🌴تجمّع الزهراء ع العاشورائي🌴

10 December 2024 21:07

مو مثل باقي النساء
بيهه تحجي ارض وسماء
ضحت الأجل الحسين
كمر ضاوي بكربلاء ...

......١
خذت بالتضحيه دور البطوله
وهدت اربع ولد كلهم رجوله
واحدهم يسد الشمس طوله
كل هذا وتكول انه خجوله

يمه حسين اعذرني هواي... منك خجلانه اتعذر
كل الاملك ذوله اضناي  .... ما ادري بعازه  الاكثر

لون ادري يا امير
ابعازت الخوه تصير
مثل عباس الكفيل
عشره اخلفلك يخير


.....٢
كبل ام الوفه مسويتهه يا هي
تضحي اربع ولد وادكله ألهي
ابجاه الزهره احلفك موش جاهي
تردلي حسين ابني الطوله راهي

اخذ أبنيني وشوفي ارجاك... ياربي واخذ اسنيني
ولا تفجعني بموته اهناك ... موته اهواي ايأذيني

حسين نبضات الدليل
ابدونه اعيشن مستحيل
ونفترض لو ردت اعيش
حسبت ايام واشيل
......٣

الولد الزهره انطت ألافضليه
على حساب الابدور الهاشميه
جانت كل وكت دعوتهه هيه
كبل حسين تاخذهه المنيه

عمري ابدونه اكضي بالاه ... واكضي بالحسره ولوعه
شيصبر كلبي اليهواه ... ويدري بسحكات اضلوعه

ما أريد اسمع ذبيح
بموت ابو الاكبر اطيح
كون ما تبقالي روح
من ابن حذلم يصيح




......٤
بم الاربعه العالم  تباهه
كفوئه ام الكمر حيدر خذاهه
حوت بيت الزجيه واحتواهه
مضرب كل مثل صارت تراهه

مو مرت اب عاشت يا ناس... خدامه ابيت العتره
جانت جلمتهه ام عباس ... وين انه اوين الزهره

قدمت درس السنين
الكل نساء العالمين
بيومهه الاول عروس
وبالهه يم  الحسين

.......٥
الله اختارهه ورحمه اختياره
باب الحاجه صارت  وبجداره
المهدي بطلعته باجر شعاره
يبني الجدته  حضره  ومناره

ما بين الكافل وحسين ... والزوار ايزوروهه
كل حاجه اويه ادموع العين ..مقضيه امن ايكصدوهه

عدهه اجابه الكل سؤال
الفاتحه سرهه يُقال
القراهه الهه ابخشوع
تكضي حاجاته الثكال
........

كلمات
موسى الخادم
/channel/tajalzahraa1

🌴تجمّع الزهراء ع العاشورائي🌴

10 December 2024 21:05

ميمر

ام الوفه .... والعاطفه
ام الشرف والمعرفه
يعجز يوصفهه انسان ... ام البنين الحره

........١
انطت ولدهه الاربعه ابلا منه
وجيت ابن حيدر بقت تتمنه
ما فاركت داره وسبتهه الونه

ليل وصبح .... تنزف جرح
لحسين ابنهه المنذبح
ما فاركت دمع العين .... والكلب يسعر جمره

........٢
عاشت عمرهه خادمه ادكول اني
وحسين امامي ومرجعي وسلطاني
بيه اكتمل ديني وكمل أيماني

اخدم اله .... والكل هله
لية الشرف وابكربله
باجر اضحيله ازلام ... واحدهم ابجم عشره

.........٣
كرمهه ربنه وبفخر علاهه
بعد الزجيه بمرتبه خلاهه
كلشي انخلق بالدنية بيهه اتباهه

الجابت كمر ... كلهه فخر
تتمنه مرضاهه البشر
ترفع الراس ام عباس ... بيهه ام حسن مبتشره

.........٤
كل النساء اتسولف ابهيبتهه
من فاطمه وزينب خذت عفتهه
معنى الشرف متجسد بشيلتهه

كل الشرف ... بيهه انوصف
حيدر علي بهذا اعترف
ام الحسن وام عباس ... اعظم نساء العتره

.........٥
باب الحوائج صارت ام الكافل
ما ترد طالب حاجه يمهه وسائل
دعوتهه توصل للسمه ابلا فاصل

بالفاتحه ... الكل رابحه
هاذي الحقيقه الواضحه
كلمن قراهه ابأخلاص ... ام الوفه تحل عسره

.........٦
ندعي الله من نضرتهه ما يحرمنه
ومن الخدمهه بكل وكت يحسبنه
التشفعله ام الاربعه بالجنه

كلمن خدم ... الهه حسم
امره بجنان اهل الشيم
ما تنظر اعيونه النار ... كلمن خدمهه بعمره
.......

كلمات
موسى الخادم
/channel/tajalzahraa1

🌴تجمّع الزهراء ع العاشورائي🌴

10 December 2024 21:02

انا بس دمعه و جرح  •• ميته من ذاك الصبح
البي شفتهم حملوا للغاضريه
من عرفت حسين ما يرجع اليه

……………………………………………………………

ياهو مثلي ابلحظه فارگ. ابنه وإيمامه وحبيبه
اوداع خله الگلب ينبض . جمر واتچوه ابلهيبه 

وشفت صورة فركه مرسومه ابجبينه
بهمس حاجاني ودمع متروسه عينه
بعد ما ارجع الج يمي الحنينه

رايح الديرة غرب •• رايح الموت وسلب
كتله عين الماتشوفك عميه هي
من عرفت حسين ما يرجع اليه

……………………………………………………………


حسين نسمة گيظ غبشه .امعطر انفاسي ابعبيره
چلمة اليمه ابلسانه  .   اتسوي من عندي اميره

متت من سار الضعن وانطاني ظهره
يمه بالله امودع و وياها حسره
صحت راحت روحي وي ابنج يزهره

اه يا صبح الحزن •• راح الينشف الجفن
يا صبح ليل اصبحت من عگب ضيه
من عرفت حسين ما يرجع اليه

……………………………………………………………


جنت احس الزهره عدله . ابزينب و مسروره عيني
دوم ما نتفارگ احنه  .   لو اجيها لو تجيني

ودعتني و بالبجي مردت دليلي
راح اروحن يمه بحماية كفيلي
يمه فوگ النوگ بالج لا تميلي

يمه يا بنت الطهر •• ديري بالج ع الخدر
بالسفر عينج على سكينه و رقيه
من  عرفت حسين ما يرجع اليه

……………………………………………………………


و الكمر گالالي يلا  .  للسفر يا يمه نركب
كتله لا مااريد اشغلك . وقف انت أبأيد زينب

حرز من الزهره وتشده ابمينك
يمه ما اريدن تفارك لحظه عينك
يمه قربان الخدرها كل سنينك

احني يا يمه الظهر ••  او صعّد اختك يالكمر
يمه بيّض وجهي كدام الزجيه
من  عرفت حسين ما يرجع اليه

……………………………………………………………


دار وحشه وبس عليله . اثنينه وثالثنه دمعه
نگعد ابغرفة ابوها  .  هي تبجي وانا انعه

نذكر ايام الفرح وي الهواشم
بيت يضوي ابوجه الاكبر وي جاسم
ومهد جان ابنصنه بي عبد الله نايم

اتكلي ياجده الاهل •• الشوفهم مامش امل
جده مشتاگه العبد يغفه اعل اديه
من عرفت حسين ما يرجع اليه

……………………………………………………………


اشعنده ملك الموت اجاني.روحي ماهي ويم اهلها
روحي طير ابسمه اطفوفه . دمعته اعل لتل يهلها

روحي صارت ماي فوگ اتراب گبره
روحي تمسح بالدماء العله نحره
روحي منثوره مثل اشلاء صدره

انت وشتقبض بعد •• انا بس حسره وجسد
يا ملك و فراگهم صار المنيه
من عرفت حسين ما يرجع اليه

……………………………………………………………
✍️ ( سيد خضر الزاملي )
/channel/tajalzahraa1

🌴تجمّع الزهراء ع العاشورائي🌴

10 December 2024 21:01

((  سيدةُ الاخلاصِ  ))
………………………………………………………

ربعُ الاخلاصِ قَد أُعطى لِجميعِ الناسِ
و ثلاثةٌ  ارباعٍ نالت  أُمُ العباسِ
هي من الفٍ للياءِ
حبٌ لبنِ الزهراءِ
ام العباس ……  ام العباس

………………………………………………………


من راد رب الجلاله . يخلق وفاء للبريه
خلقاه ابهيئة اميره . ام البنين الوفيه
والباري حاچه الملائك . يلا اخذوا الها التحيه
هايه مرة عبدي حيدر . واخت البتول الزجيه

