7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
صاحت ايتام الولي •• ضعنه من بعدك علي
وا اماماه •• وا اماماه
……………………………………………………… ……
بـعدك تصيح اليتامه عـل هـالدنيه العفه
صـحره فارگـها مطرها حالنه بدونك صفه
واحد من ايدك طعامه و واحد بحضنك غفه
والمريض ادواه وجهك بشوفة عيونك شفه
نشوف بعيونك حياة •• الدنيا من دونك ممات
وا اماماه •• وا اماماه
……………………………………………………………
يا علي مرگعه اهدومك و احنه تنطينه الجديد
لـو تمـوّتـنه يـلاهـي لـو عـلـي عـلينا تـعيد
كلشي بينا يريد حيدر اسمه يسري وي الوريد
هـو عـيد النه وسـعاده عـگبه لا مـايحله عيد
گلنه يا عيد الحزن •• ارجع ايتامه تون
وا اماماه •• وا اماماه
……………………………………………………………
انضافـت اولادك اللـيله ألنه و ازداد العـدد
الحسن يجري دموع عينه وگلب الحسين انمرد
الحـسن گله چن اشوفن شمر و لصدرك صعد
حسين گله الطشت باجر بيه مـن عـندك چبد
بعد ابونه يالحسن •• تكثر علينه المحن .
وا اماماه •• وا اماماه
……………………………………………………………
من سمعنه الناس گالت علي طالبله لبن
طوسنه ركضت گبلنه ولعطش حيدر اجن
هل الشراب لعد ابونه توصله بيدك يالحسن
وگله ايتامـك تگـلك روحنه لـروحك ثمن
احنا والوادم تره •• نروح فدوه لحيدره
وا إماماه •• وا اماماه
…………………………………………………………
يل خذيتو نعش ابونا اخذونه وياه للگبر
خل نطب وياه ألحده نصيرله شمعه وعطر
حيل لو شافنه يفرح دوم يـمنه يبتشر
عمر ما بيه طول حيدر عانه ما يسوه العمر
علي شمس الله وضوه •• نشتم حروفك هـوه
وا اماماه •• وا اماماه
…………………………………………………………
زينب تجاوب ايتامه بحزن وبهل الدمع
انتم اشوه الضيم ضيمي گلبي بالهم منفجع
لا وراكم سبي و ناگه ولا خيول ولا ضلع
و لا جفوف ونار خيمه وراس اخيي المنگطع
ولا رقيه و لا عبد •• زغير بعده اعاللحد
وا ماماه •• واماماه
……………………………………………………… …
✍️ ( سيد خضر الزاملي )
ياعيد ماريــــدك تجي بفراك ابونه
ياعيد گبلك والدي غُمضت اعيونه
حيدر ضمه التراب وجرح الفركه ماطاب
ــــــــــــــــــــــــــــــــــــــــــــــــــ
عمت عيني الاعز من روحي ضمه اتراب الكبور
مشه عني وبقيت انه يتيمه وكلبي مكسور
ودمع فكده مثل المطر فوك اخدودي منثور
صعبه ينحط بالكبر
العندي اغله من العمر
حسره تخنك بالصدر اه
منه حارمني الدهر
بعيني مرسومه الصور
وعودي بالفركه انكسر اه
ياعيد مافك حزني بيك ولا اعايد
ياعيد بيك اشيفرح الفاكدله والد
يبقه ابسود الثياب وجرح الفركه ماطاب
ــــــــــــــــــــــــــــــــــــــــــــــــــــــــــــ
مشه الغالي وبقت بس صورته فوك الحياطين
يكون ابجي عله فراكه لحـــــد ماتنعمي العين
يهـــل وادم تره يتــــعب غياب الكلبه احنين
غالي عن عيني مشه
وداره ضلت موحشه
الجيته رمشي فارشه اه
حيدر نايم ابلحد
ماظن لداره يرد
وانه كلبي منمرد اه
ياعيد تره التفكد ابوها اتموت سكته
ياعيد اريدن حيدر وما اريدك انته
ذابح روحي الغياب وجرح الفركه ماطاب
ــــــــــــــــــــــــــــــــــــــــــــــــــــــــــــ
كضت روحي بعد عيون حيدر شلي بالروح
بحر دمعي يغركها السفن وشراعها النوح
ولا ريده الكلب لو ساعه بعده ايبطل النوح
حزني لعيوني وطن
والله غدار الزمن
يتم حسين وحسن اه
وليرحل عنها ابو
تبقه بالدنيا شكو
تفكد أحضان الدفو اه
ياعيد تمنيت اويـبوي الموت والله
ياعيد شني ضلتي وبوي اللحد ضماه
جبدي من الهضم ذاب وجرح الفركه ماطاب
ــــــــــــــــــــــــــــــــــــــــــــــــــــــــــــ
صدك وسفه تشم بنته النسيم وما يشمه
لون بيدي اعوف البيت وسكن كبر يمه
علي ليله مشه وصار العمر بغيابه ضلمه
جنه نتفطر سوه
يحبني ويشمني هوه
يترك جرحي بلا دوه اه
صارت شفافي خشب
هدم اركاني التعب
مغطه بتراب الذهب اه
ياعيد من حيدر ابوي انه انحرم ليش
ياعيد شفت جرحه عميج وموش بريش
ودمعتي مغركه الحجاب وجرح الفركه ماطاب
ــــــــــــــــــــــــــــــــــــــــــــــــــــــــــــ
عله متوني تضل ريحت جفوفه شما لزمني
اشم بيها ششم من راح من عدها حرمني
اخذ كلشي واحس بالعمر بعده مايهمني
ماكو منك ياعلي
بيتي من دونك خلي
راحت بويه ادللي اه
ذني ايام الدمع
حسره وتجوي بضلع
ونتي صارت تنسمع اه
ياعيد راح الليله حيدر مني ياعيد
ياعيد لون فص عيني اذبه افكده ميفيد
دمعي ابفكده سجاب وجرح الفركه ماطاب
ــــــــــــــــــــــــــــــــــــــــــــــــــــــــــــ
حسين عبد الزهرة الدراجي
قصيدة في شهادة أمير المؤمنين عليه السلام ، لسان حال زينب العقيلة ع ،،،،
ــــــــــــــــــــــــــــــــــــــــــــــــــــــــــــــــ
يا بويه الأيتـام وگفت على الباب
وتنادي وتصيح وينــك يبو ٱتراب
ـــــــــــــــــــــــــــــــــــــــــــــــــــــــــــــــ
بَعَدني ٱزغيرة عالفرگة يبـويه وعالهجُر
أمس من فاطمة راحت دليـلي منكــسُر
وشـوفك هسه يا حيدر جَبينــك مِنطبُر
جريح عالوجــه دمك يِصُـب
جريح يا علي وحالك صعُب
جريح وسفة يا ضيغم حَرُب
يا سِر الٱسـرار يا وسفة منصاب
ودموعي تنعاك وينك يبو ٱتراب
ــــــــــــــــــــــــــــــــــــــــــــــــــــــــــــــ
يبويه هذا أبو محـمد أويلي ٱعللحَسن
دليله چَـن جمُر يِسعَر دمـوعه ٱتــهاملَن
ونينه يفـطُر الصخرة وهمومه ٱتواردَن
يگول بروحـي آنه أفتديك
يگول گلـبي يتلاهب عليك
يگول بويه شو بُردَن إديك
يِظلِم تَرَه البيت نـورَك إذا غـاب
ما أحـمِل فراگ وينك يبو ٱتراب
ــــــــــــــــــــــــــــــــــــــــــــــــــــــــــــــــ
إلَك رَيــحانة ذَبّــــلها مُصــابك ياعـلي
يبويه وجَمر أبواليِمّة بحَسِرتَه يصطلي
تِهَدّم ســاتِر إجفونــه دَخيلَـك يا وَلِــي
حزين وشوغِتَه ٱتفِتّ الصّخَر
حزين لكِــترَك ٱيــدير النــظَر
حزين اللــيلة يِنشَــقّ القَـــمَر
آنه ٱبنك ٱحسين هَدّيني بجواب
گـطّعـتِ الٱنـياط وينك يبو ٱتراب
ــــــــــــــــــــــــــــــــــــــــــــــــــــــــــــــــ
يبويه وهذا ابو فاضل يَحـيدر ضَنــوِتَك
يريدَك تِلــزَم ٱچـفوفَه وتِسَمعَه ٱوصّيِتَك
وتِگِلّه بشــاربك زينب أمانــة بعِــــهدِتَك
كفيل بالَك ٱيمِسها الهَوَه
كفيل يا گُـمَر إنتَ الضّوَه
كفيل شوفِتَك إلهَا الدّوَه
بـــالَك يعبــــــاس يشوفوها الأغراب
بگلبي الألم صاح ويــنك يــبو ٱتراب
ــــــــــــــــــــــــــــــــــــــــــــــــــــــــــــــــــ
عِفِتني ٱبوِليَة أحزاني أسيرة لوحدِتي
وجودَك ياعلي حِـرزي وأمان بدِنــيتي
بِدَالَك بويـه رَيت آنــه خَضيبة هامتي
سَبيل لرَجعِتَك ما ظَل سَـــبيل
سَبيل الدنــيا بِعـــيـالَك تِـمـيل
سَبيل محَـزّمة بصَبري الجميل
بالطّف يَبو ٱحسين ذبحوها الأحباب
مَســبية وَنـــــخاك وينك يبـو ٱتراب
ـــــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
*قصيده للأمام علي تقرء شور واطوار اخرى*(*اشرب الماء*)
*اشرب الماء وعجل/ فأذان الفجر لاح*
*اشرب الماء وعجل/قبل أن يأتي الصباح*
*ياعلي ياعلي ياعلي ياعلي*
...................
