5631
عاشقة العباس
قصيده لشهداء الحشد الشعبي المقدس
لسان حال ام الشهيد (فالعيد)
〰️〰️〰️〰️〰️〰️〰️〰️〰️
العيد من صوبي ولاريده يجـــــي
وانه اعله اوليدي ميته من بجـــي
لايمر ابداري عيد
انه رايحلي شهيد
ها يروحي ها يروحي
〰️〰️〰️〰️〰️〰️〰️〰️〰️
العيد ماريد يجيني ولايمر من صوبــــــــــي
بيش اصبح بيش الاكي وانه اسود ثوبــــــي
فاكده عيوني وضواها وضلمه احس ادروبي
وعيدي مايكتمل إله اعلي يرد محبوبــــــــي
والفرح عني بعيد
انه رايحلي شهيد
ها يروحي ها يروحي
〰️〰️〰️〰️〰️〰️〰️〰️〰️
الفرح موثوبي هسه كلبي غارك بالحـــــــزن
وليل ونهار اعله ابني كلبي كاعد بس يــــون
عيوني ماهادت دقيقه من البجي راحن عمن
والمتون الشلته بيهن هسه بفراكه خــــــــون
كلبي لحضه مايهيد
انه رايحلي شهيــد
ها يروحي ها يروحي
〰️〰️〰️〰️〰️〰️〰️〰️〰️
يوم جابو ابني ليه حزنه ابوجهي انرســــــم
وركضت اعله الجنازه وكمت اشمن بيهه شم
انكطع سباح كلبي وضاع كل ذاك الحلــــــــم
وانحنه ضهري بغيابه وحيلي صبح منهـــــدم
حزني كل لحظة يزيد
انه رايحلي شهيــــــد
ها يروحي ها يروحي
〰️〰️〰️〰️〰️〰️〰️〰️〰️
انذبحت احلامي وضحكتي وفرحتي والامنيات
وطحت مغميه اعله وجهي يوم كالو ابني مات
أنطفت شمعة حياتي وضلمت بعيني الحيــــاة
ماحسبته يموت غفله منين اجتني التايهـــــات
بعد ماالبس جديد
انه رايحلي شهيد
ها يروحي ها يروحي
〰️〰️〰️〰️〰️〰️〰️〰️〰️
ياجرح كلبي وكسرته البعد ماضن تنجبـــــــــر
وانه تعبي وذاك سهري رايح ابخت الكبــــــــر
انشلع فص عيني احسه بيوم جابولي الخبـــر
ودرعت ثوبي اعله طوله وبيه ماضل كل صبر
صبر عكبه مااريد
انه رايحلي شهيد
ها يروحي ها يروحي
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
فزاعي قصير (للعيد)
حال لسان الفاكد احبابه
〰️〰️〰️〰️〰️〰️〰️〰️〰️
شلي بجيتك ياعيد واحباب الكلب نومه
〰️〰️〰️〰️〰️〰️〰️〰️
نومه بسچة الــــــوادي
اجفاهم حارك افــــادي
عليهم باقي احــــدادي
وروحي حيل مالومــه
شلي بجيتك ياعيــــــد واحباب الكلب نومه
〰️〰️〰️〰️〰️〰️〰️〰️〰️
ماريدك تجي ياعيــــــد
احبابي غربو للبعيــــــد
عليهم مالبست اجديــد
الفاكد تسحل اهدومـــه
شلي بجيتك ياعيــــــــد واحباب الكلب نومه
〰️〰️〰️〰️〰️〰️〰️〰️〰️
ماالبس جديده اثيــــاب
وانه امفارك الاحبــــــاب
اونن والدليل انعــــــــاب
والديران مهدومـــــــــــه
شلي بجيتك ياعيـــــــــد واحباب الكلب نومه
〰️〰️〰️〰️〰️〰️〰️〰️〰️
الديران حزنانـــــــــــــــه
على الي ماهم اويانـــــه
فكدهم والله هدانــــــــه
كلبي لحد يلومـــــــــــــه
شلي بجيتك ياعيــــــــد واحباب الكلب نومه
〰️〰️〰️〰️〰️〰️〰️〰️〰️
كلبي يريد ملكاهـــــــــم
ويفرح كون وياهــــــــم
بيوم العيد نلكاهــــــــــم
وكلهه احذاي ملمومـــــه
شلي بجيتك ياعيـــــــــد واحباب الكلب نومه
〰️〰️〰️〰️〰️〰️〰️〰️〰️
وين امشي وهج لاويـــن
اعزازي بالغري امنوميــن
ولج ياروحي لتعيديــــن
عزيزچ دافنه ارسومـــــه
شلي بجيتك ياعيـــــــــد واحباب الكلب نومه
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
قصيده للام ((عن العيد))
〰️〰️〰️〰️〰️〰️〰️〰️〰️
باجر عيد يمه موش تنسيـــــــــن
وبركان المكابر لاتعيديــــــــــــــن
〰️〰️〰️〰️〰️〰️〰️〰️〰️
باجر عيد ردنه انعيد اويــــــــاج
ومايرهم فرح يمه بليـــــــــــــاج
اشلون انعيد وكاسرنه فركــــــاج
وماحسبالنه يمه تطوليـــــــــــــن
〰️〰️〰️〰️〰️〰️〰️〰️〰️
ماحسبالنه تطولين بالنـــــــــــوم
وحسبالي اليفارك يمه جم يــوم
نعيد اشلون واحنه سود الهــدوم
بهايه نومتج جاوين ترديـــــــــن
〰️〰️〰️〰️〰️〰️〰️〰️〰️
هايه نومتج مالايكه اعليـــــــــج
وتراب اللحد خرب معانیـــــــــج
بالعباس حنينه المحاجيــــــــــج
يل عني وعن بزري تنشديـــــــــن
〰️〰️〰️〰️〰️〰️〰️〰️〰️
باجر عيد واحنه بحال ياحــــــال
والعيدك امبارك مولي تنكــــــــال
انه امفارك ونستي وراحة البــــال
ومن كد البواجي راحت العيــــن
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
فزاعي بقفلة هوسه. ،،،،،، ايتامك على الباب،،
〰️〰️〰️〰️〰️〰️〰️〰️〰️
اليله واكفه ايتامك على الباب
وانته بالنجف نايم يبو اتراب
〰️〰️〰️〰️〰️〰️〰️〰️〰️
وانته بالنجف نايم يبو احسين
تريدك ياعلي ونجيبك منين
ويابچي اليتيم يودر العين
رد ليها،، ايتامك حيدر
〰️〰️〰️〰️〰️〰️〰️〰️〰️
ابابك واكفه وتلطم على الهام
ويكسر حالهه هاليوم الايتام
اشلون تعوفهه وبرض الغري تنام
للوادي اشلون اتغرب
〰️〰️〰️〰️〰️〰️〰️〰️〰️
اشلون تعوفهه وتتركهه بهموم
