-
قناة خاصة بنشر القصائد الحسينية والولائية للشاعر احمد هادي الشمري للتواصل مع القناة عبر المعرّف @hakaia
#صادق_العترة
. يـا گـلـبـي الـمـا تـبـرد نـاره
محروگ إعله الحرگوا داره
*---------------*---------------*
يا گلبي .. المدفون بصدره
داست فـوگه خيول العبره
عـالصادق شـيـجـبّـر كسره
مـجـروح وتـنـزف أســراره
*---------------*---------------*
بحرگة داره أتخيّل وضـعـه
يـذكـر أمـه ويـلـزم ضـلـعـه
نسوانه إعلـه المحسن تنعه
ويـنـده يا عـبـد الله وثـاره
*---------------*---------------*
شـيـطـان الأمة بسم قـاتـل
سمّه ، وفرحت أهل الباطل
ذاك الـوجـه الـمِـبـدر ، ذابل
مِـن شُـلـت إيــده الـغــدّاره
*---------------*---------------*
صـادقنه ، الله يساعد گلبه
حي ميت ، عـايـش بالغربه
لا مـاتــم ، لا زايــر ، گـربــه
مـن گـبـره نـحـرمـت زواره
*---------------*---------------*
سيـد مـذهـبـنـه وعـنـوانـه
بـضـلـوعـه مـثـبـت أركانـه
يـا چـف ايـهــدّم بـنـيـانــه
ومـهـديـنـه ايـلـعـب فقـاره
*---------------*---------------*
الباطل حـشّـد جِنّـه وإنسه
والصادق مـا طـفّـوا شمسه
مـا ننسه أيــامــك مـا ننسه
وداعـة حـامـي الدار وجاره
*---------------*---------------*
✍️خادم آل محمد (ص)
الشاعر أحمد هادي الشمري
ابوذية للحسين ع لسان حال الخدام
وحگ صـدرك الفوگه الخيل.. يا ليت
عـلـيـنـه مصيبتك يحسـيـن.. يا ليت
بـهـذاك الـيـوم چـنـت ٱوياك.. يا ليت
وأفــوز بــنــصـرتـك يـبـن الــزچـيــه
*---------------*---------------*
١- جالت ٢- جلّت ٣- من التمني ياليت
✍️خادم الحسين ع¹⁴⁴⁶
الشاعر أحمد هادي الشمري
https://youtu.be/8-B52jU-joQ?si=0-bPO83SJxYEYuQF
Читать полностью…
#نعي_في_ #استقبال_شهر_ #محرم1446
. هـلـه بـظـعـنـك يبـو اليمه
وهـلـه ومـية هلـه بشهرك
أنه امـن چـفـوفـي أتـبـره
إذا بـالـلـطـم مــتــنـصـرك
وتطلع عـينـي من عـينـي
إذا ما تـنـحـسـب (نـهـرك)
أهـيـم بـكـلـمة (اسم الله)
إذا سـولـفـوا عـن نـحـرك
وأحس الخـيـل تسحگني
من يـحـچـون عن صدرك
اتـخـايـلـك بــالــهــيــمــه
يصافي الما صـفـه دهـرك
شـرب ذاك الـنـهـر طـولـك
إعلـه أخيّك منسكر ظهرك
وعـلـيـك انـدارت العسكر
و لا نــاصـــر الـيـحـضـرك
هــذا ايـسـلـب ٱثــيــابــك
وذاك ٱيــغــمّــد بـخـصـرك
وأنـت بــآخــر أنــفــاســك
ومـن عـمـري عـلـى عـمرك
اجــتّــك بــنــتــك ارقـيــه
اتـلـمـلـم بـيـك واتـخـبـرك
تِـگـلّـك حـرگــوا ٱخـيـمـنـا
وركـضـنـا انـلاوذ بـكـتـرك
*---------------*---------------*
✍️خادم الحسين ع¹⁴⁴⁶
الشاعر أحمد هادي الشمري
تقرأ مع تبديل الرايات
قريض
حسينٌ حسينٌ حسينٌ حسين
أتـانـا مُـحـرَّمْ بـجُـرْحِ السماء
وجـاءتْ حكايا أبي الشهداء
فأهلاً ودمعـاً بـشـهـرِ الـعـزاء
وحيَّ على الحُزْنِ يا كـربـلاء
أتـانـا مُـحـرَّمْ بـنـزفٍ جـديـد
وسِـيْـقَ الكلامُ بكفِ الـوريـد
بـرايـاتِـهِ كم يَـرُفُ الـنـشـيـد
فعاشَ الحسينُ ومـاتَ يزيـد
هُنا رايةُ الحقِ طولَ العصور
عليها أبو الفضلِ دومـاً يدور
ونـحـرٌ وكــفٌ ودمــعٌ وقــور
عـلـيـهِ صـدورُ الـرجـالِ تفور
*---------------*---------------*
. محرم¹⁴⁴⁶
✍️خادم الحسين ع
الشاعر أحمد هادي الشمري
{ آلُـۜسـۨۚ✋ــِۖلُأمُ عليك يا أبا عبد الله الحسين }
Читать полностью…
كرار .. كرار .. كرار .. يا حيدر
يالتدور وي الدمه ..
علي يا حامي الحمه .. مولانه
شفتك بعين الگـلب ..
شمس ضوّت كل درب .. يضوانه
إسمك أقرب منّي إلي ..
بذكره گلبي تنجلي .. أحزانه
والله لعيونك عشت ..
بدون حبك ما ردت .. دنيانه
كرار .. كرار .. كرار .. يا حيدر
ــــــــــــــــــ
بس إلك گلبي يدگـ ..
وبس إلك يحلى العشگـ .. يا حيدر
نظره منك مُـنيتي ..
هاي تسوه دِنيتي .. اي وأكثر
حبك ايهذب النفس ..
