2554
أدعية، مقاطع قصيرة ومواعظ تلامس القلب انضّم هنا🩶.
Читать полностью…
ملحن خادم الحسين
منتظر يحيى
القصيده ..ال مولاي الرؤوف
#شهادة_مولاي_قاسم_العطاء
يا وريث الغربه من أباءك
يالما نصف دهرك
متغرب وجان السبب اعداءك
بغربه خلص عمرك
روحك بگت يم الرضا وأعضاءك
بالغربه گوض صبرك
خلص شبابك بالغرب جان الدرب
عن اهلك بعيد
اهلك بأسمهم هالزمن مالك وطن
عايش كالطريد
غريب.
وانت الدنيا مُلك اهلك
وخلگ اهلك منو تسألك
وانت تخنكك العبرة
ترجف من هضم كلك
ويمك حزن يلگه العبد لمن يجيك
يبن الكارم والزمن مفتر عليك
...............
طف كربلاء واضح غده بعيونك
وتخفي الجرح لازم
من يا نسب جانوا اذا يسألونك
تبچي لبني هاشم
خلصو عطاشى وترتحل بظنونك
مسبيه جم فاطم
من يا نسب جلمة جرح خيل وذبح
للعاشر تروح
تذكر أمام ابلا هله بنص الفله
ضامٍ ومجروح
تروح.
تذكر لوعة العاشر
تتذكر طرف داير
شاف خيامه منهوبه
ونهض بس جنى ما گادر
تتخيل اركاض النسى وتفرك بأديك
يبن الكارم والزمن مفتر عليك
......................
يجري الفرات وتنهضم يالقاسم
وعالخد دمع نازل
تذكر گمر يم الجرف ضل نايم.
وتصرخ يبو فاضل.
تشوف النهر من مايه تشرب وادم
يعرض ظهر مايل
صوت الحسين يفزع اخو بنص العدو
ويتعثر وحيد
انهض يكافل خيمتي رد هيبتي
ومامش عضيد
تعيش
أخو ياما ندب صوته
حد ما ليه وصل موته
لا صحبانه فزعوله
ولا فزعوا اله اخوته
جان الهضم واضح شكل حتى بحجيك
يبن الكارم والزمن مفتر عليك
.............................
لمن مولاي القاسم طلب شغله يعيش منها
فگاله الشيخ عندي أغنام وعدد شغلات
فمولاي القاسم ما قبل بالشغلات كلهن
كله شفت عدكم نساء تروح تجيب الماي
من نهر الفرات خليني اني اجيب ماي
بدال هاي الحريم وصار مولاي القاسم
هو سگاي لهاي الارض وناسها
بأيدك جنت تنطي العذب للجالك
وتذكر عطش زينب
لمن شفت نسوه نكسر دلالك
تشوف الحرم تشرب
بهيمه الفواطم هيجي يتراوالك
وكل گطرة تتعذب
ببرودة الماي العذب دمعك يصب
يتباين مصاب
بأذنك يجي صوت الحرم وينك يعم
طگ گلب الرباب
عذاب
تتخيل حرم طه
ما ضل والي وياها
تبجي امن الضمه لجن
ولا كافل سگى ضماها
صوت الحرم عايش جرح ثگل مشيك
يبن الكارم والزمن مفتر عليك
..........................
مرت ليالي وفاطمة تناديلك
بنيتك يابو الشيمه
يا بابا صاحت ونهدم كل حيلك
عرضتلك يتيمه
تعرض رقية شما ترد لعيالك
من عافت الخيمه
من طلعت ادور حضن بس الأذن
أحمر بيها لون
تتخيل صغيرة عمر حار الجمر
وتبيضلك عيون
تشوف
بديارك لمن تگعد
رقية يا أبي تنشد
تحضن بنتك وتبچي
وفكرك عالهزل يبعد
تبجي لرقية شما اجت بنتك بأديك
يبن الكارم والزمن مفتر عليك
حسن يونس التميمي
يا أنيس البال مالي غيرك حال
دمعي من فرگاك يا إمامي سال
بخدمتك مجنون والخلگ يدرون
للگـبه مـولاي مـنتظـره الـعيـون
عبدك يهل دمعة
والحسرة البصدرة
يا سيدي دربك هوه دواا
يم مشهدك خليني
لا تبتعد عن عيني
يا من ضمن لي روحي
اسمك اصل تكويني
يا انيس النفوس يا غريباً بطوس
....................................
يا انيس الشوك همي صاير طوك
عليك عمتك ذيج الصعدوها النوك
لو عفتني وين أمشي يبن حسين
بمشهدك مولاي خليني اكحل العين
عبدك خلص صبره
مخنوگ بالعبرة
وبين الضلع جمرة تطفى بهواك
يم حضرتك خليني
عطف وأمل اسقيني
ميت صرت ببعادك
أسمك فقط يحييني
يا انيس النفوس يا غريباً بطوس
...................................
يا غريبَ طوس اضمنها النفوس
اقبلني مولاي يا شمس الشموس
خليني اكحل الشوف بابك يالرؤوف
بشباكـك تمنـيت تلتـف هـالجفوف
شايف جـمـر شـوگـي
ضل يمشي بـعـروگـي
طال البعد مولاي ايدك يمعشوگي
حـس بـالـكـلـب نـبـضـاتـه
مـخـنـوگـة بـي حـسـراتـه
جـايـك يـريـد الـنـظـرة
تـبـرالـه كـل دمـعـاتـه
يا انيس النفوس يا غريباً بطوس
..........................................
مؤمل رضا
فزت امن النوم زينب // يا علي
اعليه هاي الساعه تنحب // يا علي
عوف گبري واعتنيهه
لا يموتهه بچيهه
يا علي … يا علي
1💔
يا علي للدار عاود … بالعجل يا با الحسن
زينب امن النوم فزت … ما لهه غيرك وطن
خوفي لا يوگف گلبهه … وتكثر اعليك المحن
ابگبري وانه اسمع بچيهه … اعيونهه لا ينعمن
ما أريد الگبري تحضر /// ياعلي
ابحاجه الك زينب يحيدر /// يا علي
لحگ ابساعك عليهه
لا يموتهه بچيهه
يا علي … يا علي
2💔💔
آنه صح وصيت تحضر … يمي يا نبض الگلب
ابصوتك القران أسمع …. وآنه مدفونه بترب
بس شفت زينب يحيدر … حالهه ايبچي الغرب
يمهه ظل ولا تجيني … وادري هالمطلب صعب
زينب اولى تبقى يمهه /// يا علي
شوفك اينسيهه همهه /// يا علي
يا عليهه يا عليهه
لا يموتهه بچيهه
يا علي … يا علي
3💔💔💔
أنته ابوهه وانته أُمهه … بعدي يا خير العمل
لا تخليهه وحيده …. كل وكت يمهه تظل
بعد موتي جايه اشعر … مابقى الزينب أمل
وثوب الاسود كَبراهه … وتنتظر جيت الأجل
اصغيره والهم كبراهه /// يا علي
والدهر ما انصفاهه /// يا علي
جم مصيبه تعتنيهه
لا يموتهه بچيهه
يا علي … يا علي
4💔💔💔💔
ابنيتي ما متعوده تغفه … ابلايه حضني يا علي
خانگتهه العبره هسه … شي أكيداً يل ولي
جاي أسمع صوت زينب … يُمه محد ظل الي
ارجع وضمهه اعله صدرك … يا بعد ناسي وهلي
نشف ادموع الحبيبه … يا علي
وهون اعليهه المصيبه .. يا علي
انت بس الباقي ليهه
لا يموتهه بچيهه
يا علي … يا علي
5💔💔💔💔💔
يا علي وحشت غيابي … خانگه زينب خنگ
على افراگي ايعينهه الله … وعلى حسين الينسحگ
باجر اتشوف الحوافر … كل ضلوع ابني تطگ
وما يضل عباس عدهه… ايطفي خيمه التحترگ
