كتاباتي .. وقصائد تراثية ( 2018 / 1 /13)

20 August 2023 12:23

السلام عليكم ورحمة الله

أخواني أخواتي فضلاً وليسَ أمراً منكم تنضمون الهذي القناة الجديدة ولي راح اتكون بدل هذي
إن شاء الله
تشرفوني بتواجدكم 👇🙏

/channel/ghufgxggcjdhdhgjfh

كتاباتي .. وقصائد تراثية ( 2018 / 1 /13)

18 August 2023 09:06

⛔| تم نقل البوت الى بوت جديد

📍 | اضغط هنا للدخول الى البوت الجديد

⚠️ | سارع في الاشتراك ... !
~~~~~~~~~~~~~~~~~~~

كتاباتي .. وقصائد تراثية ( 2018 / 1 /13)

13 August 2023 16:50

لستشهاد مولاي السجاد ع


أبد ما بطلت أعيوني وجريه
على الظل منذبح بالغاضريه

البشر تشهد عليه البشر تشهد عليه

عليّ يشهد زمـانـي وتشهـد النـاس
عليل او عـلتـي زادتـهــا الأرجـاس
بعـد ذبحـت أبـوي او عمـي عباس
مـأتـم ناصـب اويـه أمـي الــزچيه

منــو يـگـدر يعالـم ينـسـه اليشوف
أبوه اعله الثره محاوطته الصفوف
صـور ما تنتسي شينساها الطفوف
رزيــتــه اعله الأرض أعـظـم رزيـه

أنــا الـمـا ناسـي وتنـاسـه ألـمـهــم
معايه ابكـل وقـت لحـظـة ذبحهم
شرابـي او مأكـلي بــاهـت بعدهم
منـو مثـلي ابهـله أتفجعه آل أميه

ثيابــي مـن الـحـزن مـا لـونــتــها
لحـد مــوتـي علـيّ مـا غيـــرتـهــا
وحگ ذيـچ الـجسوم اللي أدفنتها
أظــل ابـثـوبـي الأســود للمـنيــه


فگـدهم خلـف ابعيـني الـمـدامــع
ولـي بگلبي تـرك جـمه الـمـواجـع
عله أجفوني أثـر ذيـچ الـفـواجـع
تگول أشگـد ظلـم شفـنه او أذيـه

جفـاني الدهـر بحبـابـي ورمـاني
ولعـد سـهـم الـنـوايــب سـلمـاني
أخـذ منـي تچــوتــي وعـذبــانـي
بقيت الـوحدي اوعمتـي السبـيه


يگلولي دكـافـي اوكـف الـدمـوع
صعب هذا الطلب للگلبه مفجوع
الأله جوه الحوافر رضـو أضلوع
بحصيره لملمت جسمه اوبـديـه


جـروحي ماتطيب وتشـفه معلوم
الدوه ماينفع اويه الصدره مهموم
يعيش اشما بـقى بالحسره ولــوم
شفائي وطيبتـي مـوتـي المـسـيه


#ام_علي_الشمري


على لحن قصيدة (النوايب صوبني)

كتاباتي .. وقصائد تراثية ( 2018 / 1 /13)

11 August 2023 15:37

رداً على أبوذية أديبنا جابر الكاظمي


الله يحفظه ويحفظ جميع من معاه يحيى الصحاف الشاعر مهدي جناح الكاظمي والأخوه البقية 🙏

اليعمـل خيــر يفـلـح ثـم من جد
وفخــر للچفه يكـرم ثـم مـن جد
علي وأحمـد ومهـدي ثـم منجـد
و يحيى أورود وانـه السمهريــه

#لجابرها 👆

يحيى ومهدي نعرفهم ومن جاد
بشعره مـدرسة الغيره ومن جاد
علي وأحمـد فـلا نعـرف ومنجد
فخــر صيتـك علـه حتـى الثريا

يالكـلك تـواضـع طيـب ونشــاد
غده گلب اليحبك ذهــب ونشاد
يجابر علگ أسمـك صــار ونشاد
بضمير اليفهم اوصاحب قضـيه

#بقلمي 👆

كتاباتي .. وقصائد تراثية ( 2018 / 1 /13)

08 August 2023 16:13

ناشرتها قديمة ولكن أجريت عليها بعض التعديلات

جزاكم الله

كتاباتي .. وقصائد تراثية ( 2018 / 1 /13)

06 August 2023 18:16

بوابة الشام


اشـهد يـا بـاب السـاعـات
من وقفونه الي بلا ذات

أشـهـد يا باب اعله السـوو
من طبيـنه ابفرح اتــغنوو
زادوا جمرتنا من ابـتهجوا
(أخزينه من النظر اعلينه )
بهاي الودم الحق مات .. أشهد يا باب الساعات

ليش الــوگفه ابابـك گلهم
ليش الظُلم اويانه أسألهم
المن هالطبل او محفلــهم
مــا ظل ابهالعــالم رحــمه
ترمينه أسهـام النّظـرات...أشهد يا باب الساعات

گلـهم مـن يا ديــره الفــينه
وين اوچنه وهسه أشـبينه
چم غالي الخلينه او جيـنه
لو مـا عدهم علم أخبِـرهم
من يا أرض اويا لوعات ..أشهد يا باب الساعات

جينـه من الطـف ابـهالحاله
عفنه الغالي مگطعه اوصاله
جسمه وراسه اعـله العساله
گـدامي يبـاريـني من امشي
حسين اليمشي گبالي وفات..أشهد يا باب الساعات

ما ظل شي بي ما ضربـونه
أبشـتم او ســبّ اتــولــونه
تلـگونه ابيــا حــال شـلونه
ردينـــه اوآثــار امـصـيـــبه
كلشي اموضح عالــوجنات أشهد يا باب الساعات

وصفـلـهـم لحـظــة ردتـنــا
حـالة منــظـرنه او لـوعتنـا
فوگ الشفـنه وكل هضمتنا
ايجازونه ابـهالفـعل اشمعنى
واحـنه التـنزل بيـنه ايـات أشهد يا باب الساعات



✍️ #ام_علي_الشمري

كتاباتي .. وقصائد تراثية ( 2018 / 1 /13)

03 August 2023 15:17

الشام 💔😔

( أسألوا باب الساعات أشصار ابنات المرتضى )

#ام_علي_الشمري

كتاباتي .. وقصائد تراثية ( 2018 / 1 /13)

03 August 2023 14:50

يكـفيني أكتـب بيـك من الشعر بيــت
خادم تظل لحسين يا محله هالصيت

والدي .. من تجسد دفن الأجساد

#ام_علي_الشمري

كتاباتي .. وقصائد تراثية ( 2018 / 1 /13)

01 August 2023 12:01

مولاتي يا زينب

آخر صورتي أتخيلچ مكسورة 😥💔

بقلمي

كتاباتي .. وقصائد تراثية ( 2018 / 1 /13)

29 July 2023 22:05

قصيدة نسائية

الزينـب بت علي الكـرار عيـنـن
يحبـيّــباتـها وللحـزن جـيـمــن

عيننـها العـقـيـلة وســاعـدنـهــا
اوآسـنها عالأبـن أُمهـا اومحنـها
هاي أخت الحسين الـراح منـها