ايبدّل الظلمه بشمس .. تتنوّر
مدرسه اتخرج زلم ــ
امعدّله وما تنهزم .. ما تخسر
كرار .. كرار .. كرار .. يا حيدر
ــــــــــــــــ
گالوا تعوفه؟ : گلت ..
ما أعوفه لو متت .. للتالي
آنه من عنده إله ..
چَـنّي واحد من هَلَه .. وما أغالي
مطمئنّ بصايته ..
تارس إيدي بنعمته .. ما أبالي
"علي" يا روحي اكتبي ..
خل يموت الناصبي .. وعُذّالي
كرار .. كرار .. كرار .. يا حيدر
ــــــــــــــــــ
أحمد هادي الشمري
https://youtu.be/ieVErzLoio0?si=G3L6nP_iBB5e0JMn
مليكة حياتي
جديد
ولادة الزهراء عليها السلام
جديد
للإمام الحسن عليه السلام
. كلما هل صـفـر
بچفوف القــدر
جــرحك ينفتح
ويبچّي الـدهــر
*---------------*---------------*
يا صـوت العقل والــديــن والحكمه
ويا خُلق البشير وخِــلــقــتــه ودمه
لـلــگــالــوا عــلــيــك وما رعوا ذمّه
نگول القاع ما يـفــهــم حچي القمه
ظل لـغــزك صعب
عـالأســود گــلــب
الصحره بيا عـقـل
تحچي إعله البحر ؟!
*---------------*---------------*
الكرم يوم الصرت ينحسب ميلاده
يا شــيــخ العــرب يا سـيـد الساده
ومن بابك .. يـوارث شيمة أجداده
المؤالف والمــخــالــف ياخذ مراده
يا شـيـخ الزمن
چفــك لـو عدن ؟!
يتـحـوّل ذهــب
لو شـال الصخر
*---------------*---------------*
وي جيّة صفر .. جرحك يفز بينه
ووسط گــلــوبـنــه آلامك تبچّينه
وحگ جـسّـامـك ورمله ونواعينه
لهسـه سـهـام ذاك الـنـعـش تأذينه
ولـو گالوا (سهم)
نــشــعــر بـالألــم
شچم شاب والك
مكسور الــظــهـر
*---------------*---------------*
شـمـا دار الزمان وطـالــت الـمــده
جرحك هـذا جرحك والنزف بعده
ألا تــبّــت يداها بكل زمن (جعده)
بس مهدينا جرحك يــگــدر يشده
وبــلــيــل الجرح
المهدي يمر صبح
مـيـظل كــل ألــم
بــاچــر لو ظــهــر
*---------------*---------------*
ما بين أربعين حــســيــن والــعــاشـر
يمر جرحك وجرحك چم گلب كــاسر
يدوس إعله الصدر چن دوسة الحافر
وسهم نعشك (مثلث) يالحسن صــاير
وبسم الحـقـد
محـزوز الچبد
طفين أصبحن
چبدك و النحر
*---------------*---------------*
مصابك يالحسن يصعب على أحبابك
والأصعـب ولا شـيـعــي إجــه ابـابــك
غـريـب ووحشه يا أبـو محمد اعتابك
مـشــتــاگـيــن واللـه لـشـمـة تــرابــك
نــقــســم بالودج
مـــولاي الــفــرج
بچفوف الــزمــن
چم شيعي نعصر
*---------------*---------------*
✍️خادم الحسين ع
الشاعر أحمد هادي الشمري
وعيونه
جديد
محرم 1445 هـ
https://youtu.be/j98GlkUKU5Y?si=-8RAOJTVav37Qn8R
عشقي كربلاء
كرار حسين الشمري
https://youtu.be/gPqljYucCOk?si=15-YCc3NXU3UyFnr
ما تلگه نفس بيه
الحاج حسين الطفيلي
https://youtu.be/Ix9Ct6VG05U?si=XAavnPcFhcFL6t6U
غالي.. يا أبو اليمه شگد غالي
غالي.. وغيرك ما شاغل بالي
غالي.. إنتَ الأول للتالي
غالي غالي
ــــــــــــــــــــــــ
يا هوه أنفاسي .. وسيّد إحساسي
وأنت مالك روحي مو بس روحي يحسيني
جنّتي وناري .. وبير لأسراري
وما لگو بس صورتك من دوروا عيني
الدوّروا عيني گالوا نعوف العين
دوّروا صوتي وما لگوا بس (حسين)
(مجدّي إعله بابه)، لو يسألوني منين؟
نادم.. الما صاير من خدّامه
نادم.. والما يبچي إعله ايتامه
نادم.. هذا الواقع ما اغالي
غالي غالي
ــــــــــــــــــــــــ
إنتَ يا إنتَ .. گلبي حيّرته
ساعه أشوفك بالگلب ساعه على الرمله
قبل كتّالك .. كون أجي گبالك
الفرات بهذا چفي وهذا بيه دجله
وامنيتي أوگف واشگف بصدري سهام
وبوسط عيني مو على الرمله تنام
يحسين عمري وياك خلّصته احلام
بعيني.. تكبر كل ليله احلامي
بعيني.. نهرين وعايش ضامي
بعيني.. بس وجهك يتراوالي
ــــــــــــــــــــــــ
عايش، وهمّي .. يحرگ بدمي
ويذبح بروحي القلق ما ضايگ الراحه
سيدي القاضي .. خاف مو راضي
وگلبك، بسهم ابتعادي آنه ذبّاحه
خايف أجيك لكربله يا مولاي
وما بينك وبيني، المسافات هواي
لا تلتفتلي ولا تحس (خادم) جاي
ناري.. بنظره عين اتطفيهه
ناري.. بيك اهتم لا مو بيهه
ناري.. سولفهه ابابك حالي
