7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
فزاعيه الاهل والخوان
صدگ ضعنك يخويه حمل وشال
يون گلبي عليك ودمعي همال
✏️✏️✏️✏️
صدگ ضعنك يخويه هالسرو بيه
صحت ردو عليه خل احاجيه
عندي عتاب اله انه وارد ابجيه
اگعد ياخويه وحاجيني
✏️✏️✏️✏️
حاجيني يخويه. ولاتحيرني
عندي عتاب اسمعني ياخال ابني
يالگلك محنه شلون تشمرني
تخليني بالونه عليك
✏️✏️✏️✏️
عليك اليوم صبح حيلي مهدوم
عليك اسود يخويه لابسه هدوم
يلطول غيايك كافي.النوم
شخصك غاب ياخويه وفگدناه
✏️✏️✏️✏️
نون عليك خويه وفاگدينك
كل هاي الاهالي تصيح وينك
يالي بعازتك واليوم اريدك
ضيعيته ماضن يلفيني
✏️✏️✏️✏️
يون گلبي عليكم يهل المحنه
يطول فراگم ونجر ها يالونه
يوم فراكم لاماريدنه،
صبي عيني يفراگك يشلع
✏️✏️✏️
تـــــمـت والحمـــــدللـــه
✍الشــــاعره ام حـــوراء الاسدی
واسالکم الدعاء🌷🌷🌷
شرعا"لایجوز حذف اسم خادمةاهل البیت علیـــــــهـم الســــــلامـــ
========================
.
في ليالي عاشوراء تقول الزهراء اسعدني على ابني يالتحبني
وفي الليالي الفاطمية يقول الحسين اسعدني على امي يالتحبني
بدء الليالي الفاطمية
كلام الحسين عليه السلام ⬇️⬇️
مثل ما تسعد امي بشهر عاشوراء
اسعد گلبي وابجي وياي للزهراء
يالي تحبني ومنكسر كلبك عليه
شاركني حزني باليالي الفاطمية
وابجي على الزهراء
…………………..
ادور بالمجالس مثل المضيع
واكعد باخر المجلس واصب دمعي
وي كل دمعة تنزل گلبه يتمنى
مو ضلع امي ريت المنكسر ضلعي
.
انه اليتيم الگلبه لهفان
ادور عزه امي وين ما جان
ويلي جفنها احمر وذبلان
وبالضلع من الباب نيشان
.
كلشي يطيب بس هذا الكسر ما طاب
ماتت امي اثر عصرتها من الباب
بكسر الضلع حسيت شي وانكسر بيه
شاركني حزني بالليالي الفاطمية
وابجي على الزهراء
…………………………….
يالتحبني وشبابك كاضي بالخدمة
وملامح وجهك مغيرهن العاشر
حبيبك يتموه واتغربت روحه
ذاك الباب خلاه منكسر خاطر
.
اسعدني على امي يالتحبني
وخل ونك يشاركني وني
التاكل بگلبي وهاضمتني
البسمار ضيع امي مني
.
محتاره امي بين الغربة بين النار
على غفلة وضلعها صوبه البسمار
شاغت وطاحت وانغمى اعليها الزجية
شاركني حزني بالليالي الفاطمية
وابجي على الزهراء
………………………………
وين الكضه عمره ودمعته بعينه
ومن ينجاب اسمي كلبه يتحسر
خل يدري الحسين بعمر خمس اسنين
شافه اضلوع امه الزهره تتكسر
.
كل ليله افكر كبل لا انام
كسر الضلوع شلون يلتام
الهضمتني امي اثمنطعش عام
وكوة عليها تحرك الجدام
.
هذا اول جرح ماله دوه ينباع
دواها الضاع وياه فرح عيني ضاع
اموت امن الهضم من تلتفت جانت اليه
شاركني حّزني بالليالي الفاطمية
وابجي على الزهراء
……………………………….
شافتهم خذو كرارها مجتوف
وراهم طلعت وشافوها من بعيد
امر عبده اللعين وقنفذ اتعنه
ضربها بسوطه واسود صار لون الايد
.
امر على عبده وضربها
ومن ضربتها للگاع ذبها
لا انكسر گلبه ولا رحمها
امن الناس ما واحد حشمها
.
صار اسود متنها بت رسول الله
العليها بكبره الله سلم وصلى
ضيعو قدر الله بضربهم بت نبيه
شاركني حزني بالليالي الفاطمية
وابجي على الزهراء
…………………………….
كل هذا العذاب وساكته الزهراء
ما خلت علي يدري الضلع مكسور
كلبها ما اطاها تكل لابوي الصار
خافت لا تمر ليلة وعلي مقهور
.
موجوعها بس الوجع مكبوت
بسكوت جانت تبجي بسكوت
خافن يسمعه والدي الصوت
لو درى حيدر خافت يموت
.
هو الينجرح يجرح الناس اوياه
شلون الينكسر ضلعه يضم الاه
تتبسم لحيدر اذا كعدو سوية
شاركني حزني بالليالي الفاطمية
وابجي على الزهراء
#الليالي_الفاطمية
خفت اعلدمعي لا اخسره
هذا الزمان احواله مرّه
خايف تمرني الفاطمية
وما لابس اسود على الزهره
ليخف حملهن والثگيلات
كلهن بلايا الدنيا هينات
واصعب بلاء لو ذكرو الباب
لاگلبي ينهز لاكو دمعات
كل البلايا هينه..ما دام اكو دموع
ما دامه گلبي ينهم..يم كسرة الضلوع
اقنع بكلشي اقنع..وبحزني مو قنوع
ودمعاتي لضلعج ميزان
الما باجي لفاطم خسران
_
اسئل شنو البجاها اسئل
عين الزجية ليش تذبل
من تعرف شبجة الوديعه
عيش العمر للزهره مقتل
كل فاطمي وكل فاطمية
لازم يعيش الحب اذيه
ما ضاگت الراحه بعمرها
جي تشبة الزهره رقية
ليلة الجمعه سافر..وي رحلة الجروح
في كربلاء وحيده..ام الحسن تنوح
ابجي لبجيها ابجي..وخل موتك الطموح
المقتول بدمعج ربحان
الما باجي لفاطم خسران
_
حاول تحب بصدك حاول
واطلب دمع من جود كافل
جي عين للزهره للحزينة
بعيونه سهمه ابوفاضل
ابلا جفه بس تارس ادينه
كافل على الزهره بجينة
وفاطمة من تحضر عزيه
بجفه تجي وتمسح علينه
تحرس خدمهه فاطم..بحامي خيم صريع
جوه العباية جابت..جف هاشمي قطيع
بجف كافل المخيم..تمسح على الجميع
وجفينه جفوف الرحمّن
الما باجي لفاطم خسران
_
يا گلبي من عدهم اتشكر
كلما مسحت بخشب منبر
بعز العمه وعز ضيعة الناس
الزهره مختارني احضر
بيا فاطمة شكد ناس راحت
بيا فاطمة شكد ناس طاحت
وما شطبت اسمي من سجلها
مولاتي بسمي اعليه صاحت
بنفس العزه التحضره..صرت احضر العزاء
الزهره باسمي نادت..وأاذنتلي بالبكاء
مره ابجي يم ضلعها..ومره ابجي كربلاء
من بابج للطف نيران
الما باجي لفاطم خسران
__
❇️ قصائد استشهاد السيدة الزهراء عليها السلام
كعدة
انصر جروحك ولا تطلب مناصر
واكتب احزانك قصيدة بقلم شاعر
شما تعاني من وضع * كلهه من يوم الضلع * والمناحر
------------
شما تعاني من مصيبه كلهه من مصيبة الباب
كل غدر بالدنيه اصله فرع من غدرة الاصحاب
دفعوا اعلى الزهره باب اندفع بيهه اعلى الزمن باب
