1889
إن اللّٰه لا يكسِرُ قلبَ مَن توسل بالزَهراءِ 💔
تلزم ضلعها والألم. يعصر ضلعها
وعالحايط اتضل تنتجي. ويهمل دمعها
ساهر جفنها. وما يهده ونها
*
هاي الزهره وحالتها. بيها اشسوت دنيتها
يا محنتها ويا حيرتها. متعوبه اهواي
شيطفي النار البيها. اشكد الباب امذيها
اتكوم وتعثر والهم يكبر ومشدوه الراي
شتظن المكسور ضلعه يعرف النوم
جرحه ما يشفه بسهوله الكلبه ملجوم
تلگه دمع عيونه ينزف مثل الغيوم
البسمار متندم بقه. وينحب عله الصار
والنار خاطرها انكسر. من وصلت الدار
واشتد حزنها. ما يهده ونها
**
الفارك غالي ويتأمل. مثل الورده ايضل يذبل
تطلع روحه وتبدي جروحه. تكبر وياه
التشتاك بسرعه عيونه. ليش بساع يعوفونه
يسهر ليله. وينهد حيله. ويضوگ الاه
نار نمرود اشوه من نار البعيدين
ونعمله اعله الحلم ما فارگ العين
احنه صح عدلين لاكن عشنه ميتين
الودع عزيز بدنيته. لتظنه يرتاح
هذا اشوه مني طيحته. المن السمه طاح
دافع ثمنها. وما يهده ونها
****
ليش الزهره ايضلموها. وخلف الباب ايعصروها
والدم يجري. والكل يدري. بت المختار
محسن مات امن العصره. وكسروها اضلوع الزهره
اهواي اتأذت وتون ضلت من البسمار
بقوته ليش النذل يسطرها عالعين
والرفس باب النبي وگلها علي وين
وتشبه اضلوع الزجيه اضلوع الحسين
مجروح ابو اليمه ويون. ضل اعله مجروح
وحسين باجر ينسحك. وتشوفه مذبوح
اتنوح اعله ابنها. ما يهده ونها
*
يا ناس الفاگد امه. دمعه بيا عين ايظمه
من يذكرها. ايطلع صورها وللام يشتاگ
روحه تصير بحجرتها. وبالبيت ايشم ريحتها
يتعنه الها. ويمه ايگلها. مابيه افراگ
جلمت اليمه حنينه وتسوه كلشي
والضيع امه يضل بالگوه يمشي
يصيح مو بس راسي شيب حته رمشي
هنياله الي ايرد الهله وامه تلاگيه
والماتت امه بيا ضمد تكدر تداويه
شرد احجي عنها. ما يهده ونها
*
والفارگ اغله احبابه. جم يمته ادگ ابابه
وتكله ارجع نشف المدمع. لتروح بعيد
اليرسم عالكاع احلامه تمسحها اتضل ايامه
وليل اهمومه. وكت النومه. دمعات ايريد
هاي دنيه واليسافر يرجع اشلون
اكو وادم صار فرگاهم بالعيون
وحشه واعزاز الكلب ماظن يردون
ورده وعمرها اثمنطعش. تبجي العمرها
حيدر دفنها بالگبر. واخفه گبرها
ازرگ متنها. ما يهده ونها
**
تمت
تحسين الخفاجي
غريب القاسم وينتظر احبابه
ويريد من الأهل واحد يدگ بابه
:::::
يريد مـــــــن الأهل بلكت يشيعونه
يريـــــد اخوانه يمه تغمض اعيونه
يوصيهم وصيه وهــــــم يسمعونه
يسلمهم بديهم جملة اكتابه
:::::
گضه عمره غريب وتكتل الغربه
الما عنده اهل يم الغرب صعبه
تره اليشتاگ ما یگدر يكض گلبه
وي الشوگ عند القاسم طلابه
:::::
انت منين كـــــل الناس تتنشد
اذا سألو ينزل دمعه فوگ الخد
يالقاسم ويومــــك يبقه يجدد
گلبه اعله الاهل یا ناس عطابه
::::
جدي حسين انه الي انذبح عطشان
ثلث تيام ظـــل حسين عـــالتربان
بلا تغسيل ظل حسين لا دفان
فوگها الغریب مسلبه ثیابه
:::::
اجينالك مسير واحنه مشايه
كل واحد الك ظل شايل الرايه
غايتنه رضــــــاك وانت الغايه
والعاتب اكيدآ تسمع اعتابه
::::
علي جبار الكعبي
الفاتحه لوالدي
#الليالي #الفاطمية
. ........ بحر طويل.....
يون بعبره لهابه..
يطيل النوح بغيابه
ينادي المهدي كل ليله
آيالضلع ومصابه
.
.
غاب وعمره خمس سنين
وعلي عين العدى تبره
اشتضن المهدي وين يروح
ويگضّي كل وكت عمره
اكيد مخلص الايام
بواچي بعتبة الزهره
يطول النظره عالبسمار
ويحس بقوة العصره
.
يرتل النايبه بنوحه
اعله خده الدمعه مذبوحه
تشب بنبضته النيران
كلما صد على بابه
.
ــــــــــــــ ❁ ❁ ❁ ـــــــــــــــ
.
تخيل طعنة البسمار
ودمه من كل كترها يسيح
كامت تمشي محنيه
بخطوه وخطوه بيها تطيح
زورگ كل عظم منها
غدت ريشه بمهب الريح
الورم لمن وصل جفها
ضيع مفصل التسبيح
.
ترك بالكوثر آثاره
بيها شسوه زنجاره
صد المهدي صوب الطف
المصيبه تلهب اصوابه
.
ـــــــــــــ ❁ ❁ ❁ ـــــــــــــــ
فضه الشافت العصره
وتحس بالزهره تتوجع
تشوف البضعه مختنگه
النفس بالشهگه يتگطع
رادت بس تحرك الباب
لچن بسماره مايطلع
گامت فاطمه تدفعه
طلع بس بالضلع صدٌع
.
تلگاها بزغر سنها
وذابح يمها محسنها
على هالحال ابو صالح
دمعته بعينه سچابه
.
ـــــــــــــ ❁ ❁ ❁ ـــــــــــــــ
.
من يم عتبة الزهره
يصد المهدي يوميه
على حسين وعلى ضلوعه
الغدت ياويلي مدميه
حافر من سحگ صدره
خله اعضامه ملويه
وحافر يعثر ابجبده
وحافر ماخذ الريه
.
