7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
رايه لازم بالسمه اتضل تنرفع
يا لثار الماتت بكسر الضلع
ـــــــــــــ
الرايه حمره وترمز الذاك الدمه
دم ضلوع من العصر متهشّمه
المهدي يكتب يالثارج فاطمه
وصرخه مابين العوالم تنسمع
ــــــــــــــــ
الثار يبقى ومايطيح وينّسي
من عذابه العصر فاطم يحتسي
والروايه بأيده خطها المجلسي
البغض فاطم ماله دين ولا شرع
ــــــــــــــــــــ
اللاذت بسد بابهه يعصروهه ليش
ايد مجويّه وترد الباب بيش
هيج بيها يصيح ياعالم عليش
فوكَ خدهه شلون فاطم تنصفع
ـــــــــــــــــــــ
يا الاهي دوم عالثاني اللعن
السمع خلف الباب فاطم تمتحن
رغم هاذي وكَالهه بصوته وأن
بين باب وحايط امست تندفع
ــــــــــــــــــ
ناس ماعدهه ابد ذمه وضمير
رغم عصر الزهره جتفوه الامير
بالوصيه المرتضى اصبح اسير
وفاطمه اعله الصار بس تجري الدمع
ــــــــــــــــــــــــــ
الثار يابو صالح انريده بعجل
وندري بس بطلعتك هذا الامل
دوم مو بس بالجمع صحنه العجل
حتى وياّك اعله نهج ننجمع
ـــــــــــــــــــــ
الشاعر محمد حسن ضيغم
/channel/kasaedalatharDaygham
ضلعي يطيب وداعت انفاسك
بس اشيطيب الشيب البراسك
ليش..حيدر... عالي ونك
ضلعي.. فدوه.. ...لشيبه منك
................................................
كافي تكبر يابو زينب ارجع لزينب ابكدك
انته كل الدنيه بيدك..أيدك اشعدها اعله خدك
يلعشت ليه وعشتلك ادري غيري ماكو عندك
ايطيب كسري من اشوفك تضحك ابيتي ويه ولدك
آنه تره الما اكدر ابدونك
غمض علي وتلكاني بعيونك
كلشي...بيه....راضي عنك
ضلعي... فدوه... لشيبه منك
................................................
غاليه ادموعك عليه يلمدللني ابحياتك
اشهالحنان البيك حيدر وكبري غطيته ابعباتك
لخاطري كوم اعله حيلك اشتاكن لطولك بناتك
اسمعت مابيك توكف والدعاء يبجي بصلاتك
ارجع لبيتك داري احبابي
بسك علي نايم عله اترابي
ارجع...لمهم...بهذا حضنك
ضلعي....فدوه...لشيبه منك
...............................................
غمضت مستحيه منك مامغمضه الألم كسري
أزغيره الاسنين العشتها وقصرت خافن بعمري
انعجنه بطينه وحده عشت عطرك وانته عطري
عمر شايلني اعله راسك كون اخدمك جوه كبري
دافني لو دافن علي روحك
من كل كتر شو تنزف جروحك
ريته....كله....بيه حزنك
ضلعي..فدوه... لشيبه منك
...............................................
مااعوفك تدري بيه مايهمني عدله..ميته
وما أهم جي عيني حمره بس أهم جي بيها انته
ومثلي محسن هم يحبك ويستحي يطلعها ونته
جانت امنيته بحياته أتهزه بلكاروك أخته
من دون اخوته ما غفه بأيدي
جان اشحلاته ايشبهك وليدي
لأجلك....دمنه...انه وابنك
ضلعي... فدوه..لشيبه منك
................................................
شمحلى يافاطمه بصوتك أنسى وني وأنسى وضعي
أعليه لاتزعل يغالي ما اضم اعليك طبعي
حتى تبقى اكبالي اخضر ماجبتلك طاري ضلعي
ادري الأذبلك عصرتي وجان الك كل ذاك دمعي
ماعندي غيرك ياعلي ثاني
حيل اعتذر جي صرت دفاني
عذرني...حيدر...غالي متنك
ضلعي... فدوه... لشيبه منك
...............................................
احمد ماجد الكلابي
يمه خل انطيچ ضلعي
انه اهون من اموت
يمه ذن چفين اديه
ادعي بيهن بالقنوت
الموت اهون يالحبيبه
الي من هذا السكوت
ييمه ..
الدنيا ماترحم بشر ماعنده ام
كلمة الأمك مشت تچوي العظم
وعطرچ بكل ركن بالمنزل نشم
هذا الحنان يضمه التراااااااب .. يمه
ياريت ماموجود هالباااااااااب .. يمه
شيصير يمه الضلع لوطااااااب .. يمه
_____
يمه بين اعيونچ اني
جنت كل ساعه اطوف
ليش كل ما اصد هسه
وجهچ اتدورينه خوف
شني الي تضمينه عنه
جوه ايدچ مااشوف
ييمه
سامع ايِطيب الضلع من ينكسر
وكسرة الماعنده ام ماتنجبر
كون عيني ولاعيونچ تنسطر
ياريت ضلعي نصاب بسمااااار .. يمه
وانعصر هم واتچوه بالناااااااار .. يمه
يهونن علي لو وجهچ اندااااااار .. يمه
_______
البيت من تموت امه
حتى حيطانه تنوح
لو جرح واحد يصيبچ
احنه ننصاب بجروح
غير ربيتينه بيدچ
وي ايدچ خل نروح
ييمه
لو كسر بالغصن شيضل بالورد
والتموت امه يعيش المن بعد
الأبو الخيمه لكن الأم العمد
من هجمو عله الدار والله .. يمه
من علي طلعت اه من ااااااااه .. يمه
طاح الجنين وطاح وياااااااااه .. يمه
______
حلم عدنا يصير اخونه
وماتحقق هل حلم
خاطر يباري خواته
من يمر بيهن هظم
حتى مالحك ييمه
كطره منه تطيح دم
ييمه
احنه موبيت الوحي وخير العمل
والله مانستاهل البينه حصل
ينحرك دار وكسر ضلع وطفل
بعده محمد جدنه مامااااااات .. يمه
وتزاحمت عالباب دفعااااااااات .. يمه
طلعت وأن من بين الاصواااات .. يمه
_______
✍️محسن الحمداني
اللـهم بلوعة اولاد فاطمة عليهم السلام عـجـل لـوليـك الفـرج
(موشح) للزهراء عليها السلام
إليا مدى البسمار لمّن صابها
ومثل طبگ كتاب طبگو بابها
_ ١ _
المثل فاطم كارثه گالوا وإن
عليها مثل المطر ضل يجري الحزن
باب من اجذوع وثگيلة وزن
انطبگت ومحسن وگع بعتابها
_ ٢ _
انطبگت عليها ونزف دم الصدر
وبين سوط ونار وصياح وعصر
ما تحس إله وچفنها منسطر
ومن صدرها للجدام اخضابها
_ ٣ _
من صدرها بعد متشم الهوه
وعينها من اللطمه مابيها ضوه
تعب حيدر كثر ما دور دوه
