2256
خادمكم ملا علي الشاوي للتواصل ali_20115
خاف اموت … بعد وين احضر مجالس والعزاء
خاف اموت … واندفن ماروح وامشي الكربلاء
بعد وين احضر مجالس
والمحرم عندي واهس
خاف اموت … خاف اموت
………
احسب العاشور ليله بليله
ربي طول عمري خل ابجيله
كون اموت ولا كبل عاشور اموت
جفني لمصاب الدمع شد حيله
بيه نار … على الشالو ع الرمح شيباته
بيه نار … على الحرگو بيته ببنياته
عيوني تارسهه دمع
حسين كسروله ضلع
خاف اموت خاف اموت
……………..
حسين امشي اعليك راعي الرايه
حاجي الله وگله بس حجايه
خاف كاتب اسمي وي ناس التموت
عطوه اخذلي العشره والمشايه
ياحسين … لذت ايامي صفت بقرايتك
ياحسين .. راحتي بعاشورك ومشايتك
كون اكمل اقرايتي
حتى اموت براحتي
خاف اموت …. خاف اموت
………….
لذت ايامي بمحرم من يمر
شمحلاهه اللمه يوميه العصر
انعلگ الرايات وانتاني العزاء
هاي وين الگاهه لو ضمني الگبر
وين اروح …. بالگبر واسمع وصل شهر الحزن
وين اروح … ربعي ملتمين وانه المندفن
هذا موقف موسهل
ربي خليني عدل
خاف اموت خاف اموت
…………..
هل مواقف سهله بس موقف صعب
فرگة المشايه التشيب الگلب
شايف الكعده بعد يوم ونروح
شلون واهس من نسولف ع الدرب
والسؤال … شلون يمشي الميت الماعنده روح
والسؤال … ويه ربعي شلون اموت وما اروح
بجاه صاحب هل الزمان
ما امر هيج امتحان
خاف اموت خاف اموت
…………….
الخادم موسى البطلي
@HxzEU1
#قناه_نشر_القصائد_المنبريه
يادمعه اتكفي.. اعليك ابجيها
اتمنه بموتك.. عيني اعميها
ماتجازه بدمع العين
ياوراث عاشور حسين
ماتجازه
................... ........
سيد الحُب.. ومنك اطلب.. شويه خلي بگلبي من حبك للحسين
ارزقني همه.. وضهري حزمه.. براية العباس ذاكه المنطي جفين
ابابك جفوفي تدك.. رايد الخدمه الصدك
خلي روحي تحترك.. ابنار خيمه
يالجواد اتوسلك.. وانته باب امراد الك
تنطي للي يسألك.. لوكال ضيمه
ضيمي وحسراتي.. وكسر الخاطر
وعيونك كلها.. اليوم العاشر
وفقني اصبح خادم زين
ياوراث عاشور حسين
ماتجازه
............................
دمعي يجري.. وانه ادري.. مااسد فضلك لون اعميها عيني
بروحي جمره.. بگلبي كسره .. امصيبتك عاشور ثاني من تجيني
البس اثياب السواد.. واصرخ بصوت الحداد
مات ياناس الجواد.. وگلبه ضامي
فوك سطح ادياره نام.. والشمس مثل السهام
حاره وتجوي الإمام.. وجبده دامي
مايخلَص حزني.. ونار الامي
كاسرني مصابك.. كل ايامي
وعالراس الطم بالجفين
ياوراث عاشور حسين
ماتجازه
..............................
بيمن ابدي.. وجرحي يحدي.. يومك ايوديني لحسين وطفوفه
واكعد انحب.. آ يزينب.. كبالها حسين انذبح وخته تشوفه
والشمر من اعتنا.. جايب السيف واجا
نحره حزه من كفا.. وشال راسه
تفاخر بفعله ويصيح.. طايح الماضن يطيح
هذا بين ايدي ذبيح.. تشوفه ناسه
مايبرد جرحك.. الله يعينك
بدموعك تروي.. گلب حسينك
ضامي وگلبه انطر نصين
ياوراث عاشور حسين
ماتجازه
......................
بعز شبابك.. والمصابك.. تمشي وبگلبك يضل صوت الحزن اه
السم منيه.. كله اذيه.. وانته تتألم تنادي واحسيناه
شايف انواع العذاب.. وراسك اعله حسين شاب
اوساده سويت التراب.. بغربه وحدك
نعشك اتشيع اكيد.. حسين ضل بالطف وحيد
الخيل واثقال الحديد.. بصدر جدك
سديت اعيونك.. وبهم تنحب
اه اعله مصابج.. زينب زينب
ماتت مو مره ومرتين
ياوراث عاشور حسين
ماتجازه
.........................
للماتم.. جيت نادم.. وبذنوبي بمجلسك ابدي اعترافي
بيك احضه.. وعني ترضه.. اطلع وبعيوني دمعي وگلبي صافي
ما اردن للذنوب.. هذا ابد موخوش ثوب
قررت لازم اتوب.. امن المعاصي
واكف ابابك دخيل.. ماكو عندك مستحيل
خايف اجدامي تميل.. رايد خلاصي
خجلان اهوايه.. كبار اذنوبي
ومتفائل يمك.. يا محبوبي
صار اعليه هواي الدين
ياوراث عاشور حسين
ماتجازه
محمد هادي العقابي
@HxzEU1
#قناه_نشر_القصائد_المنبريه
(( خادم من الطفولـة ))
كل عمري نذر لحسين
حبـيـته عله الفطره
بــاجر بالگبر يانــــاس
تحظر فاطمه الـزهره
اني خادمه ــــــــــــــــ احظر ماتـمـه
ـــــــــــــــــــــــــــــــــــــــــــ
اني من الزغر مفطوم عله دمــــعات القرايه
جنت ويه امي من احظر وسمع صوت ملايه
تنعه وجمره بالدلال وتحجي بحرگه الحجايه
مات من العطش ياحيف ابونه اوشيخ الولايه
جنت ويه امي وانه ازغير
ومــجلب بـعـبايـتــها
اخـذينــي للعـزه ويـــاج
وجانت تجري دمعـــتهــا
لو فوگ السمه ــــــــــــ احظر مأتـمــه
ـــــــــــــــــــــــــــــــــــــــــــ
عله فطرتنه ونشوف حسين من نحتاج يطينه
وتدعي امي ويه كل مصباح الٓهي بدربه خلينه
خدم لتراب اليخدمون وعالخدمه تربينه
اشحلات اسمك ييمه ايصير هذا الخادم حسينه
مــن باب الشرف والزود
نصـبح احـنــه خــدامــه
فدوره اروح لجل حسين
بالـــدم ثــبـت اســـلامـــه
والمدمع دمــه ــــــــــــــــ احظر مأتـمــه
ـــــــــــــــــــــــــــــــــــــــــــ
وكبرنه اومن عرفنه حسين يعني العبره والعبره
وتعلمنه نحب الناس وتعلمنه البخت گطره
يحصلها البجه عله حسين ذاك المنگطع نحره
شحلات الجمعت ادموعه بجفها فاطمه الزهره
وسمع فاطمـه تــناديــك
اســجــل الخادم بأيدي
المايعرف طريقه منين
خـل يحظـر عزه ولـيــدي
