7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
كسرو ضلعي — صبرت
حرقو بيتي — صبرت
بان بعيني احمرار
غصبو حقي — صبرت
..........…........
كلشي صار البيه سهله ولله سلمت الأمر
سهله طاح المحسن ابني منجتل من العصر
اتحملت رجعو عليه وسوو الماينذكر
بس علي مجتوف اشوفه هنانه ماينفع صبر
ردت ادعي وحيدر حاجاني
باساني بكصتي ورداني
من شاف عيوني ودمعاتي
ظل يبجي اكبالي وبجاني
كسرا قلبي — علي
يبكي قهرا — علي
ينظر وضعي حزين
ماذا يفعل — علي
.....................
ابجي مو قصة مريضه ولا وجع ضلعي السبب
صرت دمعه بعين حيدر من عمت عيني انكب
جنت واهس كل ضحكته يشوفني يروح التعب
هسه بس يصد عليه يكعد اكبالي ونحب
خلص عمره مكابل عيني
ويكلي فراكج ياذيني
هسه شما نشده يحاجيني
وضعج يالزهره يبجيني
يبكي حزنا — يقول
من لي اُنسآ — يقول
بيتي قبرآ يصير
بعدي يحكي — يقول
...........….
شما تصد عيني اعله ولدي يلجم ضلوعي الهوه
كسر كلبي حسين اجاني يكلي خل نكعد سوه
فكي عينج يمه ليه أن شاء الله نحصل دوه
يمه من كعدة حنانج ما شبع كلبي وروه
يحب رجليني ويكسر خاطر
فكدج يشبه يوم العاشر
راح ابقه الوحدي بلا ناصر
جن صدري اعليه دايس حافر
اقرح جفني ... حسين
زيد كربي ... حسين
يبكي حزنا يقول
صرت يتيمآ ... حسين
................
ليش كبري بلايه حضره ولالي كبه ولا ضريح
كل محرم امشي وانعه الكربله اوكف واطيح
احسد حسين اعله ربعه والمواكب من تصيح
يا لثارات العقيله ويا لثارات الذبيح
يطلع كبري بگبه ورايه
وتتعنه اعليه المشايه
ملايه تحشم ملايه
بصحن الزهره نسوي قرايه
قبري يظهر ... قريب
ولدي يثأر .... قريب
سوف يقوم العزاء
داخل صحني .... قريب
................
الخادم موسى البطلي
مجالس فاطمه .... تحبهه اهل السمه
تحبهه اهل السمه .... مجالس فاطمه
......
رابح البيهه حضر هاي المجالس
اعليهه حتى الأنبياء صارت تنافس
والملائك تكَصدلهه كالنوارس
والمنابر تشهد ابهاي القضيه
.....
هل مجالس نعمة الله ومن حضرهه
ما تمس النار عينه ولا تضرهه
جنة الله اتصير اله دار بكبرهه
ياهو اليحصل مثل هاي الهديه
....
كل حوائج ما تظل ابهل مئاتم
كلهه توكع بيد امنه الزهره فاطم
الف هنيالك يمن عالصدر لاطِم
هل وسام يصير الك اعظم هويه
.....
فاتحت ام الحسن ألهه اهلهه
موش ياهو الجان يكَدر يوصلهه
بس التحبه الزجيه يحضرلهه
ويا كبر حضه العلي ترضى الزجيه
......
باجر ابسجل الزجيه ايشوفه اسمه
كل شخص محروك لم حسين دمه
وبكثر دمعاته الهه وكثر لطمه
أجره ياخذ اي وحق حامي الحميه
......
✍️ كلمات موسى الخادم
صيحه بالحق ترتفع .. يافاطمه
مانساوم عالضلع . . يافاطمه
......
ثارج امربع نرده باجر اويه القائم
خل يعادينه اليعادي وخل يلوم الايم
حصرًا ابهاي القضية النه موقف حاسم
نصلب اعله الشجره كلمن داس بيتج فاطم
نشلع اعيونه شلع .... يافاطمه
مانساوم عالظلع ... يافاطمه
......
ما نجامل بالقضية لا نساوم واحد
هالقضية اضلوع بيها امكسرات انشاهد
لاخر الانفاس بينه يالزجية انعاهد
دمج ابركبتنه دين انجيبه من كل حاقد
مانعوفه ابأي وضع ... يافاطمه
......
حقنه ما نتخله عنه نعتنيه اعناية
حجاية كلناهه بعزائج واحنه كد لحجاية
الدنيا نكلبهه اعلمودج راية تتبع راية
احنه تربات ابو فاضل سيد الوفاية
بينه زارع هالطبع ... يا فاطمه
.......
قصة البسمار عشنه امن الزغر وياهه
جيل جيل انوصي صرنه حتى ما ننساهه
اللعين الحرك بابج كبله من سواهه
هاية اول جمله نكتبها الطفل اليقراهه
سيدة كل الجمع ... يا فاطمه
......
والنكر طيحت جنينج والظلع والعصره
منة متبرين لاخر نفس عدنه انجره
بالقيامه اول قضيه تنرفع يالزهره
على شيخين الرذيله المارعوهه العشره
محكمة حق ترفع ... يا فاطمه
......
يالزجية افداج كلنه من الشبل للشايب
بس تأشرين بيمينج صاحب يجر صاحب
جنود تحت امرج يزهره وتحت امر الغايب
سمعاً وطاعه ننادي للظهور انراقب
نورة يا ساعه اليشع ... يا فاطمه
.......
الكلمات
موسى الخادم
شور
مدد مدد يافاطمة مدد مدد يافاطمة
....................
عينيني يزهره اعله الطم والحركه والونه
رايد الله يقسملي بعزائج ضلعي اكسرنه
عهد مني مصابج ما اعوفه وابتعد عنه
بيت احزان اريدنه اعله كدي بگلبي اشيلنه
يازهراء ارزقيني
اضيع خنصر ايميني
واعمي من البجي عيني
والطم صدري لحسيني
مدد مدد يافاطمه مدد مدد يافاطمه
......................
بابج يندفع يم الحسن صعبه ويحركونه
والاصعب عليّ من اسمع بخدج يصفعونه
شذنبج والمتن ازرك صبح من اليضربونه
والمحسن يزهره قررو لازم يذبحونه
من عندج على الغبره
طاح وماسلم عمره
ضل الينسحن صدره
بخيول العده العشره
مدد مدد يافاطمه مدد مدد يافاطمه
......................
يالصحتي اعله فضه وكلمتج يافضه اسنديني
ماشوف الدرب دم الجفن صار بوسط عيني
الحكيلي يفضه من الالم للحجره وديني
عصرتهم منيه وطفو بعيني ضوه اسنيني
ما احمل بعد اكثر
مكسوره ولا اكدر
گلبي بحزنه يتفطر
اريد الموتي اتحضر
مدد مدد يافاطمه مدد مدد يافاطمه
......................
ودعتي الاهل يافاطمه وحيل انكسر بعلج
حيدر ضل يصب ماي النواضر مو دمع لجلج
صرتي جنازه بس عالمرتضه كلش صعب حَملج
لو شالج يحير بمشيته وللحفره شينزلج
اليدفن بيده ام بيته
يعني وياهه عافيته
يوكر شيبه بلحيته
انتي الحيدر امنيته
مدد مدد يافاطمه مدد مدد يافاطمه
.....................
