4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
شوط كربلائي
ــــــــــــــــــ
يالرايد كرامة وجاه بعد النية والفطرة
اترك كل أمر دنياك واخدم فاطمة الزهرة
ــــــــــــــــــ
فترة من الزمن وتموت واسنين العمر لحضهْ
خلصها بعمل محسوب أخذ العبرة من فضهْ
يرضه الباري عنك دوم من أم الحسن ترضهْ
اسمك بالسجل مكتوب
عندك ما تظل اذنوب
تفتحلك جميع البوب
تشفعلك غداً بالموت وايام التجي الخطرة
ــــــــــــــــــ
صفى النية والدمعات واحضر مجلس الدمعه
اِواسي المرتضى الكرار وي أحزانه للبضعة
بيدك أضعف الإيمان اشعل بالحزن شمعه
من قبرك يصير الدار
تضوي الشمعة الك تذكار
تبعد جسمك من النار
وبيوم القيامة هناك توگف جانب السدرة
ــــــــــــــــــ
أصعب دمعه من تنشاف هية دمعه الزلمة
بس من يبجي داحي الباب الله اليعلم بهمه
ترخص دمعه الخدام لأجل ام الحسن رحمه
وي دمعات ابو الحسنين
واجب تبجي دم كل عين
لو عنده المحب گلبين
ما يتحمل الآلام ينفذ بالحزن صبرة
ــــــــــــــــــ
ما معنى الحياة بدون مجلس بيها وقراية
والرايد يشوف الروح يلگة المنبر امراية
ما بعده شرف بالكون خدمة فاطمة الاية
خدمة فاطمة العنوان
والخادم فلا ينهان
حتماً هوه عالي الشان
وبهذا الفخر للموت عايش يبقى كل عمره
ــــــــــــــــــ
اخدم فرصة ما تنعاد عوف الدنيا والبيها
واللعن قاتل الزهراء عادي اللي يعاديها
واقرأ سورة بالقرآن صلي لفاطمة اهديها
اهدي الفاطمة الركعات
واقره من الذكر آيات
واقره الفاتحه بدمعات
سلم واذكر الزهراء واقرا زيارة الحرة
ــــــــــــــــــ
سمي احسن الاسماء وأعظم وأشرف وأطهر
بالك هاجس الشيطان بأسماء الغرب تنغر
سمي اسماء البنيات زهرة وفاطمة وكوثر
الله يبارك بكل بيت
بي اسم الزجية الگيت
باسم الزهرة لو سميت
الله ينظر اعله الدار يومية الف مرة
ــــــــــــــــــ
خلي فاطمة الزهراء هية بكل وكت قدوة
وانذر كل عمل لله بأسم ام الحسن فدوه
واندب فاطمة بكل حين وقت المره والحلوه
من تتعسر الايام
وتضيگ وتصير احلام
احجي للزجية شضام
وافزع واطلب الحاجات تسهل ما تظل عسرة
ــــــــــــــــــ
الشاعر زين العابدين الشمري
أنا لله وأنا أليـــــــــه راجعــــــــون
تيتمت زينب.. ٢
ـــــــــــــــــــــــــــــــــــ
شلون ليله تمر عليها الليله
عـــال بيها الدهر أكبر عيله
مصايب الزهراء هدت حيلها
تبچي لمها الليله وانته ابچيلها
تگلها يمه شلون اعيش بدونـــچ
الـــدنيه المحليتها بس اعيــونچ
من هــــــــوان الدنيه ويدفنونچ
غسلت أمها يويلي بدمع العيون
تيتمت زينب
انا لله وانا اليــــــــه راجعـــــون
تيتمت زينب
ــــــــــــــــــــــــــــــــــ
اليفگد أمه شلون ليله ينامه
زغـــار يا وادم هضيمه ايتامه
بيضّت اعيون الحسين گبالها
تنعى يبچي وهوا هم ينعالها
شحال زينب شالو أمها شحالها
ومشي وي الزهــره محد گالها
نگطع گلب الحره لـــمن شالها
نشغات زينب والله تشگ الچفون
تيتمت زينب
أنا لله وأنا أليــــــــــه راجعــــــون
تيتمت زينب
ــــــــــــــــــــــــــــــــــــــــــــ
هنا يهل جناز بلله بهونك
ليش اشوفن هادلات امتونك
أنته حيدر أبــــــــد ما معقوله
العنده حيل الله غده يتچوله
راح يدفنها ورجع المفــــــارگ
ودگ گلبها وي دمعها مسابگ
فاگـــــده وفاگد وصار مشابگ
الدافن بأيده فرحته حزنه يالون
تيتمت زينب
أنا لله وأنا أليــــــــه راجعـــون
تيتمت زينب
ـــــــــــــــــــــــــــــــــــ
ضيم ثاني فوگ ضيم اغيابچ
على زينب ذكــره صاير بابچ
بفگدچ وآهات حيدر حــايره
أم أبوها وعله اخوتها صـايره
منو يصبّر منو يمها دخيلچ
حسين ما بطل عمر يبچليچ
الحسن گاطع زاده بس ينعيلچ
حيدر بگلبه الحزن حسرات مسجون
تيتمت زينب
أنا لله وأنا أليـــــــه راجعــــــــــــــون
تيتمت زينب
ـــــــــــــــــــــــــــــــــــ
قليل البضاعه. 💔
خادم الزهراء ص
✍️ياسر الزيادي
فاطم تنادي بألم هشمولي فؤادي
كسرو ضلعي هل أعادي آه …..
لا لا يبابي لا تنطبگ وارحم شبابي
مو راح اموتن من عذابي آه ….
جرحي بضلوعي والعتب ..كلش چبير
بالباب روحي حايره .. وابقى أستجير
فاطمة آنه ام الحسن .. و زوجت امير
فاطم… من الضلع محنيه ومكسورة ضهر
فاطم … تشكي كل ألبيها الربه من القهر
فاطم … بالدموع اتناجي ياربي الدهر
……………………………………………..
جرح الزچيه الطاهره الحره النقيه
ظل بألم يندب عليّه آه….
حركوها اديه وگربت ليه هل منيه
وحيدره مچتوف بوصيه آه….
وينك يطاها ماتجي .. تشوف الجروح
كل دفعه بالباب انه تطلع .. مني روح
بالنار بابي مشتعل .. و گلبي ينوح
فاطم … ياجروح إيديها ما أله دوه
فاطم … والمتن ياذيها صار من الهوه
فاطم … علي يشوف الدار ضلمه وراح الضوه
…………………………………………………
ويلي لحزنه لفاطمه نهله دمعنه
والسوط لاچمها بمتنها آه …….
قتلو ابنها المُحسن المامر حضنها
ودمعاتها تجري بجفنها آه ……
زينب تناطر تنتضر .. جيته بلهوف
وجن ورده بالعتبه وگع .. مُحسن تشوف
والسطره عالوجنه اثر .. بيه تعوف
فاطم … النار حرگت مهجته بدم ضلعي ارتوه
فاطم … راح محسن منها ويلي بنار انچوه
فاطم … عله ابنه اتنوح من يوم الي هوه
………………………………………………
ماتت شهيده فاطمة بأيدي عديده
والگلب ينزف وريده آه…..
سراً دفنها حيدره و محني بألمها
من الجره وصار بأبنها آه…….
بالدفنه حيدر منكسر .. ودمعه يهل
والحسن باقي ينتضر .. سم النذل
وحسين بعدج نومته .. فوك الرمل
فاطم .. وردة زينب بعدج ذبلانه بيسر
فاطم .. والحبل ياذيها ويلي والزجر
فاطم .. تدخل آيه بديره ماليها كفر
مسلم الفاطمي
اللهم عجل لوليك الفرج
هاي اول ليلة بغياب الزهرة
محد يحملها واخ شكد مرة
مغورك بدموعه العين
جيب الي ايسكت حسين
هاي اول ليلة....هاي اول ليلة
___
بعد الوداع...كلشي جن ضاع
وجيب اليسد عازة الزهرة بولدها
الله اليعين...الحسن وحسين
عيونهم خلص دمعهن من فكدها
ما الي عون...بروحي انه شلون
لحد لهاتي توصل وتطلع واردها
.