وحافر ياترى شيشلع
اذا من الظهر يطلع
ولي مزگتله أثياب
هم نحسبها سلابه
.
ـــــــــــــ ❁ ❁ ❁ ـــــــــــــــ
.
الزجيه السمعت الكسره
بضلعها ولا بشر سامع
وزينب ياترى شتسمع
وحافر رايح وراجع
بعد ماظل عظم سالم
بس دم بالجسد نابع
أخوها الماشرب گطره
سحگ بس عالترب شابع
.
يويلي بكل كتر نافذ
ومن لحمه شكثر ماخذ
نزيفه اعله الترب يجري
خضب كربله أخضابه
ــــــــــــــ ❁ ❁ ❁ ـــــــــــــــ
.
خبر يالمهدي أوردته
شل كل فكري واحساسه
بزياره الناحيه تذكر
حسين بآخر أنفاسه
تگول انسحكت اضلوعه
گبل لاينگطع راسه
يدير اعيونه لعياله
بعد كل حافر الداسه
.
حگها الدمعه من تدي
ومن ضلع الطهر تبدي
لأن من دفعة البسمار
الطف شرع انيابه
.
ملاحظة: وردت في زيارة الناحية المقدسة هذه العبارات..
فهويت الى الارضِ جريحاً
((تطأك الخيول بحوافرها))..
وتعلوك الطُّغَاةُ بِبَوَاتِرِها، قَدْ رَشَحَ لِلمَوْتِ جَبِيْنُكَ، واخْتَلَفَتَ بالاِنْقِبَاضِ والاِنْبِسَاطِ شِمَالُكَ وَيَمِينُكَ،
((تُدِيرُ طَرَفاً خَفِيّاً إلى رَحْلِكَ وَبَيْتِكَ))، وَقَدْ شُغِلْتَ بِنَفسِكَ عَنْ وُلْدِكَ وَأهَالِيكَ....
.
.
تمت بفضل ربي وعطاء اهل البيت
لاتنسوني ووالدي من فضل دعائكم المبارك
.
حسن الموالي الفاطمي
.
بغداد 2026/10/19
غريب القاسم وينتظر احبابه
ويريد من الأهل واحد يدگ بابه
:::::
يريد مـــــــن الأهل بلكت يشيعونه
يريـــــد اخوانه يمه تغمض اعيونه
يوصيهم وصيه وهــــــم يسمعونه
يسلمهم بديهم جملة اكتابه
:::::
گضه عمره غريب وتكتل الغربه
الما عنده اهل يم الغرب صعبه
تره اليشتاگ ما یگدر يكض گلبه
وي الشوگ عند القاسم طلابه
:::::
انت منين كـــــل الناس تتنشد
اذا سألو ينزل دمعه فوگ الخد
يالقاسم ويومــــك يبقه يجدد
گلبه اعله الاهل یا ناس عطابه
::::
جدي حسين انه الي انذبح عطشان
ثلث تيام ظـــل حسين عـــالتربان
بلا تغسيل ظل حسين لا دفان
فوگها الغریب مسلبه ثیابه
:::::
اجينالك مسير واحنه مشايه
كل واحد الك ظل شايل الرايه
غايتنه رضــــــاك وانت الغايه
والعاتب اكيدآ تسمع اعتابه
::::
علي جبار الكعبي
الفاتحه لوالدي
نعي الى مولاي قاسم الايمان والعطاء ع
إبن موسى ابن جعفر غاب صوته
وين اهله وعمامه وين اخوته
لاحظرو ابعرسه ولا ابموته
شنهي من مصيبه الله واكبر
ابحزن گضَّه حياته وماتهنَّه
يون من عِلِّته ويزداد وَنَّه
مهموم وهَلَه ابعيدين عَنَّه
وگلبه مِن مَرار الهَم تُوجَّر
ننصب ماتمه ونقره المصيبه
ونبچي الفاطمه ابنيته الغريبه
يتيمه والگلب شاجر لهيبه
مِشه ودَلاَّلهه الفگده تُفَطَّر
الله يساعد المكسوره الاضلوع
الزهره اليامصيبه تجري الادموع
گلبهه امن النوايب دوم مفجوع
وبركان الدمع منها ايتفَجَّر
تنادي الزهره يولادي البعيدين
دوم اجري عليكم دمعة العين
واهون كل مصيبه مصيبة حسين
والزينب انوح وأنحب اكثر
سيد علي الموسوي
السلام على الغريب أبن الغريب..
القاسم بن الكاظم إمامنا "سلام الله عليهما"
ياام البنين
يا ام البنين شلون اوصفها
الما مجهوله بالشده مواقفها
الكرم والغانمه والجود يعرفها
خذت من الوصي حيدر معارفها
عطاياها ابد ما فارگت چفها
وحب الذات ابد ما يوم والفها
اخذ منها الدهر غالين خالفها
منين الراحه بالدنيا تصادفها
الماتنسه مصايب كربله وطفها
الشاعر حسن لعيبي الحريشاوي
- السلام عليك يا قاسم العطاء❤"
#القاسم بن الكاظم
سجلوا عزائكم بنداء #ياقاسم 10مرات
واطلب مرادك من ابن الكاظم لقضاء الحوائج
يا أنيس البال مالي غيرك حال
دمعي من فرگاك يا إمامي سال
بخدمتك مجنون والخلگ يدرون
للگـبه مـولاي مـنتظـره الـعيـون
عبدك يهل دمعة
والحسرة البصدرة
يا سيدي دربك هوه دواا
يم مشهدك خليني
لا تبتعد عن عيني
يا من ضمن لي روحي
اسمك اصل تكويني
يا انيس النفوس يا غريباً بطوس
....................................
يا انيس الشوك همي صاير طوك
عليك عمتك ذيج الصعدوها النوك
لو عفتني وين أمشي يبن حسين
بمشهدك مولاي خليني اكحل العين
عبدك خلص صبره
مخنوگ بالعبرة
وبين الضلع جمرة تطفى بهواك
يم حضرتك خليني
عطف وأمل اسقيني
ميت صرت ببعادك
أسمك فقط يحييني
يا انيس النفوس يا غريباً بطوس
...................................
