rewayatyamania | Unsorted

Telegram-канал rewayatyamania - روايات يمنية📚🇾🇪

22072

قنواتنا: قناة روايات يمنية📚🇾🇪 @rewayatyamania ارشيف القناة📗🗂 @archiveRY @ArchiveRY2 قناة سلي على قلبك للنكت🤣🤪 @nokat23 قناة قصص باللغة الانجليزية📖✏️ @engstory23 للتواصل عبر البوت @YemRewBot 🔥مااحلل من يحذف رابط اومعرف قنواتي ليوم الدين🔥

Subscribe to a channel

روايات يمنية📚🇾🇪

.

روايات الكاتبة عبير الكبسي التي تم عرضها👉🏻

Читать полностью…

روايات يمنية📚🇾🇪

.

تعليقات المتابعين (2) 🤩👇🏻

👤 يسعد مسائك مبدعتنا💗


صراحه كلمه شكر قليل بحق ابداعك كل روايه من رواياتك لها ذوق راقي لكن ذي الروايه غير بمعنى الكلمه 🥺

نفسي اوصلك كلام الشعور الي تغير داخلي من تأثير كتابتك  لذي الروايه بذات لاول مره لقيت شي يغيرني ولاول مره لقيت نفسي اتقبل برضاء نفس وكسرت عنادي وفعلا فعلا تغيرت

لأنها كانت تتكلم عن حياتي شخصيا

الروايه كانت فكرتها عن الغيره وتماديها

ومواقف انس التي تكررت بـ الروايه شدت انتباهي ولذلك لأنني مصابه بمرض الغيره الزائده وأحيان خربت معي كم علاقه سواء من الأهل أو الصحبات وغيره وغيره.... وكنت اسمع أن الغيره زيادتها مش حلو بس ما لقيت المبرر لذا الكلام وكنت اقنع نفسي أنه الغيره ناتجة عن مشاعر حب واهتمام وخوف لطرف الثاني وما خليت فرصه تفكير عن مشاعر لطرف الثاني كيف بتكون
؟ بسبب غيرتي انعميت💔

لما لقيت روايتك وشفت العلاقه انتهت بسبب غيره وشك وتفاكير  وكل شي انتهى بينهم تيقنت أن الواحد ضروري يتحكم بمشاعره وغيرته 💔


من قلب قلبي فرحان لاني لقيت شي يعلمني الوسطانيه بغيرتي الي تعبتني  وبسببها وصلت للمستشفيات وماقدرت الاقي حل لحالي💔

متشكرك ومزيدا من إبداعاتك ❤️❤️


👤 السلام عليكم


أشكر مديره القناه ع عرضها للقصص

وأشكر الكاتبه عبير الكبسي ع القصه التحفه
ماشاء الله روايه تجنن
سلمت اناملك🤍


موفقه ومنتظرين رواياتش

في حفظ الله😊


👤 السلام عليكم 
دائما روايات الكاتبة عبير الكبسي تفوووززز جدددا فخمات..
والسرد والحبكة يجننن

ورواية ثروة منسية حلوووة وفيها الكثييرر من المواعظ والعبر

وما بكيت على بلقيس وأنس لان الواقع يفرض نففسسسه والتعايش مع انسان شكاك صعب جدا وولااازم تكون الثقة أساس العلاقات سواء حب أو صداقة وغيره..
بس بكيت لما استبدلوا أشجار البن بأشجار القات انقهرررت حرفيا حسيت بمأساه على حالنا وما وصلنا له الآن كله بسبب القات ولا من يستبدل الطيب بالخبيث الا الجاهل..
وأعجبتني العلامة التجارية حق مشروع أنس جدا فخمة 💜

سلمتي ومنتظرين تجينا بروايات جديدة..


ومشكورة مديرة القناة عجهودها💜💜


👤 اخخخخ بس الروايه تجنننننن تسلمي يا ضخمه ؏ الروايه  تجنننن والى الامام دائما يا فخمه
النهايه تزعل شويه لكن كل من شل نصيبه😊❤️‍🩹



👤 طبعاً الروية قمة الروعة والله تجنن وواقعية صح في نهاية مزعله بس هذي حقيقه انه مش دايما نوصل لكل الي رسمنه في مخيلتنا طبعاً الكاتبة عبير من افضل الكتاب على مستوى العالم بنسبه لي لانه تلمس القلب وتدخل القلب الرويات حقها كامل ❤️


👤 الروايه قمة الرووووعه... صراحه حبيييتها جداً جداً..
لكن النهاية ما توقعتها كذاا😔...صراااحه زعلت وبكييت.💔💔.
بس استمتعت كثييير مع أنس و بلقيس..
شكراً لكم وإن شاء الله تستمروا على هذا الابداااع...

           ❤️ يسلموا عبير❤️


👤 الرواية تجننننننننن😍

الصدق انتي دائما مبدعة
استمرررري♥️😘


👤 الروايه روعه لامست قلبي وذكرتني بالماضي  استمري يامبدعه 😘

واشتي اقول لش احبش واحب روايتش مستحيل اشوف اسمك ومااقرا روايتش رغم ضعف الشبكه وانشغالي معا البيت والعيال


👤 كمممممية جماااال وفخامة في روايات كاتبتنا الكيوووتة عبير الكبسي

الرواية حلووووة جداً😍
ومزيداً من الابداااع 💛


👤 انا مشتركةة جديدةة واول روايةة اقراها عجبتني وحبيتهااا قوي كمان الروووايةة بقمةة الروووعةة وقسمم فخامةة بكل معنى الكلمةة❤‍🔥.
بس النهايةة ماتوقعتها كذا خاااالص تمنيت يرجعوا لبعض، لككن صح كلن وقدره.
نشككر الاخت #عبيير على مجهودها الرائع نلقي منهاا روايات اخرى ان شاءالله فخمةة كـ فخامتها❤‍🔥🫶🏻.


👤 السلام عليكم ورحمة الله وبركاته

الروايه اكثر روعه بس النهايه مش حلوه

ونحب ان نشكر  الكاتبه  ومزيدا من التقدم  وإلى الامام دائما تسلم الايادي  التي كتبت

Читать полностью…

روايات يمنية📚🇾🇪

مرحبا متابعينا.. إليكم بتعليق الكاتبة المتألقة دوما عبير الكبسي😍👇🏻

يسعد كل اوقاتكم وشهركم مبارك أعضاء قناة روايات يمنيه
أرجو أن تكونوا استمتعتوا بأحداث القصة، لكم الشكر لمتابعتكم ، بإنتظار تعليقاتكم ووجهة نظركم فيما يخص الرواية

عبير الكبسي


التعليقات عبر بوت القناة وسترد عليكم الكاتبة

@YemRewBot

Читать полностью…

روايات يمنية📚🇾🇪

.

الثروة المنسية

للكاتبة✍🏻 عبير الكبسي

البارتات الأخيرة من 150 إلى 154👆🏻😍


/channel/rewayatyamania/51250

.

Читать полностью…

روايات يمنية📚🇾🇪

.

البــارت 149 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


سليفتها ( زوجة عم بلقيس)): الله يهديش مااداش مايسبرش تجي

زوجة سالم اشرت بيدها باستهتار: مش انا امها عادي
وبعدا مافيها نبسر .. وبعدا هذا ماله ولا عد جاء قالوا قد العريس مراعي ومابش حد

سليفتها: قومي نروح تأخرنا وهو اي حين ما جاء يجي

زوجة سالم: مسكين كانه حاسس بالمصيبه اللي عيوصل لها خليه يفتهن..

لمحت بلقيس وهي شافتها بنظرات: ها على قز اعوذ بالله

قامت سليفتها واعتذرت من اهل العريس ومشيت مع بناتها

قامت خاله بلقيس بعدهن وقبل مايخرجين راحت خالتها لاعند بلقيس: كان نفسه ابوش يزيد يطلع يتصور معش بس سار يبسر ماله انس في المستشفى اسعفوه مسكين مابش معه حد
يله مبروك يابنتي ها الله يسعدش خاطرش.. وفعلت نفسها بتدمع عليها قدام النسوان وخرجت

بلقيس نظراتها لها !! وحست انه كذب ومقلب من مقابلها عشان تزعلها يوم عرسها انس عاقل ولايمكن يفعل شي او يحصل له شي..؟؟؟

صاحبتها دخلتها غرفتها

بلقيس دخلت بتتفرج وترجع تنزل نظرها للارض

صاحبتها: ادي لش ماء او عصير

بلقيس: تسلمي

صاحبتها: ما ارتحتش لخالتش بالمره فظيعه

بلقيس: ليش حصل شي؟

صاحبتها: جننتني تشتي نشلش لبيتش الآن تشوفه

بلقيس انحرجت: قالت هكذا؟

صاحبتها: ايوه قالت ليش ماتشلوها لبيتها ليش توصل لهنا نشتي نتأكد نبسر ماناقصها شي


فتحوا باب الغرفه فجأه اخت زوجها الصغيره: لو تدري كمال فعلوا حادث في العرس وبيقولوا هو مابش فيه شي

اختها الكبيره: يو واخوتي وعيال عمي !
فلتتها وخرجت تشوف ايش حصل

بلقيس محتاره تقلق او لا ! ماتعرف الشخص اللي المفترض تقلق عليه ع اي اساس تقلق؟

انه بالاسم زوجها ! مش خايفه لو وقعت ارمله لانها جربت الشعور هذا من قبل وتعايشت معه.

بس اللي مزعلها انه ليش كل مانكتب لها شي في حياتها ماصلح ! لو وقع به شي!

صديقتها دخلت قاطعت شكوكها وتفكيرها: الحمدلله ماوقع بهم شي غير كسور واسعفوهم والآن كمال راجع مع ابي في الطريق

بلقيس هزت راسها: الحمدلله

صديقتها: طيب اخليش تاخذي راحتش ابسرهم لو يشتوا شي واجي خرجت وقفلت الباب بعدها

بلقيس ضبحت جلسه طول الوقت وتفكير كان العرس وكل شي بوادي وتهم موقف انس وزعله وايش حصل معه ! جلس قلبها مقبوض نفسها تتطمن عليه قررت تتصل تعاتب ابوها ليش ماتصور معها اتصلت له..

@rewayatyamania المصدر الأول للروايات

في الغرفه..
سالم بيكلم انس: ماحصل لك؟ كيف فعلت !

انس: مدري والله ياعم خرجت وبعدا حسيت الدنيا بتلف زغللت عيني وانا بين اسوق وصدمت

سالم فتح التلفون يجاوب وهو بيتكلم: بس الحمدلله انك بخير ماحصل لك شي جاوب: ها خير مابه ؟؟ خرج من عنده وبيتكلم اصلا حصل لي ظرف مهم وخرجت ماعد لحقنا نتصور عاجلنا عمش سهل ولايهمش بكره نتصور.. يلا خاطرش يابنتي مع السلامه

بلقيس قفلت ولا فهمت ايش الظرف الطارئ بس اول جمله سمعتها لما اتصل طمنتها وعرفت ان خالتها بتدور تحانبها وانه مابش شي ومن اللحظه هذه لازم تنسى تفكر فيه وتتقبل واقعها وتكون راضيه بنصيبها عشان تكون سعيده بحياتها..

وصلين خواته وامه دقين باب غرفتها ودخلين بالمبخره وبيحجرين واصوات البنات الصغار جاء العريس جاء..

بعد التصوير والترته جلس يتكلم معها ويتعرف عليها اكثر..

كمال: كان نفسي اتعرف عليش بس قالت اختي انش ماعد داومتي معاها

بلقيس: ايوه

كمال: ليش؟

بلقيس: مدري

كمال ضحك: كيف مدري

بلقيس: بصراحه ابي مارضي

كمال: ليش وهو كان موافق في الأول

بلقيس: مدري

كمال: وانتي فرحتي تجلسي تفتهني في البيت صح

بلقيس هزت راسها لا

فلت التاج لافوق عيونها

كمال ردة فعل بدون مايركز رفعه لها صلحه وابتسم

طيب مارأيش ترجعي تشتغلي

بلقيس شافته: ابي مارضيش

كمال: مادخلني به انتي مرتي الآن ولو نفسش وحابه تواصلي سيري مع اختي عادها بتسير المؤسسه

بلقيس حست بفررررحه ابتسمت: طيب

كمال بنبره فجأة: مش من السبت بغير جنان فارحه قلك طيب يعني بعد شهر العسل بعد مانرجع

بلقيس: من وين نرجع !

كمال: من العمره اقلش بعد شهر العسل تقلي من وين

بلقيس جاملته وحاولت تضحك هو كان قصدها من وين يرجعوا بس مااهتمت و سكتت..

@rewayatyamania المصدر الأول للروايات

في المستشفى..
سالم: متأكد ماتحتاج شي؟

انس: لا والعفو ياعم والله مانا داري من اتصل بك انا داري انك مشغول المعذره منك

سالم: الله المستعان مابش شي انت مثل ابني والحمدلله تطمنت عليك.. يله خاطرك يا ابني.

انس خرج بعد ماجبسوا يده لانه كانت ع الباب ولما انصدم اتأثرت.. وصل ولع الكهرباء ورغم انها والعه بيتفرج حاسس بظلام مثل ظلام الشارع اللي رجع فيه كانت كل ثانيه بتمر عليه بسنه..


/channel/+Ecxq_OzMYh40M2E0




📚 @rewayatyamania  🇾🇪

Читать полностью…

روايات يمنية📚🇾🇪

.

البــارت 147 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


صاحبتها: جبر الخزا..ممكن اصورش؟ جننا يشتي صورش

بلقيس بتنصدم بكل طلب وكأنها مااستوعبت للآن انها مرتبطه فعلا بشخص!

وقفين جنبها وتصورين..

وبعد الحفله رجعت البيت ودخلت غرفتها امتدت وصلها اتصال من صاحبتها

بلقيس: الو

جاوبها بصوت ونبره رزينه شويه: مساء الخير

بلقيس حست نبضها توقف هذا اللي هي مخطوبه مدري معقوده له!

كمال: ليش ساكته ! قررت بما انه اخيرا تعرفت على صورة الانسانه اللي ارتبطت بها لازم اتأكد من الصوت ضحك

بلقيس مش فاهمه ولاركزت ع ايش بيضحك

كمال: شكلش تفاجأتي باتصالي يله سهل تعودي ششغلش اليومتين هذه عتقلي عادو الا ذكر بس ع الاقل اعرف كيف اتعامل معش كما انا زباج مش توصلي تزعلي مني

بلقيس مش عارفه ايش ترد !: لا عادي.

كمال: طلعتي تجنني اليوم الحمدلله حسيت ان الله وفقني والبنت صاحبتش هذه ماانسى لها الجميل هذا

بلقيس حست بتأنيب ضمير ماينفعش تصارع مع حد خلاص هذا زوجها لازم تخلص توفي له وبس بتحاول تتقبل كلامه ترضى بالواقع: ليش

كمال: عجبتيني شكلا والباقي شتعرف ع طباعش مع الوقت

بلقيس: ان شاءالله

كمال: الشي الوحيد اللي ما طلعتي مثلها انها مجنونه رسمي وانتي شكلش عاقله بزيادة

بعد ماغلقت وكانت مستغربه بكلامه وكأنه يعرفها من زمان ماادالها فرصه تتكلم ولاعرفت تفتح معه مواضيع !! حست انها مابتقدر تتعايش معه وان طباعه مختلفه عنها وانه مش زي شكله والرزانه والعقل والشخصية..
.
.

ثاني يوم..
زهور: مالي دخل كلميني بالتفصيل ايش حصل وماقال!

بلقيس: مدري تصدقي كنت ماافهمش قوي احاول استوعب ماقال واشوفه ضحك وكمل الموضوع ماعد اعرف ايش ارد

زهور ضحكككت عليها: عتتنقشي؟

بلقيس: مرة عمي قالت كلمت واحده عتجي بعد الغداء

زهور شافتها نزلت راسها وسارحه بتقرش بقية الصباغ في اظافرها

@rewayatyamania المصدر الأول للروايات

في غرفته..
انس قام شاف الساعه 3 العصر ! مد يده لجنب السرير شل الباكت وسحب سجاره..

قام رفع راسه ع الوساده وولعها وجلس سارح في تفاصيل كل ايامهم.. تذكر موقف التبرير وعصبيتها لما كان يكذبها .. بدون مايحس سسسسسسحب نفسس لنص السجاره ورجع يسعل .. فحسها بضببببح في الطفايه .. وفتح الدرج خرج شريط حبوب منومه وشرب 2 مره ثانيه.. كل همه يعدي الاسبوع هذا عشان ينساها تعب تفكير..

وبعد نص ساعه تفكير وندم ويلوم في نفسه ويدعي اوقات ع العريس ويدعي عليهم يتطلقوا ويرجع يستغفر الله.. نعس بدون مايحس...

دخل واحد من الشباب في الشقه: انت عتمكن ابوها رقده؟ حرام لو حد يسرقك ما انت داري بروحك..

انسس !!! يااااي؟ لايكون مات من امس بدون اكل..

صاحبه: ماعيموت من يوم ناس بتجلس اياااام.. اكيد راقد

خرجوا وقفلوا الباب..
.
.

في مكان ثاني ( سمرة الرجال)..
اصحابه بعد مالبسوه وخارجين معه: مجهزين لك زفه وسيارات عنغلق الشوارع كلها

عنخليهم يدوروا عرس من هو اليوم

كمال ضحك: وانا اولكم

اخوه باسه فوق راسه: الله يسعدك يا اخي ويجعلها زواجة الدهر .

كمال: اي دهر ! عادك عتزفني 3 مرات

صاحبه: هذا زيدت بها الهواره لاشي معك مهر زايد ابسر جنبك اربعه اعفاط حول بالزلط قال 3

كملوا لفوا الجنبيه حول خصره وخرجوا بقوارح وبرعه ...الخ

@rewayatyamania المصدر الأول للروايات

وقت المغرب..
المنقشه: غلقي الطاقه

زهور غلقت الطاقه: يو اعوذ بالله كم افتجع لابسرت غراب من صدق يقع شي شوعه

المنقشه: تعوذبي مابش شي..

سمعين صوتها بتصيح: يوووو وهذه ماتمت تنتقش قد البيت كله طحين مابتفعلين؟

زهور: هو هذا الشؤم اللي اقصده

المنقشه بتخططها

زهور جلست مبهرره لبلقيس ، شافت المنقشه: ليش فعلتي حرف ايه؟

بلقيس: شافت زهور

المنقشه صيحت فوق زهور: قلتي لي احمد؟

زهور: كمال.. ككك مممم اااا ل رضي على والديش مالقيتي الا هذا الحرف تغلطي به

بلقيس مسحته بسرعه لايطبع شافت زهور بيضحكين على الموقف وعيونها ملان دموع

زهور ماتحملت تشوفها هكذا ! تشتي تتهرب تنسيها الموقف: اسير ادي لش ماء وصابون تمسحيه

المنقشه: هذك خالتش مرة ابوش!