بكد هاي الدنيا ترستني الحسرة
وهاي اول ليلة بغياب الزهرة
............................
مايضل حيل...من يجي اليل
وجيب اليخلص اليل ابلا زهرتي
ماضن اشلون...تغفه العيون
وكمت اكضي اليل بدموعي وكسرتي
انه ابو تراب...وداحي الباب
هسة صار الباب كل همي وحسرتي
.
بابي وبسماري صارلي الكسرة
هاي اول ليلة بغياب الزهرة
............................
بروحي تابوت...ويمته جا اموت
الموت من بعد الاعزاز يصير غالي
مو علي الجان...هسة نحلان
وعلي بعدج مو علي الأولي التالي
بكلشي مريت...وما اهتميت
هذا يومج مثله ما مر أعلى بالي
.
ما هاب الدنيا وخنكتني العبرة
وهاي اول ليلة بغياب الزهرة
............................
والحزن دام...يملي الأيام
وصار ما يخلص اليوم ابلا دمعنه
ما مصدكين...يم الحسين
السالفة الحلوة والضحكة فاركتنه
ابيت الاحزان...ذني نيشان
الباب والبسمار صارن سالفتنه
.
وكل ما اتذكرج اشبجها العشرة
وهاي اول ليلة بغياب الزهرة
............................
هاي اول ليلة بغياب الزهرة
محد يحملها واخ شكد مرة
مغورك بدموعه العين
جيب الي ايسكت حسين
هاي اول ليلة....هاي اول ليلة
___
للشاعر حسين الكناني
يالمهدي أظهر للثار باب النبي حركوها
ــــــــــــــــــ
يمتى الفرج وتكف دموع الحسرة
وتأخذ بثار امك الطيبة الزهرة
راية الثار الي ترفرف حمرة
وبجفك تشيل السيف ام الحسن أذوها
ــــــــــــــــــ
نكرو أرثها من النبي والدها
كسروا ضلع ياسيدي من عدها
وأعله الوجه بالصفعة سطرو خدها
دماها ذاك البسمار لمن حقد عصروها
ــــــــــــــــــ
ذبحوا ابنها وفاطمة مدمية
مهظومة صارت بالالم محنية
هجموا عليها سيدي تلثمية
صاحوا "ؤأن" اعله باب وام الحسن قتلوها
ــــــــــــــــــ
غسلها حيدر وبحزن كفنها
ميته وعلي بالكسرة يسمع ونها
من الملامح فاطمة ما جنها
حتى والدها من الصار متغيرة ما عرفوها
ــــــــــــــــــ
بالخفية شيعها الوصي وبالغربة
لمن دفنها بحسرة يوكف قلبة
أصعب وداع وهية حدر التربة
يا فاطمة ظلمة البيت من شمعتج طفوها
ــــــــــــــــــ
يالمهدي وين ام الحسن مدفونة
كل شيعي مليانة اشتياق اعيونه
ثارك يمهدي أنصارك يتانونة
تظهر وقبر الزهراء شيعتك ويزوروها
ــــــــــــــــــ
بعون الله باجر ثورتك منصورة
شايل فقارك والخصم بالصورة
جف الصفع ام الحسن مبتورة
وثورتك يبن الكرار كل العدة يشوفوها
ــــــــــــــــــ
تمت ببركة مولاي صاحب الزمان
الليالي الفاطمية المباركة
الشاعر زين العابدين الشمري
لمولانا القاسم ابن الأمام موسى الكاظم صلوات الله عليهم
غريبه شجرة الزهره بلحزان
كلهن فاگدات أبلايه وليان
من أرض المدينه مات مهظوم
ومعصومه بعيده عن الخوان
مات الگضه ونين ونوايب
الينعه عمات أبخرايب
أبن الغريب المات مضلوم
وعد راسه مالطمن حبايب
غريب .. عم الجواد ويحتضر
غريب .. لخوانه مات وينتضر
غريب .. للقاسم أاتحضر گبر
.....................................
لالطمت أخت لاشالته أمتون
چا فزعو الساده كون يدرون
غريب القاسم أبن الكاظم الغيض
مات وأخوه ماله اعليه يثغبون
لامن أبن لامن عشيرة
حيره توديه اعلحيرة
لو مات ياهو الينعه جده
جده الي مشيول ابحصيرة
غريب .. وينعه أعلغربت عمته
غريب .. تهظم تحير قصته
غريب .. مايوم جفت دمعته
.....................................
ولد موسى أبن جعفر صارو أبعاد
غرب ويلاده كلهم أسد بغداد
معصومه أعلخوهه بقم تنادي
واويلي علخوي الونه ماهاد
خلصهن أيامه ابمصابه
وگلبه تهشم من عذابه
يبچي الحسين المات عطشان
ويوزع الماي بثوابه
غريب .. مجهول گدره الهاشمي
غريب .. وگلبه عله الساده ضمي
غريب .. أبن الخباء الفاطمي
.....................................
أغيثوني ينادي ابساعت الموت
يهاشم ضل ينادي وماوصل صوت
طارش رايد ايوديه لخوته
أخوكم بلكت أدبروله تابوت
تابوت دبرولي المنيتي
ويرادلي اليسمع وصيتي
واحد يروح العمتي عوان
الكتلتني اعليهه حميتي
غريب .. ايوصي ودموعه تهل
غريب .. عمه أله ابتالي الهزل
غريب .. أخذوهه مچتوفه ابحبل
رسول رياض
گعديه
يا مهدي صاح بهالوضع ادركني
لمن وگع محسن امس ها يبني
وآنه صحتلك بالكسر وجروحي
و وگعت الباب بجمر موتني
من اجوا .. ما اگدر واندب علي
من اجوا .. هاي الوصيه امن الوصي
من اجوا .. ندبه الك يبني وهلي
يوليدي يا طلّاب شافي كسرتي
عصروني خلف الباب وآنه بغربتي
يوليدي يابو الثار صحت بدمعتي
يا مهدي ادركني
__
يا يمه ياليومج عذابي وغيبه
امن الندبه لليوم انفجع و امصيبه
ضلعي انكسر لضلعج امس بالعصره
ثارج على گلبي ويميني تجيبه
من وگع .. دمج نزف گلبي عمر
من وگع .. ابنج على تراب وجمر
من وگع .. ما تهده لجمات الكسر
معصوره خلف الباب مضروبه يمه
ضلعج تكسّر ليش يشكيلي دمه
مخلوسه خلف الباب يالزهره هظمه
يا مهدي ادركني
____
ليليه اشوفن رفستج يالزهره
واسمع نياحج والضلع و الكسره
وتلهبني نارج والجمر بضلوعي
وعيني اويه عينج من غربتي حمره
يا كوثري ... وبطولج اليجري دمه
يا كوثري .. ما كفت جروحي السمه
يا كوثري .. وطولج على تراب انرمه
يا يمه صحتي الغوث يا مهدي أبني
ويضربني ياهو الجان هذا الكسرني
هديتي يمه الحيل طولتي حزني
يا مهدي ادركني
___
ما طبگت عيوني وغفت مرتاحه
وحيدر اسمعنه يون ونياحة
من غسلج شاف الخدود الحمره
وضلعج صبح للمرتضى ذباحة
اطفه واشب ... ليليه يالزهره انكتل
اطفه واشب ... وگلبي جمر من الطفل
اطفه واشب ... وبعيني ممشاهه الهزل
يا يمه شفت حسين وكسرة دليله
وتشكيلج الحوراء باجر هزيله
راسه برمح مشيول يسبوله عيله
#محمد فرج الحريشاوي
سوره الكوثر غصب عصروها
وبالغدر بالباب من دفعوها
ــــــــــــــــــ
فاطمة نور الاله الما طفه
الله خالقها وي نور المصطفى
دافعت عن الولاية العارفة
وبظلم ام الحسن قتلوها
ــــــــــــــــــ
فاطمة اول شهيدة التنحسب
