7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
الوسيلة | رضا الزهراء "عليها السلام" الشاعر السيد سعد الذبحاوي
آنـه خــادم للرضـاهـا مِـن رضـه الـبـاري ونـبـيـَّـه
آنـه خــادم رايـد من الـزهـره بـس ترضــه عـلـيَّـه
*١*
انـته من تخـدم بـشـر عـادي تـطـيـعـه
شـلـون اذا تخـدم المظـلومه الوديـعـه
عـلمـلـك جِـبْـرِيـل ضل يفخر يشـيـعـه
لأن خـــادم چـــان وبـدار الـشـفـيـعـه
بـلـمــأتـــم لازم اخـــدم فـاطـمه بـخـالـص الـنـيـَّـه
آنـه خــادم رايـد من الـزهـره بـس ترضــه عـلـيَّـه
*٢*
بخـدمتي رايد رضه الزهــره بـلـقـاهـا
لأن ادري رضـا البـاري من رضـاهــا
أجــر مـا رايـــد ولا رايـــد ســواهــا
روحـي وارواح البشـر كـلهـا فـداهــا
ابكلشي ماهم آنـه كل هَـمّي رضـاهـا وهــاي هِــيـَّـه
آنـه خـــــادم رايـد من الـزهـره بـس ترضــه عـلـيَّـه
*٣*
آنـه مـا رايــد ابـــد كـلـشـي بـحـيـاتـي
رايـد مـن الزهـره تحـظـرني بـوفـاتـي
عليه لو بس ترضه آنه اضمن نجاتـي
لأن ربّـي بحــبــهــا يـغـفـر ســيـأتـي
هوايه نادم لأن ادري مـقـصــر بـحـقـهـا الزچـيـَّـه
آنـه خــادم رايـد من الـزهـره بـس ترضــه عـلـيَّـه
*٤*
مقصر بحـقهـا لَـون افـديـهـا عـمـري
شما خـدمت الزهـره ماوافـيـهـا ادري
باللطم مفروض مو بس آدمي صدري
لازم آنــه اشـتري حـبها بكطع نحـري
بلـصـوارم لـو تگـطـعـني بـهـــواهــا الـنـاصـبـيَّـه
آنـه خــادم رايـد من الـزهـره بـس ترضــه عـلـيَّـه
*٥*
صرت كلما تصد عيناي اعلى فد باب
اذكـر الصاحـت يفـضه صدري اِنعاب
وچـني محسنها انضـره لمّن انصـاب
آه يـا زهــراء اصيح ودمعي سچّـاب
دمعي ساجم عالـذي انسطـرت ابچـف إبـن الدعـيّـه
آنـه خــادم رايـد من الـزهـره بـس ترضــه عـلـيَّـه
*٦*
امن اذكر الزهـره تفيض ادموع عيني
والطم اعـلى الرأس بـيـساري ويميني
آنــه خــادمــهــا وانـاديـهـا ابـونـيـني
بدفـتـر الـخــدمـــه يـفـاطـم سـجـلـيـني
ايــفــاطــم اطـلـب اتحـضريني وتـشفـعـيـن إلـيـَّـه
آنـه خــادم رايـد من الـزهـره بـس ترضــه عـلـيَّـه
الشاعر السيد سعد الذبحاوي
(بضعة رسول لله)
بـيـن الـدمـع والأه ** بـضـعـة رسـول لله
وآويـلـي ع زهراه ** وآويـلـي ع زهراء
*---------------------*-----------------*
بجاري المدامع والـحـزن ضـلـت عـلـيـلـه
خافت يصدهه المرتضى وتجرح دلـيـلـه
أتـحـمّـلـت ام الـنـبـي ضـيـم بـرحـيـلـه
ماچنهه بنت اثمنطعش صارت نـحيـلـه
تـذكـر هجوم الگوم ** ام الحسن كل يوم
حـمـلت جـرح وهـمـوم
*------------------------*--------------------*
بـعـمـر الورد وتـحمّلـت كـسـرت ضلـعـهـه
ولو شافـت الكرار اجـه تـمـسـح دمـعـهـه
فـجئـه الـزچيـه فاطمه اتـغـيّـر وضـعـهـه
شوّفهه كسرين الـزمـن گـوه وفـجـعـهـه
كسر النبي المختار ** وكسر الضلع بالدار
من لوعت البسمار
*----------------------*-------------------*
ما جامـل وانسه الجره بضلـع الـوديـعـه
هشموا صـدرهـه ابيا ذنب وبـيـا ذريـعـه
گرّب اجـلـهـه والـعـمـر بـعـده بـربـيـعـه
صارت ضحيه فاطمة الزهره الشـفـيعـه
ماتت أثر بالعين ** أم الحسن وحسين
تحمل جرح جرحين
*--------------------------*------------------*
زمرت عـصـابـه اجاهلوا قـدر الـزچـيـه
أول فعلهم بالـحـقـد مـحسـن ضـحـيـه
الـخـانـوا الهادي بـعَـجـل واذّو وصـيـه
ماگـولـن اصـحـاب النبي بَل ناصـبـيـه
خل البعض يحچون ** اصحاب البني ايگولون
اجرن دمه يعيون
*-----------------------*--------------------*
الگالوا صحابه ما اضن بـيـهـم صـحـابـه
الكسرو اضـلـوع الـطـهـر اكـبـر عـصـابـه
الـحـرگـوا الدار الـوصـي وزادو مـصـابـه
والـكـرر الـكـلمـت وأن واضـح خـطـابـه
اليحمل فكر تكفير ** ماضن صحابي ايصير
ألمن وجهه ادير
*-----------------------*---------------------*
✍خادم الزهراء (ع)
الشاعر رعد الجريخي
ويلي عالزهره المظلومه
عاشت ومات مهضومه
*******
ظلت بالجرح والونه مخفيه
ودمعة فاطمه بالحسره يوميه
ويا كسر الظلع مايشفه ليليه
يوم الي جره بيها الوصي اتألم
*******
عاشت بالحزن والدمعه سچابه
ويم ظلع الزچيه شاهد اصوابه
كلها من السقيفه زادت امصابه
وصت سر دفنهه ابليل الاظلم
*******
يمهه لو تعنه يجذب الحسره
ودمعاته اشكثر يافاطمه الزهره
رجع للدار حيدر منكسر ظهره
على امصاب الظلع لوعاته تتأزم
*******
تخفي عالوصي والدمعه تجريهه
وادري الآه چانت كلمه تحچيهه
تمسح بالدمع كلما يجي اعليهه
وحيدر ياظلع من فاطمة اتشهم
*******
يا باب الزچيه سولف الاسباب
وبجرم السقيفه اشسوت الاصحاب
نار اتوجرت منهه الجنين انصاب
ولاذت للستر بيها الوفه اتشيم
*******
يا باب الحزن لو نسأل اجروحه
وحيدر عالزچيه ما هدئ نوحه
ما يهوه الحياة الي دفن روحه
وحيله عالزچيه اشگد تره اتهدم
*******
تمت بعون الله تعالى الشاعر___يوسف_الفتلاوي
#من_ديوان_دموع_وعبرة_في_رثاء_العترة_ج٣
*قصيدة ثكيلة للزهراء (وين گبرچ يالزچيه)*
❥━──➸➽❥❂❥━──➸➽❥❂
وين گبرچ يالزچيه نريد ننصبلچ عزيه
ونگعد بنص الصحن ... نصيح يا ام الحسن
يالزچيه يالزچيه
❥━──➸➽❥❂❥━──➸➽❥❂
وين گبرج يم حسن ما ندري عنه
كل ليالي فاطميه انجرهه ونه
يمته مولاتي بضريحچ نگعد احنه
ويظهر المهدي اويانه يلم شملنه
وننصب عليچ العزاء ... نصيح يا خير النساء
يالزچيه يالزچيه
❥━──➸➽❥❂❥━──➸➽❥❂
آه يا زهره مصابچ فت الضلوع
وخله دلال العقيله اعليچ مفجوع
والله نتمنه بضريحچ نشعل شموع
زيارتچ نقراها كلنه بحرگه ودموع
ونظل نلطم عالصدر ... بينه حسره چن جمر
يالزچيه يالزچيه
❥━──➸➽❥❂❥━──➸➽❥❂
بينه حسره يم حسن بالگلب تسعر
كلب كل شيعي لمصابچ ترى تفطر
كلنا منتظرين يوم المهدي يظهر
ويطلب بثار الضلع ذاك التكسر
يصيح يمه فاطمه ... روحي حيل مألمه
يالزچيه يالزچيه
❥━──➸➽❥❂❥━──➸➽❥❂
يصيح يا يمه يزهره وتنحب الناس
وتظل كل الشيعة تتلاطم على الراس
ونقسم الها احنه قسم بحسين وعباس