اشرب الماي يحيدر هذا اخر يوم الك
بالفجر ينطبر راسك يهتز اعليك الفلك
وحته ملك الموت يمك حاير وچنه ارتبك
شلون قالع باب خيبر ياحسافه حيله رك
*نادي حي اعله الفلاح*
*فاذان الفجر لاح*
ياعلي ياعلي ياعلي ياعلي ياعلي ياعلي ياعلي
.................
الما گدرله بالمعاره بالغدر طگ هامته
بالصلاه ساجد امامي حيف صارت ضربته
ساعد الله گلب زينب بالدمه من شافته
تحفر ابروح العقيله حيل ضلت ونته
*قد علا صوت الصياح*
*فأذان الفجر لاح*
ياعلي ياعلي ياعلي ياعلي ياعلي ياعلي ياعلي
..................
بصوت صاحت يالعقيله شبييه ولينه يالحسن
والدمه غرك جبينه وگلبي لمصابه امتحن
انسدت ابواب الجوامع والملك بسمانه ون
وزينب اتگول النواظر بويه ياريت انعمن
*دمعنا دائم مباح*
*فأذان الفجر لاح*
ياعلي ياعلي ياعلي ياعلي ياعلي ياعلي ياعلي
................
اليوم دين الله تهدم من وكع حامي الحمه
خل نعازيها العقيله وخل نعازي فاطمه
رابح الوالاك حيدر ماتلوحه الحاطمه
انته بيك انته النجاة وانته حسن الخاتمه
*عيدنا بالحزن فاح*
*فأذان الفجر لاح*
ياعلي ياعلي ياعلي ياعلي ياعلي ياعلي ياعلي
...................
هذا ياعيد النعيده وحيدرى جوه الثرى
اعصابه سوده اليوم شدت زينب وتلطم تره
وگابلتها ام البنين لحيدره واموزره
والدمع لجلك سبيل انوزعه من گد.ماجره
*كافل الايتام راح*
*فأذان الفجر لاح*
ياعلي ياعلي ياعلي ياعلي ياعلي ياعلي ياعلي
....................
*تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلوات*
انه الذي " سمتني امي حيدره "
_
حيدر اني اسمي مثل الرايه
عمامه سيفي وتربه ومصلايه
من اسولف طبعي راعي حجايه
من اعارك بيه تنزل ايه
انه قائد انه واحد ثاني ماعندي
كلي حارب ابو طالب وانه في مهدي
ابن زلمه هذا اسمه اليوصل لحدي
ضهر النبي الزمته
حاشاني ماعفته
سالفتي سالفته
راس الخصم دسته
انه الذي "مثل رياحً صرصره"
____
حيدر اني ومااعوذ امن اني
شيوخ اهلي ومافرغ ديواني
ربعي احبهم مابعت صحباني
انه الاول وغيري ينعد ثاني
انه جوهر انه منبر كلمتي احسبها
سيفي حاضر والمخاطر تهوه صاحبها
انه شاعر والعساكر صوره اكتبها
طبع النخل بيه
ميه انه من ميه
كلماتي قدسيه
قدراتي الالاهيه
انه الذي "اضرب رقاب الكفره "
_
حيدر اني الخليفه العادل
الحق يبين بيه من الباطل
هذا طبعي تعودت مااجامل
وهذا طبعي ابد مارد سائل
انه شايف انه عايف انه ابن زمزم
عالي هامه واليتامه تكلي الملثم
سيفي اسله واليصله يعني مايسلم
حيدر انه الانزع
بكيفي الشمس ترجع
الحك الانه المربع
يوم الحشر اشفع
انه الذي " ادعى كليثً قسوره "
____
حيدر اني وبفخر احجيها
عشت بايع الدنيا ماشاريها
بأذن الله الموته انه احييها
روحي خضره والعشك ماليها
انه عاشك من افارك اتعب واذبل
بالترافه وبالكلافه انحسب اول
انه غالي انه عالي وانه المعدل
ليلة قدر قدري
سر العرش سري
انه الدمه اليجري
حد مطلع الفجري
انه الذي " اضرب بين الفقره "
_
سيد معتز الحسيني
للموت رايح مرتاح ومأمن اعله اعيالي
بالبيت اخلي ام عباس تملي المكان الخالي
__
ها يموت انطيني ايدك خل تّطيب طبرتي
بعد مامبيه اميز بين دمي ودمعتي
صح اعوف البيت خالي وادري عازه عازتي
لكن ام عباس بعدي اعرف تسد خلتي
ولدي دمعهم لو طاح تكلهم دمعكم غالي
يمهم اخلي ام عباس تملي المكان الخالي
__
لو متت يم باب زينب مايهب ريح الخطر
وادري ام الكمر بعدي حيدر تسمي الكمر
لون يحني حسين موتي متون يلكاها وضهر
ومن تشوف الحسن يسهر تلولي تكعد للسهر
عندي الاصيله وبالموت حكي لون مابالي
بالبيت اخلي ام عباس تملي المكان الخالي
__
الشالت حسين بكلبها ومن كثر ماهايمه
يمه ماكالت لبنها تخاف يذكر فاطمه
عكب عيني تصير زمزم لو يمر شفته الضمه
وحته لايذكر طبرتي ماتجيب اسم الدمه
بالخفيه لمن تشتاك اعليه دمعها يلالي
بالبيت اخلي ام عباس تملي المكان الخالي
__
من اموت بكلب ولدي ازغير يموت الالم
وادري لولاد الزجيه كل ولدها تضل خدم
درع بسم حسين توكف وين ماتلكه سهم
ومن تصادف نار زينب تصير يم زينب خيم
خوفي اعله زينب بالموت تنادي اريد الوالي
بالبيت اخلي ام عباس تملي المكان الخالي
__
هاي دنيا وكلشي بيها وكل أهلها راحله
وباجر برمشه مدامع يبتدي طف كربله
سولفت لم النشامه عن رحيل القافله
وشفت بيها حسين ضامي وجسمه محد غسلة
شفت السبي اعله الخدين وراس برمح بس عالي
بالبيت اخلي ام عباس تملي المكان الخالي
__
سيد معتز الحسيني
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
قصيده للوليان{بچه اعيوني}
الذاخرته ليه شلون بچه اعيوني
گالولي عافچ يالولي وهضموني
❥❥❥❥ـــــــــــــ❁❁ـــــــــــــ❥❥❥
گالولي عافــچ يالولي محزونه
بترابه نام وســـاد حيل اعيونه
راحت محنته وبالترب مدفونه
ياريت يمك يالولي يدفنـــوني
❥❥❥❥ـــــــــــــ❁❁ـــــــــــــ❥❥❥❥
يدفنوني يمك ريت يالجـافيني
بدونك اون المن انه امخـــليني
كافيك سكته يالرحت حاجيني
اگعد اليه ارد اشتگي جرحوني
❥❥❥❥ـــــــــــــ❁❁ـــــــــــــ❥❥❥❥
عيني بــــغيابك من دمه بچوها
ليل ونــــهار تصـب دمع خلوها
بنيتك الترفه التنهضم جرحوها
جا يمته ترچع يالرحت ضلموني