و اعليها
وأسميها . هِي الباب العبادي
كرامه الها
ولا اردها . طلب كل الايادي

كلُ لسانٍ اذ يدعوني بسمِ البدويه
والحاجةُ لو كانت عظمى تصبحُ مقضيه
هي مشفاةٌ للداءِ
حبٌ لبنِ الزهراءِ
ام العباس …... ام العباس

………………………………………………………


بيت الشعر والبداوه . لبيت الوحي والامامه
ما اجت ليهم شريجه . لكن اجت للخدامه
نشرت محبه ابكلبهم . ترست البيت ابتسامه
حسين وحسن و بعطفها . ما حسستهم يتامه

يبن عمي
تغَير اسمي . اخاف اجرح گلبهم
تصب دمعه
على البضعه . وتِسِل روحي البچيهم

دمعُ السبطينِ الحسنينِ اغلى من روحي
يتذكروا اماً و اخاهم  بكثيرِ النوحِ
ماتوا بعصرِ الاعداءِ
حبٌ لبنِ الزهراءِ
ام العباس .....  ام العباس

…………………………………………………………


رقم اربعه وما قنعها . أگليّلين وشويه عدها
وبگد دمعها اعل زينب . اتمنت عددهم ولِدها
هالمره وكلش عجيبه . ما مش قبلها وبعدها
تعتُبر موتة ضناها . ساعة رضاها وسعدها

يبو فاضل
يهل الكافل . فخر موتك اليه
يعباسي
ارتفع راسي . امام ابن الزچيه

صرتَ ابنَ الزهراءِ الآنَ يا وجهَ الفجرِ
تُخرجُ في طبقٍ كفّيك في يومِ الحشرِ
طوبى يا ملكَ الماءِ
حبٌ لبنِ الزهراءِ
ام العباس ...... ام العباس

…………………………………………………………


انا لمصابچ شريكه . لم عون گالتها كلمه
ما تقصد اربع ولِدها . هالمعنه ابد ماهي يمه
القصد ما ماتت امه . حسين الشهيد انا امه
فاتحته كل عمري تمتد . فراش العزه وما المّه

اشعظم وني
على حسيني . ولا تنشفلي دمعه
وسط بيته
عزه احييته . انا امچانج يبضعه

ابكيهِ ليلاً و نهاراً  ولحدِ الموتِ
اصرخُ يا جسداً لم يوضع وسطَ التابوتِ
يا منثورَ الاشلاءِ
حبُ لبنِ الزهراءِ
ام العباس ...... ام العباس

………………………………………………………


لحسين بيديها سوّت . اكبر گبر يمه تنحب
تحاچيه تكله ييمه . هذا العذب يلا اشرب
ذبّاحك ابهيده يذبح . بالسيف نحرك تعذب
من عميه عيني اعل جسمك . عريان ثوبك تسلب

و اجه الحافر
ركض طاير . طبگ صدر اعل ظهرك
فرد هجمه
وبلا رحمه . وبگه اتوذّر يوذرك

والشمسُ ثلاثةُ ايامٍ  تحرقُ بالنحرِ
من شمسِ قد راحَ النحرُ  لتراب القبرِ
يا مقطوعَ الاعضاءِ
حبٌ لبنِ الزهراءِ
ام العباس ...... ام العباس

…………………………………………………………


ثامن السبعه العجائب . هاي المره انا اعتبرها
امن الصفر رحلتها تبدي . وللميه اصبح قدرها
عاشرت خمسة أئمه . ايلهجون دوم بذكرها
لحسين ام هذا يعني . ام الحياة بأسرها

يهل الخادم
يهل اللاطم . اخذ درس الخدامه
الذي يوافي
و گلب صافي . ام حسن ترفع مقامه

ليسَ بعيداً او تاريخاً  ذا سيدِ جاسم
قبرٌ في صحنِ العطشانِ والناسُ تزاحِم
في جناتِ العلياءِ
حبٌ لبنِ الزهراءِ
ام العباس ...... ام العباس

………………………………………………………
✍️ ( سيد خضر الزاملي )
/channel/tajalzahraa1

🌴تجمّع الزهراء ع العاشورائي🌴

10 December 2024 21:00

[[💔قصيدة لأم البنين لقضاء الحوائج💔]]

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

أعرف عيادة ناجحه..........معاينتها الفاتحه

          أم البنين..............أم البنين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

تقضي الحاجات  فوراً ماكو  باچر

للمريض      ولليغيب    و  لليسافر

الطاهره   أم    المعاجز       والمآثر

مانخاها احد رجع    مكسور  خاطر

أم الگمر تستاهله.........صيت بعلامة كامله

        الگلب الحنين.........أم البنين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

وألي   رايد يسأل   ويبحث يحاجج

ليش        صارت لله  باباً   للحوائج

نجاوب أهيه تقضي وتنطي  وتعالج

بحب الحسين   وإذن  رب   المعارج

حب الولي تستخدمه..........وياه دعا من فاطمه

          وإذن المبين...............أم البنين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

هيه   أول   مرة  ابو اتغير   القواعد

والنعم     أم  البنين        أم الاماجد

أربعه  عدها وتگلهم    عندي   واحد

بس ابو  اليمه   بكياني والله  شاهد

أنطت رساله راقيه......خدمة حُسين الناجيه

         وحب الحسين...........أم البنين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

اكرام    ربت أربعه وكلهم    أفاضل

بالشجاعه    وبالكرم    كلهم   أوائل

تريد  كل  واحد  بالف   لمن   يقاتل

وابو فاضل سوته    عسكر    يعادل

ربت رجال الفاضله.....كتبو مراجل كربله

       ويه الحسين..........أم البنين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

تگله   يالعباس   أسمع     ياچبيري

أنته  مخلوق    لأميرك     ولأميري

يعني بيدك يا أبو فاضل    مصيري

وموقفك باچر يصير  أهوه مجيري

وأنه  الاريدك بالوفه.........فدوه لحبيب المصطفى

         تنطي الايدين........أم البنين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

تگله      يوليدي   أوصيك   بوصيه

أنته أبني       وسيدك   أبن  الزچيه

ما      أريدن    گبله    تشرب للمنيه

ولا عدل   واسمع  خذو زينب سبيه

كونك تضل عالمشرعه....واسي الحسين بمصرعه

            يبني الحنين..........أم البنين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

خادم أم العباس((ع))
جهاد البصيراوي
/channel/tajalzahraa1

🌴تجمّع الزهراء ع العاشورائي🌴

10 December 2024 21:00

[[💔موشح الى مولاتي أم البنين .ع.💔]]

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

ألوداع  الملتقى عند   الحسين

في  أمان   الله   يا  أم  البنين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

في   أمان    الله  يا   أم   ألوفه
حيره يا   مولاتي  أذكر   يا صفه
بكلشي واسيتيهم  آل المصطفى
ولو يصح بيدچ  تقدمين  الوتين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

حيرة شذكر وانتي مجموعة صفات
قدوة       أنتي    لجميع   المؤمنات
ضربتي   أروع  أمثلة  غيره  وثبات
مفخرة  و    زوجة   أمير  المؤمنين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

عن  درايه و  معرفه  أختارج  عقيل
بت حمولة  ودين  و  المعدن  أصيل
الهدف   من   عندچ   يحصل  كفيل
هيچ         منه    راد   أمام  المتقين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

گله   راید   وحده   جابتها   الفحول
كون طيبة  نسب  من اهل   الاصول
و بحنان       تراعي    أيتام   البتول
وبلكي  منها   يصير   ناصر  للحسين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

صار ما  راده   علي  و  جبتي  العضيد
وزين   يدري   بوالده    منه      شيريد
حامه    عالخِدّر     الى    قطع   الوريد
مخضب  و     لا يسرة  ضلت  لا  يمين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

و  داعتچ  یالطاهره   ورب  السماء
مثل  أبو  فاضل  فلا صح   بالوفاء
وحده  لكن    جيش  أصبح  للفداء
صار      بالغيره       مثل  للعالمين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

