7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
▪️نشر جديد
في استشهاد مولاتنا الزهراء (عليها السلام)
خطاب الى صاحب الزمان (عجل الله فرجه) :
أيُّها النادبُ صبحاً وعشيَّهْ
بالأسى عادتْ ليالي الفاطميَّهْ
فأقِمْ "مَحْكَمةَ الضِّلعِ" وقُمْ
أصْدرِ الحُكمَ بأعداءِ الزكيَّهْ
لا تدعْ في الأرضِ ديَّاراً لهْمْ
فلقدْ داروا على الدارِ العليَّهْ
وبجذعِ الثأرِ أحْرِقْهُمْ كما
أحْرَقُوا تلكَ الجُذُوعَ النبويَّهْ
لستَ تنسى فاطماً في بابِها
رضرضوا أضلاعَها وهْيَ الرضيَّهْ
خَنَقُوا في عصرِها أنفاسَها
أصبحتْ ترفَعُ أنَّاتٍ شجيَّهْ
نبتَ المسمارُ في أحشائها
فدعتْ : واأبتا ! خيرَ البريَّهْ !
ودخانُ النارِ أعمى عيْنَها
فاعْتَلَوْها بسياطٍ قُنْفُذيَّهْ
سقَطَتْ مُسْقَطَةَ البدرِ على
عَتَباتٍ دامياتٍ بالرزيَّهْ
ثمَّ قامتْ لوصيِّ المصطفى
وهُوَ المغلولُ في قيدِ الوصيَّهْ
حاسِراً قدْ شاهدتْ حامي الحمى
مَنْ لها إنْ قتلوا حامي الحميَّهْ ؟!
رجعوا بالسَّوطِ أدْمَوْا ظَهْرَها
ذَنْبُها للموتِ كانتْ رافضيَّهْ
رُفِستْ ، فالعرشُ محنيٌّ لها
لُطِمتْ ، فالحورُ باللطمِ حَرِيَّهْ
وُكِزَتْ بالسيفِ يا مهديَّها
فأغِثها بالسيوفِ المهدويَّهْ..
تمت بعناية الحجة (عجل الله فرجه)
الشاعر علي عسيلي العاملي
#الليالي_الفاطمية
#اللهم_عجل_لوليك_الفرج
جرح زينب
عندي اعتاب وي هــــــاي الجنازه
تــــره الـبــيهه صدگ عازتها عازه
امــي وهيــه العيون
مثلهه ماكــو بالكون
————-
خـــلـو جــنازت امـي تـبـات ليله
اريد احضـن نعشهه واشــتكـيـله
و اگــلـهه بـنيتـچ اضـلـت عــليله
ويــــــمه وداعتج صارت دخـيله
يـمه يـاليـل الـيجيني وانه انامـه
الليل أبد مابي مـحنه وي اليتامه
انام شـلون ليلي
والحسره بدليلي
من ماشوفهه اشلون
امــي وهيــه العيون
عنـــدي اعــتــاب وي هــــــاي الجنـــــازه
ــــــــــــ
ومـن خـلوهـا بالـتابـوت صارت
انه الدنيا احـــس فوگـاي دارت
ومـثلي مـاشـفت ياناس حـارت
عليه وحــــــــشتج يايمه جارت
والـجرح والله ابـــــد مــافـارگـاني
وهم بلش بالظيم احسن بي زماني
مـاخـلالـي راحـه
أذانـي الـصراحه
يـــــتم كـل الضنون
امــي وهيــه العيون
عنـــدي اعــتــاب وي هــــــاي الجنازه
———-
ابــد مـا تـنـحـمـل ؤنـتي بـجــفاها
وأنه بــنـيــه وريــد امــــي وربـاها
وتــغـطـــيـنـي مـننام انـه بـعباهـا
مشت مستعجله من ايدي شجاهـا
امـي ومـن مـشـت عـافـتلي خـوان
ازغـار ومـنهـم اكبـر حيـل الاحزان
وحنه بكل مـسيـه
نريــد امنه الزجيه
ترد وي الـيــردون
امي وهيــه العيون
عنـــدي اعــتــاب وي هــــــاي الجنـــــازه
ـــــــــــــ
ابــاوع هـسـه عـالبـاب بـونـيـني
بكسرت خاطر وهـــم تبجي عيني
وگلت شيـــصير لو هسه وتجيني
اريـــد اليتمت گلبـــــي وحنيـني
ويـن الجانت تلولي اعلى راســي
تـنـسينـي زمـانـي الـصار قاســي
ونــــتـلاگه يـيـمـه
وگلبي يروح هـــمه
رغم معميه الجفون
امـي وهيــه العيون
عنـــدي اعــتــاب وي هــــــاي الجنـــــازه
ـــــــــــــــــ
يـلـماشــيـن بـصويحبـتي سكـته
بـس شـلون جـفن العـين اسكته
وگــلبـي الـعذبـانــي ويـاي ؤنته
مــن تـابـوتـهـا الـربــتـنـي شفته
بــيـه امــغـربــين اعله المگابـر
بقيت الوحدي ومكسوره خاطـر
مـن تـهـلــون الـتراب
ضلعها الهسه ماطاب
بهـيده مـن تـدفنـون
امــي وهيــه العيون
عنـــدي اعــتــاب وي هــــــاي الجنـــــازه
ــــــــــــــ
الشاعر محمد البنداوي
استشهاد سيّدة نساء العالمين ع
#الليالي_الفاطمية
#قصيدة_عمودية
لسان حال السّيّدة زينب عليها السّلام..
أدعوكِ أمّي، والحنينُ مُمَزِّقي
والكونُ أدمى مُقلتي، فترفَّقي
مُدّي لخدّي كفَّ عَطفكِ وامسحي
قطرَ النّدى مِن حُزنيَ المُتَرَقْرِقِ
هاكِ الفؤادَ أتى يئنُّ تألُّمًا
وكأنَّ مِن كأسِ الرّزايا قد سُقِي
هل تسمعينَ النَّوْحَ ملْءَ تواجُدي؟
"صُبَّتْ عليَّ مصائبٌ" بتدفُّقِ
لكنْ لِكسرِ الضّلعِ نَوْحٌ أعظمٌ
فهُوَ اللّهيبُ لِجرحيَ المتحرّقِ
أرأيتِ أحلامي ببابِكِ ترتجي؟
مسمارُ ذاك البابِ لو لم يُطرَقِ!
يا بسمةَ الفردوسِ في ثغر السّما
أبكتْكِ دفعاتُ الشّقيِّ ابن الشّقي
يا شمسَ عمري، كيفَ يؤذيكِ الدُّجى؟
غابت بفقدكِ أنجمي، لم تشرقِ
لو لم تغيبي! لو تعيدينَ الحيا!
لو تحضنيني! لو دقائقَ، نلتقي..
لِأُسابقَ الأقدارَ فيكِ تعانُقًا
وَخذي بِأضلاعي دروعًا، واتَّقِي
#كتابات_حسينية
#الليالي_الفاطمية
⬛️◼️القصيدة-3-◼️⬛️
هذي الجريمةُ أعيَتنا ومَن وصفُوا
والسامعونَ دماً بالدمعِ قد ذرَفوا
إنّا بذكر ِ مُصاب ٍفيه ِ فاطمة ٌ
قبل َ الأوآنِ كما لو زهرةً قطَفوا
لازال َ مقتَلُها تبكي السمآء ُ لهُ
والأرض ُوآجمة ٌوالشمسُ تنكَسِف ُ
والفاعلون َحكَوا ماقد جَنَوا علناً
يابئسَ ما فعلوا ياقُبحَ ما اقترفوا
وهاهوَ الجبت ُحينَ الموت ِأخبَرَهُم
بجُرمِه ِ بعدَه ُالطاغوت ُ يعترف ُ
لِدارِها ليتني لم أكشِفنْ وكذا
قولُ الزنيم ِصريحٌ ليسَ يختلف ُ
وقصة ُالحرق ِثمّ العصرِ نآئبةٌ
على الزكيةِ حقاً يأسف ُ الأسف ُ
أما الأضالع ُتروي قُبحَ سَوأَتِهِم
أين المُروءَةُ وآ ويلآه ُوالشرف ُ!