نون عليچ نظل لحد گطعه الانفاس
ما جره مثلچ مصاب ... محسن وعصرة الباب
يالزچيه يالزچيه
❥━──➸➽❥❂❥━──➸➽❥❂
ماكو بالدنيه مثل فجعة مصابچ
الشيعة كلها ايتامچ اتاني جوابچ
وكفة السائل وكفنه احنه اعله بابچ
حايره تون وبگت تنحب احبابج
تنتظر يوم الفرج ... ليچ مشتاگة المهج
يالزچيه يالزچيه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
#لسان_حال_السيدة_زينب_ع
#السيدة_فاطمة_الزهراء_ع
#طور_الفراق
يمه يمه.. كسرة ضلوعــچ بدايـة
يمه يمه.. للمصــايب و الرزايــــه
يمه يمه.. يا أصـل كـل الحكايـه
╌ـ╌ـ────═❁═────ـ╌ـ╌
يمه يمه.. لو مــا هالظالــم تجسّــر
يمه يمه.. ضلعچ بأحقــاده كسّــر
يمه يمه.. چا سِلَم لحسيـن منحــر
╌ـ╌ـ────═❁═────ـ╌ـ╌
يمه يمه.. لـولا هالعصبـة الرديّــة
يمه يمه.. چـان مــا جَت آل اميــة
يمه يمه.. ولا دمــا اولادچ جريّــة
╌ـ╌ـ────═❁═────ـ╌ـ╌
يمه يمه.. ولاشفت خيل اعوجيــة
يمه يمه.. تسحگ اضلوع الشفيّة
يمه يمه.. و لامشت بنتـچ سبيّـة
╌ـ╌ـ────═❁═────ـ╌ـ╌
✍ #الشاعرة_زينب_الخفاجي
🤲 #اللهم_صل_على_محمد_وآله
يرضى الله لمرضاتچ … حورية بكلماتچ
يالولدچ اياتچ .. وانتي القران
عالمذهب دافعتي .. وبضلوع تصدقتي
ام الحسنين انتي .. و ام الاكوان
_____
يخرزة امن العرش .. نطيح بطيحتچ
فقط محبس علي .. يلوگ لگعدتچ
إذا الليلُ يغشى.. غشائه بشيلتچ
تفر الكواكب .. يفرة رحتچ
بقصرچ الجمهوري رحّة وسبحة طين واغلى باب
عينه ميته الما يشوفج جوهره بنص التراب
حوه كون تكلها يمه الخلّفت سيد الشباب
آدم أب للامه.. بس ادم انتي امه
شمعه ودستي الظلمه.. نور وغرّاء
اسرافيل بدوره.. من يحيي المقبوره
ما يستخدم صوره .. بس يازهراء
—————————
يحجه اعله الحجج .. تحية لحجتچ
سليمان النبي …. فقير بعتبتچ
التواضع سجيتچ .. قنوعه بعيشتچ
اميره ومليكه.. الاماره بحجرتچ
مدرسة فن التواضع بيتچ الما معتلي
ووحده من طلابه فضه والمدرس بي علي
واليدرس عفه حصراً عقله زينب ممتلي
تعليمج وأَنْقابچ .. وزينب من طلابچ
شافو طف ابّابج .. راحو دفعوه
يا اول شيعيه .. ويا ابرز شخصيه
والحوزه العلميه .. الدار وحرگوه
———————
النبي عيسى انصلب.. وحروفچ رفعته
خليل الله احترگ .. ودعوتچ نقذته
سبأ ذاك عرشها .. قدرتچ جابته
بضلوعچ نقذتي.. محمد و امته
انتي تسبيحة صلاتچ ما تقل عن القدر
شي قليل الاستجابه انتي دعواتچ ذخر
دعوه من ايدچ تخلي النجمه تطلع بالظهر
تسبيحاتچ ترهب .. واطمئنان المذنب
بيچ الرب متعجب … يا روح الدين
بيچ الوادم وصلت .. للقمه وما نزلت
يم افضالج صلت .. سورة ياسين
———————-
حجم هاي الشمس .. امامچ ينّسه
تدرس بس شرف .. يأول مدرسه
عليّچ يلقبچ .. أنيسه ومؤنسه
سواد الليالي .. عفافج أسسه
سيدة كل النساء وكل رجال العالمين
يا جبل محد يهزه وقمّتچ راس الحسين
انتي اول وحده تقره الفاتحه لأم البنين
لغز انتي وشيفسرچ .. بيت احزانچ قصرچ
من حرص الله لعمرچ .. ميته زغيره
عقل الشالچ يتعب .. ضوه عالي بنص غيهب
هي الجابت زينب .. كوكب غيره
——————-
يباب الله الصبح .. يمفتاح السمة
النبي يونس طلع .. بدعائچ فاطمة
كليم الله موسى .. وره الطور احتمة
اخذ اذنه منچ .. و آلاهچ كلمة
من تفرشين المصلى يعني كون الله انفرش
اثمنطعش ايه ( التغابن ) وانتي هم اثمنطعش
من قلع حيدر حصنهم والله چي بسمچ غبش
الكعبه اتزور ابّيتچ .. يالزينب تربيتچ
التتقمص شخصيتچ .. اتحضرلها أضلوع
ياهي المثلچ ترضه .. يمه اتگل لفضه
اسمچ من انلفضه.. نتوضه اسبوع
——————-
اليخدمچ من گلب .. غداً ما ينعمي
وخلف اسمه انكتب .. فلان الفاطمي
يبسنه مشاعر .. .. دخيلچ غيّمي
تره الدنيا صحره .. اعله ولدچ خيّمي
انتي خيمتنه الچبيرة ومن تطيح احنه النطيح
خدمة ايامچ بخيته و ما يهز الخدمه ريح
يالضريحج ما نشوفه ومجلسچ هوه الضريح
يالحزنچ ربّانه .. .. وگعدنه بديوانه
وشيخنه وسوانه … ازلام امن ازلام
درب الخدمه ايحاسب .. والدمعه اقرب صاحب
سوه شاب اويه الشايب .. والخدمه ايام
——————-
علي هادي الخزعلي
يا اهل الدار شخبار ضلع الزهره
گالولي انصاب بالباب ضلع الزهره
بدموعي وحسراتي
اسأل عن مولاتي يا اهل الدار
...
خادم فاطمه جبريل سموني وعِله صيتي
بيت الزهره بيتي وكون استأذن واطب بيتي
اباب الجنه شفت النار وفزت نار حنيتي
ولسابع سمه الدخان مر بيه وخنگ ريتي
لباب الكوثر جيت اتحسر
شنهو الصاير الله اليستر
واگف مذهول معقول هاي البضعه
بين الدخان قرآن كسرو ضلعه
الطم بجناحاتي
اسأل عن مولاتي يا اهل الدار
...
انعصرت فاطمه و حسيت ساعات الحشر لاحت
ولمن طاحت اعله الگاع حسبالي السمه طاحت
الزهره بشوغة البسمار الحگ يا علي صاحت
لمحسنها الوگع بالباب اركان العرش ناحت
طير الجنه اسأل عنه
ليش الزهره انحرمت منه
انحب كلساع والگاع بدمعي توضت
شنهو الموضوع واضلوع ليش انرضت
وبأستغراباتي
اسأل عن مولاتي يا اهل الدار
...
يهل الدار حاچوني روحي النوح ما رِدها
اسألكم واريد جواب امنه شعدها ماعدها
بالله بيا زمان تصير الزهره ينسطر خدها
عين ام الحسن مندار ابيضها اعله اسودها
عين الزهره صارت حمره
فوگ العصره نصابت سطره
لو صار الليل بالليل اسمع ونها
انزل كل يوم مهظوم انشد عنها
واحتارت كلماتي
اسأل عن مولاتي
يا اهل الدار
...
يهل الدار يهل الجاه يهل العز والمروه
اعليكم فاطمه تكولون الباب بفاطمه اشسوه
الضلعه بي كسر ياناس يشتم الهوه گوه
عند اهل السمه وحشه صوت الزهره ماهوّه
يهل الغيره ظلمه الديره
شلون الزهره گلبي بحيره
يا اهل البيت ونيت من هالمحنه
عن ضلع النور مكسور اسأل عنه
تتعذر دمعاتي
اسأل عن مولاتي يا اهل الدار
...
حيدر شفته نص الليل طالع يجذب الحسره
بمتونه نعش شايل وبكل خطوه الف عثره
گتله شصار يالكرار وگلي ماتت الزهره
يا جبريل مات الحيل وصارت دنيتي مُره
زهرة عمري كسرت ظهري
راحت روحي ومحد يدري
الله الله چم آه عند الساده
حيدر مجروح وينوح يم ويلاده
ما اجرح ساداتي
واسأل عن مولاتي يا اهل الدار
...
