1590
أللهم أرزقني شفاعة الحسين ع 5 / نيسان / 2020 م ١٤ / شعبان /١٤٤١ هــ
رحيل رسول الله صلی الله عليه واله
نعي لسان حال مولاتي الزهراء عليها السلام
فگدك يبويه مالي حيله
روحي امن فراگك نحيله
ليلي ونهاري دمعي اسيله
كونك ترد للدار ليله
وشكيلك الفرگه الطويله
وهموم البگلي الثجيله
وفلان بيّه عال عيله
برّد حقد گلبه وغليله
سوّه الولا صاير مثيله
حگي خذاه ياهو اشتكيله
تراب الگبر بيدي اهيله
عله راسي يخو حامي دخيله
مالت علينه الگوم ميله
ومعروفهم گطعوا سبيله
لقهري ولا خلّوا وسيله
وامحمداه
ام محمد الحجاج
/channel/ommohamadalaebaadey
ماذا علی من شمَّ تربةَ احمدٍ
ان لا يشمَّ مدی الزمانِ غواليا
صُبت عليَّ مصائبٌ لو انها صُبت
علی الايام صرنَ لياليا
مولاتي الزهراء عليها السلام
تنعی ابيها صلوات الله عليه
ابو ذيه
تظل عيني علی مچانك ترابه
ودليلي جروح بغيابك ترابه
انه لگبرك اجي واشتم ترابه
واجيم النوح كل صبح ومسيّه
😭😭
عظم الله لكِ الاجر مولاتي يافاطمة
ام محمد الحجاج
رزيّة الخميس
حدث في يوم ٢٥ صفر في العام ١١ للهجرة وقبل شهادة رسول الله صلی الله عليه واله ببضعة ايام صدح عمر بن الخطاب بكلمتهِ المشينة امام رسول الله صلی الله عليه واله حينما طلب الرسول كتفٍ ودواة ليكتب كتاب لن تضل الامة من بعده ولكن عمر رفض امر رسول الله صلی الله عليه واله ووقف امامه واتهمه بالهجران والهذيان وقال
انه ليهجر وحسبنا كتاب الله
هذه الحادثة اوردها البخاري في صحيحه
ومسلم في صحيحه
واحمد في مسنده
وهي مشهورة بإسم ( رزيّة الخميس )
😭😭
استشهاد رسول الله صلی الله عليه وآله
امير المؤمنين عليه السلام يحمل نعش الرسول صلی الله عليه وآله الی المقابر
🏴🏴
نعش الهادي شايل لو نعش روحه
حماي الحمه لو توجعه جروحه
يتعثّر .. مايگدر ..
يتلوّه
🏴🏴
َ
مو تابوت چن شايل سمه بگدهه
تعبان بمشيته شلون يسندهه
علي . خطوه ايتقدّم ثانيه يردهه
دربه امن المدامع مايوچّدهه
مو حيدر .. مايگدر
يتلوّه
حماي الحمه . لو توجعه جروحه
🏴🏴
الله يعين گلبه شلون سواها
علي وشايل عله متونه نعش ( طه)
حيل منيلّه لجنازه شالاها
اويلي وللمگابر بيده ودّاها
وجهَ اصفر .. مايگدر ..
يتلوّه ..
حماي الحمه . لو توجعه جروحه
🏴🏴
يعثر بالمشي من يسمع الزهره
من خلف الجنازه تنحب بعبره
صدگ ماخذ حبيبك ياعلي لگبره
انكسر گلبه عليهه وانحنه ظهره
يتصبّر .. مايگدر ..
يتلوّه ..
حماي الحمه . لوتوجعه جروحه
🏴🏴
واراه باللحد والمدمع يسيله
گعد بالحفره يَمّه وگعدته اطويله
يرجف چفّه لو راد الثره يهيله
شيصبّر فاطمة ياحيرة الليله
امن الكوثر .. مايگدر ..
يتلوّه ..
حماي الحمه . لو توجعه جروحه
🏴🏴
عله اتراب الگبر متمدد وينعه
ورشّه امن النواظر ما گطع دمعه
مدري اشحس علي ساعه ولزم ضلعه
مرّت رؤيه بيهه انعصرت البضعه
وخدهه احمر .. مايگدر ..