يا غريبَ طوس اضمنها النفوس
اقبلني مولاي يا شمس الشموس
خليني اكحل الشوف بابك يالرؤوف
بشباكـك تمنـيت تلتـف هـالجفوف
شايف جـمـر شـوگـي
ضل يمشي بـعـروگـي
طال البعد مولاي ايدك يمعشوگي
حـس بـالـكـلـب نـبـضـاتـه
مـخـنـوگـة بـي حـسـراتـه
جـايـك يـريـد الـنـظـرة
تـبـرالـه كـل دمـعـاتـه
يا انيس النفوس يا غريباً بطوس
..........................................
مؤمل رضا
فزت امن النوم زينب // يا علي
اعليه هاي الساعه تنحب // يا علي
عوف گبري واعتنيهه
لا يموتهه بچيهه
يا علي … يا علي
1💔
يا علي للدار عاود … بالعجل يا با الحسن
زينب امن النوم فزت … ما لهه غيرك وطن
خوفي لا يوگف گلبهه … وتكثر اعليك المحن
ابگبري وانه اسمع بچيهه … اعيونهه لا ينعمن
ما أريد الگبري تحضر /// ياعلي
ابحاجه الك زينب يحيدر /// يا علي
لحگ ابساعك عليهه
لا يموتهه بچيهه
يا علي … يا علي
2💔💔
آنه صح وصيت تحضر … يمي يا نبض الگلب
ابصوتك القران أسمع …. وآنه مدفونه بترب
بس شفت زينب يحيدر … حالهه ايبچي الغرب
يمهه ظل ولا تجيني … وادري هالمطلب صعب
زينب اولى تبقى يمهه /// يا علي
شوفك اينسيهه همهه /// يا علي
يا عليهه يا عليهه
لا يموتهه بچيهه
يا علي … يا علي
3💔💔💔
أنته ابوهه وانته أُمهه … بعدي يا خير العمل
لا تخليهه وحيده …. كل وكت يمهه تظل
بعد موتي جايه اشعر … مابقى الزينب أمل
وثوب الاسود كَبراهه … وتنتظر جيت الأجل
اصغيره والهم كبراهه /// يا علي
والدهر ما انصفاهه /// يا علي
جم مصيبه تعتنيهه
لا يموتهه بچيهه
يا علي … يا علي
4💔💔💔💔
ابنيتي ما متعوده تغفه … ابلايه حضني يا علي
خانگتهه العبره هسه … شي أكيداً يل ولي
جاي أسمع صوت زينب … يُمه محد ظل الي
ارجع وضمهه اعله صدرك … يا بعد ناسي وهلي
نشف ادموع الحبيبه … يا علي
وهون اعليهه المصيبه .. يا علي
انت بس الباقي ليهه
لا يموتهه بچيهه
يا علي … يا علي
5💔💔💔💔💔
يا علي وحشت غيابي … خانگه زينب خنگ
على افراگي ايعينهه الله … وعلى حسين الينسحگ
باجر اتشوف الحوافر … كل ضلوع ابني تطگ
وما يضل عباس عدهه… ايطفي خيمه التحترگ
ابكربله اتشوف المصايب // يا علي
والكفلهه عنهه غايب // يا علي
والحبل ينشد بديهه
لا يموتهه بچيهه
يا علي … يا علي
=======================
✍️🏻 كلمات #موسى_الخادم
بيتچ خله … يم الهله
واتيتمت هالعايله
1💔 وحشه دارچ اصبحت يا فاطمه
ما يطبهه الضوه صارت مضلمه
والحسن وحسين صاباهم ضمه
بعد موتچ يا نهر حامي الحمه
كلشي عطش … فوگ النعش
حتى الطيور النازله ……
2
💔💔
بعد ذيچ الجَمعه ابد ما تنجمع
الله لا ينطي الكسر منچ ضلع
وخله ايتامچ ابموتچ تنفجع
والفرح يتحول النوح ودمع
كسر الضلع … خلَّف دمع
للموت عالخد سايله ……
3💔💔💔
علي بعدچ هو والميت سوه
صار كافور اليشم ميشم هوه
ماتت الفرحه وطفه ابعينه الضوه
وما لگه الجرحه بعد موتچ ضوه
يم الحسن … حيدر دفن
وياچ روحه امعلعله ……
4💔💔💔
عشرت الحلوه انتهت وي دفنتچ
واليتم صاب العزيزه ابنيّتچ
كبراهه اهواي زينب موتتچ
حيل ما ظل عدهه راح بروحتچ
شبعت قهر … كبرت دهر
الچانت اوياج امدلله ……
5💔💔💔💔
ما چهب بابچ بعد موتچ فرح
كلشي متغير على افراگچ صبح
والحسين ابكربله بيچ انذبح
والخيام احترگت وگلبه انجرح
ظل عالترب … دمه يصُب
اتلث ليالي ابكربله
///
✍️💔 كلمات #موسى_الخادم
لو غمضتي اعيونج هاي
بالطف ما يبقالي افياي
واعطش ويحرموني الماي
يمه … فاطمه
1📃
ابعازتج يا يمه لا تمشين عني
بعد موتج من يغمض اعيوني ذني
انه محبوبج حسين وهذا وني
فدوه اكَـعديلي تراني خاب ضني
حركي ايدج يا ضي العين
فتحي اعيونج شوفي حسين
ميت من هسه اتشوفين
يمه … فاطمه
📃📃 2
بعد موتج ينكَـطع يا يمه راسي
وابقى مرمي اعله الترب لآخر انفاسي
وثوبي يتسلب اكَـبال اعيون ناسي
والسهام اهواي ما تخطي حواسي
لو عفتيني ورحتي اشلون
راسي اعله الرمح ايشيلون
ومسبيه ايمشون ام عون
يمه .. فاطمه
📃📃📃 3
يمه يا زهراء يا كل امنياتي
موتج ايخليني اعيش ابلا حياتي
مالي حيل اعله اليتم بيدج نجاتي
ردي اليه ابداعت ادموعي وصلاتي
منج ما شبعانه الروح
يا بلسم كَـلبي المجروح
حسبيني ابموتج مذبوح
يمه … فاطمه
📃📃📃📃 4
يا هو اليه ابكربله من ابقى وحدي
وسهم المثلث يطر يا يمه جبدي
يمه عطشان ابقى اصيح واروح جدي
وما كو اليرويني كل الناس ضدي
الماي اعطش مثل الطير
وخشبه الساني اهناكً يصير
وزينب لجلي هواي اتحير
يمه … فاطمه
📃📃📃📃📃 5
يل حبيبه روحي من بعدج يتيمه
راح تبقى اوزينب اتعيش الضليمه
بيوم عاشر من تضل ابلايه خيمه
تاخذ ايتامي وتفر هيمه اعله هيمه
تتعب من اركاض الخيل
وطفل اليوكَـع منهه اتشيل
تحتاجج تنطيهه الحيل
يمه … فاطمه
📃📃📃📃📃📃6
يمه ترضيهه اروحن للشريعه
وحدي للعباس ابو اجفوف الكَـطيعه
ياهو يسند ظهري غيرج يالوديعه
