7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
لاستشهاد الزهراء عليها السلام (وزن الهجري)
عظم الله. يحيدر. . أجرك بهذا المصاب
بعد فگد الزهره حالك مدمع و نوح وعذاب
★★★★★
أَتَغَيَّر الدنيا شكلها. بعينك ولون الزمان
جنتك بِاللَّحْد صارت. والله دنيا بلاامان
روحك تشع بضواها. التارسه البيت ابحنان
شلون ماتستعر نارك جنتك تحت التراب
★★★★★
تشكي للمعبود حزنك. فارگت اغله العباد
ابيضت عيونك عليها. وصبحك توشح سواد
گلبك الحارگته فرگه. شلون مايصبح رماد
الراحه من بعد الزچيه صفت بعيونك سراب
★★★★★
كاسر ضلوع الزچيه. للظلم گلبه حليف
مَهَّد لطبرة الهامه. الي سطر خدها الشريف
صنع دولة شر لعينه. رافع على الرحمه سيف
يعينك الباري دعينه . اشكثر تتحمل صعاب
★★★★★
غربه واحزان وفجيعه. دمع وهموم ومرار
انْصَبَّت أعليك المصايب. سوته ليل النهار
أمقيد ابحكم الوصيه ما إلك غير اختيار
ذبلِّوا زهرة شبابك. ماتت ابعز الشباب
★★★★★
فرهدوا راحات گلبك. سلبوا الراحه من اديك
طفوا من البيت شمعه. لضاويه چانت عليك
الدنيا وفراگ الزچيه. ياعلي شمسويه بيك
ساعه ماتحمل عگبها. شلون لوطال الغياب
★★★★★
للامام المهدي نسعه. ونرفع آيات العزاء
يمكن أبلطمة صدرنه. لفاجعة خير النساء
وبدمع جمرات تجري. انهوَّن عليه البلاء
انخفف من احزان گلبه گلبه من اللوعه ذاب
الشاعر حسن لعيبي الحريشاوي
ياتؤام الاحزان لاستشهاد الزهراء
عليها السلام ملمع ( بين قوسين فصحى )
(ياتؤام الاحزان والسقمُ مَعْصُوْمَة بالدمع تعتصمُ
الدمعُ والاهاتُ تعرفها والليل والزفرات والالمُ
فالكسر لايجبرْ في سورة الكوثرْ)
★★★★★
من راح ابوها وغيبوا عصره
احنوا ضلع بعد الكسر عصره
حزن الصبح بيه اتصل عصره
والليل مظلم ماطلع فجره
(باي ذنب اسقطوا الطفلا واي ذنب كان للضلعِ
هل احدثت في الدين من امر ام احدثت رايأ على الجمع
رام الاسى يظهر في سورة الكوثرْ)
★★★★★
ابيت النبوة اليگطع الزهره
مايدري دافع فاطمة الزهره
كوكب عطارد كوكب الزهره
كلها ابسماها ادور مفتخره
(من جاء للزهراء ينذرها وداهم الدار واهليها
ان يجنحوا للظلم والقهر اويحرقوا الدارومن فيها
بالرعب قد اثرْ في سورة الكوثرْ)
★★★★★
بنار الحقد دار الشرف وجهه
لامستحي ولامن عرگ وجهه
ماظلت الها للاسف وجهه
لله البتول اصبحت متوجهه
(عاصمة للحزن والجرح دامية والقلب مهتظم
للجبت والطاغوت بالعون كم احدثوا قهروكم ظلموا
فالحزن قد ابحر في سورة الكوثر )
★★★★★
وين الشهامه والقيم ونها
زيدها فوگ الون على ونها
ظالم گطع غصن الورد ونها
يوم السلب حگ الورث منها
(خزائن الاسرار فاطمة فاي سر مودع فيها
لويعرف الملعون انصفها ماشأن فاطمة لباريها
الخير لدى المحشرْ في سورة الكوثر)
★★★★★
لاموسم اثمار الشجر لاحن
چفوف المنايا للثمر لاحن
لامن رحم بيها الوكت لاحن
اوراق منها ثمنطعش طاحن
(ماذنب انوار محطمةٌ في الليل سرا كان مدفنها
ماتت على الاصحاب غاضبة ومن جنى جرما واحزنها
لايعرف الجوهر في سورة الكوثر)
الشاعر حسن لعيبي الحريشاوي
لاستشهاد الصديقة الزهراء عليها السلام
فاطمة يافاطمة يافاطمة
ضَيَّعُوهَا. ولَّوعوُها. ومارعوها
فاطمة يافاطمة يافاطمة
★★★★★
توالت عليها المحن مطرت عليها
الحزن من بعد الاهل شمخلي بيها
تشگف سياط العده ظلت بديها
تبيع بيها الدنيا ليش وتشتريها
غربتَّها حيرتَّها وعذبتَّها
فاطمة يافاطمة يافاطمة
★★★★★
علربيع شعجّل الشيب وعذابه
بالزجر صار الزمن لهجة خطابه
لچمة تندل لچمة من حرگة غيابه
يوم ابوها هجمت الگوم على بابه
ياجمرها. ياصبرها و ياكسرها
فاطمة يافاطمة يافاطمة
★★★★★
مانساها الحزن ماتّيه دربها
والشكه ونتّها والجّرح گلبها
والغصب منها المواريث وغصبها
شكثر الله ستر دنيا وماگلبها
حاربوها وعذبوها وارعبوها
فاطمة يافاطمة يافاطمة
★★★★★
ظالم ابوجه الزچيه صوته يعله
ماالچ ميراث گاللها وتگله
بياقوانين وشرع حكمك واصله
الماتقبله عليك ولغيرك تقبله
مارحمها ومافهمها من ظلمها
فاطمة يافاطمة يافاطمة
★★★★★
نظره علتاريخ ياهو العنده نظره
وكل عذاب الي جره اعليها يفسره
ليش ماتت فاطمه وبالكلب حسره
وليش بالسر تندفن فاطمه الزهره
يادمعها ياصدعها ياضلعها
فاطمة يافاطمة يافاطمة
الشاعر حسن لعيبي الحريشاوي
لاستشهاد الصديقة فاطمة الزهراء
عليها السلام. (وزن الحدي)
بياحال حمّاي الحمه
من يوم راحت فاطمه
★★★★★★
شيطفي گلبه المستعر.
غياب المحب شده وعسر
ظلمه الوكت صبح وعصر
جروحه تون من كل كتر.