من بعد الدفن رد حيدره وجسمه بلا روحه
ماخطرت على باله زهرته بحفره مطروحه
طب بيته ولكه زينب عليج هوايه مجروحه
وعيالج يزهره تعذبو والدمعه مسفوحه
ضلت زينب بحسره
وحيدر منكسر ضهره
وحسين وحسن عبره
وسط اصدورهم جمره
مدد مدد يافاطمه مدد مدد يافاطمه
محمد هادي العقابي
محتار محتار
يالزهره وحياتچ والله محتار
للدار للدار
يم گبرچ اضلن ارد للـــــــــدار
منچ صوت اسمع ضل يبو حسين
مدري ارجع الزينب فزت الحيـن
محتار محتار
،،،،،،،،،،،
الزهره ياروحي وحياتــي
شوفتچ لذة صلاتــــــــي
سارح بعالم خيالـــي
فارگت شمعة دلالـي
اجيلچ جيت المكســــــور دلاله
اتوجه اعله جرحي وعيني همـاله
يم الخير والله الفرگه چتالــــــه
چن ديوان عمري وفاگد دلالــــه
بالروح بالروح
ضلت تستعر يافاطمه النار
للدار للدار
يم گبرچ اضلن ارد للــدار
،،،،،،،،،،،،،،،،
صافن بشفتي كلامـي
وفارگ عيوني منامي
والسهر عاشرني عشره
شما غفيت ايگلي زهـره
ماخليت راسي فوگ الوسـاده
ونتي بالگبر ياجدت الــــساده
حيدر صار ام اوابو لـــــولاده
ذكرچ ضل مدامع ياخذ مــراده
تذكار تذكار
كل رمشت جفن يلچمني تذكار
للدار للدار
يم گبرچ اضلن ارد للـــــدار
،،،،،،،،،،،،،،،،
تسجد بعيني الـــمدامع
شما على المسمار اباوع
احچي وياه بحـــــــــراره
منين اجتّك هل جســـاره
يگلي ياعلي كل ذنب مابــيه
هوه الضالم بحقده انتجه عليه
موسهله الزجيه اطيح مدميـه
لومصنوع مو مسمار ترچــيه
ياريت ياريت
ترچيه صرت ماصرت مسمار
للدار للدار
يم گبرچ اضلن ارد للــــــدار
،،،،،،،،،،،،،،،،،،
يحچي وي الباب حيدر
گله انه اقلعت خـــيبــــر
صرت قالع باب روحـــــي
ونته والد كل جروحـــي
يالتارك بگلبي جروح تتـــجاره
يالكاسر ضلع فاطمه ابمسماره
شمالك ماوگفت بشنّت الغــاره
المثلي مايحطك توگف ابـــداره
ياباب ياباب
تدري انته بولد بنت النبي زغار
للدار للدار
يم گبوچ اضلن ارد للـــــــدار
،،،،،،،،،،،،،،،،
حيدر بكل كلمه يبچي
ويه بيت الحزن يحچي
انته سامع كل حچيها
شچانت تگول ابچـيها
جانت بيك تحچي ويه باريــها
يابيت الضلع لو خدها ياذيــها
تجيب وياها زينب تنتجي عليها
لابد بيت حافض من نواعيـــها
يادار يادار
شيدتك بچفي للحزن دار
للدار للدار
يم گبرچ اضلن ارد للدار
،،،،،،،،،،،،،،
بالحد روحي ادفنتــــها
وبالمدامع ودعـــــــتها
شلون اعيش بلايه روحي
الچانت اتعالج جـــروحي
زهره وبت نبي والعافيه بچـفها
جروحي اطيب لمن اگعد بصفـها
ام بيتي وعزوتي بيش اوصفــها
بس الله ورسوله واني نعرفهــا
اسرار اسرار
ياسر الوجود بروچ اسرار
للدار للدار
يم گبرچ اضلن ارد للــدار
،،،،،،،،،،،،،،،،،
لخادم الزهراء ع
محمد الفهداوي
الفاطمیه
لحن حیدر حیدر _ محمود کریمی
زهرا زهرا متعوبه من العصره
زهرا زهرا حیدر محنی ظهره
زهرا زهرا زیـنـب الـوحــدهـه
زهرا زهرا ضلت تبچی ابعبره
➖➖➖➖➖
اخلاف ام بیتی کل عمری مایسوه
الـمــن عـایـش بـعـد مـاکــو امـروه
مـخـنـوگ آنـی و ابـد مـشتـم هـوه
اعـلــه رجـلـی گـمـّـت اوگــف گـوه
زهرا زهرا لیـش تـغیر لـونچ
زهرا زهرا یـعافـیتی شلونچ
زهرا زهرا انتی شمـعة بیتی
زهرا زهرا ولیـداتی ینـعونچ
➖➖➖➖➖
وعـیـونـچ حــیـلی راح و مـابیـه
ریـت ابـدالـچ اعـیـونی مــعـمـیه
عـایــش الـمـن و دنـیــه مگـضیه
رحـتی بـدرب بـعـّد مـابـی جــیه
زهرا زهرا المـن احـچی ونی
زهرا زهرا کَسَر ظهری حزنی
زهرا زهرا انـادی اعـیـنـونـی
زهرا زهرا مـیـت یـمـچ ابنی
➖➖➖➖➖
فـرگتـچ والله صـعبـه مـو سـهله
انتی الچنتی شمعة بیتی و ضله
حـزن افـراگـچ یـازهــرا اشـخـله
عبـرة صـدری صـارت بگلبی عله
زهرا زهرا ابچی و انحب سکته
زهرا زهرا یــمـچ مــوتــی ردتــه
زهرا زهرا امــصـابـچ شــیـبـنـی
زهرا زهرا الـحـسـن تـعـله ونـتـه
➖➖➖➖➖
دمـعـة زیـنـب یازهـره تهـضمنی
تنـادی بـویـه لـیـمـته تـرجع امی
لاتــتـرکــنــی اگــعــد بـابـا یـمـی
ابهـالحـظـه ریـت الـگاع تضمنی
زهرا زهرا بعـدچ انهدم حیلی
زهرا زهرا وحشه بدونچ لیلی
زهرا زهرا احـسـیـن عـایـفـته
زهرا زهرا یادمـعـاتـی سـیـلی
➖➖➖➖➖
✍🏻. نقلتها خادمة العتره
زينب آل جمعة ✨✨
ونسألكم الدعاء لتعجيل الفرج
لاأجيز حذف الأسم
( رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي)
کلمات خادم الزهراء :
محمد الحایی
https://youtu.be/mrlHt13tM3g?si=-578hO_5837xpK6X
نعي فائزي للزهراء ع
دفعو الباب اعله الصدر كسرو ضلوعي
وينك يبو القاسم كلت نشف دموعي
تاخذني بويه اعله الحظن وتهدي روعي
يسطر الخد بيمنته ويكلي لوعي
الشاعره ام علي البابلي
━━━━▣◤◢▣━━━━
سكط جنيني يالابو وعيوني تهمي
ولوعة المحسن من وكع زيدت همي
بس المصايب والهظم والنوح سهمي
من روحتك سيد البشر يادنيا رحمي
الشاعره ام علي البابلي
━━━━▣◤◢▣━━━━
من روحتك يابوي شفت المصايب
كسروا ضلوعلي يالنبي ودمعي سجايب
ارد اشتكيلك من ظلمهم وانت غايب
بس ماغفت عينك شفت منهم عجايب
الشاعره ام مرتضى الخفاجيه
━━━━▣◤◢▣━━━━
تجاسروا يابويه العده وهجموا على الدار
وكسٌرو باب البيت بويه وشعلوا النار
مادري اصيحن يالنبي مدري ياكرار
وليه ولوني من بعد عينك يامختار
الشاعره ام مرتضى الخفاجيه
━━━━▣◤◢▣━━━━
ومن البجي اهل الرده بويه منعوني
زهرة شبابي ياخلك منها حرموني
بس البجي والنوح.هل ذبل عيوني
محروك كلبي اعله الولد بويه خلوني
الشاعره ام علي البابلي
━━━━▣◤◢▣━━━━
وليه ولوني ولاستحوا من سيد الاكوان
هجموا على بيت النبوه ووحي القران
ريتك تجي وتشوف حالي ودمعي غدران
بره المدينه انعاك بويه ابيت الاحزان
الشاعره ام مرتضى الخفاجيه
━━━━▣◤◢▣━━━━
✍🏻. نقلتها خادمة العتره
زينب آل جمعة ✨✨
