7993
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
ام البنين ع تتمنى لو انها ذهبت لكربلاء ودون الحسين وزينب عليهما السلام قتلت
****
يا يمــه كـون اشبـع ضمّه
و أتغسل أبفيــض الـــدمّه
دونـــك يضنــوة فاطــمـه
حبيبي يا حسين حبيبي يا حسين
*
كــون متعنيه الطفـوف وابـره ضعنـك بالــدرب
ومـن تحنْ للــزهره يبني آنــه أضمــك للگلـب
ادري يبني حسين خايـف مثـل أمــك أنضــرب
الصار بيها ريته بيه والله يبني شگـد صعب
وبعيني يــا ريت أنسطر
ومثــل الــزچيه أنعصـر
وظلعــي بغدرهم ينكسر
حبيبي يا حسين حبيبي يا حسين
*
كـــون ويــاكــم ييمّــه آنـــه رحـــت لكــربلــه
ومثــل زينــب واليتــامــه انسبــي وي العايلـه
كــون ســوط الحره زينـب ابمتني انه استقبله
وكون مـو زينب شتمـها لا شتمنـــي حــرملـه
و بأيــدي يــاريته الحبّل
ودون زينـب عل الهزل
ولا شمــتْ بيــها النــذل
حبيبي يا حسين حبيبي يا حسين
*
كون ضامي اگليبي دونك مــا وصــل گلبك عطش
وكون جسمي الطاح دامي وعالرمل يبني أنفرش
ودون زينب آنــه أنوحن عل الاخــو بليل اهـدعش
شلون وانتــه ابن الزچيه مــا حمل جسمك نعش
دونك يريــت أعلــى الــرمل
أبفيض الدمه جسمي أنغسل
لا والـــي يمّــي ولا أهــــــل
حبيبي يا حسين حبيبي يا حسين
*
كــــون دونك آنــه اطيحن رضــت أبصدري الخيــول
وريت صدرك يبني سالم وفوگ صدري اتظل تجول
خــايفه أربــــع بنينــي مــــا وفـــــو وي البتــــول
باچــر بيوم القيامـــه شنهو عـــذري وشــرد اگــول
يا وليدي دونك عل الثره
جثتـــي ييمــه امــــوذره
ومن چفي گطعو خنصره
حبيبي يا حسين حبيبي يا حسين
*
ريت بالطف انه وانظر طيحت ابني أعلى النهر
شلون يــا روح الـزچيه صحت يـا خويه الگمر
انته جيشي أحــزام ظهري وانكسر مني الظهر
كون ظهري انكسر يبني ومني محزوز النحـر
يــا يمه محتــاره بحـرم
من حرگوا علينه الخيم
وماكو رفيف مـن العلم
حبيبي يا حسين حبيبي يا حسين
*
كـون مسبيه وأروح أعلــى الهــزل متيسره
دون زينب بالضعينه أدروب وحشه ومقفره
و أوگف أبديوان أميـــه بالحـــرم متحيــره
وتبقه بــت حيــدر أميره معــززه ومقـــدره
وبالطشت راس ابني الگمر
يضـربه يــزيد أعلــى الثغر
ومنــك فـــلا گطعـــو نحــر
حبيبي يا حسين حبيبي يا حسين
*
الشاعر
موسى البديري
ميمر ( ها دنيتك ) لطلب الحاجه من باب الحاجه ام البنين عليها السلام
هااا.. دنيّتك لو ضكتك
بالدمعه اطلــب حاجتــك
ناديهــا يأم العبــاس
ولحــاجتــك تگضيها
*
لــو ضكتـــك دنيـاك خانــك صبــرك
لربـــك توجـــه لله فــوض أمــــرك
بــأم الـبنـيـن انخـــــاه راح يســرك
بالطاهره بالصابره
كل العسير أيسره
يا ربي بـــأم العـباس
هاي الكروب امحيها
*
بــاب الكــريمه اگصــد أتِعنـاهـا
ما تصعب الحاجات من تنخاها
بس بيقين الفاتحه ألهـا اقـرأها
بدمعه تصب وفطرت گلب
من كربله اتشوف العجب
تدريها يم كبـــر حسين
تجـــري الدمــع تـدريها
*
باب الحوائـج صـارت لكــل النـاس
ربــك جعلها بكــل فخر ام عبـــاس
و ألي نخاها يظل ابد عالي الراس
ولكربله رب الملا
خــلاها مثـــل البسمله
نفتتــح بيها الحاجات
ونتوســـل لــبـاريــها
*
بــاب الحـوائــج ربـك اخـتـاراهـا
بهــاي الكـرامـه البـاري اختصـاها
انطت ولـدها والله عـزِه أنطـاهـا
الهل مدمّعه ونــاح ودعّه
بـــأم البنين الاربعــــه
بارينه يگضي الحاجات
وللوافـــت أيـــوافيــها
*
حلفــهــا بالمظلــوم ابـــن الـــزهــــره
بشيبه الخضيب وخنصره ودم نحره
گلبــك لــون مهمــوم هيّــه اتســـره
گلها أبفخر يأم الگمر
بحسين احلفچ والنحر
متقصــر آم العبـــاس
ثــق جمرتــك تطفيها
*
مــن البقيع الصوت هيــه أتسمعه
اختصــاها ربها بمنــزله وبالـرفعه
النـذرت ولـد لحسين نذرت دمعه
رب السمه لسر فاطمه
عــزز أسمها وكــرمّه
النذرت ولدها لحسين
ربــــك قَـــدر منطيها
*
الشاعر
موسى البديري
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
مفقود الاثر
❤️ @H3_ZC
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
بحاجتك ام البنين انخاها
تنگضي وتاخذ اجر وياها
--------------------------------------------------------
اعتني لام البنين بحاجتك
ما تطول اعليك تاخذ طلبتك
باسم راعي الجود شدهه رايتك
وقسم عليهه بحليب ارباها
بحاجتك ام البنين انخاها
-------------------------------------------------------
اليقسم عليهه برضيعه وعيلته
تگضي لو چانت معصيه شدته
الكصد باب الحره ابد ماردته
هاي من ربك كرامه اطاها
تنگضي وتاخذ اجر وياها
--------------------------------------------------------
اقسم عليهه بولدهه الاربعه
للحوائج عدهه بوب امشرعه
وگلهه امشي عليج راعي المشرعه
وبيهه حگك تفخر وتتباها
تنگضي وتاخذ اجر وياها
--------------------------------------------------------
ماترد محتاج لو دگ بابهه
عليهه مشي ام الحسن ومصابهه
هاي من اطهر نسب انسابهه
ماترد اليحتمي بحماها
تنگظي وتاخذ اجر وياها
--------------------------------------------------------
اقسم بزينب عليهه وبالخدر
نقدي تاخذهه عطيتك وفتخر
الدمع لا يوفيهه لا لطم الصدر
دايم اعله حسين ظل ابچاها
تنگضي وتاخذ اجر وياها
-------------------------------------------------------
كل مسيت اغروب مدمعهه يهل
تذكر حسين ومصابه والطفل
افراگ وجهك يبني ابد ما ينحمل
تگله گلبي الفرگه مايرضاها
تنگضي وتاخذ اجر وياها
----------------------------------------------------
اللهم عجل لولیک الفرج ونصریالله 💚
جروح عاشوراء
💥💥
مولاتي ام البنين (ص)وهيه گاعده چانت تتأمل عودت مولاي سيد الشهداء💔😭 وتتخيل ذيچ اعيونه وجمالة واذا بلخبر يجي خبر الفراق فمولاتي تحاچي بشر بعد ما سولف القصه وما جرى في كربلاء وتگله...
