7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
وفاة مولاتي زينب عليها السلام وكأني بها تنتظر لحظات الموت بفرح لتلتقي بامها الزهراء وترتاح من الدنيا ومصائبها واحزانها ... لسان حال ....
وزن المجرشه
ياعيني كافي من الدمع
الاجل حان الليله
ابرد يگلبي المنوجع
العمر شد ارحيله
مشتاگه يايمه شكثر
بس هالمسيه من العمر
والعمر شد ارحيله
.....
.....
حَضريلي لجروحي دوه
توجعني حيل جروحي
لو جيتچ ونگعد سوه
سمعي شتخبرچ روحي
لحگيلي تعبني الزمن
اخذيني يمه وروحي
لميت كل دمعي وجبت
اطوار وني ونوحي
حته انعي بيهن بالگبر
بس هالمسيه من العمر
تعودت كلما فز جرح
ليليه آنه انعيله
العمر شد ارحيله
.....
.....
استعجل يموتي شعطّلك
اتهنه اريد بنومي
لومتت مااريد الچفن
چفني هذني هدومي
بيهن جمر باب وخيم
كل ذكريات همومي
خليني ارد لم الحسن
وتشوف هاي ارسومي
امشي بعباتي ام الجمر
بس هالمسيه من العمر
ظميت دخان الخيم
لمي ارد اودي الشيله
والعمر شد ارحيله
.....
.....
آثار الحبال البقت
لُمّي امشي وادّاويهن
وجروح ال ابمتني غفن
من اوصلچ شديهن
وچويات البکبر الخيم
مدري شكثر عديهن
يايمه كلهن من اجي
الحيدر علي وديهن
لبنيته خل يبچي شكثر
بس هالمسيه من العمر
زينب بعد ماسولِفت
ضيم وهظم گليله
والعمر شد ارحيله
.....
.....
نصبيلي ماتم يم حسن
وانعيلي يامسبيه
ميته آنه من يوم الشمر
يركض وره العلويه
من يوم عالتل اوگفت
والخيل غارت ليّه
من يوم ماظلن خيم
والجيش دار اعليه
ياويلي من سوط الشمر
بس هالمسيه من العمر
ناديت وينك يالگمر
العدو جانه بخيله
والعمر شد ارحيله
.....
.....
خلصت معاناتي ورحت
من دنيتي وماساها
لاچنّي غربة كربله
يايمه ماانساها
ماانسه نبلة حرمله
والفاجعة السواها
ام الرضيع الفرفحت
وسوط الشمر واساها
جابو الهزله من الفجر
بس هالمسيه من العمر
يالوعه من سار الضعن
الرمله ورباب وليله
والعمر شد ارحيله
.....
.....
ام محمد الحجاج
هوسات للامام الكاضم عليه السلام
خل ننصب عراضه وبيها كولات
عله المــسمـوم كـضاي الكلافات
ضل مشمور ابن جعفر حسافات
ماحضروا // الكاضم اهله
❥ــــــــ☆ــــــــ●ــــــــ☆ــــــــ❥
خـــل نلطم لــطم يهدم الحيل
دمــوع لجـــعفريه خـلها تسيل
حماميل اربـــعه ولنعشه تشيل
ماحضرو اهله// لتشييعه
❥ــــــــ☆ــــــــ●ــــــــ☆ــــــــ❥
نون الـيوم كلنه عله مسموم
من لمه هله واحبابه محروم
من السم گضه وجبده مالوم
يسمووونه //جا ليش اعده
❥ــــــــ☆ــــــــ●ــــــــ☆ــــــــ❥
#لطلب لحاجه
من موسئ ابن جعفر ع
بأسمه ماتضل كل حاجه متعسره
نخيته وگلـــبي من الهضم جمره
ميردني الكضه بالسجن كل عمره
يگضيها // معروف الكاظم
❥ــــــــ☆ــــــــ●ــــــــ☆ــــــــ❥
يبن جعفر اجيتك والگلب ممرود
لحاجاتي اعرفك حاضر وموجود
ترد الي نخــــــــاك لبيته مسعود
تعاين جـــيتك // لحوالي
❥ــــــــ☆ــــــــ●ــــــــ☆ــــــــ❥
من جفك اريــد امراد تنطـــــيني
اطــــلب مـــنك الـلــيله تشافيني
كفوو مـنك شهم وانت التعافيني
تشافيها // علة دلالي
❥ــــــــ☆ــــــــ●ــــــــ☆ــــــــ❥
تمت بتوفيق الله واهل البيت عليهم السلام
بــقـــلـ✍️ــم المله والشاعره غدير الحساني
قصيده للامام الكاضم ع لسان ابنته معصومه
(لحن يايوم اشوف اعتابك)
يل جرحي ينزف منك
باعدني سجــنك عنـك
مشتاگه احضنك يابويه...... مشتاگه احضنك
مابيه اگطـــع ضنك
روحي تحن لحضنك
مشتاگه احضنك يابويه .....مشتاگه احضنك
تدريني احننن // وعيوني يعمن
❥❥❥❥ـــــــــــــ❁❁ـــــــــــــ❥❥❥❥
ملتني البـــواجي بــويه انه ردلي
يمعصومه ابــوج اوياج بس كلي
فركتك عذبتــني ياااا بــعد اهلي
افياي انته اريدك تبــگئ يا ضلي
كافيك من الفرگه
بنتك تحن للملگـه
حنت تشمك يابويه حنت تشمك
توجعها هسه الشهگه
وجرت گلبها. الحرگه
حنت تشمك يابويه حنت تشمك
شلون اضلن //وعيوني يعمن
❥❥❥❥ـــــــــــــ❁❁ـــــــــــــ❥❥❥❥
علة بنص گــــــلب خلف سجن هارون
عشت محرومة منك يالمتت مسجون
بيه اعـــداك يالجافي تــــره يجرحون
وين الي زمطــــــتي بـــزوده ايكولون
عذبني بعدك عني
حته الصور ملني
كد ماشوفك يابويه كد ماشوفك
لتخيبه يا ضني
جني غريبه جني
كد ماشوفك يابويه كد ماشوفك
ضلن يهلن //وعيوني يعمن
