4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
على لحن قصيدة الرادود مرتضى حرب
(يالاكبر طب انته ابديها)
{الكفال}
هذا الكافل والخيال_المن ريشاته يغار اهلال
يم زينب تلكاه خيمه_ويم حسين يصب شيمه
وبلميدان يهز اجبال....
فارس من نضراته اكحيل
الحمره بصفه انشافت ليل
يخجل من انفاسه الهيل...........ويامحله اعيونه
يلكد فرسه تگول سهيل
سل سيفه وشوفهم ويل
طب ونسمع بس اعويل..........كلفات متونه
ضل بكيفه يفصل بيهم_شما بعدو سيفه يدنيهم
الما لاحه بسيفه بخزره_خلاه يرجف كل عمره
ولو صدله يرجف التمثال....
____
من شاف الخال اعله حسين
يطاول والعين بعين
طب شمرهم علصوبين..........وداس اليتماده
شما زادو رد ليه الحيل
الموت بصفه يصبح ادخيل
حدر اجدامه الشط يميل..........يتوسل راده
جاب الشط والضل من خاله_شافه حسين وشال اعگاله
يا خال اليحجي اعله اعضيده_والفقار مغزر بيده
ماطب يحجز طب كتال.....
___
طب للعسكر طالب ثار
صاحو حيدر كل مادار
العسكر من يجبل يحتار..........يضيع مشراده
يرفع سيفه يزيد اصهيل
ينزل سيفه ارگاب يشيل
خله الشط بس قاده وخيل.........فايض بعناده
ضنو حيدر هم صنديد_من رد الجيش بفرد ايد
عم الخوف بنص العسكر_كلما يلتم رد يطشر
مو حيدر هذا الكفال.....
___
قائدهم شاف الريشات
غص بنفاسه تخيل مات
نزل هدمه اعليه من فات..............هم اعله اجداده
من غض شوفه اطا عمرين
خلاه يحلم بلعينين
من صداله لهذا الحين.............يخاف من اوساده
الشارد من عينه شيحميه_يگطع بزره السابع ليه
الصداله بعينه ولا نام_ يخاف عيونه تمر احلام
كلما نام تخيل صال...
____
موت وطب ياهو اليدني
ذل الماي وداس اعلي
ضل يترس جوده ويجفي...........اعله عناد القاده
حسين تبسم من شافاه
الشط مجتف ليه جاباه
گله انته احزامي وحياه...............يافخر الساده
الشط من شافه تغير لونه_ضل يتوسل بس يحمونه
الشط سلم روحه لعباس_ضل يفور اعليه من داس
الماي يبوس بجدمه اجلال...
___
ومن اتوجه عالخيام
حس ضمو للجربه اسهام
ضحه بعينه ولا ليتام.............يفديهم روحه
تذكر زينب رادت ماي
ضل يذبحهم رايح جاي
ماتعطش وانه بيمناي ...........من عدها ملوحه
شموصيته امه وشتگول_كلما ضاجت زينب صول
تعطش وازگيها من عيونك_يرحن فدوات الها متونك
ويم زينب يوگف شلال...
____
مو دم ازنوده تصب غيره
ضل من گطعو جفه بحيره
بس بزينب ضل تفكيره..............خافن تحتاجه
تخيل من طگه العامود
زينب باجر بين اهنود
راد يگوم وماكو ازنود................وحسين احتاجه
من طاح تذكر ايامه _جن حيدر هم انشگ هامه
مو من سيف استشهد حرگه_فكر بلشام وبلملگه
مات من اتصور هالحال..
الشاعر: عباس كوكز
#تنوية_القصيدة_بطولات_معارك_آل_هاشم
____
يدكون ال هاشم ثايه
____
جاب فرسان وكلايف
العدو بذاك الصوب خايف
وهاي جانت بس خفايف
غيرتك نشميه
من عگدهه العرگه كلهه
عگدته منهو اليحلهه
شال خياله وردمهه
طگتك مچويه
يطبهم .. يشدهم .. مثل شدة علگ
رفسهه .. يهزهه .. يشگ حلك الخلگ
كبل .. حفر.. گبر ..اله
اليگابل يمنته
شتعل .. غضب ..يطگ .. صدگ
اذا واحد حجه
يدكون ال هاشم ثايه
___
گام عت يعت فريسه
ابو فاضل وانتَ قيسه
يموت بس واحد يجيسه
موكر الرمايه
هذا تربات الصميده
والگرب يگطعله ايده
واليموته يضل يعيده
زلمة چنه امرايه
كِبشهه .. الكتيبه .. عـيـونـه حـومـرن
اليشمره .. يوصله .. لـ زحُل وابعد اضن
زعل .. رعد .. عصر .. زلم
جثث ضلت زرگ
يكر .. يفر .. ذبح .. غنم
مثل ذبح الورگ
يدكون ال هاشم ثايه
_
علي الاكبر طب عليهه
وصل للخيمه بجيهه
الزلم ماتعرف حجيهه
بطگته المملوحه
جاب راس القاده يمه
ويه جسام ابن عمه
الگابلاه ابچيده ضمه
ماندلهه اجروحه
عليهه .. بجيهه .. وصل لاخر طرف
يطرهه .. يصرهه .. يوصلهه الجرف
يحط .. يصر .. يلف .. عده
غضب راسه ويفور
رزن .. عبر .. شمر .. يطر
اذا جدح يثور
يدكون ال هاشم ثايه
_
الحسين انصاره فزع
عابس يشگ هدمه يجزع
عون مـن الخيمـه يفـزع
الجيش ضل بحيره
طبو انصار وخذوهه
المعرگه بدم سجلوهه
الزلم بچوهه وسبوهه
غيره تتبع غيره
سبوهه .. زلمهه .. بچي النسوه بچت
عوابس .. بدبجهم .. الارض صاحت حچت
كفو .. ونعم .. اهل .. شيم
نشامه بدم يفور
حلو.. الوصف.. عطر .. نشم
مثل عود البخور
يدكون ال هاشم ثايه
____
بيوم طف حسين غارت
خيل يم الخيم دارت
عيه ذاك اليوم صارت
من تنخه بروحه
رجّع الفرسان سيفه
صال گام وجاب حيفه
نكتبت حروفه بصيحفه
نرسمت اجمل لوحه
جزاهه .. فناهه .. الثكال الاكته
يعتهه .. يشدهه .. وتميل اعمامته
حمل .. كهل .. حصد .. زرع
رگبهم بالضياع
يهد .. يصد .. قره .. الحمد
على الدنيا الوداع
يدكون ال هاشم ثايه
___
#عباس_القلعاوي
(ضـِعنُ الحُسين)
هِــبّت ريــحه الهيل
لِمّن مـــر عِــلّي ليل
ربّــي مِنّـــك الحيـل ضعـن أحسّين قادم
نضّف روحك اهواي
ســـوّي رايتـه أفـياي
ضعّن حسين هالجاي ضعـن أحسّين قادم
حِضّر دِمعِتك بالخِدمه شِد احزّام
يفرح كلبي لــو حسبــونه عالخِدّام
كون الخدمه تبـقه ياحُسين اعوام
يالـمُطيني راحه وشابع أنـت اسهام
هـا هــوّه الضِـــعنُ قـادِّم
هـا هــوّه ضـِعنُ الحُسين
…………………………………….
ضعّن متروس عـِفّه
نـهّر … عبّاس جرفه
بيـــــهُم ورده تــرفه مـن فـدوه لرُقـيّـه
شجّاعه و رافع الراس
ضـمهه عـيونه حرّاس
ضمهه بحضنه عِبّاس مـن فـدوه لرُقـيّـه
قـادم هالضِــعن والحارِس العـِبّاس
كـِل هـُمّه أخـو أحسـين ما ينجـاس
يفـتر عالضـِعّن عـِبّاس كِله احساس
حـتّه أعـيونه صارت للضـِعّن حُراس
هـا هــوّه الضِـــعنُ قـادِّم
هـا هــوّه ضـِعنُ الحُسين
…………………………………….
ضـِعّن قاده الحسين
يحـمي هـالـ نساوين
أهلـه وأخـته طيبيـن (زيـنّـِبْ) عفّه الله
الكـافل كافل أضعون
حـارس لـيهُم وعــون
وضمـهه أبين العيون (زيـنّـِبْ) عفّه الله
(زيـنّـِبْ)عفّه الله وضمهـه بعـيونه
اليــدنّك مـِسـتحه كـِلما يحاجـونه
المثلك عنده اخـو(عـِبّاس)خيعونه
طول الليل أبّــد ماغُمضت أچفونه
هـا هــوّه الضِـــعنُ قـادِّم
هـا هــوّه ضـِعنُ الحُسين
…………………………………….
الكـافل صار حـِدّاي
ظهـر أحسيـن وفّـاي
لليعْطش صُـبّح ماي جا غير أبو فـاضل
ضِم بعيـونه أم عون
صاح حسين ممنون
الأغـله أنت بالكــون جا غير أبو فـاضل
ماي أيصير اذا شِم بالضِعّن عِطشان
بذكّر أسم أبـو فاضل ما تِحّس تعْبان
جـا غيـر الكُـمّر هـٰذه شـِطّب ريحـان
عـِنوان أصـبِحّو يـامحله هـالـ خــوان
هـا هــوّه الضِـــعنُ قـادِّم
هـا هــوّه ضـِعنُ الحُسين
…………………………………….
نضّف روحك أو توب
قـادِّم ضعن محبوب
ذكره أينضّف أكلـوب حسين ومحله اسمه
أحسبني خادم حسين
ها يـا نـاضـر العـين
يا عـامود هـالديــن حسين ومحله اسمه
خادم كــون الك مولاي أحـسبني
اذا غـلطان أنـه ياحسين حاسبني
أدبنـي حـِبّـيبّي (أحسـين) أدبـنـي
أشتياكي لشهرّك أه يحسّين تعبني
هـا هــوّه الضِـــعنُ قـادِّم
هـا هــوّه ضـِعنُ الحُسين
…………………………………….