بلقيس هزت راسها: ايوه

المنقشه: وامش؟

بلقيس سارحه في تفاصيل النقشه: ماتت

زهور وصلت بالماء

المنقشه: فارحه عتتزوجي؟

بلقيس كانت ضابحه من فضولها وماسكه نفسها وفجأه ضحكككت بصوت وبكيت

زهور قربت جنبها بفاين وتمسح وشها وتهداها

المنقشه: آسفه والله الظاهر غثيتها حين ذكرتها بامها

زهور: الله يهديش بس خير مابش شي.. الله يرحمها وذلحين هي حاسه بفرحتش لاتغثي ولاشي

بلقيس وقفت المنقشه: خلاص يكفي هكذا حالي لازادين النقشات يرجع شوعه

المنقشه: اوصلهن بسلاسل يطلع ضخم

بلقيس: مااشتيش سلاسل خلاص خليهن هكذا ورد مفرقات

المنقشه: مااشتيتي.. يله خاطركم دوروا لي حد يضويني البيت


/channel/+Ecxq_OzMYh40M2E0



📚 @rewayatyamania  🇾🇪

Читать полностью…

روايات يمنية📚🇾🇪

.

البــارت 145 ○


الثــروة الـمنسيـة 🍀

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


في القريه..
سالم خرج ومشي رجع للمدينه


بعد ربع ساعه..
اخت انس سارت لبيت سالم: وين بلقيس؟

مرة سالم :ادخلي مابحد هي محجبه في المدينه!

 اخت انس: ماقصدش؟

مرة سالم: يعني حريوه بتكتسي

اخت انس: صدق؟

مرة سالم: ليش عتراعي لمن

اخت انس: اها تمام.. ومشيت

مرت سالم قفلت الباب

وصلت اخت انس للبيت بسرعه واتصلت له.. ومابيرد.

بعد ماخرج من المحكمه فارح انه تنازل عمر عن شؤون الارض وترجع لأصحابها..

شاف اتصال من اخته اتصل لها سريع جاوبت امه وقالت له اخته خرجت تدي حطب..

قرر يروح القريه بنفسه بما انه كمل عمله في المدينه منها يتشارع مع المزارعين ومنها يكلم اخته ويكون هانك احسن لو وافقت..
.
.

بعد العصر..
سالم: انا شاوصلكن نشل الذهب اليوم وارجع اروحه البيت وتخرجين تتمين.

بلقيس: تمام

سالم: ماقالت مرة عمش كم ندفع للقاعه؟

بلقيس: مدري أسال علي هو حاكاهم

سالم: اهم شي عجبتش؟

بلقيس: عادي مش مهم عندي اي شي.

سالم ضحك: اليوم تأكدت انش دلعيه يابنتي ولايعجبش العجب

بلقيس حابسه دموعها وداخلها عتاب واحساسات منه تتمنى تكون خاطئه..

@rewayatyamania المصدر الأول للروايات

في القريه..
انس بعد ماسمع كلام اخته خرج حززززين وجالس في ارضه بيتفرج الشجر رغم انها اثمرت وعترجع حقوقهم والاراضي ويزرع ويحقق احلامه بس....!!!

( لو أننا وصلنا إلى محطة الحب قبل ثانية من اقلاع القطار ولم يفوتنا اللقاء!
♡♡♡

لو أننا أطلنا النظر في عيونهم ثانية إضافيه، وتركنا شعورنا يتسرب بالنظرات!

♡♡♡

لو اننا امتلكنا شجاعة البوح ثانية واعلنا ما نخفيه سنين في صدورنا ،
♡♡♡

لو اننا استغلينا فرص الحياة وتخلينا عن خوفنا لثانية
وقمنا بما اراده قلبنا !
♡♡♡

لو اننا تأخرنا بإتخاذ قراراتنا ثانية ومنحنا فرصة للخطأ ، ثواني غير منتظمة بعثرتنا وتركتنا ضحايا الوقت الضائع ،!))) تفاجأ بأتصال من رقم غريب جاوب: من معي؟

انا زهور صاحبه بلقيس كنت اشتي اقلك لو سمحت لاعد ترسل ولا تتصل بها خلاص مابش نصيب يا انس

انس قاطعها: ليش كذبتي عليا وقلتي لي انها ماانخطبت؟ انتي داريه كيف رفعتي آمالي للسماء ونزلت للارض اليوم لوما دريت انها قد عتتزوج؟

زهور: والله ماكذبت كانت مش مخطوبة بس بعدها تقدموا لها ناس وع طول عقد ويشتوا يعرسوا سريع

انس حاول مايتأثر صوته ويبين لها: لبيت من؟

زهور: لبيت....؟

انس: وايش اسمه ؟ وفين بيتهم وايش بيشتغل !

زهور: انس ماتوقعتك هكذا انا داريه ان طول عمرك بتحب بلقيس ولاتوقعت انك عتأذيها !

انس: ماقصدش كيف أذيها؟

زهور: ليش بتسأل عنه!

انس: عشان اسأل عليه اتطمن يستاهلها او لا !

زهور: خلاص ابوها سأل وانت انساها يا انس وربي يعوضك ويسعدها

انس: ممكن تجاوبي ع سؤالي ووعد والله مااتصلها ولا ازيد ارسل بس يتطمن قلبي عليها وخلاص الله يسعدها ويوفقها

زهور: قالت له بكل التفاصيل

انس خرج ورقه وجلس يكتب ويده بترجف من التوتر اللي فيه...

كمل يكتب..

زهور: انس رجاء لاتفعل شي وتخرب

انس قاطعها معصب منها: رجاء انتي لاتتهميني ومش انتي داريه بي قليل الأصل واللي ماعنده رجوله يفعل هكذا.. مع السلامه

زهور خايفه حست نفسها ودفت انها كلمته! بس هي عارفه انه يحبها ومابيضرها بس معقول غيرته تخليه يفعل اي شي عشان يخرب زواجها!

قررت تسكت وتنتظر ردة فعله وتعترف في الوقت المناسب لو حصل شي.

@rewayatyamania المصدر الأول للروايات

في السوق..
ابوها بيقيس الحزام بيده: بس هذا ثقيل قوي

مرة اخوه: ادوا مهر ماله شي حالي تسير بذهب سوا

ابوها: ما الفايده وآخرته له!

مرة اخوه: وهي تقع حاذقه وتلف ذهبها

بلقيس ساكته ولا كأنهم بيتكلموا عليها مستغربه افكارهم في المستقبل المجهول هم بيهموا اشياء ممكن تزول وهي بتهم الشخص اللي بتكمل عمرها معه ! كيف طبعه اخلاقه من هو! كيف بتقدر تعيش معه وتتأقلم وماتعرف عنه سوى اسم ومهنه وكأنها بتقرا مواصفات حد في المجله.

مرة عمها: ماقلتي هذا حالي

بلقيس: اللي تشوفيه ياعمه عادي اي شي.

سالم شافها وضحك: معي بنت قنوعه.

بلقيس رجعت تشوف البايع اللي بيعاكسها بنظرات ويسترق نظراته لها وبتشتمه داخل نفسها قلة الذوق اللي فيه شايف واحده بتشتري ذهب عرسها وعادو بيعاكس!!!

رجعت تذكرت انس وتذكرت مواقفهم في المحل تذكرت شكوكه !! ليش عمرها ماشكت فيه ولو عاكس او شاف واحده بنظرات وعاملها زبونه خاصه..؟ كم نفسها هذه اللحظه وتقدر تفرمت راسها زي التلفون اللي فرمتته من رسايله وارقامه وكل شي يذكرها به.

ابوها: تمينا الذهب هيا نروح!

بلقيس كل الوقت مع افكارها واحاسيسها بتحاول تدفن الماضي وتتوقع للمستقبل !

كملوا يشتروا وماشفت شي؟

خرجت معهم وبتتلفت حولها ووراها!


/channel/+Ecxq_OzMYh40M2E0




📚 @rewayatyamania  🇾🇪

Читать полностью…

روايات يمنية📚🇾🇪

.

البــارت 143 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


بلقيس سمعت تلفونها رن راحت تجاوب  صاحبتها: كيف عروستنا مش مصدقه صاحبتي عتوقع مرة اخي

بلقيس ضحكت وخازيه ترد

صاحبتها: اليوم قلنا تقع خطبه رجال عشان العقد مايشتوا ناس خيرات واي حين مااشتيتي نفعل حفله

بلقيس: عقد ايش؟

صاحبتها: هم اتفقوا مع ابوش يقع خطبه وعقد ما حاكاش

بلقيس حاولت تبين انها عارفه: الا بس مربوشه

صاحبتها: مقدره يا حبيبتي الله يتمم لكم بخير ويجعل في ذلك خير

بلقيس كملت تكلمها وهي مش مجمعه شي وغلقت وبكيت

زهور مصدومه: ايش من عقد !

بلقيس بتبكي

زهور جلست ساكته بعد ماهدأت بلقيس: خلاص في الاخير بعد الخطوبه عيعقدوا فرقت اليوم او بعد شهر

بلقيس: ليش ابي رجع هكذا يشتي يتخلص مني بأي طريقه بيصدق لمرته وابنه مابين ابكيش على العقد بين ابكي ليش يخبوا عني تصدقي خلاص الآن رضيت مني صدق وشاتزوج وارحلي من عندهم من يوم جيت وانا حانبه في حلقه.

زهور حضنتها وجلست تطبطب عليها

خالتها دقت باب الغرفه ودخلت: مالكن بتعزين هي فرحه صلين ع النبي

زهور: اعوذبالله من الشيطان الرجيم

خالة بلقيس: صرفوا او ابسرتي جني

زهور: والله اني تخايل لي هكذا جني فجأة ابسر حد قبالي

خالتها: عتجلسين مغلقات ع روحكن نشتي نحس بالفرحة جين نجتمع هنا خارج

بلقيس: عادو لوما انزف واخرج عتفرحي سوا

خالتها ببرود ومسخره: قد بين اقل لروحي مش انتي حق ميزه خاطرش
خرجت وغلقت الباب

زهور: وعادش غاثيه وماتشتي لو هو انا ان قد طرت مع اول واحد يتقدم لي احنا و السحليه اللي متحملتها هذه

بلقيس ضحكت ع شكل زهور بتقلدها.

دق الباب ومن وراه ابوها: بلقيس

بلقيس قامت وقفت وفتحت الباب

ابوها: عيجي يسألش القاضي ع الموافقه

بلقيس فعلت نفسها مش داريه: موافقه ايش؟

ابوها مستعجل: مش وقت قد جاء عنتفاهم بعدا

رد الباب

سألها القاضي.

كانت حاسه بخوف برجفه وكأنه المصير الحقيقي اللي بيفرقها عن انس هذه اللحظه مش لما فسخت خطوبتها منه جاوبت وجلست ساكته

زهور شافتها بعد مامشيوا جالسه وساكته سارحه: مالش؟

بلقيس: مدري انا تسرعت !

زهور: لاتسرعتي ولا خلاص ماعد بش شي بيدش تسويه قرار بعد قرار اخذتيه بقناعه محد غصبش عليه

بلقيس: الا الخطبة ابي غصبني عليها والعقد قبالش ماكنت داريه بشي

زهور: خلاص مبرووووك قدش مزوجه الآن وعتبسري ربي ماعيسخاش عليش اكيد فيه خير لش

بلقيس تنهدت وساكته..

@rewayatyamania المصدر الأول للروايات

الليل بعد ماراحوا

ابوها جلس معها وفاررح: ادا مهرش 2 مليون تخيلي محد بيدي هذا المهر الا وهو شاااابع

بلقيس: يعني لاهو شابع عيسعدني؟

ابوها: وسألنا عليه ماله شي

بلقيس ساكته

ابوها: ومعه بيت لحاله وماعاد تشتي احمدي الله عادش بتغنجي الصدق انا حاسس انه قرار صح اني خليتش توافقي عليه زيدتي بالدلع خيرات

بلقيس: انا ماوافقتش هو انت قلت اوافق بس انا مش راضيه

ابوها: كلام كل البنات المهم يشتوا العرس بعد شهرين
ابدأي اخرجي مع خالتش تكسي وابسري قاعه نسير نحجز قد ادوا المهر كله

بلقيس قاطعته: شخرج مع صاحبتي

ابوها: ماينفعش صاحبتش

بلقيس سكتت وشافته انشغل وبيجاوب التلفون ويتكلم مع علي ع الشغل راحت غرفتها..

غلق وتذكر انس اتصل يسأله ايش فعل..

@rewayatyamania المصدر الأول للروايات

ثاني يوم في القسم..
عمر تحول للنيابة للمدينه وبدأوا معه تحقيق ..

وطلبوا اخوه ايمن في التحقيق

انس كان موجود بالأوراق وبعد ما اخذ افادة الشهود كلها

ايمن جلس مع عمر لحالهم وبيقنعه يعترف باخطاء ابوه

عمر: والله ماافلت لهم تعب ابي كله هو هذا تم يقرا وجاء يهنجم فوقنا عتبسر ماعيخرج بأي نتيجه مش بحق مانخسر

ايمن: اذا ماعتتكلم انت انا شاتكلم

عمر عصب: وتودف بابي يتحاسب ع اخر عمره

ايمن: ولاعيفعلوا شي معه عيرجع حق كل واحد له

عمر: ايش من حق لو ما انا فوقهم ان مابش معهم شي

ايمن : بتفهم او مابتفهمش انت؟ اقلك طز فيك وباللي عيقع بك مش انت حق واحد ينصحك ويوقف معك بين اقل اوقع اخوك واسندك وانك مرفس وجاوع بتقاتل لآخر لحظه وهو حقهم

دخل لاعندهم الضابط: هيا ايش وصلتوا لشي؟ ذكرتوا شي؟ مافيش داعي تنكروا شي الاوراق كلها موجوده وباين كل شي بس اقوالكم يا عتثبت التهمه عليكم او ترجعوا حق الناس وتخرجوا منها بدون حساب ومحاكم

ايمن جلس: هيا صلِ ع النبي

انس اتصل لسالم وطلب يحضر للقسم يدي شهادته واقواله..الخ

سالم: انا الآن في البلاد خليها لبكره

انس: يله تمام ، قفل وفرح انه يلقاها فرصه اخته والا امه تكلم بلقيس وتقنعها انه تغير.


/channel/+Ecxq_OzMYh40M2E0




📚 @rewayatyamania  🇾🇪

Читать полностью…

روايات يمنية📚🇾🇪

.

البــارت 141 ○


الثــروة الـمنسيـة 🍀

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


بلقيس بكيت: طيب انا احبه ومانسيته بس واحنا مع بعض حبنا بيرجع وجع وبيكرهني فيه انتي ماجربتي حد يشكك فيش في اخلاقش تكرهي نفسش قبل ماتكرهيه هذا واحنا مخطوبين كيف لو عشنا مع بعض

زهور: طيب يمكن يتغير

بلقيس: قلتها في البدايه واديت له اعذار بس بعد ماانخلطنا زاد اكثر وحسسني انه قده له الحق يحاسبني ويتهمني بشويه شكوك بدون دليل

زهور: يعني عتوافقي؟

بلقيس: اول مره اشوف ابي هكذا ماعد ادالي
اي فرصه اتكلم

زهور: صلي استخاره يمكن يكون فيه الخير

بلقيس: مدري احس نفسي قوي خايفه ومااشتيش انخطب لحد خلاص وكل ماوقعت مشاكل مع العقربه وابنها اقل والله لاوافق على اي واحد

زهور: خلاص استخيري الله ولو فيه خير لش عيتمم لش الموضوع.

بلقيس: ان شاءالله، ايش اخباره انس؟ صدق خطب

زهور: وانا مادراني اذا انتي ماعرفتي

بلقيس: ما سألتيه؟

زهور: لا هي كلمتين قالها ومشي

بلقيس تنهدت: استغفر الله كل ما أقول تخارجت احس نفسي وحياتي زادت تعقيد

زهور: هو انتي بتعقدي بروحش أرضي بحالش وبس

بلقيس: الحمدلله على كل شي.

@rewayatyamania المصدر الأول للروايات

في الديوان..
جالس بيتفرج التلفزيون جاوب تلفونه: اهلا علي ما الاخبار

علي: والله سألت وللآن الاخبار طيبه عنه.. ازيد اتأكد في عمله و ارد لك خبر ياعم

سالم: تمام ان شاءالله راكن عليك انت داري ان انا ماعرفش هنا اي احد

علي: ولايهمك اركن ياعم.

سالم كمل يكلمه وقفل

مرته: او هو خاطبي لبنتك

سالم: ايوه

مرته: جالس تفحر بعد الولد ومش هم داريين انها عتطلع عينهم لقانه ومرادده وعناد

سالم: انا مية مره اقلش ماتدخلي بها وبأي شي يخصها انتي فاهمه او ماشي؟

مرته: استغفر الله بس اذا الاب هكذا فاكيد عتطلع ساعك ابني لاذاحين خارج بسببك انت وهي.

سالم: والله لوما يقع رجال ويبطل يسمع لش ويتويقح مع اخته هكذا لافحره سوا..

@rewayatyamania المصدر الأول للروايات

بعد مارجع..
انس بعد ماخرج كل الاوراق القديمه ولحق بعض افادة واقوال الشهود المزارعين اللي انظلموا مثل ابوه بقيت شهاده سالم وهي الأهم لانه كان الذراع اليمين للشيخ

سالم جاوبه: ليش ضروري الآن؟ انا قدني في البيت

انس: بساعتي بس خمس دقايق اشتي توقيعك ياعم

سالم: تمام ويامنعاه لاتنسى حقي يا انس

انس: اوراقك معي والكل ياعم

سالم: يله جي انا مراعي لك

انس: انا الآن خارج عشر دقايق وانا عندك

سالم شاف مرته: لفلفي الجهال وادخلي الغرفه عيجي واحد

مرته سمعت كلمه انس راحت لغرفتها فتحت ودخلت: سيري جهزي شاهي عيجي خطيبش عند ابوش قصدي انس ماعدوش خطيبش.. وقفلت الباب

بلقيس حست بأمل ممكن يرجع يطلبها ويخطبها بعد ما سأل زهور؟ ايش الشعور المتناقض اللي حاسه به ماتشتيه لسبب جرحها به بس ماتشتي حد غيره..

جلست تواسي نفسها يمكن تغير اكيد تغير بعد مافلتته وحس انه مايقدر يستغني عنها !! جلست في الطاقه منتظره يدق الباب..


بعد ربع ساعه وصل جنب الباب حس قلبه بيدق وشعور حزن ونفسه يرجع من الباب اللي كان يوم مصدر فرحته بها تردد ولقي نفسه بيدق الباب

بلقيس بتتشاقر من الطاقه

سالم خرج للحوش يفتح الباب جلس يعزمه ورفض يدخل

انس واقف خرج الورق وطرحهن فوق السياره
سالم قريهن: روووعه وماخطتك؟

انس: ارجع أقنعهم نقلع القات ونزرع البن بعد ما اوريهم الوثائق والدراسات والارباح اللي عندخلها من تجارة البن

سالم بيقرأ الورق ولمح الأسم التجاري حقه (( بن الملكة بلقيس)) سكت وما بين له.. وانا موافق معك من الآن اوقع على الاوراق القديمه وخطتك الجديده

انس توتر شويه محرج انه قرأ الاوراق الثانيه اللي في يده بس فرح انه وافق وبدأ يجمع معه حلفاء لتوسيع الزراعه عشان تتوسع تجارتهم وارباحهم.

