https://www.facebook.com/share/v/1DoSmEQLn6/
Читать полностью…
☘لاستشهاد مولاتي الزهراء ع ☘
موشح
ام الحسن ... فاتحتهه الليله
شدن عبيچن والنگاب الشيله
ـــــــــــــــــــــــــــــــــــــــــــــــــ
اليوم ابو الحـــسنين شد احزامه
یـــذكّر العشـــره وهذيج ايامه
وزيـنب اتنــــــوح وتدگ علهامه
چـادر حزن منصوب خل نمشيله
✍☘ام فراس الساعدي ☘
ـــــــــــــــــــــــــــــــــــــــــــــــــ
نشد حزمنه ونعتني لام الحسين
نصيح يازهراء يـــم گلب الحنين
جينه انعــــازي علي الگلبه حزين
عـــــــــلى فگدج باد منـه حــيله
✍🏻ام حسين المحمداويه
ــــــــــــــــــــــــــــــــــــــــــــ
فاطمة حيدر يون فگدچ صعب
كل صبر عداه بس موتج غصب
تعده هظمه حدود وتعده العجب
خـفه گبــــرچ با الضلــوع يشيله
✍🏻 وعد الكفيل
ــــــــــــــــــــــــــــــــــــــــــــــــــــ
اليـوم حماي الحميه اشحاله
عيـنه عالزهـــره تصب هماله
الفرگة مو هينه العـلي چتالـه
طفت شمعت بيته واظلم ليله
✍️ام مجتبى البهادلي
ـــــــــــــــــــــــــــــــــــــــــــــــ
وبظلام الليل رايح بالربــــيع
تخفي سر الله بتراب البقـيع
جوهرة كل نورها من البديع
حتى ماتوصلها گوم ارذيــله
✍🏻العلوية الموسوية
ــــــــــــــــــــــــــــــــــــــــــ
تمت باقلام رابطة كفيل زينب (ع)
/channel/heznashwor
قصيده لاستشهاد مولاتي الزهراء ع☘
كاني بلسان حال مولاتي زينب ع ترثي امها السيده الزهراء ع
الوزن / دارمي
شكد غدرت الايام
باگتني اغلى وسام
امي الوديعه
٠٠٠٠٠٠٠٠٠٠٠٠٠٠
مصلاتج اتناديج يازهرة البيت
عفتيهه لاتسبيح لادعوه سمعيت
ترجع ليالي البيض والسهرياريت
عطرج بنص الدار هستوني شميت
مشتاگه للكعدات
واسوالف الحلوات
آه يلشفيعه
٠٠٠٠٠٠٠٠٠٠٠٠٠٠
ضلت متربه الدار تنعه النجيبه
يسعر يظل للدوم گلبي بلهيبه
ماتطفه ناره تفور واسمع نحيبه
صبري خلص ياناس ومنين اجيبه
حيدر يون محتام
وبفركتج ينضام
موتج فجيعه٠٠٠
✍☘ام فراس الساعدي ☘
٠٠٠٠٠٠٠٠٠٠٠٠٠٠
عفتيني للاحــــزان يازهرة اونـن
يم بابچ انياشيــن مابيه اصــدن
عمين اعيوني اعليچ يايمه عمين
كبرني من فرگاچ واجفوني شيبن
ليلي ونهار بنــــــوح
تعيش بحزنها الروح
قصتج فضيعه..
