الفن اليمني الاصيل

12 April 2024 17:30

تقولو عد كفيه حق زواجه او مع 😁

الفن اليمني الاصيل

12 April 2024 15:06

امانه مازارت بيت تدخل تسلم عندهم وتعسب وتخرج ولا عاد في جيبك ريال
تحس انك دخلت تلعب قمار مش تسلم على الارحام
ولو زد تاخرت شويه ماعتبسر الا جاهل بمتر مسرع في الديوان يمشع الجنبيه من عرضك ويطلع امه وراه ويفحطوا

امانه ما جاهل ناولته يصرف الف ويشل له خمس مية
قال مابش صرف ورجع لي الباقي مليمات

ايحين خلفتوا هولا كلهم ماشاء الله كن نبوا علينا نعمل حسابنا وندي معانا سندوتشات فلال وبفك حار نار

سهل هذا كله بس الذي يقهرك الذي تقلك مابش داعي للعسب
يكفي بديتكم وقدهي لابسه للكوت حقك

الفن اليمني الاصيل

11 April 2024 22:13

#يوميات_فاطمة

تخيلو...ان انا كلما جمعت لي شويه حسنات وحاول الزم الصمت .ولا اذكر احد علاسب لااوزع عليهم حسناتي...مابسر الا واحده ضهرت لي وتطير كل الحسنات 🥹. ...فمثلا بعض الايام للاسف يجي
وقدنا نوعا ما راضيه على نفسي
اطرح راسي ارقد واقل اللهم لك الحمد مر يومي بسلام
ما ابسر التلفون الا لصي وعادنا بين اجابر روحي وفارحه ان قدنا من المؤمنين الاخيار
وانيه.رساله من حموده افتحي الوتس الان ضروري
افتح ...مابسرها..الا دخلت المجموعه ...ومن كلمه لاكلمه مابسرني الا وقد دخلتني في بير من حلبه وقدنا مندمجه معها..ومتفاعله معها باقوى قوتي وقد تقريبا
حقي الحسنات وزعتهن على اهل زوجها بالتساوي 😂😂😂
وبعدا اقلها حموده اصبحي على خير حرام ماعاد به معي ولا حسنه 🥹....وهيه مصره تكمل وبعدا جر لك يابي جر نشل حقهم الذنوب..وبعدا تقل حموده استغفر الله العظيم ماعلينا منهم..يشلوهم الجن 🤫..وانا اقتهر و اقل بعد مه حرام ماعاد معاهم . ذنب .. 🤫🤫🤫.. ارقدي لش مرقده ..من بيسلطش عليا اين ماجمعت لي شويه حسنات دخلتي تطيريهن ....تضبح حموده.. .وتقل .اصلا انا استاهل حن بين اشكي لش و ..😡..ماكذبش المثل الذي قال جني افلخ ولا مرت الاخ 😡😡.😡😡.
فاطمه علي😂😂😂😂😂😂

الفن اليمني الاصيل

10 April 2024 22:08

🔥👇قنوات معتمدة من التلجرام👇🔥

إتصفح الاعلان وسوف تجد كل ماتريد👇

k📚روايات وقصص مميزة @storykaligi
kروايات يمنية @rewayatyamania
kارشيف روايات يمنية @archiveRY
kمستندات روايات @storykaligi_1
kبجنان صنعاني @bejnansanani
kاجمل الاغاني @sanaa25
kصنعانيات @sananyat6
kللعآشقين @liveyou1

kالأصدقآء @zjgivguchjjeopp1086
kالبيت الصنعاني @housesanaani
kهمسات @hamasat_el7ob_22
kصوت القلب @cardiacsounds
kالفن اليمني @Naghamyemen
kسلي على قلبك @nokat23
kطبية @Pharmacist1992
kنكت فقرات مقاطع العاب @nukat11

kخواطر انجليزيه @LikeMohammed
kمعلومة @Ma3lomah_wa_Kossa
kصنعاء فديت روحش @okdsanaa
kهمس القصيد @htt_hms_algsed
kالشهيد صدام @eeekkkhalhgag
kأحاسيس يمانيه @YEMAN100
kيمانيون ونفتخر @DewYemen
kشهقه حزن @QueenAmy_33
kاناقه روح @Elegance_spirit
kقلب طفلة @childhoods2a
kﻋالم المرأﮬ‌ @Life_women
kقسوه سندريلا @Noorcon
kكبرياء رجل @samoo52
kل وتيني @sosooa_s14
kكلام ذهب @bsjejejjeb
kمشاعر حزينة @Msaerr
kمجروحه @majroha0
kصديقات @m170242
kمشاعر راقيه @almlkx
kفضفضة الم @xcvb0
kغامضه @raano82
kالشوق @guixelcy
kعشقي @Alkimer
kإيفلند @iifle
kروايات @liitbcom
kنكت يمنية @ga195a2
k💄صنعانيات🚫 @san3a
kجحفة صنعانية @gbakgwihbs

kلبنان @CedarofLebanonNajw
kبوح محبين @Loveforevertop
kحب دون لقاء @dkvkkvkdkrg
kمنوعات عامة @Aseer_love_5
kشموخي @KhrbshatYamane
kمعشوقتي صنعاء @lovly019
kاوراق اسمين @hemsa6667
kدعاء اليوم @Alameri000
kفن يمني @Fan_Yamani
kملكه الحب @mostmA1
kنكت وفقرات @nokat21
kمشاعر حب @sgfjkhgk
kخربشات ﭑبيه @abih_5
kبعثره عاشق @TR55Q
kالحبر والقلم @roq222
kلوتيني @L_WatEeNi
kغزل تايم @love77e
kلفقيدي @oo_ee1
kتحطم @anazalia
kالجوكر @gokar00
kنقشات @ngosh
kهواجيس راقيه @dshff
kللكبار فقط @bn_obadi3
kوجع قلبي @slmmahm
kيمنيه @Yemeni_Varieties
kكلام في الحب @kalamalhob
kنغم صنعاني @yemen_naqm
kحرب الكلمات @tyrant1ecosan

kقصص انجليزية مفيدة @engstory23
kمطيرفة @RoRoAhmedMohmed
k⚜الحياه حلوه⚜ @lovesanania
kالشهيد الصالح @alshedalsaleh
kحب @Hob_fey_mhab_areeh
kمدلازة صنعانية @sana_a2020
kهمسات مشاعر @hmsat1995
kمكتبه الالكترونيه @maktbaaa
kكبريا الصنعاني @Hfyd0Hfyyd
kدموع حب @DAMmooa01
kهلوسات يمانية @Wiz_gilr
kشوق المشاعر @Ffahad55
kحديث الذات @ellerimde
kلمة صنعانية @Raid2025
kهمسة خجل @Wwoovv
kمشاعر @Hamssssssss
kلحضات جميلة @afff_a
kمقيل وسمره @m_s_ye
kمجروحه @Shee_Nnn
kكل جميل @httpsgrd
kسامضي @semoo01
kبحه حزن @b7t7zan
kأروين @AROINFOG
kمالا نهايه @mo_oim
kوناسه @amec2018
kنبضات @So_delw5
kانحطام @nabd211
kانساك @D124H
kقيتاره @getarh
kيمانيه @pglmy
kالامل @gggup
kفتاه @sjkjf
kكئيب @llO00O0
kتطبيقات @apk_upd
kبعثره مشاعر @bxjck
kالدنيا عتب @shqama
kنبض قلب @PHTHLIA
kكبريائي @pride22234
kعطر الحروف @aterhrof
kمشاعر مبعثره @haraz5
kهدار وداويه @K_l_Kh33
kخاطره شعر @katratkatrat
kلأقلامنا حكايا @our_pens
kحالات @alhmmadikhlad
kحب صنعانية @ilove3you
kمشعات صنعانية @sanaill
kالاصلاتي @Soosoo_2020
kخربشات قلم @Scribble20
kفقرات زوجية @xx_yamah
kخواطر اختي @My_sister_H
kاهات عاشق @Ahatachq
kقطر الندى @NadaAlrubaiy
kمتفائلون @AsoomaMalooka

kنصائح زوجية @yemen_1000
kرحآب القرآن @instepsofQuraani
kتلفونات للبيع @XiaomiYemen

kملاذي انت @Tyeefy
kذاكرة القلب @AHWquite
kصنعاء القديمه @oldsana
kهتان @yemenxn
kأسعار العملات @Yemenis_Exchange
kتوماس شيلبي @tumasshilbii
kمن اعماق قلبي @omkklobww0
kرسائل مغرية للزوجين @nnnxnnm

kنكت سام صنعاء😆👇
https://t.me/joinchat/WU4ZscEyGaeyQqSr

k👇أجمل الأغاني في التلجرام😍
/channel/+5JIr7pRY_YcxM2M0
kأجمل الشيلات كل جديد✨👇😻
https://t.me/joinchat/AAAAAFWROelerUGeIQOMEA
━☆


للاشتراك ⇦ @STAR_TWASULBOT

الفن اليمني الاصيل

01 April 2024 09:53

الفلكي احمد الجوبي

عيد الفطر المبارك ١٤٤٥ سيصادف الاربعاء ١٠ ابريل ٢٠٢٤م ويعتبر يوم الثلاثاء هو اليوم الثلاثين والاخير من شهر رمضان ١٤٤٥