فرگتها اصعب خاتمه
من يوم راحت فاطمه
★★★★★★
بعد الزچيه بياوضع
بالدنيا حيدر يقتنع
بليل الحزن ذايب شمع
بگلبه الف لوعه و صدع
أيامه صارت مظلمه
من يوم راحت فاطمه
★★★★★★
لومر على عيونه الصبح
يلگه الصبح ليل وجرح
ياطير مكسور الجنح
طير السعاده المنذبح
ماشالته ارض وسمه
من يوم راحت فاطمه
★★★★★★
ياحلم ضاع من اوله
بالعين من صار وحله
الچانت شمل بيته وهله
وكل العمر چانت اله
اركان المحبه امهدّمه
من يوم راحت فاطمه
★★★★★★
حال اليحب والله صعب
لورجع مفجوع الگلب
وعلمحب لو هل الترب
بياحال جدمه على الدرب
وابسهم مايشفه انرمه
من يوم راحت فاطمه
★★★★★★
كلما ذكر بيته احترگ
وعلى الظلع باب انطبگ
وعدوان ملتمه الخلگ
ريت الصدگ لا موصدگ
ايامه صعبه ومؤلمه
من يوم راحت فاطمه
★★★★★★
عايش على الدنيا رسم
من فارگت روحه الجسم
ياجبل ماشال الهدم
والحيل خايف ينهدم
وللموت ناره مضرمه
من يوم راحت فاطمه
الشاعر حسن لعيبي الحريشاوي
سقوط المحسن ع)في رثاء الزهراء عليها السلام
سگط محسن يافضه بساع الحكيني
لزمي ايدي وعلى مصابي اعينيني
««««««🖊🖊🖊🖊🖊
عينيني تراني حيل مابيه
كسرولي الظلع وامسيت محنيه
وبصدري نبت مسمار ياخيه
الزم الايد وعل الحيطان تچيني
««««««🖊🖊🖊🖊🖊
شوفي الدم تعالي علـّۓ الكاع يسيل
انفاسي اتكطعت مِڼعندي راح الحيل
يابويه تَعاّلّ بساع شفت الويل
ريتك حاظر وانته الي تحميني
««««««🖊🖊🖊🖊🖊
دفعوا باب داري عليه وعصروني
يبويه وعلى وجهي حيل سطروني
وصيتك بيه چانت واهم اذوني
دفعني بقوته ويسمع تره اونيني
««««««🖊🖊🖊🖊🖊
يسمع ونتي وماهمته البضعه
الحگلي يبويه صحت بلدفعه
كسرولي الظلع والوجع شيجرعه
سطرني المايخاف •اللّـہ علـّۓ عيني
«««««🖊🖊🖊🖊🖊
يبويه كيدوا زوجي علي الكرار
كضته الوصيه وما شهر،بتار
لْـۆ لامشية الباري يصير الصار
جاشفت شيسوي بلياذيني
««««««🖊🖊
تمت
✍الشاعره حسينية الهوى
زهراء الحربي
إسقاط الزهراء سلام الله عليها
_______
طاح محسن والبتول اغشي عليها
قومي يافضة للزهرة سنّدِيها
شوفي حالتها بعد مامات أبوها
هجموا على الدار عصبة سقطوها
اتسترت بالباب لكن مارعوها
بولية العدوان واويلي عليها
سنديها وافرشي فراش المنية
ذّبت المحسن وعلتها خفية
عيونها انصابت من الصفعة القوية
والضلع مكسور والمسمار بيها
شالت الزهراء والمحسن اتعفّر
دمه يجري وانطفى المصباح الأصغر
بنت رسول الله بعد عيناه تُقهر
منتحل منها البدن ومسقّطيها
تنادي فضة وين بن عمي أريده
يغسّل المدلول ويدفنه بإيده
مات حملي والسبب عصرة شديدة
صدري إتهشم وداري حارقيها
قالت إلها يابتوله مادريتي
بعد ماطحتي من السطرة واغشيتي
قادوا الكرار وانت ما وعيتي
شالوا العمامة وإيده امقيديها
لبست الزهراء خدرها تريد تطلع
تمشي خطوة من الوجع كل ساع توقع
بغير حيدر ماتريد الدار ترجع
والأولاد تصيح تبچي من بچيها
لوعوها بالسياط وعذبوها
يا ألم قاست وبالسيف أوكزوها
آذوا الزهراء بعد ما مات أبوها
بالحزن ردت مع والد بنيها
__
بدرية آل عصفور
لا أجيز حذف الاسم أو طبعها للبيع
إسقاط الزهراء
جديد /١٤٤٤هـ
__
شَبَّوا النار وفاطم مارعوها
من ورى الباب الزهرا سقّطوها
من درى عنها عصرها ومايهمه
اغشي اعليها وصار الكون ظلمه
طاحت على القاع ومحسن سال دمه
بضرب الاسياط أويلي لوعوها
من رآها غشت بالنور عينه
شال يمناه عسى شلّت يمينه
صفع بنت المصطفى الدرة الثمينة
راحت العين من الضربة عموها
هجموا البيت وهي مغشي عليها
سيدة الناس من اتعدّوا عليها
مات محسن ورايح من إيديها
والعقيلة العفيفة أرعبوها
هالخدر كان محط وحي الرسالة
والنبي يجيه بآداب وجلالة
بالإذن يطلب دخوله في جماله
واللي دخلوا عليها أغضبوها
من خدر فاطم بدت كل المصايب
والنبي مالحدونه بالترايب
وحيدر المحزون سيف الله الغالب
بحبل مچتوف وفاطم يضربوها
يوم عاشور ابتدى من هالرزية
والخدر راح ومشت زينب سبية
وضربة المسمار في صدر الزچية
صارت اسهام ثلاثة ضاعفوها
صدر الحسين تكسر مع ضلعها
والدم يسيل وزينب تنظر إلها
والحطب شبوه واليشعل جزلها
يوم عاشور خيمهم حرّقوها
___
بدرية آل عصفور
لا أجيز حذف الاسم أو طبعها للبيع
طور يخيمات
ورى الباب
عصروا فاطمه الزهره ورى الباب
صاحت صوت فضه صدري انعاب
ومحسن سكط من عندي بالعتاب
▪️▪️▪️▪️▪️▪️▪️▪️▪️▪️▪️