امصايب اهواي التتانيني فجيعه
ابعباس وجفينه احتار
لو ولدي التصبح طشار
ياهو اليطفي ابكَـلبي النار
يمه … فاطمه
📃📃📃📃📃📃📃 7
لو تركتيني اظل مكسور خاطر
وابقى ادور على احفادج يوم عاشر
من تكسر اضلوعي بالدوس الحوافر
والي يفزع كَـلب خياتي يناصر
فوكَـ التل زينب وتشوف
شمر اليذبحني ابلا خوف
ياخذ راسي وجسمي ايعوف
يمه … فاطمه
////////////////////////////////
✍️🏻 كلمات #موسى_الخادم
يمالكني وتلم ابعطفك الروح
مثل لمت جلد من تشفه الجروح
يالعينك عليه ... احبك مو بديه
،،،،،،،،،،،،،،،،،،،،،،،،،،،،،،،،،،،،،،،،
الوادم من تحب اذواق كل ابن ادم ورايه
بس انه ختلف مولاي عن حب البشر هايه
حبيتك نهر عطشان ما متروي من مايه
حجايت انه هايم بيك صارت اجمل حجايه
اضيع ابلا هواك وابقه محتام
أنه العاشگ الباگت عمره الايام
يالكلشي اليه ... احبك مو بديه
،،،،،،،،،،،،،،،،،،،،،،،،،،،،،،،،،،،،،،،،،،
اسهرلك وجع مصيوب ويخلص حزن ليلي
حجاب الرد زليخه سنين مايگدر يرد حيلي
احشم دموعي للخيمات وصيحلها بوجع سيلي
اصد ابصورتك وحتار وحس الصوره تحجيلي
تسولفلي الهضيمه الصارت وياك
طحت من العطش والعلگمي حذاك
خلصت هايه هيه ... احبك مو بديه
،،،،،،،،،،،،،،،،،،،،،،،،،،،،،،،،،،،،،،،،،،
افرح من يمر طاريك ويعوف الگلب ضيمه
واصفن صفنت الفلاح من يراقب الغيمه
ضاعت روحي ابلياك خرزه وطاحت بهيمه
يالحبك مطر مريود يالتمطر عليّ شيمه
احبك وانه گلبي من العشگ حار
مو من نضره من اول جرح صار
صدگ يبن الزجيه ... احبك مو بديه
،،،،،،،،،،،،،،،،،،،،،،،،،،،،،،،،،،،،،،،،،،
يالمخليني اشوف اشكال وانته تراب بعيونك
بگد ما انه هايم بيك اغار امن اليحبونك
يالشابع هضم مولاي يالمخرب التعب لونك
المايتعب الك يحسين مثل العلگمي يخونك
يشريان الگلب يا اغلى الحروف
عمت عين النهر ماجالك زحوف
اخذ روحي سبيه ... احبك مو بديه
،،،،،،،،،،،،،،،،،،،،،،،،،،،،،،،،،،،،،،،،،،،
يگولون العشگ موعيب لابي فشله لا حرمه
بس المايحب حسين عيب ومذنب اتسمه
مثلك ياهو يا مولاي يروي العاشگ ابدمه
ما رايدها هاي الناس واريدنك يبو اليمه
يالمعلمني احبك واني ازغير
كل الخير منك وانته ابوالخير
اريدك للمنيه ... احبك مو بديه
ابوفايز الرافضي
هوسات تأبينه لوفاة القاسم بن الإمام الكاظم عليهما السلام
ويلي علقاسم گضه عمره نحيب
بالنحيب العمر گضاه وغريب
والغريب صواب گلبه مايطيب
(شيطيب اجروحه الملچومه )
★★★★★
حيله بالغربه تضعضع وانهدم
وعفيه روح المايفارگها الالم
چن على القاسم لفه البين وقسم
(ابلوعات الدنيا ايگضيها )
★★★★★
وين بعد الاهل وأحبابه يروح
ذبل عوده الچانت أنسامه تفوح
يشكي يم ياناس بأسراره ويبوح
(متروسه الگاع ابعدوانه )
الشاعر حسن لعيبي الحريشاوي
لوفاة القاسم بن الامام الكاظم عليهما السلام
السلام أعليك يلقاسم
يا بن سيدي الكاظم
★★★★★
الجليل الزاكي والطاهر
على بلوى الزمن صابر
ترحل يا كتر حاير
من كل ظالم وغادر
من كل غادر وظالم
يابن سيدي الكاظم
★★★★★
ما يحتار اليگصدك
وكلمن حاجته عندك
لا ما تخلف بوعدك
طبع الكاظم وجدك
كريمه چفوفك وعالم
يابن سيدي الكاظم
★★★★★
بالسر والعلن تجهر
بأمامة موسى بن جعفر
يا ما اتحملت كل شر
لجل صوت العلم يظهر
تحارب كل صلف غاشم
يابن سيدي الكاظم
★★★★★
دمع الحزن بدلته
بقوافي الشعر سطرته
مصابك جرح سالفته
ياعم الجواد انته
گمر مفگود من هاشم
يابن سيدي الكاظم
★★★★★
امك تنطر اخبارك
وين بيا كتر دارك
غريب وبالگلب نارك
فلا تنساك زوارك
تنحب والحزن دايم
يا بن سيدي الكاظم
الشاعر حسن لعيبي الحريشاوي
القاسم ابن الامام الكاظم
عليهما السلام
وَرِيثُ الْآبَاء سَخِيُ الْعَطَاء
تَقِيٌّ نَجِيب وَلَكِن غَرِيب
ــــــــــــــــــــــــــــــــــــــ
يلتسأل اعله القاسم نجل الامام الكاظم
عاش اويه مولانه الرضا والسيده المعصومه
من فاطمه ومن حيدر ماي ونبع من كوثر
من نور وجهه وهيبته غار البدر ونجومه
بِأَهْلِ الْكِسَاء لَهُ انْتِمَاء
بِخُلقٍ عَجِيب وَلَكِن غَرِيب
ــــــــــــــــ
من المدينه اتهجر عاش ابغرب يتحسر
عن اسمه لو سائل سأل آنه الغريب اجوابه
يسگي البشر من جوده وادموعه فوگ اخدوده
يم الفرات اعله الگمر نار الگلب لهابه
لِرَاعِي اللِّوَاء يُقِيمُ الْعَزَاء
يُدِيمُ النَّحِيب وَلَكِن غَرِيب
ـــــــــــــــــــــــ
كل وكت يتراوله من تسحگ الخياله
صدر الحسين ابكربله واضلوعه تطحن بيها
وانفاسه حيل اتخنگه لـ اُم خيمة المحترگه
عمته البعد راعي العلم صار الشمر حاديها
لِسَبْيِ النِّسَاء يُطِيلُ الْبُكَاء
بِقَلْبٍ كَئِيب وَلَكِن غَرِيب
ـــــــــــــــــــــ
بعد الزواج ابمده مولوده صارت عنده
هاشمي وحتماً فاطمه من كل اسم عده احلى
كبرت وبين الاطفال بت الغريب الها انگال
