7993
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصيده لام البنين عليها السلام
++++++++++
گلت بالموت /زينب تعدل الشيله
+++++++++++
تعدل اوسادتي ابهيده /گلت بالموت
نسولف والحجي انعيده /گلت بالموت
على المذبوح بالبيده /گلت بالموت
واگلها اصياحجن للعطش هدحيله
لوشاف اعياله /السلبوها
*ام ستــ✍️ـار الكعبي*
++++++++++
ابساعات الأجل يمي /گلت بالموت
تون واتگول هايمي /گلت بالموت
شريكه امصابنه اووني /گلت بالموت
واگلها حسين يم راسي وتونيله
بأعلاج الموت/ ابجي اوياها
*ام ستــ✍️ـار الكعبي*
+++++++++++
ردتها ام عون ويايه
تگعد يمي شجايه
اوياها صاحب الرايه
تگعد يمي للعباس تنعيله
امك عباس/اتعناها
*ام منـــ✍️ـذر الحجار*
+++++++++++
عليج الاه والونه /گلت بالموت
يم عباس المجنه /گلت بالموت
نريد حسين يحضرنه/گلت بالموت
بالزهره الزجيه اعليكم ادخيله
(كل شده وضيجه/اتحضرونه)
*ام ستـ✍️ــــار الكعبي*
+++++++++++
ضلت عيني تتربه/گلت بالموت
واتمنيت الحبيبه/گلت بالموت
تعدل راسي واتگلبه /گلت بالموت
تعدل رگبتي وراسي تتجيله
(وتغمض /باديها اعيوني)
*ام منـــ✍️ــذر الحجار*
+++++++++++
تمنيتج ييمه احذاي
يزينب يابعد عيناي
تنگطلي باديج الماي
ذاب الگلب وارتدعت مفاصيله
تنوحيني / لو جاني الموت
*ام منــ✍️ــذر الحجار*
+++++++++++
*تمت بعون الله باقلام شاعرات اهل البيت عليهم السلام*
*ام ستار الكعبي*✍️✍️
*ام منذر الحجار* ✍️✍️
*لانجيز حذف الاسماء ونسألكم الدعاء* 🤲🤲
تقرا نعي او لطميه
ام البنين تودع الحسين وإخوته
ربيتكم ورويحتي تلوع
واتنطر تمسحون الدموع
*---------------------*----------------------*
ربيتكم وأنتظر هاليوم
بوكفتكم لنصرة المظلوم
بجفوفكم زيلوها الهموم
لحسين اخوكم صيرو دروع
*-----------------------*--------------------*
أربع أولاد وياك وديت
همه هيبتي وعمدان للبيت
الك عباس راعي الجود ذخريت
يبني حسين الك أولادي شموع
*---------------------*--------------------*
انا الربيتهم أولادي شجعان
الينهضون لو شافو العدوان
يالبوجودهم تنزال الأحزان
واهم للوالهه يمسحون الدموع
*---------------------*--------------------*
لتقصرون عن زينب واخوها
وبيوم النوايب ساعدوها
عزيزه اشكثر عد أمها وأبوها
خوفي يضل قلبها دومه موجوع
*--------------------*-------------------*
ياغالين عد الله ذكركم
ها يالشايلين وصية أمكم
ترى بحسين يايمه فخركم
وتخلون رأسي دوم مرفوع
*----------------------*--------------------*
محمد دعبل النوري
استشهاد السيدة الطاهرة #أم_البنين عليها السلام
#مجاريد :
اتمنيتكم يُمه تجـــوني
وساعة منيتي اتغمضوني
والگبري يَيُمه اتشيعوني
ووسط التراب اتنزلــوني
يولادي چانت من اظنوني
لو لحظه تنظركم اعيـوني
مو وحدي بعدكم تتركوني
____
#فاطمة_كريم
٢٠٢٤ م
الى ام البنين ع
مو بعيد الموت عني ساعه ويچفنوني
نلتقي يم الزچيه يالعميت عيوني
واحسيناه واحسيناه
****
راح اموت وعيني حمره نعمه هاي امن الإلاه
انه مبخوته وبچيتك يبني هذا اعظم بلاء
الزهره من تسالني عينچ ليش متروسه دماء
بكل فخر اوگف وگلها عمت عيني كربلاء
كون حمره دموعي تبقه وابد ميغسلوني
نلتقي يم الزچيه يالعميت عيوني
واحسيناه واحسيناه
****
بكل وكت يحسين انته حچايتي وموضوعي
اي لطمت اهواي بعدك وما هجعلك روعي
لا تظن لجلك يغالي تشفي صدري دموعي
هوه لو جائز وحگك كسريت اضلوعي
انه من اسنين ميته بس بقه يدفنوني
نلتقي يم الزچيه يالعميت عيوني
واحسيناه واحسيناه
****
يبني ما مر ليل بيه اله وانه اعله الترب
خذت من البيت كلشي چا بعد المن اطب
الديره انته الماهو بيها مايها ما ينشرب
لا هواها اليطب ريه ولا يدگ بيها الگلب
سلني حيل افراگك انته إخفيفه لو شيعوني
نلتقي يم الزچيه يالعميت عيوني
واحسيناه واحسيناه
****
حيل اخاف الباب اسده وابد ما سديته
حتى عطرك من يسبگك ما يتيه بيته
اگبال بابي دموعي كلها وچم اثر خليته
ورمش عيني الشاب كله عالارض طشيته
ايست تاليها وادري خيبيت اضنوني
نلتقي يم الزچيه يالعميت عيوني
واحسيناه واحسيناه
****
اهنانه لو بالجنه يبني ابچي الك متعلمه
كلمن بجرحه يسولف انه وامك فاطمه
انه راح الزم قميصك إلبعده يتگاطر دمه
وامك بچفين تلطم عله ضلوع امهشمه
ذني چفين ابو فاضل ابني بي فجعوني
نلتقي يم الزچيه يالعميت عيوني
واحسيناه واحسيناه
****
للخلگ ماكو خفايه اهناكه كلشي يتضح
نلتقي وادري اشوفك توه چنك منذبح
بالحشر كلشي يغالي بيك حتماً ينجرح
شنهو يبني بصدرك الگه سهم لو نابت رمح
بدالك انته يبو اليمه وسف ما ذبحوني
نلتقي يم الزچيه يالعميت عيوني
واحسيناه واحسيناه
****
الشاعر اياد الديراوي
لوفاة ام البنين. عن لسان حالها طور( يلميمون)
دمعتي بالعين. من اطب ليها
دار ابوالسجاد. وحشه تاليها
★★★★★
راحوا الاطياب وحدي عافوني . منكسر گلبي
لاگمر وابدور. ولاضوه اعيوني بس عيني تربي
ابلوعه وبحسرات راحن اسنيني صبرك ياربي
شظلتي بالدار حسين مابيها
من اطب ليها
★★★★★
يازمن غدار غفله هجماته. غيرت لوني
خدي مثل النار. لاگه دمعاته من فارگوني
ودعيت النوم. عفت ساعاته من ودعوني
موحشه هلدار من يواسيها
من اطب ليها
★★★★★
چن سهم بحشاي الناعي چلماته عذبن حالي
بكربله من گال حسين راياته. علغبره تالي
شلون ياهلناس. عمري ساعاته. عگب الغوالي
شلون اجي للدار. وانظر عليها
من اطب ليها
★★★★★
الناعي باللوعات يسچب العبره بناره السريه
عفته علتربان. المنگطع نحره. اعيون الزچيه
ردت يمه اهناك. اتوسد الغبره. بالغاضريه
شرد اگلها الدار. وعنه احاچيها
من اطب ليها
★★★★★
دنت يلمرسول عني يوم الراح ساعه رحيلي
بعد نور حسين وعطره الفواح. منهدم حيلي
لاصبح لانور بالصبح من لاح. اختلط ليلي
وانحب على الدار. وين اهاليها
من اطب ليها
الشاعر حسن لعيبي الحريشاوي
عِندِي وِصیَه یَبنِ الزِچیَه
نَعشِي یِصیرِ بکَربلَاءْ
**
آنَه ام البَنینِ الفَاجِدَه الثَکلَه
وَ افرَاگَك یِیُمَه گِلي شِیحِملَه!