ابكربله اتشوف المصايب // يا علي
والكفلهه عنهه غايب // يا علي
والحبل ينشد بديهه
لا يموتهه بچيهه
يا علي … يا علي
=======================
✍️🏻 كلمات #موسى_الخادم
بيتچ خله … يم الهله
واتيتمت هالعايله
1💔 وحشه دارچ اصبحت يا فاطمه
ما يطبهه الضوه صارت مضلمه
والحسن وحسين صاباهم ضمه
بعد موتچ يا نهر حامي الحمه
كلشي عطش … فوگ النعش
حتى الطيور النازله ……
2
💔💔
بعد ذيچ الجَمعه ابد ما تنجمع
الله لا ينطي الكسر منچ ضلع
وخله ايتامچ ابموتچ تنفجع
والفرح يتحول النوح ودمع
كسر الضلع … خلَّف دمع
للموت عالخد سايله ……
3💔💔💔
علي بعدچ هو والميت سوه
صار كافور اليشم ميشم هوه
ماتت الفرحه وطفه ابعينه الضوه
وما لگه الجرحه بعد موتچ ضوه
يم الحسن … حيدر دفن
وياچ روحه امعلعله ……
4💔💔💔
عشرت الحلوه انتهت وي دفنتچ
واليتم صاب العزيزه ابنيّتچ
كبراهه اهواي زينب موتتچ
حيل ما ظل عدهه راح بروحتچ
شبعت قهر … كبرت دهر
الچانت اوياج امدلله ……
5💔💔💔💔
ما چهب بابچ بعد موتچ فرح
كلشي متغير على افراگچ صبح
والحسين ابكربله بيچ انذبح
والخيام احترگت وگلبه انجرح
ظل عالترب … دمه يصُب
اتلث ليالي ابكربله
///
✍️💔 كلمات #موسى_الخادم
🧚🏾فَن، رِقَّة ، شَاي، صَباحَات، وَرد هُنَا:
Читать полностью…
وبياسهم گلبه انرمه
من يوم راحت فاطمه
★★★★★★
كلما ذكر بيته احترگ
وعلى الظلع باب انطبگ
وعن فاطمة يوم افترگ
حاله ولامثل الخلگ
ايامه صعبه ومؤلمه
من يوم راحت فاطمه
★★★★★★
عايش على الدنيا رسم
وكلساع جرحه ينلچم
ياجبل ماشال الهدم
والحيل اصبح منهدم
وللموت ناره مضرمه
من يوم راحت فاطمه
الشاعر حسن لعيبي الحريشاوي
مني عليك السلام
يابنت خير الانام
★★★★★
الراضية المرضية
التقية النقية
بنت الحبيب المصطفى
الجوهرة القدسية
الصديقة الشهيدة
الفاضلة الزكية
نور ازاح الظلام
مني عليك السلام
يابنت خير الانام
★★★★★
الصديقة البتول
يابضعة الرسول
لرزئك العظيم
آهاتنا تطول
فلوعة المصاب
هيهات لاتزول
ياحجة الكرام
مني عليك السلام
يابنت خير الانام
الشاعر حسن لعيبي الحريشاوي
ويلاه. ويلاه. يا أم الحسن
ويلاه ويلاه ياام الحسن
★★★★★
گالوا الچ ضلع انكسر.
گلب النبي اليوم انفطر
دين الله معناه ابخطر
مهظوم مهظوم وينوح الزمن
ويلاه ويلاه يا أم الحسن
★★★★★
عمر الورد راح وگضه.
ضلعچ الكافر رضرصه
واشحال گلب المرتضى
مهموم ملچوم صابر علمحن
ويلاه ويلاه يا أم الحسن
★★★★★
ياويل زمره اتحالفت
بغير الطمع مافكرت
لادين عدهم لابخت
لاعمل لادين بس نار الفتن
ويلاه ويلاه يا أم الحسن
★★★★★
دين الله رادوا يندثر.
يعني طبايعهم غدر
لاحجه عدهم لاعذر
معلومه الاطباع حنوا للوثن
ويلاه ويلاه يا أم الحسن
★★★★★
من بعد ابوچ المصطفى
منهم ولاشفتي. وفه
غير الخيانه. والجفه
الظموه بالگلوب تالي اصبح علن
ويلاه ويلاه يا أم الحسن
★★★★★
الكرار لأنوارچ يحن
وزينب على فراگچ تون
والحسن ماغمض جفن
ودموع الحسين نار اتوجرن
ويلاه ويلاه يا أم الحسن
الشاعر حسن لعيبي الحريشاوي
( گعديه جناس ) لاستشهاد الزهراء عليها السلام
هذا الجره وصار. هذا الجره وصار
البيت طفَّوا شمعته. الغَدَّار هوه وزمرته
هجموا على الدار
★★★★★
ابزود ابوها الامه صارت بالمجد ترفع علمها
وارتفع شأن البريه. بدار شع الهم. علمها
بهل بيته تخون تالي احمد الوادم. علمها
أولها جافوه الشرع
وثانيها كسروه الضلع
وگلب الوصي ضل منصدع وزينب الونت علمها
يلرايد اخبار. يلرايد اخبار
حسين بجرح قاسي امتحن
ومذهول من شاف الحسن
هجموا على الدار
★★★★★
وضع ماينحمل أصبح حل عليه الشر وساده
خوفهم چان ورعبهم. تنثني الحيدر وساده
وينبني الدين وَتعمره. اطياب من حيدر وساده
بياداعي ومنين الأمر
المارادوا الحق يستمر
تحكم سلاطين الكفر. وقاده علوادم وساده
والزمن غدار. والزمن غدار
اشعمل بآل المصطفى.
واهل السقيفه والجفه
هجموا على الدار
★★★★★
ابحكم واحد دنيا صارت بالهزل حكمت وجدها
بفاطمة وبيت النبوة المصطفى تغدر وجدها
الزهره بعد اغياب طه. الشوفته زايد وجدها
بعد الحبيب المصطفى
هلناس مابيهم وفه
كلهم حقد كلهم جفه. النهج والدها وجدها
يردون الاشرار. يردون الاشرار
علباطل اترد العرب.
بلباب من شعلوا حطب
هجموا على الدار
★★★★★
بالغضب سَعَّر الباري. نار لهل الشر حملها
للْكْسَر ضلع الزچيه. وبالرفس طَيَّح حملها
من الخلگ مافزع واحد. ولابشر منهم حملها
السكته علامات الرضا
الشافوا ضلوع مرضرضا
وحافظ وصيته المرتضى من النبي طه حملها
البيت اشتعل نار. البيت اشتعل نار
ابكل حقد أشباه الزلم
هجموا على بيت العلم
هجموا على الدار
الشاعر حسن لعيبي الحريشاوي
هوسات حق. زهرا السان زینب
مشت شیالت همومی بعد للبیت ماترجع
واذا طبیت حجرته یضل گلیبی یتگطع
تذکرنی بوکتنه الفات المن گعدته مانشبع
(ماترجع وگعد ویاها)
☆☆☆☆☆☆
االامس ویانه امنه وکلنه مجمعین
هسه البیت یوحش لو اله طبین
خلانه الدهر من غابت مطشرین
(اطشرینه واحنه خلاف امنه)
☆☆☆☆☆☆
حسافه شیل های تعدل میله
انه بغیابه گلبیی نهدم حیله
یاظیم‌الگلب بس الهه اشگیله
وین اشگي الظیم العندي
(وین حجی الظیم العندی)
☆☆☆☆☆
✍انتظار الریاحي
"
سبحان المفرج عن ڪل محـزون..
سبحان المخلص عن ڪل مشحـون..
سبحان المنفس عن ڪل مديون..
سبحان العالم عن ڪل مڪنون..
سبحان من جعـل خزائنه بين الڪاف والنون..
سبحان من اذا اراد شيئآ يقول له ڪن فيڪون.. فسبحان الذي بيده ملڪوت كل شئ واليه ترجعون..
صباحڪم تسابيح خافته تسمـو الى السماء السابعـة
صـبآح التوڪل على الله..