ونسألكم الدعاء لتعجيل الفرج
لاأجيز حذف الأسم
( رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي)
تمت بعون الله تعالى باقلام الشاعرات
ام علي البابلي
ام مرتضى الخفاجيه
لانجيز شرعا حذف الاسماء
او التلاعب بالنعي
احچيلي بشعورك يوم حرگ الباب
يا كافل الزهرة وهازم الأحزاب
١ / سمعنا اهواي عن قصة هجوم الدار
لطمة عين، صدر متمزّگ ببسمار
رجال أجناب ما گام الهم الكرار
ونذل جرّ الإمامة يا وسف بگراب
٢ / يالشاهدت حُرتك بين ضرب ونار
وگلت استضعفوني الناس يا كرار
عليك ضلوع فاطم، اشرحلنا اشصار
ذابت روحنا ومنك نريد جواب
٣ / جاوب حيدر وجفنه بدمع دم هل
شلون أحچي بشعوري ومنهو يتحمل
المصيبة عنها يعجز كل نبي ومرسل
دمع عرش الإله عليها ظل سچاب
٤ / هتكَوا حرمة الله ودخلَوا لداري
وعصرَوا كل حياتي ببابي وجداري
ونّت وٍسمَعِتْها وگلبي شب ناري
وراحت روحي وي محسن على الأعتاب
٥ / گادوني ونِظرت الزهرة مرميّه
مكسورة ضلع، ملطومة، مدميّه
درت عيني وخفتها تعاين عليّه
منها مستحي، بداري صدرها انعاب
٦ / ما صاحتلي خافت گلبي تلِچمه
تدريهِ لأجلها غارگ بهمّه
لذلك طِلعَت ونادت يهالأمه
خلّوا عن علي لو أرفعن لِحجاب
٧ / لفوها وحاصروها اجتمعوا عليها
غريبة وتِدفع الظلاّم بيديها
رجَعِت إلها وشفتها وگلبي حنّ ليها
اسأَلِتها شلون حالچ من عگب لِمصاب
٨ / گالت حالي من حالك يبعد العين
اذا بخير انت، آنا بخير يابو حسين
تحاچيني وتغطي العين بالچفين
تخاف انظرها حمره بسطرة الخطاب
٩ / وبساعة غسلها عليّه قلّ صبري
جست بيدي ضلعها واختلف أمري
اهنا جاز الجزع، ريت انقطع عمري
وْلَاشوف اسود متنها مِنّ اثر لِصواب
١٠ / ادفنتها والگبر گتله يداريها
وصّيته بضلوع اللي مهشميها
بهيدة وراح ما تتحمّل أدريها
زهرة عمري ترست للمصاب كتاب
*عبد المرتضى*
*هوسات جنوبية للزهراء ع*
*من ديوان 📚 عبرات وانين في رثاء الطاهرين الجزء الاول خاص بالزهراء*
❥━──➸➽❥❂❥━──➸➽❥❂
ريض بامي ياجناز خل اتوادع وياها
هاي ام كلمه الحلوه وروحي تريد ملگاها
تراني امعلمه اعليها وما اگدر بلياها
لتشيل بنعشها …… يمي خليها
روحي تريدها وامعلمه عليها
خافن لوخذتها ماترد بيها
بالمظلم تنام وترب يغطيها
ولوراحت بعد مترد والاگيها
*((يدفنوها//بالمظلم امي))*
❥━──➸➽❥❂❥━──➸➽❥❂
راحت ماترد اردود خلتني اجر ونه
واصيح بصوت يايمه وجهچ وين اشوفنه
غطاچ الترب ياحيف متردين بعد النه
شيعودچ بعد …… والنه تردين
وسفه باللحد يمه تنامين
يالطيبه العزيزه ام گلب الحنين
خليتي بنيتيج تهمل العين
يايمه بعد نلگاچ چاوين
*((ياوجه الزهره//مظيعينه))*
❥━──➸➽❥❂❥━──➸➽❥❂
اجيت بلهفتي لدارچ واگل للدار حاچيني
وين الچانت هنانه امس يمي وتباريني
شتاگيت الحضن امي وحچاياها التسليني
يادار الحنينه .......… ردي اعليه
وين امي مشت ماعودت ليه
لفرگاها تراني حيل مابيه
خلتني نحيله وبالمهظميه
ترجعلي بعد لومالها جيه
*((عفتيني//للنوح وللون))*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
#قصائد_النعي_الشعبي
#رقم_48
حوار زينب والعباس (عليهما السلام) حول ما جرى على الزهراء (عليها السلام)
الشاعر .............
كبر عباس عالزهراء يتألم
اوتسولفله العقيله البيه ما يعلم
أسولفلك يخويه هجمت الأصحاب
شبّو نار كسرو ظلع دفعو باب
چم امصاب مر عالزهره چم امصاب
چم امصاب منّه العين تطفح دم
أسولفلك يخويه ابعيني شفت اشصار
شبو نار حول الدار بس يا نار
نار الخلت البسمار كلش حار
يعني الضلع خويه اتچوه واتهشم
يخويه الماله غيره ابراية صار ايفوت
دفع باب الزچيه اعليها حد الموت
طگ ظلع امي وآنا اللي سمعت الصوت
حد ما موت گلبي اعليه يتولم
يتولم عليه او عالوصي المعروف
للمسجد خذوه امگيد اومجتوف
أبد مو عن ضعف يا خويه لاعن خوف
عن صولات حيدر يا هو ما يعلم
ابوي اللي يرد الشمس من غَيبه
ابوي اللي يحامي الدين ترتيبه
لاچن بالوصيه انجتف تدريبه
راد الدين يا عباس بس يسلم
*د
بگيت ابحيرة يا عباس وابهمي
أصد حيدر واصد عالگاع دم امي
من طلعت تنادي خلّو بن عمي
إذا أدعي عليكم ربي ما يرحم
من سمعو يخويه منها هالچلمه
رد ليها العبد وازلامه ملتمه
تولوها ابفرد شتمه اوفرد لطمه
اوعار عله الزلم عالحرمه من تلتم
مراثي الأطهار عليهم السلام
هضموني صحت يا بويه الاصحاب
دارو بالحطـــب مــن صـار الغيــاب
×××××××××××
لروح لوالدي واشكيله بالصار
و اسولفله جمر بسمار وي نار
علينه اتكالبت يا بويه الاقدار
وبعده ما نشف لِهسه الِتراب
×××××××××××
يبو ابراهيم بعدك ما هِدينه
أبنيتك بالهضم صارت حَزينه
الباب الچان يندگ من تجينه
بألم ضلعي أگلك حرگو الباب
×××××××××××
يبويه وحيدر المكسور ظهره
من هاي الوصيه خاضع امره
عليمن يتكل والنــاس هَجره
ما حِسبو بعد تاليها الحساب
×××××××××××
كل هذا الجره بعيوني مو سهله
وي كسر الضلع ما تهده هالعِله
وسياطه النذل علـ العضد خَله
جملد والاثر يلچمني الصواب
×××××××××××
دمعة زلمه لو طاحت هَضيمه
وغيره والصبر جانت عظيمه
ومن غمد الفقار أسمع ظليمه
اثنين اتشابهن وبنفس الاسباب
×××××××××××
لگعد يمـك واحچيلك أونيــن
لليجره بعد عيني عله حسين
تندار الزلم كـــل كتر صوبيـن
واليحرگلي بابي يحرگ اطناب
×××××××××××
عمار التميمي
[ *يم الحسن يا فاطمة الشهيدة*
*واقف على بابك واهل دموعي*
*انصب عزا والطم على ضلوعي*
*يا قبلتي ويا سجدتي وركوعي*
*يا زهرة الله ودرته الفريدة*
*يم الحسن يا فاطمة الشهيدة*]
🏴🏴🏴🏴🏴
المقطع الأول مقتبس
[لخادم الامام الحسين ع الملا محمد بوجبارة] 🎤
〰️〰️〰️〰️〰️〰️
حاير وٱجيت ارفع إلك إديـّه
عندي طلب يالشافعة وعطيه
بنظـرة رحيمة تحنّنّي عليّه