خادم الحسين ( عليه السلام)
كرار حسين الكربلائي
( ابو كميل)
سيدة الجنه تموت عجيبه
الكون انشال بتابوت
عجيبه
يا اهل الدمعه والاه
امي في ذمة الله
...
الحسن آنه وشفت امي انكسر منها ضلع بالباب
بزغر سني رحت اركض اصير الها ستر وحجاب
فزع دخان باب الزهره للزهره
اسمعت صوت الضلع كسروه بالعصره
اصيح اسم الله يمه وخاطري مكسور
متت ذاك الوكت يا ناس الف مره
عصروها باب الدار اويلي
وبيها اشسوه البسمار اويلي
موقف ما لحظه انساه
أمي في ذمة الله
...
عشت فترة ألم صعبه الضلع يلچمها واتحسر
اتچيها عله متوني تريد تگوم ما تگدر
اضم دموعي وادعي بحسرتي وهمي
يربي بفاطمه أمي تشافي أمي
تكابر عالألم وتگلي آنه بخير
اخاف تموت وايصير اليتيم اسمي
خايف يا ناس تروح حياتي
وتظل بس نوح بنوح حياتي
يا جرحي العايش وياه
امي في ذمة الله
...
چنت اكبر ولد عدها وصفت اكبر جرح بيه
حنان امي اندفن بتراب بزمن ما بيه حنيه
جنازة اغله ناسي انشالت اگبالي
وطلعت بنوحي غالي يشيّع بغالي
دفنه الشمس يا ناس بظلام الليل
خذتها المگبره وجينه بنعش خالي
الله ومن رديت يعالم
وحشه بلا امي البيت يعالم
خير الدنيه دفناه
امي في ذمة الله
...
اخوي حسين اجه يمي ويحط راسه عله صدري
يسولفلي يبو محمد رحيل امي كسر ظهري
بعد ما ترجع امنه ونگعد وياها
يتامه ازغار بس شيبنه فرگاها
اصبره بكلمة الله وياها خل ترتاح
ويگلي الوالده اشتاگيت ملگاها
مانامت لحظه العين بعدها
وخايف ليموت حسين بعدها
گاعد بالعتبه الگاه
امي في ذمة الله
...
جرح عندي اخت تبچي واصبرها بگلب ينحب
احس بيها مثل امي وصحت ويلي على زينب
تِطَلِّع ثوب امي المحترگ بالنار
وتظل تبچي لمچان البي اثر بسمار
تصيح الماتت امها حگها من تموت
بعد المن اسولف ضيمي من احتار
صحت بصوتي المبحوح يزينب
الله يعينج عالنوح يزينب
اعليها وعالزهره ويلاه
امي في ذمة الله
...
خادم الحسين ( عليه السلام)
كرار حسين الكربلائي
( ابو كميل)
من الگبر جيت واوصيچ بوصيه يزينب يزينب
كافي لا تبچين كل ليله عليه يزينب يزينب
..
بليله ظلمه اندگت الباب
واطلعت لن روح امي هذي عالباب
رحت اركض واشبگتها
والحچي للدمعه صار بملگه الاحباب
صحت يُمه انتهيت بوكت موتچ
شگد لطمت وبچيت اعله تابوتچ
صارت الدنيه سكته بعد صوتچ يالحنينه
ولن تگلي دمعتچ شمسويه بيه يزينب يزينب
كافي لا تبچين كل ليله عليه يزينب يزينب
..
يُمه زينب انتي تدرين
البشر من يموت روحه تظل عله الدار
ويالحبيبه ومن اجيكم
اسمع ونينچ عليه ليل ونهار
المغربيه تعلگين ضوه شموعي
وي دموعچ تره تنزل دموعي
شما بچيتي تفز كسرة ضلوعي
يالحنينه
عيني تبچيلچ نهر كل مغربيه يزينب يزينب
كافي لا تبچين كل ليله عليه يزينب يزينب
..
وآنه ميته بكلشي ادري
لحجرتي مهظومه اشوفنچ تطبين
عله فراشي شگد بچيتي
وتشبگين ثيابي كل ليله وتنامين
البيت وحشه وعله الغربه تحچيلي
يُمه حرموني منچ تگليلي
صعبه بس كافي يبنيتي تبچيلي
يالحنينه
هذا امر الله وعله امر الله شبديه يزينب يزينب
كافي لا تبچين كل ليله عليه يزينب يزينب
....
الله يدري شگد احبچ
ساعه وحده ما نسيتچ يالحبيبه
ازغيره بعدچ عالبواچي
قسمتچ مثل امچ تظلي غريبه
كُفّي نوحچ يبعد امچ الزهره
بخير اَنه وهذا محسن كبر عمره
ضلعي طاب وبعد طابت السطره
يالحنينه
بگبر واحد آنه والمحسن سويه يزينب يزينب
كافي لا تبچين كل ليله عليه يزينب يزينب
...
يُمه زينب كافي تبچين
الطف اجاچ ولاحگه هناكَ عله النوح
ضمي دمعج يم اخيّچ
واروي نحر حسين من تلگينه مذبوح
چني اشوفچ تركضيله محنيه
حسين ضامي و تدورين عله اميّه
وآنه اظل يَمه لو رحتي مسبيه يالحنينه
والبواچي تلوگ بس للغاضريه يزينب يزينب
كافي لا تبچين كل ليله عليه يزينب يزينب
..
خادم الحسين ( عليه السلام)
كرار حسين الكربلائي
( ابو كميل )
يالعايش بدنيه الدمع
من يوم تهشيم الضلع
يا ساعه نسمعلك خبر جاي
وايام امك فاطمه هاي يا بو صالح
..
بعصرة الزهره ما جنت عشت الألم بحساسك
والباب من عبر الزمن وداله جمره وجاسك
كلما يمر طاري الضلع شيبه تلالي براسك
بالغيبه تبچي لفاطمه ودخان باب انفاسك
يالمنتظر وكت الضُحه
عصرو ضلوع الفاتحه
شنحچيلك وعدنه حچي هواي
وايام امك فاطمه هاي يا بو صالح
..
عالفطره سوينه عزه وردنه لعزانه تحضره
فقره ونحب ام الحسن وانت تحب الفقره
يالضلعك امكسره الضلع بُعدك كسر شيجبره
صح احنه ما نستاهلك مرنه اعله جيس الزهره
كسر الضلع حل موسمه
وفقنه نبچي لفاطمه
لهذا الحچي ندريك شراي
وايام امك فاطمه هاي يا بو صالح
..
حزن الضلع نستقبله ونحسبله ليله بليله
والخادم العنده بخت لخدمتكم يشد حيله
لليبچي تدعي بكل فرض و بچفوفك تباريله
وشكبر حضه الي بچه وابن الحسن يدعيله
بشيبتك توگف تندعي
لهل اللطم واهل النعي
ومكتوب يمك شكو بچاي
وايام امك فاطمه هاي يا بو صالح
..
ما ندري بالدنيه شكو اتغرب اتشرگ بينه
يخلص عزه ونطب عزه هيچ العمر كاضينه
مولاي محلاة العمر بخدمتكم مخلصينه
نحلفك بشوغة فاطمه بهذا الدرب خلينه
دنيانه ساعات وتمر
ابيبانكم نگضي العمر
الما يلتزمكم تايه الراي
وايام امك فاطمه هاي يا بو صالح
..
يالعايش بغربة علي وگاعد جليس بدارك
شگد زارك من الدنيه هم بس الفرج ما زارك
بسبّاگة الريح شوكت تلگد وتطلب ثارك
يالهاشمي وغير الدمه ما شي يطفي نارك
نيران باب المصطفه
وعندك مخيم ما طفه
وذبحت عشيرة بعازة الماي
وايام امك فاطمه هاي يا بو صالح
..
خادم الحسين ( عليه السلام)
كرار حسين الكربلائي
( أبو كميل)
اقري عليه الفاتحه بحزاني راحله
يمه يزينب رايحه وتجمعنه كربله
وبآخر اللقاء
حي على العزاء
...
ابنيتي يا زينب تعاي ويمي اگعدي
لو رحت تستارثين مصابي بعدي
انسي ضلعي ومتني والسطره اعله خدي
اعليج من هسه المصايب راح تبدي
باب النوايب والحزن من بعدي تنفتح
طبرة علي جبد الحسن وحسين ينذبح
خل يعتلي النداء
حي على العزاء
...
يمه يا زينب اوصيج بوصيه
عينج اعله حسين يوم الغاضريه
من تقدميله المهر سلمي عليه
منحره وصدره تشميهن اليه
اتشوفين اخوته مذبحه واخفاهم القدر
زينب امانه بذمتج سلميلي عالگمر
يم صاحب اللواء
حي على العزاء
...
