367
قناة الشاعر محمد جهاد #اللهم _عجل —لوليك #الفرج
تشتم نفس دخان ،، خانگها بصلافة
كسروا ظلع قران ،، ومحنية الترافة
سورة اوگعت منها وتشم عطاب
اضن سورة محمد ميته بالباب
،،،،،،،،،،،،،،،،،،،،،،
جذوع الباب محترگة ،، وعليها اندفعت بحرگة
والبسمار حار وطگ ظلع محروگ
تبچي والگلب شايط ،، ودمها تارس الحايط
طاح المحسن وما ضاگ طعم اطلوگ
من كثر دفع الباب تهشم صدرها
ومحدبه مثل اهلال صاير ضهرها
ظلت تون وتنوح ،، والحاقد صفعها
خدها ازرگ ومجروح ،، وتلوذ بوجعها
حورية علي وضربوها الاجناب
اضن سورة محمد ميتة بالباب
،،،،،،،،،،،،،،،،،،،،،،،،،
السوط التوى بيديها ،، وهجموا كلهم عليها
وبصفاحيها يطعنها النذل بالسيف
فاطم حيل تتلوى ،، وتجر بالنفس گوه
ومن تگوم بالحيط تگض يا حيف
من بعد طعن السيف وكسرت ضلعها
محتارة تلزم بيش وكلشي وجعها
صاحت فضه لحگي ،، ركضي وسنديني
خلي نشوف ابني ،، طيحولي جنيني
راحت يمه تبچي بدمع الامصاب
اضن سورة محمد ميته بالباب
،،،،،،،،،،،،،،،
يم اوليدها گعدت ،، ون الفاگدة ونت
شافت مو طفل بالعتبة ميت نور
بهضمها تنظر الزهره ،، جرح منطبع بصدره
اثاري الضلع عظمة بصدرة ظل مكسور
گامت تلؤلي اهواي وتشرگ بشهگة
وتبوسة ظلت حيل تشمة وتشبگة
ضناها تغسله بدموع ،، ومتروسه بمحنة
وتگل الفضه وتلوع ،، خل حيدر يدفنة
انذبح طفلي يفضه من الاصحاب
اضن سورة محمد ميته بالباب
،،،،،،،،،،،،،،،،،،،،،،،،
خذتها فضه سندتها ،، وبحجرتها گعدتها
وتشوف الدم يخر من فاطمة للگاع
تشد يا جرح محتارة ،، من الباب ونارة
وشيطيب الجروح البيها صار اوداع
گعدت قرة قران الزهره بحزنها
واشتاگت اهيه اهواي تروح الابنها
مثل الشمس تنباگ ،، المغرب من يضمها
شهگة شهگة افراگ ،، وماتت من هضمها
علي هالليله يدفن اغله الاحباب
اضن سورة محمد ميته بالباب
،،،،،،،،،،،،،،،،،،
الحسن وحسين حضنوها ،، ميته وتون سمعوها
وگعدوا بالمغيسل ودعوها بنوح
علي غسلها بونينة ،، وشاف جروحها بعينة
خايف من چفنها يلچملها جروح
مثل الخيال يشوف صاير جسمها
والچفن من شداه نزت بالمها
شيع علي بالليل ،، عافيتة ام بيتة
قالع خيبر يميل ،، ويخط بمشيتة
دافن حيلة حيدر جوه التراب
اضن سورة محمد ميته بالباب
محمد جهاد المياحي
لـمولاتي العليلة ع
حلم عابر ،، على الخاطر ،، كاسر ضحكة الملگة
اشوف الخيل ،، تدوس الهيل ،، وميت واهس الشبگة
بديرة وسن ،، لمحة وطن ،، شافت عيوني
الحافر عثر ،، طشر وذر ،، جسم ضنوني
اعظامة تطگ ،، ميت سحگ ،، صوفرلي لوني
بدمع الهجر ،، صوت الكسر ،، شيب جفوني
بين الحوافر
يكسر الخاطر
ونحره اشوفة
تگصه الخناجر
دم بعيونة
ماخذله لونة
وينثلم جسمة
من يرفسونة
،،،،،،،،،،،،،،،،،،،،،،،،
خظار الروح ،، يبس بالنوح ،، والنعناع اشو ينداس
واشوف بشوگ ،، ملك مسحوگ ،، وبهدومة تفرهد ناس
باليل اهدعش ،، يهمس عطش ،، وشتد ونينه
مات الهوى ،، طشرو ضوى ،، بروحة الحنينه
يشهگ نفس ،، نحره يبس ،، وشلت سنينه
صوت القهر ،، ضرب الحجر ،، خاسف جبينه
باگو ملابس
منا ومحابس
واخيم محترگه
ما بيها حارس
نظرت شماتة
تهضم خواتة
واسمع ضحكهم
بركضت بناتة
،،،،،،،،،،،،،،،،،،،،،،،
بهوى العطشان ،، گلب ولهان ،، يفزع شوگ يم روحه
شفت بدموع ،، نحر مگطوع ،، وصورة ابالي مذبوحه
راسه انصلب ،، لونه گلب ،، والله حسافة
من الصبح ،، لابس رمح ،، راس الترافة
بوجه الفجر ،، شمس الضهر ،، تچوي بصلافة
نبض الگلب ،، ميت رعب ،، بأن اختلافة
شفته العطشانة
بالدم غرگانة
ايشرون عليها
بالخيزرانة
نور الفواطم
ع الرمل نايم
وابلاية غطا
شيخ الهواشم
،،،،،،،،،،،،،،،،،،،،،،،،
جرح راسم ،، ضعن هايم ،، بغربة وتركض النسوان
عبيهن غاد ،، صبغهه ارماد ،، ويشتمن نفس دخان
ضاع الضعن ،، وطشرن ،، حيرتهن حيرة
وسوط الهضم ،، لاح بعظم ،، مره وچبيرة
لون الحزن ،، ورم متن ،، عمتي الاميرة
مچتفة بحبل ،، فوگ الهزل ،، تمشي اسيرة
امچتفيها
وضحكوا عليها
وبحبل خشن
زلغوا ايديها
مرة وعلوية
ام الحنية
بين العساكر
تمشي سبية
،،،،،،،،،،،،،،،،،،،،،،
بحلم لفراگ ،، ابوي انباگ ،، وافزن منا مرعوبة
لبست اسود ،، على الما رد ،، وفاتحة بروحي منصوبة
بچادر دمع ،، اعلگ شمع ،، ليلة الوحشة
انشر حزن ،، گلبي يون ،، عذبني هرشة
بدرب البعد ،، انثر ورد ،، بدموعي اطشة
مات الهوى ،، وبنينوى ،، گلبي يعطشة
امعطشينة
ومسلبينة
وحافر اشوفة
دايسله عينة
بدمعة يتيمة
عشت الهضيمة
بحر الضهاري
نايم بالهيمة
محمد جهاد المياحي
ليلة مولاي علي الاكبر ع
علي الاكبر جماله ،، تارس عيوني بحلاته
فدوه لـ لله بعيونه ،، ماخذ بالي بصفاته
من الله كشخته
بعيونه وضحكته
،،،،،،،،،،،،،،،،،،،،،،،،،،،،
بصفنت خيالي ساكن خياله بحله علامه
چنه محمد ابوجهه شمس او بنصها شامه
محتاره اوصفه شايل ترافه كلها ابتسامه
هيبة حياتي يلوگ اعله وجهه لون العمامه
بتسبيحة انفاسي ،، اقره الفاتحه وادعيله
محرزته بالزهره ،، واعگدله بدموع الشيله
ماليني بنعمته
بعيونه وضحكته
،،،،،،،،،،،،،،،،،،،،،،،،،،،،
تغازل عيوني طوله من اشوفه يتمشه گبالي
اوليدي الاكبر ما انسه شكله دوم اعله بالي
مرسومه گمره فوگ الشفايف ضواها يلالي
بضحكة سنونه ينسم علينه الهوه الشمالي
تسرحله امالي ،، من ايسير ابني اعليه
وتسجدله دمعاتي ،، من اشوفه يشاقي بيه
يرسملي رحمته
بعيونه وضحكته
،،،،،،،،،،،،،،،،،،،،،،،،،،،،،
يوسف جماله من نور الاكبر انخلق نوره
ومن گد حلاته كلمن يشوفه يرسمله صوره
