خدام الإمام الحسين(ع)🚩 قصائد و مجالس
30 October 2025 16:00
*[ يا زهراء مددي ]*
اداء : الملا #ذوالفقار_الكعبي
كلمات: الشاعر #السيد_أنور_الموسوي
الذاكر: علي أكبر
https://youtu.be/bkVkFFR1V9Y
مجالس عزاء الليالي الفاطمية 1447 هـ - 2025 م
ليالي إستشهاد سيدة الوجود الصديقة الطاهرة الكبرى فاطمة الزهراء صلوات الله عليها وآلها (الفاطمية الأولى)
عزاء موكب حامل اللواء عليه السلام - العراق
مونتاج: حسن ماضي
مكساج وتوزيع: محمد مصباح
غلاف: حسين الجليزي
النشر الشبكي: علاء بركات العاملي
اللَّهُمَّ عَجِّل لِوَلِيِّكَ الفَرَجْ
Читать полностью…
خدام الإمام الحسين(ع)🚩 قصائد و مجالس
30 October 2025 09:16
*وداع زينب ع لامها الزهراء ع* طور الفراق الزينبي او الحسناوي~
يُمه زهرااااااء… ردي يا يمه عليّه
يمه زهرااااااء… دمعتي بعدچ جريه
يُمّه زهرااااااء… جاوبيني يالزچيه
كلمة منّچ… ونظرة من عينچ لعيني
كلمة منچ… جاوبيني وارحميني
كلمة منچ… ردي يا يمه اسمعيني
آيا يُمّه… گلبي ما يحمل عذاب
آيا يُمّه… صعبه اشوفچ بالتراب
آيا يُمّه… والگلب من همّه ذاب
الله شحال گلب زينب تشوف امها ملفوفة بالكفن وقد صاح علي ع قوموا لتوديع امكم فاطمة يا لها من مصيبة ومحنة ها هي الزهراء ع بجسدها النحيل الضعيف بضلعها المكسور وعينها الملطومة اي واويلاه ~~~
وها هم اولادها حولها يبكون وينوحون لفراقها
الله يا حال زينب وقلبها المكسور ودمعتها الجارية كيف كان حالها لما نظرت لامها آخر النظرات فراحت توصي ابوها بهذه الكلمات
لحن الجفيري
يالتدفن امي بالگبر
بهونك ضلعها منكسر
بهيدة عْلَى خدها منسطر
منحولة والجسم انهدم
〰〰〰〰〰
وسّع مكانه لهاللحد
ولا تهل تُرب فوق الجسد
ذبلت مثل غصن الورد
منحولة والضلع انهشم
〰〰〰〰〰
والفارگ امه شگد صعب
فاگد حنانه هالگلب
أمه تنامن بالترب
ويمضي سنينه باليتم
〰〰〰〰〰
نعش امي ها لا ترفعه
خليني يمّه اودّعه
وليفگد امه فاجعه
وتنزف جروحه بالألم
خادمة آل محمد ✍🏻
ارتفعت أصوات البكاء من بيت الإمام علي (عليه السلام)، فارتجّت المدينة بالبكاء من الرجال والنساء، ودهش الناس كيوم قبض فيه رسول الله (صلى الله عليه وآله)، واجتمعت نساء بني هاشم في دار فاطمة الزهراء (عليها السلام) فصرخن وبكين، وأقبل الناس إلى الإمام علي (عليه السلام) وهو جالس والحسن والحسين بين يديه يبكيان، وخرجت أُمّ كلثوم وهي تقول: يا أبتاه يا رسول الله!، الآن حقّاً فقدناك فقداً لا لقاء بعده أبداً.