ومن يوم انصبت ماضاكت النوم
اجاها العيد منك رايده اهدوم
يريدونك بيوم العيد
〰️〰️〰️〰️〰️〰️〰️〰️〰️
منك ياعلي اهدوم يردون
واعله الباب حيدر جاي يبچون
اشلون تعوفهم ها ياعلي اشلون
تبچيلك اتون بالباب
〰️〰️〰️〰️〰️〰️〰️〰️〰️
ياكلب اليتامى اعليك حزنان
واتريدك تجي داحي البيبان
ولتخلي اليتيم ينام حيران
يرعاها ايتامك محد
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
فزاعیه لاستشهاد الامام علي عليه السلام
بقفلة هوسه
لسان حال مولاتي زينب ع
〰️〰️〰️〰️〰️〰️〰️〰️〰️
اشلون اتشیل يمحلي الدواوویـــن
وتستاهل عراضه اليوم ابو احسین
〰️〰️〰️〰️〰️〰️〰️〰️〰️
تستاهل عراضه حامي الجــــــــــار
وانته الماترد بضیج محتــــــــــــــار
تعزب بیدك انته لواجه خطـــــــــــار
ترحب بي الضيف اليلفي
〰️〰️〰️〰️〰️〰️〰️〰️〰️
فاتح دوم بابك داحي البـــــــــــاب
ومارديت واحد يوم طـــــــــــلاب
صدگ حیدر اليله تنام بتـــــــــراب
بالهيمه اشلون تعيد
〰️〰️〰️〰️〰️〰️〰️〰️〰️
صدگ شایل يبويه الیوم عنـــــــي
وبكل لحضه اشوفك دوم يمـــــــي
على افراكك يحيدر ضهري محنـي
رد اعلینه والعید اگبل
〰️〰️〰️〰️〰️〰️〰️〰️〰️
شلي بالعید وانته تعید اهنـــــــاک
یبو روح الحنینه وین نلگــــــــــاک
شمحلاته یبویه العید ویـــــــــــاک
نکشخ بي العید بجالک
〰️〰️〰️〰️〰️〰️〰️〰️〰️
مانکشخ بعد لانلبس الـــــــــــــوان
وشايل للنجف داحي البيبـــــــــان
بیوم العید ومسدد الدیـــــــــــوان
لاتلفینه یاعید ابعد
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
فزاعی جنوبي
للامام علي عليه السلام بقفلة هوسه
〰️〰️〰️〰️〰️〰️〰️〰️〰️
اشلون تموت وانته مخوف المـوت
ویالنجیت یونس من بطن حــــوت
〰️〰️〰️〰️〰️〰️〰️〰️〰️
اشلون تموت وانته الراهب الکــون
وعلي بأسمک یلو رادو یحلفـــــون
وقالع باب خیبر زین یـــــــــــدرون
ومن كاعه قالع خيبـــــــــــــــــــــر
〰️〰️〰️〰️〰️〰️〰️〰️〰️
شلعت الباب حیدر یوم هدیـــــــت
وبنضرت اسد لعداک صدیــــــــــت
وبکلب العده چم خوفه خلیـــــــت
من اخیالك الکون اهتــــــــــــــــــز
〰️〰️〰️〰️〰️〰️〰️〰️
الحد الآن ضل یشهدلك البــــــــــاب
وتموت اعداك لو طاريك ينجـــــاب
حیف الیوم نایم جوه التـــــــــــراب
اطم حیدر اشلون الکــــــــــــــــــاع
〰️〰️〰️〰️〰️〰️〰️〰️〰️
نوم الگاع مایرهم علی الزیـــــــــن
ومو انته علي الي تغفه عالطیـــــن
هالیوم اعله فگدک عامیه العیـــــن
جایس بینه اصوابک ضــــــــــــــــل
〰️〰️〰️〰️〰️〰️〰️〰️〰️
افراگک یاعلي احناها الضلـــــــــوع
ويانوح الیتامه اعليك مسمــــــــوع
وي بنتك اليوم انهل الدمــــــــــــوع
ویاهیبه انون لفراکـــــــــــــــــــــــك
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
قصيدة ثكيله. ،
للامام علي عليه السلام ،، لسان حال مولاتي زينب ع،،،،،، يحماي الحميه،،،،،،
🟰🟰🟰🟰🟰🟰🟰🟰🟰🟰
لاترحل یحماي الحمیـــــــــــــــــه
بویه العید هالمجبل علیـــــــــــــه
🟰🟰🟰🟰🟰🟰🟰🟰🟰🟰
لاترحل یبویه وتمشي لبعیـــــــــد
خلص شهر الصیام وباچر العیــــد
بس شوفت اعیونک کلشي مارید
ابیوم العید ارید اتهلي بیـــــــــــه
لاترحل يحماي الحميـــــــــــــــــه
🟰🟰🟰🟰🟰🟰🟰🟰🟰🟰
لاترحل یبویه العید اجانـــــــــــي
لتخلیني حزنانه واتانـــــــــــــــــي
وین الله ولي يردك زمانــــــــــــــي
وتسویلک علي بالعید جیــــــــــــه
لاترحل يحماي الحميـــــــــــــــــــه
🟰🟰🟰🟰🟰🟰🟰🟰🟰🟰
لاتکطع یبویه الوصل عنـــــــــــــــي
وخافنهه الليالي یعذبنـــــــــــــــــــي
واضل للموت مافك بعد حزنـــــــــي
مافک ثوب حزنک للمنیـــــــــــــــــه
لاترحل يحماي الحميــــــــــــــــــــه
🟰🟰🟰🟰🟰🟰🟰🟰🟰🟰
يبويه اويانه من جنت اشحلاتـــــك
ويمك حاط الاولاد وبناتــــــــــــــك
شینساهن یحیدر ذکریاتـــــــــــــــك
امن اذکرهه اضل اصفک بدیــــــــه
لاترحل يحماي الحميـــــــــــــــــــــه
🟰🟰🟰🟰🟰🟰🟰🟰🟰🟰
بویه بکل مکان مخلي ذکــــــــــــری
وگلبي اعلیک چاشنهو الیصبــــــــره
فرگتک تدری تکتل حیــــــــــــل مره
وحيل افراک وجهک جاس بیــــــــه
لاترحل يحماي الحميــــــــــــــــــــــه
🟰🟰🟰🟰🟰🟰🟰🟰🟰🟰
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
حصريا
نعي حزين يوجع لدفن الامام علي عليه السلام
لسان حال مولاتي زينب ع عندما أرادو ان يشيعون اباها حتا يدفنونه فرادت ان تحضر معهم لدفن والدها فقال لها اخاها الحسن ع اخيه زينب ارجعي الى الدار فرجعت زينب وهيه تقول
من كال الحسن ياخويه ردي
