2554
معلومات نفسيَّة اِضغط هُنَا 🔙 🌕👇🏻 :
Читать полностью…
تصاميم فيديوهات وبوسترات حسينيه 👇😍
/channel/tasamem_10
يا بويه تذبح فركتك مابيه حيل الدفنتك
وادري الرمل حار
..................................
بيديه لميتك وصــــــل...ويابويه تدري بحالي
ما عندي حيل ولا أمل... مذبوحه كـــل آمالي
من شفت راسك والشمر...كــاعد يحزه أكبالي
عاينت زينب صاحته... وكلتله عوف الغالي
كض بيده طارف لحيتك ومن الكفه حز ركبتك
وكلبي أشتعل نار
ادري الرمل حار
.........................................
محنيه جانت مشيتي...أمن الخيمة اجيت النحرك
والعسكر بخيله أعتنه...يسحك يدوس ابصدرك
عاينت من أتقربت... أضلوعك تطك أبضهرك
كل هذا لن فارس أجه...كص خنصرك ينتضرك
هم مثلي عازه عازتك أعذرني بويه امروتك
ما ماخذ الثــــــــار
وادري الرمل حار
...........................
من عفتك بحر الشمس...مجبور بويه أعذرني
حركوا خيمنه وكل هلي...وجان الشمر يمنعني
حفاي نسوانك بقت ...طفله تصيح ألحكني
يا خويه ترجيتي أنخذت...مني ونزف دم أذني
باكوا تراجي أبنيتك وراسك يكلي عمتًك
بهالامر محتار
وادري الرمل حار
...................................
كادونه يا بويه بحبل...وزجر وسبي مشونه
وراسك مشه اويانه برمح...كل ساعه وايهزونه
أمن السوط زينب ورمت...وحيدر علي أيسبونه
وبالسوك من طب الضعن...يابو علي أتولونه
بحجارة طكوا جبهتك وناس التبغضك سبتك
هذا الجره وصار
وادري الرمل حار
.......................................
بديوان أميه وكفتي...جانت سواد أجروحي
من جابوا الراس بطشت...وروحي تشيع بروحي
ركضت رقية شبكتك... يابويه يا مذبوحي
بالسوط ضربوها وشتم... وبالنوح أصبر نوحي
اعله الراس شمت ريحتك.... وآخر نفس بيه باستك
ودم منحرك فار
وادري الرمل حار
.....................................
خادم خدمة الحسين
الشاعر
محمد الموالي
نعي عن لسان السيدة زينب عليها السلام
.
.
ثلث تيام ضل جسمه رميه
هذا حسين بارص الغاصريه
تدوس اعليه خيل الاعوجيه
عرب لا غيره عدها ولا حميه
.
.
وين اهل الشيم خلها تشيله
ابـو السجاد مــا عنده قبيله
لو عنده عرب هسه تجيله
ما يكدر عله حمله عليله
.
.
وين الزلم صارت و العشيره
جا وين الشيم والعدها غيره
جيبو خنصر حسين وزغيره
هاشم وين عمتكم اسيره
.
.
حار الرمل يا بعد حيلي
يحسين يا روحي و دليلي
اخلاف الولي ياهو اليجيلي
جـا ليش عافاني كفيلي
.
.
جسم وياي وكتي شلون جسماه
بخوي الضل ثلث تيام جسماه
اما تدرون من العرش جسماه
اسمه ومصحف الله امسن سويه
.
.
حسن صالح العيساوي
((#صبح_اهدعش ))
……………………………………………………………
صبح اهدعش صبح اهدعش . ظهر الهزل اصبح نعش
تشيعي للشام .. تشيعي للشام
حد العمر وي الخدر . مسبيه بحبال الشمر
بت راعي الاسلام .. بت راعي الاسلام
……………………………………………………………
دره و تحت اغمگ بحر . ولا ناظر الشافاني
والخدر چن مثل الگلب . واضلاعه زود اخواني
و اليوم صوت وچن جمر . ابوسط الاذن چوّاني
طلعوها يلا وللسبي . بسمي الشمر صاحاني
اسمع و موش ابماي دم صبّت العين
الصاحاني مو عباس چتّال الحسين
يا ريت ميته امن السحگ . لو قطعة اقماش احترگ
بنيران الخيام .. بنيران الخيام
ولا اسمع بأذني الحچي . وين السبيه خل تجي .
بت راعي الاسلام .. بت راعي الاسلام
…………………………………………………….……
سبعين الف تنظر الي . يا ثگل خطوة جدمي
بت نبي و من المستحه . صفره و نشف كل دمي
والناگه مرتفعة ظهر . ابرچبتها اصبح همي
چف اليصعدني انگطع . بس سوط يفتر يمي
ولحالي تبچي النوگ نشدتني بحساس
شو وحدچ يم عون چاوينه عباس
نشدتني متعوبه اشكثر . هم راكضه ابوكت الظهر
أمچوّايه الإجدام .. امچوّايه الاجدام
ميتات ريت و نندفن . ولا شفنه سوط ايطگ متن
بت راعي الاسلام .. بت راعي الاسلام
………………………………………………….………
كلش خشن چان الحبل . و ظل يحفر ابچفيني
حار او وصل حد العظم . طول الدرب يچويني
كل هذا ما مهتمه اله . بس منظر امأذيني
كلما يجي اعليه الشمر . يلتفت راس حسيني
ايهز الرمح يغتاض و جبينه يعرگ
جدامه صعبه يشوف متن اخته ينطگ
يگول اهون اعليه الذبح . و اتهون طعنات الرمح .
ومرامه الاسهام .. و مرامه الاسهام
ولا اشوف اخيتي ابنص زلم . لو تنضرب لو تنشتم
بت راعي الاسلام .. بت راعي الاسلام
……………………………………………………………
طلعيت بس يمشي الجسد . و الروح ظلت تفتر
يم الحسين و هالشمس . بجروحه ظلت تسعر
اشلاء ماهي جثته . شيلمّه اخوي امطشر
من كثر خيل الداسته . انطمن بالتراب المنحر
وظلت تحوم الروح يم الشريعه
اخلافك تراهو انشاف طول الوديعه
بالهيمه اختك بايته . عالرمل اسمك كتبته
دمعات الايتام .. دمعات الايتام
وبگلبي خنجر مِنعرِس . چتالكم هو ايحرِس
بت راعي الاسلام .. بت راعي الاسلام
……………………………………………………………
موقف اشد من الضرب . امن السبي اصعب و اصعب
الماي اجه وصاح الشمر . خلوها زينب تشرب
يا ماي المن جيتك . واعليك اخوي اتعذب
يا ماي ولحد الذبح . السانه جمره ويلهب
بالرغم عطشانين ذبوه الاطفال
عگبك يعم عباس ما نشرب امحال
يا ماي مالك كل عذر . عبد الله الك ناح شكثر
وسط اللحد نام .. وسط اللحد نام
ياماي يل شوفك صعب . اسمك تره يمرد گلب
بت راعي الاسلام .. بت راعي الاسلام
……………………………………………………………
الما شايفه اخيالي الشمس . ما جنت احسب هايه
عالنوگ فرّاني الوكت . من اولايه اطب بولايه
مو شمس من المستحه . حمره اصبحت الـ اعبايه
(يا خارجيه ) امن استمع . چن سيف موش احچايه
عمري وصل خمسين ما صدلي جيران
وهسه امشي من ديوان و ادخل ابديوان
شامت عدوكم منتچي . وين الهواشم خل تجي
تفزعلي الاعمام .. تفزعلي الاعمام
بتكم تره ابموقف صعب . سكنت خرابه و عالترب
بت راعي الاسلام .. بت راعي الاسلام
……………………………………………………………
✍️ ( سيد خضر الزاملي )
مقطع صوتي من حيدر بشار الدراجي
Читать полностью…
من الارشيف
زينبــاً وا زينبــاء
.......................
