7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
❇️ قصائد استشهاد السيدة الزهراء عليها السلام
سجل البسمار * عالضلع تذكار
لحيدر حنه ضلوعه * وظلت من ادموعه
عالضلع تذكار
------------
اجه بحقده وظلامه وجاهليته تفور
عُبَر كل الحدود لحد ملاذ النور
البسمار وطلع من عنصره مذعور
لمن شاف طوفان الضوه المهدور
تتصاعد النار * بمنزل الكرار
والزهره مفزوعه * وظلت من ادموعه
عالضلع تذكار
------------ 1
غفه البسمار فوگ الضلع المهشّم
والمحسن غفت عينه اعلى نار ودم
ابگلب حيدر على الزهره الحزن غيّم
صفه بموسم لهيب اجروحه يمطر هم
آلامه أمطار * وجروحه انهار
بجفونه مجموعه * وظلت من ادموعه
عالضلع تذكار
-------- 2
عاشت فاطمه الزهره بضلع مكسور
وحيدر عاش ويّاهه ابصدر مجمور
اذا صاحت ، ابچفه ذولفقاره ايثور
واذا ناحت ، تمر بي لهبه من عاشور
بروحه الجرح صار * خيمه بوسط نار
واختنگت شموعه * وظلت من ادموعه
عالضلع تذكار
-------- 3
بنه بيت الحزن الهه ابّگايه الحيل
حتى اتهل مدامعهه ابنهار وليل
تودع الشمس وتبات اويه نجم اسهيل
اويواسيها علي وعبراته شبه السيل
دمعاته احبار * وجروحه اسفار
للحزن موسوعه * وظلت من ادموعه
عالضلع تذكار
--------- 4
نشف منهه الدمع ساعة نزاع الروح
مثل موت النده بزهرة عمر مذبوح
دفنهه بليل ، شاف العالم بلا روح
رجع وبگلبه أيوب المآسي ونوح
اومن ليل الافكار * ما يطلع انهار
ساعاته مفجوعه * وظلت من ادموعه
عالضلع تذكار
--------- 5
الچان بنظره من عينه يشلّ احروب
الچان بعدله يقلع للمظالم بوب
عليه صار الحزن طول العمر مكتوب
مكسور الگلب بس ماتمه منصوب
وبسمع الاقدار * بغياب الانوار
آهاته مرفوعه * وظلت من ادموعه
عالضلع تذكار
------ 6
عقيل الكاظمي
وكاني بلسان حال مولاتنا زينب ع
وزن نصاري
---------------------
ابساع ابساع وديني الگبرها
روحـي تستعر طفي جمرها
--------------------
ادخـيـلك ياعـلـي وديـنـي يمها
اريد احضن ثراها وحيل اشمها
تـتـمـنـه الـبنـيـه الـتـفـگـد امها
گـبـل الـوالـده يـوصـل علـمـها
ريت الموت الي وليه كسرها
ابساع ابساع ودينـي الگبرها
بقلم خادمة آل البيت ع
--------------------
اليــــه مــوش ليها كسر الضلوع
ولا اشوف الحنينة اگبالي اتلوع
خلص كل عمرها الگلب موجوع
امن اصد ليها جنت دلالي ايموع
شمعة عمري خلصت وي عمرها
ابســـــاع ابساع وديني الگبرها
زيـ✍🏻ـنب الواسطي
--------------------
ياشمعه الطفت باول سنيني
الج يم الحسن ذايب حنيني
زيـنـب انـه زيـنـب ما تجيني
تعالـي او سكتي نوحي ونيني
گضت روحي ولا يگضي صبرها
بساع بساع وديني الكبرها
مريم العبوديه اسيرة الاحزان 💔
--------------------
گضت روحي على فراگ الحنينه
حسافه اتفرهدت من بين ادينه
ياريت ابحلم وتمر علينه
موحش بيتنه اوروحي حزينه
اظل للموت وناتچ اجرها
*الحاجه ام احـــ✍ـــمد الحچامي*
--------------------
فراك الوالده مابيه حيله.
يزهرة وداعتج مانمت ليله.
دمع عيني عليج ادموم اسيله.
روحي لفركتج والله عليله.
عمت عينه اللذي بجفه سطرها.
✍🏻الاء الطائي.
--------------------
يريـت الـصابـها مشلـول الـمـتـون
بـويـه يا عـلـي ويـه الـيــــدفـنـون
اخذني وخل اهل دمعات العيون
وگـلها اتـيتـمـت بفـراگچ ام عون
يزهره وحيل محتاره ابامرها
بقلم خادمة آل البيت ع
--------------------
(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ 1446هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
تراث اهوازي
……………………………………………………………
يحيدر ما حملت اتشوف • ضلع انكسر للزهره
لو شايف حسين شلون • حافر يطحن ابصدره
……………………………………………………………
يحيدر غسلت فاطم . وايدك للضلع لاحت
روحك مثل دمع العين . منك نزلت وساحت
جا شدكول لو نظريت . جثه من الطعن راحت
والخيل ابعلات الصوت .حي اعل السحگ صاحت
تموت ابعجل يا حيدر
تشوف الجسم يطّشّر
ما ينعرف جسم حسين • خلطت صدره وي ظهره
……………………………………………………………
يحيدر يوجع البسمار . منّه ام حسن محنيه
جسم ابنك صبح فرهود . جروح الف وتسمعيه
يحيدر سهم المثلث . رماه ابحقد راعيه
جبير و طلع من مگفاه . شگ الگلب و الريّه
يحيدر ضعف كل جسمه
صعب حتى الهوه ايشمه
اصفر نزف كل ادماه • ما ظلت ولا گطره
……………………………………………………………
يحيدر نعرف اتأذيت . من اسمعت ندهتها
طاحت من عصر بالباب . وركضت فضه شالتها
ابيتك هي مو بالجول . و خيل الشمر لحگتها
ولا طبعات ضرب السوط . مرسومه ابعبايتها
ولا بحبال فوك النوگ
من سوك وتطب ابسوگ
خدرها انرفع فوگ ارماح • وي الكافل و نحره
……………………………………………………………
محسن طفلك امأذيك . من شوفته ايحرمونك
بس مو عمر ست اشهور . شحلاته ويحله بعيونك
ولا عدوانك امن الماي . يحرمونه ويحرمونك
ولا بحضينك و مذبوح . شبگ جفينه بمتونك
رگبته ازغيره عالنبله
اگماطه امن الذبح حلّه
مات عيونه مفتوحات • بيهن لللعب حسره
……………………… ..…………………………………
صح شيّعت نص الليل . اجنازة فاطمه اندفنت
بس لو شايف اوليدك . جثه اعله الترب ظلت
ثلث تيام شمس الصيف . تلسع بيها واحترگت
بيها ايكبر النشّاب . عليها اسيوفهم صلت
خبّر يا علي فاطم
حسينج بالشمس نايم