✨️ثواب هذه القصيدة الى روح الفقيد سماحة القائد حسن نصر الله وعامة المؤمنين ✨️

  جهاد البصيراوي
/channel/tajalzahraa1

🌴تجمّع الزهراء ع العاشورائي🌴

10 December 2024 20:59

*نخوة لمولاتنا البنين(ع)*
*《الطور قصيدة ابو الحواتم لا تلوموني لا تلوموني》*
#من_ديوان_دموع_وعبرة_في_رثاء_العترة_ج1
❥━──➸➽❥❂❥━──➸➽❥❂
*لو نخيناها*    *لو نخيناها*
*تحضر ام عباس لو نخيناها*
*جربيناها*          *جربيناها*
*ساعة الشدات  جربيناها*
❥━──➸➽❥❂❥━──➸➽❥❂
جربيناها  تحضر  الشده
اليعتني  الها  كلبه  اتبرده
بابها المفتوح ماضن اتسده
سولفيناها         سولفيناها
حلوة وكفتها   وسولفيناها
❥━──➸➽❥❂❥━──➸➽❥❂
هاي ام عباس بكرم معروفه
و  الي يطلبها  ابد  متعوفه
طايح  بشدة  بعينها  تشوفه 
هل نخيناها         هل نخيناها
طحنه بالكلفات  وهل نخيناها ❥━──➸➽❥❂❥━──➸➽❥❂
انبدها بالشده بساع تگظيها
بسفرتچ هاليوم دمعتي اجريها
جيت مهظومه حاجتي گضيها
اليوم ردناها      اليوم ردناها
وگفتچ كلنه       اليوم ردناها
❥━──➸➽❥❂❥━──➸➽❥❂
نريدچ ويانه حاضرة المجلس
ندري أم عباس تسمع النه الحس
اليطلب الحاجه  ما يرد مفلس
اليوم جيناها      اليوم جيناها
ام الكرم والطيب اليوم جيناها
❥━──➸➽❥❂❥━──➸➽❥❂
جينه كلنه اليوم والدمع يجره
نحلفچ بحسين الي نكسر صدره
نلطم وننحب وبالگلب جمره
ضايع ادواها     ضايع ادواها
شيعتچ هاليوم  ضايع دواها
❥━──➸➽❥❂❥━──➸➽❥❂
بسفرة ام عباس نطلب الحاجه
طايحه بشدة وجيت گصاده
اليعگد  الرايه  يأخذ  مرادة
جربيناها          جربيناها
راية  ام عباس جربيناها
❥━──➸➽❥❂❥━──➸➽❥❂
*بقلم 📝خادمة اهل البيت*
*نسألكم الدعاء الفاتحه الى روح اختي وﻷمواتكم:🍃*
/channel/tajalzahraa1

🌴تجمّع الزهراء ع العاشورائي🌴

10 December 2024 20:01

دعم قنوات دينيه فارس الحجاز


☘☘☘☘☘☘☘☘☘☘☘

ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ

مفقود الاثر
❤️ @H3_ZC
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN


🏴🏴🏴🏴🏴🏴🏴🏴🏴🏴🏴

⚠️#شروط_الدعم

1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله

🔺للاشتراك بدعم عبر معرف مثبت↙️
@ansar_313_m

@satobmnbot

🚩🚩🚩🚩🚩🚩🚩🚩🚩🚩

/channel/satob_mn_ajl_al_mahde

🌴تجمّع الزهراء ع العاشورائي🌴

10 December 2024 16:45

▪️ظلت غريبه▪️

في حال مرقد السيده زينب هذه الايام

طور:اشلون اصبر اعله الاه
الملا باسم الكربلائي



لف الزمان ودار بام المصيبه
ومرقدها لازوار   ظلت غريبه

وين الكفيل    ايذوْب الدليل    مرقدها خالي

تمنت روحي  ياهالناس    تزور المرقد ابهاليوم
واقوللها اشكثر ظامي  ودليلي منها ظل محروم
غريبه وظلت ابغربه  وعليها دمعي ظل مسچوم
انا ابهذا البعد والله    وعليها نبضي كله ايحوم

وابعيني اشوف اشلون    آ يالبعيده
عافوها كل الناس    وظلت وحيده
دنيا وتميل   ايذّوب  الدليل   مرقدها خالي
———
اطب يمها الى المرقد    واظلن بس احاجيها
اشكثر ملهوفه هاي الروح   ويحن اكليبي اعليها
وحيده اعيوني الها اتشوف  صدق عباس  يخليها
باراضي الشام آيا هالشام   ألم واهموم  باراضيها

مرقدها ظل اوحيد     آيالعقيله
مثل النعش من ظل    منهو اليشيله

يادمعي سيل     ايذوْب الدليل      مرقدها خالي
——-

تدور الدنيا ياعباس   وترد الغاليه اوحيده
زمان العاشته ابلياك  زمان الحالي ايعيده
وتظل اميسره ابغربه   وعلينه  يالولي ابعيده
الحزن ما ينتهي الها   وترد اهمومها اجديده
واتوجر الدلال      اعليها الغريبه
وابكل زمن ياناس    اتعيد المصيبه

خبروا الكفيل  ايذوب الدليل    مرقدها خالي
——-
يبو فاضل  اظن تدري وتشوف اللي جره هالصار
عليها گلبك اتْلاهب دوه جمره  ويوج  بالنار
حزنها التدري مو كافي  وعليها كل زمن يندار
تعوفوها وحيده اشلون   ولاتوصل لها زوار

ظلت بلا كفال  هاي الحبيبه
واعليها هالدلال   يسعر لهيبه

وين الكفيل   ايذوب الدليل    مرقدها خالي
———
✍️ #بنت_الشمري
/channel/tajalzahraa1

🌴تجمّع الزهراء ع العاشورائي🌴

09 December 2024 23:11

💔لطميه بحر طويل لام البنين عليها السلام 💔


ياويلي على ام عباس.... مابطلت ونتهه
رادت تحضر الويلاد .... هاليوم بجنازتهه

〰️〰️💔〰️〰️

رادت تحضرالويلاد ... همه للي يشيعوها
يمشون بنعشهه اليوم... وللمكبره يزتوها
ولاواحد لفه منهم... لامن اجو شالوها
ولحد المنيه تنوح... ماكطعت يدمعتهه

✍️ ام حسين العامري
〰️〰️💔〰️〰️

كل الآه والويلاه .. لأم عباس ونتنه
تستاهل بواجينه .. او فوك الراس لطمتنه
هاي التكضي الحاجه .. او بالمحشر شفيعتنه

لمصاب الجره ابعاشور
ما فترت مناحتهه

العلويه ام ناصر الياسري
〰️〰️💔〰️〰️

تنوح اوتلطم اعله الراس .. والدمعه عله الخدين

وتنادي ابضعيف الصوت .. يعزيز الگلب يحسين

ردتك لنعش شيال .. تحضر ويه لمشيعين

ماحضروها ألف ياحيف ماتت وهي ابحسرتها

✍️ ام احمد المنصوريه
〰️〰️〰️💔〰️〰️〰️

اتون طول العمر ضلت ... تنوح المهجت الهادي

تصد بيوتهم ضلمه ... بيهم من حده الحادي

تتنشد من الوادم ياهو يخبر اولادي

اتريد اامن الولد حماي لوشالو اجنازتهه

ام علي السماوي
〰️〰️💔〰️〰️

هاي ام البنين شلون ..محد حاضر وياها
تنازع والدمع بالعين ..دمع الحزن غطاها
وين اولادها الساعة ...ياهو الغمض عيناها

هاي ام الكفل هايه وفتها منيتهه

مريم العبوديه اسيرة الاحزان

〰️〰️〰️💔〰️〰️〰️
وافتها المنيه اليوم .. وين الي يشيعوها

والدمع على ام عباس بالحسره يهلوها

هاي ام الكرم والطيب بالشده يندبوها

حنينه وتجبر الخاطر ..ابد ماكو بمحنتهه
ام ✍️ علي الموسوي
〰️〰️〰️💔〰️〰️〰️

تمت بأقلام شاعرات رابطة احزان العقيله

غير مبري الذمه من يحذف اويغير اويتلاعب بالكلمات او يحذف اسماء الشاعرات وينسب الكلام له