تبخلـن لا ويـاها الدمــع صُــبن

المـثل أمصـابها ماشافت العـين
الشافت كربله اوذبـح الميامين
عمد ديرانها اعله التربه مرمين
دونــن والهـضيمــتـها دصيحن

ونن عالبقى مرضوض الأضلاع
إبن أمها العزيز الظل عله الگاع
الماتدري بعدها تحرسه الأسباع
لمصـابــه ومصيبـتـها دنــوحـن

صيحن وآ مصابـه وعلن الصوت
على الما چـفنوا لا شـاله تـابوت
لبو اليمه ابعزاچن گطعن ابـتوت
خــل الزهره تســمع مــن تـونـن

هاي اللي جـزع لمصابها الكــون
كلشي ابهالوجود اعليها محزون
البيه ارواح والـمابــيه يبـــچون
حـتى الحـجر ناحـلهـا او تحـنن

ما ننسه ســماها ابـيوم عاشـور
يا لون أمـطـرته الذبـح النحور
ساعة ذبحت أخــوتها و البدور
كل وجــه الســمه بالــدم تـلون


✍️ #ام_علي_الشمري


اللهم عجّل لوليكَ الفرجَ والنصر

كتاباتي .. وقصائد تراثية ( 2018 / 1 /13)

27 July 2023 00:41

كفايه نظلم العباس
بس عَالمشرعه انذكرَه
وندري بأسمه مايخفه
فقيه و عالِم العتره
—————————
ناموس الشَريعه ايگول
أنواع العلِم عَلِمين
علِم من الله تكتسبه
و علِم مأخوذ بالتدوين
لچَن جدام ابو فاضل
حيارى و نبگه محتارين
سرَّ وما شخص بالكون
فسّر جزء من سرَّه
———————-١
لو نفرض گمر عدنان
عَلِم رباني يمتلكه
مو عَجبه لأن ذاته
طهوره بَعوده مشتركه
واذا رايد بعد حُجّة
و حگ بيت العلي بمكه
نسخة حيدر و شفناه
من حامي الحمه گدره
————————٢
مقامه بالوصي مقرون
اذا يالسامع اِتجهله
ابوه باب العلم ونگول
أخذ من علِم ابو الحمله
بحر تتلاطم اعلومه
لُغز ما واحد اِيحلّه
بچفوفه منبع الحكمه
و كنوز المعرفه بصدره
————————٣
خصاله لو نعددهـن
فضايل حيّرن هالناس
مثال الخوّه و الايثار
للغـيره صبح مقياس
الف من حاتم الطائي
اذا يتقارن بعبــاس
شلون الذره يا وادم
نقارنها بألـف صحره
————————-٤
عطوف اتشوفه عالمؤمن
لچَن عاليعتدي بركان
هَلـوع بخطة المحراب
جَسور بساحة بالميدان
تشهدله الحرب بالطفْ
من كر مُهره عالجيمان
لسبـاع الفله بسيفــه
مدّ إعله الثره سُفره
—————————-٥
رسم عالمشرعه لوحة
بجروحه خط أجل منهاج
بدر و انخسف بس نوره
نشوفه بالسمه وهّاج
ما شفنه گمر گــبله
صريع مگطّع الأوداج
لو ما القدر چا بالسيف
يمحي العسكر بأسره
—————————٦
الك انقل بعد موقف
عگب ما دفنوا الاجساد
وصل يم الگمر حاسر
سمعنه بـزينة العُباد
على الدنيا العفه بعدك
يصيح بدفنته السجّاد
قبّل يمنته المعصوم
و قبّل يَسرته و نحره
—————————٧


مُرتجى الإزيرجاوي / بغــداد
١٤ ذو القعدة ١٤٤٤ هــ

كتاباتي .. وقصائد تراثية ( 2018 / 1 /13)

26 July 2023 14:12

قصيدة مذخور الهاليوم يبني

لشهادة مولانا شِبّلُ الحسن المجتبى "ع"


مـذخــور الهالـيوم ** يبني
وصــاني المسموم ** يبني

يا جاسم لحسين ** يا جاسم لحسين

****
ياجاسم يوليدي أسمعني
شراح أحچي وشنهو المضمون
وصاني الوالد يا يمه
ومني أسمع ياضي العيون
بعمك وصاني يوليدي
او صراها گليبي المحزون
گلي الهذا اليوم أذخرته
يوم الطف وحچيله شلون
لحسين أفديهم كل ولدي
والغالي اعليه لا تغلون

لو حاير والگـوم ** يبني
نيَّتـها المــظـلـوم ** يبني

تفديه نور العين ** يا جاسم لحسين

****
گلبي البعدك ما يتحمل
يا ثمرة رملة البعدين
بس اوصيّة عودك أوجب
نرخص يمه ويغلى الدين
لابد لجل الدين انضحي
ونتبع أسلافك بالزين
لا تهتم الدمعة أُمك
خل كل همك يم حسين
وأمشي بمنهج من وصانه
منهج عودك والطيبين

أنــصـر هــالـمحــروم ** يبني
اوضحي الدمه أدموم ** يبني

تفوز ويه الماضين ** يا جاسم لحسين

**
روح العمك وأفديه دمك
وحچيله الگتلك والصار
لــو مـا يقبل منّك تطلع
للحرب وبيدك بتار
تنطيه هذي وصيّة عودك
لا ترجع والموت أختار
بيض وجهي أگبال الزهره
وأگبال الـعتره الأطهار
لتخيب ظن أمك جاسم
ورفع راسي ويه الأنصار

ماريــدك مــهــزوم ** يبني
ترجعلي او مهموم ** يبني

ياسورة ياسين ** يا جاسم لحسين

****
روح وفرح گلبه العمّك
خل ايشوفه بوجهك نوره
ايشوف المسموم الما حاضر
من تفزعله اتبيّن الصوره
لو حاضر ميعوف إبن أُمه
ميعوفه الناس المأجوره
ينطي الروح او ما يتردد
لا تتردد وأخذ ابشوره
رباك الهالساعة او رايد
يوم العاشر تاخذ دوره

طب وبسيفك حوم ** يبني
چن ابحــر اتـعــوم ** يبني

لتخـاف ولتليــن ** يا جاسم لحسين

****
من تدخل علمهم بأسمك
ياهو إنّــتَ وشنهو اعلومك
خل الما يعرف منهو إنّـــتَ
بالطف يحفظ كل أرسومك
گلهم جـدي الأكبـر طــه
وحيدر جدي تغيض أخصومك
گلهم إبن السبط الأول
راويهم بالظهر أنجومك
خليهم يومك ما ينسوه
يوليد وختفيض أدمومك

باچر هذا ايدوم ** يبني
تثّبت بيها الزوم ** يبني

فدوه التعب أسنين ** يا جاسم لحسين

****

✍️ #أم_علي_الشمري

كتبت 7 محرم الحرام 1445 هـ
24/7/2023/مـ
لأحياء ذكرى مولانا الحسن بشهادة ولده القاسم ع اللهم تقبلها ببركة مولانا الحسن وولدهِ عليهم السلام

كتاباتي .. وقصائد تراثية ( 2018 / 1 /13)

24 July 2023 13:46