ويلي يابت فاطمه المظلومه
مـن أخوتچ والاهل محرومه
حسين كَدامــج وكَع بالحومه
كَطعو جسمه العداء
زينبــاً وا زينبـــاء
............................
شفتي أهل بيتج امامـــج تنــــذبح
شفتي راس حسين عالي اعله الرمح
جسمه بيه ألف وتسع ميت جرح
آه مـــن طف كربــــلاء
زينبـــاً وا زينبـــــــاء
...........................
بيــــج نيران المصيبه أموجــــره
والجره اعليج اعله غيرج ماجره
مــن زغــر سنج يحــره امرمــره
شفتى آهات وعناء
زينبــاً وا زينبـــاء
............................
أشلون حالج من دوت نار الخــــيم
ونتي وحدج فاكَده اصحاب الشيم
لامحامـــي ولا كفـــيل ولا علــــم
طاح عالشاطي الواء
زينبــاً وا زينبـــــاء
..............................
رحتي وي جثال اخــوج اميسره
والكفل ضعنــج صريع اعله الثره
بالغـــرب ياوسفـــه وحدج حايـره
الغربتج تبجي السماء
زينبـــــاً وا زينبـــاء
..............................
رابيه ابضل فاطمه وحيدرعلي
انتي آيـه امنزله بجف الوحــي
اشلــون يتأمر عليـــج الناصبي
انتي رمـــــز الاتقياء
زينبـــاً وا زينبــــاء
...............................
الخادم
كامل السعيدي
يا حسيني
نسخة معدلة
🍂🍂🍂🍂
فدوه انه —- وكل بنيني
لشعره منك — يا حسيني
———————
انته بسملتي وقبلتي وانته ديني
فدوه الك شيبات راسي وكل سنيني
تحت چدمك وانته سالم كل بنيني
نذر اسجد للصبح كونك تجيني
نذر ما نام —- وتغفه عيني
بس تردلي -— يا حسيني
———————
كطره كطره حبك الغالي شربته
حسين عشگ سنيني من يوم العرفته
هي من الله رزق جانت محبته
واللي يطلب الله خل يلزم خدمته
نور شفتك —- في جبيني
شكبره فضلك -— يا حسيني
———————
انه كل خيري ونعمتي من الحسين
هذا نوري من خدمته وسهر السنين
الماله لحسين بحياته تالي لا وين
حصلت هاذي عَظَمتي بدمعة العين
اخذ عمري —- وكل سنيني
وكون سالم -— يا حسيني
———————
ريت راسي المرتفع عالرمح عالي
وريت جسمي ابدالك موذر يغالي
اه عملت كربلة اشسوت بحالي
خذت مني كل هلي وتعب الليالي
حلم دومه —- يعتريني
خاف افگدك -— يا حسيني
———————
جنت يومية تجي بگصتي وتحبني
الدنية لو جانت برد وارجف شفتني
جنت تنزع صايتك يبني وتلفني
صرت خيط ومنهزل يوم العفتني
اشظال منك —- لو تجيني
وينه طولك -— يا حسيني
———————
جنت اسوي قبور باطراف البرية
ولدي كل واحد اسويله بنية
وغير قبرك ابد ما حضنت ادية
حاشا أن انطي الظهر لابن الرجية
اهناك يمك —- كون حيني
بكربلائك -— يا حسيني
ابو علي
عبد الحسن القريشي
لا أنت ولا مثلك بعد عشره
يكدر زينب ايذلهه بكَـطع نحره
بيه زود ... ١٢ ولي
انه زينب .. شرف علي
=======================
1
انه بنت القلع خيبر وأنت ابن من يا شمر
اشما تريد اتسوي سوي حتماً أنا الانتصر
باجر التاريخ يكتب عن بطولاتي اشكثر
مره ذلت جيش اميه هيجي باجر ينذكر
مثل الجبل وكَـفت شامخه الهيبه
والعاداهه خلّص عمره بالخيبه
وكلشي باجر .. يصير الي
انه زينب .. شرف علي
///////////
2
//////
خاف حاسبني وحيده وما بقالي من يهد
ابرفعت إيدي السمه توكَـع عل الأرض رأسك تهد
بية لا تندكَـ احذرك يالجبت عمرك عبد
انه زينب بت محمد قادره الجيشك ارد
بنت الرد شمس ما يصعب اعليهه
ترد جيشك بجفهه الما تلاويهه
أنته تنطم ... وانه اعتلي
انه زينب .. شرف علي
//////
٣
//////
ثورتي الوفد الحسيني التحجي بيهه كربله
راح اركعك مثل ما كبلك ركعلي حرمله
سيفي خدري الما تلوحه اشما تطوّل السنسله
اسمك يعيش المذله واسمي عل قاده عله
ما توصل مقامي اشما عله شانك
من عزمي شفت قله وكثر هانك
بية تفخر .. تضل هلي
انه زينب .. شرف علي
//////////
٤
//////
انه تربات الكفلني الما يثني بسطرته
العل نهر خله جثثكم تحجي كلهه بصولته
المنه صار الزلمه بيكم شارد ابلا خوذته
انه اخت عباس انه الرجفاك بخزرته
انه اخت العظيم الأخذ منكم شط
الخله ازلامكم من الركض تفحط
ابو فاضل .. ضل كافلي
انه زينب .. شرف علي
٥
///////
احجايه مني اسمعهه زين وخلهه بذنك شاهده
ما تخاف امن الضباع اللبوه اخذهه قاعده
آنه مفخرة الهواشم على الكل متّسيده
ما يهزني الجيش هذا وانه اضل القائده
صح طركَـ العبايه بس أعادل كم
فارس من فقاره الجيش ما يسلم
اسمع اسمع .. يا عاذلي
انه زينب .. شرف علي
==========================
✍️🏻 كلمات موسى الخادم ٢٠٢٥
يادفّان ياعمه
سلملي اعله ابو اليمه
وكله أختك مشت ما بين الاجناب
>>>>>>>>>>>>>>>>>>>>>>>>>>>>>>
١=
من توصل حبيبي الشابع اجروح
سلملي عليه بالدمعه والنوح
وكله اختك وراك امفاركه الروح
وليل انهار بيك اتهم يمذبوح
يا دفّان وبنحره
أريد أتقبله وبصدره
ومن كَـبره تجيب اشويه الي تراب
//////////////////////
ما وصيك يا مكسور الاِشراع
لا تترك ظلوعه امطشره عل الكاع
لمهن زين واحضنهن بالوداع
ولا تنسه تدور خنصره الضاع
بلكت باقي بالهيمه
ابجاه ادموع الايتيمه
وّتردّه اعله جفه الفاكد احباب
٣===
احلفك عمه وسعله اللحد زين
هواي امن السحك متأذي الحسين
كلشي البي يلجمه وصار نصين
وبحر الشمس صاراله يومين
ما واحد وصل صوبه
الجثته بخيل مكَـلوبه
ما واحد فزعله وليه جفن جاب
===٤
من اتنزله كبره أتذكر اهواي
عطشان انذبح ما شارب الماي
رش كبره ابدموع اعوينتك هاي
هم عطشان مات وظل بلا افياي
بحر ذيج الشمس عمري
خليته ودماه تجري
مكطوع النحر مسلوب الاثياب
٥======
كلشي البية يوجعني اعله فركَـاه
وليل انهار ما فاركَـته ذكراه
لو صح بيدي اروح أوياك أنعاه
وابجيله بكثر ما روحي تهواه
أبن امي المنذبح شفته
لو صح بيدي ما عفته
جا يمه بقيت امسحله الخضاب
ً
كلمات موسى الخادم
عزيز امه انسحك بالخيل
واجته اخته تلمه بليل
ماخذهه التعب كل حيل ما بيهه
__1__
من سابع سمه وينظرهه رب الكون
كعدت يم اخوهه ابلايه شوف ام عون
حارت جسم اخوهه اتلمه مدري اشلون
مسحوك اعله طوله وما بقتله امتون
حارت … تجمع ،،،
جسمه ابيا حيل
صاحت … يارب …
طشروو بالخيل
طشروو خيرك اعله الكاع ... وكل حافر اخذله امتاع
من اضلوع اخوي الداست اعليهه
............2............