موش ابجفن من دفنوه • ابحصيره اتوسد ابكبره
……………………………………………………………
يحيدر زهرتك غابت . ابعمر اثمنطعش ورده
الك علويه فوگ الراس . عمرها ابأربعه اتبدّه
من كثر السبي وتعذيب . زركه ابسوط منجلده
التغسل رفضت التغسيل . عنها وصفت مبتعده
ما اغسل هل البنيه
مريضه و حيل مجويه
حگها و مادرت عالنوگ • بين السوط والسطره
……………………………………………………………
رجعت من الدفن للدار . اجدامك بالمشي اتهمها
ابزينب يا علي مشغول . تفز و ماكو اهل يمها
لو شايفها ذاك الليل . هيمه و هايمه ابهمها
تصلي الليل من اجلوس . جوي الجدم يلجمها
تدعي الليل يتأخر
حبل اجفوفها امحضر
واسمها اتسمعه متغير . سبيه وموش بت عتره
……………………………………………………………
✍️ ( سيد خضر الزاملي )
((يحرگني الوداع))
يحرگني الوداع وتتبدل احــوالي
مبخـوته يالـگاع يمج صفه الغالي
ورده وبالنعش
عمر ثمنطعش
"""""""""""""""""""""""""""""""""""''''''''''
مابيه اهل بيدي الترب يوگع على خدودچ
والذكرى وايامي المضن كلهن على مودچ
حيــــطان بيتي فاطمه بحزانچ شهودچ
عود الگلب من الحزن ذابل مثل عودچ
عاوني ياحيل وصلني يم داري
ياوحشة الليل وحدهم ازغاري
والكون اندهش
عمر ثمنــطعش
"""""""""""""""""""""""""""""""""""''''''''''
للبيت اردن فـــاطمه هوه شبگه بحالي
ضليت اســــولف وًحـدي ومّضيع الغالي
يوجعني ضلعچ والجمر وكلشي يتراوالي
مابيه اجر حتى النفس يلچــــمني دلالي
هم ضلعي مكسور وانفاسي مخنوگه
هم جني مسطــور ياروحي محروگه
طير بلايه عش
عمر ثمنطـعش
"""""""""""""""""""""""""""""""""""''''''''''
صفناتي فَزن فاطمه حسبالي صحتيلي
واتلفت بعين الدمع وين امشي گـــليلي
من كسرةْ ضلوعچ كسر لضلوعي وديلي
وديلي اديچ الي انچون بس انتي رديلي
يرسملي الفراگ يادمـعةّ عيوني
يازهره مشــتاگ بسمچ ينادوني
والجفن انفرش
عمر ثمنــطعش
"""""""""""""""""""""""""""""""""""''''''''''
عافيتي مختنــگه بچــي من اذكر الهدو
جروني بس آنــه شفت بالسوط من ردو
سدوّ عيونچ بــالسطر عين العرش سدو
خدود السمه صارن حمر ضربوچ وتعدو
زينب بليــاچ ونتـها تاذينـــا
اخذينه وياچ بالحفره خلينا
بالحسره نطش
عمر ثمنطـعش
"""""""""""""""""""""""""""""""""""''''''''''
گاعد على كبرچ وأون لو چلمه حاچيني
آ يا خليلي ومُنيتي چــــــــا ليش ناسيني
ضلمه وبالجروح انتـچي رايح نضر عيني
حتى صدى صــوتي يرد ويصيح عفتـيني
ومتــــــيه البيت وافكاري مدفونه
من دمعي مليت يمـــــــته تلاكونه
واللهفه عطش
عمر ثمنطعش
عبد زينب
محمد الابراهيمي
((مولاتي اغثيني))
يافاطمةُ الزهراء .. مـــــولاتي اغيثيني
يافاطمةُ الزهراء .. لمصــــــابچ بجيني
مــــولاتي مولاتي للمجــــــــلس وديني
وخليني الطم صدري بالنضره ترئفيني
مــــــاتسوه الحياةّ بغير طـــرواچ
ومـــــــابياش افارگ دمعةّ العين
مراحل والعمر محسوب خطوات
بس خطواتي يامــــولاتي لحسين
اذا مو دمعه مــــــايسواش عـمري
واذا مو چفي مشبوگـ اعله صدري
شــــلي بعمــــــري يا أم الضيائيين
اذا مو حبچ اگلاده اعــــله نحــري
يافاطمه أم الحــسن ... مولاتي
"""""""""""""""""""""""""""""""""""''''''''''
يافاطمةُ الزهراء .. نظراتچ لحوالي
يافاطمةُ الزهراء .. مثلچ حبچ غالي
بكل مجلس موجوده طولج محني گبالي
مولاتي مولاتي مـــــــن حبچ هنيالي
بعزائچ دمعتي المضمومه تنشاف
وأكيد بدمعتي مـــــولاتي تــدرين
المثلچ كون يبچـي دموع الاعزاز
ومو مره نموت اعلـــــــيچ مرتين
مـــــــو مرتين امــوت اعليچ مرات
وأترس خاطري بذيچ الحـــــكايات
من ضل اعله طــولچ صافن الباب
ومد روحه اعله روحه ونتچه الباب
يافاطمه أم الحــسن ... مولاتي
"""""""""""""""""""""""""""""""""""''''''''''
يم زينب الغــراء .. بالشده ومنخيه
يافاطمة الزهراء .. يــــا اول علويه
مـــــولاتي مولاتي گليـــلي مگضيه
يامنبع انفاسي زوريني المــــسبيه
عمر خلصته وآنه بدولةّ الشوگ
وحتى الوين هم تصيح چـا وين
حسره بخاطري من تطلع اصيح
چا يمته ازورن اخت الحــــسين
وخاطر دهري ظل وياي مكسور
مشه عاشور بس بالــروح عاشور
صـــــــرت منذور للباب اليسدوّ
يم الباب الاخضر عمــري منذور
يافاطمه أم الحــسن ... مولاتي
"""""""""""""""""""""""""""""""""""''''''''''
يافاطمةُ الزهــراء .. سائـــــل ويدگ بابچ
ضيعيني بدمعاتي ..من اقرا اعله مصابچ
مـــــــولاتي مولاتي والـــدنيا اعله اعتابچ
خلـــــيني بتعزيتچ مــــــن جملةّ احبابچ
چبير مصابچ وماتكفي الدموع
مــو بالدنيا نبچي واحنه ميتين
اذا مو يومي يگضي وآنه انعاچ
چـــــا ألمن خلقلي الله عينين
هيه العين مخلـوقه الدمعتچ
سواد الليل صاير من حسرتچ
من آلآم ضلعچ كـــل الجروح
يا أم الحـــــسن كلفه محنتچ
يافاطمه أم الحــسن ... مولاتي
"""""""""""""""""""""""""""""""""""''''''''''
يافاطمةُ الزهـراء .. رحتي وعفتي أعيالچ
ازغار وكلهم حيره .. مـــن نضرو لحوالچ
مولاتي مــــــــولاتي حــيدر يبچي أكبالچ
وزينب صاحت يمه گـــلبي الظل ينعالچ
گلـــــبي اعليچ ينعه بمر الايام
لحـــــد ما بالمخيم نار السنين
لحد مـــا بالرمح يتعلگ الراس
واضل انعاچ وانه بحبل الايدين
