7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
ها يبني يكافل .. بعيونك بوفاضل
وصيتي وبلسان اختك إلك تقره
بالرايه تقدم .. في عاشر محرم
ونادي يالِ ثار الطاهره الزهره
@@@
ها ياكفيل الحوره .. انا الوديعه الزهره
تقرالك اوصيتي العقيله ابعاشور
لمن تشد الرايه .. وجيش الاعادي هوايه
وحولك بنيني امن العطش ضيم اتفور
بالله يسطوت حيدر .. لثار الضلع يمشكر
من تخفگ الرايه على اعدانه ثور
واذكر لهيب ابابي .. ودم السگط بعتابي
توه جنين وطاح بالدم معفور
…
زلزل للشريعه .. بيا ثار الوديعه
خل گلبك على اعداءك يشب جمره
بس تعله المطهم .. في عاشر محرم
ونادي يالِ ثار الطاهره الزهره
@@@
انته الگمر يا ضيه .. بركب الهدى المهديه
يافارس البيده الرهيب المعروف
تدري اشسده عد بابي .. امن اللي مزگلي اخطابي
الباب شبه وصرت ادفعه بلچفوف
وحيدر تگيده وصيه .. وذوله اهجموا عليه
وهالجمعه صارت چم جموع ابلطفوف
بنت النبي يعرفوني .. يبني وترى طگوني
وبرماح لكزوني وسياط ولسيوف
…
من لذت لحجابي .. دفعوني اعله بابي
وواليدفع ضلوعي يستمع كسره
چن صدري تهشم .. في عاشر محرم
ونادي يالِ ثار الطاهره الزهره
@@@
سب العدو سبوني .. وابحب علي لاموني
ومسمار صوبلي الصدر بالدفعه
كلمن يجي ويلطمني .. وقنفذ ترى آلمني
وذاك الذي شگ وجنتي بالصفعه
بنت النبي ما چني .. والسوط رضرض متني
وامتوتي من زود الضرب متگطعه
لو ما علي لحگني .. چان العدو يذبحني
وبعتابي روحي ويالسگط مرتفعه
…
مارحمولي وني .. وسب الله اليسبني
والهجمولي بيتي عشره وي عشره
وبس حيدر تقدم .. في عاشر محرم
ونادي يالِ ثار الطاهره الزهره
@@@
باب احترگ دخانه .. من خنگته اعمانه
واطفالي تاهت بالدخان البل دار
انا صريعه ابكتره .. وامسح دموع الحوره
وحسين يصرخ وين ابونه الكرار
شبر وگع من طوله .. وينادي يا بتوله
اماه حاچيني وحق المختار
وحچي النذل آلمني .. يشتم ابويه وسبني
وينزف دمه من بابي راس المسمار
…
اتصور هلحساس .. ها يبني يعباس
وخلي ابلك المسمار والسطره
والبيت التهجم .. في عاشر محرم
ونادي يالِ ثار الطاهره الزهره
@@@
لمن سمع هالسيره .. عباس طگ بالغيره
وجدحت عيونه وبان عرگ اجبينه
اشگد اثرت لوصيه .. والشاطي صار النيه
وناده يزهره الآلمچ چا وينه
بالطف صاح وناده .. ثارچ اصب بولاده
وفدوه إلچ من ساعدي چفينه
وطب وهجم عالعسكر .. وبيهم رهيفه يفتر
وماهمه سهم الصوباه ابعينه
…
عد صوب الشريعه .. مجزرته الفضيعه
والموت لعدوه عاصف ابكتره
من ليث التبسم .. في عاشر محرم
ونادي يالِ ثار الطاهره الزهره
@@@
طب الفرات ابكيفه .. ابكل مرجله ابلا خيفه
ونادى يزهره الماي اسگي الايتام
وبس گطعوها اچفوفه .. واعمى المثلث شوفه
واصبح گمر هاشم بلايا صمصام
ومن طاح ناده ابعبره .. عذرني يمه الزهره
خليت ابنچ بوعلي بين اگوام
وبعدي يدوسوا صدره .. ومثلچ صفت متكسره
وتلعب على صدري الولي خيل الشام
…
والحوره العقيله .. تصعد عالهزيله
مو سهله العزيزه انروح متيسره
وي گوم المترحم .. في عاشر محرم
ونادي يالِ ثار الطاهره الزهره
@@@
علي آحمد الحمود
٢٢-١١-٢٠٢٣
شهادة الزهراء ع
التاريخ: 26/11/2023
مكسور بغيابج جنح والضهر
فاگد حنان الگلب شابع قهر
ياما صحت لا ترحلي
يا فاطمه أنه علي
فاگد حنان الگلب شابع قهر
|||
استفردت بيه المآسي عگب عينج
لا فتى الا علي فاگد حنينج
وأن كلمه زين ما سمعو بنينج
اتسيد الباطل على الحق وانتي وينج
بيدي لزمت خاصرتي من الألم
روحي ودليلي وحته حيلي انهدم
ميت أنا بالنسبة الي
يا فاطمه أنه علي
فاگد حنان الگلب شابع قهر ~~
يا شريكت عمري وسنيني وحياتي
لمن رحتي هجمت اعلي نايباتي
الصبر مفتاح الفرج گالو يقاتي
ياصبر فرگاج موس بنص لهاتي
رحتي اوراج اعيوني صارن حمر
هيجي انه حالي ابروحتج منكسر
گلبي بغيابج مبتلي
يا فاطمه أنه علي
فاگد حنان الگلب شابع قهر ~~~~
الفاتحه اعليج اقره لو اقره اعله روحي
و كل فرض تسبيحة الزهراء بجروحي
حلامي صح دافنها بس يفضحه نوحي
سري انتي وادري لسر ما تبوحي
يا فاطمه هجرانج اعلي رمح
أبكلبي باقي بكثر ما منجرح
موذاك حيدر لولي
يا فاطمه أنه علي
فاگد حنان الگلب شابع قهر ~~~
يا فراشة نبي الرحمه يل زجيه
علي اخلافج والله يتمنه المنيه
انكسر جنح الوحي من متي أعله اديه
فاطمه أفراگج سمه وطاحت عليه
يا كوثر امشي امحدب من الحزن
وشتعل راسي شيب گد ما أون
يا ريت همي ينجلي
يا فاطمه أنه علي
فاگد حنان الگلب شابع قهر ~سهم هجرج بالضهر بس انه اكابر
مثل مشحوف الهضم بيه يسافر
انتي لجروحي دوه وفرگاج فاطر
الحواس الخمسه لو مر عالمگابر
انفي وعيوني وذاني ولساني احس
كلهن دمه نزفن يفاطمه امس
منصاب بيدي وكاهلي
يا فاطمه أنه علي ~~~~
أهنا گعدتي اهنا وگفتي اهناكه صحتي
لفضه ما صحتي علي لمن وگعتي
الحسن وحسين انتي ميته بس حضنتي
وهنا يزهراء لالت بعيني دمعتي
عل حسن وحسين الملائك بچت
ساعتها گبل لساني روحي حچت
گتلها يالله تحملي
يا فاطمه أنه علي
فاگد حنان الگلب شابع قهر
|||
لخادم الحسين عليه السلام
وخادم ام أبيها فاطمه روحي فداها
عمار المنصوري
فزاعيه لزهراء ع
شويه اتريضي يالشايله بليل
خن نشبع موادع كبل الارحيل
.......
ييمه تعطلي خن احجي وياج
اريد اعاتبج واسمع حجياج
بعدني مشبعت من لذت ارباج
حبيبه اويوم فكدج نزل الحيل
.......
راح الحيل من كمتي تودعين
شديتي الضعون اوين تردين
ها يالوالده يم كلب الحنين
ودعت النعش والمدمع ايسيل
.........
