت هز السمه
لافتى الا علي والفقار ينگط دمه
حيدر.. ماگدرو يفسرونه
حيدر .. خيمه عاليحبونه
علي علي علي علي حيدر
ــــــــــــــــــــــــــــــــــــــ
حيدر إذا صال .. تركعله الابطال .. بالحومه زلزال .. سد الاسكندر يهد
كررهه ابواتراب .. موبس قلــع باب .. ظل يقلــع ارگاب .. يذبح وطه يعد
ابن ابو طالب إذن يعني الصيت والـمرجله
ابوجهه عصمة فاطمه ابظهره احسين نتخيله
اتصور أنته الـمرتضى لو موجود في كربله
حيدر.. ايحط الشط عله امتونه
حيدر .. خيمه عاليحبونه
علي علي علي علي حيدر
ــــــــــــــــــــــــــــــــــــــ
من فاضل الطين .. احنه اوي ابوحسين .. حيدر علي الدين .. والاسلام الاحمدي
ظله وتبعناه .. وماعفنه مسراه .. والينه والله .. وبولائه نقتدي
حارس الوادي علي والاموات مستانسه
اذنوبه كلهن طايحه الحاضر جان في مجلسه
قدس الله بطبرته وهو الله هم قدسه
حيدر .. واجب أن تقدسونه
حيدر .. خيمه عاليحبونه
علي علي علي علي حيدر
ــــــــــــــــــــــــــــــــــــــ
الكل شده مفتاح .. سلطان الارواح .. والياعلي صاح .. كل همومه تنجلي
باسط يد الخير.. واموكّل الطير .. شعلينه بالغير.. احنه نعرف بس علي
مريم اتهز بالجذع حيدر چان هو الرطب
وعالسفينه من مشت اسأل نوح ياهو السبب
ويونس ايسبح غده ابطن الحوت حيدر ندب
حيدر .. يفرح لليندبونه
حيدر .. خيمه عاليحبونه
علي علي علي علي حيدر
الشاعر محمد الجماسي
#اللهم_عجل_لوليك_الفرج
شلون حال أم عون هاي الليله
حيدر جنازه وچفوف اتشيله
********
شلون حال الودعت أم وأبو
الليله الله ايعينهه ايعين الاخو
مات والدهه وطلع نعش الدفو
تصيح حيلي الليله خلص حيله
*******
الشال كل الدنيا ينشال بنعش
الجوع مات بوكته والذل والعطش
الحظنه للايتام بليل انفرش
وينه ستر الدنيا ستر الشيله
*********
ونت الحوراء من مات الولي
يا علي وياك حيدر يا علي
چلمة الله وياك ما ترهم ألي
گلبي ما يحمل علي تچيله
*****
اليوم ظلمه البيت اي والله انهدم
الليله زينب عاشرت آه وألم
طاح ابو الحسنين چن طيحة علم
وظلت عيون السمى تبچيله
*******
زينب الاحزان زينب صابره
منين ما تندار فاطم حيدره
بيهه ليش ايعيل درب المگبره
كل سنه بوالد أخو تمشيله
*******
خلص ماي اعيونهه وكبرت عمر
زينب الله يعينهه جنازة و تمر
يم گبر تنعاه وتنوح الگبر
وگبر عن ضيم السبي تحچيله
كلمات الخادم / رعد الفريجي
#فصيح
يا خيرَ شهرٍ في الشهورِ تَصدَّرا
كم فيكَ جَفنٌ بالدُّموعِ تَفَجَّرا
فيكَ الوَصيُّ هَوَى بِفَرضِ صَلاتهِ
وَفُؤادُ أمِّ الحُزنِ فيكَ تَفطَّرا
لهفي لِزينبَ قد رأت رُزءاً وقد
أبدَت لها صُمُّ الصُّخورِ تَأَثُّرا