الفن اليمني الاصيل

01 April 2024 04:46

بتشتغل ، وضروري كل واحد يتحرك من جهته على سب نشتتهم ويدرو ان احنا اقوى منهم ، بس ضروري ان احنا نتحرك بشكل منظم ، قال حالي قوي وقد طريقة تفكيرك بتكبر بطريقة بتفاجأني ، فلذالك شعتبرك الكل في الكل والأمر الناهي ، بما ان معك خطه مدروسه ، قلت له الله المستعان يا عمنا انت الاستاذ حقي ، بس ذلحين قلي ايش اللي عرفته من الجماعة اللي مسكتهم ، قال شكلهم تنظيم كبير ، ومنهم اثنين اجانب وواحد يمني ، كان معاهم اجهزه استخباراتية ولابتوبات شليتهن وفي الطريق اقدار فعلت لي رساله ( عيلاقيك سليمان في الطريق ادي له الاجهزة وتلفونات الجماعه اللي مسكتهم ، وانت ويمني حققو معاهم وابسرو لين عتوصلو ) ... قلت له وليش تسلمهن يا عمنا ليش ما تكلمني ، قال لا تنسيش ان سليمان واقدار هم اخوتك واحنا بنشتغل في نفس الطرف ، قلت له سابر يا عمنا، بس المفروض كنت تبلغني قبل ما تسلمهن ، عمنا ضحك وقال مسرع دخلت الجو وقدك الزعيم ، قلت له خير ، طيب وابي محمد كيف قد صحته ؟ قال مدري ما قد سألتش عنه ، قلي انت كيف بنتي وكيف بنتك ، قلت له قد بنتك تواصلت معك قال ايوه الحمد لله مشنا مصدق انها فاقت من الغيبوبه ، قلت له بنتي الحمد لله بس ابسرتها وهي راقده ، لكن سهل اكمل عملي مع الجماعه واسير ابسرها ، بس الرعوي اللي انا مسكته لقينا في بيته اسلحه ومتفجرات ، وشكله متورط معاهم غصب عنه ، وقد جابرنا شويه من قصته ، ومن رأيي نسمع منه باقي قصته على شان نفهم طريقة عمل الجماعة تيه وماهو هدفهم ، عمنا قال حلو والجماعة اللي انا اديتهم ما قد حققتش معاهم ،محبوسين نازل في غرفة عازلة ولا يمكن احد يدري اين مكانهم ، حتى لو كان مغروس في اجسادهم جهاز تعقب ، طيب يا عمنا ، والرجال اللي هو اصبع من عصابة اصابع القبضة ، ما عتفعل معه اقدار وهل قد حققت معه ، ولا ايش الوضع المناسب لتعامل مع امثاله ، قال مشنا داري ، بس لو انا مكانه شتمنى ان احد يدخل يحقق معي ، لاننا وقتها شعرف من اللي حاجز لي وماهو هدفه ، قلت له يعني اقدار قدهي اخبر بهم بس ضروري اتواصل معاها ، عمنا قال اقدار محد يقدر يتواصل معاها من صغرها ، هي اللي بتتواصل معانا وتقدر توصل لنا في اي وقت ومكان ، قلت يعني مابش طريقة اتواصل معاها ، قال مابش ، قلت ايوه والخبر وكيف نفعل ... ما دريت الا واقدار فعلت لي رساله ( انزل وحدك انا منتظره لك امام الفلة ، وخرج بسيارتك ) ... قمت على طول وعمنا قال الين ؟؟ قلت لا عند اقدار فعلت لي رساله ، قال تمام ، وما نفعل مع هولا؟؟ قلت له خليهم لما ارجع اكيد اقدار قد وصلت لشي ، خاطرك ...
نزلت سريع من الطيرمانه وطلعت فوق سيارتي اول ما الحارس فتح الباب وقدنا شخرج ما دريت الا واقدار واقفه امامي في الشارع ، جنب الباب من خارج ، فتحت باب السياره قدنا شنزل لا عندها ، بس أشرت لي بيدها اجلس مكاني وجت طريق السياره وركبت قدام جنبي ، وقالت امشي ، وتحركنا بالسيارة ، وقلت لها لين عنسير ، قالت اشتي الوي شويه واتكلم معك ، اجلس سوق وبس ، وانا جالس اسوق وهي ساكته وانا ساكت وبنبسرها وهي بتتبسر من الفريم حق السيارة لشوارع والسيارات وكأنها طفل اول مره يخرج لشارع ، وبعد ١٥ دقيقه وهي ساكته وانا قدنا في شارع الستين بنمشي ، ما دريت الا لما قالت وهي ملتفته لشارع بتبسر السيارات،،، ( احلى شي في الشعب ذيه والمنفرد فيه ومتميز ، ان الشعب هذا يعتبر جيش كامل ، كل فرد منهم بيعشق بلادة بخلود ، يعني حبه لليمن حب مخلد ما ينتهيش ، ابسر يا يمني كم للبلاد تيه في حروب وكم حاقدين وانذال ومندسين حولها يشتو يخربوها بس ابسر الشعب ما بيفعل رغم معاناته ، منظمين في الشوارع شوف كيف بيسوقو سياراتهم الخط السريع والمتوسط وخط النقل الثقيل وكل واحد ماشي في خطه بدون رجال مرور او رجال تنظيم ، ابسر كيف الشوارع كلها مسرجه من حساب من ؟ من حساب الشعب نفسه ، كل واحد سرج مكانه ، لما نورت صنعاء مابش شغب او عصيان او افراد بسبب جوعهم وفقرهم ينقلبو ويفعلو عصيان ويخربو هنيه وهنيه ، مش خوف منهم ،،ماشي تقدر تقول حرص وخوف على بلادهم بس لكن بلاد الخارج اللي بيدعو النظام والامان ، اذا حصلت مظاهرات او عصيان ، على طول يبدأو في النهب والتخريب ، وبشق الانفس تقدر حكومتهم تتلافى الموضوع ، فعلا شعب حكيم بس وأفعالهم تدل على هذا ، اما اذا لقيت مخربين او من ينشر الكراهيه ، هولا هم اذناب من بيسيطر على البلاد تيه ، يوصلهم الكبر والغرور لمرحلة الخوف والشك من كل شي ، فينشرو مثل هولا وسط الشعب يسمعو ما بيقولو الناس ، وهولا هم اللي بيخربو سمعت الشعب وهولا هم اللي لهم يد وصول في نقاط كل التواصل الاجتماعي ، ومن هنيه يا يمني ضروري تعرف ان الكرسي قده جالس فوق صاحبه وابليس جالس فوق الكرسي ، شدي لك يا يمني قصة مصغره ، كان به مزارع ومعه جنه ، رزقه الباري بثلاثه جهال ، ولما قدهم رجال المزارع ادى لكل واحد من عياله ثلث في المزرعه ، وقال كل واحد يرضي بالرزق اللي قسمه الله له ، وانتو اخوه كل واحد يوقف مع الثاني ،

الفن اليمني الاصيل

01 April 2024 03:45

ماشاء الله ماشاء الله على النسوان والطاقه والنشاط الذي فيهن الله يحفظهن لنا ويدي لهن الصحه والعافيه
يعني كم تنظيف للبيت
كم طبخ وخبز وعجين وحلويات
وكم غسوله صحون وقلاصات وملاعق
كم صابون ورفاع ونفاض وبزا للجهال

يعني طول اليوم شغالات ماشاء الله عليهن ولا بيوقفين
واحنا الرجال بنتعب واحنا بس بناكل ونخزن

امانه اني ازيد ابسرهن بعد العشاء وهن بيغسولين واقل خلاص الان عتدوخ مسكينه مدري عاد عتقدر تصلي او ماشي الله يقويها

المهم بعد الصلاه عادها ماقد تمتش تسلم سوى وقد بتبسر لاعندي وقالت: مارايك تخرجنا السوق ذلحين حين الدنيا فاضيه

امانه اني سمعتها ونكزت افتجعت نكعين بطوني للقاع
مالش ياخرجش السوق ارحمي نفسش ..

منقول

الف تحية وتقدير لكل النساء وربنا يعطيهن الصحة والعافية
🤍🤍🙏🙏

الفن اليمني الاصيل

01 April 2024 00:37

#يوميات_فاطمة

قلو ياطويلين العمر مدري مالي قد الذاكره عندي بتفوت
قد بين انسا خيرات ..تبسروا حياتي كلها دوار
قلو يوم
سرت اتصرف للبيت من مول جنبنا

عادنا غر دخلت وان به شنيط معلقه مكتوب عرض خاص علقت شنطتي..عند الشنيط 😂 وجلست ابسر ولاعجبتني شنطه ...التفت وان به سله كبيره فيها بواتي حاليات
ومكتوب عليهن ..عرض خاص من الف ونص
وانا قشنننت😂😂😂
نبعت نبشت ولا كان القا مقاسي
نبشت نبشت لوما .اكتسر ضهري..كودن على الله لقيت وعاديه كبيره شويه قلت سهل تكبر ولاتصغر ههههه..ابسر يمين وان به سله..بواتي للاطفال ..
قلت اليوم يوم العرطات
جلست ادور لما لقيت بوتي على بنتي ...شليتهن وانا فارحه باقوى قوتي ...طلعت الدور الثاني وان به طيسان زجاج عرض خاص من ثلاث ميه
وماعاد باقي الا ثلاث شليتهن
طلعت الدور الثالث حق الملابس
قلت اجمعي حسش يافاطمه المطبخ فاضي مش وقت
نزلت وانا فارحه بالبواتي والطيسان
عادنا غر بين انزل وابسر ومابش الشنطه وانا شهقت شهقه لوما اهتز المول ....ياجناه اين الشنطه المعاش ...وتذكرت صورت زوجي 😩😩😩. وماعيقل لي
و كان اطير دورت في الدور الاول 🥹..الدور الثاني 🥲
الثالث لفيت المول على زغط زغط كان ادور حتى في الجيوب حق الجواكت المعلقه😂😂😂😂...نزلت يائسه ودخلت داخل سلة البواتي انبش على الشنطه والخوف والحزن يعصر قلبي ..قال ذيك الذي مسنب على البواتي مابتدوري قلت شنطه
قال ياخاله الشنيط هاناك ابسر صلى الشنيط
وان شنطتي في يد المسؤله على بيع الشنيط
قربت لاجنبها قلت هه شنطتي والا شنطتش.😅
قالت انتي مجنونه تفلتي شنطتش المول غير مسؤل عن ضايع اي شي. غر بين ارتب وحسيت فيها قلافد ..قلت الله يبشرش بوجه النبي والله
يزكيني عقلي
شليتها .وفتحتها وابسرت الزلط جالسه ورجع روحي .. ...ابسر وان مابش الطيسان 😩.ولا البواتي ...😩😩😩...كان اطير في. الدرج ساع الريح قلت اكيد نكعتهن حن اكتشفت ان شنطتي ضاعت وصلت الدور الثالث كان ادور
قال لي واحد من الذي بيبيعو
مابتدوري قلت بواتي
قال نازل مابش هانا
لفيت لفيت مابسرني الذي عند البواتي الا بين انبش
قال دلا دلا مابتدوري اساعدش قلت الطيسان😩😩😩😩..قال لاحول ولاقوة الا بالله الطيسان طالع احين تجي تدوري طيسان واحين شنيط 😨...
😂😂😂😂..المهم يمكن بعد مالفيت المول سبع لفات لقيتهن
وقدنا في الموت من التعب
قلت اقوم اروح واقل لزوجي يجي يتصرف هو
خطيت حاسبت عليهن ورجع لي الباقي خمسه شكليت
اكلتهن على واحد واحد لوما كملت ذكرت ان انا صايمه 😭😭😭😭😭😭😭
فاطمه علي

الفن اليمني الاصيل

31 March 2024 03:05

#يوميات_فاطمة

يوم بين ابسر فديو لزوجين قد اعمارهم فوق التسعين.....وبيتحاكو كم بيحبو بعض ..وتيك العجوز بتقل ان زوجها..يساعدها في عمل البيت وانه حنون جدا
و المذيعه بتسألهم ماسر هذا الحب ...قال الشيبه ان شارليت كانت تقول لي كل خمس دقايق احبك وتمشط شعري كل صباح صيحت لعمتي جي ابسرو شيبات قد حالتهم حاله
على حب .وعلى رومنسيه ....اسكه كن مشطو لعمي الصبح 🤣....
..قالت..وهيه ضابحه عتقرح مشطي غر لزوجش انتي وانا ماعليش. مني
قلت امانه ياعمه كم مره قد قلتي لعمي احبك 😊...قالت حبته الصلى وهيه حاميه
😂😂😂😂..سيري قيمي زوجش يتغدا جعله ناغد راقد لاذلحين 😡
قلت في نفسي..اسكه اجرب اكن اقل لزوجي احبك كل خمس دقايق يمكن يسبر ويتروض ويقع حنون وطيب
سرت اقيمه ...هزيته ..وقد عيوني قلوب ....وهو فتح عيونه وهو مبهرر لوما بهتني قال مابه
قلت احبك..غطى وجه واقتلب .سنبت .و هزرت البطانيه وقلت احبك.. 🥰...وهو قام ساع الوحش هزر البطانيه.من يدي لوما بطحني وصاح..لوما يبس لقفي ماقد معانا ....قلت فجعتني ولا شي
انا بين اقل احبك.🥹..قام جلس قال ايوه وبعدا 😡..حرام ماتدي خطوه ....ماعاد بش معش مهره كل يوم عرس كل يوم ولاد
افعلي لش دفتر مواعيد للخرجات وكن ادي اوقع لش عليه العشي ..هذه ماعديش عيشه ...🥹. واقسم بالله ماتخرجي اليوم من باب 🥹..قلت ..في نفسي يمكن السر في المشط ...انا غر خطيت صلى التسريحه ...اشل المشط وهو نبع لافوقي ساع الوحش .وشل كوته ...وكان يقل قد بين اقل منين جاء لش الحب احبك ...وكان يصيح احبك ......حرام ما ادي ريال ..😡 ...... .... لاتخليني افتح الطاقه واصيح ياغارتاه ....جو ابسرو ياناس مامعي ...وبعدا مادراش ان معي زلط 😡..وكان يتشنج فوق الكوت ...وخرج من جيبه الزلط تشتي تشليها مه ماطابت نفسش
تشتي تبهذليني الناس يخزنو وانا اقعي ..قلت مالك صلي على رسول الله انا غر قلت امشط
لك ...قال انا داري انش بتفعلي تمشيط يوميا تمشيط للكوت تمشيط لتحت الفرش ...وكان يبتز ويطرح ...قلت. في نفسي محاوله اخيره ...هربت لاجنب الباب ...وقلت احبك ...وهو نبع ..بعدي ..وانا التزيت عرض الجدر ...وكان يقل بتتحديني مه 😩😩😩...قلت ايحين تحديتك 🥹
انا غر قلت احبك ....وهو صاح .. تشتي تقتليني ...