قصيدة الأولاد مسلم إبن عقيل ع


مسلم بــأولادك مــا تــدري

****
منين أبـديلك مسلم وأشرح
مــن يا قـصة وكـلهن تجرح
موت اونــار او ظالم يــمرح
جمه مصايب كسرت ظهري
****

يـوم العاشـر يـوم امصيـبه
شيب راسي الما بـي شيبه
من ذبحوا بالطف الهــيبــه
ونهـران الـدم منهـم تجـري
****
بعد الـمذبـح صــال اعلينـه
جيش الكُـفـر او روع بينـه
او مـاعدنا الوالي اليحمينه
ريـت اوياهــم حزوا نحـري
****
أطفالك ضـاعوا مـن عنـدي
فوگ مصابي ولوعة چبدي
ماظلوا من خــوف ابسـدي
من نهـبونه وسلبـوا خـدري
****
محمد وبـراهيــم أنـفقــدو
فزعـوا من الصار او شردو
ما أدري اليا ديــره أبتـعدو
بخيـر اوشر صارو ما أدري

****
دورت اعليــهـم والــزهــره
بيــن النـار او بيــن الغـبره
مـاحـصلت الـولـدك گـمـره
طفلينـك زادولـي ابجمـري
****

✍️ #ام_علي_الشمري

على لحن قصيدة الحاج باسم الكربلائي
(يحسين أگعد شاهد حالي)

كتبت اليوم 5 محرم الحرام 1445 هـ
24/7/2023 مـ

كتاباتي .. وقصائد تراثية ( 2018 / 1 /13)

23 July 2023 23:23

ليلة الخامس من المُحرّم الحرام
ليلة سفير الإمام الحسين عليه السلام مسلم بن عقيل عليه السلام
…………………………..



مسلم ينادي حَسين نسمع ونينه
خانت عهدها الگـوم رد للمديـنه
—————————————-
لمّن اجيت أحشود كلـها تَودني
للبيعـة مَتلهفيـن تالـي تضَدني
موقف يهّد الحيل بس الضَهدني
ما أدري هالأوباش تخفي الضغينه
————————————١
فجـر الأجل من لاح مَطلع صَباحه
جـيش استعد جراّر لوّح رِماحـه
صدري لضراب السيف حس بأنشراحه
فرصة الطـراد و هاي فرصة ثميـنه
———————————-٢
نقضَت ذِمـام أعهود هالكوفه بيه
وينك يبو السـجّاد دارو عليـه
وحـدي اصّد غارات گوم آل آميه
و لا من كمي و فزّاع ينغَر علينه
————————————٣
طوعه تگـلي حسين وينه يَمسلم
وين النفل عباس هالساعه يهَجم
حشّم يبعد چلاي حيدر دَحشّم
و الينخه حامي الجار لا شك يعينه
————————————-٤
أهلي يطوعه ابعاد و الدنيا جارت
دور الرمش عالعين عالعتره دارت
يا حره شتنشدين هالنكبة صارت
عمّي بأرضكـم هاي طبروا جبينه
————————————-٥
لن كثرت الجيمان خيل و كتايب
مسلم وحيد هناك وحده يحارب
نصبوله حفره و طاح ابن النجايب
شبه الأسد مغدور و مگيدينـه
—————————————٦
طب للقصر مأسور ضامي الحشاشه
رغم الأسر و الزود لا ما تلاشـه
يحضر اله تمنيت ساگي العطاشه
يسگي دليله الذاب و يفك يَمينه
—————————————-٧
لن الدعي أبن زياد أمَـر عبيده
من القصـر دفعوه و أنحز و ريده
بين السكك جروه ضنوه حميده
هذا جَـزه الأحسان گطعوا وتينه
—————————————٨
مرتجى الأزيرجاوي
٨ ذو الحجّة الحرام ١٤٤٤ هــ

كتاباتي .. وقصائد تراثية ( 2018 / 1 /13)

23 July 2023 20:52

قصيدة ( أولادك تاهو يا مسلم )


أولادك تـاهـوا يا مسلم
وامهم تجري ادموع العين
مـذعورة  و  تصرخ يا الوادم
 محد شاف أطفال اثنين

*             *             *            *            

يامـسـلـم عن حال اولادك
 أرويلك أفجع أخبار
چـانـوا بأرض الطف 
وشافوا مصرع فتيان المختار
شـافـوا غـارات الخياله
 كلما حل بالطف و صار
شـافـوا  فزع العسكر لمن 
عالخدر هجموا صوبين

*             *             *            *            

دوية  خيل و من كل جانب
 تهذي بصولات الفرسان
مـا ظـل صـيوان او لا مضرب
 إلا و شبت بي نيران
و  هـنـاك  أطفالك يا مسلم 
فرت بفجوج الوديان
تـتـعـثّـر بـطعوس الغبره
 ما تعرف تتوجه وين

*             *             *            *            
لـيـل  انهار ادف بالممشى
 و تصحبها اهموم و الآم
مـا تـدري اليا صوب اطوح
 بيهم ركبان الأجذام
لـن  دخلوا حارات الكوفه
 و صاروا بين ايد الظلام
و  بـسـجن ابن زياد الظالم 
سجنوا بالكوفه الطفلين

*             *             *            *            
بـالـسجن المظلم و اتجهوا
 للرب و اخذوا يتعبدون
أشـبـاح الموت اتراودهم
 شنهو اليحصل ما يدرون
بـهـالـموت و لن دارت الهم
 من ذاك السجان اعيون
لـن  الـسـجـان يشاهدهم 
ويه الخالق مشغولين

*             *             *            *            
مـا بـيـن الساجد و الراكع
 مسجونين بلا أسباب
حـن  قلب السجان اعليهم
 ناشدهم و يريد اجواب
انـتـو  مـن انين و من يا ديره 
تنسبون اليا أنساب
قـالـوا  احـنا انعود المسلم
 لو رايد تعرفنا من انين

*             *             *            *            
عـاصـف لـوعه بقلبه اتهيج 
و اتغير حال السجان
صـاح آنا اتعذر عن كلما
 صادر من عندي و ندمان
بـيـش  اتـعذّر يوم المحشر
 باجر من سيد الأكوان
لـو عـاتبني و گال أطفالي
 بسجنك كانوا مسجونين

*             *             *            *            

أخـرجـهـم بالخفيّة و لكن
 طلعوا مدهوشين البال
يـتـخـطـون ابلفح البيده
 شايلهم موج الأهوال
لـمـن  أتـعـبـهم ممشاهم 
ناموا مهضومين الحال
نـومـة  مـن  يترجى المامش 
مهمومين او مكسورين