اظل انعاج يمه بحــرگ الخيام
من يوصل ضعنه ويدخل الشام
اصيحن يــــــازجيه شلون باليل
يمه شلون بيه هـــــــواي الأيتام
يافاطمه أم الحــسن ... مولاتي
عبد زينب
محمد الابراهيمي
يمه وينج ضل مجاني خالي
فكي عينج وشوفي عكبج حالي
اهنا ييمه اهنا ييمه
***
ييمه اشلون انام وتغمض عيوني
ابجي اعليج كل ساع ويسكتوني
يمه اشلون اطب للبيت وام البيت ماهيه
كلبي ما يحب اوداع وانه افراك ما بيه
جنازج حجيت وياه وكتله اتعطل اشويه
شالت للكبر يا حيف امي الكلها حنيه
يالخذتها جلمه عندي وياها
انسه روحي وامي ما انساها
اهنا ييمه اهنا ييمه
***
شينشف الدمع يايمه حاجيني
محتاجه الحنانج ليش عفتيني
لمن شالج الجناز روحي وياج شالاها
صحت بصوت هاي امي وخل اتواع وياها
عافتنه وبعدنه ازغار وامنه وين نلكاها
بتراب الكبر نامت والضنه كطعناها
وكت الغروب ندخل الحجرتها
والها نشتاك من نشم ريحتها
اهنا ييمه اهنا ييمه
*
فليت الجفن بيدي ولزمت ايدج
وتخليني بعذابي يمه ماريدج
يايمه صحت شبساع رحتي وخلصت العشره
كلبي ينعصر كل يوم كمت امن ادخل الحجره
اذكر كعدتج بالبيت ضليت واجر حسره
بس اسمع صده الحيطان يرجع وانه منتظره
يمه يمه ليش فاركتيني
انه زينب اوياج ماخذتيني
اهنا ييمه اهنا ييمه
**
صحت شمسويه واعله الخد يسطرونج
وبين الباب والحايط يعصرونج
بضلوعج نبت بسمار يالحالج يبجيني
وتنادين اسمعنج يا فضه الحكيني
رفسوني اعله بطني ومات والله محسن اجنيني
انه فاطمه كتله وشال ايده وسطر عيني
ما رعوني وصوبو دلالي
حيروني وخيبوا مالي
اهنا ييمه اهنا ييمه
**
المن عايش وضال التموت امه
بعيني الدنيه من رحتي اصبحت ظلمه
شو كل ما اذكرنج مالحك عله عيوني
يايمه اشكد اتمنيت يم كبرج يدفنوني
اعثر بالجدم ضليت يايمه ويشيلوني
اتلفت وصيح اعليج وخواني يسكتوني
يالمشيتي ناري شيطفيها
يالحنينه جروحي شيداويها
اهنا ييمه اهنا ييمه
**
تمت
تحسين الخفاجي
#شكايتها_وبعض_وصاياها_لعلي_ع
⬛️◾️القصيدة-4-◾️⬛️
عليٌ لا يكُنْ دَفني نَهارا
وحاذرْ أنْ تُشَيعَني جِهارا
فإنّي قد غضِبتُ علىٰ أناسٍ
تمادَوا بعدَ أنْ كانُوا شِرارا
وقد هجمُوا علينا واستَباحُوا
لحُرمَتِنا وما حفِظُوا الذِمارا
كما الأحزآبِ جآءُوا عندَ داري
وعمْداً أضرمُوا بالبابِ نارا
كأنّـا لم نكنْ أهلاً لطٰه ٰ
ومِنّـا يطلِبُ الأصحابُ ثارا
فأينَ وصيةُ المبعوث ِفينا!
وأينَ مقامُنا القُدسيُ صارا!
ببابي لُذتُ حتىٰ لا يرآني
عدوُ الله ِأبغي الإستتارا
أُنادي يا أبي هَتكوا حجآبي
ولم أك ُ أرتدي-أسفاً- خمارا
فَمِن عصَرآتِهِ أهوىٰ جنيني
وأضلآعي تُعاني الإنِكسارا
وأما لَطمتي في العينِ تؤذي
سريعاً خلّفت فيها احمرارا
ومسمارٌ هناكَ أصابَ صدري
وقُرطي بعدَها راحَ انتثارا
وسوط ُالعبدِ أوجَعني بأمرٍ
من الباغي بهِ حقداً أشارا
أباحسنٍ سأرحلُ بعدَ هضمي
فعّف ِ القبر َ لا تُبد ِ المزارا
وفي وقتِ الهزيع ِهناكَ خُذني
إلىٰ الأجداثِ حيثُ بها أُوآرىٰ
وداعاً زينبٌ حسنٌ حسينٌ
فإنَّ العيشَ أصبحَ لي مَرارا
وأعلمُ أنّ لوعَتَكُم لأجلي
تطولُ وكُلُكُم بعدي حَسارىٰ
أنا مقهورةٌ ظُلماً وجَوراً
علَيَّ الدهر ُبالويلآتِ جارا
#سمير_الصالحي
#النجف_الأشرف
#السلام_على_المقهورة_المظلومة
🏴نعي - مجردات
ما كمِّلت عشرين الاعوام
واسبابهه عصرة الظلام
متكسره من عدهه العظام
متلوعه من كثر الٓآم
وجفونهه ما تقبل تنام
لعيون حمره بدمع سجام
بنت النبي ياعجب تنضام
گالتله يا حيدر يضرغام
يامن بسيفك عم الاسلام
جرحي غميج وعيب يلتام
خلصت سنيني وباقي ايام
والموت لو صوبني بسهام
گلبي عليكم يظل محتام
والأشد فرگة هاي الايتام
🏴 نعي - مجردات
نادت يبويه آخ ضلعي
ويسيل دم بدال دمعي
وانحب عل المحسن و انعي
#سمير_الصالحي
#النجف_الأشرف
محرم فاطمة
شور
دفعو الباب عل امنه شلون فاطم تندفع
دفعو الباب الثكيله وكسر ضلعج ينسمع
دفعو الباب لعصابه وطاح بابج عل ضلع
باب الثكيله طاحت عليه
ما تكدر امنه تحرك اديهه
بين الجدار وباب عصروهه
كسرالضلع جاشمسوي بيهه
يمه يمه ابنج طاح
يمه يمه محسن راح
يمه ميه شصاير بيج
يمه يمه حسينج صاح
@@@
حاوطو دار بحطبهم حت ضل بلايه دار
حاوطو دار النبوه وخلو بكل صفحه نار
حاوطو دار الزجيه وبل صدر بسمار حار
بروحي دواج ولكي اجيبه
كسرج يايمه يصعب طبيبه
ايسنه ابونه من امنه فاطم
هل ليل حيدر فارك حبيبه
يمه يمه بوجهج اثر
يمه يمه متنه قهر
يمه يمه متعبج الم
يمه يمه ضهري نكسر
@@@
فاطمه الحرمه البريئه ضلوع عدهه مكسره
فاطمه الحرمه الجليله جبيره حوبتهه ترره
فاطمه الحرمه العالمه عنهه تحجي الكوثره
وبيا ذنب عصرته الصابه
لا مو صاحبه ذوله عصابه
ان اعطيناكه ال كوثر
ذاكرهه رب الكون ابكتابه
يمه يمه بحضنج انام
يمه يمه صرنهه يتام
يمه يمه احجي وياي
يمه يمه كلبج شضام
@@@
وياج ليلتنه لاخير ليله ماتجزي بسلامه
وياج ليلتنه بواجي ولصبح نصبح يتامه
وياج ليلتنه بئلمنه صطره بخدودج علامه
ليله الاخيره ويل هاشميه
ابجي عليهه تبجي خطيه
ياربي طول عمر امنه لنه
متوسده بفراش ال منيه
يمه يمه فتحي عين
يمه يمه اني الحسين
يمه يمه الزمج خوف
يمه يمه تنلجمين
صباح جهاد
البیت مثل المگبره صار برحیلچ
بيش اعوضچ يمه وماکو بديلچ