چنت اتأمل اعيونه ...ليش تگلي مذبوح
انذبح گلبي وتفاصيله...وكلشي بعده مجروح
حملي الضيم ياروحي..حبيبچ جسمه مطروح
عود امحضره فراشه...وگولن يجي ويرتاح
وغسل بيدي هندامه...اشوفه وعيني ترتاح
لچن خرب مواعيدي...راسه صار برماح
جسمه صبح حدر الشمس لا ولله مو مكانه
وطبع الشمس تحرگ حرگ شگد عذبت حنانه
الف وتسعميت جرح بي ما نصف زمانه
اه اه لضعنكم روحي تشتاگ
اه اه شسوه بروحي الفراگ
1______
بارد ماي حضرته...اگولن خاف عطشان
اصب الماي ودموعي...تگلي باقي ذبلان
شعنده العطش بعيونك...ما يدريك تعبان
تعال ارجع بعد روحي..ونطيك العمر ماي
وخي يعيش العطش بية..شوفك هوه سگاي
شوية باقي من طولك..وخيل الجايه اهواي
بعيونك شسوه الذبح ماعنده كل مخافه
ما يدري من ذبحك ذبح بلدنيه كل ترافه
چا ما قره عيونك عجب حنيه مو صلافه
اه اه لضعنكم روحي تشتاگ
اه اه شسوه بروحي الفراگ
2_______
حچيت اهواي وي روحي...ماقنعت بلوداع
شما اصبر يفز جرحي...لأن جسمك عله الگاع
متاعي جانت ارموشك..وهسه فراگك امتاع
يجيني الليل وسهرلك...ويبدي صبحي بلنوح
غيابك مو سهل تدري...ولله يطلع الروح
عمت عين الحوافر ذيج...چي زادتلك جروح
صدرك ترف بس العدو حضر الك حوافر
منك كسر وسفه الصدر وانة كسرلي خاطر
بلكت اموت اتعذبت ماريدن ابقة باااچر
اه اه لضعنكم روحي تشتاگ
اه اه شسوه بروحي الفراگ
3_______
(اهنا اتاني مولاتي وصول الضعن ولهناك الضعن يجي )
گعدت الفجر وتنطر..وشفت لانة الضعن جاي
وركضت وگلبي يسبگني..وبيدي شايلة الماي
گلت هذا الضعن النة..لچن متغير اهواي
وصل گلبي قبل جدمي...وجاب لروحي الاخبار
الضعن مابيه بس نسوان...وشويه من لزغار
گلبي ماعرف زينب...وضل يرگضلي محتار
لا يا گلب احچي الصدگ زينب مشت اميره
لا تنتحب وحچي بعجل لتگلي اجت اسيره
وين الاهل وين الضعن لا راية لا عشيره
اه اه لضعنكم روحي تشتاگ
اه اه شسوه بروحي الفراگ
4_______
زينب فدوة حاچيني...شو وحدچ بلضعون
وين اخوانچ الراحو...شو بس انتي يم عون
وين اعيون كفالچ...وليش الغربه يحدون
( مولاتي زينب تجاوب مولاتي ام البنين)
يمة الدهر طشرنه...وراحت ذيچه الاخوان
لچنت ادخل علة اعيونة..ادخلت بغيابه ديوان
ضل بس الدمع عندي..وهسه دمعي خجلان
مو چف اخو يُمة الحبل هوه صبح بدية
بديره وغرب عين العده كلهن نضر علية
بحساسي بين چم جرح لمن صرت سبية
اه اه لضعنكم روحي تشتاگ
اه اه شسوه بروحي الفراگ
5______
✍️محسن الباوي
اللهم عجل لوليك الفرج
_________
لحن القصيدة 👇
قصيدة ( اعتذر منچ يزينب ) وكأن ام البنين تعتذر لأنها كانت تتمنى أن لها بنت ذهب اسيره بدل السيده زينب عليها السلام
اعتذر منــچ يزينــب
يمه مــا عندي بنات
دونچ يشدون اديهن
عالهزيله امسلبات
قدمت أربع ولد ظني ابو اليمه يرد
يمه مــا عندي بنات
*-----*-----*-----*-----*
دمعي أسيله يــالعقيلـه بـأعتــذاري
حسره عمري ناري تسري أه ينــــاري
ريت كــل هاي المصيبه المرت بطف كربله
عندي كــون ابنيه دونــچ بالمصايب معوله
وتنظــر إخــوتهـا ضحــايا اربعتهــم بالفــلا
وســالم حسين وبنينه وكــل بناته وكل هله
ولدي كون الطـف ذبحهم
عالرمــال امگطعــين
وسالم ابن الزهره يرجع
والله يمه تگرلي عين
ابــد ما همني البعد ظنـي ابو اليمه يـرد
*-----*-----*-----*-----*
لا كفيلـچ وحشــه ليلـچ يمـــه زينب
والظلامه بس يتــامــه كلها تنحب
اخ مــن ليــل الفجيعــه مــن بعـد حــرگ الخيّـم
بنتي كــون بحيــره دونچ تجمــع أطفـال وحـرم
وكــون مــو أنتـي الصرختي وينــه شيال العلم
بنتي كــون الي تنادي وجــدها ريته ألي أنشتم
يعينج الله أعلى الفجيعه
شطولـه ياليل اهدعش
حــرم مذهــوله ويتـامه
وخوف وهموم وعطش
المــن ايتامچ تصـد ظني ابو اليمه يـرد
*-----*-----*-----*-----*
والله حيره يـالامــيــره بهل الرزيه
بلا عشيره أنتي أسيره من ال اميه
كون مــو أنتي السبيه بنتـي راحـت للسبي
وشمر ريته يشد أديها يگلها عالناگه اركبي
وسـوط البمتنچ عليها وسالمـه بنـت النـبي
وريت مو أنتـي أسيـره يا أبــه و قبلة عبي
كون مــو چفــچ يـزينب
والله ينشـد بحبال
ريت عندي ابنيه دونچ
والله يربات الدلال
وفاگده إخوان أولد ظني ابو اليمه يرد
*-----*-----*-----*-----*
اه يوسفه والله كلـفــه والله بـلــوه
يــا ألمها شكبره همها الفگدت أخوه
حيرت السوگ ومصابه كون مــو بيـچ اليمـر
والله يــا يمــه يزينــب الــچ ميلـوگ اليسـر
ريت عندي ابنيه دونـچ واگفــه بحــر الظهـر
وريت مو أنتي الدخلتي بنتي دخلـت للقصر
والشماته تصد عليها
والـچ مــا واحـد نظـر
فــدوه انه وكل بنيني
وما يمــر عينـچ سهر
ومحد لچفـچ يشـد ظني أبو اليمه يــرد
*-----*-----*-----*-----*
يا مصابه بالخرابه شكبره صبرچ
والرزيه من رقيه حسره عمرچ
والله صعبه بت محمد بالخـرايب مــن تبات
يساعــدچ الله يــزينب يــا عظمـها النايبات
كــون بنتي بحيره ظلت تجمـع أيتام وبنات
وتگعــد بدمعتها تنعه يســاعد الله الفاگدات
تصـبــر بدمعــه رقيـــه
تگلها ما مات الحسين
بس ابو فاضل وإخوته
عالــرمال مگــطعيــن
فدوه طعنات الچبد ظني أبو اليمه يـرد
*-----*-----*-----*-----*
الشاعر
موسى البديري
موتج**وچان حلمج
موتج**وچان حلمج بالنعش ولدج يشيعون
مِوتج **خلصت اسنينچ دمع هلبت يردون
بس جسد باقي الحسين
ولكفيل ابلايه ادين
--------------------------------
خلصن ايامج صبر----- وياعذاب الينتضر
انتضرتي بگد سؤالج عن الحسين
اشگد نطرتي ع الدرب----- بحسرت الماشت غرب
وشلت عينج نضرهه مامش ابنين
اشگد عگدتي ابشيلتج------ تالي متي ابحسرتج
حتى من تابوت نعشيج يطلع اونين
الليله وافاج الاجل------ عيونج ادور اهل
يااهل كلهم گضو ع الغبره ميتين
ابچي**امن النعش طلعي الصده اولادي چاوين
ابچي**باخر انفاس اوتونين اعله الحسين
اعله الارض دامي الحنين
ولكفيل ابلايه ادين
-----------------------
انتي عمرج بس حزن-----ابراسج النحر ومتن
انتي ميته من لفالج ضعن الايتام