حتى الكواكب تسلم على ابني وتنزل تزوره
وحتى الهوه الهاب يركض يطوفه ويشتم بخوره
انا ادري بالدنيه ،، ما تگدر تفارگ روحه
واشحالي انا امه ،، من اشوفه ينوي الروحه
معيشني بنبضته
بعيونه وضحكته
،،،،،،،،،،،،،،،،،،،،،،،،،،،،،،،
من المخيم وملامح فرگه اقره بعيونه
يعاين عليه وبالمدمع شفت غرگن جفونه
لون المنيه شفته على وجهه وخاطفله لونه
شبگته وابچي وامسح بشعره الواصل متونه
معقوله ما شوفه ،، من ينزل هذيچ الحومه
من يرحل من ايدي ،، راح اشتم اظل بهدومه
معطرني بشبگته
بعيونه وضحكته
،،،،،،،،،،،،،،،،،،،،،،،،،،،،،،،
ودعني ابني وللخيمه ارجعت امشي محنيه
وظليت ادعي الباري بدمعه كلها حنيه
رجعلي ابني يمرجع يوسف الحضن ابيه
وظليت ابچي الحد ما طحت وانغمه اعليه
محتاره شسوي ،، ودموعي تغرگ الخيمه
خافن يغدرونه ،، ويموت الورد بالهيمه
ادعي الله برجعته
بعيونه وضحكته
،،،،،،،،،،،،،،،،،،،،،،،،،،،،،
گلبي وحنانه دگاته احسن وگفن ثواني
من اسمعت الحسين يصرخ ياليله لحگي حناني
وبدموعي شفته شايل اوليده ومحني اجاني
ميت الاكبر وسابح بالدمه وموته سباني
طبراته لبراسه ،، خلنه يموت اوليدي
وجروحه لبجسمه ،، ما اگدر اشدهن بيدي
اوليدي فگدته
بعيونه وضحكته
محمد جهاد المياحي
ليلة مولاي علي الاكبر ع
عشگ ترف وبصفاتة ،، شايل علامة
گطن ابيض يا حلاتة ،، وبخده شامة
بالليل ،، وايميل
يلاعب ازلوفة النسيم
الحيل ،، بيه هيل
وعشگ گلبي أشگد عظيم
وطن روحي الضهر غفلة من يدي ينباگ
وضعن دمعي يسيل ابغربة ويسولف افراگ
صاحب غرامي اوليد الاكبر لعيونة اشتاگ
،،،،،،،،،،،،،،،
شبگت ابني اخر شبگه ،، بسته بجمالة
لام البنين تسهيل امر ،، فاتحه اقرالة
نظرات ،، ودمعات
شدن حيلهن بالنحيب
حيلي مات ،، وشبگات
فززن ابروحي شيب
صوت الفرگة كاسر گلبي وتعب العمر راح
گلبي ما بين ايدية احسن يتلولح وطاح
وشنهو حياته العاش ابضلمة وضيعلة مصباح
،،،،،،،،،،،،،،،،،،،،
نازل للمذبح ابهيبة ،، وملامح صافية
مو ماي الطشيتة بضهره ،، دمعاتي الدافية
الجمال ،، والدلال
راح ايثلمنة الجراح
بالخيال ،، وذهن البال
اشوف ابصدرة الرماح
صوفرن نسمات الهوه بريتي وشفت الهجر موت
طبرة اعله طبرة ابراسة ثجيلة ابكل واهس تفوت
واسمع اتكسرن اعظام المحنة وبيهن يطگ صوت
،،،،،،،،،،،،،
وجه قراني من انخطف ،، هيّج ادموعي
وگلبي من الخوفة احس ،، كسّر اضلوعي
الحنين ،، بالونين
وفصلت لجروحي شوگ
والسحين ،، امسلبين
ضنوتي وتعبي مبيوگ
شيب طير العويدي اعله وني من انا ونيت
صفگت ايدي ولزمت اصفاحي ومحنية ظليت
ثكلة وضايع مني حناني والطولة حنيت
،،،،،،،،،،،،،
شفت ملك المخيم ،، شايل اوليدة
محني الضهر ويتعثر ،، وايطيح من ايدة
الجسم ،، منثلم
قطعة قطعة اگبالي اشوف
والزلم ،، بيه تلم
وجسمة ملخنة السيوف
سابح ابدمة الولد شفتة ونص راسه مفشوگ
واثر طعنة اعله طعنة ابخناجر ابصدرة مطگوگ
ابني اگبالي امدد اشوفة ودلالي محروگ
محمد جهاد المياحي
السلام عليكم
بعون الله تم اكمال مجموعة من قصائد شهر محرم الحرام سوف اقوم بنشرها ومن الله والِ بيت محمد القبول ..
دمتم بنعمة الحسين عليه السلام
من صار ابنچ أبهل ليلة ،، بالجربة ليش تلؤليلة
وبراية ليش اتگمطينة ،، وبريشة ليش تناغيلة
ذو الفقار تنيمي يمة ،، وتسولفيلة رحلة طويلة
عن من تشكيلة يا لبوة ،، وگليلي عن من تحچيلة
شو حل اگماطة من زغرة ،، وعبس والدنية متشيلة
بس لا سولفتي عن زينب ،، تدرينة ما يقبل عيلة
كسر كاروكا وتعصب ،، وظل يدبج لختة بكل حيلة
اهوووووو
الزلمة اليمچ يوصل ،، غير يصير اويه الرجلين
اهوووووو
الجيش انصاب بجلطه ،، من طب العباس
كل عام وانت الساقي لا سواك
يا سيدي يا قمر بني هاشم
محمد جهاد المياحي
يا زهراء
تلاگينة تلاگينة .. والگعدتنة حنينة
تلاگينة تلاگينة .. وعطر نعناع طش بينة
واقتربت الساعة وانشَقَّ القمر!!!
من شفت ابصدر الشمس نور انكسر!!!
تلاگينة تلاگينة
.......................
يا شمس وضحاها يا ضوه صافي بعيوني
واهس عشگنة ميت مستحى وخاطفلي لوني
شفت مسمار صلة بضلچ وحارت ضنوني
انخطف وجه الذهب بية وطفح شوگ بجفوني
تمنينة تمنينة .. نعيش بدنية وردية
تمنينة تمنية .. الورد ايعيش ابحنية
وايسير اعلينة الگمر وگت السهر
من شفت ابصدر الشمس نور انكسر!!!
تلاگينة تلاگينة
........................
باب الجنة دفعوا وانخلع متني حسافة
ومسمار اعوج ابضعلي شبگ ورد الترافة
وگع مني گمر وبسرعة قرر انخسافة
يا قران عشگي سطروا اخدودي ابصلافة
تبدينة تبدينة .. انه وابني ابحرگة
تبدينة تبدينة .. واشتاكيت لشبگة
وعيوني من اوليدي ما شبعن نظر
من شفت ابصدر الشمس نور انكسر
تلاگينة تلاگينة
........................
جنت احلم احضنة ويترس الدنية بضحكتة
واناغيلة اعلة ثغرة والضوه يغفى اعلة شفتة
ألــف مبروك حسرة خضرت دمعة بسفرتة
ست وردات عمرة والهوة طشر نعمتة
يوالينة يوالينة .. دفنت احلامي بالتربة
يوالينة يوالينة .. وصدگ مسمار ابگلبة
يا حيدر اوليدي صدگ ميت قهر!!!
من شفت ابصدر الشمس نور انكسر!!!
تلاگينة تلاگينة
........................
يا هيل العطر المحسن اشتاگيت اشمة
واوصيتي الك من انه اموت ادفني يمة
يا كوثر غرامي خل اگلك عندي چلمة
ضلعي يا گمر بالمغتسل بالك تلچمة
الهجر بينة الهجر بينة .. كاسر واهس المة
الهجر بينة الهجر بينة .. واليلة تندفن نجمة
ويابو الحسن اليلة راح تحني الضهر
من شفت ابصدر الشمس نور انكسر
تلاگينة تلاگينة
.......................