لفاطمة وما صح دوة لصوابها
_ ٤ _
الفاطمه حيدر يجي بدمعه ويرد
ايصل عليها الضلع لو صار البرد
لحد ما ماتت وهي بعمر الورد
ماتت الزهرا بعز اشبابها
_ ٥ _
ماتت الزهرا ومحمرت العين
والحسن شابگ نعشها والحسين
نادت الأملاك نحي الحسنين
يا علي عن فاطمه وثيابها
مصطفى الشافعي
(گعده) للزهراء عليها السلام
بالمغتسل وتلمست ضلع الحبيبه
الله يعينك يا علي بهاي المصيبه
بيتك طفه بدره
من غابت الزهره
الله يعينك يا علي بهاي المصيبه
_ ١ _
صارلك أيام وانته فاطمه ما تدري بيها
ليش محنيه ونحيله وگوه تتحرك اديها
الصدمه عالمغتسل صارت من اجت ايدك عليها
حست جفوفك بالضلع
وشاهدت آثار الصفع
تنحيت واجريت الدمع
وما ترد من تحاچيها
كاعد تون يابه الحسن مكسور ضهرك
انت التصبر عيلتك ياهو اليصبرك
گلبك منو يصبره
من غابت الزهره
الله يعينك يا علي بهاي المصيبه
_ ٢ _
عين حمره متن ازرك صدر نازف من شفتها
سكته ماتت يبو الحمله من مشت ما ودعتها
والمسافه لحد بيتك يعينك الله من عشتها
بصف بيتك المسجد لجن
شو طولت يابه الحسن
جدامك هواي تعثرن
كوه الأنفاس شهكتها
هاي المسافه يا علي جن مستحيله
من المسجد لحد فاطمه صارت طويله
بكل خطوه جم عبره
من غابت الزهره
الله يعينك يا علي بهاي المصيبه
_ ٣ _
صحت للحسنين كومو يا علي بأفجع مسيه
حنان مو مالت وداع ولا حمل للفرگه هيه
من الكفن مدت اديها وشبگت حسين الزجيه
حركها ما اظن ميته
توها ابو اليمه شبگته
ومسحت بجفها دمعته
بينهم ماكو منيه
ام الحسن موميّته يمكن بعدها
منين اكو ميته من الكفن تشبگ ولدها
الموت اختلف أمره
من غابت الزهره
الله يعينك يا علي بهاي المصيبه
_ ٤ _
ما ترد فاطمه لبيتك سلمت للباري أمرك
وانت لو بيدك يحيدر تنطي لام الحسن عمرك
صبرك يكفي العوالم بس نفذ للزهره صبرك
محد يكسرك بالحرب
بس هسه مكسور الگلب
واريت فاطم بالترب
بيها الله يعظم أجرك
ما تدري واقع لو حلم خلصت حياتك
ويه ام حسن نفس اللحد رايد مماتك
كسرك منو يجبره
من غابت الزهره
الله يعينك يا علي بهاي المصيبه
_ ٥ _
يا علي بليل الاظلم فاطمة تواري جسدها
شرادت بهاي الوصية القبر تخفي قصد عدها
جنازة الرحمة ميحضر بيها ذاك الصفع خدها
واريت خدها عله الثرة
وصفعة الخد يا حيدره
تلجم خدود الطاهره
ماتت وتنزف بعدها
تراب الگبر يابه الحسن يلچم ضلعها
وليلة الوحشه بدمعتك تطفي شمعها
تتنفس بحسره
من غابت الزهره
الله يعينك يا علي بهاي المصيبه
_ ٦ _
بيت مابيه الزجيه مقبره يصير اعله اهله
ومن بعد فاطمه ما ضل دمع بعيونك تهله
فاطمة ماتت عليله وبيها ما طابت العله
اثمنطعش عام من الحزن
راحت ومحمر الجفن
وازرك يبو حسين المتن
صار كالدملج عضدها من أثر ضربات قنفذ
مصطفى الشافعي
نعي مفجع للسيده الزهراء ع
اشـضـال عدنه عگبچ ييمُه اشـضـال عـدنـه
ونـضـل وَحَدنه بهذا العمر ونـضـل وَحَـدنـه
عـنـچ بعــدنـه ابـسـاع الدهـر عـنـچ بـعـدنـه
ومصاب جدنه امصابچ سوه ومصاب جدنه
ومظلـم علينـه موحش بيتنه ومظلم علينـه
ريـتـچ تجينـه مـره بـحـلـم ريـتـچ تـجـيـنـه
شمسوي بينه وشوفي الحزن شمسوي بينـه
يمنـه الـحـنيـنـه حَن الگلب يمنـه الحـنـيـنـه
صـوتـچ نسمـعـه ما ضن بـعـد صـوتـچ نسمعه
دمعه اعله دمعه يكضي العمر دمعه اعله دمعه
مـامـنـهـه فجعـه يافجّعتچ مـا مـنـهـه فـجـعـه
لـو لُـمـه يـنـعـهـه حـگـه الـوَلـد لـو لُـمـه يـنـعـه
*-------------------------*-------------------*
✍خادم الزهراء ع
الشاعر رعد الجريخي
قصيده للزهراء عليها السلام
الوزن دارمي
كلما اصد للباب يوجعني ضلعي
واصرخ بعالي الصوت يايمه ارجعي
***
كلما اشوف الباب دمعاتي تجره
خله بدليلي جروح ماترضه تبره
مصابچ كلف ومچيد يهضم يزهره
من عده ضل يسيل يايمه دمعي
ام مرتضى الخفاجيه
*
يصعب عليه انساه يمه مصابج
عذبني هد الحيل يحبيبه بابج
بيه الالم مو بيج ريته وعذابج
ياوضع بعدج صار يازهره وضعي
العلويه ام مرتضى الموسوي
****
شخلت بروحي مصاب ياعتبته هاي
ونيرانه ضلت دووم ماتطفه بحشاي
خلت بضلعچ دآي مامثله ابد دآي
وتركتني اون عليچ گعدي واسمعي
ام مرتضى الخفاجيه
****
بكل ركن من البيت خليتي تذكار
دمج العل حيطان وبصفه بسمار
ومايبعد امن العين يامنظر النار
وصوتج باذني يصيح يافضه افزعي
العلويه ام مرتضى الموسوي
****
كاتلني هذا الباب لو بيدي اشيله
بسماره صاب ضلوع حامي الدخيله
وخله الحسن مهضوم دمعه يسيله
يبچي بهداوه عليچ وبسدي ينعي
ام مرتضى الخفاجيه
***
بابج فتح بالروح للنايبه باب
ومصابج الماصار مثله وجره مصاب
عتبي على دهري الخان وشوده وشجاب
خلالي بس غصات ويگلي اجرعي
العلويه ام مرتضى الموسوي
تمت بأقلام🖊
المله والشاعره ام مرتضى الخفاجيه
العلويه ام مرتضى الموسوي
لانسمح بحذف الاسماء او التلاعب بالكلمات❌❌❌
فزاعيه لزهراء ع
صدك مكسور ضلعج
يم الحسين
...........
صدك باالباب طحتي
يبويه بصوت صحتي
عله المحسن صرختي
يزهره والجنينج هلت العين
..............
عله المحسن بجيتي
وبحيدر نخيتي
وعله الباب انتجيتي
مفجوعه وصرختي يامسلمين
.............
اليومج مانسينه
ولمصابج بجينه
حزن وهموم بينه
عليج تنوح يازهره المحبين
.............
يهل بالعين دمعج
ننسه شلون ضلعج
نون كلنه عله ونج
الج ماتم حزن واحنه المعزين
.............