ٱقُبْليني خادم هذا الّي أريده
*يم الحسن يا فاطمة الشهيدة*
〰️〰️〰️〰️〰️〰️
أقسم بحق حُسينك ومصابه
سجليني زاير عتبته اوترابه
خادم اكون بخدمته وعا بابه
اقسم عليك بذبحته بوريده
*يم الحسن يا فاطمة الشهيدة*
〰️〰️〰️〰️〰️〰️
اقسم وحق جنينك ومصابه
ٱحضري بقبري وشدتي وعذابه
تنجيني من أهواله من عقابه
وظلمة ضريحي ووحشتي
الوحيده
*يم الحسن يا فاطمة الشهيدة*
〰️〰️〰️〰️〰️
انت الشفيعة لتنظر بكتابي
تسهّل عليّ في كل عسر حسابي
عند الصراط تسبيحتك ثوابي
بكل موقف انت الشافعة الفريدة
〰️〰️〰️〰️〰️
خليها عينك عالخدم يا فاطم
اختمي جبينه واللقب كا خادم
حبك نجاة ورحمة للعوالم
وبهالجمع باسمك نصيح ونعيده
*يم الحسن يا فاطمة الشهيدة*
〰️〰️〰️〰️〰️
أختم عزائي بدمعتي اقبليها
واطلب ببابچ حاجتي انظريها
وقعي بنظرة والصحيفة اختميها
رايد رضاكم خاتمة سعيدة
*يم الحسن يا فاطمة الشهيدة*
〰️〰️〰️〰️〰️〰️
باسم ابو صالح ندبتي ورثائي
ندعي الفرج بْدم الحسين ندائي
يشيّد ضريح الفاطمة رجائي
يا رب فرّج كربته الشديدة
خادمة آل محمد ✍🏻
https://youtube.com/shorts/ORdOi8bVXXw?feature=share
نزله للزهراء عليها السلام
تحضر بيوم الضمه
فاطمه يافاطمه
.........................
تلتقط كل محب الهه من الخلگ يوم الحشر
مثل طير وماتخليه بالقيامه ينتظر
چان بالمجلس يعزي گلبه بالهم يستعر
ينول منعدهه جزاءه الجنه بيهه يستقر
ما يشوف المظلمه
فاطمه يافاطمه
................................... 1
بنت نبي الرحمه محمد ماتعوفك بالحساب
توگف وياك الزجيه مايمرك كل عذاب
ياللي تحضر بالمجالس وألهه تندب بالمصاب
هناك تشفعلك يشيعي تحصل الأجر وثواب
منهه تاخذ مكرمه
فاطمه يافاطمه
......................................... 2
اخدم بأخلاص نيه للزجيه الطاهره
اذكر بلوعه حزنهه والضلوع مكسره
مرت عليهه المآسي من بعد خير الوره
ألطم الليله يشيعي صيح ويلي للجره
بالحزن متألمه
فاطمه يافاطمه
.......................................... 3
نهمل دموع الرزيه وننعه يابنت الرسول
ابد ماننسه مصابچ صحنه ياثار البتول
كلهه تنصبلچ عزيه واليلوم شما يكول
باقي للمحشر عزانه والعمر مهما يطول
بصوت واحد للسمه
فاطمه يافاطمه
.......................................... 4
واسي حيدر يالموالي مصاب فاطم
بالدمع
ينحب بحسره لفگدهه گلبه اصبح منفجع
والله مهضوم وينادي آه ياكسر الضلع
صعبه هالليله المصيبه شنهو حاله بهالوضع
يبچي الليله دمه
فاطمه يافاطمه
........................................ 5
صبت عليچ المصايب بعد طاه المصطفى
والصحابه مارعوچ بساعة الهادي غفه
ياأسف والله وندامه بس حقد منهم صفه
مرض بيهم وي جهاله ابد ما ألهم شفه
بالأسم بس مسلمه
فاطمه يافاطمه
......................................... 6
خادمكم مالك السعيدي
ويلي عالزهره المظلومه
عاشت وماتت مهضومه
.....................
على المظلومه نبجي ونلطم بحسره
ظل على الوجه مطبوع أثر سطره
خاطرهه أنكسر وأضلوع منكسره
أباب الدار نار الحقد مضرومه
...........................
ليالي فاطمه كل ليله نحييهه
بدموع الحزن نحضر لياليهه
نلطم عالصدر والهامه ندميهه
تظل بكل عزه الهامات مدمومه
.........................
لحد يوم المنيه دموعنه عللخد
تسعر بالكلب نارج فلا تبرد
نلطم عالزجيه ونلبس الأسود
جروح كلوبنه بفركاج ملجومه
...........................
هنياله اليموت ودمعته بعينه
يخلص بالمجالس عمره وسنينه
خادم فاطمه وخادم لأبو سكينه
مثل عابس بيوم الشكك هدومه
.............................
ندك عالراس حيل ونطبر الهامه
وأنواسي علي المحتار بيتامه
وحسين وحسن يبجون كدامه
منالأم زينب بهاليوم محرومه
............................
باجر نبني حضره ونكصد نزورج
مناره وكبه منهن خل يشع نورج
برواياتج يزهره أنقيم عاشورج
بعاشور الزجيه صدور مهشومه
................................
حيدر مطر العبادي
يالزهرة ثارج ما نسيناه
يالزهرة ثارج ما نسيناه
***
هيهـــات ننســـه هذا المصاب
ضلعچ يزهرة وحَركَة البـــاب
بكَلـــوبنه لليــــوم المصــــاب
ويلــــي علــى محسن أويــلاه
***
الحـركَــــو يزهـرة الباب بالنـار
نلعنـــهم احنـــه ليـــل ونهــــار
وصَـــه الرسول بآلـــه الأطهــار
والثانـــي خــوش ابنتـهَ جــازاه
***
لا مـو بشــــر زمــرة ملاعـين
مــن آلَ محمـــد مـوت ميتــين
منهم تســـلب ضَـعن الحســين
مـن ذولـــة كل الصـــار ويـــاه
***
چــان الرســول ستــوة مدفون
رَدو علـــى الزهــرة يركضــون
الخــانو محمــد هم يخجـــلون؟
مــا يستحـــــون بيــــــوم والله
***
لــو مؤمنين بيـــوم الحســاب؟
ما صـــارو بمـــوت النبي ذياب
الله يلعنــــه الَســـن الأرهـــــاب
الكسَـــر ظلوعـــچ هوه سنــــاه
***
مــن ذاك ظلعچ صـــار عاشــور
مـن أولادچ شكَد كَطـــعو نحـور
ألكــــم يزهرة مهدمــــه كَبــــور
المهــدي كَبــــرچ يمتـه يبنــاه
***
الزهـرة العمــرها ثمنــطش عــام
مبيــن قتلــها حـــادث أجــــرام؟
موتتــــهم المفــــروض أعـــدام
والحــركَ بابـــــچ الله أخـــــــزاه
***
الميخـــاف الله منـــچ يخـــاف؟
كافـــر يعرفــه اليمــلك أنصـاف
بكــل المعــــارك چـــان خــواف
عجبـــه الجبـــان اطــول يمنـــاه
***
بعـده الظلــــع ياذيـــچ لليــــوم
نبچــي المصــابچ حتى بالنــوم
للثـــار يمتـــه القـــائم يكَــــوم
ونشــــوفه يمچ شـــايل ألــــوآه
***
حيدر حسين الكرعاوي
وصلو سلامي العباس ... وكَلوله من الزهره
بس لا تكَلوله اضلوع ... من الصدر منكسره
يغتاض ابعجل تدرونه يمه
لتجيبونه طاري الباب يمه
......