رحمة الله انتِ وانتقلتي الرحمة الله
يسلطانة عشگ گلبي ادفنچ انه غفله
بالمغسيل اشدن بالچفن واصرخ اسم الله
شفت يلچم ابضلعچ والدمع بعيوني صله
الضوه وينة الضوه وينة .. دفنتة وصاير اجنازة
الضوة وينة الضوه وينة ..ورجعت امشي اعله عكازة
ايدي اعلة ضهري وگمت اسولف بالسفر
من شفت ابصدر الشمس نور انكسر
تلاگينة تلاگينة
محمد جهاد المياحي
يا حسين دخيلك
سوالف هيل ،، خضره ابلون العمامة
حرگهن شوگ ،، من حرگوهن اخيامة
قافلة شمس الضعون
تقره فاتحة المتون
بهوه روحي زمن ،، كسر واهس ضعن ،، واحس مات الوطن
عشگ لونه فجر ،، يهب نسمة عطر ،، ويطگ شيب العمر
حسين حسين مولاي
،،،،،،،،،،،،،،،،،،،،،،،،
تنگط دوم ،، عسل من حلگه الحچاية
گطن صافي ،، وايصفن حتى المراية
ايضيعن ابوجهه النجوم
لو كشخ بجمل هدوم
بفي ارموشه گمر ،، عاش ابطعمه نظر ،، يحب خيط السهر
بنبض روحي يطب ،، يسبحله الگلب ،، وارتل احروفه حب
حسين حسين مولاي
،،،،،،،،،،،،،،،،،،،،،،،،،
الورد ينباس ،، نعرف مو يدوسونة
نسيم الروح ،، بحجر گامو يگطفونة
واهس ضحكات الحمام
طرزن صدره السهام
نحر روحة رعش ،، ضوه عمري انفرش ،، لحم من جسمه طش
جفن شابع دمع ،، عافيته تنوجع ،، واسمع كسرت ضلع
حسين حسين مولاي
،،،،،،،،،،،،،،،،،،،،،،،،،
غرام اعيون ،، شيب صورته الحافر
وغصن جوري ،، ابستان الورد كاسر
ترفه اغصان الورود
والحافر سواهن سود
لمس گلبه سحگ ،، همس كلمة عشگ ،، لــ الله بس من صدگ
رمل صدره انترس ،، صوفر حتى النفس ،، وخضار الله يبس
حسين حسين مولاي
،،،،،،،،،،،،،،،،،،،،،،،،،
حرز امي ،، طشرت ضحكته الوادم
البخت ينباگ ،، وسيف برگبته نايم
الشابخ امتون الزمان
طايح ويسولف امان
الطش الليل ابنجم ،، جماله ينهدم ،، واگبالي ينثلم
نايم ابنينوى ،، ايلاعب طوله الهوه ،، ومنه ايغار الضوه
حسين حسين مولاي
محمد جهاد المياحي
لـمولاتي رقية ع
قراني يا نبض العشگ .. ابجسمك شمسوي السحگ
من صدرك اتطشرن سور .. و(الكوثر) انه واحترگ
جمالك ولونة اختلف .. ومن العطش ريجك نشف
فززني امكاني البصدر .. ابكل حيلة الحافر بيه خسف
أتطشر لحم .. وبگلبك الم
عباتي وتدريها ازغيرة .. اضمك وين
ياشمة هوى .. شو مات الضوه
بعيوني ومكسورة الخاطر .. بابا حسين
بابا حسين
.................
لون الضوه صدفة انخطف .. وبحجارة وجهك انگطف
برسومك شمسوية الشمس .. يلوجه الله بيك انعرف
يا صاحب اعيون الشهل .. لعيوني ضميتك كحل
حلم الطفولة وانذبح .. وجسمك صاحو شابع گتل
حكمني الزمن .. وبيه اشگد سحن
وردة وچنت امدلله .. بچفوف الهيل
غصني شو ذبل .. ومات الامل
وصوت اعظامك اتكسرن .. اسمعهن حيل
بابا حسين
.................
بالخيمة واقره بالنفس .. (قل اعوذُ) من الفرس
ارسمك ويمك شمر .. بوجه الله اشوفنة رفس
قران ونحرك ينذبح .. يالشوفتك غبشت صبح
رسمتك نايم بس جسد .. وكاشخ ابراسك رمح
صدگت الرسم .. يا شيخ الزلم
من حرگو اخيمنة اطلعت .. بعباتي النار
دموعي موشحى .. واعرگ مستحى
اخدودي ازغيرة وتنسطر .. بچفوف اگبار
بابا حسين
................
باگو ذهباتي يا ضوه .. وما يرهم الاذني دوه
ابكل سطرة يهتز العرش ... ويبچي علية القل هوه
لوني صبح لون الذهب .. ويشتمني من هب ودب
كل ساع اطيحن بالسبي .. ترفة وما احمل التعب
راسك يلتفت .. انه لو طحت
واسم الله اسمعهه امن الرمح .. ابصوت عطشان
انسولف عشگ .. ابحس مختنگ
واگلك بابا الحگ علي .. مات الامان
بابا حسين
.................
و(اذا السماءُ انشقت) .. والترافة بخدها انسطرت
مضمون ايات امن المصحف .. يعني (الكوثر) بالهم ماتت
اخر ساعات انة عشت .. انتظر راسك بالطشت
من يجيبونك بابا الي .. احسبني ميته من وگت
بابا شيبت .. بزغري وحدبت
خمس اسنين انه بس عشت .. شهگات الموت
يا لب الگلب .. افراگك صعب
اليلة يم نحرك اموت .. چني ياقوت
بابا حسين
محمد جهاد المياحي
نزال لـمولاي العباس ع
يا عباس دخيلك
........................
سركال شيخ الهواشم ،، مخلوسه بعينه الوادم ،، نكت خاجيته ونزل للحومة
السيف ظل بگرابة ،، وراح ايفض اطلابة ،، لبس الصاية وكشخ بهدومة
نسمات الهوه بردن ،، من عطره لمن شمن ،، والهوه يتمايل خجل برسومة
الگاع تعشگ صيتة ،، وتتنفس ابمشيتة ،، والضهر من حلاة ظم انجومة
يا عباس دخيلك
........................
بالطف باني امضيفة ،، والحر اجالة ضيفة ،، ابصيت الهلا ايعزب ضواه ليزورة
الله بالخير بصوتة ،، تطلع چنهه ياقوتة ،، وخطارة صفن
على حسنه ونورة
بيدة يعزب الگهوه ،، ومن ايدة تطلع حلوه ،، والگهوه يمة تنسة كل امرورة
ايگل الزينب تطبخ ،، والاكل بيدها يكشخ ،، وتطلع سفرتة ابكل بخت منثورة
يا عباس دخيلك
........................
الگمر بس يستعد ،، واهلال من ينولد ،، اول گمر الهيبة انولد كامل
الكواكب اله خدام ،، والنجم يمه اينام ،، ايجدن ضواهن من يضوي الكافل
ابمشيت اشگد امسنع ،، وابصدرة الدرع يلمع .. وريشات خضره فوگ راسة شايل
من يصعد اعلة المهره ،، الهوه ايحرك ابشعره ،، والشعر فوگ المتن ماي ونازل
يا عباس دخيلك
........................
احسين ايبوس اجفونة ،، ويعشگ دورات اعيونة ،، وتگوه يگلة يا گمر بني هاشم
شايل حرز الزهره ،، ومطرزة من النضره ،، ايشدة اعلة زنده وبالعلگ ظل هايم
خيط الفجر من يطلع ،، يسجد يم رجله ويركع ،، والليل عسعس على شعره ونايم
اتوكل ابسم الله ،، وعلى محمد صله ،، واتنخه بمه وطشرها الوادم
يا عباس دخيلك
........................
