1590
أللهم أرزقني شفاعة الحسين ع 5 / نيسان / 2020 م ١٤ / شعبان /١٤٤١ هــ
ليلة الوحشة
ابو ذيه
خرجت مولاتي زينب عليها السلام الی مصرع اخيها الحسين عليه السلام تتعثر بمشيتها من شدة التعب والحزن والعطش والجوع وما جری عليها بعد اخوتها . كاني بها لسان حال الشاعر يصور شي من مآسيها
عمت عيني يامولاتي 😭😭
تگله خويه ياابن امي
وگلبه
اتوچّد اهو يولا وگِلبه
ابن امي واجس صدره وگلبه
بليل الما يصح ناصر وگلبه
الينغر والشهم والبي حميه
✍ ام محمد الحجاج
العاشر
مصيبة الامام الحسين عليه السلام
من رجع مهر الامام الحسين عليه السلام للخيام يصهل الظليمة الظليمة من امةٍ قتلت ابن بنت نبيها خرجن بنات الزهراءوعليهن السلام من خدورهن الی مصرع الحسين عليه السلام تتقدمهن العقيلة زينب عليها
كاني بها 😭😭
💔💔
ياهو يشيل اخوي وياي
عن الشمس للخيمه
ياهو يشيل اخوي وياي
عن الشمس للخيمه
💔💔
ياسكنه يچلثومه .. ياهو يشيل اخوي وياي عن الشمس للخيمه
امشنّه اروح للحومه
اخونه موش اله النومه
بالتربان والهيمه
ياهو يشيل اخوي وياي
عن الشمس للخيمه
💔💔
وين الگالي عوانه .. ياهو يشيل اخوي وياي .. عن الشمس للخيمه
نشيل الولي لصيوانه
تريد اتسَلبه عدوانه
ماعد العرب شيمه
ياهو يشيل اخوي وياي
عن الشمس للخيمه
💔💔
بلچن بي بعد ظنه .. ياهو يشيل اخوي وياي .. عن الشمس للخيمه
ويفز لو سمع ونّه
نرد الخيل لو جنّه
اشوف الگوم اجو غيمه
ياهو يشيل اخوي وياي
عن الشمس للخيمه
💔💔
عباة امي جبتها وياي .. ياهو يشيل اخوي وياي .. عن الشمس للخيمه
اسويها لخوي فياي
ينزف والجروح هواي
هضيمه ياهلي اهضيمه
ياهو يشيل اخوي وياي
عن الشمس للخيمه
💔💔
مگلوب اعله وجه الگاع .. ياهو يشيل اخوي وياي .. عن الشمس للخيمه
اكون اگدر اشيله ابساع
جسمه امن الحوافر ضاع
واعلينه اگبلت جيمه
ياهو يشيل اخوي وياي
عن الشمس للخيمه
💔💔
حوافر ملّخن جسمه .. ياهو يشيل اخوي وياي .. عن الشمس للخيمه
لخيمنه وصل لحمه
بناته يمسحن بدمه
بيين اليتم ضيمه
ياهو يشيل اخوي وياي
عن الشمس للخيمه
💔💔
✍ ام محمد الحجاج
http://t.me/ommohamadalaebaadey
ليلة العاشر
ليلة الوداع
💔😭
الليله ام عون
تتوادع اويااخوتهه
الليله ام عون
تتوادع اويااخوتهه
💔😢
شلون اوداع هلليله ... الليله ام عون
تتوادع اويااخوتهه
اجت والمدمع اتسيله ...
تجر الحسره وانحيله ...
تتعثر بمشيتهه
الليله ام عون
تتوادع اويااخوتهه
💔😭
ابو اليمه تلگاها ... الليله ام عون
تتوادع اويااخوتهه
نشف دمع عيناها ...
هل ادموعه وياها ...
حين الشاف دمعتهه
الليله ام عون
تتوادع اويااخوتهه
💔😭
اخوها ابصفه گعدها ... الليله ام عون
تتوادع اويااخوتهه
ونشف دمع البخدها ...
كون الله اليساعدها ...
باچر تبدي غربتهه
الليله ام عون
تتوادع اويااخوتهه
💔😭
الليله ليلة العاشر ... الليله ام عون
تتوادع اويا اخوتهه
يختي وذبحتي باچر ...
مايبگالچن ناصر ...
واختنگت بعبرتهه
الليله ام عون
تتوادع اويا اخوتهه
💔😭
َََ
انتي اتكفلي عيالي ... الليله ام عون
تتوادع اويا اخوتهه
وبنياتي واطفالي ...
ياخويه اشدهت بالي ...
تگله وعلت ونتهه
الليله ام عون
تتوادع اويا اخوتهه
💔😭
يگلها من يذبحوني ... الليله ام عون تتوادع اويا اخوتهه
عله وجهي يگلبوني ...
اثنعش طبره يطبروني ...