انه رديت والدمعه اعله خدي
وانام ابسد علي بالغري ابودي
فعندما وصلوو بعلي الى الغري وجهزو قبره فقال الحسن الاخيه الحسين يكله
يحسين وسع الكبر وسعه
ومن الحسن سكطت الدمعه
وفجعنه بعلي الموت فجعه
فعندما دفنوه علي عليه السلام وعادو الى الدار فتلقتهم الحوراء زينب باكيا وجائت الى اخاها الحسن فقال لها الحسن
يكلهه
دفنت الابو ورديت عنه
و وياه دفناها المحنه
وبعدني الابو مشبعت منه
بعدنه ماشبعنه من حنانه
وابونه الراح ياهو يسد مچانه
وفراك الابو كلش حنانه
فهناه جاوبته زينب دكله 👇
ياخويه التراب اشلون هلته
وبس خو ماجرح راسه لچمته
وابونه باللحد اشلون عفته
فقال لها الحسن 👇
من غصبا عليه عفته اوجيت
ومكسور الضهر يم عون رديت
وشلون ادخل وشوفن خالي البيت
فهنا دخل الحسن الى الدار وقال 👇
طبيت ولكيت البيت خالي
وعفته بالنجف عزي ودلالي
وانه يفجع لبو الحسنين حالي
فهنا زينب نضرت الى اختها ام كلثوم ورأتها تبكي فقالت لها زينب اخيه ام كلثوم
دكلهه👇
تعاليلي يخيه وكابليني
وزيدي النوح مابينج وبيني
وابوي الي شلع عينج وعيني
فجائت ام كلثوم دكلهه يم عون 👇
النوبه الج والنوبه اليه
وخل نبجي سوه اعله اهل الحميه
ولنامو حدر كاع الوطيه
دكلهه
يم كلثوم خل نبجي اعله ابونه
وبتراب الغري نامت اعيونه
ومايسوه العمر خيه بدونه
دكلهه
شيفيد العمر من دون الاحباب
واعزاز النحبهم حدر التراب
واليوم اهل المحنه صفو غياب
عميانه اعله ابو الحسنين عيني 😭😭
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
https://vt.tiktok.com/ZSuMSfA7c/
Читать полностью…
قصيده ثكيله للامام علي عليه السلام
(يوميه اشحلاتك) نصاري
〰️〰️〰️〰️〰️〰️〰️〰️〰️
يوميه اشحلاتك وكت الفطـــور
واليوم اعله راسك بويه مطبور
يوميه اشحلاتك
ومكمل صلاتــك
واليوم اعله راسك بويه مطبــور
〰️〰️〰️〰️〰️〰️〰️〰️〰️
يوميه اشحلاتك وكــــت الاذان
ومن تكعد يبويه بهذا المجـــان
وسف مطروح ياداحي البيبـــان
يوميه اشحلاتك
ومنکت عباتـــك
وجانت عامره ومنوره الــــدور
يوميه اشحلاتك وكت الفطــور
〰️〰️〰️〰️〰️〰️〰️〰️〰️
يوميه اشحلاتك وكت الغـروب
نتفطر سوه والزاد مصبـــــــوب
وهسه اليوم طايح دايح البوب
يوميه اشحلاتك
تکعد وي بناتــــك
وياكلب البنات اعليك مكســـور
يوميه اشحلاتك وكت الفطـــور
〰️〰️〰️〰️〰️〰️〰️〰️〰️
يوميه اشحلاتك نكعد ويــــــاك
وتتلكانه بويه بذاك ملكـــــــــاك
وولیدي الزغیر یلعب احــــــذاك
يوميه اشحلاتـــك
حنين وطيبه ذاتك
وكلبك الحنين اعلينه ناطــــور
واليوم اعله راسك بويه مطبور
〰️〰️〰️〰️〰️〰️〰️〰️〰️
يوميه اشحلاتك شمعه الــــدار
من نكعد يحيدر وكت الفطــــار
النه وياك والله اهوايه تذكـــــار
يوميه اشحلاتك
يالماكو بغلاتـــك
سور ومن طحت اتهدم الســـور
واليوم اعله راسك بويه مطبـور
〰️〰️〰️〰️〰️〰️〰️〰️〰️
يوميه اشحلاتك هايبو احسين
وجانت عامره بيك الدواوييــن
بعد امنين اجيبن مثلك امنيــن
يوميه اشحلاتـك
يالتعجب صفاتك
وخلافك حملنه یبقه مشمـــــور
واليوم اعله راسك بويه مطبور
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
فزاعي قصير
لسان حال مولاتي زينب ع بعدما أيس الدكتور من حالة اباها وخرج الامام العباس ع ورأته زينب حزينا فاانخمش قلبها وجائت الحوراء لتسئل اخاها العباس عن والدها فقالت له عبااااااس 😭😭 👇
〰️〰️〰️〰️〰️〰️〰️〰️〰️
بس لا كلك الدكتور مااكدر على الهامه
وياعباس حاجيني. مااكدر على الهامه
كلي ياصبي عيني. مااكدر على الهامه
يكلهه خويه سمعيني مااكدر على الهامه
ابونه خلصت ايامه
بس لاكلك الدكتور مااكدر على الهامه
〰️〰️〰️〰️〰️〰️〰️〰️〰️
الجرحه مانفع طيبه. مااكدر على الهامه
ومنين الدوه انجيبه مااكدر على الهامه
صوتج علي انحيبه. ماكدر على الهامه
ابونه زادت اللأمه
بس لا كلك الدكتور. مااكدر على الهامه
〰️〰️〰️〰️〰️〰️〰️〰️〰️
تراده حاله فد مره. مااكدر على الهامه
جرح الهامه اشكبره مااكدر على الهامه
وجرحه مابعد يبره. مااكدر على الهامه
وزينب بجت كدامه
بس لا كلك الدكتور مااكدر على الهامه
〰️〰️〰️〰️〰️〰️〰️〰️〰️
زينب علت الونه. مااكدر على الهامه
وبس خلوني اشوفنه. . مااكدر على الهامه
ابونه راعي المحنه. مااكدر على الهامه
اشلون يعوفنه ايتامه
بس لا كلك الدكتور. مااكدر على الهامه
〰️〰️〰️〰️〰️〰️〰️〰️〰️
ودخلت عالابو بهمه. مااكدر على الهامه
تريد تشبكه وتشده. مااكدر على الهامه
ضلت بالكلب ندمه. مااكدر على الهامه
جي ماكمل اصيامه
بس لا كلك الدكتور. مااكدر على الهامه
〰️〰️〰️〰️〰️〰️〰️〰️〰️
ماكمل علي صومه. مااكدر على الهامه