الناس صاحت ع ناس ،، شردو اجنه العباس ،، بالجيش امرادم صاير من الخوفة
ابشجاعة حيدر ينعد ،، واليشوفه دمه يجمد ،، ابخزرة اعيونة يموت بس ليشوفة
اليشرد من الحومة ،، أگباله يذب اهدومة ،، وعريان يركض يعني رد للكوفة
سركال رد لعضيدة ،، وفض الطلابة ابيدة ،، ياخذ الحگ العنده بس بچفوفة
يا عباس دخيلك
محمد جهاد
نزال لـمولاتي العليلة ع
سافر وطن حياتي وضعوني
ودمعاتي ترسم غربة بعيوني
،،،،،،،،،،
اترف ورد من روحي امسافر
بونيني سبعة خلفت العاجر
ابلون النوارس صارت ارموشي
طفلة ومرضية ومنخطف لوني
،،،،،،،،،،
مشتاگة اشوف الضحكة بسنونة
وابوس ابوي ابخده واجفونة
احس ابروحي صارت ايتيمة
ودمع اليتم امغرگ اجفوني
،،،،،،،،،،،،
على الخدود انطبعن دمعاتي
وبگلبي تحرگ شوغت اهاتي
شبة الحمامة للوطن اشتاگ
ابحلم سفرهم اهلي خلوني
،،،،،،،،،،،
من انا انام افزن مرعوبة
وبحلامي اشوفن جثة مسلوبة
صوت المنية شيب احلامي
بخياله عشرة الگوم ذبحوني
،،،،،،،،،،،،
ابيبان گلبي راسمه الصورة
ميت حبيبي وينسحگ نورة
وتطبر ابنحره اشوف الخناجر
وابگطع صبعة اهواية جرحوني
،،،،،،،،،،،
گلبي انكسر چن كسرت الجامة
من شفت باگو حتى للعمامة
ايست يرجع بعد البيته
يبس خضاره وماتت اضنوني
محمد جهاد المياحي
يا زهراء
من اندفع باب الحزن القدسية ظلت بس تون وبحسرة
حيل الشمس كله انطوه وبسمار طگ ضلع الضوه بالعصرة
حدب ضهرها ،، ورحلة سفرها ،، تبدي بقهرها ،، من الدفع
باگوا حلمها ،، تلوذ ابالمها ،، تغير رسمها ،، من الصفع
اول مره من بيت النبوه
ودفعوا عليها الباب ابقوه
تهشم صدرها وظلت بديها
تلزم ظلعها وتتلوى گوه
،،،،،،،،،،،،،،،،،،
باب المحنة محترگ وعطر البنفسج مختنگ بالفرگة
تشهگ رماد من النفس ونور ام الحسين انغرس وابحرگة
ذابل غصنها ،، وسطروا جفنها ،، وخسفوا متنها ،، من الضرب
اسياط الاجانب ،، ترسم مصايب ،، البنت الكواكب ،، بالگلب
ليش الحنينة كسروا ضلعها
تنزف دمه خلاها الدفعها
ماكو مكان بجسمها صاحي
كوثر محمد يخنگ وضعها
،،،،،،،،،،،،،،،،،،،،
بالعتبة طاح اجمل طفل وعيونة حلوات وشهل بالدفعة
تعاينلة فاطمتة ابألم وارسومة امغطيها دم بالوگعة
ميت ضناها ،، ومحني گفاها ،، فاطم ضواها ،، منكتل
والله هضمية ،، صارت جريمة ،، بهاي العظيمة ،، والطفل
الهجموا عليها ولية ولوها
ما كفوا منها من لوعوها
فوگ المصايب تسمع حچيهم
سحنوا گلبها وشتموا ابوها
،،،،،،،،،،،،،،،،
بحجرتها گعدت فاطمة تلزم جروح مورمة تلچمها
تعبانه من گثر الضرب وتوجعها نبضات الگلب من همها
بليلة طويلة ،، صارت عليلة ،، وكلش نحيلة ،، فاطمة
بدمعتها تذرف ،، وگلبها يرجف ،، ومحتارة تنزف ،، بالدمة
شهگت نفسها صديقة الله
وحيدر عليها بدموعه صلة
شمس المدينة باگو ضواها
واندفنت ابليلة ظلمة غفلة
،،،،،،،،،،،،،،،
حيدر رجع من الدفن يبچي بقهر حيل ويون بالعتبة
وبسمار بابه ينظره وكلشي الجره يتصوره وابرهبة
عاش المصيبة ،، بدمعة نحيبة ،، والله عجيبة ،، وينهضم
ضاعت سنينة ،، ويكثر ونينة ،، ومن الحنينة ،، ينحرم
الفارگ حبيبة تشيب حياتة
وبعيونة غفلة تموت امنياتة
يصفگ چفوفة يظل بحسرتة
ولون المصيبة يبوگ بحلاتة
محمد جهاد المياحي
نعي
بدفعة الباب ،، وگع محسن ابنها ،، بدفعة الباب
هجموا اجناب ،، كسروا ظلع فاطم ،، هجموا اجناب
وتشم عطاب ،، والنار احرگتها ،، وتشم عطاب
الچانو اصحاب ،، سطروها اعله خدها ،، الچانو اصحاب
وزاد الامصاب ،، بسياط اضربوها ،، وزاد المصاب
اغله الاحباب ،، علي ايودع الليله ،، اغله الاحباب
ورايح الحيل ،، ومحدب ضهرها ،، ورايح الحيل
گامت اتميل ،، من بسمار طگها ،، گامت اتميل
شافت الويل ،، لمن طيحوها ،، شافت الويل
ونت الليل ،، كسرت گلب حيدر ،، ونت الليل
ماتت بنوح ،، ومهضوم الزچية ،، ماتت بنوح
جسد مطروح ،، ع المغيسل وينزف ،، جسد مطروح
الجسم مجروح ،، اشلون ايغسلونه ،، الجسم مجروح
حيدر يروح ،، يم الباب يبچي ،، حيدر يروح
ودع الروح ،، بدفن زهرة حياتة ،، ودع الروح
محمد جهاد المياحي
لـمولاتي رقية ع
ويلاه رقية ويلاه
،،،،،،،،،،،،،،،،،،،،،،،،،،،،
طلعت اميره امن الضهر
مرعوبه تركض ع الجمر
ومن الجدم دمها يخر
وفوگها خدها منسطر
جرح التراچي يصب دمه
وذبلانه من گد الضمه
يشتموها لـن بلا حمه
چي تشبه امها فاطمه
زغيرونه فرت بالحرب
علوية مكسورة گلب
من تبچي بديرة غرب
بالخيزرانه تنضرب
من الضرب تحبي حبي
ويضحك عليها الاجنبي
طفلة وتچلب بالعبي
زغيرونة مو مالت سبي
من چتف ايديها بحبل
ع الشوك مشاها النذل
ودرب السبي ما ينحمل
امن تصيح بابا تنكتل
خاطف ملامحها الحزن
بمشيتها تگزل او تون
امن السوط حدب المتن
وراح بخرابة تندفن
محمد جهاد المياحي
ليلة الانصار
بزغ من الله نور يضوي اعله الخيم
او توسطهم حبيب يرف بيدة العلم
انرسم بوجهه شيب النوارس تحسده
يسولف للحسين وثغر روحة ابتسم
حسين ،، انته العشگ ،، حبك صدگ ،، شيخ الهواشم
حسين ،، شمة هوى ،، وابينوى ،، بيك انا هايم
رب الهوى ويا حلم امس
شابگني وبگلبه احس
ابنبضه يهمس للضوه
ويفي اعليه من الشمس
،،،،،،،،،،،،،،،،،
چنت عنك بعيد ومشيبني البعد
واصويحبك هسه شاب شجاع وينحسد
يأية امن الجمال شلت اسمك حرز
وسنين الفرگه شوگ ومطرزهن ورد
شباب ،، رجعتني ،، وعيشتني ،، بخيمة رحمتك
شباب ،، رد العمر ،، يطش عطر ،، جوري بنعمتك