من شال النعش روحي خذاها
وضل البيت خالي من ضواها
روحي بفركت الزهره اشكواها
عمتها عيونه من رادت اتشيل
.......
يمه الخاطري ردي عله الدار
لاتبطين عنهم عندج ازغار
صحنه هنا ييمه وبالكلب نار
يوم الشال بيها حامي الادخيل
.......
يمه تريضي يابعد الاعيون
واسمعي ونت اولادج يونون
ازغار وعله افراكج مايصبرون
يزهره عليج بتج صاحت الويل
✍ام زينب كربلاء غير مبري الذمه من يأخذ الكلام وينسبه له اويحذف الإسم
"كل مازرت قبرج يايمه دموعي تهل
عنت عليّ شوفتج ياحبيبة الكل
عليّه تعنين ياقرة العين
من يوم رحتي موحش بعينى المنزل
جيت علي قبرج انتحب والدمع منثور
من رحتي ياثريتنا منزلنا تهدم السور
مافاد ياوسفه دمعج المكسور
ظلت يايمه قلوبنا بفقادج تفور
ظلينه ننعاج ندور مانلقاج
ياريت يمه يرد علينه الدور الأول
كل مازرت قبرج يايمه دموعي تهل
عنت عليّ شوفتج ياحبيبة الكل
عليّه تعنين ياقرة العين
من يوم رحتي موحش بعينى المنزل
غابت انوارج وانقطع ياحبيبه رجواي
والحزن يايمه من رحلتي ملازم وياي
خان النزل منج صفا وظلمت دنياي
ونارالحزن يايمه دوم بحشاي
حرقتنى نارج تفجعنى دارج
فقد الحبايب نار ماتطفي وتجتبي
آآآآه يايمه كانت حياتى مزهره ياحبيبه وياج
تشتعل بين ظلوعي ظلت نار فرقاج
ونيتي وشعلتي القلب يالظايع دواج
تالي سكنتي باللحد وترب واراج
ياحبيّبه رحتي لقلبي شلعتيه
رحتي ياشمعة بيتنه وتقشع الظيم
دايم علي بالي ياللحبيّبه تعنين
كل ساعه اجى لقبرج ورشه بدمعة العين
فراقج نحل روحي يابعد عيونى الأثنين
ماكانت ابالي يايمه هدمت البين
ظلعج وكسره خلالي حسره
وعليج ماتطفي جمرتى وحزنى مايفيد
عنت عليّه شوفتج ياحبيبة الروح
يحقلي علي فراقج ابد ما ابطل النوح
مصابج يانور العين خله بقلبي جروح
ليلي ونهاري مانشف دمعي المسفوح
من كثر وجدى مبروده جبدى
كافي حزن وفراق يُمه ماقدر احمل
كل ما زرت قبرج يايمه دموعي تهل - الرادود الحسيني حسين العريان
https://youtu.be/Lch-PA8zSKw?si=F7LmkTAVRdz8gTz6
حزن زينب ع
ليل امـوادع وحـسرات
ومتعوده علئ الدمعات
يايمه الزچيه شلون..شو عفتيني للحسبات
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يايمه تدرين البنت بعد امها ماتتحمل
ياجنة الله بموتتچ كلشي بحياتي اتبدل
ليل الموادع من يمر ميته وحنيني يعدل
وكت الصلاة اتخيلچ تصلين والله يقبل
هسه اليا حنين اشتاگ
وانا بروحي بس افراگ
صعبه وفرگتچ متهون..شو عفتيني للحسبات
،،،،،،،،،،،،،،،،،،،،،،،،،،،،،،،،،،،،،،،،،،،،،،،
البيت خالي بغيبتچ ودنياي وحشه بدونچ
كلما افز من نومتي حسبالي اصد بعيونچ
مريلي يايمه بحلم ونوميني فوگ امتونچ
وخبريني عن حال الظلع وطمنيني هسه شلونچ
ينزف گلبچ المجروح
يمه وطفلچ المذبوح
عالمحسن بچيت عيون..شو عفتيني للحسبات
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مات الورد بمصيبتچ والگلب يابس عوده
زينب وعاتب يازمن ليش امي ما موجوده
بعدچ يعذبني اليتم الهذا الوكت مريوده
وياچ دفنيت الفرح وشاهده اهدوم السوده
يمه ولو اصد لحسين
دمعاتي تهل صوبين
وياچ الصبر مدفون..شو عفتيني للحسبات
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بالغربه خلاني الوكت وبلايا ام هظيمه
مثل الظلع انا انكسر ويا كسرة اليتيمه
يايمه احس دمعة علي قطره وتطيح بهيمه
كلما بچى مايشتفي ومحد يحس بظيمه
حگه امفارگ المحبوب
وبصواب الظلع مصيوب
والراحوله ميردون..شو عفتيني للحسبات
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عالباب اعاين وانتحب واتذكر انا امصابچ
كل ذكره بعدچ مؤلمه خص امنشوف احجابچ
بعد امي ياليل شبقى وفارغ وسف محرابچ
يايمه ناداچ الحسن بس صوته لا ماجابچ
باب وحايط وبسمار
هذا اللي بقى ابها الدار
بالصاير الي يذكرون..شو عفتيني للحسبات
الشاعر فاروق الغنامي
ابو ذيات الزهراء عليها السلام
كسر ضلعج ييمه شلون بسمار
زادي والشرب بعدج صار بسمار
ردت طيفج يمري بحلم بسمار
نمتي بالكبر وكطعتي. بيه
قبلج ريت. المقدر. يجدماي
عسى مشلول ماتخطي يجدماي
نار الوجرت ماضن يجد ماي
ع امي مشتعل جانون بيه
بقلم العلويه ام رائد زوين
#جديد
#فزاعية لإستشهاد مولاتنا الزهراء عليها السلام
.
.
اشلون وابليل الحنينه .. شيعوها
اشلون وابليل الحبيبه
تمسي هالليله غريبه
اتروح من عدنه النجيبه
وبالگبر هاليوم ويلي .. يدفنوها
هاي تدرون الزچيه
هاي ام حسين هيه
گلب حماي الحميه
اشلون مني هالمسيه .. ياخذوها
اگبال عيني ابهالمسيه
شال نعشچ يالزچيه
اشلون ليله اتمر عليه
وبالگبر أمي الحنينه .. وسدوها
اوداعة الله روحي صاحت
والگلب والمهجه ناحت
هاي هيه وامي راحت
وعني هالليله الزچيه .. فرگوها
أبگه للدوم بحزنها
ووني يصبح مثل ونها
وتالي عالغبره ابنها
بعيني اضلوعه الشريفه .. ايكسروها
___
تمت ببركات الزهراء عليها السلام
#بنت_الشمري و #فاطمة_كريم
٢٠٢٣ م
#جديد
#نعي جواب الزهراء للأمير عليهما السلام
طور : الفراق { مالي غيرك }
.
.
والله معذور .. آ يحماي الحميه
والله معذور .. وأدري أدري بالوصيه
والله معذور .. يا علي بهاي الرزيه
عمري فدوه .. يا علي بس انته تسلم
عمري فدوه .. الزهره آنه وبيه تعلم
عمري فدوه .. حتى لو ضلعي تهشم
تدري وادري .. هذا لمگدّر علينه
تدري وادري .. وهذا بس هذا البدينه
تدري وادري .. لله كلشي واهبينه
لَتعذّر .. هذا يا حيدر عهدنه
لَتعذّر .. لله ننذر كلشي عدنه
لَتعذّر .. بعده يا روحي صبرنه
هم ورانه .. يا علي الغاضريه
هم ورانه .. للجثث ننظر رميه
هم ورانه .. تمشي زينبنه سبيه
____
تمت ببركات الأمير عليه السلام
#فاطمة_كريم و #بنت_الشمري
٢٠٢٣ م
هوسات جنوبيه للزهراء عليها السلام
========
وانه نايمه وچن صوت
يصيح تلاحگو الزهره
فزيت وشفتها النار
اباب الدار مستعره
وشفت الصدر ينزف دم
اظلوع اثنين منكسره
وفضه تنادي ياكرار
محسن طاح علغبره
.