🌴تجمّع الزهراء ع العاشورائي🌴

09 December 2024 23:10

نعي 😭 لام البنين عليها السلام
~~~
ردو عليه اوشوفــو حـالي
بس وحــدي والبيـت خالي
عگبكم صفت وحشه الليالي

وحيده بقت بالدار امكم
وعيونها تـــربي لجلكـم
وكــــــت المنيه رايدتكم


✍️ ام احمد المنصوري
ـــــــــــــــــــــــــــــــــــ💔

انه تمنيتهم ولدي يحظرون
ولـو متت النعشي يشيلون
خلوني ومشو لاويـن يردون

اولادي بطو ماظن يجـوني
لاردو عليه وناشدوني
بدروبهم تربي عيوني

✍العلويه ام علي
ـــــــــــــــــــــــــــــــــــ 💔

الـــروح ونت رايدتهــــم
ماظن بعد يرجع شملهـــم
گطعت الامل والياس منهم

گــــــربت منيتي الروح ونت
والشوفت الغاليــــــن حنـــت
مانشفت دمعهه العيـن صبت

✍️ ام حسين العامري
ـــــــــــــــــــــــــــــــــــ 💔

دمعي يصب مانشف تدرون
وخافن اموت مـــاترجعون
يالرحتو غفله وماتــــردون

رحتوو من اديه وگلبي حزين
عليكم بعد مابطل اونيــــــــن
انه ابجي الاربعه وبجي للحسين

✍️ام سلام

ـــــــــــــــــــــــــــــــــــ 💔

أبجي ييمــه ليل ونــهــار
أنعاكم ووسط الگلـب نار
ماريد اطب واگعد بهل دار


ديرانــــكم وحشه عمتني
مرمرت روحي وصوبتني
بفركه ياويلي فجعتنــــي

ام ✍️ علي الموسوي
ـــــــــــــــــــــــــــــــــــ 💔



تمت بأقلام شاعرات رابطة احزان العقيله

غير مبري الذمه من يحذف اويغير اويتلاعب بالكلمات او يحذف اسماء الشعارات وينسي الكلام له

🌴تجمّع الزهراء ع العاشورائي🌴

09 December 2024 23:05

حال ام البنين .بعد سفر عزيزها الحسين .عليه السلام.
.................................


رفت حزن عيني. . من سافرحسيني

ضحيت اله بكل غالي .
سالم  يرد  حسبالي.

من سافر حسيني
.......................................

الله يرحمني ويعاود سيدي الداره.
واكعد بكوسر حنانه واسمع اخباره.
أنه من ساعة رحيله وروحي محتاره.
ياوكت  يرجع  وكلبي تنطفي ناره.

انه ادري ميردلي. . وانتظره يرجعلي.

والظن كَطع أمالي .
سالم يرد حسبالي.
.......................................

ادري مايرجع واتاني وانتظر يرجع.
هلبت الله ويذكر.امه وينشف المدمع.
اربع انذور انذرتله. فدوه اله الاربع.
بس يرد سالم اليه (ويمه) منه اسمع.

بيها الترد روحي. . وتبلسم اجرحي.

هيج واشوفه اكبالي.
سالم يرد حسبالي.
.....................................

ربي زاد الخوف بيه وطالت الفركَه.
وانتظر لحسين جيه.وروحي مختنكه
تروح  وترد المشاعر .بالظنون الكَه.
ماترد ذيج الليالي ..مايصح ملكه.

تستعرض عيوني.. .واقع مله اظنوني.

صورت نحر تبرالي.
سالم يرد حسبالي.
....................................

صوت  آهات  ومصيبه  اسمع واقره.
لو جبل هالكَلب صبره جانفذ صبره.
توجهت لله بصلاتي وسبحت الزهره.
ارزقني وجه اوليدي اشوفه حتلو نظره.

يارافع السبعه. . .رد يوسف البضعه.

ويكسر الخاطر حالي .
سالم يرد حسبالي.
............ .    ..........  ...........

راح اتاني وابقى اتاني.احسب الجيته.
واحضن بطيات كلبي فاطمه ابنيته.
انه ناطرته بشعوري وهيه ناطرته.
تريد ابوهه العين تجري بعالم السكته.

فوك الحزن كله. . جرحتني هالطفله.

مثل الجمر دلالي.
سالم يرد حسبالي.
....................................

بين دمعتها ودمعتي لن بشر صايح.
يهل يثرب خبر عندي والخبر جارح.
صوته بسم حسين ينعه والدمع سايح.
هناك برض الغاضريه من المهر طايح.

والجثه مسلوبه . .وعياله مرعوبه.

والله الممات اشوالي.
سالم يرد حسبالي.
........  ....  .......  ...........

✍ ابو منتظر الحجامي      2024

🌴تجمّع الزهراء ع العاشورائي🌴

09 December 2024 23:05

قصيده لأم البنين ( عليها السلام )
[ آذان الطف ]


آذان الطف صوته ينادي
يـا حــيّاكــم يـا ويـلادي
متقصرون ... وتريدون ... رفعة راسي

يالـگدها اوصـيكم اذا رحـتو ودربـكم اخـضـر
عالـعايله وهـذا الخـدر اعـيـونكـم خـل تسـهـر
شما هالسفر دربـه كُبر ابقـه انـتـظـركم واكــبر
يلفيني شـيْبـي من وگت لو ابو الـيـمـه اتـأخـر

شـلـه بعـمـره الـودع غـالي
خنگه وحسره تعيش ابالي
وشيب اچفون ... وتريدون ... رفعة راسي

1____

ولْـدي أوصــّيـكم بـعـد زيـنـب أمـانـه عــدكـم
غطـوهـا بـرموش النـظر تـرتـاح كـون اختـكـم
حتى الهـوه يـمـشـي بـأدب ويـاكم ابعـهـدتكـم
عين الشمس لوفتّحت تنـفـگس من خــزرتكـم

مااريداً تعطش بت حيدر
اعرفـكم غيرتـكم محـشر
هاي ام عون ... وتريدون ... رفعة راسي

2____

يالرايحين اويـه الـضـوه لا ينـلچـلم مـن النـاس
لو راد يـتنـفس هـوه للـريـه اركـضـو بأحـسـاس
ولو شـده صـارت يالـوِلِد ظـهـر بظهر وي عباس
شدو الحزم وافدو النحر وادري ترفعون الراس

بالطف بيكم راح أتبـاهـا
خوتكم حُب يامـحـلاهـا
تنتصرون ... وتريدون ... رفعة راسي

3____

يايمـه هـالدنـيا حلـم سـاعـه ونـِفـز مـن عـنده
وهـنيـاله كلـمـن للصـدگ رايح و للـطـف حـده
واحدكم بوجهه نـحـر و طابـع حـسيـن بخـده
شـلال واحـدكـم صـبـح ويـا گــاع هـاي تـرده

يـالطـلگـتو الـدنيا وبـيها
والخـوه بـمنحر شاريـها
وتركضون ... وتريدون ... رفعة راسي

4____

لو خيـّم المـغرب عـليّ اجـروحي تبـدي تــدّي
البيت فارغ من ضوه والظـلمه صـارت ضـدّي
وهـاي العليـله بروحِتـه والـداها تبـقى اتنـدّي
عالباب چم دمعه وجرح واحزآن بيها تـِحـدي

يـومـيه المغرب مشـتاگـه
لــلــوالـد وتـريـد الــنـاگـه
ترجع كون ... وتريدون ... رفعة راسي

5____

محتاره شحجي وهالسفر هيّج مواجع بيه
للفـرگـه رايـد چـم گـلب عـلـويه هـاشـمــيه
بفـراگ الحسين انحـني وظهري تلزمه اديه
اللــيل شيـخـلصه بـلا وجـه الصـباح وضيه

الله وْيـاكم مـا اوصـيكـم
مــن اولـكم و لــتالــيـكـم
وتـضوّون ... وتريدون ... رفعة راسي

6____

احمد_رزاق_الاعرجي

🌴تجمّع الزهراء ع العاشورائي🌴

09 December 2024 22:50

وفاة ام البنين ع

اشكد تمنيت ابجـفوفه ايـطمني عباس
حسين اشوفنه عدل يحضرني مو راس

اتمـنه تشـيعي سبي من بيتي للشام
ومو تراب ابكبري اريد ارماد الاخيام
اشكد تمنيت اشكد تمنيت
*****

صبر ...اهوايه صبر .... كلبي ونطر
بفراش موتي وانه اتاني اجفوف عباس الكمر

حلم ... واشكد حلم .... اجفوف النجم
اتكود الحسين واشوفن مو نحر عنده جسم

اشكد تمنيت
احسين اشوفن طوله موش ابرمح حاضر
اشكد تمنيت
مـا اشــوف ابــصــدره بــاقـي اثـر حـافــر
اشكد تمنيت
ادمـوعه تـجري بـهاذه نعـشي اليهد خاطر


كمت اباوع بلكي اشوف حسين بالناس
لان قـبل اســنـيــن كـالـو ضـل بـلا راس

مـنهه ما ضـلـت الـيـه بـس الاحـلام
ومو تراب ابكبري اريد ارماد الاخيام
اشكد تمنيت اشكد تمنيت
********

عطش ... شوفج عطش ... صاح النعش
اشلون يحضر هوه يمج نحره مطبور اثنعش

جرح .... عيشي الجرح .... راس ابرمح
وانه اكولن حلم هاذه ويفز صوت امن الذبح


لا تنطرين
حسين طلعت روحه من السحك بالخيل
لا تنطرين
العشره مـوش اشـويه ذني ايهدن الحيل
لا تنطرين
ابـنعـشج احـبابـج تجـي لو جـالـج اللـيل


وانه اناطر عاليجي واسمعت بس صوت
صـعبه عـالـما عنـده جـف ايـشـيل تابوت

الــصــوت فـزز بـيـه مـو مـوت الالام
ومو تراب ابكبري اريد ارماد الاخيام
اشكد تمنيت اشكد تمنيت
*****

نحت .... النعشي نحت .... چلمه وكلت
ايهون كلشي وحته موتي وما يهون الطف صحت

عمت ....الوادم عمت ..... الزينب اجت
واعله الجبيره الركضه صعبه ابهاي زينب تيهت

عمر خمسين
صعبه لو ركضت جبيره وانضر ابهاي
عمر خمسين
بين ناس وخيل زينب ركضت اهواي
عمر خمسين
صـارت ابـمنـضر صعـب للرايح وجاي


عالجبيره اشلون تكدر تركض اركاض
اتمنه بيه الصار بيهه والدمع فاض

الحبل والصوط انه احمله عن الايتام
ومـوتراب ابـكبري اريـد ارمـاد الخيام
اشكد تمنيت…….. شكدتمنين
******'

الم ..... عشت الالم ..... عين وسهم
ليش ما محروك جفي ابذيج نيران الخيم

حبل .... وكون الحبل ..... مو للطفل
بجفوفي ذني الحبل ينشد واصعد انه اعله الهزل

ادعي ربي
كـون مـو هيـه اليـفروهـه عـلى النوك
ادعي ربي
ابمـجـان ام الـخـدر انـه ادخـل السوك
ادعي ربي
ابدال كون ارقيه جدمي ابجمر محرك


اتمنه طولي موش زينب بالقصر بان
ودخلت ام عباس اسمع على الديوان

اتـهون بـيه بس عليهه صعبه عالعام
ومو تراب ابكبري اريد ارماد الاخيام
اشكد تمنيت اشكد تمنيت
*****

حجي .... واخر حجي ..... بلكي يجي
واسمع الماعنده راسه ابنعشي يشبع بس بجي

غرب .... ابنص الغرب .... كال الكلب
كمر هاشم على جيه ذبي شوفج عالدرب

ردت هايه
يـحـفر الـعـباس كبـري وعـنـده جـفـين
ردت هايه
احسين اسمعه ابنحره يقره عليّ تلقين
ردت هايه
وغـيرهـه مـاني اريـدن خـل يجي البين

عــازت الام بــالــدفــن للـــولــد عــازه
واحمدالله اعله اليجي ايشيل الجنازه

ردت هايه بلكت الله الكلب محتام
ومو تراب ابكبري اريد ارماد الاخيام