حسين للخيمه يردلج خالي مهره
وركضتج للتل يزينب تحني ظهره
اتشاهدين الشمر گاعد فوگ صدره
يمه اخوج من الگفه ايگطعون نحره
الف وتسعمية جرح وبچبدته سهم
مذبوح اخوج وشابحه عينه عله الخيم
من يحترگ خباء
حي على العزاء
...
ايعينج الله بكربله شتشاهد العين
اگبال عينج خيل تسحگ صدر الحسين
چني اسمع صيحتج لمن تصيحين
يُمه احضري خل ندور خنصره وين
تشوفينه عاري بالشمس والمنحر انچوه
حته قميصه ينسلب وي محبسه سوه
لو سلبو الرداء
حي على العزاء
...
بليلة الحادي عشر يا زينب اشلون
بين وادم غربه ما تغمضلج اعيون
ناخذج باجر سبي كلهم يصيحون
وچني اشوف الصوط شمسوي بالمتون
واليحرس اخيمكم شمر من بعد ابو الفضل
ومحضر النوگ الهزل ومحضر الحبل
وبسبية النساء
حي على العزاء
...
بالسبي يا يمه صعبه اتشوفج الناس
الهاشميه صعبه تمشي بلايه حراس
طبة الديوان يمه اتشيب الراس
من يضربونج يدخن راس عباس
راح اموت وماخذه آهاتي للگبر
زدتي اعله امج بالحزن والدمعه والصبر
ويلي يكربلاء
حي على العزاء
...
خادم الحسين ( عليه السلام)
كرار حسين الكربلائي
( ابو كميل)
عن عيني لو ردتي تروحين
وين انطي وجهي يم الحسين
تدرين الچ اشتاگ
ما بيه حيل فراگ
...
ذبلانه اشوفچ يالحنينه وخافت الصوت
كلشي ولَـ تگليلي حضر ليه تابوت
يالزهره والزهره علي من بعدچ يموت
هدت عله الخد دمعتي وتصيح الجروح
المن تظل بدنيتك لو فاطمه تروح
بعدچ تظل سلوة حياتي الآه والنوح
عوفي الرحيل وظلي وياي
لو رحتي ما ترحمني دنياي
اعليچ الحزن ما لاگ
ما بيه حيل فراگ
...
كبالج اضم دمعي اليصب وبحرگه ناديت
ما بيج غير العافيه يا شمعة البيت
بعدچ شسوي بعمري لو بالدنيه ظليت
دنياي خوف وروحي محتاجه لأمانچ
يام الحنان ولا تحرمينه حنانچ
باچر اموتن لو شفت خالي مكانچ
گومي اعله طولچ يالحبيبه
بعدچ علي ايطول نحيبه
عايش بديره اشواگ
ما بيه حيل فراگ
...
صدي عليه وعوفي بالله طاري الوداع
وشوفي دمعتي الخضرت شيبات بالگاع
عافيتج بروحي اشتريها لون تنباع
باچر تگومين بسلامه وننسه الدموع
يا فاطمه ايطيب المتن واتطيب الضلوع
للفرحه مو للوحشه باچر نعلگ شموع
توه العمر بادي وبعدنه
ردنه سوه انكبر ولدنه
بروحي جمر حراگ
ما بيه حيل فراگ
...
اعليمن يبعد اهلي اشوفچ گوه تحچين
شو ناسيه كسر الضلع واعليه تبچين
والله علي كل حيله ينهد من تموتين
يالزهره مو چنه سوه والعيش محلاه
عالدفع بابچ والظلمنه حسبي الله
خلانه نتوادع وداع الموت والآه
يا فرحه ما مقسومه اليه
اخفي الحزن والبيه بيه
طعم الالم ينضاگ
ما بيه حيل افراگ
...
يا زهرة الدنيه بغيابچ يظلم الكون
وطبع اليودعله حبيب يعيش محزون
يكتم شعوره بس تفضحه دموع العيون
يا ما تقاسمنه الألم يا ما صبرنه
بليل وضحه وسفه انتهت عشرة عمرنه
امر الله هذا ولله سلمنه امرنه
شگد صعبه من تموت الاعزاز
وبأغله ناسك تمشي جناز
من عيني حلمي انباگ
ما بيه حيل افراگ
...
خادم الحسين ( عليه السلام)
كرار حسين الكربلائي
( ابو كميل)
لسان حال مولاي علي ابن ابي طالب ع.
#قصيده
#ثكيل.
آنا الچبير محدب اليوم
مهدوم گلبي وحيلي مهدوم
لا عيني تغفى بليلي ورتاح
عيون الدمع زاعلهن النوم
الحايط بقه يتجيلي -روحتج هدت حيلي
::::::::::::::::::::::::::::::::::::::::::::::::::::::::::::::::::::::
علي انه هذاك الحيد -وللما باچي كل عمره
الزلم ما تكدر عليه -بس كتلتني انه الزهره
من كد التعب تدرين -احس ضلي انكسر ضهره
هدحيلي انه افراكج -وكلها اتشمت بيه
ردت انهض وكوم بساع-حيل الگومه مابيه
من گالولي ام حسين -ما عانني رجليه
يل زهره گلبي اليله ملجوم
اعيون الدمع زاعلهن النوم
مانمت بعدج ليلي -روحتج هدت حيلي
::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
رحت شاب ارجعت شايب-دافن بيدي كل عمري
تيهت الطريق منين-امشي امنين ما ادري
افراكج موش هين حيل-شده بالي وشده فكري
يم حسين ياعيوني -عميتي اعيوني بغيابج
مامنج بقه تذاكر -بقت بس ريحت اثيابج
الباسمر الدخل صدرج -كون يصيبني وعافج
وتكاثرن بيه انه الهمومم
اعيون الدمع زاعلهن النوم
بس ريحتج باقيلي -روحتج هدت حيلي
::::::::::::::::::::::::::::::::::::::::::::::::::::::::::::::::
:::::::::::::::::::::::::::::::::::::::::::::::::::::::::::::::
موبس ضلعج اتكسر -شوفي افراگج اش كاسر
كسر ضهري وسلب حيلي -صارالبيه ما صاير
بقيت الوحدي ترضين -علي انه اكسر الخاطر
راح الشوف بغيابج -وريت اعيوني انه يعمن
اعيوني الما يشوفنج -ضلتهن بعد المن
يصبن ليل ويه انهار -وبد مايرضن يسكتن
دموع وبواجي مخلص اليوم
اعيون الدمع زاعلهن النوم
طيفج يجي ويوميلي -فركتج هدت حيلي
:::::::::::::::::::::::::::::::::::::::::::::::::::::::::::::::
صارن البيت اضلم حيل -وكل اركانه حزنانه
البيت الماكو بي انتي -وحشه اوسوده حيطانه
ريت الموت اخذ روحي -المن باقي چا انه
جنت اشكيلج اهمومي -وسولفلج على البيه .
كل اهمومي هسى انتي -ياهو اليستمع لليه .
الي مخليتتي ابچي اهواي -دفنتج انه بيديه .
ممصدگ اولي هسى مصدوم
اعيون الدمع زاعلهن النوم
ياهو بعد يشكيلي -فركتج هدت حيلي
::::::::::::::::::::::::::::::::::::::::::::::::::::::::::::::::
حسين حيدر الخفاجي.