❥❥❥❥ـــــــــــــ❁❁ـــــــــــــ❥❥❥❥
ضلموني وانه من الهجر متعوبه
بسهام هجرك جم سهم مصيوبه
يالراحه بـــعدك يالولي مسـلوبه
مبهوت لوني وزرگه حيل اجفوني
❥❥❥❥ـــــــــــــ❁❁ـــــــــــــ❥❥❥
شلون بـــيه وانـه الــــك مشتاگه
ونار شوگي جن جـــــــمر حراگه
باااحلامي صارت لو تصح املاگه
عميانه عيني من الدمع بچوني
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
من كتاب الحسانية والمنهالية ج1
وداع امير المؤمنين ع
ليلـة اوداع ومـصيـبة .. حيدر ايـودع الغـريبة
العـبرة غصت بالحناجر
وفاضت ادموع النواظر .. ليلة وداع
…………………………………………
هاي اخـر ليلة الـه حامي الحـميه
بدنـيـتـه المـنـها شبـع ضيم واذيه
راح روحـه تـعـرج بـهاي المـسيه
وتـلـتـقي راح ابمـحـمـد والزچـيه
لكن اليكسر فرحـته .. بالاحزان ايعوف بنـته
اختلطت ابروحه المشاعر
وفاضت ادمـوع النـواظر .. ليلة وداع
……………………………………………
يودع احبابه علي وبصدره حسره
ودمعـته تنزل على الخدين جـمره
وداعه هاليلة علي كـاسرلـه ظهـره
ينـظر بذيـچ الوجـوه اشلون نظره
هايـه نـظرات الاخيره .. تركت بنص روحه حيره
بالـوداع اللـيلـه حـايـر
وفاضت ادموع النواظر .. ليلة وداع
……………………………………………
عينه بعـيون الغـريـبه ودمـع العـيـون
يشرح الحـيدر مصيـبة غربـة ام عون
چـن تـگـلـه بالمدامـع بـاچـر اشـلـون
هم تجي بالطف يبويه تشوف المتون
لـو تخـلـيني يحـيدر .. وحدي ابلا خيمة بالبـر
بويـه اريد اهناك حاضر
وفاضت ادموع النواظر .. ليلة وداع
……………………………………………
بويه كونك تحضر بطف المصايب
تشوف شبـان الهواشـم عالـترايب
وبالبـراري تـركـض هـناك الغـرايب
وما كو واحد يفزلعـنه من الغوالب
كلها نومه اعله الوطيه .. مذبحين اهل الحميه
جـثث بويه ابـلا مناحر
وفاضت ادموع النواظر .. ليلة وداع
……………………………………………
كـون تحـضر كربلـه بساعـتـها واتـشوف
خيام محترگـه وعجاج الخليل والخـوف
وعالحـرم ذيـچ العساكـر تـفـتـر اصفـوف
بيش ادافع واني حرمة وچفي مچـتوف
حرمة مفجوعة وحزينه .. بويه اندبـك ما تجينه
تحامي عنه من العساكر
وفاضت ادموع النواظر .. ليلة وداع
……………………………………………
كون تحضر ياعلي وتشوف الحسين
نايم بحـر الشمـس وموسـد الايـدين
وعالشريعـة كـافلي مگـطوع چـفـين
وسهـم المـثلث نبت يا بويه بالعـيـن
من العشيره ما صفالي .. بس عليل ايشد حبالي
ياهـو يدفعـها المخاـطر
وفاضت ادموع النواظر .. ليلة وداع
الشاعر عقيل الحسناوي..
جَدَّكِ الظِّامِي عَلَى الْغَبْرَه سَلِيبْ...يَا وِلِينَه
بِالْحَوَافِرْ صَدْرَه مَكْسُورِ وْخَضِيبْ...يَا وِلِينَه
يَمْتَه تِطْلُبْ ثَارَ ابُو الْيِمَّه الْغَرِيبْ...يَا وِلِينَه
-----------------------
طَالَتَ ايَّامِ الْهَجُرْ طَالِ الْغِيَابْ
وِالْگَلُبْ يَبْنِ النِّبِي بِالْحَسْرَه ذَابْ
چَمْ نَحَرْ يِتْنَطَّرَكْ فُوگِ التُّرَابْ...يَا بُو صَالِحْ
يِنْتِظِرْ يُومَكْ أُبُو النَّحْرِ الْگِطِيعْ...يَا وِلِينَه
يَمْتَه تِرْفَعْ لِلسِّمَه جِسْمِ الرَّضِيعْ...يَا وِلِينَه
غَارَتِ عْيُونَه الطِّفِلْ حَالَه فَظِيعْ...يَا وِلِينَه
-----------------------
حْسِينَكِ الْخَيَّالَه رَضَّتْ جِثِّتَه
عَشْرَه يَالْمَهْدِي وِسَافَه دَاسِتَه
مَا بُگَه بْصَدْرَه ضِلِعْ مَا كِسْرِتَه...يَا هَضِيمَه
يَمْتَه سِيفَكْ يِجْبُرِ الصَّدْرِ الْكَسِيرْ...يَا وِلِينَه
تْوَزِّعَتْ أَوْصَالَه وِبْحَرِّ الْهَجِيرْ...يَا وِلِينَه
وِانْدِفَنْ تَحْتِ الثَّرَى فُوگِ الْحَصِيرْ...يَا وِلِينَه
-----------------------
وِالْگُمَرْ نَايِمْ عَلَى شَاطِي النَّهَرْ
مْگَطِّعَاتِ چْفُوفَه وِالرَّاسِ انْطُبَرْ
يِرْتِجِي يُومَكْ أَبُو الْغِيرَه الْگُمَرْ...كَافِلِ اخْتَه
عَالشِّرِيعَه تِجْرِي دَمْعَاتَه حَنِينْ...يَا وِلِينَه
إِنْتَه وَحْدَكْ بِيدَكِ تْهَوْدِ الْوِنِينْ...يَا وِلِينَه
يِرْتِقِبْهَه يَا لِثَارَاتِ الْحُسِينْ...يَا وِلِينَه
-----------------------
عَمِّتَكْ مَشُّوهَه بِدْرُوبِ الْيِسُرْ
يَا صَبُرْ يِنْفَعْ يَغَايِبْ يَا صَبُرْ
مِنْ بَعَدْ مَا سَلِّبُوْ مِنْهَه الْخِدُرْ...رَوِّعُوهَه
عَالْهِزِيلَه گَيِّدُوهَه بِالْحِبَالْ...يَا وِلِينَه
وَالله صَعْبَه زِينَبِ وْبِينِ الرِّجَالْ...يَا وِلِينَه
تِدْرِي لَا مَا يِنْحِمِلْ جَرْحِ الدَّلَالْ...يَا وِلِينَه
-----------------------
زِينَبِ الْحُرَّه خَذُوهَه لِلْقُصُورْ
وِالدِّوَاوِينِ شْكِثُرْ بِيهَه خُمُورْ
آ يَوِيلِي شْعَطَّلَكْ يَمْتَه الظُّهُورْ...وِينَكِ انْتَه
گَاعِدِ بْيَا دِيرَه وِدْمُوعَكْ دِمَه...يَا وِلِينَه
مْسَاهِرِ نْجُومِ الْحِزِنْ وَسْطِ السِّمَه...يَا وِلِينَه
حِنْ عَلِينَه بْدَاعَةُ امَّكْ فَاطِمَه...يَا وِلِينَه
-----------------------
چَمْ عَزِيزَه بِالسَّبِي مَاتَتْ قَهَرْ
وِالْأَشَدْ لُوعَةْ رُقَيَّه عْلَه النَّحَرْ
شْسَوَّه بِيكُمْ يَا وِسَفْ جُورِ الدَّهَرْ...هَا يَمَهْدِي
كَافِي مَا بِيهَه طَعَمْ هَاذِي الْحَيَاةْ...يَا وِلِينَه
نِصْحَه يُومِيَّه عَلَى الدَّمْعَه وْنِبَاتْ...يَا وِلِينَه
عَجَّلَ الله بْطَلْعِتَكْ يَبْنِ الْأُبَاةْ...يَا وِلِينَه