للخايف حمــه ــــــــــــــــ احـظر بمأتمــه
ـــــــــــــــــــــــــــــــــــــــــــ
وتعلمنه الكرم والطيب من باب الحسينية
وتعلمنه الرجوله أشكال من حركة الطميه
وهم من كلهن بهالحال خــلي صافيه النيه
وحنينه حنين النوگ عله الراحت المسبيه
كون من الطم نيشان
يبــقه بــصدري وتـــألـم
عالسحگنه عشره اخيول
اومن صدره نزيف الدم
خايف الجمه ـــــــــــ احظر مأتمــه
ـــــــــــــــــــــــــــــــــــــــــــ
وصتـنه ودمعها ايسيل ياويلادي أوصــــيكم
گبل ماموت اسمعوني وريـدن حگي العليكم
انصبو للحسين اهواي مجالس حته يحميكم
وصيت أم تريد اتموت ميــتـه اوراضيه عليكم
بكل شارع اله تنصبون
مــــــــوكب ورفعوا الرايــه
اوصيحوا مات ابو الاحرار
ضامي او مـاشرب مايــه
اونــار مخـيمه ــــــــــــــــ احظر مأتمــه
ـــــــــــــــــــــــــــــــــــــــــــ
الشاعر خالد جودي العارضي
((مصاب مولانا الجواد))
مثل الشمع من يشتعل
عمرك گضه بعثرة هزل
السَم لو مخــيم .. مصابك
جروحك محرم .. مصـابك
"""""""""""""""""""""""""""""""""""''''''''''''
مـن دمعـتك ندري اشجره وصار بضعونك
من حـسرتك رسـمو نـهر لـو رسـمو عيونك
مــولاي ياجــود الكرم شـگد ينخطف لونك
من تسمع الحادي اجنبي اي تنحني متونك
تصبح مثل ورگه بهوى
لــو سولــفو عن نينوى
طاح المحامي .. هضيمه
حزنك امــامي .. هضيمه
"""""""""""""""""""""""""""""""""""''''''''''''
عالم فيوضات الجرح صرت انته نبراسه
واليندبك لجل الدمع يظل ينزف احساسه
بأسمك جرح كل الخيم وعنوان قرطاسه
اي يــاجــواد الـمـعـرفه بعده برمح راسه
هم بعده من درب الدرب
هــم بعده بــالوجنه ترب
چــبدك تــسمم .. سبايه
بكل ماي تشتم .. سبايه
"""""""""""""""""""""""""""""""""""''''''''''''
عـاشر مـحـرم جـسـدتّ مـن قـربت آجآلك
روحك يطشرها الضمه وأعله الترب حالك
و تــلاثــه ايــام بـشمس مــحـد تــدنــالــك
بس مو حصيره اللمتك ولاسحگو اوصالك
لا خيل لا ضگت الرمح
لا نـحـر مـنـك يـنـذبـح
صـــارت دمـعـتـك .. سؤالي
الدمعه اعله عمتك .. سؤالي
"""""""""""""""""""""""""""""""""""''''''''''''
مـن الرضـا يـاسـيدي هم وارث أحزانك
مـن گلـك بآخر نـفس محروگ صيوانك
ويسرح خيالك للسبي وياليابس لسانك
خيل ويـهد بيك الجرح ماتهده بمچانك
عشتْ بضمير المنفجعّ
بيك الدمع هم ينسمع
سمعو مسيله .. بشجونك
تنادي العقيله .. بشجونك
"""""""""""""""""""""""""""""""""""''''''''''''
ساگ الورد من ينكسر يهب الـورد عطره
چم ساگ كسرو بالخيم چم ضلع للزهره
ياعافية گـلب النبي رايـدلي بـس نـضره
بــاچر محرم يـعتـني ارد اخـدم بـعــبره
يـــاسيدي بــاچـر ألم
خليني أحسن بالخيم
ارزقني خدمه .. هديه
وصيحةّ يعمه .. هديه
عبد زينب
محمد الابراهيمي
ابوذيات للامام الجواد عليه السلام
يهالتنشد جنان الخلد صحنه
انگضت حاجتنه ومن المرض صحنه
بسم كل شيعي هذا اليوم صحنه
انكسر تاسع ضلع من الزچيه
~~
ياوارث علـــــومك من علي الدار (علي الدر)
وخذت دور الامامه من علي الدار
وسافه اليوم نسمع من على الدار
غصن عمرك گضه ابسم المنیه
~~
حزينه شبيچ هذا اليوم ينسام
جواد العتره چبده شلون ينسام
ابو الهادي ابني العباس ينسام
ولا راعو نسبته أمن الزچيه
☆☆☆☆
حيدر بشار الدراجي
لاستشهاد الامام جعفر الصادق عليه السلام
ياباني دين الحق يَوَفَّاي
مهدوم گبرك ليش مولاي
★★★★★
گبرك الطاهر ليش مهدوم
شعندك ذنب حاصل بهلگوم
وبدمهم الاحقاد للدوم
يلي چنت للدين حَمَّاي
مهدوم گبرك ليش مولاي
★★★★★
لو هدموا گبرك يمهيوب
ماهَدَّموا نورك بالگلوب
من علمك السفياني مرعوب
واسباب ما تتفسر أهواي
مهدوم گبرك ليش مولاي
★★★★★
لو غَيَّبوا گبرك فلا غاب
علمك ومجدك يبن الاطياب
ندري التمسك بيك ما خاب
انت العلم والحكمه والراي
مهدوم گبرك ليش مولاي
★★★★★
السم يوج نيران بحشاك
وأرض البقيع تصير مثواك
كل ذره بيها تشكي بلوك
وتنادي يبن الما شرب ماي
مهدوم گبرك ليش مولاي
★★★★★
جعفر الصادق ما يريدون
بأ نفاس علمك يزهر الكون
عدوان جدك ما يرحمون
جمر السؤال يدور بحشاي
مهدوم گبرك ليش مولاي
الشاعر حسن لعيبي الحريشاوي
ابوذيات
الصادق صار مثل حسين طف له
بـداره الـنــار مـا فـــــزاع طف له
بـذيـچ الـنــار تركـض شاف طـفله
ولـطم راسـه وصرخ آه يارقـيه..
وسف دار العلم والحسب والجاه
عـليـه اشـرار هـالـمنـصور وجاه
وعلى الصادق هـذاك الـدار وجاه
وغدت نسوانه تـتراكـض سويه..
الشاعر عقيل الحسناوي..
#نعـي
عد ال هاشم نايبه اليوم
وين اليجاسمهم بالهموم
يذب عمامته ومفرع يكوم
وبعالي صوته يصيح مالوم
امام الجعفريه جبده مسموم
ومنه خليه دار العلوم
الحاج نصير السليطي
#اللهم_عجل_لوليك_الفرج
#فصيـح
في استشهاد الإمام الصادق
(عليه السلام)
يا مُهْجَتي ذوبي ويا عينُ اسكُبي
فلقدْ قضى غدراً رئيسُ المذهبِ
وتوشَّحي يا روحُ جلبابَ الأَسى
للطَّيِّبِ ابنِ الطَّيِّبِ ابنِ الطَّيِّبِ
فُجِعتْ بهِ أمُّ العلومِ فلَمْ تَزلْ
حزْنى تُجافي نَوْمَها بِتَقَلُّبِ
وتقوَّضتْ بالرُّزءِ أعْمِدَةُ الهُدى
فبهِ رمى المنصورُ أقصى مأرَبِ
طلَبَ الرِّضا من آل بيتِ محمدٍ
وسِوى أذاهُ بآلهِ لَمْ يَطْلُبِ
أيموتُ جعفرُ للسمومِ مقاسياً ؟!