الج ماتم نصبنه
وعله المحسن لطمنه
يمظلومه وصرخنه
نعازي المرتضى وسيد الكونين
✍ام زينب كربلاء غير مبري الذمه من يأخذ الكلام وينسبه له اويحذف الإسم من كتاب الجزء الثامن عشر
نعي ليلة رحيل الزهراء ع
ازيح الموت لوصح ودعنها
يكول بعيد ضعنج ود عنها
شلون عيون عندي ودعنها
عساهن عمن بوداع الزجيه
.............
اليلة الموادع يهدم الحيل
وامنه الحنينه ناويه تشيل
صار اوداعنه بليل بليل
..............
صار الموادع والدمع سال
وضعن النحبها حمل وشال
يزهره دهرنه شلون ميال
............
لاوين عن بتج تشيلين
ونصيح ماجنج تسمعين
ردي يزهره وسكتي حسين
...........
اليوم الزجيه ودعتنه
عله الباب يحبيبه وكفنه
يمه يزهره حيل صحنه
...........
شيال تابوتج جزانه
تعد ه بنعشها ولاتوانه
ويه الزجيه ماخذانه
كفت اليمه وهاي هيه
...........
يجلمة اليمه اليوم كفت
وروحي عليها حيل ونت
بتج للحزن والنوح ضلت
✍️ ام زينب كربلاء غير مبرئ الذمه من يأخذ الكلام وينسبه له او حذف الاسم
قصيده الى مولاتي الزهراء ع
حال لسان الحسين ع
بعد ماظن تردين وجيبن مثلج منين
اكولن وين الاكيج
وشبكنج وحاجيج
بعد ماظن تردين بعد ما ظن تردين
**
شسولفلج يايمه دموعي هماله
وليفكدله غالي يعذب حواله
ترى الما عنده ام شيسوي بعياله
فركتها جبيره وفركه جتاله
الحنان وياها شالوه
وابنها الوحده خلوه
اريدج يم الحسين
بعد ما ظن تردين
*
يم صوت العلي لوله اريدنج
يالزهره ييمه لا ما امل منج
شلون بليل بجفوفي وشيعنج
الج مشتاكه عيني وين اشوفنج
الحزن خيم على الروح
مشيتي وزينب تنوح
وحيده وتهمل العين
بعد ما ظن تردين
*
الج عالم حزين وينحب بيومج
يالضلن بدي دمعاتي وهدومج
يالكثرن علي حسراتي وهمومج
علي غبتي يايمه وراحن رسمج
الج بس ذكره بالبيت
عبايه وليها حنيت
صحتلج لا ترحلين
بعد ما ظن تردين
*
شحلاتج لو كعدنه وانتي ويانه
وجفج لو بردنه يصبح غطانه
يخلص الليل يمه وانتي سهرانه
عمت عيني عليج الرحتي حزنانه
السوالف تهدم الحيل
ونذكرج من يجي الليل
بقينه وماكو امعين
بعد ما ظن تردين
**
حنينه وجبتي عمرج ما نسيتينه
كبل روحج يايمه من تفكدينه
جرح يسبك جرح لمن جفيتينه
ليش وياج نحجي وما تحاجينه
يصب دمعي على طرواج
وتحن روحي على ملكاج
ونصيح وما تسمعين
بعد ما اضن تردين
**
ابو هاجر المجراوي
ياموت اخذني وياهه // صعبه امي راح انساهه
من راحت امي ___ من راحت امي
////////////////////////////
بنص ذاكرتي صورة امي متعلكه
مرورتهه بلهاتي ظلت الفركه
مثل امي جذب بالدنيه راح الكه
شايف يم كبرهه تكتلك الحركه
ويصير انه تمنيته // كبر امي الي ياريته
من راحت امي ___ من راحت امي
////////////////////////////
يصير وياهه ابدل عمري وسنيني
الوي صورتهه احجي وما تحاجيني
عالتابوت شابك وشلت عيني
اخذني وياهه بعد المن تخليني
باليل اشم بثيابهه // كاسرني حيل اغيابهه
من راحت امي ___ من راحت امي
////////////////////////////
بحجرتهه امن افز بلكي الله الكاهه
بمكان التكعد امي الفاتحه اقراهه
اطب للبيت هسه متاني ملكاهه
ياموت انحرم من عدهه ترضاهه
فاجئني كلش موتهه // مشتاك اسمع صوتهه
من راحت امي ___ من راحت امي
////////////////////////////
الجنت ليليه انه اغفه اعله ريحتهه
الهسه منيدي ماتيهه سبحتهه
انظلمت حيل امي الدنيه جرحتهه
اكل كلبي الحزن جنت انه فرحتهه
اهلي اذا يضيعوني // بالمكبره يلكوني
من راحت امي ___ من راحت امي
///////////////////////////
جلمت يمه جانت حلوه بلساني
ابجي اعليهه ويسكتوني خواني
نتشابك نضل واحد عله الثاني
يموت نصيح اخذنه وياهه شمتاني
امن الزهره عنه بعيده // حتى الهوه منريده
من راحت امي ___ من راحت امي
////////////////////////////
طاحت ياهظيمه الليله خيمتنه
من يمسح بعد من نبجي دمعتنه
يزينب يالحسن ليش امي عافتنه
عوز اللمه امي وتحله لمتنه
معقوله غمضت عينهه//وعافت يتيم حسينهه
من راحت امي ___ من راحت امي
////////////////////////////
تمت ____ علاء الزيدي
القصيدة "للزهراء عليها السلام
الشاعرة "فاطمة هاشم الحسيني
""""::"""""::"""""""::"""""::""""::""""""::"""""""::"""""
فلا ناسين ضلعج والمصاب احنه
سبع فدوات كون الدمعتج رحنه
⊱━━⊰✾ياصاحب الزمان✾⊱━━⊰
فلا ناسين ضلعج والسده وحالج
كل ماشفنه باب نصير ننعالج
تمرد من هظمهم وسفه دلالج
مهظومه //حكَج من عدهم
⊱━━⊰✾ياصاحب الزمان✾⊱━━⊰
مهظومه عمت عيناي مهظومة
ياعمر الورد شو شلتي مالومة
علامات الزعل بالعين مرسومة
زعلانه //عل حركو بابج
⊱━━⊰✾ياصاحب الزمان✾⊱━━⊰
بعيونج زعل والروح تتألم
ودموعج حمر مبجاج جنه الدم
زينب ياوسافه شلون تتيتم
يحرموها //من عندج ليش
⊱━━⊰✾ياصاحب الزمان✾⊱━━⊰
حرمو طفلتج من حظنج الدافي
يامن شوفتج للعله اتشافي
ردي الطفلتج ماتحتمل كافي
تعبانه //من دون اعيونج
⊱━━⊰✾ياصاحب الزمان✾⊱━━⊰
جبيرة فركَتج وابنيتج ازغيرة
شوف اعيونها لمجانج اتديرة
بين اخوانها وفركَاتج ابحيرة
راعيها //والفركَه اتدولب
#الشاعرة_فاطمة_هاشم_الحسيني
☘لاستشهاد الزهراء ع ☘
على رواية وهيه للسان حال امير المؤمنين ع
، (إنَّ أميرَ المؤمنينَ عليهِ السّلام لّما وضعَها على المُغتسلِ تركَ تغسيلها وتنحّى جانباً ووضعَ رأسَه بينِ رجليهِ فاستغربَت أمُّ سلمةَ مِن ذلكَ فقالَ لها أنّهُ مرَّت يدُه على ضلعِ الزّهراءِ المكسور..)