-----------------------
#اللهم_عجل_لوليك_الفرج
الشاعر حسن خنافر العاملي
زينب لفت للكرار .. لاچن شافته امدد
طريح امغمض اعيونه .. گضه للموت واتشهد
@@@
اجت زينب بلجنازه .. وتون اللي مشه ابطبره
وگعت وگعت گلب مكسور .. على زند الولي وصدره
ألبست لمها قميص البيه .. بقايا اضلوع متكسره
انحت فوگ النعش واتصيح .. يبويه ابفاطمه الزهره
…
تگله ابداعة المحبوب
امي وابأثر هالثوب
حاچيني يداحي البوب
ترى امصاب الاخذ امي .. ابدليلي مابره ولا طاب
@@@
على حظني احط راسك .. واصب اعله الجرح دمعي
واشد عصابتك بويه .. ونوح لفرگتك وانعي
ومثل امي على الهادي .. اميل بالحزن ضلعي
وحن حن الثكوله الراح .. ضناها وعالعدو ادعي
…
يهل رحت وخذاك البيت
ترى جرحك فتح جرحين
د حاچيني يبوالحسنين
يمن رد الشمس بيده .. شجاك وهالنفس ما رد
@@@
يريتن تنعمي عيوني .. ولا بچفانك اتشوفك
ويريت الموت اخذ عمري .. گبل يوگف نبض جوفك
يبويه الما جفه ليتام .. ترى يتامك فلا اتعوفك
د گوم اتجمعت عالباب .. تتاني مسحة اچفوفك
…
معقوله أگلها شلون
ترى بوكم غمض لعيون
شيسكنهم اذا يبچون
منو اليحظنها من بعدك .. بزمان الجاير الاسود
@@@
انه زينب يبوزينب .. مهو طبعك إلي تجفه
تحاچيني اذا حاچيك .. بسوالف چالدوه وصفه
شعجب وانا جريحه اليوم .. دليلك ما نثر عطفه
عفتني ويه كلمة آه .. اعله كلمه تحچي متلهفه
…
اغص بالعبره و الشهگه
ليتامه اعليك محترگه
صعب ما تحمل الفرگه
وتدري بعدك الشده .. بألمها تالي نتهدد
@@@
اذا انشال النعش عني .. دموعي تنگلب من دم
وحس غربه وعطش بيه .. وعلى طف كربله اتحزم
وبعد عينك يبوالحوره .. اشوف ايتام ومخيم
وشوف ارماح متوزعه .. وجسد عالرمضه يتخذم
…
اشوف حسين بالحومه
ضلوعه بخيل مهشومه
اوتينه ينزف ادمومه
وكفيلي عالنهر نايم .. چفوف مگطعه امن الزند
@@@
بعد عينك يحامي الجار .. تجهزت لسبي لطفوف
اميره امنعمه وبعدك .. ذليله عالهزيله اطوف
انا الماينعرف طولي .. ينظروني بحبل مچتوف
الشمر من گيدي يسحبني .. بشماته والاعادي اتشوف
…
بدواوين الدعيه هناك
اظل ابچي وانا انخاك
عزيزه وذلتي ابلياك
وشمت بيه اللذي بموتك .. بمصاب الطبره يتعيد
@@@
علي أحمد الحمود
٢٢-٣-٢٠٢٤
شهادة الأمير ع
الوفاة
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
فزاعية لشهادة امير المؤمنين عليه السلام
ليلة احدی وعشرون كاني بمولاتي العقيلة زينب عليها السلام
🏴🏴
لا تسد عينك
حاچيني يبويه
لا تسد عينك
حاچيني يبويه
لاتسد عينك
🏴🏴
هاي آنه العقيله .. لاتسد عينك
يومك مالي حيله
فاجعتك ثگيله
سمّعني ونينك
حاچيني يبويه
لاتسد عينك
🏴🏴
فك عينك امروتك .. لاتسد عينك
هوود ليش صوتك
مستعجل بموتك
انگضه البيني او بينك
حاچيني يبويه
لاتسد عينك
🏴🏴
يافينه وغطانه .. لاتسد عينك
ياعزنه وحِمانه
بويه زينب آنه
يكافلني بيمينك
حاچيني يبويه
لاتسد عينك
🏴🏴
ياليث الحرايب .. لاتسد عينك
كشّاف الكرايب
توليني النوايب
من افگد حنينك
حاچيني يبويه
لاتسد عينك
🏴🏴
يمن الله واكبر .. لاتسد عينك
ابعيد البله والشر
صدگ مييت يحيدر
الليله وفاگدينك
حاچيني يبويه
لاتسد عينك
🏴🏴
اكون الموت اليّه .. لاتسد عينك
ياحامي الحميه
فلّت هاي هيّه
بنعشك ماخذينك
حاچيني يبويه
لاتسد عينك
واعلياه
🏴🏴
ام محمد الحجاج
راسك يحيدر منطبر هاليله
طه عليك الدمع دم ايسيله
.
قالع حصنها خيبر
بيت الله بيك اتفطر
تكدر علي وهم تكدر . تفنيها . تفنيها
تدري ابطبر محرابك
باب الله حيدر بابك
جنه الكينه اترابك . ندريها . ندريها
امرالله سيفك شايل
تكدر ترده العايل
باسل يحيدر باسل . حاديها . حاديها
.
يونس نجيته يوم الحيره
راسك يحيدر كله غيره
اجبيره المصيبه حيل اجبيره
المعموره كلها مايصح تحليله
:::::-----:::::
موت ونمت بفراشه
ميهمك الوشاشه
حاشه يحيدر حاشه . ميعوفه . ميعوفه
الصعبه يحيدر شانك
ما تهتم العدوانك
الجنه ثمر بستانك . انشوفه . انشوفه
مثل النجم بالضلمه
واضح يحيدر نجمه
و نور الحياة بعلمه . معروفه . معروفه
.
الله اليريده هوه اعليها
قائد علي اولها و ابتاليها
ربك بديك الجنه و مخليها
حك بدمه كل احنه خل نبجيله
:::::-----:::::
رغم الزمان و جوره
حيدر علي تستوره
قانونه عل معموره . يتعاله . يتعابه
الما تنسي سطراته
حيدر علي نظراته
وما تنسي وكفاته . وفضاله . وفضاله
حيدر من طه قربه
درب الشهاده دربه
الباري يحب الحبه . حياله . حياله
.
الله اليفضلك عن العالم
وانه اعله حبك حيدر هايم
هذا العزاء الحد ضهور القائد
من البجي اعيون خل نعميله
:::::-----:::::
الليله نسوي اقرايه
الشامت نغثه بهايه
نعلك سويه الرايه . بعتابه . بعتابه
افكدك علينه شثكله
وينه الكلب ويحمله
شخله بكلبه شخله . بمصابه . بمصابه
اسمك حيدر جنه
ناخذ شنو نتمنه . من ترابه . من ترابه
.
تربه نشافي كلمن اتعباها
الله الوحيد الي عرف معناها
تاج الحفظ بالجيب خليناها
التيه طريقك بالحشر يا ويله
::::::-----:::::
طه و بجتلك عينه
خلصن عليك سنينه
ويبجي وياه حسينه . والزهره . والزهره
محزن عليك القائم
ثارك يجيبه لازم
عازم المهدي عازم . عالطبره . عالطبره
فكدو علي واليهم
ايتام الك تدريهم
محد يسولف بيهم . الفقره . الفقره
.