ظلوا أيتام بفگدها بلا ذنب
شلون روح الهادي طه و تنضرب
بالحقد فوگ الجفن سطروها
ــــــــــــــــــ
جان ابوها اعليها كل ساعة ويمر
يطرق الباب احترام الها وقدر
تنزل املاك السماء وتنتظر
من بعد أذن النبي يدخولها
ــــــــــــــــــ
فاطمة أعظم مرة بهاي الأرض
بقلب ابوها وحيدره هية النبض
سيد كل النسا وام الفرض
منزلتها من النبي يعرفوها
ــــــــــــــــــ
من قبل أدم لحد أخر زمن
الكواكب تحت رجليها انطون
اعظم من الكون كله ام الحسن
بكل وقاحة اهل الجهل نكروها
ــــــــــــــــــ
بضعة من سيد الرسل و الخاتمة
من أجل دين الله ماتت فاطمة
بت نبي وزوجة امير و عالمة
لهل السبب اهل الظلم عادوها
ــــــــــــــــــ
جذع باب الزهرة وثگيلة وزن
ولو هوت عالغبرة ترجهنها رجن
طبگت اعله ام الحسن طبگ الجفن
طاح محسن ميت وفجعوها
ــــــــــــــــــ
تمت ببركة مولاتي فاطمة
الشاعر زين العابدين الشمري
🔶بعد رجوع مولانا أمير المؤمنين
تكلمهُ السيده زينب عن حال و كيف دفنت امنا الزهراء ع🔶
ها بويه قلّبك طاوعِك تدفنْ الزّهرّه أبيدك
بهل سرعه تُرجع يا علي ؟ قلبي يگلَّي تريدك
دلالي بويه اندفنْ يمّها
ابنيّه و زغيّره و ماتت امّها
زينب انه …. زينب انه
1@
شصار وياك بويه بدفنة الزهره
شو خيط النهار اتأخر بفجره
چم عبرة اطلعت يا بوية چم عبره
منّ شفت الضلِع متهشم بكسره
رديت محنّي و تنتِحب و مكسوره احِس اضلوعك
و من غسلت امنّه اضّنْ الماي من ادموعك
فرگة الأم بويه اشعظمها
ابنيّه و زغيره و ماتت امّها
2@
يا حيد الزلم يا زلمه لي-يلوحك
من فرگة الزهره تنّزف اجروحك
رفعت اجنازة امّنه بدمعك و نوحك
صح راجع عدل بس شيعتْ روحك
ارواحنا طلعت علي وي روحك الملچومه
الأم اذا راحت يضلّ البيت وحْشه ارسومه
الفرحه بعد صعبه افتهمّها
ابنيّه و زغيره و ماتت امّها
زينب انه … زينب انه
3@
زينب بويه شحچي و جاوب اونيني
امن انهلّ التراب انهلّت السنيني
رشيت الگبر بدموع من عيني
و منّ عنّها مشيت اسمع تناديني
(الحال) لا ما ينوصف زينب شوصّف حالي
بچفوفي كملّت الگبر و كمت ادفن بدلالي
اليهضم بخدها ضلّ دمعها
ابنيّه و زغيره و ماتت امّها
4@
نومه اعلى الضهر صعبه بضلع مهشوم
كلّ هذا و گبُر بــي يستحال النوم
فاطم يا خلگ ميّته بقلب ملّچوم
لأن محسن أبنها بلا ذنب مَظلوم
البسمار نابت بالضِلِع و وليدها المحسن مات
ماتت و مكسوره قلب الما زعّلتـنّـا بكلمات
بكد الجره و اكبر هضُمُها
ابنيّه و زغيره و ماتت امّها
@5
يا موقف يبويه ايجرحك و مكسور
تشوف اجنازه امنّه و الگبُر محفور
لو لحضة رجوعَك منّ صفت بگبور
الجانت منها حتى الشمس تطلب نور
الجانت اذا تبدي بفرض نشتم عطرها الجنّه
راح اندفن ذاك الحضن بحب و حنان ايلمنّه
البـاب فرگـتها رسـمـها
ابنيّه و زغيره و ماتت امّها
@6
يا كسر الضِلع لا طـاب و اتجبّر
و احس هاي المشاهد بينّه تتكرر
اشوف احسين طايح و الشمُر يفتر
و من دوس الحوافر صدّره يتوذّر
نفس الكسر ما يتخِلف البسمار نَفس الحافِر
هل مرّه باب و يندفع و خيول تسحْك باچر
يا كربـله اليصعـب المّـها
ابنيّه و زغيره و ماتت امّها
خادم الزهراء الشاعر | مصطفى ثامر الحلفي
ثگيل -
من رسول الله ارثنة والمجالس نعمة الله
كلشي صله للمجالس حتى جبرائيل صله
وثبات وثبات الخدمة سرمد
صلوات صلوات على محمد
==============
شيعتاً نحنُ خُلقنا طاعتاً لالي محمد
لا ملاذاً في الحياة ليس فيها دمعة الخد
وهوى وهوى العشق يُردد
صلوات صلوات على محمد
=============
كلشي بلخدمة متاعاً ومتاع الخدمة كوكب
كوكب ايحرسه ابو فاضل والحنان اتحرسه زينب
ولهم ولهم القلب يشهد
صلوات صلوات على محمد
==============
فاطمة منها القبول ودفترا لخدمة ابديها
لازم الحب منها يبدي وكلنه نتوضى ابحجيها
فاطمة فاطمة ام محمد
صلوات صلوات على محمد
=============
وعلياً جوهر الحب هوه سلطان المشاعر
هوه كلمن يكتب اسمه صار بين الناس شاعر
لعلي لعلي صوتي مـُخلد
صلوات صلوات على محمد
=============
للحسين الدمعه تنزل وتنزل اوياها الاماني
والحسن عزب رحمتة عاجز ابوصفه لساني
عاشقاً عاشقاً لألي احمد
صلوات صلوات على محمد
==============
خادم اهل البيت/ منتظر التميمي
🔶بعد رجوع مولانا أمير المؤمنين
تكلمهُ السيده زينب عن حال و كيف دفنت امنا الزهراء ع🔶
ها بويه قلّبك طاوعِك تدفنْ الزّهرّه أبيدك
بهل سرعه تُرجع يا علي ؟ قلبي يگلَّي تريدك
دلالي بويه اندفنْ يمّها
ابنيّه و زغيّره و ماتت امّها
زينب انه …. زينب انه
1@
شصار وياك بويه بدفنة الزهره
شو خيط النهار اتأخر بفجره
چم عبرة اطلعت يا بوية چم عبره
منّ شفت الضلِع متهشم بكسره
رديت محنّي و تنتِحب و مكسوره احِس اضلوعك
و من غسلت امنّه اضّنْ الماي من ادموعك
فرگة الأم بويه اشعظمها
ابنيّه و زغيره و ماتت امّها
2@
يا حيد الزلم يا زلمه لي-يلوحك
من فرگة الزهره تنّزف اجروحك
رفعت اجنازة امّنه بدمعك و نوحك
صح راجع عدل بس شيعتْ روحك
ارواحنا طلعت علي وي روحك الملچومه
الأم اذا راحت يضلّ البيت وحْشه ارسومه
الفرحه بعد صعبه افتهمّها
ابنيّه و زغيره و ماتت امّها
زينب انه … زينب انه
3@
زينب بويه شحچي و جاوب اونيني
امن انهلّ التراب انهلّت السنيني
رشيت الگبر بدموع من عيني
و منّ عنّها مشيت اسمع تناديني
(الحال) لا ما ينوصف زينب شوصّف حالي
بچفوفي كملّت الگبر و كمت ادفن بدلالي
اليهضم بخدها ضلّ دمعها
ابنيّه و زغيره و ماتت امّها
4@
نومه اعلى الضهر صعبه بضلع مهشوم
كلّ هذا و گبُر بــي يستحال النوم
فاطم يا خلگ ميّته بقلب ملّچوم
لأن محسن أبنها بلا ذنب مَظلوم
البسمار نابت بالضِلِع و وليدها المحسن مات
ماتت و مكسوره قلب الما زعّلتـنّـا بكلمات
بكد الجره و اكبر هضُمُها
ابنيّه و زغيره و ماتت امّها
@5
يا موقف يبويه ايجرحك و مكسور
تشوف اجنازه امنّه و الگبُر محفور
لو لحضة رجوعَك منّ صفت بگبور