ومهضومه ردت للأبو من ياعشيره اتسأله
فَيُبْدِي الْكَلَام أَنَا ابْنُ الْكِرَام
وَجَدِّي الْحَبِيب وَلَكِن غَرِيبْ
ــــــــــــــــــــــ
بالغربه گضّا ايامه بين الضلوع الامه
مثل الغريب البلسجن محد حضرله ابموته
فوگ الچتاف اجنازه بس مو اچتاف اعزازه
وسفه الهواشم ما اجت لا شيعت تابوته
عَلَيْهِ الْبِلَاد أَقَامَتْ حِدَاد
بِحُزْنٍ رَهِيب وَلَكِن غَرِيبْ
ــــــــــــــــــــــــ
گبره الصبح چن جنه كل الحوائج منه
ليطبله يبچي امن الهضم يمسح دمعته امن الخد
هذا الي معصومه اخته الله الرفع منزلته
اتعادل زيارة مرقده أجر الزياره المشهد
عَظِيمُ الْمَقَام عَلَيْهِ السَّلَام
مُشَافٍ طَبِيب وَلَكِنْ غَرِيبٌ
ـــــــــــــــــــــــــــ
سيد علي عبدالزهره الناجي
موشح
اه عالـقـاسـم ابـن موسى السجين
خلصت اسنينه بـغـرب يـا مسلمين
*------------------------*---------------------*
خـلصـت اسنينه بـغـرب بـيـن المله
الـقـاسـم اهـل الـبـيـت ماچنهم هله
الـنـاس ظـنـت هالـشـهـم مـحـد الـه
الـحـد مـمـاتـه بالدمع ضل وحزين
*---------------------*-----------------*
اشـگـد كـلام الـنـاس چـان أيئلّـمـه
مادروا جـده الـنبـي وحـامـي الحمه
يـسكـت ونـار الـحـزن بـي مظـرمـه
حالت القاسم تـره اتشَيب الجنين
*----------------------*-----------------*
بـس دمـوع الـعـيـن صـارت سلـوتّـه
ايـشـيـب منهـه الراس تـوجـع قصّته
شحچي عنهـه وبـيش اوصف حالته
حـاله صعبه والحجـر ألهه يـلـيـن
*-----------------------*----------------*
ويـن هـاشـم ريـت حـالـه اتشاهـده
الـحـد مـمـاتـه ومختفي مـن العـده
هـالـعـزه بـكـل عـام احـنـه انجـدده
انعزي جده المصطفى بنوح وحنين
*------------------------*-----------------*
مـن اجاهـه الموت يصعب مـنظـره
لا عـمـام ولا عـشـيـره الـتحـضـره
مـات بـالـغـربـه نـسـل سـيـد الوره
والحزن وسط الگلب ضل ورهين
*--------------------*-------------------*
✍ خادم القاسم (ع)
الشاعر رعد الجريخي
اعظم امصاب ـ عصرت الباب
من فعل ناس ـ گالو اصحاب
ضربو الزهره وصدگ شبعت اذيه
ابيا ذنب تتكسـر اضـــلوع الزجيه
ــــــــــــــ ــــــــــــــ ــــــــــــــ
من دفعو عليها الباب
لاذت خلفه مجبوره
وعصرو للنبي قران
وطاحت منه جم سوره
شمس العافيه ابهل يوم
وسفه ابخدها مصطوره
گطعو صوت الترتيل صوت النعمه
ماضلت عند الگوم ذرة رحمه
ماتت فاطم والكون صاير ظلمه
ابلايه تشريع ـ حقها سلبوه
والنبي ابهاي ـ گلبه اذوه
ناس ماعدهم ضمير ولاحميه
ابيا ذنب تتكسر اضلوع الزجيه
ــــــــــــــ ــــــــــــــ ــــــــــــــ
باب البخت هذا الباب
ليش اتعمدو حرگه
ومتون الزجيه بسوط
صارت بالضرب زرگه
وسفه انفاس چن تسبيح
بالدخان مختـــــــنگه
عافت بالدار ايتام شيصبرهم
وحنية كل الكون راحت منهم
مهضومين ينوحون بفراش امهم
وسفه الحنان ـ ضلو ايتام
ودهر الاحزان ـ الهم اشضام
حيل طـر اگلوبهم سهم المنيه
ابيا ذنب تتكسر اضلوع الزجيه
ــــــــــــــ ــــــــــــــ ــــــــــــــ
حتماً مو بشر شيطان
المن الزهره يتشفه
ويدري بهل امر يغضب
ربها. وشانها يعرفه
الراضع من حليب ابليس
باقي البشر مو صنفه
اتمادت جف الشر حيل ويلي اعليها
يدخل دون اســــــتأذان ويأذيــــــها
وبت اشــرف خلق الله يعــــلم بيها
والله ياناس ـ صعبه تنگال
دخلو البيت ـ زمرة انذال
والسقيفه الاسست هاي الرزيه
ابيا ذنب تتكسر اضلوع الزجيه
ــــــــــــــ ــــــــــــــ ــــــــــــــ
غسلها وطلع ملجوم
حيدر ذابله ارسومه
وچلمت ماتت الزهراء
موس اعرض ابلعومه
محني وزينب الحوارء
امجلبه بطارف اهدومه
دناها الصدره وحيل گام يضمها
زغيره وعذبها هواي ياموت امها
گوه ادموعه الكرار ضل يگضمها
صدره مخنوگ ـ والنفس ضاگ
وســعرت بينه ــ نار الفــراگ
يحچي وي روحه علي بكل مغريبه
ابيا ذنب تتكسر اضـــــلوع الزجيه
ــــــــــــــ ــــــــــــــ ــــــــــــــ
حيدر شيعاها ابليل
ويجر بالنفس گوه
الحيد الماهتز ابيوم
الشافه ايگول موهوه
عافيته دفنها وضال
مــــــن الألم يتلوه
شايل روحه ابتابوت موش الزهره
ســراً دافنها وغيض تارس صــدره
چن مو كبر ام حسين حافــر گبره
حيدر اليوم ـ ضهره مكسور
طالع ابليل ــ يدفـــــن النور
بروحه ضلت نار فرگتها سريه
ابيا ذنب تتكسر اضلوع الزجيه
ــــــــــــــ ــــــــــــــ ــــــــــــــ
✍الخادم
كامل السعيدي
يخدام...صيحو مات القاسم
يخدام...انعزّي موسى الكاظم
نون عالقاسِم ونتشارَك الآه
وابوه الليله ينعه وننعه ويّاه
مصاب الساقي بينه ومانسيناه
نضل نندب غريباً واغريباه
بالگلوب...هالعَزَه ايضل دايم
يخدام...انعزي موسى الكاظم
................................