ــــــــــــــــــــــــ
دنيتي عيونك .. وعقلي مجنونك
ووَحْده اليثير اهتمامي حبك ودربك
من شفت خيرك .. ما شفت غيرك
الدنيا والمو دنيا فدوه لنبضه من گلبك
الما يقره شخصك ما يفسر القرآن
بالأحرى هوّ ما دره بروحه، إنسان
حبك الروح التنتشر بالأبدان
واحد.. وجه الله ومالك ثاني
واحد.. والواحد بيه وصاني
واحد.. وباسمه معلّق آمالي
ــــــــــــــــــــــــ
إنتَ موضوعي .. وصاحب دموعي
إنتَ رافع راسي صح بس كاسر إحساسي
ومن يجي العاشر .. أشعر الحافر
حيل يسحگ فوك صدري وينذبح راسي
مثل المخيم گلبي عايش محروگ
واختنگ كلما اسمع بطاري النوگ
يخلص محرم وآنه ما اطب للسوگ
جرحك.. عاش بحزني وأفراحي
جرحك.. يغفه الليل وظل صاحي
جرحك.. حنيت بدمه أطفالي
ــــــــــــــــــــــــ
أحمد هادي الشمري
يا سيوف إخذيني
اتگـرّبي وذبحيني
يا حلاة الموت فدوه لديني
ــــــــــــــــــــ
إن چان دين المصطفى لم يستقِم
إلا أموت وينسلب حتى الهِدِم
مرحباً بالموت شدّيت العزم
غير هيّه لهاي مريوده الزلم
خل يدوس الحافر
فوگ صدري الطاهر
عاري واتراب الفَلَه ايغطّـيني
يا حلاة الموت فدوه لديني
ــــــــــــــــــــ
يا سيوف اتقدمي ومية هلا
يا كـتر من عندي بعيونچ حله
إخذي أهلي امن الفرض للنافله
بخيمه مو ديوان أعزّب كربله
اتحنّي من دم راسي
اتعطري بأنفاسي
قبل رملة كربلاء چوّيني
يا حلاة الموت فدوه لديني
ــــــــــــــــــــ
يا سيوف الظاميه يلا اشربي
صنف دمي (عليْ.. الزهراءْ.. النبي)
بذبحي لـ ابليس اللعين اتقرّبي
والله متهزين شعره بشاربي
والله مو ضرباتي
التِذْبَحَچ خزراتي
مِن أشب نهرين متطفّـيني
يا حلاة الموت فدوه لديني
ــــــــــــــــــــ
على الحق الموت أحلى من الشهد
اليوم كلشي انطيه حتى البلمهد
وين أمير جيوشهم بس لا شرد
آنه ابنْ حيدر وهو ابنَ سعد
وابن جوشن وينه
اليوم اطب بعينه
كون أبوه معروف خَـيْلاگيني
يا حلاة الموت فدوه لديني
ــــــــــــــــــــ
آنه مو البهاي گلبه يرتجف
آنه حتى الرايه بيدي ما ترف
بعد ما عدكم شنو السبعين الف
من هُنا التـأريخ .. قبلي ينحذف
چفي موت الحومه
وحيدريه علومه
الفاقد الذاكره ما ناسيني
يا حلاة الموت فدوه لديني
ــــــــــــــــــــ
اتكسّرن من الرماح عظامي
گلبي ظامي وارتون من ظامي
مو عليهن .. انظر اعله خيامي
وجدمي دايس روسهم وآلامي
طايح وخافوني
وأبد ما وصلوني
رمح بضلوعي بقه ايتچّـيني
يا حلاة الموت فدوه لديني
ــــــــــــــــــــ
أحمد هادي الشمري
إلى #الأكبر "عليه_السلام"
أوگــف يــا بــــعـــد عــمــري
وحــط راسـك عـلـى صـدري . يــالأكــبــر
بَــعــدك يــا هـــــوى الــريّــه
مــــا تــلــگــه نــفــس بــيّــه . يــالأكــبــر
*---------------*---------------*
يــبــنــي البــيْــه أشـوف الهادي جـدي
بــغــلاة الــنــفــس وأكثر أنت عـنــدي
بــيّــه ٱمـــوادعــك لـلــگــبــر يــحــدي
وگــبــل ســهــم المثلث زرف چــبــدي
مــن درت الــوجــه . رايـــح
تــعــنــالــي ســهــم جـــارح . يــالأكــبــر
وطـاحـت روحــي مـغـشـيّـه
مــــا تــلــگــه نــفــس بــيّــه . يــالأكــبــر
*---------------*---------------*
الــعــرب عــاداتــهــم الــرايــح بـأمـره
طـاســة مـــاي تــشــمــر وره ظــهــره
وأنــه يـا مــاي عـنـدي حـتـى اشـمـره
حتى دمــوعـي صــارت يبني حــمــره
أول مــره أحــــس روحـــي
صــــارت أزغـــر جــروحــي . يــالأكــبــر
وصـارت عــيــنــي مـعـمـيـه
مــــا تــلــگــه نــفــس بــيّــه . يــالأكــبــر
*---------------*---------------*
گــلــبــي أتــخــايــلــه گــدام مــهــرك
يــتــلــگــاك لا واحــــد يــــعــــثــــرك
عــلــي يا عــلــي يا بــويــه شـخـبـرك
بــس المــوت يــجــبــر هــذا كــســرك
يـمـي انـت وصحت ويــنـك
اشـوف الـدنـيـا مـن عـيـنـك . يــالأكــبــر
الــزمــن غــادرنــي تــالــيــه
مــــا تــلــگــه نــفــس بــيّــه . يــالأكــبــر
*---------------*---------------*
قــبــل لا اگــلـك ٱتــــوكــل يــعــمــري