المستهل للسان حال الامام
السوال لام سلمه يبدء من المستهل الثاني
والثالث جواب وهاكذا
ويذكر اثناء القصيده مصاب الحسين ع
للسان حال اسماء عندما ترك امير المؤمنين غسل الزهراء ع
للسان حال اسماء عندما ترك امير المؤمنين غسل الزهراء ع
شتگله:-
ليـش عفت الطاهـره مـاغسلتهـا
شهيست يابوالحسـن من جلبتها
اسماء ايدي تهيس صواب وجمر
حيل تلچمهـا وتـــفز كلمـــا تّــمُـر
عنـي اخفت فاطمـه هـــذه الامـر
ضاگت بعيـني الوسيعه من شفتها
بـ✍🏻 المله ام مجتبى
🔅~><~><~><~><🔅
عمت عيني ام الحسن ياسيدي
انشلت ايده من عليهه يعتدي
الكسر گلبك ياعلي ابن الردي
هوا نفسه الگال يهجر واسمعتها
✍️ وعد الڪفيل
🔅~><~><~><~><🔅
هو نفسه السمم عروگ النبي
باب والمحراب والسم الخبي
وهو نفسه الخطط الذاك السبي
يعينك الله ياعلي لمن جستها
ام حسين المحمداويه
🔅~><~><~><~><
🔅
يعينك الله ياعلي بجس الضلع
خيط كلبك صار ذايب بالشمع
شتشفي الدمعات شتصب يادمع
يااسماء مصيبه كوه انه احملتها
ام حسين المحمداويه
🔅~><~><~><~><🔅
نكر ذاك الطيب ماغزر ملح
الف لعنه عليه شگد ظالم جبح
ماكفاه الصار من شاف الجرح
نياط گلبي اتگطعت من المستها...
✍️☘️ام فراس الساعدي ☘️
🔅~><~><~><~><🔅
حين مرت يمنتي حيلي انهــدم
عـزيزتي حـملـته كل هـذا الألـم
ريته ضلعي ولا ضلعها لنهشم
ضهري حدّب ليها يوم الشاهدتها
ام احمد العبوديه زبير
🔅~><~><~><~><🔅
تمت بااقلام
رابطة ڪفيل زينب
حـــان الآن ميـــعادالوصيه
اريـــدن ياعلي تنـــفذهَ أليه
الحرگ بابي عليه والظلمني
ماريــدنهم يحضرون دفني
يحيدر //////////////يحيدر
//////////////
✍️ام زين العابدين اللامي
#قصيدة_ملمع
يا ضياءَ العرشِ يا نورَ الجِنَان ِ
يا صراطَ اللّٰـهِ يا قَلـبَ الحَنان ِ
زَهْـرَاءُ الوجُود ِ
يا نورَ السٌُجُود ِ
يا صراطَ اللّٰــهِ يا قَلـبَ الحَنان ِ
🕊️💫💎🤍💎💫🕊️
١/
ياسبع المثاني انتي يمحور دورة الأكوان
يا ليلة قـدر للناس يا حكمـه ابگلـب لقمان
انتي القيّمـه عالدين يجوهر سورة الإنسان
مليتي هالوجود أنوار وبيتچ يمتلي نيران !
آيــةُ التَطهِـيـرِ أنـتِ بالكِتـاب ِ
أسقَطُوكِ المَارِقُونَ فِي التُرَاب ِ
وخانُوا بالعهود ِ
يا نورَ السُّجُود ِ
يا صراطَ اللّٰــهِ يا قَلـبَ الحَنان ِ
🕊️💫💎🤍💎💫🕊️
٢/
يمشكاة الله يازهراء يجوهر عالـم التقديس
آصف من سبأ بسمچ لمن يجلب عرش بلقيس
وبيچ آدم غفرله الرّب وعيسى يرتفع وادريس
يمصدر عالم الأنوار اجت تحرگها نار ابليس
قالَـهَـا الشيـطـانُ أيـنَ أولـيــائي
اسجرُوا النِّيرانَ فِي بَيتِ السَّماءِ
وجاؤوا بالجُنُود ِ
يا نورَ السُجُود ِ
يا صراطَ اللّٰــهِ يا قَلـبَ الحَنان ِ
🕊️💫💎🤍💎💫🕊️
٣/
يانور العرش انتي الشمس من مصدرچ ومضه
حروفچ حين نفظهـا الگلـب ما يستقـر نبضه
العليهـا الكـون يتسنـد صفـت تتسنـد ابفضه
ضلوعچ هيكل الإسلام رضهـا الطاغيه ابّغضه
قيلَ هـٰذي فاطـمٌ سـرُ الصـلاة ِ
وإن قَد صاحَ بهِمْ رأسُ الطُغاة ِ
مِن قَلبٍ جَحُود ِ
يا نورَ السُّجُود ِ
يا صراطَ اللّٰــهِ يا قَلـبَ الحَنان ِ
🕊️💫💎🤍💎💫🕊️
٤/
تديرين الرحى بيدچ شنـو بهايه عِبر و اسرار
تديرين الأرض بيهــا لـو بيـهــا الفـلك ينــدار
بصلاتچ كل فرض دمعات تجري بالجنان انهار
و دارچ مسجـد الأمـلاك لـٰكـن تلتهـب بالنـار
نارُ بيتِ النُّورِ قَد شَبُّوا لَظَاها
أخَذُوا الثـاراتِ مِنْ طٰـهٰ أباها
ثاراتُ اليَـهُـود ِ
يا نورَ السُّجُود ِ
يا صراطَ اللّٰـهِ يا قَلـبَ الحَنان ِ
🕊️💫💎🤍💎💫🕊️
٥/
يصلّـي الليــل بچفوفچ لمّـن ترتفـع لـلــه
العصاة الأمه يازهراء گلبك كل فرض دعواه
الملايك هالمسه چفچ تنادي ليش ما شفناه
يظل چفچ على ضلعچ لاجل ما تشغلچ بلواه
آيــةُ القُربَـــىٰ تنـوحُ بالعَـويل ِ
بالثَـرىٰ لمَّـا رَأتْ طفـلَ البتول ِ
مِنْ ضَربِِ الحَقُود ِ
يـا نورَ السُّـجُـود ِ
يا صراطَ اللّٰــهِ يا قَلـبَ الحَنان ِ
🕊️💫💎🤍💎💫🕊️
٦/
يا گلب الحنان الغاب صفت دنيانه شِبـه الغاب
القوي يظلم ضعيف الحال والطاغي بظلم ينهاب
هجـوم السيــل عالـورده فتـح بيبــان للارهاب
لچـن ذكـرچ فلا ننسـاه يظل بالروح والألباب
إنَّــهُ عَـهـــدٌ عَـلَيـنَـــا للمَنِـيَّــة
إنَّنَـا لا نَنسَـىٰ أضـلاعَ الزَكِيَّـة
في كلِّ العُهود ِ
يا نورَ السُّجُود ِ
يا صراطَ اللّٰـهِ يا قَلـبَ الحَنان ِ
🕊️💫💎🤍💎💫🕊️
٧/
يانور الجنان الراح لجل فگدچ صفگنه الراح
شنو ردّة فعل طـٰـهٰ من شاهـد دمـه و جراح
دمـچ يضوي للأجيـال وبوجه الطغاة ارماح
دمـچ نور درب الدين وبوجه الظلم مصباح
أنتِ مصباحُ الدُجىٰ أنتِ الهِداية
نُــورُكِ الـوَضَّــاءُ يَعلُــو كُـلَ آيـة
و عِطرٌ للوُرُود ِ
يا نورَ السُّجُود ِ
