الفن اليمني الاصيل

15 September 2026 23:22

قنوات مهمة ومميزة في التلجرام🔥👌

kسام ميوزك
/channel/+VZE56V6tQZ4hA4wQ

kأسعار الذهب وصرف
/channel/+UzdbaRxU4lsMhaQd

kقصص مميزة
/channel/+PWnpOoEFPIhNC6ak

kروايات يمنية
/channel/+Ecxq_OzMYh40M2E0

━☆

الفن اليمني الاصيل

09 September 2026 21:04

قنوات مهمة ومميزة في التلجرام🔥👌

kقصص مميزة
/channel/+PWnpOoEFPIhNC6ak

kروايات يمنية
/channel/+Ecxq_OzMYh40M2E0

kأسعار الذهب وصرف
/channel/+UzdbaRxU4lsMhaQd

kسام ميوزك
/channel/+VZE56V6tQZ4hA4wQ

━☆

الفن اليمني الاصيل

05 September 2026 20:39

تنوووويه للأعضاء الكرام

اشتي أقل لكم اني مش أنا الكاتب/منير النقيب أنا بين انقل لكم الروايات حقه من حسابه الشخصي من فيس بوك
هذا توضيح عشان المصداقيه وعشان مايحصل سوء فهم او شي او تقليل في حق الأخ/منير النقيب
وسبق وان قد اتكلمت في هذا الموضوع من قبل

وتحياتي واحترامي لكم

الفن اليمني الاصيل

05 September 2026 14:32

المحتجزين ..
وقفت سيارتي في مكان بعيد من مكان الحادثة ، وطلعت مع صاحب متر ، سرت للفلة الي كان فيها لطفي ، فتحت الفلاشة وكان فيها ما يقارب ، خمس مية مقطع فيديو ، والي ابسرته يشيب الراس ، وكلهن مقاطع يتم بثهن في النت المظلم ، حق الناس الامراض نفساً ، الي يبسر قتل اشخاص بطرق مجنونه ، او اغتصاب عجوز ، او تصوير ثلاثه او اربعه مجانين ، وهم فوق رجال كبير في السن ، ولقطات للاتجار بالاعضاء وغيرها الكثير ، قمت رسلت للخمسه الارقام الي شليتهن من تلفون صاحب التكس ، اسمعو كل الي حصل في المشفى ما يعتبر شي امام التسجيلات الي معي ، وبه ناس مهمين قوي ، مصورين ، لو انشر عتقتلب الموازين كلها ، معاكم لساعة تسع الليل ، وابسر لطفي عندي ولا انتو اخبر ...

ومنتظر وانا بنقلب المقاطع والساعة تسع الليل تلفوني رن من رقم غريب ..

-الووو ..من معي ..
سمعت صوت مره
-ايوه تصدق انا معجبه بعقليتك وشجاعتك ، ولو لا اعجابي بكل الي عملته كنت كل نص ساعة برسلك قطعه من جسم صاحبك لطفي ، بس صاحبك طلع شهم ورافض يكلمنا اي شي عنك ، وحتى تلفونه قام بتكسيرة قبل ما يتم القبض عليه ..
-اهاااه يا مرحبا بالزعيمة والراس الاكبر لكل هذا ..
-اسمعني انا ما يمشيش معي التهديد وكل الي سويته في المشفى ما يهمنيش ، بس المقاطع الي معك ، اشتيك تسلمهن للمكان الفلاني في خلال نص ساعة ، وصاحبك لطفي ، عتلاقيه في الفلة الي تم اخذه منها في خلال نص ساعة .. واسمعني انا قادره اخفيك من على وجه الارض ، انت وكل اهلك واهل صاحبك ، في لمح البصر ، ولا تفرح بالترند الي انت مسويه ، بس برجع اقلك ، انت اثرت اعجابي بالي سويته وبعقليتك ، فلذالك اعتبر ان سكوتي هدية مني لك ...

وقفلت الخط في وجهي..
قمت خرجت من الفلة وانتظرت في مكان بعيد بنراقب ..

ومابش عشرين دقيقه وصلت صالون سوداء وقفت امام الفله ونزل لطفي منها ، والصالون مشيت ، ولطفي دخل للفله ، انتظرت عشر دقايق وجيت من خلف الفله وطلعت من السور ودخلت لا عند لطفي ، وقدهو مضروب وفيه اثار تعذيب ، قمت شليته وخرجنا من الباب الخلفي للفلة ..
وتلفوني رن من نفس الرقم حق الزعيمه ...
-الووو
-عشر دقايق والفلاشة تحطها في المكان الي قلت لك عليه ...

وقفلت في وجهي ..

انا قد سويت نسخه للفلاشه ..وخبيتها ، طرحت لطفي في العيادة واتصلت لاخوه يجي عنده ، وسرت طرحت الفلاشة في المكان الي قالت عليه ، وكنت اراقب من بعيد من عيجي يشل الفلاشة ، وشفت السيارة الكهربائية البيضاء حق الزعيمة وقفت ، ونزلت بنفسها شلت الفلاشة ، وما حسيت الا بخبطه في خلف راسي لما فقدت الوعي .

انتهى#
#للأيجار5
#منيرالنقيب
#منير_النقيب

الفن اليمني الاصيل

05 September 2026 14:25

-ايش يقرب لك الشيبه ..؟
-اخي اسمه احمد هو اخي يا ابني قد القبيلة كلها قلبت عليهم الدنيا
-اسمع يا اخي اشتيكم تجو وانتو مسلحين لا صنعاء عنلتقي في جولة عصر في الستين ..
-ولمه نجي مسلحين يا ابني ما بتقل كلامك غريب ..!
-يا اخي باختصار اخوك وزوجته تم خطفهم من عصابة جو لستين انت وكما قدرت وبسلاحكم ، ولما توصلو شا افهمكم كل شي .. وانتبه تبلغ بالموضوع ..
حسيت الرجال عقلة كبير وبيسايرني في كلامي مسايرة وقال
-حاضر تمام يا ابني ، ساعة ونلتقي لا جولة عصر .. وانت ايش اسمك ، ومن اين انت ..؟
-لما تجي يا حج شا اقلك خاطرك ..

وجالس منتظر فوق سيارتي وبنتابع مقطع الفيديو الي نشرته البنت ، واصحابي ما قصرو ، وانتشر الفيديو بشكل كبير وقده ترند ، هجوم مسلح على احد المنازل واختطاف صاحب المنزل من قبل جماعة مجهوله ...

يتبع...



#للأيجار4
#منيرالنقيب
#منير_النقيب

الفن اليمني الاصيل

04 September 2026 18:15

قلت لها حلو لو نوصل للفلاشة هذه ، عنقلب الموضوع رأي عام ، وهكذا عيتم انهاء العصابة على مسامع الناس كلهم ، انتي الان تكلميني اين مكان الغرفة هذه وخلي الباقي عليا ..

قالت يا مجنون لو ترجع للمشفى ، بعد الي حصل ويكتشفو اننا هربت ، عيقتلوك ومش بعيد ذلحين قالبين الدنيا عليا ..
قلت ذلحين ادخلي نامي وارتاحي ، وبكره عنكمل كلامنا ، خرجت من الشقة وطلعت شقة اخي وجالس طول الليل اتواصل مع خبرة ، ومشهورين بنسال لو انا اشتي خبر يطلع رأي عام ايش اسوي ، بس الكل بيسال ايش الموضوع ، والكل بيخاف ويقلك مش كل خبر يطلع الا اذا كان بالصدفه ولا صاحب الخبر بيروح في ستين داهيه ...

طرحت التلفون ورقدت قد اهلكني العملاق صاحب التكس ، وما قمت اليوم الثاني الا على اتصال صاحبي لطفي ..
-هاه لطفي ..
-ياخي المدبر هذا شغلني ابغى موية ابغى اكل ، وانا مابش معي حق حبه شقارة ..
-ههههه شويه واجي بالغدا والاكل ،ولا يهمك يا لطفي
-ادي نص ذبيحه للجني هذا ما عيملي بطنه قلي ..
-خاطرك يا لطفي

قفلت التلفون ، وفتحت الفيس على خبر ضياع اثنين شيبات رجال وزوجته قد به اكثر من منشور على الخبر هذا واركز على الصورة واكتشف انهو الشيبه الي وصلته هو وزوجته للمشفى ، قمت من مكاني وبنبسر صورة الشيبة وبنقرأء منشور انهم ضايعين قدلهم ثلاثه ايام .. لما دخن راسي ...

يتبع...

#للأيجار3
#منيرالنقيب
#منير_النقيب

الفن اليمني الاصيل

04 September 2026 18:15

غطيت على وجهي بالشال وطرحت المسدس في يدي وخطيت طريق التكس ، قربت منه وهو منزل الفريم ، وبيشرب دخان ، وصلت فتحت الباب على طول ، ووجهت المسدس لا راسة ، قلت له اسمع قلدني الله لو تتحرك لا اطرح ابوها في راسك ويا قاتل يا مقتول ..

قلي بلهجة سعودية مكسرة ، ويش تبى ..ويش تبى .. وقد بيقرب يده للخانه حق المدكى يشتي يخرج المسدس ، طرحت المسدس في جبهته وبندهفه ، وقلت انت بتسمعني والله لا اقتلك ، انبع للكرسي الثاني سريع ، قال طيب ..طيب حاول تهدأ .. من انت ويش تبي مني ، قلت بنقلك انبع ، اول ما نبع للكرسي الثاني طرحت ركبتي على الكرسي حق السواق ودخلت فتحت الخانة ، حق المدكى ، وفيها مسدس ومركب فيه كاتم صوت ، الرجال كان جثة ومليان ، عملاق ..
شليت مسدسه ، طرحت مسدسي في خصري وعشقت مسدسه ، قلت ترفع صوتك او تفعل اي حركة شقتلك ولحد عيسمع شي ، قال يا اخي تبى فلوس بعطيك اي شي تبيه خذه ، تبي المسدس خذه ، قلت مش وقت تبي وتبو هذه الساع بنقلك اهدأ ، قربت منه وفعلت له خبطه بقفى المسدس في راسة قصدي انهو عيدوخ على طول مثل ما بنبسر في الافلام ..

بس الرجال مسك على راسه ، ودهفني بيد لما كان عيرجمني لا خارج السيارة ، وفتح الباب الي عنده ويشتي يخرج من السيارة ، وانا نبعت امسكه من الفنيلة الي لابس لها ، وانا بنقول سرحتك يا منير جيت تهازر العملاق هذا لو يفعلك لكمة لا تجلس مدوخ ثلاثه اشهر ، وقد قلبي بيدق قوي وانا بنتهازر انا وهو ، ويدي الي فيها المسدس مخبي لها لا خلف ضهري ، وقد بنقول ذلحين عيشل عليا المسدس ، ويطفحني ..
ما دريت الا لما جت البنت من الباب الي عند الرجال ، وضربت له ابره في كتفة ، الرجال اقتلب ودهفها لما رجمها للارض والابره اكتسرت في كتفة، وجالس بنتهازر انا وهو ، وقدنا من داخلي بنقرح بكاء باقي شوية ودايلة المسدس واقله افعل مشتيت يا مدبر انا تعبت ...
، ما دريت الا والرجال بتقل المقاومه حقه ، وعيونه بتغمض وفقد الوعي ، خرجت من السيارة وفيني فرحة ما يعلم بها الا الله ، بنبسر هل قد به احد من الحاره سمعنا ، ومابش احد جريت لا عند البنت ، وبنقلها ما بينش ...؟!
قالت ولا شي ، قلت لها يلاه ادخلي هاتي امش واختش وجي سريع هذه سيارتي ، قالت عيقتلونا ..عيقتلونا ، قلت لها اصه مش وقت الهدار هذا افعلي الي قلت لش ، قالت حاضر ..حاضر..
وجريت لا بيتها ، وانا قربت السيارة حقي لا جنب التكس ، وسرت اجحبل الرجال ، وبالقوه قدرت اطلعه للخانة حق سيارتي ، كتفته وربطته بالشال حقي وكان معي حبل في الخانة ، ونبعت لا فوق سيارته شليت تلفونه من الدعسة حق السواق ، وكان التلفون مفتوح ، سجلت ما يقارب اربعه الى خمسه ارقام وكان منهن اراقام سعوديه ، فتحت قائمة البرامج الحديثة ومعه برنامج لونه اخضر وازرق ، وكان فيه رسايل بكل تحركاته واين عيسير وما يفعل صورتهن بتلفوني ، كملت وطرحت التلفون فوق التكس ، وامنت التكس وطلعت فوق سيارتي ، خرجت البنت مع امها واختها ، ومعاهن ثلاث شنطات ، وطلعين فوق السيارة ، وانطلقت من الحارة تيك ، والبنت بتبكي مع امها واختها الصغيرة ، قلت لهن خلاص لا تخافين ولا شي ، والبنت قالت صاحب التكس عيتواصل معاهم ، ويدرو اين احنا ، عيقتلونا ..عيقتلونا .. قلت لها اصه ، لا تجننينيش ، قدنا ميت تعب وضهري عيكتسر من الثور هذا وانا قد ورطت نفسي معش ومشنا داري من انتي او ما قصتكم ، لكن ذلحين ما عدبش معش حل الا اننتي تمشي بعدي ، قالت حاضر تمام انا بعدك ، واسفة حين دخلتك في هذه المشاكل ..
وصلت لا بيتي انا واخي المزوج البيت ثلاثه ادوار ، دخلت للحوش واتصلت لا اخي ينزل ، وقلت للبنت كم مدة المخدر الي ضربته لرجال ،قالت ليش قلت لها كلميني وبس ، قالت من ساعتين الى ثلاث ساعات اذا محد فوقه ، قلت يلاه انزلين ودخلتهن في الشقه الي انا عايش فيها ، واخي نزل كلمته ان هولا اهل واحد من خبرتي هو ساكن في عدن ، واهله وصلو بهذا الوقت عيجلسين عندنا لا بكرة لما استاجر لهن فندق ، قال تمام ، قلت له انتبه يخرجين ..؟ قال اين عيخرجين هذه الساع ..؟! قلت المهم خلي باب البيت الرئيسي مقفل ، قال ما يسبرش قلت افهم يا اخي ، قال وانت اين عتسير قلت معي عمل اكمله وشرجع ، قال سابر ، قلت للبنت لا تتكلم بشي ، واذا نزلت زوجة اخي تقول انهن من عدن واخوهن صاحبي ، وخرجت ..
اتصلت لصاحبي لطفي ، واحد من الجن ، جالس في فلة بيحرسها ، واكثر الوقت بنخزن انا وهو فيها ، قلت له شوية وشوصل لك افتح لي البوابه ادخل السيارة قال يا منير خليها خارج ما فيني من قام ، قلت له ضروري قال سابر ، دخلت السيارة للحوش حق الفلة وقلت له هيا جي شل معي ، وفتحت الخانه ، اول ما ابسر الرجال مكتف قال اعوذبالله وهذا من هو يا منير هيا ما قد به للجنان حقك ..؟!! قلت له مش وقت جي ندخله للبدروم ، وبعدا شا اجابرك ، قال ما يشل الثور هذا بكله منينه اديته يا منير ، قلت يا لطفي كيف منينه اديته سعم اننا اديت لك هديه ، شل معي ، دخلناه للبدروم وسط غرفة وهو مربط ، وقفلنا