واللي تعلّم عل غدر * ميهمة خاطر ينكسر
ميهمه لو يطحن صدر * حتى لو گلب النبي انصاب
هذا واقع بينه كل لحظه نعيشه
شما جمع ظالم على المظلوم جيشه
ولو تعده اعلى الشرع * كلهه من يوم الضلع * والمناحر
------------
ابگلبك تعيش المرارة ابعينك امن المدمع دهور
العصرت الزهره وصدرهه بيهه صدر الكون معصور
اختنگت الدنيه وضلعهه لحد هذا اليوم مكسور
من عدهه وتوالت محن * طبرة علي ، سم الحسن
وبسيوف غدّاره وفتن * بالطفوف انحزّت انحور
لولا ضلع الطاهره الما يطفه جمره
ما نزف دم الحسين وغاب فجره
وذاك نحره المنگطع * كلهه من يوم الضلع * والمناحر
------------
اول ارهابي تجرّأ وجّر النيران عالدار
منّه كل مجرم تعلّم ايروّع الاطفال بالنار
اوكل جنين ايموت صبرا على المحسن عينه تندار
وكل ضلع لمن ينكسر * يمّه الوديعه تنذكر
وكل راعي حگ من ينغدر * تنذكر محنة الكرار
اول ارهابي انولد يوم السقيفه
واصبح بكل مرحلة اينصّب خليفه
لهل جذر داعش فرع * كلهه من يوم الضلع * والمناحر
------------
من هِجَم جدّ الدواعش هناك بالدار الحشد چان
ابو ذر وابن ياسر وابن الاسود ويه سلمان
لاچن ابيَدهم وصيه چتفتهم عن الميدان
ولهالسبب داعش فِتَك * من شاف خالي المعترَك
كسروا ضلع غصبوا فدك * ما رعوا حرمة الانسان
صاحوا اصحاب المفاسد والمطامع
يا علي لو نمحي بيتك لو تبايع
صوت لسّا ينسمِع * كلهه من يوم الضلع * والمناحر
------------
انتفض حشد الله ابزمنّه ايحارب بكل الميادين
شافوا ابكل جرح زهره وكل يتامه حسن وحسين
نصروا دموع البراءه أمّنوا ورد البساتين
للتضحية رسموا صور * تتخلّد بطول الدهر
ولو ردنه نحفظ هل اثر * هل اثر يحتاج تدوين
عدنه اقلام وندوّن هل مسيره
حتى لا ينسى الذي بايِع ضميره
بالوهم من ينخدع * كلهه من يوم الضلع * والمناحر
------------
هذي محنتنه وجرحنه وابد ما ننسى الذي صار
دموعنه التجري قصايد نكتب التاريخ باشعار
حتى لا يخفي الحقيقه ظالم وحاقد وغدّار
حتى لا ينسى الزمان شلون عالزهره الظلم دار
حتى لا تنسى مهجنه اشظلت ابمهجتهه آثار
حتى لا ننسى ابمتنهه من سياط الحقد تذكار
لازم انذكر العالم باللي طاح ابعتبة الدار
يمكن امن الرعب روحه طلعت بعالم الاخطار
لو عدل بس ما تحمّل ايشوف امّه اگباله تنهار
مات الجنين ابحسرته
وروحه اطلعت وي غيرته
وفضه اجت وتلكته
ابصدره شافت اثر بسمار
--------
عقيل الكاظمي
يهدى ثوابها الى روح والدتي و الشهيد السعيد #درة_لبنان_الساطعة
القصيده إلى مولاتي فاطمة الزهراء عليها السلام ( نزله )
.
.
.
.
( بأبي انتي وأمي فاطمه )
**(١)*
خدمتج مولاتي .. عرفتّني بذاتي .. وكبرتني الخدمه
يطخ راسه الغيمه .. وما يمر بيه ضيمه .. القدراها النعمه
الصار خادمكم يهنياله بحياته
باجر تشفعوله لو صارت وفاته
الخادم المخلص تره يعيش بمماته
والشرب حبكم ولا مر بيه ضمه
(بأبي انتي وأمي فاطمه)
**(٢)*
بلا عزائج روحي .. تطلع وي جروحي .. مجلسج رباني
من الزغر سموني .. خادمج يعيوني .. واشكر السماني
جان عمري اجم سنه والحركَه بيه
واحسب احساب الليالي الفاطميه
طلب يالزهراء خل عينج عليه
حبج من الزغر يمشي ويالدمه
( بأبي انتي وأمي فاطمه )
**(٣)*
بمجلسج قبليني .. وين متخليني .. شرف ليه ورِفعه
اباب الحسينيه .. احضر اللطميه .. اطيح حمره الدمعه
شاعر تريدني لو رادود اواسي
خادم بكلهن وفوك الغيم راسي
وكون لطام افتخر ما بين ناسي
هاي خدامج لكلشي معلّمه
( بأبي انتي وأمي فاطمه )
**(٤)*
كل دعائي بليلي .. كون ينشد حيلي .. لخدمتج يالزهره
الما يخدمج خاسر .. شنو نفعه وباجر .. ظلمه حفرة كَبره
لو متت باجر بلا شك تحضريني
وانتي التغمضين بيدج جفن عيني
بالكَبر اقره الج لمن تجيني
يا مصابج بجه أملاك السمه
( بأبي انتي وأمي فاطمه )
**(٥)*
مو فقط بس ثوبنه .. لبّسينه كَلوبنه .. اسود اعله مصابج
البينه طالب حاجه .. ناس الج محتاجه .. بدمعه دكَو بابج
انتي ام ذاك الكريم الكله غِيره
وانتي ام حسينّه شيخ العشيره
حاشه اليدكَ بابج اتخليه بحيره
تنكضي لو كَلج بحامي الحمه
( بأبي انتي وأمي فاطمه )
*
الخادم / ملا حازم البزوني
لاستشهاد الصديقة الزهراء عليها السلام (ميمر)
غدّاره دنياها
مانصفت وياها
بعد النبي طه آه الزچيه
★★★★★
مهظومه من بعد النبي ومفجوعه
من لوعه تبدي لوگضت من لوعه
ونتّها صارت للخلگ مسموعه
چبدتها من كثر الهظم مصدوعه
للموت ونتها
العدوان خلتها
ياكثر غربتها. آه الزچيه
★★★★★
سيل المصايب غافلن حالتها
كسرن گلبها ونزلّن دمعتها
صبح ومسه ماتنگطع ونتّها
شنهي الجريمه فاطمه السوّتها
الظنت يراعوها
بالحسره خلوها
من ونّها ملوّها آه الزچيه
★★★★★
جروح الزچيه نار وجت بيها
حتى الدمع نيران شيطفيّها
من اهل السقيقه الصار كله أعليها
ياشيعي اندب فاطمة اوواسيها
شاركها دمعتها
واذكر مصيبتها
يردون ذلتها. آه الزچيه
★★★★★
يلتنشد الصار وجره علزهره
طاح الطفل مثل الگمر تنتظره
مسطّور خدها وعين تهمل حمره
بيت احترگ وظلوعها متكسره
واسنينها المرّن
عشرين ماوصلّن
نوح ودمع خلصن. آه الزچيه
★★★★★
ليش الزچيه بس تون خلوها
وبياذنب اهل الذنب ظلمّوها
مثل النبي بيوم الدفن عافوها
لجل المصالح كل قيّم داسوها
محد نشد عنها
حيدر يچفنّها
وبليل يدفنها. آه الزچيه
الشاعر حسن لعيبي الحريشاوي
حال امير المؤمنين علي عليه السلام بعد فراق فاطمة الزهراء عليها السلام (عگيلي )
حَتْمَاً تبقى ايامك مره
ياحيدر من بعد الزهره
ماهمك كل شّده ابعمرك
أصواب الفرگه الكاسر ظهرك
ياحيدر من بعد الزهره
★★★★★