يا صراطَ اللّٰــهِ يا قَلـبَ الحَنان ِ
🕊️💫💎🤍💎💫🕊️
✍🏼علي نوري الحلفي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
الماحرگت نبي ابراهيم حرگت باب للزهره
چابوا نار مدري منين من گد الحقد حــمره
حطب من شجرة الزقوم جابــــوه
على اهل الجنه باب الجنه حرگوه
،،،،،،
چي خد الزچيه بسطره مضــــروب
الشمس حمره تسلّـــم وكت الغروب
الم كسر الضلع جينات ينــــــــــــدار
من ضلع الزچيه الهاي الگــــــــــلوب
ربح هاي المجالس والها نسعـــــــــــه
يفوز الي برصيده ايضيف دمعـــــــــه
على الكسروا ضلعها الشيعي مفروض
يهشّـــم بالطم عالزهره ضلــــــــــــــعه
ذبحوا اية التطهير اهل الرجس ذبحـــوها
موضع سجدة اسرافيل عتبة علي داسوها
الأقدس من طوى بلاذمه داســـوه
على اهل الجنه باب الجنه حرگوه
،،،،،،،،
صلاة اليل ماتت وكت الغـــــــــروب
ودمع من الحسين ايشيب الگلـــــوب
بوجه چان اليدگ الباب عالجـــــــــار
هسه بوجهه كلها مسدده الــــــــــبوب
رماد وفوگه دم وسطره عالــخـــــــــــد
وحقد من السقيفه اعله الوصي اشـــتد
اجه وشاف الزجيه مغمضه العــــــــيون
ونفس مابيها ضل بضعة محـــــــمـــــــد
يمها من گعد مكسور حيدر يفرگ بچفه
حامي الجار بيته انداس ذبحوا روحه ياوسفه
علي بذبح الزچيه الگوم ذبحــــوه
على اهل الجنه باب الجنه حرگوه
،،،،،،،،
ابيض من حقدهم ضلمــة الـــــــــــيل
ومحبة دنيه عدهم تسبگ الخيــــــــــل
حرگوا باب چان عليه اثـــــــــــــــــــــار
منگد مايقبل بيه جبريـــــــــــــــــــــــــل
مشاعل نارهم اصل الجريـمـــــه
امتداد الكربله وماتبقه خيمــــــه
اجو يم ملتقى البحرين ويــــــلاه
وعصروا فاطمه الأيه العضيمـــــه
ماادري شحچوا للنار وقتنعت تجي وياهم
همه الضحكوا اعله بلس موش بليس غرّاهم
الك حصه بملكنه التفقوا انطـــــــوه
وعلى اهل الجنه باب الجنه حرگوه
،،،،،،،
يأجوج السقيفه بروسهم صـــــــــــــاح
اورگ شجرة محمد عالارض طــــــــاح
هبل من عصروا الزهراء يانــــــــــــــاس
ابتشر من شاف ربعه اشسوو ارتــــــــاح
احترگ بالنار باب اهل المحنه
الچان من الحوائچ فوگه حــنه
ربع بليس جابوا نار نمــــــــرود
وحرگوا باب وادم اهل جنــــــه
قصد الباب لمن طاح فوگ الزهره يسترها
الچان بخدها طه ايبوس هسه الثاني صاطرها
الهوه ايدور هوه بالدار خلـــــــــوه
على اهل الجنه باب الجنه حرگوه
،،،،،،،،
لخادم الحسين ع
محمد الفهداوي
*أبيات نعي في رثاء امير المؤمنين لزهراء عليهما السلام :بطور (الجفيري +طر الفجر +يم الولد)*
منهو مثلها امصيبتي
بيدي اغسل زهرتي
وأجري عليها عبرتي
آه يا مصابي وحيرتي
شفت الضلع المنكسر
والخد احمر منسطر
بيدي اوسدها القبر
اشلون اقدر اصطبر
لحظه يا روحي تمهلي
يم الحسن لا ترحلي
المن تتركينه علي
طفيتي شمعة منزلي
ايتامج بحضني بچت
وينادوا وين أمنا مشت
جانا الظلام وما اجت
يعني بقبر امنا غفت
****
*خادمة أهل البيت عليهم السلام*
*زهرا الحساوي*
يا إلهي.. گلبي شيصبره
يا إلهي.. ماتت الزهره
بعد ماريد العمر
روحي دافنها بگبر
ماتت الزهره
_ ١ _
مفتاح الصبر عندي بس اليوم ضيعته
من دفن ام حسن رديت گلبي يسولف بونته
هذا اليوم ماكو إنسان مثلي الدنيا ظالمته
كل الشافني يسأل علي لو مو علي انته
هذا اني.. هيج متغير
هذا اني.. شعجب متحير
بيوم كبران شكثر
روحي دافنها بگبر
ماتت الزهره
_ ٢ _
انحنيت وكثر بيه الشيب وجهي منخطف لونه
تعرفه الفاگد مبين سوالف فرگه بعيونه
اليمشي ويعثر بلا لون لحد يسأل شلونه
شال بمتنه مو تابوت شايل روحه بمتونه
الدنيا كلها.. مظلمه شبيها
الدنيا كلها.. الزهره مابيها
ليل ما بعده فجر
روحي دافنها بگبر
ماتت الزهره
_ ٣ _
نحيله الزهره ادريها بس من شيعتها بليل
گوه شايل التابوت الجبل ماظنه هيج ثگيل
أول مره ياربي احس بروحي ماضل حيل
غفيت من التعب يمها قبل ما أكمل الترتيل
يم گبرها.. نامت عيوني
يم گبرها.. خل يدفنوني
ايفيدني بيش الصبر
روحي دافنها بگبر
ماتت الزهره
_ ٤ _
رجعت الداري گوه امشي الهموم عليه ملتمه
الدنيا بلايه ام حسين عبرت مرحلة ظلمه
البيت بلايه ام البيت كل أركانه متهدمه
لحد ما ماتت الزهره عني اخفت اللطمه
عني جانت.. تخفي سطرتها
عني جانت.. سكته ونتها
تريدني ما انكسر
روحي دافنها بگبر
ماتت الزهره
_ ٥ _
يحتار الوصف وياي جبيره بداخلي الحسره
اعز انسانه بالدنيا ادفنتها وبالضلع كسره
ماتت بالصدر بسمار ماتت عينها حمره
زهره بدارنا ماكو بقت بس سبحة الزهره
كلشي رايح.. ريته وياها
كلشي رايح.. يشتكي لطه
ينچوي مني الجمر
روحي دافنها بگبر
ماتت الزهره
_ ٦ _
راحت والعزيز يروح ما يتأخر هوايه