🍃✨
🌤
#إشــــツـــراقــــة
🪴 لا قيمةَ للدنيا بغيرِ قلبٍ متعلِّق بالله،،،،
يلجأ إلى الله إذا حزن،،، ويحمده إذا فرح ، ويعود إليه إذا أذنب ، ويشكره على كلّ حال
فعلق قلبك بالله تطمئن في دنياك وآخرتك.،،،،
👈 وتذكر!!
⭕️ مٌنَ وَُهبّ نَفَسُِه لُلُدِنَيَا ❗️
لُنَ تْْعطِيَُه الُدِنَيَا الُا قًطِْعةِ ارَضُ لُيَدِفَنَ فَيَُها
⭕️ وَمٌنَ وَُهبّ نَفَسُِه لُلُُه ❗️
سِيَْعطِيَُه الُلُُه جْنَةِ ْعرَضُُها الُسِمٌوَاتْ وَالُارَضُ اْعدِتْ لُلُمٌتْقًيَنَ
🌤صباح التوكل على الله
يا إلهي.. گلبي شيصبره
يا إلهي.. ماتت الزهره
راحت أيام العمر
روحي دافنها بگبر
ماتت الزهره
_ ١ _
انه الصابر وصبري يعجب العالم بقصته
بتراب الدفن رديت گلبي يسولف بونته
هذا اليوم ماكو إنسان مثلي الدنيا ظالمته
كل الشافني يسأل علي لو مو علي انته
هذا اني.. هيج متغير
هذا اني.. بحزني متحير
بيوم كبران شكثر
روحي دافنها بگبر
ماتت الزهره
_ ٢ _
انحنيت وكثر بيه الشيب وجهي منخطف لونه
تعرفه الفاگد مبين دمعة حزنه بعيونه
اليمشي ويعثر بلا لون لحد يسأل شلونه
شال بمتنه مو تابوت شايل روحه بمتونه
الدنيا كلها.. مظلمه شبيها
الدنيا كلها.. الزهره مابيها
ليل ما بعده فجر
روحي دافنها بگبر
ماتت الزهره
_ ٣ _
نحيله الزهره ادريها بس من شيعتها بليل
گوه شايل التابوت الجبل ماظنه هيج ثگيل
أول مره ياربي احس بروحي ماضل حيل
غفيت من التعب يمها قبل ما أكمل الترتيل
يم گبرها.. نامت عيوني
يم گبرها.. خل يدفنوني
صبر ما مثله صبر
روحي دافنها بگبر
ماتت الزهره
_ ٤ _
رجعت الداري گوه امشي الهموم عليه ملتمه
الدنيا بغيبة الزهراء عبرت مرحلة ظلمه
البيت بلايه ام البيت كل أركانه متهدمه
لحد ما ماتت الزهره عني اخفت اللطمه
عني جانت.. تخفي سطرتها
عني جانت.. سكته ونتها
تريدني ما انكسر
روحي دافنها بگبر
ماتت الزهره
_ ٥ _
يحتار الوصف وياي جبيره بداخلي الحسره
اعز انسانه بالدنيا ادفنتها وبالضلع كسره
ماتت بالصدر بسمار ماتت عينها حمره
زهره بدارنا ماكو بقت بس سبحة الزهره
كلشي رايح.. شفته وياها
كلشي رايح.. يشتكي لطه
يسعر بگلبي الجمر
روحي دافنها بگبر
ماتت الزهره
_ ٦ _
راحت والگلب يبچي عليها تألم هوايه
وبقيت ادخل لحجرتها وابجي اعله المصلايه
كتاب الله عليها ينوح آيه ونّت الآيه
ولحد الان بالبسمار ظل من فاطمة دمايه
ذكرياتي.. مؤلمه ابيتي
ذكرياتي.. تخنگ بريتي
الحزن بيه مستقر
روحي دافنها بگبر
ماتت الزهره
مصطفى الشافعي
(گعده للسيدة الزهراء ع)
يامره بمنزلتج للصبر عنوان
ضلوعج المتكسره
يافاطمة الزهره
للصبر عنوان
~~~
1
الباري سبحانه بحكمته عالم احوال البرايه
فضلج دون النساء وربنه عارف بالخفايه
عايشه ابيت النبوة، مهبط ومعدن الايه
يا كوثر الجنه العذب
طول الزمن لو نرتقب
ما اظن صبرج ينحسب
صرتي لهل الصبر رايه
صابره عله البلوه وبطول الازمان
من عظم نكباتج
اصبحت آهاتج
للصبر عنوان
~~~~
2
مالكَينه مثل صبرج وحنه بالتاريخ نقره
اسيا ومريم إشّعانن كله من بلواج قطره
ياهي منهن بعد ابوها تنعصر وشلون عصره
من عدها ضلعج ينكسر
وبسمار ينبت بالصدر
ومحسن يصيبونه الكفر
وينسطر وجهج بسطره
ضربوا كتاب الله وجهج القرآن
لهل الصبر آيه
ظليتي وفايه
للصبر عنوان
~~~
3
اسيا تدعي الاله تكَله يارب البريه
بيت ابنيلي بجوارك بالجنان السرمديه
وبيت للاحزان ردتي والدمع صبح ومسيه
وفرعون دهرج من هجم
من عنده ضلعج ماسلم
ماقبل تبجين وعلم
بالدمع عندج قضيه
والمنعوا ادموعج ماعدهم ايمان
من كَطعوا الشجره
ظليتي يزهره
للصبر عنوان
~~~
4
ومريم الجابت ولدها عيسى من بعد المواجع
صار سلوتها وضخرها وبطلت تجري المدامع
وانتي يازهراء منج محسن عله الارض واكَع
كَُرّت العين عله الارض
ميت وكَلبه بلا نبض
كل المواقف تنعرض
كبالج وكل المصارع
تصورتي يوم الطف من شفتي نيران
عبد الله وسهامه
وحسين كَدامه
للصبر عنوان
~~~
5
هاجر الشافت سراب ولجل ابنها بقت تسعه
ربنا بالطافه شملها وليها زمزم صار نبعه
وانتي يافاطمة وليدج بالطفوف شلون وضعه
محروم من ماي العذب
لاجرم سوه ولا ذنب
ينذبح ضامي وينسلب
وتسحكَ الخيل عله ضلعه
ابنج يذبحونه بالغربة عطشان
وبكربله اتنظره
زينبكم الحره
للصبر عنوان
~~~
المصيبة
__
اليوم يافاطمه تودعج شيعه الهادي بجمرها
تستمد من نور صبرج حتى تتقوه بصبرها
مصيبتج يام الاطايب ابد مو هين امرها
مكسور من عندج ضلع
بالكت نجبره بالدمع
شلون اندفنتي بيا وضع
حسين هسه شلون حاله من لفت ليج المنيه
~~~
الشاعر مصطفى الشافعي
كَشُعاع شَمسٍ أصفَر يُضِيء عُتمة اللَّيل ✨🌼 .