لبن موسى الگظه ابهمَّه وعذابه
تهيم ارواحنه وتگصد رحابه
نخلّي اگلوبنه اتنوح اعله بابه
مُصابه هاظم الزهره مُصابه
بالامصاب...ينجرح كل خادم
يخدام....انغزي موسى الكاظم
................................
تحوم ارواحنه اعله الكاظميه
تواسي الكاظم ابعظم الرزيه
چبيره اهمومنه ابهاي المسيه
نگول الله يعينچ يالزچيه
واجينه....انعظُّم اجر القائم
يخدام...انعزي موسى الكاظم
...............................
لبو فاطمه اليوم الگلب حزنان
چان ايروح صوب النهر نحلان
من يغرف الماي ايصيح بشجان
ويلي اعله الغريب المات عطشان
تره الماي...الحيله أصبح هادِم
يخدام...انعزي موسى الكاظم
................................
روايه اتخص ابن موسى وعظمته
كَأَن زار الرضا اليگصد حظرته
دُعانه الليله بجروحه وغربته
نريد الباري يرزقنه نظرته
موالين....مايهمنه اللايم
يخدام....انعزي موسى الكاظم
سيد علي الموسوي
وَدَاعِكَ أَبْكَى الْقُلُوبَ قَبْلَ الْعُيُونِ يَا ابْنَ الْكَاظِمِ
ويلاه على القاسم ويلاه💔
#أعظم_الله_أجوركم🥀🏴
الوكت كل يوم اله صوله وجوله
على المامروا أحبابه وجوله
النشدوا نار بضلوعه وجوله
صعبه يگلهم انا ابن الزچيه
الشاعر حسن لعيبي الحريشاوي
اللَّهُمَّ صَلِّ عَلَى مُحَمَّدٍ وَ آلِهِ، وَ كِدْ لَنَا وَ لَا تَكِدْ عَلَيْنَا، وَ امْكُرْ لَنَا وَ لَا تَمْكُرْ بِنَا، وَ أَدِلْ لَنَا وَ لَا تُدِلْ مِنَّا.
#عظم_الله_لنا_ولكم_الاجر_بوفاة
القاسم_أبن_الإمام_الكاظم "❤"💔🏴
#صباح_حزين_بفقد_مولانا_القاسم 💔
نعزي مولانا صاحب العصر والزمان "عج"
ومراجعنا العظام
وعلمائنا الأعلام
والمؤمنين والمؤمنات
بذكرى استشهاد
الغريب القاسم ابن الإمام موسى ابن جعفر "عليهم السلام"
#عظم_الله_إجوركم
22جمادى_الأولى
أستشهاد القاسم ابن موسى "الكاظم"💔 🏴
حرك الباب وحرك الخيمه
ناتجهه اجم طفله ايتيمه
جم ظلع مكسور
.......
أبعاد الهجمه المشؤمه اهواي ... لوردنه نحجيهه
انطت ضوه أخضر لليكطع ماي ...والعيله يسبيهه
ناتج حرك الباب الحره اتشوف
سطرت عين الزهره
وناتج حرك الخيمه ارقيه بخوف
تنظر كسرت ظهره
من يفكد حيله اعله إخوانه
ويبس من اضماه السانه
بيام عاشور
........
أكبر غدر أبتاريخ الاسلام ... صار بسقيفتهم
طه ابكبره ما صايرله ايام .... علنو خيانتهم
سلبو روح المحسن وجه الخير
كدام اهله وناسه
مارعو حق حرمه اهل التكفير
كلمن بيّن ساسه
كشفو كل مستور العدهم
ما واحد ملعون بكدهم
انذكرو بالسطور
.......
النظم ذيجه الفعله الكسر اظلوع... مهد كسر ظلعه
نفسه الأفته بركضت احله شموع ... بالهيمه متوجعه
صورة دفع الباب اعله ام حسين ...
تشبه حيل اهوايه
صورة خيل ادوس ابصدر حسين ...
واظلوعه أمدمايه
البسمار ابظلع البضعه
والحافر يا ناس ابظلعه
ودمه البقى يفور
.......
غصب الحق الاول اصعب جان ....
حق الخلافه أعني
نصَبو ظالم من ربع الشيطان ....
لا شيعي اولا سني
من ذاك اليوم الهل يوم أمصاب
عايش مهدي الامه
ساعه يون عالخيمه وساعه الباب
ذاك العصر امه
الله يساعد كلب الحجه
ما شاف الراحه ولا بهجه
بحزانه منحور
.......