*             *             *            *            
شـافـتـهم حرمه و أخذتهم
 للمنزل وياها اضيوف
لـن  صـاحب هالدار الظالم
 ساورهم بغيوم الخوف
و زوجـة هذا الغادر تصرخ
 اترك هالطفلين اضعوف
لـيـش اتـلـطخ ايدك من دم 
هالأطفال المحرومين

*             *             *            *            
بـاتـوا لـيـلـتـهم بالمحنة
 من بيّن وجه المصباح
يـم  شـاطـي الجدول وداهم
 هذا الشرير السفاح
سَـل  الـسيف و آمر عبده
 هالطفلين اذبحهم صاح
هاك السيف و روح اذبحهم
 يا عبدي و جيب الراسين

*             *             *            *            
هـم عـبده اتهّيب هم ابنه
 رفضوا أمره و ما طاعوه
و الـنـوب بـنـفـسه اتعناهم
 هذا الغَدّار المعتوه
سـل  سـيـفه  و رايد يذبحهم
 لن هالطفلين ينادوه
ارخـصنه انصلي الوجه الله
 و ندعوا المعبود بها الحين

*             *             *            *            
صـلـوا لـلمعبود بمدمع
 يقطر عل الوجنات ادموم
دعـواهـم  يسمعها الباري
 يسمع دعوة كل مظلوم
صـاحـوا بـين الظالم احنه
 احكم يا رب يا قيوم
سـيـف الـظالم يتنطرنه
 و إحنه أطفال و مظلومين

*             *             *            *            
اتوجه  صوب الطفل الأكبر
 حز راسه بسيف الأحقاد
مـن حـز راس الطفل الثاني
 بالجدول ذب الأجساد
شـال  الـروس وياه و مسرع
 راح المجلس ابن زياد
كـل ظـنه اعلى المال ايحصّل
 لنه ايضيع دنيه و دين

*             *             *            *    

التـراث الأصـيل ( جابــر الكاظمـي )
      

كتاباتي .. وقصائد تراثية ( 2018 / 1 /13)

18 August 2023 11:05

من خادمة الحسين لخدام الحسين ع

هلـه بـزوار أبــو اليـمه وحيـهُم
العـافـوا كلشي والغالي وحيهُم
لجـل مـن چان خادمهم وحيهُم
لصيـرن فرشه اوعيوني الغطيه

هــي أيـام الــي اويــاي منـدم
وخافن ما تـعود او أظـل مندم
شيفيد البـچي البعدين مـن دم
إذا راحـت الـفـرصـه مـن أديـه

#ام_علي_الشمري

#هله_بيكم_بالبصرة_أم_الخير

#مواكبنة_وبيوتنا_مفتوحة_لجدامكم

كتاباتي .. وقصائد تراثية ( 2018 / 1 /13)

18 August 2023 09:06

سلام عليكم طبعاً لكثرة الطلبات سويتلكم اكروب طلبات ايجنن تعالوو اشتركوو بيه على الرابط التالي 👇👇👇



/channel/ahmedalfatmeii

كتاباتي .. وقصائد تراثية ( 2018 / 1 /13)

12 August 2023 23:01

أنا ابن الما خضع لحد
أنا ابن الطاح وتفـرهد
أنا ابن الما رضه ينّذل
أنا ابن السيد الفطحل
أنـا الـمولـود من دمه
أنا المن صلبه اولحمه
انا ابن المات ابو عطشان
أنا ابن الما بقاله اخوان
أنا المعلـول مـن يـومه
أنا الـما أحـد ايـلـومه
أنا الشفت الأمر والمُـر
انا الما بطل دمعه ايجر
انا ابن الـهشموا صـدره
أنا ابن المنتهب خدره
انا السجاد من ولده
عشت آهات من بعده

السلام على سيد الساجدين وزين العابدين والمتحير بعد أبيه روحي له الفداء عظم الله أجرنا بك يا مولاي

✍️ #ام_علي_الشمري

كتاباتي .. وقصائد تراثية ( 2018 / 1 /13)

11 August 2023 15:13

قصيدة جديده


عذريني يبت حيدر
عالي اعله الرمح راسي
ماشـوفچ يخت عباس
بس اتعرفچ أنفاسي

****
وينك يا كفيل أختك
صـوتچ يترس آذاني
مهدومه العزم والحيل
حالچ دوه نيراني
أدري ما بقــالچ راي
من ضيعتي ألواني
شمّسچ غابت اويه اضواي
كسفوها اويه ذرعاني

العاهدلچ يجيب الماي
ظل اعله النهر نايم
لا عينه ولا چفين
منه طايح الصارم
****

بعد المعركة والصار
والعمد الجسم هامي
ما لوعني فچّ الهام
بكثرة كلمة الحامي
نشدچ عالكفل چا وين
شعلة جمّرة الظامي
ولمن منحري گطعوه
وفصلوا جسمي الدامي

ما حسيت أنا بالسيف
لن بيچ انشغل فكري
من أسمعلچ اتصيحين
آ يالكسروا ظهري
****
من رفعوني عالعسال
قبله ريتچ تحضرين
أُمنيتي أقبل أيديچ
وصدري الحضنچ تضمين
وأسمع آخر الحظات
ذكر أسمي والي تعذرين
منچ مستحي ما جيت
ولسكينه لون تدرين

انه الواعد الأطفال
يـرويها وإلچ يرويچ
والهذا السبب ظليت
ما رد الوعد يحميچ


****
مشهد كربله وأسباي
أغزة فكري اوگلبي
سهم توسط الدلال
مزق كل حشاء لبي
ما وچد گمت ممشاي
كلشي أظلم ابدربي
خوية الخفته بعدك صار
يشهد خالقي وربي

يا ريحة هلي الماضين
جفت من دموع العين
صحره صرت من فرگاك
حال أختك دشوفه الحين
****

عذرك خوية ما مقبول
لو بيدك ترد وياي
لآچن هذا أمر الله
الوده بغيرتك عالماي
حتى ايرواي هاي الناس
معنى وگفت الوفاي
ليش اتضحي لجل الدين
وللخوة تصير افياي

راد المنهج الأحرار
تصبح للوفه مقياس
والرايد يعيش ابزود
يترس غيره من عباس

****

#ام_علي_الشمري

كتاباتي .. وقصائد تراثية ( 2018 / 1 /13)

08 August 2023 16:09

رجوع السبايه الى المدينه

--------------------------------------------------------------

أجــت وتشاطـي بنـظـرات أم الأربـعـه الــحره
من سمعت خبر نشروه رد ظعن الوصي ابكبره


حُسيناً واحُسينا حُسيناً واحُسينا
---------------------------------------------------------------