یَحسِین العَتَب وَیاك بَس یَحلَه
دَگ بَابِي الأجَل بَس خِلتِي خِلَه
وَینَك حَبِیبِي أسمَع نِحِیبِي
گِلي مِتَه اویَاكِ اللقَاءْ
نَعشِي یِصیرِ بکَربلَاءْ
***
شَمِس دنیَاي أنتَه یَا هَوَه الرِیتِي
یَبُوالأکبَر یِروحِي و یَا عَمَد بِیتِي
أریدِ ابکَربِلَه تِدفِنِي اُمنِیتِي
تِشَیع نَعِشِي عَالتَل هَذِي أوصِیتِي
جَسمِي تِشَیعَه بِیدَك تِوَدعَه
أسمَع نَحِیبَك وِ البُکاءْ
نَعشِي یِصیرِ بکَربلَاءْ
****
عَلَه هَالحَال ظَلیتِ ابگَلُب یِسعَر
بَعَد هِیهَات یَبنِي لَحظَه أتصَبَر
گَالولِي حُسِینِچ عَالثَرَه اموِذَر
سِمَعِت النَاعِي وَ آنَه ابدَمعتِي أعثَر
گَالُولِي عَارِي ابحَرِ الظِهَارِي
مِن جِسمَه ظَل یِجرِي الدِمَاءْ
نَعشِي یِصیرِ بکَربلَاءْ
**
عَلَه اترَابِ الأرُض گَالو غُفَت عِینَاك
تِخَضُب لِحیِتَك یِبنِي ابمِسیلِ ادمَاك
الطَمِت وَجهِي و گُمِت بِدمُوعِي بَس أنعَاك
صِحِت یَارِیت یِحسِینِي مِتت وَیاك
ضِربُو خِوَاتَك سِلبو بِنَاتَك
وَ الحَالِتَك تِنعَه السِمَاءْ
نَعشِي یِصیرِ بکَربلَاءْ
***
عِمَت عِینِي تِعَالج وَ الجِروحِ اهوَاي
یِأذِیكِ الرِمُل أدرِي یِبَعدِ اچلَاي
یِریتِ اویَاك مِيتَه یَا نِظَر عِینَاي
دَمِع عِینِي أشُربَنَك مِچَانِ المَاي
وَ الأعوِجیَه تِسحَگ عَلیَه
لَجلَك یِبنِ خیرِ النِسَاءْ
نَعشِي یِصیرِ بکَربلَاءْ
***
لِحَد آخِر نَفَس فُوگِ الوِجِن دَمعِي
آنَه ام البِنینِ آنَه البِچِي طَبعِي
خِلَص عُمرِي و یِریتَك تِعلَم ابوَضعِي
انخُمَد صُوتِي و لِزَمتِ ابچَف أیدَي ظِلعِي
عُمرِي تِحَتّم یٍولیدِي تِعلّم
آخِر عِبَارَه بَالرِثَاءْ
نَعشِي یِصیرِ بکَربلَاءْ
****
لخادم الحسین علي فلاح الواسطي
۹جمادي الثاني
۱۴۴۶هــ۲٠۲۴
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
مفقود الاثر
❤️ @H3_ZC
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
قصة ورواية ونعي لأم البنين
من ديوان
#مواجع_ام_البنين_جزء_ألأول
حدّث الشيخ أحمد صابري الهمداني عن المرحوم آية الله الحاج الشيخ ملّا علي معصومي الهمداني (المعروف بالآخوند) أنّه قال :
كانت في إحدى قرى همدان إمرأة محرومة من نعمة الولد لعدّة سنين بعد زواجها ، فالتقت بها ـ يوماً ما ـ إحدى جاراتها وقالت لها : انذري أن يرزقك الله ولداً فتسميه «أبو الفضل».
وبعد فترة شملها ربّ العزة والعطاء بعنايته ، فرزقها ولداً سمته «أبو الفضل».
فلما بلغ الولد سن الرابعة عشرة ابتلي بمرض عضال أعيى كلّ الحيل ، فيأس منه أهله.
وفي ذات يوم جاءت نفس تلك الجارة التي نصحتها بالنذر فقالت لها : أنصحك أن تتوسلي بخلوص وثقة وجدية بأبي الفضل العباس وتطلبي منه ولدك.
فجلست أم الولد الشاب تلك الليلة ، وتوسلت بأبي الفضل من أعماق قلبها بكلّ جدّ وثقة واخلاص ، وقضت ليلتها بتلك الحالة.
فلما انبلج عمود الصبح سمعت طارقاً يطرق الباب ، فسارعت لفتحها ، فرأت جارتها التي نصحتها أن تتوسل بأبي الفضل ، فتعجبت من زيارتها في هذا الوقت المبكر ، فبادرتها جارتها قائلة : لا تحزني فقد شفا الله ولدك.
قالت : كيف؟ ومن أين عرفت ذلك؟
قالت : لأني رأيت الليلة في الرؤيا ؛ أنّ لمة من النساء توجهن إلى بيتكم ، وكانت تتوسطهن السيدة «أم البنين عليها‌السلام» فقالت عليها‌السلام : إني ذاهبة لشفاء هذا الصبي.
وبالفعل فقد استيقظ الصبي لا كباقي الأيام ، حيث كان يرفل بالشفاء والعافية ببركة أبي الفضل العباس عليه‌السلام.
الروايه : ينقلها العالم الرباني آية الله العظمى الشيخ علي المعصومي الهمداني [طاب ثراه
هذه فضائل وكرم مولاتي ام البنين انها لاتخيب ضن احد من السائلين واليوم نذكرها ونطرق بابها باب الرحمه والجود وننعاها لطلب حوائجنا جميعآ
نعي مجاريد….
على ام البنين نهل دمعنه
ام الكـرم وام المحنــه
تشافي امراضنه وتلم شملنه
•───✧◐◐✧───•
نبجي ونذكرچ يـم البنين
وانتي بكل شده تحضرين
ماعدنه غيرچ وانتي تدرين
وبحوالنه كلشي تعرفين
•───✧◐◐✧───•
انخاچ نخوه يم الاولاد
ام البنين وكلهم أمجاد
بيه الوجع كل يوم يزداد
من ايدچ اريد يطيب الافاد
•───✧◐◐✧───•
انخاچ وانتـي ماتقصرين
بعباس احلفنچ والحسين
لمراضنه الصعبه تشافين
•───✧◐◐✧───•
الغركان يتعنه ويجيلچ
من بعيد تنطي اليعتنيلچ
انه جايه بهمي احچيلچ
•───✧◐◐✧───•
فضلچ علينه هواي زايد
وانتي التحضرين الشدايد
بكل عام حزنچ يضل عايد
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة
قصيدة (أنه منكم بريه )
بحق ام البنين (ع)
■■■■■■■■■■■■■■■■■■
أنه منكم بريه ...لو رجعتم عليه ...من غير الحسين
طيحوا كدامه ... وصيروا خدامه ... يالميامين ...