ماذنبُ مُحسِنِها إذ أسقطوهُ وذا
بالحبلِ حيدرةً حقداً له ُكتَفوا
مما جرىٰ بقيّت في لوعة ٍ وأسىً
حتىٰ قضَت وعليها الكونُ يرتَجِف ُ
#سمير_الصالحي
#البصرة_الفيحاء
🏴نعي -نصاري
لسان حال أمير المؤمنين ع وفراقه للزهرآء ع
خُمد نور الزجيه وخيّم الليل
ويتاماها تجر حسرات بعويل
وابو حسين النعشهه عزّم يشيل
ينوح ودمعته ل فراگ الاحباب
شيّعها علي ومكسور ظهره
وينادي ياوسف راحت الزهره
مكسورة ضلع والعين حمره
يوسدهه ويهيل اعليهه التراب
يگلهه يابتوله شلون ترحين
تعوفينه بعجل ياگرة العين
تمنيت العمر ويانه تگضين
من بعدچ تراهو العيش ماطاب
ابكل امچان الچ تذكار وآثار
ايتامچ تشم ريحتچ بالدار
أصبرهم واسليهم ومحتار
وتشوغ الروح لو عاينت للباب
#سمير_الصالحي
#النجف_الأشرف
"في شهادة الزهراء عليها السلام"
طور ••ريحانةُ المصطفى••
*ريحانةٌ عالِمة*
أُمّاهُ يا فاطمة
*أبكيتي حامي الحِمى*
قومي أيا زهراء
*أُمّاهْ أُمّاهْ أُمّاهُ يا زهراء*
¤•¤•¤•¤
حاچيني يا صابره، كلمه أخيره ترى، مثلچ ألاقي وين
يا يُمّه قبلِ الدّفِن، أتمنّى صوتچ يِحِن، حاچيني آنه احسين
يا شمعة المرتضى، ياريته عمري مضى، عنّي تِروحي وين
يا احْبَيبه هاكِ اسمعي، صوتِ القلُب والنّعي، يُمّه يضَيِّ العين
مَن لي سِواكِ مُنى ~
مُدّي يديكِ لنا ~
فالدَّهرُ قاسٍ بنا ~
للهِ من أرزاء
أُمّاهْ أُمّاهْ أُمّاهُ يا زهراء
¤•¤•¤•¤
اقبالي ترى نايِمه، ياريت لو سالِمه، عُمرِ الوَرِد مَيْدوم
خِبريني زالِ الألم، لو بعده نار وحِمَم، واشْيِجبُرِ المَلچوم
مِتألْمَه يا جوهَرَه، طولِ العمُر صابِره، والشَّكوى لِلْقَيّوم
ابصدري يِموتِ النَّفَس، لَمَّن تِموتِ الشّمِس، اتْصيرِ المَآتم دوم
آياتُكِ الباهِره ~
تبكيكِ يا جوهَره ~
يا بنتَ خيرِ الورى ~
نَفْسي لِأُمي فِداء
أُمّاهْ أُمّاهْ أُمّاهُ يا زهراء
¤•¤•¤•¤
بِعيوني شفْتِ الْهِجَم، يا يُمّه حيلي انْهِدَم، من طيحتِچ عالقاع
مطبوعه هاي الصّوَر، والورده ماتت قهَر، ما بِيّه حيلِ اوداع
شقَد صعبه يا والِده، لَمّن أشوفِ العِدى، تِضرُب مَتِن واضلاع
واجرَع مَرارِ الصَّبُر، ايْصيرِ الدّمِع يِنهمُر، دمعي يِصُبّ اوجاع
مكسورةَ الأضلُعِ ~
يا حُرقَةَ الأدمُع ِ~
ذِكراكِ في مَسمَعي ~
للهِ أيُّ دِماء
أُمّاهْ أُمّاهْ أُمّاهُ يا زهراء
¤•¤•¤•¤
يُمّه يا نبعِ الوِفه، غابت ترى العاطفه، وشْيِنفَعِ ال يا ويل
لحظات بس ارجعي، ضُمّيني يل تِسمَعي، راحِ العزِم والحيل
ما تِغفى عيني بعَد، وانتي ابتُرابِ اللِحِد، باچر تِروحي ابليل
مظلومه قَلبِچ يِوِن، محزونه روحِچ تِحِن، دمْعِ البواچي سيل
يا مَوْتُ خُذني فلا ~
أَهْنا بِعَيشٍ ولا ~
تَحلو حياةٌ بِلا ~
أمُّ النّبي زهراء
أُمّاهْ أُمّاهْ أُمّاهُ يا زهراء
¤•¤•¤•¤
لا بُدّ يِدورِ الزّمَن، وابقى انا ابْلا كفَن، ايْظلّ إبنِچِ عله اتْراب
واضلاعي مِن تِنكسِر، اتْواسي الضّلِع والكَسِر، بينِ الجِدارِ وباب
يا يُمّه نظره إلي، عنّي فلا تِرحلي يَحْنَينَه رِدّي اجْواب
صوتِ السّمَه يِعتِلي، اهتَزِّ العرِش يا علي، مِن وَنّةِ الأحباب
لَوْلا عِداكِ لَمَا ~
سالَت جِراحٌ دَما ~
أُمّي وَداعاً فما ~
عَيْشي يُطيقُ هَناء
أُمّاهْ أُمّاهْ أُمّاهُ يا زهراء
¤•¤•¤•¤
#أمنن #علينا #برضاه
#يا_صاحب_الزمان
https://youtu.be/2Q5pdrbPpWA?si=pkQ1h61N8T_wURkf
#الزهراء
نعي للام
فزيت يمه بهدوة الليل
مكانج وحش وايهدم الحيل
بس الدمع ضل يمه ايسيل
........
بس الدمع ضل اعله خدي
شكبان الهظم اترس وابدي
غيرج يالحبيبه شعدي
..........
عجزن اصفخاج كلبيتج
ياضوه واترسين بيتج
وحشه غرفتج مالكيتج
........
امي يغيمه امن المحنه
يغيث واتمطر علينه
تعاي سكتينه بجينه
........
فراكج تره مابينه حيله
وابنيتج البعدج نحيله
ياشيلتج كلش ثكيله
..........
اشهك حزن واتنفس ادموع
يمه الكلب يحبيبه موجوع
ورايح يضل للدوم مفجوع
.........
شمحلاتها جانت تجينه
امن اتمرضت كطعت علينه
كمنه نجي احنه اعتنينه
.........
اجينه ولكينه البيت خالي
صحنه يالحبيبه تعالي
اجينه الج انه وجهالي
.........
كتلني البزر جرجر اذيالي
وايكول وديني لخوالي
ياريت خالك بعد خالي
..........
طبينه للغرفه وبجينه
لتمينه بس ماهي الحنينه
ابنج يون وبجت عينه
............
شدو الثام اولادج اليوم
والثوب اسود صار ملزوم
بعدج يضل الكلب مهظوم
..........
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
#في_الخدمة_المقدسة
لسان حال الإمام صاحب العصر والزمان (عج) مخاطباً الشيعة..