ومستعجل علي يومه. مااكدر على الهامه
الجرحه حيل مالومه. مااكدر على الهامه
روحي اعليه محتامه
بس لا كلك الدكتور. مااكدر على الهامه
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
فزاعي قصير
للامام علي عليه السلام (لطبرة)
〰️〰️〰️〰️〰️〰️〰️〰️〰️
جابو حيدرالكرار اولاده يتجوله
جابوه الحسن وحسيــــن
وهامه منجسم نصيــــــن
وزينب منهه تجري العين
وكل اولاده يبچولــــــــــه
جابو حیدر الکرار اولاده یتچوله
〰️〰️〰️〰️〰️〰️〰️〰️〰️
جابوه والدموم اتسيـــــل
ومن اولاده رك الحيــــــل
اشلون البي محنه يشيــل
اشلون المثله وصلولـــــــه
جابوه حيدر الكرار اولاده يتجوله
〰️〰️〰️〰️〰️〰️〰️〰️〰️
امكدر حالهم هاليــــــــــوم
وحيدر هامه يجري ادموم
وزينب صارخه وجلثــــوم
ماشي وين كلولــــــــــــــــه
جابوه حيدر الكرار اولاده يتجوله
〰️〰️〰️〰️〰️〰️〰️〰️〰️
طبو حيدر اعله الــــــــدار
وزينب شافت الكـــــــــرار
صاحت ويه ابوي اشصـار
اللاعب بالحرب جولـــــــه
〰️〰️〰️〰️〰️〰️〰️〰️〰️
من ناده المنادي وصــــاح
بالمحراب حيدر طـــــــاح
صفكو راح فوك الــــــراح
هوسه 👇
(يصوبونه //اشلون بهامه)
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
الحصري والجديد
ديوان اسد الله الغالب هسه اجه وكته وكذالك يفيدكم اباقي الايام للابو بين ((قوسين)) ديوان مابي خساره
كذالك وفرنا لكم الجزء الاول والثاني
ومتوفرات في جميع مكاتب محافضات العراق
لعاشقة العباس
ام عراق الشمري بصره
صاحبة ديوان قائد الطف
قصيده لطبرة مولانا امير المؤمنين ع
〰️〰️〰️〰️〰️〰️〰️〰️〰️
اشلون يهيد المصوب على الهامـــــه
وحيدر من طبرته اليل مانامـــــــــــه
〰️〰️〰️〰️〰️〰️〰️〰️〰️
حيدر من طبرته رايحه روحــــــــــه
ودمومه اعله هدمه اليوم مسفوحـه
والمطبور بيش انعالج اجروحـــــــــه
وخل اندك على الماتمم اصيامـــــــه
〰️〰️〰️〰️〰️〰️〰️〰️〰️
وي زينب ندك والدمعه نجريهــــــــه
وها يالفاكده الوالد دعينيهـــــــــــــه
تره جد الولد مو هين اعليهـــــــــــــه
ومن حكهه اعله ابوها اليوم محتامه
〰️〰️〰️〰️〰️〰️〰️〰️〰️
شافته الولي نايم فرد نومــــــــــــــه
ومن طبرت الهامه ذابله ارسومــــــه
وبته ادكول وين انودي اهدومــــــــه
والعمامه طريحه هاي جدامـــــــــــه
〰️〰️〰️〰️〰️〰️〰️〰️〰️
صدت للعمامه وعلت الونــــــــــــــــه
وياجرحه تكول اشلون اشدنـــــــــــه
وياحيلي اعله ابوي اليوم اهدنـــــــه
وشلون الحنین اتخلص ايامـــــــــــــه
〰️〰️〰️〰️〰️〰️〰️〰️〰️
عمت عيني اعله حيدر منطبر راســه
وياسيف الغدر وكت الفرض جاســـه
ومنكوبه عليه ومكدره ناســــــــــــــه
وابنه حسين صبح مرتخي احزامــــه
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
قصيده ثكيله،،،،،
لفقد الاحبه على العيد
〰️〰️〰️〰️〰️〰️〰️〰️〰️
یریت العید لایجبل علينـــــــــــــه
واحنه الچم عزيز الدافينــــــــــــه
〰️〰️〰️〰️〰️〰️〰️〰️〰️
امش ياعيد لاتوكف على البــــــاب
شلي بالعيد واهل العيد غيــــــــاب
ونامت بالنجف ياذيج الاحبــــــاب
وبعد لسه بذكرهم مانسينـــــــــــه
یريت العيد لايجبل علينــــــــــــــه
〰️〰️〰️〰️〰️〰️〰️〰️〰️
بعد لسه نحن ونريد الحنـــــــــــان
واعله ارسومهم دلالي ولهــــــــــان
والعيدك امبارك وين ماجـــــــــــان
وبعد هیهات ميمرون بينـــــــــــــه
یريت العيد لايجبل علينــــــــــــــه
〰️〰️〰️〰️〰️〰️〰️〰️〰️
ياعيد النحبهم موش ويـــــــــــــاي
وكطعو بينه اهلنه کلش اهـــــــواي
ياعيد وعلينه المن بعد جـــــــــــاي
واحنه احبابنه نامو بطينــــــــــــــه
يريت العيد لايجبل علينـــــــــــــــه
〰️〰️〰️〰️〰️〰️〰️〰️〰️
ترد الفرحه وترد الليالـــــــــــــــــــي
لمن ترجع وجوه الغوالـــــــــــــــــي
الفرح عكب المشو لاماحلالــــــــــي
وماتحله بعد حنه بدينــــــــــــــــــه
يريد العيد لايجبل علينـــــــــــــــــه
〰️〰️〰️〰️〰️〰️〰️〰️〰️
بعد ماتحله الحنه بديــــــــــــــــــــه
ودمعت عيني عالشالو جريـــــــــــه
شالو من وكت واكطعو بيـــــــــــــه
واعله افراكهم والله انحنينــــــــــــه
یریت العید لاتجبل علينـــــــــــــــــه
〰️〰️〰️〰️〰️〰️〰️〰️〰️
محنيه الضهر والله عليهــــــــــــــــم
اهلنه اليعجب الخاطر حجيهـــــــــم
وموبيدي الفراك ولابديهــــــــــــــــم
وترى غصبا علينه اتفاركينــــــــــــــه
یریت العيد لايجبل علينـــــــــــــــــه
〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
قصيده ثكيله عن العيد ((للاحباب))