أجت بس ما اجه وياهه يويلي الحيل
وخطوات الدرب كظتهه عثره بليل
متّربه العبايه وساحكتهه الخيل
كوه اجر نفسها والطريق اطويل
لطمت ،، ونت ..
لحسين اهواي
أوصلّت … وحشه ..
الموته ابلا ماي
توضت زينب بدمعات
اوقرتله الفاتحه لوعات
وصلاة الوحشه صلّتهه بنواعيهه
_3_
من بعد الدواره الدورتهه اهواي
وصلت يم اخوهه الفاكده اجم راي
اجته وجايبه وياهه طاست ماي
تكله اكعد اروي اضماك عوف اضماي
جيتك .. خويه ..
اتكله بعنوان
اكعد … واروي…
الجبد العطشان
جبت الماي إلك يحسين
بس راسك أجيبه امنين
اشربك ماي من النحر تاليهه
==4==
بدت تجمع بخوهه الما بقاله امعين
واول شي تجمعه رادت الضلعين
ما كدرت تلمهن مارديهن زين
ظلت بالأرض تحفر تدور حسين
بلكت … تلكه …
أشويه من المات
حفرت .. شافت ..
ضلعه ولجمات
يصب نحره اعله طوله دموم
وجرح شابك جرح ملجوم
يفز حسين كل ما مدت ايديهه
...............
__5__
فرشت شيلت امهه ابمصرع المذبوح
وكل ساعه تشد منة جرح مفتوح
واتوخر التراب البل نحر وتنوح
ومن كد ما بجتله منهه طلعت روح
صورت .. زينب ..
تبجيله عيون
خلت ،،، كلشي ..
ينوح اويه ام عون
حزنهه اخته اعله ذبحه اهواي
بكثر ما عطشوه للماي
لذلك بجت الكون ابواجيهه
...............
____6____
ابسرعه الليله عدة عالعقيله ابساع
ما لحكت تودع حسين خوش اوداع
ولا كدرت تعوفه امطشر اعله الكاع
الوكت من عدهه ضاع بخنصره الي ضاع
خلَصت .. ليلة
حادي المقتول
أدور … خنصر
ضايع بالجول
عليهه ابسرعه طر الانهار
أتعبت بس ما لكتله آثار
ضاع الخنصر وظلت مآسيهه
::::::::::::::::::::::::::::::::::
✍🏻💔 كلمات موسى الخادم
وحـگ صـبرك ياحسـين وغربتك
كـل مصـيبه اتهون يـم امصيبتك
سيدي كـل مـا يمر بـيـنه الحزن
وتنزل الدمعه حزينه اعلى الوجن
ننسه همنه ونـذكـر الطف ونون
الحسـره محتـاره ابگلبنه لحيرتك
كـل مصـيـبه اتهون يـم امصيبتك
الضيع اخـوانه وقـسى وياه الدهر
يكض ظهره ويذكرك محني الظهر
حسـين يالـفـاگد اخـو يـم النهر
عـليـه رويت الفـرات ابـدمـعـتك
كـل مصـيـبه اتهون يـم امصيبتك
الحزن يـم مصيبتك يصبح عدم
ذاك طـولك يـم الاكـبر مـاسلم
انهدم كله حسين مو حيله انهدم
مـاتت اويـكبـر اولادك فـرحتك
كـل مصـيـبه اتهون يـم امصيبتك
رمـح لليـوم ابـدلـيلك مـنـغرس
والفـگد شـبان بمصـابـك يـحس
مـاتـن اويبن الحسن حـنه وعرس
عالحسن لـو عـلى القاسم لـوعتك
كـل مصـيـبه اتهون يـم امصيبتك
كـلشي راح اودعت طيـر السعد
مـن خذت عبد الله من ذاك المهد
دمـع عـينك وي دمـه نحـره صعد
اوصـلت السـابـع سـمـه يـا عبرتك
كـل مصـيـبه اتهون يـم امصيبتك
الألـم كـله ابـكربله يـمك نـزل
بـيـن خـيل وفـاگد أنـصار وأهـل
وحـتى دخـان المـخـيم مـاخجل
هـجم وي الـخـيل گـاصـد عيلتك
كـل مصـيـبه اتهون يـم امصيبتك
هـانـي نـاصـر السـعيـدي
#جديد_محرم_الحرام_
⏱مَن القائل "ألا وصَلَى اللّه عَلَى
الباڪِيـن عَلَۍٰ الحُسَين ":
○ رسُول اللَّه "ص"
○أمِيࢪ المُؤمنين "؏"
○فاطِمَة الࢪَّ࣪هہٰراء "؏"
اختࢪ الإجَابَة الصَّحِيحَة⌛️
(گعده)
خليها بخيمها ** يا ليل بألمها
هاي العايلـــــــه ويــــن ** تصبح عُگب الحسين
خليها بخيمها ** يا ليل بألمها
ــــــــــــــــــــــــــــــــــــــــــــــــــــــــــــ
تدري يا عايله بهاي الخيم هاي بنات حيدر
ربت بخدور الوطان وأصبحة بخيام بالبر
رضت بس الأهل يمها وبوجود الأهل خدر
شلون يا ليل الزمان ألعبة لعبه بعكس تفتر
لنها بعطش هل عايله *** وفتية علي عقد الوله
بس هل مسيه بكربلـــــه *** وعل ضيوف عيون تسهر
يا ليل نوايـــب ** باجر بالحرايب
تغيب وجوه الكرام ** تبگه عـيـال وأيتام
وطفال بيتمها ** يا ليــل بألمها
ــــــــــــــــــــــــــــــــــــــــــــــــــــــــــــ
أنطي سمعك للخيام ودويه مـن كـل خيمه تسمع
أُم أجـت ودعـة شــاب وهــل أخـو لـلأخـت ودع
طفله صاحت مـاي أريد مـن الضمه گلبي تـصـدع
وأُم رضيع أتصيح جف الثدي وطفلي يريد يرضع
وحده تنادي يل أهـــل *** چنكم تخيبون الأمل
هل عايله تضل بوجل *** تطلع وللخيمه ترجع
والعايلــــه بريبـــه ** وتحس بالمصيبه
وحده تگوم وطيح ** تريد الوالد تصيح
وحده تريد عمها ** يــا ليـل بــألمها
ــــــــــــــــــــــــــــــــــــــــــــــــــــــــــــ
هاي توصل يـم أبـوها حـسين لن توگف گباله
أتريد تحجي تخاف تحجي هلطفله على حاله
يذوب چبده من تريد تخبره عـن حالة أطـفاله
فكره عدها تريـد أبـوها تباصره بـحـالة عـياله
تگله أرجع بهاذه الضعن *** خلي الودايع بالوطن
أتشوف الدروب أتلزمن *** أبد ما يحصل مجاله
وتـغـيـر النـضـره ** من ترجع ابحسره
تـشعر بالأبـو يـروح ** وباجر تصبح جروح
وبعد شينيمها ** يــا ليـل بــألمها