اشكد تمنيت اشكد تمنيت
*****

سجاد الكعب

🌴تجمّع الزهراء ع العاشورائي🌴

09 December 2024 22:48

على لحن حلو بيارغهم

شدّوا محاملهم
وبعيني اصد الهم
هذا الزمان اشسوّه والله بحالي
ام البنين وجيت اودع الغالي
ـــــــــــــ
وي الفجر وكَليبي ضل كَارصني
ادري بعزيزي رايد ايودّعني
حضّرت دمعي وحضّرت كل ونّي
تعنّيت اله ولن شفته الي متعنّي
دمعاته بعيونه
وشفته انخطف لونه
تتعثّر الجلمه اعله طرف اشفافه
وتغيّرت من كَلّي يمّه اوصافه
شكَد صعبه اودّعهم
وبعيني اصد الهم
ــــــــــــــــــ
حين الوصل يمي اعتنيته بهمّه
مولاي كتله اوكَالّي ها يمّه
والله شكبرهه اعليّه هاي الجلمه
كلّي شرف لو روحي لحضه اتخدمه
أي والوجد قِبله
مخلوقه من اجله
شرّفني ربي وآمنت بسلامه
ابّيت الرساله من صرت خدّامه
وادخل منازلهم
وبعيني اصد الهم
ــــــــــــــــــ
يم الضعن رحنه واصد لعياله
وبس طفله ماكو من حسبت اطفاله
لنهه العليله الحيل شغلت باله
وصّاني بيهه بدمعته الهمّاله
بالدار اخليهه
خل عينج اعليهه
ابنيتي عليله وردتّج اتباريهه
والهل سبب يم الوفه امخلّيهه
وصبّت مدامعهم
وبعيني اصد الهم
ــــــــــــــــــ
عباس اجاني وابني راضع غيره
ماريد كَتله اتضل سكينه ابحيره
بعينك اعداك اعرفهه تبقه ازغيره
ها يا كَمر نورك ضوه بكل ديره
ها يا بعد بيتي
وبزينب اوصيتي
عينك عليهه يبني يا كافلهه
هاي الحنينه وانت التدلّلهه
وبس انت تكفلهم
وبعيني اصد الهم
ــــــــــــــــــ
ودّعت ابو اليمه ودمعتي ابعيني
ليش الزمان ابحسرتي امخلّيني
من ودّعتهم ما شلت جفّيني
ماعندي حيل وفركَته اتبجّيني
كَوّه وي ألآمي
شالتني اجدامي
ردّيت امشي واوكَف آنه الداري
علحسين ضلّت بيّه تسعر ناري
كتلتني فركَتهم
وبعيني اصد الهم
ــــــــــــــــــ
الشاعر محمد حسن ضيغم

🌴تجمّع الزهراء ع العاشورائي🌴

10 December 2024 21:06

سؤال سؤال ... ياهو الدفن ام الكمر
سؤال سؤال ... ياهو الكبر بيده حفر
سؤال سؤال ... ابحاجة الاجابه يابشر

........١

من النفس منهه انكطع  ... ياهو الجنازتهه رفع
   واعليهه بدموعه وكع  ... ام البنين الاربعه

من عدهه باكت كربله ... اهل المضايف والهله
محد بقى التشكي اله ... بعد المشه للمشرعه

عاشت ابحسرة فكد الاحباب
كضت عمرهه ابلوعه وامصاب
طشت حلمهه فوك الاتراب
والعين ما شالت من الباب

تشوف تشوف ... رادت ولدهه بلا دمه
تشوف تشوف ... كل التحبهم فاطمه
تشوف تشوف ... حسين ما محني الظهر

.......٢
ذبلهه يا ناس السهر .... ام البنين ام الكمر
ماتت بواجي اعله النحر ... ذاك التكطع بالذبح

ليل وصبح تجري الدمع ... لحسين مسحوك الضلع ... صرخة بجيهه تنسمع ... عالعلكو راسه برمح

علتهه جانت ذبحت حسين
موش الجفوف وفكد الابنين
جانت ابهمه تحجي كل حين
فدوه الولد لبن الميامين

حسين حسين ... صيحتهه جانت كل وكت
حسين حسين ... فدوه النظر عينك رحت
حسين حسين .. كل ولدي يفدونك نحر 

.....٣
كبور الولدهه شيَّدت .... ورجعتهم أله ما رجت
بس تنطر حسين اكعدت ...  وتدري أله ما يرجع بعد
يمهم تروح امن الصبح ... تكعد تون ونت ذبح
وتسولف اسوالف جرح ... عل بلسهم جبده انمرد

اترش الاكبور بطاسة الماي
وادكلهم اترو يعيناي
يايمه كومو كومو وياي
زينب بعدكم فكدت الراي

حرام حرام ... ما واحد المنكم يرد
حرام حرام  .... اوجوهم ضمهه اللحد
حرام حرام .... ام الخدر شبعت قهر

........٤
ابعازت ولدهه  الاربعه .. ماتت الجانت مشرعه
بيد الغرب متودعه ... هاي المصيبه ياخلك

الكمر مصيوب بسهم.... معذور من رفع العلم
جفه انكطع راسه انهشم  ... وكلبه على الماي احترك

ما حاضر ابدفنتهه عباس
جفينه مكطوعات يا ناس
وبغدر صابه العمد بالراس 
عالمشرعه مخنوكه الانفاس

وكع وكع .... من مهره هوه وجربته
وكع وكع .... ابعيده عنه يمنته
وكع وكع .... والرايه ضلت عالنهر

......٥

زين الاعباد ابلوعته ...  شيعهه تجري دمعته
ما تسر ناظر حالته .... جانت امشاركته الحزن

بالكوه نزلهه الكبر .... شاهد علي ذاك الظهر ...
لو بيده ينطيهه العمر .... يمهه كعد يبجي ويون

اتذكر سوالفهه اعله الاحنان
وصيحتهه مات حسين عطشان
تتمنى جانت كمر عدنان
ايشيعهه ويصيرلهه دفان

نعش نعش .... ام البنين الطاهره 
نعش نعش ....  اعليهه السماء امكدره
نعش نعش .... ما شالته اجفوف الكمر
.......
كلمات
موسى الخادم
/channel/tajalzahraa1

🌴تجمّع الزهراء ع العاشورائي🌴

10 December 2024 21:02

(( الـشـيـخـه )) السيده ام البنين ع

………………………………………………………………

في حكم العشاير واهل الـِدلال.     (جمع دلّه)
حصراً بالـيشيخ يكون رجّال
بس آل الخدم شيختها بدويه
دگت ساس للخدمه الحسينيه

…………………………………………………………


شيختنا وثلثت انعام . يابيرغ شعائرنا
ودّاية دمع وياج  . وندفع دم مناحرنا
مثل سفرة مضيفج دوم . ما شفنه ابعشايرنه
نشيد الرسمي بمضيفج .( يحسين ابضمايرنه) 

گلبج اكثر من ادلالج ايفور
على التحت الحوافر صار منثور
روحج مثل جدم ام عيون مچويه
دگت ساس للخدمه الحسينيه

…………………………………………………………


للشيخ الكرم معروف . يعزب زاد لضيوفه
وانتي بأربعه اتعزبين . زلم للموت مزفوفه
ارگاب الاربعه أگليلات . و ابنج چمّل أچفوفه
ابنج طلع مثلج شيخ . شيخ الماي وجروفه

بالدنيه انفرد عباسج ابهاي
شيخ الماي بس ما شارب الماي
فوگ الجود روحه اصبحت ملويه
دگت ساس للخدمه الحسينيه

…………………………………………………………


وِرِث كل شيخه معروفه . ابو للابن ينطيها
بس انتي ابعمل واخلاص . يم عباس جبتيها
أمام ام حسن شخصيتج . خدامه اعتبرتيها
شبابج شمعه وسط الدار . بخدمتهم شعلتيها

كل همج عليج ام حسن ترضه
دورج مو شريچه ابدور فضه
دره ابيت حيدر دوم مضويه
دگت ساس للخدمه الحسينيه

…………………………………………………………


الشيخ ويعتبر أسمه . مقدس وبعلو النجمه
بس انتي الاسم عفتيه . الذاتج موش مهتمه
خاف الحسن يسمع بيه . يجرح گلبه ويلچمه
خط احمر ابد ما يصير . تجري عيون ابو اليمه

زينب من تشوفج تنسه همّها
ما حست يتيمه وانتي أمها
من زمزم حنانج دوم مرويه
دگت ساس للخدمه الحسينيه

…………………………………………………………


بسمج ملحمه واعظم.  من ملحمة گلگامش
ابن حذلم تعنه ايصيح . الج بخبارهم غابش
گلبج يسبگ الرجلين . خاطر ينشد الطارش
ولا همج اسم عباس . يناعي حسين شو مامش

انتي اول مره الما همّها ابنها
بس لبن الشريچه ايصير ونّها
يم عباس ملحمتج سماويه
دگت ساس للخدمه الحسينيه

…………………………………………………………


شيخه انتي اعل كل موكب. ابزودج دامت ايامه
ابزودج يقره كل رادود . يشوفج لحن جدامه
واسمج حبر للشاعر . منج ياخذ إلهامه
انتي ام البنين و هاي . ابنائج اللطامه

أُمنه وعلّمتنه انحب الحسين
كل آل الخدم مطلوبه الج دين
لحد الموت ما نوفيلج اشويه
دگت ساس للخدمه الحسينيه

……………………………………………………………
✍️ ( سيد خضر الزاملي )
/channel/tajalzahraa1

🌴تجمّع الزهراء ع العاشورائي🌴

10 December 2024 21:01

باب عالي و للدعاء    .    ربك امخليها
الحاجه يم ام البنين . ما تظل تگظيها

……………………………………………………………

چي تخلت عن اسمها . الأجل بضعة طه
باب واسع للحوائج . الله بيده انطاها
لان خدمت ولد فاطم . للنجم علّاها
ابتدي بسم الزجيه . لو ردت تنخاها

لون تسمع بالبتول .    محنتك تجليها
الحاجه يم ام البنين . ما تظل تگضيها

……………………………………………………………

بدت من الصفر هي . والاصل بدويه
وبعمل واخلاص صارت . بالنسب علويه
صارت اتوقع حوائج . للخلگ يوميه
اتگلك انت عليك تدعي . والبقيه اعليه

انت يل شيعي عزيز . دمعتك اشريها
الحاجه يم ام البنين . ما تظل تگضيها

……………………………………………………………

اجت هاي المنزله الها . بالدمع وبلوعه
عل صفه تحت الحوافر .داست اعل ضلوعه
هي موكب رايه ناصب . للابد مرفوعه
حسين هو الاصل عدها . والبنين افروعه

الاربعه الأم الحسين . ما اظن اوفيها
الحاجه يم ام البنين . ما تظل تگظيها

……………………………………………… .............

بالامان و راحه نشعر  . لو قرينه السوره
الفاتحه ونهديها الها  . وبنفس مسروره
كل درب لو صار ظلمه . بيها يسطع نوره
غيم يمطر دوم فضلج .  عل كرم مشكوره

سفرتج للشيعه دوم . بالنعم تمليها
الحاجه يم ام البنين . ما تظل تگضيها

…………………………………………………………

الخادم و كلش تحبه . لان تعرف شانه
لوَن خادم طلب حاجه . بالعجل خلصانه
امدلل و ياخذ امراده . گبل نُطق السانه
هي ام هاي المواكب . كافله و سلطانه

دمعه هي ام البنين . والخدم تجريها
الحاجه يم ام البنين . ما تظل تگظيها
……………………………………………………… .…

طلبتي منج يحره . وادري مترديني
مثلج اخلص بالخدامه . و للعزه اتوفقيني
الدنيا صارت حيل ظلمه . ابنورج ادليني
بداعة الگالاها هوني . يا نفس لحسيني

بداعة الراحت سبي . والحبل بيديها
الحاجه يم ام البنين . ما تظل تگظيها
…………………………………………………………
✍️ ( سيد خضر الزاملي )
/channel/tajalzahraa1

🌴تجمّع الزهراء ع العاشورائي🌴