بس غمضت عين النبي /الكوم اهجموا عليها
حركوا الباب بكل حقد /واخذوا علي وليها
عصروها والضلع انكسر /طاحت ميدري بيها
وعالعتبه محسنها وكع /
وتنطر علي يجيها
يكرار
صاحت وين ياحيدر يكرار
ترضه اشلون وجوا داري بالنار
ضلعي انكسر وبصدري البسمار
▪️▪️▪️▪️▪️▪️▪️▪️▪️▪️▪️
يابويه ماتدري اشجرى /واشعملت الرعيه
ما رعوا كدري وحرمتي /هجموا سوى عليه
ماجني بنت المصطفى /وعزيزته الزجيه
شنهوا الذنب مني صدر /
وبيتي احترك عليه
على العين
صابوني وسطروني على العين
وانه اصرخ وانادي يالابوا وين
عفتني ابين هالكوم الملاعين
▪️▪️▪️▪️▪️▪️▪️▪️▪️▪️▪️
هاي الجليله الطاهره /بس ماغبت ولوها
وصيتهم بيها اشكثر /
بعدك ولا رعوها
للدار اجوها بالحطب /
والبابها احركوها
وهيه تمانعهم غدت /من خلفه واعصروها
على الكاع
عصروها العده وطاحت على الكاع
صاحت بويه منها الكلب مرتاع
ماواحد حضر للزهره فزاع
▪️▪️▪️▪️▪️▪️▪️▪️▪️▪️▪️
ضلت عليله بالنزل /
زادوكثر وجعها
تنوح وتون ام الحسن /
سكته ويهل دمعها
عن حيدره تخفي الوجع /تخفي الم ضلعها
مايدري حماي الحمه /
ولاتشتكي وسمعها
بالاهات
تكضي الليل بالحسره والاهات
وتبجي عالجنين الي كضه ومات
مهظومه وعليه تهمل الدمعات
▪️▪️▪️▪️▪️▪️▪️▪️▪️
▪️▪️▪️
بضعه الهادي فاطمه /والطاهره الجليله
ماعدها والي او لا حمه /
بس الدمع تسيله
مالومه بفراش المرض /
ضلت تون عليله
مجتف خذوا من النزل /حامي الحمه دخيله
ينوحون
عليها اولاها اللتموا ينوحون
وابعيد البله كلهم يصيحون
وينادون يمه وتجري العيون
▪️▪️▪️▪️▪️▪️▪️▪️▪️▪️▪️▪️▪️▪️▪️▪️
خادمه اهل البيت
ام حسين الهلالي
اسالكم الدعاء لي ولوالدّي
نعي مجرد للزهراء على هجوم القوم عليها
ابجوا على مصابي يشيعه
انه الطاهره الزهره الشفيعه
وانه الضايعه واشلون ضيعه
**
ياشيعتي ابجوا عليه
انه الجليله الهاشميه
وذكروا الجرى والصار بيه
*
انه الذي كسروا ضلعها
يوم الرجس بابي دفعها
ومحد لوناتي سمعها
**
ورى الباب من كسرو اضلوعي
صحت ياهلي وهلت ادموعي
يامحنتي اوياكثر لوعي
***
ونت وهلت دمعت العين
ومن طاح فوك الكاع الجنين
وتكسرت من عدها ظلعين
*
ابجوا على الاذت ورى الباب
وهجموا عليها الكوم الاصحاب
سكطوا حملها والكلب ذاب
**
يامن تحبها ابجي عليها
تون والضلوع امكسريها
وطاح الحمل واغشى عليها
***
حملها وكع والعين حمره
سطرها اللعين اشلون سطره
طاحت تون والدمع يجرى
****
بقلم ✍
الشاعره
ام حسين الهلالي
اسالكم الدعاء لي ولوالدّي
🏴🏴. قصيده في هجوم القوم على دار فاطمه الزهراء وسقوط جنينها
الوزن ميمر
كسروا ضلعها ويجري دمعها
لمن غبت يالمختار
بالزهره ماتدري اشصار
تغير وضعها يجري دمعها
.......................................
ماتدري بيها. اشصار. ياواليها
لمن غبت هجمواالكوم اعليها
بالنار حركوا دارها. تاليها
ماتدري بيها. هجموا عليها
جاروا عليها الاصحاب
كسروا ضلعها بالباب
والي فجعها. يجري دمعها
.......................................
ويلاه يمصاب البتول الزهره
بالباب لاذت ويلي ام العتره
كسرو ضلعها بأثر ذيج العصره
وينك يبوها. بعدك ولوها
طاحت على الكاع تنوح
وعالعتبه محسن مطروح
مصابه صدعها ويجري دمعها
.......................................
عالعتبه طاحت والضلع ماذيها
وينج يفضه كومي لحكي عليها
شوفي الجليله شنهو الماذيها
وياضلع الانصاب
من عصره الباب
شوفي الضلع شوفي العين
يافضه شوفي ام حسين
ياهو الدفعها ويجري دمعها
......................................
تغير وضعها وبس تهل دمع العين
وزينب تنادي اشيوجعج يم حسين
كسر الضلع ماذيج منه. تونين
تون الزجيه الونه خفيه
ماتنسه ابد يوم الباب
تون ودمعها سجاب
محد سمعها. يجري دمعها
......................................
بنت النبي الزهره اشكثر مظلومه
عاشت عمرها مقهره. ومهظومه
والباب ماتنسه مصابه ويومه
ماينّسه الباب
ولاغدر الاصحاب
من حركوا اعليها الدار
وصوب صدرها البسمار
وزيد وجعها. يجري دمعها
.......................................
ابجوا على الزهره وعلى مصيبتها
بنت النبي محد حفظ. حرمتها
للموت ظلت بس تهل دمعتها
مصاب الجليله ماكوا مثيله
صابو كلبها صوابين
ومن عدها كسروا ضلعين
ومحسن فجعها. يجري دمعها
........................................