گووم ياكرار / شيل ام الحسن
طاحت اعلى العتبه مكسوره وتون
الزاچيه ظلعين منها اتكسرن
البيت من النار مولانه انرجن
.
اتلگاها / طاحت للگاع
💚💚💚
شفت الگوم من هجمو
وشفت الحطب يتجمع
وشفت الناس تتفرج
ومحد منهم اليفزع
شفت امي هوت علگاع
وگلبي عليها يتگطع
وعلى خدها الترف ياحيف
چف الطاغيه امطبع
.
بس غمضيت/ الزاچيه تولوها
ياجدي وبنار الحقد كسروها
من الجنين بلارحم سگطوها
ياجدي اصحابك المارحموها
.
مارحموها / ياطه اگعد
💚💚💚
زينب بلهظم هليوم
ياشيعيه عينيها
على امها الراحت من الدار
گومي وياي عازيها
اذكري فاطمه الزهراء
والظيم الجره عليها
ولطمي بهوسه وي زينب
ولچلثومه واسيها
.
گومي وياي / عازي الهاشميات
وهلي الدمع للراحن احديثات
لاشيعو نعشها ولامشيعات
سار بليل ضعن الفاطميات
.
وشالوها / وبليل الاظلم
========
خادمة ال البيت الحجيه ام علي البصره
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
اشرح امصاب الظلع سمعوني
شِفت المصاب الجره بعيوني
==========
انا فضه وشفت كل اللي جره
الهجوم من اوله ولآخره
اباب فاطم شفت نار موجره
اسمع الزهره تصيح اذوني
==========
ياعلي وباب الزچيه من احترگ
طاحت اجذوعه وعلى الزهره انطبگ
بيا ذنب مطلوبه صاحت ياخلگ
بضعة المختار هم تدروني
==========
ياعلي المحسن وكع منها وهوه
وأظلم الكون وبعد ماكو ضوه
كلشي بالدنيا اختلف حتى الهوه
الزهره صاحت ياعلي عصروني
==========
سندتها الزهرة بس بيا وضع
شلون تمشي المنكسر منها ظلع
سال دمها من الجفن وي الدمع
تجوا للزهره علي وعينوني
==========
هاي اول مره اشوفك منكسر
ياعلي حالك ابد لامايسر
مايهيد المنجوي گلبه بجمر
بنار بابك ياعلي چووني
==========
ياعلي الزاد الالم ظلت تون
الباب من اجذوع وثكيلة وزن
ياعلي ماتنحمل كلمة وإن
الزهره صاحت ياوسف شتموني
==========
الشاعر علي النائلي
#_١٤٤٢
ما اســاوم عالعقيــــده
وهالنداء للموت اعيده
كربلائياً حســــــــــيني
اخدم حسين وعضيده
¢¢¢¢¢¢¢
حسين دين ومعتقد ــ فرض من واحد احد
حسين سيف المؤمن ابيوم الكلافه
حسين قبة عاطفه ــ حسين عنوان الوفه
حسين مملكة المشاعر والترافه
حسين سلطان العشگ ـ والله بس حبه صدگ
حسين كعبه وفاز كلمن راح طافه
وحق صبر ام الخدر ــ لجله الطم عالصدر
ومايهموني اذا گالو خرافه
يا هــــــــــوانه ألي نشــمه
حسين رحمه حسين نعمه
لجله يرخص ماي عيـــني
اي وحــق گطعت وريــده
¢¢¢¢¢¢¢¢
حسين ايه من السمه ــ نزلت الحامي الحمه
حسين دين وفكر وخلاق وعقيده
حسين ياوجه الصبح ــ عشگك اينگط ملح
الباغضك بالحشر ياحجه التفيده
هيه لو ما خيمتك ــ جان ضلت شيعتك
حسين ياجامعة حبنه الموجديده
عالخلق صاحب فضل ــ اوياك حتماً مانضل
غيرك الثورتنه قائد مانريده
ابدمك الدين اشتريته
ودين خصمك نكسيته
بيك يابواسيكنه والله
عاشت احبابك سعيده
¢¢¢¢¢¢¢¢
حسين علمنه الصبر ـ وعل مصاعب ننتصر
ماخسر كلمن يسير ابنهج الحسين
كربلاء رمز الفخر ـ تخلدت عبر الدهر
ابدمه شرفها ابطفوفه ابنصرة الدين
حسين ثوره هاتفه ـ حسين ريح العاصفه
حسين عبره وعبره بگلوب الموالين
علمانه الضحيات ـ مثله طلگنه الحيات
مثل عابس صرنه كل احنه مجانين
حب ابوالســــــجاد نعمه
گمت اشمه ابريتي نسمه
اللـه خالقـــنه الخـــدمته
نحضـه وياه بالنــــــريده
¢¢¢¢¢¢¢¢
من ازورن كربله ـ اشعر ابطعم الهله
كلمة الحي الله زاير تارسه الكون
الكافل اليستقبله ـ ويم حبيب ايسجله
فايز وصگ النجات اهناك مضمون
والگصدهم معتلي ـ چفه منهم يمتلي
ابلا مقابل كلشي للزوار ينطون
حسين والعباس اخوه ـ اليحبهم مانسوه
اهواي بيبان وعلي ابوجهه يفتحون
الخلص اسنينه خدامه
يشعر ابطـــعم الكرامه
فاز دنيـــــــــه وآخريه
الاطم اعله حسين بيده
¢¢¢¢¢¢¢¢¢¢¢¢
تم بعون الله تعالي
✍بقلم ام زين العابدين اللامي
من يود ان يقرا القصيده يذكر
هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـدي
حال #الخادم ومولاته #الزهراء عليها السلام
طور : كلها راحت كربله لملا محمد فريدون
https://youtu.be/5SohTZPwFPA
وطو ( همه رفتن كربلا ) لسيد جواد ذاكر
https://youtu.be/3el-CSYqS5o
.
