-
سامحيني .. نزلن ادموع البنات.. سامحيني ..ذني اديه مكطعات
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
انا زينب يبن سفيان
كلمات الشاعر
ابو احمد الطائي
علي الواسطي
معجزه هايه العبايه
من الله نزلت ألها ايه
كلمات الشاعر
ابو احمد الطائي
علي الواسطي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
بصوت. مسلم المطيري
معجزه هايه العبايه
من الله نزلت ألها ايه
كلمات الشاعر
ابو احمد الطائي
بصوت. مسلم المطيري
شدي حيلچ للأسر
اسلاحنه صار الصبر
كلمات الشاعر
ابو احمد الطائي
قصائد مولاتي زينب ع
وين الوعد يخواني. سوط الشمر اذاني
ــــــــــــــــــــــــــــــــــــــــــــــــــــــــــــــ
متكصد اعلى متوني. يامرهم يضربوني
طلع شرار اعيوني. وجرت عدو جراني
ـــــــــــــــــــــــــــــــ
يتعب السوط بأيده. ويجدده ويعيده
بدمي ترسها البيده. ونزف دمه خلاني
ــــــــــــــــــــــــــــــ
مايرحم ولايفهم. ومتونس ايشم بالدم
منه العظم يتثلم. وموت الحمر راواني
ـــــــــــــــــــــــــــــ
طلعني بين الوادم. ويشتمني كام الظالم
الماثبت بيده الصارم متشجـع وسباني
ــــــــــــــــــــــــــــــــ
هز الرمح كــدامي. ويفتر براس الضامي
اشكد نذل هالشامي روعني ابولياني
ـــــــــــــــــــــــــــــ
وجاب العلم امدمه. العباس جان يلزمه
ويسحك عليه بجدمه. ومزگه وراواني
ـــــــــــــــــــــــــــ
كافلنه جف ماعنده. والشمر منهو يرده
من الفرح فرفح جبده. وانه الحزن غطاني
ــــــــــــــــــــــــــــــــــ
شاف الروايه الخضرة. وعيونه صارت حمره
وكدامي سب الزهره وسب النبي اولياني
ــــــــــــــــــــــــــــــــــ
يگلي هـلج هـانوني. وبكل حرب غلبوني
اليوم اشـبع اعيوني. من دمـــج وطگاني
ــــــــــــــــــــــــــــــــــ
وضل الدمع يبرالي. وياهو اليروف بحالي
ومن فاركاني الغالي. الخوف هدلي اركاني
ـــــــــــــــــــــــــــــــــــ
يابو علي او يالكافل ياهو اليعـدل المايل
أذه بنــــــاتي العايل. واعله الجمر مشاني
ـــــــــــــــــــــــــــــــ
الكم ادير اعيوني. واعرفكم اسمعوني
من هالوضع طلعوني. جار وضلمني ازماني
خادم الزهراء ع ابو احمد الطائي
بصوت. مسلم المطيري
طاحوا هلي. وياهو ألي
كلمات الشاعر
ابو احمد الطائي
وين امي الزچيه
تشوف الصار بيه
كلمات الشاعر
ابو احمد الطائي
بصوت. ( مسلم المطيري)
بصوت. مسلم المطيري
انا زينب يبن سفيان
كلمات الشاعر
ابو احمد الطائي
اتندمت من جبته وياي ما أدري ايشح الماي
اعصر كـــمت بديه
جبت ابني للمنيه. ما أدري ايشح الماي
عبد الله سامحني اعثرت من جبتك انه هنانه
مـــــا. أدري تجفي كربله او تگصي هيج ويانه
لوعت ضماك وحرگتك وشفافك الذبلانه
والــــــــــــونه البصدرك غفت كلهن سببهن انه
لاضحكه ضلت لاحيل.