انا مافعلت لوما سلطش الباري عليا ...تشتيني انتحر اقتل نفسي على سب تفتهني....تقلو مال حقنا احبك بتدي نتيجه عكسيه ...لو ازد اقله احبك لاينبع من الجبا.......😩😩🥹😂😂😂..
فاطمه علي

الفن اليمني الاصيل

31 March 2024 03:01

#في_بيتي5
#يمني2 "البارت15 "

اول ما دخلنا المعهد ذيه ، استغربنا قوي ورجعنا كل واحد بيبسر الثاني ، مابش سراجات ولا به ضوء في الحوش حق المعهد ما بلا نار في اطراف الحوش من حطب وفي نص الحوش نار كبيرة ، وحول الحوش بشكل دائري أعمده غريبه وفي راسها نار ، نلتفت يمين وشمال وحنا مخبايين ، بس ما لقيناش احد مابش ولا آدمي في الحوش والمعهد كله طافي ، وبه شوية معدات وحراثات وألات حفر واجهزه غريبه ، في الحوش ذيه ، التفت لا عندي اخي قاسم والشمه في فمه ، وقال ماهو الخبر ذيه يا مختار ولا به يهودي في الحوي ذيه ، وابن عمي قال اهدأ يا قاسم خلينا نبسر ما به وبعدا عنتجابر ، واخو صالح حسين جالس يقراء المعوذبات وقدهو مفجوع قوي ، قلت له مالك ، قال مدري اول ما دخلنا حسيت بخوف قوي هيا نرحلنا من هنيه يا مختار ، قلت له انت مفتجع ومتاثر بسبب اللي وقع لا اخوك الله يرحمه ، سعليك احنا اربعه رجال بسلاحنا ، عنخرب جبل على ماهو ، ذلحين صلو على النبي وجو نبسر ليش مابش سراج في المعهد ذيه وليش ملصيين نار في كل بقعه ، ما عاده من معهد ذيه ، وقمنا دخلنا من باب المعهد وكان الباب مفتوح ، المعهد ثلاثه ادوار ، بس اول ما دخلنا حسيت بقشعريره في جسمي بكله ، وما دريت الا واللي جنبي بيتعوذبو من الشيطان ، قلت لهم مابه او ابسرتو شي ، اخي قاسم قال سنبين شعر جسمي بكله والبردقان رجعت حلبه في لقفي ، وابن عمي واخو صالح حسين نفس الخبر ، حسو بالقشعريره ، وكأن به كيان خبيث في ذيه المكان ، سدينا نقتسم كل واحد يدور في بقعه ، انا طلعت لدور الثاني وبندور والغريب ان المبنى كله مابش فيه اثاث ، اول ما وصلت لا بداية الدور الثاني ابسر قبالي صاله طويله به على يساري غرفة والباب حقها مردود وبنبسر ضوء خافت كان احد مولع شمعه داخل الغرفه وباقي الصاله مابش فيها ولا شي الا باب غرفه في نهايتها على يساري ، دخلت الغرفة اللي جنبي بداية الصاله ، وبنتشاقر من الباب ومابش احد داخل الغرفه دهفت الباب بيدي وابسر الغرفه صغيره قوي فيها سرير ودولاب صغير ، ومرسوم في الجدر صليب كبير وماسه جنب الجدر فوقها ثلاث شمع لاصيات ، تحت الصليب تماما ، انا اول ما ابسرت الصليب لما يبست بقعتي ومشنا مصدق اللي بنبسره ، خرجت من الغرفه لصاله ولا بنسمع نخس ومدري مالي قدنا مفتجع قوي ومراعي لأي حاجه تجي تخفعني من قفى ضهري ، كنت احس ان به شي خلفي بس كل ما التفت ملقيش احد ، وبنصيح من الدرج لاخي وابن عمي ، بس محد كان يرد عليا ، ولابه صوت في المعهد هذا بكله ، وانا بنصيح وبنبسر لدرج ما دريت الا وبه واحد مسك الثوب حقي من ورايا وبيهزره ، ساع الجاهل حقي لما يهزر الثوب حقي على سب اجاوبه ، جيت التفت ابسر من بيهزر الثوب ومابش احد والكشاف معلق له في راسي ، ضويت لا نهاية الصاله ومابش احد ، والصاله تيك قد الارض حقها ملان غبار وكأن المعهد مسكون ومحد ساكن فيه ، افتجعت قوي ورجعت اتعوذب من الشيطان وقلت شنزل وارحلي من هنيه ، قد الجن شكلهم مضايقين قوي ، وقبل ما انزل رجعت اضوي لا نهاية الصالة واتفاجأ اننا بنبسر اثار ارجل جاهل في القاع حق الصاله لا نهاية الصاله ، وابسر جاهل عمره ما يقارب اربع سنين مسنب وهو متوجه طريق الغرفه اللي في نهاية الصالة وبيبسر لا عندي ، انا على طول وجهت بندقي لا عنده وبنقول أعوذ بالله من الشيطان الرجيم ، الله اكبر..الله اكبر ، يالله ..يالله ، ما دريت الا وانا بنخطي لا عنده وبنقول من انت أعوذ بالله منك ، وبنركز على ملامحه وما دريت الا وهو بيضحك وبيتكلم بصوت رجال كبير في السن ، وقال انا ابن صالح حسين وابي بيقلك لا تفلتش هنيه عيقتلوه ، كمل وجرى لا داخل الغرفه ، وانا بنقرب دلا .. دلا ومشنا داري ليش ، انا اشتي ارحلي قد ارجلي بيرتعشين من الخوف ، والغريب اننا اول ما قربت من الغرفه كنت اسمع اصوات جهال خيرات داخل الغرفه تيه بيلعبو ويضحكو ، اول ما وصلت لا باب الغرفه ابسر والغرفه ما فيها ولا شي ما بلا سرور دورين صغار طولهن ما يتعداش النص المتر على يمين الغرفه وشمالها ونهاية الغرفه في نص الجدار به طاقة ، ، ومفرشين على السرور ملايات بيض وزرق وحمر وخضر والوان غريبه ، وقدنا ملبب بقعتي اين سار الجاهل اللي دخل قبالي والغبار ملان الغرفه مابش ما يثبت ان به احد دخل هنيه من سنين ، وارجلي قدهن يابسات بقعتي ما قدرت احركهن واهرب، عمرت البندق وقلت اضرب رصاص ويسمع من سمع المهم يغيرو عليا من هنيه ، بس كنت اضرب بالبندق وما رضيش يرمي ، واعشقه مره ثانيه وابسر الرصاصه اللي بتنزل ، واجي اضرب ومابش وبعد رابع محاوله نزلت راسي ابسر الرصاص اللي بيخرجين من البندق حقي لما اعشقه ، بس الغريب اننا ابسرت معابر الرصاص بس وكأننا قد ضربت بالبندق والمعبر خرج ، بس انا ما ضربتش ولا طلقه ، وما دريت الا وبه يدات جاهل صغير اطرحت من خلفي في نهاية خصري ، واسمع ضحكه وبدأ يدهفني لا داخل الغرفه طريق الطاقة ، وانا بنصيح بكل صوتي اشتي التفت ابسر ماهو هذا اللي بيدهفني بس ما قدرتش

الفن اليمني الاصيل

30 March 2024 15:01

البنك المركزي بـ #صنعاء يعلن عن إصدار عملة معدنية فئة 100 ريال وسيبدأ التداول بها من يوم غد الأحد.

الفن اليمني الاصيل

29 March 2024 22:56

#يوميات_فاطمة


اليوم جت عندنا حموده بتقلي مالش سلامات شكلش تاعبه
قلت خليها على الله ...وبين اشكي لها مافيني
قالت لاتتعجبيش على روحش سيري عند دكتوره تبسر مالش
قلت ..ههه دكتوره....ماعاد بش عندي ثقه في اي دكتوره
سرت المره الاوله
عند دكتوره مجنونه
والثانيه فيها حاله نفسيه
قالت كيف 😳
قلت الدكتوره المجنونه في مركز صحي حقها الممرضه كان تدخلنا على ثنتين ثنتين
دخلت انا و واحده .والدكتوره . بتجابر
الممرضه....وتضحك باقوى قوتها
الصدق نسيت الوجع وكنت اتكركر معها رغم ان الموضوع الذي بتجابرها فيه مايضحكش😩..حاولت اقاطعها تبسرني شرق عليا ...يادكتوره ..قالت نعم حبيبي ..قلت حبتش العافيه
قلت انا فيني 😳 ماقد كملتش ورجعت تجابر الممرضه ان بنتها مرضت وبزتها تعصب لها بطنها 😳...وبعدا بزتها تزرع لها
وغسلت لها من اربعين بيت وافتهنت ....قلت في نفسي وانا ماجاء بي هانا ...ماعاد بيتعالجوش الدكاتره...🥹...قلت يادكتوره الله يرضى عليش ...عيالي مفلتين وزوجي عيجي خارجيني
قالت تعالي حبيبي 😩...طلعتني تفعلي تلفزيون....والله انو هذا الذي حصل ماهيه قصه والا تأليف.المهم مغجت بطني وهيه جالسه تجابر🥹🥹🥹..وانا قد عيزيغ عقلي ...قلت طمنيني ...قلت انكزها تبسر التلفزيون....قالت اوه ...قلت مابه ...ورجعت تجابر ....قلت مابه يادكتوره ...قالت فيش كيس ..ونزلتني ورجعت تجابر قلت كيس مه ...قالت كيس خطير اذا انفجر عيسبب لش حساسيه وتموتي ...وترجع تجابر تيك الجنيه وتضحك....🥹🥹
قلت كيف اموت ...🥹..قالت تموتي طبيعي 😂...قلت بشرش الله بالخير سهل مالو هو موت طبيعي ...ايوه .وشخبطت لي علاجات وقالت ارجعي لي بعد شهر .وكان تضحك من داخل قلبها .....قلت ان شاء الله اذا عادنا بخيره وروحت وانا محبطه وكنت احس ان قد الكيس عينفجر واموت ...استخدمت العلاج.وكل يوم كان يمر وانا اخس من اليوم الذي قبله 😩🥹🥹😩 تدمرت نفسيتي ودمرت بكلي ..بسرتني جارتي
قالت لاتصدقي لهذه الجنيه
قبالي دكتوره برفسوره اسمها عليه..عبدالله شعيب طبعا ذكرت اسمها لان قلبي مغدغد منها ...وقامت اتصلت وحجزت لي
وصلت وعندها زحمه دفعت اربعه الف حق الورقه...ودخلت ...وصلت وهيه فوق الكرسي بدور يمين وشمال .....وهيه ساع الوحش عتفتطر عتقرح ....قلت ماودف بي لاعند هذه قدنا على المجنونه اخرج كيف افاتحها في الموضوع جلست وانا بين ارتعش
....قالت اربعه الف 😡
قلت قد دفعت 🥲...قالت حق الكشافه😡...خرجت دفعت وادو لي ورقه......قلت اجلس قالت قومي ...سنبت قالت واحده جنبها..دريت فيما بعد انيه بنتها جي.. دخلتني غرفه وفعلت لي تلفزيون...وكانيه طيبه ومبتسمه .وانا ولاعاد سطيت انطق بحرف قلت لاهيه بتفعل لي كمين..وتبتسم لي واخرج لاعند امها وتضربني ...رجعنا لاعند الدكتوره ...وجلست وهيه بترطن لها بالانجليزي ...وهيه كان تبسرني وتبهرر مايقلا بيني وبينها ثار ....بزت ورقه وكتبت ملانها...قالت اطلعي افعلي هذه الفحوصات....طبعا هذا وانا قدنا ملببه من الفجيعه ولا قد سألتني سؤال خرجت...بين اقل كم ادفع
جلس يحسب قال خمسه واربعين 😱..قلت ..خلاص قد المجنونه اخبر يعلم الله ماقد فيني .😭😭😭😭 وطلعت...وبه بنت عاديه شكلها صف ثالث عدادي
قلت اين الذي بتفعل الفحص قالت انا 🥹...قلت سبحان الله
لله في خلقه شؤون...ايحين درست هذه .. ..دخلت الحمام وهو عزكم الله طسل..وبعد خرجت
وشلت مني دم
وجلست مراعيه ساعه
طلعت الفحوصات ونزلت ودخلت. ....مكنتها ...كان تبسر وتقل السكر مافيش ...وتبسرني 😡..الدم ناقص شويه
فيتمين دال شويه
قلت سهل هولا يادكتوره ...الكيس. اين قد وصل
قالت ماهو الكيس 😡...قلت قد عينفجر ...وهيه بزت القلم ورجمته ..وانا نزلت بطوني ..وكان تدبج الماسه اين كيس
قلت شكلي قلبت عليها المواجع
الظاهر ماتت امها بالكيس😂
قلت وانا بين انتفض لاهو يشتي عمليه قليلي عادي 😨...وهيه سنبت وانا يبست ..قالت اناداريه انش تشتي افعل لش عمليه
قلت حشا وكلا....قالت الا داريه ذلحين لوشليت ورقه ...ورفعت يدها وانا قصدي عتلطمني ..من قوة الفجيعه ...لويت وجهي لوما قرحت رقبتي ...وبين ابسر وهيه غر .شلت ورقه....والقلم وكان تشخبط وتقل لو اكتب لش عمليه...وتكتب عمليه عترتاحي ...وانا قدنا عجما
قلت يعني الكيس عينفجر والا عيذوب
انا غر قلت عيذوب وهيه جن جنونها كان تصيح وتضحك بسخريه وتقل ايش من يذوب ...به حاجه في الطب اسمها يذوب 🥶.......تعرفي انتي ساع بني اسرئيل وانا كان اهز راسي 😂....كان معاهم مائده بتنزل من السماء ...وتدبج الماسه وقالو يشتو بصل وثوم..😨........تشتي عمليه انا داريه 😡
انتي نفس بني اسرئيل الذي ذبحو البقره 😂..مادخلني بالبقره ...وبزت ورقه وياسعم كتبت لي علاج ...قدنا اشتي مكوى وبرميل قطر الحديد