إنتي أمي فاطمه
وآنه ماعندي سواچ .. آخره ودنيا معاچ
٢ نظره بس يا فاطمه .. آيا يُمه يم حسن
_
آنه محتاجچ ييمه .. ياللي ما عندي سواچ
إنتي يا خيمة أماني .. العايش اسنيني ابدِفاچ
انتي يا مبدأ وجودي .. كل حياتي من عطاچ
الله لا يحرمني منچ .. ياللي كل عمري فِداچ
إنتي يا خير السمه
يُمه أحبچ للأبد .. خادمچ حد اللحد
تِقْبَليني فاطمه .. آيا يُمه يم حسن
_
أبچي خليني اعله ضلعچ .. بيه اسمچ من يمر
ودايم ابوسط المجالس .. خلي گلبي ينكسر
لو نعى الناعي ذبيحچ .. واسمه لمن ينذكر
ادريِ اتحضرين إلينه .. وبينه أنفاسچ تمر
بالتغسل بالدمه
وضلعه مثلچ منكسر .. إقبلي هذا العمر
بخدمتچ يا فاطمه .. آيا يُمه يم حسن
___
گلبي فاض بأُمنياته .. چم حلم عندي وحلم
يمه مشتاگ أرد أزورچ .. بحضني شباچچ ألِم
وتِشفى كل اجروحي يُمه .. بلحظه عطرچ من اشِم
منحرم منچ تراني .. اولا رحت للمنحرم
روحي والله امألمه
لا وصلت لكربله .. وشنهو أكثر أحمله
منحرم يا فاطمه .. آيا يُمه يم حسن
___
والله مو همي حوائج .. همي بس إلكم ترى
همي أخدمكم يَيُمه .. وعيني ليكم ساهره
وبمجالسكم أنوح .. ومهجتي متوجره
وإلكم أتعنى بدموعي .. وروحي تصبح زائره
امصابچ أعقد مأتمه
وأبچي ابذاكه الصحن .. وأدعي للمهدي بشچن
أُمنية يا فاطمه .. آيا يُمه يم حسن
____
تمت بحمد الله تعالی
#فاطمة_كريم
نسألكم الدعاء لتعجيل الفرج
يــــــــــا أبا عبـــــــــــــــدالله
(يَا علي) إسمٌ إلاهـــيٌّ مُقدَّسْ
وبــــهِ بضعةُ طٰهَ تتـــنفَّسْ
ولذا الطاغوتُ للمسمارِ وسْوسْ
حثَّهُ في رئةِ الزَّهْرا لِيُغْرَسْ
أنْصتَ المسمارُ للصوتِ الجَلِي
نبضةُ الزَّهراءِ دقَّتْ "يَا علي"
#الليالي_الفاطمية
#اللهم_عجل_لوليك_الفرج
في حق الزهراء. ع
عظم الله ياعلي اجرك
كبر فاطم هذا لوكبرك
تحفر ابيدك لحد
تدفن اتريد الورد
ياعلي. ياعلي
-------------
من عادته دوم الورد. يترك اثر عطره
واليحفر ابيده الحد. يتوسد. ابكتره
ياحيدر افراك المحب. ماينحمل هجره
محتار. جنك ياعلي. من راحت الزهره
وسع كبره زهرت ايامك
وياهه دافن كله احلامك
ماينحمل مر البعد
تدفن اتريد الورد
ياعلي. ياعلي
-----------------
دوم ابحسرته مختنك. البيده دفن محبوبه
مر كلشي ابريجه يظل. وبزاده. ومشروبه
ومسجل اعليه. التعب. وبكصته. مكتوبه
يادهر ماعندك. رحم. وماتنغفرلك. توبه
الزهره روحك وعز كل ناسك
مثل الهوه لو مر عله انفاسك
سافر حبيبك مايرد
تدفن اتريد الورد
ياعلي. ياعلي
----------------
محبوب كلبك من مشه. سوه بدليلك هجره
الله. يعينك. ياعلي. من فاركيت. الزهره
يابو الحسن والله صعب. بعينك تشوف الصطره
من وسدته عله الترب. تسري ابدليلك. جمره
وي الزجيه راحت. اسنينك
والدمعه ظلت ساكنه بعينك
ونمرد. دلالك. مرد
تدفن اتريد الورد
ياعلي. ياعلي
-----------------
ليلك طويل وبيه حزن. وساعاته شيكظيه
وجروح كلبك ياعلي. ياهو الذي يداويه
مرسوم بعيونك ظلع. والصطره ماناسيه
وتحسب ابنجمات السمه. والحسره اجر بيه
ماي. وتبده. الراح. مايرجع
ومن المصايب يهمل المدمع
وجروحك اهواي شتعد
تدفن. اتريد . الورد
ياعلي. ياعلي
----------------
بيدك تشم عطر الترب. وتنام يمه وتغفه
مافاركت. لحظه الكبر. تتعنه. ليه ابلهفه
خافنه وحشه المكبره. وتدري الزجيه ترفه
زهرت حياتك فاطمه. وحزنك علي شنوصفه
مابطلت يابو الحسن نوحك
من تلجم بلحسره. اجروحك
الحسرات اتروح وترد
تدفن. اتريد. الورد
ياعلي. ياعلي
--------------------
الخادم
رحيم. الصالحي
أجفاني سالَت منها دَمْ .. اِبْهمّي و احْزاني
عُگْب النّبـي اليوم انْهِدَم .. رُكنِــي اِلثـاني
آهـ آهـ .. اشْيِنْفَعِ اِعْـتابي
آهـ آهـ .. راحَـوْا أحبـابي
ــــــــــــــــــــــــــــــــــــــــ
ما نَفــع عتْـبي اِعْله دهري ما نِفَعْ عَـتْـبي
و أبد ما أشكـي لبَشر بَـسْ أشتكي لربّي
الموت مَد إيده اعله صدري و إنْتِـزَع گلـبي
عفيه والله اشلون بعدي اوْ ما انْگظه نَحْبي
الهادي مُحمَّد مُهجتي .. اْو فاطمه اِعْيوني
و اشلون اعيش ابْدِنيتي .. اْو وحدي عافُوني
آهـ آهـ .. حِـزني جِلبـابي
آهـ آهـ .. راحَـوْا أحبـابي
ـــــــــــــــــــــــــــــــــــــــ
ابغيبة المختار ذاب امْن الحزِن چبدي
اْو صبَّرِت نفْسي اوْ أگلها للصُبر شِدِّي
اِنْ چان ما عندي مُحمَّد فاطمه عِندي
اْو ما چنِت أحسب تروْح أو آنه أظل وحَدي
شتريـد مِـنِّي يـا زَمـن .. اشْرايد اتْوافي
عگْب الرسول أم الحسن .. مو بعد كافي !
آهـ آهـ .. ويــن غِــيَّـابي
آهـ آهـ .. راحَـوْا أحبـابي
ــــــــــــــــــــــــــــــــــــ
اشلون گلبي بعده ينبض يا عُظـُـم صبره
اشلون چفّي طاوَعَتْني أدفِـن الزهره !