ــــــــــــــــــــــــــــــــــــــــــــــــــــــــــــ
قسم هاذه وقسم ثاني من الطفال وأشد جمره
طفل ما يـعرف الـخوف ولا أله بالـخـوف خـبره
يـصيح ودوني العمي وهاذه حـالي خـل ينضره
گلبي مـن الـعـطش ذاب ومـا يـريـد ولا يـعـذره
وعباس ينضر هل وضع *** چـم طـفـل يـمـه مجتمع
وبـاجـر لونــه يـسـتـمـع *** عگُب عينه الحاله خطره
هـساعـه بوجـوده ** وملتمه على جوده
منـه تطلـب الـمــاي ** هاي شعدها من راي
بس الضيمه يهمها ** يـا لــيــل بــألـمـهـا
ــــــــــــــــــــــــــــــــــــــــــــــــــــــــــــ
هاي متحيره شلون نصير باجر وضع يصعب
ذيچ مـتخوفه بريبه وهـاي مـاي تريد تـشرب
بت علي شنهو الشغلها بيـا أمـر فـكرت زينب
يصير نامت عين زينب تدري باجر هيه تتعب
لا عين زينب ما غفة *** أكثـر العيـلـه تـخـوفـة
مـن ليلـه هيـه تـكـلـفـة *** عليها كل مصاب ينصاب
وتصبح غريبه ** وتمسـي سليـبـه
ومن باجر هل عيال ** ومن باجر هل الطفال
زينب تستلمها ** يــا ليـل بــألمها
ــــــــــــــــــــــــــــــــــــــــــــــــــــــــــــ
حـيـره يا لـيل شگلك طـول يا ليـل النوايب
راحت تموت الودايع خوف بوداع الأطايب
راح أگـلـك أبـدي صـبـحـك بـدم والمصايب
صبحك يخلي الودايع عگُب أهاليها غرايب
من صبحك يصير السلب *** من صبحك يصير النهب
باجر نار بخيم باجر تشب *** وليحامـي الخيـم غـايـب
لا يا ليل طاويل ** أيـتـام وأرامـل
عيال حسيـن يا ليـل ** عليهم تهجم الخيل
محد يحتـرمـهـا **يــا ليـل بــألمها
ــــــــــــــــــــــــــــــــــــــــــــــــــــــــــــ
طـول يا لـيـل بـوداع الـعـايـلـه ويه أهـلـها
لا تـغـيـب هالـوجـوه التـودعها ولا مـثـلـهـا
بأمل زينب خل تعيش ليله ولا تخيب أملها
أليله يمها الأخوه مجموعين باجر منهو ألها
أليله بجمع أهل الأبه *** وباجر بدمها أمخظبه
المتخـدره المتسلبـه *** أتغيب كل الأهل كلها
يا صبـح المـنايـه ** يا صبح الضحايه
لا تبدي للعـيـون ** يا ليل شيگولون
من صبُحك هضُمها ** يــا لــيـل بــألـمـهــا
ــــــــــــــــــــــــــــــــــــــــــــــــــــــــــــ
(مصيبه)
ودعي يا زيـنـب أهـلج يا بـت حـماي الحميه
بهل المسيه ضيوف عدج ودعي بهاي المسيه
ليوم وليانج أكـبالج وجـثـث باجـر عل وطيه
باجر ضحايه على ثره تلگين الأخوه مطشره
ولا يا وديعة حيدره ما يضل من هاي لأخوه
بس عليل يودعونه
ــــــــــــــــــــــــــــــــــــــــــــــــــــــــــــ
الشاعر الخالد عبد الحسين ابو شبع
#محرم_١٤٤٧_هــ
مولاتي زينب ع
امس يمي
امس يمي وبالي يمك
وفكرت بل خيل راح تئذي جسمك
امس يمي حسين كاعد
ساعه ابوسك فوك نحرك ساعه اضمك
امس ردنه ليل يبطي
ولاشمس تطلع ولا فجر الله يكشف
امس يمي وكعد اخيره
وشوف خل شبع قبل الادمه ينزف
حسين يمي واني اريده
خلي احطن جفي بيده
بهيده اشمنه على كيفي
ولا يمر سيف ابو ريده
عن وجهي وجهك ارفض تديره
وخن طول بهل ساعه لـ اخيره
وليله الا خيره بهاذ ال مخيم
وباجر بواجي بطيحت عشيره
0000000000000000
خلصت ويه حسين عشره
وداع الي يموتون خوته شلون افسره
وياك مانتلاكه باجر
باجر من الخوف جم ميت اعبره
كون اشبع شوف منه
كبالي صلاه حسين وتخبل صلاته
هاك ماي من ايدي وشرب
وحلكه باجر يبس وتنشف الهاته
اشرب اتهنه يبيتي
ياعمد ستري وحنيتي
وكال زينب خل اكلج
بدمي تتخضب لحيتي
اروه عله كيفك وتهنه وشرب
فجر الله لوطر خمتنه تنطب
وادري بجمالك مايبقه نفسه
شيبك دمه من نحرك تغضب
0000000000000
امري لله خلاف عينك
كلشي باجر مو عرف يركض ورانه
احنه مو مالت صحاري
واحنه خير وطحنه يم الشر والانه
حضرو كلشي الذبحتك
سيوف ورماح وعدو وثكيل حافر
يعينك الله حسين باجر
ينولي ويلزم صفحته ابن امي حاير
كلشي راح يصير ضدك
كلهه توكع وانت وحدك
اسهام تمطر فوك صدرك
وال سهم باجر يسندك
ها يا عزيزي عيوني شمحنتك
وتبقه وحيد وعينك عله اختك
هل من معين ومحد يعينك
متحضره خويه الناس الذبحتك
0000000000000000
تكابلينه وكمنه نبجي
جانت اخر جلمه كال رقيه امانه
تجمعن يمه بناته
وشوف الموادع يموتنه ابحنانه
لوذن بزينب يبويه
وهاي اخر المه تجمعنه الخيام
بويه باجر كلهه غربه
ماكو حامي اليحمي زينب واليتام
شكد عزيزه البت الابوهه
وينذبح ويركضوهه
ينولي حسين وبناته
والتراجي يسلبوهه
بلطف عل اهلي شيب النوارس
ولاكو تراجي اضل الا محابس
شبعن وداع وشوف من ابوجن
وباجر ابوجن ذباحه حارس
صباح جهاد
ما اكثر المحافظات العراقية التي تود ان تسكن فيها او تزورها بأستمرار، اختر واحدة 👇🏻👇🏻
Читать полностью…
♦️تم نشر قصائد منبريه هنا 👇
👉 /channel/Bany_Hashime
نعي عن لسان السيدة زينب عليها السلام
.