الفن اليمني الاصيل

27 March 2024 23:41

القريه نبسر ما قصة الفتحه اللي في نص الجبل تيه ، واليوم الثاني نزلت انا والفقيه وواحد والباقيين مراعيين لنا طالع بالحبال ، ودخلنا الكهف ذيه وكان به ريح قويه ومستغربين من وين بتجي الريح واحنا وسط كهف في الجبل وكل ما ندخل اكثر من الكهف ذيه كان يشتد الظلام اكثر وتقشعر ابداننا والفقيه بيقراء المعوذات ومستمرين ، وصلنا لا نهاية الكهف وبه صاله كبيرة بشكل دائري ،وفي الوسط ساع النافورة بس مابش فيها ماء وبه تمثال حجر معمور وسطها والراس راس اسد بس الراس كان ذهب مش حجر وفي الصاله تيك ١٣ باب من طرفها لا طرفها وفي كل باب به راس اسد معمور بحجر والاسد فاتح للقفه ، وكل ما تجي اي ريح من باب تسمع ازير الاسد من التمثال المعمور فوق الباب ، حسينا ان به جن وشياطين خباث بتحرس المكان الاثري ذيه وافتجعنا ان احنا ندخل ،والرجال اللي معانا كان في يده كشاف ومصحف صغير وقال انا شدخل من الباب ذيه واختار واحد من الابواب ال١٣ وانا بنقله ماشي المكان شكله محروس ابرد لك يا صالح حسين ، قال قلنا ما عيقع شي وهذا شكله رزقنا تشتي نفلته ، ودخل من الباب وانا والفقيه مراعيين له ، وبنبسره لما اختفى من قبالنا ، وبنصيح له كل شويه وهو يرد علينا وفجاه سكت كنا نصيح نصيح بس ما كانش يجاوب ، انا افتجعت عليه وقلت شلحقه وجريت طريق الباب ذيك بس اول ما دخلت حسيت ان به ريح حاميه دخلت فيني وفقدت الوعي ، وما صحيت الا وقدنا طالع انا والفقيه وباقي الخبره حقنا ، وبنقل للفقيه ما وقع مابه ، كيف لما طلعنا لا هنيه ، قال انت اول ما دخلت ما دريت الا لما ارتجمت لا خارج الباب وانت مدوخ ، انا افتجعت وسحبتك لا خارج وصيحت لهم يطلعونا ، قلت له طيب وصالح حسين اين هو ، قال مدري ما عاد خرجش ، وقررنا ننزل ، بس كل ما كنا ننزل، ندوخ ويغمى علينا وعاد احنا في نص الكهف ، ما درينا ما نفعل بلغنا الدولة ، وجابرناهم بالي حصل ، وان به شخص مفقود نازل ، الدولة جت على طول وحوطت على المكان ونشرت الطقوم في كل بقعه وممنوع احد يقترب ، بس صاحبنا ما ضهرش ، وكلنا قلنا خلاص شلوه الجن او مات ، وصلينا عليه صلاة الغائب ، قلت له انا ايش علاقتي بهذا كله و بالقصه تيه، شكلي غلطت حين فكيت وثاقك ، قال اصبر ، والغريب ان بعد شهر ونص والدولة محوطه ، ما درينا الا وهم بيعمرو معهد في راس الجبل ذيك مكان ما نكع الحمار ، وسورو على المعهد وقالو انه معهد فرنسي لتعليم اللغه الفرنسيه ، وبعد سنه من عمارة المعهد ، مابش ولا طالب من قريتنا او القرى المجاوره مسجل في المعهد او قبلوه ، فانا قلت هذا كله تمويه على شان يشلو اثارنا وتاريخنا ، قلت له ايوه كمل ، قال ويوم قررت انا واخي وابن عمي واخو صالح حسين اللي شلوه الجن ندخل المعهد بالسر ونبسر ما بيفعلو ، وراعينا لساعه ١٢ بعد منتصف الليل وسرنا وكل واحد بسلاحه ولفينا من الخلف بعيد عن الدوريات والحراسه وخطينا من طريق وعره واحنا مباسلين باروحنا اذا احد نكع او شي وعاننا الله وطلعنا من السور ودخلنا للمعهد الفرنسي ذيه ...

يتبع...

#في_بيتي
#يمني

#منيرالنقيب

الفن اليمني الاصيل

27 March 2024 23:41

#في_بيتي5
#يمني2 "البارت 14 "

خرجت طلعت فوق السيارة والرجال مقيد في الكرسي الامامي ومغطيين لعيونه ، اول ما رزعت باب السيارة الرجال افتجع وبدأ يقول ، محجور لا تقتلنيش قد جابرتك بكل شي اعرفه ، محجور لا قتلتني اين عتشلني ، التفت لا عنده وقلت له اصصصه لسمع نخس ، وشغلت السيارة واتوكلت ، وكل شويه الرجال يعيد نفس الهدار حقه بس حسي مشو عنده جالس افكر ، في النضرة حق اقدار ، حسيت فيها شي غريب وكأن به شي هي فعلته وما تشتيش تكلمني به ، وصلت للجسر حق خمسه وربعين فكيت قيد الرجال وبعدت الشاش من عيونه ، وهو مفجوع بيبسر ومراعي ايحين شقتله ، فتحت الباب وقلت له انزل ، رحلك انت حر ، الرجال بيتلفت يمين وشمال وبيبسر نفسه في شارع خمسه واربعين ومشو مصدق اننا شا افلت له ، ونزل وهو بيقل شكرا لك يا اخي ووعد ما اكلم احد شي ، قلت له اذا ما كلمتش احد بشي شرجع لك لا داخل بيتك ، وقفلت باب السيارة ورحت لي ، وبنبسره من المرايه وهو واقف ومتركي عرض الصبيات وبيبسر لا عندي مشو مصدق ، وخطيت طريق الفله حقي ،اسير ابسر مرتي وبنتي ، وصلت وجدتي بتصلي ، كملت وسلمت عليها وقامت تحضني وهي فارحه وبتبكي لان بنتي رجعت وهي بخير ، قلت لها اين بنتي يا جده اشتي اشمها واضمها لا حضني ، قالت بنتك راقده عند مرتك من اول ما وصلت ، دخلت للغرفه حق المره ، وابسر بنتي وهي راقده جنبها ومرتي متركيه على يدها وبتمسح راس بنتي وهي بتبسرها ، اول ما ابسرتي قالت حيا بصوت منخفض قربت وحبيتها في راسها وجلست جنب بنتي من طرف السرير وبنمسح راسها وبنبسرها وانا بنبكي وبنبوسها ، وقلت للمره هيا مه كيف البنت وكيف قد صحتش ، قالت الحمد لله احنا بخير ، والبنت راقده من حين ما وصلت ، ذلحين قلي ما عاد فعلت انت وابي وهل عرفت سر الصورة ، قلت لها قد سدينا وايوه عرفت سرها ، بس مال بنتي ما صحيتش من نومها ،ونومها خفيف قوي اطرف حركه او صوت تصحى على طول ، قالت عادهي جت من صدمه وناس ما تعرفهمش لا تقلقش هذا طبيعي ، قلت لها خير يا مره ، ما في نفسش ما تشتي ، قالت اسلم الدكتورة وجدتي ما قصرنش معي ، قلت لها سابر ، وما دريت الا واخي بلال بيتصلي ، شليت نفسي وخرجت من الغرفه ،،،،
_هاه يا بلال لين وصلت ؟
_ بالاول يا بلال جى واحد شباب وخرج من عند الشيبه وسار لمكان صرافه مقفل ، وبعدا خرج ومعه رجال جريح ، وشله فوق السيارة وسار لا بيت في منطقة كذا ، وما عاد خرجش ..
_ هذا سليمان ، ايوه من باقي ؟
_ من سليمان يا اخي ؟؟
_ مش وقت شرجع افهمك يا بلال ،ذلحين قلي ما عاد فعلت ..
_ورجعت للبقاله حق الشيبه ، وجو لا عنده فوق ثلاث سيارات سود مصفحات ناس كلهم لابسين بدلات وما فيهم الا واحد لابس ثوب وشكله رعوي ، نزلو عند صاحب البقاله وقفلو البقاله ، وجلسو ما يقارب نص ساعه ، وبعدا خرجو جلست اراقبهم ، وصلو لا قرية حدة ونزلو الرعوي وابسرت الرعوي دخل بيت ولحقت السيارات طلعو للعشاش عند العماير السكنيه ودخلو هنيك ،،
_ قلت له خلاص الان جي لا عندي ، انا في الفله حق العمل ،،،

قفلت المكالمه وسرت للفله الثانيه ، خرجت الجهاز الاسود من جيبي وبنبسره واللمبات حقه بتومض ، وبنقلبه يمين وشمال ، بس لاول مره ابسر جهاز غريب كذيه ، وقلت طيب ليش اقدار ما سألتنيش على الجهاز ولا قالت لي خرجه ، قالت ان المخترع هرب بي وشل الجهاز لاجل اهدافه المبهمه ، وقالت خطف بنتي على شان يفعل عليها تجارب ، بس الحمد لله ان اقدار لحقتها ، طيب مالي ما سالتهاش من هم اللي قتلتهم في المجمع حق حده ، والف والف سؤال بيدور في راسي ، وصلت للفله وطلعت لا عند معتز ، دخلت الغرفه حقه وهو مخزن في الزوة وثلاثه لابتوبات قباله ، وراقد ، ابسرته وهو مخزن وراقد لما قرحت ضحكه، قربت لاعنده وصيحت ، معتز ،الرجال نكز وقام وهو ماسك الجنبيه في طرفه و بيصيح من هو مابه ..مابه ، اول ما ابسرني وقال هو انت يا جني ، جننتوني لا عاد خليتو ليلي ليل ولا نهاري نهاري قد كنت مفتهن فوق الباص حقي اتصايح انا والركاب قلت ماشي ، انا ضحكت وقلت له مالك ما تبعد القات وتخطي ترقد ، قال يا يمني فوقهن طعم يا جناه ، وبعدا معي حلم مهم ضروري احضره وانا مركز ، قلت له وزيد شل معك ماء وشقارة وببس ما ينفعش توصل للحلم وبه شي ناقص عليك ، وضحكنا الاثنين ، وبعدا قلي جابرني يا يمني ما فعلت وماهو العصيد اللي حصل كله واين زيد سار المخترع ذيه ، جابرته بكل شي حصل ، وهو كان يبسرني وهو مقعي وفاتح فمه ، كملت اجابره واقتلبت لا عنده وبنقله هيا ما رأيك يا معتز ، ومعتز فاتح للقفه ومطنن لا عندي ، ياااي وااا معتز .. من بنحاكي ، قال بتحاكيني انا لكن على سب استوعب كل الفلم اللي قلت لي عليه ، اشتي اخزن سبع مرات ، قلت له ما نفعل يا معتز ما يكلف الله نفساً إلا وسعها ، طرح يده في كتفي وقال ولا يهمك يا اخي انا معك لما يطير الراس هذا وقوى لك ان عادنت بحسك وما قد جننتش ، قلت له بما ان احنا بنحارب كل مفسد وطاغي فحنا قدهم بعون الله احنا مع القوي الكبير ، قال والنعم

الفن اليمني الاصيل

27 March 2024 17:14

__كل الي يسألو عن اختفاء الحلقات من اليوتيوب هذااا بيان من منصة Talfiz يارفااااق

الجمهور الكريم..

إشكالية بسيطة تواجهنا في قناة تلفز على اليوتيوب، والفريق يعمل من أجل إصلاحها في أقرب وقت ممكن.