منحني اعله النعَش و أصفِج يمنه عاليسره
و الذي ايفارگ خليله ينكسر ظهره
عفيَّه عليَّه اشگد جَلِد .. أو ظل گلب عندي
أم الحسَن وسْط اللِّحِد .. و أنا حَـيْ بعـدي
آهـ آهـ .. جفني ميـزابي
آهـ آهـ .. راحَـوْا أحبـابي
ــــــــــــــــــــــــــــــــــــ
اشلون مِن كثْر البِواچي عيني ما تِبْيَضْ
و الضلْع بعْيوني شفْته بالجِدارِ اِنْرَضْ
اْو ظلّت الصوره اعله بالي ابكل وكِت تُعرَضْ
من خذوني خلْفي طِلعتْ توگَعِ اْو تِنهَضْ
شافوها مــا قِبْـلَت تـرِد .. ويلي اِعليها
بالسّوط رد إلها العَبد .. اْو ورَّم إيديها
آهـ آهـ .. اتهيِّج امِصابي
آهـ آهـ .. راحَـوْا أحبـابي
ــــــــــــــــــــــــــــــــــــ
أنا طاعون الكتيبه الفارس القسْوَرْ
ثوبي لَصْفَر لو لبسته أخطِف العَسْكَر
اخْتلف عگب الزهره حالي اْو وضعي اِتغيَّر
هسَّه آنا انخطف لوني و الوجِه أصفَر
عظمي نحَل , جِسْمي ذِبَل .. دمعي رخَّصْته
لمَّن حِضَـرْت المُغـتَـسـلْ .. و الكسُر شِفته
آهـ آهـ .. تلچِم اِصوابي
آهـ آهـ .. راحَـوْا أحبـابي
ــــــــــــــــــــــــــــــــــــ
ميرزا عادل أشكناني
الرادود محمد بوجباره
https://youtu.be/pBdj_YSwXE4
گومي گومي .. وسمعي عتبي
وعلى نعشچ .. ذاب گلبي
…
امدده وسط النعش .. يلي اضربوها
والطموها اللي عدوا .. بهجمه احسبوها
آه يا مرضى العلى .. من صوبها
وحيل بالباب انكسر .. صدر ام ابوها
@@@
وابشبابچ .. والله صعبه
الزهره تصبح .. تحت تربه
…
شوفي بنتچ حايره .. اطيح واتگوم
من صغرها وصابره .. بفاد مهشوم
اصغيره نعش اتناظره .. وتلوج بهموم
تنادي يمه الطاهره .. دلالي ملچوم
@@@
بحظني زينب .. وحسن وحسين
هذا يبچي .. وذاك بونين
…
عور افادي الحسن .. من زاد لنواح
ينادي ياريت الاجل .. ياخذني وارتاح
والاشد بحسين لمن .. عالنعش طاح
وگبل يوم الطف صرخ .. بفاده لجراح
@@@
نمتي نمتي .. وعفتي حيدر
من لفراگ .. روحه يسعر
…
بليل الجنازه امجهزه .. وتشييع بالليل
يسندوني ابمشيتي .. وادموعي اتسيل
داحي كلايف خيبره .. ابتشييعچ ايميل
وامن الفجيعه فاطمه .. متهدم الحيل
@@@
من اوسدچ .. ابلحد لوداع
بيه حسيت .. كسر لضلاع
…
مديتچ ابحفره لحد .. واتزلزل الكون
لخد اوسده منسطر .. وگدمات لجفون
آ يا وديعه امضيعه .. والله ميهون
اتروحي واضل بهالجرح .. متغير اللون
@@@
جاتك بآه .. گد أذاها
وديعه ردت .. خذها طه
…
الزهره ردت بالعجل .. مسلوبه لنفاس
خذها تراهي امرمره .. من سوط لرجاس
چفها ومتنها والصدر .. ومكسور لحساس
اقره عليها الفاتحه .. وعوذها بالناس
@@@
علي احمد الحمود
٢٧-١١-٢٠٢٣
شهادة الزهراء ع
يازهــــــــــراء
ندفـــــع ضــريبـــة حبــچ المـناحـــر
ونــمــوت يالزهــــره على الشعــائـر
،،،،،،،،،،،،،،،،،،،،،،،،،،،،،،،،،،،،،،،،،،،،،،،
هذا عهــــــــــدنه .. نضـحي بعمرنه
لاجلچ يابت خير البشر نرخصها الارواح
بدربچ مشينه .. عشـاگ اجــــــــينه
نــتحمل احنه لو يزهــره دربـــچ ارماح
عدوانچ تموت .. من نرفع الصوت
مثلچ نصيح ومثلچ نطالب بالاصلاح
بالدم كتبــــــناه .. بيــرغ رفــــــــعـناه
بســم الشعاير نهـــتف وبـــيرغنه ماطاح
بهذا عهـــدنه تصدح الحناجــــر
ونموت يالزهره على الشعائــر
ـــــــــــــــــــــــــــــــــــــــــــــــــ
مانخـضع بيوم .. اشمـا سـالت ادموم
هـيـهـات للـذله نـردد هـذا مـعـهـود
بسم الشهــــيده .. نحيي العقيده
حراس يالزهره نصير ونوفي الوعود
ميهمنه طامــــع .. الكــم نبايــع
نحصدها للاشواك احنه ونزرع اورود
نحيي المجالس .. وانتم مدارس
عالراس نلطم والدليل اهدومنه السود
الهاي الفرائض نادت الضـــماير
ونـمـوت يالزهره على الشـعـائر
ــــــــــــــــــــــــــــــــــــــــــــــــ
واقعنه معروف .. مانعرف الخوف
منچ تعلمنه الشجاعه ورفعة الراس
مانقبل بعــــــــار .. للزهره انصــــــار
عدنه عقيده والعقـــيده هيا مقياس
ياسلوة الروح .. وبلسم للجروح
ياثورة الحب و المشاعر و اجمل احساس
اشما تقسى الايام .. نكتب بالاقلام
انصارچ احنه وخلي تسمع كل الارجاس
تربات نهجج احنـــــــــه و المنابر
ونمـوت يالزهــــره علـى الشعائر
ـــــــــــــــــــــــــــــــــــــــــــــــــــ
بالحـــق نطالـــب .. رغم النواصـــب
احرار بـــس لله عبيد ونـــبقى احــرار
بســـــــم الزچيه .. نرفع قضــــــــــيه
لا مانســـاوم عالضلع ونريده للــــــثار
شيعه وروافض .. واهل الفرائض
واجب علينه ومو تقيه نوضح الصار
ياسر يمضمون .. رغم اليضــدون
يالزهره منـــچ نستــــمدها كل الافكار
وبهــــل المواقـــــف نعلن ونجاهر
ونموت يالزهره على الـــــــشعائر
ــــــــــــــــــــــــــــــــــــــــــــــــــ
بالخـدمه نمتاز .. واللي خــدم فاز
والجنه بــس للي عرف دين الزچيه
والعاده خسران .. ماعــــنده برهان
والــنــار مــأواه أبامـــــر رب البريه
بكل الروايات .. نعــــلن مواســــــاة
ونصيـــــح يازهراء والدمعه جريه
الهذا العزا نقيم .. وبس هذا تقييم
ونطـــــــالب بدمچ عهد صبح ومسيه
دين السقيفه نحطمه والكبائر
ونموت يالـــزهره على الشعائر
الشاعر .. فاروق الغنامي
( أنتِ ليلةُ القدرِ )
قال الصادق ع ( من عرف فاطمه فقد ادرك ليلة القدر )
……………………………………………………………
أنتِ ليـلةُ القدرِ •• يا مخفـيّةَ القـبرِ
يامن ثاركِ يبقى •• حتى مطلعِ الفجرِ
( حسب التفسير مطلع الفجر هو فجر الامام المهدي عج)
……………………………………………………………
عن الصادق التفسير • ليلة قدر شرحاها
الليله تعني ام حسين • ولله القدر معناها
يعـني فاطـمة الله • الذاته الـباري نسباها
شگد ربج يحبج حيل • ولج هالمنزله انطاها
يا مـحبوبةَ الـباري •• فطمتينا من النارِ
يظلُ الضلعُ يشجينا•• حتى مطلعِ الفجرِ
……………………………………………………………