مصحف حياتي ابكربلة
ترتيلة اسمه البسملة
اجينه نفرعلة ركض
انا وشموس القافلة
،،،،،،،،،،،،،،،،
شايب صح وچبير لچن گلبي خضر
واليحبله امير من حگه لو سهر
والما عايش هجر و لا ضايگ دمع
خل يفهمه عدل حلاة الحب قهر
جمال ،، اربع طعش ،، گلبي نقش ،، اسمة ابنضاتة
جمال ،، دربه خضر ،، لب النظر ،، داخ ابضحكاتة
عشگ ابيض چنه صبح
بسوالفه ينگط ملح
عمري صحرى وبيه انسگى
من أيده ونسيت الجرح
،،،،،،،،،،،،،،،،
على باب الگمر اشوفنك ضوه
يغبشة مشتهاي يالمونس الهوى
لحيتي كلهه شيب واصليلك عشگ
يخاچيت البخت الگلب بيك ارتوى
يموت ،، خد الفجر ،، من ينتظر ،، شوفت حبيبة
يموت ،، مثل الشمع ،، من الدمع ،، يخلص نحيبة
مثل الفلح شايل خلگ
عايش قوانين العشگ
بصورة حبيبة ينذبح
ويفرح صدگ من ينشبگ
،،،،،،،،،،،،،،،،
فزعنه وكلنه زود الوفة عدنة طبع
بالميدان وتشوف شنو اتسوي الربع
نشگ ثوب الجنون ونرجفها الزلم
والعدهم زلمه حوك يناشغ بالدمع
يصيح ،، وحيله انهدم ،، واذنه لزم ،، يرجف وريده
يصيح ،، وريجه نشف ،، گلبة رجف ،، جسمي اريده
قائدهم نشوفه قزم
ومن خوفه ايذب الهدم
ويصيرون اگبالنه دخن
وانكسر الهم چم خشم
محمد جهاد المياحي
ليلة مولاي القاسم ع
الهيل شايل شوگ وسوالف خظار
ايطشهن ابروحي واشمنهن هوى
لو كشخ بالصاية تسجدلة النجوم
ابكسرت الوجنات ايضيّع الضوه
يوليدي ،، يالمخجل الليل
بنفاسك ،، يالمدوخ الهيل
بضحكاتك ،، النسيم يعيش
وهدومك ،، امزهبتهن حيل
يوليدي ،، يا جسام
،،،،،،،،،،،،،،،،،،،،،،،،،،،،،،،
الورد يتمايل عشگ وكت الصباح
والشمس تغبش تبوسة وتبتسم
ترف بس بيه من يطگ عرج الزعل
الزلم من خزراتة تردم بالزلم
اشمحلاتة ،، والعيون اوساع
يشوفونة ،، چن غصن نعناع
ومن ايدة ،، الشرد ريال
ليشوفة ،، ايذب هدومة بساع
يوليدي ،، يا جسام
،،،،،،،،،،،،،،،،،،،،،،،،،،،،،،،
معبد اسنيني اطوفنة ابهيام
ابجمالة اشوفة چن كسرة فجر
وحتى سطراتة مبخرهن بخور
معدل ودرعه يركا اعله الصدر
مستناس ،، وللحرب يهوة
وبجفوفة ،، العرك يسوة
العريس ،، كسر خشم الجيش
وفرحانة ،، بهيبة الحلوة
يوليدي ،، يا جسام
،،،،،،،،،،،،،،،،،،،،،،،،،،،،،،،
شايل ابگلبة الي اجمل حنين
وطن عمري بضحكتة يفطر ورد
ثنه اردانة ويهز ايدة عنده عيد
الهزبر اعلة الصيده متونس يهد
بعيونة ،، يگنص من ايصيد
وابخدهم ،، تلگا سطرت ايد
اليشرد ،، من خزرتة يموت
صاگرهم ،، بالمطارد حيد
يوليدي ،، يا جسام
،،،،،،،،،،،،،،،،،،،،،،،،،،،،،،،
افيش يا نسمة هواك ابريَتي
ينتعش بيها يظل هرش الگلب
يمة گامت الزلم تهمس همس
چنهم من الخوفة شابعهم ضرب
ضنوتي ،، يگطف الانفاس
بالحرب ،، يشبة العباس
يا روحي ،، عاشت ايمينك
للكوفة ،، شردتها الناس
يوليدي ،، يا جسام
محمد جهاد المياحي
ليلة مولاتي العليلة ع
نوگ اهلي سجدن سوه
وضوه گام يصعد ضوه
گمت ابچي وحيلي انطوى
من شفت النوگ
بقيت انا المالي بخت
مشو عني وروحي استحت
وعافيتي وراهم مشت
بدموع الشوگ
شايل ضعن من روحي ،، جنة وطن
ارموشي من گد ادموعي ،، بيدي اوگعن
وضلوعي بركضي وراهم ،، شو حدبن
كل خطوة منهم ،، احسها ،، تشيب سنيني
الفاتحة أقره ،، عليهم ،، بدمعي وونيني
ومشيت الفاگد ،، عشتها ،، بنبضة حنيني
،،،،،،،،،،،،،،،،،،
لزمت اصفاحي من التعب
ووي روحي احجي بعتب
وحدي خلوني شعجب
ما عندي حظ
محنيه وچني عثگ
وحالي حال المحترگ
ياخذني شوگ العشگ
واشهگ مرض
رجعت امشي وانهطر ،، من الهضم
واسأل روحي من السفر ،، ليش انحرم
وبرداني من الشماتة ،، بدمعي اضم
كل طفلة تلزم ،، اشوفن ،، ايدين ابوها
ويسحنّ بيه ،، يكولن ،، شو ما خذوها
هاي البنية ،، خطية ،، وأهلها نسوها
،،،،،،،،،،،،،،،،
من امشي گمت التفت
وبلكي يرجعولي گلت
طفلة زغيرة وشيبت
ومخطوفة اللون
عليمن محتارة انتچي
ويرجف بشفافي الحچي
يهلي من گد البچي
طاحن لعيون
ظليت ارجف من خوفي ،، مثل السعف
وصوفر لوني من الفرگة ،، ودمي نشف
وكون الله هذا بكبرة ،، بعيني وگف
بحسرة أبنية ،، عليلة ،، اعيش الهضيمة
تكتل صفنتي ،، واعاين ،، چني يتيمة
وبروحي احسن ،، سبية ،، ومحروگه خيمة
،،،،،،،،،،،،،،،
نرجس عيوني ذبل
وبروحي ضاع الامل
حلم الطفولة انكتل
بخطوات فراگ
عافيتي بخيط الفجر
يسلبها طعم الهجر
يناغيني جرح العمر
بلهفة مشتاگ
جروح المفارگ صفنة ،، بيها دمع
وكلشي بية من راحو ،، ظل ينوجع
وگلبي بلهفة دگاتة ،، كاسر ضلع
اذكر سوالف ،، ترافة ،، وتنگط محنة
عشت بضحكتي ،، وابوية ،، اشوفنه جنة
يشبگني حيل ،، بحنينة ،، اشمحلانه چنة
،،،،،،،،،،،،،،،،،
من انامن گمت افز
مرعوبة وگلبي ينز
وچن ضايع مني حرز
اسمه الحسين
رتلت حروفه بقهر
ويبچن هروش النظر
واسأل بنجوم السهر
قراني وين
من اختنگ او اگعد ،، من الحلم
لهدوم ابوية اركض ،، بيهن اشم
اشبگ بيهن وعيوني ،، ترسم رسم
صورة حبيبي ،، اشوفة ،، ع التربة نايم
وخيل اعوجية ،، تدوسة ،، شيخ الهواشم
وبهدومة اشوفن ،، تفرهد ،، اهواية وادم
محمد جهاد المياحي
يا صاحب الزمان
يا سحر العيون .. يا همس الجفون
اقبلني عندك عبد
يا نبض الحنان .. يا شمس الامان
ازرعني ابدربك ورد
،،،،،،،،،،،،،،،
عاشگ .. واهل الهوى حسدوني اعله حبك
عاشگ .. وصوت العشگ ياخذني اعله دربك
عاشگ .. ونبض الگلب احسه يهوى گلبك
عاشگ .. واعله الگلب محبوبي انه اكتبك
يوسف احسك وانا احسن يعقوب
ياخذني شوگي وعيني اعله الدروب