ما أظلمَ العلياءَ دونَ الكوكبِ !
كمْ مرَّةٍ قطعوا عليهِ صلاتَهُ ؟!
كمْ مرةٍ جاؤوا بهِ منْ يثربِ ؟!
شيخاً كبيراً أوقفوهُ حاسراً
أينَ النبيُّ يراهُ ؟ أينُ أخو النَّبي ؟
ما زالَ يشكو وحدةً وتَقَلْقُلاً *
لكنْ يهونُ الصعبُ عندَ الأصعبِ
إنْ يَذكُرِ المولى حُسيناً مُفْرَداً
والصحبُ بينَ مترَّبٍ ومسلَّبِ
كمْ ذا "أبو هارونَ" أجرى دمعَهُ
لمَّا دعا "يا فروُ قومي فاندُبي"**
أمسى حسينٌ رأسُهُ فوقَ القنا
والجسمُ تحتَ الخيلِ ساحَةَ ملعَبِ
لمْ يرضَ إلاَّ أنْ يرافقَ ظعْنَهُ
قاسى كما قاستْ نساهُ في السَّبِيْ
عينٌ تسيلُ لمَا ترى برُقيَّةٍ
وتسيلُ أُخرى للحجابِ الزيْنبي..
علي عيسلي العاملي
#اللهم_عجل_لوليك_الفرج
السلام على جعفر الصادق
نارين ابصدرك تسعر شيطفيهه
ويانار الجوت گلبك سولف بيهه
دارك لو ذيج الحرگوو خيمه اعليهه
-------------------------------------------------------
سولفهه يبن الخير القصه ورويهه
ابدارك هم اجت خيل لو بس حرگ بيهه
هم طشت النسوان والغربه توليهه
هم ضاعت الاطفال ومتيهه اهاليهه
سولفهه ابدمع اعيونك وروي القصه
وبگلبك نارك تدوي بصدرك غصه
ع المالحگت للخيمه اوماصح فرصه
-----------------------------------------
من احرگوهه الدار ياصادق العتره
هم حرمه شفت اتصيح بنص خيمه مستعره
وحدهه بين اجناب مذعوره متحيره
لافزعه من خوان ونار الخيم كبره
هم صار اگبال اعيونك رگضت خِدر
جدك شافاهن كلهن هجن بالبر
معلول اوما حاماهن بس يتحسر
---------------------------------------------------
طفوهه نار الدار وكلمن مشه الدربه
وسترك بقه مصيون محد وصل گربه
لاشافن السلاب اولا ماشن الغربه
بس اعله زينب ليش ملتمه كل صعبه
من خيمه الخيمه ركضت بير العفه
ولنار اعليه اتحزمت شو متلهفه
كلشي مقصود اعليهه مامش صدفه
--------------------------------------------------
نار الاجت للدار رسمت الك حاله
رسمت خيام حسين وبنصهه خياله
شفته طريح الگاع وعينه على اطفاله
نار الخيم بركان شبت على اعياله
صح حرگت دارك موقف يصعب امره
ماصارت طفله اگبالك داست جمره
اولا جلمت وينج عمه ابشوغه وعبره
-------------------------------------------------
قصتك بنص الدار ماعبرت اسواره
ماكو ويه دارك تل اولا كعبه محتاره
لافاجده الكفال وتنشد على اخباره
نزلت ادموعك دم ع الخدر وسراره
دمعاتك دم تجريهه موش الدارك
يالشايل طف براسك بكل اخبارك
موقف هالنار الشبت هاج افكارك
-------------------------------------------------
علي سليم الحسناوي
رَحِمَ اللهُ مَنْ رَحِمَ اللهُ مَنْ
احْيَا أمْرَنا احْيَا أمْرَنا
ـــــــــــــــــــــــــــــــــــــ
قَالَها الصّادِقُ فِي بَثٍ مُباشِر
رَحِمَ اللهُ الذي احْيَا الشَّعائِر
فَـــهَلِمُّوا للعَزا حَولَ المَنابِر
فَغَداً خُدَّامُنا تَغدوا أكابِر
وَغَداً شافِعٌ لَهُمُ اُمُنا
ــــــــــــــــــــــــــــــــ
انت يا شاعر يلـتخط بيدك البيت
ينبني بكل بيت بالفردوس الك بيت
صرختك للعتره يا من بيها ضجيت
للجنان امن اوسع البيبان طبيت
تِلْكَ مَرحُومَةٌ صرخَةٌ حَسبُنا
ـــــــــــــــــــــــــــــــــــــــــــــ
وَلِمَنْ قَد سالَ مِن عَينيهِ دَمْعَه
وامْتَلى حُزنَاً وَفَاضَتْ مِنْهُ لَوعَه
مِن شُرورِ الدّهرِ كُنّا نَحنُ دِرعَه
وَسَألنا اللهَ في أصلاحِ وَضعَه
سلمُهم سِلمُنا حربُهُم حَربُنا
ــــــــــــــــــــــــــــــــــــــــ
صوتك الـ اُم الحسن يوصل يَرادود
و تفرح وتشرح گلبها اثيابك السود
ثكله واتدور تعازي ابگلب ممرود
هلمسه اعله الصادق اتبللها الخدود
فَاطِمٌ في العَزا تُجرِ دَمعاً لنا
ــــــــــــــــــــــــــــــــــــــــــــــ
يا غريقاً فِي بُحورِ السِّيئاتِ
أحْضَرِ المجلسَ أن شِئتَ النّجاةِ
واعتَصِمْ ما دُمتَ حَياً بالصّلاةِ
فَـبها الصادقُ وصّى بالمماتِ
قَالَ لا تستَخِفْ فَهْيَ مِعراجُنا
ـــــــــــــــــــــــــــــــــــــــــــــــ
ربي بالـــــــصادق توسلنا ودعينه
الغايب النـتـنـطـره ايعود ويجينه
ايعلي گبر الصادق ابارض المدينه
والحزينه الــــزهره ما تبقه حزينه
فَـــ لِـتَـعْـجِـيْـلِـهِ رُفِـعَـتْ كَـفُـنا
ـــــــــــــــــــــــــــــــــــــــــــــ
سيد علي عبدالزهره الناجي
افتخر ياشيعي اسمك جعفري
ـــــــــــــــــــــــــــــــــــــــــــــــــ
افتخر وارفع على النجمات هامك
ياهو مثلك جعفر الصادق إمامك
هوه حبل الله وُ وجوباً إعتصامك
تيّهت لولاه حلالك من حرامك
حبه لو چان ابجبينك ينقري
افتخر ياشيعي اسمك جعفري
ـــــــــــــــــــــــــــــــــــــــــــــــ
جعفري المذهب اذا گالوها افخر
طينتك معناها من كل طين اطهر
مذهبك أصل المذاهب والها مصدر
أعتصم بالصادق وما يوم تخسر
عنه لَـــيبعدك منافق مفتري
افتخر ياشيعي اسمك جعفري
ـــــــــــــــــــــــــــــــــــــــــــــــــ
الماكو اسم الصادق وختمه ابهويته
خل يراجع نفسه ويصفيها نيته
كل شخص مسؤول باچر عن رعيته
هيچي جعفر أدّباهم جعفريته
حاذر امن الدنيا بالك تنغري
افتخر ياشيعي اسمك جعفري
ـــــــــــــــــــــــــــــــــــــــــــــــــ
يل تصب للصادق ابهليله عبره
اذكر العطشان لو رايد تسرَّه
لو نعا الناعي يدگ چان اعله صدره
ويطلب ابطور العراقي الناعي يقره
يلـ تون للطف تطيّب خاطري
افتخر ياشيعي اسمك جعفري
ـــــــــــــــــــــــــــــــــــــــــــــــــ
يلنذرت اسنينك اعله احسين خادم
مثلك الصادق يحب چان المآتم
يگعد ابّاب التعازي ودمعه ساجم
وتعتنيله ابكل عزه ابدمعتها فاطم
هلمآتم جنه وين اليشتري
افتخر ياشيعي اسمك جعفري
ـــــــــــــــــــــــــــــــــــــــــــــــــ
من تمر ذكرى الليالي الصادقيه
نذكر ادموعه التصب للغاضريه
ينعه للصدره انطحن بالأعوجيه
ويبچي للطلعت بلا كافل سبيه
باچر اليملك دمع ينعد ثري
افتخر ياشيعي اسمك جعفري
ـــــــــــــــــــــــــــــــــــــــــــــــــ
سيد علي عبدالزهره الناجي
جعفريه ... هالاسم يغنينه
جعفريه ... هالشرف يكفينه
......