Читать полностью…
عالناگه بت علي مسبيه يا دهر
تطلع بلا ولي ما يقبل الگمر
كافلها منذبح والراية عالنهر
محنيه عالهزل يا كسرة الضهر
عجيبة ام الخدر هاية
بگت لا خيمه لا راية
اخوها اتبده وي ماية .. هضيمه هضيمه
العزيزه الينحلف بيها
اليسولف هيبة طاريها
اسف عالناگه تاليها .. هضيمه هضيمه
الجانت اويخوانها ابعز ودلال
والله دنيا وهيج مجتوفه بحبال
عالهزل وتصيح يالكافل تعال
اويلاه يازينب
،،،،،،،،،،،،،،،،،،،،،،،،،،،،،،،،،،،،،،
المايقبل الهوى يمر بيها لو مشت
عايفها للسبي يقبلها يا بخت
جن حنيت النخل بت حيدر نحنت
كافلها عالرمح صد ليها والتفت
اخت عباس ابو الغيره
وحيده وعاشت الحيره
وجها المن اتديره .. هضيمه هضيمه
اخوهت التحلف ابطوله
سبوها الغربه گلوله
القبل بجفوفه مكفوله .. هضيمه هضيمه
والله دنيا وزينب يموت الها راي
طلعت وصاحت الوادم ياهي هاي
نطوها في اخوتها لا تنطوها ماي
اويلاه يازينب
،،،،،،،،،،،،،،،،،،،،،،،،،،،،،،،،،،،،،،
ارحمها يازمن زينب بلايه اهل
واليها عالترب والكافل نجتل
ارحم گلب مره من التعب نهل
المعروفه بس اسم تفتر عله الدول
شبيهت فاطمه الزهره
مثل ضلع امها منعصره
گلبها من القهر جمره . هضيمه هضيمه
بگت لا خيمه لا والي
اخوها اعله الرمح عالي
بقت بس دمعته تلالي . هضيمه هضيمه
جن شمس ومگيده بحبل الضلام
عالمحنه والخيم تقره السلام
كلشي طاح بكربله ويه الخيام
اويلاه يازينب
،،،،،،،،،،،،،،،،،،،،،،،،،،،،،،،،،،،،،،
الماتطلع الخيم ومحاوطه ابستر
ياهضمه تنسبي من تالي العمر
ما كافي تنولي ما كافي تنقهر
منضهرها بالدرب يتحمله ياصبر
بعد يا راحه تلگاها
الوكت للغربه وداها
اخوها بحيره خلاها . هضيمه هضيمه
سبيه وتكسر الخاطر
الصاير بيها ما صاير
عليها شجم وكت داير . هضيمه هضيمه
تعطش وترويها دمعه بلايه صوت
والله احسن ليها لو زينب تموت
ولا تطب للغربه مجتوفه وتفوت
اويلاه يازينب
ابوفايز الرافضي
ياريت امي تعيش وتدوم
مااغلط بحقها اظل محشوم
وكون ابجفن ونلف الاهموم
++++
شامر عليها الموت روحه
يدريها امي اشكثر مملوحه
والمثلي يهلكه راح نوحه
+++++
ظليت جن ناكوط حب
اكضيه يومي بشوك وانحب
وكوه النفس ياناس اسحب
+++++++
مامرتاحه عيني وتعشك النوم
مثل الرسم ظليت مرسوم
ماتدري أظنها بيه مهموم
++++++
شايف تره نجوم الظهاري
وموت الحنينه اوعلي اجباري
واظلم صبح ليلي ونهاري
++++++
الشاعر هاني الحياوي
انطلقت هاي دمعاتي .. ال مولاي الرؤوف
الحضرتك تمشي خطواتي..ال مولاي الرؤوف
من الحسين مزور رايتي..ال مولاي الرؤوف
كــلي بـيـادمع .. لــك يــوصـلــني
ياحب الصدك.. مــوالاــي كــفلــني
ممشاي بعشك.. ياجرحي و حزني
كون بحضرتك .. ينـــطبك رمشي
ال مولاي الرؤوف
من الحسين .. اني اجيتك
من الحسين .. حبي لكيتك
من الحسين .. وعتنيتك
من الحسين .. الحد حضرتك
اجيتك محمل وفاء .. بعيوني
نسمت هوى من كربلاء .. بجفوني
ضمني ياسيدي الولاء .. ممنونك
بدنيه اضيع و يمك .. يلكوني
ـــــــــــــــــــــــــــــ
تعنيه بسواد احنه.. ال مولاي الرؤوف
باسمك احنه رتنه.. ال مولاي الرؤوف
الشوك لك ذابحنه.. ال مولاي الرؤوف
مولاي لك اجيت ... ياعظيم الشان
وبحبك اني لكيتك .. للبشر ميزان
بخدمتك و عتليت .. يا السلطان
بابك وبدمعي نعيت.. وبخدي نيشان
ال مولاي الرؤوف
مولاي الرؤوف.. يهيج الالام
مولاي الرؤوف.. تذكرت الخيام
مولاي الرؤوف.. حسين عطشان
مولاي الرؤوف.. زينب واه شام
الحجي الينحجي كون .. بدمع
راح اذكر الحسين .. المنفجع
فوكه تدوس الخيل .. تكسر ضلع
صدره واه السهام .. ماتنشلع
ـــــــــــــــــــــ
توكف كله احبابك .. ال مولاي الرؤوف
بحزنه انوح لمصابك . ال مولاي الرؤوف
نحبك نشوف اعتابك .ال مولاي الرؤوف
اجيتك جيت غزاله .. ويمك حميني
ماريد ارد لهلي .. بحضرتك خليني
ماي وصيرن يمك .. وبكيفك بديني
مثل يونس بل بحر .. مولاي نجيني
ال مولاي الرؤوف
اني جيتك .. وريد اذكرك بسبيه
اني جيتك .. وهاجن حزاني بديه
اني جيتك .. وريد ترجيه الرقيه
اني جيتك .. والأحزان هاجن عليه
شحلات ليل صار .. بحضرتك
هاذه الكمر يعكس .. بكبتك
هاي النجوم وطلعت .. نجمتك
تطوف علا ارض .. برحمتك
ــــــــــــــــــــــ
شاعر .. محمد رشيد السويطي
القصيده ... ال مولاي الرؤوف
#اللهم_عجل_لوليك_الفرج
غفوة شوگ بدمع الحسرة
مرت طيف وشفت الزهرة
و صحت الله .. و اچم آه .. بعيوني
____
الليل للفاگد حبيبه يدلهم ابروحه اشتياق
وانه ليل عيوني وحشة اهلالي ما عاف المحاق
ضعت بدروب البواچي و كل متاهات الفراق
وعاشت آمالي اعله طيفي يعرج ابروحي براق
انطر طيف يصحلي ابملگة
و اتنفس ما بين الخنگة
كون الگاه .. و اچم آه بعيوني
___
جرني من أعماقي شوگي ورحت ادورلي اعله بير
ثاري بير اسرار گلبي هو راسملي المسير
جاذبية جدمي گبرچ يم حسن لازم تصير
افترش گاع المگابر و ينفتح جرحي الچبير
اگعد يم گبر ام ايتامي
احچي همومي وضيم ايامي
و ابقى وياه .. و اچم آه بعيوني
____
أنه و مناشغ دمعتي بحرگة اعاتب بالتراب
يالخذت مني الحنينة و عفت بعيوني السراب
و بين كل اهاتي مرت غفوة بس ردتني شاب
شفت وجه أحلامي كلهن وكل جرح بحساسي طاب
يفرق بين الليل و صبحه
دمع الحسرة و دمع الفرحة
ما انساه.. و اچم آه بعيوني
____
ما اخلي جفوني ترمش خايف ارجع للضياع
توني شفت ايام سعدي الباگهن ذاك الوداع
سولفيلي شلون صرتي بعدچ بذيچ الاوجاع
انتي اول سمه بروحي للأسف لمتها گاع
امشي وياي ورجعي لبيتچ
مشتاگين لفي حنيتچ
ضيعناه.. و اچم آه بعيوني
___
بعد الملاگة و فرحتي و بعد تأديت السلام
گالت ارجع يا حبيبي زينب اتخاف الظلام
بسرعة ردالي انكساري و شگت آهاتي اللثام
محني رديت اعله بيتي ما يلم جرحي الكلام
راجع متعوب ابلا حيلي
من گمرة ليلي لهم ليلي
وا ويلاه .. و اچم آه بعيوني
____
عباس حسن السوداني
حرك الباب وحرك الخيمه
ناتجهه اجم طفله ايتيمه
جم ظلع مكسور
.......
أبعاد الهجمه المشؤمه اهواي ... لوردنه نحجيهه
انطت ضوه أخضر لليكطع ماي ...والعيله يسبيهه
ناتج حرك الباب الحره اتشوف
سطرت عين الزهره
وناتج حرك الخيمه ارقيه بخوف
تنظر كسرت ظهره
من يفكد حيله اعله إخوانه
ويبس من اضماه السانه
بيام عاشور
........