تمت القصيده بعون الله تعالى
الشاعره ام حسين الهلالي✍️
اسالكم الدعاء لي ولوالدّي
لا اجيز شرعا حذف الاسم
المحسن والزهراء عليهم السلام
بعدك لا ماصرت
وضلع امك منكسر
رايدتك من تصير
عكازه عله الكبر
دمك سعره جف وباب محسن
ماتتحمل ذره غياب محسن
مايملك ذاك البسمار رحمه
من دفعو صرت تراب محسن
عله الباب طفل طايح
خذه ضلعه دم سايح
ابطن امه ويعادو
وبعد حلمه مالايح
يامحسن يامولاه يامحسن يامولاه
يلطولك يتضح
وانت كماطك جرح
من شلتك بينت
وجهك مابي ذبح
شلتك دمعة بوسط العين محسن
كونك ميت بيد حسين محسن
ولاذاك اليدفع باب عايش
حته يرد ينزل راس محسن
طحت مني وبجيلك
يمالاحك بجيلك
ردت تكبر وي صباك
واشوفك يرد حيلك
يامحسن يامولاه يامحسن يامولاه
جتالك مادره
بلشايلتك مره
َماتكدر للشكف
تعبانه مخدره
تعبانه اشكف سوط وباب محسن
نابت ضهري بنص بسمار محسن
خوفي عله المحسن جان هايم
سوط يصيح اسمي وصوط محسن
الهجم غيره ما عده
ويگابل علي شحده
الزلم بلوجه تنشاف
وتهل عينك الرمده
يامحسن يامولاه يامحسن يامولاه
ابطني وماخذ درس
مالحك علعرس
مالك حيل الوجع
ضلع امك منترس
ضلع امك دله الباب محسن
شايل دمك حيل عتاب محسن
من بعدك ماكو أطفال طاحت
وانت اسمك هز الكون محسن
ردت شاب اشوفنك
واموت بوسط حضنك
ولااريدك عله الموت
تعود ضلع متنك
يامحسن يامولاه يامحسن يامولا
كرار تحسين الخيكاني
اهازيج بمناسبه تتويج الامام الحجه عجل الله فرجه الشريف
يٱ مھَہّدي يٱ مھَہّدي
يٱ مھَہّدي يٱ مھَہّدي
🌼 ৡ✵ •┈┈┈• ✵ ৡ🌼
فرحت الزهره بأبنها المنتظر
لمثل هذا اليوم چانت تنتظر
تگله اهلا بيك يانور النظر
بمولد التتويج ترى گلبي حظر
يٱ مھَہّدي يٱ مھَہّدي
يٱ مھَہّدي يٱ مھَہّدي
🌼 ৡ✵ •┈┈┈• ✵ ৡ🌼
بيوم تاسع من ربيع الاولي
فرحت الزهره وفرح حيدر علي
اتنصب الحجه على الامه ولي
هلا بابن الحسن حبي واملي
يٱ مھَہّدي يٱ مھَہّدي
يٱ مھَہّدي يٱ مھَہّدي
🌼 ৡ✵ •┈┈┈• ✵ ৡ🌼
سيدي عجل فديتك ياالامام
حتى تحيي دين سيد الانام
تنشر الخير ومحبه والسلام
بعلمك تنورنا وتزيل الظلام
يٱ مھَہّدي يٱ مھَہّدي
يٱ مھَہّدي يٱ مھَہّدي
🌼 ৡ✵ •┈┈┈• ✵ ৡ🌼
كون اشوفك ياحبيبي الغالي
حتى لو بالطيف ياامالي
مايهمني كل حجي عذالي
غير حبك ماسكن دلالي
يٱ مھَہّدي يٱ مھَہّدي
يٱ مھَہّدي يٱ مھَہّدي
🌼 ৡ✵ •┈┈┈• ✵ ৡ🌼
إنه انجنيت بغرامك وبهواك
انته محبوبي وابد مالي سواك
يمتى يايوسف الزهره يرف لواك
كلنه ننتظرك ونتمنى لقاك
يٱ مھَہّدي يٱ مھَہّدي
يٱ مھَہّدي يٱ مھَہّدي
🌼 ৡ✵ •┈┈┈• ✵ ৡ🌼
الشيعي فرحان ويصلي عالرسول
توج الباري ابن فحل الفحول
بحبه جنينه وسلب منه العقول
ندعي من الباري نتامل قبول
يٱ مھَہّدي يٱ مھَہّدي
يٱ مھَہّدي يٱ مھَہّدي
🌼 ৡ✵ •┈┈┈• ✵ ৡ🌼
✍ الخادمه ام زيد الشمري
نسال •اللّـہ القبول
ونسالكم الدعاء بتعجيل فرج مولانا صاحب العصر والزمان عج
حلات الفرحه عندي
بشاره البيها نبدي
•••••••خبر تتويجك يصير
قيادة حب يمهدي
*******
عهد هذا العهد تحچي الضماير
تضوي ادروبنه وتروي المشاعر
الك عطشانه كل هاي المنابر
نريد وياك وانت ويانه حاضر
وصل موعد ربيعي
حلات الزرع شيعي
••••••••فرحنه وخضر الياس
قيادة حب يمهدي
*******
يتاج من السمه محلى البشاره
يخط جبريل بيها اجمل عباره
حبيبي اتوج ابتاج الصداره
هلا وكل الهلا ابراعي الغياره
حلات البسمه بينه
فرح واجب علينه
••••••••يرحمة الله بالكون
قيادة حب يمهدي
*******
تطيب اجروحنه ويلتم شملنه
هلا ابجيتك نصيح ويا املنه
فرحنه وبالفرح شاركنه اهلنه
نسينه ادموعنه ونترك حزنه
نسيم الحب تردد
هلا بشمعة محمد
•••••الك من الله تنصيب
قيادة حب يمهدي
******
نبيع ارواحنه ونهدي الرسايل
بريد الحب نرسله وهذا واصل
حضرنه ابشوگنه وتعله الهلاهل
نريد ابشاره منك يا ابوفاضل
نريد الخبر يحدي
ظهور المهدي يبدي
••••••هلا وكل الهلا انصيح
قيادة حب يمهدي
*******
رسايل شوك نبعث للوديعه
نصيح الله ياحامي الشريعه
شكوك بهالامر وشگد نذيعه
نبغضه الگال خلقتنه الطبيعه
حواس الخمسه تشهد
يظل محبوبي اوحد
•••••••حلات العشك وياك
قيادة حب يمهدي
*******
تمت بعون الله تعالى الشاعر_يوسف_الفتلاوي
🏴🏴. قصيده للامام الحسن العسكري
الوزن موشح
اليوم سامره الحزن عاليها
ابو المهدي شال ومخليها
......................................
اليوم سامره الحزن عنوانها
منفكد عنها شبل عدنانها
تصرخ اعليه شيبها وشبانها
الف وسفه. تروح. ياواليها
...................................
اليوم سامراء ضجت بالعويل
تصرخ اعلى الحيد والمدمع يسيل
للاسف مسموم ابن حامي الدخيل
وشمعته كوم العده امطفيها
.......................................
صبحت سامره هاليوم بحزن
ياحسافه منفكد بيها الحسن
وشيعته لمصيبته تبجي وتون
والمصاب اهواي اثر بيها
.......................................
صبحت سامره وحشه. مكدره
منفكد هاليوم ابن سيد الورى
نعزي المنتظر بمصاب الجرى
والدموع اعلى الولي. نجريها
......................................
انعزي هذا اليوم كلنه المنتظر
ياوسف مفكود. ياخير البشر
شيعتك هاليوم عاليها الخطر
يمته يالمهدي. تجي. تنجيها
.........................................
شيعتك يالمنتظر. ظلموها
شكد غصص ومصايب الجرعوها
بين تعذيب وسجن خلوها
يمته تاخذ ثارك اتصفيها
......................................