فعلى فِراشِ المَوتِ تنظرُ والِدًا
قد كانَ للإسلامِ حقًا مَفخَرا
وَتَراهُ يَنظرُ في الوُجوهِ مُودِّعًا
والسُّمُّ في رأسِ الهدايةِ قد سَرَى
قد عايَنَت وَجهَ الإمامِ المُرتضى
مِن سُمِّ أشقى الأشقياءِ تَغَيَّرا
يا زينبٌ يا بنَتَ ساداتِ الورى
نُجري عليكِ مَدى الدُّهورِ تَحَسُّرا
نَبكي مصائبَكِ العظيمةَ حَسرةً
يومًا إذا ذِكرُ المَصائبِ قد جَرَى
ويلاهُ يا أمَّ المصائبِ كم جَرت
من أجلكِ الأجفانُ دمعاً أَحمرا
أبكيتِ خـيرَ الأوصــياءِ بِعَـبرةٍ
والقلـبُ منهُ من الشُّجونِ تَفطَّرا
لهفي لهُ وبَصدرهِ جَمرُ الغَضا
لمَّا غدا عن يومِ سَبيكِ مُخبِرا
حقًا إذا سالت مَحاجِرُهُ دمًا
فلقد رأى جُرحَـاً بِسبـيكِ أكـبرا
السيد عدنان الموسوي
#اللهم_عجل_لوليك_الفرج
#نزال
علي كلشي وكلشي يمشي برايه
علي چف الله وعلي أعظم آيه
علي بس هوه الرفع چفه النبي
بس علي وماعدنه أبد غيره ولي
أصل ديني وديني يحله بيا علي
ترجمان الله النزل بسمه الوحي
بس علي تلوگ علمتنه الرايه
@@@@@@@@ @@@@@@@@@
علي لو ما علي ما صارت زلم
يفيض غيره بالصور من ينرسم
چفه سر مكنون أبد ماينفهم
من علي ونوره طلع صيت النجم
بسم حيدر تحله كل حچايه
@@@@@@@ @@@@@@@@@@
صار ستر الدنيا في خاجيته
علي دنـيــا وأخــره والـيـتـه
ماكو أول بس علي وبزريته
علي حرزي البـالگلب شديته
حب علي لو موت أله شرايه
@@@@@@@@ @@@@@@@@@
ملح كل حچايه مابيهه ملح
دوه ذكره بيا علي يطيب الجرح
ذكره سيف الموزمه أوجه الصبح
علي شيخ ومثله ما واحد يصح
عله فوگ الدنيا طود فيايه
@@@@@@@@ @@@@@@@@@
علي بيدر معرفه وجاه وفضل
علي معدل السالفه الماتنعدل
كل فراضه ومالهه واحد يحل
نگول حيدر علي ويطيح الفصل
حاضر بكل موزمه يدگ ثايه
رسول رياض
#مولاتي_زينب_ع_
#استشهاد_مولاي_الامام_علي_ع
يلحدر التراب _ شيفيد العتاب
مايرجع الراح
ذابحني فرگاك _ لا اگدر انساك
لا اغفه ورتاح
يالخذت روحي بغيابك
اغفه بس بشم ثيابك
((ہہ᯽★★★᯽★★★᯽ہہ))
العمر مايسوه العمر ،،، ويني وين الهجر
الدنيا ضاكت بويه بيه اليله
انعصر گلبي ورجف ،،، جرحي يابويه نزف
مره اشم ثوبك ومره الشيله
بيـدي شيلت أمــــــي وافتــر يم حجرتك
مــن يجيني اليل بويه اركض ع اعمامتك
اوشاله صبري وحيلي اخذتـــــه بفرگتك
الفرگه مو يوم _ ما اعرف النوم
يالماخذ الحيل
ياضحكت العين _ تعبت الحسين
دمعاتـــه تسيل
كاسر الدنيا بمصابك
اغفه بس بشم ثيابك
((ہہ᯽★★★᯽★★★᯽ہہ))
مولح اعيوني البچي ،،، ع الحياطين انتچي
خطوه امشي وخطوه ما امشيها
نطبع چفي ع الضهر ،،، الشيب للشيله عبر
بويه زينب نفس مــــا ضل بيها
المغربيه كلها تلتم للمگابر جــرنـــي شوگي