يتلوّه ..
حماي الحمه . لو توجعه جروحه
🏴🏴
يخط بجدامه رد شيوصّله للدار
بالباب انتچه ويكلّم البسمار
ارحم فاطمه مفجوعه بالمختار
ماتحمل بعد يكفيهه هذا الصار
جرح اكبر .. مايگدر ..
يتلوّه ..
حماي الحمه لو توجعه جروحه
🏴🏴
عظم الله اجورنا واجوركم
ام محمد الحجاج
/channel/ommohamadalaebaadey
استشهاد الرسول الاعظم صلوات الله عليه وعلی اهل بيته الطاهرين المعصومين
عگيلي
🏴🏴
هلليله الزهره نعازيهه
هلليله الزهره نعازيهه
🏴🏴
عالهادي نعازيهه الليله
مدمعنه لفاجعته نسيله
حزنان الكون اعله ارحيله
شايل وبنيته مخليهه
هلليله الزهره نعازيهه
🏴🏴
مخلّي بنيته وراحل عنهه
كهف الحاميهه ومأمنهه
مصدوعه بحسرتهه او ونهه
صارن وحشات الياليهه
هلليله الزهره نعازيهه
🏴🏴
وحشه الكون بعين الزهره
مكسورة خاطر شيجبره
القرآن ايون اويه العتره
امن اول آياته لتاليهه
هلليله الزهره نعازيهه
🏴🏴
ينعی التنزيل واياته
وجبريل يودعه بحسراته
باسط يم (طه ) جناحاته
وزفرات احزانه يعلّيهه
هلليله الزهره نعازيهه
🏴🏴
واويلاه ياهادي الامّه
يل كلّك احسان ورحمه
يون جبريل وفاطم يَمّه
بمصاب الهادي يواسيهه
هلليله الزهره نعازيهه
🏴🏴
خلّي الدمعه تهل سچابه
ونزيد النوح اعله مصابه
راحل هادينه وسد بابه
جروح امصابه شيداويهه
هلليله الزهره نعازيهه
🏴🏴
عظم الله لنا ولكم الاجر
ام محمد الحجاج
/channel/ommohamadalaebaadey
استشهاد الرسول الاعظم صلوات الله عليه وآله
🏴🏴
مات واويلاه سيد المرسلين
وانگطع وحي السمه وآياته
🏴🏴
مات سيد المرسيلن الليله
وفاطمه تنوح ودمعها تسيله
نعشه خله ياعلي لتشيله
يم ابوها الليل خلي اتباته
🏴🏴
خلي نعش المصطفی عد فاطمه
تبچي يَمه وتبچي وياها السمه
انكسر خاطرها حزينه امألّمه
بيته الليله انطفن شمعاته
🏴🏴
اتوشح الكون بظلام احزانه
والدهر بالهم فتح بيبانه
الاسلام الليله تنعه اركانه
والكتاب اتيتمت آياته
🏴🏴
وامحمد علت صرخه بالفضی
روحه فاضت عله صدر المرتضی
مدده بيده علي وغمّضه
شحاله لمّن ودعه بصرخاته
🏴🏴
الحسن يصرخ والحسين آيجد
مالنه غيرك يبو الزهره سند
ياحمانه المثله مايحصل بعد
هذا اول ليل غربه نباته
🏴🏴
عله صدره الزهره شابگته وتون
عينك افتحها الي تگله وتحن
يالعشت بحماك مامرني الحزن
ياحياة الگلب يانبضاته
🏴🏴
ام محمد الحجاج
/channel/ommohamadalaebaadey
للاربعين
لسان حال مولاتي العقيلة زينب عليها السلام
من ضيم اليسر ليكم لفينه
بعبينه روسكم خويه لفينه
رجعنه من بعد غيبه لَفينَه
وسور الحمه المامش مثل فيّه
ام محمد الحجاج
للاربعين
🏴🏴
تعبانه كلّش رجعت ام عون
محني ظهرها ومالگت عون
بصوت النواعي تنادي عباس
انهض يخويه اتلگه لظعون
واويلاه يازينب واويلاه يازينب
🏴🏴
ادير بنظرها بگلب محروگ
ماتانت ينوخونها النوگ
ذبت نفسها ام عون للگاع
صرخت لچنهه بصوت مخنوگ
ماتقبل يسمعونها الناس
ولخيالهه تندار العيون
واويلاه يازينب واويلاه يازينب
🏴🏴
ونّت ونين يفت الگلوب
ياناس گبر حسين ياصوب
دلوني اخوي بيا كتر صار
گلبي تراه اصواب مصيوب
حدر العبايه جابت الراس
محتاره حيره شلون وشلون