(وزن الطويل )
أنا المهدي وثاراتي.. مدى الأيّام معلومه
ومنْ أظهر على الدنيا.. أنصُرْ أُمّه مظلومه
بأمانة موسى بنْ جعفر.. يا شيعة جدّي الكرار
أهل الطاعه والإيمان..وانتو خيرةِ الأنصار
ثگيله عليكم الأيام.. يحاوطكُم لهيب النار
ماتفارگني شكواكُم .. بهمكُم روحي مهمومه
نهج حْسين منهجكُم.. ورفعتوا رايةِ الإسلام
أخذتوا دروس من عاشور..لفدا والعزّه والإقدام
نصرتوا الحق واصحابه..بوجه الطاغي والظّلام
بأسكمْ من بأس حيدر.. لُيوث بساعةِ لْحومه
صبركُم من صبر زينب.. على الآلام والآهات
مثل ما وگفت بْعزّه.. وگفتوا بأصعبِ الشدّات
ومثلها كانت الصرخه.. لا للذلّه بلْ هيهات
هذي شيمةِ الأحرار.. بكرامه وعزّه مفطومه
#منال_بجيجي
جديد ربيع الأول١٤٤٦هـ
شهادة السيدة الزهراء عليها السلام
حرموني بويه أنتحب وابچي المصابك
جيت أشتكيلك حــالــتـي واشتم ترابك
قوم شـوف ابنيّتك
قوم جيت ابعازتك
واشتم ترابك
ــــــــــــــــــــــ
أحــزانــي هاجت لمّن القبرك نظرته
من تربته خذت وعلى عيوني جعلته
شمّيته ويخبرك دمع هضمي الذرفته
نـوحـي ولا لحظه بعد يومك قطعته
التفقد أبـو يجون الخلق ويصبّروها
مــو تنقلب كـلـهـا على بنته او أبوها
آه بس وي فاطمه
آه هجمات اودمه
واشتم ترابك
ــــــــــــــــــــــ
للمرتضى بــويــه إجو شكّايه هالقوم
ليل ونهار ابهالبچي تزعجنا بس دوم
ناديته والله ياعـلـي ماسكت ولايوم
أو ألتحق بـيـك بكسر ضلعي ولهموم
بضربه العدو اشما أَتِّجِه يركض ورايه
وبمحسنك مـــاهـــي تـــرى آخـر جنايه
ادماي تـــنـــزف عالقبر
ادماي تنعى ابن الطهر
واشتم ترابك
ــــــــــــــــــــــ
عـــزّي بـــعـــد عــزّك يالمدلّلني مفقود
لليوم وانواع الظلم عالطاهره ايسود
مــوبـس ضلوع امكسرّه ويّايه لشهود
راس وظـهر صدر وجفن متني ولزنود
بـــابــي قلت بابك يابويه وحرقو الباب
عالمغتسل ماهمهم إنته وداسو لحجاب
وين صوتك والحضن
وين أرد أقـــعـد وون
واشتم ترابك
ــــــــــــــــــــــ
لـــمّـــن يـجـن ليلي عليّه اتزيد لصدوع
صوتك أدوره بكل محل دلالي موجوع
لـــن بالتلاوه آه يـابويه مـاهو مسموع
من دونه روحي بالألم والحسره اتلوع
اثيابك أشمّنها او أخر مغشي عليّه
أيّامي كلها صــــارت ابيوت العزيّه
راح من يشفي الجرح
راح وانهد كـــم صرح
واشتم ترابك
ــــــــــــــــــــــ
ليها القلت يابضعتي اويا أم أبيها
لاشجره خــلّـو يالأبو اتظلّل عليها
يــا ملوّعه يــا مروّعه يـا طارديها
كل ساعه يم قبرك تجي ويّا بنيها
محتاجتك يـــاوالدي تجبر كسرها
بين المآسي والمحن خلّص عمرها
صوت لاسماعي وصل
صوت لحقيني ابعجل
واشتم ترابك
ــــــــــــــــــــــ
تمت بحمد الله ومنّه
٢٠ربيع الأول ١٤٤٦هـ
نظم خادم السيدة الزهراء عليها السلام
ياسين جواد العبد الرضا
*((من ديوان 📗عبرات وأنين في رثاء الطاهرين الجزء التاسع خاص بالزهراء والإمام علي ع يتضمن فزاعيات ومجالس نعي ))*
*نعي للزهراء (عليها السلام)*
❥━──➸➽❥❂❥━──➸➽❥❂
لاترحين يمه ويبعد الروح
اصيرلچ دوه واطيب الجروح
گلبي بغيابچ يظل مجروح
وعليچ والله زايد النوح
❥━──➸➽❥❂❥━──➸➽❥❂
اصيرلچ دوه انه وتطيبين
يالوالده يم گلب الحنين
يبچون يمچ حسن وحسين
اسوت عملته بينه البين
❥━──➸➽❥❂❥━──➸➽❥❂
الكافر يوسفه صاب ضلعچ
وين النبي عنچ يسمعچ
وينشف يزهره اليوم دمعچ
ماصح دوه ليچ وينفعچ
❥━──➸➽❥❂❥━──➸➽❥❂
ماصح دوه ولافاد الضماد
وبيچ الجرح ياطيبه يزداد
اضمد الجرح وضمادي مافاد
جسمچ نحيل من الألم باد
❥━──➸➽❥❂❥━──➸➽❥❂
جسمچ نحل والضلع مكسور
لا ترحين يا يمه للگبور
وتخلين گلبي عليچ مفطور
وگلب الحسن وحسين مجمور
❥━──➸➽❥❂❥━──➸➽❥❂
*بقلم ✍🏻 خادمة اهل البيت ع*
*الشاعرة العلوية مريم النور*
*نسألكم الدعاء الفاتحة الى روح اختي ولأمواتكم:🍃*
قصيدة للزهراء ع {الليله اول الليله}
كأني بمولاتي زينب جلست تنعئ في دار الزهراء ع عن وحشتها .....
الليله اول الليله
امصبرني عطر الشيله
لو ماتجيني ام الحسن
ياحضن بعد اشكيله ** ياحضن بعد اشكيله
❥❥❥❥ـــــــــــــ❁❁ـــــــــــــ❥❥❥
يا حضن اشكيله بعد لو ماتجيني
من دونها كلش صعب اگضي سنيني
الليله اول الليله بس عميانه عيني
لو طالت الفرگه يموتني ونيني
من دونها راح اتعب اهواي
ردت امي طول العمر وياي
حمل العليه اتشيله ** ياحضن بعد اشكيله
❥❥❥❥ـــــــــــــ❁❁ـــــــــــــ❥❥❥
تالي يمرمرني الوكت واعتاز ليها
بالمكبره نامت العودتني عليها
من هسه مشتاگه احس الزم اديها
ومشتاگه اسمع صوتهه ولذة حجيها
ماخذ الحيل اعليها مبچاي
ردت امي طول العمر وياي
بيديه مامش حيله ** ياحضن بعد اشكيله
❥❥❥❥ـــــــــــــ❁❁ـــــــــــــ❥❥❥
يذبح الليل اخلافهه شيحمله اليه
زغيره بعدني والهظم بين عليه
عافتني مهظومه ومشت ليش الزجيه
ماجتني سكتت دمعتي الضلت جريه
خل تعمه من الدمع عيناي
ردت امي طول العمر وياي
حگهه الدموع اهميله ** ياحضن بعد اشكيله
❥❥❥❥ـــــــــــــ❁❁ـــــــــــــ❥❥❥
الفاگد عوافي يالهوئ يخنگه بالفراگ
وانه گلب عندي حنين هواي يشتاگ
يا يمه كتلها التراب اعليج مالاگ
جمر دليلي والهجر حراگ حراگ
ضليت ادور دونها افياي
ردت امي طول العمر وياي
ظهري منو ايتجيله** يا حضن بعد اشكيله
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
نعي لشهادة مولاتنا الزهراء عليها السلام
لسان حال مولاتنا العقيلة زينب عليها السلام
الشاعر يصف الحال
🏴🏴
دروبچ عَلِي صارت بعيده
ذاك الوكت راح اشيعيده
وياچ المسامر اريده
ليشوف وجهچ يوم عيده
طولچ يهنياله ليشوفه
جرح البدلالي يروفه
يلبلوصل دوم امعروفه
امي وحرز اسمچ حروفه
طيفچ يجيني بلذت النوم
يفوخ الگلب من عطر الهدوم
تگعدين واشچيلچ الهموم
بچفاچ يمه الحيل مهدوم
🏴🏴
نعي بحق الام
يلشوفتچ دفعة بله
تشورين مثل البسمله
يمعطّره ويمهيّله
خَيرة سلف يمعدّله
نبع المحنه ام الهله
ام الوصل يمكمّله
النزل عگبچ ماحله
مابي طعم من اوصله
من رحتي چن راحو هله
🏴🏴
ام محمد الحجاج
آهاتــــي .... آهاتــــي
آه يام حسين آهاتـــي
حسراتي .... حسراتي
فاركنه البين حسراتي
يمفتاح الصبر ولا يسوه العمر
حسراتي
.................................
يا دمــــع العين من وين الوين
جرح أفراك الزهرة أمتاني
طيـــــــــر ومذبوح أمن العصره أينوح
ومثل أهلال أمشي خلاني
من باب الباب عرش ومحراب
أرسم صورة باب أحزاني
يا ريته....يا ريته
يلفيني الموت يا ريته
تانيتـــه....تانيتـــه
دمعه وتابوت تانيته
مثل شمعة أنتضر ولا يسوه العمر
حسراتي
...............................................
معقوله وجان نار ودخان
الخانك ريتي أباب الزهرة
واقع لو طيف محراب السيف
كدامه أتطيح أسنين العشرة
ما هزه الصوت من شاف الموت
ياخذ روحه ويجري العبرة
بحساسي...بحساسي
كل جرحي انشاف بحساسي
أنفاســـي...أنفاســـي
ديرة وتنعاف أنفاسي
جزع مني الصبر ولا يسوه العمر
حسراتي
.............................................
عشت بلا راي شاطي بلا ماي
وشل دمعي وشيب راســـي
من شفت النار واباب الدار
الجانوا صحبة وجانوا ناسي
أيحركون الدار جن عدهم ثار
وباكوا حلمي وملح أحساسي
بعيوني...بعيوني
شفته يسب فاطم بعيوني
يدروني...يدروني
أموصيني ولازم يدروني
بعد هذا الكسر ولا يسوه العمر
حسراتي
..............................................
ويلي بيا حال فاطم من كال
شيخ الزمرة الوأن تسمعها
من خلف الباب عفه واحجاب
والداني بكل قوته يدفعها
بيديها النار وجان البسمار
يجويها وكسًر منها أضلعها
من طاحت...من طاحت
طاح المحسن من طاحت
وشصاحت ... وشصاحت
وي طبك الجفن وشصاحت
والخد المنسطر ولا يسوه العمر
حسراتي
.............................................