وجثتي الخيل داستهه
الليله ام عون
تتوادع اويا اخوتهه
💔😭
آه يازينب
تمت بحمد الله تعالی
١٥ / ٤ / ٢٠٢٦
✍ ام محمد الحجاج
http://t.me/ommohamadalaebaadey
ليلة مولاي عبدالله الرضيع عليه السلام
ابو ذيه 💔
ولمها
عبد يمه
تهييج كل حنين امك ولمها
ادوور عله هديماتك ولمها
العدو انياگ اليسر يبني ولمها
اروح اميسره ومنته اعله اديه
😭😭
يمه عبد يمه
يبني السهم ذابحني يريته
ودمي ابدال دم نحرك يريته
شلون النفس يوليدي يريته
حين الصوبك سهم المنيه
😭😭
نعي
يمه الولد يمه
خالي المهد يلولد يمه
حرگو الخيمه وين اضمه
لحضني تعال الهيمه ظلمه
خدك يعبدالله ارد اشمه
شلك يعگلي بنومت البر
وجهك الضاوي صاير اسمر
من العطش والشمس والحر
الحراس يم الرمح تفتر
اوصل الرمحك مايقبلون
يجفل امن الظلمه الزغيرون
بالبر تبات الوحدك شلون
گبالي برمح راسك يهزون
الولد يبني
عندي لك ثوب معطرته
وفراش يبني مبخرته
والدللول امحضرته
ليل المناغه مناطرته
يلولد ياسباح گلبي
تعال نام بحضني دافي
نومت هنه ونومت عوافي
ليش اعله راس الرمح غافي
ابدال المهد مهدك چتافي
يلولد حسي ماتسمعه
يمه
يبني التعب مخلوف بالله
✍ ام محمد الحجاج
http://t.me/ommohamadalaebaadey
ليلة سيدي ومولاي عبدالله الرضيع عليه السلام 💔
نصاري
تنقري لطمية ونعي
دللول الولد يبني يغالي
اهزن بالمهد والمهد خالي
وگماطك اشمه
َالمعطر بدمه
اهزن بالمهد والمهد خالي
💔😭
للشم رگبتك مو مالت اسهام
فرشت المهد ارجع للمهد نام
ست اشهر بعد ماكملت عام
ترد مذبوح ماصارت بلسلام
فراشك ما المه
المعطر بدمه
غافي اعله الرمح والرمح عالي
اهزن بالمهد والمهد خالي
💔😭
غافي اعله الرمح وعيوني ترباك
طلبتك مارضو ينطونك اعداك
اريد اشبع الليله امناغه وياك
وامشطلك يروحي وامسح ادماك
بحضني الراس انيمه
المعطر ابدمه
يابدري الچنت ضاوي الليالي
اهزن بالمهد والمهد خالي
💔😭
السهم الحز رگبتك يلولد حار
الشقره الذبحتك لرگاب الكبار
بسهام الحرب شعليها لزغارج
نور الگمر من خدودك يغار
يمنوور الظلمه
المعطر ابدمه
خدودك چنها ياقوت وتلالي
اهزن بالمهد والمهد خالي
💔😭
يروونك رحت وارجعت مذبوح
يلقران چنك حيل مملوح
آنه وياك روح امعلّگه بروح
مثل جرح البنحرك گلبي مجروح
مر ابجرحي نسمه
المعطر ابدمه
الموت وياك يمدلل حلالي
اهزن بالمهد والمهد خالي
💔😭
ست اشهر واشوفك زلمة البيت
يچنك شيخ عد اهلك الك صيت
يصغولك عمامك لون ناغيت
رحت ياماي عيني وآنه ظليت
وانته بعيني زلمه
المعطر بدمه
حسبتك تكبر ويكبر دلالي
اهزن بالمهد والمهد خالي
💔😭
عظم الله اجورنا واجوركم
تمت بحمد الله تعالی
١٢ / ٤ / ٢٠٢٦
✍ ام محمد الحجاج
http://t.me/ommohamadalaebaadey
عالعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
🖤قناة للقصائد الحسينيه🖤
🌹 @tyyuuiiopp
السديم الروحي
❤️ @hhali2008
يا صاحب الزمان أدركني ❤️
❤️ @dfghhj8899
{ رفـع •اللّـہ رايه العبــاس ؏ } ³¹³ 🫀
❤️ @Zzzzzzaaaaaiiiiiinnnaaaabbbbb
القصاید المکتوبه للرادودين حسن الصالحي و محمد الجنامي
❤️ @alradodeinpoems
الممهدون لدولة الامام المهدي( عج)
❤️ @almaweudo
قــنـاة صاحبـــة العـــزاء🪶
❤️ @QSA_ED
⚡️قناة أهل البيت (ع) للمواليد
❤️ @ahlulbayta
إرشاد القلوب
❤️ @shjgbbgdsju
ريــآحيـــن فآطـمـهہ🌿🕊
❤️ @nasayimaymanih
ذكر الامام علي بن أبي طالب (ع)عبادة
❤️ @qwpaslzmx
ادعية ايام الاسبوع
❤️ @dsjjdgsb
قناة فقه ومعارف ال البيت ع
❤️ @Feqh_Maaref_alulbayt
عشاق ملاباسم الكربلائي