يمكنك مشاهدة الحلقة السادسة عشرة والأخيرة من مسلسل ماء الذهب 🔸〽️على منصة تلفز 🔥👇

#تلفز_الآن
https://talfiz.com

أو يمكنك مشاهدتها مؤقتاً على قناة اليوتيوب لشركة دوت نوشن 👇🔥
https://youtu.be/phLo4OSiNNY

#تلفز #Talfiz
#ماء_الذهب
#دوت_نوشن #dotnotion

منقوووول

الفن اليمني الاصيل

12 April 2024 15:08

#يوميات_فاطمة

يتبع خرجة حديقة السبعين

المهم..الحديقه زحمه والشمس تحرق والجني متحمل الحبحبي
وقد التوتر والضبح عنده فل ....وماعاد بش لعنه في الكون الا وقد لعني انا وحموده ...ولعن نفسه الذي بيصدق..لقليلات العقول ......وانو جينا نعذبه في الحديقه ..قلت عذبت نفسك محد قال لك تشتري حبحبي وهو اتشنج ويشتي يرجمني به بس مسك نفسه ...وانا يبست 😂😂.. .قدنا ملببه من الفجيعه والعطش ....بندور ولا لقينا احد . .😡...رحمته . .....قلت اسكه ادي الحبحبي ..اعاونك 😩..قال ماعليش منه 😡😡😡 قلت اطرحه هانا لوما نرجع حرام ...محد يعسه.... قال ان بين اقل اسكتي 😡😡😡.......قلت في نفسي قد انت في حسابك الباري يمهل ولا يهمل 😂😂😂.. وانا ماعليا..بين ارحمه يتعذب ..والا يشلوه الجن ...المهم وانا بين اجابر روحي التفت يمين وشمال ومدري اين شلوه ....قمت اتصل...لخته الكبيره وهيه فيها الضغط وسكر وقديه حانقه ماعاد بتجاوبش ....كان اقل لبنها اين امك قال تعرفي ياخاله قدامنا لعبه وورانا لعبه وامي في الوسط وفوقنا جبل 😂...جبل مه جعلك العجم ...اتصلت للباقيات قلت جعلكن ازاله جين نلتقي للبوابه ....يتغداء اخوكن ويخزن يهداء ..حرقنا شمس .وكمل الوقت واحنا بندوركن ....قالين اين بوابه وجلست اشرح لهن ...كملت اجابرهن وانو بيتصل لي.. ...وانا ولاعاد سطيت اجاوب كان افعل له رسايل...وشكلنا كنا في نفس المكان ....المهم انا قدنا عد اخرج من البوابه ماسمعت الا حاجه قرحت ورايا التفت وانو الحبحبي ...حاول يستهدفني لكن نجوت بأعجوبه 😂😂😂😂😂.انتظروني ..عاد القادم اعظم
فاطمه علي

الفن اليمني الاصيل

11 April 2024 22:14

#يوميات_فاطمة

قلو اتفقنا في عيد ان احنا نسير حديقة السبعين انا واخوات زوجي
المهم قالت حموده نفعل غداء ونشله معانا
قلت ياحموده احنا بنفعل غداء يوميه ...نتغدا في المطعم ..حتى سنتوتش المهم نغير جو
قالت ابردي من اكل المطاعم خساره ...الذي عنصرفه على الغداء نصرفه وندلع ارواحنا ......وقامت تحيمشت وفعلت رز ولحمه وزحاوق
واختها اتصلت قالت مازد افعل قالت زد افعلي رز شكل الرز قليل
والثالثه قالت لها عليش الخبز والزبادي...وشلينا كعك وجعاله
وماء وتوكلنا ...وصلنا طرحونا انا وحموده والعيال باب الحديقه وسارو يدورو موقف لسياره واحنا دخلنا .....وان زوجي بيتصل اين انتن ..قلت في الحديقه 🤔...قال انا داري انش في الحديقه اينه .... ... قلت جنب شجره..😂😂😂..قال خيرت الله عليش بين اقل اين انتن
قلت جنب لعبة السلاسل
جلس شويه وبيتصل قال انا جنب لعبة السلاسل .. قلت وانا جنبها ..وهو كان يصيح اينه
قلت جنب صاحب البطاط😂😂😂قال مابتفعلي جنب صاحب البطاط😡😡😡قلت هو جنب السلاسل
وهو اعتجن ..وكان يصيح
اين انتن وبداء يتشنج ويغور . قال اين انتن من لعبة المقص ...قلت مابش هانا لعبت
مقص...انت في اي حديقه 😨..قلت لواحده اين لعبة المقص قالت في الحديقه الثانيه .🤔..قلت له انا ماسار بك الحديقه الثانيه ماتدخل من جنب الباب الذي طرحتنا عنده ..😡. .وان ...قدو بيلاعن ...قلت لحموده قد احنا بنتلاعن في البيت جينا نتلاعن في الهواء الطلق .ازقمي التلفون...جلسنا شويه وانو بيتصل 😨..قالت حموده ...... هيا مابه
.. .
وانو بيصيح جي للبوابه دخليني
قالت ليش ماعتدخل الا بي😂😂😂 .قال ماخلونيش ادخل الا بعايله ......سارت حموده تديه
وعاديه ضيعت البقعه ..ماوصلو لاعندنا الا وقد.صورته ماتطمنش ... قال يله غداء قدنا ميت جوع..قالت حموده اصبر لوما يجين البنات ...اتصلت لهن وان كل واحده دخلت من باب ..وكلهن ضايعات قال..لهن كل واحده تجلس بقعتها وانا عد اجي لكن ..وقال جي معي ...وبنتصل وندورهن ...وصلت قلت اشتري لي اي شي ابرد بطوني حما قتله مابسرته الا سار عند صاحب الحبحب....واشترى حبحبي كامل
قلت وهذا كيف عد اكله او اشربه ..حد يشتري حبحبي في حديقه ...قال انتي هكذا ما يعجبش العجب لكن الحجه عندي 🤔..واتشنج .وبز الحبحبي يشتي يرجمني به 😨..وانا نزلت بطوني وبعدا خطينا وهو متحمل الحبحبي 😂😂😂😂 بين شمس تحرق وبندور خواته وانا تحت التهديد اين ماكان تحاكيت تشنج ويشتي يرجمني بالحبحبي 😂😂😂😂😂
للحاكيه بقيه
😂😂.. انتضروني كان يوم حافل
فاطمه علي

الفن اليمني الاصيل

11 April 2024 22:12

#يوميات_فاطمة

يوم في رمضان سار زوجي يصلي ضهر ورجع يقلي قد عزمت جارنا الجديد مع مرته 😳..وانا شهقت شهقه لوما قامو الذي في البيت كله......قال مالش فجعتيني ...اعوذ بالله منش ....قلت عتخلينا نصوم ...وتخلي لنا حالنا ...رمضان للعباده مشو حق ضيوف ...اعبدي الله من منعش ...قلت تشتي تقتلني ...وهو صاح كيف اقتلش ...تقتلني عمل 😩😩😩..وانا قد بدت حموده مابه قلت عزم جارنا الجديد ..قالت شلوش بين اقل يعلم مابه وتشتي ترجع ترقد قلت ؤاحموده ومرته 😩..وهيه لطمت على وجهها وصاحت بغير جنان...ومرته 😱...قال زوجي ماعتفعل بكن مرته ..قلت عتجي تخرج خبرنا وتسمع بنا
قال للمه مالكن وماهو خبركن
قلت اعزم الف رجال ولامره عتجي تفحص البيت فحص ..😡.وتطلع فينا وفي عشانا الف عيب ..وهو صاح
الله يزكيني عقلي لاقوم اعجنكن اليوم عجين .....وكان يجنن لوما بهتنا ..دخلت المطبخ وكان ادعي على الذي عزمه واشاور روحي مشاوره وهو يصيح مابتقلي 😡😡😡😡....سار يتصرف ورجع واحنا بلعنه
..😩😩😩تشنج ورجمني بالدجاجه 😂😂😂...وكان يبتز ويطرح ...ووقعت حالة طورى
قلت لحموده ادخلي المطبخ وانا شاحمل امسح الجدر والطيقان وامسح الدرج واكنس الحوي 😩😩😩😩

المهم خليت البيت ساع القلص .. ......وكملت وحملت اعاون حموده جيت والصغاطه بتصفر قلت مافعلتي قالت كبسه
قلت لكن لي ساعه بين اسمع الضغاطه هو رز بسمتي ياحموده ...افتح الصغاطه وقد الرز ساع العصيد😩😩😩😩يوه حسبش الله ياحموده قالت مافعلش .. .....طرت اديت رز وقدنا متوتره.....وفعلت مره ثانيه ...جت عمتي بتفتح الضغاطات وانهن رز
رز معصود ورز...نيه ههه
قالت للمه هذا كله ومن عياكله جعلكن ازاله فعلتن نص القطمه
وجلست تحطم ....قلت الله يرضى عليكم ياعمه ششتري لش بالعسب حق العيد قطمه ههههه ......سكتت وخطينا نفعل حلايات ..قلت لحموده ...زد افعلي مكرونه وانا عد انزل اخبز....نزلت خبزت لوما عضلت ..😩..حسبش الله ياحموده ...عجنتي لعرس ...😭 ..وكنت اطرق ال اخبزه وادعي على الرجال ومرته ...... طلعت وقدنا بين احبي حبي اجي وقد حموده.... فعلت مكرونه وحرقتها ...... .. ابسرت وزاغ عقلي ما وقع بش ياحموده اليوم...😱😱😱..قالت شلوني.الجن الله ينتقمه رجال شكله دبور ...ولاسبر شي جعل العشاء سمه ... وقديه عتبكي قلت خلاص لاتبكيش... افعلي شعيريه ههههه و...ابعدي السابر وعنفعل المكرونه بالبيض ...فعلت نص الطبق علاسب تقع ملان الصحن ....بدت عمتي وقد المطبخ غابه.. 😒 ..وكان تتحكا ونقل عنشتري بدله ..ماسمعته الا بيدرس كان نحمل باقوى قوتنا نقلي السنبوسه ونفعل الشفوت ونخضب الحلبه .....ما حموده سمعته بيدرس وكان تبكي كيف المطبخ والمره عتضحك علينا
المهم مابسرت ابني الاطلع بمقلى سلته ....قال هذا اداه جارنا ..نزلوه مع الفطور مايفطر الا بسلته ...قلت بسلته قال ايوه فيه ضغط وسكر وقد وقع فيه جلطه ومننوع من كل شي ههههههه....نزلت الفطور ..وان قد زوجي بيداعي لنا
جت المره وحموده حملت تغلق المطبخ ودخلت رجلها في طاسه وارتجمت لاقاعة المطبخ وكتبدت . 😂😂😂 قلت ابزها ماعاد بش قوه .. وزوجي بيغور .....فلتها وحملت . ...انزل وقديه عجوزه زقمت بيدها..وانيه بتقلي ماعاد بين استضيش يابنتي 🤕 وحقي النظاره اليوم اكتسرت ..
قلتي جعلنا مكسر احنا السبب😩😂😂😂...بندعي عليش طول اليوم ....قالت ماهو قلت ...بندعي لش طول اليوم حن عتجي عندنا😂😂😂😂.دخلت لاعند حموده وهيه مقعلله وسط المطبخ..وجلست افحر جنبها ...😂😂😂😂... .اوبهو تتضيفو عند احد في رمضان
فاطمه علي ..

الفن اليمني الاصيل

02 April 2024 00:39

#يوميات_فاطمة


يوم في رمضان سار زوجي يصلي ضهر ورجع يقلي قد عزمت جارنا الجديد مع مرته 😳..وانا شهقت شهقه لوما قامو الذي في البيت كله......قال مالش فجعتيني ...اعوذ بالله منش ....قلت عتخلينا نصوم ...وتخلي لنا حالنا ...رمضان للعباده مشو حق ضيوف ...اعبدي الله من منعش ...قلت تشتي تقتلني ...وهو صاح كيف اقتلش ...تقتلني عمل 😩😩😩..وانا قد بدت حموده مابه قلت عزم جارنا الجديد ..قالت شلوش بين اقل يعلم مابه وتشتي ترجع ترقد قلت ؤاحموده ومرته 😩..وهيه لطمت على وجهها وصاحت بغير جنان...ومرته 😱...قال زوجي ماعتفعل بكن مرته ..قلت عتجي تخرج خبرنا وتسمع بنا
قال للمه مالكن وماهو خبركن
قلت اعزم الف رجال ولامره عتجي تفحص البيت فحص ..😡.وتطلع فينا وفي عشانا الف عيب ..وهو صاح
الله يزكيني عقلي لاقوم اعجنكن اليوم عجين .....وكان يجنن لوما بهتنا ..دخلت المطبخ وكان ادعي على الذي عزمه واشاور روحي مشاوره وهو يصيح مابتقلي 😡😡😡😡....سار يتصرف ورجع واحنا بلعنه
..😩😩😩تشنج ورجمني بالدجاجه 😂😂😂...وكان يبتز ويطرح ...ووقعت حالة طورى
قلت لحموده ادخلي المطبخ وانا شاحمل امسح الجدر والطيقان وامسح الدرج واكنس الحوي 😩😩😩😩