❥❥❥❥ـــــــــــــ❁❁ـــــــــــــ❥❥❥❥
يشمعة بيـــتي ردلي حـته لو بس يوم
مابيــــــــــــه لفركــتك يالمتت مسموم
يناضر عيني من شوفك صبح محروم
گلبي بروحــــــــــتك اه يالولي ملجوم
ذابحني فكدك تدري
يالشوفتك هي عمري
مابيه اعوفك يابويه مابيه اعوفك
ياهوة اليطفي جمري
مكتوب افارگ قدري
مابيه اعوفك يابويه مابيه اعوفك
لاوين اصدن//وعيوني يعمن
❥❥❥❥ـــــــــــــ❁❁ـــــــــــــ❥❥❥❥
لا وين اشتگي اهموم الگلب بعدك
وانـــــــته اتراب تارس يالابو خدك
جبير اعليه ما احمل صعب فـــكدك
نمت بتراب يالروحي صــفت عندك
يالروحي تبجي بهمها
ااااااه الوجع ساهمها
مشتاگه اضمك يابويه مشتاگه اضمك
بنتك زمن هاضمها
بالفرگة هي ضالمها
مشتاگه اضمك يابويه مشتاگه اضمك
بالونه علن//وعيوني يعمن
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
فزاعيه للسيدة زينب ع{العلوية تون}🔥
العلوية تون گـوم الحگ اعليها
بعازة يالگمـــــــــــر لا لا تخليها
❥❥❥❥ـــــــــــــ❁❁ـــــــــــــ❥❥❥❥
ياكـــــــفالها گــــوم الحگ اعليها
الحگ شوف زينب شنو الماذيها
ماهـــــــــــود دمعها ولا نواعيها
معتازه// جفك يالكافل
❥❥❥❥ـــــــــــــ❁❁ـــــــــــــ❥❥❥❥
معتازه تجـــــيها تـزت الجـنازه
حكه يالگــــلب عالعتب يتوازه
راد اليوم يحضه بشوفة اعزازه
تخليها // عباس شلون
❥❥❥❥ـــــــــــــ❁❁ـــــــــــــ❥❥❥❥
ياعباس زيــنب ضلت بحيره
تگول شعطلك يا منبع الغيره
حارت يا وجهه المـــن اديره
تعبانه // صاحتلك وينك
❥❥❥❥ـــــــــــــ❁❁ـــــــــــــ❥❥❥❥
تعبانه العــــقيله تريـدك الليله
من ادموم اه يالمـدمع تسـيله
بعد مابيه احمل يالاخو الميله
حاجيني // عباس ادخيلك
❥❥❥❥ـــــــــــــ❁❁ـــــــــــــ❥❥❥❥
ادخيلك لا تضل ساكت يعباسي
لفت ليه المنيه نكطعت انفاسي
عجب تنساني ماضنك انه ناسي
تنساني // ماصدگ تغفه
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
قصيدة للسيدة زينب ع{مهضومه العقيله}
مهضومه العقيله اليوم
ياعباس مهضومه
❥❥❥❥ـــــــــــــ❁❁ـــــــــــــ❥❥❥❥
مهضومه وتــجــر ونه
ولا گطعتها يالــــضنه
تريدك اه يالـــمـجــنه
لتخــــلـيها مالـــومــه
❥❥❥❥ـــــــــــــ❁❁ـــــــــــــ❥❥❥❥
لتخـــليها بالحــــسره
ياعباس وبــــــــعبره
نعشها يالاخو حضره
اترك يالاخو النــومه
❥❥❥❥ـــــــــــــ❁❁ـــــــــــــ❥❥❥❥
عوف الــــنوم يالجافي
ليش اعله الترب غافي
نورك من وكت طــافي
وسفه ساكن الحــومه
❥❥❥❥ـــــــــــــ❁❁ـــــــــــــ❥❥❥❥
سكنت الكـــاع ياهضمه
وگلب اختك بجي سهمه
عــطرك رايــــــدة تشمه
منك ليش مـــحـــرومه
❥❥❥❥ـــــــــــــ❁❁ـــــــــــــ❥❥❥❥
انحرمت ليش من عندك
وانتـــــــه عالترب خدك
اتـــرك يابـــــــطل لحدك
العقيله اليوم مهــــمومه
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
نعي
السيده زينب ع اتخاطب العباس ع
نـايـم عـلـيـك النـاس شـتـگـول
وركضن خـواتـك بـين الخيـول
اگـعـد يـوارث فـحـل الـفـحـول
هـز رايـتك وبـحـومـتـك صـول
عدوانك مبـغـظه ومـوش اجـاويـد
تـسـبـي الـحــرم وخـيـامهه أتـريـد
صــول بـــعــزم ونـهـض يـصـنـيـد
يـالـسيـفـك يـذل الـزلــم ويـصـيـد
جـسـرو علـينـه وطـگـوا أمـتـون
وبـيـن الـعــده شـافـتـه الــعيـون
خـويـه انسبـينه ونـايــم شـلـون
يـامـن چـنـت بـالـحـرب طاعـون
*---------------*---------------*
✍خـادم الـحسيـن ع
الشاعر رعد الجريخي
جرح زينب ع
حنين واعرف بطبعك ترف مثل الورد وكثر
أجيتك والدموع اتسيل عَلّي گوه بجدم يعثر
ردت يحسين اشوفنك بين الجثث گمت افتر
چبيره اتيّه الحومه وصحت وينك يبو الاكبر
منك ماسمعت اجواب بس عطرك شبه عنبر
بعباتي ردت افيّلك صعب ياذيك خويه الحر
تل أسهام صديتك وجسد فوگ الثره مطشر
حيره اشلون المنّك وانه بنص عده وعسكر
عميه اخيولهم چانت وركض ركضت على المنحر
سوونك وصل بالگاع وبقه بس صدرك محفر
*--------------------*--------------*
✍بقلم خادم الحسين ع
الشاعر رعد الجريخي💔
(نعي) مفجع
هـلـي الـچـانـوا علمهم بـالـسـمـه راف
ومـا يـرضـون مـنـي الـخـدر يـنـشـاف
جـيـت وزلـم مصفـوفـه ألـي أصـفـاف
وهـيـبــه الـضــعـن عـبـاس بـي حــاف
وبـاجـي أخـوتي الچنهـم ذهـب صـاف