صوت اليا ويل وي صوت الليل
شيع نعشي وشيع حلمي
أمشي خطوات واعثر مرات
وينهد حيلي وينحل جسمي
وأسمع لاوين ها يابو حسين
بويه أعليك أمي رد أمي
أطفالي .... أطفالي
جوني يركضون أطفالي
والحالي....والحالي
كاموا يبجون والحالي
وحفر دمعي الكبر ولا يسوه العمر
حسراتي
................................................
خادم خدمة الحسين
الشاعر
محمد الموالي
(( #النبي_يستقبل_الزهراء ))
……………………………………………………………
گوم يا جبريل نتلگاها
بنتي خلصت بالعجل دنياها
ورده ماتت و انذبح بيها العطر
ظهري وي ضلع ام حسن هم منكسر
أم ابوها .. أم ابوها
……………………………………………………………
هيه هاي ابنتي فاطم . لو اظنن مشتبه
المشيه مو مشيتها هاذي .والوجه موش الوجه
يجبريل الأجه اعلينه . خيال و لابس اعبايه
اهلال ويمشي اشوفنه . ظهرها امحنب اهوايه
اشوفن نهر من ادموع . فاضت عدن من مايه
ما اصدگ هيجي فاطم صارت
اعليها من بعدي المصايب دارت
و انختم بثمنطعش عدها العمر
ظهري وي ضلع ام الحسن هم منكسر
أم ابوها .. أم ابوها
……………………………………………………………
عن علي ضميتي عينج . وعني هم تخفي الجفن
ساعه تخفيها ابحجابج . ساعه بطراف الردن
يبويه وگلبي وي عينج . هم يلجم يالبضعه
ليل وصبح ماذيتج . لان تلّچم بالدمعه
وجهج الله قاري اعليه . اشلون الطاغيه ايصفعه
يلا خل الحور تفزع ليها
واسيا ومريم تجي اداويها
سيدتهن خدها احمر منسطر
ظهري وي ضلع ام حسن هم منكسر
أم ابوها .. ام ابوها
……………………………………………………………
امطلعه ايد امن العبايه . و ادري الاخره ابيا كتر
ضلعج اتلزمينه بيها . حيل ماذيج الكسر
حگج والجذوع اثگال . وحايط طين جن صخره
طبگن مثل صفگ الايد . وضلعج ينسمع كسره
حتى الهوه ضاع اعليج. صارت نسمتج حسره
صحتي يافضه ابعجل لحگيني
الجنه صارت كلها ظلمه ابعيني
العرش صاح شلون فاطم تنعصر
ظهري وي ضلع ام حسن هم منكسر
أم ابوها .. ام ابوها
……………………………………………………………
بويه وسط الجنه ذاك . امسوي للمحسن مهد
صعد ليّه يگلي جدي . ضوه ما شايف بعد
عليه استعجل البسمار . سيف و يذبح ابروحه
صعد ليه و يسولف بيج . عالگاع امي مطروحه
ما شاف الحسن وحسين . ظلت عينه مجروحه
محسن اهون من رضيع العاشر
ابرگبته النبله و لبوه يناظر
وياه طبت نبلته ابنص الگبر
ظهري وي ضلع ام حسن هم منكسر
أم ابوها .. ام ابوها
……………………………………………………………
بويه فاطم جيتي ليّه . و نگعد ابجنة عدن
ابغربه ظل حيدر عضيدي . گلبه نبضاته اوگفن
ابمحرابج يطب يبچي . ويظل يستورح السبحه
لان عطرج بقه بيها . يفر يوميه بالرحّه
وجهج شمس يعتبره . بعد مامش ضوه ابصبحه
الذكريات اعليه صفت مجموعه
حتى من ينام تجري ادموعه
الباب لو شافه جن ساحگ جمر
ظهري وي ضلع ام حسن هم منكسر
أم ابوها .. ام ابوها
……………………………………………………………
الحسن وحسين اعل صدرج . وكل ملك ظل ينتحب
وانا وياهم دمعتي . نهر فوگ الخد يصب
الملائك مدري شسوي . لمن تحضر العاشر
تشوف حسين مامش راس . وبيه ايطشّر الحافر
بين المدن والبلدان . راسه اعل الرمح داير
زغيره بنتج هسه تبچي اوحيده
وباجر اوجودج يزهره اتريده
من يطيح حسين ويموت الخدر
ظهري وي ضلع ام حسن هم منكسر
ام ابوها .. ام ابوها
……………………………………………………………
✍️ ( سيد خضر الزاملي )
يالــزهرة رحـتي وللأبد .هاللـيلة مـَنشوفج
حِزنج عــلى فراك الــنبي يِتْفَسَّر ابـخوفـج
عَهدج فلا نبيعه ... يامنبع الشيعة
مِـحراب نـورج فــاطمة مايـنطـفي للــدوم
كَبل الأرض لأهل السِمه يِتلاله جَنَّه نـجـوم
مَحّد عُرف كَدرج أبَد من طِحتي ذاك اليوم مِشكاة ربِّج من ضِوَّت يَم ضِلعج المـَلجـوم
رادو غَصٌب بِيعة ... يامَنبع الشيعة
أوّل ظٌلامه مِن فَـدَك أخـذوهـا مـِن إيــدج
بصٌحبتهم أنفاس ألحقد من طَيّحو اوليدج
أعراب بــثياب الــغـدر بـاكــو فـَرح عــيدج
مظلومة رحتي يَم حَـسن لِهناك َ يم حـيدج
هذا الخبر ذيـعة ... يا مَـنبع الـشيعة
بيت الله وِابْابـه الحَطب مشتعلة بيها النار
حـركوها بابـِج فـاطـمـة يا شـمـعـة الـكرار
لجل السَــقيفـة الـمارقِــة تــتــبدل الأدوار
لليــوم دمـِّج مانـِشف ونصيح لجلـه الــثار
ثـار الله وِنْـطيعه ... يامَـنبع الشـيعة
قـرآن صـَبـرج وَي عـلي بِالـهضمـة يِحجيله
مِن شاف جرحِج ماسِكت والدمعة تشكيله
مـحسـن يِطـيح إبـلا ذنـب بــالآه لــولـيلــه
نضرة وِداعـج فــاطمـة هـدّتـله كــِل حـيله
هاللـيلـة تـوديـعة ... يا مَنبع الشـيعة
حال اليتـامى بنص ألم شيخضـر الـيابس؟
كل كَطرة من دم الوفه جَـن ينخلق عابس
للـمهدي واجب نـِفتدي واحدنه كالـفـارس
لجروحي مو بس بالدمه بـالثار هـم تارس
يا شيعة ياشيعة .... هالليلة توديعة
لٌبــابة آلـــ ياســين
٧ اكتوبر ٢٠٢٤
وزن : منسجم
مقاصير :مستفعلن فعلن
#لبابة_آل_ياسين
#الليالي_الفاطمية
#الايام_الفاطمية #نصر_من_الله_وفتح_قريب
فاطميا .. مازلــتُ عـلى العهدِ
فاطميا .. من المهد الى اللحدِ
فاطميا .. كما علمني المهديِ
------------
فاطمه قد اُنزلت من السماء
أيه لا مو للقراءه للبكاء
فُصلت باباً وضلعاً للعزاء
والقراها بيها يلگه كربلاء
فاطميا .. حسينـــيا بــــلى ثــائر
فاطميا .. ال وأن من قالها كافر
فاطميا .. وهــذا كــــلُ ماعندي
__
قاتل الزهره الذي يرضه عليه
اگطع ايدي انچانها اتسالم اديه
آني حربا للذي حارب نبيه
لايجيني اولا اريد انه اجيه
فاطميا .. وبغــضي قــائم قائم
فاطميا .. الى ان ترتضي فاطم
فاطميا ..صريحاً واضحً قصدي
____
ما اساوم عالظلع لا مستحيل
وعن ولائي الفاطمه لا ما اميل
طالب وعلمني عباس الكفيل
المايوالي فاطمه يصبح ذليل
فاطميا .. عزيزا ابقى كالمصحف
فاطميا .. غيورا مولدي في الطف
فاطميا .. وارثــي زاخــرا بعـــدي
_
اني مدرستي الرفض ثم الدموع
علي علمني فلا ارضه الخنوع
اي وحق عيسى وموسى واليسوع
باقياً في عنُقي ثأر الظلوع
فاطميا .. وذو فقاري ان كبر
فاطميا .. جعلت الدم للمئزر
فاطميا .. بجيش المرضى جندي
_
الفاطم ابجي بكل مساء وكل صباح
ومن اجلها رافگت طور النياح
لو شفت مسمار مره اكبالي لاح
ابصدري احسن تنغرس روس الرماح
فاطميا .. وحتى موعد الحشرِ
فاطميا .. اطالبُ ابقى بالكسرِ
فاطميا .. الى ان يصلب الوغدِ
-----------
ماكو شي بالدنيه يالودام بعيد
باجر المهدي نعم يظهر اكيد
وناخذ اوياه ثارها وثار الشهيد
من الاول لحد خامسهم يزيد
فاطميا .. وقد افلح من والا
فاطميا .. ابــا الزهراء والألا
فاطميا .. ومن بالروح قد يفدي
---------
حيدر تركي الكربلائي
محني ودليلي انعاب وبروحي لجمات
اتلاكه بعد وياج يم بيتي هيهات
دمعي.. يجري.. يافاطمه مصابج هدم حيلي
......................