القدر و اثلاثه ليلاته • تتطابق وي رواياتج
الـ ١٠٠ ركعه ما تُقبل • اذا مـو بيـها آهاتج
ليالي الفاطميه آذان • والقبله اصبحت بابج
ما نتوضه ابد بالماي • تطهر المجلس انفاسج
فأن اللطمَ ركعاتٌ •• وضربُ الوجه سجداتٌ
صلاةٌ وقتُها دائم •• حتـى مـطـلعِ الفـجرِ
……………………………………………………………
وما أدراك ما القدري • ومـا ادراك ما الزهـره
يثق بيها الجليل اهواي • بيها مخلي كل سره
ما خلقاها من اتراب • سوه من العرش شجره
تفاحـه ومُحـمـد هاك • امـك انـت و العـتره
نبيٌ لسـتَ بالابتـر •• فكلُ الخيرِ بالكوثر
ونسلٌ طاهرٌ يمتد •• حتى مـطلعِ الفجرِ
……………………………………………………………
خيرُن من الف شهرن • افضل كل نبي ومرسل
ياروح القـدس انتي • بيـج الرحـمه تتـنزل
انشوده اسمج و ربج • بيـها اعالخـلگ رتّل
جمع سبعة سماواته • عبايه لأم حسن فصّل
ايا حوراءُ أنسـيّه •• ودوماً انتٍ مرضيه
ويبقى سركِ خافي •• حتى مطلعِ الفجرِ
……………………………………………………………
يا ليلـة قـدر و بـ آه • وكـت السحـر تتـشيع
وابن عمها الگمر مخسوف •عليها بألم يتوجع
يتامه او يل نعش نجمين • دمع بعيونهم يسطع
و بتها المن دلال وشوف • ابد ما لحگـت تشبع
تُحاكي البابَ بالـعينِ •• كسرتَ منها ضلعينِ
ويبقى قلبي مكسوراً •• حتى مـطلعِ الفجرِ
……………………………………………………………
سلامُن هيه محفوظه • مهـما يفعـل الظالم
من باب و حرگ بالدار • وبسمار بضلع فاطم
ومن شمر التعنه حسين • ظل اعالصدر جاثم
ابدمج و بدمه اولادج • ظل هل معتقد سالم
مهما اطفؤا النورا •• يظلُ الدينُ منصورا
لواءٌ أنـتِ خفّـاقٌ •• حتـى مـطلعِ الفجرِ
……………………………………………………………
✍️ ( سيد خضر الزاملي )
استشهاد الزهراء ع
اول حزن ضلعچ تره يالزهره تدرين
طف كربله ايتاني بده زينب والحسين
اويلاه اويلاه يافاطمه المظلومه
****
گلبچ لمن محسن سگط انه ادري مفجوع
لحسينچ وزينب وجب تتهامل ادموع
ابدارچ تكسر بس ضلع بس باچر اضلوع
مو بس دمع الهم دمه صبيها هالعين
اويلاه اويلاه يافاطمه المظلومه
****
يالزهره طحتي امن الالم والضلع مكسور
اوليدچ تره مو بس ضلع كل جسمه منحور
باچر يطيح امن المهر وگليبه مفطور
بعشرة حوافر ينسحگ ودومه صوبين
اويلاه اويلاه يافاطمه المظلومه
****
يومچ صعب بس اخبرچ مختلفه الاحزان
يالزهره حيدر غسلچ ضمچ بالاكفان
يتغسل ابدمه السبط واچفانه تربان
بعاشر محرم فاطمه ابعينچ تشوفين
اويلاه اويلاه يافاطمه المظلومه
****
باب النبي صح احترگ لاچنه بس باب
مستوره ظليتي وسگف ظل فوگ الاحباب
اليا بر تهيم ابنيتچ لو شبّت اطناب
حرمه واهلها امذبحه تنطي الوجه وين
اويلاه اويلاه يافاطمه المظلومه
****
يم الحسن لمصيبتچ تتفطر اجبال
يالزهره بخدودچ طبع من چف الانذال
باچر هذوله ابكربله بيديهم احبال
ما تنصفع زينب فقط تتگيد ايدين
اويلاه اويلاه يافاطمه المظلومه
****
الشاعر اياد الديراوي
بوزن المجرشه
لسال حال مولاتي زينب لفقد الزهراء عليها السلام
لو ميته كبلج أنه ولا منج انه انحرم
زينب ييمه جنت هسه ابدليلي الهضم
يايمه شوفي شبيه
ليليه اون ليله
يايمه لو مر المسه يايمه لو شفتينه
بعيونه يحير الدمع والبابج يودينه
بثيابج ونشتم عطر يايمه بس حاجينه
افراكج الكلش صعب والهسه ممصدكينه
بين افراكج صعب باول مسيه اجت
يايمه عيني الج الشوف احسن بجت
يل رحتي وبلا جيه
ليليه اون ليليه
يحبيبه من عين الصبح نركض نزور امجانج
ونشتم عطر ماينوصف ونذكر ييمه ايامج
ضلعج ونينه الينسمع فزز كلوب ايتامج
والهسه من ذاك الكسر كسرة كلب خدامج
بالبيت ماظل ضوه اظلم ظلام الوكت
يالذه النه بعد والعين مدمع تكت
علوالده ومحنيه
ليليه اون ليليه
يم الحسن شوفي الحسن يايمه شوفي ابعينج
شلون انحنه وكلبه انكسر هم مثله كلب حسينج
وتتلفت اعيونه الج يايمه يصرخ وينج
بفراكج الحال اختلف عذبنه حيل ونينج
يل عمرج اثمنطعش كل هذا عمر الورد
غصنج ذبل من وكت من شفتي اهل الحقد
يايمه مامنسيه
ليليه اون ليليه
الماتت امه من الزغر يكبر ونينه وهمه
بدنيته ميمر فرح لا راحه توصل يمه
يعيش بحلم بلكت ترد امه ويفز من حلمه
ويسولف اشسوه الحزن ودموعه كبل الجلمه
لو امي ساعه ترد يرجع وياهه الحنان
اشكيلهه من البعد بيه شغدر هلزمان
احزان الي يوميه
ليله اون ليليه
يمه انا بفراكج صرت ام واخت لخواني
وتحزمت يمه وكمت رغم الجره واحزاني
ولاويت وكتي وماطحت يمه انا زينب اني
شفت الذبح نار الخيم بس السبي الااذاني
وي روس اخوتي المشي والحادي يمه الشمر
شلون امشي وانه الكلب كسرات احس منكسر
ياحيرة المسبيه
ليليه اون ليليه
✍️حسين محمد الزهيري
أسألكم الدعاء
#جديد
#فزاعية لمواساة العقيلة بمصاب الزهراء عليها السلام
.
.
عالزچیه ويه زينب .. نبچي هالليله سويه
نبچي هالليله على أمها
انساعد ابونها ولطمها
آه يا ونها وهضمها
من عگب عين الزچيه
انواسي هالليله العقيله
والدمع لأمها نسيله
ازغيره همها من يشيله
اتصيح يمه اشلون بيه
اتصيح من يجبر كسرنه
اوياها دگينه صدرنه
وام الإبنين اتحضرنه
تصيح يا دارچ خليه
نجري وياها دمعنه
ضلعچ انبدله ابضلعنه
بس تون زينب سمعنه
اوياها ننعه وبأسيّه
اوياها هالليله ابجمعنه
نسوي ميدان ولطمنه
امها فاطم يعني امنه
وروحنه ليها هديه
ببيتنه الليله مآتم
كلها صارت بيت هاشم
إنس جن اعليها لاطم
ابكل مكان إلها عزيه
الليله منشوره الروايا
لأم حسن تنعى البرايا
الرحمة الله هي آيه
اعيونه اعليها جريه
آه ياحسرة شبابچ
يالزچيه واللي صابچ
يريد يوصل لعد بابچ
وانتي نجمات الثريه
اشلون عيناچ اسطروها
اضلوعچ اشلون اكسروها
ومهجة الوالي افطروها
من وگع محسن رميه
هذا للمهدي عزانه
يمته وايشيله لوانه
يظهر بحگچ رجانه
وياخذ بثار الزچيه
___
تمت ببركات الزهراء عليها السلام
#بنت_الشمري و #فاطمة_كريم
٢٠٢٣ م
#نعي حال أمير المؤمنين عليه السلام في فقد #الزهراء عليها السلام
.