الكسر من صدري وانشاف اعله ظهري
يــبــو طــول اليــصــفـن العين . تدري
چــنــت أتــمــنـى تـوگــف فـوگ گبري
وتــقــره الـفـاتـحـه بـدمـعـه
وزيــنــب يــمــك وتــنــعـــه . يــالأكــبــر
الــگــلــب مــاتــت أمـانــيّــه
مــــا تــلــگــه نــفــس بــيّــه . يــالأكــبــر
*---------------*---------------*
أشوفك يا علي للحرب تــمــشي
وراك الروح ركضت مدري نعشي
الدموع وصورتك وگفن بـرمشي
علي بلياك ظل يجرحني أي شي
مـــا چــنــي أبــــو الــيــمــه
جـدمــي اتعثّره الــنــســمــه . يــالأكــبــر
ودمــعــي نــشــف جـــاريــه
مــــا تــلــگــه نــفــس بــيّــه . يــالأكــبــر
*---------------*---------------*
عــلـى الدنيا العفا بعدك يالأكبر
الرحت منه بعد شيخاف يخسر
يــل مــن العــطــش گلبك تفطر
أمي اتاني جيتك على الكــوثــر
بــچــف الـزهــره مـن تشرب
يــبــنــي اذكــر عطش زينب . يــالأكــبــر
وگــلــب عــبــد الله وٱرقـيـه
مــــا تــلــگــه نــفــس بــيّــه . يــالأكــبــر
*---------------*---------------*
✍️أحمد هادي الشمري
محرم 1445 هـ
أبوذية إلى سيد الشهداء "عليه السلام"
خـيــول الــدنــيــا كـلـهـه.. لو تـركـنـي
وحــوافــرهــا الـثـجـيـلـه.. لوت ركني
أكــابــر ، فــقــط چــفــك.. لو تـركـنـي
بحضن أمــي وأحـس غـربـه عــلــيــه
✍️ أحمد هادي الشمري
السلام على #علي_الاكبر
. أوگـف يا بــعــد عــمــري
وحط راسك على صدري .. يالأكبر
بـعــدك يا هــوى الــريــه
مـــــا تـلـگـه نـفـس بـيـه .. يالأكبر
*---------------*---------------*
يــبـنــي الــبــيــه أشوف الهادي جدي
بغلاة الــنــفــس وأكــثــر أنت عـنـدي
بـيّــه مـــوادعــك لـلـگـــبـــر يــحــدي
وگبل ســهــم المــثــلـث زرف چـبـدي
مـن درت الـوجـه .. رايح
تـعـنـالـي سـهـم جــــارح .. يالأكبر
وطـاحـت روحي مغشيه
مـــــا تـلـگـه نـفـس بـيـه .. يالأكبر
*---------------*---------------*
الــعــرب عــاداتــهــم الــرايــح بـأمــره
طــاســة مـــاي تــشــمــر وره ظــهــره
وأنــه يا مــاي عندي حــتــى اشــمــره
حتى دمــوعــي صــارت يبني حــمــره
أول مـره أحـس روحـي
صــارت أزغـر جـروحـي .. يالأكبر
وصـارت عيني مـعـمـيـه
مـــــا تـلـگـه نـفـس بـيـه .. يالأكبر
*---------------*---------------*
گــلــبــي أتــخــايــلــه گــــدام مــهــرك
يــتــلــگــاك لا واحــــــد يــــعــــثــــرك
عـلــي يا عــلــي يا بـويــه شــخــبــرك
بــس الــمــوت يـجــبــر هــذا كــســرك
يمي انت وصحت وينك
اشوف الدنيا من عيـنـك .. يالأكبر
الـزمـن غــادرنـي تـالـيـه
مـــــا تـلـگـه نـفـس بـيـه .. يالأكبر
*---------------*---------------*
قــبــل لا اگــلـك تــــوكـــل يــعــمــري
الكسر من صدري وانشاف اعله ظهري
يبو طــول الـيــصــفــن العين .. تدري
چــنــت أتمنى تــوگــف فــوگ گـبــري
وتقره الفاتـحـه بـدمـعـه
وزيـنـب يــمــك وتـنـعـه .. يالأكبر
الـگـلـب مــاتـت أمـانـيّـه
مـــــا تـلـگـه نـفـس بـيـه .. يالأكبر
*---------------*---------------*
أشــوفــك يـا عـلـي للحـرب تــمــشــي
وراك الــروح ركضت مـدري نــعــشــي
الــدمـوع و صورتك وگفن بــرمــشــي
علي بلياك ظـل يــجــرحــنــي أي شـي
مـا چــنــي أبــو الــيـمـه
جـدمي اتعثّره الـنـسـمـه .. يالأكبر
ودمـعـي نـشـف جــاريـه
مـــــا تـلـگـه نـفـس بـيـه .. يالأكبر
*---------------*---------------*
على الـدنـيـا الـعـفـا بــعــدك يــالأكــبـر
الرحت منه بعد شــيــخــاف يــخــسـر
يـل مــن الــعــطــش گــلــبــك تـفـطــر
أمـي اتاني جــيــتــك عــلــى الكــوثــر
بچف الـزهـره من تشرب
يبني اذكر عـطـش زينب .. يالأكبر
وگلب عبد الله و ٱرقـيـه
مـــــا تـلـگـه نـفـس بـيـه .. يالأكبر
*---------------*---------------*
. محرم¹⁴⁴⁶
✍️خادم الحسين ع
الشاعر أحمد هادي الشمري
.هاي المـديـنـه الـهـاشـمـيـه لـو مـگـبـره وبـالـمـغـربــيـه