.
ثلث تيام ضل جسمه رميه
هذا حسين بارص الغاصريه
تدوس اعليه خيل الاعوجيه
عرب لا غيره عدها ولا حميه
.
.
وين اهل الشيم خلها تشيله
ابـو السجاد مــا عنده قبيله
لو عنده عرب هسه تجيله
ما يكدر عله حمله عليله
.
.
وين الزلم صارت و العشيره
جا وين الشيم والعدها غيره
جيبو خنصر حسين وزغيره
هاشم وين عمتكم اسيره
.
.
حار الرمل يا بعد حيلي
يحسين يا روحي و دليلي
اخلاف الولي ياهو اليجيلي
جـا ليش عافاني كفيلي
.
.
جسم وياي وكتي شلون جسماه
بخوي الضل ثلث تيام جسماه
اما تدرون من العرش جسماه
اسمه ومصحف الله امسن سويه
.
.
حسن صالح العيساوي
دفنته وكلبي من الآه مشلوع
بجيت وبلللت كبره امن الادموع
ابوي ابوي.. لوعني ياناس
ابوي ابوي..جثه بلاراس
دفنته
ــــــــــــــــــــــــــــــــــــــ
كمت اوصل الجسمه وارد
مره اقترب مره ابتعد
مالي كلب عالدفنه
فوك الجسد صفيت ادي
خاطر اسوي النحره في
بلكت يفز اتمنه
مايرجع الشابع ذبح
وضحكاته بايگهه الرمح
واخيولهم أذنه
احظنه لو أضل متمدد اوياه
أصيحن ياعلي لو واحسيناه
ابوي ابوي..ياوردة الياس
ابوي ابوي..جثه بلاراس
دفنته
ــــــــــــــــــــــــــــــــــــــ
رحت اركض اعله المشرعه
وجيت وعباتي امنكعه
اعصرله مي بنحره
بالطف أدورلي خشب
تابوت اسوي للذهب
خاطر اشيله الكبره
واكف واصد الجثته
من الجدم حد ركبته
الجثه صارت حمره
بالهيمه لكيت اضلوعه طشار
ونحره امنين مااندار يندار
ابوي ابوي.. بالخيل ينداس
ابوي ابوي..جثه بلاراس
ــــــــــــــــــــــــــــــــــــــ
عشرين عمري وي خمس
وكبران يادنيه احس
كبرني فكد الغالي
الماعنده ابو يشبع قهر
عيسى يضل طول الدهر
ماعنده فَي للتالي
السجاد آنه المنسبي
امجتف رحت وي زينبي
والطير ون الحالي
عجيبه الدنيه ليش اتفرق الاحباب
اعز ناسي وهلي نامو بالاتراب
ابوي ابوي...بيا ابو ينقاس
ابوي ابوي..جثه بلاراس
ــــــــــــــــــــــــــــــــــــــ
مات الجنت اتنفسه
نحره بديت اتلمسه
واتخيل آنه اعيونه
اشبيهه الضماير ميته
عالترب كلبو جثته
ومن ركبته ايذبحونه
باكو اثيابه الطاهره
وبالسيف كطعو خنصره
ليش الله ميخافونه
هم شفتو بشر مذبوح عطشان
تره الماي ابلاش انوزعه مجان
ابوي ابوي.. ضلموه الارجاس
ابوي ابوي.جثه بلاراس
ــــــــــــــــــــــــــــــــــــــ
شلته بحصيره او مونعش
يابس لكيته أمن العطش
وحسيته جن يهمسلي
الصوت من نحره طلع
بس صوته بي لوعه اووجع
تدرون ابوي اشكلي
كلي يوارث عصمتي
عالقبله وسد جثتي
وابصدري نوم طفلي
عبدالله طفل من وحشته ايخاف
من الدنيه مات وكلشي ماشاف
ابوي ابوي..اغله أمن الأنفاس
ابوي ابوي..جثه بلاراس
دفنته
محمد الجماسي
#اللهم_عجل_لوليك_الفرج
(( #أعتذارات_الطبيعه ))
……………………………………………………………
جينه غاطينه الحزن والانكسار
الك و نقدم طـلب للاعتذار
عاونينه اعل الذبح •• صرنه لجروحك ملح
اعتذار •••• اعتذار
……………………………………………………………
الماي انا ابجدم يعثر . والخجل ماليني جيتك
حلم صرت ابعينك انا . اشكثر بالطف عذبيتك
عفتك السانك جمر و اشفاك تلهب
صحت بسمي وليك چتالك تگرب
موش انت السيف من ادماك يشرب
متت عطشان وخيول اعليك تلعب
حيل واتأذيت من منظر فضيع
ردت گبل السهم اوصل للرضيع
اوليدك ابگلبي جرح •• صرنه لجروحك ملح
اعتذار •••• اعتذار
……………………………………………………………
انا رمل الغاضريه . ابدم وريدك صرت احمر
اعليه متمدد وأنا . حار افور ابجسمك اسعر
عالوجه مگلوب صار اعليه صدرك
صارت ابنصي لحيتك و اشم عطرك
انا وادماك التصب صبغينه شعرك
حيل مالح انا صرت ابوسط نحرك
اهدوم والسلّاب ما تارك عليك
وانا صرت آكل ابرجلينك واديك
اعليه عاري ومنطرح •• صرنه لجروحك ملح
اعتذار •••• اعتذار
……………………………………………………………
انا شمس الصيف انا . جوه ناري الكبره ممتد
ثلث تيّام و حرگته . جسمك وسويته اسود
من الصبح للمغرب ابچي وانحب اعليك
ما اشوف افياي من عندي ويحاميك
تسمعيه والف يوميه احسب البيك
ما ادوايك واظل بيهن اچويك
بيه يابو اليمه حسره وبيه آه
حمره صبغيت الأخيّاتك عباه
ماكو رحمه الهن تصح •• صرنه لجروحك ملح
اعتذار •••• اعتذار
……………………………………………………………
أنا اخجل أحجي اسمي . انا ام الضيم آنه
عشره صعدينه اعل جسمك . طشريناه عن مچانه
والحوافر اربعين وركضه جينه
ضلوع نسمع صوتهن من كسرينه
جسمك و چم مره شلّنه و گلبينه
ولبناتك وصله من گلبك خذينه
احنا مغلوب اعل امرنه ومرغمات
ريت رجلينه ابگطع و مكسّرات
ريت ما شفنه الصبح •• صرنه لجروحك ملح
اعتذار •••• اعتذار
……………………………………………………………
انا بثنين افجعيتك . انا ريح الهوه التسري
من جبتلك صوت الاكبر . بويه الحگ گطع نحري
حرمله انا اللّي دلّيته و رشدته
هبت ارياحي اعل عبدالله ودمعته
اقماش شلته وبيّنَت تلمع رگبته
وسدد الچتال عل المنحر نبلته
ريت لا هبّيت لا شرجي و شمال
ولا اشوف اوليدك ابنص الرمال
اگماطه اصبح منفتح •• صرنه لجروحك ملح
اعتذار •••• اعتذار
……………………………………………………………
النار أنا أحرگت كلشي . ابد ماخليت خيمه
انا خليت الفواطم . ابلا ستر باتن ابهميه
اذيال زينب من لهيبي سعّرتها
بالجمر و اجدام سكنه لسّعتها
ارقيه مني وحيل تركض خوفتها
بالدخان اوجوه الايتام اصبغتها
رعب وانرسمت الحيره اعله الزغار
كلها تصرخ عمه زينب نار نار
منك أنريد الصفح •• صرنه لجروحك ملح
اعتذار •••• اعتذار
……………………………………………………………