المهموم ودنياه ماترحم والعنه يروحون احبابه
يابيت ايلم لوعة گلبه ويافرحه التوصل يم بابه
كلشي امحسّب من الدنيا بس هذا الماظّن احسابه
ايفارگ قرآن وتفسيره ونور يضوي بصف محرابه
فردوس الباري وجناته
ومعنى القرآن وآياته
بجروحك شيضمد صبرك
أصواب الفرگه الكاسر ظهرك
ياحيدر من بعد الزهره
★★★★★
من ابتسمت يوم الدنيا حال الخاين من يتبّسم
تاخذ منك راحة بالك وتنطيك اشگد لوعات وهم
مثل الماي الفرحه اتبدّت ياماي اتبدّه ومايلتم
للصعبات اتحتم عمرك وهذا الحال عليك تحتّم
بعد افراگ احبابك صعبه
ديره وصارت وحشه وغربه
لوعات اهواي التنتظرك
أصواب الفرگه الكاسر ظهرك
ياحيدر من بعد الزهره
★★★★★
أحزان الماتندل دربه چان البيت وتضوّي اركانه
يوم الغابت عنه انواره لون الليل امغطي ألوانه
والاصحاب الغدروا طه شلون ايسميّهم صحبانه
والي كاسر ضلع الزهره وين أمروته اوين إحسانه
والينذم ليش ايمدحونه
والشر الخير ايسمّونه
شماتنسه النسيان ايذكرك
أصواب الفرگه الكاسر ظهرك
ياحيدر من بعد الزهره
★★★★★
الحط الخير وشال الظلمه وهدّ الشر ابراحة باله
وللاسلام البايع روحه جازوا بالنكران افضاله
خطفوا منه انوار الزهره بالظلمه اشرار التبراله
ياگلب الماتخمد ناره تذبل شاف الجنه اگباله
هاي اخر ايام العشره
بيها الحاضريصبح ذكره
من گلبك متغيب وفكرك
أصواب الفرگه الكاسر ظهرك
ياحيدر من بعد الزهره
★★★★★
لهناه وصلت حال الزهره تتحارب حتى على الونه
ملّوا ونتّها على الهادي چم محنه اتمر بيها ومحنه
والكرار ايصد ابعينه حسره گباله تذوب الجنه
معناها الراحه ايودعها وتصير الدنيا ابلامعنه
لاحسره اتجيبه ولادمعه
الراح ابدرب المابيه رجعه
موبس حرگه اتعيش ابصدرك
أصواب الفرگه الكاسر ظهرك
ياحيدر من بعد الزهره
الشاعر حسن لعيبي الحريشاوي
#قصيدة_للزهراء_جديدة
#المستهل
شيـل ايـدك يظـالم لاتـطكها
هاي ام الحسن محني ظهرها
ظهر الزهره مـحـدوب
بطحن الرحّـى متعوب
شيل ايدك يظالم لاتطكها
•───✧◐◐✧───•
نـعمة الزهرة خلاها الله بالكـون
تطحن بالرحى وتنطي اليجوعون
الفـقره واليتـامه الـها يـكصدون
تنطي العدها والماعدها مرهون
مكصدها يفرحـون
ومن جفها يشبعون
شيل ايدك يظالم لاتطكها
•───✧◐◐✧───•
شيل ايدك عساها احتركت بنار
تعبانه ام حسن أبعد من الدار
فاطم هاي بنت النبي المختار
لاتـزرع حطب والفتـنـه بالنار
جـايـب حـطب للبـاب
بحقد داس اعله العتاب
شيل ايدك يظالم لاتطكها
•───✧◐◐✧───•
يرضى الله لرضاها إعلم ابهاي
لاتـكرب عـليها اتراجع هواااي
اخذ وياك نارك وامشي بهداي
بـيـوم الآخـرة والـدها رواي
لاتبدي المصيبة
وتكسر هالحبيبة
شيل ايدك يظالم لاتطكها
•───✧◐◐✧───•
بعمر ثمنطعش تهجم عليها
وتـحرك دارها وتغضب وليها
محسن راح ياوسفه من اديها
وعملتو الماجرى وسويتو بيها
آيـا سطـرة العـيـن
توجع كَلب الحسين
شيل ايدك يظالم لاتطكها
•───✧◐◐✧───•
نـار وبـاب من جذوع وثكيل
وزنها الباب يـنقاس بزناجيل
طبكو عالزجية وشافت الويل
والبسمار اعوج من نبت حيل
كسر ضلع الزچيه
بسمـار الـدعيـه
شيل ايدك يظالم لاتطكها
•───✧◐◐✧───•
#2023
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
اهدي ثواب القصيده الى روح والدة الحجية ام مرتضى الشمري
يابو عبدالله يابو عبدالله
ــــــــــــــــــــــــــــــــــــــــــــــــــــــــــــــــــــــ
جيت يمك روحي متـــروسه ذنوب
وتوبة الحــــــر على بابك ارد اتوب
حسين اذا تطردني من بابك اضيع
ياهو غيرك انـــــــــت ستار العيوب
انــــــــت ساترني بعباتك
يالمضـــــــــــحيلي بناتك بيش اجازيك
بابك ادعــــي بكلب نادم
حسين بس اقبلني خادم ارد اواسيك
انطيني بس نية حبيب
ارد اخــــدمك يالغريب
وانعه للشيب الخضيب
يابو عبدالله يابو عبدالله
ــــــــــــــــــــــــــــــــــــــــــــــــــــــــــــــــــــــ
تلچمني اريد بسهم من اسهامك
احسبني ماي وطفي بيه خيامك
لا تخلي الدنيه تاخذني بعيد
خذني ارد اخدم ضعن ايتامك
بكيفك انه امشي يمولاي
انه من هاي ايدك الهاي ياجبيري
كلبي بمحــــبتك كسيته
وكله من جيسك خذيته هاذه خيري
ها انا عبداً مطــــيع
احسبني خادم للرضيع
انه لو مــــا انت اضيع
يابو عبدالله يابو عبدالله
ــــــــــــــــــــــــــــــــــــــــــــــــــــــــــــــــــــــ
انطيني دمعه ارد ابجي وي الطاهره
الركضت مــــــــن الخيمه للتل حايره
مادلك ايـــــــــــدي وصيحلك دخيل
روحي بشـــــــــجم ذنب جتك عاثره
شارد مـــــن اذنوبي اجيتك
نادم اتعـــــــــــــــنيت بيتك لاتردني
من الذنب جيت استجيرك
ارحـــــــــم الماعنده غيرك لا تردني
هنا يالمترس اجروح
الغير بابك ما اروح
عليك بس رايد انوح
يابو عبدالله يابو عبدالله
ــــــــــــــــــــــــــــــــــــــــــــــــــــــــــــــــــــــ
انه غلـــــــــــــــطان اعتذرلك نادم
الدنيه لهـــــــــــتني ولهتني الوادم
رحت عــــــن دربك يبو الاكبر بعيد
وانت كاتبني بســـــــــــجلك خادم
الدنيه موسم وانت عارف
وانه منها اهواي خايف باجر اخسر
الماحصد دمعه بعزائك
ماتشمله انت بدعائك يابو الاكبر
خذني مشيني برامك
وحيل ذوبني بغرامك
وكلبي جويه بخيامك
يابو عبدالله يابو عبدالله
ــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
نعي الى مولاتي الزهراء عليها السلام
*
لازمه الباب لازمه الباب ثلث تيام زينب لازمه الباب
والدمع سجاب والدمع سجاب تسولف عالضلع والدمع سجاب
يالتراب يالتراب اشمالك جا دفنت امنه يالتراب