أجت أم البطل عبّاس من سمعت خبر نشروه
رادت تعـرُف أشـصاير و ألمن هالخبر ذاعوه
وچـن بـشر اليلاگيـها يگلها الصار والشافوه
بغـربه ذبـحو العبّـاس وحسين و بني الزهره

حُسيناً واحُسينا حُسيناً واحُسينا

-------------------------١

لا ذاك الكـفل وحسين ردّ اويــاهـه بـس الهم
الچانت ضـلها مامشـيوف هسـه عليها ايتألم
ردت والوجه مشبوح ولون اعيونها احمر دم
مدري شلون ما ماتت الــبيها ظل أثــر جمره

حُسيناً واحُسينا حُسيناً واحُسينا

-----------------------٢

من سمعته ناحت حيل ويلي اعليچ يا زينب
رديتي ابحرم وأطفال يابــنت الشطر مرحب
تتـفـرج عليـج النـاس يمه وخـدرج امسلب
انتي الجنتي من تمشين منچ تستحي الگمره

حُسيناً واحُسينا حُسيناً واحُسينا

-------------------------٣

شافتـها وغـدت تبـچي وأم الاربعه تنـحب
تواسيها وتصبرهــا ومثلـها هالگلـب عـطب
تگلها يــمه گليلي عـــنچ ويــن المـضهضب
وين الراح الـچ حماي وين الدگلي ابصدره


حُسيناً واحُسينا حُسيناً واحُسينا

--------------------------٤

تگلها وتلطم اعله الـراس زينب يمه حاچيني
ليش ابلا اخوچ احسين رديتي وضوه عيني
وليش الحاله هاي اعلـيچ فدوه يمه كلمـيني
وال بيده تركت ايـديچ لـيش ايـردن ابغيـره

حُسيناً واحُسينا حُسيناً واحُسينا

-------------------------٥

تگلها يم حبيب الروح أمـي الطيبه والنشمه
مــاقــصـر وحـگ أدمـاه ابـنـچ كمــل الهـمه
الچفه ماترك چـفـاي حـد مـا گطعــو جسمه
وحگ البل عهــد وفــاي وفــه الآخر الگطره

حسيناً واحُسينا حسيناً واحُسينا

---------------------------------------------------------------٦

#ام_علي_الشمري

كتاباتي .. وقصائد تراثية ( 2018 / 1 /13)

03 August 2023 15:46

قصيدة جديدة


علي علي علي علي
علي علي علي علي
*

بعــد المصيبة اوكربله
بنتــك تـروح ميسـره
يحديه شمر إبن الخنا
عبـرتها بيــها مكـسره
يجبرها بالسوط النذل
تترك أهلها اعله الثره
أحسين أخيها والفحل
عباس سبـع الـگنـطره
عافتهم المدمع يصب
جمرتها حيل مـوجره

علي علي علي علي
علي علي علي علي

*
وينك نختك يا علي
والصوتها ما تسمعه
اوحيد أخوها تنظره
اعليه الحشود امجمّعه
او لمن لفاله المُستبدّ
والراسه رايد يگطعه
شافته زينب وركضت
لا يالشمر راسي نزعه
عوفه فلا ظل بي نفس
يكفي العزيز اتلوعه

علي علي علي علي
علي علي علي علي

*
ظلت تنادي او تنتخي
وين البخت يهل البخت
تحضر تشوف اللي جره
ابعاشر محرم مــادرت
مذبوح أبنها ابيا ذنب
روح العزيـز تفرهدت
بسيوف أتبــاع الكفر
جثت عضيدي اتوذرت
بين الحسين او كافلي
أتلـوعـت وتمرّمرت

علي علي علي عل
علي علي علي علي

*
تالي بحبال اتگيدت
مسبيه واليحدي أجنبي
ريتك يبويه العيلتك
موجود وتشوف السبي
ابلا رحم نازل ضرب
يمنه او يساره والنبي
تمنيت موتي ويه أخوتي
ولا أمشي ويه الناصبي
مكسوره محنيه الظهر
ماخوذه بيد الغاصُبي

علي علي علي علي
علي علي علي علي

*
ولي ينـدبك تـفـزعه
ما جيت يوم الندبتك
دارت وجههه للـغــري
مهضومه بنتك سلوتك
آيات بيت أهل الوحي
فوگ الترب كل ضنوتك
ماخافوا الله ابهالفعل
لا راعوا الله ابحرمتك
شمس التُقاة ابلا دفن
ظل عالصعيد مروتك

علي علي علي علي
علي علي علي علي

*
#ام_علي_الشمري

كتبت اليوم 15 محرم الحرام 1445هـ
3/8/2023/ مـ

كتاباتي .. وقصائد تراثية ( 2018 / 1 /13)

03 August 2023 15:12

مـن ليلة الـعـاشـر وكـفتـچ هاي
ماغمضـت عيـونـچ والجفن نام
جاهـدتي الظـلم والـحـزن والآه
قيـادية صـبـحـتي رغـــم الآلام
مسبيه وأناأدري المسبيه تخاف
تجـر بذيالـها ومـا تــرفـع الـهام
بس أنتي يزينب عكس النشوف
أبــد ماخفتي مـنج خافت أزلام
وكت اللي نطقتي تعرّفي الناس
منو المظـلوم والظـالم والحكام
سكت شيطانهم وأظاهر إنـسان
وخذ دور البريء أگـبال الأعلام
ماهزج كلامه ورحــتي تـحچين
عله أسماع البشر تاريخ الأسلام
اوبينتي الرسالة الرادها حسين
يــارايــة كفيله وقــائــده الـعـام
كلمتچ عصا موسى تغيض فرعون
او تكسر كل جماجم عايشه وهام
أرتاحي يـزينـب عــدنا ما مات
كلامــچ حرز شلنـه الهـاي الأيام ؟


#ام_علي_الشمري

كتاباتي .. وقصائد تراثية ( 2018 / 1 /13)

03 August 2023 14:44

الظليمة الظليمة 💔😔

أبوذية مع أبيات نعي


يزينب لا تگليلي ون حسين
وگع والطيحته أسمع ون حسين
شبيدي وشنهو أسويله وأنا حسين
عفته اوجيت أخبرچ عالوطيه

رد خـالي المُـهـر يصـهل
لعد زينب يخـبّرها
طاح الـما ردتله ايطـيح
ناره بگلبـي وجّرها
لخيچ لحگي يازينب
جبينه الحجر فجرها
هو وللأرض يا خيته
اعله وجهه طيحته أشمرها
الحگي لو إله تلحگين
صعبه أنفاسه اليجرها
أجيتچ من وگع للگاع
حاله شلون أفسرها
عفته والوحوش اعليه
اندارت وهوه يزجرها
كل هذا وعليچ أندار
عينه الشوفچ ايسرها
چن ما يوجعه اللي بيه
روحه اعليچ مجمرها
كل تفكيره يا زينب
بيچ الحاله اليمــرها
چنّه ايگول من عينها