نحمدالله ونشكره الحد المنيه
جي جعلنه رافضيه جعفريه
جعفر الصادق فخر كل البريه
اتفاخرينه بأسمه صارلنه هوية
جعفرية ... نفخر اتسمينه
......
بجعفر الصادق ولينه اتفاخرينه
ما يهمنه اليشكل ويحجي علينه
انعم الله اعلينه بالصادق ولينه
لو نخلص العمر نشكر ما وفينه
جعفريه .... الناس ما تعنينه
......
مدرسة جعفر الصادق مدرستنه
علمتنه كل عباده علمتنه
ثابتين ابوجه ناس الحاربتنه
والولايه الحيدرية شرفتنه
جعفرية .... الراس ما طخينه
......
نعمه ما يحصل مثلهه النعمه هايه
نعمة اهل البيت جنه بالنهايه
امدللين اهواي احنه بالولايه
والي ما عنده ولايه ابلا هدايه
جعفرية .... حب علي اينجينه
.......
مذهب الصادق عظيم وما نبيعه
لو يملكونه المجرات الوسيعه
تبقى صيحتنه لحد الموت شيعه
واليعادينه نذله وما نطيعه
جعفرية ...محد ايلاوينه
.......
كلمات
✍ موسى الخادم
ليله مظلمه
تبچيهه السمه
وامه فاطمه /// وامه فاطمه
/1
ليله مو مثل الليالي الماضيات
لا طعم بيهه ولا بيهه حياة
بيهه مدرسة العلم صادقنه مات
وما بقه من عنده بس الذكريات
ليله مؤلمه
تبچيهه السمه
وامه فاطمه /// وامه فاطمه
//2
ليله غازيهه الحزن ليلة مصاب
امن الزجيه ماخذه الكاسرهه باب
جعفر الصادق يضم وجهه التراب
وبعده موسى الكاظم ايعيش العذاب
روحه هايمه
تبچيهه السمه
وامه فاطمه /// وامه فاطمه
///3
ليلة ظلمه وغايبه عنهه النجوم
اشبه بليلة علي الكلهه هموم
بيهه ملك الموت عالصادق يحوم
الجرعو أهل الغدر كاس السموم
ودمعه من دمه
تبچيهه السمه
وامه فاطمه ///وامه فاطمه
////4
ليلة وحشتهه تهد اكبر صروح
جنهه ليلة عاشر الكلهه جروح
للموادع للصبح سهرت الروح
واليتامه صايح الهه وإلهه نوح
وقصة الضمه
تبچيهه السمه
وامه فاطمه /// وامه فاطمه
/////5
ليله ما إلهه تصح ليله مثيل
من بدايتهه النهايتهه عويل
صوره رسمت من جراحات الكفيل
من وكَـع عالمشرعه وما ظله حيل
وجفه لاطمه
تبچيهه السمه
وامه فاطمه //وامه فاطمه
//////6
ليله كل ساعه التمر بيهه دموع
اقرب الليلة الوحشه ام الشموع
هم مثل عمته بجه بحركَـه وخشوع
الصادق اعله حسينه مكسور الظلوع
وناره مضرمه
تبچيهه السمه
وامه فاطمه /// وامه فاطمه
==========================
✍️🏻 كلمات #موسى_الخادم ٢٠٢٦
#٢٥شوال
يمن نصبك ربك ما يعزلك
الهوى البلكون لجلك مايه عز لك
عزيز الدم يمهدي ما يعزلك
شرط وين الشجاع البيه حميه
شرط وين الشجاع الما تلاوه
اليصيبه الموت لكن ما تلوى
بأخير انفاس يقرا ما تلاوه
اذا جاء النصر لبن الزجيه
اذا جاء النصر والعين ترباه
يمن ربيت هاي الروح ترباه
اريدن من حدر رجليك تربه
واريدن چفك اليمسح عليه
اريدن چفك الايام جارن
بغيابك جار ناح وبعد جار أن
المصايب مره وحده اليوم جرن
تعب درب النجف كل يوم جيه
رعد الفريجي
ماكو ليله تمر عليه
بلايه دمعه ولااذيه
فاطمه فاطمه آنه الزجيه
...............
اجروح گلبي هواي مايحصل مثلهه
الياوكت دمعاتي فوك الخد اهلهه
وعالجواد الليله ذابت روحي كلهه
ليش ولدي اتحلل الوادم چتلهه
شنهو ذنبي لو ذنبهم
كلبي ذايب آنه امهم
فاطمه فاطمه آنه الزجيه
..............
بدو بيه وضل اثر جف اعله خدي
والله ضلموني واحير منين ابدي
الحاربوني ووكفو اعله الباب ضدي
ضلعي ماكفه ويّردون اعله ولدي
سمموهم ذبحوهم
ياحسرتي مارعوهم
فاطمه فاطمه آنه الزجيه
..............
للجواد أتعنه بحزاني وأكصده
بهل فجيعه ابني لا مايضل وحده
ارد اشوفه شلون بالسم ذاب جبده
وعلى صطح الدار ضل ايواسي جده
صوته اسمعه الريح جابه
ينادي يالطف ومصابه
فاطمه فاطمه آنه الزجيه
...............
آخذ آلآمي وكسرتي بهل مسيه
وبهضم وبنوح انصبله العزيه
محني ضهري وعالضلع خليت اديه
الزهره اني الليله برض الكاضميه
من وصلته ماعرفته
وجهه ذابل ابني شفته
فاطمه فاطمه آنه الزجيه
................
كل نفس اتنفسه يلجمني صدري
ماتهنيت بحياتي وضاع عمري
الدنيه ماترحم ولا انصفني دهري
يمته من هاي المصايب يبره كسري
ياهضيمه عالغوالي
وبفكدهم هذا حالي
فاطمه فاطمه آنه الزجيه
................