اختنك خنكت موت لوصار الغروب
قالع الباب هواي يالزهره متعوب
حيلي الگوي ابلياج يم حسن مسلوب
بين الغرب ضليت ماعندي محبوب
دمعي.. يجري.. يافاطمه مصابج هدم حيلي
.....................
شحجيلج اعله الصار من نعشج انشال
سوه الدمع نيشان بخدود العيال
يايمه كلهه اتصيح وتغير الحال
اعليهم يمر الليل بحزانه جتال
دمعي.. يجري.. يافاطمه مصابج هدم حيلي
.....................
اثمنطعش عمرج جان مووكت الغياب
وايتامج يخافون لو دكت الباب
كسرج كسرهم حيل شيطيب الصواب
وزينب حزينه اعليج وتشم بالثياب
دمعي.. يجري.. يافاطمه مصابج هدم حيلي
.....................
ادخل حجرتج اه بيهه الكه زينب
تنوح وتون ويلاه مهضومه تنحب
خايف عليهه بيوم نورج تغّيب
تنام اعله المصلاة من ونهه تتعب
دمعي.. يجري.. يافاطمه مصابج هدم حيلي
.....................
بليل الدفن من صار جتني المنيه
وعالمغتسل خليت روحي باديه
شفت الضلع مكسور وشسوه بيه
ثكل السمه والكاع طبكن عليه
دمعي.. يجري.. يافاطمه مصابج هدم حيلي
.....................
كلهن شفتهن بيج وبكلبي جمره
سطرت العين وصوط متنج يزهره
مصابج فلا انسا وساعاته مره
ماسامع ابدفان يدفن بعمره
دمعي.. يجري.. يافاطمه مصابج هدم حيلي
.....................
ادفن وهيل اتراب والشيب اجاني
وتضعضع ابفركاج حيلي وكياني
صار الوداع اوياج والهم ولاني
وسهم الزمن جتال لاماخطاني
دمعي.. يجري.. يافاطمه مصابج هدم حيلي
محمد هادي العقابي
غُصنُ الايمانُ المدفون
سِرُ الزهراءُ المَكنون
من سيفسرههُ مَجنون
(حُاءُ سُينُ يُاءُ نُون)
........... ***.............
مِن نورِ الزهراءِ قَناديلٌ
قد صاغ الرحمن لنا نورا
لَولا عَطف الجَبارِ عَلينا
لاكان العالمُ كَالمهجورا
عِطرٌ فَواحٌ في جَنتُنا
في كُلِ بَقعَتها مَنشورا
مَن ذاق مَحَبةَ فاطمِ هاما
حَتى ان جُن فَهو معذورا
بَصف العَرِش نور الزهره يشع حِنيه
كُل الملك تِسأل عن هاي الحوريه
ماعظمة هالنور وسرة العم الدنيه
نورٌ غَطى كُل الكون
حُاءُ سُينُ يُاءُ نُون
... ........ **...................
أُمتُحِنَت فاطم حُبُ الله
فَوجدها صابرةُ مُحتسبة
جالسةٌ في دَرنوكِ الجنة
نورُ الفردورسِ بِها قد شبَ
اسماها فاطم وَهو الفْاطر
فيِ جَنبِ العَرشِ تراه كَتبَ
نَهرٌ في الجنةِ يَجري كَوثر
وَسَعِيد الحظَ بِه مَن شَرِبَ
إِفتِكر آدم ربه على الخلق مفضله
واستمع شكال بجبرائيل اوحى له
لوجود الكون الرب وجدها علة
نَحنُ لاجلها مخلقون
حُاءُ سُينُ يُاءُ نُون
................. ***............
ياتَسبيحاً في الذِكرِ تَجَلَت
ياساجدةً لِطلوعِ الفجرِ
تَحضرُ لِلباكِ السبطُ حسيناً
مُسرِعتاً تَأتيهُ الى القَبرِ
ياعِفةَ كُل نِساء الكون
وَبِأسمها وِجدت راء الستر
لاخيرَ بِعَين لَم تَبكيها
لِمصابها عُميت ان لَم تجري
مفتاح لكل الشده الرحمن مخليهه
نظرت للروح المتعوبه ورأفت بيهه
عطر الجنه الهادي ويشتمه بأيديهه
عابسُ فاطمَةٌ بِجِنون
حُاءُ سُينُ يُاءُ نُون
.................. **............
يامُهجَةَ طه قُربكِ لطفاً
بِعَبائُتُكِ لَيتَ تَضُميني
يَخشى قَلبي إِن نفترقُ
في ناظرِ رحمتكِ أُبقيني
لااطلبُ شيئاً من الدنيا
خدمتكِ والدمعةُ تكفيني
يابلسم يشفي كل جراحي
سلمتكِ مايبقى بسنيني
حُر جنت بدنياي ودمعاتج جابتني
غيرتني الخدمه وخوش ابنادم سوتني
عَلمودج كل هاي العالم هل حبتني
دون الخدمةِ كيف اكون
حُاءُ سُينُ يُاءُ نُون
*.............
#مرتضى_مهدي_الجهلاوي
•
ابابج يريحانة علي ساجد بلا ملامح
شدي رحالي لكربله و بيها ولا ابارح
مديني بيد الحب يأم كلبي لهوه ضياعه
بعالم حبيبي الي ختم سهمه عله الجوراح
برحة جماله هايم حساسي
اول حزن بي ينرفع راسي
دار بحنانه كلبي واحوالي
وبفضله صارت طاهره انفاسي
كلبي روه
بحرت مشاعر كلبي بمأتمه
من هب حنانه صرت متيمه
روحي صفت بلحب متنعمه
فضله ضوه
اخلق سبب لعيوني وابجي اله
ادبني خيره التعذب بل الفله
حسانه جعلني صاحب منزله
.. مولاتي على الحب عينيني "..
بين اقترابي والجفه عمري كضه خساير
بين الشيب وما نصح كلبي بمكانه عاثر
ما بين اعدل خطوتي القافله عني تعبد
وما بين اروض هلكلب يوصل الكلبه حافر
ما قابض بجفي عله الخدمه
النعمه يمي واطرد النعمه
وألطف جزاني واني بمجاني
مولاتي كلبي كلبج يفهمه
يمشي العمر
واني بمكاني اراوح والزمن
يمشي بعجاله وضيعت الضعن
يا دوب الحك بيامي البقن
حيل اعتذر
عن السنين الراحت بلهوه
لكل الحضه بيها ناموسي نوه
يجافي المحنه سيد نينوه
.. مولاتي على الحب عينيني "..
مولاتي بفكاري حده بيها جرح غرامي
ما أثرت بيه شكثر مرت عليه اسامي
عايش بواقع لو حلم كل الاحوال أحبه
صاحب دمعتي منجرح بلواقع ومنامي
اني الحبيبي علترب حاير
عينه العياله وماله ناصر
المحبوبه وحده غيرته تجرحه
توجه ضميره لغربة العاشر
متبري الكلب
من الضياع الاخرني عمر
رزقيني للحب مولاتي صبر
لو ما رحمتج لا ما انكسر
ودمعي يصب
شفته الحياة بلايه دمعتي
ما تسوه حتى صوت احجايتي
كمت اني اعشك يمج سنطتي
.. مولاتي على الحب عينيني "..
عندي اهم من النظر دمعة الحب شهاده
بفضلج يبت المصطفى نال الكلب مراده
تيقنت اني اشتم هوه حتى اشعر بحبيبي
من الحر يجمع بلترب يصنع اله وساده
ستوعبت جرحي طيبته تكلف
محبوبي جرحه لو طبت ينزف
بكل لحضه كون أتعايش الغربه
وعيوني اذممها الدمع ليجف
يعلى النداء
يغزي البياض عيوني ومنطلب
لمنعة حبيبي من ماي الشرب
الشيء وحيد بهل دنيا صعب
في كربلاء
ذاك الجمال وذيج العاطفه
كل وحده منهن بلحب نازفه
روحي لعذابه تون متلهفه
.. مولاتي على الحب عينيني "..