ايتام الك يا حيدر ايريدونك
محد من تغمض اعيونك
ضيعو عمرهم لمن يفكدونك
غيرك حملهم حيدر من يشله
:::::-----:::::
حسن صالح العيساوي
حكهم يـــــــــــغارون منك ياعلي
منيلهم مثلك يبو جــــــف الثكيل
همه عــــــدهم زلمه شرد بالقتال
وانت زلمت الله حماي الدخيل
هله يالبعــــيونك غضب رب السمه
ثكل سفيك بيدك جمد فوكه الدمه
طولك بــــراعه يابو الشجاعه
تخضعلك الروس سمعا وطاعه
علي مولاه علي مولاه
ــــــــــــــــــــــــــــــــــــــــــــــــــــــــــــــــــــــ
من تضيك الثامك الدنيه تضيك
علي انــــت وبالحرب تندب علي
سيفك من اترفعه تركعلك روس
لافتى لـــــــــه فـــــــقارك ياولي
فقارك من يزعل تحومر وجنته
بيمينك لو شلته تخوف لمعته
اشـــــــجع مقاتل مفحط الصايل
بيهم صحت صوت هل من منازل
مولاه علي مولاه علي
ــــــــــــــــــــــــــــــــــــــــــــــــــــــــــــــــــــــ
هلا يمـــــــــشمر زلمها على الزلم
منك وتبــــــطل بعد جلمت شهم
الزلم تتلــــــمس ركبها من تفوت
سيفك يمر عــل ركب مثل الحلم
التلوحه بفقارك تشيم ضربتك
بزر بزره بضهره تموت بسطرتك
ليث المعارك بالحومه ضاحك
الله بضـــــربتك يزيد ويبارك
علي مولاه علي مولاه
ــــــــــــــــــــــــــــــــــــــــــــــــــــــــــــــــــــــ
للحرب من تنوي يافحل الفحول
الزلم منك تلــــــبد بسد الخيول
فــــــارس الهيجائي قتال العرب
لغز اسمك حير أصحاب العقول
يسر الله وحلك صعب كلش صعب
علي القاهر سيفك اذا طب للحرب
سر الله حيدر جف الله حيدر
باب الله حيدر وجه الله حيدر
علي مولاه علي مولاه
ــــــــــــــــــــــــــــــــــــــــــــــــــــــــــــــــــــــ
الله جاعل بيك سر كلش عظيم
انت بسم الله الـرحمن الرحيم
انت قرآن الله يقراك للرسول
ياعلي وانت صراط المستقيم
يسر الله الاعظم منو يشبهك منو
يحيدر للزهرة فقط انت الكفو
سيد البريه حامي الحميه
تبقى انت حيدر روح الزجيه
علي مولاه علي مولاه
ــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
قصيده للامام علي عليه السلام
يوم الوصيه ووداع اولاده
وزن نصاري
┈┉┅━━━━┉┉┈
ياعباس بــويه ادري انه بيك
بزينب يبو فاضل ارد اوصيك
صيـر الها يعباس
عصابه على الراس
يــوم الغاضريه تــره امتانيك
┈┉┅━━━━┉┉┈
ياعـبـاس ادنــــه بـــويـــه يمي
اشوف ام عون تبجي وزاد همي
تـنــضـــر راســي منه يفور دمي
نشف ادمــــوعـهـا بيدك اوسمي
اخاف اعليها يبني
لــو دهري غدرني
حاميها يبويه مــــــــن اعاديك
*ام منـ✍ـــــذر الحجار*
┈┉┅━━━━┉┉┈
حاميـهـا يبو فـاضــل يجيدوم
بـــيـــدك سلـمـتها اختـك اليوم
لـهـا انــتــه كفيـل وتبقى للدوم
زيـنـب سمعته ودمـوعـها دموم
زينب هاي بيدك
تـحـمـيهـا اريدك
وبــهــاي الامــانــه ارد حاجيك
*مريــ✍ـــــم الحجيمي*
┈┉┅━━━━┉┉┈
اخـتــك هـــــاي خليها بالعيون
مااريــد الزلـم بــيــــــه يعيلون
امــنــتــك وصيه الكـل يعرفون
عباس الــبــطـــــل منـه يهابون
انـت معرب الساس
يبو فاضل ينوماس
لـيـث المــوزمه ياحلو طاريك
*ام حسـ✍ـــــين رنا*
┈┉┅━━━━┉┉┈
ربــاط الخـــــوة شديته ابيمناك
وعالـــذل ادري ابد ماتفغه عيناك
هــــاي اختك اريدن تبقى بحماك
تصير الــهــا الكفيل ابكربله اهناك
مااريـد اختك اتحير
سندها اهناكه اتصير
دوم الــهــا ضـخـر يوليدي خليك
*ام زهــ✍ــــراء الزيداويه البصراويه*
┈┉┅━━━━┉┉┈
ياضــرغــام هــاي اخـتـك وصيه
تــدري گــــربـــــت مـنــي المنيه
وادري بــــــيــــك يالـكلك حميه
لا تــــتـــــركــهـا يــوم الغاضريه
لو گطعو جفوفك
زينب ماتعـــوفك
بدروب السبي خــــــويه تناديك
*ميــ✍ـــــساء ام حسن*
┈┉┅━━━━┉┉┈
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
✍️✍️✍️✍️✍️
قصيدة في شهادة أمير المؤمنين علي عليه السلام بلسان العقيلة زينب ع …
ــــــــــــــــــــــــــــــــــــــــــــــــــــــــــــــــــــــــــــ
جريمة طَبرِتَك أليمة فَرگِتك
ــــــــــــــــــــــــــــــــــــــــــــــــــــ
يالملامـح وجهـــك ٱدّل عالرحـيل
وانه أمــلِك بويه أكــثر مِن دلـيـل
خلاف عينك حِملي ياحيدر ثجيل
ظلّــت الدنــيا بأهل بيتـــك تِعيـل
وانه إلهه محزّمة بصـبري الجميل
تدري بينا شصار يا حامي الدخيل
تِجَرّت دِنيتَك أليمة فرگتك
ــــــــــــــــــــــــــــــــــــــــــــــــــــــــ
لَسه تِــدّي مِن وداع أمي الجروح
هِيّ راحـت ونتَه عن زيـنب تروح
رِيحِتك ريحة صَـنادل مِن تــفوح
فارگتنـي يا أبو الوجـهِ الصــبوح
إنتَ حـــيدر مَحّد لشأنك يلــــوح
والتبـغضك أعلِنت وبكل وضـوح
يَحيدرغِدرِتَك أليمة فرگتك
ــــــــــــــــــــــــــــــــــــــــــــــــــــــ
عيني شافت وجهك مغطّى بدموم
والـمنايا ٱعــلينه مِن ظلّـت تحــوم
وبالســـماء ٱتـنادبت كلــها النـجوم
لو شمـسنا اللبســت ثياب الغمــوم
عِصــفت بكـوفانك ٱريـاح الهــموم
أسد خيـــبر دامـي ما يگدر يگــوم
حزينة كوفِتَك أليمة فرگتك
ـــــــــــــــــــــــــــــــــــــــــــــــــــــــ
مِن نزل وحي الله جبريل السلام
تِـهمل ٱدموعه وينـادي يا إمــــام
هَـدّموا دين الله وبشــهر الصيـام
ونحِجَب عَنّا الضوه وحَلّ الظـلام
مِن بَـعد طـه ٱنعـرف خـير الانـام
بلـيلة القدر ٱنذبـح نَحــر الحَـمام
بليّة طَيحِتَك أليمة فرگتك
ــــــــــــــــــــــــــــــــــــــــــــــــــــــــــ
نَعـشَك إنتَ ٱنشـال بويه ٱعللچتوف
بويه ما تدري شحِصَل يوم الطـفوف
دارَت ٱعلِـينه الجـَحافل بالألــــــوف
ذبحَوا أولادي وأخوتي وانه أشــوف
أبــو فاضــل عالشـريعة بلا چـفــوف
حسين ظامي گطّعَت جِسمه السيوف
سِبِيّة ٱبنَيّـتَك أليمة فرگتك
ـــــــــــــــــــــــــــــــــــــــــــــــــــــــــــــ
بويه عِفت حسين عاري ٱعللرمال
بـلايه رَاس ومَثّــلَت بِيهِ النصــال
رِدتَ أودّع كافلي وما صَح مجال
بطَيــحَة العبـاس فارَگــتِ الـدّلال
وبـعَـباتـي ظَلّـــت تــلوذ العِـــيال
تالـــي مَسبـية ويِچتفوني بـحِبال
وحيدة ضَنوِتَك أليمة فرگتك
ـــــــــــــــــــــــــــــــــــــــــــــــــــــــــــ
بقلم الأستاذ / ستارعذاب الحچامي
بوداعة الله ياعلي
@@@
يا ريت ما صار الفجر .. بوداعة الله ياعلي
وعالهامه راسك ينطبر .. بوداعة الله ياعلي
وظهر الهدايه ينكسر .. بوداعة الله ياعلي
ونصبح بعد ماكو الولي .. بوداعة الله ياعلي
@@@
جبريل ناده بالسمه .. بوداعة الله ياعلي
طايح علي حامي الحمه .. بوداعة الله ياعلي