البيت خالي بدونچ مشتاگ اشوف اعيونچ
&&&
صباح الخير حلوه هواي بلسانچ
بعد ماكو دفو يا يمه بحظانچ
قصر ما دفني وياج دفانچ
يم الوفه ما مدفون عنوانچ
تردلي العافيه من اسمع الصوت
تاليها امي صارت وسط تابوت
گدامي ويشيعونچ
&&&
البیت شلون ادخله وماکو بي انتي
بعد ما تحله وي الناس سالفتي
يمه الضحكه ميته وفارگت شفتي
كل خوفچ علي واعليچ ما خفتي
حياة بدون ام اشتسوه يا ناس
امك عدله خل امك عله الراس
يا يمه اظل ممنونچ
&&&&
يالتسمعني امك حيل باريها
لا تغضبها اسمع عينك اعليها
الله مخلي جنه تحت رجليها
ما ينشبع من امي ومحاچيها
اطيب بشوفة امي وامي دكتور
اروحن وين صارت وسط الگبور
ام الوفه ايسمونچ
&&&&
امي اول دعاء عند الله ما يرجع
عندي الوالده يا ناس چن مرجع
راحت امي ظل عيني بس تدمع
يرجع كلشي لكن امي ما ترجع
واهس بعد ما ظل وافرح انوب
راح اگضي الحياة بأسود الثوب
الخير نص ماعونچ
&&&&
سكنت المگبره من رحتي من بيتي
انتي العافيه وياچ عافيتي
من تدعيلي يكبر بعد صيتي
ربيتيني وانه افخر بتربيتي
اريدن عمرك يخلص بالحسين
افهم يالولد هاك استمع زين
والخدمه اهم مضمونچ
&&&
علي جبار الكعبي
الفاتحه لوالدي
قصيدة شور
ياحيدر. ياحيدر
ياحيدر. ياحيدر
ياعلي بية الوجع ما ينحمل
ضلعي ينزف والدمع من دم يهل
لاني ميته ولاني عدله بس جروح
بياذنب ابچي وجنيني ينقتل
فاطمه واذوني ابجي دم خلوني
وصّه بيه الهادي. تالي ما رحموني
امن الكسر محنيّه. بالجمر مچويّه
يا علي تتحمل. احجي ضيم البيّه
ياحيدر. ياحيدر
ياحيدر. ياحيدر
٠٠٠٠٠٠٠٠٠٠٠٠٠٠٠٠٠٠٠٠٠٠٠
ياعلي كسر الضلع ماظن يطيب
لا تجي وتشوف حالي يالحبيب
حالي يجرح گلبك وخوفي عليك
لا تموت امن البواچي والنحيب
الينجرح بضلوعه. ما تفيده دموعه
بوالدي وبوليدي ياعلي مفجوعه
من عذاب جروحي. والله طلعت روحي
عنك وعن زينب. اخفي وني ونوحي
ياحيدر. ياحيدر
ياحيدر. ياحيدر
٠٠٠٠٠٠٠٠٠٠٠٠٠٠٠٠٠٠٠٠٠٠٠
من عصرني الظالم بحقده الدفين
ما رحمني ولا رحم حتى الجنين
ما كفاه كسر الضلع وبجي وصيح
يا علي رد وسطر وجهي اللعين
من سطرني بعيني. غايته يأذّيني
والوصية الحالت. بينك ومابيني
ظلعي خل يتكسّر. ما صحت ياحيدر
لو نخيتك اني. ادري ما تتعذر
ياحيدر. ياحيدر
ياحيدر. ياحيدر
٠٠٠٠٠٠٠٠٠٠٠٠٠٠٠٠٠٠٠٠٠٠٠
راح اودعك ياعلي حان الوداع
بعد ما احمل مصايب وفتجاع
الله لا ينطي الكسر ضلعي اصيح
ويلعن الچان السبب بالانقطاع
لو متت عزّيني. للگبر ودّيني
علي الله يعينك. بيدك تواريني
فاطمه المظلومه. من زغر محرومه
بياذنب يا دنيا. اندفن مهضومه
ياحيدر. ياحيدر
ياحيدر. ياحيدر
سيد زيد الفحام
نزلة لمولاتي فاطمة الزهراء عليها السلام
تنزف جروحي. عذبوا روحي. يموعود
والله أذّوني بچّوا عيوني. يموعود
٠٠٠٠٠٠٠٠٠٠٠٠٠٠
فاطمه امك يمهدي تدري بالصار
هجموا علية يغالي وحركوا الدار
دفعو الباب عله صدري انصاب بسمار
يمته تظهر يا حبيبي وتاخذ الثار
اظهر لثاري. ما طفت ناري. يموعود
يبني ظلموني. بچّوا عيوني. يموعود
٠٠٠٠٠٠٠٠٠٠٠٠٠٠
لذت خلف الباب يبني وضلعي مجروح
ومن عصرني الطاغي بيده شاغت الروح
طاح يالمهدي جنيني ودمي مسفوح
وأثر سطرة أيده هذه يبني متروح
سطرته بعيني. نار تجويني. يموعود
ضربو امتوني. بچّوا عيوني. يموعود
٠٠٠٠٠٠٠٠٠٠٠٠٠٠
ما صحت وينك يحيدر ظلعي مكسور
مچتف بأمر الوصية. ادري معذور
صحت يابويه مّحمّد ضربو النور
اكشف ترابك وعاين وجهي مسطور
ادري تكليفه. ما يسل سيفه. يموعود
لهالسبب جوني. بچّوا عيوني. يموعود
٠٠٠٠٠٠٠٠٠٠٠٠٠٠
لا تظن ضلعي يطيب واشفه ورتاح
لحدما تظهر يمهدي دمعه ونياح
ادري عندك يبقه ثاري ثاري ما راح
ثار ضلع امك يمهدي ومحسن الطاح
انتظر تظهر. يا شبل حيدر. يموعود
ثكله خلوني. بچّوا عيوني. يموعود
٠٠٠٠٠٠٠٠٠٠٠٠٠٠
فاطمه امك يمهدي حقي مغصوب
يمته يبقه يابوصالح گبري محجوب
عَجّلَ اللهُ ظهورك گلبي مكروب
اظهر وزيح الضُلامه وشفي لگلوب
بيدك الرايه. سيفك الغايه. يموعود
تدري هضموني. بچّوا عيوني. يموعود
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من ديوان عبرات وأنين ج١(خاص بالزهراء)
*قصيدة للزهراء لسان مولاتي زينب(ع)*
❥━──➸➽❥❂❥━──➸➽❥❂
يمه يمه يمه محتاجه لحنانچ
يمه يمه موحش وخالي مچنانچ
رحتي عني يا زچيه / والنزل موحش عليه
يمه يمه ... يمه يمه
❥━──➸➽❥❂❥━──➸➽❥❂
يمه شلتي وين عني يالحنينه
من عگب عيناچ روحي امست حزينه
ما اصدگ رحتي يحبيبه من ادينه
رحتي يحبيبه من اديه / و دمعت عيوني جريه
يمه يمه ... يمه يمه
❥━──➸➽❥❂❥━──➸➽❥❂
يمه يمصابچ فجعني وهدم حيلي
اعليچ اون طول الدهر مانمت ليلي
يمه من كثر الحزن ذايب دليلي
يمه وأنه شلون بيه / ابچي كل صبح ومسيه
يمه يمه ... يمه يمه
❥━──➸➽❥❂❥━──➸➽❥❂
يمه هالدنيه بغيابچ مرمرتني
ومن حنانچ يم حضن دافي احرمتني
يمه ياريت المنيه هم خذتني
ريتها اخذتني المنيه / و لا اصد دارچ خليه
يمه يمه ... يمه يمه
❥━──➸➽❥❂❥━──➸➽❥❂
يمه دارچ خاليه اوحشه ومظلمه
والله يخنگني النفس لو صحت يمه
يمه گلبي نكسر بعدچ كثر همه
ونتي ونه شجيه / وما اظنلچ بعد جيه
يمه يمه ... يمه يمه
❥━──➸➽❥❂❥━──➸➽❥❂
يمه ما اظنچ بعد تلفين للدار
وبغيابچ ضل يزهرة الدمع نثار