وصلو سلامي الكافل ام عون الحبيبه
وكَلوله أمك فاطمه اتحبك يهيبه
واخفو عليه كسر الظلع واخفو المصيبه
والحايط البيه الدمه ايزيد نحيبه
مسحو الدمه الظل عالباب .. خافن تشوفه اعيونه
عباس غيره عاشور ... ايهدل مصابي امتونه
دمه ايفور مثل الفحل دمه
لتجيبونه طاري الباب يمه
.......
اتمنيت اشوفه ابعيني بس ما بيدي حيله
مكتوب اموت انه قبل عم العليله
ما بيني اوبين اليجي اسنين الطويله
ومن عمري بس ضلتلي ساعات القليله
كَربت منيتي ابهل يوم ... راح انه اودع اسنيني
ما بيني بين العباس ... جم سنه تنظر عيني
حيل اهواي باقي سنين هضمه
لتجيبونه طاري الباب يمه
.......
حرموني اضمه اعله الصدر بثنين اديه
الحركو علي داري وشفت منهم اذيه
بوسولي جفينه التضل بالغاضريه
وكَلوله هالبوسه الك من الزجيه
كلش حنين العباس ... يستاهل انطي روحي
طالع على ابني حسين ... بلسم الهاي اجروحي
مشتاكَه اشكثر بجفوفي اضمه
لتجيبونه طاري الباب يمه
.......
عندي أمانه للكَمر حامل لوانه
سبحتي الطين انطوهه اله وصلو الأمانه
تمنيته حاضر هالمسه ويمي مكانه
عباس مو بن ضرتي لا جن ابني انه
مو بس حسن والحسين.. والمحسن العندي اني
عباس ابني المحبوب ... وصلوهه أله امن الساني
حسين الثاني عندي الكَمر اسمه
لتجيبونه طاري الباب يمه
.......
يحصل لقائي اوي الكفل بنتي الوحيده
بعاشر محرم أعتني الناصر عضيده
عالمشرعه دمعي يصب لعيونه ويده
وبعالي صوت اصرخ تره اني مو بعيده
يم الشريعه ابلا روح ... اهناك احضر انه بدمعي
من عينه اطلع الاسهام ... وما خله ينظر ظلعي
اومن جفينه والمنحر اشمه
لتجيبونه طاري الباب يمه
.......
✍️ كلمات .. موسى الخادم
الصعب وضعك سهل وضعي
الدمع نشفه الكسر ضلعي
يمه يحسين .. يمه يحسين
......
؛١
بس ضلع واحد منكسر ...من عندي بطل ادموعك
باجر اشوف ابكربله ... متكسره كل اضلوعك
ضلعي ايهون يالبلطف تضل دامي
وكل اضلوعك ايكسروهه كدامي
وما واحد يرحمك والجبد ضامي
ظلع أمك سهل يبني
كسر ظلعك يألمني
طول الاسنين
يمه يحسين
......
؛؛٢
ألباب اهون من سحك ... خيل العده يوليدي
بعاشر محرم من اجي ... بلكَوه المك بيدي
ايطشرونك مثل سبحه البدي هايه
واصير اتعب ييمه ابجمعك هوايه
وتضل فوكي الحوافر رايحه وجايه
ييمه ابكل اثر حافر
دماك ودمي متناثر
واحنه ميتين
يمه يحسين
......
؛؛؛٣
الحمد لله والشكر ... هسه انه ما عطشانه
بس انت ضامي تنذبح ... واشفايفك ذبلانه
راسك عالرماح اتشيله عدواني
واظل اركض وراهم يمه بحزاني
وارد بخيبتي يم منحرك اني
اجي بكسري وألم جسمك
واخضب شيبتي بدمك
وحدي يا زين
يمه يحسين
.....
؛؛؛؛٤
نار العله دار اشعلو ... مو نفس نار الخيمه
عيلتي ما تطلع ركض..امن الخوف صوب الهيمه
لا طفلي بدي يبني ويذبحونه
واكَماطه يفك ويغمض اعيونه
محسن مات ما شايفته تدرونه
يعينك الله تنضرله
رضيعك منذبح كله
اه يالحنين
يمه يحسين
......
؛؛؛؛؛٥
هسه انه بيه بس جرح.. بس انته كثره اجروحك
بذاك الظهر أنظر ألك ... جم سيف موت ايلوحك
أجروحك تعبر الالف وتسعميه
ياجرح الأضمده ابساعت الجيه
واسمع صوت بجي اسكينه وارقيه
السهام ابصدرك امطشره
اجر عشره بعد عشره
مالك امعين
يمه يحسين
......
؛؛؛؛؛؛٦
لا يوم مثل امصيبتك ... لا يوم يابو اليمه
من راسك الحد الجدم ... كلك تصير امدمه
يصير احمر ييمه امن النزف لونك
وعلى الغبره تضل وما يشيلونك
بلا غسل ودفن عاري يخلونك
على الجسم الي يتسلب
اظل اتلث ليالي انحب
يا ضوه العين
يمه يحسين
.......
✍️ كلمات موسى الخادم
احب ملكَاج ... يا يمه
صعب فركَاج ... يا يمه
اموت اوياج ... يا يمه .... يا زهراء
.......
الحياة ابلا وجودج ظلمه تدريهه
وزغيره انه ييمه اشلون اظل بيهه
تريد اوياج روحي اتروح خليهه
من شوفت اعيونج لا تحرميهه
الكَلب يهواج ... يايمه
صعب فركَاج ... يا يمه
اموت اوياج ... يا يمه .... يا زهراء
.....
على ارسومج ييمه اعيوني متعوده
ودليلي اعليج من النوح شيهوده
التموت امه يعيش ابدنيته الوحده
مثل واحد غريب وكلشي ما عنده
ابدمعتي انخاج ... يايمه
صعب فركَاج ... يا يمه
اموت اوياج ... يا يمه .... يا زهراء
.......
يم حلو الحجي ويم حلوت الملكَه
بعد عينج نضيع وفرحه ما نلكَه
عليج ابداعت الخيل العده اتسحكَه
افتحي ااذراعج اواخذيني بالشبكَه
أظل انعاج ... يا يمه
صعب فركَاج ... يا يمه
اموت اوياج ... يا يمه .... يا زهراء
.......
ييمه المكَبره ما لايكَه السنج
وبعدنه ما شبعنه اهواي من حضنج
تدخلين الكَبر وانتي الورد جنج
ابعمر اثمنطعش حرمو هلج منج
طفو عيناج .... يا يمه
صعب فركَاج ... يا يمه
اموت اوياج ... يا يمه .... يا زهراء
......
باجر ياهو اليه ابحركَت الخيمه
ومنو ايلملم اعيالي وماكو اهل شيمه
تجيني لو اظلن وحدي بالهيمه
امن اصيحلج تعالي ابصيحت ايتيمه
إلحكَي أرباج ... يا يمه
صعب فركَاج ... يا يمه
اموت اوياج ... يا يمه .... يا زهراء
.......