✍🏻 وعد الڪفيل
٠٠٠٠٠٠٠٠٠٠٠٠٠٠
يالموتج اصبح نار جمره اعله جمره
ما ينحـمل فرگــــاج يمه يــزهره
گلب اليفگدج هاذ چـا شنهي صبره
ضلمه صفت دنيـاي والعيشه مـره
وحشه وخليه الدار
وحنه يتامه ازغـار
رحتي صريعه
بـ✍🏻 المله ام مجتبى
٠٠٠٠٠٠٠٠٠٠٠٠٠٠
جرح بجرح شديت وصوابي ماطاب
وشخلف البسمار وشخلف الباب
ورث الكسر جدام ناطرني ماغاب
محضرلي چم دولاب ايفرني ومصاب
چم نايبه من البين
عيني تصد طشتين
قصه وجيعه
ام حسين المحمداويه
٠٠٠٠٠٠٠٠٠٠٠٠٠٠
تمت بأقلام خادمات الحسين عليه السلام
رابطة كفيل زينب عليه السلام
/channel/heznashwor
قصيدة على طور سيد فاقد الموسوي
لحن قصيدة ( گلبي اليحبكم لاتكسرونه)
ياام حسن آه. ياام حسن
آه. ياام حسن
لأم حسن بالتشييع واسييهـا
وي علي كون الدمعة تجريها
لحد يــــگلك عطل الروحـــه
زحمه عليك المهدي موبــيها
ـــــــــــــــــــــــــــــــــــــــــــــــــــــــــــ
العادوهه وشيحصلون عساهم لا أجو
نفاق وبس حقد،،، وبهتان و حــــسد
نشيعها ونعلن بصوت نلبي للنـــــــداء
وتضج حتى السماء على ست النساء
كل محب يحضر دمعه بعيونه
يواسي علي اي والله خيعونه
المايحضر التشييع متهــــاون
ابلاعذر با چر لو ينشدونــــــه
ــــــــــــــــــــــــــــــــــــــــــــــــــــــــ
مواكب والعـــزيات باسمها تنـــــــصب
تجي اتصب الدمع على كسر الضـــــلع
نواسي المرتضى بصوت يازهراء المدد
وانــــعزي حـيدره ابنت الـــــــمصطفى
مظلومة وين الي ينصروهه
بالحشر باچر لو يشوفـــوهه
ينادون يامظلومه ابجـــاهج
هيه الشفيعة الكل يعرفوهه
ـــــــــــــــــــــــــــــــــــــــــــــــــــــــــــــ
التاريخ والروايات يــــــوثق هالخــبر
بنت ســــــيد البـــشر ماتت بالقـهــــر
سگط من عدها الجنين خدهه الي انسطر
وحرگ باب الطهر الصحابه اهل الغدر
جيش اعلى باب البضعة ياوادم
بس ربها يعرف شانها وعالــــــم
هاي أم ابوها شلون ظلمـــــوهه
اليرضي الله من رضـا فـــــاطم
ــــــــــــــــــــــــــــــــــــــــــــــــــــــــــــ
من هل الجريمة كل عام نشيعها الصبح
نــــــــفس ضيم الرمح الترك بينه جرح
الــــــــيئـن مـن الوئـــــن الگالاهــا العفن
الـدفـــع بـــــــاب ام حــــــــــســــــــن
الملعون بيش يجاوب الهادي
البضعة لو بالمحشر اتنـــادي
تلزم ضلعه تصــــيح يـــاربي
حگ الچفوف وحكهم اولادي
يام حسن آه يام حسن آه يام حسن
✍🏻 وعد الڪفيل
ــــــــــــــــــــــــــــــــــــــــــــــــــــــــ
#عظم_الله_اجورنا_واجوركم
/channel/heznashwor
قصيده هتافيه تقرأ في مقدمه المجلس او في الختام
سجليها يازهراء سجليها
سجليها يازهراء سجليها
سجلي خدمتي يم حسن
وفقيـني الها بكل زمـــن
وذخريها الي يوم المحـن
بجـــاه العلـــي المؤتمـــن
وبجاه كل الاوصياء
سجليــــــها يا زهراء