تمت بعون الله
✍️ام حسين الهلالي
اسالكم الدعاء لي ولوالدي
لا اجيز شرعا حذف الاسم
الوزن فائزي
اليوم ابو المهدي يلوج والونه خفيه
بسم العدى ممرود جبده ابن الزجيه
〰️〰️〰️〰️〰️〰️〰️〰️〰️
اليوم ابو المهدي بدار غربه يدير عينه
شذنبه يويلي والاعادي سامينه
ياهو يجي هاليوم للوالي ويعينه
وحده عمت عينه يعالج بالمنيه
〰️〰️〰️〰️〰️〰️〰️〰️〰️
اليوم ابو المهدي يلوج ويعالج بسمه
ممرود جبده عمت عيني ابن الايمه
بديار غربه من حضر هاليوم يمه
مسموم من بعد المصايب والاذيه
〰️〰️〰️〰️〰️〰️〰️〰️〰️
ياشيعه ابجوا اعلى الولي وذكروا الجراله
شذنبه يسمونه العده ابن الرساله
ياهو الحضر يمه وياهو التدناله
وحده عمت عيني يلوج ابهالمسيه
〰️〰️〰️〰️〰️〰️〰️〰️〰️
خل تحزن الشيعه على مصابه وغربته
ياويل كلبي كطعوا بالسم جبدته
بالدار مطروح ويون ويجر حسرته
مايدري جده المرتضى حامي الحميه
〰️〰️〰️〰️〰️〰️〰️〰️〰️
ياشيعي هل الدمع هذاليوم منثور
وبعالي صوتك صيح يبن الحسن ماجور
كلبك على الوالي صبح هاليوم مكسور
شايل عمت عيني وبقت داره خليه
〰️〰️〰️〰️〰️〰️〰️〰️〰️
هاليوم شال العسكري واظلمت داره
وعليه تبجي شيعته وتصرخ انصاره
يمته يمهدي تكوم وتطالب بثاره
يمته ترف برايتك عالجعفريه
〰️〰️〰️〰️〰️〰️〰️〰️〰️
نعي مجاريد
اليوم ابو المهدي سامينه
جبده انمرد ويجر ونينه
حاله ضعف ويدير عينه
..................
حاله ضعف ويدير العيون
سموه كوم المايخافون
واهله على مصابه ميدرون
...................
يلوج الامام الليل كله
وعلى مصيبته من يخبر اهله
السم ضاهده وجبده تسله
..................
السم ضاهده وبالكلب جاده
وعلى شيعته يصعب افكاده
مسموم ياراعي العباده
...................
السم ضاهده وذوب جبدته
اويلاه يبو المهدي وغربته
ابنه عليه. تهمل دمعته
..................
ذكروامصابه وابجوااعليه
جور الاعادي اهواي.ماذيه
وابنه على مصابه. نعزيه
..................
اليوم ابو المهدي يفكدونه
وشجان. ذنبه ويسمونه
المهدي بمصابه يعزونه
..................
ويلاه يبو المهدي يمسموم
عليك البواجي واللطم دوم
وهاليوم ركن الدين مهدوم
................
صعبه مصايبكم يساده
والعسكري يصعب افكاده
ومهدوم ياركن العباده
..............
خادمه اهل البيت
✍️ام حسين الهلالي
اسالكم الدعاء لي ولوالدي
لا اجيز شرعا حذف الاسم
عن لسان العقيلة زينب تخاطب
ابيها امير المؤمنين عليه السلام
بعد استشهاد أمها الزهراء عليها السلام
اه يابويه شلون بيه
امي راحت من اديه
وهذا گلبي المنفجع معاشر جفوني الدمع
اه يابويه اه يابويه
★★★★★
اه يبويه راحتي حسره عليه
ريت گبل امي لفت روحي المنيه
ماي عيني غفله. راحت من اديه
امي راحت سلوتي الزهرة الزچيه
ماتردلي طال الغياب
وبحسرتي هلگلب ذاب
مثل ميذوب الشمع معاشرجفوني الدمع
اه يابويه اه يابويه
★★★★★
اه يابويه وحشتي اليوم شكبرها
ياسمه اتراب الارض اصبح گبرها
اثمنطعش يابويه. ماكمل عمرها
راح اعيش ابلوعتي واصبر صبرها
من بعدها شلون ارتاح
خذت مني كل الافراح
بعد كسرات الظلع. معاشر جفوني الدمع
آه يابويه آه يا بويه
★★★★★
اه يابويه چنه مايلتم شملكم
ريت روحي ماتضل لحظه بعدكم
بجنه روحي. تعيش محله أيامي يمكم
ريت عمري فدوه يابويه العمركم
بعد شحمل حسره وفراگ
احزان عمري انطبگن اطباگ
دنيا مابيها نفع معاشر جفوني الدمع
اه يابويه اه يابويه
★★★★★
شفت امي بعيني من كسرواضلعها
صابره على الصار. سلوتها دمعها
الحجر من ونها تصدع من سمعها
وردتك هلبين. يابوبه گطعها
فارگتني ام الاطياب
گبل راسي هلگلب شاب
شفت گلبي المنصدع. معاشر جفوني الدمع
اه يابويه اه يابويه
★★★★★
من بعدها حالي يصعب چنت ادري
من بعدها ينملي شوغات عمري
وگفت الدنيا تشوف شلون يجري
دمعي الماطفه ناري وصار جمري
امي تالي ا نگطع ونها
بيت واصبح خالي منها
الوصل حبله منگطع معاشر جفوني الدمع
اه يابويه اه يابويه
الشاعرحسن لعيبي الحريشاوي
لاستشهاد الزهراء عليها السلام
اكبر جريمة قتل ماتنذكر معقول
الكون منها ارتعد من الحصل مذهول
والارض الها بچت محزونه عرض وطول
تاريخ اسود چذب ماكو جريمه ايگول
محد ضرب فاطمه باب التهم مشيول
ولاظلع عدها انكسر ماكو جسم معلول
ولابيت نار اشتعل لاكو طفل مكتول
واكثر خفايا الكتب بيها الخبر منقول
اباب الزجيه العده تجول العده وتصول
وبعض الكتب زورت لاشاهد ومدلول
عن موتها فاطمه محد طلع مسئول
وتالي الجريمه اصبحت مكتوبه ضد مجهول
الشاعر حسن لعيبي الحريشاوي
لاستشهاد الزهراء عليها السلام
بگلبك كسر أصبح يكرار
ماينجبر بعد الجره وصار
ضلع انكسر عن صدفه لوثار
ولو عن گصد من حرگوا الدار
ولمن نبت بالضلع بسمار
كلهم عزم يلفون الاشرار
يوم أغمدت سيفك البَتَّار
عن النبي من سمعوا أخبار
من گالك. أخفض الفقار
لومالگيت اعوان وانصار
خوفي ترد الناس كُفَّار
زيد الصبر لاتضل محتار
وبيده الأمر ربك الْقَهَّار
الشاعر حسن لعيبي الحريشاوي
لاستشهاد فاطمة الزهراء عليها السلام. (وزن تجليبة )
العين من البواچي والحزن حمره
على مصاب الزچيه الطاهره الحره
★★★★★
زمن غدار هذا الحال من طبعه
مثل حال الاعادي بلوعتچ يسعه
مبتشرين مثله وهمه من ربعه
على الماعنده عثره طلبوا العثره
★★★★★
شلون تنام عيني وتهجر الغربه
وتمر قصة عذابچ يم حسن صعبه
تهز ريح الحزن دلالي وتعذبه
ويهد حيلي شجنها وخاطري اتكسره
★★★★★
نكروا كل جرم وتجاسروا بالرد
وكتب موجوده عن ذاك الجرم تشهد
وعن كسر الضلوع وسطر ذاك الخد
بخد الْقَبْلَّه المختار چم سطره
★★★★★
غدروا بالغدير وشيمة اليغدر
حتماً يدعي وگال النبي يهجر
وحتماً يوج دار وبلضلع يكسر
وحتما مايهمه الدين والعتره
★★★★★
دنيا الحاربتها شكثر مذمومة
كر وفر عليها اتحولت حومه
سهام الماخطن بجروح ملچومه
شگد ظيم ونوايب شافت الزهره
★★★★★
لحد الموت ابچي ومايجف دمعي
على المظلومه ماابطل الحزن وانعي
حسيني الروح دوم وفاطمي طبعي
لحد الموت هذا النوح والحسره
★★★★★
اتفق طبع الزمان وناس خداعه
لهل الطاعه گالوا مابعد طاعه
للغالب الدنيا والقوي اذراعه
الجاري الماي نوگف بلدرب صخره
الشاعر حسن لعيبي الحريشاوي
⚫️عنج غفن⚫️
طور ملا عمار الكناني
يافاطمه يم الحسن
.