أكبر غدر أبتاريخ الاسلام ... صار بسقيفتهم
طه ابكبره ما صايرله ايام .... علنو خيانتهم
سلبو روح المحسن وجه الخير
كدام اهله وناسه
مارعو حق حرمه اهل التكفير
كلمن بيّن ساسه
كشفو كل مستور العدهم
ما واحد ملعون بكدهم
انذكرو بالسطور
.......
النظم ذيجه الفعله الكسر اظلوع... مهد كسر ظلعه
نفسه الأفته بركضت احله شموع ... بالهيمه متوجعه
صورة دفع الباب اعله ام حسين ...
تشبه حيل اهوايه
صورة خيل ادوس ابصدر حسين ...
واظلوعه أمدمايه
البسمار ابظلع البضعه
والحافر يا ناس ابظلعه
ودمه البقى يفور
.......
غصب الحق الاول اصعب جان ....
حق الخلافه أعني
نصَبو ظالم من ربع الشيطان ....
لا شيعي اولا سني
من ذاك اليوم الهل يوم أمصاب
عايش مهدي الامه
ساعه يون عالخيمه وساعه الباب
ذاك العصر امه
الله يساعد كلب الحجه
ما شاف الراحه ولا بهجه
بحزانه منحور
.......
كلمات
موسى الخادم
1🟥
يحيدر … يا عطر هيل
اريدن … دفنتي بليل
أليه … ما بقى حيل … يحيدر
اريدن … من يشيعون
الأحبهم …واليحبون
البچولي … دمع الاعيون … يحيدر
لا تخلي من حرگ
بيتي واضلوعي طبگ
دفني يحضر … ها يحيدر … لا تخلي
ما رحمني … من ضربني
وعلى بابي …. من عصرني …. كسرني
شيعني وحدك يا علي بوكت السحر
ولتخلي يحضر دفني الضلعي كسر
غظبانه حيل انه على البابي حرگ
هو السبب جان ابمراري وكل قهر
يا با الحسن … يا با الحسن … يا با الحسن
2🟥🟥
عليه … يصعب اهواي
ادفنچ … بيدي يا ماي
وجودچ … يسوه دنياي ….يزهره
اشيعچ … بيدي تردين
شيصبر .. گلب الحسين
ودمعته … تارسه العين …. يزهره
لو مشيتي ابهل وضع
حسينچ ايكتله الدمع
شوفي حاله … ما بقاله … بس ونينه
روحه راحت .. دمعه طاحت
رحمي حاله … اسنينه صاحت … يأمه
يا فاطمه لا ترحلي لا ترحلي
بعدچ حياتي موحشه اومحد الي
اقسم عليچ ابدمعة حسين وحسن
اتأجلينه موتچ چم سنه الخاطر علي
يم الحسن .. يم الحسن … يم الحسن
3🟥🟥🟥
يحيدر … ادري أّذيك
ابكلامي … الجاي احاچيك
بوصيتي … خل اوصيك … يروحي
اعرفك … توفي الاوعود
وعشرتي … أول اشهود
دليلي .. الساعه ممرود … يروحي
دمعتك يا ابا حسن
زادت ابگلبي المحن
كافي تبچي … خلني احچي … عن وصيتي
يا خليلي … ردلي حيلي
ببتسامه … وحشه ليلي … ابوداعك
لو حانت الساعه واخذ روحي الاجل
غسلني وانه ابثوبي يا خير العمل
ماريدك اتشوف الضلوع امكسره
حيلك اعرفه ما يضل عالمغتسل
يابا الحسن … يابا الحسن … يابا الحسن
4🟥🟥🟥🟥
يزهرة … عمري انخاچ
اريدن … موتتي اوياچ
وحقچ … مكدر انساچ …. يعمري
جروحي … بعدك اصيح
حياتي … في مهب ريح
سنيني … اكبالچ اطيح … يعمري
شلي بسنيني وراچ
وريتي تتتنفس هواچ
عمري أنتي … روحي أنتي … يالحبيبه
حزني يبدي … وابقى وحدي
لو مشيتي … ياهو عندي … يكلشي
بعدچ حياتي ابلا عمر يا فاطمه
الحالي بچت كبل الارض سابع سمه
يا ريت اموت اوينگطع مني النفس
شلي ابحياتي البعدچ اتظل مضلمه
يم الحسن … يم الحسن … يم الحسن
5🟥🟥🟥🟥🟥
اشبديه .. يابو الايتام
بقالي … حسبت ايام
واموتن … ويه الالام … يغالي
ضلوعي .. ذبلت شموع
وجعهه … ابگد الادموع
أشوفك … مثلي مفجوع …. يغالي
يا علي يرويحتي
كافي ارحم حالتي
بطله نوحك … هد صروحك … ذبحني
يا نصيبي … يا طبيبي
خل اودعك … يا حبيبي … امانه
اقسم عليك ابعشرة الحلوه الگضت
كافي البواچي يا علي اعيونك عمت
حالك اشد عندي تره من حالتي
خليني اودعك واذكر ايامي المضت
يابا الحسن .. يابا الحسن … يابا الحسن
6🟥🟥🟥🟥🟥🟥
حياتي … ابدونچ ارماد
سنيني … ابلايه ميلاد
زمنه … ريته ينعاد … يگلبي
رحيلچ … ياخذ الروح
اشيصبر .. حالي بالنوح
اعله فگدچ … كلي مذبوح …يگلبي
ظلمه داري بروحتچ
من يسدهه وحشتچ
مالي غيرچ .. كلي خيرچ …. يالزچيه
روحي بعدچ … الگه عندچ
ما تعوفچ … والله وحدچ … يزهره
يا حالي بعدچ حالي ابد ما وصفَّه
ضايع وراچ اوروحي احس مجتفَّه
شابت لحيتي وانتي بعدچ عايشه
اشلون امن ادفننچ بِدي يم الوفه
يم الحسن … يم الحسن … يم الحسن
=================
✍️ كلمات #موسى_الخادم
يبقى انتمائي // لفاطمه لفاطمه
يبقى عَزائي /// لفاطمه لفاطمه
1🗓️
يبقه انتمائي الفاطمه حد آخر انفاسي
يشهد عليه ابو الفضل عباسي عباسي
مطلوب دين الفاطمه من جدمي حد راسي
ما وافي الهه ابلطمتي الصدري أعز ناسي
يبقى نِدائي /// لفاطمه لفاطمه
يبقى عزائي /// لفاطمه لفاطمه
2🟩🟩
لو ملكوني الدنيا كلهه وي شواطيهه
ما عوف خدمة فاطمه بالروح اضحيهه
لو خلصت عمري بچي هيهات اوفيهه
انطتني كلشي فاطمه واشلون اجازيهه
يبقه وَفائي /// لفاطمه لفاطمه
يبقى عزائي /// لفاطمه لفاطمه
3🟩🟩🟩
روحي وحياتي ودنيتي للزهره منذوره
ريت آنه مكسور الضلع مو هيه مكسوره
من اول ايامي اولگيت الزهره مشكوره
كل شده حلهه فاطمه المن الله منضوره
يبقى وَلائي //// لفاطمه لفاطمه
يبقى عزائي /// لفاطمه لفاطمه
4🟩🟩🟩🟩
لوما عطف ام الحسن چا خالفت ربي
اوللمعصيه جدمي سعه وضعت بسبب ذنبي
شُكراً اصيحن فاطمه مولاتي من گلبي