الفن اليمني الاصيل

03 September 2026 21:30

عند الباب ، ومابش خمس دقايق ، ووصلين ما يقارب خمس سيارات اخر موديل ونزلو منها كم من مرتاح ، كان يوصلو بأوقات متقاربه ، ودخلو للمسشتفى ، ومابش نص ساعة ، وخرجو كلهم ، وفي الاخير المره صاحبت السيارة الكهربائية ، شغلت السيارة ومشيت ، وانا شغلت سياراتي قلت اراقبها ، ما دريت الا لما نزلت الممرضة الي كتبت لي الرقم ،نزلت بعدهم على طول ، وسنبت باب المستشفى ، وصل لا عندها تكس ، وطلعت معه ، قلت الاحق الممرضة وخلاص ، وصلنا لصافية ، ونزلت البنت والتكس مشي شوية وجنب منتظر ، البنت اول ما دخلت البيت فعلت لي رسالة ..(اذا شفت رسالتي رد عليا برسالة ) ..رديت عليها ( ايوة موجود ، من انتي وايش الي بيحصل ومابه داخل المستشفى هذا ..؟) ردت عليا ، (انا الان في بيتي ، معي بس نص ساعة ، وارجع للمستشفى ، بيتي في الصافية ، عتقدر تمر لا عندي الان بس انتبه به صاحب تكس بيراقبني ..) رديت عليها ( على فكرة انا امام بيتش ، ومراقب لش من المستشفى لا هنية ، وليش صاحب التكس مراقب لش ..؟ ) ..
اتصلت لي اتصال ..
-الوووو ، سمعتها وهي بتبكي وتقول
-ايوة معك يا اخي اسالك بالله انت جنب بيتي ..؟!
-قلت ايوه ليش مابه خير ..؟
-لك الحمد ياربي لك الحمد يالله ..اسمعني انا اول ما امشي اشتي منك خدمة ، امي كبيرة في السن ومعي اختي الصغيرة عمرها عشر سنوات ، اول ما امشي انا والتكس اشتيك تشلهم ، وتستاجر لهم في بيت ثاني ، وامي عتجيب لك الفلوس قد فهمتها بكل شي .. لو تسمح يا اخي
-قلت وليش هذا كله وكيف استاجر لهم ليش مابة ..؟!!
-انا وامي واختي مهددات بالقتل ، وانا بنشتغل معاهم وبنسوي كل الي يشتوه على شان ما يقتلوش احد كون افهم ..
-ايش افهم وانتي ليش ملزمة ترجعي للمستشفى جي معانا وخلاص ..! وكيف مهددين لكم بالقتل ..!!
-كيف اجي معك وصاحب التكس هو منهم ومعه سلاح يمكن يقتلنا كلنا ..
-اسمعي انتي مالكش دخل ، انا شتصرف معه انتي اتجهزي انتي واختش وامش ، عدشلكن الكل ...
وقفلت الخط وهي بتقل ماشي ..ماشي الله يحفظك ماااشي...

عشقت المسدس وطرحته في خصري فوق العسيب ، ونزلت طريق صاحب التكس...

يتبع...

الليله عنكمل القصة ، اصبرو كل ما اكمل اكتب بنشر على طول لما نكمل القصة ...



#للأيجار2
#منيرالنقيب
#منير_النقيب

الفن اليمني الاصيل

01 September 2026 06:23

اين الممرضين والدكاتره ..؟؟!! اين الموظفين ، وانت مالك مبهرر ، اين الناس ، قال وهو متوتر ، هااه ..هاااه ممممابش احد ، لو تسمح اخرجو وشلها مستشفى ثاني ، قلت كيف مابش احد مستشفى طويل عريض ومابش احد ، ورجعت اصيح ، ياخبره معانا حالة مستعجله يااااايه ، والحارس قال ، بنقلك يا اخي سيرو مستشفى ثاني مابش احد هنية ، طرحت يدي على كتفه ودهفته شويه يبعد من امامي ، وجالس بنصيح ، والحارس مسكني وبيقل يا اخي انت بتفهم بنقلك مابش احد ، قلت له انت اخبل ، انا لاول مره ابسر مستشفى فاتح ومابش فيه احد ، كنتو عتقفلوه ، وبعد يدك لا اكسرها ، وقربت لدرج بنصيح لا طالع ، ما دريت الا لما نزل دكتور لابس بالطو ابيض ونظارة ، وعمره في الخمسينات ،وقال خير يا ابني مابه ..؟! قلت له معانا مره نكعت من الجباء وفيها كسور ، والمسوم هذا بيقل مابش احد في المستشفى ، ابسرت الحارس وقدهو مصفر ، وقال لدكتور والله انهو ما رضي يفهم بنقله مابش احد مابش احد ، وهو جالس يصيح وبالقوة دخل ..؟ انا استغربت من الحارس ومن كلامه ومستغرب ليش خاف لا هذه الدرجة وبيحاول يبرر دخولنا للمستشفى ...!!!! والدكتور قلي اعذرة يا ابني ، عاده موظف جديد ، وبهرر لا فوق الحارس قله ارجع مكانك ، وبعدين شا اوريك عملك ، ومشي معي للغرفة ، وبيفحص المره وزوجها جنبها ، وانا واقف عند باب الغرفة ، وبنقول لدكتور هيا ما بينها ، قال اصبر خليني افحصها ، قلت لشيبة خليك جنب زوجتك وانا شرجع ، رجعت بندور يمين وشمال اشتي حمام ، قد شقرح شواخ ، ومابش ولا حمام ، ومشتيش ارجع اسال الحارس المسوم هذا عيقلي مابش حمام اخرج شخ خارج ، طلعت لدور الثاني ، وانا بنشم عطور كأننا دخلت قاعة اعراس ، وكان تصميم المستشفى هذا غريب ، غرف وممرات ساع المتاهه ، وصلت وبه باب قبالي فتحته ، ولقيت ممر كبير وطويل امامي ، وفيه غرف في اليمين والشمال ، مشيت وانا بندور حمام او لوحه تدل على مكان الحمام ، فتحت غرفة ، ولقيت داخلها ، خمسة اطفال اعمارهم ، من الست سنوات الى التسع ، جالسين فوق كراسي ، طارحين يداتهم على افخاذهم كلهم بنفس الحركة ، كأنهم مش حقيقيين ..! وكل واحد بيبسر الثاني ، قلت لهم من انتو وما بتفعلو هانا وحدكم ، بس ولا واحد رد عليا او حتى ابسر لا عندي ، ساع المبنجين ووعيهم مش موجود، قربت من اول واحد مسكته في كتفه وقلت له اين باباه يا بطل وما بتفعل ..؟! بس ما رضيش يجاوبني او حتى يبسرني ، وانا قد الشواخ ضايقني قوي ، قلت لهم اصبرو شويه وشرجع لكم ، ابسر ايش قصتكم وقصة المستشفى الغريب ذيه ، خرجت من الغرفة وبنمشي في الممر وابسرت لوحة حمام في الغرفه الي نهاية الممر ، وانا ماشي ما دريت الا لما افتتحت باب غرفة من خلفي على يميني ، وخرجين منها ما يقارب ثمان بنات في العشرينات من اعمارهن ، منهن فاتشات وممكيجات ومنهن ملثمات والبوالط حدث ولا حرج كأنهن خرجين من قاعة عرس ، وبيتكلمين ويضيحكين بيناتهن البين ، وماشيات طريق الخروج والنزول من الدور الثاني ، وانا ملتفت بنبسرهن سكته ، رجعت بنمشي بسرعة طريق الحمام ، دخلت الحمام ، وقضيت حاجتي ، وانا بنفكر في الاطفال ، والبنات هولا ، طيب ليش مابش احد في المستشفى ، وماهو هذا كله به حاجات غريبه قوي ، كملت وخرجت من الحمام وانا ماشي بنفكر ادخل الغرفة الي خرجين البنات منها ، ما دريت الا لما افتتحت غرفة ، على يساري ، وابسر ممرضة لابسة بالطو ابيض ، صغيرة في السن يمكن ما قد وصلتش العشرين من عمرها ، مسكتني وسحبتني للغرفة وقفلت ..
قلت لها مالش ..! مااابه يا اختي سحبت يدي منها وقلت فلتي لي ..قالت وهي بتبكي ومفجوعة ، لو تسمح رحلك من هنيه ، حاول تخرج من المستشفى سررريع ، ومسكت يدي ومعاها قلم ، وكتبت رقم في كف يدي ، وانا مطنن مشنا مستوعب ايش الي بيحصل ، قلت لها ماااابه لا تقرحوليش فيوز هنيه ...؟؟!!!! قالت مابش وقت بنقلك رحلك ، واتصلي على الرقم هذا وانا شا افهمك ، انا فدالك يا اخي ما عدبش امل قبالي الا انت ، اسالك بالله تنقذنا من هنيه ،وانتبه تكلم احد انك شفتني ...! وفلتت للي وخرجت من الغرفة وهي بتجري ، وانا مطنن بقعتي بنبسر لرقم الي في كف يدي ..
خرجت من الغرفة اشتي اصيح لها توضح لي مابه ، والبنت اختفت ما عدبش لها وجود ، رجعت بنصيح وبنفتح الغرف ابسر في اي غرفة دخلت ، رجعت ذكرت الغرفة الي فيها الاطفال ، مشيت طريق الغرفة ، ما دريت الا لما طلعو ثلاثه عسكر موجهين السلاح لا عندي وبيصيحو وقف مكانك ..وقف مكانك ومسكوني ...

يتبع...

#للأيجار١
#منيرالنقيب
#منير_النقيب

الفن اليمني الاصيل

28 August 2026 11:56

وبعدها بيوم ، سمعنا بموت شخصية مهمه ومشهوره قوي في اليمن تمت تصفيته داخل بيته مع كل المرافقين الي معه ، ولقو جثة مره والكل ، بس ما تمش التصريح عن هويتها ...

انا استمريت انا وخبرتي ، وبننجز مهمه بعد الثانية ، كبرت الناس الي بيشتغلو معي اصبحنا قوة ضاربة ، وباقي ما يقارب نص الخطط الي حصلتهن داخل الصندوق ، وبعد سنتين ، وانا في روسيا ، خرجت من البيت الي ساكن فيه ، وطلعت سيارتي ، ولقيت ظرف فوق الكرسي فيه نفس الرمز ، فتحته سريع وانا بنتلفت يمين وشمال ومكتوب فيه ( منير كنت واثقه انك با تحقق كل الي سويته .. شكرا لقبولك العمل مع نفسك ...دخان).

انتهى#
#دخان5
#منيرالنقيب
#منير_النقيب

الفن اليمني الاصيل

28 August 2026 11:56

وصلت لا بعد مطعم نجوم الشام واتصلت لعثمان ...
-عثمان انا شا اهون واشتيك تمشي قبالي لا بعد جسر دار سلم وانتظرني
-حاضر من عيني ..

وصلت لا شارع الخمسين ووقفت الباص ، وشليت الظرف ابسر ما فيه ، فتحت الورقة ، مكتوب فيها ( بعد ما تخبي الباص ، سير للبيت الي جيت لي فيه وانا لقيتك ، ادخل من الحوش وعتلاقي حمام منفصل بعد بيت المحراس ، ادخل الحمام ، وخلف الباب ، عتلاقي مراية ابعدها عتلاقي صندوق اسود شل الصندوق وارجع .. وبعدها انتظر مني اتصال ، اذا لقيت احد في البيت ، يا اما تقتله او هو الي با يقتلك ...)
طرحت الورقة وقلت ايوة يا منير والهدار ، انا ابسرت طقومات عسكر ماشيات طريق البيت ذيك ، كيف لو وصلت وبه عسكر ما شفعل ..؟!
عثمان اتصلي وقال منير انا منتظر بعد الجسر حق دار سلم ، قلت له شوية واكون عندك ، وصلت لا عند عثمان ووقفنا في مكان مابش فيه احد ، وحملنا الدباب حق اخوه ، كملت وقلت لعثمان يتواصل مع طلال يبسر ما فعل ويرجع للمقر حقنا ، وانا شليت الدباب ، وسرت اخفي الشوايل مكان ما اخفيت الشنطة الي شليناها من البنك ، وقلت شا اسير لا بيت المره وحدي مشتيش اورط احد من خبرتي ، وصلت على الساعة ثنتين وعشرين دقيقة ، وصلت وبنراقب من بعيد مابش لا سيارات ولا به احد جنب البيت او حوله والبيت كله طافي ، مشيت من بعيد لا خلف البيت ، وطلعت من فوق السور للحوش ، وصلت للحمام وخلف المراية لقيت الصندوق وكان شكلة غريب قوي ، ورجعت لا نفس المكان واخفيت الصندوق ، وصلت للحارة الي فيها المقر حقنا ، وابسر ثنتين صوالين سود مدرعات ما شيات من جنبي وهن مغلقات طبلون ، وبنسمع ضرب رصاص ، طرحت رجلي على الدباب ذيك ، ولحقت الصوالين ، وصلين لا قبال المقر وجنبين ونزل من فوقهن ما يقارب سته اشخاص مسلحين ، وكان قد به صالون مجنبه قبال البيت من قبل ، وبيضربو رصاص على البيت ، ما عاد دريت مفعل ، نزلت من فوق الدباب سريع ، وبنبسر عادهم مشتبكين مع خبرتي ، وبنبسر واحد متمترس فوق الجباء وبيرمي عليهم ، قلت اكيد هذا محمد ، حاولت اتصلهم بس محد بيرد عليا ، بدأت اضرب عليهم من الخلف ، وهم ارتبشو ما توقعوش ان به احد عيجي من الخلف ، وبنبسر قد منهم بيرتجمو للارض ، محمد كان يقنصهم قنص ، ثلاثه بنشتبك معاهم ، وابسرت الباقيين اقتحمو البيت ودخلو ، للحوش ، وما سمعت الا انفجار قنبلة لما طلع الغبار ملان الشارع ، صيحت بكل صوووتي ، عثمااااان ياااااعثمااان ، وانا بنجري وبنرامي بالمسدس حقي ، واطرحت رصاصه في ذراعي لما نكع (سقط)من يدي المسدس وقلت خلاص هذه قدهي النهايه ، ما سمعت الا بضرب رصاص من خلفي ، ثلاث طلقات لا اكثر وابسرت الثلاثه ارتجمو للارض كان تطرح الرصاصة في الراس او الوجه ، اقتلب وابسر المره وهي بالبالطو ، ولابسه فوقها واقي لرصاص ، وقالت منير انت بخير ..؟ قلت ايوه ، قالت اوقف وخليك بعدي ، دخلنا للحوش وبنبسر الجثث مراجمات وبنصيح بكل صوتي يا عثمان يا محمد يا طلال ، وسمعت محمد من راس الجباء بيصيح سعليك يا منير كلنا بخير ، قالت البنت ، الان يا منير قل لصحابك يخرجو من البيت ، ويكسرو تلفوناتهم ، دخلت سريع وهي واقفه في الحوش ، قلت لهم اخرجو من البيت سريع ، وتنطلقو للبيت الي قلت لكم ، نختفي فيه في حال حصل شي او عرفو موقعنا وكسرو التلفونات وخلوهن هنيه ، وانا بنجابرهم ما دريت الا والبنت خلفي ، قالت منير هيا انت جي معي ، قلت لها اين عنسير ..؟! قالت مابش وقت ذلحين بنقلك جي بعدي ، قلت لعبد الحق شل قلافدك ، وعنتواصل بالتلفونات الجداد تمام ، قال تمام ...
خرجت وطلعت مع البنت فوق سيارتها ، وقد بنحس اننا بنسوم والدم بيخرج من يدي ، والبنت بتسوق ، وفوق حضنها لابتوب ومدري ما بتبعسس فيه ، قلت لها من انتي ومن هم هولا وكيف درو اين موقعنا ، قصدي انهم تبعش ..!!
قالت ماشي هولا تبع الشخص الي دخل الفيروس ، عرف بالموضوع ولاحق بعده لما عرف القواطر تبع منهن ، وصح انك ذكي خليت صاحبك طلال ينتحل شخصيه تاجر واسم جديد ، بس كان معك ثغره في احد زياراته لتاجر هذا احد الكيمرات صورت ملامحه ، اما كيف عرفو موقعكم ، عرفوهن يوم ما تواجدتو في بيتي ، واكثر ما زعلهم انك غيرت الشنطة ، قلت لها طيب من هم هولا وانتي تبعهم او ماهو الخبر ...؟! قالت اسمع انا موجوده في اليمن اكثر من خمس سنوات وقد فعلت عمليات ومهام اكثر مما تتخيل ، طبعا مذكرش من انا او ايش اسمي او من اهلي ، كل الي اذكره ، اننا اسمي معاهم دخان ، مذكرش اي شي الا اننا بنشتغل تبعهم من قبل تسع سنوات ، وكان اي شي يقولوه كنت افعله ، للان ما عرفت من هم ، بس من سنتين ، ساع الي جمعت حسي ، وكان اي خطه اعرفها عليهم كنت اقوم بافشالها بدون ما يعرفو ، لا يوم ما لقيتك انت ..