عــلي محمد الساعدي
من على قصر الاماره ادخيلك
مسلم انطه حيله فدوه الحيلك
____
سيدي رد كل كتبهم مو صدك
هالكتب باطنها بس خيل وحرك
بس تدقق بيها بالأشطر سحك
وجفي من فوك القصر يوميلك
__
سيدي هنانه البشر ماهي بشر
هنانه اهم شي ينكطع منك نحر
هنانه ضهرك ينكسر يم النهر
وعلي الأكبر من ضماه يشكيلك
___
سيدي غدروني لا تقبل بعد
هنانه ما يبقه اخو لا فيّ ولد
وتنذبح بسمه بشفافك للمهد
ارد ادزلك رد منو يوديلك
___
ياهو اليوديلك ومامش عرف
سيدي وراياتهم فوكي ترف
انه شالوني اندفنت وبالنزف
وانت ياهو أمن الترابه ايشيلك
__
سيدي رد بعيالك للوطن
هنانه مايبقه على حاله الضعن
هنانه يتفطر كلب ام الحسن
عمت عيني ابعيد أنه وماجيلك
____
حته ماي الشرب ينسد عالخيم
هنانه كلبك يوكع بوكعة علم
كون بيه ولا يجي بيك السهم
دمي قربانك اريد افديلك
____
يا أمام الروح يا نبض الكلب
تعمه عيني ولا اشوفك عالترب
أمن الخيم للتله هاي اكبر حرب
وابلايه خياله تصبح خيلك
علي رضا المحمداوي
يا ابا عبد الله يا ابا عبدالله يا ابا عبدالله
حسين عشك الغير جذبه وانت بس عشكك صدك
لو سمعت بطاري اسمك كلبي يتسارع يدك
من اطب للحضره اشمك ريتي تفرح بالشهك
اليحبك يشم ياس و غيره دخان الحرك
يا ابا عبد الله يا ابا عبدالله يا ابا عبدالله
حسين
༺༻༺༻༺༻༺༻
حسين ياهو اليكضي حاجه بدون غاية ذلتي
ومنهو غيرك من يساعد ما يصف بصورتي
ياهو اذا ادعي الله بسمه بسرعه يقبل دعوتي
يبن ابو الثام امنياتي تمسك ايدك هامتي
يا ابا عبد الله يا ابا عبدالله يا ابا عبدالله
حسين
༺༻༺༻༺༻༺༻
حسين مستشفانه مجلس منصب لمصيبتك
مرض روحي لو جسد يتشافه كلشي بطيبتك
لكل مرض ماشفت وصفه مثل وصفة تربتك
و ما اغالي يشافي حتى تراب جدم الزارتك
يا ابا عبد الله يا ابا عبدالله يا ابا عبدالله
حسين
༺༻༺༻༺༻༺༻
حسين هل عاشور وفقني لعزائك من اطب
كون اتعلم اهدافك مو فقط عيني التصب
وكون من اغسل ذنوبي بعد ما اعمل ذنب
قدوه اخليك و احبك مو فقط بلساني احب
يا ابا عبد الله يا ابا عبدالله يا ابا عبدالله
حسين
༺༻༺༻༺༻༺༻
روحي صحره و مرني حبك غيمه و زداد الخضار
حسين والرايد يضدك طير اصير و كلبي غار
شوكي الك ما برد لحظه حرورة الدله اعله نار
حسين ليل الكلب دونك لكن بحبك نهار
يا ابا عبد الله يا ابا عبدالله يا ابا عبدالله
حسين
༺༻༺༻༺༻༺༻
يا اباعبدالله
محرم الحرام ١٤٤٥ ه💔
حيدر جعفر
اللحن👇
قصيدة ،،، الزهراء في كربلاء ....
ـــــــــــــــــــــــــــــــــــــــــــــــــــــــــــــــ
بكل حِزنهه تشوف ابنهه مگطع بميدانه
واحسيناً
واحسيناً
ـــــــــــــــــــــــــــــــــــــــــــــــــــــــــــــ
لِبسَــــت ٱهدوم السواد
وحِضرَت بيوم المصيبة
گابعة بهَمـهَه ٱعلَبنهه
تـدري هَاللحظة رَهيبة
وصلَــت لطَفّ البــلاء
ولَن مَــواقفهه عَجيبة
شافت أرض الغاضرية
حمرة من دَم الشبيبة
هالشباب ٱعللتراب من غَدِر عدوانه .
ـــــــــــــــــــــــــــــــــــــــــــــــــــــــــــــــ
وُصلَت لجثـة شَبـــيبة
النور يِسطع من دِماهه
عُرفِـته العرّيـس والأكـبر
شَــبيه الـــــــهادي طـه
گامت ٱعللراس تلطم
والعرش يِسمع بِچاهه
وَسّطتهم نِص حِجِرهه
والحـــزن صايغ نِعاهه
يا حِريمة شگد هِضيمة تِنچل شُبّانه
ـــــــــــــــــــــــــــــــــــــــــــــــــــــــــــــــ
هاجَــت الأحــزان بيـهه
والدّمـع منـها تفـــــــجّر
شافَــت أنصـار الرسـالة
كِلـــــــمَـن بكتـرة توذّر
عابس وجون وحبيب
الوَي زهير اللي تِطبّر
والله وَفّــيتوا تگـلهم
والگلب مالوم يشغَر
وبوِفاكُم قَد جَزاكُم جَنّته ورضوانه
ــــــــــــــــــــــــــــــــــــــــــــــــــــــــــــــ
ومن عگب هاي المَشاهد
گِصدت لصوب الشريعة
شافت الكون ٱعلَـكبره
طايــح وعَينه طِليعة
بالعَمَـد مهـشوم راسَـه
ويَمّـه چَفّينه گطـــيعة
ظلّـت ٱتـــنوح وتگله
مو عِفِت يَمّك وديعة
ما عَرَفتك تقبل إختَك بالسّبي وحَيرانه
ـــــــــــــــــــــــــــــــــــــــــــــــــــــــــــ
وَدّعَـت عبـــــاس وٱتّجــهَت
لَـعِــــــــد جِـــــــثة رمـــــيّة
لَنهه جِثة حسين صاحت
ويــن حَمّـــــــاي الحميّة
شَمّــت المَـنحَر تگــلّه
ويـن راسك يا شِفِيّة
والصدر مرضوض ويلي
داسته خــيول آل أمـيّة
شنهو سَوّه ٱبن النبوّة ٱمثّل بجثمانه
ـــــــــــــــــــــــــــــــــــــــــــــــــــــــــــــــ
تســـأل وظـــلّت تناشد
وين إختكم وين زينَب
تِبـعَـت آثــــار لظـعنـهه
لَنّـه كِـتر الـشام أطنَب
شــافت الخدر ســباية
واليتامة بضيم تنحَب
بالحَبل مجتوفة زينب
والگــلُب نيران يلهَب
عذبوهه وراس أخوهه مرتفع بالزّانة
ــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي .
قصيدة بلسان حال الزهراء ع تخاطب ولدها الحسين المذبوح في كربلاء ...
ـــــــــــــــــــــــــــــــــــــــــــــــــــــــــــــــ
أويلاه يوليدي أويلاه
أويلاه يوليدي أويلاه
مِن طِحِت عالغبرة ظامي واويلاه
؛؛؛؛؛؛؛؛؛؛؛؛؛؛ ــــــــــــــــــــــــــــــــــــــــــــ
چنت أجيك بكِل حِلِم وتفـــگّد أحــوالك
راسك بحجري وتسولِف شِنهو اللي ٱبّالك
بشوفتك أتـــرس عيــوني واسمع اقوالك
ترجـــــع الأيـــــام بيــنه چــانـت آمـــالك
لَــــــچَن آه يَــــولـــــيدي لَچَن آه
من طحت عالغبرة ظامي واويلاه
؛؛؛؛؛؛؛؛؛؛؛؛؛؛؛؛ـــــــــــــــــــــــــــــــــــــــــــــــ
والنغز گلبي وعَرفتك طايح بحيرة
لنّك بأرض الطفوف وشوفك ٱدّيرة
حاطتك هاي الاعادي وكلها شريرة
منظرك منظر غريب مفارگ الدّيـرة
شِمر وزَجُر وبِن سَعَد واللي ٱوياه
من طحت عالغبرة ظامي واويلاه
؛؛؛؛؛؛؛؛؛؛؛؛؛؛؛؛؛؛ ــــــــــــــــــــــــــــــــــــــــــــ
مو سَهل يَحسين أشوفك بالغرب ظامي
مالَك ٱمعـــين ونصـــير العَنّك ايحامي
توصّـــي زينب من تگلهه حُفظي أيتامي
يَختـــي باچـــر عالعواســل يرتفع هامي
وتــندبين إذا شــــــفتـيه عليااااه
من طحت عالغبرة ظامي واويلاه
؛؛؛؛؛؛؛؛؛؛؛؛؛؛؛؛ ـــــــــــــــــــــــــــــــــــــــــ
چَــم مصيبة شاهــدتها هَدّمت حـيلي
بچتلة القــاسم والاكبر حرگـوا ٱدليلي
ظامي ويذبحونه طفلك ويلي يا ويلي
وشِفته فَل ٱگماطه يُمّـه وچَنه يوميلي
رَضــــيعاه صِرِت أنـــدب رضيعاه
من طحت عالغبرة ظامي واويلاه
؛؛؛؛؛؛؛؛؛؛؛؛؛؛؛؛؛؛ ــــــــــــــــــــــــــــــــــــــ
حَومـة الطير ٱعلَعِشّه گُمت أحـوم آنـه
روحي حطّـت عالشريعة بحيرة لهفانة
لن گمــر گطعوا چفوفه يلحگ اخـوانه
گِـتله يا ساگي العـطاشا انهض اويـانه
نَــــــخيـناه أبـــو فاضـــل نَخيناه
من طحت عالغبرة ظامي واويلاه
ـــــــــــــــــــــــــــــــــــــــــــــــــــــــ
چنّي مو مَيتة ٱمنَ أشوفك دامي عالغبرة
وزينــب ٱختك من تنادي احضري يالزهرة
الشــمر يابِت محـــمد يرفـــس بخـَــصره
عالوجه يگلــب أخــوي وظــل يحز نحره
حُسينااااه بُـقيت أندب حُسينااااه
من طحت عالغبرة ظامي واويلاه
ـــــــــــــــــــــــــــــــــــــــــــــــــــــــــــــــ
أستاذ ستار عذاب الحچامي .
قصيدة في مصائب زينب والعيال بعد مقتل الحسين وبداية السبي …
ـــــــــــــــــــــــــــــــــــــــــــــــــــــــــــــــ
وَينك حَيدَر … زينب بالحَــسرات تــنادي
وَينك حَيدَر … ما تدري بحالتنه شسـادي
وَينك حَيدَر … مَذبوحة ٱخوانِي وأولادي
ـــــــــــــــــــــــــــــــــــــــــــــــــــــــــــــــ
أنــظُــر للغريب
والمَنظرعَــجيب
بالحَومة وَحّـدَه
عَينَه ٱتصِدّ إلِي
وأنـدِب يا عَلي
تِوَلّتنه العِــدَه
هذا أبو الأكبر وحيد وجِسمه دامي
هاذي لحظاته الأخيرة وگلبه ظامي
والعِليل ٱبدَمعه يِصرَخ يا إمـــــامي
لَو رِحِت ما يُبقى لِلخِـــــدّر مُحامي
هذا ٱبن أمّي … لا واحِـــد يَمّـــه ويِــفـزَعلَه
هذا ٱبن أمّي … هِجمَوا بويه وصارَت حَملَة
هذا ٱبن أمّي … رَافِع رَاسَه بوَجــــــه الذّلـة
ـــــــــــــــــــــــــــــــــــــــــــــــــــــــــــــــ
مَثخون الجِراح
عَـالوِطية طاح
ذَبّاحَه مِن هِدَر
وسِيفَه باليَمين
ويِذبَِح الوَتين
وگِطَع بويه النّحَر
شلون ما وِگعَت سِمَانَه ٱعللوطِيّة
مِن گِطَع مَنحَر إبن حامي الحَمِيّة
شلـون ظَلّت عَدلَة ما ماتت رُقَيّـة
مِن تِعَــايِن عالخِيـــول الأعوجية
شَالَوا رَاسَه … يابو الحَســنين ٱعللسّــــاري
شَالَوا رَاسَه … حِرگــوا خِـدري وتِسـعَر ناري
شَالَوا رَاسَه … ومَدمَعهَه ٱسكينة بدَم جـاري
ـــــــــــــــــــــــــــــــــــــــــــــــــــــــــــــــ
سَالَت الدماء
وٱبتِدَه العناء
كِل أهلي تِنچِتِل
گِـتـلَه يا كـفيل
والمَدمع يِسيل
جابوهِن الهِزِل
ما أظنّـك تِرضَه يابو الغيرة بِيهَـه
إختَـك الچـانَت عِزيزَة ٱمسَــلّبِيهَه
شلون رَاسَك يِنظُر ويِشهَد سَبِيهَه
شَتّـمـوهَـه وعالهِــزيلَة ٱمرَكّبِـيهَـه
عَبّاس ٱگعِد … عوف الشاطي وإفزَع لَيّة
عَبّاس ٱگعِد … مـا تِــقبَل إخـــتَك مَسبِيّة
عَبّاس ٱگعِد … سولِفلي شعِندَك مِن نِـــيّة
ـــــــــــــــــــــــــــــــــــــــــــــــــــــــــــــــ
لِليِــــسُر مِشِيت
وبالدّرُب بِچيت
بويه وما أطوَلَه
أنظُــر العِـــليل
دَمّه ظَل يِسيل
والرّگبة مايِلَة
أنهُضُــم لَمّـن يِشَــتّمني الضبـابي
والأهَم مِن هذا يا حَيــدَر حِجابي
بَس إلهي اليِعرُف بهَمّي وعَــذابي
وبالعَتَـب يا بويه أرسِلّك كِـــتابي
شَاهِد حالي … مِن طَـبّت للشــام ٱظعوني
شَاهِد حالي … زينب يا وَسفَة ٱيضربوني
شَاهِد حالي … آنــه المَستورَة ٱيشـــوفوني
ـــــــــــــــــــــــــــــــــــــــــــــــــــــــــــــــ
لِلمَجلِـس نِطُب
تِنظُرنَه الغُــرُب
وَسَط ذاك المَكان
بمَنطِق الوَعِيد
أنــظُر لــيَزِيـد
وبإيدَه خَيزران
بِيهَه يِنكِث رَاس أبو ٱسكينة وخُدودَه
وشَكّك بصِدقِ الوَحِـ،ي لا بَل وُجــودَه
وعـالرســول الـهادي يِتجــاوَز حُدودَه
يدري بالــعــباس گِطــعوهِن زِنـــــودَه
بنَظرَة شَامِت … يِنظُر يابو حسين بعَينَه
بنَظرَة شَامِت … كَفّالِچ يا زينـب وَينَـــــه
بنَظرَة شَامِت … وچــانون بدَلّال ٱسكينة
ـــــــــــــــــــــــــــــــــــــــــــــــــــــــــــــــ
نِمنَه عالتّرَاب
بخِربَةِ العَذاب
ليلة نَعِي وحِزِن
خـــايـفة تِمـوت
ترفُضِ السكوت
رُقَيّة بَس تُوِن
تريد أبوهَه ٱرقية وبذيچ الخَـرابة
تِبچــي بالحَـسرة وتنـادي بابا بابا
طاحَـت ٱعللمَنحَر وشَمّت خِضابَه
والعُمُر مِن عِدهَه قَد أكمَل نِصَابَه
هاي الدنيا … مِن دَارَت گُــلبَت أحـــوالي
هاي الدنيا … هِضمَتني وأخذَت كِل غالي
هاي الدنيا … مِن زغـري والهَــم يِـــبرَالي
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
قصيدة بلسان حال السيدة رقية عليها السلام حين خروج ظعن الإمام من المدينة ...