زلــم نــعـمَ الـزلــم حـلـويـن الاوصـاف
ويـن ألـيـوث هـاشــم ويــن الاشــراف
عـــدهــم عِــلــم بــيـّـه الــعــدو طـاف
وتــصــعــب عــلــيّــه وخــاف لا خـاف
امـشـي بـسـبـي فـوگ الـهـزل وعـجاف
وشـامـت تـصـد عـيـنـه أعـلـه الچـتـاف
وطــول بـطـول بـيـدي الـحبـل يـلـتـاف
*---------------*---------------*
✍خادم السيده زينب ع
الشاعر رعد الـجـريـخـي
نعي مفجع
السيده زينب تخاطب العباس ع
بـاچــر يـخـويـه خـايـفــه اهـواي
جـيـش الــعـده يـوصـل ثـنـايـاي
احـزام الـظـهــر يالـبـيـك رجـواي
انــتــه الـسـتــر عـبـاس وفّـيــاي
مــنــك اريــدن عــهــد يالـحـيـد
بـاچــر عَـلـي مـاتـبـعــد ابــعـيـد
تدري بـخـصـمـنـه موش اجاويـد
نـار الـزچـيـه ابـخيـمـتـي اتـعـيـد
مـحــد يـصـلـنـي كـون مـوجـود
ومـحـد يـدوس الـهـاي لـحــدود
بـيـك الـخـدر والأمــل مـعـگــود
مـثــل الـعـلــگ ونـشــد بلـزنــود
*---------------*---------------*
✍خادم السيده زينب (ع)
الشاعر رعد الجريخي
ابوذيات لِوَفَاة سَبْع الدُّجَيْل سَلَامُ اللَّهِ عَلَيْهِ
گلبي مِنْ زَمَانِي شكثر بيهم
وين أَهْل الْحَمِيَّة طبِع بيهم
دَلَّالِي بِطَبِيب الْعِلَل بيهام
رَحَل سَبْع الدُّجَيْل ابْن الْحَمِيَّة
★★★★★
عَجَّل بِالرَّحِيل الگمر مَنْهَل
و الْهَادِي عَلَى لَحْده ترَاب مَنْهَل
دَمْعٌ چتال يعْمِي الْعَيْن مَنْهَل
دُفِن سَبْع الدُّجَيْل ابْن الزچيه
★★★★
لبوجعفر تَهَاوَى الصَّخْر وَنَهَار
وَعَلَيْه ناحب الهادي لَيْل وَنَهَارٍ
لَوْن صَبّ الدُّمُوع بِحور وَنَهَار
بگلبه النَّار ماتطفه سَرِيّة
الشَّاعِر حَسَنٌ لعيبي الحريشاوي
لوفاة سيد محمد سبع الدجيل
بن الامام علي الهادي عليه السلام
( ميمر )
سبع الدجيل بفرگاه عايش الهادي ابحسره
★★★★★
عين الوفه صوب الدرب مشبوحه
الهادي يناطر ماتهيد اجروحه
لاحته اسهام المايظنها تلوحه
أسهام الفراگ الچتال نيران تچوي ابصدره
★★★★★
دار الاهل ظلت حزينه وظلمه
نور وجمال الگمر چان ورسمه
روح الامام العسكري وأبن امه
وعم الامام المهيوب بلهفه الخلگ تنتظره
★★★★★
الحافظ كتاب الخالق ومظمونه
عالي القدر والوادم ايعرفونه
حته العده ماگدروا ينكرونه
وارث علوم الاطهار لوعَنَّه رايد تقره
★★★★★
يامنزله المحد گدر يوصلها
من الهادي وابنه العسكري حَصَّلَهَا
روحه القدر ياحيف مَاأَجْلَّها
البيها علوم واسرار أسرار وعلوم العتره
★★★★★
موضع كرامات شكثر مشهوده
معروفه هيه مسجله وموجوده
سيد محمد لوتريد شهوده
اگصد ضريحه ونخاه لمن تطب بالحظره
الشاعر حسن لعيبي الحريشاوي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
اسرار و خفایا من اهل البیت (ع)
🌹 @ssoammar
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
قصيدة( نزله ) إلى الامام علي الهادي ع .. 1444.هج..
يامسموم * ياعلي الهادي
يامظلوم * ياعلي الهادي
..................................................
نرفع بهاي التعازي المهدويه
نحيي هل الليله عزاك بهلمسيه
نواسي داحي الباب والزهره الزجيه
شيعه نبقه عالعهد وانتو الهويه
يامسموم **** ياعلي الهادي
يامظلوم **** ياعلي الهادي
...................................................
الليله سامره تون حسرة المها
توشحت كلها الم تبجي حزنها
رايتك مرفوعه تبقه كل زمنها
غصبن اعله العادتك تشهد خصمها
يامسموم **** ياعلي الهادي
يامظلوم **** ياعلي الهادي
...............................................
المعتمد سمك يمام الرافضيه
وانفجع كلب الموالي بهل الرزيه
ابد ماننساك لليوم المنيه
تشهد اعليه دمعتي وجف اديه
يامسموم **** ياعلي الهادي
يامظلوم **** ياعلي الهادي
................................................
الليله من كل صوب تتعنه الغياره
جتك اتواسيك تحييها الزياره
ماترد محتاج ياباب الحياره
الهادي انت بالكرم مفتوح داره
يامسموم *** ياعلي الهادي
يامظلوم *** ياعلي الهادي
.................................................
اخر ايامك بجيت لهل المصيبه
لجدك المذبوح والجثه السليبه
شكد صحت مولاي زينب ياغريبه
نارك ابوسط الكلب تبقه لهيبه
يامسموم *** ياعلي الهادي
يامظلوم *** ياعلي الهادي
.................................................