من ابن حذلم لفه----- وسولف اسرار الجفه
من روالج ركض زينب حرگ الخيام
من روه قصة طفل----- اتروه من نحره النبل
كل عضو ابجسمج توفه من حجه الشام
طحتي من گلج گمر ----غازل اجفوفه النهر
ولشمس مطروح عاري ابلايه هندام
صعبه**ام إلبنين وصفت وحشه الجنازه
صعبه**ع اليفارگ دنيته وماهم اعزازه
اعزازج انتي امذبحين
ولكفيل ابلايه ادين
-------------------------------
صح الج حگ الربه---- اه يم النايبه
عذري ولدج بالمدامع ذبحي الامال
لاتحمليهم عتب ----- دنيا شبعتهم تعب
شافوو النار بخيمهم تركض اعيال
انتي حصلتي نعش----- هوه بالخيل انفرش
جسمه كله وبالحوافر صاير اوصال
ولكفل ينرف خدر----- خنگته جلمت شمر
لسه لوعه ابصدره تسعر ذيج الحبال
نوحي**ابكربله ضلت جثثهم بس بلا روس
نوحي** گالوو اعليهم حوافر گامت ادوس
اتوكحت خيل اعله دين
ولكفيل ابلايه ادين
---------------------------
نفترض ليج اعتنوو----- ابياوضع لمن اجوو
اشلون مگطوعه جفوفه ايگود مذبوح
اعليج يم النايحه------ اشلون يقره الفاتحه
هوه ماموجود راسه وكله مجروح
ولنعش من يحمله---- اجفوفه غاد ابكربله
ابلايه جفه وجرح راسه لسه مفتوح
رغم بيهم فاجعه------ جوج يم الاربعه
ولنحر شابگ عضيده وشاركه النوح
ردلج**ولحسين اعله النعش يبجي النحر گام
ردلج**وعين ابو فاضل على امه تنزف اسهام
يبجي دامي الودجين
ولكفيل ابلايه ادين
----------------------------
موتتج هسه قضه---- عمرج إنتي إنگضه
من سمعتي اخبار طف وطحن الاجساد
كتلتج قصة مره---- جان اسمهه امخدره
رگضت امن الخيل يرهب جان إلشراد
ولخيم اخ الخيم ----- خلت بگلج سهم
اخيام ال الله صدگ تتحول ارماد
انتي يادين الوفه---- جرح گلبج ماشفه
ولزمان الراح صعبه ليج ينعاد
رحتي**ولوعه ضلت بالگب حلمج تشوفي
رحتي**من جروحه لو اجالج ماتعرفي
كل جرح يشرح انين
ولكفيل ابلايه ادين
------------------------------
ياباب الحوائج يا ام البنين
علي سليم الحسناوي
(طور القصيده عريس الولد)
لطميه لأم البنين :
من فراق الأحبه أنعمت عيني
ضاعت سلوتي يا حسرة سنيني
****
أنا أم البنين الفاقده الشبان
أبجي و القلب مني ترا خلصان
حزني عالغريب إلي قضى عطشان
و من بعد الذبح شيرده احسيني
****
جروحه ما تنعد تغير هوايه
من همي ضليت أنصب له قرايه
ياريت لقبره اقصد له مشايه
و أقعد يمه الفرقى تأذيني
****
ما يرجع بعد و تصير إله جيه
جنه ماي و اتبدى من إيديه
مسحوق الولد من قوم آل أميه
و جبده اتفطر الطعنه تجويني
****
و نايم عالترب محد ترا شاله
و محد غسله و بس تنحب عياله
مرمرني زماني و العدو ناله
و من قَطع راسه الشيب غاطيني
****
يا ريت العمر خلص قبل موته
و ما ينقطع عني الغالي صوته
عذبني نومه بلحده و سكوته
ردت أشوفه و يقعد يحاجيني
****
ما تسوى الدنيا من غمض عيونه
و أحسن لي أموت أنا من دونه
دلالي أشتعل بهمه و شجونه
و ماكو مثله بالخلق يسليني
****
تمت هذه الكلمات
بقلم : ساجده المبارك
بإشراف الخطيبة : أم أحمد البحراني
لسان حال مولاتي ام البنين
—————
المستهل
—
ونيت - لام عون- ما ونيت لمصابي لمصابي
ترتاح- يايوم- من الضيم احبابي احبابي
مهموم كلبي الزينب- مهضوم كلبي الزينب
———
يمه شصاير بيج — امج وابجي اعليج
كليلي شحالج — كليلي شحالج
شمسويه ويردون — يسبونج يأم عون
مامش كفالج — مامش كفالج
ما مرتاحه — ما مش راحه
خلص عمرج — بس انياحه
تبجين- تردين - كون اخوان يحمونج
يحمونج
يحموج - يمسحون- دمعاتج بعيونج بعيونج
الشام موش امجانج- المفروض يم اخوانج
—————
وانه بكبري انعاج - محد يمه وياج
بس غربه وانجاس- بس غربه وانجاس
اول تالي ام عون- تبجي وتطلب عون
جاوين العباس - جاوين العباس
صعبه الحرمه - تمر بهضمه
اكبال الغربه — كلش زحمه
تمنيت- وياج- لو جل ليل يا يمه يايمه
بالشام- شمات- مايرعون للحرمه للحرمه
متعوب كلبج زينب- كد ما يبجي وينحب
—————
شكد يمه تمنيت- من فاركتي البيت
للطف امشي وياج- للطف امشي وياج
بس عباس الگال — ابقي وشاف الحال
يتكفل بحماج - يتكفل بحماج
جانت نيتي — اترك بيتي
وامشي وياجن — هاي امنيتي
عباس - محشوم - ينسه ام عون بالخدمه بالخدمه
هل گال — وياي - ما ترحين يا يمه يايمه
ترحين حقج واجب — وام عون خاف تعاتب
————
الطف خلص عود — لاجن عاد اردود
بس بغير اسلوب — بس بغير اسلوب
بالطف تشردين — بالشام تشيلين
ع الحايط مكتوب - ع حايط مكتوب
الطف صعبه - شامج غربه
حسين شذنبه - كلهه اطلبه
يسبوج - ع نوگ - هم رادوج ع الهزله
ع الهزله
مرتين - للشام — هم ترحين مو عدله مو عدله
لا موت فكج منهم — شيردون منج كلهم
——-
الخادم موسى البطلي
نعي عن لسان حال مولاتي ام البنين گأني بها واقفة على باب الدار تنظر الى قافلة الحسين وعياله متوجهين الى كربلاء يتقدمهم قمر العشيرة ابو الفضل العباس وخلفه اولادها الثلاثة ودعتهم وداع الفراق لارجعة منه وهي تقول
يمة الولد گدامي راحو
ووداعة الله يمة صاحو
للغاضرية الممشة گالو
✧ــــــــــــــ ✦◈ ✦◈✦ ــــــــــــ✧
شدو محاملهم گبالي
ويادمعتي بخدي تلالي
بالبيت ماواحد بگالي
✧ــــــــــــــ ✦◈ ✦◈✦ ــــــــــــ✧
روحي مشت گدام الضعون
من شافت الويلاد يمشون
محلى الشوارب محلى العيون
✧ــــــــــــــ ✦◈ ✦◈✦ ــــــــــــ✧
اربع كواكب ودعتهم
ولارض المنايا سلمتهم
لحسين فدوة ناذرتهم
✧ــــــــــــــ ✦◈ ✦◈✦ ــــــــــــ✧
ريت بسلامة درب الحنان
عبدالله وي جعفر وعثمان
والگطع گلبي گمر عدنان
✧ــــــــــــــ ✦◈ ✦◈✦ ــــــــــــ✧
كلساع زينب مر عليها
يعدل محاملها وليها
ينزل يقبلهن اديها
✧ــــــــــــــ ✦◈ ✦◈✦ ــــــــــــ✧
ريت الحنين يطول عمره
وعباس ترس البيت عطرة
طول العمر اگعد انطره
✧ــــــــــــــ ✦◈ ✦◈✦ ــــــــــــ✧
بلكت يگول امي تتاني
ويرجعلي وينور زماني
گلبي انعصر هسة شجاني
✧ــــــــــــــ ✦◈ ✦◈✦ ــــــــــــ✧
چنة الوداع بدون ردة
ومشي الولد گلبي يمرده
دافي الگلب واگعد بسده