الفن اليمني الاصيل

28 August 2026 04:28

جمعتكم مباركة ❤️

كملتو تقرو البارت الرابع من رواية #دخان
البارت الرابع يعتبر أطووووووول بارت نزل إلى حد الان من بين الروايات كلهن

متشوقين تقرو البارت الاخير 🔥🔥

الفن اليمني الاصيل

26 August 2026 08:43

الووو الووو عبد الحق بتسمعني ..الووو اجي أبسر لتلفون وان التلفون طفي كمل شحنه ، وجلسنا منتظرين في الصحراء تيك وسط البرد ، ما يقارب ساعتين وربع ، واحنا متمترسين منتظرين اي غريم يضهر ، ولقينا الضوء حق الحراثه ، كا علي يشغل الضوء خمس ثواني يبسر الطريق ويطفي ، على شان محد يتبعه او يعرف مكانه ، وصل وحفرنا بالحراثه في التراب ذيك ما يقارب ١٥ متر ، نزلنا العلاج ، وقلت لعلي يدي البترول الي معه ، وولعنا حرق العلاج لما رجع رماد ، وبدأنا ندفن ، كملنا ، قلت لعلي يلحقنا ب الشيول ، يمشي بعدنا واحنا فوق الشاص ، لما بعدنا من المكان بكلة ، نزلنا من فوق الشاص ، ودفنا الشاص بالتراب وطلعنا كلنا فوق الحراثة ، ومشينا بها من طريق محد قد مشي منها ، وبعد ثلاث ساعات ، وصلنا لا مكان ما تقدرش الحراثة تمشي منه ، ونزلنا وكملنا رجل ، وصلنا على الاسفلت الساعة عشر الصباح وقد اكلتنا الشمس اكل ، شلينا السياراة حقنا الي جهزها علي من جنب الشقة ورجعنا صنعاء ، اول ما وصلنا للبيت .. وصلتني رسالة واول مره توصلني رسالة لتلفون من البنت هذه ، قلت يا عبد الحق وصلتني رسالة من الرقم الي بتتصلي منه البنت ، قال اخيرا غلطت ، الان احسب لي ساعة بالكثير واحدد لك موقعها وكل تحركاتها ، قلت انا فدال قلبك يا عبقري ، جيت اقراء الرسالة ، ومكتوب فيها (مبروك لانجازك المهمه الثانية .. انتظر مني اتصال ، ابلغك بمعلومات المهمة الثالثة ، شكراً لقبولك العمل معانا )...

وشوية واتصلي حسين واحد من المراقبين الي طرحتهم عند الارضية مكان الشنطة ...

-هاه يا حسين او احد جى يشل الشنطة ..؟!
-ايوة يا منير .. وصلو فوق ثلاث سيارات صوالين سود مدرعات ، ونزل شخص مشو يمني لابس بدله ، ومعه مرافقين بسلاحهم وكلهم اجانب وعمالقة ، ودخل هذا الشخص وحده يشل الشنطه ورجعو فوق السيارات ، ولاحقتهم ، والغريب في الموضوع انهم تحركو طريق المطار على طول ، وعلى فكرة نزلو كلهم من فوق السيارات ، وجلست اراقبهم انا وسعيد ، الي خليته يراقب معي وللان منتظرين جنب المطار بس ما قد اقلعتش اي طايرة ..
وهو بيكلمني سمعت صوت الطايرة ، وحسين قال يا منير الطيارة اقلعت ..
-قلت كيف الخبر هذا يعني ما قدرناش نوصل لشي .. يالله حلها ، منهم الجن هولا ... ورجعت اجابر نفسي ، ذلحين عيدرو ان الشنطه الي معاهم تغيرت ، يعني انا ودفت انا واهلي وكل من اعرفهم وفي الاخير ما قدرتش اوصل لحد .. وانا بنجابر نفسي ، ما دريت الا وحسين بيقول
-الووو..الووو منير بتسمعني ..؟!
-ايوه يا حسين ، خلاص انتظرو عندكم لما يجو الناس الي عيشلو الصوالين ويخرجوهن من المطار ، تلاحقوهم وتعرفو لي اين عيسيرو ..
-حاضر تمام .. افتح الواتس عندك ، قد رسلت لك صور ومقطعين فيديو ، صورت الرجال الي شل الشنطه والمرافقين الي معه يمكن ينفعنك بشي ...
-انا افدي قلبك يا حسين اشهد لله انك رجال والواحد يركن عليك ..
يلاه افعلو الي قلتلكم عليه
-حاضر يا عم منير ولا يهمك ...

قفلت الاتصال وفتحت الواتس على طول ، وبنبسر الصور والفيديو ، فيهن صوره واضحه لملامح الرجال والباقيات مش واضحات ، قلت يا عبد الحق ، شا ارسلك صور ومقطعين فيديو ، اشتيك ترفع الدقه حقهن ضروري، قال رسل وخلي الباقي عليا ..

خرجت للحوش بنتصل لا ابي واهلي اطمن عليهم ، كملت ودخلت وعبد الحق قال يا منير الان رسلت لك موقع التلفون الي بتتصلك البنت منه ، قلت له اسالك بالله ..!! قال عيب عليك اخوك حررريف ، كان عثمان ممدد وعلي في الحمام ، قلت لطلال ومحمد يجو معي وخرجنا فوق السيارة على طول للموقع الي رسلة عبد الحق ، وصلنا لا بيت فيه حوش في مكان منعزل مابش جنبه بيوت ، ومابش حتى اضاءة ، قلت لمحمد ينزل يبسر الدنيا من خلف البيت ، وطلال ، قلت له ينزل يتمترس في اي مكان قبال البيت ، وانا فوق السيارة شليت المسدس ، وقلت شنزل وادخل على طول ادقدق الباب ويا بها يا عليها .. ما دريت الا لما افتتح الباب حق سيارتي وطلعت البنت ركبت في الكرسي الي جنبي ، وقالت ، اتصل لصحابك ينسبحو وامشو من هنيه سريع ، المكان هذا مستهدف ، قلت اين يمشو انتي والجنان حقش ، يلاه قدرت اوصلش ..؟! قلت منير اسمعني رجائاً انا معك مش ضدك ، والجماعة اكتشفو اننت غيرت الشنطه ، وفي اي لحظه عيهجمو على البيت هذا ، قلت لها طيب وانتي معاهم او ماهو خبرش ...؟! قالت مش وقت الان امشي ، ووصلت سيارة لا جنب سيارتي نزلت البنت ، وابسرتني وقالت ، انا سويت لك الرساله على شان توصل لا عندي ، امشي وشتصلك ، وطلعت فوق السيارة الثانية ومشيت ، وانا اتصلت لطلال ومحمد يرجعو ، وتحركنا من جنب البيت ، اول ما وصلنا للاسفلت ، شفنا خمسه طقوم بعسكرهن دخلين وماشيات طريق البيت ، روحنا واليوم الثاني اتصلي.

الفن اليمني الاصيل

26 August 2026 08:43

خروج او دخول اي شخص لليمن ، الدجاجه عيصبح سعرها لمن استطاع لها سبيلا ، عيحصل موت بميات الالف خلال سته اشهر فقط ، وعيتم نشر ان هذا اخطر فيروس واجهته البشرية ، شويه ويبدأو يستهدفو العالم العربي كله ، يعني باختصار الفيروس هذا اخبث من الصواريخ النوويه بكلها ، انت متخيل معي كم مزارع وكم راعي والاجبان والحليب والسمن وغيرها من المنتجات الي من الحيوانات ، عتنتهي في لمح البصر ، انت متخيل معانا ، ايش معنا عيعزلونا من العالم ، بعد ما يعلنو انهم ما قدروش يبسرو حل او علاج لهذا الفيروس ، عنكون ساع افلام الزومبي الي قد شفناها من قبل ... وبعد ما يوصلو للهدف الي يشتوه ،عيتم نشر انهم لقو علاج للفيروس ومنعو من انتشاره في خلال اسبوع لا اكثر ، مثل الفيروسات السابقة ، لكن اثر هذا الشي عيأثر علينا لسنين طويلة جداً ، والكوارث الي عتحصل عقلي ما يقدرش يحصرها لكم ...

عثمان جالس على ركبه وفاتح لفمه وهو بيسمعني وقال وهو ضابح عيقرح ، عيال الكلب لمه بيفعلو بنا كذية ما يشتو مننا ، ما بنفعل بهم ...؟! قلت له هذا طبيعي يا صديقي ، احنا موجودين هنيه في حرب بين الشيطان والانسان ، فتوقع اي شي من الشيطان وقومه ، قال طيب من هو ابن الحر... الي وافق يدخل هذا الفيروس للبلاد ، قلت له العدو مش ضروري يكون اجنبي ، العدو عتلاقية بيتكلم نفس لهجتك وبياكل نفس اكلك ، ويبين لك انهو بيحب البلاد هذه اكثر منك ، بس الباطن اخبث مما تتخيل ، طلال قال طيب وما عنفعل نجلس نتفرجهم ، ضروري من حل قبل ما ينفذو الخطة هذه ، قلت له ، في الملف موجود موقع الهنجر حق مهربين الدخان ، حوش كبير متواجد في صحراء في مارب ، اسماء اصحاب الهنجر متواجده معانا في الملف ، واسماء التجار الي بيشترو منهم الدخان ، والخطة كالاتي ...

المهمة الثانية ...

طلال استخدم معارفك ، وبا تتعرف على احد التجار الي بيتعاملو مع المهربين هولا وبيشلو دخان منهم ، على اساس اننت تاجر جديد ، وتشتي تشتري دخان من المهربين هولا ، عنستأجر ثنتين قواطر ، وعنطلع مارب ، وبعدها عندخل للهنجر ، وهنيك عنشل العلاجات الي محقون فيهن الفيروس ، ونحرقة وندفنه في الصحراء في مكان ما قد وصلش اي انسان ، عبد الحق قال يا منير قلت ان الفيروس يجلس ثلاثه اشهر ويموت ، وقلت قدله ثلاثه اشهر مخزن في الهنجر المفروض ان الفيروس مات ..؟! ، قلت مخزن في ثلاجه مجمدين للعلاج ، مما يمدد عيش الفيروس من ثمانيه اشهر الى سنه بالكثير وهو مجمد ...
*علي انت عتسافر الليلة لا مارب ، وهنيك ، تشتري لنا السلاح ، وعتسكن في المكان الفلاني ، في شقة مفروشة ، وبعدها تستأجر حراثة لمدة اسبوع وخليها معك ، لما نلحقك بالقواطر ..
عبد الحق .. اسمعني ، الاشخاص الي متواجدين داخل الحوش ، هم ثمانيه اشخاص ،كل واحد معه عمله داخل الحوش ، عتلاقي اسمائهم وارقامهم عندك ، وبه داخل الحوش من عشرة الى خمستعشر عامل الي بيحملو وينفلو البضاعة من القواطر ، وايضا به الحارس وعائلته ساكنين في الحوش، وبه ثلاثه اشخاص من اصحاب الحوش ايضا عايشين في الحوش هذا ، اشتي اول ما نوصل لا عندهم ، تخترق التلفوناتهم وتقطع شبكة الاتصالات ، بحيث يجلسو من خمس الى ست ساعات ما يقدروش يتواصلو مع احد ، قلي كيف عتفعل هذا الشي ، قال خليها عليا ، ما تقلق ..

اليوم الخامس ....

انا وعثمان فوق قاطره ، وطلال ومحمد فوق القاطره الثانية ، منتظرين امام الحوش حق الهنجر ، من الساعة ثمان الصباح لساعة ثنتين بعد الضهر ، منتظرين الموافقه ويدخلونا للحوش ، وفجأة الحراس فتح لنا البوابه حق الحوش وقال ندخل ، دخلنا وجنبنا القواطر ..
اتصلت لعلي ، قد حدد له موقعنا عبد الحق وقلت له جاهز بالحراثه قال ايوه ايوه .. رجعت اتكلم وقلت عبد الحق بتسمعني ..
-الووو عبده
-ايوه يا منير معك بس التغطية عندكم ضعيفه قوي
-قلت له ذلحين كل الي عليا ارتبط بالتلفون الي اديته على مودم النت حقهم ، وعتخترق كل التلفونات المتواجده ..؟!
-ايوه انت بس ارتبط بالمودم والباقي عليا ..