❤️ @rrrhz34
اجمل صور
❤️ @Afubxev
🕊 هـــ🔖ــــمســة_امـــل 🕊
❤️ @hamsat_amal
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
الشاعره ام علی المالكي
❤️ @typkj
الشاعرة العلوية الموسوية
🌹@alweyaamosaweyarrrr2626
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
قصص وعبر ... 💙
🌹 @methakamad555
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
قصص علماء العرفانين
❤️ @alarfan
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
ليلة علي الاكبر سلام الله عليه
ابو ذيه
احس فرگاك بضلوعي يمرها
(جمر)
دنياي اصبحت بعدك يمرها
( مراره )
يبني العين خل طيفك يمرها
ولو بالطيف مر يلولد بيه
💔🏴
يمه الولد يمه
تالي الليل طيفك مُره بينه
رحت والوكت فررغ مُره بينه
ربّينه وحسبنه من ربينه
الولد تالي العمر لمه تچيه
💔🏴
نعي
لتالي العمر ردتك تچيه
خافن يميل الوكت بيه
گلت الولد اگعد ابفييه
گلت الولد اگعد بجاله
وعني ثجيل الحمل شاله
البين مسنعجل اجاله
الولد يمه
بالليل تصويرك اطلعه
واگابله يلولد وانعه
يوليدي صوتك وين اسمعه
من يوم وجهك غاب عني
يايمه مابطلت وني
ياريت دفانك دفنّي
الولد يمه
موش الك يبني ظلمه الالحود
والرمل خررب ذيچ الخدود
وليدي تفرهد مني فرهود
يمه الولد يمه
ربينه وفلسنه من ربانه
برباهم اشبعنه مهانه
موت الخذاهم لو خذانه
الولد يبني
عظم الله اجورنا واجوركم
✍ ام محمد الحجاج
http://t.me/ommohamadalaebaadey
ليلة علي الاكبر عليه السلام
🏴🏴
ياما اتعبت برباك .. يوليدي يل اكبر
گلبي نچوه بفرگاك .. يوليدي يل اكبر
رباك حضني
يلولد يبني
💔
انت اكبرت يلولد يبني وكبرت آمالي
ينسعد گلبي من اشوفن طولك گبالي
مثل البدر بربعطعش وجهك ضوه يلالي
امن ادگلي يمه بنغم صوتك ترف يحلالي
يلرحت مني
يلولد يبني
يلخذت روحي وياك .. يوليدي يل اكبر
گلبي انچوه بفرگاك .. يوليدي يل اكبر
💔🏴
يافتشت عيوني وثمر دنياي وسنيني
زهرت حياتي ويا سعدهه ونور البعيني
يرباي ليش استعجلت تمشي وتخليني
يهروش گلبي يلمغذياتك شراييني
دهري غلبني
يلولد يبني
ياشمعتي شطفاك .. يوليدي يل اكبر
گلبي نچوه بفرگاك .. يوليدي يل اكبر
💔🏴
يلرابي ابلب الحشه ومتوسد بروحي
عافيتي انته ونعمتي يبني ودوه جروحي
حلو المعاني . رويحتك ترفه يمملوحي
نعمه وتبدت ماترد ابدمعتي ونوحي
فگدك تعبني
يلولد يبني
ياريت ميته وياك .. يوليدي يل اكبر
گلبي نچوه بفرگاك .. يوليدي يل اكبر
🏴💔
انعرف التجيبلها ولد اتذخره للعازه
تعيش بكرامه امدلله ماتظل معتازه
حاسبته ليام الكبر والشيب عكازه
بلموت ماني امحسبه اعله الولد يتوازه
وابعدك عني
يلولد يبمي
چيف اصبر واسلاك .. يوليدي يل اكبر
گلبي نچوه بفرگاك .. يوليدي يل اكبر
🏴💔
يلبار بمك يلولد يلعشرتك عشره
يل كلشي بطباعك حلو مابيك كل مرّه
يخسارتي وياضيعتي وياكسرتي كسره
من بعدك آنه اشبع هضم وبحالي انته ادره
ماچان ظني
يلولد يبني
تراب اللحد ضماك .. يوليدي يل اكبر
گلبي نچوه بفرگاك .. يوليدي يل اكبر
?💔
تمت بحمد الله تعالی
١٠ / ٤ / ٢٠٢٦
✍ ام محمد الحجاج
http://t.me/ommohamadalaebaadey
ليلة القاسم عليه السلام
نعي
💔
كون البواچي ترجع الراح
ابچي وابچّي الجاي والراح
لا ابطّل او لااهيد وارتاح
كون البواچي تسوي چاره
دمعي يصب ليله ونهاره
بلچي الگلب تنطفي ناره
الولد يبني
تحله البواچي اعله الشباب
ما لايج الهم نوم التراب
عافو الدنيه والهوی الهاب
تحله البواچي للعراريس
راحو من هوی الدنيه مفاليس