الحسن وحسين يتباچون الازغار
وضل يدير العين ليه / يصيح وينچ يا زچيه
يمه يمه ... يمه يمه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
*هوسات جنوبية للزهراء ع*
*من ديوان 📚 عبرات وانين في رثاء الطاهرين الجزء الاول خاص بالزهراء*
❥━──➸➽❥❂❥━──➸➽❥❂
ريض بامي ياجناز خل اتوادع وياها
هاي ام كلمه الحلوه وروحي تريد ملگاها
تراني امعلمه اعليها وما اگدر بلياها
لتشيل بنعشها …… يمي خليها
روحي تريدها وامعلمه عليها
خافن لوخذتها ماترد بيها
بالمظلم تنام وترب يغطيها
ولوراحت بعد مترد والاگيها
*((يدفنوها//بالمظلم امي))*
❥━──➸➽❥❂❥━──➸➽❥❂
راحت ماترد اردود خلتني اجر ونه
واصيح بصوت يايمه وجهچ وين اشوفنه
غطاچ الترب ياحيف متردين بعد النه
شيعودچ بعد …… والنه تردين
وسفه باللحد يمه تنامين
يالطيبه العزيزه ام گلب الحنين
خليتي بنيتيج تهمل العين
يايمه بعد نلگاچ چاوين
*((ياوجه الزهره//مظيعينه))*
❥━──➸➽❥❂❥━──➸➽❥❂
اجيت بلهفتي لدارچ واگل للدار حاچيني
وين الچانت هنانه امس يمي وتباريني
شتاگيت الحضن امي وحچاياها التسليني
يادار الحنينه .......… ردي اعليه
وين امي مشت ماعودت ليه
لفرگاها تراني حيل مابيه
خلتني نحيله وبالمهظميه
ترجعلي بعد لومالها جيه
*((عفتيني//للنوح وللون))*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
لاستشهاد فاطمة الزهراء عليها السلام
يوم الزهره. ويوم العاشر اصعب يومين
بين السطره. وبين الحافر اصعب يومين
اهناك المحسن مطروح. وعبدالله هنا مذبوح
اصعب يومين
★★★★★
هذا حال الطاهره الحره الزچيه
الدارها من كل كتر تلفي المنيه
نشطر نصين الگلب نوح ورزيه
التمن احزان الوكت كلهن سويه
بيوم الرهبه ويوم الغربه مهدوم الحيل
مابيه رحمه. ليل الظلمه . آه من الليل
اهناه نوح وآلام. وهناه محروگه اخيام
اصعب يومين
★★★★★
وزينب تشوف الهواشم علترايب
حسين بين الگوم وسهام النوايب
ضل وحيد وعنه صار الگمر غايب
نهب لسيوف العده كل الحبايب
انوار العتره. فوگ الغبره. صاروا ياحيف
ولاكافلها. . اليفزع الها. امگطع بالسيف
هناك الضلع المكسور. وهنا راس المنحور
اصعب يومين
★★★★★
الموخليفه شلون يتسمه خليفه
المنهجه مصنوع من يوم السقيفه
كشرت انيابها وجوه الاليفه
فرضوا الاحكام بالحجة الضعيفه
اطباع الصلفه. لاموصدفه ولاهذا الراي
الناتج ظاهر. طف وعاشر. وي منع الماي
يوم الباب المحروگ. ويوم الراحت علنوگ
اصعب يومين
★★★★★
للجريمه اهواي ابعاد واسامي
يا امامي الحجه تعلم ياامامي
الزهره مهظومه گضت وحسين ضامي
ومثل محسن علترب عبد الله دامي
من اهل البدعه واهل الخدعه شافوا اهوال
هاي الزمره. نفس الفكره ونفس الاحوال
يوم الهم واللوعات. ويوم الشر والويلات
اصعب يومين
الشاعر حسن لعيبي الحريشاوي
لاستشهاد الزهراء عليها السلام.
(وزن السريع)
الله واكبر يادواهي الدهر
اشتحمل الزهره من عذاب وقهر
★★★★★
أيام صعبات اللَّفن فاطمه
بفعل العصابه الظالمه المجرمه
بلوعه وعليله وناحله امهشمه
غربه ومناحه وعاديات الخطر
★★★★★
كل الوكت مهموم گلب ام حسن
من نايبه النايبه ايذبها. الزمن
بعد النبي ايام صعبه. لفن
والگلب مثل الضلع منها انكسر
★★★★★
العلزهره لوعلجبل چان انهدم
من اهل الظلم مايوم شافت رحم
ولابيهم المكسور گلبه. وندم
ولابيهم الحس ابذنب واعتذر
★★★★★
وين الزچيه تروح من هَلْمِلَلْ
الخانوا ابوها وجفوا خير العمل
حصتها منهم بس مرار. وعلل
وگلوب أبد متلين مثل الحجر
★★★★★
القالع الباب الي بديه انرفع
بابه على ضلع الزچيه اندفع
صابر على المحتوم ابد ماجزع
صابر على الحال اليذوب الصخر
★★★★★
الغصبوا فدك معروف چان السبب
وحق الوصي يوم السقيفه انغصب
والهجموا على الدار. وَجَوّا حطب
نفس الي گالوا على الهادي هجر
الشاعر حسن لعيبي الحريشاوي
انصلي ابيا جرح هاي المسيه
وقبلتنه اليـــــالـــي الفاطميه
المامتوضي بدمـوع…. لا يبچي اعله الضلـوع
★★★★★★★
العمره ماصله فرض….. لا يجينه ويعترض
باچر ايموت ابذنوبه….. والله وترفظه الأرض
الإيـــده ابد مالاطمه. ….. ماتريــــــده فاطمه
الموش اسود چان ثوبه… أمه ابد مو خادمه
الخادم امبين تــــــره. …… فاطمه التتخيرة
الخادم اتزغرة الطوايف….. والخدمها اتكبرة
حُــب العدنه حُــب ابلا منافس
والله انموت لو عفنه المجالس
المايفهمنه ممنوع 🚫 لا يبچي اعله الضلوع
★★★★★★★
من توضينه ابدمــع….. اذن اذان الضــــــلع
كبرت كل المــــــأذن ... وصوت زينب يرتفع
اتوجهينه من الصبح….. وصارت القبله جرح
وحيل يستانس جرحنه…. من يسلوف عا الملح
دفعوا البــــــاب العصر…والخدم صَلت قصــر
ومحسن اعله البـاب صله..وضلع فاطم منكسر
يوم المحشر اتصيح الزچيه
يله ياخدم نصبوا عــزيـــه
الماذاب اوي الشموع….. لا يبچي اعله الضلوع
★★★★★★★
المافهم هذا العشگ….. حگه لو مايحترگ
فاطمه چي نعمة الله…. صعبه لمن تنسحگ
المارضع طاهر لبَن….. ماتريده ام الحسن
المابچه لحسين ابنها … مايطب جَنة عَدَن
فاطمه اتعرف الخدم… الباچي لحسين اولِطم
والحضر مجلس عزاها….. مايعظ اصبع نَدَم
المارايد يْسَجل اسمه ابسجلها
باچر لا يجــــي ادخيلچ يگلها
الما لاطم اوموجوع…. لا يبچي اعله الضلوع
★★★★★★★