نزلنا وبنمشي للغرفة الي بيخزنو فيها جنب البوابه ، وبنبسر الحوش كبير وبه عدة هناجر ، وقد به هنجر محروق والكل ، والغرفة الي عنخزن فيها به قبالها بما يقارب مية متر هنجر ساع حق اصحاب السرويس ومجنبات فيه عدة شاصات وسيارات دفع رباعي ، كلهن حق مهربين ، قلت لمحمد وعثمان وطلال كل واحد داري ماهي مهمته وما عنفعل ، قالو ايوه ..
دخلنا للغرفة ، وفيها سته اشخاص ، جلسنا افتهم لي ان به اثنين من اصحاب الحوش والباقيين سواقين قواطر ، تبع تجار ، والحارس كل شويه يدخل يدي ماء وينافع اصحاب الهنجر ، وبنتكلم معاهم ، ولقيت واحد من اصحاب الحوش معه تلفون اثير ، الي يتصل عن طريق الاقمار الصناعية ، سويت رسالة لعبد الحق ، قال صعب يخترقة وهو مش عارف رقم التعريف حق التلفون ، قلت هنيه يا منير به مشكلة ، يعلم الله كم به معاهم من نفس التلفون هذا بيستخدموه البدو في الصحراء في الاماكن الي مابش فيها تغطيه ، يعني لو نهجم على ما خططنا ،

الفن اليمني الاصيل

25 August 2026 05:46

لكن بهذه الحركه بينا لهم انهو مجرد حادث واستهتار مواطن لا اكثر ، افتهم لك ...
تلفوني رن والمتصل البنت ..

-الوو منير .. الف مبروك على نجاحك كنت متاكده انك عتنفذ المهمه على اكمل وجهه ، وما عتفلتش خلفك اي دليل ، باقي تسير للمكان الفلاني ، عتلاقي ارضية كبيرة تدُخل للارضية ، وتحفر جنب الشجرة الصغيرة وتطرح الشنطة ، وكما بلغتك من قبل انتبه تفتح الشنطة وتشوف ايش داخلها ، لانه عيكون اخر يوم في حياتك انت وكل من تعرفهم ..
-خلاص يا بنت الناس لكثرة الهدار وقلت لش الف مره لا تستخدميش اسلوب التهديد معي ..
-طيب اول ما تكمل تسوي الي قلت لك ، بتواصل معك على شان المهمه الثانية
-سابر
قفلت المكالمة .. وجلست مع نفسي شوية وبنفكر ، يعلم الله تبع من البنت هذه ويعلم الله ماهي القوة الي معاها ، وانت يا منير ما ينفعش ، تجلس كذية مش فاهم عليهم شي ، ضروري تكون ماسك عليهم شي ، لاننا مش عارف ايش عتكون المهمه الثانيه ، وضروري اقدر افاوضهم وقد في يدي شي ، دخلت لا عند الخبرة قلت لهم خزنو وكيفو ، وانا شا اسير مشوار وشرجع ،قال عثمان اجي معك يا منير قلت ماشي ، عبد الحق هات لي التلفون الجديد حقي ، وتلفوني هذا خلي التتبع فيه شغال ولما اتصلك قفله مشتيش احد يعرف اين انا ، قال حاضر ..
خرجت وشليت الشنطه معي ، وشليت شنطة ثانية ، قلت شا اسير اطرح شنطة ثانية في المكان الي قالت عليه البنت ، والشنطه حقهم شا اخليها معي ، لانها مهمه بالنسبة لها ، وهكذا شقدر اتخارج منهم ، وسرت للارضية الي قالت عليها ، وقد بلغت اثنين من الخبرة اصحاب مترات ، كل واحد يجلس في مكان يراقبو الارضية ، وقلت لهم اي شخص يدخل للارضية ، تراقبوه لين عيسير ، واذا امتسك واحد منكم ، الثاني ، عيبلغني، عملكم تجلسو هنيه ، وهذه حق صرفتكم لمدة شهر كامل ، وكل ما تحتاجوه انا موجود ، وتلفوني رن
-ايوه معش
-شكراً لانجازك المهمه الاولى انتظر لما توصلك المهمه الثانية ...

قفلت الخط واتصلت لعبد الحق ، يخفي اشارة التتبع حقي ، وانطلقت ، وبعد نص ساعة البنت اتصلت
-قلت لها خير
-قالت وينك الان ..؟!!
-ضحكت وقلت هيا مابه ، كملت مهمتي وراجع مكاني ، مش قلتي بتعرفي كل تحركاتي هيا ماهو السؤال الغبي هذا ..

ما دريت الا لما تقفل الخط لا وجهي ،
اتصلت للمراقبين وقلت لهم ينتبهو قوي ..

اليوم الثاني الساعة عشر الليل ، خرجت للحوش حق بيتنا وفجأة لقيت ملف فيه نفس الرمز وفيه عدة ورق ومكتوب فوقة ..

المهمة الثانية ..

فتحت اول ورقة ومكتوب فيها ( به فيروس خطير دخل لليمن عن طريق حاوية ومتواجد الان في صحراء في مارب داخل حوش فيه عدة هناجر ، الحوش هذا صاحبها مهرب شقارة من الطراز الرفيع ، مهمتك اتلاف هذا الفيروس ، لان الفيروس هذا اذا تنفذت خطته في اليمن ، تعتبر القاضية لليمن ، تفاصيل الفيروس وما عمله وكيف با يأثر وايش با يستهدف وكل تفاصيلة موجودة معك في الملف .. بالتوفيق وشكراً لقبولك العمل معانا ...)

يتبع ...
#دخان3
#منيرالنقيب
#منير_النقيب

الفن اليمني الاصيل

10 September 2026 21:16

قنوات مهمة ومميزة في التلجرام🔥👌

kأسعار الذهب وصرف
/channel/+UzdbaRxU4lsMhaQd

kقصص مميزة
/channel/+PWnpOoEFPIhNC6ak

kروايات يمنية
/channel/+Ecxq_OzMYh40M2E0

kسام ميوزك
/channel/+VZE56V6tQZ4hA4wQ

━☆

الفن اليمني الاصيل

06 September 2026 22:23

قنوات مهمة في التلجرام🔥👌


kروايات يمنية
/channel/+Ecxq_OzMYh40M2E0

kأسعار الذهب وصرف
/channel/+UzdbaRxU4lsMhaQd

kقصص مميزة
/channel/+PWnpOoEFPIhNC6ak

kسام ميوزك
/channel/+VZE56V6tQZ4hA4wQ

━☆

الفن اليمني الاصيل

05 September 2026 14:34

وهذه نهاية القصة ،،، خليتها نهاية مفتوحه وغامضة اطرافها شوية ،، في حال اشتغل الهاجس قد ربما نفعل منها جزء ثاني في القريب العاجل ...

اتمنى ان القصة اعجبتكم ،،،
احترامي للجميع

#منير_النقيب
#منيرالنقيب
#للأيجار

الفن اليمني الاصيل

05 September 2026 14:32

جلست لساعة ثنتين ونص الضهر وانا منتظر فوق السيارة امام بيتنا وسلاحي معي..
وكل حسي في صاحبي لطفي ما قد فعلو به .. بس بما ان محد قد جى لا بيتنا فلطفي اكيد ما قد ادالهمش اي معلومه عني وهكذا جالس افكر ...

قدنا ميت جوع ، وشميت الغداء فوق السيارة شليت الغداء وتغديت ، وبدأت اخزن ، واخي كل شوية يتصلي يسألني ما ابه واين انا ، واقله بندور لطفي لما اروح شا افهمك ، وشوية ويتصلي اخو الشيبه المخطوف ويقلي اين انت واقلة كما قدك في جولة عصر اتصلي ، خزنت شوية .. واتصلت للبنت ..
-اسمعيني اشتي اشتري كيمرة البسها على راسي ساع الكشاف واشتيها ترتبط بالتلفون الي شفتح به الحساب على شان اصور بث مباشر .. رسلي لي اسم الكيمره ونوعها اسير اشتريها ..
-طيب تمام ، بس كلمني ما عتفعل ..؟!
-شفضحهم امام الناس كلهم ، اشتي استغل ان مقطع الفيديو حق اختطاف صاحبي قدهو ترند ونخلي الناس تتابع الحساب وينتظرو ايش با يحصل ..
-ماقلت.. الي خطفوه في مقطع الفيديو هو صاحبك ..!!
-ايوه ..
-كيف وصلو له طيب وكيف تورط معاهم ..
-مش وقت انتي افعلي الي قلت لش ورسلي لي اسم الكيمرة ، واشتي منش تجهزي منشور ثاني ، تربطي فقدان الشيبة وزوجته باختطاف صاحبي من البيت تمام .. ولما اتصلش تنشري ..تنشري على طول
-حاضر تمام

قفلت وجالس مخزن ومنتظر ، سرت اشتري الكيمرة ، و انطلقت طريق المستشفى وبنراقب من بعيد ، ولقيت اثنين طقوم سود خصوصي فوقهن ما يقارب ثمانيه اشخاص لابسين اثواب وجواكت ومسلحين ، افتهم لي انهم جو تعزيز للمشفى اذا عيحصل اي شي ، والساعة اربع اتصلي اخو الشيبة ..
-الووو ..هاااه يا ابني اين انت..؟ قدحنا في جولة عصر طريق الستين ..
-انتظروني يا حج انا شوية واوصل لا عندكم ...

قفلت وشغلت سيارتي وانطلقت لا جولة عصر .. نزلت وابسر اربع سيارات وفيهن ما يقارب ١٤ شخص مسلحين كلهم .. قربت منهم واتصلت لاخو الشيبه ، اول ما ابسرته رفع التلفون ، قفلت الاتصال وقربت لا عنده ..
السلام عليكم يا حج ، ابسرني وقال وعليكم السلام ، وخبرته كلهم حوشو لا عندي ، قلت انزل نجلس في الرصيف وعدجابرك بكل شي ، وكلمتهم بالقصة من بدايتها ،ورويت لهم مقطع الفيديو حق اختطاف صاحبي والكل ، ووضحت لهم ان المتورطين في هذه العصابه ناس ثقال قوي ، وما ينفعش نبلغ ، اخو الشيبه قال طيب اين المستشفى هذا ، قلت له ، عنتحرك الان للمشفى ، بس ضروري تتبعو الخطه الي قلت لكم ، وانا قد شليت الكيمرة وجهزت اموري ما عنقدر نتخارج من المدبرين هولا الا بقضية رأي عام ، قال اخو الشيبه بعدك يا ابني هيا نتوكل ..
تحركت فوق سيارتي واخو الشيبه واثنين من جماعته معي فوق السيارة والباقيين لحقونا فوق السيارات حقهم ، اتصلت للبنت ، تنشر المنشور الثاني ، وتكتب في المنشور انتظرو بث مباشر للمكان السري للعصابة وهو عباره عن مستشفى .. وفتحت الحساب بتلفوني وجهزت الكيمرة ..

وصلنا لا قبال المستشفى وقلت لهم الطقمين هولا اكيد تبعهم ، الان عننزل ، عيمنعونا من الدخله اتهازرو معاهم ، وانا شدخل وسط الحوشة للمستشفى ، وانا بنصور ، ضروري اوصل لا غرفة السرفر حق الكيمرات ، وانتو اذا قدرتو تدخلو ، انزلو للبدروم عتلاقو ما يقارب اربعين شخص محتجز ، ومن ضمنهم اخوك يا حج وزوجته ..

والصدق كانو اسماخ ، ومشو بعدي يا بها يا عليها ..
وصلنا لا باب المستشفى وجماعتهم ابسرونا ونبعو يمنعونا وانا بنصور بث مباشر ، والمشاهدات بالالاف .. دخلت من وسطهم ، وجريت لدور الثالث ، نفس المكان الي شرحت لي البنت ، وصلت لا غرفة السرفر ولقيتها مفتوحه ، وبنشم اسبورت ، ادخل وابسر الدكتور قد بيرش الغرفة بالاسبورت يشتي يحرق السرفر بالغرفة كلها ، زبطته في ضهره لما نكع للارض ،وهو ابن الكلب ولع في الغرفة واشتعلت نبعت لا خلف السرفر ، وسحبت الفلاشة حق البنت سريع ، وجهت سلاحي لا فوق الدكتور وقلت له امشي قبالي ، وفجأة سمعت ضرب رصاص نازل ، قلت اكيد اشتبكو ، والدكتور قال اقسم بالله انك تورطت انت وكل شخص تعرفة والموت نهايتكم ، قلت له اصة يا نذل امشي سكته ، ودخلته احد الغرف وقفلت ، وانا بنتكلم في البث المباشر ، اين حجزت الدكتور ، واصوات ضرب الرصاص بيزيد ، جريت للبدروم ، وقد به من جماعت اخو الشيبه في البدروم ، وصلنا وبه زنزانه كبيرة ، وفيها المحتجزين ، العجايز لوحدهن والشيبات والمجانين لوحدهم ، ولقينا الشيبه وزوجته ، بس لطفي مش موجود بين المحتجزين ، قد المشاهدات في البث ميات الالاف ، طفيت الكيمرة ، وانسحبت سكته من المستشفى ، اول ما خرجت وبنجري طريق سيارتي ، وقد الناس كلهم محوشين باب المستشفى وبه ما يقارب ثلاثه اشخاص مقتولين وسط الشارع ، وقد طقومات العسكر من الدولة وصلت ، طلعت فوق سيارتي وانطلقت ، وقد به اتصالات لا رقمي من ناس كثير ارقام معروفه وارقام غير معروفه ، وفي خلال نص ساعة اصبح البث ترند عالمي ، وحدث لاول مره يحصل في اليمن ، كان به تفاعل من الناس والجهات المختصه كبير قوي ، بس للاسف انا ما حصلتش لطفي بين الناس

الفن اليمني الاصيل

05 September 2026 14:25

شليت الرقم المعروض في المنشور الي اعلنو عنه عن ضياع الشيبة وزوجته ، ونزلت لا عند البنت ، سألتها اين مكان السرفر ، قالت في الدور الثالث ، وشرحت لي المكان بالضبط ، اديت لها تلفون ، وقلت لها تفتح صفحات في جميع التواصل الاجتماعي ، وترسلي الروابط حقهن لا عندي ..

وقلت لها اسمعيني ، الصفحات الي عتسويهن ، مشتيش احد يقدر يعرف اين موقع صاحب الصفحات ، انتي امن سبراني واكيد عندش خبرة في هذا المجال ، قالت ايوه من صغري وانا اعشق البرامج واختراقهن ، ولا تقلق ، واقدر أيضاً الغي موقع تواجد رقم تلفونك ، ومحد يقدر يعرف الرقم هذا تبع من ، قلت لها حلو جداً، قالت الان ايش با نسوي ، ضروري تستاجر لنا بيت ، قلت انتظري لما ارجع وبعدين با افهمش ايش با نسوي ..