.
.
يافاطمه يم الحسن. اعيون النبي عنج غفن
دمعج ولا يبطل بعد. وراحن لياليج الصفن
———
يا طه بس من غمضت. بنتك تره ايطردونها
تسكن بعد دار الحزن. وابوابك ايسدونها
قالوا يأذينه البجي. ويحرقنه جمر اعيونها
بعدك ترى ام الحسن. باحقاد وايلوعونها
يافاطمه غاب القمر ظلمه بعد كل العمر
حيدر علي لاجله يون ابنص الگلب أَشعل جمر
———
يالهادي لو تدري اشجره. وتنظرهم ايشتمونها
بسياط غاليتك تره. اصحابك ايضربونها
ابعتبتها لموه الحطب. بالنار وايشعلونها
ولدارها اتعنوا غصب مقصدهم ايدخلونها
وابلا حجاب ام الحسن. دخلوه غصب ابلا اذن
بباب احتمت تطلب ستر . وهبت اعاصير الحزن
———-
لاذت ورا الباب احتمت. ياويلي بس عصررها
مسمار نِبْتوا بالصدر. واضلوها كسروها
بالباب عصروها ووسف . لاجنينها سقطوها
هذي الوديعه فاطمه. نهر الفرج يدروها
مصحف محمد فاطمه. كوثر يطفي الحاطمه
عگبك تراها يالنبي. دمعتها ظلت ساجمه
———-
ياطه بس انت رحت وصيتك گطعوها
جثتك بگت عالمغتسل. ماهمهم وعافوها
ظلت ثلاثه امدده ولاحنوا ودفنوها
رفضوا ولاية حيدره. وبكل سبل منعوها
رحت وبعد شمسك طفت. وايامك الحلوه جفت
ضگتي المرار اويه الكدر . من والدج عينه غفت
————
✍🏻. نقلتها خادمة العتره
زينب آل جمعة ✨✨
ونسألكم الدعاء لتعجيل الفرج
لاأجيز حذف الأسم
( رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي)
تمت بحمد الله تعالی
بقلم : بنت الشمري
*في فقد الأم*
❤🔥❤🔥❤🔥❤🔥❤🔥
*افراق الوالدة يصعب عليه*
*جرحه بالقلب مثلات چية*
❤🔥❤🔥❤🔥❤🔥❤🔥
*يمه يا الحنونه وين رحتي*
*على فرقاش ما جفت دمعتي*
*ظلمة الدنيا من يوم الرحلتي*
*ترى جمر الفقد ناره سرية*
❤🔥❤🔥❤🔥❤🔥❤🔥
*دارش موحشة ظلمة وكئيبة*
*صعب اعله المحب يفقد حبيبة*
*شيعوض حنانش يالحبيبة*
*شمعة بيتنا ورحتي امن ايديه*
❤🔥❤🔥❤🔥❤🔥❤🔥
*محلا بسمتش محلا حچاياش*
*ويامحلاها يمه القعدة وياش*
*شيصبرني يايمة اعله فرقاش*
*طول العمر هالجمرة لظية*
❤🔥❤🔥❤🔥❤🔥❤🔥
*عنا يالحبيبة وين رحتين*
*حسافة بالقبر يمه تنامين*
*أنا ياليت قبلش أخذني البين*
*عقب عيناش ماريد الدنية*
❤🔥❤🔥❤🔥❤🔥❤🔥
*يا الحضنش دِفا يا الكلش احساس*
*يا أغلى من روحي واعز الناس*
*شلون انسى اللي ربتني يهالناس*
*ليل انهار ودمعاتي جرية*
❤🔥❤🔥❤🔥❤🔥❤🔥
*نسرين الشيخ*
*أم محمد الحداد*
علي ع يتكلم
ماتت زهره روحي
وكثرت بيه جروحي
بدفنتها بذاك اليوم
ردت عونه ردت عونه
يسموني بحامي الجار
محد هد طفه النار
كاسر روحي البسمار
ردت عونه ردت عونه
طحت كلي وي طيحتها
النار بجفها طفتها
انكسر ضهري بعد كلشي
بس لتطيح شيلتها
@@@@@@@@@@@@@&@@@@@@@@@
ماضل شي ما ينجاب
ماتت من دفعه باب
الناس تباوع وتگول
انخطف لونه انخطف لونه
فاگد حنية الكون
ولدي عله امهم يبجون
رايد من عدكم عون
انخطف لونه انخطف لونه
وكف گلبي عله شوفتها
نذر روحي عله عيشتها
طفه حلمي عله بابج
الزهره عازه عازتها
@@@@@@@@@@@@@@@@@@@@@@@
ماتت مدفوعه اباب
وراح الحگها بمحراب
الفاگد من عده احباب
شيسمونه شيسمونه
محسن بويه بكبري
يكبر ويكض ضهري
الميت ابنه ابسمار
شيسمونه شيسمونه
مربط بلوصيه انه
جا ما سرفن ردانه
قدر صار وأشاء الله
علي يحتاج عوانه
@@@@@@@@@@@@@@@@@@@@@@@
حاجيت الزهره بروح
ابنج باجر مذبوح
كعدي وخلينه نروح
عله عيونه عله عيونه
خيمت بزرج تنشاف
باجر زينب تنعاف
باجر ميته النسمات
عله عيونه عله عيونه
خلصت رحلت عمري
بعيني وشايف گبري
من طاحت ام حسين
باجر طايح خدري
كرار تحسين الخيكاني
🏴🏴 فزاعيه للزهراء
لسقوط الزهراء
على طور اويلاه يكربله
اويلاه يم الحسن
🖤🖤🖤
يفاطمه يم الطهر
ماننسه يومج للحشر
ويلاه يضلع المنكسر
مالومه من غدر الزمن
▪️▪️▪️▪️
دفعوا الباب اعليها
وضلوعها امكسريها
ابجوا يشيعه اعليها
ويلاه ياغدر الزمن
▪️▪️▪️▪️
بالباب عصروها العده
الزمره اللعينه الحاقده
يالهادي ماتدري اشسده
ضلعين منها. اتهشمن
▪️▪️▪️▪️
بالنار حركوا دارها
صاب الصدر مسمارها
تبجي عليها ازغارها
اعليها البنات اتناحبن
▪️▪️▪️▪️
هالكوم ماعدهم رحم
عصروها والضلع انهشم
ضلت تلوج امن الالم
اتنوح ومدامعها جرن
▪️▪️▪️▪️
ويلاه يابت النبي
مقهوره ظلت يالولي
وزينب مدامعها تهلي
وياها البنات تناحبن
▪️▪️▪️▪️
هاي الجليله الطاهره
منها الضلوع امكسره
والهادي مايدري اشجرى
غدروها اصحاب الفتن
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
✍️الشاعره ام حسين الهلالي
اسالكم الدعاء لي ولوالدي
لا اجيز شرعا حذف الاسم
موشح حماسي للزهراء
اه يا زهراء اه يا زهراء
عليج ونينه صحته وبجينه