〰️〰️〰️〰️〰️〰️〰️〰️〰️
يطارش كل لهلنه خل يكعــــــدون
باجر عيد وویانه يعيــــــــــــــدون
〰️〰️〰️〰️〰️〰️〰️〰️〰️
يطارش مر بااهلنه الحدر التـــراب
وكللهم اسويعه كعدو يحبــــــــاب
تره كاتلنه بالعباس الغيـــــــــــــاب
وهذا العيد مافصلنه اثيـــــــــــاب
مافصلنه اجديد
ولاحضرنه للعيد
وماضنينه بالنومه يطولــــــــــــون
باجر عید وويانه یعیــــــــــــــدون
〰️〰️〰️〰️〰️〰️〰️〰️〰️
يطارش مااجو صارلهم ازمــــــــان
وباجر عيد واحنه انريد الاحنــــان
من كد البجي الدلال خلصــــــــان
وتره بس الصور ضلت بالاركـــــان
تعمينه صورهم
ضلت ابنزلهــــم
وذكرياتهم اتودر العيــــــــــــــون
باجر عيد وويانه يعيــــــــــــدون
〰️〰️〰️〰️〰️〰️〰️〰️〰️
تعمينه الصور ضلت بعدهـــــــــم
واعزاز الكلب لسه بذكرهــــــــــم
شبعنه ضيم والله من بعدهــــــم
ومخزن ولا طايب جرحهــــــــــم
جرحهم جاس بينه
الماردو علينــــــــه
ويوميه وكلت باجر يمــــــــــرون
باجر عيد وويانه يعيـــــــــــدون
〰️〰️〰️〰️〰️〰️〰️〰️〰️
الكلب يجهر ولايبطل ونينـــــــــه
وضعون المشت ليه ماتجينـــــــه
حزنانين مايدرون بينـــــــــــــــــه
وليام الفرح ماحضرينــــــــــــــــه
خليهم يجـــونه
نريد يعايدونــه
وليش البالنجف بينه يكطعـــــون
باجر عيد وويانه يعيــــــــــــدون
〰️〰️〰️〰️〰️〰️〰️〰️〰️
بعد مو حلوه صارت هسه الافراح
وياذاك الفرح ويه المشــــــــو راح
لا فاد الدمع لافاد الصيـــــــــــــاح
وتره نوم الثكيل ايبيد الاصفــــاح
ماسمعو بجينـه
ولا ردو علينـــه
وجاليش العتبنه مايسمعـــــــون
باجر عيد وويانه يعيــــــــــدون
〰️〰️〰️〰️〰️〰️〰️〰️〰️
بلغهم سلامي اهل المحنــــــــــه
وكللهم صفه موحش نزلنـــــــــه
ومن كثر الدمع بايد ردنــــــــــــه
ومايكمل فرحنه من عكب اهلنه
وياذيج الليـــــالي
حلوه ويه الغوالي
راحو الكبل جانو يونســـــــون
باجر عيد وويانه يعيــــــــدون
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
قصيده لوحشة الام بالعيد
يقره فزاعي وثكيل
〰️〰️〰️〰️〰️〰️〰️〰️〰️
الج وحشه السنه چي موش ويانه
خلص رمضان يمه العيد هالجانـــه
〰️〰️〰️〰️〰️〰️〰️〰️〰️
خلص رمضان يمه ومااجيتينــــــه
وهايالوالده جنج نسيتينـــــــــــــه
باجر عيد يمه ماتمرینــــــــــــــــــه
وعليج ارواحنه يحبيبه ولهانــــــه
〰️〰️〰️〰️〰️〰️〰️〰️〰️ و
الج وحشه ييمه وخالي امجانــــج
وبعدنه بعازتج وبعازت احنانــــــج
صبح برض الغري ياوسفه عنوانج
والديران منج يمه خلوانــــــــــــــه
〰️〰️〰️〰️〰️〰️〰️〰️〰️
طبينه الديار وصحنه يحبيبــــــــه
هاليوم الكلب زايد تره انحيبـــــــه
ضعنج من مشه يايمه شيجيبـــــه
وعيوني الجفاج اليوم عميانـــــــه
〰️〰️〰️〰️〰️〰️〰️〰️〰️
يعونه العايدج يامن صدك عونــــه
ويكشخ بيج يمه وتضحك اسنونه
والمفارك حنينه يهملن اعيونـــــــه
بيوم العيد خيسددهه بيبانــــــــــه
〰️〰️〰️〰️〰️〰️〰️〰️〰️
ماريده يجيني العيد ماريــــــــــده
وانتي محمله لديار البعيـــــــــــده
بعد متلوكلي ايامج اسعيــــــــــده
وبخدودي الدمع امخلي نيشانــــه
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
قصيدة للامام علي ع لسان حال مولاتي زينب تكلم اباها على فراقه وفراق امها الزهراء
وعلى ماسیجری علیهه في کربلاء
〰️〰️〰️〰️〰️〰️〰️〰️〰️
بويه ليش الدار خليوتوهــــــــا
وزينب وجثلوم يتمتوهـــــــــا
〰️〰️〰️〰️〰️〰️〰️〰️〰️
عفتو البنيات بالون والحـــــــزن
وشالت الزهره وشلت ياابوالحســن
ماحسبتو احساب لطف لو اجـــن
ارواحنه بهالروحه حيرتوهـــا
〰️〰️〰️〰️〰️〰️〰️〰️〰️
حيريتو زينب وجلثومهـــــــا
وبعد ياذينه الزجيه يومهـــــــا
وين اضم اهدومك واهدومهــــــا
ومانسينه الزهره من عصروهـــــا
〰️〰️〰️〰️〰️〰️〰️〰️〰️
مانسينه امي وضلعهه المنكســــر
وچملتنه يالنمت وسط الكبــــــر
زينب انه صار عنواني الصبـــــر
اشلون بالطف بيهه ماكلتوهـــــا
〰️〰️〰️〰️〰️〰️〰️〰️〰️
اشلون بيهه باجر بطف كربلــــه
وزينب اشكال المصايب شايلـــــه
وعلى اخواني السيوف امسلسلـــه
وخيمتي العدوان ايحركوها
〰️〰️〰️〰️〰️〰️〰️〰️〰️
يوم عاشر ريتكم ويانـــــه
اعلينه لوهجمو جميع اعدانــــه
ومن اروح احسين اطر ميدانـــــه
بعيني اشوفن جثته يسحكوهـــا
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
الى مولانا ابا الحسن ع
علي المحد وصل صيتاه وصلاه
اشلون ابن المرادي جاه وصلاه
الحسن ناده لخيه جيب وصلاه
خل انشد جرح حامي الحميه
عكلي موش بس جن بيك بالهام