غايب النه ننتظر احنه نريده
شوكت اكحل ناضري والزمها ايده
يا الاهي بالحسين وبا الصميده
والعجل مولاي اخرها القصيده
يامسموم *** ياعلي الهادي
يامظلوم *** ياعلي الهادي
................................................
الخادم ..... ابو فدك الشامي
قصيدة لطم( استشهاد الامام علي الهادي ع...) .. 1444. هج..
(صوت الهادي )
صوت للهادي اعتله
يروي قصة كربله
للمصيبه * للمصيبه
.........................................
يروي قصته بالدمع
يهد حيله يا وضع
كربله احزان ...... ماكو وليان
يروي لصحابه اشجره
بعقيلة حيدره
حرك الاخيام ..... لوعة ايتام
كل دموعه نازله
يروي قصة كربله
للمصيبه * للمصيبه
.........................................
صار رادود الطفوف
حالته بأصعب ضروف
عينه متنام ..... يقره ايام
بالسجن شاف المحن
ما رحم بي الزمن
دموعه ترتيل ..... بهدوة الليل
صعبه ليفارك هله
يروي قصة كربله
للمصيبه * للمصيبه
........................................
يقره مقتل كربله
والجره بالعايله
صاح بحساس ..... ايا عباس
بحافر حسين انسحك
بحسرته هو اختنك
يصيح ويلاه ...... وا حسيناه
يامصيبة مقتله
يروي قصة كربله
للمصيبه * للمصيبه
.......................................
كل اهل بيت النبي
تنعه لحزان السبي
يامصايب ....... عالحبايب
من علي لاخر علي
حزن ماظن ينجلي
باقي ناره ...... ليوم ثاره
هل فجيعه مواصله
يروي قصة كربله
للمصيبه * للمصيبه
.........................................
شوكت يانور الامل
تاخذ بثار الاهل
بأنتظارك ........ يمته ثارك
من علي وجدك علي
صوت واحد يعتلي
يابو صالح ........ صوت جارح
بالفرج تدعي اله
يروي قصة كربله
للمصيبه * للمصيبه
..........................................
الخادم ... ابو فدك الشامي
____
نزله شور
هذا الشام اختكم دولباها
بسبيهه ولخرايب ذكراها
دمعتي تطيح ياهو النشفاها
غريبه جنازتي محد وراها
اديرن وين بعيوني
غريبه ومن خطف لوني
عدوان اليشيعوني
وجروحي نزف دمها
ياضيم السده عليه
ويصيحولي مسبيه
هذا عمري تاليه
ياروحي وألامها
عجيب ولا واحد بجت عينه
غريب خدري وهودجي وينه
٠٠٠٠ ٠٠ ٠٠٠٠
من حزني يخوتي شيب الليل
الهسه بالي صدر حسين والخيل
من ذاك السبي ماظل بعد حيل
انازع والدموع عله الخد تسيل
احتظر محد ينگط ماي
من كثر المصايب هاي
مشيب رمش عيناي
واصرخ ياهضيمه
اصبر والصبر وينه
ماشوفن ابو سكينه
مشتاكه النضر عينه
اتمنه يجينه
اموت بفراگه الف موته
الشام عله زينب من طلع صوته
٠٠٠٠ ٠٠ ٠٠٠٠
الخواني شكثر كاتلني الشوك
ارد اشكيلهم من طبت السوك
عله حالي يبجن النسوان والنوگ
اخت عباس مارحمتني الحلوگ
ام عون بغرب تالي
بموتي ارتاح حسبالي
ابد ماجانت أبالي
يصحولي غريبه
شيب گلبي مو راسي
و اجرن كوه بنفاسي
يتيمه بلايه عباسي
بعد ياهو اليجيبه
راح لليوم انتضر جيته
يعود بعدهي اخيته ناطرته
٠٠٠٠ ٠٠ ٠٠٠٠
ولا طارش اوديه ويكلكم
اتلحكون وتشوفون اختكم
اتغمضون عين مدللتكم
تعوفوني وانه الماعفتكم
تشيل اجنازتي الغربه
وانه ام الخدر صعبه
ولاواحد يحن گلبه
وادم كله اجانب
طريج الشام اخذحيلي
بالونه گضه لليلي
بس دموعي تشكيلي
من ذيج الخرايب
ليش ولاواحد حضرموتي
حرام غربه تشيل تابوتي
٠٠٠٠ ٠٠ ٠٠٠٠
صرت بحلوكهم حجايه تنگال
اخت حسين هاي المالهه ارجال
شدوها الجنازه حيل بحبال
اختكم فوگ غربه امتون تنشال
يصيحون السبيه انتي
بديار الغرب متي
جم مره الگمر صحتي
يل محد اجالج
نزلت دمعتي بخدي
انه اخوان ماعندي
ولاواحد حفر الحدي
يروحي هذا حالج
حرامات نعشي الوادم اتشيله
حسافات ترابي الشامت ايهيله
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
قصيدة للامام الكاضم ع{عندك بنية}يخاطب الامام الحسين ع يذكر رقية وحميدة بنت مسلم ع
عندك بنـــية لجن راحت سبيه
وانه عندي بنيه مالحگت عليه
ينگطن امحنه البنات
فراگهن هــوة الممات
عندك بنية ........لجن راحت سبية
❥❥❥❥ـــــــــــــ❁❁ـــــــــــــ❥❥❥❥
يالبنية حنينة وتحب شوف ابوها
ولو رحل والــــيها بعدة ايلوعوها
والدليل ارقيه مســـــــبية خذوها
بس عفتها هيه انسبت
بالفراگ ااااااااااااتلوعت
عندك بنية ........لجن راحت سبية
❥❥❥❥ـــــــــــــ❁❁ـــــــــــــ❥❥❥❥