واويلاه يازينب واويلاه يازينب
🏴🏴
يصعب عليها ادّفنه وتروح
هيّه واخوها الروح بالروح
لو تاخذ الراس وترد بي
ليل ونهار اتحطّه وتنوح
بالشمس خافن بعد ينجاس
اروَحله اظن من كونه مدفون
واويلاه يازينب واويلاه يازينب
🏴🏴
اتمددت طول اعلتراب
واتنادي خويه يغله الاحباب
الف وتسعمية جرح بيك
ياجرح منهن بعده ماطاب
شيطيّب البلحافر انداس
وبلخيل صدره بكبره مطحون
واويلاه يازينب واويلاه يازينب
🏴🏴
هيه وبناته سوون افياي
فوگ الگبر للما شرب ماي
بالشمس گعدن والوكت حار
زينب اتصبّر ذيچ يو هاي
امن عزازهن گطعن الآياس
شبعن بواچي ومايگعدون
واويلاه يازينب واويلاه يازينب
🏴🏴
بلون العبي لون الوجه صار
من الحراره وكثر الغبار
شمسويه بالنسوان ال اشموس
يامن عمت عيني الوكت حار
چانن بترف الورد والياس
ماظل عليهن باليسر لون
واويلاه يازينب واويلاه يازينب
واويلاه يازينب
🏴🏴
ام محمد الحجاج
/channel/ommohamadalaebaadey
هوسات لاستشهاد الامام الرضا ع
........
اعلی اخوها المات بالغربه
الله يعين معصومه
نعازيها علی امصابه
الاخو ندري كلف يومه
ابو محمد عمت عيني
چبدته حيف مسمومه
راد اهله //اتغمّضله عيونه
.........
بالغربه ابو محمد گضه وحده
امن احبابه ولا واحد حضر عنده
لا اخوان لا اخيات لا وِلده
ظل ايون // ويدير عيونه
............
فرد غصّه يمعصومه
اويلي وماحملتيهه
رزيت المات بالغربه //
متّي من سمعتيهه
الله يعين گلب ام عون //
من انذبح واليهه
ذبحوه يم اخته // المهضومه
ام محمد الحجاج
/channel/ommohamadalaebaadey
استشهاد الامام الرضا سلام الله عليه يوم ١٧ من شهر صفر علی رواية
موشح
🏴🏴
يعينهه الله ام الحسن بمصابها
ابسهم كل يوم الزمان وصابها
🏴🏴
بهل مصاب الزهره الله يعينهه
اعله الرضا تجري المدامع عينهه
بولد كل يوم العده ملوعينهه
فاجعيهه بواحد امن احبابها
🏴🏴
تشتتوا من ايدهه عزاز الگلب
گبورهم كل واحد بديرة غرب
للرضا اتعنّت بمدمعها اليصب
بالمسافه الهابعدهه اشجابها
🏴🏴
وصلت ويم جثّته گامت تحوم
بيك شمسويه يضي عيني السموم
رسومك اشغيّرها ياحلو الرسوم
تمسح اجبين الرضا بثيابها
🏴🏴
بيا ذنب سم المنيه اتجرّعت
عمت عيني اعليك يبني تلوعت
لا احباب الحضرتك من نازعت
الغربه نهشت چبدتك بنيابها
🏴🏴
ارد اجيم النوح واندب يلرضا
اوياي خل تنعاك كل الرافضه
صرخه توصل كون لعنان الفضه
تصعد لسابع سمه ادگ بابها
🏴🏴
امك الماگطع ونهه ونوحها
امصيبتك هيّجت كل اجروحها
الزمان اشخلّه بعد ابروحها
الدنيه فرتهه بحزن دولابها
🏴🏴
عظم الله اجورنا واجوركم
ام محمد الحجاج
/channel/ommohamadalaebaadey
رجوع مولاتي زينب عليها السلام من الشام ومرورا بكربلاء والرؤوس معها في طريقها إلى كربلاء عادت بها الذكريات حين جاءت معززة مخدرة مع اخوتها والعباس يسايرها وعينه تحرس هودجها .. والآن العدو يماشيها ورؤوس الابطال والحماة بحجرها تحت عباءتها .... كاني بها تقول
ذيچ جيه وهاي جيه الكربله
بس فرق باليحدي هسه القافله
اول جيّه مكفوله واميره
جيت الثانيه زينب اسيره
واويلاه ياعباس
واويلاه ياعباس
.....