وبقيت ادخل لحجرتها وابجي اعله المصلايه
كتاب الله عليها ينوح آيه ونّت الآيه
ولحد الان بالبسمار ظل من فاطمة دمايه
ذكرياتي.. مؤلمه ابيتي
ذكرياتي.. تخنگ بريتي
ابيتي ماريد استقر
روحي دافنها بگبر
ماتت الزهره
مصطفى الشافعي
ابيات نعي بحق مولاتي الزهراء عليها السلام
اترجاك بويه ودمعي اسيله
من الدار باب البيت شيله
اذا شافه الحسن يفطر دليله
بلايه امه ينام شلون ليله
٠٠٠٠ ٠٠ ٠٠٠٠
مفجوعين بويه بعِظم المصاب
ونذب العتب ولوم عالباب
مسماره ذبحنه والظلع صاب
من ظيم الاصحاب المن نشتكي من ظيم الأصحاب
فوگ التراب طاحت الزجيه فوك التراب
٠٠٠٠ ٠٠ ٠٠٠٠
ماينجهب بويه البيت خالي
يتيمه صرت وشلون حالي
زغيره ويتمو مني دلالي
الحزن من الزغر والهم صفالي
نتفارگ ابد موش عله بالي
تخليني يايمه وتروحين
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
ابوذيات
على لسان السيده زينب ع
تـراهـي الـوالـده ايـشّـيـب .. بُعدهه
واحـس الـدنيـه مـا تـسـوه .. بعدهه
لـلـعــشـريــن مـا وصـلــت .. بعدهه
انسطر خدهـه وأجـت لـيـهـه المنيـه
*-----------------------*------------------*
بـالـدمــعــه اسـلـي الـعـيـن .. وَلـهـه
وعــلـــه امــي الــعــزيــزه .. وَلـهـه
اقـيـمـن مـأتــم بـكــل يـوم .. وَلـهـه
تـضـل لـلـمـوت دمـعـاتـي جـريــه
*-------------------------*----------------------*
✍خادم الزهراء ع
الشاعر رعد الجريخي
في استشهاد الصديقه الكبرى السيده الزهراء عليها السلام
نعي
مجاريد
اشلونج ييمه وسط التراب
مكسور الضلع يارهره لو طاب
ظلت تون من بعدج احباب
وقلب الوصي من فرگتج ذاب
اصفن واعاتب يمه بالباب
هاي الزجيه بنت الاطياب
لا راعى قدرها ولا بعد هاب
اشلونج ييمه وبعدج اهموم
مو دمع النصبه لهمج ادموم
حسّبت العمر ويانه ايدوم
مشتاقه ييمه لذيج الرسوم
وابحضنج انام واغفه لو يوم
شلتي ييمه والفرح راح
وظلت تون ابگلبي الجراح
حيلي تهدّم من زغر طاح
وحتى الهوا من صفنتي ناح
———-
طور الفراق
آ يزهرا الحزن خيم علينه
آيزهرا فرگتج ماهي بدينه
آيزهرا عالي إلحيدر ونينه
آيزهرا يمه مااحمل غيابج
آيزهرا يفجع اگليبي اللي صابج
آيزهرا اشلون انظر يمه بابج
آيزهرا صدگ رحتي يالحنينه
آيزهرا بعده حضنج رايدينه
آيزهرا گلبي ما يهدا ونينه
آيزهرا شلتي يمه ابليله ظلمه
آيزهرا والحزن صوّبنه سهمه
آيزهرا عيني إلفرگاج تعمه
———-
✍️#بنت_الشمري
مكتبة بنت الشمري
نعي لزهراء ع عن لسان حال زينب ع
ادور حنانج مالكيته
موت الخذه امي عاتبيته
والبيت عنها ناشديته
جاوين وجه السامريته
استعجل الموت وفاركيته
رحتي وزمانج ضيعيته
دمعي عله الوجنه جريته
ضعنج مشه ومارافكيته
واليفكد امه انهجم بيته
اعتب عله المانشدن عليه
...........
لاوين وداها زماني
سدر ضعنها وصحت تاني
ويه الحبايب ماخذاني
انه واكفه وضعنج جزاني
طكني عله عيوني وعماني
يزهره بغيبتج غابت الواني
يالشايله عله البيت ردي
...........
سدر ضعنها بليل وعميت
وانه بعبرتي لدار رديت
صبت دمعتي بعتبه البيت
جا ماحملت وياج وامشيت
بدارج يزهره شلون ضليت
خالي مجانها وبالعين صديت
ييمه شلون عالفركه تكويت
امي بنار فركاها تجويت
خايب يدهري شلون سويت
نارج سريه وخمدتني
...........
✍️ ام زينب كربلاء غير مبرئ الذمه من يأخذ الكلام وينسبه له او حذف الاسم من كتاب المآسي الفاطميه الجزء الثامن عشر
يايمة... يزهراء.... يا يمة..... يزهراء
////////////////////////////////////////////////
زينب انه يا يمة
جيتج مسرعة بهمة
گبرج ردت أنه اشتمة
هضمه روحتج هضمة
صورة ضلت بالي .... نيران وحرگ عالي
واسمع فضة أدركيني.. وطاح المحسن الغالي
يا يمة.... يزهراء..... يا يمة... يزهراء
////////////////////////////////////////////////
ليل فراگج بروحي
زيّد همي وجروحي
عگبج ما هده نوحي
واحزاني الج توحي
اعاين كل مسه علباب ... واتنطر يجوني احباب
لا امي ولا محسن... راحوا والگلب عطاب
يا يمة... يزهراء... يا يمة... يزهراء
///////////////////////////////////////////////
أفگد طولج بكل ليل
شيصبره العزيزة يشيل
يا حيل اليشد الحيل
شلال الدمع ويسيل
اشتم شيتلج يمة ... لچمة بالگلب لچمة
يا حزن الكلب ما هاد.. من ضلعج نزف دمة
يا يمة... يزهراء.... يا يمة... يزهراء
////////////////////////////////////////////////
يمة لطولج اشتاكيت
يالطولج يحلي البيت
احن لكعدتج وبجيت
تانيت شكثر تانيت
كسرة ضلت بروحي ... زادت همي وجروحي
معقولة بلا تشييع؟ .... يكون ولا هده نوحي
يا يمة.... يزهراء.... يا يمة...... يزهراء
////////////////////////////////////////////////
علباب اوكف بتعبي
وعيني عالدرب تربي
نار ومشتعل كلبي