#أبوذية
الفرح ما مر بعد بيتي ولا ايطيب
وبعدچ ما شِفى جرحي ولا ايطيب
ولا عمري إِلي يِهنه ولا ايطيب
شِلتي والحزن خَيَّم عَليَّه
#نعي
ريت الگبر وياچ ضمني
ولا ياخِذچ هالموت مني
فگدچ كِسَر ظهري وفجعني
يا زهرتي وشمسي المُضيَّه
من يوم شلتي يالزچیه
ظلمه صفت داري وخِليَّه
ما ينطب بعد عیناچ بيتي
من يوم عني سافريتي
بعدچ أظل أنطر مِنِيتي
حال الضيم يازهراء حالي
وبعيوني مُظْلَّمه الليالي
من شمسچ أصبح بيتي خالي
يا زهرتي ونبضي ودليلي
ما ظِن فرح بعدچ يجيلي
طول الليل إلچ والله عويلي
#طور_الفراق
اوداعة الله .. يا عيوني يالزچیه
اوداعة الله .. وأعز من روحي عليه
اوداعة الله .. رحتي وآنه الهم إليَّه
اوداعة الله .. نمتي بتراب المنيه
اوداعة الله .. يا عسى نومه هِنيَّه
اوداعة الله .. گلبي بعدچ للأذيه
اوداعة الله .. حسرتي ابصدري خفيه
اوداعة الله .. ابدمعي أعتب عالمنيه
اوداعة الله .. ما خَذَت روحي سويه
طور : #لحظة_يخويه_انتظر + #يم_الولد
بوداعة الله يَم حسن
بترابچ العُمر إندفن
اتمنيت بعدچ موتتي
وياخذني ويَّاچ الزمن
***
يا زهره دفنيت العمر
وياچ بتراب القبر
يبگه مُصابچ للحشر
ايگطِّعني بسيوف الشجن
***
وَيَّاچ ربي فاطِمَه
رحتي يَزهره إمألمه
بگلبي تظلن مُضرمه
نارچ يَبنت المؤتمن
***
الله العليم ابحالتي
بعدچ أليمه عِيشتي
أصبِر وأتاني ابيا وگت
بترابي يا زهره أندفِن
***
تمت بحمدالله تعالى
#فاطمة_كريم
نسألكم الدعاء لتعجيل الفرج
يا أبا عبـــــــــــــــــــــــــدالله
#نعي الأمير عليه السلام يشكي للزهراء أرواحنا فداها آلام فراقها (٢) ..
● أبوذية :
مُصابچ يلهب بروحي وداري
وأشِد يا جرح من بعدچ وداري
حياتي مُظلمه صارت وداري
بعد نورچ يَنور الله الزچیه
● مجاريد :
وحگ دمعتچ آيا الزچیه
اتهدمت هالدنيا عليــــه
من يوم رحتي من إديه
يالشايِــــله هالكــــون كلــــه
اشلون الكون لن باگي ابمحله
واعليچ الگبــــر خيِّم ابظلــــه
أويلاه يزهــــره اشلون عِلِّـــه
افراگچ بالگلب چم جرح خَلَّه
يا نعمة الله اشلـــون جِحْـدوچ
وخلف الباب يم حسين عصروچ
هجمـــوا عليچ وحيــــل لَوْعوچ
ومكسورة ضلع يا زهره خلـوچ
وفوگ الوچن بالحيــــل لِطْموچ
وبالسوط يا مظلومــــه ضربوچ
لــــولا يزهره هالوصيــــه
چان اعليهم اگلبْت الوطيه
واسگيهم ابكاس المنيــــه
آنه المرتضى حامي الحميه
فَنَّه اليفر والله امن اديَّــــه
لكــن وحگــــچ يالزچیــــه
بالرجعه موعدنه سويــــه
أبحكم النبي ورب البريه
كلمن إلچ راوى الأذيــــه
أصلبهم وسيفي بديَّــــه
● طور : سامحيني
سامحيني .. سامحيني
عالذي صار وجرى لچ هالمسيه
سامحيني .. سامحيني
گلبي مكسور لمصابچ يالزچيه
سامحيني .. سامحيني
وانتي تدرين الذي امحتَّم عليه
سامحيني .. سامحيني
وهذا أمر الباري ابنَص الوصيه
سامحيني .. سامحيني
انچان خلف الباب يا زهره انعصرتي
سامحيني .. سامحيني
انچان عالغبره يماي العين طحتي
سامحيني .. سامحيني
انچان من محسن يمظلومه انحرمتي
سامحيني .. سامحيني
ريتني ابدالچ ولا انتي اللي انهضمتي
● طور : (الفراق) مالي غيرك
سامحيني .. آه يا زهرة حياتي
سامحيني .. ابطيحتچ أشعر مماتي
سامحيني .. امصيبتچ تبقى لوفاتي
آيا زهره .. طيحتچ شمسويه بيه
آيا زهره .. وآنه حماي الحميه
آيا زهره .. هدني جرحچ يالزچيه
● طور : لحظه يخويه انتظر + من هجمت خيول العده + يا كربله وطر الفجر + يم الولد
يا فاطمه حزني چبیر
وگلبي يظل بعدچ كسير
آنه الأمير آنه الأمير
جرحچ كسرني فاطمه
مثل اليتيم بغيبتچ
هدتني والله فرگتچ
ببالي يزهره صورتچ
اتهيج جُروحي فاطمه
يالچنتي لجروحي دوا
وابدنيتي انتي الهوا
لعيوني يا زهره ضوا
وصارت حياتي مظلمه
حوريه والدنيا معاچ
وگفت يمظلومه لأذاچ
ما وَفِّتچ رحتي لسماچ
آيالشهيده فاطمه
● طور : يا ليل طول ساعاتك
مأمور .. أصبر يا زهره
مكسور .. گلبي وشِيصبْره
مكسور گلبي وحيران
وآنه داحي البيبان
اتمنيت .. يم گبرچ گبري
يا ريت .. او لا يبقى عمري
بعدچ للهم والنوح
مجروح گلبي مجروح
____
تمت بحمد الله تعالى
بقلم : فاطمة كريم
ديسمبر ٢٠٢٠ م
نسألكم الدعاء لتعجيل الفرج
يــــــــــا أبا عبـــــــــــــــدالله
ياليل الوداع راحت تـراهه
ياليل الوداع موتي بجفاهه
ياليل الوداع
*
شلون اعوفچ وانتي روحي شلون اعوفچ
گمت اطوفچ وي جــروحي گمـت اطوفچ
بهندس اليل مايضل حيل
اليله كــل ادموعنه يطيحن سويه
لحضة افراگ كومة اشواگ
تندب ادموعي على افراگ الزچيه
يلرحتي بچيتي النده ميته وصد امورده
اگلوب اهلنه امرده بهاي المسيه
والحزن شاع طــفو ضــواهه
ياليل الوداع مــوتي ابجفاهه
*
عمري حسره بلا وجـودچ عمري حسره
بگلبي جـمره من صدودچ بگلبي جـمره
الفارگ احباب بگلبه ينصاب
وانــي ابليلي افــارگ اعــز نـاسي
القدر خوان لــم الاحزان
لمــلم ابجـيته علي كــل المئاسي
بدموعي نگعت الترب مابطلت عيني تصب
ذبلان حسيت الگلب راح اليواسي
ماحرك اذراع روحي وهواهه
ياليل الوداع موتي ابجفاهه
*
ليلي غــربــه وضاع عمري ليـلي غــربه
بدنيه صعبه ونـاح صبري بدنيه صعبه
الهم لفاني وگمت اعاني
اوشلت دمعات عيني من ونيني
لوعه بينه من بچينه
وبعد ماتغمض تراهه بيوم عيني
صعبه الحيات بغيره واضح علي تئثيره
خله الزمان بحيره ومصابه ايئذيني
متهشم اظلاع بدنيه وبلاهه
ياليل الوداع موتي بجفاهه
*
الموت احسه اخذ روحي الموت احسه
گطـــع نفسه البعد حيلي گطـــع نفسه
بعيني ظلمه واچني عمه
چن غريب ابدنيه مابيهه گرايب
تراب اهيله ودمع اسيله
علي وكتي دار ويلات ومصايب
خليني يمچ ساعه روحي صفت ملتاعه
الهم صفالي اطباعه ودلالي ذايب
احزاني اطباع ادموعي حيراهه
ياليل الــوداع مــوتي بجفاهه
*