تراب المگابر بيهم يجيس
احآه يبني الماتهنه
لاعرس شاف ولا تحنه
خلّف براس الگلب ونه
يوليدي ياحلو الجهامه
عشرين ماوصلن اعوامه
وليدي لگبر زفوه عمامه
امنيتي چانت كون ازفه
وانذرت امشط بيدي زلفه
توه شباب وروحه ترفه
يلولد يلرباك گلبي
يمه
ربيتك بسهر الليالي
ردتك الوكت العوز والي
وزفتك مرسومه بخيالي
راح التعب والخُلُف بالله
لاحول ولاقوة الا بالله العلي العظيم
عظم الله اجورنا واجوركم
✍ ام محمد الحجاج
http://t.me/ommohamadalaebaadey
ليلة القاسم عليه السلام
💔
تمنيت الولد اهله يزفونه
وربعه بليلةالحنه يحنونه
💔
تلتم الشباب بزفة الغالي
واشوفنهم يزفون الحلو گبالي
كبر جسام وآنه كبرت آمالي
ووليدي اشوف الفرحه بعيونه
ربعه بليلة الحنه يحنونه
💔
سولفنه اعله عرسه وليلة الحنه
ومن كل السلف بت عمه يتمنه
جاسم رادها تصبح الي چنه
تدلل يجاسم وآنه ممنونه
ربعه بليلة الحنه يحنونه
💔
وتحقق حلمنه وابني زفيته
لاچن للحرب مدلولي وديته
وشيبي بدم عزيز الروح حنيته
شمع العرس خليهم يطفونه
ربعه بلياة الحنه يحنونه
💔
طفن الشمع ماتمت الفرحه
شطيب صواب گلبي الهاكبر جرحه
ليش وليدي مصباح العرس ذبحه
سيوف مخربه كشخت جاسم ولونه
رلعه بليلة الحنه يحنونه
💔
جابو تعبي للصيوان بدمومه
ياحلو المعاني خربن رسومه
َمندومه يجاسم يمه مندومه
اكون وياك نعش امك يشيعونه
ربعه بليلة الحنه يحنونه
💔
يمحسر او يامحروم يوليدي
انه شبيدي اعله دهري الخاين اشبيدي
يابدر السعد يلشوفتك عيدي
غير الولد للعازات يردونه
ربعه بايلة الحنه يحنونه
💔
آجركم الله
تمت بحمد الله تعالی
١٦ / ٤ / ٢٠٢٦
✍ ام محمد الحجاج
http://t.me/ommohamadalaebaadey
ليلة العباس عليه السلام
محرم ١٤٤٨
💔🏴
الرايه اعله النهر چا وين راعيهه
اگبال ام عون راحو هووسو بيهه
💔🏴
يم جرف النهر ملفوفه بدماها
وچف الكافل النسوان وياها
من عَمده الشمر لم عون وداها
اباب الخيمه مشّمّت ويراويهه
💔🏴
اباب ام عون اجه والرايه ناشرها
كافل ظعنچ اغدرناه يخبّرها
يعصر منها دم . يكسر بخاطرها
يلم وينشر . يروح ويرد ليهه
💔🏴
شافنها خوات حسين منشوره
نادن من عسه چفوفك المبتوره
قهرت ام عون ليش وهيه مقهوره
مسلّب راية الچانت ضری عليهه
💔🏴
مسلّب راية الماينگحم زوده
صرت هسه ازلمه ووصلت لحدوده
اكوننه عدل وچفوفه بزنوده
عله زنودك چفوفك مايخليهه
💔🏴
شهزك ياجبل وشضعضعك وسفه
كلفه رايتك بيد الشمر كلفه
ترفه وماتلوگ لغيرك الترفه
الخضره انهضمت بفگدك يواليهه
💔🏴
انهضمت رايته وينه لمنومسها
چانت حارستنه وهو حارسها
عگب الهيبه چف مخنّث يمسها
رايتنه بدين انذال تاليهه
💔🏴
يرايتنه انسبيتي خلاف والينه
يلچنتي امان ويخفگ علينه
يوجه السعد ومنوره ليالينه
راح الشمل والگعده ولياليهه
واعباساه
وازينباه
🏴🏴
تمت بحمد الله تعالی
١٢ / ٤ / ٢٠٢٦
✍ ام محمد الحجاج
http://t.me/ommohamadalaebaadey
ليلة الوحشة
مولاتي العقيلة زينب عليها السلام
بعد ذاك العز والدلال والخدر الفاطمي الزينبي . اذا بها اسيرة . بالبراري لا ناصر لها ولامعين . بلا مأوی بعدما كانت مكفولة باتت تتكفل الارامل والايتام . صُبّت عليها النوائب والمصائب العِظام صبّا ، لوكانت علی جبلٍ لتصدع من هول ماجری
لكنها زينب عليها السلام جبل الصبر وكعبة الاحزان . هي ابنة علي عليه السلام .ورِثت صبره وكبرياءه . هي ابنة الزهراء وكفی بالباب يُنبيكَ . يعجز الكلام عن وصف ماجری عليها لكن الشاعر يجود بقدر مايتصور
ونلتمس العذر من مولانا صاحب الزمان عجل الله فرجه الشريف .