10 December 2024 21:01

[[💔لسان حال أم البنين ع💔]]

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

المنع نفسه عليك حسين٠٠٠٠ياماي؟

وگبل يومك يريته يصير٠٠٠٠٠يومي

چفي إعليك حد الموت٠٠٠٠٠٠٠يومي

متت   وعيوني   صوب   الغاضريه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

يمن گلبي سواد عليك٠٠٠٠٠٠٠٠لابس

حتلو أربعه ضحيت٠٠٠٠٠٠٠٠٠٠لابأس

ماونيت ألهم ابد ٠٠٠٠٠٠٠٠٠٠  لا   بس

ونيني     ونوحي    لوليد    الزچیه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

لغيرك  لا  يون  الگلب  ..........  لا حن

وعسى يومك يبعد الروح  ...... لاحان

من جبلن ضعونك  سود .......... لاحن

صحت  يحسين گد    ما    صوت  بیه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

حسرتي حسرة ام واحد .......  لها راح

مشى    وبعده  فلا تحصل .... لها راح

گمت   هالراح  اصفگنه ......... لهالراح

و    چانون     النوایب     هاج     بيه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

جرح فرگاك ضل ثابت .........ولا زال

ولساني   يلهج  بذكرك. .......... ولازل

مشيت ودمعي ضل يجري ..... ولازال

ويضل يجري      لحد      يوم  المنيه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

تهدم   كلشي ياعالم   ...........بنيناه

وحگه يموت من يفگد ......... بنيناه

بعد  لالا  تناديني أم  ..........  بنيناه

تذكريني        بليوث        الغاضريه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

مشو   عني الأحبهم ..........  وألاودهم

ومدري شأنسه حبهم ......... وله ودهم

ودهم رجعه  مدري ........... وله ودهم

أضل     أعله     الدرب    عيني    ربيه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

خادم خدام أم البنين (ع)
جهاد البصيراوي
/channel/tajalzahraa1

🌴تجمّع الزهراء ع العاشورائي🌴

10 December 2024 21:00

قصيدة رئيسيه لأم ألبنين (ع)

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

أنه  ام   البنين   الما    طفت   ناري

لأن حب الحسين من اعظم اسراري

ذكر اسمي يعالج      وأقضّيها الحوائج

لان حب الحسين من اعظم اسراري

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

ابشرنك يشيعي التعشگ الخدمــــــــه
انه گبلك    خدمت  أبيت  ابو اليمــه 
صرت  خادمته انه    وهم صرت امـه
لبس   تاج الكرامه    كلمن    يخدمــه

وفقط بسمه الآهج      واقضّيها  الحوائج

لأن حب الحسين من اعظم اسراري

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

اذا عني يغيب  الكون صار اظلـــــم
ضوه عيوني محبته  وللگلب  مرهم 
صرت كلي اله  و اولادي  ما الهـــــم
لذالك مفهمت شيگول ابن حذلـــــم

بأسمهم من يدارج    واقضّيها الحوائج

لأن حب  الحسين زمن اعظم اسراري

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

تمنيت  الولد من   غمضت عيني
خلص عمري وأريدنه يوارينــــي
ينزلني بامان ايده    ويخلينــــي
اثاري كربله جانت تتانينــــــــــي

لخاصمها واحاجج      واقضّيها الحوائج

لأن حب الحسين من اعظم اسراري

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

انه الما خاب سعيه اليعتني   ليهه
انه باب  الحوائج  ساعة   التيهـه
فقط بس (فاتحه)والحاجه انويهه
وحگ عباس    وچفوفه  اگضّيهه 

بإذن رب المعارج        واقضّيها الحوائج 

لأن حب الحسين من اعظم اسراري

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

إلى كل من أجه اليوم اعله  بابي
ابشرك   يالتحبني  أسمع  جوابي
أنادي   يا  ألهي   بحق      عذابي
شفيعة إجعلني لليبچي   لمصابي

وأدليه المخارج        واقضّيها الحوائج 

لأن حب الحسين من اعظم اسراري

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

أنه اشفع وأنقذك    ساعة     المطلع
لچن عندي طلب!!! ياطيب  المرضع
اريد  بكل  وكت منك    نعي  أسمع
على الضل بالطفوف وجسمه موزع
 
رغم انف الخوارج     واقضّيها الحوائج 
 
لأن حب  الحسين من   اعظم  اسراري

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

لخادم    ام البنين     (ع)                                 
جهادالبصيراوي
/channel/tajalzahraa1

🌴تجمّع الزهراء ع العاشورائي🌴

10 December 2024 20:59

من ديوان عبرات وأنين ج ٦
*قصيدة ثگيله لوفاة ام البنين (ع)*
❥━──➸➽❥❂❥━──➸➽❥❂
*اليوم ام البنين تريد دفان*
*يشيلون الجنازة وين الاحنان*

*يحط خده اعله خدها .. ويوسدها بلحدها*
*تدير العين وتنادي يعطشان*
*يشيلون الجنازة وين الاحنان*
❥━──➸➽❥❂❥━──➸➽❥❂
اتريده ايشيلها براضه الكبرها
هاي الربته وكسرت ضهرها
هاي الماسهر واحد سهرها

سهرت لأجل عباس ... أبو الغيرة والنوماس

تصيح بصوت احضرني يريسان
*يشيلون الجنازة وين الاحنان*
❥━──➸➽❥❂❥━──➸➽❥❂
تصيح بصوت گعدولي يالاولاد
يا نسل النشامه وذيج الأمجاد
الجرح بفراگکم يا يمه ما هاد

جرحي يمه ما طاب ... وگلبي صار عطاب

وتدرون الجنازة تريد عوان
*يشيلون الجنازة وين الاحنان*
❥━──➸➽❥❂❥━──➸➽❥❂
تدرون الجنازة تريد وإلي
وأنه خلافكم بالضيم حالي
عگبکم يالولد ما ضلي غالي

گضيت العمر بس نوح ... لحد ما طلعت الروح

اصيح بصوت وينه گمر عدنان
*يشيلون الجنازة وين الاحنان*
❥━──➸➽❥❂❥━──➸➽❥❂
اصيح بصوت وينه گمر هاشم
نعش امه الحنينه تشيله وادم
غربه والگمر على الغبرة نايم

ما يگعد العباس  ... يشيل النعش على الرأس

يجيها البطل ويفزغ الاخوان
*يشيلون الجنازة وين الاحنان*
❥━──➸➽❥❂❥━──➸➽❥❂
لون بيده ينزلها بلحدها
ويحط على تراب اللحد خدها
هذا وليدها وثمرة چبدها

تريده  يتزها للموت ... وگلبه اعليها مفتوت

وگلبها  ذاب من الهم والأحزان
*يشيلون الجنازة وين الاحنان*
❥━──➸➽❥❂❥━──➸➽❥❂
گلبها ذاب من الون والهموم
على افراگ الولد حزنانه للدوم
لون وصلت منيتهه بهاليوم

من جتهه  المنيه ... صاحت يا شفيه

نادت عالولد والگلب خلصان
*يشيلون الجنازة وين الاحنان*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
/channel/tajalzahraa1

🌴تجمّع الزهراء ع العاشورائي🌴

10 December 2024 20:58

من ديوان عبرات وأنين ج٦
قصيدة لسفرة أم البنين (اجيت لسفرتچ)
❥━──➸➽❥❂❥━──➸➽❥❂
اجيـت لسـفرتج ودموعي عالـخدين
يم عبـاس مهظومـه واهـل الـعـين
❥━──➸➽❥❂❥━──➸➽❥❂
اجيت لســــــــــفرتـج هـــــــــاليوم عنايـه
احچي همـــــوم گلبـــــي واعگد الرايـه
خلـص عمـري بمناحـه وبـس دمـع وونـين
❥━──➸➽❥❂❥━──➸➽❥❂
اجيتچ ناحلـه والحـزن غـــاطيني
وادري بـيچ حـره ومـا تفشليني
اصيح بصـوت مـولاتي وبعـد عين
اريـد اقـسـم علـيچ بـجـاه دم حسين
❥━──➸➽❥❂❥━──➸➽❥❂
واريـد اقسـم علـيـج بداعـــة الزهـــرة
يمولاتي حزينة وبالگلب جمرة
وبصدري تراها مكسره العبرة
ومحتاره انه انطي الوجه لا وين
❥━──➸➽❥❂❥━──➸➽❥❂
گالولي اندبي ام البنين اليوم
تگضي حاجتچ وتزيل الچ الهموم
بس قسمي عليهه بداعة المظلوم
صحت يم الكرم بحوالي تعرفين
❥━──➸➽❥❂❥━──➸➽❥❂
صحت يم الكرم تدرين بحوالي
مهظومه وحزينه والدمع هالي
ومن هم العلي ممرود دلالي
عليه همي چبير وحيراني البين
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
/channel/tajalzahraa1

🌴تجمّع الزهراء ع العاشورائي🌴

10 December 2024 16:46

نخوه
للتوسل  بالسيده الطاهره ام البنين عليها السلام


اليوم اذبن حاجتي اعله ام البنين
واقسم اعليها ابعطش گلب الحسين

——-
اقسم اعليها قسم وامرادي اريد
عنها ما روحن ولا ابعد بعيد
الليله كون الحاجه اخذها بالايد
وبالفرح يتبدل الليله الونين
——-
هاها يم الاربعه مالي صبر
طالت اعليّه ودليلي منكسر
اقسم اعليج ابقلبها المنفطر
زينب المصيوبه بحسين الحنين
——-
هاها يم الاربعه ابچف الكفيل
حاجتي اخذها وايطيب الدليل
وادري من يمج يصير المستحيل
وتنقضي حاجات صار الها سنين
———-
بابج الدگيته  وادموعي تسيل
وانت تدرين ابدليلي شگد عليل
چفج احمال الخلگ كلها يشيل
وانت  شلتي النار بفراق البنين
——-
امسدده الابواب وجيتنج دخيل
وادري يم عباس چفج مو بخيل
عندج وينزاح كل حملي الثجيل
وكل صعب دنياي بيدينج يلين
———
✍️ #بنت_الشمري

/channel/tajalzahraa1

🌴تجمّع الزهراء ع العاشورائي🌴

10 December 2024 14:02

دعم قنوات دينيه فارس الحجاز


☘☘☘☘☘☘☘☘☘☘☘

ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ

مفقود الاثر
❤️ @H3_ZC
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN


🏴🏴🏴🏴🏴🏴🏴🏴🏴🏴🏴

⚠️#شروط_الدعم

1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله

🔺للاشتراك بدعم عبر معرف مثبت↙️
@ansar_313_m

@satobmnbot

🚩🚩🚩🚩🚩🚩🚩🚩🚩🚩

/channel/satob_mn_ajl_al_mahde

🌴تجمّع الزهراء ع العاشورائي🌴

09 December 2024 23:10

قصيده مربعه لأم البنين
~~~~