بالفراگ اتلوعــــــــــت حتئ حميدة
لان عافـــــاها ومشه العمه الصميدة
ضلت تون عنها يااااااالكوفة بـعيدة
ترفه وتحن للرحل
والجفه لا مو سهل
عندك بنية ........لجن راحت سبية
❥❥❥❥ـــــــــــــ❁❁ـــــــــــــ❥❥❥❥
وانه اااااه يمصيبتي واااه ياكسرتي
اجت بس مالحگت وسفــــات بـنتي
جاي اسولفلك جرح عــضم محنتي
تعذبن كلهن سويه
وانه مالحكت عليه
عندك بنية ........لجن راحت سبية
❥❥❥❥ـــــــــــــ❁❁ـــــــــــــ❥❥❥❥
يابنات ال الرســــــول تعذبن اهواي
بزغر سنهن فگدن الجان الهن افياي
اليوم اريد انصب عزيه بيها مبجاي
للبنات الي مشن
ولي عيناهن عمن
عندك بنية ........لجن راحت سبية
❥❥❥❥ـــــــــــــ❁❁ـــــــــــــ❥❥❥❥
من يــرف كلـــب البنيه وتبدي تعتاز
مر يالاحساس التحسه مامش اعزاز
تريد ابوهـــــا ويــن ابوها ابيد جناز
ماخذة لصوب الكبر
االله ينطيها الصــبر
عندك بنية ........لجن راحت سبية
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
قصيده ثقيله للاب
اهدي ثوابها الئ الامام الكاضم عليه السلام وابنته معصومه عليها السلام
هـيــبه الابــو لبــنـيــــته وتـجــيـه
مـــــن يمشي بــعد مـــــاكـو حميه
❥ــــــــ☆ــــــــ●ــــــــ☆ــــــــ❥
من يمـــشي بعـــد تشبــــع مــذله
فــراگ الابــــو ياگــلــــب اليحمله
الكـــون بـــكــــبره ميعوض محله
بــفـــراگ الابـــو نــــاري ســـــريه
❥ــــــــ☆ــــــــ●ــــــــ☆ــــــــ❥
يـــمر بــــيه الـــعـسر واذكر حنانه
يجرحني مــــن اشـــــوفنه مجانه
هضيــمـــه ابــــســاع فرگنه زمانه
تمنـــــيته يمـــر لــــــو لحضه اليه
❥ــــــــ☆ــــــــ●ــــــــ☆ــــــــ❥
تمنــــيته يـــــــمر ليــــه واحضنه
واكـــــــله ياهـــــله يابـــعد اهلنه
عگـــــبك بـــــويه ابد ماكو محنه
گلـــي يـــلولي انجـان الك جــيه
❥ــــــــ☆ــــــــ●ــــــــ☆ــــــــ❥
گـــــــــــلي انجان الك نيه تجيني
شوصف بويه الك شوكي وحنيني
شحلاتك مــن تجــــي يابعد عيني
اعـــــــتازك تجــــــي وتـنشد عليه
❥ــــــــ☆ــــــــ●ــــــــ☆ــــــــ❥
عــــازات الابــــــــــو محد يسدها
وناااتــــي تـــضـــل للـموت حدها
روحي مــن وكــــت حـمل سندها
تــــضل تنــــعـي اله صبح ومسيه
❥ــــــــ☆ــــــــ●ــــــــ☆ــــــــ❥
تمت بتوفيق الله واهل البيت عليهم السلام
بــقـــلـ✍️ــم المله والشاعره غدير الحساني
اسألكم الدعاء
قصيده لسان حال سيدة زينب ع اخر لحضات لها تتكلم ع ما مرت به حتئ وافاها الاجل
صوره ماتنمحي من بالي وخيالي
طيحت العباس وي ذبحــة الغالي
من شفت مذبوحي
احس طلعت روحي
صوره ماتنمحي من بالي وخيالي
❥❥❥❥ـــــــــــــ❁❁ـــــــــــــ❥❥❥❥
هاي صوره مو مثل باقي التصاوير
بيها ذبحه غالي فر جن فرت الطير
واخت حارت باليتامة بعينهـــا ادير
بيها جف بيها رمح
رجف الحيل الذبح
صوره ماتنمحي من بالي وخيالي
❥❥❥❥ـــــــــــــ❁❁ـــــــــــــ❥❥❥❥
صح عشت ياناس من بعد الجفوني
بس وحگهــــــــم الف موته موتوني
شكـــــد عتب وديت ليهم ضيعوني
ميته زينب من زمان
بيوم جافاها الامان
صوره ماتنمحي من بالي وخيالي
❥❥❥❥ـــــــــــــ❁❁ـــــــــــــ❥❥❥❥
بيوم جافاها الكفلها ماتت ام عون
غاب ياوسفه الامان وزرگه المتون
بعينها شافتهم براســـــه يگطعون
شفت اهات ومحن
اهواي عذبني الزمن
صوره ماتنمحي من بالي وخيالي
❥❥❥❥ـــــــــــــ❁❁ـــــــــــــ❥❥❥❥
ماجوني وضيعوني حته بالموت
شعجب قبلوا انه اموت بگلب مفتوت
شكد صحت يخواني ماجاباهم الصوت
باخر الحضه الي
ردت واحد من هلي
صوره ماتنمحي من بالي وخيالي
❥❥❥❥ـــــــــــــ❁❁ـــــــــــــ❥❥❥❥
باخر الحضات اليه بوحشة حسيت
يجي واحد من هلي والله تمنيت
اخذ روحي يا الهي بصوت ناديت
ايست احد يجي
راح اضل اشبع بجي
صوره ماتنمحي من بالي وخيالي
❥❥❥❥ـــــــــــــ❁❁ـــــــــــــ❥❥❥❥
#للشاعره غدير الحساني
قصيده للسيده زينب ع{بغربه بالشام}
بغربه بالشام يـخويه بغربه بالشام
زينب تــــنام حريمه زينــــب تنام
گبري يــــــــمك رايدته
وينه بالله الكافل اخته
بغربه بالشام يـخويه بغربه بالشام
❥❥❥❥ـــــــــــــ❁❁ـــــــــــــ❥❥❥❥
وينه بالله الكفل خدري كلي يحسين
مثلك ومثــــــله احصل خويه امنين