✍️كلمات .. موسى الخادم
يابو الحسن مسمار لوخـنجر
ليش اعله بابك يذبح الــكوثر
شماريد اسألك ابچي وتـحسر
ودموع عيني تصيح ياحــــيدر
،،،،،،،،،،،،،،،،،،،
اباب بيتك يا امامـــي
يمه كون الگه الــورد
موش خنجر الگه شايل
ودافعه جف الحـــــقد
زحمه يم الزهره زحمه
من يمر طاري الحَصـد
صورت الكثر بعــدهي
ليش تنضم ابلـــــــحد
هل الأمنيه من الزغر عـنـدي
كون انه صطرت فاطمه بخدي
ياريت ضلعي الكون يتكســـر
ودموع عيني تصيح ياحيـــدر
،،،،،،،،،،،،،،،،،،،
دوم اسافر بالمشاعر
ووصل الباب الطـــهر
ولگه دخان المصـيبه
ولگه نيران وجـــمر
ولگه عالحايط بقــايه
دموم من ذاك الكـسر
ولگه دمعه تصيح يمه
گومي يابعد الــــعمر
يم محسن المذبوح ومــصوب
دمعات وجروح الگه من زينـب
قبل السؤال الشخصك اتعــذر
ودموع عيني تصـــــيح ياحيدر
،،،،،،،،،،،،،،،،،،،،
كون ادخل گلب فضه
شرط لوفضه رضــت
ارد اگله جروح شايل
بكثر ما شايل بــخت
شصار بهروشك اسأله
لمن مصيوبه هــــوت
ماكسرت ضلوع صدرك
فاطمه من انتــــــخت
متأكد الگه الچمه عالچـــمه
بنص گلب فضه وحيل متألمه
وجرح الزجيه الهلوكت يسـعر
ودموع عيني تصيح ياحــــيدر
،،،،،،،،،،،،،،،،،،،
الگاع ما كزبر جلــدها
ولا وكع نجم الســـمه
بيوم من كسروا ضلعها
وهوت تنزف فاطمـــه
دمها من جنت محمـــد
يختلف عن كل دمـــــه
بيهه وي كل قطره ايه
وبسمله بنص بســـــمله
معقوله ظلت شمس ماطاحت
من گابلت ويلادها وناحــــت
وخد فاطمه من الصطره صار احمر
ودموع عيني تصـــــــــيح ياحيدر
،،،،،،،،،،،،،،،،،،
اليل يعجبني بســواده
للنجم صاير حضــــــن
لبس غيم اعله الزجــــيه
من سمع فاطم تــــــون
يمطر دموع البچـــــــيها
شما تنوح شما تـــــــحن
اليل بيه ميزت موالـــي
مانزع ثوب الـــــــحزن
مرات احاچي اليل بدموعي
ياريت انه مكسره ضــلوعي
اولا فاطمه بلاسبب تتـمرمر
ودموع عيني تصـــيح ياحيدر
،،،،،،،،،،،،،،،،،،،،
وين سلمان ارد انشده
والله عذبني الدمــــــع
الزهره من لحگت بعلها
خل يگلي بيا وضـــــع
ايدها تحطها اعله خدها
لو تحطها اعله الظلـــع
انته هل موقف نـــضرته
من تسولفلي اقتنــــــع
لوعايف الزهره بدعاويــــها
چا علضلاله الدنيه تفنيــــها
منضر مهول اومئلم المنضـر
ودموع عيني تصيـــح ياحيدر
،،،،،،،،،،،،،،،،،،،،
لخادم الحسين محمد الفهداوي
فزاعي سريع
~~~~
يالشايل نعشها ليش
أمي بضلمه شلتوها
~~~
حاجيني يضي عيني
يابو الحسن حاجيني
امي وشمعة سنيني
شو بسكوت شيعوها
ام ✍️ علي الموسوي
➖➖➖➖➖
شيعوها ابتوالي الليل
خلوني دموعي اتسيل
عليها راح مني الحيل
صحت امي درجعوها
✍️ ام احمد المنصوريه
➖➖➖➖➖
شايل هالحنينه وين
ريضلي يبوالحسنين
فركاها يطفي العين
عني لاتبعدوها
✍️ ام حسين العامري
➖➖➖➖➖
اخذوها ام حسن مني
گلبي نكسر جاوبني
وشفت عيونه فجعتني
ولأولاد هضموها
✍️خادمه الزهراء ام سلام
➖➖➖➖➖
زتاها علي الكرار
وعليها دمع مدرار
حيله نهدم حامي الحار
وام حسين خلوها
العلويه ام علي
➖➖➖➖➖
ردوها لمنازلها
يم أولادها خلها
نوم المكبره شلها
أمي لاتدفنوها
ام ✍️ علي الموسوي
➖➖➖➖➖➖
تمت بفضل الله وعونه بأقلام خادمات الحسين في رابطة أحزان العقيله غير مبري الذمه من يحذف الاسماء أو ينسبها له
ورد في زيارة سيدتي ومولاتي
( يا فاطمة اشفعي لي في الجنة فإن لك عند الله شأنا من الشأن)
نتوجه لسيدتي ومولاتي فاطمة المعصومة إنا توجهنا واستشفعنا وتوسلنا بك إلى الله وقدمناك بين يدي حاجاتنا
ياو جيهة عند الله اشفعي لنا عند الله
*نعي فائزي* ●
دقيت بابج بالهضم ودمعه جريه
أصرخ يَمعصومه أنه صدي عليه
نظرات جودچ أرتجي بنت الاطايب
تدرين حالي ناحله والقلب شايب
والله يَمولاتي القلب بالهضم ذايب
أرجوچ واقسم بالرضا صدي اليه
مهضوم قلبي واقصدت بابچ يا حره
تدرين قلبي والزمن واسنيني مره
وأدريبه بابچ للقلب هو اليسره
اقسم عليچ اتعطفي وحلي القضيه
اقسم عليج ابفاطمه قلبي تنظرين
محتاجه والحاجه أوصلت بابچ تشوفين
اقسم عليچ ابمحنتچ والجرى لحسين
امن إيدين فضلچ فاطمه رايد هديه
🖤🖤🖤🖤
✍🏻. نقلتها خادمة العتره
زينب آل جمعة ✨✨
ونسألكم الدعاء لتعجيل الفرج
لاأجيز حذف الأسم
( رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي)
قصيده للزهراء ع
لسان حال امير المؤمنين ع
ع طور تؤام يازمان
الوزن شيعتي مذيل
المقام الصبا
————————-
ياكسر الضلع نزٌلي الدمع
من شفت زهره تون زايد وجعها
••<<<♡{{{🌐}}}♡>>>•••
انظر عيون الغوالي والدمع تارس جفنها وانه اباوع
مجتف بحبل الوصيه شلون مااكدر شسوي حيلي ضايع
انه حيدر كلها تدري باب خيبركم شلتها بلا منازع
بس وصية نبي الهادي تحتم اعليه اشوف وقهر شابع
ماادري شكول // يلزهره البتول
اسكت ودمعي شرح // كسرة ضلعها
ام ✍علي البابلي
••<<<♡{{{🌐}}}♡>>>•••
بيه حسره يالزجيه وگلبي،ما يحمل المها ابجي سكته
تخفي الونين واسمعه. اشگد ألم شالت البضعه
الضلع شفته
مكسر وتجري دمومه وگلبي. ينزف ما الومه ياحسرته
گرب موادع حبيبه شنهي، اليعوض، مكانه. لو دفنته
شيعوض المكان // لو شال الحنان
شاهدت دمعي وتغطت. مو. طبعها
✍️ام وليد الموسوي
••<<<♡{{{🌐}}}♡>>>•••
شاهدت دمعي اعله جفني ضلت تلوذ وتغطي ومااشوفه
حسره بكليبي عليها شكد الم وتضم بجيها شكد عطوفه
خايف افكد نظر عيني والحزن يلفي اعله بيتي بكل طيوفه