✍️ ( سيد خضر الزاملي )
يبو السجاد بس وياك خليني
من حبك يبعد الروح غذيني
~
الگلب ياريت حبك سيدي ايشغله
وعن كل مغــــــريات الدنيا يتخله
مايـحـله العمر لـــــــولاك مايـحـله
وياك العمر محــلاته يحـــــسيني
~
غـذيـنـي ابـحـنانـك وانـت ربـيني
ومن اعطش ابچفك ريت ترويني
ولا فــرق البـاري بــــيـــنك وبيني
وخــــــــادمكم يبو اليمه تسميني
~
لون تــــدري يماي العين شتمنّه
علگ گلبي على الشبـــاك اشدنّه
جنّه حـــــظرتك يامحله هالجنّه
ونسيم ازيارتك مولاي يحييني
~
همت باسمك وحگ الطاهره البضعه
وعشت بِيّه جرح واجريلك الدمعه
اخــــذني العالمك خليني بس انعه
يـمن جـمرة مصابك دوم تچويني
~
دعيت الله تـــــدوم ابحبك العِشره
اولا يجعل وصالي اوياك بس فتره
الما عايش حنانك عايش ابحسره
حلم عمري ابخدمتك تخلص اسنيني
~
وفقني الخـــــدمتك بيه مابيه
خليني أهيم ابكل حـــــــسينيه
واحلفك بالمشت للشام مسبيه
على دربك يبو السجاد مشيني
~
حيدر بشار الدراجي
#قصيدة_للسيده_زينب
غريبه زينب
من يجن الليل عالحره صعب
ابلا گمرهه امحاوطه بزمرة غرب
ولذبح اخوتهه يمهه
وماكو خيمه الي تلمهه
من يجن الليل عالحره صعب
----------------------
الضلام الصار في ليل اهدعش
اتعجب الليل اعله لونه
وماكو خيمه وبت علي بديرة غرب
وبس شتمهم يسمعونه
وزعت كل نضره للخدر خيم
بضيم غريه وها اجونه
زين منهو ايصير خيمه للخدر
ولگمر طفوو اعيونه
امعلمه اعله الكافل وهيه اتأمر
اشلون هسه ايصير واليهه الشمر
ومن گلبهه يفيض همهه
اوماكو خيمه الي تلمهه
من يجن الليل عالحره صعب
---------------------
ليل اكشر مر عليهه مو سهل
وحارت الحره ابأمرهه
گبل جوه اجناح كافلهه غدت
وبالمشي يمسح اثرهه
الناس تحلم لو خيال الهه تصد
هيج معروفه بخدرهه
اشلون هسه ابليل اضلم يم غرب
وتالي منتضره يسرهه
بليل اضلم حره كاتلهه الضمه
حرمه وحدهه صعب وبلا حمه
امگبعه بحسرة المهه
وماكو خيمه الي تلمهه
من يجن الليل عالحره صعب
---------------------
ليل موحش بي كلشي ينسمع
حتى دگات الگلب
وزينب امحيره بطفال ونسه
اليبچي لازم ينضرب
وبين هاي وذيج حارت بت علي
وصلفه نضرات الغرب
هيج وبلاخيمه بالحومه صفن
اتوسدن فوگ الترب
ليل وليحتار رايدله ضوه
وزينب اتبده نضره ويه اللوه
وكلهه صاحتهه بأسمهه
وماكو خيمه الي تلمهه
من يجن الليل عالحره صعب
------------------------
بليل لو رادت تروح اعله النهر
ونفرض اتحشم اخوهه
چم نحر لازم تعبره چم الم
ابيا رزيه ايصبروهه
وين متباوع جثث فوگ الارض
يالحوافر طشروهه
وبين كل هاي الاجساد اتمددت
عالگفه جثت اخوهه
هاي ليله ياعلي اتريد الصبر
اشلون ليل الحادي اعليهه يمر
ولمن اتسولف هضمهه
وماكو خيمه الي تلمهه
من يجن الليل عالحره صعب
-------------------------
ليل خلاهه اسيره امكدره
وبين كل هاي المصيبه
راحت ادور اخوهه امن الجثث
ولگلب لاهب نحيبه
جت تدور عالبقايه امن الجسم
اشخلو ابجثته السليبه
حسين مو بس نحره ناده اعله الخدر
حتى عطره اعله الغريبه
اگضي ياليل النوايب لاهله
وشنهو رايد من گلب فاگد هله
ومات بيهه كل حلمهه
وماكو خيمه الي تلمهه
من يجن الليل عالحره صعب
--------------------------
علي سليم الحسناوي
من قناة الدموع الزينبية الشاعره ام ريام الدخيل الركابي ✨🌸
السلام عليكم ممكن تشاركون قناتي اصدقائكم فضلا وليس أمراً
👇👇👇👇👇👇👇👇
/channel/mmmarl23
انذبحو اخوانج /// والّوحدج صفيتي
وتاليها يا زينب /// بس أنتي بقيتي
>>>>>>>>>>>>>>>>>>>>>>>>>>>>>>
١=
هالكلام اهواي زينب سمعت ابدرب اليسر
وحّدج زينب بقيتي ماتو اخوانج غدر
اشلون بله ابدون اخوتج راح تكضين العمر
وأنتي ما ضلج وراهم غير دمعات وصبر
عباسج الهيبه //// مات وما دريتي
وتاليها يا زينب /// بس أنتي بقيتي
>>>>>>>>>>>>>>>>>>>>
٢==
طول درب اليسر زينب عينهه اتصد عالرمح
خاف يوكع راس اخوها السابح بدم الجرح
شكد حنينه اعليه جانت أحن من شمس الصبح
اعليه تخاف وهوه عايش حتى من بعد الذبح
والذابح ايكَـلهه /// راح الي هويتي
وتاليها يا زينب /// بس أنتي بقيتي
٣===
أبكل محطة سبي زينب تعترضهه مشكله
مره طفله منهه توكع مره توكع عايله
والسبوهه ما رعوهه امكيديهه ابسلسله
فوك حرك الخيم والتله اوركضهه بكربله
والشامت ايكَـلهه /// اخوانج فاركَـيتي
وتاليها يا زينب /// بس انتي بقيتي
٤====
وبالخرابه اهناك زينب كعدوهه اعله الترب
وكلشي ما ينشاف شافت زينب بحركَـت كَـلب
ماكو واحد كَـال تعبت من مسافات الدرب
خلهه ترتاح ودمعهه ايبطل أشويه يصب
لا بالعكس يمهه //// يحجون ابمنيتي
وتاليها يا زينب /// بس انتي بقيتي
٥=====
كلهه صوب وصوب جانت محنت الشام الأشد
عالعقليه الهاشميه المابقه الهه احد
استقبلوهه بالطبول الفاكَـده أخ أولد
وفوكَـ كل هذا عليهه الناس تتفرج بعد
والسهم البعيني //// خلصت قابليتي
وتاليها يا زينب /// بس انتي بقيتي
>>>>>>>>>>>>>>>>>>>
٦======
كثره عاشت محن زينب بت علي بهذا الزمن
وطبت الديوان جانت اشد كل هاي المحن
دخلوهه امكَـيدهه المجلس اليعبد وثن
وصار يتفرعن عليهه اكَـبال اصحاب الفتن
ويسأل بقه بخسه /// موته اتوقعيتي
وتاليها يازينب /// بس أنتي بقيتي
________
✍️🏻 كلمات موسى الخادم
شحجي على الشفته
أبدفن الأبو العفته
بل كَـوه انه اعرفته
من كثر الجروح
…...........