.....
اميره وبيرغ العباس فوگ الهودج يرفرف
طلعت بزود ابو فاضل
هوه بحملي متكلّف
اخوتي للضعن حراس
من بيتي لحد الطف
كشخه بجال خمس اخوان
من اگعد ومن اوگف
وينهه ذيچ النجوم الزاهره
حيف عافوني غريبه وحايره
اجيت الكربله واهلي عشيره
جيت الثانيه زينب اسيره
واويلاه ياعباس
واويلاه ياعباس
.....
.....
عفتكم عالثره نومه
رحت عنكم ابلا بيرغ
رحت برماد صيواني
وجهي ياهلي امصبّغ
خذيت الروس فوگ رماح
كلما اشوفهن انشغ
من ابچي احس السوط
بمتوني لدغ يلدغ
جايتكم گعدو واتلگوني
آنه زينب شوفو حالي ولوني
فرني البين من ديره لديره
جيت الثانيه زينب اسيره
واويلاه ياعباس
واويلاه ياعباس
.....
.....
رجعت الكربله هاليوم
يوم الاربعينيه
جبت الروس ياعباس
شو محد گعد ليّه
فز وشوفها النسوان
اجن لاكن بيا جيه
خويه توزعن كل
راس
صار بحضن مسبيه
راس عبدالله رباب تريده
دگول مااعوفه يظل بالبيده
تگلّه الجسد ما اعرف مصيره
جيت الثانيه زينب اسيره
واويلاه ياعباس
واويلاه ياعباس
.....
.....
كل وحده بحضنهه راس
بس ثنين ماعدهن
حميده وامها فشلانات كون الله اليساعدهن
هسه گلوبهن عطاب
يانوح اليبردهن
ماعدهن گبر لاروس
مبچاهن الوحّدهن
لا الأم عدهه گبر لولادهه
او لا حميده المسلم الون فادهه
تمنّت گبر ابوها تشم عبيره
جيت الثانيه زينب اسيره
واويلاه ياعباس
واويلاه ياعباس
.....
.....
دفن الروس ياعباس
خويه يريد عوانه
يردن روسكم دفان
واختك حيل تعبانه
لا صيوان لاخوان
ماواحد تلگّانه
رجعنه من سفرنه اليوم
صوغه جبنه ويانه
ال يرد من سفرته يحيونه
كل هله يگومون يتلگونه
نخيت وماسمعني ابو الغيره
جيت الثانيه زينب اسيره
واويلاه ياعباس
واويلاه ياعباس
.....
.....