الجانت منها حتى الشمس تطلب نور
الجانت اذا تبدي بفرض نشتم عطرها الجنّه
راح اندفن ذاك الحضن بحب و حنان ايلمنّه
البـاب فرگـتها رسـمـها
ابنيّه و زغيره و ماتت امّها
@6
يا كسر الضِلع لا طـاب و اتجبّر
و احس هاي المشاهد بينّه تتكرر
اشوف احسين طايح و الشمُر يفتر
و من دوس الحوافر صدّره يتوذّر
نفس الكسر ما يتخِلف البسمار نَفس الحافِر
هل مرّه باب و يندفع و خيول تسحْك باچر
يا كربـله اليصعـب المّـها
ابنيّه و زغيره و ماتت امّها
خادم الزهراء الشاعر | مصطفى ثامر الحلفي
لا زلتُ ابجي وانتحب
غير المشه مني النبي
جا حگي من ابجي وانوح
و مشتاگه ضلت زينبي
ام وبنت مگابل لطم
وآنه ادري باجر تنسبي
بهذا العزه والوادم صياح
لمن گمت لجمتني الصفاح
عگازه بابي صار بوگفتي
اعليه انتجي وبروحي النياح
تواسيني ضنيت الاجوني
واعله الرسول يگابلوني
بس خيبت ضني العروبة
منهم لذت بس خوفوني
___
اين علي صاحوا الي
يبايعنه لا ندخل تره
جذوع النخل يم عتبتي
عافوهه يمي موجره
ما صارت ودارت تره
ازلام وتهد اعله اامره
بالحايط وباب الثجيله
بيهن لذت وآنه النحيله
الباب احترگ وبضهره آنه
خفت انعصر شيحمله ويله
گام ورفس بابي عليه
وادفع گمت بجفوف أديه
وبضهره هد ويعصرني جتال
ونار الگلب متوجره بيه
__
ضهره يسنده اعله الخشب
حدما سمع ضلعي يطگ
من رفسه بابي وگع
فوگي وجمر لن محترگ
وبصدري مسماره دخل
وبضلعي هو الينطبگ
ويرفسي حد وگعت جنيني
ميت وگع و اگبال عيني
وهم صدره مرضوض بوگعته
وفوگه طحت بدمعي و ونيني
وأمر على عبده وضربني
ومن ضربته للگاع ذبني
وآنه اشهگ اگباله يوادم
لاهو انگسر گلبه ورحمني
____
دفعه وضلع باب وحرگ
ومن بطني طايحلي أبن
وقنفذ اجه بسوطه علَي
وبحيله يضرب بالمتن
يا حرمه مثلي اتحملت
وآنه تره ام الحسن
واعله الوجه گام وسطرني
متلوعه الكافر تركني
بدمي صحت وين النشامه
من حشمت محد حشمني
گمت وطحت والناس والنار
محد فزع لا غربه لا جار
وحيدر طلع بجفوفه الحبال
هذا الجره من عنده ما صار
#محمد فرج الحريشاوي
ابيات نعي للسيده الزهراء عليها السلام
……………….
من دونج الدار ضلمه اصبحت من دونج الدار
وبحالنه اشصار لمن مشيتي بحالنه اشصار
ومكدر اكدار علينه الحزن ومكدر اكدار
بضلوعي الاكصار يناره اسعرت بضلوعي الاكصار
.....................
بيت وبلياج ما ينسكن بيت وبلياج
جا وين نلكاج لمن نحن جا وين نلكاج
يمه الله وياج يأم الحسن يمه الله وياج
وشلون ننساج وابونه الينوح شلون ننساج
ومن دون عيناج شيسوه العمر من دون عيناج
……………….
وشلون يرتاح اليفارك أمه اشلون يرتاح
ويا يمه لو صاح امن يجاوبه يا يمه لو صاح
بيوم النعش راح راح الربه بيوم النعش راح
ويه الدمع طاح احس بالكلب ويه الدمع طاح
………………..
رحتي ومشت كل الأماني
ودهري بسهم فكدج رماني
وراح ابقى الج عالباب أتاني
بلكي والي يردج زماني
........................
اليفارك امه شلون ليله
يخلص ونار بنص دليله
يضل ويه وناته الطويله
حد ما يهد النوح حيله
........................
سأل الدمع دم اعله فركاج
ولو بالمنيه فدى ونفداج
وياريت كلنه انموت وياج
صعبه الحياة بدون عيناج
وكلشي صعب يمه بلياج
......................
وداعت الله يالحبيبه
وزينب عكب عينج غريبه
يمه ترا افراكج مصيبه
والصبر الها امنين اجيبه
شمدرينه بالفركه جريبه
ولكلوبه هجرج يصيبه
وخله الكلب يسعر لهيبه
وحك جرحج الايس طبيبه
عكبج مظلمه اصبحت طيبه
………………
خادم الزهراء ع علي عبود الغنامي
راح الحـيل ابحــيدر
واهوة الشايل خـيبر
.... يكسـر حـــيلة البـاب
وراحة اطگ ابراحـة
وتاكل چفة اصفاحة
.... گلبة الثانــي انصاب~~~~~~
شوكت حيدر يريد يگوم .. يدور عن چتف يفزع
من گد ما يجر حسرات .. روحة ابكل نفس تطلع
ومن گـــد ما يريد العون .. باصفاحة اديــه تطبع
وكثر ما يفــرك اچـفوفة .. لحـم چفــة بدة يوگع
راحـــت راحــة بالــة
وحــسراتة الچـتالــة
.... تفــزز ســـابع جــــار
كلمن قـــرت عـــينة
وحيدر فــزت عـينة
.... اتشـيط ابگلـبة النار~~~~~~
علـي وكلمن يريد ايگـوم .. يگوم ابياعلي يگدر
عجيبة اشلون ابو الحسنين .. رب الحيل يتعثر
حگـة الفاگـد الزهـــراء .. الجفن لو ينگلب أحمر
وعلي حگة لَوَّنّة ايموت .. چي فاگد قـرين الذر
الله الباگـــي ابراســــة
المقتـــرنة ابأنفــاســـة
.... شـــــايلـها ابتابـــوت
هــــوَّة الماتت روحـــة
شلون اتطيب اجروحة
.... حــتماً گلــبة ايمــوت~~~~
علـي المضروبة بي أمثال .... عــلي البلقـوة يتمثل
وأبد ماكو ابعظم صبرة .. الصبر وكت الجزع أجمل
(علة الزهرة الصبر مكروه) .. علي ماهو علي الأول
علي الطَّوّگ رگب باحديد وسف حيل الحديد افتل
صاحب أعظم سيرة
الليلة يعيش ابحيرة
.... ويفگد نورة النــــور
وأظلم يصبح بيتـــة
النسمة تخنگ ريتــة
.... شيجبرة المكـــسور~~~~
عجيبة الإسمة من ينجاب .. يجيب الحيل وي اسمة
مـــنو ايـگلة علــي وّياك ... اوعـلي معتاز هالكلمــــة
الفقـار الچـان بالكــلفات ... لو حَّــل الوغـى ايحشمة
علــي هسـة الفقار اوياه ... عليـه يتــــوچة ويلزمــة
اليتوچـــــة ابفقـارة
اشـــلون ايرد الدارة
.... وبعــازةت عَـــوَّان
الراح ايزت اجــنازة
ويدفن بيدة اعزازة
.... مدفـــون اودفـان~~~~
ترة حيدر دفن گلبين ... گلـبة اوزهـــرتة ابحـفـرة
علي دافن أعز الناس .. وّسَّـــــد باللّحــــد عمـــرة
أبد ما صارت ابإنسان .. بيــدة يحفـــر ابگــــــبرة
علي ظهرة صبح مكشوف ..من ودع علي الزهرة
حيدر وارى اضلوعة
الگبر ابتل بادموعــة
.... حگة اعيونة اتفيض
اتضيگ الدنية ابعينة
وحط باللحد اسنينة
.... والجـــنة التعويض~~~~
أحمد عباس الحساني
شهادة السيدة الزهراء
( ع )
لاستشهاد الصديقة فاطمة الزهراء عليها السلام
بياحال حمّاي الحمه
من يوم راحت فاطمه
★★★★★★
شيطفي گلبه المستعر.