يالميامين
••••••••••••••••••••••••••••
شو تعالوا خل اوصيكم وصيه
وايد فوك الايد خلوهن سويه
كلمن يقدملي عهده بهالمسيه
صيرو سند يالأربعه لأبن الزجيه
صيروا احزامه ورفعوا الهامه بالميادين يالميامين
••••••••••••••••••••••••••••••
ياولد الغضنفر حيدر قالع الباب
حسين لوطر البحر امشوا يالاطياب
ولاتنشدونة السبب وشتالي الاسباب
هذا سيد دنيته ومكشوف الحجاب
امشو بلسانه انتم خوانه وگره العين يالميامين
••••••••••••••••••••••••••••
خلوني ومشو ماردت منكم حراسه
شلي بيكم والگلب مايمه ناسه
ماأموتن أشعليه لا تخافون انتكاسه
نروح فدوه وخل يضل يايمه راسه
انتم ازلامه وذخره لأيامه اخوت حسين يالميامين
•••••••••••••••••••••••••••••
عباس خل شيلتي يُـمه برحلكم
حته تحمون الخدر وي شيلة امكم
لانتو ولدي ولا مني ولا انه منكم
لو خذوهه يعني سلبوهه لاختكم
حرسو صيوانه علي وصانه ها يالبنين يالميامين
••••••••••••••••••••••••••••••
بالدرب يبني الگمر لا تفاركهم شبر
بالوصيه يُمه ادري يال دگيت الصدر
لو اموتن راح اضلن بالوفه انه انذكر
بالنياح وبالهظيمه ادري يخلص هالعمر
روحي مبچاهه يبقه وياهه وتعمه هالعين يالميامين
•••••••••••••••••••••••
الشاعر :
حيدر العمار الخزعلي
يبن حذلم .. تحاجيني
سألتك مو .. على ابنيني
على حسيني سؤالي * فديته كلشي غالي
__
راح وبقيت بحسرتي وهسه انه اعيش بلا كلب
ودعته كلبي وي الضعن وليومك انطر عالدرب
بفراك ابو اليمة تره كل عمري لا ما ينحسب
وشما يمر بيه العطش بالماي احس ما ينشرب
عشت ميته .. بكلب ذايب
منهد هجره .. العمر غايب
وتعذبني الليالي * فديته كلشي غالي
___
كلشي برحيله بلا طعم الكلشي والماكو سوه
جان بحياتي أكبر حلم اشتمه وي هذا الهوه
راح وطفت حتى الشمس راح الي ينطيها الضوه
وهسه اظلم بعيني الكمر ضل طايح وماظن روه
شمس ظلمة .. وكمر طافي
وعلى عيوني .. النهر غافي
والجربة تلالي * فديته كلشي غالي
____
يا بِشر ارحم حالتي واحجيلي كل الينحجن
باقي بحياتي شوي امل ومطرز بخنكة وحزن
حين السمعت بصيحتك رجليه حيل اتبريدن
بشرني مارد يوسفي لو خالي من عنده الضعن
عمت عيني .. واريدنه
ولو نسمه .. وتمر منه
ودمع عيني حلالي * فديته كلشي غالي
_
ماريدك تخبرني عن جثة وجفوف مكطعة
ولا ريدك تكلي الكمر خافت ضواه عالمشرعة
فدوه اربعتهم يا بشر للي بحزنها مكبعة
خبرني عن نور البصر شمس الحقيقة الساطعة
ردت كون .. اليخبروني
على حسيني .. ضوه عيوني
ملك عالم خيالي * فديته كلشي غالي
_____
يا بشر عيد شما كلت خليني اسمعنك عدل
بلجن سمعتك بالغلط وما اسمع بكلمة(قتل)
(يا اهل يثرب) ما تصح ما ضلو ليثرب أهل
راح الحبيب الانتظر جيته وبقيت بلايه خل
رحل عني .. آ يا ويلي
وعلى فراكه .. نهدم حيلي
مشه ومحد بقالي * فديته كلشي غالي
____
عباس حسن السوداني
✔️
خل يجي عبــــــــــــــــــاس لمّه ايشيلها
وهـــــــــوّ يتكفّــــــــــــل امــــر تغسيلها
**
هاي ام الوفــــــــــــــــه الضحّت اربعه
وبقت حـــــــــــــد الموت تبجي ودامعه
على حسين وأخـــــــــــــوته المصرّعه
مـــــــــن إجه الناعي وبــــــده يحجيلها
*
ماتت بهاليــــــــــــــــــــوم ويلي وحيده
وحسره عــــــــــــــــدها بالكلب وتريده
الكمر هاشــــــــــــم خل يجي وعضيده
ويحضـر وياهـــــــــــم اليحمي ادخيلها
*
خل يجي عبــــــــــــــــاس يتكفّل الامر
وتــــــــــدري مكطوعات الزنود السمر
عذرتـــــــــــــه وتريـــــــد منّه بس يمر
حتى لــــــــــــــــو بس يوكف ويبجيلها
****
خل يجـــــــــــــــي يشيعها ويقيم العزاء
امنيتها جانــــــــــــــــــــــــت بهذا اللقاء
ويحفر جـــــــــــــــوا ره لحدها بكربلاء
وجــــــار ابو اليمه ويــــــــرد كل حيلها
**
شيلها يابو الوفـــــــــــــــــه الطف كربله
هنــــــــــــــــــاك جهزها وجسدها غسّله
وبينك وبينه الأبن سيـــــــــــــــــــد المله
گبر يــــــــــــــــــــــــا عباس أنت بنيلها
**
شيّـــــــــــــــــــــد إلها گبر بين الحرمين
حتى مـــــــن نگصد نجي نزور الحسين
نزورهــــــــــــــــا ونبچي على ام البنين
البچت لجــــــــــــــــل حسين حتى بليلها
***
يرد حيــــــل امــــــــــــــك بهاي الأمنيه
وتضــــــــــــــــل دمعتهـــا عليكم جاريه
شما بقـــه هــــــــذا زمنّـــــــــــــــه باقيه
حتى تشفي مـــــــــــــــــن الدموع غليلها
*
مـــــــــــــا وفت تشعـــر بدمعات الحزن
تريد حتــــــــــــــى بالكبـــر تبجي وتون
على حسين وكــــــــل خواته اللي أنسبن
وعلى حــــــــــــــــــــال العايله وعليلها
*
بجاه ام عباس يـــــــــــــــا رب يا رحيم
ردّه مــــــــــــــــن غيابه مهدينه الحكيم
خلّي ينهي كـــــــــــــــــل فرد حاقد لئيم
والهموم العل مــــــــــــــــــوالي يشيلها
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲🤲
غير مبري الذمه كل من يقرأها بطور الغناء
https://vt.tiktok.com/ZS61vKx79/
Читать полностью…
مولاتي زينب تلتقي بام البنين عنده رجعوها من السبي الى المدينه
يمه يم عباس يمه
يمه يم عباس يمه
₩₩₩₩₩₩₩₩
فدوه الج سمعيني بلي شافت عيني
يوم الطفوف
كلهه يمه علينه نكرو الله ودينه
امجمعه صفوف
الثار منه تريده وجرح بينه اتزيده
بلايه معروف
مصايب الشفناها عظمه
يمه يم عباس يمه
₩₩₩₩₩₩₩₩
هالامر اذانه اتذبحت شبانه
فوك التراب
علي الاكبر حاله وذرته الخياله
والجبد ذاب
وجاسم احمر هدمه وحنته من دمه
ونار المصاب
مصابهم وشلون اهظمه
يمه يم عباس يمه
₩₩₩₩₩₩₩₩
والجرح شيروفه مكطعات جفوفه
الكمر عباس
ورايته طيحوها وجربته صابوها
يبجي الاحساس
النهر تبجي جروفه السهم ماخذ شوفه
وطرو الراس
الدنيا صارت بعده ظلمه
يمه يم عباس يمه
₩₩₩₩₩₩₩₩
انوب الله ايعينج ابمصاب حسينج
ويلي عطشان
والشمر من جاله اتصوريهه الحاله
عله التربان
من الكفه حز نحره الدنيا صارت حمره
وتبجي الاكوان
ومثل صدره انطحن عظمه
يمه يم عباس يمه
₩₩₩₩₩₩₩₩
والخيم حركوها اطفالنه سحكوها
اشباه الرجال
ابنيتج شتموها بالهظم جتفوها
خشنه الحبال
كبالي روس اخواني تحدي ظل عدواني
كوم الانذال
هواي حزني صعبه اظمه
يمه يم عباس يمه
₩₩₩₩₩₩₩₩
كلشي ماظل بيه امجرحه ومحنيه
امهدله المتون
وصاير اصفر لوني مذبلات عيوني
عيشتي شلون
ادني وشبكيني بالجرى واسيني
كلبي محزون
تنولي للساده حرمه
يمه يم عباس يمه
₩₩₩₩₩₩₩₩
الخادم عبدالمعين الشمري
نزله ولائيه بحق مولاتي ام البنين (رضي الله عنها )
عهد يا ام البنين نخدمج طول السنين
₩₩₩₩₩₩₩₩
بكبر حب حسينه هذا العهد
من خدمناج بدرايه ومعتقد
كفو يم الاربعه هيبه وسند
مصابج البينه يفور ومابرد
عن عقيده وعن يقين نخدمج طول السنين
₩₩₩₩₩₩₩₩
ابوكفتج للسبط فقتي الخيال
وتجي مثلج مره يالحره محال
خادمه من صرتي ماردتي الدلال
العطائج تنحني روس الجبال
بكل وعي متحزمين نخدمج طول السنين
₩₩₩₩₩₩₩₩
فعلج الباهر ضهر دنيه حناه
وعجب الكون ونظامه ومحتواه
ولدج اموصيه والموت الخذاه
كلتي طيحو كباله كلكم مو وراه
الهمه صلبه وماتلين نخدمج طول السنين
₩₩₩₩₩₩₩₩
كفو منهم عجبو حتى العجب
ماغرتهم لامناصب لاذهب
واحنه حبيناج ولهذا السبب
والله دوم وياج نلتذ بالتعب
ارضيتي رب العالمين نخدمج طول السنين
₩₩₩₩₩₩₩₩
صرتي مشعل نور ياظي العيون
بالعشك لبن الوصي فقتي الجنون
بيج خدامج فلا اتخيب الظنون
الج نقره الفاتحه وكلشي يهون
جاه الج تستاهلين نخدمج طول السنين
₩₩₩₩₩₩₩₩
جاه الج مولاتي ابد مانوصفه
كلمن امصابه كلف ماله شفه
بصدق نيه ارويحته متلهفه
امراده نال بسفرتج يم الوفه
ويانه ابد متقصرين نخدمك طول السنين
₩₩₩₩₩₩₩₩
الخادم عبدالمعين الشمري
قصيدة للسيدة الطاهرة ام البنين ع
دمعه وسهر ليالي. برباكم. وزعته آنه حيلي
شيبه اعله شيبه عمري. الكضيته. يشهد عليه ليلي
كلبي اليحبكم
مات بسفركم
جروح اربعتكم. يروحي
.....