سالم: واي حين عتسير؟

انس: الآن شتحرك القريه الصبح اجمعهم كلهم ونرفع قضيه ع الشيخ او جهاله

سالم: تواصل معي لو في جديد وبالتوفيق يابطل لو ابوك عايش انه فخور بك من يصدق ابن الشخص الطيب المسالم عيرجع حقه وحق ابوه واجداده.. الله يوفقك

انس سلم عليه وتوادعوا وروحوا

بلقيس كانت بتشوف من الطاقه بينهم ورق عرفت انه مش عشانها وانه عشان العمل ،، كانت نظراتها له حنين للايام الحلوه بينهم بس تذكر آخر موقف جرحها منه غلقت الستاره وجلست تبكي وتدعي الله يقنعها منه ومن التفكير فيه..

انس بعد ماخرج حس بضيق بغرابه كان يتخيل نظراتها وعيونها وضحكتها وكلامها.. مشي وقرر بينه وبين نفسه بعد الخطوه اللي بيفعلها يرجع يكلمها ويوعدها وينخطبوا ويتزوجوا ع طول.

حس انه ندم وبالغ في غيرته وشكوكه فيها وانه السبب في اللي حصل بينهم




📚 @rewayatyamania  🇾🇪

Читать полностью…

روايات يمنية📚🇾🇪



بـارتـات يومنـا الجمعـة 👆🏻😍

Читать полностью…

روايات يمنية📚🇾🇪

.

البــارت 139 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


انس شافها خرجت من قدامه سار يسلم على سالم وتجابروا شويه،

بلقيس لمحتهم فلتت ومشيت عند صاحباتها


بعد ما رجعوا البيت..

انس عزم امه وخواته وراح يتغدا معهن في المطعم جالس يفكر تعامل سالم معه غير ليش بلقيس بعد هذه الفتره ماهدأت ولاتغيرت نحوه يمكن عشان مابادر ورجع يسأل عنها بعد فتره وانها كبنت مستحيل هي اللي تبدأ وترجع تسأل عنه

امه: نكمل نتغدا ونرجع القريه يا ابني

انس: تمام لان اشتي اشرف انا على العمال قطف وكل شي

اخته: واي حين عتسافر؟

انس: السفر تقريبا بعد شهر اسير وبعدا عنبسر من عنتفق معه

امه جلست تبكي وتدعي له

انس: خلاص هيا عاد انا جنبش ليش البكاء

اخته: انت داري ان بلقيس قد انخطبت

امه شافتها وضربتها ع يدها: خلي لابني حاله ماعليش

انس: مادراش؟

اخته شافت امها: خالتها قالت لنا

انس شاف امه: صدق يمه؟

أمه هزت راسها ايوه

اخته: هيا ماقررت تبسر حياتك وانت؟

انس: لما اقرر انا مالي دخل من حد

امه لاحظته متغير وجلست ضابحه وزاعله عليه بعد ماتكلمين نسوان القريه على انس وليش رفضته بلقيس

@rewayatyamania المصدر الأول للروايات

في البيت بعد ماوصلت ودخلين يجهزين الغداء

خالتها: احس مابش معش نصيب مسكينه غثيت عليش اليوم

بلقيس: ليش؟

خالتها: انتي داريه ان خطيبش عيسافر

بلقيس: ماعادوش خطيبي

خالتها: هي هذه المشكله انش دايما تنكري النعمه

بلقيس: انا اخبر هذه حياتي وحره فيها

خالتها: حين تعلمتي لش كلمتين قد عتزنطي مابتفكريش بعقل

بلقيس طرحت لها السلطه: بنقل نفعل فيش خير لكن عادش بروحش قوي
خرجت من المطبخ

خالتها بصوت عالي: قد رحمه ربي منش ولد مابه سخا

بلقيس دخلت غرفتها وقفلت جلست تبكي على اللي وصلت له هي وأنس
نظراته لها نفس نظراته اول مره بس ليش كرهها فيه ليش ماحاول يغير طباعه ويشتري الحب اللي كان بينهم ليش ماتنازل عن افكاره وغيرته الخاطئه لها

@rewayatyamania المصدر الأول للروايات

فوق الغداء
ابوها وصل وجلس يتغدا وضابح: ماوقع بينش وبين ابن الشيخ لوما رجعتي القريه

بلقيس حكت له اللي حصل

اخوها رجم الملعقه: وليش تتحاكي معه

بلقيس: انت لاتكون تقفز وتدخل كل شويه عادك جاهل

ابوها صاح: انتي قد زيدتي بها قوي انا شكلي شاغير اسلوبي معش واربيش من جديد ليش تفعلي هكذا مايكفيش تبداع دراسه وتميتي والآن جلسه في البيت لوما يجي نصيبش شاوافق ع اول واحد وماعد لش كلمه ولا رأي

بلقيس قامت ودخلت غرفتها حست ان الماضي بينعاد بصورة اقسى..
.
.

بعد يومين في الجامعة..

انس لقي زهور: كيف انتي

زهور بتتلفت ومستغربه ليش يكلمها: الحمدلله  ومشيت

انس: سؤال واحد بس لو سمحتي

زهور: ايش؟

انس: بلقيس انخطبت صدق؟

زهور: ماشي من قال!!

انس: ولا حد خلاص بس.. مشي وجلس يفكر وعرف انها مكايد من خالتها واخته عشان يخطب وينساها

يعني اسافر وارجع وتكون هدأت نفسيتها مني وعنجتمع في القريه مثل اول واخطبها واكيد ماعترفضني
.
.

بعد شهر..
بلقيس بتتفرج لخالتها منتظره تتكلم تعرف ايش تشتي: اباه اشتي احاكيك

ابوها: تحاكي

بلقيس: ممكن احاكيك لوحدك وخرجت لغرفتها

ابوها قام

مرته: عتصدقها؟

ابوها طنش ومشي

بلقيس: صاحبتي عزمتني عندها خطوبتها اسير؟

ابوها: من هي خبيرتش هذه

بلقيس: اللي حاكيتك عنها وسافرت معي القريه

ابوها: هاا تمام

بلقيس فرحت بعد مامنعها كل شي: اي حين عتشلني

ابوها: اي حين عتجهزي؟

بلقيس: ساعه اصلي عصر والبس واخطى

ابوها: خلاص لوما اسير المحل اشلش ع طريقي

بلقيس: تمام

فرحت ودخلت تختار من بين فساتينها لقيت فستان وردي انيق بطولها فيه ورد على جهه من الكتف اختارت معه اكسسوار انيق ولفت شعرها وقامت تصلي كملت وجلست تتصبغ وتلبس فعلت روج خفيف وردي وفتحت شعرها لفته ع جنب والجنب الثاني رفعته بورد من نفس شكل الورد اللي بفستانها ولبست اكسسوارها والعبايه وخرجت

خالتها شافتها خرجت ملثمه من غرفتها: يعلم الله كم قد فعلتي مكياج حين تلثمتي

بلقيس شافت ابوها خارج ردت عليها: وانتي مادخلش مش انتي امي.. وخرجت

في الطريق..
ابوها رد عليها: ليش اوقف ماتشتي قلتي الا اوصلش شاتأخر

بلقيس: ضروري اشل لها هديه عيب

ابوها: مابش معي زلط

بلقيس: انا معي

ابوها: ومالش ماتدي لخالتش لوما طلبتني ومابش معي

بلقيس: مادخلني منها

ابوها: انزلي انتي قلبش حاقد وأسود قوي

بلقيس انجرحت من اسلوبه وتغييره عليها نزلت واشترت وراحت لبيت صديقتها

استغربت كيف البيت ذوق وديكور وشي فوق الروعه وصاحبتها قبلت تجلس في بيتهم حق القريه قديم كل شي فيه حست بكمية التواضع اللي فيها وماحسستها وربطت صداقتهن بالمظاهر..

دخلت وجلست منتظره عرفت واحده بس من اللي كانت تشتغل معهم والباقي وجوه غريبه عليها بتتفرج لها وتبتسم لهم


/channel/+Ecxq_OzMYh40M2E0



📚 @rewayatyamania  🇾🇪

Читать полностью…

روايات يمنية📚🇾🇪

.

البــارت 137 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


في القريه..
امه: مالك فلت القرايه ورجعت للارض ياابني ماحصل لك

انس: والله يمه لافعلهن كلهن عتبسري في بالي شي بس لو يسبر

امه: والبنت اللي حاكيتك عليها

انس: شاخلي الزواج بعدا

امه: كيف بعدا وانا مراعيه لليوم اللي يرزقني الله بابنك قبل ما

انس: لاتكمليش ماعيقع شي وماشتزوج الآن يمه

امه: ليش

انس: ماتم اللي في راسي

امه: الله يصبرني عليك يا ابني

انس خرج ولقي الشباب اللي بيشتغلوا جمعهم وبدأوا يساعدوه ويدي لهم اجر يومي بسيط..

واحد منهم: ارضك كبيره لو استغليتها من زمان ان قد اشتريت القريه كلها بدل ماسرقها الشيخ

انس: عادي وذلحين عنشتريها

ضحك: قوي مصدق نفسك مش انت داري ان القرى اللي جنبنا زارعين اكثر منك

انس: مش هو على الكثره هي ع الجوده يا خبير

@rewayatyamania المصدر الأول للروايات

بعد يومين..
كان عمر بيلوي ويطرح اوامره للي عادهم بيخافوا منه عرف ان في واحده عتجي تطور التعليم في القريه حب يطرح نفسه في الصوره قدام الناس لعل وعسى يرضوا عنه شويه.

بعد ماوصلت كانت في المدرسه ومع عمال بيعلقوا تعليم مجاني ، نخبه من المدرسين.. الخ ودعايات اعلانيه

عمر وصل وشاف تجمعات نسوان القريه وقف وبيكلمهن: هيا مه اعجبكم واعرفوا امور عاد انا شاطور واطور القريه اكثر

فلتين بلقيس وجلسين يدعين له

بلقيس لاحظت في شي قامت وقفت بباب المدرسه وتسمع فرقتهن وخرجت

بلقيس: من هذا اللي بيتفلسف !!

عمر شافها: من هذا ! جايه قريه ماتعرفي من شيخها

بلقيس: هااا قل لي هكذا عندكم السلبطه بالوراثه

النسوان ضحكين وبدأين يقلبين ويشكين ويتكلمين مع بعض وحصلت دوشه وصياح

انس واللي بيتفق معهم بيمشوا صادف قرب من المدرسه مافهم ايش بيحصل قرب واقف بيتفرج النسوان مشين بعضهن شافها نزل راسه ورجع .. سمع عمر

عمر: هولا شكلهم ادوا لنا شويه جهال ولقانه معي انا تعلمي منهن كيف المره تكون مره ساع اسمها تغلق فمها وتحترم نفسها قلك جايه تعلمهن

بلقيس: هو واحده منهن سارت تتعلم امد تجي تعلمهن كيف يتحاذقين مع امثالك انت والسرق اللي كانوا قبلك

عمر: ياالله خراجك احنا والمكالف حق اليومتين هذه

انس: والا ماعيقع !

عمر: انت خليك في حالك وسير اتخبى قفا السور حقك وانتي مره شعرف كيف اتصرف معش

انس عصب وراح لجنبه هزره من الكوت حقه: شوف هذه المره شاعتبرك قبالي انسان لاتقلي شيخ ولا الشبح حق ابوه.. المره الجايه والله لانفحرك ونوريك كيف تتكلم مع خلق الله ع ايش بتهينهم بزلطهم ياسارق يا جاوع اكلين الحرام من حق خلق الله وجاي تتفلسف على المكالف

عمر دهفه: ماعد الا يجي واحد مثلك يتحاكى معي

انس باستفزاز قرررب منه قدام وشه وبيدق صدر عمر بيده: والااا ماعتفعل وريني !! هاااا اسكه

عمر مسك يده: اشهدوا عليه ياخبره..

بلقيس فلتتهم ودخلت جالسه خايفه داخل من اللي حصل وبتشوفهم من ورا الباب

انس: ليش يشهدوا عادهم عيعاونوني عليك هزر القلم اللي في جيبه ورجمه للارض.. هذا من حقهم ، وهزر الساعه وهذه بزلطهم... والشال نتفه ورجمه للارض وهذا اللي فاعلك شيخ عليهم بعرقهم وشقاهم بين الشمس ياشيخ السرق

اتشجعوا المزارعين.

@rewayatyamania المصدر الأول للروايات

عمر دهفه ونزل يشل ادواته: قسماً بالله لاوريك لاخليك تحلم بالنفس حلم

انس: اول سير اتعلم كيف توبه ع نفسك وبعدا احرمني النفس يا سمخ

ومشي وتفرقوا الناس بدأوا ينحازوا ويتمسكوا بأنس اكثر يشكوا له ويتقووا معه.. قدر يقنعهم يوسعوا البن ويزرعوه ويكون المشرف عليهم كلهم واحد مختص وفاهم.

بعد مامشيوا شويه رجع للمدرسه.. انس واقف وهي خارجه وماسكه استمارات وبتكلم اللي نزلت معها من الوزاره

شاف البنت اللي معها ممكن اكلم الاستاذه لوحدها

البنت بسرعة سمعته ومشيت

انس: بلقيس

بلقيس طنشت ومشيت

انس: ليش بتلاحقيني! جيت انساش هنا ليش تجي

بلقيس: لو فاعل لنفسك دراما تطمن جيت اغير شي كان نفسي اغيره وراجعه.. خرجت ومشيت مع البنت

البنت: يو يابلقيس اي حين نتم ونرجع الصدق هنا العيشه صعبة وتعب

بلقيس: ماعنعيش هنا نتم نرتب مع الجهة اللي عتدعم بس ونجهز استمارات تثبت العدد الكافي اللي يتكلفوا بالمشروع

البنت: مستغربه واحده مثلش بطيبتش واناقتش قادره تعيش هنا

بلقيس: يا صديقتي انا كنت يوم من الايام هنا عايشه والصعوبات اللي عشتها ولقيتها هي اللي غيرتني وخلتني اوصل للي انا فيه ومن فتره لفتره نحتاج نغير محيطنا ووضعنا وننزل ونتعايش مع الاقل مننا عشان نفهم احتياجهم واللي محرومين منه

البنت هزت راسها: طيب ماعتغدينا!؟ ملينا كل يوم لحم ورز

بلقيس: احمدي الله بيميزوش تلاقي وضعهم صعب بس ذبحوا لنا يتجملوا معنا لاتغنجيش

البنت ضحكت وجاوبت تلفونها


/channel/+Ecxq_OzMYh40M2E0




📚 @rewayatyamania  🇾🇪

Читать полностью…

روايات يمنية📚🇾🇪

.

البــارت 135 ○


الثــروة الـمنسيـة 🍀

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


ابوها دخل للمطبخ: مالش يابنتي نص ساعه في المطبخ على قلص شاهي؟؟ اشتي اخزن شرق

بلقيس مسحت دموعها: تمام الآن

ابوها: مالش بتبكي فيش شي

بلقيس مسحت دموعها بسرعة: مابلا فقدت لامي

سالم: اترحمي عليها يابنتي لاتبكي في الجنه ان شاءالله.

بلقيس: يا اباه انت كنت تحبها؟

سالم: كانت مرتي الله يرحمها

بلقيس: بس كنت ماتهتم بها مثل خالتي مابتفعلها كل ماتشتي

سالم: كنت منشغل مع الشيخ وزمان غير الآن يابنتي

بلقيس: الله يرحمها ويسامحك بس.

سالم شل الشاهي ودخل الديوان..

بلقيس دخلت غرفتها وشافت كل حاجه في الغرفه بتذكرها ب أنس ، هداياه بلوزتها المعطفه جلست تتذكر كل المواقف اللي كان فيها يحاسبها ويشكك بكلامها ويكذبها.. حست باحساس غريب لنفسها.. تتخيل كيف بيكون حياتها معه بعدين !

وكل شي بتشوفه بيزيد وجعها وجع لفت كل الهدايا في اكياسها.. واخر شي الدبله والمحبس طرحتهن في علبتهن.. جلست ممدده وتلفونها مقفل غلبها النوم

انس جلس معصب وتصايح مع اصحابه في السكن ورجع العمل العصر وهو بياكل نفسه ليش مقفله تلفونها ومتهربه تتكلم معه ايش مخوفها منه ! ايش مخبيه عنه؟

@rewayatyamania المصدر الأول للروايات

ثاني يوم في الجامعه كان من الصبح منتظر عند البوابه شافها تأخرت فكر انها جت قبله دخل يدورها في الكليه

بلقيس وصلت وفي يدها الأكياس ع طول في المكتبه وفتحت التلفون واتصلت له..

انس حب يبرقطها زي مافعلت له كنسل

بلقيس عادت الاتصال

انس كنسل مره ثانية

بلقيس رسلت رساله: انا في المكتبه تعال الآن ضروري

انس لقيها فرصه مناسبه يشوفها ويتكلم معها ويفهم منها كل شي

بلقيس كانت ماسكه نفسها بالقوووة وبتتساءل اللي بفعله صح او غلط ! اديت له فرص كثيره بس زاد اكثر واخاف ادي فرص اكثر ويزيد خلينا نف...

دخل قاطع افكارها بالغضب اللي في وشه وتكشيرة حواجبه ووشه غير كل مره مش مبتسم!

انس وصل وبنبره ضبح: عتخليني ع مزاجش اي حين ماتشتي تتصلي واي حين ماتخافي اسألش سؤال تتهربي فهميني ايش في؟

بلقيس شلت الاكياس من الارض طرحتهن فوق الماسه وخرجت العلبه من شنطتها وطرحتها فوق الماسه
وخرجت من بين الكراسي ووقفت قدامه: انس كانت معرفتنا ببعض والصدفه اللي جمعتنا احسن شي حصل بحياتي ، والحمدلله توفقنا ومشيت امورنا ع خير ماتوقعت ربي يسهلها هكذا كنت احس ان فرحتي في الدنيا هذه مستحيله

بس مااعرفش ليش انت تغيرت وكرهتني في اشياء كثيره في نفسي خليتني استحقر نفسي بنظري من كثر غيرتك وشكوكك فيني ولو تطورت علاقتنا عتزيد غيره وشك ويموت الحب اللي بيننا

انس: بلقيسسس

بلقيس: خليني اكمل كلامي وبررنا وتفاهمنا وتسامحنا كثير.. بس اخر شي حصل بيننا لااااا مااسمح لك لو احبك واموت فيك انك ترجعني واحده رخيصه انا تشك فيني وكذب!!