كلمات
موسى الخادم
1🟥
يحيدر … يا عطر هيل
اريدن … دفنتي بليل
أليه … ما بقى حيل … يحيدر
اريدن … من يشيعون
الأحبهم …واليحبون
البچولي … دمع الاعيون … يحيدر
لا تخلي من حرگ
بيتي واضلوعي طبگ
دفني يحضر … ها يحيدر … لا تخلي
ما رحمني … من ضربني
وعلى بابي …. من عصرني …. كسرني
شيعني وحدك يا علي بوكت السحر
ولتخلي يحضر دفني الضلعي كسر
غظبانه حيل انه على البابي حرگ
هو السبب جان ابمراري وكل قهر
يا با الحسن … يا با الحسن … يا با الحسن
2🟥🟥
عليه … يصعب اهواي
ادفنچ … بيدي يا ماي
وجودچ … يسوه دنياي ….يزهره
اشيعچ … بيدي تردين
شيصبر .. گلب الحسين
ودمعته … تارسه العين …. يزهره
لو مشيتي ابهل وضع
حسينچ ايكتله الدمع
شوفي حاله … ما بقاله … بس ونينه
روحه راحت .. دمعه طاحت
رحمي حاله … اسنينه صاحت … يأمه
يا فاطمه لا ترحلي لا ترحلي
بعدچ حياتي موحشه اومحد الي
اقسم عليچ ابدمعة حسين وحسن
اتأجلينه موتچ چم سنه الخاطر علي
يم الحسن .. يم الحسن … يم الحسن
3🟥🟥🟥
يحيدر … ادري أّذيك
ابكلامي … الجاي احاچيك
بوصيتي … خل اوصيك … يروحي
اعرفك … توفي الاوعود
وعشرتي … أول اشهود
دليلي .. الساعه ممرود … يروحي
دمعتك يا ابا حسن
زادت ابگلبي المحن
كافي تبچي … خلني احچي … عن وصيتي
يا خليلي … ردلي حيلي
ببتسامه … وحشه ليلي … ابوداعك
لو حانت الساعه واخذ روحي الاجل
غسلني وانه ابثوبي يا خير العمل
ماريدك اتشوف الضلوع امكسره
حيلك اعرفه ما يضل عالمغتسل
يابا الحسن … يابا الحسن … يابا الحسن
4🟥🟥🟥🟥
يزهرة … عمري انخاچ
اريدن … موتتي اوياچ
وحقچ … مكدر انساچ …. يعمري
جروحي … بعدك اصيح
حياتي … في مهب ريح
سنيني … اكبالچ اطيح … يعمري
شلي بسنيني وراچ
وريتي تتتنفس هواچ
عمري أنتي … روحي أنتي … يالحبيبه
حزني يبدي … وابقى وحدي
لو مشيتي … ياهو عندي … يكلشي
بعدچ حياتي ابلا عمر يا فاطمه
الحالي بچت كبل الارض سابع سمه
يا ريت اموت اوينگطع مني النفس
شلي ابحياتي البعدچ اتظل مضلمه
يم الحسن … يم الحسن … يم الحسن
5🟥🟥🟥🟥🟥
اشبديه .. يابو الايتام
بقالي … حسبت ايام
واموتن … ويه الالام … يغالي
ضلوعي .. ذبلت شموع
وجعهه … ابگد الادموع
أشوفك … مثلي مفجوع …. يغالي
يا علي يرويحتي
كافي ارحم حالتي
بطله نوحك … هد صروحك … ذبحني
يا نصيبي … يا طبيبي
خل اودعك … يا حبيبي … امانه
اقسم عليك ابعشرة الحلوه الگضت
كافي البواچي يا علي اعيونك عمت
حالك اشد عندي تره من حالتي
خليني اودعك واذكر ايامي المضت
يابا الحسن .. يابا الحسن … يابا الحسن
6🟥🟥🟥🟥🟥🟥
حياتي … ابدونچ ارماد
سنيني … ابلايه ميلاد
زمنه … ريته ينعاد … يگلبي
رحيلچ … ياخذ الروح
اشيصبر .. حالي بالنوح
اعله فگدچ … كلي مذبوح …يگلبي
ظلمه داري بروحتچ
من يسدهه وحشتچ
مالي غيرچ .. كلي خيرچ …. يالزچيه
روحي بعدچ … الگه عندچ
ما تعوفچ … والله وحدچ … يزهره
يا حالي بعدچ حالي ابد ما وصفَّه
ضايع وراچ اوروحي احس مجتفَّه
شابت لحيتي وانتي بعدچ عايشه
اشلون امن ادفننچ بِدي يم الوفه
يم الحسن … يم الحسن … يم الحسن
=================
✍️ كلمات #موسى_الخادم
يبقى انتمائي // لفاطمه لفاطمه
يبقى عَزائي /// لفاطمه لفاطمه
1🗓️
يبقه انتمائي الفاطمه حد آخر انفاسي
يشهد عليه ابو الفضل عباسي عباسي
مطلوب دين الفاطمه من جدمي حد راسي
ما وافي الهه ابلطمتي الصدري أعز ناسي
يبقى نِدائي /// لفاطمه لفاطمه
يبقى عزائي /// لفاطمه لفاطمه
2🟩🟩
لو ملكوني الدنيا كلهه وي شواطيهه
ما عوف خدمة فاطمه بالروح اضحيهه
لو خلصت عمري بچي هيهات اوفيهه
انطتني كلشي فاطمه واشلون اجازيهه
يبقه وَفائي /// لفاطمه لفاطمه
يبقى عزائي /// لفاطمه لفاطمه
3🟩🟩🟩
روحي وحياتي ودنيتي للزهره منذوره
ريت آنه مكسور الضلع مو هيه مكسوره
من اول ايامي اولگيت الزهره مشكوره
كل شده حلهه فاطمه المن الله منضوره
يبقى وَلائي //// لفاطمه لفاطمه
يبقى عزائي /// لفاطمه لفاطمه
4🟩🟩🟩🟩
لوما عطف ام الحسن چا خالفت ربي
اوللمعصيه جدمي سعه وضعت بسبب ذنبي
شُكراً اصيحن فاطمه مولاتي من گلبي
لو ايدي ما تلزمهه الي چا تيهت دربي
يبقى بَقائي /// لفاطمه لفاطمه
يبقى عَزائي /// لفاطمه لفاطمه