كاني بها ليلة الحادي عشر من المحرم
الاعداء تقرع الطبول فرحاً بقتل اخيها الحسين عليه السلام ويجولون براسه الشريف علی رمحٍ طويل بقربها ويبدون الشماته بها . كي يُحرقوا قلبها المجروح .
😭😭
يامايله الدنيه ويه زينب
يامايله الدنيه ويه زينب
💔😭
الچانت اميره عد ابوها
وكافل خدرها الحيد اخوها
آه العده وليه ولوها
اخت الگمر عباس تنسب
يامايله الدنيه ويه زينب
يامايله الدنيه ويه زينب
💔😭
بحبال خشنه گيدوها
بلا خيمه بالبر گدوها
وين العله العز عودوها
صيوانها الليله تسلب
يامايله الدنيه ويه زينب
يامايله الدنيه ويه زينب
💔😭
لاخيمه عدها تلم العيال
لاحيل بيها ادور الاطفال
جوها العده وجابو الاحبال
للخبم طب الجيش ينهب
يامايله الدنيه ويه زينب
يامايله الدنيه ويه زينب
💔😭
سلّبو كل عز البلخيام
حته الشمع وهدوم جسام
الخيل سحگت فوگ الايتام
شييب يگلب ام عون شييب
يامايله الدنيه ويه زينب
يامايله الدنيه ويه زينب
💔😭
تروح او ترد خيل بأثر خيل
ام عون وين تروح بلليل
ومضيعه نسوان ومداليل
بين الاعادي شلون ينطب
يامايله الدنيه ويه زينب
يامايله الدنيه ويه زينب
💔😭
دارت وجيهه للكفلها
تبچي البنات تريد اهلها
خويه اليتامه مااندلها
گلب اختك امن الضيم عطب
يامايه الدنيه ويه زينب
يامايله الدنيه ويه زينب
💔😭
مجروح ياعباس گلبي
ومدوهنه وماشوف دربي
عيوني بدمعها عليك تربي
ونار الهضم بحشاي تلهب
يامايله الدنيه ويه زينب
يامايله الدنيه ويه زينب
💔😭
تمت بحمد الله تعالی
٤ /ۢ٥ / ٢٠٢٦
✍ ام محمد الحجاج
http://t.me/ommohamadalaebaadey
يو العاشر
وحرق الخيام
💔💔
ياصوب نروح
حرگوها الصواوين
امچلبه النار
بهدوم النساوين
💔💔
بهدوم اليتامه امچلبه النار
تصرخ كلها عمه زغار وكبار
اطفال وعطاشه والوكت حار
الم العايله
لو روح لحسين
ياصوب نروح
حرگوها الثواوين
💔💔
ال من النار فر اتلگته الخيل
احيرن بلحرم لو بلمداليل
لو نار الدوت بفراش الاعليل
وجمر الخيمه
يلفح بالنساوين
ياصوب نروح
حرگوها الصواوين
💔💔
فرّن يا حسافه امهات الخدور
للهيمه الظهر وترابها يفور
شسوه بحال زينب يوم عاشور
تعبانه وغريبه
وطاگهه البين
ياصوب نروح
حرگوها الصواوين
💔💔
ياعباس اختكم جاها الغروب
مخنوگه بعبرتي وحيلي متعوب
جاي الليل خويه نبات ياصوب
ظلينه اويه گوم
المالهم دين
ياصوب نروح
حرگوها الصواوين
💔💔
العز البلخيم نهبوه العدوان
فوگ رمادهن گعدن النسوان
يريتك هسه عدك كون ذرعان
ياعباس
رد الصاع صاعين
ياصوب نروح
حرگوها الصواوين
💔💔
العز البلخيم نهبوه العدوان
فوگ رمادهن گعدن النسوان
يريتك هسه عدك كون ذرعان
ياخويه وترد
الصاع صاعين
ياصوب نروح
حرگوها الصواوين
💔💔
ويني او وين المراكض يعباس
گبل ماشايفه ضل اختك الناس
الليله شلون ليله بغير حراس
والعسكر علينه
اندار صوبين
ياصو نروح
حرگوها الصواوين
💔💔
تمت بحمد الله تعالی
٣ / ٦ / ٢٠٢٦
✍ ام محمد الحجاج
http://t.me/ommohamadalaebaadey
يوم العاشر
ذبح ابن الزهره 😭😭
لا تذحونه
اجت زينب تنادي
لاتذبحونه
😭😭
ابعدو شويه عنه .. لاتذبحونه
گطع لو بعده ونه ..
بنياته اجنه ..
خلي يودعنه
لا تحرمونه
اجت زينب تنادي
لاتذبحونه
😭😭
يلساحگ بصدره .. لا تذبحونه
عنه السيف وخره ..
َخايب لا اطبره ..