ما لاكي لحساسي دوه غير لبجي المصابه
من بالي غربي كل وطن غربيني بلخرابه
مولاتي حسن العاقبة رزقيني وي حبيبي
بلا روح اعيشن بس جسد لو بعد عني بابه
اني العشت من عينه ولعينه
تحز بل الكلب غربة صواوينه
ياهوه يحمي ضهره لو حارب
ولو طاح ياهو يفزع يعينه
عاش الجرح
بكل المشاعر بانت غربته
نفس الحراره النار ودمعته
ذبحة دليله جمرة غيرته
قبل الذبح
من غيرته دك جفه بلترب
شلون لخيامه تتعنه الغرب
هاي المصيبه التحرك بلكلب
.. مولاتي على الحب عينيني "..
ـــــــــــــــــــــــــــــــــــ
اللهم عجل لوليك الفرج
_مصطفى سلمان
مجالس فاطمه .... تحبهه اهل السمه
تحبهه اهل السمه .... مجالس فاطمه
......
رابح البيهه حضر هاي المجالس
اعليهه حتى الأنبياء صارت تنافس
والملائك تكَصدلهه كالنوارس
والمنابر تشهد ابهاي القضيه
.....
هل مجالس نعمة الله ومن حضرهه
ما تمس النار عينه ولا تضرهه
جنة الله اتصير اله دار بكبرهه
ياهو اليحصل مثل هاي الهديه
....
كل حوائج ما تظل ابهل مئاتم
كلهه توكع بيد امنه الزهره فاطم
الف هنيالك يمن عالصدر لاطِم
هل وسام يصير الك اعظم هويه
.....
فاتحت ام الحسن ألهه اهلهه
موش ياهو الجان يكَدر يوصلهه
بس التحبه الزجيه يحضرلهه
ويا كبر حضه العلي ترضى الزجيه
......
باجر ابسجل الزجيه ايشوفه اسمه
كل شخص محروك لم حسين دمه
وبكثر دمعاته الهه وكثر لطمه
أجره ياخذ اي وحق حامي الحميه
......
✍️ كلمات موسى الخادم
قصيدة لشهادة الزهراء ع
من گلبي صحت.. يمج شيبت
اكتب عالگبر.. ماتت من وكت
……..
بخنكة الصوت.. صحت ياعافيتي بعدج هالعمر ضاع
بخنكة الصوت.. آه وايام الحبايب يكضن بساع
بيه حسره وسالفه ومابيه انعه
راح اسولفهن يروحي دمعه دمعه
ياخسارة كلبي ما ادري شكبرهه
كلشي يرجع بس اليموت شيرجعه
ريتي بلا هوه. وعيني بلا ضوه
تسولف دمعتي. ماتت من وكت
.....................
بيت مهيوب. يصير للفقره وطن لو دكو الباب
بيت مهيوب. ومن عتبته مراد اخذو كلهم تراب
دارت الدنيا علينه والله صعبه
ياهظيمه لبيتي طبت ناس غربه
18 نبضه انتي عمرج ليش اذوج
والقصد چان النبي يشلعون كلبه
مذبوح الامل. دك بابي الاجل
وناده ياعلي. ماتت من وكت
...................
اسمع الاه. من وره الباب وضلع للزهره مكسور
اسمع الاه. وانه اجرع بالصبر يالزهره مجبور
طايحه طيحت نده بحسره شكبرهه
ظلوعج مكسريهه واعله الباب اثرهه
الله يدري الحسره البكلبي بغيابج
كومي يابعد اليشوفن يانظرهه
يرويحة علي. ياناسي وهلي
ما اسمع ردت. ماتت من وكت
.....................
بيه تدرين.. الليل من ايمرني اخلصه بدمعة العين
بيه تدرين.. ضهري محني من فركتج يم الحسين
ذبل عودي والحزن خيم عليه
مامصدك دافنج اني باديه
للمكابر امشي الج محتار حيره
وعل كبر اغفه ودمعتي تضل جريه
اصحه امن الألم.. فراكج جن سهم
وكلشي ايصيح الي.. ماتت من وكت
........................
كلبي مشلوع. بلايه كواك الله لمن ادخل البيت
كلبي مشلوع . هواي وادم بس احس لوحدي ظليت
هواي كبرتيني من عفتيني وحدي
الليل يكضي بدمعتي وايدي اعله خدي
ردت كلمة ياعلي بلسانج انتي
اه ياكبرج اخذ كل فرحه عندي
اوصل بالدمع. بقرآن وشمع
ويرد الكبر. ماتت من وكت
حسين صادق العقابي
نعم هي جريمة ..《قتلو الزهره الزجيه 》
الشاعرة "فاطمة هاشم الحسيني
"""""""""""""""""""""""""""""""""
يامحمد قتلو الزهره الزجيه
يامحمد وره الباب اعظم رزيه
يامحمد والوصي اجتافه وصيه
⊱━━⊰✾ياصاحب الزمان✾⊱━━⊰
ميخونك علي اطباعه يعرفوها
وصيتك بلصبر ضده استغلوها
منها و قررو فاطم يقتلوها
بدون انذار باب الدار دفعوها
يامحمد خانو العشره الصحابه
يامحمد راحو البيتك عصابه
يامحمد عاملو بنتك سبيه
⊱━━⊰✾ياصاحب الزمان✾⊱━━⊰
حيدر بلوصيه مجتف اذراعه
كظم غيضه رغم ماكسرو اظلاعه
امر لله ورسوله ملتزم طاعه
بشرط ماتندبه فاطم بهل ساعه
يامحمد واعدك يصبر علينه
يامحمد بشرط ماتنخه الحنينه
يامحمد ذوله ماعدهم حميه
⊱━━⊰✾ياصاحب الزمان✾⊱━━⊰
من صابوها كَلب المرتضى اتكَطع
ذو الفقار يجري لحالهه المدمع
الزهره تصيح يافضه وعلي يسمع
تدري من تحشمه ولا عدل يرجع
يامحمد بكَلبه مو بلباب ناره
يامحمد منهظم حتى فقاره
يامحمد ضيعو حكَ الوفيه
⊱━━⊰✾ياصاحب الزمان✾⊱━━⊰
ابو الحسنين ياهو اليوصل الحده
الاف الجيوش تخاف من عنده
جبل ودموع فاطم كَدرت اتهده
حلال الشدايد واكَع بشده
يامحمد شدته جانت جبيره
يامحمد عبد يشتم اميره
يامحمد أطلعو شر البريه
⊱━━⊰✾ياصاحب الزمان✾⊱━━⊰
شيطان الأمر والثاني نفذله
وسفه يقدسونه البيه الف زله
ليحركَ دار طه شنهو من مله
ساجد للصنم جاب العمر كله
يامحمد هبل يجري وي دماهم
يمحمد كلشي ماينفع اوياهم
يامحمد همه اصل الجاهليه
⊱━━⊰✾ياصاحب الزمان✾⊱━━⊰
موش اصحاب جنهم يطلبونك دم
قتلو زهرتك وحسينك اتيتم
يحنون لهبل مابيهم الأسلم
شصار خلاف موتك وشحصل تعلم
يامحمد صبت ادموع الحسافه
يامحمد والله غايتهم خلافه
يامحمد صارو البيتك اذيه
#الشاعرة_فاطمة_هاشم_الحسيني
كلشي مـات بـعيني
مـن دفـنت سـنيني
==============================================================================
1️⃣
راجـع ومكـسور بأحـزان الكـلب
من يدليني وطفه بعيني الدرب
والوضع بجفـاها يا عـالم صعب
راحت ودنيانه مـن راحت غرب
~~~
يعله صـوت ونيني
مـن دفـنت سـنيني
===================
2️⃣
من وصلت البابها وطاح الدمع
مـيته فاطـم يا كلـب ما تـقتنع
عاتبتها الباب من شـفت الضلع
ليش من عيوني طفيت الشمع
~~~
وحـالـهـا يـبـجيـني
مـن دفـنت سـنيني
===================
3️⃣
من وصلت الـدارها بنار الـفكد
مـحترك كلبي عليها شلون ارد
بعـد ما نـشـتم عـطر من الورد
ابريحة الدخان مـختنكه الولد
~~~
وكل طفل ياذيني
من دفـنت سنيني
===================
4️⃣
الحسن شفته من ينوح اعليها
صاح بــويه الـجنه ما اجازيها
اشـكد تـون وما عـرفنه شبيها
ثـاري كـسرات الـضـلع تـاذيـها
~~~
ويـالـدمع خـلينـي
من دفـنت سنيني
===================
5️⃣
يم الحـسين الـمدامع مـن تهـل
امي راحت والمـوادع مو سهل
والمصايب ع الجفن ما تنحمل
ليـش باب الجـنه جهراً يشتعل
~~~
شـرايـد يـنـسيـني
من دفـنت سنيني
===================
6️⃣
ظهر زينب بالمصايب ينكـسر
يا علي يم الجرح مات الصبر
شيـعوها وسـافر وياها العـمر
ياهضيمه روحي نامت بالكبر
~~~
ودمعتي تواسيني
من دفـنت سنيني
=======================================
محمد خشان ✍️.