الله يعيوني شكثر. ها يالغوالي. سهرت ليالي. وذابل جفنهه
من يدري گلب الوالده. شكد بي محنه. چن باب جنه. يصير لابنهه
عدهه الولد مثل الهوه. من تشوفه غافي. نوم العوافي. دافي بحضنهه
والام مثل طبع النخل. ياخذ دهرهه. اطيب ثمرهه. بالكوه منهه
اتنفس بهواكم. واتاني. تتحقق امنياتي
كل خوفي انه دهري. بجفاكم. ياخذ امل حياتي
دمعي وحنيني
صرتو اعله عيني
جروح اربعتكم. يروحي
......
حلوات الايام الكضن. چا ليش يمه. شو تالي شيبي. رحتو من اديه
تذكرون من نلتم كبل. لمه شحلاهه. بخيمة ابوكم.
نلتم سويه
ام آنه من حكي العتب. عفتوني وحدي. دمعه اعله خدي. والبيه بيه
محمل اذا ماصح الي. ميخالف امشي. اعله جدامي ارضه. للغاضريه
حسبوني خادمتكم. اباري. طول الضعن طفلكم
معقوله مايهزكم. حنيني. تموت امكم بسفركم
يكتب حنيني
راحو بنيني
جروح اربعتكم. يروحي
.......
بوداعكم جرح وملح. يل رحتو خيمه. كلمن وضيمه. وداع اليسافر
هدومي بضعنكم وشعجب. شو نزلوهه. وظل دمعي بالخد. مثل الحوافر
مثل اليتيم وعيد اجه. وماعنده والد. صارت صفنتي. واكسر الخاطر
رديت بهدومي بچي. واتلفت هواي. والتفت عباس. وانظرله حاير
يمشي الضعن وعاين. عيونه. عالخد دمعهه سايل
عذريني كلي يمه. وصحتله. معذور يابو فاضل
ابري ذممكم
عفتوني كلكم
جروح اربعتكم. يروحي
........
للبيت رديت بهضم. والوحشه تكتل. والبيت يحچي. قصة عذابي
بس العليله اللي بكت. وبحضني طاحت. وعيوني ماتت. من كد مصابي
يادنيا ماعندچ رحم. شتردين مني. خذتي الاحبهم. شينفع عتابي
وين العزيز البالكلب. راح من اديه. ظليت دمعه. انه اعله بابي
تلبّسمن التراچي. چفوفي. من سافرت رقيه
يم يا مهد الولي. واناغي. وعبدالله مو بديه
بلا رد سؤالي
ابچي اعله حالي
جروح اربعتكم. يروحي
........
ظليت ديره بلا نهر. ودموعي عالباب. كتبت حرامات. چنهم نسوني
ما إلهه داعي ياگلب. نبضاتك جروح. ومعاشر النوح. انته وعيوني
انظر لبيتي من مشو. شو چنه تابوت. ومخيم الموت. يالماتجوني
حسين بأمان الله وعلي. تلكوني عالباب. ميته من الفراك. لمن تجوني
الله يذكره بالخير. ييمه. ياكلبك وحنانه
يعزاز كلبي كلبي. بعدكم. ظل حاير بزمانه
اختم كلامي
فدوه لامامي
جروح اربعتكم. يروحي
........
نسألكم الدعاء
حسين صادق العقابي
الى ام البنين عليها السلام
لام الاربعه اشبول مكطعه
اشبول مكطعه لام الاربعه
*--------------*-------------*---------------*
في كل الزمان أحرار ترفع للشرف رايه
موقف توكف اتكتبه رفض الظالم ورايه
حره ام البنين اهناك زرعت ولد وفايه
قائدهم كمر هاشم لواء المرجله
موقف كربلا يشهد كفيل القافله
خطت موقعه ام الاربعه
شبول مكطعه لام الاربعه
*---------------*-------------*------------*
ربيت اربعه لجلك يبني واشعر مقصره
لو عندي الف نشمي لجل السبط وتنصره
لو تقبل أخذ روحي ياريحانة الزهره
ودعتك وانه روحى تريد لكربلا
لو ضحيلك بنفسي ولا هذا البلا
تلهج بالدعا ام الاربعه
اشبوا امكطعه لام الاربعه
*----------------*--------------*-------------*
هيه الولدت العباس طينه من الشرف هيه
واسم ام البنين يلوك لام الوفى النشميه
وفت منها والنعمين للطاهره الانسيه
وكفت موقف الشجعان يوم النازله
وزفت للحرب عباس مثل الزلزله
جيش باجمعه ام الاربعه
اشبول امكطعه لام الاربعه
*-------------*-------------*---------------*
كل احنا فدا لجلك بس كونك تظل سالم
نذرتله العمر فدوه وتشوفه يرد غانم
هاي ام البنين وهاي تفديلك كمر هاشم
عباس واخوته وياه ضحتهم اله
لبن الزهره بالغالي وكفت باذله
حره وطائعه ام الاربعه
اشبوا امكطعه لام الاربعه
*--------------*----------------*--------------*
ابطال أربعه توصي حامو نبعة الهادي
ودروع لخدر زينب ترد الأجنبي العادي
عند الزهره شرفوني وارفع راسي بولادي
عند الله كرامه الها بارفع منزله
اقرا الفاتحه واطلب تنال المسئله
بحق الشافعه ام الاربعه
اشبول امكطعه لام الاربعه
*--------------*---------------*---------------*
محمد دعبل النوري
#أم_البنين صلوات الله عليها
أمُ البنين .. حاء الحنين .. ونبع الوفاء
نورٌ بنور .. أمُ ألبدور .. سرها أصطفاء
شرع الغرام... لا والهيام... في كربلاء
يدركها يگدر يا عقل .. وهيه أبنها أبو الفضل
صعبه يوصفها الحچي.. والكل عليها ينتكل
بوب الله چثيرة وخاصلچ باب
بين الله ودعائچ ما مش أحجاب
كلشي أنطيتي لله والله جازاچ
بكل مجلس فخر طاريچ ينجاب
.................................................
ماكو مثيل .. لأم الكفيل.. كهف الوقار
بيها المديح.. شعبي وفصيح.. يمها القرار
لبوة عرين ..حصنٌ حصين .. للمستجار
أنخاها يم كل مشكله.. أتلين الصعب وتسهله
جبتي زلم بس يا زلم.. شاهد فعلهم كربله
جبتي للمراجل خوش عنوان
غيرچ ياهي تنجب گمر عدنان
بنت أحزام جابت ظهر لحسين
ياحرمه التخلف هيچ خوان
............ً.....................................