غياب المحب شده وعسر
ظلمه الوكت صبح وعصر
جروحه تون من كل كتر.
واركان حيله امهدمه
من يوم راحت فاطمه
★★★★★★
بعد الزچيه بياوضع
بالدنيا حيدر يقتنع
بليل الحزن ذايب شمع
بگلبه الف لوعه و صدع
أيامه صارت مظلمه
من يوم راحت فاطمه
★★★★★★
لومر على عيونه الصبح
يلگه الصبح ليل وجرح
ياطير مكسور الجنح
طير السعاده المنذبح
ماشالته ارض وسمه
من يوم راحت فاطمه
★★★★★★
ياحلم ضاع من اوله
وذاك الزمان اشبدله
الچانت شمل بيته وهله
وكل العمر چانت اله
ياحيف اصعب خاتمه
من يوم راحت فاطمه
★★★★★★
حال اليحب والله صعب
لورجع مفجوع الگلب
وعلمحب لو هل الترب
مهظوم رد يمشي الدرب
وبياسهم گلبه انرمه
من يوم راحت فاطمه
★★★★★★
كلما ذكر بيته احترگ
وعلى الظلع باب انطبگ
وعن فاطمة يوم افترگ
حاله ولامثل الخلگ
ايامه صعبه ومؤلمه
من يوم راحت فاطمه
★★★★★★
عايش على الدنيا رسم
وكلساع جرحه ينلچم
ياجبل ماشال الهدم
والحيل اصبح منهدم
وللموت ناره مضرمه
من يوم راحت فاطمه
الشاعر حسن لعيبي الحريشاوي
#اخر_وصايا_مولاتي_فاطمة ع
"""""""
الموت اهون ولا ضناي . اركض والزلم وراي
صاحولي حيدر يجيج . وكتلتني هلجلمه هاي
حرام حرام حرام
ست اشهر ووليدي راح
حرام حرام حرام
طاح وگلبي دمعه طاح
صارت صدگ راح من ادينه
گاعد علي ويكتل ونينه
تعبني اكثر من طيحت ابني
گعدني يمه وشكد بجينه
...........................................
شحجيلك عن ياعذاب . مو مالت يكتلني باب
مو مالت حيدر يميل . ويكسر ظهره بهلمصاب
عذاب عذاب عذاب
ادفني بليل وظلام
عذاب عذاب عذاب
فاطمتك راحت تنام
جوه الترب زهرة حياتك
وتطشرت سبحت صلاتك
بابي احترگ جلبابي يلهب
يابو حسن لفني بعباتك
...........................................
زينب وبعمر زغير . شافت نار ابلا مصير
الدخانه تشمهه الزغار .مايتحملهه الچبير
مصاب مصاب مصاب
عاشت زينب المصاب
مصاب مصاب مصاب
الحرگ اخيمهه يبدي باب
فوگ الهزل تمشي الاميرة
والله الهزل مو للچبيره
يابو الحسن متعوبه زينب
بنتك عله الفرگه زغيره
...........................................
مت عيني حسين اليطيح . يايمه يبچي ويصيح
باچر هم وراه عذاب . يتعب بس مايستريح
ينوح ينوح ينوح
من زغره حسين وينوح
ينوح ينوح ينوح
يشوف اخته اگباله تروح
هذا الوكت منهم حرمني
ياكربله شسويتي ببني
ويه الحوافر للخيمه دمه
اخر دلالي ما لمه حظني
...........................................
عسى أن تشفع لي في قبري
عباس القلعاوي
قصيدة گعديه لمولاي القاسم الغريب ابن الإمام الكاظم عليهما السلام
يا وريث الغربه من أباءك
يالما نصف دهرك
متغرب وجان السبب اعداءك
بغربه خلص عمرك
روحك بگت يم الرضا وأعضاءك
بالغربه گوض صبرك
خلص شبابك بالغرب جان الدرب
عن اهلك بعيد
اهلك بأسمهم هالزمن مالك وطن
عايش كالطريد
غريب.
وانت الدنيا مُلك اهلك
وخلگ اهلك منو تسألك
وانت تخنكك العبرة
ترجف من هضم كلك
ويمك حزن يلگه العبد لمن يجيك
يبن الكارم والزمن مفتر عليك
...............
طف كربلاء واضح غده بعيونك
وتخفي الجرح لازم
من يا نسب جانوا اذا يسألونك
تبچي لبني هاشم
خلصو عطاشى وترتحل بظنونك
مسبيه جم فاطم
من يا نسب جلمة جرح خيل وذبح
للعاشر تروح
تذكر أمام ابلا هله بنص الفله
ضامٍ ومجروح
تروح.
تذكر لوعة العاشر
تتذكر طرف داير
شاف خيامه منهوبه
ونهض بس جنى ما گادر
تتخيل اركاض النسى وتفرك بأديك
يبن الكارم والزمن مفتر عليك
......................
يجري الفرات وتنهضم يالقاسم
وعالخد دمع نازل
تذكر گمر يم الجرف ضل نايم.
وتصرخ يبو فاضل.
تشوف النهر من مايه تشرب وادم
يعرض ظهر مايل
صوت الحسين يفزع اخو بنص العدو
ويتعثر وحيد
انهض يكافل خيمتي رد هيبتي
ومامش عضيد
تعيش
أخو ياما ندب صوته
حد ما ليه وصل موته
لا صحبانه فزعوله
ولا فزعوا اله اخوته
جان الهضم واضح شكل حتى بحجيك
يبن الكارم والزمن مفتر عليك
.............................
لمن مولاي القاسم طلب شغله يعيش منها
فگاله الشيخ عندي أغنام وعدد شغلات
فمولاي القاسم ما قبل بالشغلات كلهن
كله شفت عدكم نساء تروح تجيب الماي
من نهر الفرات خليني اني اجيب ماي
بدال هاي الحريم وصار مولاي القاسم
هو سگاي لهاي الارض وناسها
بأيدك جنت تنطي العذب للجالك
وتذكر عطش زينب
لمن شفت نسوه نكسر دلالك
تشوف الحرم تشرب
بهيمه الفواطم هيجي يتراوالك
وكل گطرة تتعذب
ببرودة الماي العذب دمعك يصب
يتباين مصاب
بأذنك يجي صوت الحرم وينك يعم
طگ گلب الرباب
عذاب
تتخيل حرم طه
ما ضل والي وياها
تبجي امن الضمه لجن
ولا كافل سگى ضماها
صوت الحرم عايش جرح ثگل مشيك
يبن الكارم والزمن مفتر عليك
..........................
مرت ليالي وفاطمة تناديلك
بنيتك يابو الشيمه
يا بابا صاحت ونهدم كل حيلك
عرضتلك يتيمه
تعرض رقية شما ترد لعيالك
من عافت الخيمه
من طلعت ادور حضن بس الأذن
أحمر بيها لون
تتخيل صغيرة عمر حار الجمر
وتبيضلك عيون
تشوف
بديارك لمن تگعد
رقية يا أبي تنشد
تحضن بنتك وتبچي
وفكرك عالهزل يبعد
تبجي لرقية شما اجت بنتك بأديك
يبن الكارم والزمن مفتر عليك
حسن يونس التميمي
يازهراء …. يازهراء
انه وخيمتي ومناطره العاشر
يايمه انهضم لمن يهد كافر
آه…..
بالخيمه انطر ذاك العصر
هدو عليه وگلبي جمر
جرحي سبيه تالي بيسر
آه……
ياويلي يمه هذا الچره
اتكفل يتامه ومحيره
وتالي امشي وحدي وميسره
آه …….
يازهراء …. يازهراء
ياگلبي بألم انحب عله اخواني
ياخيل الظهر وبحسرة اموت اني
آه……
صوته سمعته ذاك الكسر
لمن علته صدره المهر
وبالخيمه بنته تندب قهر
آه …..
سكنه تنادي وين الأبو
الهدو علينه ذوله منو
الوحده تبچي وبلا اخو
آه …..