اليوم اتوفت ام عباس حزنانه
تريد اولاد ايحضرون دفانه
~

تريد الاربعه وحسين يحضرهه
بيده للكبر رادت يوصلهه
او عباس اعله متنه الشهم شايلهه
يشيع الوالده او وياه خوانه

العلويه ام ناصر الياسري
➖➖💔➖➖

تريد الاربعه يشيلون الجنازه
مهضوم الكلب ويدور اعزازه
وبعازت ولي هل يوم معتازه
ضلت من بعدهم حيل نحلانه

ام ايه العامري
➖➖💔➖➖

نحلانه بقت من يوم فركاهم
مشتاكه وتريد الكعده وياهم
تنعى بكل وكت مايوم تنساهم
تون وتنوح ليش الدار خلوانه

ام ✍️ علي الموسوي
➖➖💔➖➖

تون وتنوح بالديران عافوها
واعزاز الكلب راحو ولاجوها
تعتب عله العزاز تريد يلفوها
نادت صوت للكطعو ذرعانه

✍️ ام حسين العامري
➖➖💔➖➖

للكطعوا ذرعانه تون وتنوح وصاحت صوت يمه ياعزيز الروح
وابو اليمه تنادي والكلب مجروح
من اعزاز الكلب ياوسفه فلسانه

✍️ ام اكرم ناصريه
➖➖💔➖➖

ماتت بالقهر محد اجه زتها
لاعباس لاجعفر بكه عدها
وسفه اليوم بالغربة منيتها
وين الي حظر ويشارك ويانه

مريم العبوديه اسيرة الأحزان 💔

➖➖💔➖➖
تمت بفضل الله وعونه بأقلام خادمات الحسين في رابطة أحزان العقيله غير مبري الذمه من يحذف الاسماء أو ينسبها له