مافيش داعي ازيد واعيد الله يوفقك ويسعدك تستاهل كل خير بس نصيحه اتغير لانك عتتعب وتخسر في حياتك كثير لو تجلس هكذا
وانت اللي وصلتنا لهذا كله.. فلتت ومشيت

انس رجع لاعندها لحقها مسك شنطتها: لحظه بلقيس

بلقيس هزرت الشنطه لبستها في الجهه الثانيه وخرجت

انس لاحظ اللي حولهم بيتفرجوا  رجع للماسه شل الاشياء وخرج مصدوم منذهل اللي فعلته! ليش؟ باعته بسهوله! يعني فعلا معقول في حد بحياتها؟

بلقيس خرجت منتظره تنزل دموعها منتظره تنهار ليش هكذا! حاسه انها ماعد بتحس بشي ناحيته راحت اللهفه ونظرات الخجل والحب بينهم؟

مستغربه انها وصلت لمرحله عدم مبالاه بأي شي يحصل معها يمكن من كثر اللي مرت به؟؟ دخلت المحاضره وجلست كان الدكتور يشرح واللي جنبها يكتبين وهي بتتذكر انذهاله ونظراته لها.. بتسأل نفسها وتواسي نفسها ماتسرعت صح لا ماتسرعت هو زيد بها هو اللي كذبني وبيشوفني مثل البنات اللي بيشوفهن ويسمع عنهن.. هو اللي تغير صح حرام هو وقف معي وكان سندي في ايام صعبه بس ليش تغير ليش ماكان شكاك هكذا من اول

اللي جنبها دكمتها: مالششش ساعه اقلش ادي لش دفتري تكتبي

بلقيس كان حسها عند الباب بيدخل او لا ومش مركزه للي جنبها: لا عادي مش لازم

صاحبتها: طيب براحتش اكمل وشلي صوريه

بلقيس حست الجمله اللي سمعتها ذكرتها به لفتت لها: طيب

شافت نفسها مش فاهمه شي مشيت وروحت البيت


انس بعد ماشل الاكياس وصل لبيته رجمهن في غرفته وامتد جلس يفكر في كل اللي حصل وكأن المشاعر اللي كانت بينهم مؤقته او كذابه او مش قوية كم تعبوا وصبروا يكونوا لبعض وكيف مواقف بسيطه فرقتهم بسهوله باقل من 5 دقايق

@rewayatyamania المصدر الأول للروايات

في البيت..
سالم : ليش رجعتي بدري مابش محاضرات او كيف

بلقيس: الا بس كنت تاعبه روحت

سالم: خير فيش شي؟

بلقيس كانت متحمله داخلها ثقل بتتناساه ماقدرت تتحمل اكثر بكيت


/channel/+Ecxq_OzMYh40M2E0




📚 @rewayatyamania  🇾🇪

Читать полностью…

روايات يمنية📚🇾🇪

.

البــارت 133 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


في بيتهم..
سالم فتح باب غرفتها: البسي نخرج نتمشى ونتصرف

بلقيس كانت ضابحه: تمام واشتي اطبع هولا الورق على الطريق

سالم: اين الورق

بلقيس ماسكه الفلاش ميموري: هنا..

سالم: اول مره ابسرها هذه تمام هيا اسرعي

بلقيس شافت رنه منه كنسلت ورسلت له: انا مع ابي خارج.

انس: رد لها طيب لما تروحي رسلي لي معي لش خبر مهم قوي

بلقيس: ماعه رسل لي الآن ماهو

انس: تقريبا شاستلم الجمعيه قريب وبين افكر استأجر بيت ونتزوج

بلقيس: طيب لما اروح نتناقش.

وصل انس السكن وجلس مع اصحابه وبيسمع قصصهم حق كل يوم وصاحباتهم ووو.. ضبح وقام غرفته تم يصلي وجلس يحسب..

فكر يتواصل مع الاجانب اللي لقيهم ويدرس خطه كيف يبيع لهم اجود انواع البن ويزيد الدخل عنده امد مايكبرين الشجر اللي زرعهن ويكون تجارته الخاصه.. لبس وخرج لمحل انترنت..

@rewayatyamania المصدر الأول للروايات

فوق السياره..
بلقيس شافت ابوها نزل للمحل حق التلفونات يكلم علي بتسأل اخوها: مالها امك سارت البلاد؟

اخوها: قالت ضابحه منش ماتشتي تجلس معش

بلقيس: احسن

اخوها: ليش بتكرهي امي وتكرهينا

بلقيس: مابين اكرهكم ولا انتوا اخوتي هي امك اللي ماتحبني

اخوها: هي ماتحبش لان انتي قتلتي اخي هو صدق؟

بلقيس استغربت ان عاد خالتها مصدقه الموضوع سكتت ودمعت..

طلع ابوها بيكلمها شافها بتبكي: مالش؟

ابنه: قلت لها ان هي اللي قتلت اخي بكيت

سالم: ومن قال انها قتلت اخوك؟

ابنه: امي قالت لنا... جلس يحكي له.

@rewayatyamania المصدر الأول للروايات

ثاني يوم في القريه..
مرة سالم لقيت ام انس وعرفت انها عمه بلقيس: كيف خطبتي ابنش لواحده مجنونه وفيها جن !

ام انس صاحت: يا ساتر استر على ابني.. وانتي مادراش؟؟

مرة سالم:  كيف مادراني وانا عايشه معها نفس البيت ادت لنا الجنان كانت تجابرهم وتحبس نفسها في غرفتها

ام انس: هو انتي خالتها مرة ابوها؟

مرة سالم: ايوه يعني اسمعي الكلام مني

ام انس: هو حين هو منش تراجعت والا كانت بطوني في الماء

مرة سالم: مافهمت

ام انس: يعني يااختي احنا داريين كيف كنتي معها وماتحبيها وحاقده على البنت من يوم ماغرق ابنش

مرة سالم: قصدش اتبلى عليها؟؟

ام انس: كان ماهو ايش من جن والبنت ابسرتها بعيني ادب واخلاق وجمال ومتعلمه رغم ماقد فعلتي بها الا طايعه والديها ورجعت تعيش معش..

مرة سالم بضبح قامت: الحجه عندي بين احاكيش بتدافع عليها ومش هي داريه.. بريت ذمتي قبال الله ارجعي بعدا اندمي سوا وغوري ملان القريه.

ام انس: يسدوا ... هو اللي يشتيها يتحمل.. وانتي ماجلستش هنا وزوجش في المدينه او تزوج عليش.

مرة سالم شافتها ونكرت.. وجلست ضابحه وابليس يلعب بافكارها لايتزوج سالم عليها.. قررت ترجع

بعد مارجعت بلقيس البيت وبيتكلموا مع بعض

انس: في كل الاحوال للعرس شاستلف ليش اخر الوقت ماعتتجمع زلط صدقيني مابلا توقع دين وبعدا اسدد.

بلقيس: ليش يا انس مستعجل مش قلت بعد سنتين عتتخرج وتكون اثمرت شجرة البن عتبيع وتعرس

انس: واجلس اراعي سنتين بعقلش نتزوج وربش كريم عنسدد من حال الارباح

بلقيس: والدراسه قلنا نتم اول

انس: نتمها مع بعض مش احسن ما نسرق شوفتنا مع بعض في الجامعه سرقه ونخاف من كل الناس ولاحظ يبسرنا ووو...

بلقيس: تمام

انس: غريبه والله توقعتش تفرحي مثل مانا فارح بس مدري ليش حاسس ماعد انتي مثل اول ماعد بتحبيني مثل مابين احبش

بلقيس: اكيد شافرح بس مااشتيش تتكركب ديون اما قصة حب كيف مااحبك وليش اتواصل معك لومابين احبك.

انس: بس انا بين احبش اكثر.. وانتي ركنتي على حبي لش تدلعتي عليا

بلقيس: يا الله من اين بتدي الاحساس الغلط هذا مابلا انت ماعد بتحس بي مثل اول.

انس: لذلك من محانبتنا واصل خلينا نتزوج ونخلص

بلقيس : مالي دخل سد انت وابي.

انس: تم..

في الطريق زي المجنون يروح ويعيد الطريق ولو شاف حد ينزل ويتفرجه ويتفاقد حد لابس مثل الكوت حقه او لا.. لوقت متأخر والشارع فاضي رجع وضااابح.
.
.

يوم الجمعه..
امه: مالك لك 3 ايام وانت مش انت سوا او فيك شي

عمر: مابش شي

امه: اخوك غثاك بشي؟

عمر: عاشر مره تسألي نفس السؤال ماشي قلت لش

امه: مارأيك يا ابني به شيخ ماشااء الله عليه اسير ابسر مافيك عين او سحر جالس في مشكله قفا مشكله

عمر: مدري مالي اوقات احس انه به جن معي

امه: اعوذ بالله.. يو ياالله سترك ع ابني.. خلاص انا شاحاكي واحده هنا تشلنا عند شيخ ماشاءالله عليه

عمر تأفف وجالس يفكر كيف يفعل بالمصيبه هذه..
كيف يضيع بصيرة البيت

امه: قوم نزل ابوك يتشمس شويه الحوش حرام قدو قاعف جلسه

عمر بعصبيه: تمام ناهي اي حين يموت نفتهن تعبنا شلوه اطرحوه شلوه اطرحوه.. جنان وهو بخير وهو مريض

امه  شافت ام ايمن: ...


/channel/+Ecxq_OzMYh40M2E0



📚 @rewayatyamania  🇾🇪

Читать полностью…

روايات يمنية📚🇾🇪

.

البــارت 131 ○


الثــروة الـمنسيـة 🍀

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


خرج المندوب وشافها: بلقيس ممكن دقيقه كلمه بخصوص البحث.

بلقيس واقفت: في شي ضروري !

المندوب: ايوه الدكتور قال تغيروا البحث رجعت مجموعتش توزعت الآن بقيتي انتي ارجعي اسأليه الموضوع وناقشي معه

انس واقف في الطابق الثاني شافها واقفه وبتتكلم مع واحد... بيتصل ويرسل مابترد وتكنسل

نزل

بلقيس كملت تتكلم مع المندوب ومشيت لاعند البنات في الكافتيريا

انس بعد مانزل مش موجودة جلس يدورها اتصل مره ثانيه

بلقيس: ها انس الآن وصلت الكافتيريا وقدرت اجاوب عليك خير ايش في للاتصالات هذه كلها ! مالك اليوم؟؟

انس: من اللي كنتي واقفه بتتكلمي معه وايش يشتي؟

بلقيس بنبره بفرحه: انت في الجامعه ؟

انس: ايوه مالش خفتي ! ماتوقعتي صح اكون في الجامعه واتصل وتكنسلي زي كل مره

بلقيس: ايش من كل مره وبعدين ايش اسلوب المراقبه هذه ! ليش بتتكلم معي هكذا!

انس: جاوبيني من هذا !

بلقيس: المندووووب يشتي نغير البحث

انس: وليش مارديتي عليا ايش فيها لو جاوبتي وهو جنبش

بلقيس: لانه بيتكلم بسرعة معاجل ومشي وبعدين ايش شاجلس ابرر لك أشياء مافيها يا انس !

انس: فيها ان انتي تغيرتي ولو تفكري ان انا قد انا في المدينه شاسكت ع اشياء بتفعليها غلطانه عاد انا ابن القريه اللي بيغير ويجنن

زهور بتهازرها: هيااااا ساعه في التلفون

بلقيس: طيب اكلمك لما اروح وتكون هدأت

انس: لاتتعذري بهدوئي انتي خلاص قد همش الا نفسش وبس

بلقيس: وانت مش معناه خطيبي تعاملني بهذا الأسلوب وايش دخل الكلام على المدينه والقريه عرفتني يا انس من الجامعه وفي المدينه مش في القريه واخترتني وعادك مش داري من انا لذلك مابش داعي الآن لهذا الكلام

انس: رجاء اخر مره تتصرفي هذا التصرف

بلقيس ضاابحه وبتهززز رجلها

انس: تمام؟؟

بلقيس: المشكله مش دارية ايش هي اول ولا آخر مره اللي غلطت فيها

انس: هي هنا المشكله انش مش داريه بشي خلاص غلقي الموضوع وانا الغلطان زياده حبي لش وخوفي عليش ماتوقعت تزعلش لهذه الدرجه.

بلقيس: على هكذا انت فاهم الحب غلط.

انس: طيب يا بلقيس خير ان شاءالله .. يله انبسطي مع صاحباتش اسير احرق دمي لحالي احسن

بلقيس: مع السلامه.. قفلت

زهور و2 بنات صاحباتها بعد ماسمعنها جلسين جنبها: خير ايش

بلقيس: رجاء مواساه ونصايح مااشتيش ، جاوعه اكلتين؟

زهور بسفاط خربشت لثمتها بيدها: مراعيه لش.

بلقيس: ايوه خليش هكذا احسن لش شغل المحاماه حقش سيري المكتب طبقي عندهم مش عندي

ضحكين وجلسين ياكلين.

@rewayatyamania المصدر الأول للروايات

في طريقه للبيت وضابح وحاسس انها متغيره ومستقويه عليه ايش غيرها.. كيف كانت طيبه وبريئة وليش قدها هكذا مره واحده !

معقول شايفه حد احسن مني معقول في حد مهتم بها اكثر مني.

انا شكلي زيدت للأفكار الهبلا هذه مش كل اللي بين اسمعه صدق وبعدين هذه غير اعرفها واعرف طيبتها.. يا الله بس ع غباء شكلي زعلتها مني.
.
.

في #القرية..
شاف المزارعين تمردوا وغيروا في الارض الزراعه اللي بيعمر بيت مثل انس واللي فاعل حدود لارضه..

عمر : ايش في مالهم هولا ومن عمر هذا السور؟

المزارع اللي بيشتغل معه: انس

عمر: ومن اين للمسكين هذا زلط وهو بياع قراطيس وقوارير معدني

المزارع صاح: من هووو ماشاءالله عليه بيشتغل وخطب بنت سالم وزلط وبيدرس قلك قوارير.

عمر تفرج وضبح رحع وبيكلم نفسه (( ايمن جاء بيع وسرق الزلط وفلت الارض لهم ساع الغنم بيرتعوا كل من بيعمر من راسه انا اوريك يا ايمن اذا ماندمت انت وياهم وانس بس شويه عليكم عشان تحسوا حجم الخساره ووجعها مثلي ))

دخل البيت دهف الباب وغلق بعده وطلع..

ام عمر بتضحك ع حركاته المتعجرفه وبتتحيلا له: جبره سبحان الله قلدكن الله مايشبه الشيخ الله يحفظ ابني ويشفي خالد

ام ايمن: يشبه الشيخ في ايش ! في الطبايع حقه

ام عمر: مسرع قلبتي هذا وانتي الاولى قد طبايعه مابتعجبش

ام ايمن: ماعجبتني تربيه ابنش والا ما الشيخ قد عشنا ودارينا والله يختار له خيرته.


في الغرفه بعد مانبش كل شي ماعد لقي الا بصيره بس حق البيت وبقية بصاير الارض مع اخوه.

دخل لاعند ابوه وجلس يشكي له من انس وان عيال القريه بيعايروني به آخرتي مع انس ياريت وانت حبسته والا قتلته من جيز اللي انقتلوا..

الشيخ بيتفرج له بنظرات قهر ع تربيته له وحسره ان انس خرج بهذا كله بعد معاناه وعياله ولافلحوا بشي

جلست دموعه تنزل من طرف عينه

عمر مسك اصبع ابوه وخلاه يبصم ورا البصيره

أبوه كان يحاول يصيح ويضيع صوته مع الشحبه وعجز فمه عن الحركه والكلام المفهوم ودموعه بس تنزل ويتنفس بسرعه.

عمر فلت يد ابوه: خلاص بس ها هي الا بس بصمه وبقية الكلام عليا انا لاتقلق... مالك عترجع...




📚 @rewayatyamania  🇾🇪

Читать полностью…

روايات يمنية📚🇾🇪

.

تعليقات المتابعين (3) 🤩👇🏻


👤 الصراحه الأسأذه عبير الكبسي مبدعه كانت راويه رائعه لأنها تصف الواقع والحلو فيها انه دمجت أكثر من موضوع داخل الراويه اولا حياة الناس في القرئ ومعاملات المشايخ لهم ثانيا التعليم وكيف ما يهتمو فيه ويحرمو البنات من التعليم ثالثا كثرة الغيره والشك بين الأزواج تسبب الفراق والمشاكل أحسنتي ابدعتي صراحه


👤 ابداااع وربي والقصه اكثر من رووعه وفيها من واقعنا لذلك وصلت للقلب 💗💗💗


👤 اولا كل عام وانتم بخير وشهر كريم جعلنا الله من من سيصوم رمضان ايمانا واحتسابا ثانيا الكاتبه عبير الكبسي من اروع الكتاب وكل روايه احلا من الثانيه واعجبتني قوي ردتنا للماضي ورجعتنا للحاضر موفقه ومن تقدم الى تقدم


👤 السلام عليكم اولا رمضان كريم وكل عام وانتم بخير ❤️


ثانيا حبيت الرواية وجدا اشكر الكاتبه من أعماق  قلبي رواية ذات هدف ومفيده وبنفس الوقت توعويه والاكثر من رائع اني حسيتها واقعيه حبيت كل شي في الروايه حتى نهايتها حبيتها صح بلقيس كانت تحب انس بس ربي عوضها بعد ظلم أهلها بزوج مرح ويقدرها ويتعامل معاها بمنتهى العقلانية فحبيت النهاية لانها واقعيه اكثر وبنفس الوقت مو شرط الابطال دائما تحدث معجزات ويجتمعوا ف النهايه احب اقول ربي يسعدك ومنتظرين لك رويات جديده  ضخمه😍


👤 سلامي للكاتبة العزيزة عبير الكبسي طبعا انا من أشد المعجبين بقناة روايات يمنية وبصراحة اكثر الروايات بنكون في الصميم يعني في الواقع الي بنعيشه احنا
طبعا رواية جميلة وركزت على الاهتمام بشجرة البن اليمنية الاصيلة ولكن كانت نهاية الرواية محزنة كتتير حتى انا تأثرت ليش ما اجتمعوا بعد الحب الي عاشوه مع بعض
وان شاء الله من تقدم لاكثر للكاتبة المبدعة والمتألقة وكل الكتاب طبعا


.

Читать полностью…

روايات يمنية📚🇾🇪

.