يازهراء …. يازهراء
ياليل اهدعش بالدمعه اذاني
تره مر العطش وهذا جرح ثاني
آه …..
تندب رقيه عمتي العطش
شصاير وابونه ابلا نعش
ضل جسمه مرمي وماكو فرش
آه ….
ياهو اليدفنه ويغسله
ويصلي يمه ويخبر هله
صارت مصيبه وبكربله
آه …..
يازهراء …. يازهراء
راح امشي جبر واحدي بمداليلك
اعذرني تره راح ابقى انعيلك
آه …..
للباري عفته انه الأمر
للشام اسيراً وادخل قصر
محفوض بالله هذا الخدر
آه ……
ودعته عيني مديوره اله
مابيه اتركه بذاك الفله
عاري حبيبي وبلا هله
آه……..
مسلم الفاطمي
اللهم عجل لوليك الفرج
واقاسماه واقاسماه واقاسماه
اااااااااااا
غريبه شجرة الزهره بلحزان
كلهن فاگدات أبلايه وليان
من أرض المدينه مات مهظوم
ومعصومه بعيده عن الخوان
اااااااااااا
واقاسماه واقاسماه واقاسماه
اااااااااااااااااااااااااااااااااااااااااا
لالطمت أخت لاشالته أمتون
چا فزعو الساده كون يدرون
غريب القاسم أبن الكاظم الغيض
مات وأخوه ماله اعليه يثغبون
اااااااااااا
واقاسماه واقاسماه واقاسماه
اااااااااااااااااااااااااااااااااااااااااا
ولد موسى أبن جعفر صارو أبعاد
غرب ويلاده كلهم أسد بغداد
معصومه أعلخوهه بقم تنادي
واويلي علخوي الونه ماهاد
اااااااااااا
واقاسماه واقاسماه واقاسماه
اااااااااااااااااااااااااااااااااااااااااا
أغيثوني ينادي ابساعت الموت
يهاشم ضل ينادي وماوصل صوت
طارش رايد ايوديه لخوته
أخوكم بلكت أدبروله تابوت
اااااااااااا
واقاسماه واقاسماه واقاسماه
اااااااااااااااااااااااااااااااااااااااااا
يالتعزون اجيتو ابهذا المصاب
أنعم الله اعللبواچي وهذا الصواب
أذكرو عمتي بالشام ياناس
مايمهه نواعي ولاعزه أحباب
ااااااااااااأ
وازينباه وازينباه وازينباه
اااااااااااااااااااااااااااااااااااااااااا
التمر وادم تحبه ابموته تنعيه
مايثگل يخف ظيمه اعلراعيه
بس كلش ثچيله البابه مسدود
يموت وماله ناعي أيخفف اعليه
اااااااااااا
وازينباه وازينباه وازينباه
اااااااااااااااااااااااااااااااااااااااااا
رسول رياض
ياخويه نايم عل ترب.. خويه يحسين
ابلا رحم وتنضرب.. خويه يحسين
يحدوني ضلو الغرب.. خويه يحسين
ضليتو خويه عل تراب
بحر الشمس ويلي خضاب
سحكت الخيل عل صدور
ياويلي ويلي بلا ثياب
دمك وصل حد لحيتك
لخيل سحكت طفلتك
ياخويه محد ضل الي
حركو خيامي بطيحتك
فجعت بكه اختك علا الصار
_____
حادينه خويه بلا رحم.. خويه يحسين
حركو علي حته الخيم.. خويه يحسين
لحكو عليه يهل الشيم.. خويه يحسين
لحكو علينه بخيمنه نار
كلي يخويه وش الي صار
ترسو جسمك خويه جروح
حر الشمس تجوي الزغار
الله وكبر طاحو اخوتي
رقيه تصرخ كرب موتي
سكينه طلعت دور عليك
كومو يخوتي وسمعو شكوتي
فجعت بكه اختك علا صار رحم.. خصار الغروب وتيهتكم.. خويه يحسين
ماعندي راي وانتضركم.. خويه يحسين
كامو يسبون باختكم.. خويه يحسين
كعدوني خويه بل خرايب
بعدكم ياهلي بس مصايب
جابولي راسك خويه بطشت
فزعن بناتك وحيلي خايب
كلساعه واحد جايب ماي
يضحك ويبدي منه اهواي
اطفال تبجي من العطش
ياخويه كلي شيحلها هاي
فجعت بكه اختك علا الصارم.. خويدخلوني ديوان وقصر.. خويه يحسين
ويتمضحك اكبالي الشمر.. خويه يحسين
صاحو باسمي بكل كتر.. خويه يحسين
اخذوني لشام خويه الغرب
من فوك السطوح انضرب
ياخويه عدهم بشام عيد
تلكونه خويه بهلاهل وطرب
باب الساعات شكد انتضر
عيوني راحن من النضر
ساعه اكعد ساعه اكوم
هلبت ترد كلب لخضر
فجعت بكه اختك علا الصار. خويه يمحمد عيسى المنصوري
بـإِبـي انتـي وامـي فاطمـة
ــــــــــــــــــ
خدمتج يم الحسن من النعم
شكراً بيوم الصرت من الخدم
اني من دونج حياتي من العدم
ومو مهم عندي العمر انته الاهم
انتي مفتاح النجاة من السمه
ــــــــــــــــــ
يا شفيعة وبإسمج اني توجهت
بالـدموع وبـالعزاء تحـزمـت
بالمجالس عمري كله تعلمت
وبـأهل بيـت النبـوة تـعلقـت
والعشگ بس الدموع اترجمة
ــــــــــــــــــ
عمية عيني وانتي لعيوني الضوه
وخنگة كل الدنيا بس انتي الهوه
ذكرج لجرح القلب أفضل دوه
بلا رحمتج اني والماكو سوه
والنظر من عيني مولاتي انعمه
ــــــــــــــــــ
مدرسه المنبر يعلمنه الوفة
عن عقيدة وعن قناعة ومعرفة
والحقيقة الاكبر من العاطفة
خادمج اني بنهج لا مو صفة
وبخدمتج والله حسنِ الخاتمة
ــــــــــــــــــ
سيدة كل الخلق جن وانس
وانتي اعظم واطهر وأفضل نفس
لاذتي بالباب المثل غيمة وشمس
وللأسف حركوها اعوان الرجس
بالحقد اهل السقيفة الظالمة
ــــــــــــــــــ
خدمتج واجب عليّ مو مستحب
واني اسمي بدفترج كون نكتب
لجل عينج يم حسن يسوة التعب
يالخدمتج والله اغلى من الذهب
عذرا وهذا القليل مقدمة
ــــــــــــــــــ
عالي شاني واسمي بالخدمة انعرف
وما اجازي افضالج وهذا الشرف
مأتمج قربني لا دربي نعطف
بالوسط كل عمري ما صاير طرف
بالمجالس عمري والله يتمِمه
ــــــــــــــــــ
الشاعر زين العابدين الشمري
يا كربله سويتي بينه
خذتي الضعن وتطشرينه
بحر الضهر طاحو اخوتي
رحنه سبايه لمن مشينه
لمن طحت
أشكد صحت
حركو خيامي الحك علينه
بحر الضهر
سحكت مهر
هجمو علينه واشكد حجينه
خويه خويه خويه يحسين
_____
نطلع ركض بلغاضريه
ومدافع بخيل اعوجيه
اتغطي ادي جسمك يعاري
ما تنلم وماصح بديه
كلنه اجينه
نفزع بدينه
نغطي جسمك خويه بعبينه
بلركضه طحنه
بجسمك عثرنه
وهجمت يخويه الخيل علينه
خويه خويه خويه يحسين_
نطلع حركو خيمنه خيمه علخيمه
لخيل سحكت طفله ويتيمه
وانته طايح خويه علا وجهك
الله يعينك طرينه هيمه
لحكو هلي
اندب علي
حسين طايح برض الحومه
شفته جريح
عاري ويصيح
وابن طايح ماهي هدومه
خويه خويه خويه يحسين ع ركض بعيوني اسدهه لمن نظرتك
ياخويه راسك ماهو بركبتك
هونچ يناكه ابن امي هاذه
تبچي علا صدرك غير انه اخيتك
جابوها الي
لناكه هلي
بكل خطوه ناگه تميل بيه
ادور حرت
من انضرت
يا خويه راسك ينظر عليه
خويه خويه خويه يحسيناضريه
محمد عيسى المنصوري
جرها التراجي يابابا مني
ايدي علا كلبي وايد علا اذني
طفله زغيره وعموها عيني .. يا بابا حسين
رقيه بتك صعدت هزيله
ونضر لراسك ياهو ليشيله
يا بابا هاذه طكني علاحيله .. يا بابا حسين
يابويه الحك رقيتك شدوها بحبال
اخذني وياك عله رمح لو تاخذ الدلال
امشيها وحدي غربتك وياي بس خيال
بويه بويه بويه بويه
______
عمتي زينب تنضر اليه
دمعتها طاحت بويه عليه
غيرو اسمي صبحت لسبيه.. يا بابا حسين
عيني علا راسك بويه بحسرتي
من جتفوني طاحت دمعتي
بابا لحكلي اخذوني بهضمتي .. يا بابا حسين
يابويه لماعنده ابو كلي شلون ينام