لو ايدي ما تلزمهه الي چا تيهت دربي
يبقى بَقائي /// لفاطمه لفاطمه
يبقى عَزائي /// لفاطمه لفاطمه
5🟩🟩🟩🟩🟩
ابلا خدمة الزهره العُمر فلسين ما يسوه
أحجي ابيقين وهالحجي مو هسه لا توه
اشمحلاهه من احضر عزه ودمع الجفن يهوه
عالمنكسر منهه الضلع كسر الضلع أهوه
يبقى بُكائي /// لفاطمه لفاطمه
يبقى عَزائي /// لفاطمه لفاطمه
6🟩🟩🟩🟩🟩🟩
عندي قناعه بالگبر تحضر الي الزهره
ما تترك اليخدمهه ابد حاير يضل بامره
كلهه تلوذ ابفاطمه في ساعة العسره
واني دعائي بالشدد يا فاطمه اقره
يبقى دُعائي /// لفاطمه لفاطمه
/////
✍️ كلمات #موسى_الخادم
(﷽)
خدمة محبي باسم الكربلائي تقدم:
📜:بفاطم و ابيها
✒️:كرار حيدر الخفاجي
📌:الليالي الفاطمية
📅:ليلة 15 جمادى الاولى 1448 هـ
🕌:حسينية الإمام صاحب الزمان عج النجف الأشرف
بِفَاطِمٍ وَأبِيهَا...وَبَعْلِهَا وَبَنِيهَا
▪️▪️▪️▪️▪️
ثَبِّتْ قَدَمْ صِدْقٍ إلِيْ وِ اِسْمَحْلِيْ بِالقُرُبْ
اِوْ كِـلْ مَـا يِزِلْ مِنِّيْ جِدَمْ دَلِّينِيْ عَالدَّرُبْ
عِنْدِيْ المُهِمْ حُبْ فَاطِمَه مَيْهِمْنِيْ غيرَه حُبْ
وِ اِحْجَارَه گلْبِ المَا يِحِبِّ الزَّهْرَه مُوْ گلُبْ
رَبِّيْ إلَيْكَ دُعَائِيْ...وَحَاجَتِيْ تَقْضِيهَا
▪️▪️▪️▪️▪️
غيرِيْ اِبْلَهُو الدِّنْيَه اِلْتِهَه وِالدِّنْيَه مُوْ إلِيْ
تِكْفِينِيْ خِدْمَةْ فَاطِمَه الوَارِثْهَا مِنْ هَلِيْ
يَارَبِّيْ لَا تِحْرُمْنِيْ مِنْ حُبْ فَاطِمَه اِوْ عَلِيْ
اِوْ مِنْ خيرْهُمْ خَلِّيهَا عينِيْ اِوْ إيدِيْ تِمْتِلِيْ
مِنْهُمْ لَهُمْ وَحَيَاتِيْ...بِحُبِّهِمْ أُنْهِيهَا
▪️▪️▪️▪️▪️
رَبِّيْ اِبْـمَجَالِسْ فَاطِمَه خَلِّينِيْ لِـلأجَـلْ
وِ ارْزُقْنِيْ عَالزَّهْرَه دَمِعْ لوْ دَمْعِيْ مَا نِزَلْ
وَ اقْرَه اِعْلَه مَنْبَرْهَا إلَى آخِـرْ نَفَسْ أظَلْ
اِوْ لوْ مِتِتْ عَالتَّابُوتْ خَلْ يِقْرُولِيْ مُسْتَهَلْ
رَجَوْتُ قَبْلَ وَفَاتِيْ... بِزَفْرَةٍ أرْثِيهَا
▪️▪️▪️▪️▪️
مَدْرِيْ اِشْدِعَتْ فِضَّه اِوْ غِدَتْ لِلزَّهْرَه خَادِمَه
وَ اَتْمَنَّه لوْ وَيَّه الخَدَمْ تِقْبَلْنِيْ فَاطِمَه
نِعْمَه چِبِيرَه فَاطِمَه اِوْ نِزْلَتْ مِنِ السِّمَه
اِوْ مِنْ دُونْـهَـا لَحَّدْ يِـدَوِّرْ حُسُنْ خَاتِمَه
وَصَرْخَتِيْ بِمَمَاتِيْ...لِفَاطِمٍ أُعْلِيهَا
▪️▪️▪️▪️▪️
إلْيِبْچِيْ بِالمَجْلِسْ يَـرَبْ تِقْبَلْهَا دَمْعِتَه
وِ العِنْدَه حَاجَه أسْألَكْ تِگضِيهَا حَاجِتَه
وِ البِيْ مَرَضْ مُسْتَعْصِيْ يَارَبْ شَافِيْ عِلِّتَه
وِ اليِخْدِمِ اِبْيومِ الحَشُرْ تِحْسِبْهَا خِدْمِتَه
لِفَاطِمٍ عَبَرَاتِيْ...يَاخَالِقِيْ أَجْريها
▪️▪️▪️▪️▪️
يَارَبِّيْ بَاچِرْ مِنْ أمُوتِ اِوْ يِنْتِهِيْ العُمُرْ
تِحْضَرْ إلِيْ الـزَّهْـرَاءْ أوَّلْ ليلَه بِـالگبُرْ
تِوْگفْلِيْ بَـاچِـرْ فَاطِمَه وِ اِذْنُوبِيْ تِنْغُفُرْ
اِوْ هِيَّه التِّعَبُّرْنِيْ الصِّرَاطِ اِبْسَاعَةِ الحَشُرْ
وَمُهْجَتِيْ بِيَدَيْهَا...يَوْمَ الظَّمَا تَسْقِيهَا
▪️▪️▪️▪️▪️
يَارَبْ وِ اِذَا طَالَتْ حَيَاتِيْ اِوْ يِخْلَصِ البُعِدْ
وَ اَتْوَفَّقِ الخِدْمَةْ إمَامِيْ المَهْدِيْ مِنْ يِرِدْ
اِمْحَضِّرِ السّيفِ النُّصْرِتَه اِوْ مِنْ هِسَّه مِسْتِعِدْ
نِطْلُبِ اِبْـثَـار اُمِّ الحَسَنْ وِ اِبْـيَا عَلِيْ نِهِدْ
ألْقَى إمَامَ زَمَانِيْ...رُوحِيْ لَهُ أفْدِيهَا
▪️▪️▪️▪️▪️
#اللهم_عجل_لوليك_الفرج
وعليكم السلام
موشح
لـيش يا ملـعـون تـدفـع بـابـها
تصلي چانت فاطمه بمحرابـها
من گبل ما بيـتها الزهره احترگ
تصلي چـانت تدعي ربها للخـلگ
وهـد عليها الثاني وبـغـيه حـمگ
وحـرمـة الدار الـنـذل ما هـابـها
وخـلف بـاب الدار لاذت فـاطمة
وگاـمت ابـهـيـبة ابـوهـا اتـكـلمه
وبالحجج چنها علي من تـفحمه
والبعـض رجـعت تـلـوي اذنـابـها
ولـنه شـاط اعلـيها روحـه نـاقـمه
وبـيـده بـاب الزهـره قـرر يضرمه
وگـال اطـبگ عـالارض راح سـمه
والعـرش راح افـجـعـه بمـصابـها
ومن طبگ باب الرزية عله الضلع
لـنـه دم الزهـره ضل يجـري نـبـع
وصوت ونـها للعرش ضل يرتـفـع
حـيل يوجـعـها الجليله اصوابـها
وگـعـت وبـاب الـجـذع لمـن وگـع
ذاك بـسمـار الضلـع مـنـهـا انـشـلـع
او وصله من ذاك الضلع منها گطع
وضلت اتـلـوج الطـُهـُر بعـتـابـها
تـلـوج ضلت فاطمة فـوگ الارض
ويوكز ابرمحه الضلع ضل ويرض
تـزحـف وبالسوط عـبده يـعـترض
مـسره زحفـتـها وتـلـف بـتـرابـها
تـگـوم رادت ما يعـينـلـها جـدِم
تـگـدر شلـون الحَـمـلـها ينـعـدِم
شلون حرمه تـسَگط بنص الزلِم
ونـار مشتـعلة ام حسن بثـيابـها
صاحت الفـضه تـره المحسن سگـط
وانـي بـسمـار الضـلـع بـيـه انـربـط
وين احط وليدي ما مش عندي حط
الـگـاع نـيـران وسـعـر لـهـابـها
وفضه ركضت للزچيه اتسوي صَد
من السيـاط الـتـنـزل علـيـها رعـَـد
وشافت المحـسن لمن طاح انـمـرد
وفضه هالمنـظر هضمـها وشابـها
عقيل الحسناوي..