الله كلشي امقسمه….. البالأرض والبلسمه
فاتح الجنه الخدمها….. والعدوها الحاطمه
المذنب الله ايحاسبه….. وللجحيم ايطببه
الگال ماكسروا ضلعها…… من الحميم ايشربه
الم حطب بيده وتَعَب… باچر ايسووا حطب
البايع الشيخين خله….. ماينفعه ابـــــو اللهَب
باچر فاطمه اتوضح امرها
ياهوا المنها ماخذ كل عمرها
الجارح بيده مفجوع…. لا يبچي اعله الضلوع
★★★★★★★
أ يتاريــــــخ الجَهَـــــل... سجل ابلايه خَــــجَل
گصت الشيخين شحت… وماي غيره ولانــــزل
عصروا ابچــفهم أمل…. فاطمه وخير العمل
وكبرت جروح الخلافه… ومن سمع حيدر زعل
جروحه تنزف والألم… ذكرة ابحرگ الخيم
ابظهره هد عباس لچن…. بيده ماشايل علم 🚩
حـيدر گله رد ياعَـم رقيه…
ظميتك ذخــــر للغاظريه
المارد چفه مگطوع….. لا يبچي اعله الضلوع
★★★★★★★★★★★★
ياالهـــــي المؤتمن….. ابجاه ضلع ام الحسن
ودمعة حسين اعله أمه… احفظ النه هالوطن
الجوع يمشي ابكل درب… وبوطنه انحس غرب
الموت يم كل باب واكف… عشنه برماد الحرب
شفنه يـــوم الأخــــرة….. وعاشريـــنه المگبرة
وبالجنايز عالمغيـــسل…. لـــزموا اخواني سرة
ياكرسي الحكم ارحم شعبنه
ومن عدكم ترة كلـــش تعبنه
العايف شعبه بالجوع…لا يبچي اعله الضلوع
★★★★★★★★★★★★
ــــــــــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء
📜نعي لمولاتنا الزهراء "عليها السلام" حال مولاتنا زينب "عليها السلام"
لازمه الباب
تبچي العقيلة ولازمه الباب
رديـــــــلــي يمه گلبي انعاب
مــليــت وانـي اكتبلج أعتاب
شكد عاتبيت والچ ناديت
هــــسه تردلي اتنور البيت
بــالبــــاب ليل انهار تانيت
يالرايحة ويالدربچ ابعيد
مري علي بس ليلة العيد
بلگي الگلب لو شافج ايهيد
يــــــمة الهجر للعدل چتال
يا شوگي ليچ لروحي عيال
للــــه ورسوله اشتكي الحال
عشت ابأمل وي ذكرياتي
تـــــدين من بعدج حياتي
سـودة صفت تشبه عباتي
📜نعي طور الفراق:-
روحي راحت.....من رجـــــع حيدر إليه
روحي راحت...وشفته من دون الزچيه
روحي راحت...گلــــي راحت ماكو جيه
رد عليه...بويه لتگلي ادفـــنــتها
رد عليه...ماتت ومـــــــا ودعتها
رد عليه...شگال گلبك من عفتها
گومي يمه...گومي ليه واحضنيني
گومي يمه...من حنانج شبــــعيني
گومي يمه...نشفت امن الدمع عيني
.....................................
✍🏻تمت بعون الله وتوفيقه بقلمي زينب الواسطي لااجيز حذف الإسم أسألكم الدعاء
لحن(يحرگني الوداع)
بصوت
ملا كرار جاسم
بغداد
لحن(مولاتي اغثيني)
بصوت
ملا وسام الصيمري
بصره
واكف اعله بابج ونحب المصابج
عيوني وعيونج جرن ليش فركنه الزمن
**
حزني ليل وساكن بوسط الجوارح
انه طايح مدري كلبي مني طايح
فاطمه بوجهج جنت كل يوم اصابح
رحتي عني وكلشي احس من عندي رايح
والله يالحبيبه فركتج مصيبه
فاطمه يم الحسن ليش فركنه الزمن
****
الحرك بابج فاطمه شيريد منج
انه ادري امن الضلع كل هذا ونج
اشلون اغسلج فاطمه وبجفوفي ادفنج
يا حرامات الكبر يبعدني عنج
من علي خذيتي كلشي من مشيتي
الشوفتج دلالي حن ليش فركنه الزمن
**
ليش اليفارك حبيبه ايزيد ونه
انه وانتي احله شي بالدنيه جنه
انتي رحتي وراحت وياج المحنه
والدهر كل يوم يحرمنه امن اهلنه
هاجت المواجع امشي جني ضايع
عكبج احلامي اختفن ليش فركنه الزمن
*
ياهي مثلج حيل بالباب اعصروها
وطيحو من عدها ابنها وروعوها
ياهي مثلج حيل عالخد اسطروها
ونبت بسمار بضلعها وشتموها
فاطمه العضيمه تنعصر هضيمه
والجروح اتراكمن ليش فركنه الزمن
***
اشلون تغفه عيوني بليل واسدها
صحت ذيج ايامنه الحلوه اشيردها
انه روحي اويالمصايب هذا حدها
والحديقه تموت من يذبل وردها
فركتج طويله ودمعتي ثكيله
شيبت من المحن ليش فركنه الزمن
**
تمتم
تحسين الخفاجي
نعي للزهرة عليها السلام
===================
يمه ونيت والونة خفيه
رحتي يايمه يازچية
وانا بعزتك يالهاشمية
عقبك اصير بمهضمية
ياليت زارتني المنية
ولا اشوف انا دارك خليه
((رحتي وكدرتي عليه))
زينب تحن والعين عبرة
ماقدر على فراقچ يازهرة
رحتي يايمه العين حمرة
ومن الضلع يمه وكسره
مستعجلة نوم المقبرة
((عودي يامحجوبة عليه ))
ياام الحسن موتچ فجعني
حيلي انهدم يمه وبهضني
مايقدر يشيل الثوب متني
مصايب الدنيا عمتني
وصار الحزن والضيم فني
((على امي لاهدر ماي عيني))
بويه علي ياحامي الجار
ياللي شلت امي من الدار
تبچي ودمع العين مدرار
على العزيزة ام الاطهار
وشقال قلبك بويه ياكرار
((يومن دفنت الهاشمية ))
شالت الزهرة ام البدور
والبيت خالي ومنطفي النور
من شالت امنا وسكنت اقبور
راح الفرح معها والسرور
عقبها بصالي يوم عاشور
((ياليتني وياها سويه))
زينب تحن والحسرة تجرها
ياليت مدفونة بقبرها
ولا باليتم انظر بزرها
امي شابه وماقضت عمرها
من ركزة المسمار بصدرها
((ياشابة خالي مكانچ))
عقب العزيزة موحش البيت
مدري شسوي وحدي ضليت
خلى البيت يايمه خلى البيت
تمنيت في قبري تمنيت
عودي لنا ياشمعة البيت
((ياليت تعود دخلاتچ عليه))
ياالطاهرة يابنت ياسين
ناديت يمه وماتسمعين
عودي وربي الحسن وحسين
سطاالبين في قلبي سطاالبين
خلاني بس اصفق باليدين
((اويلي عليها ذاب قلبي))
===================
نظم ام صادق بوعريش............