اه يااسم الزجيه اخذ كل الحيل بيه بكل حروفه
لو راحت اموت
وناتي بسكوت
فراكها يكلف عليه// يفت وضعها
ام علي البابلي
••<<<♡{{{🌐}}}♡>>>•••
محمل فراگج ثواني. شلون لو طالت المده وضيعتها
صدگ. يادهري. نتفارگ. العشره فلت هاي، هيه وودعتها
شنهي، الدنيا بغيابج عاتبت هانت العشره وحلفتها
بالنبي. الهادي. احلفج. لا تگولين الشهادة. شاهدتها
للباري الجليل.//ودموعي تسيل
الله لا ينطي، الظالم. //من صفعها
✍️
ام وليد الموسوي
••<<<♡{{{🌐}}}♡>>>•••
اتشاهدت بنت الرساله وكٌلبي تتنازف ادمومه من الهظيمه
كالت اوصيتي العقيله ع الدلال وع المحبه وع الرحيمه
كون ماتبجي يحيدر زغيره زينب من عفتها وهم يتيمه
وبعد اوصيك بوصية دفنتي بالليل اريدن يبو الشيمه
ودعتك انه // عينك ع الضنه
روحي رفت اه يزهره // من هلعها
ام✍ علي البابلي
••<<<♡{{{🌐}}}♡>>>•••
حانت اللحظه الاخيره الزهره من گرب اجلها وشبحت العين
بعينها سولف. سوالف تگلي. حيدر لا تخلي. يبجي الحسين
والحسن. يبجي وينادي. يمه عفتينه يتامه وانتي، تدرين
غمضت عينج يفاطم. مودع باالله ورسوله فراگج اسنين
ماتت فاطمه. //. هاي الخاتمه
حتى من نزلت قبرها .// يهل دمعها
✍️
ام وليد الموسوي
---------------
✍🏻. نقلتها خادمة العتره
زينب آل جمعة ✨✨
ونسألكم الدعاء لتعجيل الفرج
لاأجيز حذف الأسم
( رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي)
تمت بعون الله تعالى باقلام الشاعرات
ام✍ علي البابلي
ام ✍ وليد الموسوي
لانجيز شرعا حذف الاسماء او التلاعب بالقصيده
نهدي ثوابها الى روح سيدتي ومولاتي السيده الزهراء ع
https://youtu.be/Z22LpYnI8OY?si=2msDKu8ig8qh_vV3
قصيده للزهراء عليها السلام
المستهل
وحشه دارها وبالحزن تنعاها
ظلمه اليوم ويلي و طافي اضواها
اه يام حسن وحسين
وينج ماتردين
عفتيني وحيده عفتيني وحيده
•••<<<{{{🖤}}}>>>••
النعي
وحشه دارها وتون عليها
وزينب تلتفت تصفك بديها
تتذكر سوالفها وحجيها
اللطم
ادور اعليج وينج يلحنينه
عفتينه صدك يمته تجينه
ردي بساع يحبيبه علينه
يم العرف والشور
كلبي اليوم ناطور
يون ونه شديده عفتيني وحيده
•••<<<{{{🖤}}}>>>••
كلبي اليوم بي ونات كثره
اكعدي يم حسن يمه يزهره
وينك يامحمد من يخبره
من يخبر ابوها روعوها
بين الباب ياويلي اعصروها
حتى جنينها هم سكطوها
سكط محسن بهالباب
دمع ودموم واعتاب
شيلوها بهيده عفتيتي وحيده
النعي
ماضنيت امي تروح عني
بقه بس الالم والاه فني
يدنيه وياي لام حسين وني
اللطم
تهيم الروح وتسافر لملكاج
مااريد العمر يمه بلياج
كل مصباح اكعد اون وانعاج
ينور البيت يايوم
اتذكرج كل يوم
ياكلبي شيهيده عفتيني وحيده
•••<<<{{{🖤}}}>>>••
اانعي
غطيني يايمه اجه الليل
ترضيها انام ودمعتي تسيل
بعدج تره دنيايه تعيل
اللطم
مامتعوده انام الا على حظنج
بقت بس ذكريات الاه منج
ودلولي اسمعنه بونج
شسولف من سوالف
كلبي اليوم خايف
شو صرتي بعيده عفتيني وحيده
•••<<<{{{🖤}}}>>>••
النعي
اول مره هاي اندها مترد
يمكن صوتي عنها صار مبعد
اريد اكعد ييمه اعليج وانشد
اللطم
اريد انشد عليها داحي الباب
صاباني فكدها وزاد الصواب
يعصرها النذل جا ليش ماهاب
مايخجل البسمار
يضرب بنت الاطهار
نار الوجع زيده عفتيني وحيده
•••<<<{{{🖤}}}>>>••
النعي
خلوني اروح لجدي اشجي
عالو على الزهره واحجي
بتك لحكتك ياجدي وابجي
اللطم
خلوني اروح اشتم عطرها
واعاتبها على العافت برزرها
عفه ياروحي شكبره صبرها
فكدج هدم الحيل
اظل انه بالعويل
وكل ساعه اعيده عفتيني وحيده
•••<<<{{{🖤}}}>>
✍🏻. نقلتها خادمة العتره
زينب آل جمعة ✨✨
ونسألكم الدعاء لتعجيل الفرج
لاأجيز حذف الأسم
( رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي)
تمت بعون الله تعالى بقلمي انا خادمتكم
ام علي البابلي
لااجيز شرعا حذف الاسم
او التلاعب بالقصيده
اهدي ثوابها الى سيدتي ومولاتي سيدة نساء العالمين السيده الزهراء ع روحي لتراب اقدامها الفداء
كبر عباس عالزهراء يتألم
بصوت الخطيب الشيخ مصطفى التميمي
ميثاق الله خانته وخانت نبيها
اتلاثه من بعد نبي هجمو عليها
قالو وأن بالدار احمد
اوكزها والظلع يشهد
********
خانو بدين الله وبنهج الرساله
نزلت الايه وتبين كل خصاله
أكملت دينك محمد بعلي واله
هاي معروفه الوصيه وندري بيها
علي يم الباب چا عرفو فعاله
هاي خيبر تشهد الصار وتعرفه
لسه بصمات الاثر تاركهه چفه
والزلم ختلت تجيله تنطي وصفه
عافت العتره وجت تبدي الخليفه
والسبب چان السبب من السقيفه
جاءو ونار الحقد مسند
اوكزها والظلع يشهد
********
هاي معروفه الحقيقه وعندي برهان
ما اجامل ليش اجامل خاين افلان
نام والهادي بجراحه بيت الاحزان
والسقيفه اتلطخت بالدم ايديهه
شلون تعقلهه الحريگه بلايه دخان
والمصادر اكدت غدر الصحابه
والثلاثه طعنته وعافت كتابه
بين التخطيط واضح في غيابه
تأمرو عالباب منهو اليدفع اول
والنذل قنفذ وصل لدار يسأل
وستكبره الطاغوت مرتد
اوكزها والظلع يشهد
********
ما طفت نار الحقد ظل يلهب الدار
وصحابه شكد صلافه انكلبوا اشرار
چان ناتجهه السقيفه الديه بسمار
فاطمه ظلت بحيره وشافت الگوم
بعد طه اذياب صارو شبو النار
تدري لو مالله حكمه بهالوصيه
علي بالحسره غيور عله الزجيه
چان تدري يمسح بجده الوطيه
اني اعرفهم حقيقه وهمه شيخين