ابد مامرتاحه روحي وناري تسعر
وللمجالس بالدمع والونه احضر
واليواسيني بدمعته گلبي ينسر
وافكد الخادم اذا عني تاخر
اني انضر للخدمنه
واسمه يمي وارضه عنه
فاطمه فاطمه آنه الزجيه
محمد هادي العقابي
@HxzEU1
#قناه_نشر_القصائد_المنبريه
طف كربله بروحك جرح
تواسي الحسين المنذبح
جوه الشمس والجثه مرميه
مثل الغريب الضل بله اميه
واجوادا
.................
بدنيه غربه ... يالجواد وانته رحمه
والله صعبه ... گلبك الوادم تلجمه
بدمعت العين تبجي لحسين
وقارنت يومه بمصابك
انته عطشان وهوه عطشان
وماسلب واحد ثيابك
مسموم وبجبدك الم
وگلبك ينوح اعله الخيم
هدمت حيلك بيهه علويه
مثل الغريب الضل بله اميه
واجوادا
.................
بدارك انته... من لفت ليك المنيه
وبحسرته ... گلبك اعله الغاضريه
بدمعه وباه واجواداه
فزعت الدفنك الديره
ومن وره الخيل اه ياويل
حسين لمو بالحصيره
دفانه روحه امرمره
يبجي ويدور خنصره
من يوم عاشر روحه مجويه
مثل الغريب الضل بله اميه
واجواداه
...................
ماكو راحه... بالحزن عمرك كضيته
بالنياحه.... عله حسين وأهل بيته
لو شفت ماي تصيح مولاي
جدي عطشان وتخضب
وتذكر أيتام بطبت الشام
ووجنتك بالدمعه تشرب
ليلك يمر مابي هوه
مخنوك جن بنينوه
همك وحزنك عله المسبيه
مثل الغريب الضل بله اميه
واجواداه
......................
ياهضيمه... گلبك شيحمل مصابه
والعضيمه... زينب تنام بخرابه
بوليت الناس ماكو عباس
والشمر ضل ايتبسم
جاب الحبال ماكو كفال
والسبي زينب تحزم
الخلاهه بعيونه نضر
هشمو راسه اعله النهر
وعيونه لخته ضلت اربيه
مثل الغريب الضل بله اميه
واجواداه
.................
ياامامي.... حرورت السم خذت لونك
وانته ضامي.... والألم ذبل عيونك
بعز شبابك والمصابك
رايح ومابيك رجعه
وعلي الهادي ضل ينادي
بويه گلبي لاتفجعه
غمضت عينك ياامل
ودعت هل دنيا بعجل
كلبك رحيم وكله حنيه
مثل الغريب الضل بله اميه
واجوادا
محمد هادي العقابي
@HxzEU1
#قناه_نشر_القصائد_المنبريه
ابگلب ابو الهادي شكثر حسره وقهر
استشهد وباقي لــــمُـحَـرَّم بس شهر
حرمته الـمنيه
يبچي علسبيه
ــــــــــــــــــــــ
علجواد شما يمر شهر المصيبه
كل نَفس بي ينعه زينب يا غريبه
ينعه للجثه البقت بالطف سليبه
يحيي عاشور ابلطم صدره ونحيبه
يا وسف ويَ الأجل حان اللقاء
من قبل لا يحيي ماتم كربلاء
طبعه ڪل عزيه
يبچي علسبيه
ــــــــــــــــــــــ
خلّص اسنين العمر يهمل دمعتين
وحده لمصاب الزچيه وُ وحده لحسين
لاكن الدمعه الأشد حرگه امن الـثنين
لعمّـته المچتوفه طَبت للدواوين
بــ اخر انفاسه الجواد وعلته
ابـگلبه تسعر نار خيمة عمّـته
حتى بالوصيه
يبچي علسبيه
ــــــــــــــــــــــ
كل سنه احياء الشعائر اولويته
وللخدم موكب حُسيني ايسوي بيته
ابـصوته يقره امصاب ابو اليمه ورزيته
ايگلهم احسين ابدما انصبغت لحيته
شحچي لمّـن هجمت الخيل وشضم
ابجسمه ما خلت ولا سالم عظم
و آخر الرزيه
يبچي علسبيه
ــــــــــــــــــــــ
علـجزع بـمحرم وشوغت دليله
اشما يصبرونه الدمع يكثر مسيله
من گبل زينب يگلهم ياعقيله
تنسبي وتركب على ضهور الهزيله
لو مثل يعگوب العيون انعمن
محد ايلوم اللي عماته انسبن
حگه ڪل مسيه
يبچي علسبيه
ــــــــــــــــــــــ
من يمر طاري الگمر يكثر ونينه
ولطمته اعله الكافل اتصير اعله عينه
أعتقد لو يلتقي ابحامي الضعينه
ايدنگ ايقبلهن ايساره ويمينه
هذا ابو فاضل عظيم المنزله
كافل الحره العقيله ابكربله
علـنهر رميه
يبچي علسبيه
ــــــــــــــــــــــ
من كثر ماعايش الطف وعذابه
چن علي الأكبر گضا ابزهرة شبابه
ضل ثلث تيام ابو اليمه ابمصابه
ومثله هم ضل الجواد ولا غرابه
بالشمس واتلاثه ضل اعله السطح
عاش واستشهد لبو الأكبر جرح
عمره غاضريه
يبچي علسبيه
ــــــــــــــــــــــ
سيد علي عبدالزهره الناجي
گلـوبنه ابّـابك غـــدت مكسوره
وجدّك الحسين اقترب عاشوره
ياشباب وچــان عمـرك كالغصن
متت واطيور السمه لجلك تون
حزن يومك ماوصل ذاك الحزن
بيوم عــاشر مــــاجت المعموره
ياجــــواد اليمه ياتاســـــع امام
احنه زوارك شبه سرب الحمام
معتنين انحلفك بحــرگ الخیام
ارزقنه خـدمة جدّك المنظـــوره
سيدي جمـــرة مصـــابك مؤلمه
صوّبت چبدك الناس المجـــرمه
وحزن ابو اليمه حـزن مااعظمه
وبكتاب الله بچت چــــم سوره
شد حزمنه بچفك وهيئ الدمـع
حسين جدك مابقه بصدره ضلع
وسلبو الخــاتم وگطعوله الصبع
وجبهته بضـرب الحجر مطبوره
عن محـــــــرم مـابقه الا القليل
يالجــواد انحلفك بچف الکفیل
خلي دمعتنه مثل مــاي السبيل
اتضمها امّك فـــــاطمه بقاروره
احنه مخنوگین لولا كـــــــربلاء
يالجواد انعيش بانفــاس العزاء
مـــــدد يبن الظل ثلاثه بالعـراء
اعمــــــــارنه بس للعزه منذوره
انته جسمك ظل ثلاثه عالسطح
مثل ماظل جـــدك بوادي الذبح
جرح موش الف وتسعمية جرح