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يا بويه من سَار الظعن گلبي ٱرتاب
ـــــــــــــــــــــــــــــــــــــــــــــــــ
يا بويه ماشي بهالظعن وين ٱتريد
حاچيني وگلي إليا بَلَد بالتّحديد
جاوبنـي بـويه خاطر دلّالي ٱيهيد
ماخِذهه إلمَن عَيلتك والأصحاب
ــــــــــــــــــــــــــــــــــــــــــــــــــــــ
عِفت المدينة وگاصد بالسفر وين
يا بعد هاي عيوني يا بويه حسين
معلولة وظلّت تِهمِل دموع العين
وتنادي ماخذ عَنّي وَين الأحباب
ــــــــــــــــــــــــــــــــــــــــــــــــــــــــــ
والــوادم كِلـهم ظعـنك ٱيعرفونه
عِزّة ومهابة وعن غَيره ٱيميزونه
وسَبع الگناطر وخوانه ٱيحِفّونـه
وإنتَه ٱعلَراس القافلة يالمِهياب
ــــــــــــــــــــــــــــــــــــــــــــــــــــــــ
للكـوفة أنظرهه مِشَت هــاي النوگ
بس لا أخيتي هنانه يكتِلهه الشوگ
ومُر الهَجُر والغُربة يا بويه نضــوگ
هذا الماچِنِت يا بويه ٱحسِبله ٱحسَاب
ــــــــــــــــــــــــــــــــــــــــــــــــــــــــ
بس لا هاي آخر سفرة لِيّة ٱويـاكم
بس لا أظــلّ بحَســرِتي لمَـــلگاكم
بس لا أروح ٱميَسّرة ٱويَ ٱعـداكم
بس لا أصيرن فرجة بين الأجناب
ــــــــــــــــــــــــــــــــــــــــــــــــــــــــ
يا بويه أحِسّن هالسفر كِلّه أحزان
وبسِبّــتَه تفـــارگنه هاي الولــيان
وتِتيَتّم أطــفال وتنـذبح رضـعان
وبكربله ٱيصير ٱويانه شلون ٱمصاب
ـــــــــــــــــــــــــــــــــــــــــــــــــــــــ
من هالــسفر يا بـويــه شاغت روحي
كلشــي بهـــذا السفــر يگـلي نوحــي
لو رِحتوا عَنّي مِنهو ٱيداوي جروحي
ما يِرهَم أويَ المَيّت يا بويه ٱعتَاب
ــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
قصيدة بلسان حال الإمام الحسين عليه السلام ، وهو يوصي العقيلة زينب عليها السلام …
ـــــــــــــــــــــــــــــــــــــــــــــــــــــــــــــــ
أوَصّيچ يخويه حُفظي العيال
بالرماح يزينب راسي يِنــشال
ـــــــــــــــــــــــــــــــــــــــــــــــــــــــــــــــ
زينب إسمعي يَختي الوصِيّة
باچـر تدور العســكر ٱعلَـــيّة
أنظُر جسوم ٱخواني مَرمِـيّة
جاسم والاكبر جِثّة مَــدمِـيّة
رضيعي يذبحه سهم الٱنذال
ـــــــــــــــــــــــــــــــــــــــــــــــــــــــــــــــ
أنظُــر عضيــدي مِن يغدرونه
يِرجَع إلِيّــــة ما يـــــــخلّونَه
جودَه يزينب مِن يِطَشـرونَه
يَعني على الشاطي يِگطعونَه
إذا غاب تضيع ٱوياه الآمال
ـــــــــــــــــــــــــــــــــــــــــــــــــــــــــــــــ
يَختي إصِبري مِن تِشوفيني
طايِح وِحيد ومَحّد ٱيجِيني
ظامي ولا بِن حُـرّة يِزگيــني
يِنزِل شِمِرهُم يِگـطع ٱوتيني
يزينب إصِبري بكِل الٱحوال
ـــــــــــــــــــــــــــــــــــــــــــــــــــــــــــــــ
أدري المُصاب الأكلَف ٱعلِيچن
باچِر حَـرَم وبلايَه والِيــــچَن
تِگطع أُمَيّة ٱنحـــــور أهاليچَن
تِمشَن سِبايَة ٱمچَتّفَـة إديچَــن
تِصِعدَن يَخويه فوگ الهــــــزَال
ـــــــــــــــــــــــــــــــــــــــــــــــــــــــــــــــ
زينب إذا تَــرحـين مَسـبِـــيّة
بالِچ عليــهِن سِكــنِة وِرقَــيّة
يَختي ويِشِتمونِچ بَني ٱمَــيّة
وإبنِي العِــليل الرگـبة مَحنِيّة
أعُرفِچ صَبرِچ يِعادِل ٱجبال
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
تحضيرات محرم 1445
لعمل هندسة صوتية عن طريق بصمة الواتساب
او التلجرام وانت كاعد بالبيت
تواصل معنى
@ahmed_alziwar0
بدرب السبايه..بطرگ العبايه..و خطواتي دمعات
بكل خطوه جرحين.. چا وين الحسين..تسألني شمات
وينك..جيتك عتب يسأل عتب
خلافك..ياخويه وازاني التعب
ردلي..معقوله اعز مني الخشب
وينك گلتها بعز الصياح
العدها مثل حسين ترتاح
محتاجه طولك مو ع الإرماح
.
.
.
دمعي ايتجاره..سويلي چاره..الشامت كتلني
بنص ناس و بسوگ..يأشرلي ع النوگ..عنك سألني
عافچ..ميته وله يگلي العدو
يگلي..زينب بقيتي بلايه اخو
كسرو..خاطري و يجبره منو
كسرولي خاطر وانه بت بيت
و من مجلس لمجلس تراويت
شگد صحت وينك وانت ماجيت
.
.
.
ارد انشد الراس..امن التمت الناس..شو دار العيون
ماصار فد يوم..حرمه بوسط گوم..ام عون و ردت عون
ردتك..ع الرمح تفزع ناطرت
خويه..بلكت ترد ما حاولت
اشغير..طبعك يخويه تطلعت
شعطلك عن اختك يمذبوح
لو ترد لو اظن تطلع الروح
مجروح يشكي گبال مجروح
.
.
.
من ضاع صوتي..حشمت اخوتي..اعله رماحهم جيت
مال الوكت مال..و ما صحلي كفال..من هيمه طريت
ما صح..وكت المراكظ بالفله
چفك..عافاني ظل چف حرمله
أخذَت..من عندي اهلي كربله
منها و عرفت الروح تنباع
من تمشي عايف زلم ع الگاع
و الهظمه موتك ماهو ابساع
.
.
.
ياخويه تدري..نَسّوني خدري..بين الدواوين
كل ما شلت راس..انده يهل ناس..چا وين الحسين
حرمه..و ردتك افياي اعله الستر
ابدونك..ما عَرِف شي اسمه الخدر
إرجع..و رجعني من ضيم اليسر
إرجعلي خويه بسك بعيد
بدلو چفك خلو الگيد
شمتاني ها راح اطب ليزيد
.
.
.
.
.
حسين الحمّامي
ونعم من الأصحاب
للحسين اطو ركاب
***
ذول ربع حسين ذوله تلكو الموت بهله
بروسهم ضحو وهلهم للحسين بكربله
حسين مستنكيها ربعه وين راعي المرجله
عابس وجون وبرير وابو الغيره حنضله
للحرب عين الصواب
ونعم من الأصحاب
***
روسهم مانزلوها وعاليه بعلو النجم
سيف باشط بالمعارك منهم تهاب الزلم
اثكال حته الكاع تخسف بيها لو حطو جدم
منهم تهاب المنايه بكثر مابيهم عزم
الموت من عدهم يهاب
ونعم من الأصحاب
***
منهم تخاف الكتائب والعساكر بالحرب
الجيش لمن صد عليهم بين بوجهه الرعب
بكثر مابيهم شجاعه تكول ماعدهم كلب
يفني واحدهم عساكر بالحرب لمن يطب
يشبه اليوم الحساب
ونعم من الأصحاب
***
يوم زينب حشمتهم على زينب مابطو
كلنه عد عيناج كالو عل منايه تسابكو
رخو صفوف العساكر لجن همه ولارخو
وعدو حسين بركبهم وله من وعدو وفو
مايهابون الصعاب
ونعم من الأصحاب
***
سور صارو للمخيم طير منهم ماعبر
دوم مايطبك جفنهم جنه جرفين بنهر
على السيف الطاغي هدو مو بصارم بنحر
شيمه للتاريخ اسمهم بيهم يحس افخر
من تسأله يرد جواب
ونعم من الأصحاب
***
#مهند جبار الشغانبي
#قصائد_محرم
#محرم_الليله_الثالثه
مولاتي العليله وهيه تخطاب مولاي الحسين صلوات الله عليهم
لوطر صباحي ابدي بنياحي حضنك اريده
ضاعت حياتي.من جف خواتي صارت بعيده
بويه بضعنكم.اقره بحزنكم.ابطو عله هيده
حزنك يقره.دموع الفقره.وليل ايتام.