=======================================
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
القصيدة " الزهراء ع (عمت عيني عليهه )
الشاعرة "فاطمة هاشم الحسيني
...............................
عمت عيني عليهه الزهره مظلومه
خلف الباب ونت حيل مالومه
⊱━━⊰✾ياصاحب الزمان✾⊱━━⊰
عمت عيني عليها اجروحه اهوايه
فص العين من ناحت نشف مايه
الله يعين كلبك ياعلي بهايه
(مهشمينه ظلع ام حسين )
⊱━━⊰✾ياصاحب الزمان✾⊱━━⊰
مهشمينه ضلعهه شلون تحملهه
حكك من تنوح وعينك تهلهه
تره البسمار يوجع حيل علعلهه
(مأذيهه بسمار الباب )
⊱━━⊰✾ياصاحب الزمان✾⊱━━⊰
مو هينه تراهه الضربه جتاله
ونت من ألمهه العين هماله
كلب ام عون ذيج الساعه شحاله
(المهظومه وتعاين لمهه)
⊱━━⊰✾ياصاحب الزمان✾⊱━━⊰
ويلي شلون شافت امهه تتألم
صعبه اهواي هيج بسرعه تتيتم
ابلا امهه على الصدمات تتعلم
(يبجوهه بلطف اهواي)
⊱━━⊰✾ياصاحب الزمان✾⊱━━⊰
باجر بلطفوف تحير زينبهه
وكت اغروب بلحسرات تندبهه
ذبح حسين هد الحيل عذبهه
(مذبوحه زينبكم ضلت)
#الشاعرة_فاطمة_هاشم_الحسيني
قصيدة للاهل {گلبي مات اوياكم}
ماحمل فرگاكم
گلبي مات اوياكم
آه يهلنه .........................آه يهلنه
❥❥❥❥ـــــــــــــ❁❁ـــــــــــــ❥❥❥
گلبي مات اوياكم واحسله لو مات
چي سمركم مايردله بعد هيهات
ليش عفتوني وسكنتوها الترابات
مو سويه عشنه احنه ايام حلوات
تعباني اجفاكم ** كلبي مات اوياكم
آه يهلنه .........................آه يهلنه
❥❥❥❥ـــــــــــــ❁❁ـــــــــــــ❥❥❥
ماشبعت من المحنه ومن سمركم
ازغيره روحي وليش محرومه عطركم
صرت لو اشتاگ اجي اشتم تربكم
وتعمه عيني من البچي من انضر صوركم
الترب من غطاكم ** گلبي مات اوياكم
آه يهلنه .........................آه يهلنه
❥❥❥❥ـــــــــــــ❁❁ـــــــــــــ❥❥❥
شكد صعب انساكم وانسه المحنه
رجعوا خل نكعد سويه آه يهلنه
دونكم وحشه ولا ينطب نزلنه
آخ منه يالوكت طشر شملنه
جنتو يا محلاكم ** گلبي مات اوياكم
آه يهلنه .........................آه يهلنه
❥❥❥❥ـــــــــــــ❁❁ـــــــــــــ❥❥❥
عشت احلئ ايام عمري وياكم اذكر
شلون تردون الگلب بالفرگه يصبر
احسب ايام الفراگ وهظمي يكثر
يمته الكم جيه ليه گاعده انطر
والله ما انساكم ** گلبي مات اوياكم
آه يهلنه .........................آه يهلنه
❥❥❥❥ـــــــــــــ❁❁ـــــــــــــ❥❥❥
عميه عيني من البواجي رجعو ليه
حيلي خلص يا فگدكم مو شويه
رجعو لو بس يوم خل نكعد سويه
واكعد اشكي من الفراگ اشسوه بيه
عن علي ملكاكم** گلبي مات اوياكم
آه يهلنه .........................آه يهلنه
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
ثورة الزهراء ثوره قائمه
والهتاف الشيعي تحيا فاطمه
-------------------------------
فاطمه الامر العظيم المهدوي
فاطمه الصوت المهيب العلوي
فاطمة الخلق القديم الازلي
فاطمة روح علي قلب علي
قد فصلت ،، قد صورت
رحمة الله تجلت فاطمه
ما انجبت ؟ ،، حين اعتلت
عالم السبطين كانت فاطمه
بيرغ ومرفوع بچفوف ونحور
نار ما تطفى وعلى الظالم تفور
فاطمة الصوت الرعب ذيچ القصور
ها هي الارواح تدنو قادمه
والهتاف الشيعي تحيا فاطمه
-------------------------------------
فاطمه الفقار حين الملتقى
فاطمه الكرار في الحرب ارتقى
فاطمه العباس قرب المشرعه
فاطمه الحوراء تمحو الاقنعه
ما دامها ،، في شامها
ذلت الارجاس زينب فاطمه
من أمها ،، في دمها
تكتب الثورات ثورة فاطمه
فزعة الاحرار في ارض الطفوف
فاطمه الزهراء رايات وسيوف
فاطمه العباس وايثار الچفوف
صولة الكفال فينا دائمه
والهتاف الشيعي تحيا فاطمه
--------------------------------------
فاطمه السجيل أهلك أبرهه
فاطمه الفردوس عند المنتهى
فاطمه التسبيح في وقت السحر
فاطمه الانفاس في صدر البشر
فاء الفلق ،، سيل الودق
حين لا ماءٍ ستمطر فاطمه
فيها اتفق ،، لا يفترق
كل معروف يٌنادى فاطمه
سورة الاخلاص يا أم اليقين
يا نجاة الشيعه أم المؤمنين
أنعم الله اعليچ يلجبتي الحسين
مالك التاريخ امسى موسمه
والهتاف الشيعي تحيا فاطمه
-------------------------------------
فاطمة المحراب في وقت الخشوع
فاطمه الاقدام ليست للدموع
فاطمه التحرير من سوق العبيد
فاطمه الادراك والقول الرشيد
لا تنحني ،،، ظهر علي
آية الرحمن امست فاطمه
لا تنتهي ،، كف الولي
عند قلع الباب كانت فاطمه
صولة الثوار في وجه الطغاة
فاطمه التكبير في وقت الصلاة
نعمة الباري الملت كل الحياة
لا تزال البضعه فينا ملهمه
والهتاف الشيعي تحيا فاطمه
-------------------------------------
فاطمه التمهيد للمهدي الحبيب
فاطمه التوحيد لله القريب
فاطمه الاسراء نحو المؤمنين
فاطمه الزهراء يا روح الحسين
خير البشر ،، فيها ابتشر
حينما حانت ولادة فاطمه
اين المفر ،، يصلى سقر
كلُ من آذى ضلوع فاطمه
تبقى أم حسين أعظم رافضيه
ومنها كبرت لاء نحر الغاضريه
ورثت لائات جيش الجعفريه
اصبحت لاءآ عظيمه صادمه
والهتاف الشيعي تحيا فاطمه
كلمات الخادم / رعد الفريجي
ثوابها الى روح والدتي
#الليالي_الفاطمية
نار الباب باجر تاكل خيام
وسقيفتهم شتال تخضر الشام
جم ديوان باجر
والبسمار حافر
يمه زينب يمه زينب
ــــــــــــــــــــــــــــــــــــــــــــــــــــــــــــــــــــــــــ
كسر يتبع الكسر السقيفه والشمر
ماتخلص يزينب يمه هايه
حزن باجر تره وضلوع مكسرة
والقرآن ينزف ايه ايه
وراج شجم خرابه ونوك هزلات
وتتقشر وجوه الطالبيات
من حر الشموس البلخرابات
لا راحه وعذاب نوم بالليل
ولو تغمض عيونج تصهل الخيل
والسجاد حاير
والبسمار حافر
يمه زينب يمه زينب
"" "" "" "'"''''
الم نفس الالم خشب بابي السهم
ويجي بعين الكفيل ويطفي عينه
الاشد من الذبح ويطعنات الرمح
من هدمه الحسين مسلبينه
ياحيل اليظل لمن تشوفين
الشمر من الكفه من يذبح احسين
مدري شلون يُمه وماتموتين
ومن غير السياط وحر الارمال
من عز الخدور لجر الاحبال
والمثلج تكابر
والبسمار حافر
يمه زينب يمه زينب
"" "" "" "" "" "
يرد نفس الوكت عليهم من صحت
ليش المرتضى بحبال ينجر
قصص ماتختلف علي هم ينجتف
وعلي السجاد يشبه جده حيدر
أبوج المرتضى تجتفه الوصيه
والسجاد بحبال ال اميه
علي يشبه علي بنفس الاذيه
شفت بعيني من جروا الكرار
وانت وياالعليل مشاكف احجار
والماصار صاير
والبسمار حافر
يمه زينب يمه زينب
"" "" "" "" "" "" "
ومحسن من وكع هرش كلبي نشلع
أشد من الضلع من طاح مني
وعبدالله الطفل يفك ريجه بنبل
وامه تكله كتالك كتلني
من كد ماصغير الراس من طاح
شدوا عالسهم مو فوك الارماح
دللول الولد يمه الولد راح
دللول الولد يم رمحه الولي
يوصلة من الكلب يابعد طولي
وليدي الجان نادر
والبسمار حافر
يمه زينب يمه زينب
"" "" "" "" ""
اصبري كل صبر المهم يمه الخدر
وحجابج يالعقيلة غاية وإثبات
بنات المرتضى ونساء الرافضه
قمم فوك الشرف وتصير رايات
واجب عالتوالي كون ابو تراب
احنه القدوة ليها وموش الاجناب
نوصيهن ييمه بلبس الاحجاب
اهم شغلة الحجاب وهذا الاثبات
ومثل زينب اريد الفاطميات
تربية منابر
والبسمار حافر
يمه زينب يمه زينب
"" "" "" "" "" "
القصر ذاك القصر رقية تنقهر
وعلى راس الابو تموت الصغيرة
تدفنوها بغرب اويلي شكد صعب
موش بكربله وبغير ديرة
مو وحدها راح تصير هيه
وراها شجم سنه والهاشمية
بشام الغربه دفنتجن سويه
موش بكربله مابين اخوتج
بين الغربه انتِ يصير موتج
وبدمع النواظر
والبسمار حافر
يمه زينب يمه زينب
''''''''''''''''
مرتضى فيصل الشمري
ياكَمرة طاحت من سِـمـة
ياذينـي ضــِلعـج فاطـمـة
جـِــثــة أبــــوها أمــــدده
وأصحاب كالـوا بس عِده!