#من_ديوان_عبرات_وأنين_ج١(خاص بالزهراء ع)
*قصيدة لاستشهاد الزهراء (ع)*
❥━──➸➽❥❂❥━──➸➽❥❂
*محمله اليوم بت الأسس الدين*
*على مصاب الزچيه لعمي العين*
❥━──➸➽❥❂❥━──➸➽❥❂
على امصاب الزجيه العين لعميها
ظلمه انزولها والحزن غاطيها
نص الليل ابو اليمه طلع بيها
يمه اتصيح زينب وين تردين
❥━──➸➽❥❂❥━──➸➽❥❂
لاتمشين يمه اتصيح تانيني
اشبع شوف منچ يابعد عيني
ماني امعلمه الفرگاچ تدريني
من فرگاچ گلبي يصير نصين
❥━──➸➽❥❂❥━──➸➽❥❂
نصين الدليل ايصير من فرگاچ
اروح اوياچ يمه خل اروح اوياچ
اشوف الضيم كله من عگب عيناچ
يهد حيلي ييمه لو بچه حسين
❥━──➸➽❥❂❥━──➸➽❥❂
يهد حيلي ودليلي حسين من ينشد
يزينب كال يمته امنه الحنينه اترد
شيال النعش ماريض النه ابعد
شالچ للبقيع وماتردين
❥━──➸➽❥❂❥━──➸➽❥❂
شالچ للبقيع وبعد ماردچ
مصيوب الضلع ومعوره بخدچ
الليله اشلون تمسين المسه وحدچ
والاذان اذن ماتصلين
❥━──➸➽❥❂❥━──➸➽❥❂
وين اليوم يم الحسن صليتي
ويامن گعدتي يابعد بيتي
بالتربان جوه الگاع ضليتي
عله اصوابچ ينوم الگبر موزين
❥━──➸➽❥❂❥━──➸➽❥❂
موزين التراب يلچمچ وياذيچ
متعلمين نلتم كل مسيه اعليچ
كون الموت يمه يساومچ واشريچ
بروحي والعمر لشريچ تدرين
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
إلى الزهراء عليها السلام☆
ياكبر يدفن شمسهه الزهره امي
ماتت او وياي احسهه الزهر ه امي
واروهه بتراب .... نور امي ماغاب
،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،
اني زينب بس زماني مــــــارحمني
من بعــــــد امي الليـــالي عذبنــــي
الدفن ريــت الزجية اوياه دفــنـــي
اوماعشت لحظة بحياتي من عسني
من دمعتي ارسم ملامح صـــوره الهه
مااصـدك عني راحت .يمي ضلهه
عيني الهه محراب ،،،،،،،نور امي ماغاب
،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،
صرت احسن روحي ماتت من فكدهه
مااريد الدنيا كـلهه من بــعدهه
بس جسد ضليت اعيشن روحي عدهه
وي امي كـل سعادة فـــاركتهه
طاحت مهشم ظلعهه..ويمهه ابنهه
وبس اثر دم علبابي . ذكرة منهه
صورتهه علباب ،،،،،،،،نور امي ماغاب
،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،
مو ضلع امي التكسر هذا ظلــعي
هي نامت واني اسهر اجري دمعي
ثوبي اسود دمعي احمر هذا وضعي
كمت افز بليلي واصرخ يمه ارجعي
ريت ترجع امي اليه. حتى اشمهه
ارد اشم عطر الزجية...واغفه يمهه
وشتم عطر هاب ،،،،،،،،،نور امي ماغاب
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،
عاشرت دمعي ونحيبي مااكطــعة
بكلبي احسن اني صايح صوت اسمعه
بليلي اشعر يقره ناعي بـراسي ينعه
اشعــل بجمرة حنيني عيني شمعـة
من أحن بليلي واذكر بس كسرهه
الكــّبر يعصرني اشعر من ذكــرهه
....كل ذكره انصاب ،،،،،،،،،،نور امي ماغاب
،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،، ،
جان يستأذن مــحمد من يجيهه
الهادي دوم على المنابر وصه بيه
كــــال فاطم هي روحي ام ابيهه
طه حط جفهه امانه بجف عليهه
هجمو اصحاب السقيفة والضلالة
كسروا ضلوع الهدايه والرسالة
..عصروهه الاصحاب ،،،،نور امي ماغاب
،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،
بصحوة تحلم عيني بيهه جنهه يمي
فوك راسي اشعر اديهه تجلي همي
الباب من دم صورة بيه صورة امي
انكسر مــني عليه بكلبي عزمي
الموت امي فك حزنه ولبست ابيض
وماكو ليلة من بعدهه جفني غمض
كلبي بحزن ذاب ،،،نور امي ماغاب
،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،
•••••• للشاعر نسيم الحميداوي •••••••
نعي مفجع
للزهراء ع
أفـزّ بـالــيــل واتـــذكــر
امـي الـحلـوه گـعـدتـهـه
وياخذني الدمع والشوگ
ويوديني اعله حجـرتـهـه
اصـبّـر روحـي بـالـگـوه
واشم ريـحـت عبايتـهـه
واتـمـنـه الـزمـن يـنـعـاد
واسمـع مـره چـلـمـتـهـه
صوور بعيوني لـلـزهـره
مشت والصوور خلتـهـه
اوّل وحــده بـالـعــتـبـه
البيهه ابـتـدت قصـتـهـه
وثانـيـهـه تـشيـب الراس
يـوم الشفت عـصـرتـهـه
أمـي اشـجـنـت مـا ادري
ليش الـگـوم ظـلـمـتـهـه
وليش ايطيح محسنهـه
وليش الدمعه سالـتـهـه
بضعة سـيـد الـكـونـيـن
اشلون انسه مـصـيبتـهـه
*--------------------------*------------------*
✍خادم الزهراء (ع)
الشاعر رعد الجريخي
صرخه من السمه
ماتت........فاطمه ......يحيدر
يجرحني الدمع
مكسور الظلع.............يحيدر
*******
اشسوت بينه بويه هجمة الدار
واشوفنه الكلب ياويلي بس نار
واحسنه نبت ابظلوعي بسمار
اكدار الزمن جابتلي الاشرار
ليل...... الفاجعه
يحچي الواقعه .......يحيدر
كلبي ينفجع
مكسور الظلع .........يحيدر
*******
يحيدر دمعتي تشرح حچيها
يبويه شچم ظلع مكسور بيها
گامت فاطمه وتسمع بچيها
مصيبه ابرجعتك ونك عليها
یمهه من طحت
بويه....اتفاجئت........يحيدر
نوحك ينسمع
مكسور الظلع.........يحيدر
*******
تلاگو بالدمع والحسره بيه
وسمعهه تون شفت الزجيه
يفضه اشيبهه امي اتگض اديه
اجت للحجره بس ونه خفيه
نار ... امچيمه
حسرة فاطمه ..... يحيدر
ونك......يرتفع
مكسور الظلع.........يحيدر
*******
اسولفلك يبويه اشگد حزنهه
من شفت الزجيه ابعالي ونهه
وگع مثل الجبل طيحة ابنهه
سطرها الظالم وشاهد جفنهه
دمعي والجرح
وانت بلا صبح.......يحيدر
جرحك يتسع
مكسور الظلع.........يحيدر
*******
طاحت فاطمه..... وختل نظامك
خلفك ....ما بعد تنظر امامك
تحني شچم ظلع بويه اشعلامك
صعبه الكسره معروفه بكلامك
دمعك بي حچي
وهوايه....البچي........يحيدر
لويطفي الشمع
مكسور الظلع..........يحيدر
*******
يبويه انودع امنه ابدمعة العين
واسولف عالظهر وابروحي كسرين
الحسن يمي بنعاويه انچوه البين
بلهفته من شگبهه طاح الحسين
صاحت اتلوعت
من ذاك الوكت.......يحيدر
من هذا الوضع
مكسور الظلع.........يحيدر
*******
يبويه بيا دمع تدفنهه عينك
محني عله الكبر وسمع ونينك
چم طحه طحت بويه بحنينك
من هسه بعد ماتت سنينك
حزنك ينبني
ظهرك ينحني.......يحيدر
كلبك ينصدع
مكسور الظلع.........يحيدر
*******
#تمت بعون الله تعالى
#خادمكم ......يوسف الفتلاوي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
#تراث
#گعدية فضائل فاطمية
للزهره عنوان...يزهر بالأكوان
ماينطفي نوره...يزهر ابكل صوره
للزهره عنوان
ــــــــــــــــــــــــــــــــــــــ
گبل ايجاد الوجود اقتضت للمعبود قدره
اوگبل ما يبتدي ابخلق العالم اوتكوين أمره
من سنه نور التقدس صاغ قدسية الزهره
من نشأت الكون اكملت
قدسية الزهـــره زهت
اوشمس الديانة أزهرت
اوبزغ للإسلام بدره
واتبـادر النور...بالعالم اينور
نـور المعموره...اويزهرابكل صوره
للزهره عنوان
ــــــــــــــــــــــــــــــــــــــ
اوغصت ببحور المعاني الغامضه واطلبت درها
شاهدت در الثمين ابعصمة الزهره اوثمرها
اوشاهدت عترة محمد نور يتلاطم بحرها
يالمحب لامـرك راجعه
بالنور واعرف مطلعه