*التشييع*
*زينب تودع جنازة امها فاطمة ع*
زينب قد رمت بنفسها على امها وقد همّ علي ع بعقد الكفن فاحتضنتها زينب ع ووضعت خدها على خد امها… وصاحت اماه كلميني يا زهرااااا
طور الخضيب~
فَتّْحي عيونچ فاطمة يمه وكلميني
لحظة وداعچ مؤلمه يمه حاچيني
لا تغيبي عن عيني بعد يا زهرة. سنيني
تعوفي اليتيمه وترحلي تشتت شمل العيال
آه يا يمه آه يا يمه آه يا يمه آه~
〰️〰️〰️〰️〰️
خليني اودعنّچ بعد تدرينه احنا زغار
لا تدفن امي باللحد ورد النعش للدار
ابچي عليها ٱمَدّده ومني الدموع اعبار
والفاگد احباب الگلب ما يحتمل هالحال
آه يا يمه آه يا يمه آه يا يمه آه~
〰️〰️〰️〰️〰️
خادمة آل محمد ✍🏻
Читать полностью…
خدام الإمام الحسين(ع)🚩 قصائد و مجالس
29 October 2025 04:03
#الفاطمية #وافاطمتاه
*زيارة زينب ع لقبر امها آه ومحنة كربلاء*
زينب آنه يا يمه بلحدچ يُمه إخذيني
إجيتچ يالحنونه وياچ وسط،الگبر ضميني
يتيمة يُمه يا زهره وصعب اليُتم تدريني
يا مكسورة الاضلاع من يمسح دمع عيني
〰️〰️〰️〰️〰️
ولن صوت الگبر نادى كفّي الدمعه يا زينب
عندچ ذوم بارض الطف وذاك اليوم بعد أصعب
أضمّك وانه محنيّه وتعينيني وانا انحب
بالمذبوح اواسيچ يمه وانت تواسيني
〰️〰️〰️〰️〰️〰️
هناك الموقف تشوفي مرمي حسين عالغبره
وتشوفين النحر منحور وطحنوا ضلوعه في صدره
وتشوفينه بلا يا راس وتصيحي يمه يا زهره
احضر ساعة الذبحة اعزيچ وتعزيني
خادمة آل محمد✍🏻
Читать полностью…
خدام الإمام الحسين(ع)🚩 قصائد و مجالس
29 October 2025 04:03
*#وافاطمتاه~ حال زينب ع تخاطب امها الزهراء ع وهي مندة في نعشها~ الجفيري♪~*
ليش امي ما ترد الجواب
لحظة شفتها بهالمصاب
وردة وتنامن بالتراب
يالغافية بحضن اللحد
〰️〰️〰️〰️〰️〰️
عينيها غمضت بالألم
تتأوّه بضلع انهشم
وانه ابچي من اليتم
صعبه ما ٱشوبنها بعد
〰️〰️〰️〰️〰️〰️
بس لامي يشتاق الگلب
جرح الفگد وشگد صعب
اطبق جفنها من التعب
تروح من اديّه للأبد
〰️〰️〰️〰️〰️〰️
*كأني بزينب مدّت يديها الصغيرتين الى ذاك النعش تمسح على وجنتي انها الزهراء ع آه آه~ يا زهراء~~~~*
لحن اسمع عتابي للشيخ البيابي♪
يُمه رِحميني~ لا تفارگيني
يتيمه من بعدچ~ الدمعه بعيني
الليل بظلامه~ أبدا ما ننامه
نسمع ونينچ~ وصرنا يتامه
بگلبي آلامچ~ وشمعة احلامچ
محلاچِ يمي~ ومحلى ايامچ
عنّي تروحي~ ومفجوعه روحي
كلمة يا يُمه~ تسكن جروحي
الشاعرة خادمة آل محمد✍🏻
Читать полностью…
خدام الإمام الحسين(ع)🚩 قصائد و مجالس
29 October 2025 04:03
#وافاطمتاه
لحن الفراق/
ودعتنه~ وعنّا غابت هالحنينه
ودّعتنه~ وراحت الليله من ادينه
ودّعتنه~ وگلبي ما بطّل ونينه
راحت امنا~ وبس گلبنا منكسر
راحت امنا~ امي مدفونه بگبر
راحت امنا~ آه يا جرح العمر
يمه يمه~ محلا كل گعده معاچِ
يمه يمه~ شتسوى هالدنيا بلاچِ
يمه يمه~ عمري ليت يمه فداچِ
خادمة آل محمد✍🏻
Читать полностью…
خدام الإمام الحسين(ع)🚩 قصائد و مجالس
29 October 2025 04:03