✍العلويــه ام نــور الميسانيـه
❈━━━❁°•🧿•°❁━━━❈
من عندي قبلي هلعمل
وانه اخدمج دمعي همل
اترجى من ربي الامل
وبهذا احس ديني اكتمل
تشهد الي ارض وسماء
سجليـــــــــها يا زهراء
✍️☘️ام فراس الساعدي ☘️
❈━━━❁°•🧿•°❁━━━❈
ديني اكتمل في طاعتج
عمري فده لمحبتج
اقسم انه في داعتج
للموت اظل في خدمتج
ياسيدة كل النساء
سجليـــــها يا زهراء
الخـ✍️ــادمه ام زيد الشمري
❈━━━❁°•🧿
•°❁━━━❈
يافاطمة وهذا عهد
أبقى آنه اخدمچ للأبد
منچ أريد آنه المدد
يل ماألي غيرچ سند
ترجيتچ وقبلي الرجاء
سجليــــــها يا زهراء
✍🏻#ولائـية_وافتـخر (دعاء العامري)
❈━━━❁°•🧿•°❁━━━❈
بـالنـار بابـــــچ مستعر
مابين حايط والعصر
چن صوت ضلعج منكسر
اسمع وأسير بهل الفكر
أماه ماهذا البــــلاء
سجليـــــــها يا زهراء
✍وعد الڪفيل
/channel/heznashwor
قصيدة للدفاع عن السيدة سكينة بنت الامام الحسين "عليه السلام"
"ياتاريخ عال وبيچ يندگ" ⚠️
قناة الشاعرة القديره صاحبة الحسجه الجنوبيه 👇👇👇 /channel/mmm234mm
صاحبة دواوين 👇
عتيق الحسين الجزء الأول
عتيق العباس الجزء الثاني
عتيق الحوراء وموسى الجزء الثالث
عتيق الكرار الجزء الرابع
عتيق آل الصدر الجزء الخامس
عتيق الطف الجزء السادس
عتيق آل محمد الجزء السابع
سيدة النقاء وام الوفاء الجزء الأول
الدعم الحسيني الزينبي دعم القنوات الحسينيه الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة يكون الحذف من خلال البوت بعد انتهاء الوقت للاشتراك راسلنا على الرابط 👇👇
/channel/Abas747
قصيدة "ثقيلة" 💔
لاستشهاد السيدة رقية (ع) ❤️❣️
آنه والراس
آنه والراس
بالحلم صاحاني ابوي وراسه مگطوع
أو من حظنت الدللاني أمهشم اضلوع
آنه والراس
آنه والراس
❣️❣️❣️❣️❣️❣️❣️❣️❣️❣️
آنه يابويه رقية شغير احوالي شجره
گلبي مايحمل تراني زغيره ليش امرمره
شوك وسياط وشتايم وحبل بيدي اميسره
مثلي تغفى وتصحه تلعب وعيني انه مساهره
آنه ابچي من الحرگ وتسيل الإدموع
ومن حضنت الدللاني مهشم اضلوع
بين الارجاس
آنه والراس
❣️❣️❣️❣️❣️❣️❣️❣️❣️❣️
منطحن صدرك يبويه ودامي اوداج الگفه
حيل مشتاگه لشبگتك غرب يمي وخايفه
ياهو خضبهه لحيتك ودمه شفافك نازفه
طشروك وهذا راسك يبن طه المصطفى
دمك بحافر فرس والراس مــرفوع
من حضنت الدللاني امهشم اضلوع
صدرك انداس
وآنه و الرس
❣️❣️❣️❣️❣️❣️❣️❣️❣️❣️
وگفوني أويه اليساره.. وراح اعوفنك جسد
وخذوا راسك من اديه واصرخ وگلبي نمرد
برمح عالي شلون بيه .. مـــــــاألوحنه بعد
ولهظمني يگاطفونه.. احجار وعيوني تصد
اصد منعنده الحجر... وگليبي مصدوع
ومن حضنت الدللاني.. مهشم اضلوع
بعبره واحساس
آنه.. والراس
❣️❣️❣️❣️❣️❣️❣️❣️❣️❣️
طحت بالحفرة وصحتلك.. بويه راسك ديره الي
الدرب تعبني المشيته.. اي وحگ جدي علي
روحي ماتحمل هضايم.. من الزغر هيچي انولي
تيهت عمتي يغالي.. وانت ثاري اتصد عَلي
صيحت وين الحرم..والصوت مرجوع