الفارك عينه..وضي سكينه شلون ينام
كسرة ضهري كل اليجري كون اوهام
بابا.بابا..عن نضرهن لاتسافر
يبقه كلبي ولله حاير
لوني يشبه الكناطر.
بابا بابا...فدوه ارجع فدوه ليه
وين اروح المغربيه
وحدي اضل بلا رقيه
____
يمتى تجيني ذبلت سنيني.لشوفة رقيه
ومرت ليالي.المنكم يغالي المامر عليه..
روحي نحيله دمعي الأسيله يجوي اديه
كلش صعبه .جروح الغربه ..تريد الحيل
ليفز جرحه....الشوك يذبحه. بتالي الليل.
كلبي توذر ..دمع الأكبر ..شفته يسيل
بابا بابا..روحي حنت لضعينه
تدري بيه شكد حنينه
.طولي ليش مفاركينه
بابا بابا.. ليلي دونك ما انامه
وني ليكم ون حمامه
كلبي يجرح ياهيامه
__
نوح وملامه. حزني علامه.بعيني يلالي
ذايب حناني عطرك جفاني لجرح الليالي
اركض اكلمه ...ثوبك وشمه. وينك يغالي
لاطيف المر. كلبي توذر .من لفراك
كل المغرب راسي يشيب.من اشتاك
درت عيونك. وانا بدونك. لوني نباك
بابا بابا..راسي شيب من بطيتو
عن غربتي شسولفيتو
.ميته باجر لو اجيتو
بابا بابا..موتي اهون من عذابي
.ودمعي بلل كل ثيابي
.ياهو اليجبر مصابي
_____
خلص يحيلي .وذايب دليلي...وحشه بدونك
نوحي مصابي .جرحي وعذابي..شوك العيونك
روحي عليله....دمعي الاسيله ..لممشه ضعونك
جرح البيه .اعله الحنيه. وذاك الليل..
اضلم بيتي .مفارك ريتي.عطر الهيل..
يجرح لوني .من عفتوني..ضكت الويل
بابا بابا ..أنا لبجالك اميره
حيرة كلبي هسه حيره
عمري يسنينه كصيره
بابا..رسمي ذايب وصفاتي
اخر حجايه المماتي.
كلبي مشتاك الخواتي
&___
✍️هشام زياره المالكي
#قصائد_محرم
#الليله_الثانيه
سيلي الدمعه يعيني
وزيدي حركة ونيني.....نوحي لهاي المصيبه
حزني جروح وملامه
ونوحي حركة خيامه ..ودمع الراحت غريبه
هل يادمع..زيد الجرح وحرك دليلي.
هل يادمع..عالمنذبح روحي وخليلي
دمعي الجرحه من صباي
يجرح روحي لون الماي.
نايم بالحر تهضم حيل
زينب بيها الحادي يعيل
____
ذاك الهيبه بجماله
محبوب الله وحلاله..مرمي فوك الترابه
شحجي عن ياهضميه
نار بكلبي يخيمه...حزني حسين وعذابه
كل رجوتي..دمع إليهل نوحه الحبيبه
كل رجوتي..جرح الكلب يكبر نحيبه
ناذر روحي ودمع العين
كلهن فدوه لعطر حسين
خلها الوادم تحجي تلوم
نلطم نبجي نشك هدوم
_
باجر جرحي يباجر
جرحي سحك الحوافر....وزينب تمشي سبيه
ليل ودمعه ومصايب
يلجم نوم الخرايب ..وتريد الوالد رقيه
كلشي نكضه..وزينب بقت حيرتها حيره
كلشي نكضه..تصعد هزل حرمه وجبيبره
مثل الطيره بكسر جناح
زينب تمشي ويه الذباح
باجر شام وجرح حساس
وتراب الطف فوك الراس
____
طايح شيخ العشيرة
هاي امصيبه جبيره...سلبو ثوبه وحياته
ذبحو كل الهواشم
يادمعي ابقه هايم.....باكو لونه وصفاته
جرحي يضل...حرك الخيم.نوح اليتامه
جرحي يضل..ينزف الم حبه وهيامه
من دم نحره الحد الشيب
جرح الخيمه شلون يطيب
اقره وكلبي شكد مكسور
من عاشور لحد عاشور
__&&
✍️هشام زياره المالكي
ياهو اليدنه بصفه
كل الفرسان تعرفه
لو طاب ولابسله الثام
حيدر جا كالو جسام
محتار الجيش بوصفه
******
يشبه حيدر من يصول/وبيه من الكافل حركه
ابن اليذبح كله ام توم/لو واحد بابه يدكه
مايذبح بزغار الكوم/بكبار الجيش استنگه
يتشيم بجفوفه السيف/مطيه اكثر من حكه
يتخير بيها بكيفه
محد يدنه السيفه
طيح عسكر لمن كام
حيدر جا كالو جسام
******
ضحه بروحه العمه حسين/بالطف وتحنه بدمه
كصته تندي تحس شلال/جا غير الكافل عمه
حده السيف وياه بس يوم/بيده يطك من يلزمه
من الخوف كباله اطيح/من تخزر عينه النجمه
بركان تحس براسه
يجوي اليلهب بنفاسه
من جدمه يدخن للهام
حيدر جا كالو جسام
*******
مايتميز من السيف /سيفه اليلمع لو زنده
ابيض منه الشمس تغار/تعمه من تصد بخده
سيفه من يسله بيمناه/لكرابه محنه يرده
مايسلم من سيفه الراد/مو هدمه وينزع جلده
زغير وبينات علومه
بدم غركها الحومه
يرعب ولشافه ولا نام
حيدر جا كالو جسام
*******
طر العسكر لمن فات/والكابل سيفه ولا عاش
مايثبت واحد يمه/لو دكيت بجدمه شياش
كل الروس كباله اطيح/طيحت فصل وجوه فراش
بادن رجلين املكاه/ مو رجلين تحسها قماش
بالطف ماطخ الهامه
داس العسكر بجدامه
فاس وهد والجيش اصنام
حيدر جا كالو جسام
*******
بلاجنحان بسيفه الراس/بالجو علك من طب طار
وخافن يكلب السبعه/هل وصه الله بسابع جار
واحدهم كلهم طب عباس/والثاني يكله الكرار
واحد واحد يمه يطيح/ماعرفو باليجري وصار
مايهتز بالطف كلبه
طير جم ركبه بركبه
السيف بجفه تشوفه اولام
حيدر جا كالو جسام
*******
#مهند جبار الشغانبي
(مـوشّح نـِجّيفّي)
(الـمُرسّـال)
مـن مُـسلم أبـن عقّـيل(ع) الـى الحُسّـين(ع)
الـِرسّـالـه أوصــِلّت مـِن الكوفّـه
مـِن قـرّه الدِمعات غِطّت شوفّه
...........................................
مـُختِصّر مُرسّال مُسلِم للحُسّين
كِتّب هالمُرسّال أبدِمعه العـــين
لا تِجّي يحـسين أرُجِـع يالحـِنّين
جِسمّـِك أخيول الأعادّي أطوفّه
...........................................
لا تـِجّي يحْسّـين ما بيهُم عـِرّف
لـِوّن تـوصّل كـِربّـِلّه تِشبّع نِـزّف
تشّوف زينِّبْ تِركُض وكِلبّك يرّف
والـكُمّر مـِكطوعّه مـِنّه أچفوفّه
...........................................
ارجـِع او لتخـِلّي زينـِبكُم تـِجّي
مِن تـِشاهِد حالِتّك تِشبِع بِچّي
تِستِمّع زينّـِب حِچّي ماينحِچّي
أتمّوت زينِّب مِن تِصّل للكوفّه
...........................................
مِن وِصّلت الكوفّه كِلهه بايعّت
أجتِمعو الي بايعّونّي شـاهـِدّت
مِن جِمّيع الكوفّه انه اتحاصِّرّت
آنّـه أتمّـِنيت الكُـمّر وأچـفوفّه
...........................................
چِتِفّونّي وأصْـعِدّت ذاك القِصّر
السِـلامُ عالحُسّـين او عـِالـخِـدّر
عالضِـعّن والكُمّـر عـِـبّاس البِدّر
يـاحِميدّه روحّـي ألّـِچ مِلهوفّه
...........................................
لِمّن يوصِلّك خِبّر موتّي الصِعُّب
تـِقره هالمُـرسّـال ياذّيك الكـِلُّب
طِلّب مِنّك ياحُسّين أو هالطِلّب
راسهه من أتمِسحه عينه أشوفّه
.......................