رجعت ام البنين الى الدار وحيدة تنظر الى مكان اولادها وهية تبكي وتقول
✧ــــــــــــــ ✦◈ ✦◈✦ ــــــــــــ✧
شلي بمنازلكم الوحشة
وفراشكم كلساع افرشه
وعطوركم گلبي تنعشة
✧ــــــــــــــ ✦◈ ✦◈✦ ــــــــــــ✧
خليتو بس يمي الملابس
ولبيوتك ضليت حارس
بس العطر الهدوم تارس
✧ــــــــــــــ ✦◈ ✦◈✦ ــــــــــــ✧
يمة الولد ردو عليه
ضليت بس اصفگ بدية
شلكم براضي الغاضرية
✧ــــــــــــــ ✦◈ ✦◈✦ ــــــــــــ✧
ماحميلتوني وياكم
بس الگلب يركض وراكم
واليوم اطالبكم رباكم
تمت
خادمه أهل البيت العلويه فضيله هاشم الموسوي
ماذكرناه في عشره أيام. رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫
نعي حدي لام البنين وقت وفاتها
وهية تتمنى حضور اولادها
✧ــــــــــــــ ✦◈ ✦◈✦ ــــــــــــ✧
وكت المنية يالبزر
ضليت اتاني وانتظر
بلكت فرد واحد حضر
ويكلي جيتج وابتشر
وبجيته يرجعلي النظر
ذاك الخذوه وكت السفر
بيده الولد راسي يفر
عالقبلة ساعة الاحتظر
التفكد كلبها يستعر
لوواحد يهد الضهر
شحال اللي ضمت بالگبر
اربع نجوم وي الكمر
حكها تموت من القهر
مايشبه امصابج بشر
قدمتي لحسين العمر
وتالي خذاه كوة الدهر
✧ــــــــــــــ ✦◈ ✦◈✦ ــــــــــــ✧
تمت
خادمه أهل البيت العلويه فضيله هاشم الموسوي
ماذكرناه في عشره أيام. رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫
قصيدة لمولاتنا ام البنين
#جديد_حصريآ🔥
✧ــــــــــــــ ✦◈ ✦◈✦ ــــــــــــ✧
ماكــو مــثلج بـالنساوين
تنطي هيج اربع شياهين
حلوة كل اوصافهم وشمحله العيون
بس رضـيتي وللزجية فدوة يرحون
يـم البـنين. يـم البـنين
✧ــــــــــــــ ✦◈ ✦◈✦ ــــــــــــ✧
لـــو نـفر الـدنيا كـلها بـكل وسعها
نـدور الـتكرم النـاس بــكل جمعها
بـس مرة تنطي البزر محد سمعها
تلث نجوم وي الكمر خلصو دمعها
أربعــتهم فـدوة لـحسين
تنطي هيج اربع شياهين
يـم البـنين. يـم البـنين
✧ــــــــــــــ ✦◈ ✦◈✦ ــــــــــــ✧
مــاســمعنة ولادريـنه بـكـل عـمرنه
وحدة من بين النسا الحيرت عقلنه
هيج اصيلة وتنطي كلشي بغير منه
كــفت اوي اولاد حــيدر بــالــمحنه
فدوة تنطي الروح والعين
وتنطي هيج اربع شياهين
يـم البـنين. يـم البـنين
✧ــــــــــــــ ✦◈ ✦◈✦ ــــــــــــ✧
من وصل ليها الخبر والـناعي ينعه
كلهــا اولادج كـضو سـيلي الدمعه
كالت احسين الاريده شلون وضعه
كلهـا يـم عباس داسـو فــوك ضلعه
ابجي حيل وزيدي الونين
تنــطي هيج اربع شياهين
يـم البـنين. يـم الـبنين
✧ــــــــــــــ ✦◈ ✦◈✦ ــــــــــــ✧
طاح من عدها الطفل واتـهدم الحـيل
لاتــــكلي بــالعزيـــز اشــسوت الــخيل
يعني مصباحي انطفه اليضويلي بالليل
يعــني مـــايــرجع حبــيبي وي الــعليل
ولايــردولــي المــياميــن
تنطي هيج اربع شياهين
يـم البنـين. يـم البـنين
✧ــــــــــــــ ✦◈ ✦◈✦ ــــــــــــ✧
تمت
خادمه أهل البيت العلويه فضيله هاشم الموسوي
ماذكرناه في عشره أيام. رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫
- لمولاتي السيدة ام البنين عليها السلام-
- موسوعة حُسينيّة- جُمادى الآخرة 1446 -
موسوعة حُسينيّة
صارت كربلائيّه
تسبيحة الطف أيُّها الذبيح
———————————
هاي ام الكفيل الطف نواعيها
حزن عاشور والمقتل يأذيها
ابو السجاد ما يرجع بعد ليها
موسوعة دمع صارت بواجيها
من تنعاه يوميّه
صارت كربلائيّه
تسبيحة الطف أيُّها الذبيح
———————————
تِسافر للمُخيم والعطش بالروح
حقيقة لو حلم بنينوه تنوح !
بس الغالي يعرف لوعة المجروح
شَيبها الحُسين و عالرمح مذبوح
بالاحزان مجويّه
صارت كربلائيّه
تسبيحة الطف أيُّها الذبيح
————————————
مدرسة الوفاء بخيمة الزهره
محروكة كلب من طالت السفره
ماتت من كثر ما هيه منتظره
يا محلى الوداع جروحها تقره
بالخيمة العزائيّه
صارت كربلائيّه
تسبيحة الطف أيُّها الذبيح
————————————
نهر لخيام زينب نذرت الكافل
الحوراء عدها هواي تستاهل
كرمها كربلائي للسِمه واصل
مملكة الخِدامه ام ابو فاضل
بالخدمة الولائيّه
صارت كربلائيّه
تسبيحة الطف أيُّها الذبيح
————————————
مرجع للشعائر يالخَدّم قدوّه
من ام البنين وصادره الفتوّه
تكول حسين عندي التَعب يِسوّه
قُربان الكواكب للنحر فدوّه
ضحت الفدائيّه
صارت كربلائيّه
تسبيحة الطف أيُّها الذبيح
———————————
الخادم - ابو فدك الشامي ✍🏻
مولاتي ام البنين ع
باچي على حسين شكثر .. بس الله يعلم
جيتچ يمولاتي وجبت .. دمعة محرم
ما عندي بس هالدمعة تدرين
تگضيها ادري وما تقصرين
""""""""
بيه تدرين .. انه مو راعي مُلُك بس راعي دمعه
بحرگة ابچي .. لو سمعت الناعي آ يحسين ينعه
نحر الحسين .. الطم اعله الراس لو طاريه اسمعه
لزمي ايدي .. اقسم اعليچ بگطع نحره واصبعه
بنحر ابنچ الضامي اسألچ .. مولاتي نظره
واعرف الچ يام الوفه .. شگد غالي نحره
نظريني بلله بداعت حسين
تگضيها ادري وما تقصرين
"""""""
هيچي طبعي .. عادتي بابچ ادگ من عندي شده
بالشدايد .. انتي باب الله الچبير الـدوم اگصده
براحة اشعر .. اگعد ببابچ واسولف وحده وحده
اُّم احسّچ .. والله ما اخجل إلچ چفي أمده
مي وجهي اذبه وعرفچ .. طيبة وكريمه
وتگضيها لن تدريني ابو .. فطرة سليمه
عالحاجة انتي بس توقعين
تگضيها ادري وما تقصرين
""""""""
ادري طبعچ .. لو نطيتيني واذا ادگ بابچ اردود
شگد كريمة .. لا ولا مرة لگيت الباب مسدود
ولو فرضنه .. الجود چان بهيئة الانسان موجود
چا لگينه .. يگدي يومية اعله بابچ واگف الجود
گالوها من اهل الكرم .. تأتي المكارم
وانتي علي متفضلة .. ممنون وخادم
مشكورة فوگ الراس والعين
تگضيها ادري وما تقصرين
""""""""
دوم والله ..لو قريت الفاتحة واهديها لسمچ
الحوائج .. الصغيرة والچبيرة تگضي يمچ
ابقه انه .. خادمچ فدوه رحت لتراب جدمچ
وما اگلچ .. بس اگلچ هالله هالله بالـيخدمچ
حاجاتي انه اتعودت .. اطلبها منچ
ويومية أدعي الله لا .. يبعدني عنچ
ولا مرة اطلب گلتي بعدين
تگضيها ادري وما تقصرين
""""""""