🌴تجمّع الزهراء ع العاشورائي🌴

09 December 2024 23:09

#نعي

مولاتي ام البنين روحي فداها

حانت منيتي وهذا حدي
وياهو اليوسد بيده خدي
چانو خمس اولاد عنـدي
وهسه وحيده بغـير ولـدي

ريض الدفن ما كفت العـين
لهسه تتاني يلفي الحــسين
يرجعولّي  بلكي المضعـنين
الصاير عليهم گلبي نصـين

ياهو اليگلهم امكم تـنوح
والنعش فوگ الگاع مطروح
تنتضر واحد مات مـذبوح
وهيه بنعشها النضر مشبوح

لأربع ولـد ما صـار وني
بس فگد ابو سكينه كتلني
روحي وعزيز الگلب يبني
شمحلاها لو بـيده دفنّـي

سنين الفگد للدلال -- ولمن ( آلمن)
ونوحي واللطم بجفاك -- ولمن
المن عايشه يحسين -- والمن
اشتم هوه وما ترجع عليه

عبد العليله
✍حيدر ابو كيان الفاطمي

#اللهم_عجل_لوليك_الفرج

🌴تجمّع الزهراء ع العاشورائي🌴

09 December 2024 23:05

ياام البنين.
•••
فرشنه سفـرتچ ودمــوعنه أيطلبن.
ورفعنه أچفوفنه وچفوفچ أيعزبن.
•••
بس نشتم عطرها السفره كلشي أيهون
يالمضحيه گمــــر والنوب فوگه أعيون
الله أيقدر ادمـــــــــــوعچ البيهن عون
لأن لحسين مـــــــــاهودن ويعزن.
•••
وأجينه والأجاج الكسر بي واصل
طرف گلبه واجــــاج ابهمة السائل
نوه يطلب ولكن بعـــــــده ماگايل
ويشوف أچفوفه مــنچ ترس ينترسن.
•••
ومحد عـــــــــاف هاي السفره والبيها
وخل تسمع الناس اعله الهوه احچيها
اليصفي النيه اصــعب حاجه تگضيها
ندعي أچفوفچ النه كل مسه يدعن
•••
أبوحسين السرگودي...

🌴تجمّع الزهراء ع العاشورائي🌴

09 December 2024 22:50

{أم البنــــــــين إنخاها}

أم البنــــــــين إنخاها  ..  بالشِــــــــــده لا تنساها
انتي الوسيله وما اعوفج .. انتي الوسيله 
إنطت ولدها  ***  آه الفكدها
** 
هاي ام البنين الواست البضعه 
واجبنا عليها نسجب الدمعه 
تستاهل حزن واعليها لو ننعه 
هاي الما نست للكسرّوا ضلعه 

وادمـــــــوعك التبجيها  ..  ام الحســــــــن ترويها 
اتسجل اسامينه الليله  .. اتسجل اسامي 
يالكلبي عدها  ***  آه الفكدها 
*** 
مثل ماي النهر دمعي الج مدرار 
واسولف بيج وي روحي بحزن واكدار 
عهد وياج يم الأربعه الأقمار 
اضل طول الدهر خادم والج مغوار 

من روحـــي اكتب ليها  ..  تسمعنـــي وادري اشبيها 
هاي الرسايل يالحره .. هاي الرسايل 
ابقى الوعدها  ***  آه الفكدها 
***** 
يالكلج وفــــــــه ومن الوفـــــــه كلج 
على حسين اشكثر هليتي من دمعج 
وماجن ضلعه جن ذاك الضلع ضلعج 
بس فاطـــــم يحــــره تعرف ابطبعج  

والحيــــــدر امحييها   ..  يم فاطمــــــــه تلكيها 
تسجب دمعها بكل ليله .. تسجب دمعها 
محـــد يردهــــا  *** آه الفكدهـــا 
** 
اخذ منها الحوائج ساعــة الشِــــــــده  
هاي أم الوفــه ما واحــــد إتـــــــــرده 
كلها اعليج احلفج بالكطـــع زنــــــــده 
وعليج حسين الضل اعله الترب خـده 

لوتنهظم ناديـهـــــــا  ..  والفاتحه إهديهــــــــا  
تلكاها يمك بالعازه .. تلكاها يمك 
واضح مجدهـــــا  ***  آه الفكدهـــــا 
***** 
شرايين الأرض كلها عليج اتنوح 
يالشفتي سرت بالطف سفينة نوح 
كتبتيهــــا حياتج بالقلـــــم واللوح 
ترستيها السفينه بالوفه والــروح 

بالأربعه اتمشيهـــــــا  ..  ضلمـه وكمر يضويهــــا 
فوك الشريعه اشخليتي  ..  فوك الشريعه 
من جفه سدها  *** آه الفكدها 
** 
خادم اهل البيت عليهم السلام 
زيد الحدراوي 

🌴تجمّع الزهراء ع العاشورائي🌴

09 December 2024 22:49

يل امسافر .. يل امسافر..اخذ روحي يل امسافر
…… ..
الحادي من سره بضعنك.. ورفّت راية الكافل
شما اشوف الضعن يبعد… انوحن والدمع هامل
آنه ام البنين آنه .. معشوگ الگلب راحل
عيني اتضل تصد للباب… وگلبي ابجيته متفائل
الگلب شاجر ..الگلب شاجر.. على افرگك.. يل امسافر
……
انظر والضعن يمشي .. وي كل خطوه اتلوّع
بيد اتوادع وياهم .. وبيدي آنه امسح المدمع
صحت يحسين خبّرني .. ترجع لولا ما ترجع
الله وياج يا يمّه .. اخر كلمه جن اسمع
فلا صاير .. فلا صاير ..النبض يمشي .. يل مسافر
ـــــــــــ
الرايه اترف اصد الهه ... وترف روحي لفراكَه
كتبت اعله الترب بيدي .. الك راح ابقى مشتاكَه
لما ترجع يضي عيني ... الجفن وي جفنه يتلاكَه
وزينب اشّرت ليّه ... شفنتهه من على الناكَه
يجي باجر .. يجي باجر ...واضل احسب ... يل مسافر
ــــــــــــــ
آنه الكَلّفت عباس ... بخته وليّه دكَ صدره
يرد سالم اضل انطر ..يرد عباس مانطره
كَتله تذود دون حسين .. نحرك من كَبل نحره
ومادامك عدل يبني ... محّد يوصل الحرّه
اهي تامر ... اهي تامر ...وتنفذ انت ..يل امسافر
ــــــــــ
شلون اتحمّل امن اسمع ... يرجع هالضعن خالي
وزينب جنها مو زينب ... ترد ابلا ضوه الوالي
من تحجيلي عن الصار ... اموت وينشعب حالي
اموتن موتت العباس ... امنشوفن زينب اكَبالي
بلا ناصر بلا ناصر .. تكَلي ضل ... يل امسافر
ـــــــــــــ
الشاعر محمد حسن ضيغم


للشاعر محمد حسن ضيغم

🌴تجمّع الزهراء ع العاشورائي🌴

09 December 2024 22:48

قصيده بحق السيدة ام البنين (ع)




ضحت بأربع ولدها
والدمع يحفر بخدها
تشعر امقصره بعدها
ام البنين

1

قدمت اربع ولدها للمنيه
اتگول خاف الزهره ماتقبل عليه
ربت الاقمار وانطتهم هديه
بوجه ابيض باچر اتلاگي الزچيه

قدمتهم دمعه دمعه
للحبيب العدها شمعه
مو عليهم هيه تنعه
ام البنين
2

بعد فاطم حضرت البيت الامامه
هم اسمها فاطم ونالت كرامه
ضحت بأربع بنيها والعلامه
حسين رادت الها يرجع بالسلامه

حچت وياهم يولدي
وي اخوكم اوفو عهدي
حسين منكم اغله عندي
ام البنين
3

من بعد ضيم وعذاب الغاضريه
ظلت ام الاربعه بونه شجيه
ماردتهم ولدي ويرجعون اليه
حسين سالم ردته بس ايرد عليه

مارجع سالم واشوفه
غالي ما أگدر اعوفه
ما شفت گبره واطوفه
ام البنين
4

بعد رحلتها ومصاب الطف عليها
وبعد ماضحت لبو اليمه بنيها
سلمت لامر القدر رفعت اديها
اتسلم اعله حسين واتمنت يجيها

من بعد رحلت صبرها
لان محد ما حضرها
اتمنته يحفر گبرها
ام البنين
5

راحت ام الاربعه الليله بحزنها
محد امن اولادها حاضر دفنها
اتمنته حاضر عزيز الزهره ابنها
چان نزلها الگبره بيده وحضنها

لٱن محد ما وصلها
الفاتحه نقراها الها
الليله بالدمعه ونگلها
ام البنين





الشاعر السيد رياض الرسل الجابري