العتاب العتاب عتبنه اشكد لجن ما فاد العتاب
شديت شديت يدهري اشبيك هيج وياي شديت
يالبيت يالبيت اشلون ارتاح واكعد بيك يالبيت
نريد امنه نريد امنه وحشه البيت واحنه نريد امنه
ما لكيناها ما لكيناها بحجرتها ندور ما لكيناها
انموت وياها انموت وياها هاي امنه ونريد انموت وياها
يوجعني يوجعني اصفاحي امن البواجي يوجعني
اتروح مني اتروح مني اشلون امي الحنينه اتروح مني
ابعيد عني ابعيد عني تره كبرج ييمه بعيد عني
اعله وني اعله وني اون والمكبره اتون اعله وني
اشلون بيه اشلون بيه المغرب من يجيني اشلون بيه
لو هاي هيه لو هاي هيه بعد نلتم سوه لو هاي هيه
غسلاها غسلاها علي بديه الزجيه غسلها
وجفناها وجفناها مدري اشلون حيدر جفناها
ويون الحسين ويون الحسين يون كام الحسن ويون الحسين
لا تروحين لا تروحين بعدنه ازغار يمه لا تروحين
بسمار بسمار صاب الضلع يمه اشلون بسمار
والكلب حار والكلب حار زينب يمه صاحت والكلب حار
الوداع الوداع ابد ما تنحمل ساعات الوداع
اينام بالكاع اينام بالكاع التريده عيوني ليش اينام بالكاع
اشلون طكه طكني البين بويه اشلون طكه
ايذوب حكه ايذوب حكه كلبي من الونين ايذوب حكه
بس صورها بصورها عله الحيطان ضلت بس صورها
بكبرها بكبرها امي اتحن علي حته بكبرها
وتفاركينه وتفاركينه وصلنه للنجف وتفاركينه
مو بيدينه مو بدينه صعب فكد الحبايب مو بدينه
اشلون بينه اشلون بينه راح انرد لهنه اشلون بينه
حزينه حزينه ونطلب للدار نلكها حزينه
اتعودينه اتعودينه عله امنه وداعت الله اتعودينه
بجينه بجينه وره اجنازتها بويه اشكد بجينه
*
تمت
تحسين الخفاجي
لاستشهاد فاطمة الزهراء عليها السلام
(كربلائي. ملمع 3 دگات )
بين قوسين فصحى
(لاينتهي هيهات . طول انتحابي)
(حين سعى الطاغوت. في دفع بابي )
★★★★★
لافكر ولاگال. لاحَسَّب احساب
بنت النبي المختار لاذت وره الباب
من رفسته لليوم. كل كسر ما طاب
(اشكو الى الرحمن. جرح العذابِ)
★★★★★
شعنده جمعها الناس. . ملتمه علدار
البيده حطب ويريد. يحرگها بالنار
من طبعه ياذي الناس لويطلب بثار
(خصم له المختار. يوم الحسابِ)
★★★★★
گمت وطحت من طاح سوطه علمتني
الطول العمر. مذلول. گاصد يذلني
ناسي الفضل والطيب. . بالشر ذكرني
( فَظٌّ شنيع القول. عند الخطابِ )
★★★★★
شيگله للمعبود. يوم القيامه
حگ لوطمع من راد. حگ الزعامه
اصبح خليفه يريد يحكم امامه
( هدد من ناواه ضرب الرقابِ)
★★★★★
تشهد ضلوعي هناك. كسري وعذابي
ودم الجنين الطاح. من دفع بابي
بالحذر للمعبود. . اشكي مصابي
(من ظالم للموت أهدى شبابي)
★★★★★
للوادم أدعي بخير. عد خالق الكون
للرايح وللجاي. من. ونتي يشكون
فگد الأبو چتال. ذوبلي العيون
( أمسى سواد العين رهن الذهابِ )
الشاعر حسن لعيبي الحريشاوي
الفاكد عزيز لفركته ناح
محمد النوري
تقرا لطم أو نعي
إلى من فارقناهم وإلى كل عزيز رحل عنا وترك لنا الذكريات
الفاكد عزيز لفركته ناح
الدمع من افراكهم طاح
تبجي العيون أعلى اليرحلون
العافو محنه ترس العيون
يرحون منه ومايرجعون
بوسط القلب خلوها الجراح
يجروحهم ماتشفى هيهات
لو مر ذكرهم تهل دمعات
المات منهم جنه مامات
ساكن عطرهم وسط الارواح
بالروح سكنو ما نملهم
واهواي بينا شوك الهم
من راحو بساعة اجلهم
لليوم يمهم روحي ترتاح
ترتاح روحي يم الاحباب
الفرح عكب ايامهم غاب
بعد الغوالي العيش ماطاب
القلب من شوكه شكثر صاح
صاح بحزن جا وين اهلنا
شنهي الخذاهم غصب عنا
من الاحزان الزمن ملنا
والحيل بعد افراكهم راح
محمد دعبل النوري
#يافاطمه.
•••
علي أيحزم علي وينخاه صبره ياعلي صبره
خلـف الباب ام حـسين وأسمــع لظلع كسره
•••
وجع غيرك تعيشه آتموت بس أنت عدل واجف
تتبده أعله حيلك نار ويحــرگك حچي الشايف
ترجف رجفت الفنجان علــى الحبيته أذا خايف
للينجرح دمــــع العين يضمد كل جــــرح نازف
ويلملم بگايه الحيل ويعرف بالگلب جمره
خلف الباب أم حسين واسمع لظلع كسره
•••
وانه المنكتل والبير يعـــــــــرف شنهي سالفتي
أضم أدموعي وسط الماي البير أمـأنه عاطفتي
أدموعي آمنگبه آمنطيح يروحي ياألــــم شفتي
بعدني بدفنت الزهراء ولحيتي ابسرعه شيبتي
والدافن عزيز اليل يخنگ واهسه بحسره
خلف الباب ام حسين واسمع لظلع كسره
•••
بكل نضره ألي بالبيت أشوفن جــــرحـــي يبرالي
بعتبت بابي ألوح الگاع وخلفلله علــــــى أخيالي
يكضني وانه حيلي أيموت موتت غالــي يم غالي
وأگومن وانتچي اعله الباب چـني أملاگي چتالي
وبكل خطوه حيلي أيصيح عونچ فاطمة الزهره
خــــــلف الباب أم حــسين واسمـــع لظلع كسره
•••
آمن أطب البيت بيه أيدور وگتي ودمعي يتبده
أشوف الحسن آبلاصــوت يبچي ودمعته بخده
وشوف حسين گام وطاح تثگل حيرته الوحـده
وزغيره زينب اعلــــه الأخ وفگد الأم ترى شده
حياة الجرح يم ملچوم وجع روحك ترى ايفسره
خلف الباب أم حـــــسين وأسمـــع لظلع كسره
•••
بيت النفس چـــان البيه تشمه وتستلذ روحك
هسه الحزن عــم البيت وأنت أمحزم ابنوحك
وأنت ابياكتر ترتاچ تخــــــاف أتفزز اجروحك
وأنت أبهــاي مدري أبذيچ تحذر كلش ابوحك
تضم الآخ فوگ الآخ مثل ألي يضم ذكره
خلف الباب أم حسين وأسمع لظلع كسره
•••
قصتي قصه ويه الباب كل مـــــــاشــــــوفه يتكرر
كسر الظلـع والبسمار الخلــــــــه أحــــلامي تتكسر
الخلاني أريد الموت بعــــــــد الزهره كلشي أخسر
وعلي أيحزم علـي ضليت وكل لحظه الجرح يكبر
يم كل أباب أحس بالنار وروحي التنعصر عصره
خلـــــف الباب أم حـسين وأسمــــــع لظلع كسره
•••
خادم آهل البيت،،ع،،
أبوحسين السرگودي...