طالع ضعن من عدها لو روح
مـا بـيـهـا بس جروح بجروح
وحـشـــه
*---------------*---------------*
ويـنـهــه الـنـاس
شصاير . شبيهه المدينه . وين أهـلـهـه ؟
اتـشـيّـب الـراس
ابـيـوتـهـه بلا روح يـمـكـن حان أجلهه
الـچـفـه يـنـبـاس
ويــن ابـن فاطمه الكل شده يـحـلـهـه
و ويـنــه عـبـاس
گـمـر هــاشــم والـيـسـمـونــه بـطـلـهـه
شـوفته صارت حيل وحشه والليل خانگ ضوه الـغـبـشـه
بسيف الظلام الفجر مـذبـوح
مـا بـيـهـا بس جروح بجروح
وحـشـــه
*---------------*---------------*
گـلـبـي مـرعـوب
وأشعر إعلـه الگاع راد يـطـيـح گـلـبـي
بــيــن الـــدروب
الناس چنها گبور تمشي .. استر يـربي
خـنـگــةْ غــروب
وماكو بچفوفي حبل بس چنّي مسبي
إعله ابن يعگوب
وعـالـظعن مو دمع .. دم يا عين صبي
شـلّال يا عـيـنـي ابچي لجله باچر الـمـوت ايـطـشّـر أهـلـه
عـاري ويظل عالغبره مطروح
مـا بـيـهـا بس جروح بجروح
وحـشـــه
*---------------*---------------*
صــــــوت الآذان
بـالـمـنـايــر مـخـتـنـگ واتـحـسّـه عَبره
الـماي عـطـشـان
حـسـيـن چان الماي والـنـهـران صحره
الـيــقــره قـــرآن
اشيقره(والشمس وضحاها)؟..الشمس سمره
وكـلـشـي بـردان
حسين چان الدفو الما شالته الـجـمـره
مات الـهـوه بـجـو الـمـديـنـه والنفس خنگه امـشـيـعـيـنـه
وبـاب الـگـبـر للعمر مـفـتـوح
مـا بـيـهـا بس جروح بجروح
وحـشـــه
*---------------*---------------*
بـعـد مــيــعـــود
الچان مـن يدعي تحط بـيـده الحمامه
وچــان عــامــود
والـمـديـنـه تـكـشـخ بـأهـلـه وعـمـامـه
الـبـاب مـســدود
عـلـى الدنـيـا وانـفـتـح بـاب الـقـيـامـه
الأمـل مـفــگــود
والـسـلام اقـراه بعده إعـلـه الـسـلامـه
فـاهـي الـعـمـر ما إله قـيـمـه سافر الندعي اللــه يديــمه
وبـس البچي والنوح مسموح
مـا بـيـهـا بس جروح بجروح
وحـشـــه
*---------------*---------------*
بــاچـــر الـكــون
والله مو بس الـمـديـنـه اتـصـيـر غـربه
مــن يـگـطـعـون
اِمن الگفا راس الحسين ويگضي نحبه
بــاچــــر شـلـون
يـطـلـع بـسـهـم الـمـثـلـث ثـلـث گـلـبـه
وظـعـن أم عـون
مـاكـو مـجـلـس بيه شـمـاتـه مــا يطبه
الـسـجاد باچر گلبه محروگ يوگفون عمته الحُره بالسوگ
يـبـاوع عليهـه اليجي ويروح
مـا بـيـهـا بس جروح بجروح
وحـشـــه
*---------------*---------------*
. محرم¹⁴⁴⁶
✍️خادم الحسين ع
الشاعر أحمد هادي الشمري
قصيدة لخروج الحسين ع من المدينة
. بـهـدوة الليل الـمـوادع حـلـه
يجدي مـجـبـور أروح لـكربله
*---------------*---------------*
مختنگ صــدر الـمـديـنـه بـهـالـمـسـيـه
بـعـبـره مـن دم فـاطـمـيـه .. حـيـدريـه
نـزل ظـعـن حـسـيـن بـحـمـول الـرزيـه
والــمــوادع حــان لأرض الـغـاضــريــه
تراب جـده حـسـيـن ٱيـقـبّـلـه
*---------------*---------------*
مـن الـهـوادج نــزلـن ابـنـات الـوديـعـه
وسمعن الـغـالـي يسـولـف بـالـفـجـيعـه
شلون ضاگت بـيـهـن الگاع الـوسـيـعـه
واجه يركض بالـعـلـم راعي الـشـريـعـه
گـال مـمـنـوع تـبـچـي مدللـه
*---------------*---------------*
إجـت لـيـلـى وزيـنـب وسـكـنـه وربابه
عـلـى حـسـيـن ٱلـتـمّـن إبويه ويـيـابـه
وهو يا جد صـاح گـبـرك فُـكـلـي بـابـه
بـلـكـي يـرتـاح الـگـلـب ويخف عـذابـه
ابـنـك وجاك گوم اسـتـقـبـلـه
*---------------*---------------*
والله مـو هـيـنـه علي هالفـرگـه يا جد
وأنت تدري بهوى گبرك جـرحـي ينشد
الـچـان يـصـعـد على چتافك يا محمد
فــوگ صـدره بـاچـر الــذبّــاح يـصـعـد
إمْنِ الگـفـا يصير ذبحه بالفله
*---------------*---------------*
من بـعـد حـضـنـك يجدي ايلمنه گبرك
وأنت حـي ميت ولا مـنـطـيـنـه ظهرك
بـــاچــر بـكـربـلـه يـا طـارش يـخـبـرك
گول سحگوا صدري لو يختنگ صدرك
الحافر يـدوس صـدر البسمله
*---------------*---------------*
باچـر بـكـربـلـه جـسـمـي ايـگـطّـعـونـه
والـظـعـن فـــوگ الـهـزايـل يـاخـذونـه
لـمـجـلـس الطاغي يجدي ايـدخّـلـونـه