تكتل صفنتي والخلگ بس متعوب
يا عشگ السنين .. عذبني الحنين
اقبلني عندك عبد
ترتيلت هيام .. يا كعبة غرام
ازرعني ابدربك ورد
،،،،،،،،،،،،،،،
وينك .. ليلة الجمعة بروحي اعلگ اشموع
وينك .. وطبع العشگ ما يحلى الا بدموع
وينك .. گلبي يدگ بسرعة وانا موجوع
وينك .. بلهفة من اذكرك بية يكسر اضلوع
ياخذني روج امن الدمع والهموم
يضيگ الهوى وتثگل علية الهدوم
محارب الليل ورمشي زاعل النوم
من شوگي انوح .. يا بلسم جروح
اقلبني عندك عبد
يا نسمة ربيع .. ابدونك اضيع
ازرعني ابدربك ورد
،،،،،،،،،،،،،،،
ادري .. عيونك شهل وبنظره تاخذ البال
ادري .. بدورة الحاجب منهه غار الهلال
ادري .. بصورة جمالك الله منهه ما مال
ادري .. ابكرسي العرش ينحني لجلك اجلال
فدوة الجمالك حيرتها العقول
يوسف بكبره بيك باله مشغول
ملك جمال بوصفك انت مذهول
مسودن بالعشگ .. وبثوبي اشگ
اقلبني عندك عبد
لو مرة تهل .. منك ما امل
ازرعني ابدربك ورد
،،،،،،،،،،،،،،،
مولاي .. مسودن عشگ سموني اعلة بعدك
مولاي .. لو ما زعل الباري والله اعبدك
مولاي .. بگد رحمة الله انه هيجي اودك
مولاي .. طبعي ندة واتونس اعله وردك
تدري اليفرگ حبة يشتهي الموت
وانه بغيابك روحي تهوى تابوت
كل يوم احسها بالمغيسل اتفوت
عايش بالعذاب .. خانگني الغياب
اقلبني عندك عبد
يا اجمل حبيب .. كاتلني النحيب
ازرعني بدربك ورد
،،،،،،،،،،،،،،،
اهواك .. وصورة خيالك تارسة خيالي
اهواك .. وكل غالي تدري بگلبة يهوى غالي
اهواك .. فدوه العيونك سير اعله بالي
اهواك .. وعايش بعشگك والعشگ حلالي
عايش على الله گلبي وبرحمتك
الله لا يحرم روحي من خدمتك
شكرآ الك رازقني من نعمتك
وحدك لا سواك .. سودني هواك
اقلبني عندك عبد
عطرك بالانفاس .. يا اترف احساس
ازرعني بدربك ورد
محمد جهاد المياحي
روحي تفز ويه الهوى الهاب
وافزع ركض لو حرك الباب
حسبالي من السفر رجعوا
اهلي وترد كعدات الاحباب
حيل انذبح ،، من الهوى ،، حيل انذبح
ومن الصبح ،، اذكر سبي ،، من الصبح
فطر جرح ،، شيب العمر ،، فطر جرح
من السبي شو شيبت
وبالعتبة بدموعي حرت
يا هلي مترجعون الي
من الركض مو حدبت
محني الضهر ،، من القهر ،، بخيط السهر ،، أفصل شوگي بدموع
عشت بغرب ،، ولب الگلب ،، ناره تشب ،، ويخلص عمره موجوع
اه يا زينب
،،،،،،،،،،،،،،،،
جروح السبي ظلت متنراف
من اطلعت أوطولي انشتاف
بالخيزرانة ويطگ لمتون
تخن بالعظم لو لاح الچتاف
وكت الضهر ،، من طلعت ،، وكت الضهر
دست الجمر ،، بحرك الخيم ،، دست الجمر
وگمت انهطر ،، من الضرب ،، گمت انهطر
بنار الخيم گلبي همس
ومن الحرگ نبضه يبس
من الرماد وجهي انصبغ
ودخانه ظل بس بالنفس
ميته حزن ،، واگعد وون ،، من المتن ،، بكعب رمحه دفعني
بحر الشمس ،، يطگني رجس ،، ويگلي إس ،، احس ورملي متني
اه يا زينب
،،،،،،،،،،،،،،،،،،،
من چتفوني اسمع يضحكون
ومن الضرب خسفولي المتون
ظل الحبل ياكل بالعظام
ومن دم ايدي صار احمر اللون
مات الوطن ،، مني الضهر ،، مات الوطن
وضاع الضعن ،، بزحمت ركض ،، ضاع الضعن
نطوف المحن ،، بغربة هزل ،، نطوف المحن
صوب اخوتي طفنه بدمع
وايدينه جانت ع الضلع
المكسوره والما عدها اخو
كلساعه وابجف تنصفع
وشفت ابالم ،، راعي العلم ،، بعينه سهم ،، وچفينه بيهن احتار
ما ينعرف ،، شو يختلف ،، وشابع نزف ،، وراسه اعله الرمح صار
اه يا زينب
،،،،،،،،،،،،،،،،،،،،
اذكر اخوي حسين من طاح
ويخر دمه جسمه من الجراح
گالو عدل من داسته الخيل
وگالو يگص بنحره ذباح
شفت الجسم ،، صاير وذر ،، شفت الجسم
ومن ينلزم ،، شو ينثلم ،، من ينلزم
حتى الهدم ،، صارن وصل ،، حتى الهدم
بحر الشمس نايم ضوه
واموذر ابطف نينوى
شما المن بجسمه يطيح
من أيدي وحيلي انطوه
شفت الرمح ،، شايل صبح ،، بطعم الجرح ،، ويرك حيل بالهاته
دمعي يهل ،، ويصرخ نذل ،، اگبال الهزل ،، جيبو الراس الخواته
اه يا زينب
،،،،،،،،،،،،،،،،،،،
خلصت حياتي وذيج الايام
ومكتوب اموت بغربة الشام
وين اخوتي حتى يشيعون
وحشه الجنازة بيد ظلام
جبلو النعش ،، صوب اخوتي ،، جبلو النعش
وآه يالعطش ،، اقرو علي ،، اه يالعطش
وعمري ارتعش ،، واشهگ هظم ،، عمري ارتعش
وراح انه اموت ابلا وطن
وبغربة وايامي گضن
آخر وصية يا هلي
لا يلجم امتوني الجفن
هذا الأجل ،، وضاع الأمل ،، بالمغتسل ،، تغسلو بدمعي ونحيبة
اهواية اون ،، ومن اندفن ،، كتبو بحزن ،، اعلة كبري يالغريبة
اه يا زينب
محمد جهاد المياحي
مشاية .. والراية .. ترفرف ع المتن
حبيتك .. وجيتك .. يا كعبة حزن
ادخلوها بسلامآ امنين
.................................
بسم الله .. يرب اجروحي .. بنوحي .. جيت النينوى
بسم الآه .. ملكت احساسي .. وانفاسي .. تشتمك هوى
العشگ معناه .. تعاشر مذبوح .. وبالروح ..تشوفة ضوه
تعيش اوياه .. مسامر ليلك .. وهيلك .. لجروحك دوه
ابالي .. يالغالي .. راسملك صور
ياشوگي .. ومعشوگي .. عذبني النحر
ادخلوها بسلامآ امنين
.................................
جروح هواي .. وتدري العاشگ .. لمفارگ .. ايدور حلم
يدوخ الراي .. اجي ممعنونك .. وعيونك .. مشاية بعزم
يعذب الماي .. فزت ابنحرك .. وابصدرك .. حافر ينرسم
فرح دنياي .. بهوى المشاية .. هواية .. تركضلك زلم
المزارك .. زوارك .. نفزعلك ركض
يحسيني .. وسنيني .. اتصليلك فرض
ادخلوها بسلامآ امنين
.................................