بعدي أختي اشيصبرها
أمشينه ابعجل للوالي
أجروح التدمي نجبرها
قبل لا هالشمر يلفيه
وروح المولى يغدرها


✍️ #ام_علي_الشمري

كتاباتي .. وقصائد تراثية ( 2018 / 1 /13)

01 August 2023 12:00

أرجع يبن فاطمة ؟

مــا رد وقـض نحــبه بالطــفـوف
الخاطر هالحقيقة اعيونه تشوف

يا حسين

بقلمي

كتاباتي .. وقصائد تراثية ( 2018 / 1 /13)

28 July 2023 01:24

قصيدة لا تشتكيله الظمة ليلة علي الأكبر ع


يا علي أخفّـي العطش
يبني لتعذب احسينك
لا تشتكيله الظمه
وگليبه بالهم دمه
يبني لتعذب احسينك

****
يوليد لو رحت ودخلـت الحرُب
هاي المصيبه اتحمل او هالدرُب
ثقـل الحـديد أتحمل اوهالكُرب
ماي بخيمـنـه ماكو شح الشرُب

بس الصبر نمتلك يبني من فدوتي العينك
جفت خيمنه العذب
موقفنه يمه صعب .. يبني لتعذب احسينك

****
يـالظنــك اتـــرد للأبـــو تــرتــوي
اوهـــو بدليله النــار تچـوي چوي
مثلك ييـمه أحــشاه تــدوي دوي
أشــبيده يالأكبر هاذ حـكم القوي

لتبين الهم ظمي أجبيدك من تضرب إيمينك
بالك يحس العدو
خلّي ضربتك كفو يبني لتعذب أحسينك

****
يا سلوت أمــك يا ضمــاد الجرح
يالما لي بعدك دوه يصح اويصح
هاك أرتوي من أمك دمع يـاصبح
لا يجـف دمع أُمك اوعنك يشح

أشرب عذب عيني يبني وخل بيني وبينك
يا لبيب الگلب
اروه من اليصب وأمضي الساحة ميادينك

****
هاي الاخـيره او لو رحت ما ترد
يالويه جيتك شفت معنى السعد
تجرحني كلمة ماكــو الأكـبر بعد
تالي شيطيبه الجرح ياهو الضُمد

منهو اليضمد الجرح گلي ويداوي الوينك
مِنهو بـعدك دوه
البيتي ياهو ضوه يبني لتعذب أحسينك

****
يا عمد بيتي ويــا نجمـتي بســماي
خوفي تغيب النجمة وأفگد ضواي
والـعــلة تكــبر لا ضــوه ولا دواي
ولا آني ميـته شلـون وتــروه مـاي

بعدك يظل العمر حاشه وأتذكر أسنينك
ما أظل فتره أبد
وأتبعك يالولد يبني لتعذب احسينك

****

#ام_علي_الشمري

على لحن (جسام ياضنوتي )

كتبت 8 محرم الحرام 1445 هـ
27/7/2023/مـ

كتاباتي .. وقصائد تراثية ( 2018 / 1 /13)

27 July 2023 00:41

يَبن الأطهار لأجل الثآر
صوت الحكَـ ينادينه
دِمْه الكرار و المَسمار
و جروح الحسن بينه
نسحگ جيش أبن زياد
غايتنه الإستشهاد
دِمْه الكرار و المَسمار
و جروح الحسن بينه
—————————-
صفوة و فرسان المعمورة
و صرح الدين إيريد إبطال
تكتب بالدمْ هالمنوال

ترسم للحق أوضح صورة
و تثبّت معنى الأستبسال
بيوم الشده تهز أجبال

شح الناصر و احنه أنصارك
هالميثاق المتواصل
عفنه اديار و عفت اديارك
حتى نقاوم كل باطل

عهَد مرسوم يا مظلـوم
ما نترك صواوينك
قسم هاليوم يا جيدوم
بالحومه نگر عينك
من ساعة الميلاد
غايتنه الإستشهاد
دِمْه الكرار و المَسمار
و جروح الحسن بينه
—————————١
دم الطَبره و ضلع الزهره
عاشن ويانه بكل حين
يابو الأكبر هالثآرين

و دمْ الچبده بسَمّ متوجره
ثآر اعضيدك ها يحسين
منتظرينه صار اسنين

اثلث ثآرات انطالب بيهن
مَتهمنه اعداد العسكر
ثار اسلافك ما ناسيهن
يبن المُرتضه حيدر

قَسم يا حيد جيش إيزيد
لو خيط الفجر أسفر
بدرها انعيد إيد بإيد
نخسف موكب العسكر

وقعة بدرْ تنعاد
غايتنه الأستشهاد
دِمْه الكرار و المَسمار
و جروح الحسن بينه
——————————٢
(إبن القين) و ضنوة ظاهر
(و الطرماح )ايصيح بصوت
ويهَ حسين شمحله الموت

(و قاسط) هذا الحُر الثائر
صاح اليوم إعله الطاغوت
ننزل غضبة امن اللاهوت

(رافع) للمصرع يَتأهب
يصرخ وينك يا أسلم
سِل بتارك انته و شوذب
باجر كون نضحّي الدم

سَعيد يصيح مثل الريح
صَرْصَر لو نشن غاره
دمانه تسيح حين نطيح
نكتب هاي الِبشاره

ومن توگع الأجساد
غايتنه الأستشهاد
دِمْه الكرار و المَسمار
و جروح الحسن بينه
—————————-٣
بليل العاشر يأبو اليمه
تطلب من عدنه نخليك
وحدك و العسكر يوليك

بينه اشتعلت نار الهمّه
باچر بالحومه نراويك
نبذل دمنه ومَا نوفيك

واحد واحد نفدي المنحر
ضنك لا ما يتخيّب
كل أنصارك يابو الأكبر
تطلب منك هالمَطلب

گبل لَتثور عالديجور
گبلك نرخص دمانه
نضحي انحور وبعاشور
كلمن يلبس اچفانه


باچر عند الميعاد
غايتنه الأستشهاد
دِمْه الكرار و المَسمار
و جروح الحسن بينه
—————————٤
بهاي الدنيا احنه اصحابك
بيوم الرجعة وَياك انعود
هم تقبلنه انصير اجنود

نسجد يحسين اعله اعتابك
بهالسجدة نطيع المعبود
و نحارب جيش النمرود


أول معصوم انت الترجع
من بعد المهدي القائم
دولة عدلك عنها اليسمع
يتمنى بحكمك خادم

تَرد للناس يا نبراس
بدولة عدل للملّه
تَسن ناموس و العباس
هو قائد الدولة


و هذا العهد ينعاد
غايتنه الأستشهاد
دِمْه الكرار و المَسمار
و جروح الحسن بينه
—————————-٥

مرتجى الأزيرجاوي
٦ المحرّم الحرام ١٤٤٥ هــ

كتاباتي .. وقصائد تراثية ( 2018 / 1 /13)

24 July 2023 13:54

قصيدة المسلم إبن عقيل ع

للكوفة دزه احسين ياخذ البيعه
غــدر وكـُفـر لذمـام مسلم تبيعه

****
للكوفـه دز حسين مسلم سفيره
ايشوف الوجوه أهناك منهو نصيره
لمن دخل كوفون حاطته حيره