ويحيدر ليلي اخلصه اعليك بالهام
امصوب حيف داحي الباب بالهام
وصابك بالفرض ابن الدعيه
ام عراق الشمري بصره
لعشاق الابوذيه الحسينيه 👇
/channel/haniu148
فزاعي لطم جنوبي حار 🔥🔥🔥🔥
للامام علي عليه السلام
〰️〰️〰️〰️〰️〰️〰️〰️〰️
اليكضون الطلابه وين يــــردون
فراضه ورايديهم خل يفرضــون
〰️〰️〰️〰️〰️〰️〰️〰️〰️
اليكضون الطلابه وين ماشيــــن
وين اليسطر العايل على العيـــن
وسفه اليوم سداها الدواويــــــن
يريدونه اليكضي الكلفـــــــــــــه
〰️〰️〰️〰️〰️〰️〰️〰️〰️
جاوين اليكاضيهه الكلافــــــــات
وجاعدمن بعد الخايف يبـــــــات
صكار الزلم ميت حرامـــــــــــات
بالهيمه الیفرض کالــــــــــــــــــو
〰️〰️〰️〰️〰️〰️〰️〰️〰️
ياشيخ المشايخ هذا مهيــــــــوب
والعايل يلبس ثوبه مكلــــــــــوب
من اسمه وصيته الكون مرعــوب
بقانونه یرج الکـــــــــــــــــــــون
〰️〰️〰️〰️〰️〰️〰️〰️〰️
صدك هيه الزلم اشكال وانـــواع
وحيدر صيته ابكل معركه شــاع
عمت عين المكابر تدفن اسبــــاع
الخياله الكاع اتطــــــــــــــــــــــم
〰️〰️〰️〰️〰️〰️〰️〰️〰️
ذواقه النجف تستنكي الارجــــال
مثل حيدر علي نشمي وخيـــــال
حطو بالنجف للشيخ تمثــــــــــال
بفعاله الحد يتكشـــــــــــــــــــــخ
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
قصيدة ثكيله،،،،
وصية الامام علي عليهالسلام
لأبنهه العباس ع. 👇
🐾🐾🐾🐾🐾🐾🐾🐾🐾🐾
حيدر اعله زينب وصه عبــــــاس
داري اختك يبو الغيره ينومــــاس
〰️〰️〰️〰️〰️〰️〰️〰️〰️
داري اختك يبو فاضل يخوهـــــا
هاي امدللة حيدر ابوهـــــــــــــــا
عزيزة كلبي زينب تعرفوهــــــــــا
زينب هيه روحي وهيه الانفـاس
داري اختك يبو الغيره ينومـــاس
〰️〰️〰️〰️〰️〰️〰️〰️〰️
داريها يخوها بماي العيــــــــــــون
هاي ام الخدر زينب تعرفــــــــون
لاتكضي الليالي اشلون بشلــــــون
مايحمل كلبهه حيل حســـــــــاس
داري اختك يبو الغيره ينومــــاس
〰️〰️〰️〰️〰️〰️〰️〰️〰️
مايحمل كلب زينب مصايـــــــــب
بعدهه زغيره يبني اعله النوايــب
وباجر لاترافكهه الغرايـــــــــــــــب
وماريدن تشوف اخيالهه النـــــاس
داري اختك يبو الغيره ينومــــــاس
〰️〰️〰️〰️〰️〰️〰️〰️〰️
خلي يابو فاضل بالك ويــــــــــــاي
وتذكر اريد احجايتي هــــــــــــــاي
اريدن بطفوف تكون وفــــــــــــــاي
واعله اخيام زينب خلي حـــــراس
داري اختك يبو الغيره ينومـــــاس
〰️〰️〰️〰️〰️〰️〰️〰️〰️
بالطف يبني من ادك الخيــــــــــــام
خل عينك على اختك كون متنـــام
وترفع راسي اريدك هايضرغــــــــام
وريدك مثل ابوك تصير فـــــــــراس
داري اختك يبو الغيره ينومــــــــاس
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
فزاعيه لامير المؤمنين عليه السلام ،،بقفلة هوسه
لسان حال مولاتي زينب ع
〰️〰️〰️〰️〰️〰️〰️〰️〰️
صبح حال ابونه اليوم مترادي
وياجمرة ابوي الچاويه افـــادي
〰️〰️〰️〰️〰️〰️〰️〰️〰️
مترادي ابونه وحاله مايعجـــــب
يون اشلون هذا الي شطر مرحب
خاف يروح مني وروحته تصعـب
((اعله افراشه والحيد يون))
〰️〰️〰️〰️〰️〰️〰️〰️〰️
على افراشه يون والروح مكضيـه
وماطاب الجرح من سوده اعليـــه
اضن جنه کرب یوم الوداعيــــــــه
((وللهيمه يريد يغرب))
〰️〰️〰️〰️〰️〰️〰️〰️〰️
مترادي ابونه اليوم ياوسفـــــــــه
كلف جرح لبراسه وماوكف نزفــــه
يريد يشيل اضنه اليكضي الكلفـــه
((من حاله دكتوره مأيس))
〰️〰️〰️〰️〰️〰️〰️〰️〰️
من عنده طلع آمأيس الدكتــــــــــور
وماينفع دوه ولايبره المطبــــــــــــور
يون وحسين كلبه اعله الابو مفطــور
((ماطابت الهامه التنزف))
〰️〰️〰️〰️〰️〰️〰️〰️〰️
زينب دخلت لوالدهه وتشوفــــــــــه
وشافته ابوهه الوانه مخطوفـــــــــه
والهامه يولي بضمد ملفوفــــــــــــــه
((المهضومه يم راسه تون))
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
قصيده للامام علي عليه السلام
عن حال مولاتنا زينب ع
〰️〰️〰️〰️〰️〰️〰️〰️〰️
يزينب ليش ونتج عاليه اليــــــوم
وعينج حمره لیش وسود الهــدوم
〰️〰️〰️〰️〰️〰️〰️〰️〰️
يزينب ليش حالج حيل مكســـور
انهدم بيتي تكول الجان معمــــور
ابوي الچان سور اتهدم الســـــــور
وياحیلي علیه اليوم مهــــــــــدوم
〰️〰️〰️〰️〰️〰️〰️〰️〰️
اشلون اجهب بعد ولفيهه لـــــــدار
وضعن الجان خیمه للنجف ســـار
عليه امعلمين اكبار وازغــــــــــــار
وهسه عافنه والکلب مالــــــــــوم
〰️〰️〰️〰️〰️〰️〰️〰️〰️
البيت ابلايه ابو مايندخل بيـــــــه
وطب اشلون ابوي وماالاكيــــــــه
وياهم الكلب جاعدمن اشكيـــــــه
وهمي بالكلب خلاه مكتـــــــــــوم
〰️〰️〰️〰️〰️〰️〰️〰️〰️