عـلي محمد السـاعدي
يَا أَبَا الْغَوْثِ أَغِثْنِي يَا عَلِي
يَا أَبَا الْغَوْثِ أَغِثْنِي يَا عَلِي
-----------------------
لِيلَةِ الْحَادِي عَشَرْ لِيلَةْ عَذَابْ
وِالْأَهَلْ صَرْعَى عَلَى حَرِّ التُّرَابْ
يَا عَلِي مَحَّدْ بُگَالِي بْهَالْمُصَابْ
وِانْهِتَكْ خِدْرَ الله مِنْ طَاحِ الْحِجَابْ
قَدْ مَضَى لِلْمَوْتِ ظُلْمَاً كَافِلِي
يَا أَبَا الْغَوْثِ أَغِثْنِي يَا عَلِي
-----------------------
بُويَه هَايِ اللِّيلَه إِلْحَگْ عَالْحَرَمْ
مَا بُگَه عِدْنَه يَبُو الْحَمْلَه خِيَمْ
طَاحَ ابُو الْيِمَّه وْوِگَعْ رَاعِي الْعَلَمْ
عَالتُّرُبْ نَامَوْ شَهَمْ وِبْصَفْ شَهَمْ
مَنْ يُدَاوِي الْقَلْبَ يَا نِعْمَ الْوَلِي
يَا أَبَا الْغَوْثِ أَغِثْنِي يَا عَلِي
-----------------------
كَرْبَلَه نَارِ بْدِلِيلِي تِسْتِعِرْ
شِفْتَ اخُويَه وْگَاعِدِ بْصَدْرَه الشِّمِرْ
وِالْعَقِيلَه أَمْسَتِ تْدَوِّرْ سِتِرْ
يَا عَلِي مَا ظَلْ خِدِرْ رَاحِ الْخِدِرْ
بَعْدَ فَقْدِ الْخِدْرِ أَرْجُوْ مَقْتَلِي
يَا أَبَا الْغَوْثِ أَغِثْنِي يَا عَلِي
-----------------------
هَاذَه مَتْنِي أَسْوَدِ وْيِنْزِفْ دِمَه
لُو شِفِتْنِي بِالْبَرَارِي هَايِمَه
سَلِّبُونِي وَآنَه بَضْعَةْ فَاطِمَه
اجْدَامِي مِنْ رَكْضِ الصَّحَارِي مْوَرَّمَه
صَرْخَتِي فِي كُلِّ آنٍ تَعْتَلِي
يَا أَبَا الْغَوْثِ أَغِثْنِي يَا عَلِي
-----------------------
خَايِفَه مِنْ بَاچِرِ وْعِنْدَكْ عِلِمْ
شْلُونَ اضُمَّنْ وَجْهِي عَنْ عِينِ الزِّلِمْ؟
بِيشَ اصَبُّرْ گَلْبِي لَمَّنْ أَنْشِتِمْ؟
شْلُونَ الِمْ دَمْعِي يَبُويَه شْلُونَ الِمْ؟
مَنْ يُحَامِي فِي غَدَاةٍ مَحْمَلِي؟
يَا أَبَا الْغَوْثِ أَغِثْنِي يَا عَلِي
-----------------------
حَضِّرَوْ إِلْنَه السَّلَاسِلْ وِالْحِبَالْ
بَاچِرِ يْمَشُّونَه مَا بِينِ الرِّجَالْ
وِينَكِ تْشُوفِ شْجَرَى بْذَاكَه الدَّلَالْ؟
وِينَكِ تْشُوفِ الظَّعَنْ وَيْ غُرْبَه شَالْ؟
كَيْفَ تُسْبَى بِنْتُ طَهَ الْمُرْسَلِ؟
يَا أَبَا الْغَوْثِ أَغِثْنِي يَا عَلِي
-----------------------
حِيدَرِ انْتَه وِانْتَه حَمَّايِ الدِّخِيلْ
مُو صَعُبْ تِحْضَرْنِي وِتْبَرْدِ الْغَلِيلْ
حُرْمَه وَحْدِي بْغُرْبِتِي وِالدِّنْيَه لِيلْ
لُو تِجِي تْبَارِينَه وِتْبَارِي الْعَلِيلْ
لِلَظَى الْهَجْرِ فُؤادِي يَصْطَلِي
يَا أَبَا الْغَوْثِ أَغِثْنِي يَا عَلِي
-----------------------
لَنْهَه سِمْعَتْ صُوتَ ابُوهَه مْنِ الظَّلَامْ
تَالِي شَافَتْ فَارِسِ بْبَابِ الْخِيَامْ
گَلْهَه يَا زِينَبْ أُبُوچِ مَا يِنَامْ
وْلَا يِعُوفَنْ عِيلِتَه بِينِ اللِّئَامْ
أَعْوَلَتْ مُذْ أَبْصَرَتْ وَجْهَ الْعَلِي
يَا أَبَا الْغَوْثِ أَغِثْنِي يَا عَلِي
-----------------------
شُبْگِتَه وْمِنْ عِدْهَه يِتْعَالَه الْوِنِينْ
عَظَّمَ الله أَجْرَكِ بْذَبْحِ الْحُسِينْ
شُوفَه عَارِي يَا أَمِيرِ الْمُؤْمِنِينْ
مْسَلَّبِ وْگِطْعَوْ شِمَالَه وِالْيِمِينْ
أَيُّ هَمٍ قَدْ دَهَى لَا يَنْجَلِي
يَا أَبَا الْغَوْثِ أَغِثْنِي يَا عَلِي
-----------------------حسن خنافر العاملي
يم فاطمه ارفعلي الراس يمه
گلها ابنج انه العباس يمه
انذرله كلشي .. ولحسينك امشي ... مهنه
اليمشي للحسين .. معناها بالدين .... جنه
༺༺༻༻༺༺༻༻
يبني فَزّع كلشي بيك وردلي بصواب
(طاح لحسين )ابني فدوه اجمل جواب
اليمشي وي حسين عايش موش للموت
أغضب عليهم وضهضب واگطع الهاب
لو طحت اندب يحسين .. خويه
اركضلي زينب لتشوف .. خويه
ياخويه يحسين .. راحتلك العين ... فدوه
محلاها وياك ... بالضيجه انخاك ..... خوه
༺༺༻༻༺༺༻༻
يمه حبل الخيمه شده الهوه عَيّال
الصار مايخطر بخاطر ولا عالبال
يبني باجر تمشي اخيتك وانت برماح
يبني بت حامي الحميه تمشي بحبال
بس راس وياها تروح ... تمشي
بلاخوه زينب هاليوم ... تمشي
زينب والعيال .. متغيره الاحوال .. وينك
زندك والچفوف . أفديهن و شَوف.. عينك
༺༺༻༻༺༺༻༻
عالمخيم صير حيدر وانشر فيايك عليه
يمه نوش الغيم بيدك نَزّل المضموم بيه
هاي فاطمنه الزغيره وبت ابو تراب
بماي عينك يابو فاضل ضعنك ارويه
يحسين كلشي يفداك ... يبني
مو ولدي يوجعني جفاك ... يبني
كون أويزينب ... بت عدي تنحب ... تمشي
هم توگف تعين.. وي اربع بنين .... وكلشي
༺༺༻༻༺༺༻༻
يمه اخوتك شد عزمهم بالميادين
والذي يگرب حدودك شوفه البين
موقف وي حسين سجل هذا تاريخ
انذر اشما بيك وافدي للصواوين
المات وي الحسين يعيش ... يومه
والعاده ضعنه مندوم ... دومه
مشكور عباس .. يالرافع الراس .. تگوه
جفك والعيون ..تستاهل ام عون ..فدوه
༺༺༻༻༺༺༻༻
باچر يعوفون زينب كل الاحنان
زينب اول تالي تفتر بين الاوطان
راسك اعله الرمح يربي وسهم بالعين
يمه شمس اليسر تاذي تغير الالوان
من صعدوها اعله النوك ... رادت
چفك ايرد ليها حگوگ ... رادت
وشلون بالنوك .. من تدخل بسوك .. تعثر
وتباوع الناس .. وينك يعباس .. احضر
༺༺༻༻༺༺༻༻
يا أم ألبنين
محرم الحرام ١٤٤٥ه💔
حيدر جعفر
اللحن👇
قصيدة في شهادة الٱكبر عليه السلام …
ـــــــــــــــــــــــــــــــــــــــــــــــــــــــــــــــ
سَاحِگ الخوف والچتوف مِثِل حَيدَر عَلِي
جَــس نَبَضـــهَه وأرُضــهَه يِگِلــــهَه زَلـزِلِي
ـــــــــــــــــــــــــــــــــــــــــــــــــــــــــــــــ
چَـنّه جَدّه المصطفَه
والوَرِد بخدودَه غُفَه
والنّسيم ٱيلاطُــــفَـه
هـذا الٱكـبر والنّــعِم
هـذا مُهـجَة والِدَه
حُبّه ما يِملِك مَدَه
بَـرَز إلهُــم وَحّــدَه
وسَيفَه رايِد يِنتِقِم
واليِـــــمُر بِـيه ويِلاگِيـه أكِيــداً يِـبتِلي
جَــس نَبَضــهَه وأرُضــهَه يِگِلهَه زَلـزِلِي
ـــــــــــــــــــــــــــــــــــــــــــــــــــــــــــــــ
طَلَب رُخصة ومِن بَرَز
لَو صَرَخ كِـل غافي نَز
وبالمَنـاحِر سَــيفَه حَز
ضَربة وِحدَة وحاسمة
ظَـل يِلَـگّــط بالــــزّلِم
واليِــــلوحَــه يِنجِسـم
وسِـلَـم بَس المِنهِــــزِم
سَــوّه بالــطّف محكمة
صَـد نَـظِرتَه لَـعَـمتَه ويِصــيح ٱدلّـلِي
جَــس نَبَضـهَه وأرُضهَه يِگِلهَه زَلـزِلِي
ـــــــــــــــــــــــــــــــــــــــــــــــــــــــــــــــ
هـذا لِحسـين السّنَـد
مــا قِبَـل يِرضَخ لَحَد
هَالأسَـد مِن هالأسَــد
يِنـــكِرِه مِن مَنـــظرَه
شـاف ٱبِن غانــم طِلَع
وبعَزمَه للحَومَة رِجَع
بيَــمنِتَه الصّارم لِــمَع
چـنهَه ضَـربة حَيدَرَة
ولِيــلَة تِربــي يَرَبّـي يِرِد ســالِم إلــِي
جَــس نَبَضــهَه وأرُضهَه يِگِلهَه زَلـزِلِي
ـــــــــــــــــــــــــــــــــــــــــــــــــــــــــــــــ
أقوى مِن كِلشي القَدَر
ما كو مِن عِـندَه مَــفَر
بوَجهَه ما يَوگف حَذَر
طــاح الٱكـبر مِنـصرِع
وِحسـين يِقــتِل قاتِلَه
ولِلخَيمة يِرجَع شايِلَه
ودموع أُمّــه السـايِلَة
ودَلّال زيــنب مِنـشِلِع
تصيــح سِكــنة يَخَـينَه بغِــيابَك نِنولِي
جَــس نَبَضــهَه وأرُضــهَه يِگِلـهَه زَلـزِلِي
ـــــــــــــــــــــــــــــــــــــــــــــــــــــــــــــــ
وَيّه جـاسم مَدّدَه
وهالكلام ٱيرَدّدَه
قـاتَــلَ اللهُ الرّدَه
يَبني عالدنيا العَفَه
يالعِفِتــني ٱلبَلــوتي
يا حبيبي وضَنوتِي
چِنِت إنتَه سَـلـوتِي
يا شَبيه المصطفى
عُگبك النوح سِبَه الروح يَشَمعَة مَنزِلي
جَـس نَبَضــهَه وأرُضــهَه يِگِلـهَه زَلـزِلِي
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
قصيدة في حال الزهراء ع ، في كربلاء .
ـــــــــــــــــــــــــــــــــــــــــــــــــ
اليوم فاطم حاضرة
بالطــفوف تــــنادي
بويه عاين أمتك
ذَبّــحَـت أولادي
آنه ونته اخصومهم لو صار الحساب .
ــــــــــــــــــــــــــــــــــــــــــــــــــــ
حاضرة وتذرف دَمعهه چن شِفِت بِنت الأمين
تعاين ومذهولة إلمن هالجيوش ٱمجمّعين
بئسما جازيتوا أبوي الهادي بَهلَه الطيبين
ماأظنن دين عدكم لا ولا ٱنتم مسلمين
شنهو ملّـــتكم إذاً
شنهو اللي ٱتريدونه
من أهل طه محمد ذوله الاطياب .
ــــــــــــــــــــــــــــــــــــــــــــــــــــــــ
وگفت بجانب ولدهه حسين من ينصح بِـدَه
مالگاله ٱجواب بَس ٱسهام يرمونه العِدَه
وحين شافت فِزعَوا ٱعلَحسين فزعة واحدة
تحاچي عباس وتگله لا تعوفه لوحّدَه
إنتَــه كافــل زينب
إنتَه حامي ظعونهه
هاي أمانة حيدرة من يوم اللي المصاب .
ـــــــــــــــــــــــــــــــــــــــــــــــــــــ
شافت الأنصار تتساگط على الغبرة وذَر
وشافت العريس جاسم من وگع راسه انطبَر
وأشبَه الناس بأبوهه الأكبر الدّمّه انتِـثَر
والأشد ٱعليهه عبدالله التصوّب بالنحَر
ظامي ويذبحونه
وصَـوّبــوا دَلّالهه
والگلُب مِنهه ٱنعصَر مِنّ الحزن ذاب .
ــــــــــــــــــــــــــــــــــــــــــــــــــــــ
والألم زاد بگلبهه من وگع حامي الظعَن
فِزعَت لصوب الشريعة والدموع تسارعن
گوم لا تترك أخيّك والنساء اتلوّعن
مالِگت بَس جوده يَـمّه والچفوف إتگطعَن
گوم يابو المرجلة
إخــتك ٱتولّــوهه
وانه أدريبك سَبع بِن داحي الباب .
ـــــــــــــــــــــــــــــــــــــــــــــــــــــــ
وچَني أنظر فاطمة البضعة تنادي ياعلي
گوم شوف حسيـن إبنك بالـبواتر ينولي
يجود بَنفاسه الأخيرة ياعلي وينظر إلي
وزينب تشوفه وتنادي من عگبكم ياهو لِي
حَمزَتا وا جَعفرا
وا محمد نادت
صاحَت بوَنّـة شِجيّة ودَمع سچّاب .
ـــــــــــــــــــــــــــــــــــــــــــــــــــ
وچَنهه من يوگع إبنها ٱتصيح وين أهل الشيَم
بَس جثث عالغبرة تنظر ما بُگت يَمهه زلم
وسِمعَت النسوان تِصرخ نار شَبّت بالخيم
شبچَت العشرة وتونّ ٱعلَلاطفال وعَالحرم
حَزّوا ٱرگاب الزلم
وبالـرماح انشالت
والنساوين ٱنسبَت لديار الأجناب .