حرز القلوب .. غيث المنوب .. عش الحنان
ذكرچ عظيم.. وأهل الرقيم.. ناموا بأمان
أمُ العطاء.. روح الدعاء.. و المستعان
سابق فضلها بكل زمن.. ومفصله رايات الظعن
تهب نسمه بگلوب الخدم.. وتلگاها للضايع وطن
أحروف أسمچ تصير أربع منارات
وبعد قرأن غيرة وولدچ آيات
فضلچ لا أبد ماينحصي بيوم
من غير المعاجز والكرامات
........................................
لـ أم البنين.. ماكو قرين .. بين النساء
فيها البهاء.. فيها الولاء.. فيها االسناء
شرعاََ ودين .. عين اليقين.. خير الأماء
هم چان اسمها فاطمه..وهم عارفه وهم عالمه
علويه مو بدويه أبد... نزلت لطف من االسمه
التدخل بيت حيدر عالمه أتصير
و سر مكنونها ميفسرة تفسير
عدها أولاد ذبو للأخو أچفوف
ماعدها اليذب الأخو بالبير
...............................................
جابت كفيل.. رايه وثگيل.. عنهُ يُقال
أعظم شجاع.. سيفاََ يُطاع.. وقت النزال
بدراََ منير.. أبن الأمير.. زين الخصال
وكت الحرب ما ينهزم... من كل جهه تشوفه الزلم
باليمنة شايل صارمه.... والرايه باليسرة يزم
صعبه أگبال سيفه يصير سياف
ماظل راس واگف فوگ الچتاف
قسم مثل الگطه تتطاير الروس
ثگيل وگام يسحگ روس الأخفاف
.................................................
حسين حمدان الدلفي✍🏻
😭 نخوه وتوسل بقاضية الحاجات سيدتي أم البنين 😭
بطور : عريس الولد جابوه يتچوله
( اجيتج يـ الوفيه الليله عنَّـايه
واحلفج بالعقيله وحامل الرايه )
وقفت اليوم يم بابك اون وانحب
احلفنج اجيت بخدر المسلب
يم عباس سمحي لي اريد اطلب
صعبه حاجتي و انتي اعلم بهايه
( اجيتج يالوفيه الليله عنايه
واحلفج بالعقيله وحامل الرايه )
…………..
بالعباس احلفج حاجتي اقضيها
طالت شدتي و انتي التفرجيها
حاشه الـ تقصدچ انتي تخيبيها
معروفه كريمه ودوم عطايه
( اجيتج يالوفيه الليله عنايه
واحلفج بالعقيله وحامل الرايه )
…………
يم لـبنين اجيت انخـاج بالزهره
وباللي ظل طريح وعاري عالغبره
نظره ادخيل مولاتي ردت نظره
و اللي تنظرينه ايحصل الغايه
( اجيتج يالوفيه الليله عنايه
واحلفج بالعقيله وحامل الرايه )
……………
احلفنَّج اجيت بنحر ابو اليمه
وبالظلت تنوح وتنتـحب يمه
اريـد اتوفقيني دوم للخـدمه
واتعنى الضريح حسين مشايه
……………
( اجيتج يالوفيه الليله عنايه
واحلفج بالعقيله وحامل الرايه )
………….
يا ام عباس صعبه حالتي صعبه
يا نعم الوسيله رايـده طلبه
كل محزون انتي الـ تجبري قلبه
وماخاب التعنى لچ يا وفايه
( اجيتج يالوفيه الليله عنايه
واحلفج بالعقيله وحامل الرايه )
…………
يا أم البطل يا مقصد الوفاد
جاتچ هالجماعه ورايده المراد
وكم واحد مريض و لا علاجه فاد
يصرخلج دخيلج رايد ادوايه
( اجيتج يالوفيه الليله عنايه
واحلفج بالعقيله وحامل الرايه )
…………
سلمنا الحوايج بين چفينچ
وكم حاجه تراهي بيني وبينج
ادري تنقضي من ترفعي ايمينچ
تنحل بالعجل من اعقد الرايه
( اجيتج يالوفيه الليله عنايه
واحلفج بالعقيله وحامل الرايه )
……………….
تمت بحمدالله وتوفيقه ونسألكم الدعاء لتعجيل فرج صاحب العصر والزمان ولشفاء المرضى وقضاء الحوائج ونسأل الله القبول والمدد
✍🏻القصيدة من تأليف خادمة الزهراء : سكينه صالح البطي
لوفاة ام البنين سلام الله عليها (موشح )
اليوم ياشيعه وفاة ام البنين
الوفَّت. وَضَحَّت لامير المؤمنين
★★★★★
واجب انعزي علي بهذا المصاب
على الوگفت بالشدايد و الصعاب
على الوالت حيدر وانطت شباب
بكربله فوگ التراب اموذرين
★★★★★
واجب نعزي بدمع يچوي الجفن
ونگضي ساعات المجالس بالحزن
للبقت لحسين بالحسره تون
وبالتراب العفرَّت خد وجبين
★★★★★
نسكب الدمعات ونقيم العزه
الفاطمه باب الحوايج والجزه
چم كرامه انطاها الله ومعجزه
باب ماينسد وَلْيَرْجَّع حزين
★★★★★
فاطمه الماقصَّرت وي فاطمه
تمنت البيت النبوه خادمة
بكربله سووا ولدها ملحمه
رَجَعَّواصولة علي ابدر وحنين
★★★★★
نالت الاكرام من رب السمه
على الكرم والجود هيه امعلمه
تخاف لاقصرت وي حامي الحمه
ولاولدها بالطفوف امقصرين
★★★★★
راحت ام الخير وارباة الشرف
الحيلها رك على ابواليمه وضعف
طفه نور البيت غفله ونكسف
راحت ام العاطفه وام الحنين
الشاعر حسن لعيبي الحريشاوي
اُمَك یِنُورِ العَین گَرَب أجَلهَا
وَ التِفگُدِ الأولَاد بِالدَنیَا شِلهَا
***
یَحسِین أخبرَك رَاح وَ ادمُوعِي تِجرِي
یَبنِ النَبِي المُختَار مَا تِرجَع أدرِي
رِدتَك تِجِي هَالیُوم تُحفُرلِي گَبرِي
اُمِ البَنِینِ اعلِیك ذَابِل شِکِلهَا
***
لُو تِدرِي بِیَه أشصَار مِن فَارِگِیتَك
أدعِي إبصِلَاتِي دُوم تِرجَعلِي رِیتَك
وِ إشتِنفَعِ الوِیلَات ظَل خَالِي بِیتَك
اُمَك حَزِینَه دُوم وَ الهَم کِتَلهَا
**
صِرتَ أطلَعِ امنِ الدَار أطوِي الصِحَارِي
وَ أسئَل عَلیكِ النَاس لِیلِي و نِهَارِي
لَحظَه ابغِیابَك صَار مَا تُطفَه نَارِي
اُم الگُمَر عَبَاس فُگدَت أمَلهَا
**
تَالِي الدَهَر یَاحِیف خَلَه أعَانِي
بِن حَذلَم ابصُوتَه یِنعَه أجَانِي
چَنِ ابسَهَم بَالعِین صَکنِي و عِمَانِي
یِهلِ المَدِینَه ایصِیح مُوحِش نِزِلهَا
**
مَا فَکَرِت یِحسِین لَحظَه ابــ بِنینِي
وَ الغَایَه چَانَت دُوم سَالِم تِجِینِي
اویَه النَاعِي دَمعِي سَال عَالِي وِنِینِي