بعد ياهو اليشكي اهموم الكلـــوب
وليشكيهه شال وكاطـــــــع ادروب
روحي اتضيج لو مر بيهه الغــروب
عساها لالفتني ذيج العلــــــــــــوم
〰️〰️〰️〰️〰️〰️〰️
ميته اوياه كون ورايحه الـــــروح
ولاشوفن كشختي اكبالي اتــــروح
مشه وخله الحمل هالیوم مطروح
ومایرجع ابوي ایطول النـــــــــــوم
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
فزاعي قصير للامام علي ع
〰️〰️〰️〰️〰️〰️〰️〰️〰️
كلي اشلون يغفه الليل // المطبور بالهامه
كلي اشلون ساعه يهيد
واصوابه ابونه امجيد
عليه الالم ضل يزيد
روحي اعليه محتامه
كلي اشلون يغفه الليل // المطبور عالهامه
〰️〰️〰️〰️〰️〰️〰️〰️〰️
جرح الوالد اشكبره
وبيه اموجره الطبره
وجرحه مابعد يبره
هضيمه تخلص ايامه
كلي اشلون يغفه الليل // المطبور عالهامه
〰️〰️〰️〰️〰️〰️〰️〰️〰️
على افراشه بقه نايم
ويوميه اشحلاه صايم
اثاري الفرح مادايم
اليوم انوح جدامه
كلي اشلون يغفه الليل // المطبور عالهامه
〰️〰️〰️〰️〰️〰️〰️〰️〰️
ياريت الحنين يدوم
ويمرني ويجي كل يوم
وعن بته يزل الهموم
ويشفي الكلب والامه
كلي اشلون يغفه الليل// المطبور عالهامه
〰️〰️〰️〰️〰️〰️〰️〰️〰️
ابونه الكله حنيه
اليجينه ويمر يوميه
ويطب وكت المغربيه
ولابس ذيج العمامه
كلي اشلون يغفه الليل // المطبور عالهامه
〰️〰️〰️〰️〰️〰️〰️〰️〰️
وسفه اليعدل الميله
طاح وطيحته اثجيله
حملنه جان اهو يشيله
((اعله افراشه// اشلون يضل))
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
هوسات جنوبيه ميدانيه،،،،،
لأمير المؤمنين علي ع
لسان حال مولاتي زينب تسأل اخاها العباس عن والدها عندما خرج الطبيب 😔
〰️〰️〰️〰️〰️〰️〰️〰️〰️
ياعباس ابونه اليوم اشكالو عنه الطبابه
يكلهه جرح ابونه اغميج ماكدرو على اصوابه
زينب ونت وصاحت عليك الحيف يا يابه
يصواب الهامه اشلون انطيبك
〰️〰️〰️〰️〰️〰️〰️〰️〰️
يزينب خويه سمعيني كلفه طبرت الهامه
بعد أيسي يخويه ام عون ابونه كربت ايامه
دكله جاحسافه ايروح علي وماكمل اصيامه
خل رمضانه يون اعلي حيدر راح يغرب
〰️〰️〰️〰️〰️〰️〰️〰️〰️
على افراكه يون رمضان وتتناحب لياليه
وابو الحسنين راح يشيل ويهوه انه اعليه
اجاها العيد والايتام منه تريد عيديه
وين يعيدونه العيد وراعي العيد مغرب
〰️〰️〰️〰️〰️〰️〰️〰️〰️
لعلي الكرار هاليله خلهه تنتحب الايتام
وابو الحسن راح يشيل وبتراب الغريه ينام
وكلبهه اعله الابو هاليوم. حيل موجر ومحتام
حيدر يردونه بيوم العيد ايتامه
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
شوط كربلائي
قصيده ثكيله حزينه للامام علي ع
زينب تسأل اخاها العباس عن حال والدها عندما خرج الطبيب بعد ما أيس من حالة اميرالمؤمنين 😔 دكله 👇
⚡⚡⚡⚡⚡⚡⚡⚡⚡
عباس الطبيب اشكال. يوم العاين اصوابه
يكلهه جرح ابونه اغميج ماتكدرله الطبابه
⚡⚡⚡⚡⚡⚡⚡⚡⚡
يكلهه جرح ابونه اغميج. منه ايس الدكتور
يزينب ايسي من عنده مايتعالج المطبور
تكله يابو فاضل كيف. اهود كلبي المكسور
وناري اعله الابو عباس. جوه اضلوعي لهابه
⚡⚡⚡⚡⚡⚡⚡⚡⚡
يكلهه زينب اترجاج. خويه لاتأذيني
كفي دمعة اعيونج بسچ يابعد عيني
تكله بيش اسكت الروح. وبطل نوحي ونيني
تضل اعله الابو لدوم. دمعة عيني سچابه
⚡⚡⚡⚡⚡⚡⚡⚡⚡
ارد ادخل لبوي انوب. خل بعيني اشوفنه
وبلكت من يصد ليه. حيدر يستچن ونه
يكلهه أيسي يازينب. منه كطعي الضنه
زينب سمعته وصاحت. لا ياحيف يايابه
⚡⚡⚡⚡⚡⚡⚡⚡⚡
اشلون يروح ويخلي. بيته ومسجده خالي
كلفه شيلة الكرار. . شيسد فركته الوالي
لو سار الضعن وابعد بعد شيهوده دلالي
كلبي يبن ابوي اليوم. زايد عالابو اعتابه
⚡⚡⚡⚡⚡⚡⚡⚡⚡
مترادي ابونه حيل. جنهه وصلت امنيته
ودنيت يم راسه. واعله الكيف حبيته
كتله بويه والمثلك صعبه يشيل من بيته
شلون ومن يجينه العيد. حيدر غافي بتراب
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
واعلياااااااااه
😭😭😭😭
قتلو الصلاة في محرابها 😭💔
تهدمت والله اركان الهدى
نعي موجع وحزين للامام علي ع
(( مفصل)) عن ليلة التاسع عشر
نعم يامحبين العزاء
عندما كانت ليلة التاسعه عشر من شهر رمضان
جاءه مولانا امير المؤمنين بعد ما اكمتل من صلاة المغرب والعشاء جاءه ليفطر عند ابنته زينب ع
فطرق الباب على ابنته زينب وكأني بها سلام الله عليها
قالت من الطارق فقال لها ياابنتي زينب انا والدك علي جئت لأافطر عندك هذه اليله لكن ماحال مولاتنا زينب عندما سمعت بوالدها يفطر عندها فتحت الباب وهيه فرحانه ومسروره بروئية والدها
((عيش الحاله ويه زينب ع))
لسان الحال ((دكله))
هلا بالجايني ابوكت الفطـــــــــور
وهسه نورت بوجودك الــــــــدور