تعليقات المتابعين (1) 🤩👇🏻


👤 احب اقول لك الروايه في قمة الرووووووعه


👤 هل هي قصه حقيقيه او من مخيلتش


👤 مؤخرًا طحت على قناتكم وكانت احلى طيحة .. أنا ما احب اقرأ روايات باللهجات العامة بس عربية فصحى وتكون حبكة محبوكة بس ما شاء الله تبارك الله طلع عندنا كُتاب رائعين مرة غير الحبكة اللطيفة تحس كأنه كذا جنبك يحكيك وتسمعه -وتعلمت كثير مصطلحات صنعانية وشمالية- ، و ذي أول رواية اقرأها لعبير و شكلها ما بتكون الاخيرة ، بارك الله لكم 🍉

👤 القصه اكثر من روعه  مبدعه لكن النهايه قتلتي الحماس طلع الضغط
النهايه مضبحه


👤 ياااربي روايه حلوه صح كنت منتظره انه يمكن يوقع شي يرجع انس لبلقيس ولاكن النهايه مختلفه مش كل مره الحظ على اختيار هو قدره ومكتوب الشكر موصول لإداره القناه وللكاتبه المتميزه 🙂✨


👤 انا  من محبي الادب و الروايات العربية الفصحى  ومااحبش الروايات الي اقراها لاننا ادبيه واشتي اقرا شي واقعي وملموس.. ولكن روايات عبير الكبسي لااااا تقارن بأي رواية عالميه جنبها لانها من افضل واروع الروايات واحس وانا اقراها انها فعلا من وحي الواقع .. اشكر الكاتبه العالميه عبير الكبسي ع جميع رواياتها


👤 السلام عليكم ورحمة الله وبركاته
الروايه في قمة الرووعه ويسلموو لليد الي كتبتها رووعه

بس ليه ي قلبي ماخليتو في الاخير اتزوجو انا زعلني وبكتني كثير الاخيره

القصه حلووه مرره والله في حاجات واقعيات صح
انا تأثرت بالقصه ❤️❤️❤️

واتمنى لك المزيد من التقدم
بالروايات. 🤍🤍


👤 صباح الخير....
القصة أكثر من رائعة وسلمت الأيادي . ودائما عبير متميزة  مبدعة في روايتها   وأفضل شي إنها تخلينا نعيش أدق تفاصيل الشخصيات والأماكن والأحداث...إن شاء الله بعد رمضان نلتقي مع رواية جديدة .. ومن رائع إلى أروووع دائما....
🌺عبير الكبسي🌺

دمتي بخير ❤


👤 احيي الكاتبة الضخمة ع هذه الرواية الجمييييلة ..🌹🌹🌹

الرواية عشناها بكل تفاصيلها
لكن كانت نهايتها محزنه 💔


👤 الروااايةةة فضيعةةةة  وتجنننن ❤️😊


👤 *ماشاء الله الرواية رووعه وستمتعت بقرايتها بس ماكنت اتوقع النهاية كذا* 🥺كنت اتمنى الرواية تطول


👤 روايه روعه


👤 السلام عليكم
الروايه في قمة الررررروعه حبيت القصه كان فيه من الواقع الذي كنا ومازلنا نعيشه ❤🦋
عبير الكبسي دائما مبددددعه💙


👤 القصه حق الثروه المنسيه حلوه جدا ونهايتها متوقعه بس في شي واحد حسيته خيالي ومش في واقعنا طبعا به في واقعنا بس الاسر المحافظه وكونهم في قريه مايمكن يحصل هذا الشي تواصلها مع انس والاتصالات وطريقه لقائهم ومراقبته له ومشيته بعدها

دائما احب الللهجه حقنا اليمنيه وقريت للكاتبه عبير روايات جميله دائما مبدعه سلمت يداكي

.

Читать полностью…

روايات يمنية📚🇾🇪



بـارتـات يومنـا السـبت والأخيـرة👆🏻😍

Читать полностью…

روايات يمنية📚🇾🇪

.

البــارت 149 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


سليفتها ( زوجة عم بلقيس)): الله يهديش مااداش مايسبرش تجي

زوجة سالم اشرت بيدها باستهتار: مش انا امها عادي
وبعدا مافيها نبسر .. وبعدا هذا ماله ولا عد جاء قالوا قد العريس مراعي ومابش حد

سليفتها: قومي نروح تأخرنا وهو اي حين ما جاء يجي

زوجة سالم: مسكين كانه حاسس بالمصيبه اللي عيوصل لها خليه يفتهن..

لمحت بلقيس وهي شافتها بنظرات: ها على قز اعوذ بالله

قامت سليفتها واعتذرت من اهل العريس ومشيت مع بناتها

قامت خاله بلقيس بعدهن وقبل مايخرجين راحت خالتها لاعند بلقيس: كان نفسه ابوش يزيد يطلع يتصور معش بس سار يبسر ماله انس في المستشفى اسعفوه مسكين مابش معه حد
يله مبروك يابنتي ها الله يسعدش خاطرش.. وفعلت نفسها بتدمع عليها قدام النسوان وخرجت

بلقيس نظراتها لها !! وحست انه كذب ومقلب من مقابلها عشان تزعلها يوم عرسها انس عاقل ولايمكن يفعل شي او يحصل له شي..؟؟؟

صاحبتها دخلتها غرفتها

بلقيس دخلت بتتفرج وترجع تنزل نظرها للارض

صاحبتها: ادي لش ماء او عصير

بلقيس: تسلمي

صاحبتها: ما ارتحتش لخالتش بالمره فظيعه

بلقيس: ليش حصل شي؟

صاحبتها: جننتني تشتي نشلش لبيتش الآن تشوفه

بلقيس انحرجت: قالت هكذا؟

صاحبتها: ايوه قالت ليش ماتشلوها لبيتها ليش توصل لهنا نشتي نتأكد نبسر ماناقصها شي


فتحوا باب الغرفه فجأه اخت زوجها الصغيره: لو تدري كمال فعلوا حادث في العرس وبيقولوا هو مابش فيه شي

اختها الكبيره: يو واخوتي وعيال عمي !
فلتتها وخرجت تشوف ايش حصل

بلقيس محتاره تقلق او لا ! ماتعرف الشخص اللي المفترض تقلق عليه ع اي اساس تقلق؟

انه بالاسم زوجها ! مش خايفه لو وقعت ارمله لانها جربت الشعور هذا من قبل وتعايشت معه.

بس اللي مزعلها انه ليش كل مانكتب لها شي في حياتها ماصلح ! لو وقع به شي!

صديقتها دخلت قاطعت شكوكها وتفكيرها: الحمدلله ماوقع بهم شي غير كسور واسعفوهم والآن كمال راجع مع ابي في الطريق

بلقيس هزت راسها: الحمدلله

صديقتها: طيب اخليش تاخذي راحتش ابسرهم لو يشتوا شي واجي خرجت وقفلت الباب بعدها

بلقيس ضبحت جلسه طول الوقت وتفكير كان العرس وكل شي بوادي وتهم موقف انس وزعله وايش حصل معه ! جلس قلبها مقبوض نفسها تتطمن عليه قررت تتصل تعاتب ابوها ليش ماتصور معها اتصلت له..

@rewayatyamania المصدر الأول للروايات

في الغرفه..
سالم بيكلم انس: ماحصل لك؟ كيف فعلت !

انس: مدري والله ياعم خرجت وبعدا حسيت الدنيا بتلف زغللت عيني وانا بين اسوق وصدمت

سالم فتح التلفون يجاوب وهو بيتكلم: بس الحمدلله انك بخير ماحصل لك شي جاوب: ها خير مابه ؟؟ خرج من عنده وبيتكلم اصلا حصل لي ظرف مهم وخرجت ماعد لحقنا نتصور عاجلنا عمش سهل ولايهمش بكره نتصور.. يلا خاطرش يابنتي مع السلامه

بلقيس قفلت ولا فهمت ايش الظرف الطارئ بس اول جمله سمعتها لما اتصل طمنتها وعرفت ان خالتها بتدور تحانبها وانه مابش شي ومن اللحظه هذه لازم تنسى تفكر فيه وتتقبل واقعها وتكون راضيه بنصيبها عشان تكون سعيده بحياتها..

وصلين خواته وامه دقين باب غرفتها ودخلين بالمبخره وبيحجرين واصوات البنات الصغار جاء العريس جاء..

بعد التصوير والترته جلس يتكلم معها ويتعرف عليها اكثر..

كمال: كان نفسي اتعرف عليش بس قالت اختي انش ماعد داومتي معاها

بلقيس: ايوه

كمال: ليش؟

بلقيس: مدري

كمال ضحك: كيف مدري

بلقيس: بصراحه ابي مارضي

كمال: ليش وهو كان موافق في الأول

بلقيس: مدري

كمال: وانتي فرحتي تجلسي تفتهني في البيت صح

بلقيس هزت راسها لا

فلت التاج لافوق عيونها

كمال ردة فعل بدون مايركز رفعه لها صلحه وابتسم

طيب مارأيش ترجعي تشتغلي

بلقيس شافته: ابي مارضيش

كمال: مادخلني به انتي مرتي الآن ولو نفسش وحابه تواصلي سيري مع اختي عادها بتسير المؤسسه

بلقيس حست بفررررحه ابتسمت: طيب

كمال بنبره فجأة: مش من السبت بغير جنان فارحه قلك طيب يعني بعد شهر العسل بعد مانرجع

بلقيس: من وين نرجع !

كمال: من العمره اقلش بعد شهر العسل تقلي من وين

بلقيس جاملته وحاولت تضحك هو كان قصدها من وين يرجعوا بس مااهتمت و سكتت..

@rewayatyamania المصدر الأول للروايات

في المستشفى..
سالم: متأكد ماتحتاج شي؟

انس: لا والعفو ياعم والله مانا داري من اتصل بك انا داري انك مشغول المعذره منك

سالم: الله المستعان مابش شي انت مثل ابني والحمدلله تطمنت عليك.. يله خاطرك يا ابني.

انس خرج بعد ماجبسوا يده لانه كانت ع الباب ولما انصدم اتأثرت.. وصل ولع الكهرباء ورغم انها والعه بيتفرج حاسس بظلام مثل ظلام الشارع اللي رجع فيه كانت كل ثانيه بتمر عليه بسنه..


/channel/rewayatyamania/51250




📚 @rewayatyamania  🇾🇪

Читать полностью…

روايات يمنية📚🇾🇪

.

البــارت 148 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


المنقشه: مااشتيتي.. يله خاطركم دوروا لي حد يضويني البيت

زهور: انا اخطى الآن اخطيش معي

بلقيس شافتها: لا امسي عندي قوا

زهور: بس خا..

بلقيس: في غرفتي محد عيجلس هنا غيرش وبكره الصبح عنسير الكوافير

زهور رحمتها: طيب.

المنقشه: هذه ماتقع لش؟

بلقيس: اختي

المنقشه: مابش شبه ابدا

زهور: صاحبات بس اكثر من خوات

المنقشه: ماشاءالله عليكن... هيا خاطركم

زهور جلست تضحك بلقيس وتروق الجو تفعل اشاره من ورا المنقشه ع اساس بتدهفها في الهوا  تروووح

بلقيس رجعت راسها لورا وطرحته فوق الوساده غمضت وجالسه تهدي نفسها بنفسها وتدعي لنفسها

زهور دخلت شافتها: خليتيني امسي وبعدين عترقدي قبلي

بلقيس: لا بس بتلهبني عيوني من النقش

زهور عقدت حواجبها وبابتسامه: من النقش !

بلقيس بضحكه: ايوه

زهور: ياويلش تنسيني والا بعد ماتتزوجي تزنطي عليا مثل صاحبتش هذك

بلقيس ضحكت: انتي قدش كل اهلي وناسي يازهور لوما انتي وانس في حياتي ماكنت تغيرت وقويت وتشجعت

زهور شافتها قالت اسمه بدون ماتنتبه (زلة لسان)

بلقيس سكتت وبتفكر في الكلام لوما انس ! وهي تغيرت عليه ؟! بس مش غلطانه هو تغير فجأة واهملها.. ماحاول يعاتبها حتى بعد مده.. وترجع تغلط نفسها انها.. وماتلقى شي زعلها بسببه

زهور قاطعت افكارها قامت تقلدها كيف بتنزف وتبتسم..

جلسين يضحكين وصلين بنات عمها وفعلين لها جو نسيت التفكير اللي صدعها..

@rewayatyamania المصدر الأول للروايات

في غرفته..
قام للحمام ورجع مكانه ولع سجاره ثانيه وفتح تلفونه جلس يقرا كل اللي بينهم ويبتسم ويدمع ويقرا سطر يضحككك.. كان في حالة جنون وندم حدد كل حاجه وفعل لها حذف.. قام لبس وقرر يخرج..

راح قدام الصاله اللي عرف انه عرس زوج بلقيس فيها تلثم بالشال ودخل.. كانت نظراته للعريس من بعيد نظرات قاتل مجرم بينهم ثار يشوفه بيضحك ويتمنى انه تكون آخر لحظاته وابتسامة له..

يحاول يستغفر ع افكاره ويرجع مره ثانيه يتذكررر انه البنت اللي اتمناها وركن انها خطيبته حبيبته زوجته بتكون مع شخص غيره ويتمناها تتطلق يتمنى انه يحصل شي يخرب زواجهم عشان ماعد يضيع اي فرصه تربطه بها.. يكون اناني ولايفرط فيها بس اللي بيتكلم به خيال واحلام..

خرج واستغفر ربه قبل مايحصل شي كان حاسس نفسه تااااعب هالك بيسحب رجله سحب.. رجع من جنب بيتها وتنهد ورجع غرفته.. كان يوصل له اتصالات من القريه والارض والمساهمين في البن واللي بيستثمروا منه قفل تلفونه .. وجلس يقلب الدفتر اللي كان يكتب لها فيه جلس يقرا وعوده لها والكلام..

عصب فجأة وانهار جلس يشططهن ويبكي غبي انا استاهل.. انا ضيعتها من يدي وين كنت ليش سكت كل هذا الوقت وهي ماتحبنيش لو حبت كانت رفضت

بس وافقت لان وضعه احسن مني اكيد كيف توافق وهي بتحبني! بلقيس اللي ماتعرف تتكلم مع حد وكلامها معي كله ربشه كيف شكيت فيها يارب!

يحاول يمسك نفسه بس مايقدر يرجع مثل طفل ينهار قام ماعد قدر يحرق الورق جلس يزبطهن يدعسهن وامتد فوق سريره شرب سجارته وجلس يحرق الورق بطرفها ويطرح الدفتر فوق الحريق..

أصحابه شموا ودخلوا لاعنده: حريق يامجنون ايش بتسوي

فتحوا قارورة الماء وطفوها

واحد منهم هزره من ثيابه: انت شارب شي؟ مالك جننت ايش فيك حصل معك شي؟

انس دهفه: اخرجوا وقفل محد له دخل مني

شافوه هكذا خلوه يهدأ وخرجوا..

@rewayatyamania المصدر الأول للروايات

ثاني يوم..
بعد الزفه من الصاله في الطريق لبيت زوجها كانت زهور جنبها جالسه ومرة عمها

سالم جالس جنب علي بيسوق السياره المزينه جاوب التلفون بدون ماينتبه نطق اسمه: هلا انس.. ايوه اعرفه خير ماوقع ! وهو فين الآن !


في الطريق..
العريس راجع من الصاله بالسيارات مع اصحابه بيضحكوا ويقرحوا ويتسابقوا..

فجأه شافوا اللي ورا الموكب 2 سيارات تصادمين وتقلبت واحده منهن..

نزلوا من فوق السيارة..
نزل العريس من السياره بيشوف اصحابه واخوته نزلوا كلهم حاولوا يخرجوهم من السيارات ويسعفوهم..
.
.

في بيت العريس كمال..
وصلت سياره العروسه ووراها سياره اخو علي وصل خواته يزفين وكانت معهن مرة سالم..

اول ماوصلوا باب بيت العرس

سالم تفاجأ بمرته: مع من جيتي؟

مرته: مع بنات اخوك

سالم: شاطلع بسرعه مع بلقيس وبعدا انا شاسير لاعند انس واروح انتي ارجعي معهم

مرته: انس هذا الساع وقت العمل وبنتك حريوه!

سالم: اتصلوا بي من المستشفى اسعفوه ومابش حد معه اتصلوا ع اخر الارقام اللي تواصل بها  مدري ماحصل له خاطرش ماعنتحاسب ساعه باب بيت الناس دهفها: ادخلي

بعد ما دخلت ضابحه بتتفرج البيت والاثاث وشافت لبسها ونفسها ولا شي جنبهن.

شافت سليفتها مالها شي احسن منها اقتهرت ان بلقيس عنست(ع حسب رأيها) وتزوجت احسن من زواجتها بابوها




📚 @rewayatyamania  🇾🇪

Читать полностью…

روايات يمنية📚🇾🇪

.

البــارت 146 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


خرجت معهم وبتتلفت حولها ووراها !
تعودت احساس الأمان وتلتفت تلقاه معاها بكل خطوه

كانت تشبه اي حد بطوله مشابه لبسه !
وتصارع التفكير به وتحاول تتناساااه

@rewayatyamania المصدر الأول للروايات

فوق السياره..
مرة عمها: او عاد انتي يابنتي مسحوره او مسكونه!
انتي بتقري على نفسش؟

بلقيس كم كان يضحكها هذا الموقف والكلام وانها تقول على نفسها اي شي عشان تحارب الشخص اللي حبته وكيف الكلام هذا الآن بيوجعها بيذكرها بكل شي

مرة عمها شافتها سكتت حست انها زعلت: الصدق
يا بلقيس ماقد ابسرت حريوه مثلش مبورده قوووي يعني لا بتتشرطي ولا تتخوري القاعه الكوشه المغنية ولا تدي رأيش في شي

سالم: لا لا لا البنت عاقله خلي لها حاليه قد تدلعت كفايتها وفعلت كل اللي تشتيه خلينا الان نقادر كل شي لانحنب

بلقيس: اتشرط ع ايش ومن معي عيفرح لي غير زهور
وفرحتها من فرحتي ماهمني حد ولاهمني المعازيم حق بيت عمي ومرة ابي.. كل همي ان الله يرضيني بقدري واللي كتبه لي بس.

بعد ماوصلت البيت.

زهور اتصلت لها: روحتي؟؟

بلقيس: ايوه جي مابحد ابي طرحني وسار العمل.

زهور: طيب
.
.

في القريه..
انس بيتكلم معهم: خلاص كل واحد بصيرته عنده وارضه ملكه ومحد له دخل فيها واللي يسمح لاي حد يستغله يستاهل وبعدا يدور من يشارع له .. لاتقبلوش بتهديد ولا استغلال شارعوا ولو سار راسكم بعد حقكم

المزراعين متجملين منه وبأصوات مرتفعه بيتشكروه

انس: ذلحين اللي يشتي ينضم معنا ويشارك ارضه لزراعه البن تحت اشراف ناس مختصه بحثت ووصلت لتصدير افضل نوع قهوه

واحد منهم: ليش نخليهم يشتغلوا في ارضنا واحنا مانفعل؟

انس: عتشتغلوا معهم وتساعدوهم وتتعلموا منهم لأن في اخطاء كثيره مارسوها مزارعين في البن تحملوا بسببها خساير كثيره واحنا نشتي نبدأ صح موافقين؟

اللي موافق يسجل اسمه في الورقه مع التوقيع ونسخ من بطايقكم الشخصيه وتسجلوا معنا في حملة زراعة البن وتصدير اجود انواع القهوه وبعدين ابشروا بالخير ولكم مايرضيكم.