من الشفيعه امشفعه
لو ردت تسمع خبرها
إنشد التنزيل...وابضوه التأويل
آيـاته مذكوره...اويزهر ابكل صوره
للزهره عنوان
ــــــــــــــــــــــــــــــــــــــ
طرت بجناح العقيدة او أثر توفيقي معيني
اولازمت ايمان گلبي اونوَّر الإيمان عيني
شفت تمهيد العوالم بالشرع دستور ديني
أعني الرسول اوعترته
اوخلق العوالم زينته
من نـور عصمة بضعته
اوثبت بالعصمه يقيني
وابناظري لاح...للزهره مصباح
آثاره مأثوره...اويزهر ابكل صوره
للزهره عنوان
ــــــــــــــــــــــــــــــــــــــ
ابناظر اللي شفت باري الكون والذروه العليه
طالعت سورة الكوثر وإعرفت فضل الزچيه
جعل ذرية محمد منها والحيدر هديه
نعمة الباري الدائمه
حلت الحماي الحمه
فاطمه اوعصمة فاطمه
هالهديه الجوهريه
أنجبت للديـن...صفوة ميامين
واتشرع دستوره...اويزهر ابكل صوره
للزهره عنوان
ــــــــــــــــــــــــــــــــــــــ
هذا تكوين الزچيه اونورها السامي مقامه
عاشت ابحجر النبوه اوماتت ابجنب الإمامه
اوبعد أبينلك شرفها اليظهر ابيوم القيامه
ابأفق الرساله امهلهله
ابنور الإمامه امجمله
ابتاج الشفاعه امكلله
من إلشرّفها كرامه
واتشاهد النـاس...للعصمه نبراس
يتشعشع ابنـوره...اويزهر ابكل صوره
للزهره عنوان
ــــــــــــــــــــــــــــــــــــــ
اشلون وگفة حزن وقفت فاطمه ابساعة المحشر
حامله راس الحسين اودمه من نحره ايتفجر
بالحسن تقسم على الله وابأجر گلبه التفطر
تدعي اومقدمة الدعه
ترفع اچفوف امگطعه
من السگط بالمشرعه
بيها ذنب الكون يغفر
تشفع للإسلام...تسأل العلام
بضلـوع مكسوره...اويزهر ابكل صوره
للزهره عنوان
ــــــــــــــــــــــــــــــــــــــ
بعد تتقدم ابشكوه اوتفجع الكونين بيها
او أجر شكواها الكرامه اوبالشفاعه امسجليها
تسأل الباري ابمصيبة زينب اوهجرة سبيها
ياربي تسمع شكوتي
وياك أصالح دعوتي
امن النار تنجد شيعتي
او بالخلد تنعم عليها
واحنه ابهالإحسان...ندخـل بالإجنان
بذنوب مغفوره...اويزهر ابكل صوره
للزهره عنوان
الشاعر المرحوم
الشيخ كاظم المنظور الكربلائي
(315)
#اللهم_عجل_لوليك_الفرج
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
قصيدة للزهراء (بيت الاحزان)
يابيت الاحزان . احجيلي عنهة
من جانت تنوح . شيسوي ونهة
ماطحت يابيت الحزن
من جانت الزهرة تون
احجيلي عنهة….. شيسوي ونهة
جانت تجيني ام الحسن تتمشة كوة
كايدهة حيدر بالمشي وذراعة تجوة
توصلني شبعانة بجي ودمعتهة سلوة
شما بجت عطشانة حزن لا ماتروة
ذبلت. وردات. الصبا
تبجي علة ابوهة وتندبة
اه ياحزنهة … .. احجيلي عنهة
جانت تجيني من الضحة ولحد الغروب
تبجي وتوجر كل حجر وتحزن الدروب
ولو خلت ايد علة الضلع سعفاتي تذوب
ولو لابت المتوجعة حتى الهوة يلوب
وتنزل حمامات السمة
تواسي الحزينة فاطمة
ويساعدنهة… . . احجيلي عنهة
منعوهة ليش من الحزن ونتهة تشجي
مثل الحمامة تعاتبة اسمعهة تحجي
كوم السقيفة الغادرة من عدهة تشكي
ممنوع تحزن عالنبي ممنوع تبجي
خايف الظالم من دمع
ومن حزن مكسورة ظلع
ويلة الظلمهة…… احجيلي عنهة
اسمعهة من بين البجي تشكي وتكلة
حزنك يبو الزهرة وعلي لا ما املة
يابوية ما تدري النذل ربالي علة
كاسرلي ظلعي بدفعتة وهد حيلي كلة
يابوية مااريد. العمر
مو لجل ضلعي المنكسر
لعيني السطرهة … احجيلي عنهة
وحدهة تبجي الطاهرة واسمع بجيهة
ا ياحزنها شبي الم وشسوة بيهة
يغمة عليهة من البجي وانظر يجيهة
من بعيد لاحكهة الحسن خايف عليهة
يغسل وجهة بدمعتة
يناديهة يمة بلهفتة
يبجي وحظنهة .. .احجيلي عنهة
فاطمة المكصوصي
يا اهل العالم روحي جروحي اتدور عن وطن
وبغربة آدم وحدي شعندي عايش بالزمن
ما شايف راحه .. علي علي علي
مكسور جناحه .. علي علي علي
...
العاش بسكوته .. يتمنه موته
المن يسولف دمعته ومحد يفهمه
تنظرها وادم .. بس مو اوادم
الما يجرح بسيفه بحچي جرحك يلچمه
بين الخليقه .. اِحچي الحقيقه
واليحچي عنك بالظهر ماعنده ذمه
بعض الاقارب .. مثل العقارب
ام الجمل حاشه الجمل تتسمه امه
آه من الدنيه اندارت صارت غابه من البشر
بس الله اليدري بناري بداري يا ضلع انكسر
غايب مصباحه .. علي علي علي
مكسور جناحه .. علي علي علي
...
يا گلبي ضايع.. بين المواجع
ليش بمحطات القهر عمرك گضيته
ليل اليجيني .. سهرانه عيني
وبس الوساده تدري بالدمع البچيته
بجروحي وحدي .. والدنيه ضدي
ردت الاسولفله الجرح بس ما لگيته
العنده شماته .. تصعب حياته
مثل اليضم دمعه بنهر دمعي خفيته
حاير باحزاني بليلي وحيلي يا ناس انهدم
ما ينشف زمزم دمعي وضلعي چم مره انهشم
ذبحو افراحه .. علي علي علي
مكسور جناحه .. علي علي علي
...
عشت بزماني .. لا مو زماني
السميته صاحب صحبته طلعت مطامع
واقعها واضح .. صحبة مصالح
الما تنكر العشره صفت عَد الاصابع
نكرو عشرتي .. باگو فرحتي
ناس الكلت زادي سبب هاي المواجع
لا ما اعاتب .. بالدنيه صاحب
اني ادري اصل المشكله طيب المراضع
لخطوط الحمره عبرت نكرت للزاد وملح
والچنت انطيهم عيني سنيني جازوني بجرح
يتلگه ارماحه .. علي علي علي
مكسور جناحه .. علي علي علي
...
فارگني غالي .. شيبلي حالي
يهل الصبر رايد صبر يقنع دمعتي
اصعب مشاعر .. لمن تكابر
اضحك چذب بين الخلگ
وانه بحسرتي
فقد الأحبه .. يسمونه غربه
وانه اكبر من سنيني يا عالم غربتي
الودع حبيبه .. ايعيش بنحيبه
وانه حبيبي ينرسم دمعه بصفنتي
ومفارگ راحة بالي الغالي ما يرجع بعد
جرحي اعله الزهره شكبره وذكره للمحسن مهد
دمعاته سلاحه .. علي علي علي
ومكسور جناحه .. علي علي علي
...
بهاي الهظيمه .. روحي يتيمه
صعبه عله المثلي تره يحرگوله بيته
داسو عتبتي .. ضربو حرمتي
عصروها والمحسن هوه و ميت لگيته
فگدت ابنها .. واسود متنها
لذاك الاثر عالمغتسل ظهري حنيته
الكسّر ضلعها .. بخدها صفعها
الطگ فاطمه بچعب الرمح لا مانسيته
اللهم اشهد جوراً جهراً قتلو فاطمه
راحت ام بيتي وتدري بأمري يا رب السمه
گطعو سباحه .. علي علي علي
مكسور جناحه .. علي علي علي
...
خادم الحسين ( عليه السلام)
كرار حسين الكربلائي
( ابو كميل)
يا صخرة المغتسل
احچيلي شنهو الحصل
گالولي محني حَنْيّة الحاجب
اشايف عليَ بنَ ابي طالب
يا صخرة المغتسل
...
انه الامام الغبت عن هلي واصحابي
جدي القلع باب وأنه ابچي دمه يم بابي
يا صخرة المغتسل جيتج من اغيابي
اويلاه
سمعت بقصة الزهره وضلعها
عليها انطبگت الباب بجذعها
عله المحسن ابد ما كف دمعها
واصابع عشره فوگ الخد طبعها
تنزل دمعتي دمه
يا چف سطر فاطمه
وعالمغتسل فيض الدمع كاتب
اشايف عليَ بنَ ابي طالب
...
هجمو عله الباب والضلوع سوه كسروها
قديسة الكون عجيبه العده يشتموها
ام الحسن امي حته بعصي ضربوها
اويلاه
العظيمه طاحت ودارو عليها
قنفذ من اجاها اشسوه بيها
بمتنها بسوطه يضربها واديها
بچت والناس ما تسمع بچيها
ريحانة المصطفه
اسود متنها صفه
يحجي الجرح للبير ويعاتب
اشايف عليَ بنَ ابي طالب
...