لاتگطع بنحره
وتسحگ متونه
اجت زينب تنادي
لا تذبحونه
😭😭
تصيح الله واكبر .. لاتذبحونه
َ هاذه حسين بالبر ..
علي يابويه احضر ..
يذبح بي بخنجر
ََباشطه سنونه
اجت زينب تنادي
لاتذبحونه
😭😭
ماعدكم حميه .. لا تذبحونه
هاذ ابن الزچيه ..
عاد اطوه اميه ..
تعاينله رقيه
لا ترفسونه
اجت زينب تنادي
لاتذحونه
😭😭
اخته تحوم يمه .. لاتذبحونه
صارت فوگه لمه ..
بنيته تصيح عمه ..
وصل لهدومي دمه
بيش يطلبونه
اجت زينب تنادي
لاتذبحونه
😭😭
يعمه انشال راسه .. لاتذبحونه
وانگطعت انفاسه ..
بصدره الشمر داسه ..
نحره اتراب جاسه
وطاب بعيونه
اجت زينب تنادي
لاتذبحونه
😭😭
وا حسيناه
وا إماماه
وا عطشاناه
وا ذبيحاه
✍ ام محمد الحجاج
http://t.me/ommohamadalaebaadey
ليلة العاشر
ابو ذيه ونعي
لسان حال مولاتي زينب عليها السلام
💔
جليله
صبح الذبح ياخويه جليله
وانصارك يبو اليمه جليله
البحماكم اجت للطف جليله
الليله الجايه تمسي سبيه
💔
هلي رب العرش خصهم وجلهم
او وحيه اتنزل اعليهم وجلهم
الليله اوداعي وياهم وجلهم
باچر . وحدي اظل بالغاضريه
💔
خويه يابو علي ياخويه
عليكم باد حيلي . ذاب لحماي
العده اهوايه وجليل العون لحماي
چم طفل اليون بالخيم لحماي
يخوفي امن الفرات يخون بيه
💔
نعي
فايزي
بين الامام الحسين واخته العقيلة
عليهم السلام 😭
گعدي اسولفلچ وصيتي يلحزينه
الله اليعينچ علمصايب يلحنينه
الليله اخر ليله وياكم بلخيام
ليلة وداع الليله محد بيكم اينام
ام عون بس الليله باچر ام الايتام
شبيدي ينور عيوني گلها وبچت عينه
تسمعينها طبول الحرب علنوها يخيتي
تحضري لچتل كل اخوتچ وولادي وصحبتي
وآنه الظهر باچر يبت امي ذبحتي
وشمر الخنا يگطع اوداجي تشوفينه
وجهي عله وجه الثره تشوفيني مگلوب
وصيوان خدرچ يلحنينه بنار منشوب
اسمع تناديني يخويه نروح ياصوب
للبر اطلعن والشمر لا تلاگينه
هلتن هالله بالبنات ادوسها الخيل
شدي عبيهن ابعباتچ من يجي الليل
يم عون لو رحتن تدورن علمداليل
مري اعله اخييچ واخذي من يمه اسكينه
وبعد يامولاي
للنهر لا ترحين تالي الليل يم عون
خافنهم لراس الگمر راحو يگطعون
اگصدتي صوب العلگمي يختي امن ايسمعون
اتعرفينهم ويّه ابونه الهم ضغينه
😭😭
نعي مجاريد
باچر تشوفين الهوايل
باچر المغرب ماكو كافل
اليم خيمتچ موش ابوفاضل
باچر المغرب ماكو رايه
مابينه حي كلنه ضحايه
يصيحولچن ذن السبايه
بالليل زينب لو طلعتي
اتدورين ياخويه اعله جثتي
َََوياچ جيبيلي ابنيتي
يم عون كون ايصبرچ الله
✍ ام محمد الحجاج
http://t.me/ommohamadalaebaadey
ليلة العاشر
ليلة الوداع
ليلة الدموع
ليلة الانين
💔😭
👇👇👇
لمولاي الرضيع عليه السلام
💔😭
دللول الولد يبني دللول
تعال اغفه بوسط حضني يمدللول
💔😭
دللول ارد الوليلك يغالي
واتذكّر تعب ذيچ الليالي
هز مهدك تعبني بس حِلالي
احسب يوم يوم اتامل اطّول
دللول الولد يبني دللول
💔😭
دللول الولد يبني اجه الليل
يانسمات بارح ياعطر هيل
بلابل بالفجر صوت المداليل
بمناغاتهم تعب امهم يزول
دللول الولد يبني دللول
💔💔
محنيه اعله مهدك ليلي مانام