طشرانه من وكــــت غـــــدار هالبين
وصل موعدها المنيه
حنو يخواني علــــيه
بغربه بالشام يـخويه بغربه بالشام
❥❥❥❥ـــــــــــــ❁❁ـــــــــــــ❥❥❥❥
حنو يخــــواني عليه ادليلي محتام
رايده بالــــدفنة ارفــــــع بيكم الهام
يمي اخوتي هالاجـــو اصرخ يضلام
ابد ميعوفوني وحدي
يزتونــــي لحد لحدي
بغربه بالشام يـخويه بغربه بالشام
❥❥❥❥ـــــــــــــ❁❁ـــــــــــــ❥❥❥❥
يزتوني وحدي اضـلن هاي هيهات
عندي عباس انه اسمه ابو الكلفات
مايهمه الدرب كافل راعـي صعبات
الصعب كلش مايهمه
اليوم يلفيني واشمه
بغربه بالشام يـخويه بغربه بالشام
❥❥❥❥ـــــــــــــ❁❁ـــــــــــــ❥❥❥❥
اليوم يلفيني الكــفلني يصـــيح زينب
افراگ وجهج يالاخيه اعلــــيه يصعب
يحضن التابوت حضــــنه بيها ينحب
ينحب برفــــع الجنازه
وانه احن والعازه عازه
بغربه بالشام يـخويه بغربه بالشام
❥❥❥❥ـــــــــــــ❁❁ـــــــــــــ❥❥❥❥
اهواي احن والعازه تذبح بيه الغروب
احمل الفرگه يوكـــــتي كلي جندوب
فارگت انه اغله ناسي واغله محبوب
فارگتلي اعزاز كلفه
اوجوهم ياوكت ترفه
بغربه بالشام يـخويه بغربه بالشام
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
نخوّه لـ السيد محمد سبع الدجيل
ابن الإمام الهادي عليهما السلام توافق
ذكرى وفاته ٢٩ جمادى الآخرة ٢٥٢ هــ
*نخوه يا مولاي يا سبع الدجيل*
يـالـذي لـمـصــابـه نـاح الـعـسكـري
اطـلـبـك مولاي تـجــبــر خــاطـري
امن الهظم مولاي مكسـور اظـهـري
*وانتَ عارف بالهـظـم امـره ثقيل*
سـيدي انخـاك جـيــت بــدمـعـتـي
حاجـتـي والله عـنـدك حــاجــتـي
دنـيــتـي صارت مـظـلـمـه دنــتــي
*والوسيله انتَ الى الباري الجليل*
كم مريـض اسـنـيـن بفراشه طريح
كل قسمـنـا بجاه جـدك هـالـذبـيـح
والفرج بـسمك لـنـا نـلـهـج نصـيـح
*يالولي شـافـي لـنـا وداوي العليل*
نخوه بــاللـي ركـبــوهــا عـالـهــزل
والـيـتـامى الـقـيدوهـم بــالـحـبــل
كم موالي يـريد من عـنـدك طـفــل
*يسر قلبه وخاطره ويشفي الغليل*
نخوه يـا مـولاي يـبـن الطـاهـريــن
للسجين انصيح جـيـنـا سـائـلـيــن
حاشا يـا مولاي نـرجــع خـائـبـيــن
*حاشا نرجع والله يا حامي الدخيل*
كل موالـي والله تــجـري دمــعـتـه
بالحسين ايصـيح وابحق ذبـحـتـه
هاللي من بعده سـبـوهـا نــسـوتـه
*ركبت الهزّل بـلا محامي و كـفيل*
تمت بحمد لله ومنه
في 1440/6/27 هـ
*لخادم اهل البيت عليهم السلام*
*المُلا محمد سامي المرعي* الأحسائي
نعي
زينب اتودع ابا الفضل ((ع)) مفجع
ما اگعدك يالنمت بالعافيه
جيتك اركض للوداع وحافيه
افراگك شلون بغربتي اتحملهه
والله لوبيدي اموت بكربله
هاي ما جتني وحسبت احسابهه
زينبك شمر الیگود ارچابهه
تدري باختگ ماتغمظ عيونهه
وناگتي شفت العده ايحضرونهه
مو هذيچ الناگه والهودج تره
ما تلوگ الهاي تصعدهه مره
باچر اتسوي العده اليحلالهه
واختك اتشوف الشماته اخيالهه
عمت عين المشرعه وجروفهه
الخلت ازنودك تطيح اچفوفهه
هاي قسمه امفصله ومقسومه
انسبي ونايم تضل بالحومه
انت لو موجود ما واحد دنه
ولا تشوف العين خيمه امدخّنه
خويه مجبوره اودعك رايحه
ماتت احلامي وقريت الفاتحه
✍بقلم خادم الحسين ع
الشاعر رعد الچريخي
نعي مفجع
السيده زينب بعد رجوعها من السبي
تشكو الى ابا الفضل العباس ( ع)
كـلــهــه هـزيـلــه وتـضـلـع الـنـوگ
وحـادي الأخذنـه بـيـهـن ايـسـوگ
فــوگ الأگـولـه الـمـنـظــر ايـفـوگ
يـوم الـوكـفّـنـه ابـوسطت الـسـوگ
وگــمــنــه انـتـردد بـيـن الـحـلــوگ
حـتـى الـطـفـل بـحـبـال مـشـبـوگ
اگــعــد يـخـويــه تـطلـب احـگـوگ
نـــوم الــتــرب مــا ٱظـنـن ايـلــوگ
ادري الـچـفـوف الـطـاحـت اتـعـوگ
عـنــدك سـبـي وصـيــوان مـحـروگ
*---------------*---------------*
✍خادم زينب (ع)
الشاعر رعد الجريخي
نعي مفجع
يازينب
مـوش هوه الـيـبـره الضعينه مـوش هوه
ايروح فدوه الطاري الكفلني ايروح فدوه
لـلـشـام نـوّه بــيّــه ابـيـســر لـلـشـام نـوّه
ومشيت گـوه عـفـتِ الگـمـر ومشيت گوه
طـيّـب الـخـوه ضـل عالنهر طـيّـب الخوه
والـنـوح يسـوه راح الشهم والنـوح يسوه
مـايـنـفـع أدّوه غير البچي مـاينـفـع أدّوه
گلبي تـچـوّه عـگـب الأخـو گـلـبـي تچوّه