والهامه منه امهشمه .. بوداعة الله ياعلي
ومحرابه بالدم ممتلي .. بوداعة الله ياعلي
@@@
يلي بسجودك من طحت .. بوداعة الله ياعلي
من لليتامه لو رحت .. بوداعة الله ياعلي
وجفن اليتامه جرحت .. بوداعة الله ياعلي
والصوت منها يعتلي .. بوداعة الله ياعلي
@@@
هم اليتامه لو يزيد .. بوداعة الله ياعلي
ابلياك مابگي لها عيد .. بوداعة الله ياعلي
ولا لبست الثوب الجديد .. بوداعة الله ياعلي
والضيم بيها يغتلي .. بوداعة الله ياعلي
@@@
لاوين يا فارس بدر .. بوداعة الله ياعلي
شوف العداله تحتضر .. بوداعة الله ياعلي
بس تندفن وسط الگبر .. بوداعة الله ياعلي
ما يكون همنه ينجلي .. بوداعة الله ياعلي
@@@
النوح بعدك ماكفى .. بوداعة الله ياعلي
وبعدك ينفس المصطفى .. بوداعة الله ياعلي
صحنه على الدنيه العفى .. بوداعة الله ياعلي
وبالضيم صرنه ننولي .. بوداعة الله ياعلي
@@@
علي أحمد الحمود
٢٤-٣-٢٠٢٤
شهادة الأمير ع
((قصيده لمولد مولاي الامام الحسن عليه السلام))
اجينه انعايده .. فرحنه بمولده
امامــــنا الحسن.. امامـــــنا الحسن
༺༺༻༺༻༺༻༻
بزغ نور ٠٠ بالاكوان ٠٠ والافلاك
مله العالم ضوه
جمـــاله ٠٠ وصفـاته ٠٠ ونسـيمه
اعـــز من الهوه
الف مبروك ياحامي الحميه
ولادة شبلك بهـــاي المسيه
شبيه المصطفى خير البريه
وامه الفخــر فاطمة الزچيه
اجتمعنه بفرحته ٠٠ ابتهجنه بطلعته
امامــــنا الحسن .. امامـــنا الحسن
༺༺༻༺༻༺༻༻
بسخاءه ٠٠ الدواوين ٠٠ تســــولف
الكرم مخلوق اله
بمضيفه ٠٠ صبح ليل ٠٠ عطر هيل
ابو چـــــلمة هله
مابردت الدلّه وعـــامر الــــدار
بالموگد ولا ســـاعه طفه النار
بگهوته ايطيب کلمن طبله خطار
مثل بيت الله بيت الحسن ينزار
عطائه والكرم ٠٠ بحر من النعم
امامــــــنا الحسن .. امامـــــــنا الحسن
༺༺༻༺༻༺༻༺༻༻
حــــــلاته ٠٠ ونظــرته ٠٠ وبسمته
خجل بيها الوصف
الشعِر حار ٠٠ والاوزان ٠٠ والاقلام
شتوصف يا حرف
الورد من الحسن مختار عطــــره
بي ريحة علي ونسمة الزهــــــره
الکلب عاشگ صفاته على الفطره
من ابو محمد نريد الليله نظــــره
شيوصف هيبته ٠٠ ابن اشرف فتى
امامـــــنا الحسن.. امامـــنا الحسن
༺༺༻༺༻༺༻༺༻
دعــــانه ٠٠ بدمعنه ٠٠ ورجانه
نشوف اكبر صحن
ونکصده ٠٠ ونزوره ٠٠ ونسـلم
سلامـــــــاً للحسن
گبه نريد تتعــــــــــــاله ومناره
ويوم الجمعه نمشـــــي للزياره
وحظره تجتمـــــع بيها الغياره
اكيد الفرج قـــــــادم والبشاره
اصلي عالنبي ٠٠ يروحي رحبي
امامـــنا الحـسن.. امامــــنا الحـسن
༺༺༻༺༻༺༻༺
الانظار ٠٠ والامآل ٠٠ والعيون
تتــاني المنتظر
الفرج لاح ٠٠ عالبواب ٠٠ أمتانين
فقط نسمع خبر
ظَهَرَ مهدينه وهلال الفرج لاح
دولة عدل ويعم بيها الاصلاح
تتهنه النفس واتطيب الجـراح
وجه الله الزوال الشده مفتاح
المراقد تنبني ٠٠ وحزنّه ينجلي
امامــنا الحسن.. امامــنا الحسن
༺༺༻༺༻༺༻
حيدر بشار الدراجي
بين اجاني ومااجاني امن الضلع للطبرة اتاني
الله كاتب للحبايب ملتقى بعد الممات
والتقينة بس بجينة والسبب بالذكريات
___
من بعد فركه انسمع بيها ونيني
الليله ابو حسين وابو بيتي يجيني
يمته اشوفه وبين بوجهي حنيني
ادري تشفة طبرته بلمسه يميني
من اهد بيتة وحنانه فارغ بكلبي مكانه
ودم طبرتة من فركتة ماتت شكد امنيات
والتقينة بس بجينة والسبب بالذكريات
___
كبال باب الجنه محسن ابني كاعد
مامصدك راح يغفه بحضن والد
بعد كسر ضلوع عيني ماتشاهد
نعيش بالجنه سويه ابكلب واحد
محسن يتاني رجعته ومن رجع حيدر شبكته
بعد فكدي وحفر لحدي ميتة بعيونة الحياة
والتقينة بس بجينة والسبب بالذكريات
__
شفته والشيب انمسح بثنين اديه
وكلي مشتاك لحنانج يالزجيه
شلونهم ولدي سألته ورد عليه
لسه يبجون اعله ضلعج كل مسيه
نارج وناري جوتهم والمصايب كبرتهم
بالمدامع والمواجع ضلت اولادج تبات
والتقينة بس بجينة والسبب بالذكريات
_
كتله سولفلي اعله بيتي شلونه بعدي
شلون الايتام الاحسهم مثل ولدي
من اهد كسرت ضلوعي وانه وحدي
خل ابشرك طابت السطره اعله خدي
فدوه خليني ابقة يمك مرة احضنك مرة اشمك
كافي نبجي خلي نحجي عن عمر بالفركة فات
والتقينة بس بجينة والسبب بالذكريات
____
بعد كتله وهلت دموع النواضر
خلي نمشي لدارك بكسر الخواطر
خوفي زينب عكب عينك ماتكابر
الطبره هينه والصعب كطع المناحر
بالضهر هسة كمرها باجر سياط بضهرها
يعذبوها كبال اخوها والجفوف مكطعات
والتقينة بس بجينة والسبب بالذكريات
___
سيد معتز الحسيني
راح كل دلالي بطبرتك
ليش ماتحاجي بنيتك
___
هاي اول مره اشوفك تحجي بعيونك
وهاي اول مره اخجل اسال شلونك
يابعد لوني بطبرتك منخطف لونك
كون ميته ولانضرتك من يكودونك
اخ اسمعت بذني صيحتك
ليش ماتحاجي بنيتك
__
كل سنه عيدية منك تاخذ الوادم
والسنه العيدية عندي كومتك سالم
يامن بريحه عباتك يفطر الصايم
مامعودني اشوفك بالفجر نايم
هاي بويه مو من عادتك
ليش ماتحاجي بنيتك
__
جنت طفله وامي راحت وانته صرت امي
بصوتها يابويه اَذكرك شكد صحت بسمي
كلبي بالطبره تمنه فاطمه يمي
عالاقل ابجي بحضنها واشكي كل همي
ريت يمي امي العافتك
ليش ماتحاجي بنيتك
__
مدري ليش الموت احسه واكف ابابي
كمت اشوف العيد اسود يشبه ثيابي
انت مو تدريني احبك حبي لحجابي
شلون اودعك وانت عندي اغله احبابي
حيل تريد مني جنازتك
ليش ماتحاجي بنيتك
_
اعليك طولك ياحبيبي اليوجع فراكه
بكربله ليلت الوحشة كون نتلاكه
سلم اعله الزهره امي الالها مشتاكه
وكلها زينب عكب عيني تمشي عالناكه
نوك اصعد انه بفركتك
ليش ماتحاجي بنيتك
_
جنت يمها تخلي كلبك لوردت تطلع
رايح وذيج الليالي ماضن ماترجع
جنت من ابجي جفوفك تمسح المدمع
وهسه منك كلمه بويه بعد مااسمع
بروح اشتريها كلمتك
ليش ماتحاجي بنيتك
_
سيد معتز الحسيني
مصاب الامام علي
___
ساعد الله قلب زينب وهي تره والدها مخضب بدماء لايقوه على الحركه وقد غدر في مسجده من اشقا الاشقياء واه حيدراه واه ابتاه من لنا بعدكم باخيمتنه وضخرنا وملاذنا وكهف اليتامه والارامل والامساكين .
*نعي*
يلي تون وسمع ونينك.
فكلي يبويه اليوم عينك.
من خضبك ودمه جبينك.
يومك عليه موش بالهون.
حيدر علي يابعد العيون.
ياهو الذي ايم اليصلون.
ياهو الذي ايذن بالاذان.
صوته يصحي الجسمه تعبان.
الله اكبر عالي الشأن.
مضروب بالهامه ولينه.
برمضان ليش محزنينه.
والعيد هالمجبل علينه.
اشلون العزيز يودعونه.
اسم الله يارب اعله بونه.
اشلون ولده يفاركونه.
ياكون موتتنه سويه.
لو رحت كلي شلون بيه.
الديره كلها تفج عليه.
مهيبونه وزين النشامه.
ياربي يكوم بسلامه.
يا مفخرت اهله وعمامه.
فزعتنه ومحلي حجينه.
لا كالهه الله مضيعينه.