وبـخـرابــه عـلـى الـگــاع ايـبـيّـتـونــه
الراح والجاي يصد لـلـعـايـلـه
*---------------*---------------*
✍️خادم الحسين ع¹⁴⁴⁶
الشاعر أحمد هادي الشمري
#باب_الخدمة
هــذا هــلال عــاشــورك هلـه بشهرك يـبـو الـيـمـه
أتأذن يا حـسـيـن أدخـل مـن بــوابــة الــخــدمــه
*---------------*---------------*
قــبـل لا يـطـلـع هـلالــه ويـخـيّـم شـهـر المـحـرّم
عصف ريـح البله وگلبي مـثـل صـيـوانـك اتـهـدّم
تـرفـلـك رايــة عـيـونـي وبـكـل دمـعـه الك مأتـم
وعـبـد الـزهـره ياخـذني بـالـمـقـتـل لابـن حـذلـم
وافز من زحمة جروحي وأگـلك يا ولـي الـنـعـمـه
أتأذن يا حـسـيـن أدخـل مـن بــوابــة الــخــدمــه
*---------------*---------------*
أريــد لـعـالـم جــروحـك إذن حـتى أدخل بحرگه
أأدخـل وآنــه خـادمـكـم المـا يـهـتـم بالـيـسـبـگـه
گـبـل چـفـي ركض گلبي تــعــنــه لـبـابـك ٱيـدگـه
عـلـيـك بـذاك بـاب أمـك الباب بوجهي لـتـغـلـگـه
هـا يالـمـا عـفـت چـفـي وعـلـى الـ(تـدلل) امعلّمه
أتأذن يا حـسـيـن أدخـل مـن بــوابــة الــخــدمــه
*---------------*---------------*
وحـگـك وأنـت تـدريـنـه جـوه الله كـتـبـنا اسمك
الـيـحـبـك أكـبـر أحلامـه الله يـوفـقـه ويخـدمـك
يـسـر الله الـفـلا يـنـضـم نـسـولـف بـيك منكتمك
الـدنـيـا وبيـهـه ما بـيـهـه ما تـسـوه نعل جـدمـك
اســمــك حــرز شـدتـنـه وبـكـل مـعـضـلـه نقدمـه
أتأذن يا حـسـيـن أدخـل مـن بــوابــة الــخــدمــه
*---------------*---------------*
الما ينزف على جروحك خــارج مـنـطـق الـغـيـره
والـمـا يـبـچـي لـعـيـالـك حـجـر مـو بـشر تفسيره
تـره الينحرم خـدمـتـكـم ضــاع وضــاع تـقـديـره
أخـذنـي شـمـا ردت أقبل المهم لـتـعـوفني بحيره
إذا درت الـوجــه عــنــي أشـعـر بالشمس عـتـمــه
أتأذن يا حـسـيـن أدخـل مـن بــوابــة الــخــدمــه
*---------------*---------------*
سـواد الـگـلـب مـا يـبقى مـن ألبس علـيـك أسود
وإذا نـار الـجـدر تـطـفـى نـار الـگـلـب مــــا تـبـرد
أشـد حـيـلـي إلك وٱذكـر جـرح صـدرك الما ينشد
وأخـجـل أوگـف بطـولـي وأنـت إعله الـثـره امدد
شـلـون الما شـرب گطره بـالـطـف سـابــح بـدمـه
أتأذن يا حـسـيـن أدخـل مـن بــوابــة الــخــدمــه
*---------------*---------------*
✍️خادم الحسين ع¹⁴⁴⁶
الشاعر أحمد هادي الشمري
جديدنا
ولادة الإمام الحسين عليه السلام
https://youtu.be/2TuoqRTjqo8?si=TST6XRU2VWm-QzE7
https://youtu.be/cObTipWko_w?si=KKJ91Kl6-IQuQAvZ
جديد
مولد الإمام علي عليه السلام
وفاة القاسم بن الكاظم عليهما السلام
زاير القاسم أفلح وفاز
مشكور هذا السعي مشكور
گلبك بحب العتره معمور
اخلع ظلامك والبس النور
صك الأمان استلمه مأجور
المذلول يصبح من العزاز
_**_
هذا الغريب العاش مهموم
ومن الاهل والدار محروم
شايل الماي ويروي بالگوم
العن يزيد .. اذكر المظلوم
واعله الصراط اليذكره جاز
_**_
من الوقار .. امحيّر الناس
چنه انخلق من نور واحساس
والشافه صار براسه وهواس
هذا علي لو هذا عباس ؟
هذا لغز مو مثل الالغاز
_**_
شوف الرضا من الغربه شيگول
لو درب مشهد عنك يطول
للقاسم امشي بجفن مبلول
ولمن تزوره .. زيارتي اتنول
والزار اخويه اعله الفضل حاز
_**_
الطيب ابن الناس الاطياب
الله اعله چفه يجري الاسباب
لو تطلبه وتريد الجواب ؟
بس حلفه بالطاحت على الباب
بعينه المصيبه تنثر اكزاز
_**_
چن والده الكاظم تعناه
وأمه الزچيه تمشي وياه
ويلاه صاحت يبني ويلاه
غربتك مردت گلبي وحشاه
سيف الحزن بضلوعي حزّاز
_**_
هالليله وجه الدنيا مخطوف
ودمع السمه عالگاع مذروف
چن عالشريعه طاحت چفوف
وگام النهر يلطم عالجروف
وين اهله لتشيله يجناز
_**_
أحمد هادي الشمري
#جديد
إلى الإمام السجاد عليه السلام
حيلك مـنـهـدم .. ذبـلان الـجـسم
ولو هـب الهوى .. گلبك يـنـلـچـم
&_&_&
يبو جرح الـچـبـيـر السمه مو گده
زايـد بالنزف عـالـقـبـلـه والـبـعـده
بجسم تعبان ما يگدر على الگعده
يـا سـلّاب تـگـدر تــنــهــض ٱتـرده ؟!