ومن حضنت الدللاني.. مهشم ضلوع
طفلة ياناس
آنه.. والراس
❣️❣️❣️❣️❣️❣️❣️❣️❣️❣️
بويه راح نطب قصرهم.. وراح تخلص قصتي
بالخرابه بيتونه.. وآنه ابچي بحسرتي
مانمت تهمل اعيوني.. انت روحي وسلوتي
تالي جابولي طشت.. راسك انته وهيبتي
شفاف ذبلهه العطش.. والصوط مطبوع
من حضنت الدللاني.. امهشم اضلوع
آخر انفاس
آنه والراس
❣️❣️❣️❣️❣️❣️❣️❣️❣️❣️
✍🏻وعد الڪفيل
/channel/heznashwor
اكبر قناة القصائد الحسينية
تم نشر قصائد لخولة ع👇👇
https://t.me/joinchat/AAAAAELdvGssZMurwfLsJA
اكبر قناة القصائد الحسينية
تم نشر قصائد لرقيه ع👇👇
https://t.me/joinchat/AAAAAELdvGssZMurwfLsJA
اكبر قناة القصائد الحسينية
تم نشر قصائد لرقيه ع👇👇
https://t.me/joinchat/AAAAAELdvGssZMurwfLsJA
الدعم الحسيني الزينبي دعم القنوات الحسينيه الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة يكون الحذف من خلال البوت بعد انتهاء الوقت للاشتراك راسلنا على الرابط 👇👇
/channel/Abas747
الدعم الحسيني الزينبي دعم القنوات الحسينيه الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة يكون الحذف من خلال البوت بعد انتهاء الوقت للاشتراك راسلنا على الرابط 👇👇
/channel/Abas747
الدعم الحسيني الزينبي دعم القنوات الحسينيه الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة يكون الحذف من خلال البوت بعد انتهاء الوقت للاشتراك راسلنا على الرابط 👇👇
/channel/Abas747
الدعم الحسيني الزينبي دعم القنوات الحسينيه الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة يكون الحذف من خلال البوت بعد انتهاء الوقت للاشتراك راسلنا على الرابط 👇👇
/channel/Abas747
قصيدة لسان حال فاطمة الزهراء عليها السلام وهي ترثي حالها
بعنوان (( يابيت الاحزان ))
محنية اجيت امن الضرب يابيت الاحزان
مطرودة من داري غصب وبگلبي الاشجان
مني النفس ياذيــــني
سطروني حتى بعيني
يابيت الاحزان..
يابيت الاحزان..
ـــــــــــــــــــــــــــــــــــــــــــــــــــــــــــــــــــ
آنه الجليلة ام الحـــسن و أم الائـــيمه
بضعة الهادي الي انبعث للكون رحــمه
من عگب ابوي ابعيني كل الدنيا ظلمه
جاروا عليه اهل السقيفه وآنه حرمـــه
حرگوا دليلي بحيدر
وبابي تهجمه العسكـر
وبينه الزمن خـــــان
ـــــــــــــــــــــــــــــــــــــــــــــــــ
بنت النبي آنه ام ابوهه جفني شيــب
طردوني من داري لاني ابچي وانحب
من المدينه ابـــــياذنب هيجي اتغرب
بالشمس خلوني ونحيله حالي يصعب
موصحبه زمرة اشرار
ويم داري شبوها النار
وإحنه أهل الاحســــان
ــــــــــــــــــــــــــــــــــــــــــــــــــــــــــــ
گطعوا شجرتي الي حدرها أگعد آنه
مابيه آذيه چذبوا سكته بچانـــــــه
آنه وجهالي والحزن عگبه دهانــــه
بفگد النبي جاروا علينه اهل الخيانه