بالنوايب .. ادري واندل زين إلمن اشكي حالي
الحاجة اسأل .. عن طريقچ للسمه يصعد سؤالي
خالي ارجع .. والله ما يخطر ابد مرة اعله بالي
منچ ادري .. مال ارد خالي فلا اترديني خالي
دگيت بيبان شكثر .. وجربت ميفيد
بس ادگ بابچ واندعي .. الگاها بالايد
باب الله بابچ يام الابنين
تگضيها ادري وما تقصرين
""""""""
ارد احلفچ .. بداعت الما ضاگ مي بالغاضريه
ارد احلفچ .. بللي سحگت صدره خيل الاعوجيه
ارد احلفچ .. بذاكه راسه الـشبگته وماتت رقيه
ارد احلفچ .. بالحسين اتوسلچ نظرة إليه
يللي فزعتي باربعة .. رايدلي فزعه
عندي طلب ريت الطلب .. چفچ يوقعه
لاهل الحوائج ما تعوفين
تگضيها ادري وما تقصرين
انيس الخفاجي الكربلائي
مضحية بولد...مثل الورد
بنت الاصل...حاشه ترد
باب السّمة ام عباس ..بكل الشدد انخاها
—————————————
باب الله هاي العظيمة الحره
الضحت ولدها عالفخر مفتخره
اقسم عليها بالحسين ونحره
بصدر السمه ...متوسمة
تريد الاسم ... هلـ خادمة
هاي الوفية هلـناس... رب العرش جلاها
————————————-
ام الوفة ابكل شده لابد تحضر
دهرك لوّن حد سنونه و تعسر
بالفاتحة كل العسر يتيسر
تحل الشدد....منها المدد
ام الوفه... هي السند
معروف اليدك هلـ باب. باب الفرج يلكاها
———————————-
هنيال هاي المرأة دين و إيمان
تحجي بفضلها آسيه وبت عمران
بيّضو وجهه هلـ بنين الشجعان
بنهر الشرف...الدم نزف
جف الكمر ...اغله هدف
رب الوفه يحجي الكون...فوك النجم علاها
—————————————
انخة الكريمة الفاضلة متردك
اكبر همومك احجي يمها العندك
توكفلك بكل مشلكة لو وحدك
باب الكرم ...يجاوب نعم
يمها ابد... يحصل ندم
متعض اصابع والله... كلبك يِسر إوياها
—————————————-
بدويه وطاهرة نسب بين الناس
احتارت قواميس الوصف بالمقياس
عزها وفخرها والنعم من عباس
خوش تربي ...للطف تنطي
حسين الاهم... عنها يرضي
ياتاريخ الينصف راح...سورة وفه يقراها
—————————————-
هيه المجد طول الزمن ينصفها
بهذا النسب بنت الشرف يوصفها
عن السبط ريح الدهر تعصفها
لعقد الوله ...حبها اعتله
يامُنيتها ..... و بكربله
جم أُمنيه وبالاحلام....شوك البعد أذاها
علي موفق القزاز
ابيات ابوذيه الى السيده الطاهره ام البنين عليها السلام
أنــه بمهــدك نــذرتـك يمه لحسين
شحلاتك وانته واگـف يم الحسين
أذا تــوگــــع أنــــادي يمه الحسين
فـــدوه الطـــاح دونــــك عالــــوطيــه
*
عفه گلبي شحمل طعنـــات ويـــروح
بغيابك مــا بعــد ظل حيل وي روح
تمّنه الطف يگصده آوياك ويــروح
ودونــــك كــــون تسحگني اعـــــوجيه
♠♠♠♠♠
ضعنهم راح شــــال الــروح ويـــــــاه
ودليلـــي أبنــــار لمَن ســـار ويـــــــاه
على ابن الزهــره اصيحــن آه وي آه
وأگـــل عباس افــــدي ابن الـــــزچيــه
♠♠♠♠♠
الشاعر
موسى البديري
الفاطمه ام البنين الليله
كومو المدمع سويه نسيله
هايه مصباح الدعاء
هايه مفتاح الرجاء
بيها حيدر بالشدد شد حيله
*
فاطمه من بيت طاهر فاطمه ام الفحول
عنها والتاريخ عاجز ماعرف شنهي يكول
شلون اوصفها نجيبه تحير الساني شيكول
هذا مو بس انه اكوله حيرت كل العقول
اربعه الراحو جزاء
هايه مفتاح الرجاء
بيها سر ومن عرف تحليله
*
بيها يطهر لسانه الكال عنها بكل كلام
ام فحول ومن فحول فاطمه يابت حزام
بالطفوف شكبر اسمها صار للدنيه وسام
دوم مصدره البطوله بكلهن اسمج بالامام
هيه تاج الكل نساء
هايه مفتاح الرجاء
كل حرف عنها يجب ترتيله
*
الله خص الها خصأص لو قرية الفاتحه
راح يسهل كلشي عندك بالحسين ومذبحه
بهاي احنه جربينه و لازم احنه نوضحه
ابو تراب العرف قدرج والعقول الراجحه
بيها ميزات السماء
هايه مفتاح الرجاء
الما تمسك بالطهر ياويله
*
ما يجازيها دمعنه الضحت ابربع ولد
الواحد يعادل كتيبه بالسيوف وبالعدد
هيه جانت عن بصيره واليقين ومعتقد
البيها نتحده الصعيبه بكل زمان وللأبد
البيها نتحده البلاء
هايه مفتاح الرجاء
بدم ولدها كل خطر نمشيله
*
حره وفايه واصيله وعل صعاب معلمه
رغم هذا الجره اعليها بوجه زينب باسمه
كالت يروحون فدوه ولدي لبنج فاطمه
من يلزمون الصوارم عالجيوش الضالمه
ما تحسسها الاذاء
هايه مفتاح الرجاء
بدم كمرها مو دمع تبجيله
****
حسن صالح العيساوي
*قصيدة لام البنين عليها السلام (بدمعة العين)*
*من ديوان 📚 عبرات وانين في رثاء ام البنين ج6 خاص بأم البنين*
❥━──➸➽❥❂❥━──➸➽❥❂
يم البنين دخيلج يم البنين
بدمعة العين انادي بدمعة العين
يا كريمة دخيلج ... هظم گلبي احجيلج
بدمعة العين انادي بدمعة العين
❥━──➸➽❥❂❥━──➸➽❥❂
بعبرتي ناديت وادموعي التسيل
يا عزيزة حيدره وأم الكفيل
انتي بس انتي التبردين الدليل
يا كريمة والكرم مالج مثيل
وگفتج معروفة ... وفزعتج موصوفة
ما تقصرين وفية ما تقصرين
بدمعة العين انادي بدمعة العين
❥━──➸➽❥❂❥━──➸➽❥❂
يا وفية ومنبع العز والوفة
ماكو وجعان اعتنالج ما شفة
انتي للشدات وصفة موصفة
انتي ام التضحية والمعرفة
الج وگفة مجربة ... يا أصيلة امعربة
بت شياهين يهيبة وبت شياهين
بدمعة العين انادي بدمعة العين
❥━──➸➽❥❂❥━──➸➽❥❂
انتي هيبة وبت شياهين العرب
الحاجة تگضيهة وتسهلين الصعب
شگال گلبج عالتگنطر بالحرب
حسين سهم الموت صابة بالگلب
وداستة خيول العدة ... بعيدة ما شفتي شسدة
ذبحو حسين عزيزج ذبحو حسين
بدمعة العين انادي بدمعة العين
❥━──➸➽❥❂❥━──➸➽❥❂
ذبحو حسين وتگنطر عالتراب
اتوذر وصابوه صواب اعلة الصواب
ما دريتي انسلب من عنده النگاب
اليوم اجينه همومنة هواي وصعاب
يا وجيهة وگفتج ... ضيم شبعت شيعتج
لا تردين طلبنة لا تردين
بدمعة العين انادي بدمعة العين
❥━──➸➽❥❂❥━──➸➽❥❂
اليوم اجينالج ونشكيهه الهموم
همنة زايد والفرح شو ما يدوم
وبس عليج الروح مولاتي تحوم
الما درة بحوالنة بظل بس يلوم
خل يلوم المادرة ... بنارنة المتوجرة
وانتي تدرين بهظمنة ونتي تدرين
بدمعة العين انادي بدمعة العين
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃
-نزال-
الف رحمه عل ام الاربعه
يلي جبتيلج كمر للمشرعه
.........