نعي لسيدة الزهراء،،ع،،لسان حال السيدة زينب،،ع،،
•••
أشـــد أكوارهـــه روحي وأحشمهه
شلون أتعيش گلي الفارگت أمـــهه
وأنه أسنيني كلهن شيبه من همهه
مـيته أمـــــي ودعائي ربي سلمهه
ودمعتي أتطيح وتسلم عليهه°°
الظلع مكسور بين من حچيهه°°
•••
يالشايل نعـــشهه وين مــــنواها
ردت أشبــع أمسامـر كون وياها
أمــــي الغاليه الماأنســه ملگاهـا
مشت وظلوعهه تلچم أبممشاها
مشت والبيت حافظ كل مشيهه°°
الظلع مـكسور بين مــن حچيهه°°
خادم اهل البيت،،ع،،
أبوحسين السرگودي...🕊️🕊️🕊️
نار الباب _نار الخيم
صار عتاب _ كله ألم
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
صار الحجي متروس بعتاب
مابين نار الخيم والباب
اول حجت نار المخيم
والشاب گام يعاتب الشاب
يانار الباب انتي اول وحده أشتعلت
جفوف الزهره الترفات الحلوه أحترگت
نيرانج خلتهه تضم أديهه
بدخانج فاطمه وأبنهه أختنگت
شسويتي بيهه _ حرگتي أديهه _ ويلي عليهه _ ويلاه
حيدرهه صعبه _جويتي گلبه _ ضل يدعي ربه _ بل آه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يانار الخيام انتي اكبر
خليتي الحسين يتحير
جويتي رجلين العفيفات
وركضتي زينب گوه بلبر
سالم ماخليتي كل واحد سالم
ركضتي أم الخمسين گبال الوادم
طب دخانج بعيون سكينه العزيزه
وگدام سكينه حرگتي شموع القاسم
ماگلتي خطيه _ خوفتي رقيه _ طلعت مجويه _ بهضمه
ضلت يتيمه _ ماعدهه خيمه _ باتت بلهيمه _ وضلمه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يانار باب الزهره ماضن
انتي اللي خلت زينب تون
هددو بيج الزهره يانار
دخان نارج وصل محسن
حميتي البسمار الطب يوم العصره
وياهم صرتي وكسرو ضلع الزهره
صرتي بجف المايسوه نگوله شمالج
وبنفس الجف سطرو خد فاطمه سطره
شو صرتي ضدهه _أحمر يخدهه _ طايح ولدهه _ الغالي
موتي الحلوه _طبيتي گوه _ حيدر تلوه _ الوالي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ما أنسه يانار الخيم هاي
تحالفتي وي المنعو الماي
هم شالج المايسوه جفه
وطلعتي البنيات حفاي
نفس الجف الشالاج بهضمه ولوعه
أشر للخيل حسين يدوسنهه ضلوعه
صرتي بجف واحد گاطع خوه
جفوف الجابن زينب للطف مگطوعه
بلطف واشواگه _نارج حراگه _ زينب ع الناگه _ وناس
مدمعهه هامل _ بين القبايل _ أخت ابو فاضل _ عباس
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي
اسويتي بيه من مشيتي
بات الحزن والله بثنيتي
انه علي يا فاطمه انه علي
**
يل جنتي كلشي بدنيتي ياروح بيه
جرحج ابد ما ينجبر ها يزجيه
يضيگ النفس يم الحسن صبح ومسيه
مدفون كون انه بمكانچ
يحنينه وين الگه حنانچ
وسفه زمان شلون خانچ
يم الحسن
جرحج صعب فطر دليلي
خلاني ما كوم اعله حيلي
رحتي وبعد من يتجيلي
يم الحسن
يا بيتي انتي وطاح بيتي
اسويتي بيه من مشيتي
**
يل چنتي اغله منل النفس وعيوني ذني
الدنيه ما بيه طعم لو رحتي عني
ياروحي انتي وهيبتي زيتي وني
يا زهرة البيت وحنانه
بعدچ ترى طافي ضوانه
راح الدفو خالي مكانه
يم الحسن
ما ضل صبر وعزاز ماتو
بعيد عن الدار شالو
تفتحي عينچ لحنان رادو
يم الحسن
زينب تتاني وما اجيتي
اسويتي بيه من مشيتي
**
يا سالفه وكلچ دفو يحنينه وينچ
ما بي طعم كل الحچي من بعد عينچ
بيتچ فرغ يم الحسن ويكول وينچ
مخنوگ حتى منل هوه
والدنيه ما بيه ضوه
يل جنتي لجروحي دوه
يم الحسن
يتمتي زينب من وكت
يا روح بيه تعلگت
يا شمعت گليبي وطفت
يم الحسن
ميته وعله اولادچ بچيتي
اسويتي بيه من مشيتي
*
عطشان والله الشوفتج والذاك ملكاچ
يحنينه رحتي الوحدچ اخذيني وياچ
يمضويه بيتي وهيبتي غمضتي عيناچ
البيت خالي بدونچ انتي
حسين ون من سمع ونتي
تبچيتي زينب يوم رحتي
الحد هسه عطرچ ريحته تفوح
بس العطر يوصلنه مجروح
اليفگد حياته ألمن يروح
تردين روحي لو اجيتي
اسويتي بيه من مشيتي
****
يا صبح يمطلعه الصبح. يادمعت وغروب
يا نور ضاوي بكل وكت. ومضويه الدروب
كل الساعه اذكرج واحن. ورويحتي تذوب
ما رحتي كل لحضه اعله بالي
يل شخصج مرافك خيالي
يا غاليه ومودعه غالي
يا ضلمت الدار برحيلچ
يا حيلي كله ومات حيلچ
ادريچ يتفطر دليلچ
حاجيتچ وشو ما حچيتي
اسويتي بيه من مشيتي
كلمات / حيدر ناجي الدراجي
وينج يروح البيه
بالكبر. مالچ. جيه
وين المحنه اوينه ملكاااچ
من كون ميت يمه وياچ
يا يمه وينچ
***
يا بعد روحي و كلبي
تيهت عمري ودربي
غمضتي عينچ
يا سالفه الما تبرد
يا دمع زاد اعله الخد
يا يمه وينچ
هو شيعوض حنانج كون اموتن ما أظل
ذكرچ يضل اعله بالي شلون بعدچ ينحمل
فدوه حاجيني غريبه وحدي والدمعه تهل
صدك هسه البيت طايح وبعد مايلتم شمل
رديلي ساعه وكافي
مو عمري بعدج طافي
چا غير اوافي التعب ورباچ
من كون ميت يمه وياج
يا يمه وينچ
*
يا يمه ليش مغمضه
فتحيلي عينج لحضه
ابنيتج وحيده
حيلي انهدم يا بيتي
يحنينه يا عافيتي
يايمه وينچ
اتني عافيتي ييمه ميته انه بدونج
صعبه اعيشن بلا وجودچ تايهه بله عيونچ
ازغيره ما احمل وداعج هسه انتي شلونج
ادري وجه الخير وجهج يل تغير لونج
شو بعد ماكو الراحه
والفرح طار اجناحه
دارچ خليه حبيبه تنعاچ
من كون ميت يمه وياچ
يا يمه وينچ
****
بنيتچ وكومي امشي وياي
يا حيل بيه وملگاي
متعوبه جيتج
ثگل الحزن هدمني
والبعد شالع متني
يايمه وينچ
اكسر الخاطر حزينه واثر دمع بخدي
عمر مايسوه بغيابج كون انام بلحدي
رحتي ياشمعت حياتي شلون اعيش لوحدي
جن احس الدنيه ضلمه وكلهه صارت ضدي
راحت وراحت روحي
الليل اخلصه بنوحي
يا يمه وسفه تراب غطاچ
من كون ميته يمه وياچ
يايمه وينچ
**
اتيتمت وانه بزغري
من وكت خلص عمري
اه يل حنينه
ياضحكه ماتت بيه
رديلي بس شويه