بس الدمع منه يسيل
تضل ونتي سريه. جبت ابني للمنيه
ما. أدري ايشح الماي
ــــــــــــــــــــــ
موگد جمر كلبي استعر وبضلوعي ضل يجويني
من كمت تتلوه وتون وعينك تصدهه بعيني
وضاكت عليه ارض وسمه وماضل دمع يكفني
من گتلي ذابت جبدتي يايمه فدوه رويني
بچبده احسن الام.
ومايگدر الجفن ينام
اللوم كـــــله اعليه جبت ابني للمنيه
ما أدري ايشح الماي
ــــــــــــــــــــــ
عبدالله جان بضحكته مــالي البيت علينه
وجهه حرز من كل حزن وبحجيه ايسلينه
كل احنه نلتم عالمهد وكل احنه ايناغينه
ومن جبتـــه ركضت فاطمه وكلتلي لتعبينه
ضيم الدرب حيل جبير
وعبد الله يايمه ازغير
وما حسبتهه شبيه جبت ابني للمنيه
ما أدري ايشح الماي
ــــــــــــــــــــــ
كلب العليله اعليه خذف من الطفل ناغاهه
وچـنه يگلهه اوياج اضل وهالحروحه ماراداهه
هي عليه صبت دمه وهوه بجه المبجاهه
وشكثر بية توسلت. عبد الله يبقه اوياهه
كالتلي الله يخليج.
الــدهر لايغدر بيج
عوفي الطفل اليه وجبت ابني للمنيه
ما أدري ايشح الماي
ــــــــــــــــــــــ
شيصير لو يم فاطمه أجم شهر خليته
جا هسه مامر بيه عطش ولاجمر صارت ريته
عبدالله جـــــــا هسه كبر لو اخته امباريته
أشحصلت من جيبته بس كربتله امنيته
وياي حسبته ارتاح
هسه افطنت لمن راح.
مني شبــــــع اذيه. وجبت ابني للمنيه
ما. أدري ايشح الماي
ــــــــــــــــــــــ
بعد الحجي مابيه نفع من عندي راح الغالي
والحزن غيم عالكلب وصار الدمع يبرالي
صحته يبو وجه الحلو يايمه عاين حالي
بعدك صفيت بلافكر وفـــــــال النوايب فالي
اعليه انطفى ماي العي
ن. والكلب صاير نصين
روحي تضل شجيه جبت ابني للمنيه
ما أدري ايشح الماي
خادم الزهراء ع ابو احمد الطائي
نزله للرضيع ع
گومي شدي حزامي وعوفي المهد
انه اسد وبن الاسد يطلع اسد
ابن هاشم يعني انه المرجله
ولازم اويه اخواني اخوضن كربله
جدي حيدر شاخ صيته اعله المله
وعمي العباس مثل الزلزله
وراح اطب بيهم بسم حيدر مدد
انه اسد وبن الاسد يطلع اسد
بالكماط اخنكهم اواطلع بطل
لاتقيسي الطول قيسي اعله الفعل
جم جبان المـــــــات خايف مانزل
وحنه بدينه الزلم تصبح غزل
اهلي غزالت شوارب بالشدد
وانه اسد وبن الاسد يطلع اسد
انا اخويه الاكبر الـماينثني
وعلي بالحمله يوصفونه بعلي
خوش زلمه والشدد بي تنجلي
وانا الج هم راح اكول ادللي
يمه لبسيني الدروع وخل اهـد
وانه اسد وبن الاسد يطلع اسد
الغيرة بينه أمئصله ونهوا الصعب
وبالمهد وكلوبنه تحن عالحرب
گومي لبسيني ارد اكضلها الدرب
وينها الكالت علينه ننغلب
والدي يحل بعگـــايدها اويشد
وانه اسد وبن الاسد يطلع اسد
العمر ماريدنه يايمه العمر
شفت ابوي وعالكمر ضهره نكسر
شلون أصبر يالعزيزة احنه بعسر
ونار كلبي يحترگ منها الصخر
الزلمه بافعاله يدوم وينسعد
وانه اسد وبن الاسد يطلع اسد
خادم الزهراء ع ابو احمد الطائي
عبد الله الرضيع ع يطلب الماء من العباس ع
عيني عالجربه يعمي متاني جودك
ودري بيــــه العطش مايعبر حدودك
صبري والحيل انهدم