شرد احجي آنه وشرد أرِد
والســـيف بكَرابه الـحِـقـد
كٌبــه شحـلاها إمــهـشــمة
ياذيني ضِـلعــج فاطــمــة
لٌبـابة آلـ يـٰـس
القصيدة كاملة موجودة بالقناة
#لبابة_آل_ياسين
#الليالي_الفاطمية
#نصر_من_الله_وفتح_قريب
الليالي الفاطميه
قصيده گــعــده
وتقرء لطــم
.
.
.
يالمنكـسـرلك ضـلع … حقـك اذا تنـفجع
اهمومـك اكبار
ابگبلـك شصار
وشسوه بيك الدمع … يالمنكسرلك ضلع
------------------------
عله ياهي التجري عينك يابو صالح هنه كثره
عالذي كسرو ضلعها وفوگ خدهه اثار سطره
لو على الداست ابصدره اعوجيه خيول عشره
بصدرك يمهدي شنغرس
بسـمار لو حـافر فــرس
ثغــرك امبــلل لــو يبـس
عله حسين اليبـس ثغره
مو عن كبر حَدبت ... چيه لهلك اتعذبت
ابگلبك الام
بكـثر الايام
شتتحمل ابهالوضع … يالمنكسرلك ضلع
------------------------------
ابكثر مامحروگ گلبك من وره باب الزچيه
صارن اضلوعك رماد الصار بمك مو اشويه
النار ما ترحم يمهدي واسأل اعليها السبيه
الشافت خيمها اموجره
وبالنار هــيه امـحاصره
شتسوي يالمهدي المره
وكـل اهـلها عالــوطـيه
ياهو الذي اتفَزعه … وكافلهه عالمشرعه
اتطفي الكبار
مـدري الزغار
محنتهه ما تنجرع … يالمنكسرلك ضلع
--------------------------------------
أبچي يالمكسور ضهرك والبچي لازم تدومه
واليـلومك عالبـواچي الله يالمــهدي اليلومه
السَلبو لمك فدكها حسين هم سلبو اهدومه
الــبالـسهـم چـبـده منــثلم
ضل عاري مسلوب الجسم
عالرمل مـرمـي ابــلا هـدم
والــرمــل غــيـر ارســـومه
بگد ما طعن منترس … مچوي گفاه بالشمس
ضل عالتراب
اغله الاحباب
حقه الگلب منشلع … يالمنكسرلك ضلع
---------------------------------------
يابو صالح عله اهلك حـقك اتزيد النوايح
خلص گلبك عالزچيه لو عله البطف ذبايح
المثلث صاب چبدك لو المحسن هوه رايح
حرمـله مـاعــنـده عقـل
لمـن رمــه نحـر الطــفل
نحـره زغير اشيحـتمل
هالسهم چن بيك طايح
بگلبك يزيد الالم … كل ما سمعت بسهم
تنحني شبيك
چــن يـأذيــك
من حرمله منصدع … يالمنكسرلك ضلع
----------------------------------
الدنيه ماشالت الشلته عفه صبرك يابو صالح
حزن امك بيـك ياكـل عله وجهك صار واضح
يا جرح وتعـيش انـته ابهالزمـان الحيل مالح
بجــروحك اشــــسوه المــلح
عالـــراحت اويـــه الــمنــذبح
چيه تحچي هيه اويه الرمح
بيــها يتــشـمــت الــــذابــــح
بوجهه شماته شكثر ... لمن يطـگها الشمر
زورگ ايــدين
اخت الحسين
عمتك تره تنوجع … يالمنكسرلك ضلع
--------------------
لخادمكم حيدر تركي الكربلائي
قناة حيدر تركي الكربلائي:
الفاطميه
.
.
.
عـاشــوراء .. الــزهـــراء
قــد اقــبل
يابو صالح
_
ردت الايـــــام .. وكـــــــبـــرت الالام .. ابگلبك انته اشضام
يــارزيه
اشخله بيك الباب .. چم جرح ومصاب .. ادري راسك شاب
عالزچيه
متبدي من عـينك نهر بس الله يدري اشكبره
يالخلصت عمرك بچي مـاذيــك جـرح الزهره
يــوما أت .. لــلاهــات
قــد اقــبل
يابو صالح
_
حزنك المنشور .. بي ضلع مكسور .. وبي وجه مسطور
وبي عذابات
تحـترگ ادريك .. ومــحد ايطفيك .. محــسن امــأذيك
وكلك اهات
اهاتك اتفطر الصخر بسمار چن بضلوعك
خدك امصـلاية دمع صلت عليها ادموعك
حزن الآل .. في الأصال
قد اقبل
يابو صالح
_
شهگـــتك دخان .. دمعـــتك نيران .. اتلچــمك البيبان
لو شفتها
عيشتك جرحين .. بيها عاشورين .. الفاطمه وحسين
وضفتها
انته الحزن بس حصتك وعطر المجالس عطـرك
بسمار لــو حافر فــرس يالمهدي شنهو ابصدرك
واويلاه .. سمهم الاه
قد اقبل
يابو صالح
_
تتــنحب مالو .. عالظــلع مهظوم .. تعـثر امــن اتگون
بالمصايب
دمعتك تسبيح .. يالزچيه اتصيح .. انـته من اتطيح
عالترايب
لو طحت تذكر فاطمه من طاحت اعله الغبره
تتبده يالچـنك دمــع من تذكــر انته السـطـره
دمـعً لاح .. فيك وصاح
قد اقبل
يابو صالح
__
اهدومك اتضل سود .. عالذي مگيود .. وگبلك الممرود
شايل اهواي
حيدره امن انگاد .. گــادو السجاد .. يلي صرت ارماد
انته من هاي
ابدلالك اشسوه السبي وهيچي تهل دمعاتك
چيه عالهزل يالمنتظر راحــن ســـبي عماتك
صوت عزاء .. صوت بكاء
قد اقبل
يابو صالح
_
سـيدي ندريك .. شنهو المبــچـــيك .. فاطــمه اتاذيك
يالمغيب
وعالجره مقهور .. تبچي عالمنحور .. هسه وين اتدور
وين تنحب
يم مذبح حسين السبط لو بالبقيع انته اتنوح
لجــل الزچــيه وَنــتك لو عالذي ظل مطروح
جرحا بات .. لامامات
قد اقبل
يابو صالح
_
تمت والحمد لله
حيدر تركي الكربلائي