📚🌷نعي لم البنين بتغريد الحزين
اليوم ام البنين تلوج
تبجي وجرت الونه
منيتي كربت عباس
جيب حسين اريدنه
━━━〰💠🌔🌷🌕💠〰📚🌷
كبل لاتغمض عيوني
امنيتي حسين اشوفنه
━━━〰💠🌔🌷🌕💠〰📚🌷
بهذا اليوم اريدنك
وماريد العذر منك
كبل الموت اشوفنك
━━━〰💠🌔🌷🌕💠〰📚🌷
هلت دمعت العينين
وصاحت يادهر خوان
━━━〰💠🌔🌷🌕💠〰📚🌷
عتابي ويالدهر ياناس
انه ام اربعة اولاد
━━━〰💠🌔🌷🌕💠〰📚🌷
وحدي ولاولد وياي
وحزني والالم يزداد
━━━〰💠🌔🌷🌕💠〰📚🌷
الولد لو ربته امه
بهالساعه الولد ينراد
━━━〰💠🌔🌷🌕💠〰📚🌷
كامت تهل دمعتها
وثكلت حيل ونتها
حنت للموت ركبتها
━━━〰💠🌔🌷🌕💠〰📚🌷
دارت عينها وصاحت
الحكو وينكم يحنان
━━━〰💠🌔🌷🌕💠〰📚🌷
✍أم زينب كربلاء 🏴أنت المعزى سيدي يا صاحب الزمان ... عظم الله اجوركم💔
✍️..(مشكول الذمه الي يحذف الاسم الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩🚀....
..خدمتكم شرف لنا
﷽
📖 وقفة قُرآنية
( بِسْمِ اللَّـهِ الرَّحْمَـٰنِ الرَّحِيمِ )
﴿ قَالَ رَبِّ إِنِّى ظَلَمْتُ نَفْسِى فَٱغْفِرْ لِى فَغَفَرَ لَهُۥٓ ۚ إِنَّهُۥ هُوَ ٱلْغَفُورُ ٱلرَّحِيمُ }
📕 (سورة القصص آية 16 )
●• اللهم ثبتنــا على ولايـۂ محمـد وآل محمـد
🍃✨📖
يمالكني وتلم ابعطفك الروح
مثل لمت جلد من تشفه الجروح
يالعينك عليه ... احبك مو بديه
،،،،،،،،،،،،،،،،،،،،،،،،،،،،،،،،،،،،،،،،
الوادم من تحب اذواق كل ابن ادم ورايه
بس انه ختلف مولاي عن حب البشر هايه
حبيتك نهر عطشان ما متروي من مايه
حجايت انه هايم بيك صارت اجمل حجايه
اضيع ابلا هواك وابقه محتام
أنه العاشگ الباگت عمره الايام
يالكلشي اليه ... احبك مو بديه
،،،،،،،،،،،،،،،،،،،،،،،،،،،،،،،،،،،،،،،،،،
اسهرلك وجع مصيوب ويخلص حزن ليلي
حجاب الرد زليخه سنين مايگدر يرد حيلي
احشم دموعي للخيمات وصيحلها بوجع سيلي
اصد ابصورتك وحتار وحس الصوره تحجيلي
تسولفلي الهضيمه الصارت وياك
طحت من العطش والعلگمي حذاك
خلصت هايه هيه ... احبك مو بديه
،،،،،،،،،،،،،،،،،،،،،،،،،،،،،،،،،،،،،،،،،،
افرح من يمر طاريك ويعوف الگلب ضيمه
واصفن صفنت الفلاح من يراقب الغيمه
ضاعت روحي ابلياك خرزه وطاحت بهيمه
يالحبك مطر مريود يالتمطر عليّ شيمه
احبك وانه گلبي من العشگ حار
مو من نضره من اول جرح صار
صدگ يبن الزجيه ... احبك مو بديه
،،،،،،،،،،،،،،،،،،،،،،،،،،،،،،،،،،،،،،،،،،
يالمخليني اشوف اشكال وانته تراب بعيونك
بگد ما انه هايم بيك اغار امن اليحبونك
يالشابع هضم مولاي يالمخرب التعب لونك
المايتعب الك يحسين مثل العلگمي يخونك
يشريان الگلب يا اغلى الحروف
عمت عين النهر ماجالك زحوف
اخذ روحي سبيه ... احبك مو بديه
،،،،،،،،،،،،،،،،،،،،،،،،،،،،،،،،،،،،،،،،،،،
يگولون العشگ موعيب لابي فشله لا حرمه
بس المايحب حسين عيب ومذنب اتسمه
مثلك ياهو يا مولاي يروي العاشگ ابدمه
ما رايدها هاي الناس واريدنك يبو اليمه
يالمعلمني احبك واني ازغير
كل الخير منك وانته ابوالخير
اريدك للمنيه ... احبك مو بديه
ابوفايز الرافضي
يا إلهي.. گلبي شيصبره
يا إلهي.. ماتت الزهره
راحت أيام العمر
روحي دافنها بگبر
ماتت الزهره
_ ١ _
انه الصابر وصبري يعجب العالم بقصته
بتراب الدفن رديت گلبي يسولف بونته
هذا اليوم ماكو إنسان مثلي الدنيا ظالمته
كل الشافني يسأل علي لو مو علي انته
هذا اني.. هيج متغير
هذا اني.. بحزني متحير
بيوم كبران شكثر
روحي دافنها بگبر
ماتت الزهره
_ ٢ _
انحنيت وكثر بيه الشيب وجهي منخطف لونه
تعرفه الفاگد مبين دمعة حزنه بعيونه
اليمشي ويعثر بلا لون لحد يسأل شلونه
شال بمتنه مو تابوت شايل روحه بمتونه
الدنيا كلها.. مظلمه شبيها
الدنيا كلها.. الزهره مابيها
ليل ما بعده فجر
روحي دافنها بگبر
ماتت الزهره
_ ٣ _
نحيله الزهره ادريها بس من شيعتها بليل
گوه شايل التابوت الجبل ماظنه هيج ثگيل
أول مره ياربي احس بروحي ماضل حيل
غفيت من التعب يمها قبل ما أكمل الترتيل
يم گبرها.. نامت عيوني
يم گبرها.. خل يدفنوني
صبر ما مثله صبر
روحي دافنها بگبر
ماتت الزهره
_ ٤ _
رجعت الداري گوه امشي الهموم عليه ملتمه
الدنيا بغيبة الزهراء عبرت مرحلة ظلمه
البيت بلايه ام البيت كل أركانه متهدمه
لحد ما ماتت الزهره عني اخفت اللطمه
عني جانت.. تخفي سطرتها
عني جانت.. سكته ونتها
تريدني ما انكسر
روحي دافنها بگبر
ماتت الزهره
_ ٥ _
يحتار الوصف وياي جبيره بداخلي الحسره
اعز انسانه بالدنيا ادفنتها وبالضلع كسره
ماتت بالصدر بسمار ماتت عينها حمره
زهره بدارنا ماكو بقت بس سبحة الزهره
كلشي رايح.. شفته وياها
كلشي رايح.. يشتكي لطه
يسعر بگلبي الجمر
روحي دافنها بگبر
ماتت الزهره
_ ٦ _
راحت والگلب يبچي عليها تألم هوايه
وبقيت ادخل لحجرتها وابجي اعله المصلايه
كتاب الله عليها ينوح آيه ونّت الآيه
ولحد الان بالبسمار ظل من فاطمة دمايه
ذكرياتي.. مؤلمه ابيتي
ذكرياتي.. تخنگ بريتي
الحزن بيه مستقر
روحي دافنها بگبر
ماتت الزهره
مصطفى الشافعي
قصيدة گعديه لمولاي القاسم الغريب ابن الإمام الكاظم عليهما السلام
يا وريث الغربه من أباءك
يالما نصف دهرك
متغرب وجان السبب اعداءك
بغربه خلص عمرك
روحك بگت يم الرضا وأعضاءك
بالغربه گوض صبرك
خلص شبابك بالغرب جان الدرب
عن اهلك بعيد
اهلك بأسمهم هالزمن مالك وطن
عايش كالطريد
غريب.