#وافطمتاه
*حال مولاتنا زينب ع حين فارقتها امها الزهراء ع*
لحن الفراق♪~ لفراق الأم
يمه يمه ~ اشتاگت عيوني تشوفچ
يمه يمه ~ أحِضْنِچ وقبّل چفوفچ
يمه يمه~ صعبه يا يمه أعوفچ
يا حنينه~ وداعچ بگلب جروح
يا حنينه~ ابچي وبحزني أنوح
يا حنينه~ بعد عينچ وين اروح
بالسلامه~ والدمع سلوى إليّه
بالسلامه~ مفارگه غصبن عليّه
بالسلامه~ روحي يمچ هالمسيه
خادمة آل محمد✍🏻
Читать полностью…
خدام الإمام الحسين(ع)🚩 قصائد و مجالس
29 October 2025 04:03
#وافاطمتاه~لحن الخضيب♪
حال زينب تبچي امها الشهبدة ع
ما أگد انظر دارچِ وخالي من الأنوار
من همستچ من ضحكتچ وما تحضرچ زوَار
انظر عباتچ وانتحب لن مظلمه هالدار
دمعي يهل وونّتي يا يمه ليل انهار
آه يا يمه آه يا يمه آه يا يمه آه²
〰️〰️〰️〰️〰️〰️
بثوبچ اثر دم وضرب ونار حروگ وأثر مسمار
يا يمه دمعاتي تصب يتيمه ودموعي عبار
شفت الاثر صفعة ولطمه بوجهچ يا يمه خمار
عيونچ من اللطمه حمر بگلبي جرح ينهار
شفتچ وگلبي منكسر يا مهجة المختار
آه يا يمه آه يا يمه آه يا يمه آه²
〰️〰️〰️〰️〰️〰️
خادمة آل محمد ✍🏻
Читать полностью…
خدام الإمام الحسين(ع)🚩 قصائد و مجالس
29 October 2025 04:03
#وافطمتاه
*لسان حال البنت لأمها زينب ع مع امها الزهراء ع* لحن اسمع عتابي~
غايب حنانچ~ خالي مكانچ
لو شفتي يمه~ لوعة ايتامچ
الحجره خليّه~ واحنا بعزيه
رحتي يا يمه ~ من بين اديّه
ضريحچ ازوره~ مشعشع بنوره
ودمعاتي عالخد~ يمه منثوره
لحن الفراق~
آه يا يمه ~ گلبي يلتهب جمره
آه يا يمه ~ فراگك بالگلب حسره
آه يا يمه ~ شيجبر هالگلب كسره
يالرحلتي~ وگلبي ذايب لفراگاچ
يالرحلتي ~ انظر خاليِ مصلاّچ
يالرحلتي ~ عمري ضايع بلايّاچ
آه يا زهره~ عمرچ ما وصل عشرين
آه يا زهره ~ ليتچ عني لا تروحين
آه يا زهره ~ صعبه بگبرچ تنامين
خادمة آل محمد✍🏻
Читать полностью…
خدام الإمام الحسين(ع)🚩 قصائد و مجالس
29 October 2025 04:03
#وافطمتاه/لحن. اسمع عتابي للشيخ البيابي♪
نعش الحنونه ~ اگبالي شيعونه
حيدر يشيله ~ بدمعة عيونه
مشتاگه اضمها~ لحظة وأشمها
خلوني نظره~ بيدي ألزمها
لا تشلوها ~ لا تِطَلْعها
خلوها يمنا ~ أمي خلوها
شمعة مضويه ~ أمي الزچيه
فرگتها صعبه~ هاي المسيه
خادمة آل محمد✍🏻
Читать полностью…
خدام الإمام الحسين(ع)🚩 قصائد و مجالس
29 October 2025 04:03
#الشهيدة_فاطمة( ع) لحن جاوبني يا علي للملا محمد بوجبارة♪
بضلعها الكسير
أتينا نستجير
حبها حرزنا
من نار الحاطمة
〰〰〰〰〰〰
جلبابها الأمان
وكفّها الحنان
في الحشر تشفع
سيدة الجنان
〰〰〰〰〰〰
ذو الوجه الأنورِ
سورة الكوثرِ
فاز بها المُحب
وحسن الخاتمة
〰〰〰〰〰〰
بسورة الضحى
والقطب والرحى
بها الذنب انمحى
رحيمة راحمة
〰〰〰〰〰
ملطومة لـ عين
محروقة اليدين
مسقطة الجنين
للعين لاطمة
〰〰〰〰〰〰
مفقودة الأثر
مغيّبة القبر
قصيرة العمر
الشهيدة فاطمة
〰〰〰〰〰〰
خادمة آل محمد ✍🏻
Читать полностью…
خدام الإمام الحسين(ع)🚩 قصائد و مجالس