عباسج من طب المعركه وحسين
قرالج الفاتحه يم البنين
انطيتي اربع ولد موش ثنين
وانته الوفه ايه
........
عباسج من طب كلشي اختلف
وعلي سمو عباسج كلف
لو صارت كربلا كلها عرف
صارو للمعركه شجعان
..........
عباس اختار العدوان
ضل يمشمر بل ميدان
ماضل واحد بس وليان
للاخوه ينعرف ايه
.... .
كلمات الشاعر علي لفته خضير
مولاتي ام البنين(ص) بعد رحيل الحسين(ص) ايام الانتضار والحزن على فراق الحسين والضعن..
من عني تأخرت
كمت اسهر مانمت
وذكر بس لونك...
من اعطش كمت احس
چنك حدر الشمس
ذبلانه اعيونك...
وگليبي مااا هده
ضل ينطر موعده
ويتاني اضعونك...
عود مناطره اخبارك...وجتني كلفه الاخبار
بحضنك ماكو عبدلله...ضل كاروكه بلنار
كمت اعثر ورد اعثر...غير متانيه ترد
يگلي جسمك تگطع...بضهريه ورمل حار
التعب دليلي جمالك تطشر
وصدرك ترافه بسحگهم تبعثر
الخيل شثگلها وصرت انته معبر
يا يمة ياحسين..يا يمة ياحسين..
1_______
بعيوني شگد بچي
وبگليبي شكد حچي
ارجع ياروحي...
ما اصبر علهجر
بفراگك ينكسر
نيشان اجروحي...
انذرلك دمعتي
وشعلك شمعتي
وما احچي بنوحي...
شلون اگدر على اغيابك..وانته حرزي بلدار
الچنت متخوفه من عنده..ياويلي وصدگ صار
حلم فگدك على اعيوني..ورسايل صاير النوح
العليلة يمي مشتاگه..وتريدك يمها تندار
يا بوية اريدك وتاني تردلي
تدري بغيابك عتگ حتى ضلي
وحشه الليالي وكبر بوية حملي
يا يمة ياحسين...يايمة ياحسين...
2______
لو ميته؟ ولا هجر
ولا اگعد ونتضر
يا لون احساسي...
خل يذبل كل عشگ
ولا طولك ينسحگ
ياروحي وناسي...
مو انته التنعطش
وما شالك كل نعش
يل ذبحك قاسي...
شنهي گلبه الي يذبحك..ما شاف شحلاتك
يل ماكو مثل روحك...وابد ماكو بغلاتك
حسافه طولك اتبده...وصفه حصت الحوافر
الهضيمه التعبت گلبك..غرايب كل بناتك
تعطش حريمه وتنام بصحاري
زمزم جمالك صفه بنص بضهاري
هاي الهضيمه الي منها انكساري
يايمة ياحسين...يايمة ياحسين...
3_______
للماي شما اشوف
شگد يصبح بية خوف
وما نامن ليلي...
مشتاگه لنضرتك
تبعتني فرگتك
واخذت كل حيلي...
استاحش بلضلام
يل مالك كل خيام
اتعنه وتحچيلي...
كل يوم الحزن يكثر...وتعايش بلالام
شلون انه بوسط بيتي..ورقيه ماكو الاخيام
وزينب ماهي مهيوبه...لا كافل ولا حسين
تسهر والدرب يكتل...وكلها تدري بلشام
زينب غريبه اجت تمشي گوه
راحت اميره واجت ماكو خوه
الوادم شماته ولا بيها نخوه
يايمة ياحسين...يايمة ياحسين...
4_______
گالولي بنص ضهر
ضل گلبك منكسر
وماهنه اهدومك...
والخيل ابلا رحم
ضل صدرك منهشم
يل ماكو بيومك...
يل وجهك بي صبح
مو مالت تنذبح
ذبلانه ارسومك...
حبيبي اعيونك الحلوه...بيهن ضلت اسهام
وجسمك معبر الحافر...راحت كل الاحلام
خيل وناس ملتمه...وانته وحدك شلون
غريب وما الك ناصر...ما صارت بلسلام
ماعنده ناصر ولا من عشيرة
حرز الله تالي تشيله الحصيرة
تباوع عيونه ودمعته كسيرة
يايمة ياحسين...يايمة ياحسين..