نموت كون يسدها عينه.
ناموسنه بين الطوايف.
كلبي عليه اليوم خايف.
وبجفهةانصد الحتايف.
ياخيمه ومظلل على الروس.
يا نشمي يمشيم وناموس.
حيدر يمنك ناخذ دروس .
*ناعيه الخيام*
ام فاطمة الزهراء
جرح امير المؤمنين ع
لخاطر المظلـومه بنتك .. اشـفـي يابـويه طبرتك
أمــوات قــادر ياعلـي تحـيـها
طبرتك يابويه فـدوه اشفـيها
،،،،،،،،،،،،،،،،،،،،،،،،،،،،،،،،،،،،،،،،
انـت قــادر ياعلي وامفـوضك الله
تحيي ميت تبري اعمه تشفي عـله
يمـن أمــر الـكـون بـيـدك هـذا كـله
الطبره اذا تشفيها بويه عليك سهله
اقسم عليك بغـربتي .. لا تـرد بويه طلبتي
منها اصعب ياعلي وتگـضيها
طبرتك يابويه فدوه اشفـيها.
،،،،،،،،،،،،،،،،،،،،،،،،،،،،،،،،،،،،،،،،
باب خـيبر ذيـچ الثگـيله اقلعـتها
والشمس ادري الصلاتك رجعـتها
واني هاي الطلبه منك بس ردتها
ترحمه حـالي طبرتـك لو طيبتها
لا تخـليـني يتـيمه .. اليتم بويه هضيمه
لـهـضـم زينب لورحت يلفيها
طبرتك يابويه فدوه اشفـيها
،،،،،،،،،،،،،،،،،،،،،،،،،،،،،،،،،،،،،،،،
اليتـم للمـثلي بويـه هـواي صعبه
العيشه من بعدك اليه تعني غـربه
الله مو وصه الموده بذوي القـربه
وقربي اكثر شي علي توده وتحبه
ليش چا اتـركه قـربي .. وجرح تترك وسط گلبي
بنص دليلي اجروح لتخـلـيها
طبرتك يابويه فدوه اشفـيها
،،،،،،،،،،،،،،،،،،،،،،،،،،،،،،،،،،،،،،،،
ادري بيـدك هالامـر وانـتـه التـريـده
بس يبويه شلون ترضه ابقه وحيده
اليـتـم دوره صعـب وشلـون اجـيـده
ريت وي محسن رحت وامي شهيده
لو شهـيده ويَ الزچيه .. هـواي اهون من سبيه
وشمر زينـب باچـر اليسـبـيـها
طبرتك يابويه فـدوه اشفـيها
،،،،،،،،،،،،،،،،،،،،،،،،،،،،،،،،،،،،،،،،
كلشي باچر يختلف لحظة دفنتك
لهلـسبب ويانـه تبـقـه بويه ردتـك
المصايب باچـر اتصب عله بنـتـك
ينسفك دم بويه والحرمات تـُهتك
تنذبح اطفال رضع .. خيمه فوگ الروس توگع
وحـرم تلـطـم منذبـح واليـها
طبرتك يابويه فدوه اشفيـها
،،،،،،،،،،،،،،،،،،،،،،،،،،،،،،،،،،،،،،،،
بويـه ساعـة كـربلـه كـلـش عصـيـبه
نشـوف بيـها ياعلـي ذيــچ المـصيـبه
جثه فوگ الشاطي مذبوحه وخضيبه
وجـثـه يـم اخـيـامـنـه ضلت سلـيـبه
الماي شح عليها گطره .. وخيل بيها اتدوس عشره
الخيل ضلت ويلي تلعـب بيها
طبرتك يابويه فدوه اشفيـها
الشاعر عقيل الحسناوي..
مُصَابٌ أَلْبَسَ الْأَكْوَانَ أَحْزَانَا
لَهُ الْأَمْلَاكُ تُجْرِي الدَّمْعَ عُقْيَانَا
وَذَا الْقُرْآنُ يَنْعَى الْيَوْمَ قُرْآنَا
عَلِيٌّ مِنْهُ أَرْخَى الْمَوْتُ أَجْفَانَا
-----------------------
بَكَى عَرْشُ السَّمَا وَاللَّوْحُ وَالْكُرْسِي
لِمَنْ ضَحَّى فِدَاءَ الدِّينِ بِالنَّفْسِ
بِسَيْفِ الْجَوْرِ شُقَّتْ هَامَةُ الشَّمْسِ
فَوَالَهْفِي عَلِيٌّ فِي الثَّرَى يُمْسِي؟!
-----------------------
خَضِيبَاً مُذْ هَوَى الْكَرِّارُ مَطْبُورَا
غَدَا قَلْبُ النِّبِيِّ الطُّهْرِ مَقْهُورَا
وَقَلْبُ الْبَّضْعَةِ الزَّهْراءِ مْفْطُورَا
وَدَمْعُ الْآلِ فَوْقَ الْخَدِّ مَنْثُورَا
-----------------------
قَضَى مَنْ كَانَ لِلْأَيْتَامِ رَجْوَاهَا
فَمَنْ إِنْ مَاتَ حِجْرُ الْعَطْفِ يَرْعَاهَا؟
فَمَنْ يَحْنُو عَلَيْهَا رَغْمَ بَلْوَاهَا؟
وَدَاعُ الْمُرْتَضَى الْكَرَّارِ أَدْمَاهَا
-----------------------
أَحَقَّاً غَابَ كَهْفِي تَسْأَلُ الْحَوْرَا؟
أَحَقَّاً قَدْ حَفَرْتُمْ فِي الثَّرَى قَبْرَا؟
فُؤَادِي لَمْ يَزَلْ يَبْكِي عَلَى الزَّهْرَا
فَمَا حَالِي بِمَوْتِ الْآيَةِ الْكُبْرَى؟!
-----------------------
أَتَى الْعَبَّاسُ هَمَّاً دَمْعُهُ يَجْرِي
يُعَزِّي زَيْنَبَاً يَاقُوتَةَ الْخِدْرِ
وَلَكِنْ حِينَمَا يَهْوِي عَلَى النَّهْرِ
مَنِ الْحَامِي لَهَا مِنْ قَبْضَةِ الشِّمْرِ؟
-----------------------
#الليالي_العلوية
الشاعر حسن خنافر العاملي
آ يبويه .. دلالي .. آ يبويه
ابهالمسيه .. يغالي .. ابهالمسيه
اشچم رزيه .. عليه .. آ يبويه
@@@
بويه يا اغلى الغوالي .. يا اجل واعظم بشر
زينب انا ويمك انحب .. والدمع مثل المطر
ساعه ادعي تگوم سالم .. ساعه اقره بالسور
وانا گلبي چن راسك .. يا ابوالعتره انطبر
…
گلبي حنك يلچمه گلبي حنك
وچان ونك ييمه چان ونك
ومافي اي شي بديه .. آ يبويه
@@@
بويه بعيوني الوسيعه .. اتضيگ وآفاق السمه
من اشيل اعصاب راسك .. والجرح ينزف دمه
ريت يمي هالمسيه .. تجيني امي فاطمه
اتشوف من باره ضلعها .. هامته متهشمه
…
لهامه واضلوع صفالي لهامه واضلوع
انزف ادموع يوالي انزف ادموع
وگلبي مفجوع رزيه .. آ يبويه
@@@
أنته آهك وانا آهي .. اتشاركن آه او دمع
ومن انوح اعليك ليلي .. ينطفي مثل الشمع
تخنگ العبرات روحي .. وتنشلع روحي شلع
اوجهك الاصفر يبويه .. خله گلبي تنفجع
…
الزاهي يشرح جلاله الزاهي يشرح
اصفر اصبح جماله اصفر اصبح
ودمه عالخد نديه .. آ يبويه
@@@
يالچنت خيمه علينه .. وللهدى الركن المتين
الخيمه طاحت والهاديه .. اتهدمت يا بوالحسين
عمامتك طاحت علينه .. وانشطر تالي الجبين
وهيه من طاحت علينه .. انكتب ضيم السنين
…
بهاي طبره انحسبنه ابهاي طبره
الدهر مره انكتبنه الدهر مره
من عزيه لعزيه .. آ يبويه
@@@
ماصبرت العيد مجبل .. يالبدونك ماكو عيد
وهيه ايتامك تتاني .. تلبس الثوب الجديد
مادرت حيدر ابوها .. راحل ابطبرة حديد
وعيدت لحزان بينه .. ابلا سعاده ولا سعيد
…
لله نشكو انضهدنه لله نشكو
العيد ماكو ابسعدنه العيد ماكو
راح حامي الحميه .. آ يبويه
@@@
چني من انظر طبرتك .. بويه ياعقد الوله
مو جرح جاري نزيفه .. چني انظر كربله
هالجرح يشرح مصايب .. مامثلها بأي مله
منحر واجساد صرعه .. وسبه تالي العايله
…