يا عطشان .. يواهس مشيّ .. وعرشي .. بسمك من يدگ
ويا قران .. ارتل احروفك .. وشوفك .. سلطان العشگ
عشگ ذبلان .. وانه برحمتك .. خدمتك .. عايش من صدگ
اعيش احزان .. لجل محبوبي .. ابثوبي .. مجنون واشگ
يالدارس .. من عابس .. اسلوب الجزع
بجنونة .. ايلومونه .. لو عاش الفزع
ادخلوها بسلامآ امنين
.................................
مشيت بنوح .. وعشگت الخدمة .. النعمة .. من طاري الرمح
جثيرة جروح .. وانطبع راسك .. وحساسك .. بحجار وملح
عشگ مملوح .. اشوف بجرحك .. من رمحك .. راسك منفتح
تشوف الروح .. تگوم وتعثر .. ما تگدر .. اتشد يا جرح
ع الناگة .. حراگة .. والمن تصطبي
مسبية .. العلوية .. وتسولف سبي
ادخلوها بسلامآ امنين
................................
جفيت النوم .. على الما نامن .. ما شافن .. راحة بالسبي
اشوف انجوم .. هوت ع التربة .. وبالغربة .. يحديها اجنبي
السياط تحوم .. وصفن بناتك .. خواتك .. مشيتهن حبي
عشت بهموم .. وعالم حبك .. وگلبك .. يفهم مطلبي
من المهد .. ع العهد .. اوصلك زحف
اشكرك .. يالعطرك .. ايفوق الوصف
ادخلوها بسلامآ امنين
محمد جهاد المياحي
على اخدودك گمر نايم
وابجمالك النجم هايم
الضوه يمك يدور نور
اشحلاتك يا گمر هاشم
يواهس ضحگت الشفة
اشحلات اطيوفك الترفة
تسيورة حلم مشتاگ
مرلي ابالي لو صدفة
ردتك حلم دافي .. يشيلك رمش غافي ..وبنورك الصافي .. تسولف ضوه
أنسلبت عافيتي .. وضاگ الهوه بريتي .. وغبشة صبح بيتي .. ما بية هوه
چن مكبرة بروحي .. وحشة ليل ابنوحي .. وتتنفس جروحي .. وادي طوى
افراگ العشگ بلوه .. خلاني اتلوى .. وبعيونك الحلوه .. يعيش الهوه
يمة ياحبيبي .. يمة ياحبيبي .. يمة ياحبيبي .. أحبك
..................
اموت ابكسرة الحاجب
رسمهه الباري الغالب
الهلال برسمتك حاير
وعليك ايصلي بس واجب
احن الشوفة عيونك
واعيش بضحكة اسنونك
اقره الفاتحة بكل يوم
ابجمالك لا يحسدونك
قل اعوذُ اقرة .. لا تحسدك نضرة .. واعوذك بالزهرة .. يجمل ابن
يا سالوفة عمري .. مشتهية اعلة صدري .. اضمك وتدري .. لشبگة احن
اشم بثيابك .. وتصور غيابك .. وبرسمة شبابك .. ارسم حزن
يالكلك ترافة .. معيشني بحسافة .. وابعيدة المسافة ..اشتاگ الحضن
يمة ياحبيبي .. يمة ياحبيبي .. يمة ياحبيبي .. أحبك
...................
ابزغرك لابس الصاية
وبمتونك شايل الراية
اذكر من گلتلي زين
انه الزينب امراية
يمخجل الگمر باليل
بهدومك اشمن هيل
تكشخ بالدرع والطاس
واعلة راسك الريشة تميل
يا فرحت حياتي .. يا كشخت اهاتي .. مشتاگة شبگاتي .. تحضن ورد
يا كحل عيوني .. يمونس ضنوني .. صدفة نخطف لوني .. من البعد
اباول خطوة اغياب .. انتظر يم الباب .. واكعد على لتراب .. باليل البرد
اليعشگ شينيمة .. يسهر وية النجمة .. وحبيبة ايرسمة .. بلكت يرد
يمة ياحبيبي .. يمة ياحبيبي .. يمة ياحبيبي .. أحبك
...................
ارسمك والعيون اوساع
يلبيك الترافة اطباع
يا محلى الجمال البيك
گمر وتمشي فوگ الگاع
يمنشف جروف الماي
احن الگعدتك وياي
من الغبشة اركض حيل
حسبالي حبيبي جاي
امن الغبشة ابونة .. النص البيت اتعنة .. شخصك ما شوفنة .. ويبجي النضر
افتح ريجي بدمعة .. ضاگت بية الوسعة .. وصوتك من ما سمعة .. يزيد القهر
امعشيني بجمالك .. نورك وحلالك .. من گمرة خيالك .. غار الگمر
يمدوخ الكواكب .. مخلي النجم ذايب ..مستحي وشو غايب .. يمك زغر
يمة ياحبيبي .. يمة ياحبيبي .. يمة ياحبيبي .. أحبك
.............
احسن بالضوه مخنوگ
وبگلبي يدب الشوگ
وتدري اليحترگ بالحب
فكر عقلة يظل مبيوگ
يالشايل خلگ لحسين
طمني انطفتلك عين
الامان ابيتي احسن مات
بس لا گطعو الجفين
من اغمض وانام ..تغزيني الاحلام .. وتلچم صدري لسهام .. وبيك احس
اشوفك ع التربان .. موذر وعطشان .. چنك ورد ذبلان .. ابحر الشمس
اصرخت يا عباس .. جسمك بلاية راس .. مجتمعة اعليك الناس .. ابطعن ورفس
نايم بلا ايدين .. سهام غافي بالعين .. وبخيك الحسين .. يشمت رجس
يمة ياحبيبي .. يمة ياحبيبي .. يمة ياحبيبي .. أحبك
محمد جهاد المياحي
لـمولاي ابا الفضل العباس ع
يا سلام الله اعلة جفك ياخو زينب
......................................................
جمال الهواشم .. سيف الله القائم .. ملك موت وحاسم .. لو سرفن ردانة
أمكركش الراية .. وسابيهم سباية .. يگنص بالرماية .. وحي الموت اذانة
ايد الله اعلة ايدة .. وسطراتة رعيدة .. يختار اليريدة .. ويدوخة بزمانة
موت احمر جفونة .. وبخزرة عيونة .. وبملامح لونة .. شفنة الموت اجانه
الشمر ظل يبچي وجيشة كلة ينحب
......................................................
اجيوشهم محتارة .. ورجفهم ابنارة ،، بچفوفة السطارة ،، صاحت كلها عباس
إمن الخوف يرجفون .. من عذابة يبچون .. خلاهم ينوحون .. ويگاطف بالانفاس
واحد گل للاخر .. عباس اسمة قاهر .. راح لنار نسافر .. وطاح الفاس على الراس
طرگاعة علينة .. وين احنة اجينة .. مو ولية انولينه .. وحدر اجدامة ننداس
اليوم تسجدلة الرگب ونارة تلهب
...................................................
قران العقيلة .. ضرباتة ثجيلة .. اشلون احنه نجيلة .. ويخوزر بالركاب
خيرنة نشوفة .. من عاين چفوفة .. صابت گلبة خوفة .. وحط راسه بالتراب
خوش كتلة انكتلنة .. وانكسرت رگبنة .. والعايش من العدنه .. من عباس خر وذاب
چم سكتة قلبية .. صارت بالـ امية .. راوانه المنية .. من حط سيفة بگراب
الجيش اشگد بالحرب منه تعذب
..................................................
الهوه النشمة .. صار علينة نغمة .. كل واحد وهمة .. وصارت بينة بلوه
الحومة الجبيرة .. شو صارت زغيرة .. وتحيرنه حيرة .. حسين من گلة تگوه
غيرة هاشمية .. وتربات ابدوية .. يتناثر حمية .. الجيش يروحلة فدوه
الريشة اعلة راسه .. تهتز بحماسة .. ويسولف شراسه .. يمطر غيضة نخوه
الشمر گض الشيله وبراسه تحجب
......................................................