وبجيتك يبويه الكلب مســـــــرور
هلا بالطب عليه اليوم للـــــــــدار
وهلا بالجايني ابوكت الافطـــــار
وكون اوياك صوره تبقه تـــــــذكار
هلا بالطب عليه بوكت الغـــــروب
وبصفي كعد والزاد مصبـــــــــوب
ولو ادري ورد طشيت الــــــدروب
هلا وميت هلا بجيتك يبو حسين
ها ياوالدي يالكلبك احنيــــــــــــن
ويايوم التجيني تفرح العيـــــــــن
لوطبيت بويه اتزيح الهمــــــــــوم
وتداوي الجرح لو جان ملجــــــوم
وانه بيك بويه امعيده اليـــــــــوم
هلا بالشايل اوليدي اعله صـــــدره
واعله حضنه يلاعبه ويلعب بشعره
والمثلك يكون يطول عمــــــــــــره
هلا بلي اعله صدره يشيـــــل بزري
وتره كلبك حنين اعليـــــــــه ادري
ولو كتلك يبويه ادكلي بشـــــــــري
اشمحلاته الابو لو طب لبتـــــــــــه
ولو كعدت اكباله وكابلتــــــــــــــــه
وشلونك يبويه ناشدتـــــــــــــــــــه
لكن بعدما انضرب مولانا امير المؤمنين فالمحراب
وجاء الحسنان مسرعان ثم حملو والدهم الى الدار
فقال مولانا امير المؤمنين لااولاده دعوني امشي على قدمي فقالو له لماذا ياابتاه فقال كي لاتراني ابنتي زينب بهذه الحاله فيتصدع قلبها
لكن عندما رأتهم مولاتنا زينب من بعيد حاملين والدها على الاكتاف
لسان الحال (دكله))
ريضولي الابو يالشايلينـــــــــــــه
وبلجي يشوفني ويفتحلي عينـه
من ابعيد وانه ونينـــــــــــــــــــه
ياخال الولد احجي بعلي اشصـار
وليش بهامته امصوب الكـــــــرار
ومصوب رجع هاليوم للـــــــــــدار
لكن عندما اقترب من اباها ورأت رأسه الشريف مخضب بالدماء ((دكله))
يحسين الجرح مابيه اشوفـــــــه
تره واغميج جرحه اشلون اروفه
ولا اكدر اصدله ولا اعوفـــــــــــه
يحسين الابو مصيوب راســــــه
وبالكوه علي يجرهن انفاســــــه
ويصوابه لعد الكلب جاســـــــــه
غميج اصواب راسه جــد الاولاد
ولجرحه بعد ماينفع اضمــــــــاد
وكعداته بعد هيهات تنعــــــــــاد
فهنا تذكرت مولاتنا زينب ليلة اباها ((ليلة الافطار))
اشحلاته البارحه من جان ويـاي
ومن ايده علي يشربني المـــــاي
يبعد العافيه والروح وضنــــــــاي
جنت البارحه متونسه اويـــــــاه
شمحلاته ابوي وذاك ملكـــــــــاه
ابوي الي يسر الكلب طـــــــــرواه
جيبه والدي ومدده اكبالــــــــــي
وخليه البجي والنوح عالـــــــــي
ورد ابجي على عزي ودلالــــــــي
فدنت من والدها زينب ع ((دكله))
ياجد الولد جرحك ضهدنــــــــي
ومن شفتك تون مابطل ونـــــي
وجنك يالأبو اتشيل عنــــــــــــي
ياجد الولد لا لاتون حيـــــــــــل
ولوشفتك تون يتبريد الحيــــل
ووداعت شيبتك مانام باليـــــل
حسافه ياعلي مطبور بالهــــــام
وجي ماكملت ويانه الصيـــــــام
وحيف الفرح بويه اوياك مـادام
بعد شيعودهه كعدات رمضــان
وكعداتك الحلوه بذاك المجــان
وخالي اليوم من عندك الديوان
((هلااا بيك وانته ماي عيني علي يابويه))
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/
حصريا
للامام علي ع نصاري ثكيل
〰️〰️〰️〰️〰️〰️〰️〰️〰️
ماضل شي يحيدر كلهن ايــــــــام
تروح وماتكمل شهر الصيــــــــــام
〰️〰️〰️〰️〰️〰️〰️〰️〰️
ماضل شي يحيدر عن المصـــــاب
کلهه ایام نسمع هامك انصـــــــاب
ويتامك تضل تنعاك بالبــــــــــــاب
والله يعينهم بجفاك الايتــــــــــام
تروح وماتكمل شهر الصيــــــــــام
〰️〰️〰️〰️〰️〰️〰️〰️〰️
بعد جم يوم حيدر رايح تشيــــــل
وشحال الیتامی من یجي اللیــــل
تضل دمعاتهه اعله افراكك اتسيـل
ومتعلمه اعله حضنك تغفه وتنــام
تروح وماتكمل شهر الصيـــــــــــام
〰️〰️〰️〰️〰️〰️〰️〰️〰️
بعد جم يوم نسمع صوت الصيــاح
بالمحراب حيدر الوصي طـــــــــاح
كلب زينب بعد وشلون يرتـــــــــاح
لوشافتك امصوب علی الهـــــــــام
تروح وماتكمل شهر الصيـــــــــــام
〰️〰️〰️〰️〰️〰️〰️〰️〰️
اشلون تضيعك ياكشخة العيـــــــد
وعلى افراكك كلبهه ينوح ميهيـــد
بعد هيهات تلبس بعدك اجدیـــــــد
وتضل اعلیك تنعه بكلب محتـــــام
تروح وماتكمل شهر الصيــــــــــــام
〰️〰️〰️〰️〰️〰️〰️〰️〰️
اهي التفكد ابوها تعيش ياحــــــال
دمعهه يهل على الخديد شــــــــلال
ياكون المنيه اتبدل ابــــــــــــــــدال
ولابجفاك تحمل كــــــــــــــــل الالام
تروح وماتكمل شهر الصيـــــــــــــام
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇
/channel/kEc5VGVP81k2Nzgy
وذا انته من محبين الدارمي والابوذيه اشترك بالقناة الثانيه👇
/channel/haniu148
ولقناة التيك توك اشترك👇
https://vt.tiktok.com/ZSyArenfF/