ام محمد الحجاج
نسألكم الدعاء
/channel/ommohamadalaebaadey
نعي لسان حال مولاتي زينب عليها السلام رجوع ظعن السبايا من الشام الى كربلاء يوم الاربعين
( فايزي )
وينه الچنت لو جيت يفرح بملگاي
الطم وانوح اعله الگبر مافززه ابچاي
🏴🏴
ظنيت من يسمع ونيني يگوم عباس
رديت مهظومه واجرن گوه الانفاس
بحماك اجيت شلون ارد وحدي اويه الناس
ياهظمت الهظمه ارد من غير ولياي
🏴🏴
شتگول اختكم لومشت وانتم تظلون
والناس تتلگاني عن اخوتي يسألون
عباس ياخويه الغرب بالظعن يحدون
يافشلتي غيرك ارد بحمولي حداي
🏴🏴
امك شگلهه من تناشدني يمهيوب
تزعل لون رديت وحدي بذيچ الدروب
ادريك من امك الحرة اعليك معتوب
من كون ماترجع يبو الشيمات وياي
🏴🏴
جيت ارد اودعكم واردّن للمدينه
اشلون اروح ابليه بيرغ للظعينه
باچر تناشدني الخلگ عباس وينه
من غيرك امشي شلون ياعزي ويرجواي
🏴🏴🏴
نعي مجاريد
حگي يخويه اعتب عليك
ماجاوبتني من احاچيك
عباس جاي امشي واخليك
🏴🏴
رد الجواب وخل اسمعك
ياماي عيني جيت اودعك
ياشهم يامن زين طبعك
🏴🏴
فلت الخوه وهاي هيه
ماگمت يابا الفضل ليه
نرجع يبعد اختك سويه
🏴🏴
يعباس ياعزي ودلالي
وياك حلوات الليالي
كونك تشوف شلون حالي
🏴🏴
شمحله الاخو لو رافگ اخته
مهيوبه تمشي الرافگته
وزينب اخوها ضيعته
🏴🏴
خويه اعله بختك رد لي اجواب
بظعوني ارد يحدون الاجناب
خاف اعتب وياذيك العتاب
🏴🏴
ام محمد الحجاج
/channel/ommohamadalaebaadey
للاربعين
🏴🏴
اجت زينب والحرم وياها
گوم ياعباس واتلگاها
🏴🏴
جايه وتعبانه من طول الدرب
حيل مهضومه ومدامعها تصب
راجعه وبظعونهه تحدي الغرب
وينه لينشف دمع عيناها
🏴🏴
جايه امن الشام يوم الاربعين
تنادي دلوني عله گبر الحسين
يعينها الله زينب ام گلب الحنين
تفارگ حسين الوكت خلّاها
🏴🏴
جايبه الراس بحضنهه لكربله
راح وياها ورجع بالقافله
وصلت ومامش حچاية ياهله
او لا تلگوها اشعجب ولياها
🏴🏴
بحالها شصاير اجت متغيّره
حيل مابيهه تطب للمگبره
للگبر وصلت وطاحت عالثره
وسولفت فوگ الگبر شكواها
🏴🏴
تراب گبر الوالي شمّته وتون
والمدامع جرح سوون بالجفن
انغشه اعليهه بكثر ماگامت تحن
وهالت تراب الگبر فوگاها
🏴🏴
اربعين اصباح بجروح اليسر
رجعت بروس الغوالي ام الخدر
شلون تدفن راس اخيهه بالگبر
يعينها الله زينب وگواها
🏴🏴
عظم الله اجوركم واجورنا
واحسن لكم العزاء
ام محمد الحجاج
/channel/ommohamadalaebaadey
السَلامُ على مِنَّ لا زائِر على قَبرة ولا ناعيًا السَلامُ عليكَ أيُها المسموم المظلوم
😭😭.
حار السم شرايينه حِسنّه
بعد مامش رجه اتفرهد حَسَنّه
عينه دارها لينه حَسنّه ( احس انه)
اخير اوداع اخو يودّع اخيّه
ام محمد الحجاج
ويمنعون الزهراء عليها السلام من البكاء علی رسولِ الله صلوات الله عليه وعليها
😭😭
اليهجر گال . چنت اعلم بنيته
مايحشم عگب طاها بنيته
بيت احزان بالهيمه بنيته
اعله ابوي ابچي وحرگ بيتي عليّه
لعن الله القائل
انه ليهجر
ام محمد الحجاج
استشهاد رسول الله صلی الله عليه وعلی الهِ الطاهرين
ابو ذيه
🏴🏴
رسول الله يودع اليوم بنته
بدمعته الفايضه عالوجن بنته
اليجري عگب عيناك بنته
اعله اهل بيتك يبو الزهره الزچيّة
🏴🏴
عظم الله اجوركم واجورنا
ام محمد الحجاج
ابو ذيه استشهاد نبي الرحمة محمد صلی الله عليه وآله
كاني بالزهراء عليها السلام ..