ادعي بكل مسه ربي
بلكت لن حلم موتج .... واسمع زينب بصوتج
ولا اكو عصره لا نيران... ولا ينشال تابوتج
يا يمة... يزهراء.... يا يمة.... يزهراء
//////////////////////////////////////////
الشاعر السيد احمد النوري
بت النبي عد الوصي جانت امانه
تالي بغدر بعز الظهر صارت خيانه
لاموصحابه وكلهم اذياب
هاي العصابة الحرگت الباب
صارت خيانه
==========
يامله عدهم ياشرع. بعد النبي وغيابه
اذياب صاروا للاسف. عاشت الامه بغابه
وبلاضمير ولاوعي. صار الغدر واسبابه
واللي قلع باب الحصن. هاليوم حرگوا بابه
يبدي الفعل. بيد النذل. خان الوصيه
هو الإمر. بيده كسر. ظلع الزجيه
معروفه جانت هاي الاسباب
هاي العصابه الحرگت الباب
صارت خيانه
==========
لاذمه عدهم لابخت. بت النبي ذبحوها
عالباب جم حاقد هجم. تالي بحقد عصروها
واهتزت السبعه بوجل. . من فاطمه ضربوها
دم العرش منه وگع. ياويلي من شتموها
جاي بحقد. عليها يهد. هاي المصيبه
طگها وشتم. سيد الامم والله عجيبه
والزهره طاحت فوگ الاتراب
هاي العصابة الحرگت الباب
==========
كلمة وإن ماتنحمل. مثل الكسر هم واصعب
يعرفها متقصد اجه. لكسر الظلع يتسبب
وبحيدره بغضاً تره نار الحقد هالتلهب
يدري بعلي موصه وعلي. لوما الوصيه شيگرب
لوما النبي. موصي علي. محد يصلها
بسيفه يهد. لامايرد. يفنيها گلها
ظل حاير وينظرها ابو تراب
هاي العصابة الحرگت الباب
==========
الجان النبي يمها يجي يرتاح من ينظرها
هسه تون ماهو النبي. ياويلي مايحظرها
كسرة ظلع ماتنجبر. ومكسور ظل خاطرها
تدري بأبوها بهل المسه. تشوفه النبي مناطرها
ردت تون. ليه بحزن. بنته الحبيبه
والدللاها. هسه لگاها. بعده غريبه
صارت غريبه اخلافه من غاب
هاي العصابة الحرگت الباب
==========
غابت شمسها الطاهره. وظل حيدر بلا شمسه
حاير وحيد بغربته. عليه المسه من امسه
يافاطمه يصيح ويون. مبحوح حيدر حسه
دمج على الباب انطبع. من هالمصيبه شأنسه
وياها حچه. يمها بچه. عفتيني فاطم
حزني جمر. طول العمر عمري مآتم
وعليج اونن يغله الاحباب
هاي العصابة الحرگت الباب
==========
الشاعر علي النائلي
راجع _ تتوجه اعله الحيطان
راجع _ جنازه وعوزك دفان
راجع _ ملثم حزنك بالشيب
//////////////////////////
اهواي تتلفت اشوفك ..... تعبن اعيونك
تفكر بولدك اعرفك ..... من يلاكونك
وانته ابو الايتام حيدر ..... مو يسمونك
كبال عينك صار بيتك ..... وانخطف لونك
دافن _ وتابوتك فارغ جاي
دافن _ بعيونك حجي اهواي
دافن _ جرحك مااظنه يطيب
//////////////////////////
مصيبتك كلش ثكيله ..... والله مالومك
دمعك الباجي عليهه ..... مبلل اهدومك
حيدر افراك الزجيه ..... غير ارسومك
ياكمر ظليت وحدك ..... غابن انجومك
حيدر _ فراكك بااول ساعات
حيدر _ وجدمك شابع عثرات
حيدر _ وسفه العاشرته يغيب
//////////////////////////
هاي اول مره تنحب ..... مرتبك وضعك
هواي تتلمس اشوفك ..... حيدر بظلعك
شبيهن اظلوع الزجيه..... وما نشف دمعك
عالي ونك وانته تحسب..... محد يسمعك
تكلي _ شحجيلك ياسلمان
تكلي _ مشينه لبيت الاحزان
تكلي _ وغير ادموعك لتجيب
//////////////////////////
غسلت روحك بديتك ..... همك شكبره
تراب ذبيت اعله راسك..... ماتت الزهره
روح طب اشتم عطرهه..... تارس الحجره
صعبه من تحجي ويه واحد..... نايم بكبره
غربه _ بعيونك حلمك مات
غربه _ وكل جيرانك شمات
غربه _ طكات الدنيه تصيب
//////////////////////////
ادري اليفارك خليله ..... ينهدم حيله
قالع البيبان صعبه ..... انه اتجيله
بذكرياته يبقه يفتر ..... من يجي ليله
الرحمة الله الراح منك..... الفاتحه اهديله
صبرك _ يالدافن ام حسين
صبرك _ بجيك يعميلك عين
صبرك _ الذكره تعذبك تعذيب
//////////////////////////
خايف اعليك اعله ساعه ..... رويحتك تطلع
زينب اتانيتك تدري ..... ياعلي ارجع
اليوم حزن الدنيه كلهه ..... ابابك اتربع
كسرتك فرحت شماته ..... وفرحو اتوقع
حكك _ راجع حيلك متعوب
حكك _ بنص دلاالك مصيوب
حكك _ ظنونك بالفرحه تخيب
//////////////////////////
تمت ____ علاء الزيدي
مكسور حيدر كابل الباب
ينشلع گلبه وي الهوى الهاب
يصعب عليه يتذكر الصار
وکلبه لمصاب الزهره لهاب
يصرخ يزهره وداير العين
يبجي الحسن ويسكت حسين
يتحسس ضلوعه ويحس طاک
ضلعين اله وخد من الفراگ
يشتم عباتج ينشغ عليج
مشتاگ لاهفله على مشتاگ
بجفوفه يذكر جفج يصير
وعيونه تتفايض نواعير
.
يتذكرج شهکيتي دخان
ويگطع انفاسه شلون ماجان
يتمنى مايشتم هوى يموت
ولايبقى عايش بين الاحزان
عايش بيته وغربه حيدر
محد يجي بس يتنطر
يرش کبرج بدمعاته كل يوم
من غيبتج يشكيلج هموم
خلص دمعها وشلت العين
الكرار ضل انفاس وهدوم .