ـــــــــــــــــــــــــــــــــــــــــــــــــــــ
بقلم الاستاذ / ستار عذاب الحچامي .
قصيدة بلسان حال الرباب أم الرضيع الذبيح ،،،،،،
ـــــــــــــــــــــــــــــــــــــــــــــــ
يَوَردة وصِرِت بالطفوف اصغر ضَحِيّة
منيــــــن الدّهر جاب إلك سَهم المِنيّة
گلّي شتِنفَعِ اللّو
يا نـايِــــم دِلِلّو
منين الدّهر جاب إلك سَهم المِنيّة .
ــــــــــــــــــــــــــــــــــــــــــــــــــــــــ
چنت احسّب تِكبر انته
يبنِي وتلِمني بكُبُرتي
تعَوّض أمّك يا حبيبي
وتِمسَح بإيدك دَمِعتِي
ترَجّع ارباتي ودلالي
وسهري المذبّل وَجِنتِي
تعَوّض گلبي راحة
وِتضَمّد جراحَه
طَشّــر حِلمنه الوكِـــت بالغاضِريّة
منين الدّهر جاب إلك سَهم المِنيّة
ـــــــــــــــــــــــــــــــــــــــــــــــــــــــــ
مِن وصلنه لوادي موتَك
وِتعَمِت بيّة ظنوني
أنظر لوَجهَك يغالي
المِثله ما شافَت عيوني
طِفلِي ظامي وريجه ناشف
شگد صِحِت ما يسمعوني .
ما صارت گبلهه
ولا تِحصل مثلهه
ظامــي ويذبحونك علــــوج أميّة
منين الدّهر جاب إلك سَهم المِنيّة
ـــــــــــــــــــــــــــــــــــــــــــــــــــــــــــــ
الدنيا صارت ظلمة يبني
مِن أبوك بحضنه شالَك
گال إصِبري بلكي يزگوه
والصّخَر ناح علحاَك
شِفتَه يِهمِس يبني بِذنَك
وعَينه تتمايز جمالَك
طاحت دمعة العين
رغماً عنّه الحسين
عيــونه تِگِلّك يبــــويَه آنه شبديّة
منين الدّهر جاب إلك سَهم المِنيّة
ـــــــــــــــــــــــــــــــــــــــــــــــــــــــــ
گلبي يِعلم وانه أدري
حانَت الساعة الرهيبَة
جمرة چبدَك يُمّه صاير
من العطش يِسعَر لَهيبه
مَنحَرَك ناصِع بَياضَه
چن بَدُر گرّب مَغيبَه
سَهم الصابك منين
وِنتَه بحِجر الحسين
أنطيهه لَك يبني روحــــي هَديّة
منين الدّهر جاب إلك سَهم المِنيّة
ـــــــــــــــــــــــــــــــــــــــــــــــــــــــ
رِحلِتَك صوب المُعسكر
يبني شو صارت طويلة
حسين اشوفه يمشي مِحدِب
بس كِتِر خِدر العقيلة
گالو ٱختَه مِن وُصَلهه
بالدّمة دَمعَه يِسيلَه
هاچ اوليدي منحور
ظامي وگلبه مجمور
مـــــا ريدن أمه تشــــوفه خطيّة
منين الدّهر جاب إلك سَهم المِنيّة
ـــــــــــــــــــــــــــــــــــــــــــــــــــــــــــ
أردنشدك عن شعورك
يا سَهَم حين الذبَحته
ما كِسَر خاطر ضميرَك
بهالفعل شنهو الربحته
شنهو ردّك بالقيامة
خصمَك الهادي الجِرَحته
عَنك بيهه ينگال
يا ذبّاح الاطفال
وَي حرمَــلة تنحشُر باچـــر سُويّة
منين الدّهر جاب إلك سَهم المِنيّة
ـــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي .
قصيدة بلسان حال السيدة رُقيّة بنت الإمام الحُسين عليه السلام ،،،،، مِن قصائد الشّور .
ـــــــــــــــــــــــــــــــــــــــــــــــــــــــــــــــ
كِلشِي شِفتَه
عَميَة رَيت ولا أشوفَن
كِلشِي شِفتَه
والله عَين الدّنيا صَلفَة
بكِل جَرِح تُرمُقنِي نَظرَة
نَظرَة بَس ما بِيهَة رَحمَة
والگلُب بِالدّمعَة أصَبرَه
ـــــــــــــــــــــــــــــــــــــــــــ
سَكتَة أبچي
لِلرّضَا السكتَة علامَة
كِلشِي مِن رَبّي رِضَيتَه
صَح زِغيرَة علَلمُصَايِب
ويا ذَنِب آنه الجِنِيتَه ؟
سَكتَة أبچي
وَردَة ذَبّلنِي زِمانِي
چَنّي في سِنّ الكُهولَة
رَاسي مِن شَيباتِي أبيَض
وأسمَع بطارِي الطّفولة
ـــــــــــــــــــــــــــــــــــــــــــــــــــــــــــــــ
يا رُقَيّة
هَاتِف ويِهتِف بِذَانِي
مِن طِلَعنه امنِ المدينة
إنتي مِن هَسة يَتِيمَة
گوّي گلبِچ يَالحَنِينَة
يا رُقَيّة
وِستِغِلّي هَالمَسافَة
مِن هَلِچ نَظرَات إشِبعِي
كِلهَه عَنّچ تِمشِي باچِر
وسِمّ المفارَگ إجِرعِي
ـــــــــــــــــــــــــــــــــــــــــــــــــــــــــــــــ
هَا يَباچِر
تِمشِي لَحظاتَه خَناجِر
بلا رَحَم تِطعَن دِلِيلِچ
ويَا دِليل المِثلَه عَانَى
باليِسُر يا هو اليِجِيلِچ
هَا يِباچِر
لاتِشوفِينَه ويِشوفِچ
رَيته لا يِطلَع صَباحَه
أمنياتِچ كِلهَه أظَنهَه
اتبَدّلَت خَوف ونِياحَة
ـــــــــــــــــــــــــــــــــــــــــــــــــــــــ
شِنهو بِيدِي
لو وِصَلتِ الغاضِرِيّة
ولِلهَضُم بانَت عَلايِم
كِل جِبَل تِگدَر تِهِدّه
شوغَة وَحدة منِ الفِواطِم
شِنهو بِيدِي
مِن يِذبحون الشّبِيبَة
جاسم أويَ الغالي الاكبَر
لو رِضيع بسِتّة أشهُر
حَرمَلة اليِذبَحلَه مَنحَر
ــــــــــــــــــــــــــــــــــــــــــــــــــــــــــ
والله حِيرَة
ما بُقَت بعيونِي دَمعة
منِ الرُّعُب تِرجِف إدَيّة
الچِنِت بِذيَالَه الوذَن
عالنّهَر طايِح رِمِيّة
والله حِيرَة
نَحر أبوي الچنتَ أشِمّة
ورِيحَة الجَنّة ابلِحِيتَه
دَوّرَيتَه ورِدت أشوفَه
بِيد إبن جَوشَن لِگيتَه
ــــــــــــــــــــــــــــــــــــــــــــــــــــــــ
يا العِفِتني
گِتلَه والوَنّة خِفِيّة
والدّمع مِنّي تِحَادَر
لِلزَمان الما رَحَمني
وحَالِي ما يكسِرلَه خاطِر
يا العِفِتني
ابنَيّة مَهضومَة وأخَافَن
إيدِي ما مَچتوفَة مَرّة
وغَيرِي لو شافَت أبوهَه
جِثتَه مَسلوبَة تِعِذرَه
ــــــــــــــــــــــــــــــــــــــــــــــــــــــــ
آنه أعِذرَك
والعِذُر مِنّك أقِبلَه
يالضلوعَك كسّروهَه
آنه أعِذرَك لو رُقَيتَك
وَيّه زينب أسّروهَه
آنه أعِذرَك
بَس يَبابَا اسياط أميّة
مِن يِطِيحَن چَن حُوافِر
زورِگَن ظَهرِي وضِلوعِي
وتِهمِل ادموم النواظِر
ــــــــــــــــــــــــــــــــــــــــــــــــــــــــــ
لا يَبابَا
باليِسُر مَحّد رَحَمنَه
بالسّباب وبالشّتيمَة
گالَوا ٱعلينَه خوارِج
ونَظرَةِ الشامِت ألِيمَة
لا يَبابَا
بالخَرابة الگعدَة تِقهَر
وقَدّمَوا نَحرك إليّة
چانَت آخِر لحظة أشوفَك
وشَبگِتَك شَبگة مِنِيّة
وشَبگِتَك شَبگة مِنِيّة
وشَبگِتَك شَبگة مِنِيّة .
ـــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي.
قصيدة بلسان حال السيدة رقية عليها السلام ،،،،،،،
يا بويه اول لحظة بمأساتي
من عفنه الدار آنه وخيّاتي
وأنظر للمعلولة بدمعاتي
حسيت بالفرگة
ونّيت وبحرگة
صبراً .... صبراً روحي .
ـــــــــــــــــــــــــــــــــــــــــــــــــــــــــــــ
حاطتني أحزاني
وشردت بيه افكاري
من سار الظعن
وتهدم بدموعي
ساتر جفني بنوحي
وضلوعي ٱنحنن
أونّ وأنحب بسكتة
رغم ما أهلي حاطوني
وگلت حال العليلة شلون
التصيح اوياكم اخذوني
عفناهه بغربة وكسرة خاطر
تتمنى الوالد يرجع باچر
وبلچن كل هذا طيف وعابر
بحزان منتظرة
وشجان مستعرة
صاحت ،،،، صبراً روحي .
ــــــــــــــــــــــــــــــــــــــــــــــــــــــــــــــ
صرت أشعر آجالي
يتمشن جدامي
يا گلبي ٱستِعِد
خاف انشوف موادَع
وحزن وهَم ومفراَگ
وعن أهلي ابتِعِد
يا گلبي ٱستعِد للظيم
حيّ عللصبر ياروح
علامات الكِدَر بانت
وباچر كل حلم مذبوح
مِن طبّت برض الطف ظعوني
أهلي وشافوني تغير لوني
يرقيّة اشمالچ ويسألوني
بسكتات إجوابي
وونات امصابي
أصرخ ،،،،،، صبراً روحي .
ـــــــــــــــــــــــــــــــــــــــــــــــــــــــــــــ
تعبانة وهمومي
وي نگلات اجدامي
وِتعِت بيّه عَت
چم لوعة وچم غصّة
وچم شوغة وچم موتة
بهالسفرة مِتِت
سِكنة اتعاين اعليه
جسمي ناحل وأرجف
تِگلي هذا المگدّر
صبراً يختي يرقيّة
خل نشبع آنه اوياچ موادع
ونتعوّذ مِن شَر هذا الطّالِع
گلبي يألمني ونبضه اتسارَع
بَعباري وأبچي
للباري وأشچي
باچر ،،،،، صبراً روحي .
ـــــــــــــــــــــــــــــــــــــــــــــــــــــــــــ
أتلَفّت بَكتاري
عيني تشوف احبابي
كِل واحد أمل
إخواني وعماتي
ونور عيوني حسيني
وعباس البطل
أشِم ريحة بُعُد وفراگ
أريد اشبع نظر منهم
ونخيت الباري بدموعي
يَرَب لا أبتعِد عنهم
عبدالله اخدوده ٱذبَلّت بالحَر
ظامي ويتلوى وثغره اتفطّر
مَيتة ولا شوفن هذا المنظر
عطشان وشسوه
ذبلان يتلوه
ظامي ،،،،،،، صبراً روحي .