🏴
نورك غاب ياسيد .. رُسلهه
الحزن والهظم فاطمتك .. رسی الهه
فلان وصاحبه وربعه .. رس الهه
وضغاين چامنه تدوّر عليّه
وامحمداه
🏴🏴
ام محمد الحجاج
/channel/ommohamadalaebaadey
ابو ذيات استشهاد الرسول الاعظم صلی الله عليه وآله
🏴🏴
دار الوحي الليله .. ونّه بيهه
ونت اوداع ال امّه .. ون نبيهه
ملچ الموت ساعه .. ونّه بيهه
قبض روح النبي لجل الزچيه
وامحمداه
🏴🏴
وداع الرسول وفاطمة صلوات الله عليهم
🏴🏴
حط بنته عله صدره .. شَملهه
العِشره وياچ فاطمتي .. شِملهه
تگلّه انوب يتشتت .. شملهه
شملي انت وتفرهد من اديّه
اعظم الله اجورنا واجوركم
🏴🏴
فاطمة الزهراء عليها لما نظرت الی ابيهاصلوات الله عليه وعلی آله وقد عرق جبينه وسكن انينه تسال اميرالمؤمنين عليه السلام بلسان الحال ..
🏴🏴
انينه سكن . وجهه عِرگ .. هاا مات
ولطموا فاطمة والوصي .. هامات
بعض اليدّعون اصحاب .. هامت
ال سقيفتهم ولا همهم رزيه
وامحمداه
الله يعظم اجورنا واجوركم
ام محمد الحجاج
/channel/ommohamadalaebaadey
رُوِيَ عن الإمام أمير المؤمنين (عليه السلام) أنَّهُ قال بعد أن رحلَ النبيُّ الأعظم محمد (صلَّى الله عليه وآله) :
ولَقَدْ قُبِضَ رَسُولُ الله صلى الله عليه وآله وسلم وإِنَّ رَأْسَه لَعَلَى صَدْرِي. ولَقَدْ سَالَتْ نَفْسُه فِي كَفِّي فَأَمْرَرْتُهَا عَلَى وَجْهِي. ولَقَدْ وُلِّيتُ غُسْلَه صلى الله عليه وآله وسلم والْمَلَائِكَةُ أَعْوَانِي، فَضَجَّتِ الدَّارُ والأَفْنِيَةُ، مَلأٌ يَهْبِطُ ومَلأٌ يَعْرُجُ، ومَا فَارَقَتْ سَمْعِي هَيْنَمَةٌ مِنْهُمْ، يُصَلُّونَ عَلَيْه حَتَّى وَارَيْنَاه فِي ضَرِيحِه
نهج البلاغة /ج2، خطبة 197، ص172. !
😭😭
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
ابو ذيه للاربعين
لسان حال مولاتنا العقيلة عليها السلام
اريد اگعد بصف گبرك ولا گوم
غيرك لا عشيره النه ولا گوم
اخبرك ظعن اخياتك ولاه گوم
اهل الشام وتوفت رقيه
🏴🏴
ام محمد الحجاج
اعظم الله اجوركم واجورنا بشهادة مولانا الامام علي الرضا عليه السلام ..
نعي بذكراه الاليمة
اليوم الرضا يجهر الونّه
حيله تبدّه وراح منّه
ال اسموم واويلي گضنّه
گَطْعَن احشاه ونحّلنّه
اليوم اخر يومه چنّه
اخته اتحضر يومه تمنّه
وبناته تمنّه يحضرنّه
داير مداره يودّعنّه
وكت المنيه يشاهدنّه
ويسمع نعي امهات المحنّه
وساعتن ساعه يشمّنّه
ياحيف مات وما اجنّه
🏴🏴
عظم الله اجوركم واجورنا
ام محمد الحجاج
/channel/ommohamadalaebaadey
استشهاد الامام الرضا سلام الله عليه
نعي
🏴🏴
يتگلّب وعينه عله الباب
يتمنه تحضر لي الاحباب
بالسم دليله اتگطّع وذاب
حسه عليه شم الهوی الهاب
🏴
اسبل اديه وغمض عينه
وسكّن ابو محمد ونينه
عرگان واويلاه جبنيه
ماحضرو اخوانه او بنينه
🏴
وينه اليجد بالممشه هسّه
برض المدينه الليله يمسه
هااااشم اينادي بعالي حسّه
للرضا لحگوا الهظم مسّه
🏴
لحگوا الرضا ياهله يكرام
ساجتّه سم اچفوف ظلّام
هظمه وعليهه العين متنام
گوموا بعجل شدّولهه احزام
🏴
نعش الرضا بمشهد الليله
هظمه النعش غربه تشيله
چاوين هاشم .. وين خيله ؟
توجع تره هايه وثجيله
🏴🏴
ام محمد الحجاج
/channel/ommohamadalaebaadey
وستعود زينب بعد فراق دام أربعين ليلة 😭
😭ولڪن لقاء لا يشبه أي لقاء 💔
الاربعين
رجوع مولاتي العقيلة زينب بشوقها بحنينها بعتبها بتعبها بحزنها عادت من الشام الی كربلاء ولسان حالها يقول ...