ما تگدر تگوم گِضت كل عمرها بهمها
لمّن تِصلي يجيها الحسن يلزمها
ولو رادت تنام يِظل الضلع يلچمها
اويلاه
ضِلوع مهشمه مو ضلع مهشوم
عله الجانب الايمن ناسيه النوم
تتشاهد لونها رادت تگوم
حسين اعليها يبچي وگلبه مهظوم
بعيناها طافي الضوه
گوه تشم الهوه
گلبه مثل بابه بجمر لاهب
اشايف عليَ بنَ ابي طالب
...
وصت علي يا علي اِگْرَب واسمعني
من يدنه موتي بظلام الليالي ادفني
ما ريدن افلان وَلَـفلان يجي يشيعني
اويلاه
حچت كلمه وجرت دمع الهظيمه
اوصيك اعله زينب صير خيمه
حبيبة گلبي راح تظل يتيمه
تره ابنيتي هظيمتها هظيمه
بغُسلي يخيرِ العمل
ثوبي عَلَي خل يِظل
وكت الغسل صاح البچي واجب
اشايف عليَ بنَ ابي طالب
...
المهدي بچه ولنّه يسمع جواب الصخره
جدك علي ما دره بالجره اعله الزهره
وكت الغسل شاف متنها ضلعها وكسره
اويلاه
لگه ضلوع الزچيه مكسريها
لگه آثار چويات بإديها
لگه متون الزچيه مورميها
طول الليل ظل يبچي عليها
حاضن ضلعها وبچه
وضم الجرح ما حچه
اتمنه ما تسألني يالغايب
اشايف عليَ بنَ ابي طالب
...
خادم الحسين ( عليه السلام)
كرار حسين الكربلائي
( ابو كميل )
يا علي هالليله أمي بالگبر
يا علي محتاجتك بيها تمر
هالحنينه الخدمتك طول العمر
ماتت اليوم
...
يا علي العباس آنه
الگطع چفوفه زمانه
بالمدينه ماتت امي وتبچي بسكوت
الغطت الليل بحزنها
ولد ما عدها بدفنها
تريد جناز لنعشها ساعة الموت
ظلت غريبه وتلتفت اربع ولد ما هُمه
يحسين صاحت ما ترد مشتاگه الك يا يُمه
ذكره قميصك ظل الي وكل مغربيه اشتمه
هذي ليلة وحشه وامي باللحد
يا علي لخلتنه بس انت التسد
والوفيه القدمت اربع ولد
ماتت اليوم
...
اي وحگ موت الخذاها
گلبي ما لحظه نساها
الچانت تلولي لولدها بسم الحسين
امي فوگ الگاع جنه
ترست الدنيه محنه
بالمجالس والبواچي مخلصه السنين
ام الهله ويا مرحبه تراب الگبر غطاها
لحسين من گد ما بچت دفنو دمعها وياها
يمك امانه يا علي هالليله تتلگاها
امي يا نهر الوفه ومات بضمه
شگد عجيبه الگاع من تدفن سمه
يا علي حضروها انت وفاطمه
ماتت اليوم
...
الدنيه صاحت ماتت امي
وكسر ظهري ثگل همي
ومحد يحس بدمعتي وليل الفراگ
يا علي والراحت امه
حته لو ميت تلچمه
بالگبر ويصيح يُمه لوجهج اشتاگ
چانت حنينه وكل وكت تدعيلنه من اتصلي
يوليدي وفيلي الربه اخدم حسين اتگلي
التگضي الشدد بالفاتحه شقرالها وترجعلي
الچانت اتمسي الدمع واتصابحه
الفاتحه تقره عليها الفاتحه
العينها لردت ولدها شابحه
ماتت اليوم
...
گبل هذي هواي ماتت
حسين من ودعها ماتت
ومن اجاها بشر ماتت ناعي الجروح
سولفلها بحرگه عني
تگله وين حسين ابني
كلشي گلي ولا تگلي حسين مذبوح
من گال الحسين انذبح طاحت گبل دمعتها
وحسيت مالت كربله من مالت اعصابتها
من امتونها طاح الفضل والدنيه ما لمتها
تبني خمس گبور يمهن مشرعه
تبچي بس لحسين مو للأربعه
الالف مره تموت اذا ناعي نعه
ماتت اليوم
...
ياعلي وتدريها صعبه
ظلت امي بدار غربه
وماكو واحد مر عليها من الاحباب
ماتت ودمعه برمشها
اعليها ظل يبچي نعشها
بالتراب اندفنت امي وانت بو تراب
گل لامي يا حامي الحمه ايسلم عليج العباس
وفاچ عهده وانگطع چفه وعمد صاب الراس
واثنينه عدنه جرح سبي الحرم بين الناس
زينب بدرب السبي بچفها حبل
شكثر صعبه تصعد بنوگ الهزل
الظلت لزينب مدامعها تهل
ماتت اليوم
...
خادم الحسين ( عليه السلام)
كرار حسين الكربلائي
( ابو كميل )
ودعتكم آنه وجروحي سويه
يا بنيني واعله امر الله شبديه
الليله عنكم رايحه
اعليه اقرو الفاتحه يا بنيني
...
سالفة توديعي مُره تشيب اگلوب
بس يويلادي شبديه وهذا مكتوب
ادري واحدكم بفگدي يصير يعگوب
اعيونكم تبيض عليه بوكت الغروب
ثوبي يبقه ذكره واعله جروحي شاهد
وبعدي يوميه يبات بحض واحد
من تصيح الصايحه
اعليه اقرو الفاتحه .. يا بنيني
...
فتره مرتّكم ولا مني انسمع صوت
ضلعي يلجمني يولدي و ابجي بسكوت
ارتاحو من ونيني خلو فاطمه تموت
گربت اخر حياتي حضرو تابوت
سامحوني وادري يذبح فگد الاحباب
ريحة ضلوعي الهشيمه تبقه بالباب
خلفه امكم طايحه
اعليه اقرو الفاتحه .. يا بنيني
...
العذر منكم امشي عنكم وانتم ازغار
سامحوها امكم دريتو بحالها شصار
اشلون تتنفس البيها اصواب بسمار
من كسر ضلعي صرت ما اگدر اندار
النايم بصدره كسر ما يگدر يگوم
ولو گلت آه الصدر يتنازف ادموم
والملامح واضحه
اعليه اقرو الفاتحه يا بنيني
...
هواي عذبكم نحيبي و هذا يكفي
بيّه ديرة ضيم لاكن وني مخفي
النار من شبت بقيت بچفي اطفّي
ولو متت تلگون اثر نار اعله چفي
هلتن هالله بعلي بعدي ييُمه
اشلون باچر فاطمه ما هيّه يمه
الوكت مثلي جارحه
اعليه اقرو الفاتحه .. يا بنيني
...
راح اروح وروحتي ما بيها رجعه
وارد اوصي المرتضه وبعيوني دمعه
بغيبتي البسمار من بابي يشلعه
من يظل يوميه زينب يمه تنعه
وگتله نعشي ودفني خله يصير سكته
الكسر ضلعي ابد ما مبريه ذمته
للحشر ما سامحه
اعليه اقرو الفاتحه يا بنيني
...
خادم الحسين (عليه السلام)
كرار حسين الكربلائي
( ابو كميل)
سمعي يزينب يا ضوه العين يُمه
يمچ امانه ثوب الحسين يُمه
يبنيتي ودعيني
وعينج عله حسيني
يالحبيبه
...
بس ليله وحده ورايحه
اقري عليه الفاتحه
يا شمعة آمالي
كُفي المناحه والبچي
ويّاچ الي هوايه حچي
وسوالف ابالي
هذا القميص وقصته ردتچ تسمعيها
لو رحتي يُمه لكربله هناك تذكريها
خليتله دموعي عطر بالطف تشميها
من عيني هاچ اخذي الدمع هاچ للطف
وهذا قميص يروح وياچ للطف
شوفي واذكريني
وعينچ عله حسيني
يالحبيبه
...
بالطف اذا حط الضعن
اتحسين اكو غربة وطن
ما تغمض عيونچ
وبليلة عاشر ألم
تشوفين اخوتچ بالخيم
كلهم يودعونچ
عندچ اخو چنه علي راعي العلم إسمه
بالله اعله عباس الوفي سلميلي يا يُمه
گليله انه برگبتك من فاطمه ذمه
كله محنّه وغيره واحساس أبني
يا يُمه مثل حسين عباس إبني
راعي العلم عيني
وعينج عله حسيني
يالحبيبه
...
هالليله الموادع حله
يُمه اللقاء بكربله
وبكربله الفرگه
التوديع اذا وكته حضر
شمي الحُسين من النحر
بالدمعه والحرگه
وهنا بده وكت الحچي يا زينب احچيله
گليله امك ذكرتك يحسين هالليله
وشبگت قميصك يالولد وبهظمه تبچيله
بالطف الچ متخلي دنياي غالي
يالغاليه وحسينچ هواي غالي
يا شمعة سنيني
عينچ عله حسيني
يالحبيبه
...