ولا جبهتك بالسهــــــم محفوره
انته ماعندك حرم فــوگ النیاگ
مأسرات وبيدهن حــبل الشباگ
يالجواد وفــــــرروهن بالسواگ
وعمتك بحبل الاســـر مجروره
فراس المحمداوي
٢٨ ذي القعدة ١٤٤٤هـ
١٩١- مصاب الإمام محمد الجواد (ع)
شيّعو نعش الجواد بحزن ٠٠ والكل تون
شمعة شباب الائمة انطفت
ــــــــــــــــــــــــــــــــــــــــــ
أرض بغداد ضجّت بالحزن والويل
وانسدت طرقها
واچفوف الكرم شيّعت نعش الهيل
من گطعو رزقها
علي الهـــادي يشيع والده بلا حيل
وتجري دموعه حقها
مهجة الزهره وسليل الوفه ٠٠ والمعرفه
صوبو چبدته وشمسه اختفت
ــــــــــــــــــــــــــــــــــــــــــ
سابع نـور عالعـــــالم يشــــع احساس
واعلــوم ومنافع
عُمـــــر الخمسه والعشـرين نبعة ياس
واخلاق وتواضع
گضه عمره الشریف ابسم بني العباس
واتحمل مواجـع
خلو بچبدته ايهيج الجرح ٠٠ واعله السطح
نايم وهاشم عجب مالفت
ــــــــــــــــــــــــــــــــــــــــــ
مثل چبد الحسن مفطور ظل چبده
والسم يجري بعضاه
وظلم ام الفضـــل يشبه ظلم جُعده
وابد مـــاوفّت اوياه
ثلث تيام ظــــل طايــــح مثل جدّه
محّــــــد بلل اشفاه
عالسطح ظلت طيور السمه ٠٠ متألمه
اتظلل اعله الجسد من رفرفت
ــــــــــــــــــــــــــــــــــــــــــ
غــــريب الدار محّـــد يمّه بالغربه
بس الهــــادي ابنه
حضر بالفاجعه ودمع الحزن صبه
يفت الصخر حزنه
حفر بچفـوفه لحده وانعصر گلبه
زغير وذبل غصنه
اتذكر حسين وخيول الغدر ٠٠ وطحن الصدر
وجثته بذاك العره اتكشفت
ــــــــــــــــــــــــــــــــــــــــــ
شباب وعالسطـــــــح متمدد ونايم
ويصهر جثته الحر
يذكــــــرنه شبــــــابه بزفة القاسم
وبطعـــــنات الاكبر
بني العباس شـــر والمعتصم ظالم
الله يلعــــــن الشر
شنهي ذنبه الجواد ابسم گضه ٠٠ شبل الرضه
زمرة الشر للشرع خالفت
ــــــــــــــــــــــــــــــــــــــــــ
من باب المـــــــراد وتاسع اليمه
مطلبنه نريده
عاشور اقترب واقتربت الخدمه
للگطعو وريده
نريد من الجواد الخادم ايحزمه
حاجتنه الوحيده
ونبدي من اول ليالي الشهر ٠٠ والمنتظر
شاهد اعلينه بنظرته التفت
ــــــــــــــــــــــــــــــــــــــــــ
فراس المحمداوي
٢٤ ذي القعدة ١٤٤٤
استشهاد الامام الصادق ع
الصادق نودعـه الليله .. ودمع الحـزن نبچـيله
هاليله تحـضرنـه الزچـيه .. تبـچـي الامام الجعـفريه
………………………
ياشيعـته الصادق رحل .. هاليله وافاه الأجل
وغمـضها ويلي اعيونه
ركن الشريعـة منـهدم .. بهذا العزه شدو الحزم
والكـاظم اتـواسـونه
لمجلسنه حضرت فاطمه .. عالخد اجـتكم لاطمه
بنت النبي ومحزونه
الله اليعين بهل مصيبه اعياله
شـيخ الهواشم چـافيات ادلاله
يا وحـشة الدار المـشه راعيـها
ويافـرگت الـوالد صدگ چـتاله
لمن يمـوت الـوالي .. خلـته تضل للـتالي
وداره تضل دوم بعزيه .. تبچي الامام الجعفريه
………………………
بالسم چبدته تمردت .. والروح للباري اصعدت
وكل شيعـته حزنانه
وكل هاشمي الليله بحزن .. عالصادق ينوح ويون
وما تـنـطفي نيرانه
وكل فاطميه اتنوح اله .. بهاي المصيبه امولـوله
ولبست سواد احزانه
كـسرة ظـهر ياناس فـگـد الغالي
جرحه يضل وسط الگلب للتالي
العـايلـه اتـيـه افـگــد والـيـها
وهلـيلـه احـنه راح منـه الـوالي
بـهذا المسه صادقـنـه .. يا للأسف ودعـنـه
والعين بالمدمع جريه .. تبچي الامام الجعفريه
………………………
مات وترس عينه الدمع .. او وناته چانت تنسمع
يا عمـتي المسبيه
بنيران بيته من احترگ .. بعبراته ودموعه اخـتنگ
واتـذكـر العـلويـه
من حرگو عليها الخيم .. من النار تـتراكض حرم
واطفالها المسبيه
مــا فـارگ اخـيالـه صـور عمـاته
كل يــوم عايش بالسبي ولـوعاته
چا شنهو حال حسين ذيچ الساعه
يسحـگن جـمـر شاهـدهـن ابنياته
وصادقنه عاش الحاله .. نـار وجـمـر بعـياله
ركضت ابيته الهاشميه .. تبچي الامام الجعفريه
………………………
لكنه نعشه من انحمل .. بالدفن حضروه الاهل
وهـالــو عليه اتـرابه
مابيه جرح لا منذبح .. لا راسه مشيول برمح
وتنـظر عليه احبابه
لفـو الصادق بالچفـن .. واثـيابه ما اتـسلبن
ما سلبته السلابه
مات واهل واحبابـه اليشيعونه
مامات وبخيل العده يسحگونه
لكـن اويـلي السحـگـته الخياله
بذيچ الحـوافر ماردات اعـيونه
محزوز نحره من مات .. ووجهه الحلو بيه طبرات
وركضت اله اخته السبيه .. تبچي الامام الجعفريه
………………………
وماشافـته امه فاطمه .. غرگان ابنها بالدمه
شافت الصادق سالم
بس ذاك ابنها بكربله .. مذبوح من راحت اله
وفوگ الرمل ضل نايم
احسين لمن شـافـته .. امـه ابـد ما عرفـته
امفرهـدينه الوادم
لا وجه ضل عنده وتعرف اعيونه
ولا لـون ضل عـنده وتعرفه بلونه
دم ولحـم مـتـبـدي فـوگ الغـبره
چـا نعـمة الله بحـافـر يـدوسـونه
من داستـه الخياله .. مردت جمـيع اوصاله
وذيچ الخيول الاعوجيه .. تبچي الامام الجعفريه
الشاعر عقيل الحسناوي..
.