ََيعبدالله وبنيت آمال واحلام
هنه اشچم شهر ويصير الك عام
وانذر چم نذر كلما يمر حول
دللول الولد يبني دللول
💔😭
اخاف عليك حته امن الهوی الهاب
اعوذلك امن الطالع امن الطاب
يلب احشاي وآمالي والالباب
ومحصولي بحياتي واغله محصول
دللول الولد يبني دللول
💔😭
تسع تشهر احس بالموت كل يوم
يجيني الليل عيني مفارگه النوم
صرت واطلبت من ربي الي ادوم
نسيت التعب تعبانه ولااگول
دللول الولد يبني دللول
💔😭
فرد ساعه سهر ليلي غفل راح
من حضني خذنك يبني لرماح
راسك يمه من فوگ الرمح طاح
اسم الله عليك يبني تبات بالچول
دللول الولد يبني دللول
💔😭
تمت بحمد الله
١٩ / ذو الحجة
٥ /٦ / ٢٠٢٦
✍ ام محمد الحجاج
http://t.me/ommohamadalaebaadey
ليلة سيدي ومولاي عبدالله الرضيع عليه السلام
👇👇👇
عالعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
🖤قناة للقصائد الحسينيه🖤
🌹 @tyyuuiiopp
السديم الروحي
❤️ @hhali2008
يا صاحب الزمان أدركني ❤️
❤️ @dfghhj8899
{ رفـع •اللّـہ رايه العبــاس ؏ } ³¹³ 🫀
❤️ @Zzzzzzaaaaaiiiiiinnnaaaabbbbb
القصاید المکتوبه للرادودين حسن الصالحي و محمد الجنامي
❤️ @alradodeinpoems
الممهدون لدولة الامام المهدي( عج)
❤️ @almaweudo
قــنـاة صاحبـــة العـــزاء🪶
❤️ @QSA_ED
⚡️قناة أهل البيت (ع) للمواليد
❤️ @ahlulbayta
إرشاد القلوب
❤️ @shjgbbgdsju
ريــآحيـــن فآطـمـهہ🌿🕊
❤️ @nasayimaymanih
ذكر الامام علي بن أبي طالب (ع)عبادة
❤️ @qwpaslzmx
ادعية ايام الاسبوع
❤️ @dsjjdgsb
قناة فقه ومعارف ال البيت ع
❤️ @Feqh_Maaref_alulbayt
عشاق ملاباسم الكربلائي
❤️ @rrrhz34
اجمل صور
❤️ @Afubxev
🕊 هـــ🔖ــــمســة_امـــل 🕊
❤️ @hamsat_amal
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
الشاعره ام علی المالكي
❤️ @typkj
الشاعرة العلوية الموسوية
🌹@alweyaamosaweyarrrr2626
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
قصص وعبر ... 💙
🌹 @methakamad555
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
قصص علماء العرفانين
❤️ @alarfan
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
ليلة علي الاكبر عليه السلام
ماتهنيت بشبابك
يامحسر
ماتهنيت بشبابك
يامحسر
🏴💔
ليش يازهرة زماني يامحسر
يبني ياحلو المعاني ..
يلولد يومك عماني ..
آه يبني الله واكبر
ماتهنيت بشباك
يامحسر
🏴💔
عيونك الوسعات حلهن .. يامحسر
شلهن بهنوم شلهن ..
خلهن يشوفني خلهن ..
شوف حال امك يل اكبر
ماتهنيت بشبابك
يامحسر
🏴💔
يبني يلرباك گلبي .. يامحسر
عيوني ليدلني دربي ..
ارباي راح وضاع تعبي
ليش يبني صاير اوذر
ماتهنيت بشبابك
يامحسر
🏴💔
للمخيم جايبينك .. يامحسر
ياوليدي موذرينك ..
ياعيوني افتحلي عينك ..
لهل الفجيعه گلبي انطر
ماتهنيت بشبابك
يامحسر
🏴💔
انياط گلبي گطعتهن .. يامحسر
هروش دلالي اشلعتهن ..
ضلوعي يايمه اوجعتهن ..
من كثر ماگوم واعثر
ماتهنيت بشبابك
يامحسر
🏴💔
منين اجتني الغاضريه .. يامحسر
ياعلي رحت امن اديه ..
يلولد ردتك تچيه ..