يايمه وينچ
والله موتني رحيلچ بروحي ضلت لجمه
بلٱه يگضيهه حياته ودمعه لتموت امه
من اشم عطر الحبايب كلبي ينزف دمه
يا چلمت اليمه ثگيله عل يتيم وهمه
فركتج لا مو سهله
يابيت بعدج يحله
عيشتنه مره اخلاف عيناچ
من كون ميت يمه وياچ
يايمه وينج
****
هلدنيا صارت سفره
والعيشه صارت مره
كلبي تفطر
يمه بحلم مريلي
اتردين روحي وحيلي
يايمه وينچ
مريلي يا ديرت حزن يل جنت بيهه اتربه
فارگتج وجنه حلم والبعد يتعب دربه
يايمه جني بلا اهل ودنيه كلش صعبه
من رحتي راحت ضحكتي يا يمه هسه بغربه
صارت هواي جروحي
من روحي طلعت روحي
الموت مني اليوم ظماچ
من كون ميت يمه وياچ
يا يمه وينچ
كلمات الخادم
حيدر ناجي الدراجي
#قصيدة فزاعیه الي مولاتي الزهرا ع
طاح محسن عالثره
گوميلي یافضه بعجل
➖➖➖➖➖➖
گومي یافضه وسندي
راح الولد محد. الي
حگ الطم ودمعي يهلي
وي محسني راح الامل
✍️ #علوية ام فاضل
♾️♾️♾️♾️♾️♾️♾️
مالومه ودمعي يصب
مايحمل اهات الكلب
وراح الطفل مني غصب
ومن عندي جن كرب لأجل
✍️ #ام زهراء الزيداويه البصراويه
♾️♾️♾️♾️♾️♾️♾️
طاح ولطمت الهامه
المحسن كضت ايامه
دهري الفرح مادامه
والطاغي طكني ولا خجل
✍️ #أم حسين الابراهيميه ناصرية
♾️♾️♾️♾️♾️♾️♾️
الضلع وي طفلي انكسر
ياريت الي عودي حضر
ودموعي عالمحسن نهر
من الألم جسمي نحل
✍️ #أم علي نجف
♾️♾️♾️♾️♾️♾️♾️
ماطبك جفني بس سهر
من عكب عودي بس قهر
المحنتي ينوح. الحجر
قسمت الباري عز وجل
✍️ #ام علي البيضانيه
♾️♾️♾️♾️♾️♾️♾️
طاح الطفل ياحالي
يفضه ليه. . تعالي
من عندي راح الغالي
اجنين وبطني انكتل
✍️ #أم علي باپیروند
♾️♾️♾️♾️♾️♾️♾️
طايح يفضه اجنيني
كومي بعجل دركيني
سمعي اجر اونيني
سرعه تعالي بلا مهل
✍🏻سلمى أم جعفر
♾️♾️♾️♾️♾️♾️♾️
تمت بااقلام خادمات اهل البيت عليهم السلام في رابطة دموع الأقلام
🤲🏻نسالكم الدعاء 🤲🏻
مو حلو الوداع بهل مسيه **ياحامي الحميه
نعشك هاذه لو نعش الزجيه
ــــــــــــــــــــــــــــــــــــــــــــــــــــــــــــــــــــــ
علي اليله يودع فاطمه الزهرة ** بدموعه الجريه
صعب يتعافه لو يلتم بعد كسره **بفراك الزجيه
اول تالي حيدر منحني ضهره ** والونه خفيه
خل اتصب دمعته ماترجع زهرته
دفن روحه علي حدر الوطيه
ــــــــــــــــــــــــــــــــــــــــــــــــــــــــــــــــــــــ
حمل نعش الحبيبه وصبن ادموعه ** وكاتلته هضمته
علي مثل الزجيه مكسره ضلوعه ** وشيطيب كسرته
هضيمه يون علي وناته مسموعه ** من ودع زهرته
علي اتمنه مماته وي زهرت حياته
دفنته ودفنة الزهرة سويه
ــــــــــــــــــــــــــــــــــــــــــــــــــــــــــــــــــــــ
رجع من الدفن بس راجع اجنازه** دافن بيده روحه
شني ضلته بحياته اليفكد اعزازه** والله يكتله نوحه
اليجازي بخير ليش بجرح يتجازه **ويكثرن جروحه
حيدر ينعه روحه ويامكثر جروحه
ودمعته بفكد فاطمته جريه
ــــــــــــــــــــــــــــــــــــــــــــــــــــــــــــــــــــــ
علي الزينب رجع بس من رجع كبران *بأن بوجها شيبه
وصل البنيته بس من الهضم ذبلان * ياعظم المصيبه
بجه ودنك علي ودمعه يصب نهران **الفراك الحبيبه
مهضوم ويكابر وجرحه بطوله صاير
يزينب راحت الزهرة من اديه
ــــــــــــــــــــــــــــــــــــــــــــــــــــــــــــــــــــــ
يزينب ماتت امج صبي المدمع ** راحت من ادينه
اليضمه اتراب بويه بيادمع يرجع**ايسي ماتجينه
يبويه الروح احس من الجسد تطلع *منذكرها الحنينه
الروحي شكد تودها موتني بعدها
الفكدها كلبي نيران سريه
ــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
نعي للزهراء عليها السلام
عبس وجه الزمان وماتبسم
على مبسم الزهره يمطر الهم
ضل يرعد نوايب غيظ غَيَّم
على گلب الوفه شوغات لملم
من يا نايبه ام حسين تسلم
من غدر السقيفه. الگلب ورم
جيش على الطمع. والغدر ملتم
انغصب منها الورث ماواحد اهتم
وضلع بالباب من دفعوه تهشم
وياحال الجنين الفاض بالدم
ولاواحد بعد بالحال يرحم
بسواد الليل صار الصبح واظلم
لفه الهم والحزن علدار خَيَّم
ابحال الطاهره بس الله. يعلم
الشاعر حسن لعيبي الحريشاوي
ابوذيات لشهادة الزهراء عليها السلام
عذاب اكثر يرب الكون وجهه
على التارس شماته وحقد وجهه
دار اهل البخت بالنار وجهه
ورض برفسته اظلوع الزجيه
★★★★★
روحي شگد هظم يكتل وردها
على الروضه الغده ذابل وردها
سچة الليل اخذ روحي وردها
تون وتنوح علزهره الزجيه
الشاعر حسن لعيبي الحريشاوي
صيحه بالحق ترتفع .. يافاطمه
مانساوم عالضلع . . يافاطمه
......
ثارج امربع نرده باجر اويه القائم
خل يعادينه اليعادي وخل يلوم الايم
حصرًا ابهاي القضية النه موقف حاسم
نصلب اعله الشجره كلمن داس بيتج فاطم
نشلع اعيونه شلع .... يافاطمه
مانساوم عالظلع ... يافاطمه
......
ما نجامل بالقضية لا نساوم واحد
هالقضية اضلوع بيها امكسرات انشاهد
لاخر الانفاس بينه يالزجية انعاهد
دمج ابركبتنه دين انجيبه من كل حاقد
مانعوفه ابأي وضع ... يافاطمه
......
حقنه ما نتخله عنه نعتنيه اعناية
حجاية كلناهه بعزائج واحنه كد لحجاية
الدنيا نكلبهه اعلمودج راية تتبع راية
احنه تربات ابو فاضل سيد الوفاية
بينه زارع هالطبع ... يا فاطمه
.......
قصة البسمار عشنه امن الزغر وياهه
جيل جيل انوصي صرنه حتى ما ننساهه
اللعين الحرك بابج كبله من سواهه
هاية اول جمله نكتبها الطفل اليقراهه
سيدة كل الجمع ... يا فاطمه
......
والنكر طيحت جنينج والظلع والعصره
منة متبرين لاخر نفس عدنه انجره
بالقيامه اول قضيه تنرفع يالزهره
على شيخين الرذيله المارعوهه العشره
محكمة حق ترفع ... يا فاطمه
......