#أبوذيـات
صب يادمع بالحسرات وِجري
وينار الحزن بالدَّلال وَجري
أجرك يالمحب هاليوم واجري
عالزهره وإمام الجعفريه
على الصادق نون اب آه يابآه
الدهر للعتره بس الهظم ياباه
الكاظم ينتحب وايصيح ياباه
تراهه اضلمَّت الدنيا عليه
عِشگهم نَهَر مِنَّه المُحِب يَنهال
وعليهم يضل دمع العين ينهال
على الصادق يوسفه التُّرُب ينهال
وانفجعت عله امصابه الزچيه
سيد علي الموسوي
#اللهم_عجل_لوليك_الفرج
#ابوذيـات
لشهادة مولاي جعفر الصادق
روحي فداه
بهدم گبرك طحت ماظل بياحيل
الفرج طال واشـد ظهري بياحل
اكــــول المهدي اذا زارك بياحال
اذا غربتك طف امسويه بيه
وحك اليوم عاشر مات املها
عليك الاه روحـــي ماتملها
يظل منصوب لجلك ماتم الها
لحد ماتگطع الونه الزجيه
علي محسن الزيادي
#اللهم_عجل_لوليك_الفرج
بهل ليالي الصادقيه
تحضر الزهره الزجيه
اتسجل اسماء الخدم . يا فاطمة
📜/1
ابهاي الليالي تحضر ام العتره
اتسجل اسامي الخدمو ابن لزهره
ما واحد اتعوفه اله تنطي أجره
الحاضر تحضره شي أكيد ابكَــبره
ما تعوفه الوحده حاير
بالكَـبر تحضرله باجر
من بجه الحركَـ الخيم . يا فاطمة
📜📜//2
كل خادم ابعين الزجيه امدلل
حاجاته تكَـضيهه وقبل ما يسأل
وعن نصرته الزهراء فلا تتعطل
كلمن خدم للعتره بيته تندل
من خدم عترت نبيهه
اتحسبه واحد من بنيهه
هذا واقع مو وهم . يا فاطمة
📜📜📜///3
ابكل العزاءات الزجيه تحضر
حاشا اي ظرف يمنعهه ما تتأخر
توكَـف على الباب ابدمعهه الكوثر
تستقبل الباجي اعله ذاك المنحر
يا هلا بالدمعه جاري
عالبقه ابذيج الصحاري
ونابت ابجبده السهم . يا فاطمة
📜📜📜📜////4
ابمأتم ولدهه امحزمه اوتلكَـاهه
كل المجالس فاطمه ترعاهه
للصادق الليله اعتنت ببجاهه
والمهدي راعي الثار اكيد وياهه
حاضر ابهاي المجالس
ورايته اترف عالعوابس
صوره ما منهه رسم . يا فاطمة
📜📜📜📜📜/////5
خدام اسمعو هالبشاره العندي
كلمن خدم آل النبي والمهدي
باجر تكَـله الزهره لوذ ابسدي
ماعوفه حاير من خدمهم ولدي
للجنان ابأدي ازفه
من لطم لبنيني جفه
ياخذ اشيطلب نعِم . يا فاطمة
=======================
✍️🏻 كلمات #موسى_الخادم ٢٠٢٦
#٢٥شوال
هكذا ادّب الصادق شـيـّعِـتــه
وكون نتوفق ونمشي ابسيّرته
ـــــــــــــــــــــ
آيه وبـمـضمونــــها البـاري يـگـول
كل عمل ينعرض عالهادي الرسول
واهل بيته ايوقّعون اعله القبــول
واشّيگول الچــان ساهي ابدِنّيته
ـــــــــــــــــــــ
الصادق ايّوصينه صلّ منّ وصلك
وبالك اتقاطع الشّخص القاطعك
وخـلـــي نيتك لـ لله یقـبل عملك
تبتغي بهایه رضا الله ورحمته
ـــــــــــــــــــــ
إوصي نفسي والسعي يبقه الحثيث
من اسولف كون صـادق بـالحـديـث
وگلبي طيب كون ماصيرن خـبيـث
والبشر كلمن اعماله ونيّته
ـــــــــــــــــــــ
الدين مو بس بالقيام وبـالقعود
اهم شي الانسان يوفي بالعهود
وكون بالاموال وبنفسه يجـــود
ويزرع ابگلب الموالي امّحبته
ـــــــــــــــــــــ
الماشي في حاجة اخيه یصبح ملاذ
كالسعه بـيــن الـصـفـه والمـروه هاذ
حَـسنـاتـــه اتــكـون مـا الـهـه نـفــاذ
وبالمقابل الله يقضي حاجِتّه
ـــــــــــــــــــــ
الناس ثلث اقسام صارو بالحياة
عالمٌ ربـانـي من اهل الـثـبـــــات
وثاني متعلم على درب الـنجـاة
والهمج اقدامهم مو ثابِتّه
ـــــــــــــــــــــ
اتعامل اويه الوادم ابحسن الخُلق
وعلى الفقره اعطف وگلبك يــرق
وهالصفات الحلوه خـلـهــا تنطبق
اعليك والمؤمن علامه بصفته
ـــــــــــــــــــــ
هاي آيه واضحه يالمؤمنون
(لن تنالوا البر) حتى تنفقون
الدنيا والاموال تاليهه تـهون
وربك اتدركك رحمته ونعّمِتِه
ـــــــــــــــــــــ
ابأخر انفاسه ويوصي بالصلاه
نـلـتـزم بـوقـاتــه وكل مبتغاه
المؤمن ايحارب ملذاته وهواه
وبالتزامه مايقصر خطوته
ـــــــــــــــــــــ
كونوا زيناً هيچ وصانه الامام
ولاتـكـونــــو شيناً ابين الأنـام
كون منهج يصبح النه هالكلام
وكون ما ننساها هاي اوصيّته
ـــــــــــــــــــــ
الصادق ايوصينا نقصد للحسين
ازيـارته اتزيد الرزق يا مؤمنـيـن
ومية حجه اتعادل وتسوه السنين
ولا تعوفوها يشيعه ازيارته
ـــــــــــــــــــــ
حيدر بشار الدراجي
(لسيدي الامام الصادق)
ياسادس نور ٠٠ يصعب حالك
امصيبة عاشور ٠٠ تدوي ابّالك
تتذكر طف جدّك
وتقارن سم چبدك
يصعب حالك
ـــــــــــــــــــــ
ياسادس ائمتنه
فخرنه انته وكرامتنه
هالليله المصابك تجري دمعتنه
غبت عنّه يبو الكاظم
وصوّب چبدك الظالم
واسهام الدهر بالفرگه صابتنه
تبچي وتنعاك .. هاي الوادم
ايجدد ذكراك .. خادم خادم
غير الطف ماهدّك
وتقارن سم چبدك
يصعب حالك
ـــــــــــــــــــــ
رادو ينطفي نورك
ومنعونه نجي نزورك
ويأبه الباري نورك سيدي يطفه
عِلمك ما نشف بحره
غصن والمصطفى الشجره
العالم كله اسمك سيدي ايشرفه
الخلّف ما مات .. يبن الزهره
وعلمك لليوم .. طيب ذكره
الكل تنهل من عندك
وتقارن سم چبدك
يصعب حالك
ـــــــــــــــــــــ
الداونيقي سگاك السم
وبقيت اهواي تتألّم
حر السم يذكّرك بالعِطش چبده
لومچتول لو مسموم
لو منحور لو مظلوم
وياكم دهرنه سيدي اشعنده
العاشر كل يوم .. يدوي ابروحك
جدك عطشان .. هيج نوحك
دمعك يچوي ابخدك
وتقارن سم چبدك
يصعب حالك
ـــــــــــــــــــــ
من يجبل شهر شوال
تشب نيران بالدلّال
وچن عاشور گّرب سيدي اعلينه
ينوح الغرقد وينعه