چـانـت دمـعـتـك .. تشرح قصتك
بقطعة من الگلب .. تـطـلـع ونّـتك
&_&_&
عـاشـور الـمـصـايـب من طلع صبحه
عينك شـافت الما يـنـوصـف شـرحـه
أبوك من الگفا .. شـمـر الخنا ايذبحـه
وأخوك الطفل راسه يطيح من رمحه
راس من الضوه .. بظلمة نيـنـوى
من گد مـا تـرف .. طاح من الهوه
&_&_&
العصا طاحت من ايدك . طاحت بحيره
من طاحت الـجـربـه من ايد أبـو الغيره
ومن سـلـبـوا تـراچـي الـطـفـلـه الزغيره
عـلـى جـاسـم والأكـبـر طـرفـك اتـديـره
لا عـم لا أبــو .. لا صاحب وأخو
شخلت كربله .. والـي ظـل مـنـو؟
&_&_&
خذوك إعله الهزل والـحـرم مسبيه
اچفوفك بالحديـد الـحـار مـدمـيـه
ومـن گـد ضيمهه عـمـتـك المسبيه
عنها تحاچي روحك . هيه مو هيه !!
اشسوت كـربـله .. ابت عقد الوله
مسبيه أصبحت .. وشگد ذابــلــه !
&_&_&
خبر والراوي عن ذاك السبي ينقله
يوصّف حالتك والحاله مو سـهـلـه
تطيح اعله الوجه مــن تعثر الهزله
ياهو الظل عدل والـگـيـدك يـفـلـه
الروح ملوّعه .. بثگل الجامعه
تتمنى الگـمـر .. چفه يـرجّـعـه
&_&_&
مـن دم ودخان وسـبـي .. آلامك
وانصبغت بـلـون الـعـاشـر أيامك
متت وي كل عـزيـز نذبح گدامك
وكلهه تهون بس الغالي (إسلامك)
انطيتوا بلا عدد .. حتى البـالـمـهـد
مـوعـود بـنـصـر .. من الله الـوعــد
&_&_&
✍️خادم الحسين ع
أحمد هادي الشمري
الخيل الخيل بلا رحمه .. هجمت عالصيوان
ارجع عوف الماي وبيدك .. طفّيهه النيران
داسوا ايتامك بالحافر
وحسينك ظل بلا ناصر
طايح عالتربان
ــــــــــــــــــــــــ
يمرجّف گلوب العده .. البلمعركه والما جاي
منخلق من ماي ووفه .. وفّاي وابن الوفّاي
يالغافي بعيونك نهر .. ارجعلي ما اريد الماي
اباب الخيم هذا الشمر .. والنار بچفوف اعداي
العَطَش ودخان الخيمه
يحرگ بالانفاس
واطفالك من تحت الحافر
تتصارخ عباس
ما اصرخ لا يطلع صوتي
وتمنّيت يگرّب موتي
يا فارس عدنان
ــــــــــــــــــــــــ
اركض وأدوّر بالخيم .. وجدامي تحرگهه النار
وبين الحوافر واللهب .. ضاعولي ايتام زغار
هذا البلسياط نضرب .. وذاك التصوب بحجار
والشمر يركض عالحرم .. وايصيّح الثار الثار
والسجاد يلملم حيله
يوگف بس يطيح
تطلع روحه قبل الچلمه
وبلا صوت يصيح
يا زينب ما ظلّت خيمه
خيمتكم يا عمه الهيمه
من بعد الوليان
ــــــــــــــــــــــــ
ما عندي راي وحايره .. أنطي الوجه إلمن .. وين
العيله هجّت بالفله .. واركضت خويه إعله حسين
يا ريت عميه ولا شفت .. ابن امي صاير نصين
الف وتسعمية جرح .. وكل جرح شايل جرحين
ذاك الوجه الضاوي مدمّه
ومن الحر ذبلان
بآخر انفاس يحاچيني
يا زينب عطشان
جاوبته اشرب.. هاك عيوني
ويا ريت وياك يذبحوني
ولا اسمع عطشان
ــــــــــــــــــــــــ
يا خويه إجيتك للنهر .. ما چني اجيتك عباس
لا گمت لا گتلي هله .. ولا أمّنتني من الناس
عفت الدلال وي الخيم .. جمرات بآخر انفاس
وذيچ الأميره أم الخدر .. بلا والي ومدنگه الراس
عباس وياهو اتعناله
من اشعر بالخوف
يا عين الدنيا، انظر لاختك
شيل النبله وشوف
الما چان يعاين لخيالي
يضحك من صدلي بلا والي
دهري شگد خوّان
ــــــــــــــــــــــــ
أحمد هادي الشمري
ميّت على رموشي الضوه
الحاج حسين الطفيلي
https://youtu.be/c39wdMzIL-M?si=VI1TbfpnfaNVl2id
جديد
محرم 1445 هـ
يا حسين بضمايرنا
https://youtu.be/DIzSys8w-L4?si=40jOThlAQ2j7nVIN
#لسان_حال_عليلة_الحسين_"ع"
وعيونه ..
ما تگدر عيوني اتفارگ عيونه
من دونه ..
هو المو عليل ايموت من دونه
گلوله انتهت قصتهه
ماتت باسمك احچايتهه
•••••••••••
فارگ اعيوني الما يفارگ بالي
بس ذكريات وچم جرح .. خلالي
والدنيا مُرّه وكلشي ما يحلالي
والمو سهل يتودّع
بيش بغيابه تقنع
گالولي باچر يرجع
اصبر .. واجه اشچم باچر
ولهسّه گلبي ايناطر
يا كسرة المشاعر
اغفه اعله چفي يم مكانه الخالي
وصوته يگلي (بنيتي) .. يتراوالي
ترخص الدنيا من تودّع غالي
بجفونه ..
انظر كل سواد الليل بجفونه
وبمتونه ..