تالي يجيبونك امطبر
ماتهنيت بشبابك
يامحسر
🏴💔
تمت بحمد الله تعالی
١١ / ٤ / ٢٠٢٦
✍ ام محمد الحجاج
http://t.me/ommohamadalaebaadey
ليلة القاسم عليه السلام
ابو ذيه 💔
لم جروح گلبي اشكثر . لم آه
مطبر جابو العريس . لماه ( لمه )
وذر صاير وعمه حسين . لماه
مالي بي عرف جابوه اليه
💔
يجاسم ظهري ابفگدك . حنيته
وشيبي من دمه جروحك . حنيته
گلبي ذاب من جمرة . حنيته
احن وتسعر النيران بيه
💔
عله دربك ادير النظر . ورباي
سيف الوربك ياريت . ورباي
يبني وين تعبي ذاك . ورباي ؟
بساعه اتفرهدت من بين اديه
💔
✍ ام محمد الحجاج
http://t.me/ommohamadalaebaadey
ليلة القاسم عليه السلام
💔🏴
للحومه راح العريس
من شاف عمه اوحيده
عذريني فدوه ام جسام
يمه العرس ماريده
💔🏴
باس ايدها وهز السيف
من عدها راد المعذره
چنه العرس مامقسوم
خلينه يمه نأخره
من ارجع امن الميدان
سالم تزفيلي المره
يايمه گلها الله وياچ
حناته ذبهه من ايده
💔🏴
ادعيلي امن اطب للميدان
يايمه واخذ حيفي
اتخيير اكبار الگوم
والطگ اريده بكيفي
وصاها بس لاتبچين
عايني لشمرة سيفي
بعداي اسوي الماصار
بالدم احني البيده
💔🏴
رشت وراه دمع العين
والحنه حدر الشيله
ضمتهه لمن جسام
يرد ليهه وتحنيله
بالخيمه ومطلعه الشيب
يارب ازفه الليله
جابولهه اصبي العين
گاطع السيف اوريده
💔🏴
طفن شموع العريس
يارمله ياعماته
نوحن للمحسر راح
شيلنها صينياته
ندبن شباب المحروم
شم العذيبي الفاته
الرايح رباه ياهلناس
كل اليبچي ميفيده
💔🏴
مثل البدر بالصيوان
خرّب السيف اوصافه
اعله خدوده دم راسه يسيل
جرحه نزل لچتافه
عيونه الوسيعه الحلوات
شبعن رمل وشفافه
لحد يلومه اعله النوح
الراح منه وليده
💔🏴
واقاسماه
عظم الله اجورنا واجوركم
٢٥ / شوال ١٤ / ٤ / ٢٠٢٦
ام محمد الحجاج
http://t.me/ommohamadalaebaadey
ليلة العباس عليه السلام
نعي
لسان حال اِخته العقيلة عليها السلام
سومولي اخوي وانه اشري
اديرله كل باجي عمري
ردته يظل في اعله خدري
شسويت وك خايب يدهري
عباس يلعازتك عازه
چفك العز والفخر حازه
الموت للزين ايتوازه
هاذ الوكت طولك احتازه
مال الوكت وياي ميله
وعال النذل وياي عيله
وينك يبو ذراع الطويله
تعال ضيم العلي زيله
مالن حمولي وحشميتك
ماتعتذرني لو نخيتك
تفزعلي يابو الغيره ريتك
انهضم ماتقبل حميتك
ام محمد الحجاج
ـhttp://t.me/ommohamadalaebaadey
محرم ١٤٤٨ هجرية
ليلة العباس عليه السلام
💔🏴
العباس طاح فوگ المسنايه
العباس طاح فوگ المسنايه
💔🏴
العباس طاح والعده محوطينه
من فوگ مهره وصوبوه بعينه
وبصفه طاحن بيرغ وچفينه
ساجي العطاشه هامته امدمايه
💔🏴
العباس طاح والعلم وچفوفه
والعده من كل كتر مصفوفه
ياوسفه طاح الحاط بيهم خوفه
منطوره بوجوده الخيم والثايه
💔🏴
مالت الرايه هووسو ها طاحت ؟
من ايد راعيها الصوايح صاحت
والگوم تنهب للمخيم راحت
وحده ابو اليمه والاعادي هوايه
💔🏴
طاح الكفيل والخيم نهبوها
خيمة الكافل بالنبل صوبوها
درعه خذوه وام الفضل عذبوها
بچفوفه يمها هووسو والرايه
💔🏴
شمرو چفوفه لزينب ولم الفضل
صاحو بعد ساعه نجيچن بالحبل
تمشن اويانه للسبي فوگ الهزل
يراووهن الجود الينگط مايه
💔🏴
تعنّه الغريب المنكسر لعضيده
من شافه ظل يصفگ وسافه بايده
عني رحت بعد العمر ماريده
دهري كسرني يبو الغيره بهايه
💔🏴
انحنه اعليه يريد كون يشيله
ينهض ويطيح ومنهدم كل حيله
خليني گله وروح حامي العيله
اتعذر امن اسكينه واختنه هوايه
العباس طاح فوگ المسناية
واعباسااااه
💔💔🏴
٢٢ // شوال
١١ / ٤ / ٣٠٢٦
ام محمد الحجاج
http://t.me/ommohamadalaebaadey
هوسات للانصار عليهم السلام
ـماكو اصحاب مثل اصحاب ابو اليمه
صاروله درع لاينسفك دمه
لخدور الفواطم فده ولخيمه
وفايه يسباع الملعب
🏴🏴
هذول اهل الوفه من صدگ وفايه
مثل سد الاسكندر حاموا الثايه
وگع شيخ الانصار وطاحت الرايه
اهل الغيره
خلصو ياحيف
🏴🏴
ابو اليمه انحنه ظهره عله اصحابه
الكل منهم ذبيح بدمه وترابه
وگف مابينهم والدمعه سچابه
هانلكم وحدي تخلوني
🏴🏴
السلام علی اصحاب الحسين
عظم الله اجورنا واجوركم
✍ ام محمد الحجاج
http://t.me/ommohamadalaebaadey