اتراب گبرك كـــون اطشه امنيتي فـــــوگي
نشف دمــــــي يـاعـلـي ويبسن اعــــروگي
بيدي الدمع طاح _ نطبعت بـ الاصفاح
يابويه الچفوف
الماعدها ابو تموت _ ماضل بعد صوت
لا ضل بعد شوف
امتانيه الليله جوابك
اغفه بس بشم ثيابك
((ہہ᯽★★★᯽★★★᯽ہہ))
الفرگه مو شده وتفض _ مايدگ صار النبض
الحيره تاخذني وتردني الحيره
الچف بخدي اثـــــر _ ترسم اعيوني صــور
صرت اشوف الدنيا حيل ازغيره
مالت الــــــــدنيا ويــه زينب حــيــل مالت
مــــــن وكت زينب يتيمه بـــويــه صــارت
گلبي مــــا مرتــاح مـن يــوم امــي راحــت
شالــت والعـيـون _ ماتعرف اشلون
تـطبگ جـفـنها
يــــاگلبي هيهات _ مــايـرجع المات
اتراب بحضنها
من التحب لچمت عذابك
اغفه بـــــس بشم ثيابك
((ہہ᯽★★★᯽★★★᯽ہہ))
بويه يلطولك ضوه _ بصدري مخنوگ الهوه
يالحنانك بويــه ديـــــره بروحي
اعيوني افتحها الصبح _ ياعلي صرت بجرح
عگب وجهك انــــه افــز بنوحي
البيت وحشه ونــدي مـــا اطب انه بيتي
ساعه سـاعه احسب تجي ساعت منيتي
وبــدمـع عيني لخوتـــــي اكـتب وصيتي
دفنونــي ويــا _ الما اگدر انسا
هـــاي امنياتي
كلهن غميجات _ اجروحي ع المات
شوگي المماتي
دموعي اوزعها ابثوابك
اغفه بس بشم ثيابك
((ہہ᯽★★★᯽★★★᯽ہہ))
گلب اليحبك تعب _ حيلي والنوم انسلب
هنا گعدنه اهنا ضحكنه ذكرياتك
من النفس اقرب الي _ بويه غير انت هلي
فــــازعه باليل اركض يم عباتك
اكســـر الــخــاطــر وادور حجره حجره
ويــن مـــا حط عيني بويه الگه ذكــــره
گلبي تـــــــــــــدري بغيبتك انطاك عمره
ماتنحل اشلون _ مو شده وتهون
وتعود الايــام
من ايدك ام عون _ ليد اليكرهون
يسبوني للشام
اندفن كــون بترابك
اغفه بس بشم ثيابك
((ہہ᯽★★★᯽★★★᯽ہہ))
للـخـادم
مـقتـدى سـالـم
اليوم املاك السمه
لبن الحسين محزمه
اسمه مثل اسم الولي
(هاذ الولد اسمه علي)
—————————
گالو ولد عد حسين
صاير وفرحانه العين
يشبه محمد بشكل
هاشم اليله معيدين
ياليلى عينج عل ولد
وصيت ما وصي بعد
لو زارو الدار الغرب
غطي گبل لا ينحسد
بجيتك جايبلي الخير
من صرت فرحان الطير
فرحانه بسمه كل هلي
(هاذ الولد اسمه علي)
—————————
كبران ابني لو بعد
يوميه برسومه اصد
ينطي شبه لاخر نبي
بعيوني اشوفنه الولد
تلثمه ليلى لو طلع
ونطفي بليل الشمع
خافن يصد واحد اله
من المدينه لو رجع
لنبي بسكته نزوره
عيون الهواي تعوره
لينضر عيونه يبتلي
(هاذ الولد اسمه علي)
—————————
ابني و اخاف علي كبر
منه خجل قرص الگمر
افتحله صدري من يجي
و اقراله ايه لو عثر
من يلبس هدوم الحرب
جفه عله سيفه من يطب
هيبت علي وشكل النبي
و الغيره من گصته تصب
عينه احله من كل والورد