تحمسوا كلهم من كلامه

وهو مشي بنفس مكسوره نادمه على اشياء كثير للأسف حس هذا الاحساس متأخر نادم على تشكيكه فيها وغيرته الزايده اللي ضيعته.. نادم انه ركن على الايام تنسيها على بال ماينجز اعماله وطموحه

مش عارف انها مابتنتظره العمر كله يقرر يراضيها ويسترجعها !

@rewayatyamania المصدر الأول للروايات

ثاني يوم في المدينه..
راح وسأل عنه عند اصحاب ودلوه على اصحابه المقربين في كل وقت يلقى حد يعرفه يتمنى يعرف شي يقدر يلغي زواجها..
.
.

في البيت..
صاحبتها رتبت معها الملابس في شنطه ، شافت بلوزتها اللي ادالها انس بعدتها ع جنب

بلقيس سحبتها وطرحتها في الشنطه: على ايش مستعجله بين احسش تشتي تقلعيني قبل ابي

زهور ضحكت: الله يقلعش هذا جزاتي جالسه اعطف لش وارتب هاتي هذا من يدش ...سحبته

بلقيس دمعت: خليه عادو جديد

زهور بنظره: جديد والا ..!

بلقيس طنشتها وجالسه تعطف وتتذكر تفاصيل اليوم هذك

زهور: خالتش عترجع !

بلقيس: اكيد مايفوتها شي اعوذ بالله.. ابي رايح يوقع يزرعوا الارض حقنا ويديها

زهور: ايش يزرعوا!

بلقيس: انس رجع الأراضي حق الناس كلها وفعل مشروع اعادة زراعه البن في اراضينا ويتاجروا

زهور: ماشاءالله وانا اقول وين اختف... ركزت ع كلامها وسكتت

كيف الفستان اللي عتختاريه؟

 بلقيس: هم عيدوه مدري ع ذوقهم

زهور: تقلي اين احسن اخو صاحبتش هذه او الثانيه اللي كانوا يشتوش قلي لهم لايزعلوش معي خبيرتي

بلقيس ضحكت: وخطيبش؟

زهور: اتضامن معش ونغير

بلقيس: خلاص ارحميني امانه لاعد تذكريني بشي

@rewayatyamania المصدر الأول للروايات

بعد 3 اسابيع بدايه اسبوع عرسها

انس من كثر ما سأل ودقق اكثر من ابوها تأكد ان الكل مدحوا فيه ماسمع عنه الا كل خير تمنى انه يكون زي ماتحب بلقيس شخص متفهم مايكون غيور وشكاك مثل ماجرحها!

جلس يمشي وهو بيتذكر كل الصفات اللي كانت تقله حبتها فيه وعمرها ماكانت عترضى بحد غيره لانه مش مثله كان يذبحه كلامها اللي بينهم بصمت

قرر انه يفلت اجواء المدينه وكل سياره مزينه وزفه بتذكره باليوم اللي اشبه بيوم جنازته...

بس ماقدر كان اكثر قرب من سالم كان يتعذر بكل الاوراق بأي شي ع الاراضي رغم ان الموضوع خلص لكن كان يستشيره في كل شي كان حاسس ان قربه من سالم مثل قربه منها وكأنه بيعرف كل اخبارها..
.
.

يوم النقش..
في صالة صغيرة كانت بتتفرج الوجوه وتحس نفسها تمثال معروض للمشاهده ابدا ماحست  احساس اي عروسه ، شافت اخت العريس جت ولبستها الفل: هذا من كمال

بلقيس: عادها استوعبت انها مربوطه باسم جديد على ذاكرتها جلست تحفظ نفسها الاسم خوفا لاتغلط يوم من الاسم وتدعيه باسم ثاني.

صاحبتها: جبر الخزا ..ممكن اصورش؟ جننا يشتي صورش



📚 @rewayatyamania  🇾🇪

Читать полностью…

روايات يمنية📚🇾🇪

.

البــارت 144 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


اتصل لاخته وفهمها كل الكلام اللي تسير تقوله لها...
.
.

في الطريق..
سالم بيتصايح معها: اخر مره للنزله والطلعه هذه انا معي عمل بتفهمي؟؟

مرته: ما بنتك حمله حمله مااشتت اديت لها وصلتها ورديتها

سالم: انا بين اقلش وافهمي تسيري لوما اتم عملي شاجي لش

مرته: وبنتك من عيكسيها؟

سالم: قالت تشتي تخرج مع مرة عمها احسن اسكه هداركن اي حين يريحني الله من الجنان حقكن

مرته: ويرحيني منها وعتبسر كيف يقع كل شي سوا حين تسير لها

سالم: هدره ولغاج مع نسوان القريه مااشتيش بتفهمي

مرته: ناهي ناهي قلت لي عشرين مره

سالم: كما انتي يعجبش الا تسيري تفعلي لي مشاكل وترجعي.

@rewayatyamania المصدر الأول للروايات

ماسك التلفون متحمس يشتي يرسل لها ومتردد رسل رساله: ممكن اتصل لش اشتيش في موضوع ضروري!!!

بلقيس كانت في السوق خرجت مع زهور ومرة عمها.. سمعت صوت الرساله طنشت فكرتها من شركه الاتصالات... بعد ماخلصين

مرة عمها: عتروحي معي؟

بلقيس: تسلمي عتروح عندي زهور اليوم تمسي لما يرجع ابي بكره

مرة عمها: خلاص تمام وبكره اصلي عصر ونخرج نتم

بلقيس: تمام

زهور: هيا نسير نتعشى ع حسابش

بلقيس ضحكت: بهولا الاكياس كلهن !

زهور: عادي نحاسبهم عليهن.. مافيها امانه

بلقيس: طيب

زهور: ايوه هكذا عتتزوجي ولاعد شابسرش

بلقيس: تقلي كيف هو كيف طبعه خايفه قوي

زهور: انتي تستاهلي كل خير وربي عيدي لش ع نيتش

بلقيس سكتت وجلست تفكر معقول
حظها عيصلح والا عتجلس في صدمات !

زهور كملت تتشارط مع التكس: هيا اطلعي مالش

بلقيس طلعت معها


اشترين عشاء ووصلين البيت..
زهور: انا عليا ارتب لش الشنطه وانتي قربي الاكل

بلقيس: قدو جاهز ما اقرب

زهور: ادي قلصات للببسي وصحن نفعل فيه الكبده مايعجبني البلاستيك

بلقبس: وتغسلي انتي

زهور: ايوه صح شاغسل انا.. انتي حريوه تحجبي

بلقيس كشرت وشها ومشيت

زهور: ليش شنطه الخطبه منفوله

بلقيس: خرجت الاقمشه شلتهن مرة عمي للخياط

زهور خرجت بقيه الاشياء: ارتب في شنطه الخطبه العطور والمكياج لايكتسرين

بلقيس: افعلي مااشتيتي خرجت وسمعت تلفونها بيرن جاوبت ابوها

زهور خرجت الختمه ومسحتها بان طرف ابيض من الصفحات فتحتها شافت صوره قامت نبعت لاعندها وبتصيح بلقيسسسسس بلقيسسسس

بلقيس في المطبخ خافت فلت القلص: مالش؟؟؟؟

زهور شافتها وقفت ومسكت فمها ضحكت: مالش انتي

بلقيس: فجعتيني الله يسامحش

زهور مدت الصوره لها وهي مبتسمه: ولاتقلي لي انه وسيم وشخصيه هكذا !

بلقيس شلت الصوره: من هذا؟

زهور بهررت: مش عارفه من ؟ لقيتها وسط الختمه اللي ادوا لش

بلقيس: تصدقي شفت الاشياء لما شافها ابي وخالتي يعني مااذكرش شي فيها سوا

زهور: بذمتش مش شخصيه !

بلقيس بتتفرج الصوره شويه وناولتها ورجعت تقرب ونزلت دموعها

زهور حست الوضع مش للمزح رجعت

بلقيس ذكرت ابوها طلبها ترسل له كم صرفت شلت تلفونها وفتحت الرسايل وقريت رسالته!!! (( أحببت جميع اخطائي ،
 إلا خطأً أقترفته في سبيل حبك قطع طريقي الى قلبك
 واصبح ذنبا اعاقب عليه بحرماني منك
 لو انك تسأليني لماذا ؟
 سأقول من أجلك انت فقط
ومن غيرتي وحبي لك !))

زهور شافتها تأخرت: هيا هو قلص مابتفعلي برد الاكل تميت ارتب وعادش ماجيتي

بلقيس ناولتها التلفون تقرا

زهور حذفت الرساله وردته لها: ولا قريت شي امشي نتعشى جاوووعه

بلقيس شافت الرساله اختفت عرفت انها حذفتها  مشيت بعدها وجلست معها يتعشين: كنت شافعل مثل مافعلتي ع فكره بس ليش ذكر متأخر لما عرف اني لغيره

زهور: وهو مادراه!

بلقيس: اكيد ابي قال له بيتواصلوا ع مواضيع الأرض

زهور: يبقى تافه وقليل ذوق ليش يتصل وعارف انش قدش لغيره؟

بلقيس: لاتقلي هكذا مادخلنا ابردي وبس.

المهم انه كان معه وقت يرجع يتراجع سنتين وانا فاسخه وهو اختفى ولاعاد تواصل معي ليش ذلحين؟؟؟

زهور: كلي بس ذلحين شاتم الاكل عليش

بلقيس جاوبت اتصال ابوها: ماشي عاد انا بين اتعشى اتم واحسب لما تروح ابسرها في ورقه لانهن خيرات.. مع السلامه

زهور: يا الله وابوش وين حسه مش داري ان احنا نسينا مااشترينا

بلقيس ضحكت من ضحكه صاحبتها  وتنهدت..

اخر الليل قبل ماترقد جلست تفكر في رسالته (( كل ليلة يقيم الحنين مأتماً يندب فيه البعد ، في كل ليلة اغفو على شوق ليالينا التي كانت ولكنني اصحو على الغياب وأسير في درب الصمت والكبرياء .. !))

@rewayatyamania المصدر الأول للروايات

ثاني يوم الصبح..
اخته جاوبت التلفون: تمام نااااهي يا انس والله مانسيت  الآن اسير لاعندها الصبح خرجت ادي ماء والسياره حقهم واقفه يعني موجوده يرح له ابوها واسير

انس قفل ورجع شاف ماردت على رسالته !

رجع راح للمحكمه كان معه جلسه مع مشاكل الارض..




📚 @rewayatyamania  🇾🇪

Читать полностью…

روايات يمنية📚🇾🇪

.

البــارت 142 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


ثاني يوم..
وصل لاعند المزارعين ووقعوا تحت الورقة اللي اتهموا فيها الشيخ باستغلال حقوقهم وراح لقسم الشرطه

اللي في القسم بمسخره: من تحيرف ذكر دين ابوه عادك ذكرت بتبسر التاريخ كم له؟؟

انس: وانا بين اقل انه بعد التاريخ هذا عيكون في القسم ناس متعلمين شابعين ماعد يغريهم الف او علاقيه قات وانه مابش فايده

الضابط عصب: صورتك جاي تفعل معي مشاكل انت داري ان انا قادر احتجزك هنا على اسلوبك هذا ؟ تتهمنا بدون ادله !!

انس: واقدر احبسك بالاوراق اللي معي ولو تشتي شاوقع المحامي حقك عادي المهم عتتعاون معنا او ماشي

الضابط سمع كلمة محامي: اين بطاقتك؟

انس خرج له بطاقه المحاماه والشخصيه: اختار اللي يعجبك أزيد؟

الضابط بنظره شافه وكتب: يله افتح له محضر ..

@rewayatyamania المصدر الأول للروايات

بعد ماكملوا راحوا معه لبيت الشيخ
واهل القريه مراعيين في الباب خارج..

طلع الضابط و2 معه عسكر لاعند الشيخ بعد اسئله وتحقيقات

شافوا الشيخ مايقدر يتكلم كان يدمع بس ويتأثر من كلامهم

عمر: لايقدر يتكلم ولا شي ذاحين ماتشتوا مافهمت

الضابط: من اللي ماسك المشيخه بعد ابوك من اخوتك؟

عمر بهنجمه فاكر انهم يشتوه في موضوع يخص القريه: انا

الضابط: خلاص جي انت القسم معنا يله

عمر استغرب: اين اجي ليش؟

الضابط سبقه وقام: اخطى معنا وعتعرف

عمر بعصبيه زبط المدكا: اين اخطى لوما اعرف مافعلت

الضابط شاف العسكر: صورته يشتي يخطى بالسلحبه ادوه.. خرج وهو في يدهم ..

انس واقف بيتفرج له سكته

عمر: هو انت السبب يا حيوان مارضيت ترح لك مني بعيني اذا ماربيتك اخرج وعتبسر

انس ضحك ضحكه مستفزه: لو وقع بي شي يا ضابط انت داري من غريمي سمعت باذنك وهولا كلهم شهود.. مهرتهم يأجروا خلق الله لقتل وسرق الناس


بعد مامشيوا جلس انس معهم وعزموه غداء وبعدها شرح لهم المشروع كله واللي عيوافق يبدأوا يقلعوا اشجار القات ويروجوا لزرع شجرة البن عشان البقيه اللي ما انضموا معهم ينضموا ويزرعوا البن بدل القات.

@rewayatyamania المصدر الأول للروايات

في المدينه بعد ايام...
سالم: لاتبكي ولا تعترضي خلاص ماعد بش رجعه قد اديت لهم خبر واليوم عيجوا نكمل الخطبه..

بلقيس: بس مش انا موافقه يا اباه بتسمع

سالم طنشها وبيأشر لها تسكت جاوب تلفونه: هلا انس رجعت؟ ايوه ايوه شاوقع اليوم متى عتسافر انت؟ اها طيب اليوم العصر ماشقدرش معنا خطبه خليها الليل تمام.. الوو.. ها يمكن الشبكه ايوه تمام متفقين.. سلام

بلقيس حست بالصدمه ليش قال لانس!!


انس بعد ماقفل وكان متحمممس واوراق وملفات في يده! دخل السياره وحس نفسه نسي كل شي وباقي في ذاكرته سؤال خطبه! ايش قصده اكيد مش بلقيس؟ يمكن يحضر خطبه عيال اخوه او اي شي.. طيب ولو هي بلقيس موافقه؟ هكذا هان عليها كل اللي بيننا بين اقل قد نسيت مع الوقت وعتوافق لما اتقدم لها !

مالي جالس اوسوس خلاص تغيرت ابعد الأوهام هذه اللي فرقت بيننا هو ماقال خطبه بنتي؟ تاافف ضرب ع السكان شغل السياره ومشي.
.
.

بعد العصر في غرفتها..
زهور: بس خباله مش معناه انش مش موافقه تكوني مبدعه قدام اهله

بلقيس: محد قال لي انهم جايين

زهور: على اساس خالتش الطيبه بتقطر منها انتي داريه كيف هي لاتخليها تتشمت فيش قومي يله البسي اي شي وصبغي اظافرش ماتحتاجي شي القمر قمر

بلقيس: البس على الفرحه اللي فيني

زهور: صراحه انتي زيدتي بها ماعد عرفت لش شي ماهو اللي تشتيه هذك رفضتيه ولكم سنتين للآن خلاص لاتضيعي نصيبش

بلقيس: مااعرفش احسه تغير

زهور: ذكرتي ذلحين يابلقيس!

بلقيس: بس جالسه اقنع نفسي الغيره مرض وانس تطور لدرجة الشك بيتهيأ له اشياء ويحاسبني عليها مااعتقد يكون تغير

زهور قامت طنشتها وشافت دولابها فتحته وبتختار لها فستان: تزوجي امد تتكسي واستلف منش انتي وهولا الفساتين من حين عرفتش

بلقيس ضحكت رجمتها بالوساده: فارحه انتي كأنها خطبتش

زهور رجمت لها بلوزه وتنوره: ايوه الصدق عيشي استقري بدل ماتجلسي على الاطلال يا صاحبتي يمكن يكون فيه الخير وتشتغلي مع اخته بدل حبسة ابوش لش.

بلقيس شلتها من يدها: توكلنا ع الله ربي يسخر لي الخير ويرضيني به

زهور: يله اخرجي غسلي وشش وبدلي ومشطي شعرش سريع بيأذن عصر.

بلقيس: طيب.
.
.

بعد نص ساعه..
زهور بتصبغ اظافر بلقيس سمعين الباب قامت زهور بسرعه واقفه في الطاقه.. جي ابسري اين هو ملان رجال

بلقيس: طز يقع من ماوقع ع فرحتي به

زهور: واوووو شكله هذا وسيم قوووي ودخلوا 2 كمان لبس وزنط ووسامه اين هو منهم

بلقيس قامت وقفت بتتشاقر معها: واحد منهم شكله قوي معروف ويشبه اخته

زهور: حالي مابش نسوان

بلقيس: شفتي خليتيني البس على الفاضي

زهور: سهل امد اصورش

بلقيس سمعت تلفونها رن راحت تجاوب...




📚 @rewayatyamania  🇾🇪

Читать полностью…

روايات يمنية📚🇾🇪

#انتظرونا غدا بإذن الله

   ومع آخر بارتات رواية

            الثروة المنسية



📚 @rewayatyamania 🇾🇪

Читать полностью…

روايات يمنية📚🇾🇪

.

البــارت 140 ○


الثــروة الـمنسيـة 🍀

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


بعد ماخرجت صاحبتها ولابسه وفتحين لها الاغنيه وتصورين معها الاهل وصاحباتها

بلقيس شافت الساعه وقت ابوها يجي لها قامت لعندها باركت لها وناولتها هديتها

صاحبتها حضنتها وبتعرف امها عليها: هذه بلقيس اللي كلمتش عنها

امها رجعت تسلم عليها من جديد: حيا بالقمر لش حياة الدنيا ماشاءالله كم تحبش ملاك وتحاكيني عليش

بلقيس انحرجت وابتسمت لهن جلست جنبها جابرتها شوية وعرفتها ببقية اسرتها وصلها اتصال من ابوها ومشيت روحت

في الحوش ع خرجتها وهو بيفتح الباب دخل..

اخو صديقتها شافها ونزل عيونه ودخل

بلقيس شافته وبتقارن في مخيلتها شبهه بصديقتها.. خرجت وطلعت السياره مع ابوها.

@rewayatyamania المصدر الأول للروايات

بعد الحفله الليل

ملاك: هيا ابسرت ماقالت امي وخواتك واسأل خالتك وعمتك كلهم اعجبتهم

اخوها: تمام بعدكم وانا قلت شي؟

اخته فرحت وحضنته: الله يتمم لكم ع خير

اخته: اي حين عتسيروا تخطبوا؟

امها: اول يابنتي نرسل حد لاعند ابوها؟ واسطه وبعدا نبسر ماعيقولوا

بنتها: ايوه تمام وانا ماشاتحاكاش معها خالص لاحرجها
.
.