يالزجية افداج كلنه من الشبل للشايب
بس تأشرين بيمينج صاحب يجر صاحب
جنود تحت امرج يزهره وتحت امر الغايب
سمعاً وطاعه ننادي للظهور انراقب
نورة يا ساعه اليشع ... يا فاطمه
.......
الكلمات
موسى الخادم
مو وكت الوداع اوياج/يمه وتخلص العشره
اصغيره اعله اليتم تدرين/بنتج زينب الحره
ــــــــــــــــــــــــــــــــــــــــــــــــــ
مو وكت الوداع وياج/من صغري وتيتمني
وانه ابعازتج تـــــدرين/وغيـــــابج يأذيني
شلون اگضي العمر من دون/عينج يا بعد عيني
لو بعديتي يم حسين/ غيرج من يسليني
تصبح سلوتي بالبنوح/بين الونه والحسره
مو وكت الوداع وياج /يمه وتخلص العشره
ـــــــــــــــــــــــــــــــــــــــــــــــــ
ما تغفه وتنام العين/وانه امفارگه اعيونج
بعدج بيش اصبر الروح/يكبر حزني من دونج
كون ابگلبي مو بالگاع/وبروحي يدفنوج
حتى شما احن واشتاگ/اندهّ واسأل اشلونج
وبيه شما يّفيض الشوگ/اشتم ريحج وعطره
مو وكت الوداع وياج /يمه وتخلص العشره
ــــــــــــــــــــــــــــــــــــــــــــــــــ
امنـذكر لوعت البسمار/يبدي ويستجد نوحي
وعيني شما تصد للباب/الام اشكثر توحي
فراشج من اصدّ اعليه /فارغ يلّجم اجروحي
مثل عصرتج يم احسين/لجلج تنعصر روحي
تظل طول العمر بحشاي/نارج بيه متوجره
مو وكت الوداع وياج /يمه وتخلص العشره
ــــــــــــــــــــــــــــــــــــــــــــــــــ
من صغرني ولفاني البين/ ذبني وما رحم حالي
اخذ مني الحنينه بساع /ضيّع حلمي وامالي
راح اگضي العمر ونات/والونات تحلالي
وإصورج تروح شلون/ يم احسين من بالي
رسمج من اصدن ليه/تهدم حيلي كل نظره
مو وكت الوداع وياج /يمه وتخلص العشره
ــــــــــــــــــــــــــــــــــــــــــــــــــ
ياريت المنيه ويــاج/يمه وتخلص اسنيني
ومااضل عگب عيناك/اون وحزني غاطيني
ما يسوه العمر بجفاج/ردّي ولا تجافيني
مو هين عليّ فرگــــاج/ يالفرگاج يعميني
ومصابج يماي العين/ يسعر ما برد جمره
مو وكت الوداع وياج/يمه وتخلص العشره
ــــــــــــــــــــــــــــــــــــــــــــــــــ
ليل الفاگد امه اطويل/بالحسرات اسهرنه
ودمّع العين اهله اعليج/يمه وكله اوشلنه
بفراگج يبعد الحيل/حيلي وصبري اهدمنه
ما اريدن بعد عيناج/اضل بالدنيا وتهنه
ابدالج يم حسن وحسين /كون اضلوعي منكسّره
مو وكت الوداع وياج /يمه وتخلص العشره
ــــــــــــــــــــــــــــــــــــــــــــــــــ
✍️ علي كاظم المنصوري
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
في حق الزهراء. ع
دفن روحه علي لو دافن الزهره
الله يعين ابو الحسنين ويصبره
بيده يهيل التراب
ويجري ادموع المصاب
الله يعين ابو الحسنين ويصبره
-------------
حفر بيده الحد ودموعه هماله
ابو الحسنين حاير حالته حاله
دفن بيده حبيبه وللكبر شاله
ويدري الفركه تكتل حيل جتاله
يشوف الدار ظلمه وموحشه عليه
جرحه يلجم. من. يمر طاريه
تكتل. نار. الفراك
بروحه تهيج الشواك
الله يعين ابو الحسنين ويصبره
-------------
يصد. محرابه وبكلبه الحسره
ويدري مشت عنه فاطمه الزهره
والمكسور كلبه بعد شيجبره
ماينسه الظلع ومصيبته وكسره
اجاه البين غفله وفرهد اسنينه
وظلت دمعته مافاركت عينه
سوه. بحاله. المصاب
يشم. ابعطر التراب
الله يعين ابو الحسنين ويصبره
-------------
ختفه نور الزجيه وغاب عن عينه
وظلت حسرته وهمومه وونينه
الله يصبر ابو الحسنين والينه
تجري ادموع عينه فوك خدينه
ليش بياذنب من عدهه حرموني
يصيح ابصوت كبل الزهره ذبحوني
ام الحسن حسين
عنك مشت لاوين
الله يعين ابو الحسنين ويصبره
-------------
اه. ياحسرت الفاكد. اعز ناسه
شلون يعيش عمره وذبحو احساسه
حيدر. علزجيه شاب كل راسه
فاطم نسمه جانت تجري بنفاسه
كاعد يم. كبره ويشم اترابه
ودموعه عله فكد الزهره سحابه
ابد مالحظه ينساها
عمره دافنه وياها
دفن روحه علي لو دافن الزهره
-------------
نار ام الحسن ماتطفي ابروحك
وتمر هل ليالي تلجم اجروحك
من امصابه ذابل غده. لوحك
عله الزهره ابد مابطلت نوحك
جن ظلعك يحيدر هوه التهشم
جرح كلبك نزف كل لحظه تتئلم
بعينك صوره مرسومه
الزجيه اتنوح مالومه
الله يعين ابو الحسنين ويصبره
----------------
للشاعر. رحيم الصالحي
لا مو دمع ينزل دمه ........ كله المصابج فاطمه
ستر الله طايح عالأرض ...... يافاطمه يافاطمه
انه علي الما انكسر ... امن ادخل حرب ميضل اثر
بس فركَتچ يم الحسن ......ياوسفه كسرتلي ظهر
سيفي ولا يبرد ابد ............. مايوكَف اكَباله نحر
اغمد فقارك ياعلي ........... من العلي جاني الخبر
عذريني يالزهره صحت ... لجل الوصيه اتوقفت
يل بسمج ايدك النبض .......... يافاطمه يافاطمه
ناديت يارب العرش ..... من عندي راحت فاطمه
شايل نعشهه اعله المتن .... وتصورت شايل سمه
عافتني مابين الحزن ....... وعليهه روحي امعلمه
والينظر ابوجهي تره ........ ما چني حماي الحمه
معقوله بابج يحتركَ ....... ماجنت احسب نفتركَ
والباب بضلوعي يرض ............ يافاطمه يافاطمه
من طحتي انتي اعله الارض ..كل باب بالجنه انفتح
خلصتي عمرج بالحزن .......... ماشفتي ابعمرج فرح
من دفعو الباب ابحقد ......... حته الورد هم انجرح
والمحسن ابلايه ذنب ......... جم شهر عمره ونذبح
يافاطمه اعيونج ظوه ... والكل جرح انتي دوه
عمرج احسبه اشكم فرض .. يافاطمه... يافاطه
مثلج فلا صارت مره .. زوجة علي وبنت النبي
والدين كله ابرايتج ....... يالحره يالكَلبج ابي
والحركَ بابج ماسكت .. ايرد اعله زينب بالسبي
والسوط من كَد الضرب .. غير تره لون العبي
زينب تراهه اتعذبت ..... من بعد اخوهه اتيسرت
وبنص قصرهم تنتفض ........ يافاطمه يافاطمه
يافاطمه والحاربج ....... من عنده شيفيد العذر
وكلمن تجاوز عالنبي .......... بالنار حتماً يستعر
انه ادري مابيهم وفي ..... بيهم فقط بس الغدر
كَبرج خفيته امن الارض .. خايف يهدمونه الكفر
انه ادري بيهم مو زلم ..... وبيوم منهم انتقم
وحته ذكرهم ينقرض ..... يافاطمه يافاطمه
تمت :الشاعر سيد احمد الموسوي
الفاكد عزيز لفركته ناح
نعي
محمد النوري
-لمولاتي السيدة فاطمة الزهراء عليها السلام
-محكمه - ( ربيع الأول - 1446 - )
محكمه "" اْقضِي يقاضِي المحكمه
محكمه "" اني الزجيه فاطمه
بِيديه اِلكتاب " قَد حانَ اِلحساب
محكمه " محكمه
..............................................