غصبوا فدك وخذوها
ووصية النبي نكروها
وبـــضلوعي نيـــــران
ـــــــــــــــــــــــــــــــــــــــــــ
لامو مريضه واعتدوا هجموا عليه
عصروني آني ومحسني ذيچ المسيه
بنت الرسول اهل الغدر جاروا عليه
يرفسني بضلوعي النذل مايدري بيه
أرض وسمه من اجلي
من ادعي ابد ماخـلي
لا إنــــس لا جــــــــان
ـــــــــــــــــــــــــــــــــــــــــــــــــــــــــــــــ
الباهل الله والـــدي بـــينه بكـــــــتابه
ناده اهل بيتي وسمعته كلها اصحابه
مو ذكرتهم بالحچي طلعوا عصــــابه
شتموني وآنه الطاهره وام النجابـــه
كالـدملـج ابـــ أيديــني
سگطوه يويلي اجنيني
بنت النبي أنهــــــــــان
يابيت الأحــــــــــــزان
✍🏻 وعد الڪفيل
#شعبة_الخطابة_والتبليغ_النسوية
#منتدى_القلم_الفاطمي
/channel/heznashwor
ملاگاه لام الحسن
حلوه ولايگه الطمه على الزهره
نلطم على.الرأس ونسچب العبره
ــــــــ
مجلسها الزجـــــــيه ايريد لطامه
نوب اعله الصدر نوبه على الهامه
صدگ حـــيدر عليها ذب العمامه
من شاف السده ويلي نفذ صبـره
ـــــــــــــ
ون ونه اعله ونـه وهوه شابگها
روحـه اتمرمرت والحزن خانگها
عزيـزة گلبه مـا يگـــدر يفارگها
غميج صواب حيدر محد يجبره
ــــــــــــ
بيوم الغسل الزهره جـره دمعـه
من هيس ضلع مكسور للبضعه
على خدها بعد شاهد اثر صفعه
انتجه عالحايط ويتصور العصره
ـــــــــــــــــ
جـــــزه حد الحزن وياه الموصــه
بگـــرابه السيف و بيه اثر غصــــه
بده غــــدر السقــيفه وأول القصه
مــــن باب الزچية الباگ كل عمره
ــــــــــــــــ
الفرح ويــاهه ودع بيـــت والينـه
نياشين المصــيبة طـــفت اسنينه
نبت بسـمار من عدهم بنص عينه
ملوي ومنهضم وبگلبه چم حسره
ــــــــــــــــ
حســـــراته تشب نـيران عالفرگه
مثل بنت النبي هيـهيات مايــلگه
راح ابراح يصفگ لوعه وبحرگه
على عظم المصيبه الله ايـأجره
ـــــــــــــــ
✍🏻 المله ام مجتبى و وعد الڪفيل
#شعبة_الخطابة_والتبليغ_النسوية
#منتدى_القلم_الفاطمي
/channel/heznashwor
عَصرة فاطمة اشتركت نياشين
بگلب حيدر علي حطاهن البين
༺ 🖤 ༻
الباب جذوع ينظر مو عوادين
علي حزنه دهر ودموعه دهرين
༺ 🖤 ༻
بخياله شلون من صاحت يبو حسين
عليها العرش يبچي والمرسلين
༺ 🖤 ༻
الدفعوا بابها نفس الداسو حسين
بأمر ذاك الخليفة انطلبه چم دين
༺ 🖤 ༻
حرگ دار الزچية ولطمة العين
صاحوا فاطمة بيها الملاعين
༺ 🖤
من كلمة وأن لسه بگلبه رمحين
الوأن هاي شثگلها وباگت اسنين
༺ 🖤 ༻
بگلبه المرتضى شخلت نياشين
الهسه ايشاهد الدم عالحياطين
༺ 🖤 ༻
وأثر كسر الضلع وآثار الإجنين
والبسمار بيه آثار طرّ منه الگلب نصين
༺ 🖤 ༻
علي شافه بدمه نگعان واصل وين
وبيه وصلت لحم شماها لأم الحسين
༺ 🖤 ༻
كلمات: وعد الكفيل
◼26 صفر:
ذكرى استشهاد ولدي مسلم بن عقيل عليهما السلام.
◼27 صفر:
ذكرى استشهاد نبي الله يحيى عليه السلام.