وقمت خرجت من البيت ، سرت شليت قات وغداء لي ولصاحبي لطفي ، ولصاحب التكس المحبوس عندنا ، وصلت لا جنب الفلة الي بيحرسها لطفي واتصلت له يخرج يشل معي الغداء ، بس كان تلفونه مغلق ، استغربت لاول مره في حياتي اتصل لتلفون لطفي ويطلع مغلق ، نزلت من فوق سيارتي بسرعة ، وصلت لا عند البوابه ولقيت البوابه مفتوحه ومردوده ردد ، لما نكعين بطوني للقع ، دخلت جري للغرفة وانا بنصيح بكل صوتي .. لطفي يااااااالطفي .. بس ما بش له وجود ، نزلت سريع للبدروم ، وابسر الغرفة الي حاجزين فيها صاحب التكس قد الباب مفتوح ، وصاحب التكس مابش له وجود ، رجعت ساع المجنون وفي الحوش على الدرج لقيت دم في الارض ، والغرفة الي بيجلس فيها لطفي قدهي مجعوثة قوي وبه ضربات رصاص على الجدار والزجاج حق الطاقة مكسر ، وبه معابر رصاص في الارض على باب الغرفة وباب الدرج ، فتحت الشاشة الي فيها كيمرات المراقبة ، وبنبسر ما سجلين الكيمرات ، وابسر ثنتين سيارات واحده راف فور مرشوشة ببخاخ اسود ، والثانية فيتارا قديم ، ونزلو سته مسلحين ، صدمو البوابه ودخلو ، ولطفي اشتبك معاهم ، وجلسو يرتمو ، وواحد منهم تصوب ، وفجأة دخلو لا داخل ، ثلاثه منهم مسكو لطفي وشلوه والباقيين خرجو صاحب التكس ، صورت المشاهد بتلفوني ، وحسيت الدم في جسمي بكله تكهرب ، وجلست على ركبي ، والدموع حانبات في عيوني ، وبنقول ما فعلت يا منير ، ودفت بصاحبك ، وشلوه ، ويعلم الله ذلحين قد قتلوه او ماشي ، ضروري اتصل لا اخي يفرغ البيت سريع لا عاد يقع بهم شي ولا شي ، خرجت من الفلة ساع المجنون ، وانا بنتصل لا اخي ...
-الووو
-اسمعني يا اخي شل زوجتك والنسوان الي في شقتي واخرج من البيت سرررريع ..
-ليش يا منير مابه لا تقلقني ..؟!!
-به مشكله كبيرة يا اخي شرجع اجابرك قد خطفو صاحبي لطفي ..
- مابتقل ..! ماهي المشكلة ومن خطفه ، وليش خايف علينا قلي يا اخي مابه انت والجنان حقك ..
-قوى يا اخي الله يحفظك ، ذلحين قوم اخرجو من البيت كلكم ، وسيرو بيت جدي لما اتصلك وافهمك كل شي ..
-سابر يا اخي ما عترضاش ترحلك من المشاكل ، وهذه المره وصلت مشاكلك لاعند اهل بيتك ، بس لما نلتقي عنتفاهم .. خاطرك ..

قفلت واتصلت للبنت ...
_الووو اسمعيني با ارسل لش مقطع فيديو اشتيش تنشريه في الصفحات الي فتحتيهن ..
-طيب بس عادنا بنجهزهن .. وما عنستفيد شي الصفحات جداد يعني محد عيبسرهن ..!
-انتي كمل جهزيهن وانشري ورسلي الروابط ، وانا معي اصحاب مالهم شي في التواصل الاجتماعي شا اخليهم يشاركو المقطع لما ينتشر سريع ..واتجهزي انتي وامش واختش ، اخي عيشلكم معه
-اين عيشلنا ..؟!!
-بيت جدي بيتنا مشو امن ..
-ليش كلمني ما فعلت وايش حصل ..؟
-مش وقت عنلتقي في بيت جدي ونتكلم ..خاطرش .. وهاه اسمعيني شفري رقمي والغي خاصية تتبع الموقع فيه .. الان اول ما تكملي افعلي لي رساله ان رقمي جاهز ..خاطرش

قفلت وانا بنسوق ساع المجنون ، وكل حسي عند لطفي ، اين شلوه عيال الكلب ، وانطلقت طريق المستشفى ، وانا بنفكر ، وبعد ما هدأت شويه قلت مالك يا منير ..! اين عتسير ، ما ينفعش تتصرف اي تصرف وانت بالحاله تيه ضروري تهدأ .. وقفت السيارة ، واتصلت للخبره الي معاهم صفحات قويه في التواصل الاجتماعي وكلمتهم اننا بنشر مقطع من صفحات جديده واشتيهم يفعلو له مشاركة ..
رجعت شغلت سيارتي ، وانطلقت لا جنب بيتنا جنبت بعيد ومنتظر اي شخص يقرب من البيت يعتبر غريم .. وصلتني رساله من البنت ..(رقمك جاهز ورسلت لك روابط الصفحات وشبدأ انشر الان ) ..
رسلت الروابط للخبره الي اتصلت لهم ، وقلت ضروري تشاركو الان مسألة حياة او موت .. قالو تمام ..

طلعت رقم صاحب المنشور الي فيه فقدان الشيبة وزوجته .. واتصلت ...

-الوووو من معي ..؟
-اسمعني انا داري اين مكان الشيبة وزوجته ..!!
-اين هم يا ابني قد قلبنا عليهم الدنيا ومن انت ..واين مكانك ..؟!! وانا اجيلك الان ..

الفن اليمني الاصيل

04 September 2026 18:15

الغرفة ، وجابرت صاحبي لطفي بكل شي ، قلت اديله ماء واكل ، وانتبه له لما ارجع ، قال هذا لو يقوم يا منير لا يخرب الباب ويطفحني قال انتبه له ..! ، قلت خلي سلاحك معك ، قال لا تقلق انت رحلك وكمل عملك وبعدا عنتجابر ..

شغلت سيارتي ومتحرك طريق بيتنا ، وانا قدنا داري اننا متورط في مشكله اكبر مني ، ويعلم الله ايش نهايتها ، والبنت فعلت لي رسالة ( اذا تلفون صاحب التكس معك تخلص منه ..) رديت عليها (لا لا مشو معي شوية واوصل لا عندكم ...)
وصلت ودقدقت باب شقتي ،والبنت فتحت لي دخلت لصالة ، وقالت امها واختها راقدات ، قلت لها ايش القصة ومن انتي ومن هم اصحاب المستشفى وكيف تورطتي معاهم ، وايش عرفش اننا ضروري اتخلص من تلفون صاحب التكس ؟؟؟
قالت انا تخصصي امن سبراني مش تمريض ، قدمت على وظيفة اعلنو عنها في احد المواقع ، وقابلت الدكتور فتحي في المستشفى ، وقال عيوظفني تمريض ، قلت له مش تخصصي قال عادي ، بعد ما اكتشف ان احنا مقطوعين من شجرة ، ابي كان وحيد ابوه وامه ، ومابش معه الا اخ قدله مغترب عشرين سنه ما يتواصلوش وما نعرفش عنه شي ، وامي أيضاً مقطوعة من شجرة ، كان معاها امها واخوها وقد توفو وهم من عدن بالفعل ...

قلت ايوه ، قالت خلوني ابصم على عقد مكتوب فيه للأيجار ..
قلت كيف يعني ، قالت انت بتأجر حياتك كلها لهم ، لما تنفذ كل شي يطلبوه منك ، او يصفوك انت وعائلتك كلها ، طبعاً بعد المقابلة حجزوني بالمشفى لمدة اسبوع كامل ، عندهم ، ودربوني على حقن الابر والمخدر وغيره ، قلت ايوه وامش ما فعلت لما اختفيتي ، قالت امي طريحة الفراش صاحبة مرض مثل ما بتشوف ، ما رجعت عندها الا وقدهم عيجننو ، قلت طيب ومن هم الاطفال الي بالمشفى والبنات الممكيجات ، وليش المشفى فاضي ، قالت المشفى هو بس ستار للي بيفعلوه على شان محد يشك ، قلت كيف يعني وضحي لي ..!!

، قالت هم شبكه ، والزعيمة مره في يدها كمن هو ، وبينفذو كل شي تطلبة ، اما البنات الي شفتهن عادهن جين من السعودية ، تم تدريبهن وتعليمهن وذلحين يدخلين في اليمن ينفذين الخطط الي عليهن ، قلت وماهن الخطط ..؟!
قالت الي هن صغار في السن يدخلوهن عدت جامعات ، ويدرسين ويدو لهن شقق وسيارات ويعيشين بفهنه خرجات وسهرات وغيرها ، ويسحبين من طالبات الجامعات كما سحبين يدخلنهن هذا السوق بالقوة او يورطنهن بالادمان في المخدرات او الصور والفضايح ، وحتى بيستهدفو بنات مسؤولين على شان يتم الضغط عليهم والكل ..
قلت لها طيب وكيف بيستدرجين البنات هولا ..
قالت تبدأ بحبوب يدين لهن وقت المذاكره والبنات تدمن ، وبعدها لما تطلب منها تقلها ادالي فلان اطلبي منه ، ولما تطلب من فلان يدي لها ، وكلهم طلاب في الجامعه ، وهكذا يسحبو البنات ، وبعدا جي عندنا حفله ، ولما تسير اي بنت ، يفعلو لها مخدر او منوم في الاكل والشرب ، ويصورين او يقوم الولد الي بيورد الحبوب بالتصوير والابتزاز ، وهكذا ، والي قدهي كبيرة في السن خرجات وتصوير ، مطاعم كافيهات وغيرها ، ويقومين بالنشر ، والي يتابعهن من البنات يقولين هي تيه العيشة والفهنه فيتمنين يسايرين امثالهن او يتشبهين بهن ...
كانت البنت تجابرني وشعر جسمي كله يسنب معقوله كل هذا التخطيط والانحطاط علينا ، حرب من كل الجهات الي نتوقعها وما نتوقعها ..
طيب والاطفال ايش قصتهم ..؟؟!

قالت ما قدناش متاكده بس اضن ، بيتم حقنهم بأبر تخليهم مش بوعيهم ، وبعدين يتم تدريسهم وتعليمهم مشنا داريه على ايش ويتم ادخالهم للمدارس ...

قلت يعني حتى اطفالنا الي في المدارس مستهدفين يا ليلاه ..

طيب اين اهل هولا الاطفال وكيف يرضو بهذا الشي ..؟!
قالت مشنا داريه بس اكيد ما بيستهدفو الا الناس الي مابش معاهم اهل وضعفاء يقدرو يفعلو بهم الي يشتوه مثل حالاتي ، واكيد الا غلب بسبب المادة ..

قلت لها ايش من مادة الي عتخليني افعل بأبني كذيه هذا كلام فاضي ..

قالت الحاجة تخلي الناس تفعل حاجات محد يتوقعها ...

قلت والمستشفى ذلحين ايش داخله ، قالت البدروم قد فيه ما يقارب خمسين شخص منهم كبار السن ومنهم عجايز شحاتات ، ومنهم مجانين ، مشنا عارفة ليش حاجزين لهم ..!

قلت لها ضروري نبلغ بهذه العصابة الموضوع اكبر مما كنت اتوقع ..
قالت انت مجنون بنقلك في يدها رجال كبار ومهمين يعني لو تبلغ با يخفوك انت وبلاغك ..

قلت طيب وايش الحل ، قالت اسمع انا بعد ما حجزوني وشلو تلفوني ، ما عاد معي الا هذا التلفون الصغير كان حق امي ، وبنشلة خفيه معي ، وانا عندي خبره كبيرة في اختراق برامج النظام والكيمرات ، وقد طرحت فلاشه في السرفر ، حق كيمرات المراقبه للمستشفى ، ودخولي للغرفة هذه كلفني الكثير ، الفلاشة مسجل فيها كل شي ، بس ما عاد قدرتش ادخل اسحب الفلاشة ..

قلت يعني فيها مقاطع لكل غرف المستشفى ، قالت ايوه بيسجلو كل شي على شان يرسلوه لمدري من في الخارج او لزعيمه حقهم..

الفن اليمني الاصيل

03 September 2026 23:24

قنوات مهمة في التلجرام🔥👌

kأسعار الذهب وصرف
/channel/+UzdbaRxU4lsMhaQd

kقصص مميزة
/channel/+PWnpOoEFPIhNC6ak

kروايات يمنية
/channel/+Ecxq_OzMYh40M2E0


kسام ميوزك
/channel/+VZE56V6tQZ4hA4wQ

━☆

الفن اليمني الاصيل

03 September 2026 21:30

مابه يا خبرة ..؟ خير ..