راح كلشــي. من مشيتي راح كــلشي
گــرب نعشي وي منيـتچ گــرب نعشي
وسع لحدهه بالك ظلعهه
هيه عزيزة حيدره ماذيهه بسمار
بلباب لاذت اهموم شالت
تــاليهه حتى بابهه ماعافته النار
ميت دليلي بحضرتچ اليله تنعه خلتچ
اسمع صداها چلمتچ وتبچي الحجار
والامل ضــاع بروحي وراهه
ياليل الاوداع موتي بجفاهه
*
ابوحيدر
الصبيحاوي
هوسات على الأم
سنه دارت ييمه وانتي بعيده
وجهج غاب عني اليوم اريده
ماجن ناس يمي جني وحيده
شلعتيهه ،،،لروح وياج
،،،،،،
شلعتي اروحنه يم الحسن يمه
مابيه اصد لغرفتج ضلمه
وين اشكي الهضم يحبيبه يايمه
تخليني ،،،جاليش لوحدي
،،،
من عگبج وحيده وبلهضم حالي
بس سوالفج ضلت عله بالي
من بعدج تراهي تحطمت امالي
المهيوبه ،،،شالت جاوين
،،،،،،،
تمت بعون الله تعالى الى خادمه اهل البيت عليهم السلام الشاعره والمله ام حيدر الحلفي لنا ولكم الاجر والثواب
ما اساوم عالعقيده
وهالنداء، للموت اعيده
كلمات الشاعرة/ ام زين العابدين اللامي
بصوت. ( مسلم المطيري)
في حق الزهراء. ع
بحقج قليل اتلث روايات
كون العمر اكظيه اقرايات
ما عندي غيرج
مغركني خيرج. يزهراء
---------------
مرهون الج هذا العمر بابج عبد. قبليني
وبدفترج يم الحسن وي الخدم سجليني
ماانسه امصاب الظلع ودموعي تجري بعيني
افظالج. عليه شكثر. مقصر انه عذريني
بهاي اليالي الفاطميات
بصدورنه يزهره عبرات
ماتطفه نارج
مغركني خيرج. يزهراء
----------------
شما ينصب ماتم. الج يزهره لازم. احظر
انتي الشفيعه بدنيتي وباجر بيوم المحشر
خل الطم وجري الدمع وضلوعي خل تتكسر
ماجازي انه. ام الحسن. وبحبهه لو اتوذر
صوت الحزن يالبظعه ينعاج
وحدر الضلع بسمار. صاباج
نطلب بثارج
مغركني خيرج. يزهراء
---------------
هنياله كلمن يخدمج يرتفع عالي صيته
ويحظر مجالس فاطمه وندري انتي ماناسيته
صلطان يالزهره الخدم معروف طبعه ونيته
يلطم يدك عله الصدر. وسجلت. لطميته
معروف نورج من تحضرين
وي البجه ملهوفه تبجين
مكسور ظلعج
مغركني خيرج. يزهراء
-----------------
حتى اذا. مالج كبر ابروحي كبه وحظره
منشتاق ازورن مرقدج تجري بعيني العبره
يالزهره الخادم يظل يقدم حياته وعمره
يبنيلج ابيده كبر ويطلب ابثار. العصره
والمهدي يطلع ياخذ الثار
وينادي وين الحركو الدار
يبني ضريحج
مغركني خيرج. يزهراء
---------------
من عيني اجريه الدمع والطم بحركه صدري
ماعوفج انه. للبد. شما مال. بيه . دهري
كلشي يهون الخاطرج ناذر اسنيني وعمري
منج تعلمت الصبر محسود حته بصبري
وبروحي شايل حسره وجروح
يم الحسن. يحلالج. النوح
مصطور خدج
مغركني خيرج. يزهراء
----------------
الخادم
رحيم الصالحي
#هوسات شهادة مولاتنا الزهراء عليها السلام
طور : سحگته الخياله
ترى الميْته الزچيه والضلع مكسور
ماطابت يويلي تشكي مِنِّ اشهور
ملطومه اعله خدها والصدر محفور
*وفاطمه ماتت*
*فاطمه ماتت*
*فاطمه ماتت ، يا شيعة الزهره*
.
.
انكسر ظهر الصميده ابحين نزَّلها
مكسورة ضلع واشلون يحملها
انهدم حيله عليها ودمعته هلها
*صاح يالزهره*
*صاح يالزهره*
*صاح يالزهره .. ذبحني والله موتچ*
.
.
ملطومة اعله جفنچ والصدر مكسور
بس أدريچ كل حزنچ على المنحور
حيدر غسلچ يم حسن بالكافور
وبيده كفّنچ واعليچ تبچي الحور
لگبرچ نزِّلچ واعليچ دمعه ايفور
*بس حسين .. محد غسله وشاله* 💔
.
.
يا دمع العقيله بفرگة الزهره
اكسرت ظهر السمه من ونت الحوره
من شافت خليه حجرة الزهره
*ليش عفتيني*
*ليش عفتيني*
*ليش عفتيني ، اتنادي يالزچيه*
*طور : شامره عيوني*
مفجوع الگلب يالزهره مفجوع
وما يكفي لمصابچ سيل الإدموع
أريد ألطم عليچ وأكسِر اضلوع
يالضلعج كسير وحيل موجوع
*وكون معميه ، عين الما بچت لچ*
___
#فاطمة_كريم
▪️رب زدنا لوعةً حتى نسمع مناجاة الزهراء صلوات الله عليها في صلاة الليل:
١/في صلاةِ الليلِ، في خيرِ البيوتْ
قَدْ سَمِعنا فاطِماً حالَ القنوتْ:
"ربِّ لَنْ أرتاحَ إلاَّ أنْ أموتْ"
تسألُ الله وتبكي في أنينْ
٢/حرَّ قلبي..هذه خَيرُ النِّساءْ
ضَعُفَتْ عَنْ رفعِ كفٍّ للدُّعاءْ
تشتكي كسْراً بِأضْلاعِ السَّماءْ
إثْرَ دَفْعٍ أسقطتْ فيهِ الجنين
٣/كمْ بكى مِحْرابُها دونَ اصطِبارْ!
إِذْ رأى في الخدِّ والعينِ احْمِرارْ
يا لَقَوْمي! لُطِمتْ صُبْحاً جهارْ
وهوتْ مِنْ ضربِ سَوْطِ الظالمينْ
٤/سألتْ.. مكسورةً قلْباً وعيْنْ:
"بَعْدَ موتي يا إِلٰهَ النَّشْأتينْ
ربِّ صبِّرْ حسناً، صبِّرْ حسيْنْ
ولِأمِّ الخِدْرِ كُنْ أنتَ المُعينْ"
٥/وَدَعَتْ والدَّمعُ في الخدِّ ذروفْ:
ربّ صبِّرْ زينباً يَوْمَ الطفوفْ
وأعِنْها بعدْ مقطوعِ الكفوفْ
تنظرُ العطشانَ مذبوحاً طعينْ
٦/وتناجيهِ "لِتَعْجيلِ الظهورْ"
مَنْ سِوى مهْدِيِّها يشفي الصدورْ؟!
آهِ.. يُخْفى قبْرُها بينَ القبورْ
وهْوَ مَنْ يُظْهِرُهُ في العالمينْ..
الشاعر علي عسيلي العاملي
#الليالي_الفاطمية
#اللهم_عجل_لوليك_الفرج
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
اسرار و خفایا من اهل البیت (ع)
🌹 @ssoammar
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
#ابوذيات_الزهراء_ع_
..
.
عــلــي يــا ســــورة الانـــســـان.. يــا هَــل
أتــــىٰ ، جــفــنــي فــلا يــنــلام.. يــا هــل
آنـــه الـلــي لـلـــ لــحــد زتّــيــت.. يــا هــل
حـــلـــم عـــمـــري اهــــز مــهــده بــديــــه
*---------------*---------------*
جـــرح اولــيــدي جـــرح الــبــاب.. مـهـده
ولــيــالــي الـگــلــب مــن الـصـار .. مـهـده
اون عـَـالـــ مــــــا ولا هـــــزيــــت.. مـهـده
ولا راســـــه غـــفـــه بــــراحــــات اديــــه
*---------------*---------------*
✍️خادم الحسين ع
الشاعر سعد هادي الشمري