لمن عله عيونه اصد
شوف الجمال الهاشمي
(هاذ الولد اسمه علي)
—————————
✍️علي اياد
( شوق زينب لمولد العباس )
………………………………………………………
نور الله وجماله
يا راعي الكـفاله
گلبي لشوفتك هام … اختك تحسب ايام
يا راعي الكفاله
……………………………………………………………
زينب و بسؤال لأم البــْ نين .چايمته الولاده
زرع شوگ وسنابل تارسه العين. بوليدج حصاده
بعباره (ياهله بسگاي الحسين).طرزت الوساده
احلمت رايه وترفرف فوگ سبعين. معناها القياده
فرسان ال اميه
بـي شـافو منيه
راس يـلوذ بالراس .. مـن سيفك يعباس
يا راعي الكفاله
……………………………………………………………
على هيئة عرش مهدك يعباس.بحقك مو كفايه
الك غشاوه صارت شيلة الراس .وغطاك العبايه
حتى تشم خدر زينب بالانفاس .ويظل للنهايه
وأطش سنين عمري طشه الياس.لجفوفك هدايه
اختك كل عمرها
ظل شابح نظرها
للـيفدي الخدر عين .. يـهدي لاخته جفين
يا راعي الكفاله
……………………………………………………………
امي الزهره صاحتني بفرد يوم .يا زينب بشاره
الله انطاج اخو اعل الغيره مفطوم.كافل وبجداره
انته لخدر زينب وقف معلوم . من ربج قراره
مو من الشمس يضوي الگمر دوم.من عنده الاناره
گليله الزجيه
ودتـلك تحيه
يـطلبني الگمر دين .. جنه و بيها جنحين
يا راعي الكفاله
……………………………………………………………
والدنا الوصي يگلي أنتي بحماه .يا زينب اميره
يكتب اسمج اعل قماشت إلواه. تعيشين بضميره
من مهدك علگ والحسن شداه. بديوان العشيره
بيك الحـسن وي فنجانه و دلاه.فرحتهم چبيـره
دخّل كل ضيوفه
و لمـهدك تـشوفه
معزب گلهم اهواي .. يعطش ما شرب ماي
يا راعي الكفاله
……………………………………………………………
مـثل مـصباح عـيد بعين الزغار .حسينك خطيه
للـبدويـه يـسأل لـيـل و نـهار .مـحتام اعلخيه
بدل محسن اخو لا تظل محتار .گالتله الزجيه
بظهر حسين ولعمهم شغف صار .عبدالله و رقيه
فرحانه الضعينه
الاكبر وي سَكِينه
وكل شيعي الـبلصلاب .. گلبه بحب الك ذاب
ياراعي الكفاله
……………………………………………………………
✍️ ( سيد خضر الزاملي )
@HxzEU1
#قناه_نشر_القصائد_المنبريه
هله يا بو علي
عشگي الاولي
حبيتك سميتك
عشكي الاولي
..
ميلادك ما اجمله هالليله الفرح حله ميلاد الإباء
هله يا بو علي هله هله بيك بگد كربله وبگد السماء
انت شمعة كربله ومصباحها
والسمه علنت الك افراحها
والملائك صفگت بجناحها
يا بو علي
فرحانه السمه
يا بن فاطمه
ناديتك سميتك
عشكي الاولي
..
عله مهدك فطرس نزل
شفه جنحه وشافك امل مثلك يلگه وين
گالوله شنهو الحصل
ردد هذا المستهل محبوبي حسين
وصاح ابو السجاد روحو لبابه
سجلو اسمكم يا خلگ بكتابه
يا هو مثلك و الدوه بترابه
يا بو علي
دوه اسمك دوه
واغله من الهوه
شميتك سميتك
عشگي الاولي
...