شاف الوجوه اشكال جدًا مُريعه
****

ظـل السفير ابحـال المـن يناشـد
شاف الوجـوه أتميل عنه وتباعد
وين الوجه ينطيه ما جاره واحد
حاير يصب العيـن مسلم يشيعه
****

صبت اعيونه اوصاح أرجع يمولاي
محد يريدك عـود من جيتك هاي
باعت ذممها الناس ويـزيـد شراي
لتكمل ابمسراك يبـن الوديعه
****

من مسلم المغدور ثقته وسفيره
مرسالي يوصل ليك رد بالمسيره
لا تدخل الكوفـان كلـش خطيره
أبعثلك او أرجوك رد بالوسيعة

****
دمك تريده الناس مو أنتَ يحسين
رد بالظـعن مــولاي لجـل النساوين
ماهن حمل لوعـات ومهامل العـين
خوفي تجي وتشوف نار الفجيعه


✍️ #ام_علي_الشمري

كتبت اليوم 5 محرم الحرام 1445 هـ
24/7/2023/مـ
على طور ثلاث دگات

كتاباتي .. وقصائد تراثية ( 2018 / 1 /13)

24 July 2023 00:27

#دعم_مؤسسة_منبريون_الحسينية_رقم1
#ملاحظة الدعم 3 ساعات وينمسح من القناة ذمة
للاشتراك بالدعم @ahmed_alziwar0

​┅┅┅┅ـ🌸🕊🕊๘✿ৡ┅┈┈‏
1/الشاعر زيد الفحام/7k
@zaidzai
2/قصائد وألحان منبريه 7k
@Amabeha5533
3/فضائل امير المؤمنين 6k
@FAL_AMEER
4/الشاعرة تبارك العفراوي
@vckvdjdjf
5/قصائد زنجيل 3k
@zngel1441
6/الشاعرة أسيرة الأحزان 3k
@gddaogt
7/مدرسة الزهراء(ع)لتعليم الخطابه3k
@WWWasela33
8/ام ابيها لنشر القصائد 3k
@noorAlhseenn
9/خطباء المنبر الحسيني 3k
@manbarhoysayne1
10/الشاعرة ام علي الساعدي3k
    @tteef
11/تعليم خطابة ولطم3k
@WWWasela33
12/الشاعر امجد الشطري 3k
@oydgh
13/الرادود مسلم المطيري1k
@sheia
14/لاحياة بلا حسين لنشر القصائد2k
@asaadshaker
15/في رحاب الحسين لنشر القصائد/2k
@Alphadli
16/الشاعر لقمان البدران /2k
@lukmanbdran1970
17/الشاعر أحمد الخفاجي2k
@jzlaf
18/بستان الألحان الحسينية لنشر  2k
@alaa66klf
19/الشاعر خالد ألبديري /2k
@khaledALBoudare
20/الُحُانَ الرادود علي الشاوي 2k
@agfjklou
21/اشعار وقصائد حسينية2k
@hseana
22/الشاعر سيد زيد الفحام للمواليد 2k
@zaidzai11
23/آلّشآعرهً آلــــّ؏ــلّويِـــــه آلّمٌوسويِــــۿ2k
@alweyaamosaweyarrrr2626
24/شاعرات الطف 2k
@ya_katealkafen
25/لشاعره ام ياسين الساعدي 2k
@yasminmkhgh
26/تعليم مقامات والاطوار الحسينيه2K
@sueiirit
27/الشاعرة أم رائد /2k
@fhgfhjvd
28/الشاعرة ام احمد البصراوية 2k
@raehinah
29/الشاعرة رغد البهادلي 2k
@Ragadalbhadley
30/الشاعر احمد الخفاجي2k
@jzlaf
31/الشاعر فالح العامري
@falehalameri
32/الشاعر حيدر عيسى البديري /1k
@haederh
33/
34/الشاعر زين لعابدين العيساوي 1k
@ZainIssawi
35/ديوان الإمام المهدي عج 1k
@kairallahhlfi
36/الشاعر كرار اللامي1k
@krrllmy313
37/الشاعر  ناجي ابو كيان الصالحي 2k
@qwertyuuip
38/الشاعر سيد رياض الرسل الجابري 1k
@alral1961
39/الشاعر السيد احمد الميالي1k
@Ahmedalmaialy
40/الشاعر علي محسن الفرطوسي1k
@AliAlFartusi
41/الشاعر حسن لعيبي الحريشاوي1k
@a3lei
42/ قمر الحسين 1k
@kmrrr
43/الشاعر عماد محمد الدراجي
@Emad_Al_Daraji
44/الشاعر سيد فليح الموسوي1k
@AbuhassanAlmusawi2007
45/الشاعرة بنت الاشتر 1k
@drgasa
46/الشاعرة ام زهراء الكعبي 1k
@sharayTAhelAlbeat
47/الشاعره ذكرى الخفاف1k
@zikrakhaffaf
48/الشآعـرهَ سُهـيِله حـسـيـِن 1k
@moohamd1963
49/الشاعر سيد حامد النعيمي 1k
@sayedhamid9
50/ألحان الرادود مصطفى الكربلائي 1k
@mllemustafa
51/ قناة الشاعرة صديقة الهلالي 1k
@hsvni
52/قصائد عاشور (عذاب السبي)1k
@amjoodx001
53/اشعار وقصائد حسينية2k
@hseana

54/الشاعر مجيد عبد الرضا القريشي1k
@MajeedAlquraishi
55/الشاعره الحسينية طيف الساعدي 1k
@tteef
56/الشاعرة ازهار جبار الجياشي
@xcrhyhvfewfhjkbqhj
57/خادمة السيدة رقية بنت الحسين ع
@ssrgk
58/الشاعرة ام حيدر الحمزة الطائي1k
@aseel1278
59/الشاعرة العلوية ام كنان الهاشمي1k
@yazaynae
60/الشاعره ام صادق المنصوري
@HOWEIY
61/الشاعر جعفر الطائي1k
@ggggyyyii
62/القصاید المکتوبه للرادودين حسن الصالحي و محمد الجنابي 1k
@alradodeinpoems
63/الناشر غيث اللامي 1k
@geath1995
64/الشاعر عزيز الفيصلي1k
@azizalfesli
65/قصائد اهات اللعليلة ع
@dgegrh
66/
67/القران الكريم من النجف1k
@tilaawtmenalngf
68/الشاعر ميرزا محمد الساعدي1k
@Mirza_M_Al_Saadi
79/ الحان ابو ادم
@hyuiooppp0
80/الشاعرة ام امنه
@omamenai2016
81/قناة خاص النعي
@ashaghalhossein4
82/الناشر مهدي الكعبي
@mehdialkabii
الشاعرة ام عدنان سياحي
@ALMOLAUEOMADNAN
الشاعرة شهد الرضوي
@alzmqpa
للاشتراك في ليسته

القنوات الدينية الملتزمة فقط
1k فما فوق
التواصل مع الناشــر احمــد الــزوار
@Ahmed_alziwar0
مؤسسة منبريون لنشر القصائد المنبرية
/channel/ahmed_alziwar2

كتاباتي .. وقصائد تراثية ( 2018 / 1 /13)

23 July 2023 23:23

(الى سيدتي أم البنين عليها السلام)
…………………….