انس وصل عدة دول في الخليج وتنقل فيها بعد معاناه ومشقه حصول الفيزه واكثر سبب سهل له كان العروض اللي معه لتصدير البن
حصل على موافقه من بعض شركات في الامارات لاستيراد حبوب البن خام بشروط ومعايير محدده والدوله تقوم بتعبئتها بس شرط عليهم يكون اسم العلامة التجاريه منسوبه له باسم ( بن الملكة بلقيس) وبعدها انتقل لبقية الدول..
.
.

بعد اسبوعين في المحل عند ابوها

سالم: اهلا وسهلا نعم انا من انت؟

جلس الرجال: والله انا يا اخي واسطه لبيت فلان طالبين القرب من بنتك

جلسوا يتكلموا في كل التفاصيل

الرجال في الاخير: بس مستعجلين على الزواج لأن يشتوا يعرسوا لابنهم مع بنتهم

سالم: خير اول نبسر البنت وبعدا مااقلك الا الله يتمم مافيه الخير

بلقيس رغم حبستها في البيت وابوها منعها من كل شي الا انه تغير النت وتطور البرامج التواصل الاجتماعي ساعدتها تتواصل مع صاحباتها ومشاركتهم العمل من مكانها ماحست شي وقف طموحها وتطوير معرفتها واهتمامها بالقرايه عن كل شي بيساعدها تغير من وضع التعليم في قريتها تواصلت مع منظمات متخصصه بالتعليم بالنت وراسلتهم التقارير..

اخوها جالس يتفرجها كل يوم بتلفونها: ما معش في التلفون واصل في يدش؟

اخته: مالك دخل

ابوها: اصاه ياولد

ابنه: بتبسر؟

ابوه: مابين ابسر؟

ابنه: مامعها للتلفون واصل في يدها من بتجابر؟

ابوه: خبيراتها وانت مالك ابسرت شي عليها؟

ابنه: بين ابسر التلفون واصل في يدها يعني ايش؟

ابوه: يعني مالك دخل عاد انا موجود وانا اللي اتصرف لو في غلط في البيت

ابنه: وانت مادراك وماتعرف تأنتر ولابتفهم فيهن

أبوه رجمه بالقاروره: قوم انقلع من وشي ياقليل الادب

قام اخوها حانق

خالتها شافتها وهي بتبتسم في وشه حناك: ابسر هي اللي بتستفزه ابسر كيف بتفعل

ابوها شافها: قومي للغرفه احاكيش في موضوع..

بلقيس دخلت الغرفه: خير؟؟

ابوها: تقدموا لش ناس والآن بين اقلش مابين اسألش واخيرش لو تأكدت ان الولد محترم شاوافق خليتش على مزاجش لوما زيدتي الغنج

بلقيس: من اللي تقدم ولا عارفه شي وتقلي مابتنتظر موافقتي

ابوها: اللي ابسره مناسب انا انتي مالش دخل خرج وقفل

بلقيس ضبحت جالسه معصبه تشتي تتصل لزهور

اتصلت لها صاحبتها اللي راحت للحفل: سلام كيف انتي ومالصوتش متغير؟؟

بلقيس: ولا شي تاعبه شويه بعد ماجاوبتها وتجابرين

صاحبتها: رحتي خطوبه ملاك؟

بلقيس: ايوه ليش ماجيتي

صاحبتها: ماقدرت والصراحه الآن قلت الحمدلله اني ماسرتش

بلقيس: ليش؟

صاحبتها: جلست استشيرها فيش واكلمها عنش وسبقتنا وقالت انهم تقدموا لش اشتي اتأكد منش صدق والا ماشي؟

بلقيس: يعني هي ملاك اللي تقدموا لعند ابي؟

صاحبتها: يو يعني صدق في حد تكلم عنش

بلقيس: مااعرفش ابي عادو حاكاني مش داريه من

صاحبتها: انا الصدق مضايقه وشازعل لو توافقي يا بلقيس لانه قبلها كنت اشتيش وحركتها سامجه قوووي.

بلقيس: انتي وياها تصدقين الموضوع مش بيدي وعادش لاحظتي تغيير صوتي هو بسبب هذا الموضوع

صاحبتها حست من كلامها انها موافقه: يلاه هو نصيب الله يكتب لش مافيه الخير.

بلقيس قفلت واتصلت لزهور تشكي لها وتبكي

زهور: اقلش شي يابلقيس وماتزعليش احسش نسيتي انس خلاص بس هو مانسيش انتي صدقتي كلام اهله وخالتش رغم انش تعرفيها اكثر منه بس هو ماصدق حد وجاء تأكد مني

بلقيس بكيت: طيب انا احبه ومانسيته بس واحنا مع بعض حبنا بيرجع وجع وبيكرهني فيه انتي ماجربتي حد يشكك فيش في اخلاقش تكرهي نفسش قبل ماتكرهيه هذا واحنا مخطوبين كيف لو عشنا مع بعض

زهور: طيب يمكن يتغير

بلقيس: ...


/channel/rewayatyamania/51250



📚 @rewayatyamania  🇾🇪

Читать полностью…

روايات يمنية📚🇾🇪

.

البــارت 138 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


بلقيس دخلت البيت وخلت الباب مفتوح تكمل تتكلم وتدخل

صديقتها: والله ان انا مرتاحه تطمن ولحالي مافيش في البيت حد الا هي لاتقلق وتجلس تاكل روحك وبه حكا خيرات شاقلك لما ارجع.
.
.

في القرية الثانية..
وصلوا اللي كانوا مع انس بيسمعوا خططه للمسؤول ع اراضي البن: اقلك الولد متعلم وبيفعل خطط مدروسه انصحك تزيد انتاجك احس قريه انس عترجع ساع اول كانت اضخم قريه تصدر بن قبل مايقلعها الشيخ الله لاوفقه

المسؤول: عاد هو يشتي له وقت لما تثمر وتيبس وتتحمص ويكون له اسم خليه يجلس يهدر بس عيتعب ماله في الموضوع هذا

صديق انس: انا كلمتك اضمن نفسي عندك لو خسر وانقل لك كل اخباره

المسؤول خرج رزمه زلط من جيبه: وهذا حق تعبك.
.
.

في البيت..
صديقتها: ماشاءالله عليش يا بلقيس من يصدق انش من هذه القريه مختلفه قوي وعاقله ومثقفه والوحيده اللي ماتزوجت قاصر

بلقيس ضحكت: ذلحين بتقلي ماشاءالله وعاجبش وهم بيعايروني عانس

صديقتها: ماعندهم نظر والله انش تجنني

بلقيس تنهدت وتذكرت موقفها مع انس.
.
.

بعد ايام كملت تجهز اوراق الطلاب اللي بيسجلوا في المدرسه ورجعت للمدينه تكمل معاملة المدرسه والمعلمين..

@rewayatyamania المصدر الأول للروايات

بعد شهووور..
ابوها: يعني ايش حفل تخرج؟

بلقيس:  يعني كملنا الجامعه فعيفعلوا تكريم مع حفل

ابوها ضحك: بتزبجي وانا مادخلني اجي ياسعم ان انا قريت

بلقيس: ماشي بس لأنك ولي الأمر لازم تحضر وتشوف بنتك بتتكرم

خالتها: بنت من؟ ماذلحين فارحه تتكرم  نسيتي كيف بهذلتي بابوش وخرجتينا من القريه بسمعه سارت تقرا لحالها بنت

بلقيس شافتها: بين احاكي ابي .

اخوها بدأ يكرهها من كلام امه عنها: تحاكي سوا ماقالت شي غلط

بلقيس: وانت لك فتره نسيت الفرق بيننا واني اكبر منك تكلم بأدب

خالتها: يو يو اخوش قدو رجال وتحاكيه هكذا احترميه

بلقيس: صف تاسع وانا تميت جامعه من يحترم من

سالم: بلقيس انا معش في كل شي بس بين ابسر مابتحترميه صدق

بلقيس: لانه بيدخل في كل شي وضبحني اسئله وفلسفه ومصدق روحه يمنع ويتفيضل

سالم: اخوش وله كلمه عليش الرجال هو

بلقيس تأففت ودخلت غرفتها

خالتها شافت زوجها خرج مسكت التلفون وقربت باب غرفه بلقيس وبتتكلم: يو الف مبروك ماشاءالله على بنت محمود ماعتلقي انتي ولا انس مثلها

بلقيس سمعتها وجلست تسمع سكته

خالتها بصوت عادي: والعرس اي حين؟
ايوه صح قد كان جاهز مافايده التأخير
الله يسخرلكم ارجعي اعزميني ازفه واعرس له بعيني

مع السلامه.

بلقيس جلست تسأل نفسها ليش مهتمه وبيحرق قلبها الموضوع رغم انها فسخته بارادتها وماعد تتمناه بطباعه اللي فرقت بينهم... اتصلت لزهور وجلست تكلمها..
.
.

في حفل #التخرج..
اهل انس طلعوا من البلاد وخواته حضرين

بلقيس كانت متجهزه بس حاسه ناقصها شي..
( يمكن نقصتها الاحلام والتخيلات اللي رسموها مع بعض في اول ايامهم في الجامعه انهم يتكرموا سوا !! ))

بلقيس بتشوف صديقتها (في الحمله التوعويه للتعليم) جت مع واحد
شكله زوجها

صديقتها سلمت عليها وناولتها الورد: الف مبروك لش تستاهلي كل خير

بلقيس: الله يبارك فيش وليش خسرتي نفسش

صديقتها لفتت للكرسي اللي جنبها وهو جالس بيتفرج قدامه وييسمع كلمه الحفل: لاتخافي عليا ماخسرت هو مزلط ماعليه

بلقيس بتتلفت: وين جهالش؟

صديقتها: عند امي

بلقيس: ماشاءالله مناسبين لبعض احس بينكم شبه سبحان الله قلتي لي ابن عمش هو

صديقتها لفتت له: من هو؟

بلقيس اشرت عليه براسها: زوجش

صديقتها ضحكت: هااا ايوه زوجي ابن عمي بس هذا اخي


ملقي الحفل: بلقيس سالم

بلقيس ارتبشت سمعت اسمها قاطعتها وطلعت بسرعه

خالتها شافت الورد في يدها دكمت زوجها: يعلم الله من قد ادالها ورد ع قد عمر وع قد قرايه ساكت!

ابنها متعصب وضابح

سالم: ماقصدش

مرته: مدري انت اخبر اسألها من ادالها بين ابسر الشباب معهم ورد

ابنها: والله لو واحد ان انا لاجغص لها الحفل ع راسها

سالم: اهجع ابسروا كيف ادولها الشهادة

بلقيس نزلت وبتتكلم مع صديقاتها شافته كان واقف مبتسم بيتفرجها وكأنه فارح لها حست بنغزه في قلبها وكأنه وقف فجأة ورجع ينبض غالطت نظراتها عنه رغم انها بتسرقها كل ثانيه ودقيقه

ورجعت تتشكر من صديقتها ع الورد وعادت لها انه من اخوها فانحرجت: بس ماينفعش لا

صديقتها: مابش فرق اعتبريه مني تستاهلي كل خير يله انا ماشيه.

بلقيس ودعتها ولمحت اخوها كان مبتسم لها انحرجت

ودعتها وضبحت من الوضع كيف اقرب شخص رافقها المسيره هذه رجع مجرد ذكرى بالنسبه لها.. ومشيت لاعند ابوها: نروح كملنا؟

سالم: من ادالش هولا؟

بلقيس: صاحبتي

اخوها ضحك بقزازه ( مكشر): على غيري

بلقيس: بطل حركاتك هذه واحترم نفسك

ابوها: خلاص اخطوا سكته مش وقت





📚 @rewayatyamania  🇾🇪

Читать полностью…

روايات يمنية📚🇾🇪

.

البــارت 136 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


في البيت..
سالم : ليش رجعتي بدري مابش محاضرات او كيف

بلقيس: الا بس كنت تاعبه روحت

سالم: خير فيش شي؟

بلقيس كانت متحمله داخلها ثقل بتتناساه ماقدرت تتحمل اكثر بكيت

سالم: مالش يابنتي خير!
من امس وانتي صورتش مش سوا

بلقيس: اقلك شي يا اباه

ابوها: ايوه تحاكي

بلقيس: ماعد اشتي الخطوبه هذه افسخها

سالم: ليش حصل شي ضايقش بشي ماوقع

بلقيس: ولاشي بس انا ماعد اشتيش مش مرتاحه له ولا اشتي

سالم: بيدرس معش وكنتي موافقه وفارحه ماحصل

بلقيس: مدري المهم حاكيتك يجي يشل شنطته حق الخطبه

سالم بيصفق بضبح بيده: لاحول ولاقوة الا بالله.
انتي اخبر هذه حياتش وانتي حره.

بلقيس دخلت الغرفه واتصلت لزهور تجي لاعندها

انس رسل لها رساله: يعني الآن انتي مرتاحه؟؟

بلقيس شافت رسالته طنشت

انس: كنتي تختصري وماتلعبي بمشاعري وتقلي لي بصراحه، يا انس  معي شخص احسن منك

بلقيس منجرحه منه وبيجرحها اكثر بكلامه كأنه بيريحها ع القرار اللي اتخذته

انس: خلاص والله ماازيد ارسل حرف ولا عاد ازعجش والله يسعدش ويوفقش باللي اخترتيه

بلقيس عصبت واتصلت له: واصل يا انس واصل استمر في اللي بتقوله كرهني فيك خليني اقتنع باللي فعلته معك.. هو مابش معي حد بس الآن اي حد يتقدم لي صدقني لاوافق ، الحب مش اللي بتفعله معي انت تغيرت وغيرتني بسببك لانك جرحتني

انس: وانا مااتهددش يا بلقيس تصرفاتش كلها كانت مستفززززه بتجننيني بتتعمدي تستفزي غيرتي ليش اوقات مانا معصب ماتجاوبي ليششش بيعجبش تحرقي دمي

بلقيس: خلاص كل اللي بتقوله حصل وتم ومن الآن ارتاح.. مع السلامه.. قفلت

@rewayatyamania المصدر الأول للروايات

بعد شهر...
ومشارعه ومشاكل انس مع المزارعين يبلغوه ايش فعل عمر قرر ياخذ اجازه من عمله مفتوحه ويرجع القريه يستقر فيها يرجع بس يختبر آخر الاترام.

كانت بلقيس كل يوم تتلفت وتشوفه ما داوم ولا بيحضر !

كانت تمر بأيام صعبه بعد ماكانت ذكرياته في كل مكان.
.
.

في القريه..
انس جلس يستفيد ويتجابر مع المزارعين اللي كانوا يزرعوا البن استفاد من خبراتهم والاخطاء اللي قاموا بها اثناء الزراعه والقطف والتحميص للبن ايش اللي كان يخلي البن يفقد جودته!

ايش سبب عدم الطلب عليه فعل دراسه وبحوث وبدأ يستفيد عشان موسم الحصاد والقطف لايغلط ويجهز افضل نوعيه بن..
.
.

في الجامعة..
اهتمت بدراستها ومحاضراتها ودخلت مع جمعيات تعليم الفتاة وحقوق المرأه .. تعرفت على صديقات وناس دعمت بحوثها في تطوير التعليم في المناطق الريفيه..

بعد مارجعت متحمسه للبيت ناقشت ابوها في الموضوع اللي انطرح عليها

سالم: يعني ماهو؟؟

بلقيس: يعني كلفوني انزل وافعل احصائية في القريه حقنا كم به طلاب وكم عددهم وكيف المدرسه يعني يا اباه عيتعاونوا معي ويرمموا المدرسه ويوفروا النقص ويرسلوا مدرسات

سالم: وماعتستفيدي؟

بلقيس: كيف ما استفيد شاساعد اللي ماقدروا يواصلوا دراسه او تغطيه النقص

سالم: ماعد بش يابنتي معي عمل في القريه مااسير افعل

بلقيس: وانا معي جامعه بس الربوع عطله وخميس وجمعه يكفي

سالم: تمام

بلقيس بفرحه: تمام تسلم

خالتها: بتتعذري باللي بتقليه امد ماتسيري عشان ت..

سالم: ماهو؟

خالتها: مدري بس حين خطيبها رجع القريه من مره ماسيرتها هانك

بلقيس: سيرتي قد قلت لابي سببها اولا وثانيا بطلي الافكار هذه انا فسخت برضايا وابي داري

سالم شاف مرته: قلنا مالش دخل انتي بشي

بلقيس استغربت منها انس رجع القريه! انقطعت عن اخباره وليش رجع؟ وكيف عرفت خالتها !

سالم: وانتي مادراش بانس واخباره

مرته: عند ما رجعت الاسبوع اللي سار اعزي خالتي لقيت امه وحاكتني وقالت بتدور له بنت تخطب له

سالم: الله يوفقه انس مابش مثله ويسخر لبنتي

بلقيس قامت غرفتها

سالم لحقها: يا بنتي او غثيتي حين قلت الله يوفقه؟ للآن مادريت السبب حق الفسخ وكان انس غاثي قوووي حين رديت الشنطه اشتي افهم مالش قررتي هكذا فجأة!! عتخليني اصدق انه فعلا فيش شي

بلقيس: مافيني؟

سالم: بين اقل لو فيش شي بتتخيلي اشياء او ع ماقالت خالتش حين قلتي لها فيش جن قلت يمكن حد فعل لكم سحر

بلقيس: من عيفعل لنا سحر ياباه دكتور الجامعة؟ مالكم بتصدقوا للخرافات هذه ماعد احد جالس اخر الناس في كل شي الا اللي بيعيشوا على المواضيع هذه

سالم بعصبية: وليش فجأة فسختي تحاكي؟

بلقيس: فهمته غلط وماعد اشتي ارتبط به خلاص مش مناسبني ماعد بش راحه للموضوع

سالم: براحتش وعادها تشتي ترجع تسود وشي قبال خلق الله رجعتي بعد فسخ وللآن الوحيده اللي ماتزوجت في القريه ويكفي ماقد وقع بي بس ماذلحين تحملي انتي كلامهم مانا ماشرجعش

بلقيس: تمام

ابوها: يعني عترجعي!.

بلقيس: ايوه

ابوها: خلاص كما جهزتي حاكيني اشلش

بلقيس: تمام




📚 @rewayatyamania  🇾🇪

Читать полностью…

روايات يمنية📚🇾🇪

.

البــارت 134 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


امه: قوم نزل ابوك يتشمس شويه الحوش حرام قدو قاعف جلسه

عمر بعصبيه: تمام ناهي اي حين يموت نفتهن تعبنا شلوه اطرحوه شلوه اطرحوه.. جنان وهو بخير وهو مريض

امه  شافت ام ايمن: اتقي الله يا ابني انت ماعد انت بحسك ابدا امانه ان حد فاعل لك سحر احنا داريين اللي بيكرهوك من

ام ايمن: لاتبرري له مسحور او فيه عين حد يتحاكا على ابوه هكذا!! جزاته اللي ادا لابنش كل شي وثق فيه ماانجلط الا من تحت راسش انتي وهو سيري تعالجي انتي بدله خرجي الجن اللي معبين قلبش حقد علينا.