١=
وصلته ومن وصلته واكعدت يمه
شفت كلشي بحبيبي سابح بدمه
وعلى كلبه الرمح والحافر الداسه
وحرت حيره اشكبرهه بجمع ابو اليمه
اشكد دافن بعمري
ناس بكثر صبري
بس ما كسر ظهري
مثله ابد مذبوح
/////////////////
٢==
بديت اجمع لحم جسمه المله الحومه
وكسر كلبي أبوي الذابله ارسومه
عليه ما خلو اهدومه انسلب كلشي
الجسد عاري لكيته وفايضه ادمومه
حرت بأمر جمعه
والراح شيرجعه
يمه كعدت انعه
ابصوتي المبحوح
////////////////////
٣===
لكيته اعله الوجه مكلوب ابو الأكبر
وعلى نحره ١٢ طبره شفت واكثر
ومنه امكسرين اظلوعه يا ويلي
شكثر حاولت أشيله امنيدي يطشر
سبحه وألم بيهه
اظلوعه المطشريهه
والروح احاجيهه
عالفارك الروح
////////////////////
٤====
احفرت حفره جبيره الطوله المكطع
وجبت ويلي حصيره بيهه ابوي اجمع
لان من عندي يوكع كل جزء شلته
أبوي امن السحكَـ بي ترسو المصرع
الحافر خسف صدره
واتساوه وي ظهره
ودم هامته ونحره
عالغبره مسفوح
/////////////////////////
٥=====
نزلته الكبر بس راس ما عنده
دفنته بس نحر نازف وسط لحده
وعبدالله اعله صدره بهيده وسدته
بس جسمه بلا راسه ولا خده
هم مثل ابو الأكبر
كطعو اله المنحر
وراسه برمح اصغر
مشيول وينوح
/////////////////
٦======
اه اشما صحت ما تطفه نيراني
اشد موقف كسرني وحيل اذاني
من هِلت التراب وجني صرت اسمع
صوت امن النحر عطشان صاحاني
يا علي يوليدي
ماي ازكَـي اوريدي
وحط أيدك ابايدي
وظل يمي لتروح
////////////////////////////////////
✍️🏻كلمات موسى الخادم ٢٠٢٥
عـالگبر ذب اعمامته اسجاد هاي الليلـه
شاف الصعب والماجره اسجاد هاي الليلـه
ووصال ابوه امطشره
يبچي ويدور خنصره
من مالگه المحبس بقه بس الحزن يوميله
عـالـگـبـر ذب اعمامته اسجـاد هاي الليلـه
امصاب مثله مـاسده اسجاد هاي الليلـه
ابلاراس يـدفـن والده
واشـلون راح ايوسده
مهضوم ومتعبه الوكت من الهضم يشكيله
عـالگـبـر ذب اعمامته اسجـاد هـاي الليلـه
محتار مكسور الظهر اسجاد هاي الليلـه
يم والـده گلبه انكسر
وسد رضيعه اعلى النحر
يم الكبر حيله انهدم وحسين هدم حيله
عـالگـبر ذب اعمامته اسجـاد هاي الليلـه
تجري اعلى الاكبر دمعته اسجاد هاي الليلـه
واحـتـار مـابـيـن اخـوته
رمله اعلى جاسم وصته
اوساده من ثوب الحسن من يدفنه يخليله
عـالـگـبـر ذب اعمامته اسجـاد هاي الليلـه
واتعنه صوب المشرعة اسجاد هاي الليلـه
واشلون شاهد مصرعه
دامي وچفوفه امگطعه
اتطول سالفته السبي عن السبي يحچيله
عـالـگـبـر ذب اعمامته اسجـاد هاي الليلـه
محتار خايف من يرد اسجاد هاي الليلـه
من عمته ايطول النشد
ويـعـرف گـلبـها ينـمـرد
يبچي اعلى عمته ام الخدر وهي بعد تبچيله
عـالـگـبـر ذب اعـمـامـتـه اسجـاد هاي الليلـه
هـاني ناصـر السـعيـدي
(نعي +أبوذيات)
السيدة زينب(ع)
دفن الإمام الحسين(ع)
تلچم صفنتي من يجي الليل
آحاه يـَ دفنك ويل ياويل
فوگ التراب امطشر الحيل
ماظل ضلع ما طحنِتَه الخيل
****
دفانك الظل بيك حاير
كله بسبب دوس الحوافر
من اتظل وراي شلون باچر
اتراب ودمع يعمي النواظر
****
ما تنوصف ياخوية گشره
ساعة دفنتك حيل مره
ماتنجمع چي وذره وذره
الـ يشيل وذره أتطيح الأخره
****
يالون خدري اتفرهد اللون
سمو الحيرة حيرة أم عون
حرمة وغريبة بوحشة الكون
غربة وبچت چا زينب شلون
****
الشماتة بـ فرح وأحنه بـ نوح دفناه
دمع وي لاچمات الجرح دفناه
حالة راس أخوي بـ يوم دفناه
أشفافه أمسومرة ويربي لـ رقية
***
چلمات الخطية أنسبت يدمن
السمع وأباب متني أسياط يدمن
الـ تنمد بالمسبة أدريت يدمن
الگبل هو وهله أيحلفون بية
****
خادم خدام الحسين
صدام آل جريو
دفنته وكلبي من الآه مشلوع
بجيت وبلللت كبره امن الادموع
ابوي ابوي.. لوعني ياناس
ابوي ابوي..جثه بلاراس
دفنته
ــــــــــــــــــــــــــــــــــــــ
كمت اوصل الجسمه وارد
مره اقترب مره ابتعد
مالي كلب عالدفنه
فوك الجسد صفيت ادي
خاطر اسوي النحره في
بلكت يفز اتمنه
مايرجع الشابع ذبح
وضحكاته بايگهه الرمح
واخيولهم أذنه
احظنه لو أضل متمدد اوياه
أصيحن ياعلي لو واحسيناه
ابوي ابوي..ياوردة الياس
ابوي ابوي..جثه بلاراس
دفنته
ــــــــــــــــــــــــــــــــــــــ
رحت اركض اعله المشرعه
وجيت وعباتي امنكعه
اعصرله مي بنحره
بالطف أدورلي خشب
تابوت اسوي للذهب
خاطر اشيله الكبره
واكف واصد الجثته
من الجدم حد ركبته
الجثه صارت حمره
بالهيمه لكيت اضلوعه طشار
ونحره امنين مااندار يندار
ابوي ابوي.. بالخيل ينداس
ابوي ابوي..جثه بلاراس
ــــــــــــــــــــــــــــــــــــــ
عشرين عمري وي خمس
وكبران يادنيه احس
كبرني فكد الغالي
الماعنده ابو يشبع قهر
عيسى يضل طول الدهر
ماعنده فَي للتالي
السجاد آنه المنسبي
امجتف رحت وي زينبي
والطير ون الحالي
عجيبه الدنيه ليش اتفرق الاحباب
اعز ناسي وهلي نامو بالاتراب
ابوي ابوي...بيا ابو ينقاس
ابوي ابوي..جثه بلاراس
ــــــــــــــــــــــــــــــــــــــ
مات الجنت اتنفسه
نحره بديت اتلمسه
واتخيل آنه اعيونه
اشبيهه الضماير ميته
عالترب كلبو جثته
ومن ركبته ايذبحونه
باكو اثيابه الطاهره
وبالسيف كطعو خنصره
ليش الله ميخافونه
هم شفتو بشر مذبوح عطشان
تره الماي ابلاش انوزعه مجان
ابوي ابوي.. ضلموه الارجاس
ابوي ابوي.جثه بلاراس
ــــــــــــــــــــــــــــــــــــــ
شلته بحصيره او مونعش
يابس لكيته أمن العطش
وحسيته جن يهمسلي
الصوت من نحره طلع
بس صوته بي لوعه اووجع
تدرون ابوي اشكلي
كلي يوارث عصمتي
عالقبله وسد جثتي
وابصدري نوم طفلي
عبدالله طفل من وحشته ايخاف
من الدنيه مات وكلشي ماشاف
ابوي ابوي..اغله أمن الأنفاس
ابوي ابوي..جثه بلاراس
دفنته
محمد الجماسي
#اللهم_عجل_لوليك_الفرج
زينب ع بعد يوم العاشر....