عَالفَاجِعَه اُمَك صَار زَایِد عِلَلهَا
**
ظَل وَحدَه وَيلِي احسِين نَادَه الفِجيعَه
مَا رُحمَتِ الأعدَاء حَتَه ابرَضِيعَه
ظَل الكُمَر عَبَاس فُوكِ الشِريعَه
وَ السَهَم صَابِ العَين غَيرَ مَحَلهَا
****
أحَاه يِسَهمِ البِين صِوَب جَبِدتَه
ابذَاكِ الحَجَر يَاوَيل صِكَو جَبِهتَه
وِالشِمِر ظَل بَالسُوط يِضُربهَا اختَه
أذبَح أخُوجِ حسِين رَايِح يِكَلهَا
**
ظَل عَارِي جِسِم حسِين حَسرَه اعلَه حَسرَه
بِن جُوشَن ابسِيفَه يِكطَعلَه نَحرَه
وَ ابجِدمَه يَا وِيلَاه. دَاسِ اعلَه صَدرَه
زِينَب صُفَت بَالشَام وَينِ الكِفَلهَا
****
لخادم الحسين علي فلاح الواسطي
۹جمادي الثاني
۱۴۴۶هــ۲٠۲۴مــ
شيخة الخدام
ام البنين وشيخة الخدّام والوفايه
گالتله گدام الظعن يوليدي علّي الرايه
العباس يبني .. عالراس يبني
حب احسين
ــــــــــــــــــــــــــــــــــــــ
حان .. الوعد گوم .. يالاسد
وين .. يالولد ارباي .. بالمهد
تذكر من صرت والناس .. متعجبه بتفاصيلك
لاانته گمر واتغيب .. لا جاهل والوليلك
اول ماصرت زلمه .. تكسر ظهر الايشيلك
رضّعتك وفه وغيره .. واحسين اليناغيلك
ومن طبت النسوان الي گاللني شسّمونه
گتلهن اوليدي گمر فدوه ودخيل اعيونه
الكفال اسمه .. خيّال اسمه
هذا الزين
ــــــــــــــــــــــــــــــــــــــ
وين .. خوّتك احسين .. كشختك
دَين .. برگبتك شيل .. رايتك
تفرح زينب الحوراء .. من اترفرف الرايه
واريدك حارس اعله النوگ .. يامن بيك الاكفايه
وصليلي صلاة الحب .. وباسمي رتل الآيه
محرابك نهر عطشان .. واچفوفك امصلايه
واهناكه يبني بكربله دوس اعله اكبر شارب
وتترادم الخيل وزلم لمن تشوفك غاضب
صگّار انته .. اشگد حار انته
عالسبعين
ــــــــــــــــــــــــــــــــــــــ
روح .. ياگمر شيخ .. عالنهر
صيت .. إوفخر احزام .. للظهر
خليهه تگول الناس .. ياهيبه الامربيته
زلمه لوجبل عباس .. شو ماينكسر صيته
ريشات الشجاعه اثنين .. وامحزّم ابچفيته
حته الهوه ايصيح الله .. لـمّن يدخل ابريته
الله يرسمة حاجبك والعين چنهه امرايه
والمايصلي اعله النبي ابعينه تطب سلايه
مخلوق للحب .. للذوق والحب
مو من طين
ــــــــــــــــــــــــــــــــــــــ
هاك .. معصبي انطيه .. الزينبي
هاي .. بت نبي خاف .. تنسبي
واخذ اعبايتي وياك .. خاف اتعوز النسوان
وراسك عالرمح جامع .. ونظرة عينك الاذان
طب گدامهه وهوس .. لمن تدخل الميدان
گللهم خدر زينب .. هذا ابمنزلة قران
والفكر ايمس الخدر أگطع عرج تفكيره
آنه اللي ماراضع لبن راضع شجاعه وغيره
زلزال بيه .. والعال بيه
يشرد وين
ــــــــــــــــــــــــــــــــــــــ
نور .. بالظعن سور .. بالمحن
بيك .. يلتقن الماي .. والوطن
يوليدي اعتمادي اعليك .. واعرف انته متقصر
ابتلاثتهن اتحارب .. بسيفك بالخزر تسطر
ظهرك بي بشر هادود .. وجهك بي علي ايشور
وزينب لو تريد الماي .. اريدك عالخيم تمطر
موش الخوالك طلعتك طالع لبوك الهيبه
چنك مضيف المجتبه ومافشل امعازبيه
الدلات بيدك .. حلوات بيدك
مثلك وين
ــــــــــــــــــــــــــــــــــــــ
صاح .. الوفي احسين .. مصحفي
الكون .. ينچفي بنار .. مرهفي
يايمه وأنه العباس .. ماعوفن ابد ثاري
زينب اگلبلهه الطف .. لوجابوهه بالطاري
ولعيون الحبيب احسين .. اضحي ايميني وايساري
افرحيلي وارفعي الراس .. لو توصلچ اخباري
يايمه باچر عالنهر لمن تظل الرايه
اجروحي امواكب تنبني وتتكاثر المشايه
حياك صاحت .. محلاك صاحت
نور العين
محمد الجماسي
#اللهم_عجل_لوليك_الفرج
لسان حال أم البنين تروي لأمها تلك الرؤيا العظيمة التي رأتها في المنام ! فتقول لها?
===========================
چِنْت بمنامي او صافْنَه بهذا الكون
وِبحجري لَنْ طاح الگمر مدري اشلون
وِثْلَث نِجُوم اِتشِع ضِوَه
وَيه الگمر طاحن سِوَه !! ..نُورٌ على نُورْ
____
يايمه فَسرِي رؤيتي بتفسيرچ الإيماني
چَنِّي بخَضَار اوجالِسَه وطاح الگمر بحضاني
وِثلَث نِجُوم اتساقطَن اوضَيْ نورهن أَغْشَاني
بشريني خليني أطمئِن ظلّ بقلق وجداني
جيت بشعوري اوسلفتلج رؤياي
گالت: عقيل لوالدچ يخطب جاي
وْراد إيدچ لحامي الحمه? مِن حلگچ لباب السمه
ياربي مشكور نورٌ على نور
___
يُمه وبعد شِفْت العَجَب هاتف هتف وِاسمعته
(بُشْراكي بالساده الغُرَر) صاح اِسمي بس ماشفته
وفزّيت مرعوبه اوگِلِت خير ، او يجيني بوكته
وِاليتِّصِلْ بآل النبي يكبر شَرَف مَنْزِلته
والعارف بحق فاطمه ايشوف الخير
تِلتقطه باچر مِثِل... حبَّات الطير !!
عنها اسمعِت هذا الخبر وبگلبي حب فاطم كُبَر
نَص عنها مذكور نورٌ على نور
___
گالتلي اِبشرِي ابرؤْيتِچ مُستقبلچ بي شاهِد
عندچ يصيرون أربعه والگمر أوَّل واحِد
وِتصير بعده اِثلَث وِلِد ساعِد يِعاوِن ساعِد
وبيهم تگر عينج إذا كبروا اِبظِلّ الوالِد
گلتلها ، هنيالي بهذوله الشُبَّان
لَحسين وِلزينب يصيرون اِخوان
بهاي البشاره استبشَرِت بس رايِدَه لزينب إخِت
وي وِلْدي اِلِبْدور نورٌ على نور
__
وِتحقَّق ابّالي الحلم وطبِّيت دار الزهره
وَأوّل طلب گِلْت لعلِي غَيْر اِسمي يابو العتره
كلما صحتلي فاطِمَه بحسين أشوف الكسره
آنه اَرد اصيرن أمّ إلَه ماريد أصيرن عثره !!
ومن باب خوفي اعله اِخته زينب بالدار
ماريد بيها ايظل يحيدر بسمار !!