عمر طنشهن وطلع ينزل ابوه.

@rewayatyamania المصدر الأول للروايات

في الارض..
انس وصل بعد مااتصلوا له اصحابه ان عمر قال لهم ولا سور يبتني وترجع الارض ساع اول تنزرع قات وتوصل ليده وهو يقسم بينهم حقهم

المزارع: عمر في البيت قلنا نحاكيك قبل مايفعل شي هذه اليومتين رجع مجنون عادو تضارب مع ناس وشل ارضهم صميل ماشتي تدخل معه في مشاكل اللي حاول يقتل اخوه عيقتل غيره

انس: يقتل من امانه باغر لهم هولا بيت السرق قال ابن الشيخ.. وصل بيدقدق الباب بقوة..

عمر في الحوش مع ابوه بيصلح العربية حق ابوه

ابن كنز فتح الباب للاخير

عمر بعصبيه وصياح يرفع رجل ابوه بمهازره

انس انصدم كيف بيفعل بابوه: دلا على ابوك ياعاصي والديك

الشيخ سمع انس وجلس متأثر بيدمع وبيحاول يتكلم

عمر فلت العربيه بضبح ووقف قدام انس: نعمم!!! من يقولوا لك تجي لاوسط بيتي تعلمني كيف اتكلم مع ابي وانت مادخلك

انس: اقلك كلمة قسما بالله لو يفتتح باب الارضيه حقي وتعس ورقه واحده من الشجر لاقبرك راس الجبل واخليك عبره لاهل القريه يرموك كل يوم بشباشبهم القديمه بتسمع

عمر معصصصصب بيمشي خارج لاعنده

انس بعد من قدام الباب

عمر تكحول بالحجر اللي قدام باب بيتهم وفلت..

انس: هذا ولاشي درس بس عشان تتعلم كيف تحترم اللي جاي يحاكيك بالأدب لاباب بيتك ولو انت تشتي مقاتلة حيا بك حرام ماافلت حقي وحق ابي
وكل ماقد وقع بنا من تحت راسكم بتسمع.. ابوك قدو لاحول ولاقوة له البلاء بك انت لو عتعيد غلطته.

عمر: طيب يا انس بيننا هذه الهنجمه اذا ماخليتك تندم على اسلوبك هذا بس مش الآن احنا مشايخ ونفهم في الاصول ماشعتدي عليك باب بيتي شاقلك جهز كفنك.

انس ضحك وهو بيمشي لفت لاعنده بمسخره: اشتري لي وشارجع احاسبك والا اقلك احسبها من حال اللي قد اكلتها من ارضي.

عمر دخل لاعند ابوه خرج ضبحه: بسببك خليت ايمن يفعل كل شي ادالهم وش وخرب النظام كله اللي تعبت فيه قوى اهل القريه عليا وانا اوريهم كلهم.

الشيخ عاجزززز عن اي رد بس داخله نددددم بيشوف ابنه طلع اخسسس منه والولد اللي تمسخر به ونقص من مقداره هو وابوه اذكى واطيب من عياله حس انه عاجز مش بس بالحركة انه من وقت ماوقع شيخ لهذه اللحظه خرب كل شي.

انس قفل باب ارضيته ورجع المدينه نفس اللحظه.. شاف علي ابن عمها مع واحده بتمشي بعده نفسسسسس البالطو والشنطه حقها نفس طولها!!! عصب وقف التكس ونزل ومع السيارات مسرعه ماقدر يقطع كان يتصل وماترد وبعد ماردت

بلقيس في الغرفه والباب مفتوح ابوها في الصاله بصوت واطي: انس شاكلمك بعدا تمام

انس: ليش خرجتي معه وحدكم ومطعم !! ايش عذرش هذه المره يا بلقيس؟

بلقيس: من هو؟

بتسمع أبوها بيتكلم جنب باب غرفتها مع اخوها

انس: اللي بين اسمع صوته الان.. جاوبي

بلقيس: مش فاضيه لجنانك هذا ابي مااقدر اتكلم الآن مع السلامه

انس: كذابه تشتي تجننيني ابسرتش خاااارج نفس شنطتش نفس بالطوش ومع علي..نزلت تأكدت خطيت ساع المجنون في الشارع.. فهميني ايش بيحصل

بلقيس: قلتها بنفسك جنان

انس: يعني مواصلة تنكررري

عصب زبط الشجره الرصيف: بلقيس اخر مره اسال

بلقيس عصبت منه  قفلت التلفون لاوشه

انس عاد الاتصال

بلقيس كنسلت

ابوها واقف في باب الغرفه: تقدري يابنتي تفعلي لي شاهي

بلقيس: تمام

ابوها خرج من عندها

انس اتصل مره ثالثه

بلقيس طفته ورجمته البطاريه والغلاف والتلفون  في شنطتها وخرجت.. كان الماء يفور ساعه جنبه واقفه وهي مصدومه في انس لافين وصلت افكاره وشكوكه


انس جالس واقف جنب المطعم يروح ويرجع ويمشي ويرجع منتظر علي يخرج يتأكد من معه

من كثر توترره وعصبيته وهو بيمشي ويشوف الارض

علي خرج ومشي وطلع السياره هو وياها

انس شاف قد له ساعه ومن كثر مااتصل بها طفي تلفونه وكملت البطاريه قرر يدخل..

جلس يلوي ع الماسات في قسم العوائل بعد ماكذب ع المباشر ان اخته داخل.. ولا لقي حد

خرج للحوش حق المطعم شاف في باب ثاني خلفي شك انها خرجت منه عشان لايشوفها... وزادت عصبيته اكثر

ابوها دخل للمطبخ: مالش يابنتي نص ساعه في المطبخ على قلص شاهي؟؟ اشتي اخزن شرق

بلقيس مسحت دموعها: تمام الآن

ابوها: مالش بتبكي فيش شي

بلقيس مسحت دموعها بسرعة: ...





📚 @rewayatyamania  🇾🇪

Читать полностью…

روايات يمنية📚🇾🇪

.

البــارت 132 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


عمر مسك اصبع ابوه وخلاه يبصم ورا البصيره

أبوه كان يحاول يصيح ويضيع صوته مع الشحبه وعجز فمه عن الحركه والكلام المفهوم ودموعه بس تنزل ويتنفس بسرعه.

عمر فلت يد ابوه: خلاص بس ها هو الا بس بصمه وبقية الكلام عليا انا لاتقلق.. مالك عترجع ساع الجاهل يا شيخ هيا مه.. قد ابنك قش كل شي شفط الدنيا لابطنه هو وجهاله عادك عتبكي ع بصيره لاخليتني اصيع ولا خليتني اعيش واتمشيخ انت والجهال اللي رصيتهم وجودهم وعدمهم سوا..

@rewayatyamania المصدر الأول للروايات

في المدينه..
جالسه في غرفتها بتلعب بدبلتها وسارحه في تصرفات انس رن تلفونها ردت وملامحها عادية مافيها اي لهفه من اللي كانت فيها

انس: انا آسف لو زعلتش اليوم

بلقيس: وبعدين

انس: ولاشي تفهميني بس

بلقيس: اتفهمتك بس قدو خيرات اكثر من هكذا مااركنكش يا انس

انس: ايش قصدش؟؟

بلقيس: شاقلك بصراحه يا انس بعد اللي حصل كم قد سامحت !!

انس: طيب يا بلقيس ايش افعل وانا قدريني يوم تقلي لي ابن عمي وخطفني ومش داريه ولحقني وطلع معي وقصه ويوم تلفونش مشغول قلك صاحبتش ربع ساعه معها!

بلقيس بضبح: انسسس رجاء تغير اسلوبك هذا معي ، صدقني لو يستمر شكك قصدي غيرتك ماعنكون لبعض.

انس بصدمة: الله المستعان.. هكذا يابلقيس

بلقيس: مني صدق هكذا ايوه مش انت داري كيف بتجرحني وبتأثر فيني تصرفاتك وبتكرهني فيك

انس: وانا اقول مالش متغيره وانه قد داخلش هذا كله.

بلقيس: انت السبب تغيرت كثير كيف كنت معي في البدايه مهتم بي بتحبني عمرك ماكنت هكذا والآن كل كلامنا وتواصلنا تحقيق

انس: اوعدش آخر مره ولا عاد لي دخل منش تفعلي مافعلتي خلاص يابلقيس دلع انتي بتستغلي حبي لش وتتدلعي عليا المره الجايه لو زعلتش بكلمه ارجمي الدبله في وشي.

بلقيس: طيب يا انس

انس: المهم وحشتيني قوي

بلقيس: انس ليش ماعد بتداوم زي اول والبحث مافعلته عليه نص الدرجه المفروض تغطي درجه الحضور!

انس: مشغول يابلقيس مشغول في راسي الارض حقي الآن كل يوم واتصلوا لي جننوني اتم اتطمن واهجع واجي الاختبارات.

بلقيس: المهم لو تشتي شي قل لي تشتي افعل لك البحث انا شفعله اختار الموضوع مع الدكتور

انس: خلاص تمام عتساعديني فيه

بلقيس: اكيد..
.
.

في القريه...
عمر شل الورقه وطرحها في الكوت ولبسه ونزل.

امه: اين عتسير قد بيأذن مغرب صلي وعنتعشى

عمر: اسير اشل لي من البقاله وارجع تشتوا شي؟

امه: يله اقطب لاتتأخر مانشتي شي.

عمر خرج وجالس بيفكر


في غرفه ابوه..
ام ايمن طلعت وهي تاعبه تشوفه ماعد حد بيهتم به غيرها ادت ماء وجلست: عتصلي ياشيخ؟

بدأت تمسح يده بالماء: سامحني ماعد فيني قوه اتحملك تتوضا في الحمام وجهالك الله يهديهم بس.. من بقعتك تيمم بالماء.. مسكت يده شافت في اصبعه الحبر حق البصمه استغربت اتصلت تسأل ايمن..

ايمن: كيف مزرق ساع ماكان في المستشفى؟

امه: ماشي يا ابني ساع الطبعه حق البصمه في اصبعه

ايمن شك: كان عمر عنده؟؟

امه: ايوه حتى ماعد جهزه للصلاة

ايمن تذكر ان الاوراق حق الارض معه: طيب خير خليه يجنن

امه: يا ابني انا تعبت ونسوانه واخوتك ولافي حسهم منه

ايمن: وانا ماافعل يمه ان رجعت وقعت مشاكل وان سرت قلتوا ابوك وابوك

امه: خيرة الله الله يهديكم بس.

@rewayatyamania المصدر الأول للروايات

في البقاله وقف السياره ع الخط الرئيسي خارج القريه ونزل ..

2 شباب كانوا بيتلفتوا شافوا السياره واقفه والطاقه مفتوحه مابش مفتاح السياره لقيوا تلفون ومسدس في صندوق السياره والكوت معلق في الكرسي قلعوا المسجلة  شلوهن بسرعة ومشيوا

عمر رجع من البقاله ماركز مشي ونص الطريق بيضغط بيده ع المسجله حس بشي غريب شاف بعينه مابش مسجله... استغرب وبيسأل نفسه من قلعها حد سرقها من حوشهم !! لا لا ذكر وجاوب نفسه انا متأكد انه كانت شغاله لما مشيت وطفيتها لانه وقت اذان وصلاة.. غريب !!

لف السياره ورجع نفس المكان تلفت مابش حد الا البقاله وجنبها محل اتصالات.. نزل جلس يلوي دخل مره ثانيه  مالقي شي.. ضبببح وواصل الطريق: الحمدلله ان المفتاح معي سرقوا المسجله بس والا كانت طارت السياره.

وصل له اتصال من ايمن شاف الرقم وطنش..

بعد ماوصل البيت نزل يشتي يلبس الكوت مش موجود !!!

دوره في كل مكان طلع السيارة ورجع للبقاله مره ثانيه وهو معصصصصصب بعد مادور ومالقي شي.. كان يسوووق بعصبيه وصدم..
.
.

في المدينه ( المعرض)
انس: الحمدلله واخيرا اول مره اشل راتب كامل

المحاسب: لاتزيد تقل سلفه من حين جيت وتخصصك سلف وهدايا وخصم من الراتب

انس ضحك: صاحبك معه جمعيات للعرس وعاد رمضان جاي ولازم سلفه نتصرف للاهل

المحاسب: الله يعينك





📚 @rewayatyamania  🇾🇪

Читать полностью…

روايات يمنية📚🇾🇪

.

البــارت 130 ○


الثــروة الـمنسيـة 🍀

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


في القرية..
امه طلعت لاعنده بتسرع: يا عمر لو تبسر ماقال اخوك

عمر بيشوفها

امه: ايمن شل مرته وكل شي وخطي خلاص من هنا يعني عترجع انت بدل ابوك

عمر قام جلس: منش صدق

امه سمعوا صوت السياره شافت الطاقه: والله هيا ابسر

عمر قام وقف شاف من الطاقه خرجته ولفت لها: يعني هو قال عيرجع؟

امه: ايوه وعادو بيتويقح ويتليقن بتقلده بمسخره عنبسر ابنش هذه المره ماعيفعل.

عمر: عنبسر اذا ماقلعته من كل فلس هو وامه مااوقع ابن الشيخ

امه: واتزوج يا ابني لاتجلس تراعي لمرتك ترجع من الحنقه طز فيها كما تزوجت ووقعت شيخ هي عتجي من نفسها تتمسكن لك

عمر: بدون كلام هذا الوقت اللي مالقيتها جنبي وقت الصدق وفلتت وسارت مااشتي بها وانا قدني شيخ.

@rewayatyamania المصدر الأول للروايات

في المدينه..
سالم فتح الباب ودخل

مرته: يعني قلدك الله لاذلحين ! وانت داري كيف خرجت

سالم: خرجت برجلي قلك كيف خرجت

مرته: بغير لقانه ياسالم رجعني القريه لوما تنقلع بنتك ييت زوجها

سالم دخل وشاف البيت مرفوس رفس: ليش مارفعتي البيت ماهو هذا الجنان

مرته: هذه بنتك بتخرج الجن حقها فوقنا

سالم بعصبيه مسكها من يدها: لكن بطلي لش الجنان والتذراب ودوار المشاكل وتتبلي ع البنت يكفي ماقد فعلتي بها وهي جاهله اتقي الله في روحش معش جهال يامره

مرته هزرت يدها ودهفت يده ومعصبه: أسألها وبطل تجلس تصدق لمدلازتها ومسكنتها مالي دخل يا انا يا هي هذه المره

سالم: اسمعي يا هرمه انتي والجنان حقش مااقدر افتح الا بيت واحد عتجلسي جلستي ماعتجلسي وتشتي تسيري القريه الله معش سيري وحدش مع الجهال البقيه خليهم مدرسه.

@rewayatyamania المصدر الأول للروايات

ثاني يوم.. دخلت مع صديقاتها لمحل انترنت قسم البنات

بلقيس بتقطع كرت: نص ساعه بس

صاحبتها: عيكفي نص ساعه بتشوفي كم مراجع واي حين تلحقي تلخصيهن

بلقيس: نجرب نص ساعه وبعدا نزيد سهل انا عن نفسي باقي لي قليل لخصت كل شي بقيت لي بعض اشياء

صاحبتها: انا عن نفسي شاجلس هنا ساعتين

بلقيس جلست قدام جهاز وبدأت البحث وتكتب وتلخص حنبت في سطر مافهمته قامت وشافت صاحبتها: يا شهد شوفي هذا ايش يعني

شهد مش مركزه معها ومندمجه بتكتب ومبتسمه

بلقيس شافتها ايش بتكتب: مالش ليش بتضحكي

شهد ضبحت نزلت الشاشه: ايش الهباله هذه امانه زيدي اجلسي بقعتي جابري انتي

بلقيس: عفوا بس استغربت ليش بتبتسمي وانتي بتبحثي ماكنت عارفه بتكلمي حد تعرفيه

شهد وطت صوتها: ماعد الا تزيدي تحاسبيني اعرفه او ماعرفهش رجاء لاتتدخلي المهم ماتشتي

بلقيس: تصدقي نسيت الله يهديش بس حلقتيها ومابش شي

شهد بتسمع الرسايل بتوصل للجهاز استعجلت: تصدقي احسن انش نسيتي

بلقيس ضبحت من تصرفها اول شي تقلب فوقها وبعدين تضحك وكأنه مافي شي.. استغربت ونفسها تسأل كيف بتراسل شخص بالكمبيوتر..

ردت ع تلفونها وبعد ماقالت له فين هي

بلقيس: مااعرفش كيف افعل طيب لامعي جهاز ولا معنا نت في البيت ولازم

انس: قلت لش الف مره شي تشتيه تكلميني انا ابحث لش

بلقيس: يا انس مية مره اقلك مش كل شي انت.. البحث مادراك ايش الموضوع وايش من مراجع اذا بحثك انت خليت واحد يفعله لك

انس: خلاص شاخلي واحد يجهز لش كامل ويطبعه

بلقيس: مااشتيش هكذا بين استمتع مع القراءة والبحث ومافيها مالك قالب انا قسم بنات كلنا بنات

انس: ولوووو انتي مانتيش داريه بشي

بلقيس: الوقت عيكمل عليا اتم واكلمك

انس: همش الوقت والبحث ونفسش وبس مع السلامه.

بلقيس تنهدت وجلست زاعله من كلامه شافت صاحبتها الي دخلت تسمع اغاني وتلعب بطه وتجابر وشافت نفسها بتحاول وتجاهد تدرس وترضي ابوها وتتفهم خطيبها وتداري ع نفسها.. كملت طبعت الورق وخرجت

انس اتصل: وين انتي روحتي؟

بلقيس: في الطريق للبيت شاحاكيك بعدا

انس: ليش؟؟

بلقيس: لأنك عارف مايعجبني اتكلم في الشارع.. باي

انس قفل وجلس سارح يظن.. ويفكر.. وتمر قصص ومواضيع وجمل من اصحابه اللي ساكن وعايش معهم وجوهم ومراهقتهم... رسل لها: فين انتي طيب اجي لش؟

بلقيس شافتها وجلست تفكر بينها وبين سؤالها ايش قصده فين انا وعاد هو قفل اروح عند زهور وياويلها هذه المره تقل لي غيرة او حب او...

الباص مسك بريك وطرق لها بقووة

بلقيس نسيت كل شي من الفجعه اللي وقعت لها كان الباص بيصدمها ..! وصلت الجامعه واتصلت لها

زهور: تعالي انا في الكليه جي نتجابر شويه جالسه مع البنات.

بلقيس دخلت الكليه

انس بعد كلامها حس بتأنيب ضمير قرر يروح يشل موضوع من الدكتور عشان البحث

خرج المندوب وشافها: بلقيس ممكن دقيقه كلمه بخصوص البحث.

بلقيس واقفت: في شي ضروري !

المندوب: ايوه...


/channel/rewayatyamania/51250



📚 @rewayatyamania  🇾🇪

Читать полностью…
Subscribe to a channel