مسكوني العسكر من يداتي واحد من اليمين والثاني من الشمال والثالث واقف خلفي وموجه السلاح لا ضهري ، بنقلكم مابه ما فعلت ..! واحد قال ما طلعك لا هنيه وكيف دخلت ؟؟ قلت ماهو كيف دخلت هذا مستشفى ..!!ومعي حاله اسعفناها للمستشفى ..! مالكم لو انا قاتل ما تفعلو كذية ...!، قال بنقلك امشي سكته ، ونزلنا لدور الاول ، بنقلهم المريض تبعي في الغرفة هذه, قالو امشي ، ومشوني عكس الطريق حق الغرفة ودخلوني في غرفة مابش فيها احد الا مكتب وكراسي ، وقفلو الباب، رجعت ادقدق الباب مابه يا خبرة ياااية ، خرجت تلفوني وعادنا اشتي ارسل الموقع الي انا فيه لا عند اخي ، وارجع اتصله ، ما دريت الا لما الدكتور فتح الباب ودخل لا عندي ، ابسرته وبنقله ماهي المعالمة تيه..!!، كيف تحجزوني في الغرفة تية بدون سبب ، قال بكل برود اجلس وشا افهمك ، جلست ..
قال .. أن الشيبة زوج الحالة ، قدم شكوى انك صدمت زوجته ، والاجراءات حق المستشفى نحجزك انت وسيارتك لما يحقق معك البحث ، قلت له لا تصدق ابوه انا لقيته في خط سفر وانا راجع لا صنعاء وقال زوجته نكعت من الجباء وذلحين بيتهمني انا ...؟؟!، اين هو ابن الكلب هذا وانا شتفاهم معه وسنبت ..!!
الدكتور قال اجلس يا ابني انا بعد ما فحصت الحاله وشخصتها اتضح لي انها إصابة سقوط من مكان مرتفع مش حادث سير، والمشكلة المستشفى تبعنا عادة في مرحلة تشتطيب ، فانا قد سويت لهم نقل لا مستشفى ثاني ، واخليت مسؤوليتك الكاملة ، لانك ابن ناس وفعلت خير ، قلت له تسلم يا دكتور الله يحفظك ، هيا ابسر من بعض ناس تفعله خير ، يجي يدخلك في هدار وداوي... ، الدكتور قال طيب ، شسألك سؤال واتمنى انك تجاوبني بكل صدق ، قلي ايش طلعك لدور الثاني ، وايش الي حصلته او من قابلت ..؟ افتجعت من سؤال الدكتور وقلت له .. هااااه .. كنت اشتي اقضي حاجتي وبندور حمام ، وطلعت لدور الثاني ولقيت الحمام كملت اقضي حاجتي وعلى خرجتي لقيت العسكر مسكوني وحجزوني في الغرفة بدون سبب ..
قال متاكد ما شفتش اي شي غريب في الدور الثاني ..؟؟!
قلت له ايش قصدك بالغريب ..! وضح لي يا دكتور ...؟؟ ودخلت يدي لا جيبي لا عاد يبسر الرقم ، قال خلاص ..خلاص يا ابني نعتذر عن سوء الفهم تقدر تتوكل ، قلت له سابر ..
بس يا دكتور ممكن تقلي لا اي مستشفى نقلت الحالة ، قال بنقلك روح يا ابني وهو مبهرر عيونه ومشي من جنبي ..
قلت خير ..خير ..
قمت خرجت من المستشفى وقد ابسرت للغرفة الي كان فيها الحاله ، وما عدبش فيها احد ، شغلت السيارة ومشيت ، وانا بنفكر هل صدق نقل الحالة لا مستشفى ثاني ، وليش طيب كان مفجوع اننا قابلت احد في الدور الثاني ، طيب من هم الاطفال ، وليش كانو بتيك الحالة ، طيب من هن البنات وايش اللبس والمكياج الي فوقهن ، ومن وين ضهرو العسكر وكيف اختفو ، طيب ليش مابش احد في المستشفى هذا ، ومن هي الدكتورة الي مسكتني ..؟؟؟!!، وذكرت الرقم شليت التلفون ، واتصلت على الرقم الي كتبته الدكتوره او الممرضه في يدي ، بس كان التلفون مغلق جنبت السيارة ، ودخلت ابحث اذا به واتس على الرقم بس مابش وكاشف الارقام ما طلع لي شي ، دورت وجنبت السيارة بعيد من المستشفى وجالس اراقب ، ايحين عتخرج الممرضة هذه ، وجلست للفجر ، بس مابش احد دخل وخرج من المستشفى ذيك ، ما بلا دباب ابيض مصندق ، دخل من الطوارئ وجلس ما يقارب نص ساعة وخرج ، والساعة ست الصباح ، قام الحارس قفل الابواب حق المستشفى وجلس داخل المستشفى ، شغلت سياراتي وروحت ، وانا كل تفكيري في الي حصل والي داخل المستشفى ، وبنلوم نفسي ليش ما راقبتش صاحب الدباب ، يمكن حملو الاطفال داخلة ، رقدت وطرحت التلفون جنبي ، قمت الساعة ١٢ الضهر ، ابسر قد معي اكثر من سبع مكالمات لم يرد عليهن من نفس الرقم الي كتبته البنت في يدي ، ورساله مكتوب فيها ( انتبه تكلم احد بالي حصل معك في المستشفى ، اول ما تشوف التلفون اتصلي واذا حصلت رقمي مغلق ، انتظر لما اتصلك انا ) ...
قمت اتصل والرقم مغلق ، قلت ايوه يا منير والحنبه ، ذلحين ماهو هذا كله ، اسير ابلغ وخلاص ، بس ما ينفعش هولا شكل يدهم في كل مكان والبلاغ حقي لا يهش ولا ينش ، قمت تغديت ولبست خرجت شليت قاتي ، وانطلقت للمستشفى ذيه ، اوصل وهو مقفل ، ومابش جنبه محلات ، مابلا ورشة نجارة على بعد ما يقارب مياتين الى ثلاثمية متر ، سرت اساله بنقلة حق من المستشفى هذا ، وليش مقفل ..؟ قال مدري قدلهم هكذا ثلاثه اشهر يفتحو بالعشي ، يقولو عادهم يجهزوه ، قلت سابر ، جنبت بعيد من المستشفى ومخزن ، لساعة عشر الليل ، ابسر الحارس بيفتح الابواب من داخل وجلس فوق الكرسي طبيعي ولا كأن به شي ، انتظرت وانا بنفكر الف فكرة ، قد سلاحي جنبي ومستعد لأي شي ، اشتي اوصل لخيط وبعدا يحصل ايش ما حصل ، وصلت سيارة كهربائية مرتفعه نفس الصوالين ، اخر موديل بيضاء ، وجنبت باب المستشفى ، نزلت مره شكلها مهمه قوي البالطو حقها شكله خليجي ، ومعاها اثنين مرافقين ، هي دخلت للمستشفى والمرافقين واقفين

الفن اليمني الاصيل

01 September 2026 06:23

اخر الليل وانا على خط سفر فوق سيارتي راجع من البلاد كنت في عرس ، مخزن ومكيف ، وقدنا قريب من صنعاء وفجأة ابسر رجال وسط الخط ، في الخمسينات من عمره ، لابس ثوب ابيض لا نص سيقانه ، وعسيب ويلق بني ، وماسك لشال حقه ورافع ليداته وبيصيح بحجر الله وقف بحجر الله وقف ، مسكت بريك وعيني على المراية بنبسر لحد يجي من الخلف ويصدمنا ، شغلت الغمازات حق السيارة ، وماسك لسكان بنبسر لا عند الرجال قد طاير لي التخديرة ، وهو بيأشر لي لا طرف الخط على يسارة ، وابسر مرة لابسة زنه سوداء ومقرمه ، لبس من حق القرى ، وهو بيصيح يا منعاه اسعف المره ، ويقرب لاعند المره ويرجع لا نص الخط ، التفت يمين وشمال ، وانا في طريق مقطوعة مابش فيها احد ، وقلت بيني وبين نفسي ، ماشي يا منير لا تنزلش انت داري اكبر خطأ تفعله انك توقف لأي شخص وانت على طريق سفر ، هذا كمين ويمكن يقتلوك ويشلو السيارة والله محد يلقي جثتك ، تقرص العافية ورحلك ، لفيت السكان شوية من قبال الشخص هذا وبدأت امشي بالسيارة ، وهو بيخبط الكبوت حق السيارة ، ونبع للفريم الي عندي وبيخبط الفريم ، وبيقول بحجر الله اسعف مرتي نكعت من الجباء انا لي منعك افعل خير المره عتموت ، وهو بيبكي ، وبيحرك السماطه حقه بيده وبيقول ، بحجر الله هذا جاهي عندك يا ابني افعل خير انا لي منعك ، وانا بنمشي ، وقلت وخر يا حج لا تتعور ، ومشيت من جنبه ، بنسوق السيارة دلا (سرعة خفيفة) وانا بنشوف الشيبه من المراية وهو بيصيح لي ويتراشيني (يترجاني) اوقف لما ابسرته جلس على ركبة وهو بيصيح يالله ..يالله ، اثر فيني قوي وما قدرتش اتخطى الموضوع ، رفعت رجلي من دعسة البترول ، وبنكلم نفسي ، مالك يا منير ..؟! الرجال مرته مصابة وعتموت ، والرجال قد رجم جاهه الله لا عندك تسعف مرته ، وانت عترحلك بكل برود ...!! وقف وانزل اسعف المره ،ما عيقع بك هو خير ..! والصوت الثاني الي داخلي قال ، يا منير بنقلك هذا كمين ، وهذا كله فلم على سب توقف وتنزل من فوق السيارة ، وعيخرجو المسلحين يقتلو افكارك ، واصل ورحلك ، واذا هي مصابة صدق كان احد عيسعفها من اهل القرية ، ولا اقلك عتجي سيارة غيرك ويسعفها ، رحلك مشنت ناقص هدار وداوي ، والصوت الاول قال خلاص رحلك بس رويني كيف عتتخطى الموضوع هذا وعيجلس يأنبك ضميرك طول عمرك ..!
وقفت السيارة وقلت هي موته واحدة ، وانا ناوي افعل خير ، والباري ما عيفلتنيش ، عشقت ريوس روجعت لا عند الرجال وانا بنبسره من المراية قام من وسط الخط وجرى لا عند مرته وبيحاول يشلها ، وقفت جنبهم ونزلت ، وهو بيقول ، الله يجبر خاطرك يا ابني ، الله يحفظك ، قربت وشليت المره المصابه معه ، طلعتها في الكرسي الخلفي ، وهو طلع جنبها ، طلعت فوق سيارتي وانطلقت ، والرجال بيدعي لي وهو بيبكي ولا وقف الدعاء ومرته جالسة تأن وهي متوجعه ، قلت له خير يا حج ما حصل للمره ..؟ قال نكعت (سقطت) من الجباء يا ابني ، قلت اين قريتكم وليش ما يسعفوها من القرية ، قال يا ابني بيتنا منفصل مابش ولا احد جنبنا ، ومعي شاص قديم ، نزل بها ابني لاصنعاء ، ما دريت مفعل تحملتها للخط قلت اوقف اي سيارة توصلني لا صنعاء نسعفها لا اي مستشفى ، والحمد لله الباري رسلك يا ابني ، الله لا رواك اي ضيق ويجعل قبولك بين الناس اين ما سرت ، قلت الله المستعان يا حج مابه شي ، عاد الناس لبعضها ، وقلت لزوجته ، ما بينش يا امه ما بيوجعش ، قالت بصوت كله وجع ، ارجلي يا ابني مكسرات ، وضهري كله مقدرش اتحرك ، قلت سعليش شوية ونوصل المستشفى وربي عيلطف بش ، قالت الله ينجيك من عذابه ، ورجعت تأن ، وانا بنسوق ، وعين على الخط ، والعين الثانيه بنبسر لا عندهم من المراية ، وانا مراعي ايحين الشيبة يخرج مسدس ويقل وقف على جنب ، ويطرح الرصاصة خلف راسي ، او يخرج سكينه ، ويطعني في رقبتي على طول ، وارجع اقول ماشي يا منير قد مشيت خيرات من مكان ما شليتهم لو هو كمين ، ان قد فعلو شي ، هولا مساكين ، زيدت سرعتي ، لما وصلت صنعاء ، وبندور على اقرب مستشفى ، وابسرت مستشفى اربعه ادوار ، لاول مره ابسرة ومابش فيه حوش ، وصلت جنبت امام باب المستشفى ، نزلت من فوق السيارة وبنصيح للحارس الي جالس باب المستشفى ، يا عزي لو تسمح ادي نقالة ، معنا حاله مستعجله ، وفتحت الباب الخلفي حق السيارة ، وبنقل للحج انزل شل معي ، وبنحاول انا والشيبه نشل زوجته ، وبنصيح للحارس ، يدي نقاله ، والحارس واقف ماسك البندق ، وهو مبهرر لا عندي ، وبنقله مالك متسمر مكانك ...!! تحرك .. شليت المره وخطيت للمستشفى والشيبه بعدي ، وصلت لا عند الحارس وهو عاده مبهرر كأنه ابسر جن ، قلت له مالك مسوم بنقلك ادي نقاله معانا مرض يا مريض ، ودخلت للمستشفى ، وبنصيح يا جماعة اين الدكاتره يااايه ، وابسر للمكتب حق الاستقبال ومابش فيه احد ، تلفت يمين شمال ، ابسرت غرفة فيها ثلاثه اسره ، دخلت وطرحت العجوز فوق سرير ، وقلت لشيبه اجلس معاها شبسر دكتور ، اول ما خرجت من الغرفة ابسر الحارس قبالي ، قلت له مال المستشفى فاضي

الفن اليمني الاصيل

28 August 2026 11:56

طيب وانا من وين عرفتيني ، وليش اخترتيني بالذات ، قالت شفت لك موقف اعجبني قبل سته اشهر ومن يومها وانا بنراقبك ، طبعا الجماعه هذه كانت تكلفني بمهمات وتكلفني اختار اشخاص ينفذوها وبعد ما ينفذوها يخلوني اقوم بتصفيه هذا الشخص وكل شي يتعلق به ، انا حاولت كثير امسك عليهم خيط ، بس هم محترفين وشباكهم واسعه فوق ما تتخيل ، انت كانت مهمتك واحده تدخل البنك واقتلك ، بس انا جبت لك المهام الثانيه مني انا ، لانك ذكي وقلبك قوي بطريقة ما كنت اتخيلها ، انت تجرأت واخفيت عليهم شنطه ، وطرحت ناس يراقبو ، وفوق هذا اخذت صور اشخاص مهمين من جماعتهم ، هم للان ما يعرفوكش ولا يعرفو عنك شي ، هم بيضنو اننا الي بنسوي هذا كله ، ولذالك قررو تصفيتي ، وما عيوقفوش الا لما يتاكدو اننا مت ، قلت لها طيب بتقولي ان اي شخص ينفذ المهام بتقومي بتصفيته ، وكيف اقنعتيهم اننتي قتلتيني بعد ما نفذت المهمه ، قالت انا اخذت صورة شخص قُتل قبل يومين من قبل ما اتصلك ، وزورت اسمه وهويته ومكان سكنه ، على اساس انهو انت وبعد ما انت نفذت المهمه ، رسلت لهم صورة الشخص وهو مقتول ، قلت طيب وذلحين ايش الحل ، بما انهم عرفو صورة طلال ، وعرفو مكان المقر حقنا ، فانا واصحابي كلنا في خطر ، قالت اطمن هذا مش عملهم ، هم مش اغبياء لدرجة هذه ..هذا عمل الشخص الي حمل الفيروس لليمن ، قلت لها يعني تشتي تقولي ان هذا الشخص ما قد كلمهمش ، قالت اكيد لا ، لانه عارف اذا تكلم ، با يقتلوه في نفس اللحظة ، قلت حلو اذا ضروري نوصل لشخص هذا ونقتله قبل ما يقتلنا ...
قالت وهذه هي المهمه الاخيرة الي با نسويها انا وانت بعد ما اعالج جرحك ، والصندوق الي معك ، ما يفتتح الا براس التمثال الي جبته لك ، عتلاقي فيه مخططات لهم يشتو ينفذوها في اليمن ، انا مطمنه انك موجود انت واصحابك ، واكيد عتقوم بافشالها كلها ، واستغل ان محد يعرفكم العب على هذا الشي انتبه تضهرو امام احد ، والي انت لقيته في الباص ، خليه معك ، على شان تقدر تستمر وتدمر كل مخطط لهم ، والشنطه الي انت شليتها هل قد شفت ايش داخلها ..؟! قلت لها ماشي عادنا ما قد شفت شي ، قالت خلاص ، انا واثقه انك لما تعرف ايش داخلها با تتصرف صح ، طبعاً ما رضيت اساعدك في مهمة الفيروس لاننا مشتيش احد يتدخل او يعرفك عن طريقي ، وقفت السيارة ، ونزلت طلعت في الخلف شلت من الخانة شنطة أسعاف صغيرة واقلت لي ارجع للكرسي الي بالخلف ، رجعت ، وبنشوفها ، بتحاول تخرج الرصاصة من يدي ، وبتعالجني ، وحقنتني بأبرة ، وهي بتقل ، بما ان به مثلك في اليمن ، فمحد عيقدر لها مهما طال مكرهم او اشتد خبثهم ، انا عن نفسي معرفش ليش سويت هكذا يمكن انا من اليمن ، الله واعلم ، ولا تقلقش الشخص الي حمل الفيروس والي يعتبر التهديد الوحيد لك انت واصحابك ، اعتبره ميت ، ويمكن هذا اخر لقاء بيننا ، كانت تتكلم وانا بنحس جسمي ثقيل قوي ، وعيوني بتغمض بالقوة ، كنت ابسرها ساع الخيال ، وفقدت الوعي ، صحيت وانا بنسمع رنة التلفون الجديد الي شليته من عبد الحق .. والسيارة حامية والشمس قوية ...
-هاااه يا عبد الحق
-الووو منير بتسمعني .. اين انت شبعنا لك اتصالات موتنا خوف وقلق عليك ..!!
رفعت راسي بنبسر من الفريم حق السيارة .. اشتي اعرف اين انا وابسرت ذراعي مربطه بالشاش ،
قلت له ..
-طيب ومالك ما تعرف اين موقعي من التلفون
-قال مقدرش اشغل اي برنامج كنت اشتغل عليه لا عاد يعرفو اين موقعنا الجديد ، ذلحين قلي اين انت وعنجي لك ...
-لا تقلقش يا عبد الحق انا شوية واجي لا عندكم ، المهم انتو كلكم بخير ..؟!
-ايوه يا منير به شضيتين من القنبلة في ساق عثمان ، وقد شغل افكارنا على ان الثوب الثاني حقه تخزق ..
-لا تضحكنيش يا جني يلاه قفل وانا شا اجي لكم ...