5🟩🟩🟩🟩🟩
ابلا خدمة الزهره العُمر فلسين ما يسوه
أحجي ابيقين وهالحجي مو هسه لا توه
اشمحلاهه من احضر عزه ودمع الجفن يهوه
عالمنكسر منهه الضلع كسر الضلع أهوه
يبقى بُكائي /// لفاطمه لفاطمه
يبقى عَزائي /// لفاطمه لفاطمه
6🟩🟩🟩🟩🟩🟩
عندي قناعه بالگبر تحضر الي الزهره
ما تترك اليخدمهه ابد حاير يضل بامره
كلهه تلوذ ابفاطمه في ساعة العسره
واني دعائي بالشدد يا فاطمه اقره
يبقى دُعائي /// لفاطمه لفاطمه
/////
✍️ كلمات #موسى_الخادم
كل دعوه توصل فاطمه .. من ايدج الباب السمه
يا مكثر اسرارچ
رب العُلى اختارچ
يا فاطمه … يا فاطمه
📃 1
عند الله منزلتچ عضيمه اشكثر
كلمن يندبچ ما يضل ينتظر
عسره تحولينه ابعجل لليسر
كل حاجه يمج تنكَـضي ابلا صبر
منزلتچ .. عند الله .. أكبر واكبر امن الفرض
والشاهد .. عرش الله .. الأسمج فوكَـه طول بعرض
يافاطمه يم الحسن .. ربج جعل أسمج وطن
منقوله بخبارچ
رب العُلى اختارچ
يا فاطمه … يا فاطمه
📃📃 2
كل المناقب بسمچ امسجله
يا سورة الكوثر مع البسمله
لومه انتي ما دار اويدور الفله
محد مقامچ قادر ان يوصله
لو منتي .. يا زهره .. چا حيدر علي منخلق
لا واكثر .. من هذا . چانور النبي منبثق
كلشي انخلق لجلچ نعم .. والعالم ابأسره افتهم
منصوره انصارچ
رب العُلى اختارچ
يا فاطمه … يا فاطمه
📃📃📃 3
توصل مباشر دعوتچ للعلي
كل دعوه بسمچ فاطمه ادللي
والشاهد الأول أكيداً علي
وتحت الكساء اسمچ بقه معتلي
كل دعوه .. تدعيهه .. تتزاحم عليهه السمه
تتبارك .. املاكه .. الدعوه الجايه من فاطمه
كلمن يبشر صاحبه .. ابدعواتچ الكل ذايبه
وجبريل خطارچ
رب العُلى اختارچ
يا فاطمه … يا فاطمه
📃📃📃📃 4
من رحمة الله فاطمه رحمتچ
نال الشرف كلمن حضه ابخدمتچ
ما حاجه اليجمل يجي ابصورتچ
الله جعل كلشي تحت أمرتچ
أنتي اكبر .. من كلمن .. حاول يوصفچ بالشعر
ميعرفچ .. بس ربچ .. هذا الواقع الينذكر
سر الله انتي المنخفي .. ابهذا القدر راح اكتفي
ما تنطفي انوارچ
رب العُلى اختارچ
يا فاطمه … يا فاطمه
📃📃📃📃📃 5
يا فاطمه يا سر كمال العقل
صك الشفاعه ما يجي بالسهل
ايحصله الصدگ گلبه ألچ مشتعل
الباچي اعله كسر اضلوعچ وعالطفل
مو كلمن .. كال اني .. معناهه انشمل باللطف
كل واحد .. ما حبچ .. لجّهنم يطب معترف
هاي الحقيقه الباقيه .. ناس التبغضج فانيه
وينه الحرگ دارچ
رب العُلى اختارچ
يا فاطمه … يا فاطمه
📃📃📃📃📃📃 6
يظهر المهدي وشيعته تتفق
تبني ضريحچ من ورد من عشق
وحتما تؤدي المرقدچ هالطرق
من كُل اراضي الدنيا غرب وشرق
والرايح .. والجايچ .. كلهه ابحضرتچ تنجمع
زوارچ .. يم بابچ .. توكَـف تنحب اعله الضلع
ابدولة المهدي المنتظر .. صحنج يضم كل البشر
ويا محله زوارچ
رب العُلى اختارچ
يا فاطمه … يا فاطمه
==================
✍️🏻 كلمات #موسى_الخادم
ادعي بضريح الكرم. من كون توصلَّه
يَمْه تزول العلل. لاماتضل علَّه
كل معضله تنجلي من طيبته وفضله
يم طاهر اصل ونسب خير وكرم اصلَّه
ذاك الجفاه الزمن. ماينجمع شمله
اصبح ابدار الغرب كل يوم إله رحلَّه
من جور اهل الظلم. مايقبل. الذلَّه
الناس مالت إله. ولشيمته. وفعله
عَجَّل عليه القدر مابالقدر. مهله
مدفون بأرض الغرب. محد دره من اهله
أگصد ضريحه بحزن دمع الحزن هلَّه
العالي المناير فخر. بيه تزدهي الحلَّه
الشاعر حسن لعيبي الحريشاوي
الشاعرحسن لعيبي الحريشاوي
أداء سيد رياض البطاط
بمناسبة وفاة القاسم بن
الامام الكاظم عليه السلام
لوتريد هموم البكلبك تزول
وشاكي من غدر الزمان الظالم
ولو شكيّت من العلل لمن تزيد
ودوّرت الهن طبيب وعالم
ولوتصير الدنيا بعيونك ظلام
وروحك وياها العذاب اتوالم
ولوشكيت البخت والحظ اليميل
ومانفع طيبك ابهاي الوادم
ولوتريد من الله غفران الذنوب
وتطلب من الله النعيم الدايم
روح للحلّه وتعناّها ابعجل
نور تلكّه من الامام الكاظم
اتعنّه يلزاير وعجّل بالامر
لبن موسى اقصد ضريح القاسم
الشاعر حسن لعيبي الحريشاوي
#صباح_القلوب_الجميلة❤️
التي تستحق صباحا هادئا، وأقدارا جميلة وأياما مليئة بالخير عسى أن يفتح الله لكم أبوابا من الفرح لم تطرقوها، وأبوابا من الرزق لم تتوقعوها🌿
#صباح__الخير_صباح_الورد