ايسمونه اهل الخدر حركو علينه الخيام
يا وسفه يا بويه صفت يسمونه الايتام
بويه بويه بويه بويه يه
______بابا شلون اطلع وما استئذنك
اكعد بلخيمه انوحن بحزنك
مـا طلع الـه اخـذ اذنـك .. يا بابا حسين
طايح يبابا وبعدك عدنه
من السجاد ناخذ اذنه
بلهيمه من بعدك رحنه يا بابا حسين
طلعنه نركض ودرب كله شوك ونار
طفله زغيره شحتمل ورمل يجوي الزغار
نسوان تركض بل فله ولعدو علينه غار
بويه بويه بويه بويه يه بويه
______
عحركو خيمنه خيمه علا خيمه
وطلعنه نركض بنص الهيمه
نسوان وطفال يركضن بشيمه .. يا بابا حسين
شكد صحتك بس صوتي غدرني
مو بيدي بابا رمحك قهرني
طاحن دموعي لمن عبرني .. يا بابا حسين
يا بابا ما نمت من امس مرعبونه من الصار
ليحط خده عل رمل ما يكدر ورمل حار
يابويه كلي وش جره لخيام كلها نار
بويه بويه بويه بويه __
عمتي محمد عيسى المنصوري
جرح العقيلة ( صلوات الله عليها ) :
......
تعطلت اشكثر يحسيـن
ونسينه المن طلعت انته
مچانك خالي بلـخـيمــة
ونحيب اطفالك ابسكتة
ترست ذاني اريد الـمـاي
وانـه الـمـاي ماشـفــتــه
اركضتلك شايلة ابروحي
وكلشي البلخيـم عـفتـة
عـفـت اطـفالك اتـنـوح
واجيت ال احلا مذبوح
اعمن ياعيوني - اعمن ياعيوني
==============
طـلـعـت وحـالتـي حـالــه
امنين افتر تصدلي اعيون
مـرتـين اصـعـدت عـل تـل
مرتــيــــــن ولا تــــــدرون
مـرة امـن اركـضتـك حـيل
ومـرة ابنـي ولا ادري عـون
سحگت ابني واجيتك شوگ
اخلـص روحـي كلـي شلـون
ترست اعيوني بجروح
واجيت ال احلا مذبوح
اعمن ياعيوني - اعمن ياعيوني
==============
سلبت راحـتـي الحومـة
ابكثر ماركضت اجدامـي
ادورك وانه ادري احسين
ما يــــدور الــــــدامـــي
جسمك وين افر عينــي
اشوفن وصله كدامـــي
من شفتك بديت اتلـوج
منــها وراحــت ايامـــي
عـفتهـا ابكــلبــك الروح
واجيت ال احلا مذبوح
اعمن ياعيوني - اعمن ياعيوني
=============
وصلت الشام الامـــفـاشــل
والتمـــــت علـــيـه النـــاس
متعودة اليـــحـاجــيــنــــي
مـاردن يــــــرد عــبـــــــاس
انـــــخامـــن يرد لحــلــــوگ
ياهو الانـخة بــي بـس راس
احشمك وانسى خويه انوب
يـذكرونـــي اخـــوج انــداس
چلبـــت عينــي بلــنــوح
واجيت ال احلا مذبوح
اعمن ياعيوني - اعمن ياعيوني
=============
خادم زينب / منتظر التميمي
شوط كربلائي
عدنا الي يموت نروح نعشه لحيدره نزَوره
بس ام الحسن يا ناس حيدر زاير الزهرة
ــــــــــــــــــ
من عادتنا وي المات نمشي نشيع بنعشه
عند المغتسل والناس كلها لاجلة متجمعه
وما ندفن بدينه انسان حدنا لقبره ونودعه
بس حيدر دفنها وناح
وظل اعله القبر ماراح
تبجيلة الأرض من صاح
قلبة من الوجع والاه جنة تفجر بصدرة
ــــــــــــــــــ
من بعد الحزن جم يوم عالحايط يظل صورة
شمعه و تنطفي من البيت لو ميت هدم سورة
بس الزهرة كل الكون اظلم ورتحل نوره
ظل مثل الرماد الكون
فگد ام الحسن ميهون
ماتت واليظل شلون
يصبر يا قلب مشتاگ بي غصة والف حسرة
ــــــــــــــــــ
تقديراً وره التابوت ودام تمشي متكلفة
وتودع الجنازة الناس حتى المحد يعرفة
بس الزهرة نص الليل بالسر تندفن وسفة
نعش ام الحسن من راح
لليل وماكو كل مصباح
لا خلف الجنازة صياح
تتشيع غريبة بليل هاي وصية الحرة
ــــــــــــــــــ
تاريخ اليموت يعود كل عام ويرد يومة
من ظمن الثوابت هاي كل احبابة ملمومة
موعد لاجلة داير حول بس الزهرة مظلومة
شما دارت سنة وتنعاد
موعدها عصف برماد
موعد يوم الاستشهاد
مو بس الگبر يا ناس منها تختفي الذكره
ــــــــــــــــــ
للگاضي العمر موجوع راحة الموت اله ورحمه
والعمره جبير ومات عايش بالعمر نعمه
بس اثمنطعش وتموت وعمر الورده تتسمه
قتلوها بغدر ظلام
ذبحوا سنة الاسلام
ولها جفت الاقلام
ونرفعت صحف والكون ما طايح عجب امره
ــــــــــــــــــ
للميت گبر معروف يندله اليجي زيارة
واسمه ينكتب فوگاه يصبح مرقده وداره
وبكاع النجف موجودضيف الحيدره وجارة
يم المرتضى ومدفون
وأهله من يجي يزورون
كبرة لاجلة من يبجون
گبر الزهرة ما معلوم يمن نسجب العبرة
ــــــــــــــــــ
من طاحت ورگته فلان صار جنازة عنوانة
بصحن المرتضى نوديه ونصلي اعله جثمانة
ونطوف الضريح يزور ونشيعة اعله بيبانة
ونصلي صلاة الموت
والوحشة على التابوت
ونودعه برفيع الصوت
مامر كل نعش بالكون يشبه فاطمة الحرة
ــــــــــــــــــ
كل شيعي امنيات يزور گبر ام الحسن قلبة
مشهد فاطمة الزهراء يم حيدر علي وقربة
يعني اربع مناير كون گبة مجاورة لگبة
رب العالمين وشاء
هذا مرقد الزهراء
يمها المحسن وأسماء
أدخل يالتزور تريد طفي بدمعك الجمرة
ــــــــــــــــــ
الليالي الفاطمية
الشاعر زين العابدين الشمري
لبو الأكبر داس كل شارب ثخين
وضلت أعلزماطهه أم البنين
أبكربله عباسهه سوه الثگال
المايلين أبخزرت الكافل يلين
ااااااااا
الزامطت ماردت أعلزماطهه
أبكربله العباس ذب رباطهه
ابو فاضل ابو فاضل
ااااااااااااااااااااااااااااااااااااااا
الزلم وي أخيولها جاباهه دگ
جن نبي سليمان يطلع مالحگ
سيف أبن كرارها اعليهم طلع
والهوه بميدانهه منه اختنگ
ااااااااا
هلا بشيخ المرجله ونبراسها
هلا بالجاب العنيده وداسها
ابو فاضل ابو فاضل
ااااااااااااااااااااااااااااااااااااااا
هاشمي ومن يزعل أيطر الفله
عمامته الخضرة قيامت كربله
لامته مثل الشمس لمن زعل
والشمس بس والده ترجع أله
ااااااااا
حمرة أبو فاضل دخيل أعيونه
شيخ كور صايته أعلمتونه
ابو فاضل ابو فاضل
ااااااااااااااااااااااااااااااااااااااا
كور الصوبين من طب نينوه
أمفحط السبعين شيال اللوه
كافل الحوراء جرد صارمه
ولمح فوگ ارگابهم مثل الهوه
ااااااااا
ابصايته كل الخيم حمايهه
زود حيدر والحرب گضايهه
ابو فاضل ابو فاضل
ااااااااااااااااااااااااااااااااااااااا
گوطرت مثل الغنم من خزرته
گمر هاشم عفية بطن النگلته
مو جديده اعللذي حيدر أبوه
يجيبها يگط بيها زلم الغثته
ااااااااا
النهروان التشهد وفرسانهه
شلون أبو فاضل سحگ شجعانهه
ابو فاضل ابو فاضل
ااااااااااااااااااااااااااااااااااااااا
رسول رياض
شور گعديه بلا انتقالات لمولاتنا الزهراء
لم يخلف احمدٌ غير ام حسن
ليش جا سود الليالي ستعجلن
اضرموا النار وسگط منها أبن
ما روعوها ومنعو لفگده تون
لم تزل عگب النبي نحيلة بدن
بيا ذنب أحمر غده بسطرة الجفن
بيا ذنب زينب تمر كل هالحزن
تشاهد جذوع الذي ترجن رجن
انطبگت اعله الزهره وثجيلة وزن
تنظره يعصرها الزنيم بحيله. 1
...............................................