5______
✍️محسن الباوي
اللهم عجل لوليك الفرج
_________
يا ام البنين
يا ام البنين
دمعاتي الك قدسيه
ابچي الك يوميه
ياربي ترجع ليه*انته الحبيب الغالي
من خدمتك عرفوني
الصابره سموني
ابيضت انه اعيوني *انته الحبيب الغالي
اه جرح السنين
اه بدمعي الحنين
بيك صار ارتقاء
ودري الخدمه دين
من نواقع خدمتي يبن الزجيه
ومن دمعتي اعليك كل صبح ومسيه
انه سموني الحزينه والوفيه
وغير حزنك يمه مايرهم عليه
---------------------------
دمعاتي لو محجوبه
ايضيع الزمان ادروبه
بس البچه المحبوبه *انته الحبيب الغالي
اربع شباب اجروحي
بس انته يامذبوحي
مابطلتلك نوحي *انته الحبيب الغالي
بيك صار الوفاء
وين في كربلاء
اشلون تهده الجروح
ونته ابلا خباء
يمه اشوفك بالبصيره مو بالعيون
من تجيك الخيل تصعد صدرك اشلون
انه ام وگلبي يعلم باليموتون
وانه حسيتك ييمه اشلون محزون
-----------------------------
يوليدي يابو الاكبر
جسمك صريع اموذر
بطف كربله متطشر*انته الحبيب الغالي
شنهو الجنيته يمه
والعاديه ملتمه
صدرك تريد اتهشمه*انته الحبيب الغالي
اه اصرخ حسين
اه في كل حين
ليش صار الي صار
دامي الوجديين
صوبو جسمك ييمه بكل الكتار
يمه بسيوف ورماح وحتى بحجار
ماجره بنسان يمه اعليك ولدار
ونته ميت يمه حرگو خيمتك نار
---------------------------
ليش الرماح اترسمك
چاوين اخوك اليمك
وصيته يفدي دمك*انته الحبيب الغالي
يبني الگمر وصيته
الضهرك صدر خليته
اعله النعم ربيته*انته الحبيب الغالي
اه تالي ابرماح
اه دم مستباح
وين برض الطفوف
ديره امن الجراح
ايعز عليه بالفله يايمه عاري
امغيره ارسومك شمس ذيج الصحاري
وثاري حلو الدنيا بيكم يمه ثاري
ومن شملكم يمه صارت ضلمه داري
-----------------------------
علي سليم الحسناوي
#قصيدة_الطيبة_ال
#قصيدة_الطيبة_الوفية
لمي دمعات العيون
نوحي سكته مايجون
كافي يم گلب الحنون
مايرجعون
----------------------------------------
كفي دمعج بطلي نوحج بم البنين
ولله لو تبجين عينج مايجي حسين
انتضارج هذه يكتل حده لاوين
الرجعه للمذبوح صعبه بطلي الونين
كافي مو حدب گفاج
بطلي هلنوح ونعاج
اشگد بجيتي ومااجاج
مايرجعون
----------------------------------------
كفي هالنوح الشجي بطلي يحره
مايردلج ولمصايب هنه كثره
حسين من قبل الذبح داسوله صدره
اثجيله دوستهه الخيول وهنه عشره
امن السحگ جسمه خذم
ولحوافر كلهه دم
اتربع ابگلبه السهم
مايرجعون
----------------------------------------
قنعي گلبج مايردلج لو ميقنع
حسين لموو ابحصيره اشلون يرجع
انتي ماشفتي جروحه ولله تفجع
حسين تارس كربلا جسمه توزع
قطعه قطعه لملموه
وخنصره لا مالگوه
عاري ضل وسلبوه
مايرجعون
----------------------------------------
نوحي سكته وذبحي كلشي اسمه باجر
طفي امالج وعگديهه النواضر
حسين مايرجع خذت جسمه البواتر
صدره ميدان اصبح الذيج الحوافر
لو فرضنه يعتنيج
بضلعه لو نحره يجيج
بعد ميرده بجيج
مايرجعون
-----------------------------------------------
ام الولاد وصفيتي ابونه وحدج
وين ترباتج يحره اوين ولدج
وين ذخر الشيب جان وكل فرحتج
شو جنيتي الغربه ولحسره ودمعتج
گضو اولادج ذبح
وجرح اصعب من جرح
ابعينج اضلم كل صبح
مايرجعون
----------------------------------------
علي سليم الحسناوي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
مفقود الاثر
❤️ @H3_ZC
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
#فصيح
تخميس للأبيات
المنسوبة لأم البنين في نعي أولادها
لهفي لثكلى واصلت بالحنين
أيامها يا صاح حيناً فحين
تندب والأحجار شجواً تلين
لاتدعوني ويك أم البنين
(تذكريني بليوث العرين)
لن اكتفي بالنعي ان أنـدبا
نوراً بوادي الطف عـني خبا
لمن مظوا عند اشتباك الضبا
اربعة مثل نور الرّبى
(قد واصلوا الموت بقطع الوتين)
لي غير فخري في الدّنا ما بهم
و تربح الجـنـات مـن بـابهـم
وكل فعل الخير من دابهـم
كانت بـنُونَ لي أُدعـى بهــم
(واليوم أصبحت ولا من بنين)
لا يرتضى الرحمن من ساءهم
وخاب مــن تـابع أعدائهم
حر الظما مذ فت أحشائهم
تنازع الخرصان أشلائهم
(وكلّهم أمسى صريعاً طعين)
ما حدث التأريخ أن أدبروا
في الحرب مـهـا نـارها تسعر
فكيف قلبي كـسـره يجـبر
يا ليت شعري أكما أخبروا
(بأن عباساً قطيع اليدين)
الشاعر المرحوم
الشيخ محمد سعيد المنصوري
#اللهم_عجل_لوليك_الفرج
نعي كرناوي يصف حال ام البنين عندما رحل اولادها
✧ــــــــــــــ ✦◈ ✦◈✦ ــــــــــــ✧
يكولون الولد عدها
تفرح لوطبعهم زين
وتربيهم سوة وتتعب
تباريهم بماي العين
تتباوع شورابهم
والوجنات والخدين
ولوطبو ولو طلعو
تعوذهم بأسم ياسين
شحال ام البنين اليوم
من شالو سوة الزينين
سدو بابهم للموت
كالو كربلا ناوين
باسم الله اندعت ياريت
بالهادي وعلي مودعين
موواحد مشى منها
شالو اربعة بفد حين
والكسر ضهرها وزاد
من سلم عليها حسين
يما صاح الله وياج
ماخذ خوتي الطيبين
صاحت كون وياكم
خذيتوني ينور العين
كلها اتحضري للاهات
يم الاربعة الطيبين
✧ــــــــــــــ ✦◈ ✦◈✦ ــــــــــــ✧
تمت
خادمه أهل البيت العلويه فضيله هاشم الموسوي
ماذكرناه في عشره أيام. رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫
#قصائد_ام_البنين_ع
وفاة ام البنين
.
.
.
كربـله عـنـي بعــيده .. وگبري يم گبره اريده
حـيره والله حيرتي
من يوصل اجنازتي
يم الحسين
گـلبــي حطـيـتـه اعلـه دربـه دگـه تـتبـع دگـه
وبخيالي اگطع لي ديره الشخصه حتى اتلگه
المـوت اجـاني ومـاجاني البـيه عـايش شهگه
الفـرگه تكــتل والـيمـوت امـن المــفارگ حگه
بلكت ايسمعوني ناسي .. وياخذوني التاج راسي
رايده احچي قصتي
مـن يـوصل اجنازتي
يم الحسين
ابليل هـجر حسين عـيني للصبح مـفتوحه
اعليه احسها ازغيره كلش كلمة المجروحه
البِـگلبه اجروح فـرگـه ماتطــيب اجـروحه
المنتـظر مـثل ابـو اليمه حـقـه تطلع روحه
ياهو احشمه وياهو اصيحه .. حتى يدفنـي ابضريحه
عگب ولدي وعزوتي
من يوصـل اجنازتي
يم الحسين
الكربله كـل امنياتي اجـنازتي ايوصـلونها
وكـون بــين الحــرمين الـوادم ايـنزلـونها
بالشــمس تبــقه ثــلاث ايــام ميــشلـونها
بلكت ايصير ازدحام وجثتي ايسحگونها
بلكي احس بالام صدره .. الَهـشمتها اخيول عشره
جاي احچي ابحسرتي
من يــوصـل اجـنازتي
يم الحسين
نعشي عالـشــباچ يفـتر هـاي ويـن الگـاها
والله گــلـب ام البنــين اشـكـثر يـتمــناها
والصــلاة اعلــه الجنازه هــوه لـو صـلاها
باچر اعله الموته اني ابـها الصلاة اتـباها
مـن يگـول الله اكـبر .. جلدي وانه احچيها كزبر
ادعي وابچي ابدعوتي
مـن يـوصـل اجــنازتي
يم الحسين
يـامــن اتشيــعون نعـــش ام البــنيـن ابلــوعه
علـى بــاب القــبــله صيـحو وصلت المـفـجوعه
ادري من يسمعني اجيت ابساع تجري ادموعه
لايــدنــگ عــالجــنازه امــكــســرات اضــلــوعه
مـن كـثر خـيل العساكر .. طشرت صدره الحوافر
على هايـه لــوعـتي
من يوصل اجنازتي
يم الحسين
_
ارد انــاشــدكـــم يشــيعه بدمعــتي والـوَنه
ابكـربلاء ايـصــير گــبـــره مــنو مـــايتــمنه
شرد اگول اعله الحسين وشرد اسولف عنه
انـه احــس ابصحنه جــنه واحله من الجنه
انـدفن بالجــنه يــاريت .. ابصحن ابو اليمه تمنيت
الهذي تجري دمعتي
من يوصل اجنازتي
يم الحسين
تمت والحمد لله
حيدر تركي الكربلائي
ابوذيات للسيدة الطاهره ام البنين عليها السلام
شرف الله هداها لا ولدها(لوالدها)
غريبه بالمنازع لا والادهى
لا الحسين اجاها لا ولدها
وماتت مانعتها الهاشميه
ياهو الگال جرح الگلب لايم
وانا متانيه لاشـــــــهر لايوم
عني بعيد ابو السجــاد لايم
گبره واشتكيله الصار بيه
تدرون الشمــــــــاته يمتى عالو
بيّــه وبحجيهم يـــــــــوم تعالو
من طحت وصحتكم يمه تعالو
وكسرتو خاطري ومااجيتو ليّه
من يوم المشيتو الفرح ماطاب
دليلي ووكت ليّه الزاد ماطاب
جرح افراككم بالگلب ماطاب
يطيب بيوم ردتكم عليه
الكون ام الغوالب مايليها
ماتت وابوفاضل مايليها
يجبلها وينگط ماي ليــها
ميته وعينها اعله الغاضريه
الدهر من مشو شامت صاح اتى الهم
يطيحج گتله لتلف صحتي الهم
سكته انا ودمعتي صاحتلهم
شماته اشبع امن اتگطعون بيه
اللهم عجل لوليك الفرج
ونسألكم الدعاء
بمشاركة
السيد حميد الموسوي
علي محسن الزيادي
شوط كربلائي
.