امن الباب لوما ينشلِع لَبنيتي هَمْ يكسِر ضلع
گلبي إلها ناطور نورٌ على نور
___
من خيمتي لدار الوحي يافاطمه اشهلْ نعمه
أُم صِرِت لَحفاد النبي اوزوجة أمير العصمه
كلما حِزَن وَجه الحسن لشفافه اَصيرن بَسمه
وِبصدره لوضاگ النفَس من صدري ياخذ نسمه
كلمه او گلتها اوگلبي أبد مامرتاب
أحيا او أموت بحب علي داحي الباب
سِلمٌ لِمَن سالَمَهُمْ حَربٌ لِمَن حارَبَهُمْ
واليهوى معذور نور على نور
_
وصاروا أَولادي الأربعه اوحيدر تِنُومَس بيهم
وِب(قُل أعوذُ) امن الحسد من خوفه يقرأ اعليهم
قبَّـلهم بثغره النَدِي وِبفرحته ايناغيهم
وِاسمَعته بَشَّر فاطِمَه يالزهره شِنْسمِّيهم
گالتله من وحي الخيال ابأحساس
سمِّي البقيه وآنه أسمِّي العباس
هذا إبني واَعرف غيرته بالدم يوَفِّي لخوِّته
اويشهدله عاشور نورٌ على نور
__
خادم الحسين ع
مرتجى الحَسَّاني
078 54824915
قصيدة لأم البنين ع {حشمت ام البنين}
بالعباس ...حشمت ام البنين
صاحت يمه جيب اوياك الحسين
❥❥❥❥ـــــــــــــ❁❁ـــــــــــــ❥❥❥
بالعباس حشمت ام المحنه
صاحت جيب ابو اسكينه اريدنه
قبل لا اموت اريد الليله اشمنه
الليله رايدتكم تهمل العين
❥❥❥❥ـــــــــــــ❁❁ـــــــــــــ❥❥❥
اريدنكم تجوني لا تعوفوني
لصوب المكبره يمه تزتوني
من الشوگ تهمل من دمه اعيوني
عذبني بجفاكم يمه الونين
❥❥❥❥ـــــــــــــ❁❁ـــــــــــــ❥❥❥
عذبني بجفاكم وني يحبابي
عيني امناطره هالليله لبابي
اريد اجفوفكم اتهيل بترابي
حشمتك تجي يبني يالحنين
❥❥❥❥ـــــــــــــ❁❁ـــــــــــــ❥❥❥
حشمتك تجي وتجيب ابو اليمه
لا تعتذر مني ادخيل يايمه
مابيه بعد واتحمل الهظمه
تعبتني وحگك يبني السنين
❥❥❥❥ـــــــــــــ❁❁ـــــــــــــ❥❥❥
تعبتني السنين وليلي مرضني
وجفاكم يبو النوماس شيبني
ليلي وي هجركم يمه تعبني
وخذت حيلي مصيبة ذبح الحسين
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
من كربله جاي ... زاير الج زاير الج
الماشارب الماي ... زاير الج زاير الج
الجبتي العمر تجريله الدموع
هاليوم اجاج ابكلب مفجوع
......
فتحيهه عينج يم الابنين
عباس اجاج وجايب حسين
رغم الجروح النازفه البي
ماعافج الوحدج تموتين
من كربله اتعناج هاي المسية
يحضر دفنتج راد يوم المنية
ما هم بالالام ... يمج اجه يمج اجه
وبصدره الاسهام ... يمج اجه يمج اجه
شابع بواجي وحيل موجوع
.......
اتعنالج ابدمعات العيون
حاضر حسين اوية اليشيعون
بس عنده غصه بصدره يا حيف
شيل الجنازة رايد امتون
وبحسينج اتعرفين مثلو تمثيل
ضلوعه اصبحت ميدان لِحوافر الخيل
كاصد للمصاب .. من كربله من كربله
مسلوب الثياب ... من كربله من كربله
ماعافج المتكسَّر اضلوع
........
يالعمرج اكضيتيه معانات
عل مات من كثر الجراحات
وانذرتي لجله ادموع العيون
وبحركَه تحجيهه بعطش مات
انذرتي ابثوابه الماي لاخر حياتج
واليوم اجه ايجازيج عن تضحياتج
جايبلج اوياه .... دمعه اليصب دمعه اليصب
والأكثر اذَّاه ... دمعه اليصب دمعه اليصب
طفه ابرحيلج كل الشموع
........
قصة حسين وذبحه الاذاج
عاشت لحد الموت وياج
ليل ونهار امكابله النوح
مهدوده حيل الوكت خلاج
من بعد ابو الاحرار بيتج هجرتي
سويتي بيت احزان واشكد كبرتي
عمرج خلص نوح .... يم الكمر يم الكمر
عالراح مذبوح .... يم الكمر يم الكمر
حزنج واونج صار موضوع
.......
ولدج رخصتي لغله معشوك
تضحيتج بعين العرش فوك
ابماي الذهب مخطوطه عالوح
لحسين غيرج ام فلا اتلوك
حنيتج اعله حسين جن ام أبيهه
وبالمحشر الزهراء اتشكرج عليهه
يا ام الابنين ... شكرا الج شكرا الج
وافيتي لحسين ... شكرا الج شكرا الج
بيج الوفه ظل راسه مرفوع
......
كلمات : موسى الخادم
*قصيدة لام البنين ع (اقري الفاتحه)*
*من ديوان 📚 عبرات وانين في رثاء ام البنين الجزء6(خاص بأم البنين وسفرتها)*
❥━──➸➽❥❂❥━──➸➽❥❂
اقري الفاتحة والحرة ذكريها
تجبر خاطرچ والحاجة تگضيها
❥━──➸➽❥❂❥━──➸➽❥❂
اقري الفاتحة وناديها يالحرة
وبمجلسها خلي دمعتچ تجرة
بالعطشان حلفيها وگطع نحرة
بكل شدة وحق عباس تلگيها
❥━──➸➽❥❂❥━──➸➽❥❂
توگف بالشدايد محلة وگفتها
حاشاها الكريمة اتعوف شيعتها
سألي اللي اعتنت ليها وتنختها
بالتردينة هاي ايديچ تمليها
❥━──➸➽❥❂❥━──➸➽❥❂
لوجتها مريضة وكلش نحيلة
ونادت يالحنينة ومدمع تسيلة
يام عباس عندچ انه ادخيلة
تحضر ليها وامن العلة تشفيها
❥━──➸➽❥❂❥━──➸➽❥❂
عزيزة فاطمة وباب الكرم هية
عد ام البنين الحاجة مگضية
متخسرين ندبيها يشيعية
تسمعچ ماتتركچ لو ندبتيها
❥━──➸➽❥❂❥━──➸➽❥❂
هاي ام البنين وبالشدد تحضر
تنطي امراد لاهيهات متقصر
وگفتها نريد بساعة المحشر
من النار تحمي كل محبيها
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
( قصيدة السيدة زينب وأهل الشام )
-----------------------------------
كافي غربه ،، كافي وحدي ،، شامهم ما بيه أمان
ها يخوتي ،، سمعو صوتي ،، هذا حالي بكل زمان
كافي غربه ،،، كافي غربه
------------------------------------
منهد حرگ خيامي وآني لهسه مكسورة گلب
الناس كلهه بعيني غربه وحتى گبري بنص غرب
حيل مختنگه بضريحي وبارد اهنانه الترب
الشام ظل ايعيد اليه الموقف الكلش صعب
رجعو وطبو ضريحي
مثل طبت خيمتي
محد اليسمعني اصيحن
وينكم وين اخوتي
يابو فاضل ،، ها يخويه ،، هوسو يم الضريح
آنه ميته ،، شلون اموتن ؟ ،، ثاني مره واستريح
كافي غربه ،، كافي غربه
------------------------------------------
شباقي مو ذَبًحتو اخوتي شنهي رجعتكم آلي ؟
خاف عدكم رمح زايد أني خلصو كل هلي
لهسه عبد الله بونينه شابگ حسين الولي
شعدكم هنانه بضريحي والله ما يقبل علي
راح اصيحن يا كفيلي
الهاشميه بلا كفيل
ذوله اهل القصر ذوله
الما سلم منهم عليل
ايزيد نفسه ،، بوجه ثاني ،، راجع لهاي الديار
ما يريد ،، حسين واسمه ،، ولا مجالس لا مزار
كافي غربه ،، كافي غربه
---------------------------------------
ناس تمدح قاتل أمي گبال شباچ الونين
وبلوجوه الصفره كلمه انتي لازم ترحلين
حسين منريده بارضنه وانتي مشروع الحسين
الارض مالتنه عجيبه وننحسب عل لاجئين !!!