فزعلي يمشيم العلم. عمي عمي
عمي املي جربتك ونهي عذابي
ارد اعــــيش ورايد اتهنه بشبابي
وكف ملك الموت وجنوده على بابي
والمنيه صارت اقرب من ثيابي
نعرفه مـــــاينضام العمه ابو فاضل
وعال بيهٍ العطش وانت عمي كافل
من الضمه كلبي انثلم
افزعلي يمشيم العلم. عمي عمي
ـــــــــــــــــــــــــــــــ
شدتي غير ابوفاضل من يحلها
روحي مو بس من كتر توجعني كلها
عمي عينك عالنهر والحومه خلها
اسكي كلبي ومن بعد عمي ارجعلها
دمعي مابطل هطوله وحفر خدي
ومن حرگتي ومن عذابي انمرد جبدي
وصلت الـكسرالعظم
افزعلي يمشيم العلم. عمي عمي
ـــــــــــــــــــــــــــــــ
عمي ذبحوهه الترافه البيه جانت
وكل علامات المشيب اعليه بانت
عمري عام والمنايه اعليه حانت
وروحي من هالدنيه عمي اهوايه عانت
ادخيل عندك من عذابي الماگحمته
وانت ابن حيدر علي وارث شمرته
شبر بيه ماسلم
افزعلي يمشيم العلم. عمي عمي
ـــــــــــــــــــــــــــــــ
كل مسيه تجي أسوء من مسيه
اذبحت روحي ومرمرتني الغاضريه
كمت ماحرك يعمي جفوف اديه
وحتى اصبع ما احس ضل صاحي بيه
بشاربك يابو الفضل عمري عكدته
امل واحد ضــــــــل الي وهوه انته
نزف كلبي وابجي دم
افزعلي يمشيم العلم. عمي عمي
ـــــــــــــــــــــــــــــــ
الونه ذبحتني بغيابك شدلي حيلك
وغيرك انت ما اگلله دخيلك
عيني تبقى اعلى النهر وانا اندعيلك
عمي أخذ الماي واحنه الي نجيلك
الماي يوصلني اذا سيف بزنودك
بزودك اويـازود يتعله اعلى زودك
انخاك ودريبك شهم
افزعلي يمشيم العلم. عمي عمي
ـــــــــــــــــــــــــــ
اسئل ويـــــــاهو يرجعـلي جوابي
هي هـــــاي الناس. شسوي. بعذابي
طفل انه وحاضر اشيعني غيــابي
وشنهو اليحصلون لو عدموا شبابي
ارجع وراوي العده شتعني الكفاله
النهر جيبه مجتف وجــره ابساله
خورس احلوگ الزلم
افزعلي يمشيم العلم. عمي عمي
خادم الزهراء ع ابو احمد الطائي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
طاحوا هلي. وياهو ألي
كلمات الشاعر
ابو احمد الطائي
علي الواسطي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
معجزه هايه العبايه
من الله نزلت الها ايه
جنها خيمه. لكل يتيمه
ونزلت الزينب حمايه
قبل لايبدي حزنها وقبل يوم الغاضريه
حسين والعباس اجوهها وحجوا وياها القضيه
گلها ابو الاكبر يزينب أمنا شخلت هديه
وفرشت الهم هالعبايه وصلوا اعليها سويه
سجدوا اعليها الأئمه
ونطق جبرائيل جلمه
هايه شيمه لكل يتيمه
ونزلت الزينب حمايه
راية العباس جنها و تحلف الناس بختها
الزهره للجنه خــــــــذتها وفصلتها وخيطتها
واني بعالم منامي. هالعبــايه شـــــــاهدتها
امربعه اوجنــــــها خيمه من الخيم ماميزتها
واسعه وكلش طويله
.للخدر صـارت بديله
ضلها غيمه. لكل يتيمه
ونزلت الزينب حمايه
اتشاكف اوياها الايادي والسياط تحملتها
وفزعت اوياها اعلى كلشي مو عبايه جنه اختها
جمعت بيها اليتامه والعــــبايه امساعدتها
والشمر دور رقيه وبيها زينب لبدتها
حفظت أرقيه وحميده.