بوابةُ العطاءْ
فريدةُ الوفاءْ
كهفُ السَخاءْ
غيثُ السَماءْ
أميرةُ النساءْ
——————-
هاي الوفيه الما نَعد فضلها
أم البنين الما شفت مثلها
باب العطايا لو فرد سألها
لا ما ترده و الكرم أصلها
سخيةُ اليَدين
عَاشقةُ الحُسين
قُطب الندىٰ
أم الهُدىٰ
قرينةُ السخاء
——————-1
مو عجبه صارت عالنسه أميره
و حيدر بعلها الما يصح نظيره
تقوى و علم منه خذت بصيره
تشبه علي بوكت الشدد مُجيره
حَليلةُ الأمير
عطاؤها غَفير
ذا بَدرها
لـقَدرهَـا
ينذهلُ البهاء
———————2
بحر الكرم لا ما يجف نبعها
من أم ابيها أستلهمت طَبعها
لــذكر الزچيه ينحدر دمعها
أقسم عليها بفاطمه و ضلعها
إن أذرفَ الدمُوع
لحَادث الضَلوع
لِدَمعِها
و ضِلعِها
قَد جادت السماء
———————3
چفها سحابه و تَمطر بغزاره
توَزع موائدها على الحَياره
موضع گبرها لو رحت مزاره
أقسم عليها بالفَده يساره
ذا قسمٌ عظيم
بإبنها الكرَيم
بكفهِ
بِعَطفهِ
بذلك اللواء
———————4
للنخوة صارت جامعه عظيمة
كل قسم منها جوهرة كريمة
لو حاجة عندك اگصد الحليمة
اقسم عليها بشهگه اليتيمه
بطَفلةِ الشهيد
شهيدةِ الوريد
أعَني هنا
أمَ الدُنا
رُقيةَ الأباء
———————5
يا سامعي لو ضاگت الوسيعه
أقسم عليها بمحسن الوديعه
ام البنين لدعـوتك سـميعه
لو تدعي بحسين ونحر رضيعه
بمَنحر الرضيعْ
يا كوكب البقيعْ
سيدتي
أمُنيَتي
أن تسمعيَ النداء
———————6
مرتجى الأزيرجاوي / بغداد
١٤ جماى الآخرة ١٤٤٤ هـــ
٦ كانون الثاني ٢٠٢٣ مــ

كتاباتي .. وقصائد تراثية ( 2018 / 1 /13)

22 July 2023 12:38

الى سيدتي فاطمة بنت
الإمام الحسين عليه السلام
………………………………..



رحتـوا بظَعينه
من المــدينة
مثل السفينــة
حيــن تسير
يَوليانـي و يَـخَواني
ولا منكم خُبر جاني
——————————
مشَيـتوا بالرواحـل و آنه أصّد الكم
أحس بروحي طلعت وَي قوافـلكم
مثل طيـف اختفيتوا عن منازلـكم
و بگيت اتلّهف لوارد رسايـلكم
گلبي بوصـاله
راسم خيالـه
ما من رساله
شلون ايصير
ولا قاصـي و لا دانـي
و لا منكم خُبر جاني
——————————١
رجعت لدار صبري و الحزن خيَّم
اطش حزني بزواياه و يرَد يلَتم
ابـوي الچان وجهه للجرح بلسـم
رحل عـني و تركنـي لنايبات الهمَّ
تارك علامه
حلو الجهامه
بدار الإمامه
بدره اينير
غريبه و آنه بَوطانـي
ولا منـكم خُبر جاني
________________٢
يجن ليلي و مرار الوحشه يعصَرني
و نجوم اللامعه بأهلي تذَكرنـي
صـوركم ساكنه ابالي و تمَرمرني
(ألم نشرح) أرتّلها و تـصَبّرني
مصحف نياحي
رتّل جَراحـي
و آية صباحي
بهالتفسيـر
تفَسّر مُجمل أحزاني
ولا منـكم خُبر جاني
——————————-٣
نشاشيب القهر كل ساعة ترميـني
و اشاگفها بشمالي و مـره بَيميني
ردت (آصف)زمانـي هسّه يلفيني
لأبو السّجاد و عيالـه يوديــني
محد حضرني
بچلمه يسرني
همَّي كسرني
يَهـل الخيـر
عليله و منهو يرعاني
ولا منـكم خُبر جاني
———————————٤
علامات الفجيعة گبالي تتكـرر
شفت أم البنين بهمها تتحسّـر
تگـلي اليوم أحس هالعالم أتغير
عسه بعيد البله عنك يبو الأكبر
أم الشـبيبه
تخفي المصيبه
بحاله عجيبـه
و هالتفكير
نذير الغربـة نادانـي
ولا منـكم خُبر جاني
———————————٥
مرتجى الأزيرجاوي
٢ المحرّم الحـرام ١٤٤٥ هــ