واحبابك تهل دمعه
وعالسم والعطش تبدي بواچينه
الما عنده احزان .. خله بدينه
المايجري دموع .. شلّه ابعينه
للمجلس كل جهدك
وتقارن سم چبدك
يصعب حالك
ـــــــــــــــــــــ
تحب اليقره والبچاي
واتحب المجالس هاي
وبحّياء الأمر مولاي توصينه
ابو السجاد ماننساه
نعيش احنه ونموت اوياه
وشهر عاشور عايش سيدي بينه
هالليله اعليك .. نجري الدمعه
والعل بالخيل .. طحنو ضلعه
والحافر ليضهدك
وتقارن سم چبدك
يصعب حالك
ـــــــــــــــــــــ
ابسجودك تدعي للدمعات
والعبرات والصرخات
وتترحم على العين البچت لحسين
وتدعي للنفق ماله
وتترحم على حاله
وگظه عمره لبو السجاد بس اونين
الطف وعاشور .. هاي احبابه
تنعه اعلى حسين .. وسهم الصابه
تتگطع كل ودّك
وتقارن سم چبدك
يصعب حالك
ـــــــــــــــــــــ
اذا تذكر سبي عمتك
ماتسكت ابد ونتك
الشام الشام آه اشبيها وياكم
عالنوگ الهزيله ام عون
هاي اشلون بالله شلون
السبي مولاي جرحه اهواي أذاكم
ابذاك الديوان ....زينب وگفت
انهد عرش يزيد...حين الخطبت
وتنادي كد كيدك
وتقارن سم چبدك
يصعب حالك
ـــــــــــــــــــــ
حیدر بشار الدراجي
رَحِمَ اللهُ مَنْ رَحِمَ اللهُ مَنْ
احْيَا أمْرَنا احْيَا أمْرَنا
ـــــــــــــــــــــــــــــــــــــ
قَالَها الصّادِقُ فِي بَثٍ مُباشِر
رَحِمَ اللهُ الذي احْيَا الشَّعائِر
فَـــهَلِمُّوا للعَزا حَولَ المَنابِر
فَغَداً خُدَّامُنا تَغدوا أكابِر
وَغَداً شافِعٌ لَهُمُ اُمُنا
ــــــــــــــــــــــــــــــــ
انت يا شاعر يلـتخط بيدك البيت
ينبني بكل بيت بالفردوس الك بيت
صرختك للعتره يا من بيها ضجيت
للجنان امن اوسع البيبان طبيت
تِلْكَ مَرحُومَةٌ صرخَةٌ حَسبُنا
ـــــــــــــــــــــــــــــــــــــــــــــ
وَلِمَنْ قَد سالَ مِن عَينيهِ دَمْعَه
وامْتَلى حُزنَاً وَفَاضَتْ مِنْهُ لَوعَه
مِن شُرورِ الدّهرِ كُنّا نَحنُ دِرعَه
وَسَألنا اللهَ في أصلاحِ وَضعَه
سلمُهم سِلمُنا حربُهُم حَربُنا
ــــــــــــــــــــــــــــــــــــــــ
صوتك الـ اُم الحسن يوصل يَرادود
و تفرح وتشرح گلبها اثيابك السود
ثكله واتدور تعازي ابگلب ممرود
هلمسه اعله الصادق اتبللها الخدود
فَاطِمٌ في العَزا تُجرِ دَمعاً لنا
ــــــــــــــــــــــــــــــــــــــــــــــ
يا غريقاً فِي بُحورِ السِّيئاتِ
أحْضَرِ المجلسَ أن شِئتَ النّجاةِ
واعتَصِمْ ما دُمتَ حَياً بالصّلاةِ
فَـبها الصادقُ وصّى بالمماتِ
قَالَ لا تستَخِفْ فَهْيَ مِعراجُنا
ـــــــــــــــــــــــــــــــــــــــــــــــ
ربي بالـــــــصادق توسلنا ودعينه
الغايب النـتـنـطـره ايعود ويجينه
ايعلي گبر الصادق ابارض المدينه
والحزينه الــــزهره ما تبقه حزينه
فَـــ لِـتَـعْـجِـيْـلِـهِ رُفِـعَـتْ كَـفُـنا
ـــــــــــــــــــــــــــــــــــــــــــــ
سيد علي عبدالزهره الناجي
آيالصادق ومصابه
آيالصادق ومصابه
.
روايه عن سدير الصيرفي ارويها
عظيمه وبيها حسره بكل معانيها
شفت گال الامام العبره يجــريها
على خده ونحس بالجمره لهابه
.
.
گعد فوگ التراب ويـــذرف الدمعه
على المهدي ومصابه يندب وينعى
گـبل مـا يـنــــولد يـتألــم الـوضعه
يرج باللوعه كل اركان محرابه
.
.
هدم حيـله الامـام القـائم وأمـره
عن احواله بكـــــتاب الجفر يقره
الخبر عنه يغيب وشيعته اتنطره
وابو الكاظم يحس ابلوعة اغيابه
.
.
يتيم ايظل يفگد حضن اليضمه
بهظم عمّته تعيش وتنسجن أمه
كلها تريد راسـه ومحـــد يرحمه
وجند المعتمد ماتترك اعتابه
.
.
وي كـــل نايبه الشـيعه يـندبــونه
وتمضي اجــيال بيهم مايشوفونه
على الموعد تظل مناطره عـيونه
يطلب ثار جده السلبو اثيابه
لون بالدنيا ظل يالصيرفي بس يوم
يطوله الباري حتى يظهر المعــصوم
هـذا ابن التــقي الطـاهر الجــيـدوم
لون ادركته اظل خادم على بابه
.
حسن الموالي الفاطمي
بهل ليالي الصادقيه
تحضر الزهره الزجيه
اتسجل اسماء الخدم . يا فاطمة
📜/1
ابهاي الليالي تحضر ام العتره
اتسجل اسامي الخدمو ابن لزهره
ما واحد اتعوفه اله تنطي أجره
الحاضر تحضره شي أكيد ابكَــبره
ما تعوفه الوحده حاير
بالكَـبر تحضرله باجر
من بجه الحركَـ الخيم . يا فاطمة
📜📜//2
كل خادم ابعين الزجيه امدلل
حاجاته تكَـضيهه وقبل ما يسأل
وعن نصرته الزهراء فلا تتعطل
كلمن خدم للعتره بيته تندل
من خدم عترت نبيهه
اتحسبه واحد من بنيهه
هذا واقع مو وهم . يا فاطمة
📜📜📜///3
ابكل العزاءات الزجيه تحضر
حاشا اي ظرف يمنعهه ما تتأخر
توكَـف على الباب ابدمعهه الكوثر
تستقبل الباجي اعله ذاك المنحر
يا هلا بالدمعه جاري
عالبقه ابذيج الصحاري
ونابت ابجبده السهم . يا فاطمة
📜📜📜📜////4
ابمأتم ولدهه امحزمه اوتلكَـاهه
كل المجالس فاطمه ترعاهه
للصادق الليله اعتنت ببجاهه
والمهدي راعي الثار اكيد وياهه
حاضر ابهاي المجالس
ورايته اترف عالعوابس
صوره ما منهه رسم . يا فاطمة
📜📜📜📜📜/////5
خدام اسمعو هالبشاره العندي
كلمن خدم آل النبي والمهدي
باجر تكَـله الزهره لوذ ابسدي
ماعوفه حاير من خدمهم ولدي
للجنان ابأدي ازفه
من لطم لبنيني جفه
ياخذ اشيطلب نعِم . يا فاطمة
=======================
✍️🏻 كلمات #موسى_الخادم ٢٠٢٦
#٢٥شوال
طوينه الگاع للحق طي لسانه
المرءّ مخبوء تحتَ طي لسانه
وما يـرفع مـكانـه طـي لسانـه
ميزان البشر حامي الحميه
~
حيدر بشار الدراجي