والنذل ضم راسه ماباوع لبوحسين
كانت صلاة الشيخ مفرد
اوكزها والظلع يشهد
*********
عندي رباط السوالف شاهد الباب
والاثر بسمار جارح صدر الاطياب
اعرف الجاني تعده شيخ الاصحاب
والصحابه تستغل طوك الوصيه
كالو امچتف علي بالحكمه ابواتراب
وبهجوم الدار چان الهادي معلوم
يدري بيهم وبغدرهم هجمت الكوم
ظلع فاطم ينكسر بالباب مرسوم
ماتت بهمهه الزجيه بعسرة افلان
غاضبه چانت عليهم ال سفيان
كانت عيون الطهر ترمد
اوكزها والظلع يشهد
*********
افتى بيها المايخاف الله وجزه الحد
شيخهم امر عليهم حطب ينعد
والنذل نفذ جريمه ويصطر الخد
والزجيه تنحني مكسورة اظلوع
والضحيه اصبحت بنتك محمد
مارعو حك النبي ولاحرمة البيت
دخلو بلايه اذن وبلايه تصويت
احلوگهم خرسه تره بس توابيت
خضرت دار الزجيه حزن وجروح
صار بالسمار نحچي حسره والنوح
بيت الرساله كيف يقصد
اوكزها والظلع يشهد
********
تمت بعون الله
خادمكم........ يوسف الفتلاوي
*توسل بالزهراء لحن اسمع عتابي♪*
اجيتك يا زهره ~ ودموعي عبره
رايد رضاكم ~ وذنوبي كثره
ردتك تجيني ~ وحاجة تنطيني
عدنا حوايج ~ وانت اكفليني
ليته آنه ازورچ ~ اتبرّك بنورچ
أوصل لكبرچ ~ واشتم عطورچ
احضري بعسري ~ وقبري ونشري
وبشرى الشفاعة ~ انطيني بحشري
يمه الحنينه ~ لا تحرمينه
بهاي المجالس ~ نظره انظرينه
خادمة آل محمد ✍🏻
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
موشح وفاة الزهراء ع
شلون زينب بالحزن عفتيهه
نصيح يازهره الفگد ياذيهه
........................................
من بعد عينچ يزهره بالعويل
ظلت خلافچ مدامعهه تسيل
اعليهه يم الحسن يصعب هالرحيل
الدهر بس هم وقهر يجزيهه
.......................................... 1
والله يازهره مصابچ فاجعه
الحسن وي حسين يهمل مدمعه
وزينب بنار المصيبه ملوعه
وجمرة فراگچ بقت تچويهه
.................................. ....... 2
ابيت حيدر الچ منصوب العزاء
ناحت الاملاك لأجلچ والسماء
تواسي ام الخدر بالنوح وبكاء
باليتم عاشت تره تاليهه
............................................ 3
اليفگد امه يعيش بالدنيه غريب
وشيفيده لو خلص عمره نحيب
وجرح زينب عله الزهره ما يطيب
لحد يوم الحشر عايش بيهه
............................................ 4
زينب بحسره وألم تگضي العمر
تحملت آهات وهموم شكثر
صار اسمهه ام المصايب والصبر
يا مره بالصبر توصل ليهه
.......................................... 5
شافت اللوعات بعدچ يالبتول
اعيونهه بطف كربله تصد للخيول
فوگ جسم الغالي تصول وتجول
وللسبي راحت بعد واليهه
......................................... 6
خادمكم مالك السعيدي
ابوذيات إلى الزهراء عليها السلام
زماني يهدم أحلامي ونبني
على المحسن ذهيله أصرخ ونبني
طفل مايحمل اللوعه
أظنهم كسرو ضلوعه
يون وروحه مفجوعه
دفنته بالكبر وسمع ونبني
بكل ونه ضلع يكسر إليه..
**
بليلي ألزم مهد محسن ولولي
الصحابه من رحل طه ولولي
أنه الزهره نسطر خدي ولولي
الله وهوه ياخذ ثاري إليه.
؛؛:؛:؛:؛
باب الدار من دمي حنيته
وأنه ضهري بفكد محسن حنيته
دليلي تحركه كل ليله حنيته
يحن وتصور المحسن بديه
؛:؛:؛:؛:؛
الدهر شيد حزن بيه ويبني
وعصرة موت عصروني ويبني
يملك الموت إخذ روحي ويبني
أريدن بالكبر يغفه على إديه
؛:؛:؛:؛:؛
فاطم ياعلي طرحت حملها
ومنو الغيرك يبو الغيره حملها
مصايبها إذا كلبك حملها
شتكل للهادي عن ضلع الزجيه
؛:؛:؛:؛؛:؛
الدهر إم الحسن عني بعدها
وعساني ماعشت عمري بعدها
الثواني الموتي بحسبها بعدها
علي أني وضهري محني على الزجيه
؛:؛:؛:؛:؛:؛
عيون الزهره من طاحت ترابك
وكلبها ياعلي منهم ترابك
تفر الكوم لو تسمع ترابك
يعرفونك علي حامي الحميه
؛:؛:؛:؛:؛:؛
يدنيه لمي أحقادج وضهري
بعد طه نكسر ضلعي وضهري
علي صار الصبح أضلم وضهري
أسود والسمه ضلمت عليه
؛:؛:؛:؛:؛:؛
--
ابوذيات بقلم الشاعر نسيم الحميداوي🖋
لمولاتي الصديقة الشهيدة فاطمة صلوات الله عليها
بتجارات البشر كلها..تطلع يا گلب خسران
وتجارة دمعة عيونك..لو ربحان لو ربحان
ياهوه تنطي دمعه ويكرمك عمر
ياهوه بس تنعاله ينطيك الستر
هذا الدلال امن ام حسن ما ينخسر
جابتنه لخيمة عزاهه
وانطتنه حب ووجاهه
مكسورة ورايح ضناهه
فاطمة
فاطمي..من منشائي لمماتي
فاطمي تخلص ردت حياتي
___
جرب تنجرح مره..جرب مرة تبجي الروح
شوف شلون مولاتك..منك تشتري الاجروح
شراية اجروح الخدم بس فاطمة
وهنياله كل خادم يهاجر عالمه
يروح بدمعته لعالم اجروح وضمه
السلم بيد الزهره گلبه
بدرب الدمعه يبدله دربه
الترضاله يرضاله ربه
فاطمة
فاطمي..توحيدي نص صلاتي
فاطمي تخلص ردت حياتي
_
اذا دمعك نشف مره..اطلب دمعه لتكابر
اطلب من گلب فاكد..عاش حرورة العاشر
اطلب جروحك من گلب عاش الرعب
مفجوعه بس صبت على اهل الخدمه حب
بيد ام حسن سلم قرارات الگلب
مولاتك ما يهده ونهه
محزونه شثگله حزنهه
اسِعدها بجرحك لأبنهه
فاطمة
فاطمي..بمجلسهه الكه ذاتي
فاطمي..تخلص ردت حياتي
___
استوطن يا گلب جرحك..واحضر كل عزه تحضره
واذا جرحك برد مره..بالك جرحك تعذرة
ضل فاطمي ولحد يغير هالقرار
ما دامه مكسور الضلع ضل بأنكسار
ما دامه خدهه احمر يجرحي ابقه حار
دمعتها بخدها جرّية
كل مغرب عدها عزية
ابجي لأهات الزجية
فاطمة
فاطمي..تقبلني امنياتي
فاطمي..تخلص ردت حياتي