ــــــــــــــــــــــــــــــــــــــــــــــــــــــــــ
يا حيرة كافلنه
تتحدث نظراته
بلسان الدمع
شيصبره وچن حنظل
صبره بهذا الموقف
لا ما ينجرع
طلب مِن سيده الرخصة
أريدن آخذ بثاري
يخوية الشاطي ناداني
وتسعر بالگلب ناري
واعَدت العيلة ازگيهه بجودي
لازم يا خويه أوفي اوعودي
مَيهِم لو گطعوا مِني ٱزنودي
صَدّالي بنظره
بيا حال أنتظره
عَمّي ،،،،،،، صبراً روحي .
ــــــــــــــــــــــــــــــــــــــــــــــــــــــــــ
ما أگدر أنساهه
ذيچ الليلة إبّالي
مرسومة بألم
مخنوگة وبصوتي
ونّات المهضومة
خاين يا حِلِم
مو هذا الذي شفته
كلهه اطيوفي وردية
أبد ما حَسّبت أصبح
يتيمة وآنه عِلويّة
يا ريت العاشِر لا هَل صُبحه
شلون انظر چتل احسين وذبحه
وتِسحگ بضلوعه الخيل الوكحة
منحور جدامي
مسلوب وظامي
بالطّف ،،،،،،، صبراً روحي .
ــــــــــــــــــــــــــــــــــــــــــــــــــــــــــــــ
أنساهه وأذكرهه
ذيچ اللحظة البيهه
بالبَر هايمة
چتفوني وي زينب
بحبال ويسبوني
وبحَر وظِمه
يبويه وعمتي زينب
أعاين مِن يشتموهه
لونّك يمهه لو عباس
ما گدروا يضربوهه
آخر لحظاتي اوياك أتذكّر
مِن جابوا طشت وشايل مَنحَر
خليته بحجري وگلبي اتفطّر
صاحوا مَيلوهه
ماتت شيلوهه
فاضت ،،،،،، صبراً روحي .
ــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
قصيدة بعنوان : نداء جبريل .
مِن قصائد المُلَمّـــــــــع
ــــــــــــــــــــــــــــــــــــــــــــــــــــــــــ
نــادَى جبريــلٌ في الطّفِّ
ذَبحوا الدّينَ بحَدّ السّيفِ
هَل هذا سِبطُ المختارِ
أَمْ شِـبلُ عَلِـــيّ الكرّارِ ؟
ـــــــــــــــــــــــــــــــــــــــــــــــــــــ
إرتِفَع صــــوت بنـهارِ العاشِر بعاشـــور
ودَعَى تقوم القيامة وچَن نُفَخ بالصور
تجازون النبي الهادي بفعل منكور
وضّح كل حقدكم وَظهر المسـتور
كتبتوله بمكاتيب الخيانة اسطور
وأقفــل تاركــاً بيتَ الله المــعمور
خَرَج مُصلح لا ظالم ولا مغـرور
أشوفنّه غريب بهالأرض مغـدور
يا شَرَّ وبِئسَ الأقـــوامِ
لَستُم مِن أهلِ الإسلامِ
أنتم فوقَ جُرُفٍ هارِ
أنتم فوقَ جُرُفٍ هارِ
ـــــــــــــــــــــــــــــــــــــــــــــــــــــــ
تعرفونه إبن حيدر أخو المختار
وأحـــاديث التأكّــد طاعة الكرار
تغشّيتوا الثيــاب بدافع الإنــكار
تِعِبدون الدّراهِم صرتوا والدينار
الندم ما يشفــعلكم لا ولا الأعذار
خذلتوا العترة صِرتوا للطليق أنصار
خسرتوا الآخرة والدنيا يا أشرار
عبيــــد لآل أمية زمــــرة الفجّار
أصبَحتُم للخــالقِ خَصمَا
أكثرتُم في الأرضِ الظُّلمَا
والنارُ جزاءُ الفُجّارِ
والنارُ جزاءُ الفُجّارِ
ـــــــــــــــــــــــــــــــــــــــــــــــــــــــــــ
وصل للغـــــاضرية بأهله ونصـاره
حُسين الكوكب ومِن حوله أقماره
قرآن ونطق وانكرتوا أسراره
يجنبكم عذاب الخالق وناره
أشوفنه عليكم يهمل أعباره
إمام وآثَرِ الموتة على عَارَه
شِبعتـوا ٱمن الحرام وهــاذي آثاره
وهِجم جيش الطغاة بنبله وشباره
وأراهُ بالسيف يَكِـرُّ
وشَراذِمُكُم مِنهُ تَفِرُّ
هَل هذا سَيفُ الفَقّارِ
هَل هذا سَيفُ الفَقّارِ ؟
ــــــــــــــــــــــــــــــــــــــــــــــــــــــ
أبد ما شاهدت مثله أبِيّ الضّيم
يعينونه يقينه وصَبره والتسليم
منــو ايقـــدّم مُهُـــجته للذبح تقديم
وعضيده المنهشم راسه بعَمَد تهشيم
ومنو الروحه على طفله الرضيع تهيم
رِمـَـه دَمّــــه ويِكـــــلّم خــــالقه تكليم
مواقــــف صعبة يعـــجَز حـــاير التقييم
حسين وكل حرف بِسمه ٱستَحَق تفخيم
بِحُسينٍ عُرِفَ الإصرارُ
وَتَكامَــــلَ فيهِ الإيثـارُ
وحُسينٌ كَهفُ الأحرارِ
وحُسينٌ كَهفُ الأحرارِ
ــــــــــــــــــــــــــــــــــــــــــــــــــــــــ
شِفتَه من وگع عالغــبرة متـوذّر
وشِيبه من دماءه الطاهرة أحمر
نِزَل شِمر المِنايا وسَيفه يِلمَع شَر
وزينب مِن تِشـوفَه يگطّع المنحر
رِدَت بجناحي أطشرهم وطُرهُم طَر
مِنَعــــني مـــا أراده الخــــالق وقَـدّر
ويظل عاري على الغبرة بهذاك الحَر
وراســـه عللرمـح ينشــال ابن حيدر
وَيُرَتّلُ تِــلكَ الآيـــــاتِ
والوَجهُ دَمِيُّ الوَجنَاتِ
يَبغي مَرضاةَ الجَبّارِ
يَبغي مرضاةَ الجَبّارِ
ــــــــــــــــــــــــــــــــــــــــــــــــــــــ
وعگب چَتلِ السبط جَرّدتوا ٱهدومه
تماديتوا وإجيتوا بخصلة مذمومة
ٱنكدر وجه السما ودَم مطرت غيومه
وعلامـات الحــزن عالغبرة مرسومة
وبنات المصطفى تسبوهه مهضومة
والٱطفــال بظــماهه تلــوب مالومة
على أم الصبر دمعاتي مسجومة
مثلهه ما شفت مفجوعة مظلومة
وبناتُ المُخـــتارِ سَبــــايا
والآل على الأرض ضَحايا
والخُلدُ جزاءُ الأبرارِ
والخُلدُ جزاءُ الأبرارِ
ـــــــــــــــــــــــــــــــــــــــــــــــــــــــ
الاستاذ ، ستار عذاب الحچامي .
#دعم_مؤسسة_منبريون_الحسينية_رقم1
#ملاحظة الدعم 3 ساعات وينمسح من القناة ذمة
للاشتراك بالدعم @ahmed_alziwar0
┅┅┅┅ـ🌸🕊🕊๘✿ৡ┅┈┈
1/الشاعر زيد الفحام/7k
@zaidzai
2/قصائد وألحان منبريه 7k
@Amabeha5533
3/فضائل امير المؤمنين 6k
@FAL_AMEER
4/الشاعرة تبارك العفراوي
@vckvdjdjf
5/قصائد زنجيل 3k
@zngel1441
6/الشاعرة أسيرة الأحزان 3k
@gddaogt
7/مدرسة الزهراء(ع)لتعليم الخطابه3k
@WWWasela33
8/ام ابيها لنشر القصائد 3k
@noorAlhseenn
9/خطباء المنبر الحسيني 3k
@manbarhoysayne1
10/الشاعرة ام علي الساعدي3k
@tteef
11/تعليم خطابة ولطم3k
@WWWasela33
12/الشاعر امجد الشطري 3k
@oydgh
13/الرادود مسلم المطيري1k
@sheia
14/لاحياة بلا حسين لنشر القصائد2k
@asaadshaker
15/في رحاب الحسين لنشر القصائد/2k
@Alphadli
16/الشاعر لقمان البدران /2k
@lukmanbdran1970
17/الشاعر أحمد الخفاجي2k
@jzlaf
18/بستان الألحان الحسينية لنشر 2k
@alaa66klf
19/الشاعر خالد ألبديري /2k
@khaledALBoudare
20/الُحُانَ الرادود علي الشاوي 2k
@agfjklou
21/اشعار وقصائد حسينية2k
@hseana
22/الشاعر سيد زيد الفحام للمواليد 2k
@zaidzai11
23/آلّشآعرهً آلــــّ؏ــلّويِـــــه آلّمٌوسويِــــۿ2k
@alweyaamosaweyarrrr2626
24/شاعرات الطف 2k
@ya_katealkafen
25/لشاعره ام ياسين الساعدي 2k
@yasminmkhgh
26/تعليم مقامات والاطوار الحسينيه2K
@sueiirit
27/الشاعرة أم رائد /2k
@fhgfhjvd
28/الشاعرة ام احمد البصراوية 2k
@raehinah
29/الشاعرة رغد البهادلي 2k
@Ragadalbhadley
30/الشاعر احمد الخفاجي2k
@jzlaf
31/الشاعر فالح العامري
@falehalameri
32/الشاعر حيدر عيسى البديري /1k
@haederh
33/
34/الشاعر زين لعابدين العيساوي 1k
@ZainIssawi
35/ديوان الإمام المهدي عج 1k
@kairallahhlfi
36/الشاعر كرار اللامي1k
@krrllmy313
37/الشاعر ناجي ابو كيان الصالحي 2k
@qwertyuuip
38/الشاعر سيد رياض الرسل الجابري 1k
@alral1961
39/الشاعر السيد احمد الميالي1k
@Ahmedalmaialy
40/الشاعر علي محسن الفرطوسي1k
@AliAlFartusi
41/الشاعر حسن لعيبي الحريشاوي1k
@a3lei
42/ قمر الحسين 1k
@kmrrr
43/الشاعر عماد محمد الدراجي
@Emad_Al_Daraji
44/الشاعر سيد فليح الموسوي1k
@AbuhassanAlmusawi2007
45/الشاعرة بنت الاشتر 1k
@drgasa
46/الشاعرة ام زهراء الكعبي 1k
@sharayTAhelAlbeat
47/الشاعره ذكرى الخفاف1k
@zikrakhaffaf
48/الشآعـرهَ سُهـيِله حـسـيـِن 1k
@moohamd1963
49/الشاعر سيد حامد النعيمي 1k
@sayedhamid9
50/ألحان الرادود مصطفى الكربلائي 1k
@mllemustafa
51/ قناة الشاعرة صديقة الهلالي 1k
@hsvni
52/قصائد عاشور (عذاب السبي)1k
@amjoodx001
53/اشعار وقصائد حسينية2k
@hseana
54/الشاعر مجيد عبد الرضا القريشي1k
@MajeedAlquraishi
55/الشاعره الحسينية طيف الساعدي 1k
@tteef
56/الشاعرة ازهار جبار الجياشي
@xcrhyhvfewfhjkbqhj
57/خادمة السيدة رقية بنت الحسين ع
@ssrgk
58/الشاعرة ام حيدر الحمزة الطائي1k
@aseel1278
59/الشاعرة العلوية ام كنان الهاشمي1k
@yazaynae
60/الشاعره ام صادق المنصوري
@HOWEIY
61/الشاعر جعفر الطائي1k
@ggggyyyii
62/القصاید المکتوبه للرادودين حسن الصالحي و محمد الجنابي 1k