الضلع ماننساه اه يا زهراء
*
اشلون ننسه يالزجيه امصيبتج
عليج دوم اتنوح ظلت شيعتك
كلوبنه ممروده والله لمحنتج
نبجي ونعين العقيله ابنيتج
انوح وياها اونبجي لبجاها
نصيح واويلاه اه يا زهراء
**
عليج يمحسين نجري هالدمع
وابد ماننسه ابد كسر الظلع
وكل موالي اعليج كلبه منفجع
وابد ماننسه يزهره هالوضع
نذكر اولادج تبجي لمصابج
ومحسن اذكرناه اه يا زهراء
**
ابد ماننسه الباب اللي حرقوه
والجنين العلى العتبه سكطوه
وظلعج الطاهر يزهره كسروه
وحيدره مجتوف ياويلي خذوه
امصابج اذانه ابنوح خلانه
بالحزن ننعاه اه يازهراء
*
هاي بضعه طه خلوها تنوح
طايحه عالكاع واهواي الجروح
امكسره ضلعين ودماها تفوح
امن المصاب امنحله وماعدها روح
تبجي وتنادي وتندب الهادي
هالوضع ترضاه اه يازهراء
**
تصرخ الزهره اولا رحموها
مارعوا حرمتها ماهابوها
الباب ياويلي بحقد دفعوها
والزجيه اضلوعها كسروها
سكط محسنها عالترب منها
وسفه وفكدناه اه يازهراء
*
عليج يازهره اشكثر ونينه
والمصابج كلنه اتاذينه
والجرالج ابد ماناسينه
بالقيامه انريدج اتحظرينه
انصيح حضرينه لاتخلينه
للمحب وياه اه يازهراء
****
الشاعره
ام حسين الهلالي
ذكروا امواتنه بسوره الفاتحه مع الصلوات
لا اجيز حذف الاسم
جديد ربيع الأول١٤٤٦هـ
شكايات
الهجوم على دار السيدة الزهراء عليها السلام
بدار الوحي حطّ البلا حاطتنا هجمات
يارب إلك منا إعتلا صوت استغاثات
صب عذابــك عالهجم
وقاد أبونا واجرى دم
ضلع أمنا
ـــــــــــ
الحسن آنه إلك چف هضمي ارتفع
أشـكو فعل الجمع هالجانه اوفزع
بـالحـطــب والنار ما لحظه امتنع
وقوه باب أمنا على الضلع اندفع
اتراب النبي بعده رطب قصدونا لارجاس
وبنته اعصروها وتنتحب ومعصبه الراس
اعليهم إغضب وانتقم
وقـاد أبونا واجرى دم
ضلع أمنا
ـــــــــــ
حسـيـن آنه الحالة أمّه فجعته
شــفـت مـسـمــار بصدرها نبّته
تإن يــسـمـعـهـا ويزيد بضربته
هـالعـدو بخدها طبعها سطرته
صرت أدعي اعليه بقهر شلّت يمينه
خد أمّي مو مالت سطر رحمه علينه
لختشى مـنـهــا وحشم
وقـاد أبونا واجرى دم
ضلع أمنا
ـــــــــــ
محسن آنه بكل جريمه اعليها حس
اللي كــــل حنيه مـــن عدها ألتمس
أمـســت انحيله وتـجـر قوّه النفس
ولـــن بـطنهـا برجله الطاغي رفس
بجنّه چنت لاكن وسف حرقو ايديها
فوق العتب عمري انقصف ومسقطيها
بيّه كـــل شـــي ماسلم
وقـاد أبونا واجرى دم
ضلع أمنا
ـــــــــــ
زينب آنه العاشت بروعه وكمد
صـدّت اعليّه العدا تقول بحقد
والدچ إيـــده رفـــض إلنه يمد
نـقــوده قدامچ ولا يمنعنه حد
وجهي درت صوب السما دموعي أهلها
هاي العصابه المجرمه إهلكها كلها
مـنـهـا لاقــيــنـا الهظم
وقـاد أبونا واجرى دم
ضلع أمنا
ـــــــــــ
اويـاهـا رحنه العلي حمّاي الحمه
يـمـنــا ظـــل قنفذ متنها ايوسّمه
لـــــــك إلـــهـــي بهالرزيّه المؤلمه
صحنه وين الطالب ابدم فاطمه
ماتت شباب املوّعه وامكسره اضلاع
كل الحقوق امضيّعه حتى القبر ضاع
امن الذي الدار اقتحم
وقـاد أبونا واجرى دم
ضلع أمنا
ـــــــــــ
تمت بحمد الله ومنّه
٢٨ صفر ١٤٤٦هـ
نظم خادم السيدة الزهراء عليها السلام
ياسين جواد العبد الرضا
قصيده تحكي قصه عاشق قد ذاب عشقا بسيدي ومولاي الامام الحجه عجل الله فرجه الشريف
المستهل👇👇
يابو صالح جيت نادم
وگلبي بالاشواگ هايم
سيدي طال البُعد
انتظر يمتى ترد
گلبي بالاشواگ هايم ٢
⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱
ارجو منك_تقبل التوبه يعشگي وياهيامي
يابو صالح _جيتك ونادم وعذبني غرامي
امنياتي _لو اشوفك يبن فاطم ياامامي
تدري بيه _عاشگك وابعث الك حبي وسلامي
الليله جمعه وانتظرتك
اتكحل عيوني بنظرتك
ذبل بالفرگه الورد
انتظر يمتى ترد
گلبي بالاشواگ هايم٢
⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱
الليله جمعه_واگف ابابك وگلبي هواي مشتاگ
ولو نظره_تطفي ناري وتدري جمر البُعد حراگ
عذباني_فراگك وماينحمل مولاي الفراگ
يمتى تظهر_يسأل گليبي عليك ودمعي دفاگ
نظره منك ياامامي
ياامل عشگي وغرامي
احسب ايام اعد
انتظر يمتى ترد
گلبي بالاشواگ هايم٢
⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱
الك شوگي _شوگ كل گطره مطر لرض الصحاري
كون يمك_وبذني اسمع تطلب ابثارك وثاري
ثار جدك _وثار ايتامه ألي هامت بالبراري
يبن فاطم _رايدك يوم الحساب تكون جاري
وانتظر منك عطيه
يبن مولاتي الزچيه
گلبي بالهم ينمرد
انتظر يمتى ترد
گلبي بالاشواگ هايم ٢
⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱
بكل زياره_للحسين اقره العهد وادعي لظهورك