المهم خليت البيت ساع القلص .. ......وكملت وحملت اعاون حموده جيت والصغاطه بتصفر قلت مافعلتي قالت كبسه
قلت لكن لي ساعه بين اسمع الضغاطه هو رز بسمتي ياحموده ...افتح الصغاطه وقد الرز ساع العصيد😩😩😩😩يوه حسبش الله ياحموده قالت مافعلش .. .....طرت اديت رز وقدنا متوتره.....وفعلت مره ثانيه ...جت عمتي بتفتح الضغاطات وانهن رز
رز معصود ورز...نيه ههه
قالت للمه هذا كله ومن عياكله جعلكن ازاله فعلتن نص القطمه
وجلست تحطم ....قلت الله يرضى عليكم ياعمه ششتري لش بالعسب حق العيد قطمه ههههه ......سكتت وخطينا نفعل حلايات ..قلت لحموده ...زد افعلي مكرونه وانا عد انزل اخبز....نزلت خبزت لوما عضلت ..😩..حسبش الله ياحموده ...عجنتي لعرس ...😭 ..وكنت اطرق ال اخبزه وادعي على الرجال ومرته ...... طلعت وقدنا بين احبي حبي اجي وقد حموده.... فعلت مكرونه وحرقتها ...... .. ابسرت وزاغ عقلي ما وقع بش ياحموده اليوم...😱😱😱..قالت شلوني.الجن الله ينتقمه رجال شكله دبور ...ولاسبر شي جعل العشاء سمه ... وقديه عتبكي قلت خلاص لاتبكيش... افعلي شعيريه ههههه و...ابعدي السابر وعنفعل المكرونه بالبيض ...فعلت نص الطبق علاسب تقع ملان الصحن ....بدت عمتي وقد المطبخ غابه.. 😒 ..وكان تتحكا ونقل عنشتري بدله ..ماسمعته الا بيدرس كان نحمل باقوى قوتنا نقلي السنبوسه ونفعل الشفوت ونخضب الحلبه .....ما حموده سمعته بيدرس وكان تبكي كيف المطبخ والمره عتضحك علينا
المهم مابسرت ابني الاطلع بمقلى سلته ....قال هذا اداه جارنا ..نزلوه مع الفطور مايفطر الا بسلته ...قلت بسلته قال ايوه فيه ضغط وسكر وقد وقع فيه جلطه ومننوع من كل شي ههههههه....نزلت الفطور ..وان قد زوجي بيداعي لنا
جت المره وحموده حملت تغلق المطبخ ودخلت رجلها في طاسه وارتجمت لاقاعة المطبخ وكتبدت . 😂😂😂 قلت ابزها ماعاد بش قوه .. وزوجي بيغور .....فلتها وحملت . ...انزل وقديه عجوزه زقمت بيدها..وانيه بتقلي ماعاد بين استضيش يابنتي 🤕 وحقي النظاره اليوم اكتسرت ..
قلتي جعلنا مكسر احنا السبب😩😂😂😂...بندعي عليش طول اليوم ....قالت ماهو قلت ...بندعي لش طول اليوم حن عتجي عندنا😂😂😂😂.دخلت لاعند حموده وهيه مقعلله وسط المطبخ..وجلست افحر جنبها ...😂😂😂😂... .اوبهو تتضيفو عند احد في رمضان
فاطمه علي ..

الفن اليمني الاصيل

01 April 2024 04:46

انتبهو تغترو او الشيطان يعظم حبكم للمال ، لا تنسوش ان هذا حق الله ، ومن عيحيد منكم ويتبع الشيطان شحرمه من حقه ، وكل موسم اشتي منكم المعلوم حقي ، وكان رجال قوي وشديد وصارم في امره ، وجهاله بيخافو منه ويسمعو كلامه ، فبدأو يشتغلو كل واحد في حقه ، فكان الاثنين الاخوه الصغار شياطين ، كان يبيعو من محصولهم ، ويسرقو من محصول اخوهم الكبير ويدوه لا ابوهم ، فكان الاخ الكبير ، بيلاقي صعوبه في انه يدي المعلوم حق ابوه ، مع ان محصوله كان الاكثر بسبب كرمه وصدقاته ، ومرت الايام ومات الاب ، وعياله كان كل المحصول لهم ، الاخوه الاثنين الصغار كان يبسرو محصول اخوهم اكبر ، وثروته بتزيد ، مع ان كلهم متساوين في القسمه ، فقررو الاخوه الاثنين يمكرو ويفعلو على ما قلهم الشيطان ، قال الاخ الاوسط للاخ الصغير ، انا وانت عنفعل خطه ضد اخونا الكبير ، ونشل محصوله بدون ما يدري ، قال الصغير كيف عنفعل ، قال انت عتسير لا عند اخي الكبير وانت بتبكي ومتظلم اننا ضحكت عليك واغويتك واشتريت منك نصيبك ، وبعد ما اشتريت نصيبك طردك من عندي ، اخونا الكبير عيجي يراجعني وينصحني بس ما شسمعش منه ، ولانه رحيم عيرحمك ويقلك اشتغل عنده ومش بعيد يدي لك نص المحصول حقه ، وانت اثناء شغلك عتكون تسرق من محصوله لا عندي ، وكذيه بعد سنين اخونا عيفقر ونطرده من المزرعه وتكون المزرعه لي ولك ، الاخ الصغير قال فكره شيطانيه ،خلاص متفقين ، وفعلو ما خططو له ، ووافق الاخ الكبير يحتوي اخوه الصغير ويعيش من خيرات المزرعه ، بس الاخ الصغير كان يسرق من محصول اخوه الكبير ويشله للاخ الاوسط ، وكان كل شويه يدخل اخوه الكبير في مشاكل وديون ، لما فقر الاخ الكبير وكان يضطر كل سنه يزرع في مكان اصغر من اللي قبله ، لما وصل الاخ الكبير لأطراف المزرعه وبالكاد كان يوفر قوت يومه ، اعلن الاخ الصغير عن قرونه الشيطانيه واتضح للاخ الكبير ان اخوته كادو به وفعلو به كذيه بعد ما انهكو كل ماله وصبرة وقوته ،، وللان الاخ الكبير ما زال متمسك بيداته على تراب المزرعه تيه وقدهي صحراء قاحله ومش راضي يبيع قسمه لاخوته رغم جوعه وفقره ،،، ذلحين يا يمني ، انت داري ان الشعب هذا هو الاخ الكبير ،،،، اسمعني انتبه يسحبك الشيطان في طريقه وتضن انك في طريق الحق ، كل شويه الجئ لله وهو عيدلك على الطريق الصح وانتبه تزعل مني مهما حصل فكر في كل شي اكثر من مره قبل ما تصدر قرارك ، انا شنزل هنيه ) ، وطرحت في يدي مفتاح غريب وعجيب وقالت وقف السيارة ، قلت لها خليني اوصلش ، قالت خلاص وقف انا وصلت ، ونزلت ، وانا كملت طريقي ، ومستغرب من كلامها وليش بتكلمني كأنها بتودعني ، وليش قالت مزعلش منها ، وليش ما خلتنيش حتى ادي لها كلمة واحده ،وانا بنجابر نفسي ما دريت الا وتلفوني بيرن ...
_ حيا بحقي القمري كيف انتي يا مره والله ان قدنا فاقد لش قوي ..
_ حيا يا يمني فديت روحك ، ذلحين اسمعني ..
_ خير يا روحي مالش بتبكي وصوتش كذية ...
_ جي يا يمني للبيت البنت سلى قامت من النوم ، وواقفه قبال الجدر وبتهز راسها بطريقه غريبه قوي ، بنحاول اجابرها واسحبها بس ما رضتش انا مفتجعه قوي قوى جي يا يمني ...
_ ما قلتي ... كيف ... صيحي لجدتي تجي تبسرها انا الان متحرك لاعندكم ،،،

قفلت التلفون وطرحت رجلي على السيارة وكنت امشي وانا مغلق الطبلون ، وبنفكر في كلام زوجتي ، كيف قالت بنتي بتهز راسها وواقفه ، يعني بتفعل نفس الحركات حق اقدار طيب ليش واقدار قالت انها لحقتها قبل ما يفعل بها المخترع شي ، يو يالله لا عاد يكون اقدار فعلت ببنتي شي ، وما كرهن وصلت للفله . نزلت وطلعت جري ، وابسر زوجتي جالسه بتبكي في الارض وجدتي طارحه يدها فوق ضهر بنتي وبتحاول تجابرها وابسرت بنتي وهي واقفه امام الجدار وراسها مرفوع لسقف وبتهز راسها بنفس الطريقه حق اقدار ، على طول جلست على رُكبي للارض وقد دقنتي مبلوله من دموعي ،، ووصلتني رساله من اقدار ( كن كريم تُكرم ... وكل شي مقدر ومكتوب من الله ) ....

يتبع....
اتمنى ان الفصل الخامس من الروايه نال اعجابكم ، وكل متابع يقل رأية ، وان شاء الله نلتقي في الفصل السادس والاخير لرواية في بيتي ..

#في_بيتي5
#يمني2

#منيرالنقيب

الفن اليمني الاصيل

01 April 2024 04:46

#في_بيتي5
#يمني2 "البارت 16" والاخير من الفصل الخامس ....

خرجنا لا فوق السيارة ، قلت لا اخي بلال اتصل للخبره واديلهم الموقع حق بيت الرعوي ، يجو يشلو السلاح والمتفجرات من داخله ، قال حاضر ياخي ، بلال كمل اتصل ورجع يقل لرعوي ايوه يا عزي كمل قلنا ما عاد وقع الشجن قتلني ، والرعوي قال ، انا اول ما ابسرت اخي وابن عمي وصاحبنا ممددين وغارقين بدمهم اشتي انبع ابسرهم ، بس الرجال اللي جو كتفوني بالقوة وبنقلهم خلوني ابسر اخوتي ، وواحد منهم بيقل كيف تبسرهم وانت قتلتهم بسلاحك ، كنت اصيح بكل صوتي داخل المعهد ، وبنحاول اقاومهم وانا مكتف ، ما دريت الا بضربه قفى راسي لما فقدت الوعي ، صحيت وانا في غرفه ظلام مابش لها طاقة ، كنت ابسر ضوء خفيف من تحت الباب حق الغرفه ، وبنصيح ، ياااي ياخبره اين انا ، من انتو جابروني ردو عليا بحجر الله اشتي ابسر ما وقع باخي والخبره وبنزبط الباب الخشب حق الغرفه تيه صيحت لما شبعت بس محد سمعني جلست على رُكبي ويداتي وراسي عرض الباب وبنبكي ، وانا بنفكر هل معقوله انا قتلت اهلي صدق ، ولا هذا من افعال الجن طيب منهم الناس اللي حبسوني وبيقولو اننا قتلتهم انا ، ماشي .. ماشي ، مشو انا اللي قتلتهم ، وانا بنجابر نفسي وبنبكي مقهور وميت تعب بقعتي ما دريت الا وبه واحد في زوة الغرفة بيقلي ، يا مختار لا تحاولش ولا تتعب نفسك ، هولا بيتعاملو مع الجن وهم اخبث منهم ، انا على طول افتجعت ولتفت ورايا ابسر من هو هذا اللي بيجابرني وما دراه ايش اسمي ، بس الغرفة ظلام مقدرش حتى ابسر يدي ، سنبت وبنقل من انت ..من انت ؟ ما دريت الا وهو بيكح وبيتكلم بصعوبه ، اذا معك شوية ماء اديت لي ابل ريقي ، قربت دلا..دلا لا عنده وانا بنتعسعس في الهوى بيداتي وارجلي ، وصلت للجدر اللي في زوة المكان وبننزل يدي على الجدر ومسكت مسمار كبير ابو حلقة مثبت في الجدر وعليه سلسله مسكت السلسله ونزلت يدي وجلست واكتشف انهم مقيدين الرجال في تيه الغرفه بين الظلام مسكته من ضهره وهو بيسعل بقوه وبنقله من انت يا اخي وليش محبوس هنيه مافعلت ؟ قال انا صالح حسين .... قمت على طول من جنبه وقد سنبين شعر راسي وقلت له ممماههو ممن انت ؟!!! صالح حسين ... كيف لما ، وقدلك مختفي عمر وشلوك الجن لما نزلنا الكهف ، وقد صلينا صلاة الغائب عليك قصدنا اننت ميت طيب ليش انت محبوس هنيه لمه حبسوك عيال الكلب ؟؟ قال قلت لي من انا وقلت لك من انا اما ليش انا محبوس هنيه انت عتعرف من نفسك ، وهنيه عتحدد مصيرك توافق او ترفض واذا رفضت عيوضعو لك بقعه في الزوة الثانيه ويصلو عليك اهل القريه صلاة الغائب... ورجع يقول كلام غريب مفتهمليش وشويه يضحك ويداهفني من جنبه ، افتهم لي ان قد الرجال التذع له الفيوز وعقليته مشي متزنه ، قد جننوه عيال الكلب ،
رجعت اجابره بس ما كان يرد عليا ويتكلم مع نفسه بشكل سريع ولهجه مش مفهومه ، وكأنه بيتخيل اشخاص جنبه وبيجابرهم ، وكل شوية يكح ،، رجعت لا عند الباب بنرزوعه وبنصيح افتحو الباب ادو لنا حتى شوية ماء الرجال عيموت يا كمن هين ، بس محد رد عليا ، جلست عند الباب ورزحت ضهري عليه ، وكل شويه اجابر صالح حسين بس ولا كان يتجاوب معي ، شويه كأنه بيكلم ناس مهمين بلغه عربيه فصحى ، وشويه كأنه بيلعب مع جهال صغار ، كنت اتمنى اننا في كابوس ومنتظر ايحين عيكمل ، كان الثانيه مثل ساعه واليوم مثل شهر ، وانا جالس في غرفة ظلام مع مجنون ، ومشنا داري ليش محبوس هنيه وبنبسر لصالح حسين مراعي ايحين عيموت من كثر العطش وبعد يومين او ثلاثه ايام مشنا متاكد لان في تيك الغرفه ما تدراش ايحين الليل وايحين طلعت الشمس ، و الريحه في الغرفه قدهي شوعه قوي، صالح حسين كان يتبرز ويبول في مكانه ، وفوق هذا بنهم اخي وابن عمي واخو صالح حسين ، من قتلهم ، وكيف عتكون نهايتي ، كان باقي لي شويه واجنن ، ما دريت الا لما افتتح الباب حق الغرفه ،،،،،
لحظة ..ولو شا اقاطعك من هنيه مضطرين نغطي عيونك ، يا بلال غطي عيون الرجال ، وبعدا عنكمل المجبر معه ، الرجال قال لا تغطوش عيوني يا منعاه ، قله بلال ضروري وغطى عيونه ، وقع اتصال لا تلفون بلال ...
_ الوه ..هيا ما فعلتو ؟
_ خلاص قد نظفنا البيت وشلينا منه كل شي . وحتى المعابر اللي في الشارع شليناهن واخفينا اي اثر يدل على وجودنا في الموقع ذيه ..
_ حلو ، شلوهن للمخزن ، وكل واحد يرجع لمكان عمله ..
_ حاضر ..