وانت الدنيا مُلك اهلك
وخلگ اهلك منو تسألك
وانت تخنكك العبرة
ترجف من هضم كلك
ويمك حزن يلگه العبد لمن يجيك
يبن الكارم والزمن مفتر عليك
...............
طف كربلاء واضح غده بعيونك
وتخفي الجرح لازم
من يا نسب جانوا اذا يسألونك
تبچي لبني هاشم
خلصو عطاشى وترتحل بظنونك
مسبيه جم فاطم
من يا نسب جلمة جرح خيل وذبح
للعاشر تروح
تذكر أمام ابلا هله بنص الفله
ضامٍ ومجروح
تروح.
تذكر لوعة العاشر
تتذكر طرف داير
شاف خيامه منهوبه
ونهض بس جنى ما گادر
تتخيل اركاض النسى وتفرك بأديك
يبن الكارم والزمن مفتر عليك
......................
يجري الفرات وتنهضم يالقاسم
وعالخد دمع نازل
تذكر گمر يم الجرف ضل نايم.
وتصرخ يبو فاضل.
تشوف النهر من مايه تشرب وادم
يعرض ظهر مايل
صوت الحسين يفزع اخو بنص العدو
ويتعثر وحيد
انهض يكافل خيمتي رد هيبتي
ومامش عضيد
تعيش
أخو ياما ندب صوته
حد ما ليه وصل موته
لا صحبانه فزعوله
ولا فزعوا اله اخوته
جان الهضم واضح شكل حتى بحجيك
يبن الكارم والزمن مفتر عليك
.............................
لمن مولاي القاسم طلب شغله يعيش منها
فگاله الشيخ عندي أغنام وعدد شغلات
فمولاي القاسم ما قبل بالشغلات كلهن
كله شفت عدكم نساء تروح تجيب الماي
من نهر الفرات خليني اني اجيب ماي
بدال هاي الحريم وصار مولاي القاسم
هو سگاي لهاي الارض وناسها
بأيدك جنت تنطي العذب للجالك
وتذكر عطش زينب
لمن شفت نسوه نكسر دلالك
تشوف الحرم تشرب
بهيمه الفواطم هيجي يتراوالك
وكل گطرة تتعذب
ببرودة الماي العذب دمعك يصب
يتباين مصاب
بأذنك يجي صوت الحرم وينك يعم
طگ گلب الرباب
عذاب
تتخيل حرم طه
ما ضل والي وياها
تبجي امن الضمه لجن
ولا كافل سگى ضماها
صوت الحرم عايش جرح ثگل مشيك
يبن الكارم والزمن مفتر عليك
..........................
مرت ليالي وفاطمة تناديلك
بنيتك يابو الشيمه
يا بابا صاحت ونهدم كل حيلك
عرضتلك يتيمه
تعرض رقية شما ترد لعيالك
من عافت الخيمه
من طلعت ادور حضن بس الأذن
أحمر بيها لون
تتخيل صغيرة عمر حار الجمر
وتبيضلك عيون
تشوف
بديارك لمن تگعد
رقية يا أبي تنشد
تحضن بنتك وتبچي
وفكرك عالهزل يبعد
تبجي لرقية شما اجت بنتك بأديك
يبن الكارم والزمن مفتر عليك
حسن يونس التميمي
#نزله
ياجسام ياجسام يوليدي ياجسام
ياجسام ياجسام يوليدي ياجسام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اگعد يجاسم اگعـــــد مالايـــــگ اعليك النوم
اگعد يجاسم أكعـــــــــــد بيمن احلفك وتگوم
اگعد يجاسم اگعـــــــــد ممرود گلبي وملچوم
أگعد يجاسم اگعــــد ثوب العرس جبته اليوم
فرحانه عــــــود بزفتك فرحانه
والفرحــــه مادامت ييمه ويانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شمالچ يروحي شمالچ عدلـــــه وعزيزچ مذبوح
شمالچ يروحي شمالچ ويــن التحبينــــــه يروح
شمالچ يروحي شمالــــــچ هنيال صبــرچ ياروح
شمالچ يروحي شمالچ الغالي اعله گلبچ مجروح
چاغير تعبــچ هــــذا لتعوفينه
جدام عينـــــچ ميت تشوفينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
رايح يجاسم رايــح چابيمن اسنـــــــــد مگفاي
رايح يجاسم رايح چابيش اعـــز منـــــي الماي
رايح يجاسم رايح وانته الفكر وانتـــــه والراي
رايح يجاسم رايــــــح للموت ردتــــــــك وياي
ياحيل الهجرك موشـل حيلي
بجفاك ماميــــز نهاري وليلي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيهم يجاسم حيهم لحسين شـــــــد احزامك
حيهم يجاسم حيهم والموت موش ولامـــــك
حيهم يجاسم حيهم هـــدت زلــــم جدامــــك
حيهم يجاسم حيهم فـــز ياعمــــــــود خيامك
هنياله بيك حسين الف هنياله
يوليدي گوم ورجـــــع الخياله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
#بندريه
لطمية للزهراء ع
الشاعر قاسم الساعدي المندلاوي
*******
وينك يا كرار آنه ابّاب الدار عصروني الأشرار
عاين حالي عاين حالي
******
آيحيدر هجمة سوده بيهه صوتي المَحّد ايسمعه انسمَع
رفسة الباب عنهه ناتج أبني مني يا علي شوفه وگع
من طَعِنته دمي يجري من جرح صدري ونزيفه ما انگطَع
آنه اشوفه مو موالي للصنم بعد النبي الهادي رجع
گوم افزع ويّاي اتصب بالگاع ادماي تنزف مثل الماي
ابقلّة والي عاين حالي
******
الباب ادفعه وخره عني وحاذِر ابنك لا يسحگونه انݘتَل
عنّي وينك المُر جرعته والأجل ليّه أنه اشعر بيه نزل
ثمن عمري ابعز شبابي واشكثر عانيت انه منهم علل
بيدي المّه الربّي ارفعه بي يشوف اهمومي البثگل الجبل
أكتب بالدمعات اشگد عانيت آهات مَرّنّي اللوعات
آيهلالي عاين حالي
******
حَل وكتهه تنتخيلي وتفزع الريحانة الهادي الرسول
انعاب صدري الݘفَن حضره امودعة دنياهه يبو الحملة البتول
كلشي غادَر من حياتي نفترگ مكتوبة يا فحل الفحول
هالمصيبة بيّه صارت لإن لحكام السقيفة ارفض قبول
صار اللي رادوه منهجهم عادوه مبدأ حق ضَدّوه
اگبال اعيالي عاين حالي
***
ولدي ضمهم لا تشاهِد دمّي ينزل عالأرض من الصدر
بلكي أشفه من عصرتي ومنهم امسح خوفة اصحاب الغدر
لن بݘيهم ما أحمله وخوفي ايشوفون دمعاتي الحمر
شوفة امهم راحة ليهم ولو ما اضن يا علي ايطول العمر
للرحلة المفتاح الصار ابهالمصباح لو سكتَوا يرتاح
وَن دلاّالي عاين حالي
***
امگيّد انته وآنه بالسوط أنضرب وعيونك اتشوف الجره
بيدي أشگف وآنه أيدي تدري قَبّلهه ألي خير الورى
سل فقارك يالفقارك شاطر المرحب وابن ودّ اشطَره
شنهو صبرك من تعاين ݘف عدوّك خدّي يا حيف اسطره
فقارك هاليوم خَل يحصد هالگوم ليه مو وكت النوم
ها يالوالي عاين حالي
***
ݘَن يجاوب هذا هيّن باݘر ابطف كربله عينݘ تشوف
أهل بيتݘ يوم عاشر بين لوعات الضمه وحرّ السيوف
وعالشريعة ساقي أهله تنگطع منّه على الماي الݘفوف
وتبقى زينب بعد اهلهه كافلة وعالعايلة ابنتݘ تطوف
تندب بالوليان يا صفوة عدنان بحشاي النيران
ابصوت العالي عاين حالي