تبقى عندي_امنيه يالمهدي اشوفن مره نورك
لو يغالي_امسح تراب الجدم واشتم عطورك
الفرج يمتى_وتسر گلب الشيعه يالحجه بحضورك
جيت مشتاگ لوجودك
يلي ماتنحد حدودك
بنظره منك انسعد
انتظر يمتى ترد
گلبي بالاشواگ هايم ٢
⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱
✍ الخادمه ام زيد الشمري
نسال •اللّـہ القبول
ونسالكم الدعاء بتعجيل فرج مولانا صاحب العصر والزمان عج
قصيده لتتويج الامام الحجه عج…
اليوم افراح وأماني …… للولي انقدم تهاني
ابيوم تتويجه فرحنه
ازهـر ونـور صبـــحنه
للولي انقدم تهاني
"""""""""""'
اليوم عيــد وفرحه مرت بيــنه
اليوم يوسف فاطمه امتوجينه
انبـارك الحــــيدر علي وهادينه
وكلنه نفرح وي فرح مهــــدينه
انشارك الفرحه سويه …… وي علي اوي الزچيه
نفرح وننسه جرحنه
ازهر ونـور صبــحنه
للولي انقدم تهاني
"""""""""""""
باقـت اورود وشـمع جبناله
ومحـفل ابتتويجه سويناله
غالــي وبيات الشعر تحلاله
ابكل مقام وكل وزن نقراله
اليوم نشفنه المدامع …… وزينه علگنه الجوامع
يحله للمهدي شعرنه
ازهـر ونــور صبحنه
للولي انقدم تهاني
""""""""''''''''"
المهدي محبوبي وصرت مجنونه
دايــخ ابحسنه وجمـــال اعيـونه
بأســـمه اذوبن لمن ايذكــــــرونه
الشيعه دكتــــــور الهوه ايسمونه
بالگلب ثابت مكانه …… هوه حبنه ومبتغانه
نفخر بهذا عشگنه
ازهر ونور صبحنه
للولي انقدم تهاني
""""""""""""""
بينه عايش ما نحس بغيابه
وبوجه خطـاره ما سـد بابه
المهدي مايتخله عن احبابه
اسمه بلسم للشديد اصوابه
ابكل وكت مهدينه حاظر …… لچن متشوقه النواظر
بالگلب شفناه احنه
ازهر ونور صبـحنه
للولي انقدم تهاني
"""""""""""""""
نضحــــك انريد ونعلگ زيــنه
انريد ننسه اجروحنه التاذينه
كافي مـــن ثوب الحزن ملينه
هل فرح صــار اشكثر ناسينه
اليوم حاطتنه السعاده …… وكل محب بدل سواده
حب ابوصالح جمعنه
ازهر ونور صبــــحنه
للولي انقدم تهاني
""""""'''''''"''
الخادم
كامل السعيدي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
🏴🏴 قصيده نخوه للامام الحسن العسكري
الوزن نصف بحر طويل
ننخه العسكري هاليوم
للشيعه ينجيها
.......................................
انخه العسكري المظلوم
يقضي حاجتي. هاليوم
بحرمه جبده المسموم
والعله يداويها
.......................................
منك نطلب الحاجات
وانته التحضر الشدات
الك شارات معروفات
والعالم شهد بيها
......................................
وكفاتك تشيل الراس
تشهدلك جميع الناس
وانته صاحب النوماس
والحاجات تقضيها
......................................
نترجاك مولانه
علينه جارت اعدانه
نريدك تحضر ويانه
والشيعه تحاميها
.....................................
نريد الفرج للوالي
بجيته ويسر دلالي
ويرفع راسنه عالي
الدنيا بعدله يمليها
.......................................
قسط وعدل يملي الكون
يفرح كل كلب محزون
وكل عدوانه يذلون
والدنيا يصفيها
......................................
تمت بحمد الله
خادمه اهل البيت ✍️
ام حسين الهلالي
اسالكم الدعاء لي ولوالدّي
لا اجيز شرعا حذف الاسم
🏴🏴. قصيده للامام الحسن العسكري
الوزن تجليبه (مربعه)
نعزي المنتظر بمصاب والينه
بديار. الغريبه غمضت عينه
.......................................
نعزي المنتظر عالوالي هالليله
مسموم وكضه والسم ضهد حيله
صرخت شيعته والمدمع تسيله
ومصابه تنادي يصعب اعلينه
.......................................
نعزي المنتظر والدمعه هماله
كلنه نصيح اياالعسكري وحاله
بديار الغرب ماحاضره اعياله
لمصابه وغربته اهواي ونينه
.......................................
نعزي المنتظر هالليله بمصابه
ينوح اعلى الابو والدمعه سجابه
ويانار الكلب هالليله لهابه
عالمسموم تسعر كل وكت. بينه
.....................................
يامسموم نارك بالكلب تسعر
ماننسه مصابك دوم نتحسر
شذنبك يبو المهدي وجبدك اتفطر
بديار الغرب سموك يالعينه
.......................................
ماهابوا الباري هالعده وظلموك
وبديار الغريبه سيدي سموك
تون وتلوج وحدك بالنزل خلوك
غريب بداره ويلي غمضت عينه
.......................................
نعزي المنتظر بدموع نثاره
يمته تكوم تاخذ سيدي بثاره
وسط اكلوبنه ماتنطفي ناره
يمته تكوم وتفكنه امن اعادينه
.......................................
تمت القصيده بحمد الله
شاعره اهل البيت✍️
ام حسين الهلالي
اسالكم الدعاء لي ولوالدّي
لا اجيز شرعا حذف الاسم