اشوف ارقية شايلهه على امتونه
عليّه اتباوع بضحكتهه
•••••••••••
ما ادري من راح شأخذ من عيني
گدامي بس ما اشوف اليحاچيني
ابيتي وأدوّر واحد ايدلّيني
هو الوداع اشخلّه
حط علّه فوگ العلّه
افراگ الحبايب ذله
ابلا نار اشب واطفه
وجهي وگمت ما اعرفه
والحچي آه ووسفه
ما اگول وينه راح اگولن ويني
واشلون ادوره وحيلي ما ينطيني
الياخذني يمّه انطيه باقي سنيني
يم چفه ..
غصني ايورّد بلا ماي يم چفه
واتدفّه ..
من برْد الفراگ ابحضنه اتدفه
وروحي تشتعل شمعتهه
•••••••••••
گلبي النحيل .. اباب داري تبسمر
احنيّن ابوي وعالهجر ما يگدر
هسه يوديلي اخوي الاكبر
اللّه يصبري اشكبره
ليل ونهار انتظره
يرجعلي اخوي ابمُهره
حضّرت كل اثيابي
ولو هوه ايحرّك ابابي
گلت آنه اجو احبابي
كل ساعه لون وكل دقيقه اتغيّر
وعكس الغياب اشما كبر آنه ازغر
تالي اعرفت مو بالعمر من تكبر
كل ليله ..
يلتم النجم خطاري كل ليله
واحچيله ..
عن اهلي المشوا يسمعني واحچيله
وكل نجمه تصب دمعتهه
•••••••••••
(ليل وجرح ودموع) هاي اوصافي
وبس (التعال) اتدوْر فوگ شفافي
يا موت شو طوّلت .. وينك .. كافي
بيا عمر بالك سارح ؟
لا مِن تجي ولا رايح
بس بالجروح اتواكح
واطفه ورماد اتذرّه
ويجمعني چف العصره
وانشرب گطره بصحره
الليل جوه عيوني يمكن غافي
طافي الوجه .. بس الگلب ما طافي
والمرض طاحنّي شكثر متعافي
يجروحي ..
واحد چني منچن صرت يجروحي
مو روحي ..
شگد ما مني تطلع احس مو روحي
اتهيم وتسال اعله اخوتهه
•••••••••••
يتّمني ابوي بيوم صار فراگه
ولو اموت .. لو باچر إجه من اعراگه
گلوله ماتت خايفه .. ومشتاگه
گلوله ماتت بنتك
ماتت وما شايفتك
واتردّد بسالفتك
ما گدروا ايغمضوهه
بگطع النفس .. شالوهه
وادم غُرب .. دفنوهه
دمعه بجفنهه ما طفت .. حرّاگه
هالدمعه ما تنزل اتريد املاگه
ظل بنفِسهه تصعد اعله الناگه
مدفونه ..
ابنيته بالگبر والدار مدفونه
مرهونه ..
مكاني بگلبه بس بالگبر مرهونه
بگلبه تنتظر دفنتهه
•••••••••••
احمد هادي الشمري
إلى أنصار الحسين "ع"
إحنه الأنصار .. عفنه الديار
وللخلود مسافرين
نسحگ النار .. فدوه الأعمار
لا حياة بلا حسين
ــــــــــــــــــ
إحنه زلم الموزمه.. العل صعاب امعلّمه
وانرجّف الكون
(آيةٌ) للمرجله..(أُنْزِلَتْ) في كربله
والكل يعرفون
كاتبين اعله الصدر.. فدوه لحسين العمر
واليصعب يهون
شگد عظيمه نعمته.. شرّفانه بصحبته
ونگله ممنون
اسمه مكتوب.. وسط الگلوب
يا حبيب العاشگين
ــــــــــــــــــــ
عفنه كلشي بهالزمن.. المال الأحباب الوطن
وجينه وياه
سلم للي يسالمه.. وحرب للي يخاصمه
يشهد الله
خاف ثگلت غربته.. نصير چلمة سلوته
ونكشف الآه
نگله بركابك زلم .. بالرسايل لا تهم
يا حسيناه
عِزّل نفوت.. دونك نموت
سيوف ضد الظالمين
ـــــــــــــــــــــــــ
جاهزين لكل أمر .. وابد ما تسمع عذر
إبشر يمولاي
گول وإحنه اندللك .. وللخيام انجيبه الك
من رگبته الماي
هذا وجهك لو طفه .. والله عالدنيا العفه
يالبيدك الراي
زلمك الما ترتجف .. الواحد بسبعين الف
والواحد هواي
انخوف جيوش .. انطيح عروش
ما نخاف ولا نلين
ــــــــــــــــــــــــــ
نكتب احنه بلا سجل .. انعلّم اليملك عقل
بس هالكلمتين
التشرفه بخدمتك .. والتچوه بجمرتك
رابح الدارين
حبك ايربّي زلم .. يِستر الله الينحرم
ينطي الگلب وين
احسينّه بيده الهوه .. والشمس تاخذ ضوه
من وجه الحسين
عشنه وياك .. متنه وياك
وخل تلوم اللايمين
ــــــــــــــــــ
للسيوف امن الدمه .. انثوّب بحب فاطمه
وانروّي السيوف
ادروع نتقدّم سوه .. وننزل بجرحك دوه
ونبوسه وانروف
والله جننه العشگ .. نبرد شما نحترگ
فك الگلب شوف
يا عشگنه الأبدي .. الحيدري الأحمدي
يا جرح الطفوف
سيد الروح .. خيط الجروح
يا دليل الحائرين
ـــــــــــــــــــــ
أحمد هادي الشمري
https://youtu.be/gjSrVqsWK7M
#جديد
(نعي) 😪😪
بصوت الرادود البحريني: ملا بهاء الساعي
كلمات: أحمد هادي الشمري
إنتاج: ستوديو أثير
محرم 1445 هـ