وكل طفل مجتوفه ايده
ام كريمه. لكل يتيمه
ونزلت الزينب حمايه
اليتيم العثر جدمه قبل جف زينب تشيله
وجانت التجايه هيه تستند بيها العقيله
تنحب وينطر كلبها لو درت زينب عليله
والصخر لو سمع ونها ينفطر ويذوب حيله
بالوفه محد مثلها
ترست الدنيه بفضلها
جف رحيمه. لكل يتيمه
ونزلت الزينب حمايه
حارت الأذهان بيها وللشرف صارت علامه
اية التطهير جنها وبيها قدسية عمامه
خيط ماحركوا منها وخسوا كل اهل الظلامه
وعالعبي اعباة زينب شاخت وفرضت زعامه
عفه وكلها حميه
هالعبايه الفاطمية
مو هضيمه. لكل يتيمه
ونزلت الزينب حمايه
المهدي حيل يحب ذكرها وتفتخر بيها الزجيه
ومن يجي طاريها يرفع روس كل الهاشميه
ابو صالح خصص الها خطبه يلقيها بحميه
ويثني اباول صلاته عالعبايه الزينبية
ينذكر ستر الفواطم
وترتفع روس الهواشم
بيها شيمه. لكل يتيمه
ونزلت الزينب حمايه
خادم الزهراء ع ابو احمد الطائي
الامام السجاد ع يخاطب عمته زينب ع
يوم العاشر
شدي حيلچ للأسر.... سلاحنه صار الصبر
عمه زينب. عمه زينب
اعليمن ايــدير النظر ودور العيون
لا تنطرين الــغوالي مــــــايرجعون
گطعوا نحر الحسين وبي يهوسون
والكفيل اعله النهر مطروح يم عون
البيرق العالي. انكسر.. سلاحنه صار الصبر
عمه زينب. عمه زينب
الحرم تنــــهار لو احنه ضعفنه
عاونيني وخل نلم ايتام اهلنه
غيرج وغيري يزينب من يلمنه
والضعف ايضيع الاجر وتعبنه
نمشي من عسر العسر. سلاحنه صار الصبر
عمه زينب. عمه زينب
عمه عينج عالبــنات اتفكديهن
وحده وحــده بالعباـيه لملميهن
وصل اخذي من الخيام اوزعيهن
انحطها جوه السلسله لاتاذي اديهن
راح كلشي اويه الكمر. سلاحنه صار الصبر
عمه زينب. عمه زينب
عمه ابديلي برقيه من تدورين
وخلها عمه تلوذ بكــــــتار النساوين
عمه.تركض جانت ادور عله حسين
وعثرت بخيل العده ونشگت العين
شلون يخلص هالامر. سلاحنه صار الصبر
عمه زينب. عمه زينب
عمه مايسندني حيلي وياج اكومن
بعيني بس وبالنضر عليج احومن
نمرد جبدي وعلي گـــــد ما ألومن
يلوم بي الكلب گوم وبيش اكومن
بالمرض ظهري نكسر. سلاحنه صار الصبر
عمه زينب. عمه زينب
عمه من فوگ المحامل ودعيهم
نايمي اخــــــــــــــوانج ولتفززيهم
ابقي عالناگه يعمه وعاتبيهم
والله لو. طحتي الايتام اطيحيهم
ادري كلبج منفطر. سلاحنه صار الصبر
عمه زينب. عمه زينب
خادم الزهراء ع ابو احمد الطائي
بصوت. مسلم المطيري
ارجع طلعت روحي
عباس يا مذبوحي
كلمات الشاعر
ابو احمد الطائي
زينب تخاطب والدها الامام علي ليلة الوحشه
طاحوا هلي. وياهو الي
والفزعة حانت. ياعلي
ياهو اليگوطر.للنجف يخبر علي بحالي
زينب وحيده بكربله بغربه ودمعها يلالي