29 October 2025 04:03
#الشهيدة_فاطمة( ع)
بضلعها الكسير
جئناها نستجير
تقي حرّ السعير
ونار الحاطمة
〰〰〰〰〰〰
ملطومة لـ عين
محروقة اليدين
مسقطة الجنين
للعين لاطمة
〰〰〰〰〰〰
بسورة الضحى
والقطب والرحى
بها الذنب انمحى
وحسن الخاتمة
〰〰〰〰〰〰
مفقودة القبر
وسرها الأثر
قصيرة العمر
الشهيدة فاطمة
خادمة آل محمد ✍🏻
Читать полностью…
خدام الإمام الحسين(ع)🚩 قصائد و مجالس
29 October 2025 04:03
*وصية السيدة الزهراء ع لابنتها زينب ع*
وروي : أن فاطمة عليها السلام لما دنت منها الوفاة دعت ابنتها زينب , فشمتها من نحرها , وقبلتها من صدرها , وقالت لها : هذه وديعة لي عندك , فإدا رأيت اخيك وحيدا فريدا شميه في نحره , وقبليه في صدره , فإن نحره موضع سيف ابن ذي الجوشن و إن صدره موضع حوافر خيول بني أميه , قال : فامتثلت الحوراء زينب ذلك , ولما كان يوم عاشوراء وبقي الحسين وحيدا فريدا , أراد أن يودع العيال و يمضي الى القتال , أقبلت إليه ام المصائب وقالت له اخي اكشف لي عن صدرك وعن نحرك , فكشف له الحسين عليه السلام عن صدره , قلته في صدره وشمته في نحره , ثم وجهت وجهها نحو المدينة صائحة : يا اماه قد إسترجعت الوديعة وأخذت الأمانة , فتعجب الحسين من كلامها فقال لها : أخية ومن الأمانة ؟ قالت : اعلم يابن ام لما دنت الوفاة من امنا فاطمة , قربتني اليها وشمتني في نحري وقبلتني في صدري , وقالت لي : يا بني هذه وديعة لي عندك , فإذا رأيت أخاك الحسين وحيدا فريدا شميه في نحره وقبليه في صدره
لحن الخضيب~
عندي وصية يا زينب يوم العاشر بعاشور
اخوچ المنذبح بالطف شمّي صدرهِ المكسور
ومن المنحر تقبلينه اوصيچ الگلب مفطور
خلّي وصيتي بعنيچ يا زينب دحفظيها~
〰〰〰〰〰〰
يا زينب اوصيچ يمه بيوم عاشر
لو شفتي الغريب بلا يا ناصر
ما عنده معين و بالطف حاير
خلي عينچ عاغريب الغاضريه
〰〰〰〰〰〰
لو شفتي يا يمه نحره المفري
اصبري يزينب عالمحن صبري
صدره يشبه ضلعيِ وكسري
راسه عالرمح وجسمه عالوطيه
خادمة آل محمد ✍🏻
خادمة آل محمد✍
Читать полностью…
خدام الإمام الحسين(ع)🚩 قصائد و مجالس
29 October 2025 04:03
*مشهد تصويري حال امير المؤمنين (ع) لما وصل الى الدار ودخل حجرة فاطمة (ع) ورآها ممدة انكب عليها اخذ رأسها في حجرها وصاح فاطمة كلميني انا علي~*
گعد يمها وهمل عينه وجرى دمعه على الزهره
صفق بيده وجذب ونّه واتحيّر بعد حيره
ما ٱگدر انظر لحالچ وگلبي يشتعل جمره
فكي عينچ عليّه ولا تروحي يبعد الروح
〰️〰️〰️〰️〰️
انحنى عليها وجذب ونّه وعاتبها بگلب مفطور
وعاين خسفة الأضلاع ومنها هالضلع مكسور
غسّلها بدمع عينه ومدمع غدا منثور
تعوفي حيدر وتمشي وگلبي بالحزن مجروح
الفراق
كلميني~ ردي يالزهره عليّه
كلميني ~ گلبي ما يحمل أذيه
كلميني~ تروحي يالزهره من ٱديّه
رحمي حالي~ گلبي ما يحمل عذاب
رحمي حالي~ شلون ادفنچ بالتراب
رحمي حالي ~ الله ما اصعب هالمصاب
آيزهره~
خادمة آل محمد✍🏻
Читать полностью…
4067