قمت ونبعت للكرسي حق السواق وشغلت السيارة ونزلت الفريم يدخل شوية هواء ، وبنجابر نفسي ، ليش البنت هذه فعلت كذية ، تخلت عن كل شي في لمح البصر مع ان القوة كانت في يدها وتقدر تفعل اي شي ، وتشغل ناس تحت يدها ، طيب ليش ساعدتني انا واصحابي ، وكانت تكلمني بكل فخر والدموع في عيونها ، انا كنت اضن ان المال والقوة هي ذروة المبتغا لاي شخص واذا ملكهن ما عاد يشتي شي من الدنيا غير انه يحافظ عليهن ، طيب انا كنت شخص بسيط لا اهش ولا انش كيف لما وصلت انا لا هذه المرحلة وفعلت هذا كله ، معقوله لاننا لقيت ضغط عليا وتهديد بقتل اهلي ، معقوله الناس اذا وصلو لنفس مرحلة الضغط الي وصلتها عيفعلو حاجات عمرهم ما كانو يتوقعو انهم يفعلوها .... سؤال محد عيلاقي اجابته ، الا اذا عاش نفس الي انا عشته ، طيب اصحابي ايش الي حفزهم انهم يوقفو معي ، هل بسبب المال وبس ، ولا بسبب انهم بيشوفو ما بش طعم للعيشه الي بيتكرر فيها نفس الروتين ، كل سؤال اغرب من الثاني ، بيثبت ان الانسان فعلا كان اكثر جدلا ...

الفن اليمني الاصيل

28 August 2026 11:56

الساعة 11 منتصف الليل ، ررن تلفوني من رقم غريب ...

-الووو من معي ..؟
-منير اسمعني ، اشتيك الان تخرج تسير لتحرير .. عتلاقي في الموقف حق الميدان باص سوزوكي ابيض مصندق كله ، وعتلاقي المفتاح حقه فوق العجله الاماميه على يمينك ، شل الباص بالي فيه واخفيه في مكان محد يعرفه لا من اهلك او من اصحابك ..
-لحظه ..لحظة ، اين انتي مختفيه وكيف تاخرتي في ارسال المهمه الثالثه ، وكيف تقولي مهمتي اقتلش ، وذلحين بتقولي مدري مفعل ..!! بنقلش من انتو وما تشتو مني ..؟!
-يامنير مابش وقت ذلحين انا شا اوضح لك كل حاجة ، وعتلاقي به رسالة مطروحه فوق كرسي السوق ، بعد ما تخفي الباص بالي فيه نفذ الي مكتوب بالرسالة .. وانتبه تخرج الان ومعك تلفون ، اطرح كل التلفونات واخرج ...!
ـطيب وليش افعل هذا....

وتقفل الخط في وجهي ، اشتي ارجع اتصل بس التلفون مغلق ، قلت يا عبد الحق شوف لي التلفون هذا اين موقعه وباسم من هو .. قال هات الرقم وخلي الباقي عليا ..

رجعت افكر مال البنت هذه وايش هدفها ، وايش داخل الباص ، وليش تشتيني اخفيه ، بدون محد يعرف ، وايش كان قصدها لما قالت اخرج بدون تلفونات ...؟!!! غريبة يا منير من صوت البنت حسيت انها متوتره وما عدبش نبرة الثقة الي كنت اسمعها في صوتها من قبل ، لاول مره احسها خايفة ومشي مسيطره ، صح انا اطمنت لها بعد العملية حق الفيروس ، لكن ولو ضروري يا منير تاخذ حذرك ، رجعت قلت هيامه يا عبد الحق لين وصلت ..؟ قال مابش بيانات لرقم هذا ولا كأنه تسجل في قاعدة بيانات شركة الاتصالات ، يعني يحتاج له وقت كبير لما اخرج لك خبرة ، قلت هيا اسمعوني ، كل واحد يطرح تلفونه، وهات لنا يا عبد الحق التلفونات الجداد والارقام الجداد ، الي قلت اننت شفرتهن ومستحيل احد يقدر يعرف اين موقعهن ، وقلت طلال وعثمان كل واحد يشل تلفون وسلاحه وجو معي ، ومحمد وعلي ، اجلسو عند عبد الحق ، اذا حسيتو به شي غلط اتصلو بلغوني على طول ، عبد الحق قال اين عتسيرو يا منير ، قلت له شا اقلك لما ارجع ، خرجنا للحوش ، وقلت اسمعوني ، طلال انت تطلع فوق السيارة وسير لا ميدان التحرير ، وتنتظر مني اتصال ، وانا شركب مع صاحب متر ، وانت يا عثمان ، سير ادي الدباب المصندق حق اخوك ، وجنبه في السبعين وانتظر اتصالي ، عثمان قال ليش ما به يا منير ، قلت البنت اتصلت لي اسير اشل باص واخفيه بالي داخله بدون محد يعرف ، وانا شفعل كذية بس اذا هم بيراقبونا عنضيعهم ومحد عيعرف من صدق اين شخفيه ، يلاه توكلو ، خرجت وركبت مع صاحب متر ، وصلت لتحرير ، واتصلت لطلال يقرب من المكان الي فيه الباص بدون ما ينزل من فوق السيارة ، قربت لا عند التاير الي على يميني ولقيت المفتاح ، وعثمان اتصلي قال انا في السبعين فوق الدباب ، قلت له انتظر مكانك ، عتبسرني فوق باص ابيض ماشي ومسرع شتصلك تمشي بعدي وشا اقلك ما تفعل بعدها ، قال حاضر ، قفلت التلفون ، فتحت باب الباص ولقيت الورقة ، في ظرف فيه نفس الرمز ، طلعت واقتلبت ابسر ايش داخل الباص ، وبنبسر شوايل مركزات ومربطات مديت يدي لا شواله بنحاول افتح او اقطع الحبل بس ما قدرتش ، حاولت افتح شويه من راس الشواله ، وابسرت طبع دولارات ، لما سنبين شعر راسي ، الباص ملان لا ابوه شوايل ، ومابش فيه كراسي في الخلف ، من عشر الى اثنعشر شواله ، امد يدي وبنتحسس الشوايل الي جنبهن ، وحسيت شواله فيها حاجه قاسية ، حاولت اسحبها لا عندي وفتحت من راسها وانها ملان سبايك ذهب ، من كثر الخوف حسيت جسمي كله بيرتعش ، السبايك الذهب عمري ما قد ابسرتهن على ارض الواقع ، التفت ، على طول لسكان وشغلت الباص سريع ، واتصلت لطلال...

-طلال اسمعني اشتيك تمشي بعدي على طول ولا تسمح لاي سيارة تدخل بيننا ..
-حاضر يا منير ، قلي ما داخل الباص ..؟!
-لو اقلك لا تقرح بكاء مش وقت ذلحين ، اشتيك تلحقني لما نوصل شارع كلية الشرطه ، واتسبب بحادث بحيث تمنع حركة مرور السيارات استغل الشارع لانه ضيق ..
-تمام يا منير بس ليش ..؟!
-على شان اذا به سيارة بتراقبنا او شي ، انت تقطع عليها الخط ، وهكذا شقدر اهرب ونضيعهم ..
-هاااه افتهم لي ولا يهمك يا عمنا ...

مشينا وعند شارع كلية الشرطه ، ابسر من المراية طلال تسبب بالحادث ، لما قطع الشارع حتى المتر ما يقدرش يمشي وانا طرحت رجلي على البترول وانطلقت ، واتصلت لعثمان ...

-عثمان شويه وعتبسر باص ابيض مصندق ماشي مسرع من السبعين اشتيك تلحقني على طول
-حاضر يا منير ولا يهمك
قفلت واتصلت لعبد الحق قلت له يتصل لحسين صاحب المتر الي راقب لي الأرضية.. وقلة
-حسين اسمعني ، اشتيك تجي لا بعد جسر دار سلم ، عتلاقي باص ابيض اطلع فوقه ، وشله للميدان حق التحرير ، وانزل من فوقه وخلي المفتاح معك ..

طيب حاضر يا منير ، بس ليش ما تتصله انت ، قلت يا عبده مشتيش اتصل لحد من هذا الرقم ، قال يا اخي انا افدي العقل الي معك ..

الفن اليمني الاصيل

26 August 2026 08:43

حسين ، قال جو شلو السيارات ولاحقهم واكتشف انهم اصحاب شركة تاجير سيارات ، قلت له خير روحو خلاص انتهت مهمتكم ، وفي اليوم الثالث وانا منتظر ، مابش اي اتصال من البنت ، ولا حصلي انا واصحابي او اهلي اي هجوم ، وقد القلق اكلني اكل ، قد مرين ما يقارب يومين من مهلة المهمة الثالثة والبنت ما تواصلتش معي على شان تقلي ماهي المهمه ، وفجأة وصلتني رسالة من رقم مجهول ..(منير مهمتك الثالثة انك تقتلني ... شكراً لقبولك العمل معانا)...

يتبع...
#دخان4
#منيرالنقيب
#منير_النقيب

الفن اليمني الاصيل

26 August 2026 08:43

عيقدرو يتواصلو مع ناس خارج ويجي لهم تعزيز قبل ما نقدر نحمل العلاج كله ، خزنا للمغرب ، وقد خرجو السواقين حقهم القواطر محملات وقالو ينتظرو لنا نمشي جمعه في الصحراء يكون افضل للكل ، قلت لهم ماشي يمشو احنا عنتأخر ، ما عاد باقي الا الثنتين حقنا وسط الحوش ، عيبدأو يحملوهن من بعد العشاء ، اذن مغرب ، قمنا كلنا مع اصحاب الحوش ، نتعشي وبنتجابر ، وبعد ما كملنا ، رجعنا نفس الغرفة نخزن ، وكل شويه يخرج مننا واحد لا فوق القواطر بحجة الي يدي شاحن والي يدي حاجته وهكذا ، لساعة ثمان الا ربع، وقد حملو القاطره الاولة وباقي الثانية ، خرجنا كلنا للحوش ، وبنقلهم ذلحين ضروري نرتجل ، انا اشك ان الثلاجه مكانها خلف موقف السيارات هذه ، محمد سير تمركز امام الهنجر الي بيحملو منه الدخان ، وامنع اي عامل او شخص يخرج منه ، وانت يا طلال ، عتتمركز عند القاطرة لما القي مكان الثلاجة ، واقلك تجي بالقاطره لا عندي ، وانت يا عثمان عتدخل للغرفة تحاصر الي فيها كلهم ، قالو تمام ، اتصلت لعلي يقرب بالحراثه للحوش ، وكل واحد انطلق مكانه وهو ماسك لسلاحة ، طبعاً عثمان محمل جعب وسلاح وقنابل حق كتيبه على ما هيه ، سمعته اول ما وصل للغرفة وخرج ثنتين قنابل وقال الي عيتحرك شا اطاير الغرفة بالي فيها ، ومحمد تحرك للهنجر ، وطلال تمترس تحت القاطرة ، وانا جريت لا عند الموقف ودخلت من الباب الصغير الي بالخلف ، وبنتلفت يمين وشمال والسلاح في يدي ...
-الوو.. عبد الحق قطعت شبكة الاتصال عليهم ، قال ايوه جاهز ولا تهم ..
لقيت بيتين واحد على يميني ثلاثه ادوار بلك ، والثاني على شمالي في طرف الحوش خلف الهناجر ، دور واحد وكبير ، وابسرت في نهاية الحوش على الزوة ، هنجر صغير ، وصلت وبه امام الباب حق الهنجر بما يقارب متر ثلاث صبيات محوزات (حاجزات) للباب حق الهنجر ، وفية قفل ، ضربت رصاصتين على القفل وفتحته الباب ودخلت ، مشيت ما يقارب خمسه امتار ، ولقيت باب الثلاجة ، فتحته ودخلت ، ولقيت ما يقارب اربعين صندوق فيه مضارب العلاج وقدهن متجمدات ، خرجت من الهنجر وحاولت اطلع لا فوقة وابسر ان نهايته على سور الحوش ، ومن سابع المستحيلات تقدر تدخل القاطرة لا هنيه .. رجعت جري وانا قد بنسمع صياح من اطراف الحوش ، وصلت وقلت لطلال اخرج من تحت القاطره وجي بعدي ، دخلت للغرفة وشليت مفتاح الشاص حق واحد من اصحاب الهنجر ، وعثمان ماسك للقنابل لو احد يتحرك يمكن لا يفجرنا كلنا ، قلت طلال افتح لي البوابة سريع شغلت الشاص ، وقلت لطلال يطلع معي ، ولقيت علي بالحراثه قلت له يلحقني ، لفينا من خلف الحوش من خارج ، وقلت لعلي يقرب بالحراثة يخرب السور ويفتح لنا من خلف الهنجر الي فيه العلاج ، ونزلنا الثلاثه نحمل الصناديق فوق الشاص ، كملنا ، رجعت قلت لعلي يطلع فوق الحراثه ويمشي من الطريق الي قلت له في الصحراء يسبقنا للموقع الي اتفقنا نلتقي فيه ، ورجعت انا وطلال والعلاج معانا فوق الشاص قد طرحنا فوقهن طربال وربطناهن بالحبال على الشاص ، وقفت امام البوابه ، وعادنا بنقول لطلال ننزل نكتف الكل ونرحلنا ، اول ما دخلنا الحوش ما سمعت الاضرب رصاص من مره فوق واحد من الاجبي لا تحت ارجلي ، وفي لحظات قامت القيامة ، واحد من الي داخل الغرفة ضرب رصاص واطرحت في رجل عثمان ، وعثمان ، رجع للخلف وسحب مسمسار القنبلة ورجمها للغرفة ، وما دريت الا بالانفجار ذيك وبقايا البلك بترتجم لا فوقي انا وطلال ، وبنسمع رماية في الهنجر الي بيحرسة محمد ، قلت طلال انبع اسحب عثمان واطلعو فوق الشاص سريع ، وانا جريت لا عند محمد ، وصلت وهو بيشتبك مع اثنين من العمال والحارس متمترس خلف الخزان حق الماء ، وصلت واشتبكت معاهم وبنصيح يا محمد انت بخير قال ايوه ، فجأة ولعت النار داخل الهنجر ، والحارس اول ما ابسرني هرب طريق البيوت الي داخل الحوش ، محمد قلي انسحب يا منير سريع وانا بعدك ، وخرجنا من داخل الحوش ، ومشينا بالشاص تيك ، وسط الصحراء والظلام بسرعة جنونية ، قربت من عثمان ابسر اصاباه ، الرصاصه دخلت من نص الثوب حقه وخدشت فخذة خدش ، ربطنا له بالشال ،ومشينا في الصحراء تيك ما يقارب ثلاث ساعات بدون ما نوقف ، وكنت منتظر ايحين نغرز في الصحراء بس محمد كان سواق محترف وقال قد خدم في الصحراء وداري كيف يسوق فيها ، وقفنا في المكان الي اتفقنا عليه نحرق وندفن العلاج بالفيروس ، والمكان م مابش فيه تغطية ، وحانبين كيف عنتواصل مع علي وعبد الحق ، ما دريت الا وطلال بيصيح ، انهو لقي تلفون اثير داخل الخانه الاماميه حق الشاص ، شليته واتصلت لعبد الحق ..
-الو عبده بتسمعني
-ايوه من معي منير ..؟!
-ايوه اسمعني حدد لي موقع علي بالحراثه ، وكم يبعد مننا لما يوصل ، مابش تغطية هنيه ، قال باقي له لما يوصل عندكم ما يقارب ساعة ونص شتواصل معه الان وابلغة ..