گناص المراجل .. ايـّـذبح حمايل .. معروفه ابو فاضل .. صولاتة وقتالة
ريح صرصر اجاهم .. بذو الفقار ولاهم .. بخزراتة سباهم
.. وحيرهم جمالة
تارس خلگة بحسين .. ما بين الصواوين .. والمعارك الزين .. بالحومة حلالة
صگر يعرفونة .. تصگرهم عيونة .. لو رفن جفونة .. الموت يصبح حلالة
الزلمة من عدهم اشو ضهره تحدب
محمد جهاد
نزال لـمولاي القاسم ع
لابس الصاية الخظره .. وعمامته من زغره
ومن خده تضوي الكمره .. نور الله جمالة
............
القاسم الليلة حنتة .. بالطف تضوي شمعتة
الفرحة ترسم ضحكتة .. وتلولي عيونة
رملة تبخر خيمتة .. ونورة تارس كشختة
تعوذة بعلي وهيبتة .. لٱ يحسدونة
العباس لازم بشتة .. ويهوس بكل بختة
والقاسم ضحكت شفتة ..من عمة اجالة
..........
زينب عمتة هلهلت .. هوسات وهلاهل علت
وشموع حنة حضرت .. وتعدل اهدومة
اصواني متروسة ورد .. تنثر بيهن وترد
ترجع الجاسم تصد .. وتعاين ارسومة
تحضنة وتكلة بالهفة .. يبو سوالف ترفة
يوليدي باچر زفة .. وحيرها خيالة
...........
يوسف صفن منذهل .. بجسام باله منشغل
صارت لعيونه كحل .. صورة القاسم
مخنوگ ابصدرة الهوه .. وسولة عقلة بنينوى
محتار ويدور ضوه .. من بني هاشم
ايصيح من اجنونة .. القاسم عشگت اعيونة
اتحده اليوصفونة .. من الله كمالة
..........
بدر رملة ينعرف .. نوره ايفوق الوصف
حچية معدل وترف .. وعاشگ بس الله
يسجد ويسولف عشگ .. والله يحبه صدگ
يحجي وصوته مختنگ .. وي عشگة لو صله
اسوالفة المعشوگة .. بيهن يوصف شوگة
وبحسرتة المخنوگة .. يدعي الله بوصالة
..........
ليتام ابجرت النفس .. تحچي بسوالف عرس
جسام حسنه منغرس .. ويسولف بعرسة
لخيام متروسة فرح .. والنور ابصدرة انشرح
بضحكات دلاله انفتح .. عين الله لتحرسة
اشكد حلوه ذيج الگعده .. الگمر يصفن ابخده
وبچفة تحله الورده .. من حسنة ودلالة
محمد جهاد المياحي
لطلب اللحن
07713558745
يا كريمة الِ محمد دخيلچ ،،،
يا نجمة اسهيل .. يا كشخة الليل
العطرچ مشتاگ .. يالريحتچ هيل
گليلي مبخوت .. يا شذره ياقوت
لو مره ازورچ .. ارتاح اذا اموت
الليل احب نجومة
وما رايد يگضي يومة
وية النجوم اسولف
مولاتي يا معصومة
اعيش بحسرتي .. وبنضرتي .. رايد زيارة
اسولف بالعشگ .. من اخنتگ .. الذيچ المنارة
مجروح الگلب .. ونارة تشب .. وتبدي بشرارة
اشرح للجرح .. حبچ ربح .. لا مو خسارة
يمعصومة يمعصومة يمعصومة دخيلچ
،،،،،،،،،،،،،،،
مملكتچ النور .. وأمبخره ببخور
بتربت ضريحچ .. اتصلي لبدور
والگمر محتار .. متعجب اشصار
كل كوكب ايشوف .. يم بابچ اندار
حدب من حگة لهلال
ويشگي يم بابچ الحال
يخدم حضرتچ النور
وصاير يم گبتچ اخيال
اليزور الحرم .. يلگه الكرم .. بواهس ضيافة
مضيفچ واهسه .. اتنفسة .. رغم المسافة
اليشد العلگ .. يعنى عشگ .. ورد الترافة
تعزبين اليجي .. ابلاية حجي .. ابكل لطافة
يمعصومة يمعصومة يمعصومة دخيلچ
،،،،،،،،،،،،،،،
دمعي توضى .. وبخدودي صلى
ما ضايگ النوم .. يا رحمة الله
بعيوني گبة .. عايشة ابغربة
كل خلگي متعوب .. وتيهني دربة
واهس جفوني شيب
وحاجب عيوني حدب
تحن روحي المقامچ
وگبرچ علي تغرب
تارسني القهر .. وهرش النظر .. مذبل عيوني
يم باب الرمش .. راسم عرش .. مخجل جفوني
يالگبتچ ذهب .. ميت تعب .. گلبي وضنوني
زرعيني ورد .. درب البعد .. خاطفلي لوني
يمعصومة يمعصومة يمعصومة دخيلچ
،،،،،،،،،،،،،،،
سلطانة الكون .. تنجي اليحيرون
حتى بغربتچ .. تعزبين اليجون
يا غصن نعناع .. يا هيبة الگاع
مشتاگ اشوفچ .. عايش بالوداع
حلم حياتي ازورچ
واتبرك ابحضورچ
يمتى اطب ضريحچ
واشتم عطر بخورچ
يا كوثر رسم .. عايش حلم .. بطعم المصيبة
اتوضى بدمع .. ما ينسمع .. يشرح نحيبة
وي خيط الفجر .. اشتم عطر .. منچ اجيبة
يا اخت الرضا .. عمري گضى .. وروحي غريبة
يمعصومة يمعصومة يمعصومة دخيلچ
محمد جهاد المياحي
نزلة الى مولاي الامام علي ع
مولاي ،، يا علي ،، مولاي
...............................
وانت يا شيخ العرب
بيدك اتطيح الرگب
والزلم تحتار بين ايــديــنك
نسوان سويت الزلم
من تطبهم مبتسم
ارگاب ترجف لو خزرت بعينك
انت يا روح النبي
الزلم سابيها سبي
ابسيفك اتحامي تظل عن دينك
الگوم تحرگه حرگ
ابنار سيفك تفترگ
اروح راحت فدوة حدر ايمينك
مولاي ،، يا علي ،، مولاي
................................
زلزال صاير بالعده
والجثث متمدده
موت احمر من تطب عليهم
الگاع متروسه دمة
السمة بيك مغيمة
اموات شردت خافو تلاگيهم
شافو ابسيفك رعب
من تطبهم للحرب
الشرد سيفك قرر ايلاويهم
الزلم لمن لاگتك
بركان احمر شافتك
نار بيدك حيدره اترويهم
مولاي ،، يا علي ،، مولاي
................................
اگطعت حتى النفس
الشاف حيدر انخلس
يلوذ من خوفه ويطيح ابگاعه
حيدر ابزوده صعب
العدة ملجومه الگلب
اليوم صارت بالعده طرگاعه
حيدر وبيهم يمر
ما قبل منهم عذر
الريح ما يگدر يهز اشراعه
امر عليهم نزل
حيدر وشايل زعل
يعني كضو اروحكم هــالساعه
مولاي ،، يا علي ،، مولاي
................................
الگوم يذبحهم ذبح
طيفه ابد ما ينلمح
الگوم محد عاينه ويشوفه
آه منك يا دهر
الناس كاتلهه القهر
بالغضب تمطر شرار اچفوفه
الگوم ماخذها البچي
وبعد شيفيد الحچي
بحيدر ويامحلة ذيج احروفه
ناس طاحت ع الثرة
وناس بيه امحيرة
وبگلبها الناس ظلت خوفه
مولاي ،، يا علي ،، مولاي
...............................
نار ظلت بس تشب
بيهم وظاگ الدرب
الگوم من حيدر صفت محتاره
ما صعد فوگ المهر
ابزوده ذلاهم جبر
علي بيهم ظل يشب ابنارة
صاح ها وين الكفر
بعد ما ريدن عذر
اليوم حدر ايدي حملت ابشارة
وين اشباه الزلم
لازم اعليكم اهم
ما اريدن تبقى اي افراره
مولاي ،، يا علي ،، مولاي
محمد جهاد