محكمه والباري شاهد
دفع باب الدار حاقد
اعله الزجيه
الاول الثاني بحقدهم
ماكو كل رحمه ابكلبهم
ناصبيه
ربي اشهد ذوله هُمه الما رعوني
شِعلو ابابي حطب ويها جموني
يا سِمه "" شِهدِي عليهم ياسِمه
ياسِمه "" ماتت شهيده فاطمه
تقرير الاسباب " قد حان اِلحساب
محكمه " محكمه
.............................................
هُمه اجوني بكل صلافه
ضحكة الشامت حسافه
انقلابات
بلا ذنب طايح جنيني
وسطرة الظالم بعيني
والحلم مات
كالو الكلمة ( وأن) واني اسمعتها
حته لو دار الزجيه احنه ضدها
ياظلع "" احجي الجرالي ياظلع
ياظلع "" المحسن وكع ماينسمع
من جرحه ماطاب " قَد حانَ اِلحساب
محكمه " محكمه
................................................
ذوله حرموني شبابي
ذوله خلوني بمصابي
وِ نكِسارِي
أُم أبيها يا إلاهي
فاطمه بحقي اداعي
دمعي جاري
هاي أسماء العصابه الناصبيّه
فاطمه ظلموها يارب البريّه
ياكتاب "" انطق أسماء اِلّي هِجم
ياكتاب "" أولهم اليِعبد صَنم
بزِمرة الحَطاب " قَد حانَ اِلحساب
محكمه " محكمه
...............................................
اثمنطعش زهرة حياتي
العرش يِرضه لرِضاتي
أُم اِلحسين
سامِري الأُمَّة وعِجِلهُم
إبليس يِمشِي بكَلبهُم
يعني وَجهين
من حَدِيث الدار تِروي الرِزيّة
اهناك البسمار حافر اعوجيّه
جَم ألم "" ذِبحو حسيني بكربله
جَم ألم "" ذوله نفسهم حَرمله
اني أُم الحجاب " قَد حانَ اِلحساب
محكمه " محكمه
-------------------------
القِصاص اهنانه يبدي
مِن الباب والى المهدي
كلبي محروك
راحت اُولادي امن اديّه
ذَبِح . وِ بسّم . و سبيّه
جرح مبيوك
المُشتكى لله جرحي كل الايام
كلبي محروك وينادي آه يالشام
محترِك "" كلبي عله اسم السبي
محترِك "" هذي أنا بِنتُ النبي
شيبني اِلمصاب " قَد حانَ اِلحساب
محكمه " محكمه
--------------------------
الخادم- ابو فدك الشامي ✍🏻
•••
عن قصة البتول••ها يا ترى أشأگول
كسرو ضـلع طفو شمـــــع ياسيدي
ذبحـو طفل انحسبه عدل ياسيدي
ها يا ترى أشأگول
•••
الگلب يسئل عـــلى المقتل يبو الشيمه يغايبنه
الحزن يشتد ولبسنه أسود حـزن خيمه يوالمنه
الحقدامـــره اجـــــــه بكبره مثل غيمه يعذبنه
الحقــد أشر الضلــــع يكسر وكبر ضيمه يألمنه
ياچف گدر ينول•••ها يا ترى أشأگول
كسرو ضلع طفـــو شـمع ياسيدي
عدهم سهل صارت قبل ياسيدي
ها يا ترى أشأگول
•••
الكسر جمره على الزهره الهجــــم وينه نسائلهــم
أجــه بفتوه القتل نزوه قــــــــــبلْ دينه بتعاملهـم
وصل بابك وعــلى إعتابك حـــــقدطينه يسيرهم
الضرب فاطم ألـــــه أتحاكم السمه أدينه تعاقبهـم
وماي الگصص خجول°°°هــا يا ترى أشأگول
كسرو ضلع طفو شمـــع ياسيدي
أباب العدل مال الحمل ياسيدي
ها يا ترى أشأگول
•••
وگــع منهـــا جنين ألهــــا علي باجـــــر يأگدهــــا
الأجو كلهم علم عدهم العـــــــذر ذاكر مشاهدهــا
الصبر ألكم دوه عدكــم الزمـــــــــن داير يأدهــــا
الدفن جرحه بسمه صبحه وعدل ناشر سواعدهــا
وللحگ ترى أصول°°°ها يا ترى أشأگول
كسرو ضلع طفو شمع ياسيدي
راية شمل باچـــر تهل ياسيدي
ها يا ترى أشأگول
•••
تهل أنت وهلــــــــه ابهلتـه نضـل نهـــــتف ياالمشكر
وتسل سيفك علـــــى كيفك الدمع ينزف نزف منحر
وترد حگك وسبـي اهلــــك النصر موقــف يذل الشر
وتادب أسمه الحچه بكلمه الحچي يعـرف على المنبر
وتحــــرر العقول°°°ها يا ترى أشأگول
كسرو ضلـع طفو شمع ياسيدي
الحسبو سهل مايكتمل ياسيدي
ها يا ترى أشأكول
•••
البري عدهم عمرجدهم بسقيفتهم على المذبح
الضــــلع كسره شنو أيجبره برسالتهم منو اليربح
الوجــــع بينه وتاذينه بقيادتهـــــــــم منو الاصلح
يذبحـونه ويحــرگونه بمشيأتهــــــم سبي يسمح
الشكك ترى مسؤول°°°ها يا ترى أشأگول
كسرو ضلع طفو شمـــــــع ياسيدي
الباطل طفل والحگ عقل ياسيدي
ها يا ترى أشأگول
•••
خادم آهل البيت،،ع،،
أبوحسين السرگودي...
يامهدي....يامهدي
________
ياربي بالموعوْد.........نفتتحُ العزاءْ
بالدمعِ والبكاء..........لامنا الزهراء
ونسألُ الحنين.......وينحْني الرجاء
ونلطمُ الصدور.......لصاحبِ الجزاء
يامهدي..........ياااامهدي
________
احداقُنا تنوْح.........بالويلِ والثبور
وقلبنا يذوب.........بالبابِ والنشور
اظلاعُنا جرُاح......لظلعُها المكسور
عجل فما ترى.........تنتظرُ الدهور
يامهدي.........ياااامهدي
______
نسألُك الدُعاء.........ونرفعُ اليدين
توسلاً نقول........ياربي بالحسين
ننتظرُ اللقاء........قد اثكلَ الأنين
ونسبلُ الدموع.....لقصةِ الجنين
يامهدي..........ياااامهدي
______
بالجبتِ والطاغوت....آما ترى المصاب
ياصاحب الظلوع..........يسألُك الغياب
في دولةِ البكاء............يصطبرُ العذاب
وهل لناْ سبيل.............نرجعُ للكتاب
يامهدي.......ياااامهدي
_________
ياصاحبُ العزاء........انفاسُنا جُراح
حتى يشاء الله.......ويأتي بالصباح
اقبل فما هوى........قد هبت الرياح
الظلمُ فيْنا جار....وتشتكي الصفاح
يامهدي..........ياااامهدي
_________
يانفحة السماء.......قد ساقتُ الامور
والأرض تستغيث........تنتظرُ الظهور
سائت بنا الاقدار.....في عالم الفجور
قد افسد الطغاة.....بالحكمُ والقصور
يامهدي.........ياااامهدي
______
تمت بعون الله تعالى
خادمكم...... يوسف الفتلاوي