ماظل اخوه اعليه استند بس ضل ضعنهم خالي
ويگله من كثر الهظم صار الگــــــبر يحـلالي
ذوله عرب. لا مو عرب
الخسه من عدهم تصب
ومالي ولي. وياهو الي
والفزعه حانت ياعلي
ــــــــــــــــــــــــــــــــــــــــــــــــــــ
اشباه الرجال استرجلوا والميت ايهضمونه
وقـائدهم بخسه ربه والحقد مالي اعيونه
يدرونه كاتلنا العطش ومن الشرب منعونه
وجابوا الماي وكل طفل كدامه ايبدونه
حتى العرف. عاف العرف
كلب اليحاربنه صلف
راح انولي. وياهو الي
والفزعه حانت ياعلي
ــــــــــــــــــــــــــــــــــــــــــــــــــــ
هوه شمر مية شمر. شو كلها اتسب بينه
وصارت اسياد اعله الضعن الجانت تحت رجلينه
شفت اليفزع عالسلب البخيرنه مغطينه
والطيبة انكرهه وجفه الجـــــــان لايذ بينه
الماله شرف. سب الشرف
ولبخت من عدهم نشف
شاخ الردي. وياهو الي
والفزعه حانت ياعلي
ــــــــــــــــــــــــــــــــــــــــــــــــــــ
اشرلي الصوب النجف حسين اخوي بعينه
زينب لأبونه توجهي وگليله محتاجينه
دمعج بفزز كل جرح واحنه الالم غاطينه
ومية الف مره الذبح يرجعلي من تنخينه
مية الف مية الف
تجرحني وجرحي كلف
ومن عاذلي. ياهو الي
والفزعه حانت ياعلي
ــــــــــــــــــــــــــــــــــــــــــــــــــــ
خبري علي راسي نگطع ونذبح راعي الرايه
وبضلوعي من گد الرفس فرشوهه المسنايه
گليله ماضلت زلم وايتام عندي هوايه
وضعن الفواطم ياعلي ما ضل اله حمايه
ماينوصف. كلش كلف
وضعي وعلي مــــــاينوصف
بلا كافلي. ياهو الي
والفزعه حانت ياعلي
ــــــــــــــــــــــــــــــــــــــــــــــــــــ
شد اعلى ضهر مطمرك حارس نريد الليله
وغيرك يبونه ياعلي الحمل ياهو يشيله
برداني اكفن بالدمع ويعبر يغرگ الشيله
ومايل حملنا وملتوي. وانت التعدل الميله
اتزاحمن. وترادفن
يابويه هدني المحن
ترضى انولي. وياهو الي
والفزعة حانت ياعلي
خادم الزهراء ع ابو احمد الطائي
قصائد مولاتي زينب ع
وين امي الزجيه. وتشوف الصار بيه
من يوم الحده ضعني،،، لهاتي
شجن و الخوف يبسلي ـ،، لهاتي
نوايب غاصت ابريتي
أسر والسوط تاليتي
واصيحن يابعد بيتي.. ولهاتي
والگه احسين جثه اعله الوطيه
ــــــــــــــــــــــــــــــ
اصيحن من ضجر روحي... والمهه
مثل طفلة فطم تعثر.. ورأمهه
الحسره بروحي تتكسر
اشيل اجدامي ما أگدر
اعيال احسين تطشر.... والمهه
وترد الخيل وطشرهه اليه
ــــــــــــــــــــــــــــــــــــــــ
دار الدهر يايمه..... ولوانه
واجسر حيل من طيح... لوانه
غربه اطوف بيّه
السبي ياحيف اليّه
وصحت من جور أميه... لو انه
ميته ولايصير الصار بيه
ــــــــــــــــــــــــــــــــ