.
.
شلي ابروحي ياروحي .. اخذها الروح الك فدوه
الدنيه ابلا ضوه اعيونك .. صـدگ كلشي ماتسوه
_
وحـگ الاربعـه الراحو .. وحگ الجوه العـصابه
الـيوم الماشـوفك بــيه .. چــن ابگــلبي عطــابه
السوالف چيف مو وياك .. احسهن چنهن اذيابه
أمــاني كــلــه بعيــونك
واعيشن كلفه من دونك
تــرد وتشـوفـني كـــونك
علـگم عيشتي ابليك .. يامـَن عشرتك حــلوه
___
انــه ام الــبــنيـن انــه .. وبيه اشسوت الفرگه
ذايب حتى فص عيني .. چيف ابچيلك ابحرگه
گلبي انگطعت اعـروگه .. وبيــه مابــقــت ورگه
المدمع مولح اخدودي
هجرك مـن كسر عودي
وذبلت عـگبـك اورودي
امـك ذابـله اخــلافك .. وبيــها مابقـــت قــوه
___
طفـيني احـتــرگ گــلــبي .. عليك الزهره طفيني
اعيوني الشوفتك عطشت .. واگلها هسه يرويني
لاغيـــمــه الاجـــت مــــنك .. ولا واحــد يــدلـيني
يمتـه تمـطر اعـليه
وتـغــرگــني حــنيه
صدگنــي تــرد بــيه
روحي اوداعتك يحسين .. لا ماتحـــمل البـــلـوه
__
گلبـي ابـدربك امعـلگ .. ارحـم گلـبي بالــرده
سـهم الـفركه صـوبني .. الچبدي لاحه وتعده
روحي بغيبتك يحسين .. مثـل المـاي الِــتبده
لابيـــــهــم يـــلـمــوني
ولابيــــهــم يــخـــلوني
بچيت وطاحت اعيوني
والمثــلي يبــو اليــمه .. صارت دمعــته سـلوه
__
بعيد وضاعت اخبارك .. ابگلبي الغيبتك جمره
ييــمه ابـكربــله هســه .. بـس لامـرمي عالغبره
انجرح گلبي لمن گتلك .. جـرح دلالك اشـكبره
فــال الله ولا فـالي
تردلي بلكي يالغالي
ذاب اعــليــك دلالي
گلب امك يبعد امك .. مـايتــحــمل القــسوه
___
اشيطن انه كل ساعه .. وانشد يبني ياهو الچان
حيل افركهن اچفوفي .. لحـد مــايطـلع الـدخــان
واشم ريحة خدر زينب .. تشــب بـذيـالـها النيران
لايـمـــــي واطـفــيــها
وعالشاطي اليحاميها
تتنـــخه ابـــأهــالــيها
وفـوگ الـگاع اهـاليها .. ومحـد يسـمع النخــوه
_
تمت والحمد لله
حيدر تركي الكربلائي
بســـم الله.. گــوم الفـــاتحــه اقـــرأها
وتوَّجـــه للجليله أبــدمعـــه وانخــاهـا
۩ ۩ ۩ ۩ ۩
اذا دنيــاك ضاگــت بــالعســــر والهـم
وليـــل النــايبــات أعليــك صار اظلم
وإذا وكتـك عليك بكــل حــزن خيــّم
انخّــه أم البنيــن وشـــوف نخــواهــا
۩ ۩ ۩ ۩ ۩
أنخــه أم الـبنيــن ودمعتــك هلـهـا
الصعبه أم الگمر ثق هيــه التحلـهـا
ربـــك كــرمــاهـا وعـــلا منـــزلهــا
البــاري لجل أبــو الأحـــرار عـلّاها
۩ ۩ ۩ ۩ ۩
عـــلاهــا بمحبتهــا لابـــو الأحـــرار
لان نذرتلــه بالطــف أربعــة أقمـــار
مثل ام البنين بهـل النسه مــا صـار
إذا گلنــا الـــوفــه ينجــاب ذكــراها
۩ ۩ ۩ ۩ ۩
صــارت للــوفـــه أم الگمـــر عـنــوان
مثـــل البسمله لكل سـوره بــالقــرآن
معـروفــه جــزه الإحسان بالإحسـان
مـا رادت جـــزه بس يــرضه مولاها
۩ ۩ ۩ ۩ ۩
ما رادت جزه بس يرضه عنهـا حسـين
مثل الطاهــره ام عباس يحصـل وين
ضحت أربعــه وتجــري دمــوع العيـن
لـــحسين الكـريمــه نــذرت أربــاهـــا
۩ ۩ ۩ ۩ ۩
أنطــت كــل ولــدها الحره ام عبـاس
عنـوان الوفــه بس بيها ظل ينقــاس
رفــع ذكــراهــا ربنـا أبين كـل النـاس
وبــاب أهـــل الحوائــج الله خـلاهــا
۩ ۩ ۩ ۩ ۩
بـاب أهــل الحـوائــج وآنـــه دگيتـــه
وچــف الحاجه الـچ يـا حـره مـديتـه
أبـاب حسين دمعــي بحسـره هليتـه
لان ادري الجليلــه أهنـــاك الگــاهــا
۩ ۩ ۩ ۩ ۩
الشاعر
موسى البديري
نعي لسان حال ام البنين مع أبنائها عليهم السلام ...
أنا الربيتكم يااعيالي متأمله
يعود ابن البتوله سالم ابشمله
يعود الوالي يمّه ابنصركم سالم
ونذري بيْدكم متحقق الفاطم
سعيده ابرأيته من سفرته قادم
مع بنته رقيّه ضاحكه ابحمله
حريصه امضي طوال اليوم وياكم
ولياليكم أعدها اعيالي برباكم
أتانيكم تكبرون ابمناداكم
تنصرون الحسين ابغربته كلّه
وكبر ساعدكم ابنيني وكبر حلمي
ودماكم بالمناحر يجري من دمّي
تداري يالقمر عباس كل همّي
العقيله اختك وابوالأكبر لوى اتحمله
وعثمان ابني وعبدالله مع جعفر
مُنايه بيكم اولادي الولي يُنصر
إلى أن ماوصل هاليوم هالأغبر
وأجلسني البقيع الوحدي معتلّه
قبور اربع لكم صانع عليها انعي
عليها انعي ياأولادي وهل دمعي
رجوعه ابن الزجيّه ماقرع سمعي
بعد ماكنت بيكم يمه متجمله
كبيره ابصدري كم ياابنينيَ العبره
دموعي اعليكم اَهملها من الحسره
على سبط الرسول ومهجة الزهره
يرد خالي من اثاره الولي رحله
عليّه اهل المدينه بيكم اتنادي
وولد ماباقي منكم من لظى الوادي
تمنيت ابدماكم لو گضا امرادي
وعليّه أم البنين اتنادي متقبله
✍️
علي الأحسائي
جمادى الآخر ١٤٤٦هـ