القالع الباب بأيد وحده
يم گبرج ترابج يهده
_
طالب الصالحي
☘لاستشهاد الزهراء ع☘
كأني بلسان حال مولاتي زينب ع بعد استشهاد الزهراء تشكي حالها وما يجري عليها بعدها
ــــــــــــــــــــــــــــــــــــــــــ
اويلاه.... اويلاه
انه بگلبي وجل
انه بگلبي وجل
⚫❁〰️⚫❁〰️⚫❁〰️⚫
عكب عينج ييمه بالهظيمه
مصايبنه الجرت كلش عظيمه
شضم النه الدهر يمه ضميمه
يطبرون الولي يمه بسجوده
گوم الغدرتج لينه تعوده
تدرين الدهر يخلف وعوده
يا شملنه الي تطشر غاب منه كل فرح
والزمان الفرگانه ويانه يمه ما نصح
علياه... علياه
فگدناه الامل
✍🏻#نبضي_حسين
⚫❁〰️⚫❁〰️⚫❁〰️⚫
مصابه لوالدي اعلينه ميهون
بمحراب الصلاه شخصه يغدرون
بسجوده الفجر يايمه يطبرون
مئاتم للحزن بعدج نصبنه
ميفيد العتب حت لوعتبنه
على الدهر اليخون
احنه غضبنه
لوعتنه الدنيه تالي كلهم احبابي بغدر
والزمان شسوه بينه بحزن نگضيه العمر
وجرحاه.... وجرجاه
بفگد خير العمل
بفگد خير العمل
✍ام مرتضى الخزرجي
⚫❁〰️⚫❁〰️⚫❁〰️⚫
بعد فكد الولي صوابي باخوتي
اضمّن عبرتي ويجرح سكوتي
خنگتني اوردت يايمه موتي
يسمون الحسن اهل الضغينه
ويعيدون القهر يمه علينه
ويأذيني الولي من بعد عينه
يمه يتصوب دليلي سهام يرمون النعش
فوگ سمه ما كفاهم بالحزن گلبي انخمش
اخيّاه.... اخيّاه
اصيح وحالي شل
اصيح وحالي شل
✍🏻#نبضي_حسين
⚫❁〰️⚫❁〰️⚫❁〰️⚫
صار الدفن عن جدي ابعيد
بس ياوسف مو مثل ميريد
وحسين يتحسر بتنهيد
رد للمدينه بگلب لایب
وتلگته بس الغرایب
گظاه العمر كله نوایب
صاح مايرجع عضيدي الف وسفه يالحسن
ياكريم العتره كلهه
انت ياقاضي المحن
دفنّاه دفنّاه
لطم متنه انهدل
لطم متنه انهدل
✍️☘️ام فراس الساعدي ☘️
⚫❁〰️⚫❁〰️⚫❁〰️⚫
وبعده للحسن اعظم مصيبه
اروح لكربله واصبح غريبه
ييمه مدللج جثته سليبه
ذبحوا كل اخوته وهم رضيعه
حزوا منحره وضيعتنه ضيعه
وسفه كافلي چفوفه كطيعه
ما يضلنه محامي نروح يمه باليسر
وابن هنده گباله اوگف ويتشمت بالقصر
غريباه.. غريباه
اخيي ينچتل
اخي ينچتل
✍🏻#نبضي_حسين
تمت باقلام شاعرات اهل البيت عليهم السلام
غير مبري الذمه لكل من يغيير الاسماء او ياخذ كلمات القصيده وينسبها اليه
☘لاستشهاد الزهراء ع ☘
كاني بلسان حال اسماء بنت عميس لما حضرت مع امير المؤمنين تغسيل الزهراء ع
علي بهاي المصيبه شفته يتبده
علي ماكو بعد ظل عنده ليسنده
الدمع بعيونه يتكسر
يسند طوله مايكدر
وداع اولاده لمهم مرد الجبده
┉❈❥ًً❀)🧿(❀❥❈┉
يصد على المغتسل ام بيته مطروحه
دارت جف اديها وزيدت نوحه
على حسين وحسن والدمعه مسفوحه
شهك شهكه طويله جن خذت روحه
سمعها شلون من ونت
ملايكت السمه بجت
وضع ام الحسن كل حيله اه هده
✍🏻ام عباس السكيني
┉❈❥ًً❀)🧿(❀❥❈┉
گرب حيدر يغسلهه وصبر مابيه
من فوك الهدم مرت عليها ايديه
ضلع مكسور يازهره وعجب تخفيه
نادى اسماء هد حيلي وعلي هم بيه
تفرهد فرهداهه البين
هاي ام الحسن وحسين
غده مجروح جرح البيه منو يضمده
✍️ وعد الڪفيل
┉❈❥ًً❀)🧿(❀❥❈┉
وضع جسد الشريفه وغسل سنينه
مثل ماي التبده تكلب ايمينه
تيتــم حــيدره يفسرهه بونينه
بحسره يصيح اه الحسن وحسينه
الوادع الوالده ادنو
لصدرها المنكسر ضمو
امان البيت راحت ماي وتبده
ام احمد العبوديه زبير
┉❈❥ًً❀)🧿(❀❥❈┉
هد حيله الوضع مايحمل المنظر
بجي الويلاد وامهم كل كلب يفطر
ملائك السمه دم من دمع تمطر
تعاله الصوت كون الله غده يسطر
يحيدر هز سمه الونين
بجيهم للحسن وحسين
داحي الباب يرجف بالنفس نهده
✍ام اسعد الشمري
┉❈❥ًً❀)🧿(❀❥❈┉
مر عله الضلع وشافه لكسره
نعصر گلبه عليها الراحت مكدره
غصنها المنكطع لحيدر محيره
يقران الوحي واياته المفسره
يشد الجفن بآ لامه
ونحّه عنها اليتامه
دموعه چن مزن والراح شيرده
✍🏻#نبضي_حسين
┉❈❥ًً❀)🧿(❀❥❈┉
ابتدت رحلة هجر من صاح اعينوني
انه الماخلص حيلي بيوم تدروني
بس يوم الزچيّه البيّد امتوني
الضلع والسطره ماشافتهن عيوني
ابد مايوم گالتلي
اوبينتلي يابعد اهلي
يافكدج يزهرة بروحي اشكده
ام حسين المحمداويه
┉❈❥ًً❀)🧿(❀❥❈┉
عفه صبر الصبرته ياعلي اليله
وفراك الزجيه ماالك حيله
حمل كلش چبيروبعد شيشيله
مدوهن بالوديعه وهمك العيله
زغيره اعله الحزن زينَب
نارك بالگلب تلهَب
تره حتى الصبر هَم فاض واتعدى
✍️☘️ام فراس الساعدي ☘️
┉❈❥ًً❀)🧿(❀❥❈┉
تمت بااقلام رابطة كفيل زينب
غَسلها •• كَـفنها
وقاااال •• كَلميني فاطمة انااااا علي
••••••••••••••
يـ أم روحي •• علي انه
علي او بعيونه دمعاته
حچه وياها •• بكسر خاطر
علي وســــالفته شيباته
الـ سالفته دمعه وشيبات
ايامه يگــضن حسرات
التمشي روحه بنـص ليل
لاهُو عـدل لاهو الـمات
كلمها •• ودعهااااا
وقااااال •• كلميني فاطمة اناااا علي
•••••••••••
يّلم روحه •• ويحاچيهاااااا
يفرحت خاطري اشلونچ
همس يمها •• يعافيتي
عليش امغمضه اعيونچ
يطيحني لو هـــب الريح
ها فاطمه گومي يصيح
الـ مامنحني اكبال الموت
كل ماوكف صار يطيح
قبلها •• ودعها
وقال كلميني فاطمة انا علي
•••••••••••••••••
بدمع عينه •• يغسلها
وحَلّها اعمامته الخضره
حجه بهيده • بچـه بهيده
چبير وحسرته ابكبره
مثل الشمع حيدر ذاب
ويطيح اليعوف احباب
البي لاذت الدنيا سنين
يتعثر اگبال الباب
لزم ضهره • گعد يمها
ودمع يحسبهن اجروحه
گرب ليها •وبچه ابحرگه
غريب الوجعته ابروحه
ام ولدي وامي تكونين
رجعيلي كون تگدرين
صاير يتيم ا بلياج
حاجيني كون تسمعين
كلمها •• ودعها
وقال كلميني فاطمة انا علي
•••••••••••••••••••••
خلص كلشي •• ومشت عنه
بواچي يشييع الجنازه
المشي محني •• الوجه اصفر
عزيز وعايف اعزازه
الـ ع الوادم يوزع حيل
وي الهوه صار يميل
دمعاته طاحن نجمات
موحش بعد صار الليل
فارقها •• ودعها
وقال كلميني فاطمة انا علي
••••••••••••••••••
وعلى امتونه • يشيعها
وحززززين العايف اعزازه
دفن روحه •• علي وياها
ويرجف شال الجنازه
وجهه اصفر ويمشي بليل
عله المگبره ايشيع هيل
بضهر ايده ويهيل تراب
والدمع من عينه يسيل
قال لها ••• ودعها
وقال • كلميني فاطمة انا علي
................
الرادود ملا عمار الكناني
الشاعر
خالد عبد السادة البديري
https://youtu.be/vyJ7SDOYiKE?si=Sd9-9Eq-_eieMUmE