ابجرحك الطف اشوفه ابجرحك الطف
منحر او چفه اعوفه منحر او چف
وانا امشي سبيه .. آ يبويه
@@@
علي أحمد الحمود
٢٣-٣-٢٠٢٤
شهادة الأمير ع
هليله اسافر لـسـمه…. و راح التقي وي فاطـمه
يم زهرة 🌼 احلامي… … يكمل ترة اصيامي
واتسحر اوياها سوه
★★★★★★★★★
يانـــــاس ذابحنـــــــي البعـــد والدنيا ماتحلالي
چَم دوب اظل صايم أنـــه وغايب عليه اهلالي
متعلم اتسحر گــــبل وام الحســـــــين اگبالي
من شالت ام بيتي ومشت والله انمــــرد دلالي
موعدنا يبدي من انطبر…واتلاگه وياها الفجر 🌆
من الگاها جدامي….. … يكمل ترة اصيامي
وتسحر اوياها سوه
★★★★★★★★★
گاعد ابمحرابي انتظر وبموتي احس الراحه
بـــس اني اعرف لو رحت زينب فلا مرتاحه
جدامي الحسين وحسن كلمن يكض بصفاحه
راووني موقف كربله و شالت الروس ارماحه
ظليت اشم بيهم سوه …. وبريتي مخنوگ الهوه
من اشتم ايتامي … ..… يكمل ترة اصيامي
وتسحر اوياها سوه
★★★★★★★★★
كلما يطر وجه الفجر ارجع واعيد احسابي
اتوظه بدموع الهجر والگه السمه ابمحرابي
اكشخ الملگه فاطمه وزينب تشم بثيابي
والحسن يبچي اشما نظر دم الوديعه ابابي
وحسين اشوفه ابلا نَحَر… يبچي ويسولف للگمر
ويگلي بخيامي… ..… يكمل ترة اصيامي
وتسحر اوياها سوه
★★★★★★★★★
دنيا انعدم بيها الوفه والناس ماچن ناسي
ازغير وكبر بيه الجرح والشيب تارس راسي
نار 🔥الفتن واهل الفتن حرگة خيم بنفاسي
ماچني عايش ويبشر بالگبر عاش احساسي
وادمنه ابــد ما تنصح …ذبحوا ورد يـــم الفلح
بستاني چي دامي….. ..… يكمل ترة اصيامي
وتسحر اوياها سوه
★★★★★★★★★
راح التقي وياام الحسن وعرض صور تذكاري
بس خايف اتگلي بعد يوجعنــــــي اثر بسماري
شَرد احچي لو گالت الي عدمن تركت ازغاري
من يوم رحتي وداعتچ ناعي المصيبه ابداري
عن طبرتي وكسر الضلع…نحچي ويسلينه الدمع
من البس احرامي…يكمل ترة اصيامي
وتسحر اوياها سوه
★★★★★★★★★
اه يالحسن اه يالگمر يحسين ياظي عيني
زينب يبعد اهلي ترة افراگچ گرب ودعيني
زينب أمانــــه ولو بچت تكسرني وتبچيني
يخوان زينــــب أمنت يمكم بقايه اسنيني
امنت روحي وكل هلي…يمكم وريحانت علي
لو رفت اعلامـــــي… يكمل ترة اصيامي
وتسحر اوياها سوه
★★★★★★★★★
عباس اريدك ياگمر من امشي توفي اعهودك
وبكربله الزينــــب تجي ويمها تـــذب ازنودك
خلي السمه تعطش ظمه بس لا تعطش اورودك
وزينب تظل رايــــة شرف وادگها فوگ احدودك
وحسين اخيك لوعطش…شيل النهر يمه ابنَعَش
من يرتوي الظامي... يكمل ترة اصيامي
وتسحر اوياها سوه
★★★★★★★★★
هاي انـــه زينب ياعلي تانـــــــــي گبـل لتسافر
خليني اشمن منحرك اوديهــــــــا لمـــــي باچر
گللها زينب حافظه اوصيتچ الـــــيــوم العاشر
احسين اقبل منحرة وصدرة يدوســه الحافر
الحافر أبـد لا موسهل..يسحگ على حسين وعدل
لو يسحگ اعظامي… يكمل ترة اصيامي
وتسحر اوياها سوه
★★★★★★★★★
ـــــــــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء
بعد يسوالف حسيني ملحچان
عليتن وآنه بچفوفي ملحچان
موش اتراب بجروحه ملح چان
وفوگ الملح روك اخيول اميه
....
الشاعر محمد حسن ضيغم
/channel/alnaay2022
شهادة إمام المتقين عليه السلام
لسان حال مولاتي العقيلة عليها السلام
ليلة عشرين
🏴🏴
ونّاتك تحرگ بفّادي
يابويه وحالك مترادي
بدمعه وحسره
اتجس الطبره
يابويه وحالك مترادي
🏴🏴
شافت جرحه الينزف بعده
ولطمت خدهه بچف الايد
ليش اتون يانور عيوني
شني الماذيك وشتريد
افديلك روحي وكل عمري
بس كونك تسلم ياحيد
شد حيلك ياحيل البيّه
يل وجهك لبنيتك عيد
تجري العبره
اتجس الطبره
يابويه وحالك مترادي
🏴🏴
تمم صومك ويّه عيالك
شد حيلك يابويه وطيب
الايتام ابابك تبچي
ولمساكينك صوت انحيب
والفقره اتنادي ياحيدر
حيدر مثلك مين انجيب
يمعيّشنه بخير ونعمه
نضيع اخلافك من تغيب
وگلبي تكسره
اتجس الطبره
يابويه وحالك مترادي
🏴🏴
وآنه انهد كل عزم البيّه
بيش اجبر گلبي المكسور
وترجف كل عضاي وروحي
مابين الحسبات ادّور
من عاين جرحك واتحسف
وامييس راح الدكتور
نار الهضمه تاكل بيّه
وبين ضلوعي الحسره تفور
وين الزهره
اتجس الطبره
يابويه وحالك مترادي
🏴🏴
ريت امي الليله اتجابلني
وتساعدني اعله الونّات
وتشاركني بهضم امصابي
هلكسره تريد احبيبات
والينه يودّعنه الليله
وعيونه تسولف لچمات
آخر عمره
اتجس الطبره
يابويه وحالك مترادي
🏴🏴
وا علياه
ام محمد الحجاج
مربعه فزاعيه لجرح الإمام علي ع
😭😭😭😭😭
الليه ابو الحسن مصيوب يحبابه
وزينب عالحنين اتصيح يا يابه
.........................
الليله ابو الحسن طايح يتچوله
وزينب للمصاب اتصيح مذهوله
تگول شلون بويه تشيل معقوله
واتنوح اليتامه اليوم يم بابه
✍ام حسين العسكري ناصريه
**
زينب علحنين تنوح وتنادي
رايح ياولينه وريحة الهادي
بويه ياطبرتك حركت افادي
حا يابوي تجوي الفركه لهابه
✍ الحجيه ام علي بصره
*
يم بابه تنوح اوتلطم اعللهام
ياوالي الحرم ياوالي الايتام
شلون اعيونه من بعدك اتنام
وي زينب نون اليوم لمصابه
✍ام منذر الحجار
****
الليله ابو الحسن. ماكمل صيامه .
تكطر دم يويلي اليوم العمامه.
وصوابه كلف مطبور عالهامه.
شديها يزينب لجله العصابه
✍أم حسين العباد
*
وسجادت صلاته تنزف ادموم
ابوالحسنين نوره يختفي اليوم
تون اعليك صاحت بويه چلثوم
وتتناثر دموع العين سجابه
✍زمن حاتم
**
تتناثر دموع العين وتنادي
يا نار السرت هاليوم بفادي
صاحت صوت ما يدري شجره الهادي
يون اعليه ويبچي الليله محرابه
✍ام حسين العسكري ناصريه
**
تمت بعون وتوفيقه في الملتقى الحسيني للشاعرات بأقلام ناعيات الطف
✍ الحاجه ام حسين العسكري ناصريه
✍الحجيه ام علي بصره
✍الحجيه ام منذر نجف
✍ام حسين العباد بصره
✍زمن حاتم الربيعي واسط
تمت بتاريخ /5/16رمضان