الفن اليمني الاصيل

26 August 2026 08:42

دخل عثمان للغرفة الي مخزنين فيها المهربين اصحاب الهناجر ، وماسك ثنتين قنابل في يده وقال قلدني الله لو احد يتحرك حركة واحدة ، لا اطاير الغرفة بمن فيها الكل ثااابت في مكانة ...

قبلها بخمسه ايام ...

شليت الملف ورجعت لديوان حقنا فتحت الملف والي قريته في الملف كان كل سطر يقشعر ببدني كله ، ما كنت مصدق ان به خبث وكرهه لا هذه الدرجة ، تجمدت بقعتي بما يقارب ساعة وقلبي بيدق بقوة قد عيخرج من وسط ضلوعي ويداتي بترتجف ، وفجأة اتصلي عبد الحق ...
-الوو.. هيا اين انت منير احنا مراعيين لك ..
-هاه يا عبد الحق انا جايي في الطريق
-اديلنا معك عشاء اذا انت فاضي
-حاضر من عيني .. كلكم موجودين صح ..؟
-ايوة ومنتظرين لك
-سابر ...

قفلت الخط شليت الملف وطلعت فوق السيارة وطول الطريق بنفكر وكل حسي في الي قريته داخل الملف هذا وما يرجع حسي الا لما اسمع هون حق سيارة ثانيه بيصيح ، سوق ساع الجن ، وهكذا طول الطريق ، وصلت للمطعم نزلت اطلب عشاء ، اول ما رجعت لا فوق سيارتي ، لقيت شنطة سوداء مطروحه في الكرسي الي جنبي ، شليتها وفتحتها وهي ملان لا ابوها طبع بالدولار ، وبه ورقة مقوى ساع حجم الكرت ، وفيها نفس الشعار ، وفي الخلف مكتوب ، هذه الفلوس نصها لك ، والنص الثاني للمهمة الثانية ...

وصلت للبيت الي اشتريته وفيه الخبره والي بنخطط فيه ..
تعشينا وبنمزح وبنتكلم ، وطلال ومحمد كل شوية يقولو مالك يا منير مطنن وحسك مشو معانا ، او به شي ولا شي ، وماهو الملف هذا الي في يدك ولا فلت له ..؟!!

قلت لهم خلونا نخزن شوية وشا اجابركم بكل شي ، جلسنا وخزنا واتواصلت مع المراقبين الي عند الارضية وقالو مابش احد قد مر من الشارع بكلة ...

عبد الحق قال ذلحين يا منير عرفت من هي البنت تيه وتبع من وكيف وصلو لك وليش اختاروك انت بالذات ..؟!! قلت ماشي ولا قد وصلت لشي بس شوصل ،ذلحين اسمعوني هذا ملف المهمة الثانية ، انسو اي جريمة قد حصلت من قبل قصف جماعي هدم بيوت مستشفيات واي جريمة من جرائم الحرب ، او حتى شفتوها في فلم او مسلسل او حتى رواية ، لان الي في هذا الملف اخبث واخطر من اي شي قد يجي في بالكم ، طلال قال الله يستر ، وعلي قال مابه يا منير لا توترناش مابين الملف هذا جابرنا ، قلت ركزو معي به فيروس تم صناعتة ، اسمه (3) الفيروس هذا دخل عن طريق حاوية في زجاجات علاج للمواشي ، وقدله ثلاثة اشهر مخزن في هنجر ثلاجة ، ومش مذكور متى عيتم تنفيذ خطة هذا الفيروس ...
عبد الحق قال ، وماهو الفيروس هذا ما عمله هل هو مثل كورونا والكورلا ، قلت ماشي اخبث يا عبد الحق ، الفيروس هذا ينتشر عن طريق الهواء والماء ، في البداية عيتم حقنه في المواشي ، وما عيأثرش على المواشي الي تم حقنهن ، وبعدها عينتقل للبشر عن طريق الهواء او ملامسة الماء الي ينزل فيه من لعاب المواشي ، وبعدها ينتقل من البشر للمواشي وهنيه يبدأ يتفاعل الفيروس وتضهر اعراضة ، على المواشي ، اول ثلاثه ايام يكون تصرف البقرة او الثور او التيس او اي نوع من المواشي تصرف جنوني ، وبعد اسبوع تلاقي انتفاخ واضح عند الحلق واصفرار شديد في العين ويتوسع نيني العين ويميل لون النيني للون الاخضر ، وبعد ثمانيه ايام تموت الماشية ، عيكون الاستهداف في البداية للمواشي الي بيتم بيعها للجزارين وذبحها ، وباقي الانتشار عيكون على الفيروس ، هنيه عيلاحظو الرعاه حق المواشي ان المواشي بتموت عليهم واحده بعد الثانية ، فبا يضطرو بيعها للجزر بنص السعر ، ولما يتم ذبحها واكلها ، عتلاقي تأثيره على من اكل من لحم الماشية المصابه ، بعد اسبوع المصاب بينسي حاجات كثيرة ، اليوم الثامن الي التاسع قد امتسحت الذاكره عنده بشكل نهائي مرض مشابه للخرف او الزهيمر ، بعد ١٤ يوم يحصل انتفاخ في الحلق ويكون واضح بشكل كبير ، المريض ما عاد يقدرش يتنفس الا من فمه ، بس قدهو ساع المجنون ، ما عاد يعرفش احد ولا يعرف كيف يتكلم او يلبس او ياكل ، وتجي له هلوسات خبيثه ، وفي نهاية المطاف الهلوسات توصله للانتحار ..
عثمان قال لكن يا منير عيتم انتشار الخبر ، ويتم حجز كل المواشي المصابة ويتم تصفيتهن وهكذا حصرنا الفيروس وانتهى ..
قلت ماشي يا عثمان ما عيتم انتشار الخبر الابعد ثلاثه اشهر ، وعيبدأ الخبر بالانتشار بالتدريج ، ناس قتلو الجزار الفلاني بسبب اللحمه الي يبيعها ، امرضت عدة ناس ، شوية ويتم توسيع الخبر بشكل عالمي ، ان به فيروس ضهر في اليمن اسمه كذا ، وبيصيب المواشي والثروه الحيوانية ، وقد تم حصر ان به مصابين من عشره الف او اكثر ، وموت الاف المواشي اليمنيه ، وبعدها على اساس با يدخلو اصحاب الصحه العالمية وينزل فريق يحاول يعالج الفيروس هذا ، والمشكلة هنيه ان الفريق الي عينزل ، عيجدد وضع الفيروس ، وطلال قال ، ليش عاده با يجدده يا منير ...؟! قلت لان الفيروس هذا يموت في خلال ثلاثه اشهر من نفسه ، وعبد الحق قال طيب وايش عيستفيدو عيال الكلب من هذا الشي ..؟!! قلت له اول شي ، عيقتلو الثروه الحيوانيه بالنسبه لليمن ، ثانيا حظر

الفن اليمني الاصيل

25 August 2026 05:46

بعد سته ايام .. الساعة ١١ الليل واحنا مجنبين فوق السيارة في السبعين .. قلت لهم هاه امسكو كل واحد يطرح السماعة في اذنه ،، الووو عبد الحق بتسمعنا ، قال ايوه كل واحد يذكر رقمه اتاكد من اتصالكم جميعاً.. وبعد ما تاكد من الاتصال ، قلت يا طلال ، انت عتنزل فوق السيارة الراف فور ، وتشتري العشاء والقات ، وتوصل لاعند الطقمين وافراد العسكر الي بيحرسو البنك ، وتنزل تسلم وتدي لهم العشاء والقات ، وتبين لهم انك صاحب خير وجيت تكرمهم ، وشل هذا العلاج ، تسكبه في العشاء ، فيه مادة مثبطه ومخدرة عيبدأ مفعولها من بعد نص ساعه الى اربعين دقيقه ، والمفعول مثل ما قلت لك ، عيخليهم جالسين ومش منتبهين لاي شي ، وما يعرفوش هم في واقع او حلم ، وعيكمل تاثير العلاج بعد ساعه ونص تماماً ، اول ما تكمل تجنب السيارة الراف ، تتصل لمحمد وتشل التكس ، وبلغني كما قدك فوق التكس على شان تبدأ تنفذ المهمه الثانية حقكم ، يلا توكل ..
نزل طلال ، وسار يكمل مهمته ...
رجعت اقول لعلي وعثمان ، اسمعو قدلنا ماشيين على الخطه خمسة ايام ، كل واحد داري ما عيفعل ، يا محمد الدباب والسلالم، واللبس والمواد جاهزات قال ايوه والدباب مجنب في المكان الي اتفقنا عليه .. خلاص اسمعوني ، طلال اول ما يكمل يدي للعسكر العشاء والقات ويتاكد ان الكل تعشى ، عيسير يشل التكس ، ويجي من فوق جسر. الصداقة ويوقف بعد الجسر تماماً ، بحجة ان البترول كمل ، ويسير يدي بترول في دبة ، ولما يسكب البترول ، يولع حبه شقاره وتولع السيارة ويبدأ يصيح ان سيارته حرقت ، الناس كلهم عينشغلو بأطفاء السيارة ، واحنا هنيه عنبدأ نتحرك ، كل واحد فاهم ما عليه صح .. قالو ايوه ..
الوووو عبد الحق انت بتسمعنا ..؟
-ايوة معاكم ..
-لا تنسي اول ما يقرب طلال من الموقع ، تخترق الكيمرات ومشتيش اي تسجيل يتسجل ..
-ولا تقلق كل شي تحت السيطرة ..

على بركة الله ..
وبعد ما نفذ طلال مهمته الثانية واحنا منتظرين فوق الدباب ولابسين يلقات وبنطلونات ، وكوافي ولابسين كمامات ، كأن احنا موظفين دعاية واعلان وبنصلح لوحات ، اول ما ولع طلال التكس وبيصيح يغيرو عليه ، تحركنا من يمين البنك ، ورفعنا السلام وطلعنا من فوق السور .. محمد خليك فوق الدباب اذا به شي قدك عتبلغنا ..
-الووو ..عبد الحق متاكد كل الكيمرات ما بتصورش
-ايوه يامنير اطمن مثبتات على فيديو واحد بيتكرر لهم كل شوية ، قفزنا للحوش ومشيت انا وعلي للباب الخلفي حق البنك ، باب البدروم من خارج ، وقلت لعثمان يراقب لنا من بعيد اذا به احد ولا اي شي يبلغنا ، ماشيين وانا متحمل معي اربع حبات بلاط نفس البلاط حق المخزن ، على شان لما نكسر ونشل الشنطه من تحت البلاط ، نرجع البلاط مثل ما كان ، لان الهدف من الخطه محد يعرف ايش شلينا من البنك ، وصلنا والباب فيه قفل ، وعلي بيحاول يفتحه ، ما دريت الا وانا بنسمع صوت خلفي ، من انتو وما بتفعلو وكيف دخلتو .. اقتلب وابسر شيبه لابس جاكت عسكري وفي يده مسدس موجهه لا فوقي ، ما دريت الا لما جى عثمان من خلفه ، وضربه في قفى راسه لما فقد الوعي ، وبنبسر عثمان بيركب كاتم الصوت في مسدسة ، مسكته وقلت مالك ، قال والله لا اقتله عيفضحنا ، قلت عثمان متفقناش كذيه ، قال يا منير عيخرب كل الي خططنا له ، قلت له انت اجلس جنبه ، عندخل انا وعلي للمخزن ، نكمل عملنا سريع ، ونرحلنا ، والرجال لما يفوق ، عيبلغ على طول ، بس لما توصل الجهات المختصة ، عيكتشفو ان مابش شي مفقود في البنك ، وعيضنو ان احنا افتجعنا وهربنا فهمت ..! قال طيب ..طيب حاولو تستعجلو ..
وعلي قال فتحت الباب يا منير هيا نتوكل ، نزلنا لما وصلنا للمخزن ، وعليه باب شبك فيه قفل وخلف الباب الشبك به باب ثاني والكل ، وعلي بيفتح الباب الشبك ..
-الوو عبد الحق به شي ولا شي ..؟!!
-اطمن عاد الوضع تحت السيطره والناس كلهم مشغولين مع طلال بحريق السيارة ، والعسكر حق البنك اثنين منهم واقفين من بعيد بيشوفو الحريق والباقيين مخزنين فوق الطقوم ..
علي فتح البابين ، ودخلنا للمخزن وفيه اوراق مأرشفة وعدة اجهزة كمبيوتر تالفه وثلاثه صرافات اليه تالفه ، ومجعوث قوي وملان تراب قدله فتره طويلة محد دخله ، وصلنا للمكان الي قالت لي عليه البنت ، وكسرنا البلاط ، ولقيت شنطة بني قديم ، شليتها ورجعنا نركب البلاط الي جبناهن ، وبنعبي البلاط المكسر في الشنيط الي معانا ، وقمنا خرجنا ورجعنا الاقفال مكانهن ، ولا كأن احد دخل ، خرجنا وعثمان مسنب عند الشيبه ، وخرجنا من البنك ..

وصلنا للبيت الي خططنا فيه كل شي ، والي جالس فيه عبد الحق بالاجهزه حقه ، وبعد ساعتين ، وصل طلال ، وقال خلاص تم الامر ، كملو ييحققو معي كيف حرقت سيارتي ، وتخارجت ، وباقي شوية اجراءات عيتواصلو معي ، بس نفسي افهم حاجة يا منير ليش خليتني امثل ان السيارة حرقت عليا ..! انا كنت قادر احرقها وارحلي بدل الهدار هذا بكله ..؟!!، قلت له يا طلال ، لو حرقتها ورحت لك ، الجهات المختصه با تشك ، من حرق السيارة وليش وتحقيقات وهدار ،