أرضه بنارك احترگ هيهات عنك افترگ يا اعظم إمام
لولاك گلبي ما يدگ مهيوب وياك العشگ ولغيرك حرام
انت مو صدفه رزق رباني
واليضيعني ايعرف عنواني
تراب يم باب الصحن يلگاني
يا بو علي
وداعة گبتك
بيتي بحضرتك
يم بيتك سميتك
عشگي الاولي
...
اهواك يا جنة عدن اهواك يشهدلي الزمن وايام السنين
ضايع دونك يا وطن لو گالو انت لمن اصرخ للحسين
آنه عله الفطره اصيح بصيحتي
حسين احبنك يبعد رويحتي
حروفك بوكت الصلاه تسبيحتي
يا بو علي
مربيني بزغر
مدللني بكُبر
تربيتك سميتك
عشگي الاولي
...
مولاي يا عطر الورد ما يوم عنك ابتعد يا كهف الحنان
تاخذني الدنيه وترد يحسين وارجعلك عبد والگاك الأمان
انت سر العاجز بتفسيرك
تضيع روحي من تروح لغيرك
الخير انت وكلنه عشنه بخيرك
يا بو علي
والحب كلمتين
خادم للحسين
وبصيتك سميتك
عشگي الاولي
...
خادم الحسين ( عليه السلام)
كرار حسين الكربلائي
( ابو كميل)
قصيدة مولد للامام العباس عليه السلام..
دخنت الدنيه تره العباس اجه
يعني دنياهم بعد ماكو رِجَه
طبهه ابو فاضل .. طبهه ابو فاضل
............
بزوده يتأمر .. ماكو مثله اثنين بالعالم أبد
أبد مايخسر .. هذا ابو حيدره وشرايد بعد
لو زعل بعيونه .. عِمَو ميشوفونه
الموت نفسه الينزل .. منه ماخذ لونه
يعني وبصدره هوى المِيَّت الف
لو سمه بكَدهُم فلا جِفنَه يِرف
طبهه ابو فاضل .. طبهه ابو فاضل
............
الدنيه تتكَدَّر ..لو رِمِش عينه غِضَب نزل غَضَب
ابالك اتصَّوَر.. الجيش كله ايصير لجفوفه حطب
جفه جف الحيدر .. من قِلَعهه الخَيبر
حتى لمن تِهوي .. السَبعه توصل واكثر
الحومه بعيونه مثل حَبَّة تُرُب
الحومه ما تِحمِل اذا جدمه يُطُب
طبهه ابو فاضل .. طبهه ابو فاضل
............
الغيرة تتفجر .. بعين أبو فاضل اذا العين اجدِحَت
الموت يتحضَّر .. كافي بس النظره جم رُكبَه اذبَحَت
ايلمهه كلهه بإيده .. الحومه هَلَّت عيده
والوِصَل يم سيفه .. كلشي لا ميفيده
تموت بيده اكوام مايحسب بعد
ايحارب ولو جان حربه للأبد
طبهه ابو فاضل .. طبهه ابو فاضل
............
الناس تتحجر .. هيه من اتشوفه ايست بالحياة
بشر لو يِظهَر .. هذا عباس وعلى جفوفه الممات
حلوه جَدحَت عينه .. الجيش كالت وينه
جهنم المعروفه .. سيفه بينه وبينه
يعني وَدَّاهم كُبَل لِزمو سِرَه
اسرع من الموت سيفه يشطره
طبهه ابو فاضل .. طبهه ابو فاضل
............
بزوده لو بس مَر..حتى نهر العلكمي منه رِجَف
كباله يتحير .. شلون ابو فاضل اذا السِكنه حِلَف
ايجيبه هوه وعِركَه .. الجيش يَمَّه يسحكه
يشيله بيده سمانه .. حيل بارضه ايدكه
شنو وابالك تره كِلهِن عِدَه
سيفه من يضرب رِعَبهُم بالصَدَى
طبهه ابو فاضل .. طبهه ابو فاضل
............
ابو مريم الاسدي..
1/2/2025 ..