ليل انهار ادگ بالـصبر والهم
وجذب يايمه اجافي النوح والهم
ولاني بضيمه عاشور
الكلب بلآه مسجور
ولخوتي مگطعه انحور والهم
نياشين بدليلي تلوج بيه
ــــــــــــــــــــــــــــــ
المصايب يمه ابنيتچ لونها
وكسرن عودهه وأصفر لونها
كمت اتعثر من امشي
نوايب ذبلن هرشي
وصرت لا امر ولحچي ولنها
اسيرة والحچي ينرد عليه
ــــــــــــــــــــــــ
فرحهه الشماته الدمع. من سال
وكلبي من لهيب الخيم منسال
وحيده ومحد بحالي
الدمع والخوف يبرالي
منهو اليتبع اخباري و من سال
وخبره اشسوت أهل الشام بيّه
خادم الزهراء ع ابو احمد الطائي
زينب تخاطب يزيد لعنه الله
لحن اهوازي
انه زينب يبن سفيان. التهز الدنيه جلمتها
واهلي الذلت اهل الشام والكسرت مهابتها
انه زينب. انه زينب
تئدب ياسفيه الراي من تكلم اسيادك
احنه اهل الصلاة والصوم واهل الفاحشة اجدادك
مجدنه الدين والتوحيد. وذبح حسين امجادك
وسوء العاقبه الخلاك تجبر على اسيادك
التتجبر عليها الناس. تاخذ من كرامتها
واهلي الذلت اهل الشام والكسرت مهابتها
الميت والعدل ينخاه وكلها تعرف بصيته
جدي البالعرش موجود.اسمه واسم اهل بيته
من اسم الله المحمو. د محمد اجت تسميته
وقصركم ينهدم بيكم. لو شلت ايدي ونخته
انه بنت شهد الله لابوها وامها واخوتها
واهلي الذلت أهل الشام والكسرت مهابتها
تعرف حيدره الكرار. لو تتقاضه عن ذكره
ذاك المن يسل سيفه. ابيك يرجف بگبره
ذاك الخله ارض صفين من دمكم غدت حمره
وسوه اجيوشكم طشار من اتخيل الشگره
علي شمر مناحركم ولا تنسون سحكتها
واهلي الذلت أهل الشام والكسرت مهابتها
اذا ماتعرف بصيتي. اسئلهم عن اخت عباس
ذاك المن نزل ليهم. اجم شارب بشارب داس
خرسه صارت الحومه. . ونكتمت انفاس الناس
وسيفه يهلهل اعليهم وراس يطگه سبعي براس
انا اخت الكمر ييزيد. التنفضك نفض جبتها
واهلي الذلت أهل الشام والكسرت مهابتها
وحگ الرافع السبعه. ومنجي النبي أبراهيم
ما اطخ راسي واترجاك ضيمك لو تردفه بضيم
كلها ادنگ لنه الروس.. وبس الوي شيمنا ايشيم
احنه مفخرة هاشم وماينفعكم التعتيم
بزودي افخر اعليكم وبت هاشم وعزوتها
واهلي الذلت أهل الشام والكسرت مهابتها
خادم الزهراء ع ابو احمد الطائي
بصوت. مسلم المطيري
اتندمت من جبته وياي
ما أدري. ايشح الماي
كلمات الشاعر
ابو احمد الطائي
بصوت. مسلم المطيري
گومي شدي احزامي وعوفي المهد
انا اسد وبن الاسد يطلع اسد
كلمات الشاعر
ابو احمد الطائي
بصوت. مسلم المطيري
عيني عالجربه يعمي متاني جودك
كلمات الشاعر
ابو احمد الطائي
بصوت. مسلم المطيري
ياضنوتي. ياضنوتي.
ياهو الاليه بغربتي
كلمات الشاعر
ابو احمد الطائي