◼28 صفر:
ذكرى استشهاد النبي الأكرم محمد صلى الله عليه وآله.
◼28 صفر:
ذكرى استشهاد الإمام الحسن المجتبى عليه السلام " على الرواية المعتمدة في قم المقدّسة"
◼29 صفر:
ذكرى استشهاد الإمام علي بن موسى الرضا عليه السلام "على الرواية المعتمدة في قم المقدّسة".
الدعم الحسيني الزينبي دعم القنوات الحسينيه الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة يكون الحذف من خلال البوت بعد انتهاء الوقت للاشتراك راسلنا على الرابط 👇👇
/channel/Abas747
عمت عيني يارقيه ...
بالغرب متي سبية....
هواي مريتي بمحن...
وآه ياجور الزمن....
·÷·÷·÷·÷·÷·÷·÷·÷·÷·
طفلة عندي من اليتامى
حايره وعذبتني حيل
ماتمر لحظة وتناشد
عن ابوهه وماتمل
انظرلهه جنهه وردة
بس وضعهه جن ذبل
البچي سلوة يسرها
ﻻجچن سياط النذل
مارحم عمرج رقية
بالغرب متي سبية
وآه ياجور الزمن
هوااي مريتي بمحن
÷·÷·÷·÷·÷·÷·÷·÷·÷
بحظني احطهه رقية طفلة
وهم يتيمة وحالهه جداً صعب
بيهه ماظلت أنفاس
ونبض ماحس بالگلب
ﻻبعد بيهه تناشد
وﻻبعد تشكي الضرب
يازغيرة يارقية
بالغرب متي سبية
هوآي مريتي بمحن
وآه ياجور الزمن
·÷·÷·÷·÷·÷·÷·÷·÷·÷
غفت ثاري من البجي
غفت تعبت هذا حدها
الله يدري شكد بچت
ونامت بلوعة وغفت
بالحلم شافت ضمدها
جاها ابوها وجن شبگهه
ومن فرحهه چن صحت
تصيح بابا رد عليه
شوفني آنه رقية
وآه ياجور الزمن
هواي مريتي بمحن
÷·÷·÷·÷·÷·÷·÷·÷·÷÷÷÷
مابعد تسكت رقيه تريد ابوهه
وزينب احتارت بأمرهه
وحيرت كل الحرم وزعجت يزيد
البواچي
وناشد ولنهه السبب
نادى نفذوكل طلبهه
جيبوا الراس لرقية
بالطشت ابن الزجية
وآه ياجور الزمن
هواي مريتي بمحن
·÷·÷·÷·÷·÷·÷÷÷
صدت عليهم تنادي آنه ماريد الاكل
ظنهه جابوا زاد ليهه وﻻبعد اطلب شرب
گلهه هذا راس ابوچ شوفي شيبه المنخضب
شبگت الراس النهاية وماتت وكل الرواية
طفلة مظلومة رقية
باليسر ماتت سبية
وآ ياجور الزمن
هواي مريتي بمحن
·÷·÷·÷·÷··÷÷÷·÷·÷·÷
تمت ولله الحمد
غيرمبرئ للذمة ازالة الحقوق
شعر/وعد الكفيل
#المنتدى_الفاطمي
/channel/heznashwor
تــم نشــر قصائد للحسن ع
/channel/abbasns5
انظم للقناة يصلك كل جديد
الدعم الحسيني الزينبي دعم القنوات الحسينيه الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة يكون الحذف من خلال البوت بعد انتهاء الوقت للاشتراك راسلنا على الرابط 👇👇
/channel/Abas747
الدعم الحسيني الزينبي دعم القنوات الحسينيه الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة يكون الحذف من خلال البوت بعد انتهاء الوقت للاشتراك راسلنا على الرابط 👇👇
/channel/Abas747
اكبر قناة القصائد الحسينية
تم نشر قصائد للسجاد ع 👇👇
https://t.me/joinchat/AAAAAELdvGssZMurwfLsJA