والـكلـه نـخـوه راعي العَلم والـكلـه نخوه
بچفوفه سـوه أروع مــثـل بچفوفه سوه
*-------------------------*------------------*
✍خادم زينب ((ع))
الشاعر رعد الجريخي
لوفاة سيد محمد بن الامام علي الهادي سبع الدجيل رضوان الله عليه (ميمر )
سبع الدجيل اتعناه. لمحمد ابن الهادي
★★★★★
عنده كرامات شكثر موصوفه
كلها فخر بين الخلگ. معروفه
بفيض الكرم والجود تنطي اچفوفه
عونه الگصد ليه وراح. وبِسمه الشريف ينادي
★★★★★
اگصد لبو جعفر وانحب يمه
واشكيله همك وابچي لوعة همه
تزول المحن من خاطرك والظلمه
ابغرة شبابه المهيوب. الموت غَرَّب حادي
★★★★★
من والده طِيْب وعبير ونسمه
تقوى وعبادات وشجاعة وحكمه
ذاك الْرُبَه بحظن المجد. والعصمه
ياجاهي مابين اثنين. بضل دنيتي وميعادي
★★★★★
لوعذَّبَك جور الزمان وجاسك
والناس صارت هلوكت موناسك
والدنيا مگصدها تِشيَّب راسك
اگصد الباب الحاجات. وخله اليعادي ايعادي
★★★★★
الهادي ظهره منكسر بغيابك
والعسكري شگ الهِدْم بمصابك
والشيعه عَنَّايَه تون ابابك
كل كتر لجلك مفجوع. حتى الجبل والوادي
★★★★★
عطر الإمامة بسيرتك يبرالك
التاريخ يشهد عن جميل أفعالك
المعلول والمهموم يروي افضالك
بفضلك تزول اللوعات . ويطيب شربي وزادي
★★★★★
ليك ابعذابي ودمعتي متعني
خادم الك يبن النبي تقبلني
بفيض الكرم يابوالكرم تشملني
ياگاضي حاجات الناس. اتعنيت اريد امرادي
الشاعر حسن لعيبي الحريشاوي
هوسات تأبينية لوفاة سبع الدجيل
بن الإمام علي الهادي عليه السلام
اخو معصوم ابوجعفر وابن معصوم
وعم معصوم شامخ للشدد مظموم
اشعجلها المنيه على الدار . اتحوم
(ايصبر الله الهادي على اغيابه )
★★★★★
ياعالم حليم وشاكر وزاهد
حكيم وصابر ويا ذاكر وساجد
يلصبرك على كل ظالم وحاقد
(چن صبر أيوب ولوعاته )
★★★★★
يازود وكرامه ومنطق وحكمه
يلي مرتوي من منبع. العصمه
حسدوك على فيض العلم والنعمه
(عدوانك عدوان الهادي )
★★★★★
اسنين الدنيا ناحت على اثلاثينك
بالفراگ وعذابه خلصت اسنينك
على حمل الموادع ربك ايعينك
(بفراگك مهظوم الهادي )
★★★★★
ياباب الكرم يلي تگصده الناس
واهله للكرم بالأرض دگوا ساس
الگاصد لبوجعفر گاصد العباس
(عباس ابجوده ومعروفه )
ألشاعر حسن لعيبي الحريشاوي
لاتضل مهموم ودموعك تسيل
وتنظر ابلوعه اذا وكتك يميل
وينگلب لون الصبح بالدنيا ليل
وراحتك للدوم تصبح مستحيل
ولوتزيد العلل والدنيا تعيل
بلوعه شخصك لوتضل حاير عليل
وضَيَّعاك التظن بالحيره دليل
روح يم باب الفرج عنده دخيل
تنجلي الحسبات. يم سبع الدجيل
الشاعر حسن لعيبي الحريشاوي
قصيدة( استشهاد الامام علي الهادي ع)... 1444. هج..
( لمصاب ماناسينه )
كل عام ايمر بينه
لمصاب ما ناسينه
للهادي تجري العين
خدامك ما ناسين
لمصاب ماناسينه
.........................................
ياعلي الهادي بالكلب حسره وآه
هذا المصاب ابكل سنه ماننساه
ياسيدي المظلوم وا مسموماه
والمهدي هاليله بحزن نبجي وياه
نيران تسعر بينه
ونصيح يامهدينه
يالغايب حاضر وين
خدامك ما ناسين
لمصاب ماناسينه
..........................................
سامره هل ليله بحزن هم تنعاك
هاي المواكب والخدم تتعناك
انظل على هذا الدرب عاهدناك
شنقدم امقصرين نبقه احنه وياك
خدام احنه احبابك
هيهات ننسه مصابك
تشهد هايه الايدين
خدامك ما ناسين
لمصاب ماناسينه
.........................................
الله يلعن زمرة بني العباس
الناس الذي ماعدها ذرة احساس
المتوكل الظالم يسم اشرف ناس
شمس الله اتغيب ابسجون الارجاس
يردون تخفي الذكره
واليوم نمشي لقبره
بدمانه اموقعين
خدامك ما ناسين
لمصاب ماناسينه
.........................................
شكد جنت انت سيدي تنعه حسين
بالسجن وحدك تهمل ادموع العين
لخيام زينب تستعر ابنارين
ماتنسه جدك والجره بيه البين
تنعاه تقره المقتل
وشلون زينب عالتل
واحنه هم ننعه حسين
خدامك ما ناسين
لمصاب ماناسينه
.........................................
بهاي المجالس سيدي ادعينه
هاي الخدامه تبقه خيمه اعلينه
يشهد اعلينه حاضرنه وماضينه
شكرآ الك ياسيدي اموفقينه
انريد منكم نظره
ابجاه ظلع الزهره
انحلفك بالجفين
خدامك ما ناسين
لمصاب ماناسينه
.........................................