ابو ذيه
ارجعت . ناديت يهل المجد // مامش
دمعي اعله الوجن ينحدر // مامش
لو محد نهضلي ابد // مامش
اظل انعه واجيم الكم عزيّه
وا زينباه
ام محمد الحجاج
/channel/ommohamadalaebaadey
ابو ذيه ونعي للاربعين
لسان حال مولاتي العقيلة زينب عليها السلام
🏴🏴
جبنه الروس ويانه وجينه
ومن لون العبي صاير وجينه
لو عدنه شمع يمكم وجينه
بس دموعنه الكم هديه
🏴🏴
زماني فراگ ضامرلي بنيته
فرگه اخوي لو فرگت بنيته
بيت احزان يم گبره بنيته
وثاني بالخرابه يم رقيه
🏴🏴
نعي مجاريد
لسان حال مولاتي زينب عليها السلام
گعدت يم گبر اخوها الحسين عليه السلام تشكي حالها عده
رديت من الشام ليكم
وسلمت يلوالي عليكم
حسبالي واحد يفز بيكم
واسمع هلاوين من اجيكم
ويطيبن جروحي بحچيكم
🏴🏴
اليوم يلوالي اربعينيك
بلهفت گلبنه جايينك
عيشتنه ذله خلاف عينك
عازتك عازه ورايدينك
يلما تعووض فاجدينك
يامن مغطينه بحنينك
🏴🏴
ام محمد الحجاج
/channel/ommohamadalaebaadey
قوات الحشد الشعبي تنتشر على الحدود الغربية لكربلاء المقدسة لتأمين المواكب الحسينية
الغربية عود ليش ؟؟؟؟
رويَّ ان السم اثّر في الامام الحسن عليه السلام وكان راسه في حجر اخيه الامام الحسين عليه السلام والطشت بين يديه
يقذف فيه احشاءه قطعةً بعد قطعة بينما هما في هذا الحال واذا بالحنين والانين خلف الباب واذا بالعقيلة زينب عليها السلام وباقي الهاشميات جئنَ فالتفت الامام الحسن عليه السلام الی اخيه الامام الحسين عليه السلام . قال اخي
ابا عبدالله نحِ هذا الطشت عني لئلا تراه
اختنا زينب .😭😭 فلما دخلت العقيلة زينب عليها السلام وقع بصرها علی ذلك الطشت وفيه احشاء اخيها الامام الحسن المجتبی عليه السلام 😭😭
وكاني بها
آه آه آه يامولاتي
لا تشيله لاتشيله
خلي يخويه لا تشيله
ونّه ثجيله
گامت تون ونّه ثجيله
مدمعها تسيله
نادت ومدمعها تسيله
ابو محمد ياخويه
العقيله العقيله
بيا حال اجت يمه العقيله
راح حيله راح حيله
تشوف ابو محمد راح حيله
گطّع دليله
سم العدا گطّع دليله
🏴🏴
عظم الله اجوركم واجورنا
ام محمد الحجاج
ابو ذيه
كاني بمولاتي العقيلة حضرت عند اخيها الامام الحسن المجتبی عليه السلا وهو بين الحياة والموت
قالت لاخيها الامام الحسين عليهما السلام
لسان حال الشاعر
خويه حسين سنّدله وجعداه
تراه اليوم مستبشر وجه اعداه
اخونه باخر انفاسه وجعداه
طفت شمعة سنينه بهلمسيه
ام محمد الحجاج