اقتلب بلال لا عندي وقال تم الموضوع يا يمني ، ذلحين ما عنفعل ، قلت له اصبر لما نوصل لا عند عمنا وشرجع اجابرك ، انا قد في راسي موضوع واشتي اتحقق منه ، وصلنا للفله حق عمنا وطرقت اربع مرات وافتتح الباب ودخلنا ، قلت لبلال ينزل الرجال للبدروم ويدخله في غرفه ، ويدي له عشاء وكل ما يحتاج ويقفل عليه ، وانا طلعت لطيرمانه عند عمنا ، دخلت وهو مخزن في بقعته ،اول ما ابسرني قال ارحب يا يمني ، قلت له وريحهم ، قال وهو بين الريح هيا اجلس ، وقالي من وين تعرف الناس هولا وكيف لما وصلت لهم ؟ قلت مشو انت وحدك يا عمنا اللي

الفن اليمني الاصيل

01 April 2024 03:10

اسعد ربي صباحكم ، وخواتم مباركة ، طبعا قد دمجت اكثر من بارت في البارت اللي شا انزله اليوم بعد صلاة الفجر ، على سب الواحد يقراء لما يدوخ ويرقد ...
والحماس والتشويق اللي في البارت حق اليوم يخلي الواحد ملبب ، وخلاص عان الله وقربنا من نهاية الرواية ،،، والشي الحالي فيها ان كلها حماس من بدايتها لا نهايتها ... او ماقلتو ...؟

#منيرالنقيب
#في_بيتي
#يمني

الفن اليمني الاصيل

31 March 2024 03:20

صلاة الوتر
الشيخ الحافظ/احمد المطري

صنعاء جامع عدل
21 رمضان 1445هجري
31 مارس 2024م

الفن اليمني الاصيل

31 March 2024 03:01

التفت ، وبيدهفني بقوه لا عند الطاقه ويرجمني من الطاقه تيك من الدور الثاني للارض ، اقوم ابسر واننا ارتجمت لا تبه تراب ناعم ساع النيسه وقدنا خلف المعهد وعلى نهاية الحافه حق الجبل ، قمت بننفض نفسي وبندور البندق يمين وشمال وبين التراب بس ما لقيتش قمت وقربت شوية من حافة الجبل مكان ما نكع الحمار ، وابسر به خمس درج نزلت منهن ولقيت قبالي قفص مربع كبير ساع الاصنصير دخلت فيه ، وقلت انزل ابسر ما قد سرقو عيال الكلب ، ونزلت به، اول ما ضغطت مفتاح الاصنصير ونزل وانا مستغرب كيف اشتغل ومابش كهرباء في المكان ذيه ، وصلت للفتحه حق الكهف ، ودخلت وبنبسر به شموع كبار من يمين الكهف وشماله مسرجات على طول الكهف ، ودخلت وانا بنذكر الله ، وكان قد الضوء ضعيف حق الكشاف اللي معلق في راسي من بعدا ما نكعت ، خرجت تلفوني وقلت اتصل لا اخي وابسر ما قد فعلو ، خرجت التلفون ومابش تغطيه ، قلت امري لله ودخلت ، لما وصلت لا عند الصاله الدائريه اللي فيها تمثال الاسد الذهبي وسط النافورة وعند ال١٣ باب ، بس اول ما وصلت لقيت التمثال ما عدبش له وجود ، وناس لابسين حاجات ساع البوالط السود ومغطيين لريوسهم وجالسين قبال نار ، وساع اللذي بيعبدوها ، وبه فوق كل باب بومة ، انا اول ما ابسرتهم ، نكعت بطوني للارض وما عاد قدرتش حتى اتكلم ، وما دريت الا وبومه بتبسر لاعندي ، اجي اركز على الباقيات وهن بيبسرين لا عندي ، والناس اللي كان جالسين قبال النار قدهم مسنبين وبيبسرو لاعندي ، وكلهم بنفس الملامح ، ملامح صالح حسين اللي شلوه الجن في الكهف ذيه ، وفجأه كلهم هجمو لا عندي بسرعة قويه ، انا غطيت على راسي وبنصيح مادريت الا وبه ريح حاميه قوي دخلت جسمي ، وشلتني للهوى وتضربني للارض ، وما دريت بنفسي الا وانا واقف من جديد في الغرفه اللي دخل فيها الجاهل ، وانا ماسك البندق بيدي وابسر جثث اخي قاسم وابن عمي واخو صالح حسين ممدده قبالي وكل واحد غارق بدمه ، وجو ناس من خلفي لابسين بدلات وبسلاحهم ، كتفوني وقالو ليش قتلتهم ،،،،،
لحظه ..لحظه يا عزي ، معي اتصال ..
_ هاه يا عمنا بشر ايش حصل ، لقيت اصحاب السيارات اللي قلت لك عليهم ،
_ ايوه يا يمني وصلت للممجمع حق الشقق السكنيه ولقيتهم ، وذلحين قد شليتهم معي ومتحرك طريق الفله ،
_ خلاص يا عم وانا شتحرك الان نتلاقي هنيك ، خاطرك ..

ابسرت لا عند الرعوي وقلت له دخلتنا في عالم ثاني ، ذلحين قوم معانا وعنكمل المجبر ، قال اين عتشلني ، اخي بلال قام مسك بيده وقله قوم ، وشلينا الرعوي وخرجنا من بيته ...

يتبع....

#في_بيتي
#يمني

#منيرالنقيب

الفن اليمني الاصيل

30 March 2024 15:04

مباشر من قلب البنك المركزي من مؤتمر اصدار العملة الجديدة
الفئة ابو ١٠٠ ريال عملة معدنية سوف يتم تداولها من يوم الغد.

الفن اليمني الاصيل

29 March 2024 22:56

ومكنتني ....وكان تقرا ايات على بني اسرئيل وتتشنج ....وانا يابسه بقعتي وتيك الممرضه قالت تعالي من هذا الباب الدكتوره توترت خلاص وهربتني
خرجت قال...زوجي هيا ماقالت.لش
قلت قالت انا يهوديه 🥹🥹🥹🥹

فاطمه علي

الفن اليمني الاصيل

29 March 2024 22:55

#يوميات_فاطمة

اصدقائي ومتابعيني الكرام
نصيحه مني اوبهو تودفو..ساعي وتسافرو المانيا ....بلاد من حق الجن ..قلو بزيت عيالي ..وسافرت المانيا....هكذا صنفت وبدون اي مقدمات مابسرتني الا في مطار المانيا..وصلت لاهاناك وذكرت
ان انا ماستأذنتش من زوجي ...🥹😱..قلت يوه شلوني ماجنن بي كان عد احاكيه ان انا ..نا ويه اسافر وحسيت بالندم والخجل والفجيعه قمت بين اراسله ييه انا ودفت وسافرت المانيا ...قال حرام مارحت لش..قدنا داري .. .....قلت افعل بي ماتشتي بس سامحني ...قال لما خليتش تندمي على اليوم الذي فكرتي فيه تسافري .😡قلت قدنا نادمه ... ياجناه والفعله😭😭😭😭.. اين اسير ...وجلست افكر مافعل وذكرت جارتي ماعتنقذني الا هيه ..لفيت المانيا ...
على زغط زغط..😂...بين ادورها ...ولا لقيتها ...كان ابسر المانيا واقل شلوش بلاد .. برد وثلج وناس محد بيحاكي احد اعوذ بالله ...وبعدا وصلت لامكان الذي بيجلسو فيه اللاجئين ...وجلسونا مع ناس خيرات وكل واحد معه سرير ...وبه صجه وجنان امنت بالله ...قلت ذلحين مايرقدنا بين هذا الجنان ... وكنت ...اتخيل غرفتي وسريري في صنعاء ويزيغ عقلي 🥹..وجلست اعدد ومن كثر مابكيت لببت وحسيت بالعطش ...فتشت شنطتي ولا به ريال ..قلت الحراف بعدي بعدي حتى هانا في المانيا.😭 .. ...وذكرت ان معي عشره الف تحت السرير في صنعاء
مابعد ا كنت ابكي بطول الصوت ...كان يقلو مالش قلت رزق حارم لظالم ذلحين قد سار يخزن بها..😭😭😭..مابسرت
الا رجال جالس في جبا قدو قاعف من البرد ومغطي عليه الثلج بيأشر لي...وبيمكني حبه جنيه ذهب وبيقل هذه حقش ..طننت قلت ايحين معي حبه جنيه ...🤔..شليتها وابسرت واحده صينيه.شكلها مودفه ساعي .. مكنتها الحبه و قلت..لها جبرش اشتري لي ماء قد لقفي يابس
سارت اشترت لي صحه ...قلت لها اين الباقي ...قالت مابش باقي الصحه الماء هانا بجنيه..ذهب 😱😱😱😱وووانا زادات حسرتي وقلت يوه والفعله سلام الله على اليمن ...الوايت بعشره الف..بس بيجلس معانا اسبوع بكله .. حرام ان احنا في نعمه .🥹...وعيالي كان يصيحو ...ماء ماء وكنت اشرب الواحد غر ملان الغطايه حق الصحه قلت اخولها لوما اروح...🥹
كان احس هم العالم كله فوق قلبي... ضايعه تايهه في بلاد موحشه ..احساس بالندم عيقلتني ...ياساتر والودافه من قل لابي اسافر المانيا...وافلت بلادي ... وجلست ابكي بحرقه ا😭 ..ماسمعت الا صوته زوجي 😱 😭...وانا يبس لقفي وكان ارتعش بكلي واشتي اشرب في الغطايه حق الصحه ونكعت القاروره ..😭😭😭😭🥹...واستكب الماء....وانا اغمي عليا واقتطع نفسي وشهقت شهقه و سنبت ..😳.ابسر وان انا مسنبه فوق سريري ...وزوجي..بيبسرني وقدو ساع المفجوع ...كان اقله وانا بين اضحك ...اين انا 😂...قال 😳..اين ماشتيتي وفتح الباب وهرب ...😨...مابسرت الا عمتي فتحت ..قالت مابه .😨وانا افتهنت ونبعت لاعندها .وهيه صفرت ...وكنت اضحك اين انا .🤣🤣 انا في صنعاء والا في المانيا ...قالت 😨..في المانيا.🤣🤣🤣 ..قلت ماشي انا في صنعاء 😂.وحضنتها .وهيه اغمي عليها ..
😂😂😂😂😂..
فاطمه علي