كلهم مشو عني ارحلو ولوحدي ضليت
لا ظل اخو لا ظل ابن والله تاذيت
.......................................................................
انه زينب والمصيبه رافكتني من الزغر
ودعت امي وابوي بدونهم عشت العمر
محد يسميني بسمي صار اسمي ام الصبر
مخدره وتالي بحياتي امشي بدروب اليسر
عشت اليتم صار الاسم بصبري تسميت
لا ظل اخو لا ظل ابن والله تاذيت
........................................................................
الحسن كدامي شفته ذب جبتده بالطشت
هذا اخوي الغالي بعده كون ميته وما عشت
اثنين من اخواني ظلو بيهم الهيبه شفت
لو تصير اعليه عيله بيهم انخه وحشمت
يا دنيتي عوفي اخوتي بهل جلمه ناديت
لا ظل اخو لا ظل ابن والله تاذيت
........................................................................
دارت الايام بينه ومشت بيه القافله
امشي والعباس كافل واتجهنه لكربله
راية الكافل ترفرف والضعن بيهه حله
وابو فاظل دكلي صدره يا شمر يا حرمله
دك عل صدر وصاح الخدر بيهم توصيت
لا ظل اخو لا ظل ابن والله تاذيت
........................................................................
المعرگه دارت يعالم ظلت اطير الرگاب
وبعد دوامه طويله استشهدوا كل الصحاب
استشهدوا من بني هاشم ثله من احسن شباب
ليلى كعدت يم طفلهه ويم علي كعدت رباب
اعله التراب كلهم شباب جم شمعه طفيت
لا ظل اخو لا ظل ابن والله تاذيت
........................................................................
حسين طب للخيمه اجاني والدمع منه يصب
وكلي يا زينب تحضري للمسبه وللضرب
عل شريعه طاح اخونه وما بقه شي للحرب
وانه راح انذبح هسه وتحرگ خيامج غرب
يابو علي راح انولي ودموعي صبت
لا ظل اخو لا ظل ابن والله تاذيت
........................................................................
لوحدي ضليت وعليه حركو خيامي الكفر
وبيه يشمت يوسفه من بعد خوتي الشمر
بخيله صدر حسين داسه وما سلم منه كتر
بوسط ناس وظل ينادي هاي هيه ام الخدر
وانه مره ومحيره وللكوفه طبيت
لا ظل اخو لا ظل ابن والله تاذيت
خادمكم حسين ابو عباس الكعبي
قناة دمعة فاطمة لمحرم وصفر
(( #ماعذرك_ياماي ))
لسان حال الحسين ع مع الماء
……………………………………………………………
ما عذرك يا ماي .. امقصر حيل اوياي
لا منك تغسيل .. لا روّيت اضماي
آ يا همك .. يجرح اسمك
……………………………………………………………
يالمنخلق كلك إلي
وخليت گلبي يصطلي . بالعطش جمره
يل بيني وبينك شِبر
ولساني نار ومستعر . ما ضاگ گطره
شكد قاسي گلبك ما گلت . ابن ام حسن هل ضامي
المفروض كلك تعتني . واطوف حول اخيامي
لا من ذبح لا من سحگ . منك يماي آلامي
أطفال ايلوعون .. واعليك اينوحون
خلّص ماي العين .. من گد ما يبچون
يكتل همك .. يجرح اسمك
……………………………………………………………
عباس من اجلك طلع
و احذاك ظل ومارجع . انت الذبحته
گلبه ابعطش يلهب لهب
ذلّاك منك ما شرب . عگب انا واخته
ابچفينه ما هم الگمر . لا بالعمود ابراسه
بس من فضت من جربته . ضاع الهوه اعله انفاسه
كل همه توصل للخيم . انت الجرحت احساسه
يل مالك مقياس .. وي شخص العباس
لجلك إنطه جفوف .. و بالحافر تنداس
ظلن يمك .. يجرح اسمك
……………………………………………………………
ياماي هم صحت ونحت
عبد الله يصرخ هم شفت . من شلته بيدي
ردتك ترويلي الطفل
والجيش رووه بالنبل . ذبحوا اوليدي
وشلون ظل مايك عذب . ولونك الماصار احمر
من شفته لولح رگبته . والسهم وسط المنحر
عبدالله مات ابحسرتك . و عذّبت روح الاكبر
رد ليه وعطشان .. بلسانه النيران
طلباك وظليت .. بيدي اعصر حيران
آ يا غمك .. يجرح اسمك
……………………………………………………………
صحتك ابصوتي المنجرح
ردتك تجي كبل الذبح . لشفافي تروي
عالگاع طحت و منصهر
والرمل يلهب چالجمر . وبجسمي يچوي
ياماي مرتين انذبح . مره العطش ذبحاني
ومره الشمر من الگفه . وبكل بطئ نحراني
راسي انرفع لكن بقت . شوغة عطش بلساني
صح جثه ومذبوح .. بس منك مجروح
مو من حر السيف .. انت أمأذي الروح
يكون ابعلمك .. يجرح اسمك
……………………………………………………………
يا ماي يا ميت گلب
راح اترك اعتاب الشرب . يل عطشتني
ما جيتني ابوكت الدفن
ما وخرت دم الطعن . ما غسلتني
ايام مرمي اعل الترب . والشمس تحرگ بيه
لمّاني دفاني ولچن . ما دار ماي اعليه
واجروحي طبت للگبر . ظلت مثل ماهيه
نزلّني الدفان . ملموم و عريان
والنحر المكشوف . بيه دخلت تربان
وضعي ايهمك .. يجرح اسمك
……………………………………………………………
لعيالي صح انت اوصلت
لكن اهواي اتأخرت . يل عذبتهم
بعيونهم اكبر جرح
رفضوك يل طعمك ملح . من عگب اهلهم
هيهات تحلم نشربك . يل عطّشت والينه
مو راحه ابدن شوفتك . اكبر عذاب اعلينه
ما تحله اذا مو بوالفضل . ونتروه من چفينه
ابصوت الدمعه و آه . صاحوا يا عماه
جابوا النه الماي . بس منك ردناه
ذبحوا حلمك .. يجرح اسمك
……………………………………………………………
✍️ ( سيد خضر الزاملي )