كيد الهظم:-
بلا موعد الموت ختام البدايه
شكثر ما تعيشون بالكبور النهايه
ألا ايها الموت اخذ روحي هايه
غربه العمر لو ولفه يرحل
كلب اليحب بالفركه ينذل
هذا الصدك يا موتي اقبل علي مات
وي فاطمه يا موتي اريدك
وي فاطمه خلي ايدي بيدك
وي فاطمه رايد وعيدك علي مات
ذله العاشك ليل واداعه
شوف عيونه يصير متاعه
يشتد موجه بكسر شراعه
///////////////////////
انه الصبري ينكال مثل للحياره
جزع كلبي من شاف خليله احتضاره
صعب كلش يعيش اليموت نهاره
كون الهجر زلمه ويمرني
جا ما سلم مني وعبرني
هذا الكسر كلبي وجتفني علي مات
وي كل مسه مكسروه روحي
وي كل مسه يبجن جروحي
وي كل مسه يعميني نوحي علي مات
ليله افراكج شيب راسي
تيه بيه احبابي وناسي
بس هذا الوي حيدر قاسي
//////////////
على الحايط اثار واصدلك يبابي
يلمضيع السنين يجمرة عذابي
ردت تحمي خلي اذا حل غيابي
ذنبك ندم واعظم خساره
بيه خنت اكبر جساره
منه اقبلت تكربها ناره علي مات
فوكك اثر دم الزجيه
فوكك اثر أمان اديه
فوكك اثر نار الرزيه علي مات
يا باب الطاوع ذباحه
يل ذنبك سد باب الراح
انته السل حيدر بجراحه
////////
يمر يمي واندار هضم بيه يكتل
يموت الشهم لو يصد ثاره يجفل
جرح يكبر وأخ صبر حيدر يقل
لو يمي مر كاسر ضلعها
ترجف ادي واذكر دمعها
اسكت هضم روحي الفجعها علي مات
سيفي ارتجف ويصد عليه
سيفي ارتجف وافركها اديه
سيفي ارتجف يبجي الزجيه علي مات
يا فقاري الضل بكرابه
حيدر لا ما يكضي مصابه
ينحز نحره شما مر بايه
احمد
الزينبي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
بين الزهراء وريحانتها الحسين
(عليهم السلام)
احسين يمه اگعد تعال اگبالي
اليوم خل غالي يودّع غالي
ــــــــــــــــــــــــــــــــــــــ
يمه اسولفلك اريد اعله الزمان
اسوالف الام عافيه وتگطر حنان
آنه اول ميته ماعندي مكان
ولا گبر مثل البشر يبرالي
ــــــــــــــــــــــــــــــــــــــ
آنه أظل إبلا گبر وابلا صحن
كبري يظهر وي ظهور ابن الحسن
وانته عاري اتظل ييمه بلا چفن
وهوّه چتالك نفس چتالي
ــــــــــــــــــــــــــــــــــــــ
آنه بالبسمار اتلوّع وأگول
ليش ياهالناس خالفتو الرسول
وانته يامظلوم تنداس بخيول
وزينب التنعاك هم تنعالي
ــــــــــــــــــــــــــــــــــــــ
ضلعي من ينعاب اصبح كالخيال
وانته تتطشر وذر فوگ الرمال
تعطش وماتشرب الماي الزلال
وآنه أظل بمجلسك للتالي
ــــــــــــــــــــــــــــــــــــــ
زينب اعله التل تنادي ياحسين
لو عدل انهض يبوالگلب الحنين
السوط يضربني واصدن باليمين
وباليسار احمي وجوه اطفالي
ــــــــــــــــــــــــــــــــــــــ
يمه والمحسن الماشاف الضوه
من سقط طولي مثل سعفه انلوه
لچن عبدالله المثل شم الهوه
هوه أكثر طفل شاغل بالي
ــــــــــــــــــــــــــــــــــــــ
احسين واليبچي بعزائك لو ينوح
لو يعلگ رايتك فوگ السطوح
كل تعب محسوب عندي ومايروح
تاج البسه وقصر ياخذ عالي
محمد الجماسي
#اللهم_عجل_لوليك_الفرج
نزله لمولاتي فاطمة الزهراء عليها السلام
ثار الزجية وثار محسنها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
بيدي الامام المهدي من يظهر
ثار الزجية فاطمه وحيدر
وثار الجنين المحسن الاطهر
اسمع خبر يالناشدت عنها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
لا يفرح الاذّاها والظالم
ما تبقى تبجي للأبد فاطم
يشفي الظلع من يظهر القائم
وهل السقيفه ينتقم منها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
من يظهر المهدي ويسل سيفه
ياخذ امن الصاب الضلع حيفه
يرضي الزجية المهدي تكليفه
مرقدها يعله ويزهي موطنها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
ثاراته بالشيخين يبديها
منّ الدفعها وعتده عليها
يبدي القصاص وامّه يرضيها
كشف العصابه وكل بواطنها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
حق الزجية يرجع بچفه
يكشف كبرها والضلع يشفه
يملي الأرض بالرحمه والرئفه
ارض وسمه قادر يوازنها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
ميخلّي ظالم عايش وحاقد
يفني النواصب ما يضل واحد
تصفى النفوس بدولة القائد
ناس التعيش وياه يطمّنها
بيد الامام المهدي ضامنها
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
*قصيده لدفن الزهراء(ع)*
من ديوان عبرات وأنين في رثاء الطاهرين الجزء الأول
❥━──➸➽❥❂❥━──➸➽❥❂
يالتحفرون گبرها يالتحفرون
لاتلچمون ضلعها لاتلچمون
*امصوبه ومالومه ... ماتت المضلومه*
تبچي العيون عليها تبچي العيون
يالتحفرون گبرها يالتحفرون
❥━──➸➽❥❂❥━──➸➽❥❂
تهمل عيوني عله امصاب الزچيه
بهيده وياها يحماي الحميه
ترفه ماتحمل اتراب ولاوطيه
وحشه اشوف الدار ضلت هالمسيه
الدار مابيها ضوه
وگلبي اعليها انچوه
حادي الاضعون خذاها حادي الاضعون
يالتحفرون گبرها يالتحفرون
❥━──➸➽❥❂❥━──➸➽❥❂
حادي الاضعون خذاها وگطع بيها
بويه يالكرار خل عينك عليها
امي من السوط مالومات اديها
والحسن يبچي الحسن ويريد ليها
اشلون يمه اسكته
والله گلبي فتته
واصبر اشلون واهوده واصبر اشلون
يالتحفرون گبرها يالتحفرون
❥━──➸➽❥❂❥━──➸➽❥❂
اشلون اهوده ايريد لمه مايهود
وماترد النه بعد ماضنها تعود
بهيده وياها يسلطان الوجود
الليله مو بالدار امي تمسي بلحود
الليله امنا الطاهره
نايمه بالمگبره
واظلم الكون عليها اظلم الكون
يالتحفرون گبرها يالتحفرون
❥━──➸➽❥❂❥━──➸➽❥❂
اظلم الكون وبچت حته السمه
عله امصاب امي الزچيه فاطمه
بهيده وسدها يحماي الحمه
الضلع ماطاب يتناگط دمه
حمره تنزف عينها
ضل يون حسينها
ماتريضون بنعشها ماتريضون
يالتحفرون گبرها يالتحفرون
❥━──➸➽❥❂❥━──➸➽❥❂
ماتريضون بنعشها سويعه وحده
خل يوادعها ويحط خدها اعله خده
سهم الافراك الگلب زينب تعده