الخادم... ابو فدك الشامي
قصيدة لطم ( استشهاد الامام علي الهادي عليه السلام ) .. 1444.هج
عالهادي اتنوح كل الجعفريه
سامره هاليوم تنصبلك عزيه
وا ويلاه .. وا ويلاه .. عالمسموم
................................................
ياعلي الهادي مصابك هالمسيه
حضرت الليله العزه الزهره الزجيه
والله مشتاك لضريحك تدري بيه
عندي حاجه سيدي وتكضيها ليه
جيتك بالهموم رافعلك اديه
سامره هاليوم تنصبلك عزيه
وا ويلاه .. وا ويلاه .. عالمسموم
...............................................
بيا ذنب تالي العمر ظالم يسمك
تالي عمرك بالسجن ظالم يسجنك
الهادي انت والتقي معروف اسمك
برايتك طول الدهر ضل عالي مجدك
تتعنه زوار من كل البريه
سامره هاليوم تنصبلك عزيه
وا ويلاه .. وا ويلاه .. عالمسموم
................................................
المهدي الله يساعده يشوف المصيبه
طبع المفارك محب يبجي لحبيبه
تنحب بهذا المسه روحه الغريبه
مثل المضيع دوه يدور طبيبه
المهدي ياناس ينعه بهل رزيه
سامره هاليوم تنصبلك عزيه
وا ويلاه .. وا ويلاه .. عالمسموم
.................................................
آه يابو العسكري و بكل حياتك
عشت همك كربله وكَرب مماتك
تارك بعينك دمع و بذكرياتك
شيبك اتحنه بدمع صاير خضابك
ولحرك الخيام تنعه للسبيه
سامره هاليوم تنصبلك عزيه
وا ويلاه .. وا ويلاه .عالمسموم
.................................................
امصيبة الهادي تهون بدمعة العين
واعظم امصيبه علينه ياهي ومنين
بس مصيبة كربله امصيبة حسين
نضل ننحب للدهر ونزيد الاونين
قبلة شعائر بالغاضريه
سامره هاليوم تنصبلك عزيه
واويلاه .. واويلاه .. عالمسموم
................................................
الخادم..... ابو فدك الشامي
قصيدة( استشهاد الامام علي الهادي ع)... 1444. هج..
( لمصاب ماناسينه )
كل عام ايمر بينه
لمصاب ما ناسينه
للهادي تجري العين
خدامك ما ناسين
لمصاب ماناسينه
.........................................
ياعلي الهادي بالكلب حسره وآه
هذا المصاب ابكل سنه ماننساه
ياسيدي المظلوم وا مسموماه
والمهدي هاليله بحزن نبجي وياه
نيران تسعر بينه
ونصيح يامهدينه
يالغايب حاضر وين
خدامك ما ناسين
لمصاب ماناسينه
..........................................
سامره هل ليله بحزن هم تنعاك
هاي المواكب والخدم تتعناك
انظل على هذا الدرب عاهدناك
شنقدم امقصرين نبقه احنه وياك
خدام احنه احبابك
هيهات ننسه مصابك
تشهد هايه الايدين
خدامك ما ناسين
لمصاب ماناسينه
.........................................
الله يلعن زمرة بني العباس
الناس الذي ماعدها ذرة احساس
المتوكل الظالم يسم اشرف ناس
شمس الله اتغيب ابسجون الارجاس
يردون تخفي الذكره
واليوم نمشي لقبره
بدمانه اموقعين
خدامك ما ناسين
لمصاب ماناسينه
.........................................
شكد جنت انت سيدي تنعه حسين
بالسجن وحدك تهمل ادموع العين
لخيام زينب تستعر ابنارين
ماتنسه جدك والجره بيه البين
تنعاه تقره المقتل
وشلون زينب عالتل
واحنه هم ننعه حسين
خدامك ما ناسين
لمصاب ماناسينه
.........................................
بهاي المجالس سيدي ادعينه
هاي الخدامه تبقه خيمه اعلينه
يشهد اعلينه حاضرنه وماضينه
شكرآ الك ياسيدي اموفقينه
انريد منكم نظره
ابجاه ظلع الزهره
انحلفك بالجفين
خدامك ما ناسين
لمصاب ماناسينه
.........................................
الخادم... ابو فدك الشامي
قصيدة لرأس الحسين
موفوع رأسك عل الرمح
عيني تصدله ابحسره
وشلون أوصف حالتك
تخنكنـي خويه العبره
•───✧◐◐✧───•
عباس عفته اعله النهر ومشمرات اجفوفه
عاتبته من غصبن عليي وكال العرض مااعوفه
وشلون ترضاها أرد ويه الغرب مجتوفه
وبس روسكم تبره الضعن وعفت الجثث عالغبره
✍🏻ام عباس بغداد
•───✧◐◐✧───•
مرفوع راسك عالرمح وعينك تصد لعيالك
مابين محروك وضرب ومكطعات اوصالك
او تنظر لخيتك حايره مذهوله يم اطفالك
والمنظر يكطع الكلب والنار بي مستعره
✍🏻ام احمد ميسان
•───✧◐◐✧───•
وجهك يبو وجه السمح متغيرات الوانه
وياوكت راس ابن النبي متعلگ اعله الزانه
ومصبوغه من دم لحيته من رگبته الوجعانه
من الكفه نحره انگطع اه ياعزيز الزهره
✍🏻نورس الحلفي
•───✧◐◐✧───•
قرآن مرفوع برمح تنزف دمه يحروفه
كون الرسول ابهل الوضع يحظر حسين يشوفه
يابس عله اللحيه الدمه ومتربات ازلوفه
دم وترب فوك الوجهه ورسوم وجهه مغيره
✍🏻ام علي الامارة
•───✧◐◐✧───•
تمنيت يحضرنه النبي ويشوف حاله شلونه
متوسد اتراب الأرض ذبلانه حتى عيونه
جسمه طريح بكربله واحنه العده مشونه
والراس لعياله يصد والكلب بسعر جمره
✍🏻فاطمه الحسيني
•───✧◐◐✧───•
بااقلام شاعرات خيمة عزاء اهل البيت
غير مبري الذمه اليحذف اسماء الشاعرات وينسب الكلام له