الفن اليمني الاصيل

27 March 2024 23:41

بالله ، وبعدا اعتقد ان قوتنا وخبرتنا زادت بمعرفتنا باقدار ، وانت ضروري تجلس مع اقدار يا معتز عتفيدك قوي ، قال ايوه انا يعجبني البعساس وضروري اقابلها ، وما درينا الا وبلال دخل للغرفه وجلس ، وابسر معتز وهو مبحشم ، وقال مخزن لا ذلحين يا مدبر ، انا قلت تصدق يا بلال انهو كان راقد وهو مخزن ، وجلسنا نضحك شوية ، وقلت لبلال هيا نتحرك للقرية حق حدة لا عند الرعوي وادينا الموقع لمعتز يراقبه ويدي لنا اي معلومات عن المكان ذيك ، وطلعنا فوق السيارة انا وبلال وتحركنا ، ما دريت الا وتلفوني بيرن ،،،
_ هااه يا عمنا اامر ..
_ اين انت يا يمني وما عاد فعلت بالرجال ؟ واذا كملت عملك جيت لا عندي للفله حقي ،
_ الرجال فلت له على ما قلت لكم ، وذلحين شا اسير للقريه حق حدة معي واحد اشتي اقابله ، واشتي منك يا عمنا تسير لشقق السكنيه الجديده اللي في العشاش عتلاقي ثلاث سيارات مصفحات ، اشتيك تبسر ماهو خبرهم ،
_ قال ابشر الان متحرك وشا اقلك بكل جديد ،،
قفلت المكالمه ، وما دريت الا ومعتز بيتصلي ،،،
_هاه يا معتز ..
_ يا يمني نسيت الجهاز الاسود عندي
_ يا عيبااه .. هيا خليه عندك وانتبه تبعسس فيه
_ مابش اين ابعسس فيه الجهاز الغريب هذا ،،
_ يلاه سابر كان خاطرك ،،،

وصلنا للبيت حق الرعوي ، ونزلت انا وبلال بندقدق والبيت دورين ما درينا الا ورجال بدي من الطاقه في الدور الثاني بيصيح من ..من انتو ، قلت له انزل نشتي نجابرك ، ما درينا الا لما خرج البندق من الطاقه وبيرمي علينا ، اخي بلال نبع يحتمي خلف السيارة وانا ارتزحت لا عرض الجدر جنب الباب ، وبدأ اخي بلال يرمي عليه ، انا على طول زبطت الباب ودخلت للبيت ، ودخلت والدور الاول كله فاضي مابش فيه اثاث طلعت لدور الثاني وبنخطي دلا ..دلا من الدرج وانا ماسك المسدس في يدي ، طلعت لدور الثاني واول غرفه كانت امامي كان كلها سلاح ، ومتفجرات ، قربت لديوان اللي كان بيضرب علينا رصاص منه ، دخلت وهو بيتشاقر لطاقه وهو ممدد وبيضرب على اخي بلال لشارع ، دخلت لا عنده ودسعته في راسه وقلت له فلت سلاحك قبل ما اطاير راسك ملان المكان ذيه ، على طول فلت سلاحه كتفت يداته لا خلف ضهره وهو ممدد ، وبنسمع اهل الحاره خرجو وبيسالو بلال مابه ماهو ضرب الرصاص ذيه ، قال مابلا شويه سرق ابسرتهم وهم يشتو يشلو السيارة وضربت عليهم ، قالو لبلال وانت من انت ، قال ان ابن عم جاركم واشر للبيت حق الرعوي ، انا رفعت الرعوي لطاقه وقلت له قول ان اللي نازل ابن عمك وقل لهل الحاره مابه شي ، الرجال قال خلاص يا ابن عمي قد سارو وانت جيت من البلاد حامي ما بلا رصاص ، وبلال قال هولا سرق كان فما رأيك ، والرعوي قال لهل الحاره المعذرة منكم يا رجال فجعناكم تيه الساع ، هيا اطلع يا ابن عمي اطلع ، بلال ابسر لهل الحاره وقلهم المعذرة منكم ودخل البيت ورد الباب ، رجعت جلست الرجال وقلت له من انت ، وقبل ما تجاوب ، ادري اننا مشنا فاضي لاي هدار واذا به اي كلمه ما عتعجبنيش ما عتكملهاش الا وقد قرحت راسك وانت اخبر ، الرجال كانت ملامحه تاعبه وباين عليه مضغوط قوي وقده ضابح ، ضحك وقلي لا تدقهاش عليا رجاله وانت شكلك كلب من كلابهم , كل شويه يرسلو لي واحد ، وكل يوم يشلوني بقعه ، انا تعبت واذا انت ادمي اقتلني وخلصني من الجحيم اللي انا فيه ، طبعا الثقه في كلامه خلتني مطنن ومستغرب ايش قصده لما قال انا كلب من كلابهم ، ومن كلامه افتهم لي انهم بيضغطو عليه يفعل شي او يخبي شي وقده ضابح ، واخي بلال طلع وهو موجه السلاح لا عند الرجال اشرت لبلال ينزل سلاحه وانا جلست وطرحت سلاحي في الارض ، وقلت له انا مشنا كلب انا ادمي ، وانا مشنا تبع احد ، انا مع الله ، قلي ماهي قصتك ،وفي ايش انت متورط وماهي كل الاسلحه تيه والمتفجرات اللي في بيتك ؟ الرجال استغرب وقلي يعني مشنت تبع عصابة الفرنسيين ؟!!
قلت له ايش من فرنسيين ، ايش قصدك ، قال اسمع يا اخي مشنا داري ماهي نيتك او تبع من انت ، بس بنبسر في عيونك نخوه وعزه وشرف ، وانا شا اجابرك بكل شي ، لاننا تعبت ، قلت له تكلم ، بس قبل ما تتكلم راعي ، وقمت فكيت قيده ، وقال اسمع يا اخي ، انا من همدان قريه جنب قرية الذفيف ، و قبل ست سنين واحد من اهل القريه نكع عليه الحمار في حيد هاويه في طرف الجبل جنب قريتنا مكان بنرجم فيه القمامه ، قلت له ايوه ، قال وصاحب الحمار تمدد وقرب راسه يبسر لين نكع الحمار حقه واتفاجأ ان به مكان في نص حافة الجبل والحمار نكع لا هنيك وعاده بيصيح ما قد مات ، وانا عاقل القريه وجى بيجابرني ، وسدينا انهم يربطوني بخيط وانزل للحمار ذيه واربط الحمار واهل البلاد يرفعوه ، ولما نزلت لا عند الحمار اكتشف انه به فتحه على شكل عقد في وسط الجبل ، استغربت كيف محد قد ابسرها او تكلم عنها طول الوقت ذيه ، واستغربت ليش الحمار ما دخلش من الفتحه تيه وجالس ينهق في بقعته وهو متوجع ومفجوع ، المهم طلعنا الحمار ،وطلعت ، وسرت جابرت الفقيه حقنا ، وسدينا يوم ثاني ننزل انا والفقيه وخمسه من اهل

الفن اليمني الاصيل

27 March 2024 18:19

بيان
الجمهور الكريم

يسر شركة دوت نوشن أن تعلن عن توصلها لاتفاق مع #قناة_المهرية، يقضي بعرض الموسم الثاني من مسلسل "ماء الذهب" عبر شاشتها وقناتها على اليوتيوب، وذلك ابتداءً من يوم السبت الموافق ٢٠ رمضان.

وبهذه المناسبة السارة، تود عائلة دوت نوشن وأسرة مسلسل "ماء الذهب" أن تعبران لكم عن امتنانهما وسعادتهما البالغتين لما غمرهما من دفئ مشاعركم النبيلة والصادقة تجاه كل فرد إجتهد وكان خلف هذا العمل، مؤكدة في الوقت ذاته على استمرار عرض حلقات الموسم الثاني من المسلسل عبر منصة تلفز.

بفضل الله وتوفيقه، وبفضل دعواتكم ودعمكم وصادق أمانيكم، سنستمر سويًا.

دوت نوشن تتمنى لكم مشاهدة ممتعة وخواتم مباركة.

#تلفز
#ماء_الذهب
#دوت_نوشن

الفن اليمني الاصيل

26 March 2024 11:30

من جلود ضهورهم ووصلتو للقمه وبدوسو على كل احتياجاتهم بكل غشامه وغباء ، ركنتو على الشيطان وقصدكم ان قوتكم الهشه عتستمر ، نسيتو ان الله اكبر وفوق الكل ، ولا بد ما يوصل نوره وينتفض الشعب هذا ويمسح بكرامتكم تحت ارجله ، انتو وشيطانكم اللي بتتبعوه ، تكلم وقلي ما عاد تعرف سريع ، قال به جهات خارجيه مكنت واحد من جماعتهم المندسين وخلوهم يسيطرو على كل شي ، بحجه انهم مع الشعب ، بس في الحقيقه هم تبعهم وضد الشعب ، قلت من هم هولا اللي بيهددوك وماهي اهدافهم ، اقدار قالت من عيكون يا يمني ، اكيد الشياطين اللي من خارج البلاد تيه وللي لهم مصالح في كل لحظه يجوع فيها يمني ، ولا تنسيش ان حرب الصومال كلها للان هي مختلقه من شوية تجار تبع الالماس ،اكتشفو نهر فيه الماس في الصومال واذا خرج كل هذا الالماس لسوق اكيد سعر الالماس عينقص ، انت متخيل يا يمني بيعذبو ويقتلو وينتهكو ويشردو شعب كامل على شان ما ينقصش سعر الالماس ، وطلع الالماس اغلى من ارواح الناس ، فلا تستغربش على السبب اللي مخلي لبلادنا كذيه ، لو نعرف الاسباب عتطلع حقيرة وما تستاهل الذكر ، بس خلاص الشيطان اعمى صوابهم واتبعوه بجهل ، فما عاد همهم طفل يخاف او ام تموت بسبب مرضها لان ابنها ما قدرش يعالجه واب يموت قهر من العجز اللي البسوه قبال عائلته ، هولا كل هدفهم انهم يخلو الناس يعبدو الرزق وفعلاً قد شبعنا بيعبد الرزق ، من حين ما يقوم لما يرقد وهو بيهم كيف يدخل رزقه ولقمه عيشه حتى لو خدع وظلم وغش المهم يدخل الرزق ، خلو الناس ينسو ان به حرام وظلم ، ومن يفعل كذيه يعتبر ذكي وناجح ، رجعت اقتلب لا عند الرجال وقلت له هيا جي بعدي اخرجك من هنيه ، الرجال افتجع وقال ماقلت عتخرجني من هنيه ، مااشي ..ماشي لا تقتلنيش انت تشتي تقتلني ، قلت له انا كلمتي كلمه وانت قلت لي اللي تعرفه فهذا ثمن حريتك ، ومسكته من ذراعه وبنخرجه خارج الغرفه وهو بيبسرني ومستغرب وخايف ، واشرف واقدار بيبسروني وهم مستغربين ، خرجت انا والرجال من الغرفه ، وعمنا اشرف واقدار خرجو بعدي ، وعمنا مسك يدي وغمز لي ،بياشر لي هل انا شا اخرجه من صدق ، انا اشرت لو احد من رجال اقدار وقلت له يغطي عيون الرجال ويخرجه لا فوق سيارة ، مسك الرجال وخرجه ، وقلت لعمنا واقدار ، ايوه شا اخرجه لان موته ذلحين ما عيفيدنيش بشي ، قد قال كل شي نحتاجه ، وذلحين شا افلت له على شان يرجع يجابر اللي فوقه بكل شي فعلته معه ويقلهم من هو يمني واننا اقدر اوصل لمن اشتي ، وذلحين بما ان احنا مسكنا اصبع من اصابع القبضه ، فاللي بيديرو اصابع القبضه عيدورو على طول على بديل يعتمدو عليه ، ومن عيكون البديل في الساحه واللي هيبته وصلت لكل لسان في عالمهم ، اكيد عيكون انا ، ومن هنيه عنبدأ لعبتنا ، ولا تنسوش ان احنا مسيطرين عليه وماسكين حباله ، وعلى ما اعتقد ان اقدار قد زرعت داخله شي من اختراعاتها تقدر تعرف مكانه في اي وقت ، عمنا ابتسم وكان يخبط بيده على كتفي وقال ايوه هذا يمني اللي اعرفه واللي يفكر للبعيد ، واقدار ابسرتني وهي مبتسمه ومشيت من جنبنا ، وانا خرجت على طول لا فوق السيارة اللي فيها الرجال ....

يتبع...

#في_بيتي
#يمني

#منيرالنقيب