شلون بيه تگول لو طالت المده
تگول روحتها بطيه
ماتجي بالغاضريه
اتشوفني شلون غريبه اتشوفني شلون
يالتحفرون گبرها يالتحفرون
❥━──➸➽❥❂❥━──➸➽❥❂
ريت بالطف تحضر وتنظر الحالي
اضل حرمه وحايره وبعوز والي
انسبي من عگب خواني ودلالي
وراس ابو اليمه عله ارماح العوالي
الضحايه اامدده
والحرم بين العده
بينه يمشون يساره بينه يمشون
يالتحفرون كبرها يالتحفرون
❥━──➸➽❥❂❥━──➸➽❥❂
*بقلم ✍🏻 شاعرات اهل البيت ع*
*العلوية هجران الياسري بنت الشاعرة ام هجران العمارچيه*
*العلوية مريم النور*
*نسألكم الدعاء و الفاتحة الى روح امواتنا وامواتكم :🍃*
*فزاعية مع هوسات للزهراء(ع)*
*📚من ديوان عبرات وأنين ج١ خاص بالزهراء ع*
❥━──➸➽❥❂❥━──➸➽❥❂
اريد مراد منچ يم الحسين
مهظومه وحزينة بحالي تدرين
❥━──➸➽❥❂❥━──➸➽❥❂
يامولاتي اجيت واهمل الدمعه
وبأسمچ صحت والروح منفجعه
من عندچ اريد مراد يالبضعه
((تدريني//مهظومه وجيتچ))
❥━──➸➽❥❂❥━──➸➽❥❂
مهظومه يزهره وجيتچ اليوم
انخاچ وانوح وگلبي مالوم
احلفچ بالحسين ازيلي الهموم
((اتزيلينة //كل هم وضيق))
❥━──➸➽❥❂❥━──➸➽❥❂
ضاگت يالزچيه وحيل مابيه
واتعرفين حالي واشجره عليه
من گد المرض الضلوع محنيه
((طلبيته //وادواي من ايدچ))
❥━──➸➽❥❂❥━──➸➽❥❂
اجيت لمجلسچ واسيل دمعاتي
ومن ايدچ طلبت ادواي مولاتي
وتگضيلي ردت هاليوم حاجاتي
((فرحيني//واعليچ بزينب))
❥━──➸➽❥❂❥━──➸➽❥❂
بالحوراء احلفچ والجره عليها
و بكافل خدرها و كل اهاليها
لتخلين روحي الهظم غاطيها
((ابدلالي//والنار موجرة))
❥━──➸➽❥❂❥━──➸➽❥❂
متوجر دليلي واسچب العبرة
وحضريني اصيح بصوت يازهرة
انتي بحالتي يم الحسن ادرة
((دگيتة//مهظومه وبابچ))
❥━──➸➽❥❂❥━──➸➽❥❂
يالكلچ محنة اليوم اندبنچ
ومرادي اريده اليوم انه منچ
متفشليني يم حسين اعرفنچ
((تگضيها//كل شدة بجاهچ))
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
لاستشهاد فاطمة الزهراء عليها السلام (وزن المثلث ثلاث ارباع الشيعتي)
كل ليالينا الليالي الفاطميه
تبدي من كسر الضلع للغاضريه
★★★★★
جرح يمطر غيظ ياضلع الزچيه
الماجفاها النوح حد يوم المنيه
بالرزية كون اصحاب الردية
جنت منهم فاطمه اعظم رزيه
الأبد ماعدهم شهامه ولاحميه
★★★★★
محور التكوين ياقطب الامامه
ياسلام الكون ماشافت سلامه
لاعتب يسوون لاتنفع ملامه
گوم ماعدهم حميه ولاشهامه
اجتمعت الاحقاد والباطل سويه
★★★★★
نار بضلوعي المدامع چملتها
علضلوع المارحم بيها وكتها
زمره دفعتها بصلافه ومارعتها
حيرة مدري منين هلوادم لفتها
خَلَّت أديار الشرف منها خليه
★★★★★
موكفيله ايامها تشفي جرحها
ولا أكيد يمر بعد بيها صبحها
مثل طيرة بريح متكسر جنحها
شلون وي چتال يتوالم صلحها
يساعد الله المرتضى حامي الحمية
★★★★★
المافهم سرها ولايعرف قصدها
بكل صلافه چلمه الزهره يردها
للمنية بگت دمعتها على خدها
بالهظم ام الحسن سكنت لحدها
ورجع حيدر ينحب أوونته خفيه
الشاعر حسن لعيبي الحريشاوي
(گعديه ) لاستشهاد الزهراء عليها السلام
شكثر ونها شگد حزنها
البلصحابه خاب ظنها
فاطمه ابعمر الورد عذبوها اهل الحقد
شگد حزنها
★★★★★
اشخذت من حگ الصحابه اليدّعون اصحاب ابوها
انطوها بس ون الليالي ابگلب قاسي عاملوها
نسوا هيّه بت محمد ابسلب حگها اتذكروها
معنى الوصيه اليستمع
فاهمها عن سوء الطبع
يعني القصد كسر الضلع بغير معنى فسرّوها
مارعوها وضيعوها
بت محمد خالفوها
بهلمواقف. والقصد عذبوها اهل الحقد
شگد حزنها
★★★★★
شگدروايات ابكتبهم القصه چم واحد ذكرها
خاف تتغير مواقف كلمن القصه نكرّها
مايگول اشجره عليها وياهو الظلوع الكسرها
اقره الكتب عبر الزمن
مهمومه هاي ام الحسن
بشر النوايب والفتن ماتت باول عمرها
علضربها والي سبّها
الزهره ظلت تدعي ربها
على الباري تعتمد. عذبوها اهل الحقد
شگد حزنها
★★★★★
وبالاحاديث الشريفه طه يروي قول ربّها
فاطمه يرضه الرضاها ويغضب الباري الغضبها
ليش ظالم مارحمها بالهظم يكسر گلبها
من خالف الله والنبي
يعمل بأصله الناصبي
مثل الاسيره التنسبي عمدن بسوطه ضربها
ماتاسف ماتحسف
على البيها. الحق تشرف
من عنيد ومستبد عذبوها اهل الحقد
شگد حزنها
★★★★★
بيت بالايمان مبني فقه واخلاق وعقيده
حتما اتباع الظلاله ابخير يبقه ماتريده
الوعي ايعذّب فكرهم للصنم همه عبيده
من عاونوا چف القدر
راح الطفل ضلع انكسر
من بعد ابوها ابچم شهر راحت الربها شهيده
مانصفّها الماعرفها
باطن احقاده كشفّها
بغضب كل حاقد يصد عذبوها اهل الحقد
شگد حزنها
★★★★★
كلمه هزّت عرش ربها الگالها اباب الزچيه
فاطمه بالدار گالوا ( وان ) رد وزاد غيّه
الحطب كوّمه ورايد بالحرگ ينهي القضيه
صوبها بصواب الغدر
قصده ضلعها ينكسر
ولطفل اصبح يحتظر وعجّل عليها المنيّه
عذبوها بعد ابوها
على الونّه عودوّها
من السقيفه لِلَّحِدّْ عذبوها اهل الحقد
شگد حزنها
الشاعر حسن لعيبي الحريشاوي
لاستشهاد الزهراء عليها السلام. موشح
اليوم ياشيعة رحيل أم الحسن
الشافت أنواع المصايب والمحن
★★★★★
الأرض ملچومه تنوح ومظلمه
ومومثل كل يوم حالتها السمه
ابيا گلب حيدر يودع فاطمه
بنار گلبه من دفن جنة عدن
★★★★★
بگلب حيدر تحرگ الدنيا حرگ
وبحوافر خيلها تسحگ سحگ
موأكيد عيونه تغفه. وتنطبگ
ولاكفيل اجروحه يمحيها الزمن
★★★★★
ينظر الزينب وگلبه منكسر
حايره بالدار تنظر كل كتر
يكتل أفراگ الحنينه من صغر
ايام موعلبال يم زينب لفن
★★★★★
داهم البيت الزمن حين الهجم
بيت من جور النوايب ماسلم
فوگ لچماته علي شگد انلچم
الدين كله شلون لفاه ابچفن
★★★★★
انگطعت انفاس الزچيه وهودت
اتلوعت من الظلم واتروعت
بموحشات الليل لمن غربت
مشه الموت وراح يحدي بالظعن
★★★★★
اليوم ياشيعه صدگ وكت الحزن
والمدامع تصب. للزهره ونون
مهشمه اظلوع الزچيه والمتن
والسبب يرجع لأصحاب الفتن
الشاعر حسن لعيبي الحريشاوي