يودعچ بعاشور الظهر
ساعه ويرد ليچ المهر
خالي من ابو سكينه
تروحيله مكسورة گلب
وتشوفچ اعيون الغرب
مذبوح تلگينه
هذا القميص بكربله من دمه يتخضب
من كل كتر طعنة رمح والنوب يتسلب
وساعة تشوفينه بحوافر خيل يا زينب
وليدي الحبيب بالله محروس ضلعه
تركض عشر خياله وتدوس ضلعه
حالچ يبچيني
عينچ عله حسيني
يالحبيبه
...
باچر حسينچ ينذبح
وراسه تشوفينه برمح
وجسمه برمل غافي
اسمع ندائج بالسمه
لحگيلي يُمه فاطمه
متورمه اچتافي
لحسين اجي والگه الابن بس جثه مرميه
شگعد شضمد يا جرح بالف وتسمعيه
يَمه اظل ابچي واون لو رحتي مسبيه
الاصعب علَيَ من ذبح الحسين زينب
مسبيه ويه الشمر تمشين زينب
مهظومه تلگيني
عينچ عله حسيني
يالحبيبه
...
خادم الحسين ( عليه السلام )
كرار حسين الكربلائي
( ابو كميل )
عينك سيدي مرتين يحيدر أصبحت حَمره
مره بالرمد مولاي ومره الفرگت الزهره
علياً واعليا علياً واعليا
◼️◼️◼️◼️◼️
بحثت اعليك بفكاري ولا شايف صَلبْ مثلك
متنك من حِمَل فاطم وانت إبعازه اليحملك
شفتك تدفن ابگلبك وشرد من الهضم ضلك
تسري وتقره بالقرآن " سُبحانه الذي اسره "
علياً واعليا علياً واعليا
◼️◼️◼️◼️◼️
لگيت اسمك اسد خيبر والجن تشرد ابعزمك
وطبع بيها الأسود تخاف لمن تسمع ابأسمك
لهذا أيقنت مولاي محد يوصل الچدمك
وعليك المثل مايعبر الواحد يصرع العشره
علياً واعليا علياً واعليا
◼️◼️◼️◼️◼️
سيفك ياعلي معروف بالميدان سالفته
دين الله وگع بيدك وانت للنبي شلته
ما بالغ لون گتلك تره الاسلام بس انته
العتب ذاك الزمان البيه ماياخذ ولا عبره
علياً واعليا علياً واعليا
◼️◼️◼️◼️◼️
اني السامعِه مولاي الزلمه تبين أفعاله
والعنده نقص يشعر محد يهتم بحاله
ولكن ماشفت اصحاب هجمت عالنبي وآله
الضرب خد الزجيه شگال وأن هذا النبي انسطره
علياً واعليا علياً واعليا
◼️◼️◼️◼️◼️
يالشاغل حواس الروح يالگلبي املكت حُبه
انت واضح بمعناك الوصل يمك فهم ربه
تره ابشوفِ الگلب مو عين الأعمه يشوفك ابگلبه
عليت وماعلاك إنسان گلبك ياعظم صبره
علياً واعليا علياً واعليا
◼️◼️◼️◼️◼️
جروحك مو جروح عليك (علي وحيدرها والكرار )
إذاً لو ما قدر ربك فقط بس يلمع الفقار
وحق رب الرفع سبعه تحرگ نار فوگ النار
اذا تخزر لهيب الباب الجمره تچوي بالجمره
علياً واعليا علياً واعليا
◼️◼️◼️◼️◼️
اختيارك مو سهل مولاي وانت تنظر الأبعاد
مثيم حُبه بيك انجن كلما زاد عمره زاد
نعم بس صُحبتك صُحبه رشيد ومالك ومقداد
ابو ذر حجر اليحبك وسلمان الوضح أمره
علياً واعليا. علياً واعليا
◼️◼️◼️◼️◼️
للشاعر محمد الظالمي
#نعي
لمن ماتت الزهره بده حیدر یغسلها
ويعاين عالصدر مصيوب وناده ودمعته يهلها
مصابچ مرد دلالي وروحي النايحه سلها
لضل انعاچ کل عمري واحن لشوفتچ كل حين
وشالوا نعش أم حسين وزينب تنظر المنظر
وصاحت يمه يا زهره ضلعي ريته لتكسر
يا يمه يبعد الروح على فرگاچ ما اگدر
دگومي وشوفي حالتنه بس نهمل دموع العين
دفنها المرتضى تالي وضل يرتل ابعبره
ومن كثر التعب غمضت عينه ونام أبو العتره
اجته فاطمه اتنادي يا كرار انه الزهره
زینب فزت من النوم واخاف اعليها يابو حسين
ما ترضه الزچيه تشوف زینب تگعد من النوم
ويمها الحسن يمها حسين ويمها الطاهره أم كلثوم
چا شيصير بالزهره لو شافت هذاك اليوم
زينب ليلة الوحشه متحيره ابين اثنين
تروح لجثة المظلوم وتشوف الجره اعليها
لو تحرس يتامه ازغار غايب عنها واليها
وين ام الحسن عنها وتعاین زینب شبيها
تنادي بصوتها المخنوگ آه ياگطعت الچفين
الشيخ زمان الحسناوي
#اللهم_عجل_لوليك_الفرج
من ديوان عبرات وأنين ج١(خاص بالزهراء)
*قصيدة للزهراء لسان مولاتي زينب(ع)*
❥━──➸➽❥❂❥━──➸➽❥❂
يمه يمه يمه محتاجه لحنانچ
يمه يمه موحش وخالي مچنانچ
رحتي عني يا زچيه / والنزل موحش عليه
يمه يمه ... يمه يمه
❥━──➸➽❥❂❥━──➸➽❥❂
يمه شلتي وين عني يالحنينه
من عگب عيناچ روحي امست حزينه
ما اصدگ رحتي يحبيبه من ادينه
رحتي يحبيبه من اديه / و دمعت عيوني جريه
يمه يمه ... يمه يمه
❥━──➸➽❥❂❥━──➸➽❥❂
يمه يمصابچ فجعني وهدم حيلي
اعليچ اون طول الدهر مانمت ليلي
يمه من كثر الحزن ذايب دليلي
يمه وأنه شلون بيه / ابچي كل صبح ومسيه
يمه يمه ... يمه يمه
❥━──➸➽❥❂❥━──➸➽❥❂
يمه هالدنيه بغيابچ مرمرتني
ومن حنانچ يم حضن دافي احرمتني
يمه ياريت المنيه هم خذتني
ريتها اخذتني المنيه / و لا اصد دارچ خليه
يمه يمه ... يمه يمه
❥━──➸➽❥❂❥━──➸➽❥❂
يمه دارچ خاليه اوحشه ومظلمه
والله يخنگني النفس لو صحت يمه
يمه گلبي نكسر بعدچ كثر همه
ونتي ونه شجيه / وما اظنلچ بعد جيه
يمه يمه ... يمه يمه
❥━──➸➽❥❂❥━──➸➽❥❂
يمه ما اظنچ بعد تلفين للدار
وبغيابچ ضل يزهرة الدمع نثار
الحسن وحسين يتباچون الازغار
وضل يدير العين ليه / يصيح وينچ يا زچيه
يمه يمه ... يمه يمه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
من عيني . يزهراء
تدريني . يزهراء
.
هذا اني بخدمتج وفديلج سنيني
الما تبجي المصابج اله اعميها عيني
يـوم اليتركوني اهلي انتي تجيني
يوم المالي امعين رايح تحضريني
حضريني . يزهراء
تدريني . يزهراء
.
ابجيلج و بجيج بالمجلس سويه
امصايبكم اهواي خن نسوي عزيه
مضلومه ام حسين الزهره الزجيه
املاك السمه تنوح والدمعه جريه
تاذيني . يزهراء
تدريني . يزهراء
.
وجداني و ظميري بسمك رددينه
لطميه اعله ضلعج يالزهره قرينه
للموت ما نعوفج شيعه و عاهدينه
نقسملج بالحسين و بحيدر ولينه
نظريني . يزهراء
تدريني . يزهراء
.
الغايب يزهراء مـا ناسي مصابج
تلهب جمرت الثار ابنج واعله بابج
ومـن يعلن فقاره يفنيها ابثوابج
عل محسن تونين لو ظلعج عذابج
اسنيني . يزهراء
تدريني . يزهراء
.
رايح يعلن السيف و عيونه اتجاره
كلمن قصر وياج مـيعوفه فقاره
يبني كبرج و راح ايعلي المناره
مـن كـل الولايات نتعنه الزياره
شوفيني . يزهراء
تدريني . يزهراء
.
.
حسن صالح العيساوي