@alradodeinpoems
63/الناشر غيث اللامي 1k
@geath1995
64/الشاعر عزيز الفيصلي1k
@azizalfesli
65/قصائد اهات اللعليلة ع
@dgegrh
66/
67/القران الكريم من النجف1k
@tilaawtmenalngf
68/الشاعر ميرزا محمد الساعدي1k
@MullaMohammadAlsaedy
79/ الحان ابو ادم
@hyuiooppp0
80/الشاعرة ام امنه
@omamenai2016
81/قناة خاص النعي
@ashaghalhossein4
82/الناشر مهدي الكعبي
@mehdialkabii
الشاعرة ام عدنان سياحي
@ALMOLAUEOMADNAN
للاشتراك في ليسته
القنوات الدينية الملتزمة فقط
1k فما فوق
التواصل مع الناشــر احمــد الــزوار
@Ahmed_alziwar0
مؤسسة منبريون لنشر القصائد المنبرية
/channel/ahmed_alziwar2
هـــا يــخـويـه
حسن وين اندار حاير كلهه رادت روحي مني
هـــا يــخـويـه
وحده باقي ماكو اخوته موش حلوه انگال عني
كـاض گلـبـي ومـاكـو نــاصـر
وحسين اتـريــده الـعـســاكر
طـايـح الــعـبــاس عــزتـــك
يـا چــبـيــر حـسـيـن حـايــر
الحـگ اعله حسـين بـعد شـويه راح
مـاي واتـشـربه الـضـمايه ويستبـاح
وصوت اعله ام عون خيـچ ذاكه طاح
حسن واليوجع العين
غريب ايطيح الحسين
===========================
الـحـگ حـسيـن
موش گلبـك انه خـويه راح هـسه ايطـيـح گلبك
الـحـگ حـسيـن
كسر ضهري موت الاكبر حسن من ضيمي اتعبك
يا بـخـيـت الله اعـله بـخـتـك
حـسـن تـلـحگ ضـهـري رتك
صـوتـي لـو مـا طـلـع خـويـه
گـول مــاتـت زيـنـب اخـتـك
اشـبقـالي وضـهـري رايـدله عـضـيد
مـوش زيـنه انگـالت ابوجهي الوحيد
فـزعه مـنك عـالخـيم الحـگـلـي اريد
التغثني موش عطشان؟؟
هـاذه الـما الـه اخوان
===========================
مـــالـي نـــاصـر
اتلفت اعله انصاري موته وموته هم كل الهواشم
مـــالـي نـــاصـر
حسن لا گال الله اطيحن گـول طلـعن هـالفواطم
الـمـا حـسبـتلـهه اعـله جـيه
يـا غــريـب انــگــالــت الـيـه
حــســن والـكـلـش هـظـمني
صــاحـوو اتـيــتـمّـت رقــيــه
ابطولي واكف كلبـي يـم ابني الـرضيع
خــاف اروحــن والــدللول الــتضـيع
هــنــانه وادم مــن حــلال الله تـبيـع
حسن واشعدي ما موت
الـ عبد لو ما طلع صوت
===========================
الــهــم اخــذنـي
وانه بين اخيامي ذني وبين موتي اكبالي واكف
الــهــم اخــذنـي
حسن عافت كلبي كلهه وانته هم لحسين عايف
حالـي شـوفه شـصـار تــدري
اعلـيك واهـلي انحــنه ضهري
اخـتـنگــت وهــسـه اريــدك
هــوه تــدخل حـسن صـدري
مـخـتـنـگ مـنـك اريــدن خــويه راي
ارجـع اعــله الخـيمه لـو دورن گـفاي
عاطش اعله الـيـكـفل ام عـون ابوراي
متخوفني الاسهام
الاتخوفني الاخيام
===========================
راح اطـــيـحــن
وراح كلشي ايصـير بيه وحـيلـي مـن الـوجـع يرگد
راح اطـــيـحــن
العمره ما كاعد مضايف خويه هسه بصدري يكعد
مـنـهو يــبـقه ابمـوتـي لهـلي
بــهاذه ضيــمي خـويه كتـلك
اعلــيك شـيـبـي هــسه ردلي
خــويه حـگ الخـوه اريـدك لـيه حيل
تفـزع اعله الـظال وحـده وهـنه خيل
العشره تـدري ابروحي كلش هالتعيل
اشبيدي وراح اكلك
شويه وتطلع اهلك
===========================
سجاد ابراهيم الكعبي
ابموتي اتموت اهلك
حسن والتهضم اتضل
زينب تصعد التل
خويه وحسينك تره بعاذه العذاب
راح اطــيــــحــن
كلهه صاحت خويه اسمع هاذه وحده ازلمه باقي
راح اطــيــــحــن
ومثـل خيـمة روحـي زينـب اعله زيـنب احـتراقي
اعــلــه قـدر الله انــه راضــي
وعـالخـــيل لا مــانــي راضـي
اتــريــد حــيلــي وانه حــيلي
حـسـن يــا خــويــه گــاضـي
اشــتريـد الحــيل هــوه اشباقي حيل
وهـنه شــوو اثــگال كلــش ذني خيل
امعـصــبات ومــا يــعرفن شنهو ليل
حسن لو هل مماتي
يفــزعـن كل خواتي
===========================
سجاد ابراهيم الكعبي
#قصائد_محرم
#الليله_الرابعه_مولاتي_ام_البنين_عليها_السلام
العين تربي عالضعن
ريع الكلب عني مشه
يمدري بجفوني دمع
يمدري عيني مغوشه
ياروحي الكل ارحلو
ياروحي المن عايشه
طر الصحاري ياتعب المهد
وصيتي صيرو الزينب سند.
فيو عليها من حر الشمس
باجر تضل خيمها بلا وتد
يلرحتو الديرة الغرب
طريتو صوبين الكلب
يسنين تعبي ورجوتي
لفراك يولادي صعب
__________
يحسين يمه من رحت
فتيت يبني مهجتي
كل مايطر فيه العصر
تكبر عليه مصيبتي
يبني العليله بعازتك
يادمعي غرك شيلتي
هديت حيلي يبني من رحت
كد مااناطر ضعنك سومرت
ضعنك عليه يبني من مشه
تاهت حياتي بالمشي عثرت
خليه داري ومضلمه
بدموعي تمسح فاطمه
تكلي يايمه الصبر
وانا ادري بيها مهشمه
__________
درب السلامه ياضعن.
معزتك تشبه النفس
أبالي تجبل كل مسه
اللمه وكعدت الامس.
ادريك يوليدي عطشت
لمك كلب كلش يحس
ضعن القداسه باجر ينسبي
من الشمس ترجع حمره العبي
لحسين ماكو باجر بس حرم
والحادي اليمشي بيهن اجنبي
زينب سوالفها نهر
ايديها بيدين الكمر
عن ديرتي لمن مشت
مكسوره ردت الضهر
_____________
العين ضلمه بلا ضوه
عن النضر من كوطرو
يبجي الكلب وكت المسه
أحبابه عنه تأخرو
ايدي عله خدي وانتضر
ليه الولد ماسيرو
جفو دليلي ياضي الصبح
وشلون اداوي بروح الجرح
ماي وتبده شيلمه الضعن
لحسين باجر رأسه عالرمح
باجر حرمنه بلا وطن
باجر ركض يتعثرن
لو بيهن تعيل العده
بناتك بيمن ينتخن..
__________
✍️هشام زياره المالكي
#قصائد_محرم
#محرم_الليله_الثالثه
لسان حال مولاتي العليله ع..عند خروج الضعن من المدينه
الليله دمع العين يجري الليله تكضي بس ونين
الليله عيني شلون تغفى وعنها رايح يالحنين
الديره وحشه بلا محنه وروحي عنها مغربين
الليل خلصته نحيب
منين ياطولك اجيب
الدنيا راوتني العجيب
عفتني ...الوحدي ليش معلعله
عفتني ...دمعتي عالخد سايله
عفتني ...وعليكم ياهو لسئله
________
الليله ون جروحي فركه ودمهن الليله يسيل
ضيعتني وكلشي غربه.وكوه بجفوني أشيل
ليه طيفك من يجيني يبدي يعتاب الرحيل
يمتى ليه يهب هواك
عميه عيني بلا ضواك
دمعتي لتسولف وراك
اصيحن...وجروح بيه كل كتر
اصيحن ..زغيره كلش عالهجر
اصيحن.. كلبي نكسر ماينجبر
________
روحي بيها الشوك لاله يمته ترجع ياضواي
لوني ضاع خلاف لونك.. ليه طولك جنه ماي
كلبي ينزف يالمشيتو. ياهوا الله وياهواي
دمعي مايهده ويريح
بأبا وينك بس أصيح
بالمشي أعثر وطيح
يكلبي .. بلاهم الهوا يشح
يكلبي .رايح ملاذك للذبح
يكلبي..زغيره وجبير الجرح
_______
امي تغفى شلون دوني تغمض العين وتنام
ياونته المغرب دليلي يشبه اونين االحمام
الكتله توصل بسلامه ومارجع ليه بسلام
عمري خلص بس ونين
ومفاركه عيون الحنين
وعني راحو مدري وين
دمعتي .. رادت خواتي المشن
دمعتي..ترسم صفاتك ياضعن
دمعتي ..وجفني ودليلي شيبن
_____
✍️هشام زياره المالكي
#قصائد_محرم
#الليله_الاولى
#لضعن_مولاي_الحسين_ع
مجبل علينه ضعن الحباب
محله الروايه بالهواء الهاب
لكبر جماله يضوي الليل
كد الخجل ماشال النكاب.
يحسين بضعونك هله
من المدينه الكربله..
بعيونك ايلمني العشك
روحي بغلاك مدلله
طولك نهر ومسير الوادم ضمه.
كلبك جماله ماشبه بس فاطمه
يلمجبل بضعنك هله حد النفس
حزن ومدامع روحي ليك مغيمه
_
الشوگ تارس روحي هواي
هله بضعنك يبوي ومولاي
درب الصحاري يتعب الحيل
أخذ ضلعي لبناتك افياي
جردني يافي الامل
بجنونك العقل كمل
بدموعي الحب نكتب
حي على خير العمل
انت الحنانك فيه ليه من زغر
لعيونك افني كل حياتي ولعمر
هاي الخلك حبها يروح وينتهي.
بيه نطبع حب الضعن چوية جمر
_____
جرحي وهيامي ممشه لضعون
خضره الجفافي الفوك المتون
موته وحيانه جدمك يحسين
صحوة ضمير وفزز الكون
فزز ضمير أمن الوهم
يانبضه بكلوب الخدم
يالمجبل بضعنك هله
انت اليحبك ماندم...
كلب اليحب كون بغرامك ينصلب
مو عينه تبجيلك دمع كون الكلب
العنده مثلك عطره تارس ريته
هذا بحياته بالعشك ماينغلب
___
عطر المحنه بضعنك يفوح
كلش حنين وتارس الروح.
لكن يبويه باجر هناك
الكوفه تترس كلبك جروح
ودو رسايلهم جذب
لاعين تهوه ولا كلب
جا هوا كل عشك عشك
مابيهم الصدكي اليحب.
ياجرحي انت ومايشبهك ياجرح
دين الله روحك ونرفع فوك الرمح
بس الهضيمه ولتحز هرش الكلب
ضعن مرنه شحلاته يرجع منذبح
___
✍️هشام زياره المالكي