احنه جدنه الماله ثاني
وانتم احفاد الرَجيم
الدنيا كلهه بچف ادينه
وين ما نرغب نقيم
وسفه تالي ،، ذيول مرحب ،، تدخل بهذا المقام
لا حميه ،، وناصبيه ،، ولا زياره ولا سلام
كافي غربه ،، كافي غربه
---------------------------------------
رجع بيه الضيم والله السالفه الما تنحمل
من بقينه بغير حامي ومن هجم سوط وحبل
هالزمن بس التغير هسه اصعب من قَبّل
هسه تاذيني الشماته لو صحت يابا الفضل
ما يجيچ الصوت اسمعه
تنسبين وتنسبين
زينب وبعدچ اسيره
واحنه هسه الحاكمين
والله بلوى ،، يا كفيلي ،، بالحرم طب الغريب
سمعت واحد ،، شمت بيه ،، صاح الحسين السليب
كافي غربه ،، كافي غربه
---------------------------------------
احنه باب الله الگصدنه ما نسد بوجهه باب
كلنه واحد من محمد شُبه الهم مو تراب
دنيا خلتني ابلدكم آنه المحجبه الحجاب
العدهه والد اسمه حيدر تگدر تنزل العذاب
بالارض محد عرفنه
خارج حدود العقول
بفاطمه السر الالهي
وياهو يفهم ما البتول ؟
من محمد ،، والمحمد ،، نبتدي وننهي الجدال
احنه ناس ،، يحبنه ربنه ،، وهوه رازقنا الكمال
كافي غربه ،،، كافي غربه
كلمات الخادم / رعد الفريجي
12 /جمادي الاخرة / 1446
ثوابها الى روح والدتي
من يظكنه الزمن باللوعه وقهر
باب حاجه نگصدج يم الگمر
$$$$$$$$$$
من نعيش بألم وبحسره وحزن
وبينه صوت الفاجعه يدوي ويرن
ارواحنه ماتهده مايطبگ جفن
گلوبنه متلوعه بچف الدهر
$$$$$$$$$$
نگصد البابچ يحره ام الوفه
جروحنه بس يمج تنول الشفه
الچ نقره الفاتحه بكل معرفه
والدموعه الي جرن ترسن نهر
$$$$$$$$$$
يارجانه الشده يمچ تنگظي
ويا أملنه من چفوفج نرتضي
هذا واقع كل يقينه الرافظي
الله جاه انطاچ يا ام الفخر
$$$$$$$$$$
الله جاه انطاچ لن تستاهلين
اخدمتي أهل البيت عن فطره ويقين
غايتچ مرضاة رب العالمين
خادمه ومفتخره يافارس مضر
$$$$$$$$$$$
طلب من عندك يراعي الغانمه
ياعلي لتگلي اسمي فاطمه
افتخر لاولاد حيدر خادمه
ناذره كل عمري مو يوم وشهر
$$$$$$$$$$$
والنعم منچ وفيتي بالعهد
كفو ولدج للسبط صارو سند
بهل الكرامه الله خصچ للابد
يالعفيفه بأسمج انزاح الخطر
$$$$$$$$$$$$
بجاهج الليله يبدويه نريد
أحبابك بيهه هظم لا ماتهيد
نريد مهدينه قريباً مو بعيد
ارواحنه تهيم بإمام المنتظر
$$$$$$$$$$$$
مثل غابه وكلهه ضدنه تحالفت
چي نحبكم عدهه كفره مارضت
نقسم عليچ الظلوعه ترضرضت
تحققين أحلامنه بلمحة بصر
$$$$$$$$$$$$
الخادم عبدالمعين الشمري
وين الولد خل تحضر ايشيعوها
₩₩₩₩₩₩₩₩
عله فراش الموت والدمعه تسيل
لا حسين البقه لا يمهه الكفيل
عيونهه عله الباب مفجوع الدليل
تكول نعشي اتمنه ابواليمه يشيل
امكم غريبه يالولي تعيفوها
وين الولد خل تحضر ايشيعوها
₩₩₩₩₩₩₩₩
يدمي حال الشيعي موقفهه صعب
اخر الانفاس والدمعه تصب
تكول ابواليمه الولي نبض الكلب
حيل صعبه من يشيلوني الغرب
ماحضرو اصحاب الوفه واذوها
وين الولد خل تحضر ايشيعوها
₩₩₩₩₩₩₩₩
التموت ارواح اهلهه اموجره
الفاتحه تكون بولدهه عامره
ويلي يا ام البنين الطاهره
اولادج بوادي الطفوف موذره
يوم المنيه الهظمه ماحضروها
وين لولد خل تحضر ايشيعوها
₩₩₩₩₩₩₩₩
وانتو ياشيعتهه مطلوبين دين
واجب اتشيعونهه ام البنين
ذاتهه نكرت لجل اسم الحنين
والله تستاهل الدمعه والونين
واجب عليكم بالاسه تنعوها
وين الولد خل تحضر ايشيعوها
₩₩₩₩₩₩₩₩
جبرو ياشيعه كلبهه المنكسر
هي الي تجازيكم بدنيه وحشر
الي يرضي حسينهه بطول العمر
ايخلده التاريخ ابد مايندثر
ترتاح من بحسينهه تواسوها
وين الولد خل تحضر ايشيعوها
₩₩₩₩₩₩₩₩
الخادم عبدالمعين الشمري
واويلاه يم عباس واويلاه
واويلاه يم عباس واويلاه
&&&&&&&&&&
السبعه لجلج من تهل دم مو دمع
ضلوع رادت تنشلع مو بس ضلع
ويلطم عله الراس مولاتي الجمع
وصوته لعنان السمه من ينسمع
لوعه وآه بس وهواس لوعه وآه
واويلاه يم عباس واويلاه
&&&&&&&&&
جويعده ابابچ حياره ولاطمه
مصيبتچ صعبه وتهز سابع سمه
فرگتج يم الگمر يا فاطمه
منهه شيعة حيدرى متألمه
فارگناه. عطر الياس. فارگناه
واويلاه يم عباس واويلاه
&&&&&&&&&&&
نشيل نعشچ عالچتاف نشيعه
وكل محب لجلچ لطم هل مدمعه
انادي واويلاه يم الاربعه
الهجر چتال مر اشيجرعه
ماتنساه. هاي الناس ماتنساه
واويلاه يم عباس واويلاه
&&&&&&&&&&&&
موقفچ حرنه وأبد مانوصفه
نصفن ونعثر خجل يأم الوفه
انتي ناموس واراده ومعرفه
وكل مريض بجاهج اينول الشفه
اعرفناه. رفعت راس اعرفناه
واويلاه يم عباس واويلاه
&&&&&&&&&&&
أبد ماخيبتي كل هاي الظنون
الج نقره الفاتحه وكلشي يهون
لاتلومينه لون نعمي العيون
وللابد عهدچ يمولاتي نصون
ماعفناه لن مقياس ماعفناه
واويلاه يم عباس واويلاه
&&&&&&&&&&
الخادم عبدالمعين الشمري
گبل لتدفنوني
زوروني كربـله
طوفونـــي اعلى الگمر
والحسين اخذوني اله
ــــــــــــــــــــــــــــــــــــ
گبل لا اموتن اوصيكم وصـــيه
گبل لتدفنونني بتراب المــــنيه
اجنازتي ودوها لرض الغاضريه
يم الاحسين وابو فاضل اخـيه
عالترب خـــلوني
يم ابن عقد الوله
طــوفوني اعلى الگمر
والحسين اخذوني اله
ــــــــــــــــــــــــــــــــــــ
علگ من احسين شدولي اعلى زندي
وتربه جيبولـــي وخلوها اعلى خدي
اترد عليه وحشتي لو صرت وحــدي
حتـــــى ليليه اشمها بــــــذاك لحدي
ومن افتش عيوني
اتضل دموعي سايله
طوفوني اعلى الگمر
والحسين اخذوني اله
ــــــــــــــــــــــــــــــــــــ
اجـنازتي ودوها يم حامي الشريعه
يم چبير اولادي ابو الجثه الصريعه
ارد انوحن وابچي لچفوفه الگطيعه
الحلت ابگلبي على اعيونه الفجيعه
ادموعي من بطن النعش
عالحـــــــــــــبايب هامله
طوفوني اعلى الگمر
والحسين اخذوني اله
ــــــــــــــــــــــــــــــــــــ
امنيــــه ابــالي بعد سووها اليه
اجنازتي طوفوها تـــل الزينبيه
وفوگ تل الزينبي نصبو العزيه
عالمشت للشام مچتوفه وسبيه
وبالحـــرم ذَكروني
الهامت بذيچ الفله
طوفوني اعلى الگمر
والحسين اخذوني اله
ــــــــــــــــــــــــــــــــــــ
الما خذوني ساعة الحمل ضعنهم
اشگد تمنيت اندفن اولادي يمهم
كون اصيرن طير واتعنه الوطنهم
امهم وليش الزمن حارمني منهم
من الاغياب انحنه
ظهري مثل السنبله
طوفوني اعله الكمر
والحسين اخذوني اله
ــــــــــــــــــــــــــــــــــــ
حيدر بشار الدراجي