زينب تشوف وتصد كل الجره
أم وابنها بلا حمى ومـتحيـره
يمها نار بكل مـكـان مـوجــره
وناس ما بيهم شهم وتـشاوره
تگله هذا الدار دار الطاهرة
هذا بيـت الـبي وحـي نازل ترى
يا صنم شنهي البدر وتحاصره
بالحشر ما تلگه باجر معذره.
وانت أبني حسين كاسر خاطره
بهجمتك دم دمعه گام يسيله. 2
....................................................
بس وأن جان الجواب امن الصنم
عادي گلب حسين بالزهرة نهضم
اي وأن خــل يـنظر الــخد ألــطم
خل يباوع مـحـسـن بكـاروكه دم
الهد على الزهره فلا عنده رحم
روع اولاد الـنبي لـمــن هـجـم
خلـه امـهم يمـهـم تـلوج بألـم.
لا رجع من الأذى وخاف وندم
بحقده يوم الطف والمصاب نرسم
وجن شهم طايح واخت توميله. 3
.......................................................
من تطيح ام الحسن خلف الجذع
ولمن بمـحـسنها فـاطـم تنــفـجــع
ولمن يهد بالـحـطب ليها الـجمع
يعني ابنها بـكـربله بوسـط الفزع
فوگه خيل تهـوس تـهشم ضلع
ومن خيامه صوت الحگ تنسمع
وجم عقيلة بجمر باجر تلسع
وباجر احبال اليسر من تنطبع
بجف حراير والشتايم ترتفع
موت فاطم يعني ضاعت عيله. 4
......................
حسن يونس التميمي
عـلـى الـزهـراء. حيدر نزل دمعه
وام هل البيت . مامنهه ابد رجعه
يبجي بصوت . يـريدها تـسمـعه
بلاها الروح . مطفيه جن شمعه
عگبچ حيدر حيله انهدم
ومن الوحشه صدره انكتم
يشـوف بعـينه دم الضـلع
ومن الشماته حيل انهضم
حامي الجار ودمعه يسيل
حمل الغربة كلش ثگيل.. يا زهراء
شاله نعـشچ نص الليل
قالع خيبر صـار يميل.. يا زهراء
حيدر عگبچ ضل محتار
شاهد ضلعچ وباب ونار
وصية طه وحكم الصار
إي وا زهراء
.............................................
وراء الـبـاب.. جانت تريد حجاب
سيوف ونار.. خذو حگها اغصاب
قـالو بالدار.. وان على الاعتاب
عصروها منَ.. يسمونهم الاصحاب
بكل قوه عدهم عصروها ليش
مـريه وحـيده وعـليها جـيش
ماكفه بس دفعوها الزجيه
محسن ابنها هم مايعيش
ماتت عصره لا مو عليله
الباب حيل جذوعه ثگيله. يا زهراء
كسرو ضلعها امُنه البتول
مو گبل موته وصه الرسول. يا زهراء
بايديها صارت تشاكف نار
بصدر الزجيه ضل بسمار
وحـيدر بيه حـيل احتار
اي وا زهراء
.................................
أصـيـح بـصـوت. والـعـبـرة تـخـنـگني
عـلـى فـرگـاج. الـدمـعـه تحـرگـنـي
طـبـگـة هل باب. الـمـوت وارتـنـي
تراني بجفـاج. الـدنيـا ماتهمـني
جنت انا اريده بيدي يصير
محسن اشمه هو وصغير
ماجنت احسب هيج يموت
وانا بدموعي ابقى اسير
حسين وزينب ويلي صغار
بـاب امـهـم شـافـوها نـار . واويلاا
الـنار ويـاهم عـدها ثار
بالخيمه باجر ماكو نهار . واويلاا
حسين بغربه يبقى صريع
وعلى الوطيه دمه يضيع
وبجفه ذبحو ابنه الرضيع
اي وا زهراء
ــــــــــــــــــــــــــــــــــــــــــــ
مؤمل رضا
مني عليك السلام
يابنت خير الانام
★★★★★
الراضية المرضية
التقية النقية
بنت الحبيب المصطفى
الجوهرة القدسية
الصديقة الشهيدة
الفاضلة الزكية
نور ازاح الظلام
مني عليك السلام
يابنت خير الانام
★★★★★
الصديقة البتول
يابضعة الرسول
لرزئك العظيم
آهاتنا تطول
فلوعة المصاب
هيهات لاتزول
ياحجة الكرام
مني عليك السلام
يابنت خير الانام
الشاعر حسن لعيبي الحريشاوي
لاستشهاد فاطمة الزهراء عليها السلام
(وزن الحدي )
يامحنه أشد من هلزمن
بلدنيا شافتها ام حسن
يامحنه أشد من هلزمن
★★★★★
يوم الرزية ابلاحذر
عن النبي گالوا هجر
مو أول ايام الخطر
ولا آخر ايام المحن
يامحنه أشد من هلزمن
★★★★★
ياگلب طاهر ضيعوا
للهادي كل حق مارعوا
يوم السقيفه اتجمعوا
وتآمروا اهل الفتن
يامحنه أشد من هلزمن
★★★★★
وياهي أشد كل موزمه
من جفوا حماي الحمه
وسلبوا فدك من فاطمة
يمشون گالوا علسنن
يامحنه أشد من هلزمن
★★★★★
وياهو أشد كسر الضلع
لوجيش علشر منجمع
لوگلب ذايب منفجع
وأيام بالونه گضن
يامحنه أشد من هلزمن
★★★★★
ياصعب مامثله صعب
طاح الجنين من الضرب
وللدار طاغيهم يطب
ظالم صلف عابد وثن
يامحنه أشد من هلزمن
★★★★★
ياعلة اشد كل العلل
لمن لفه لأمها الأجل
لو يوم والدها رحل
الچانوا سند إلها او وطن
يامحنه أشد من هلزمن
★★★★★
اصعب وأشد وأكثر عسر
طلبت گبرها يندثر
ولاتحضر وجوه الغدر
النعش لوليل اندفن
يامحنه أشد من هلزمن
الشاعر حسن لعيبي الحريشاوي