737
للتواصل @aqeelalkadhmi قصائد مدح ورثاء اهل البيت الاطهار عليهم السلام
موال للامام الرضا والسيدة فاطمة المعصومة عليهما السلام
امگيّد بحبل العشگ چفّي ومعصومه
وروحي عن الشرك باسمك غدت معصومة
شتنفع صلاة الذي يعاديك معصومه
وانه لبنود العبادة محبتك ضامن
يالرضا وعيناي لاسمك بالحدق ضامن
يا من جزه خدمتك جنة عدن ضامن
إقبل خدمتي عليك بجاه معصومه
--------
عقيل الكاظمي
الفاتحة الى روح والدي مسلم حسين ابو حيدر يرحمكم الله
حديث عن شاعر الكاظمية ملا حسن الكاظمي
برنامج سحور كاظمي
تقديم الرادود ابو جعفر الكاظمي
عقيل الكاظمي
ابوذية للامام علي عليه السلام
اذا مو لجلك المصحف عليمات
وبيه شكثر من وصفك عليمات
انفجع يوم النعه الناعي علي مات
الونين ايرتل اياته السبية
-------
عقيل الكاظمي
❇️ قصائد استشهاد الامام علي عليه السلام
رئيسية
سودتُ صحيفةَ أعمالي ووكَلْتُ الأمرَ إلى حيدرْ
هو كهفي من نُوَبِ الدنيا وشفيعي في يومِ المحشرْ
---------
تمّت لي بولاية حيدر النعمه * وشِفِت بمحبته خير ونِعم جمّـه
سوّدت الصحيفه بذنبي وبجرمه * وفوّضت الامور لصاحب العصمه
كهفي بدنيتي ويوم الفزع رحمه * شفيعي وبالحشر استنجد بإسمه
هل يمنَعُني وهو الساقي أنْ أشربَ من حوضِ الكوثر
أمْ يطرُدُني عن مائـدة وُضِعَتْ للقانِعِ والمعـتَـرْ
--------
حاشا عن الكوثر للمحب يمنع * ما يمنعني وهـو للكرم منبع
بَدِر حبه بحياتي صار اله مطلع * كهفي بدنيتي ويوم الحشر مَفزع
العباده بغير حبه تضر ما تنفع * يا من تنكر آيات الوصي إسمع
إنْ كُنتَ لجَهلِكَ بالآيام جَحَدْتَ مَقام َأبي شُبَّرْ
فاسألْ بدراً وأسالْ أُحُداً وَسَلِ الأحزابَ وسَلْ خيبـرْ
----------
يالناكر فضل حامي الحمه حيدر * مسؤول اعلى حبه بساعة المحشر
سل بـدر وأُحد والخندق وخيبر * تخبرك منهو لابطـال الحرب دمّـر
هتَف گلبي ابوداده وبالفضل كرر * يمن ليك النبي اعلى اهل الشرف أمّر
قاسُوكَ أبا حسنٍ بِسِواك وَهَلْ بالطَّودِ يُقاسُ الذَّرْ
أنّى ساوَوْكَ بِمَنْ ناوَوْكَ وَهَلْ ساوَوا نعلي قنبَـرْ
----------
منو مثلك الهادي تباهه باوصافـه * ومنو غيرك صعد وارتقى اعلى اچتافه
وقدّم سيفك الهادي على اسيافه * وتأيَّد بيك نصره وحـقَّـقْ اهدافـه
ما ينفـع المُرجِفْ بيك إرجافه * من حيث الإله اغـمرك بالطـافـه
أفعالُ الخَير ِاذا انتشرت في الناس ِفأنْتَ لها مَصدَرْ
وَإذا ذُكِـرَ المعروفُ فمـا لِسِواكَ بهِ شيءٌ يُذْكَـْر
----------
وبسيفك لدين المصطفى احييته * وشچـم فـارس البالحرب ارديتـه
وخيبر تشهد وباب الذي ادحيته * ابعزم چفّك حصنهه العالي هدّيته
لون عزمك هو اعلى الكون أفنيته * هضم حقّك عجيبه شلون عانيته
لَو لَمْ تؤمَرْ بالصَّبْرِ وكظْمِ الغَيضِ وَلَيْتَـكَ لَمْ تؤمَـْر
ما نال الأمْرَ أخـو تَيْمٍ وَتَنَاوَلَهُ عنْهُ حَبْتَـرْ
--------
لو ما بالوصيّه اتچتفت يمناك * مـا عنّ الخلافـه شانئك أقصاك
لجل دينك يحيدر طلكت دنياك * الحفظ هالدين ما لحظه غفت عيناك
أوصافك يحيدر لا زِمَتْ ذِكراك * وأفعـالك حُجَجْ ألْزَمِتْ بيهه اعـداك
أفعـالُكَ مـا كانت فيها إلاّ ذكرى لِمَنِ اذَّكَّـر
آياتُ جلالـِكَ لا تُحصى وصِفاتُ كَمالِـكَ لا تُحصَرْ
--------
آياتك عظيمه اوّاضِحَه البرهـان * حُجَج يا بالحسن صارت على الأكوان
شما رادت تنكّـل باسمك العـدوان * ذلَّتْ وانت شامخ يا لـوه الإيمان
ما بين الخلايق شانك اعظم شان * مـا ينحصـر معناك بقلم ولسان
مَنْ طَوَّلَ فيكَ مدائِحَهُ عن أدْنى واجِبها قَصَّـرْ
فاقْبلْ يا كَعْبةَ آمالي مِنْ هَدْي مَديحِيَ ما استَيْسَرْ
--------
الفصيح / السيد رضا الهندي
والشعبي / عقيل الكاظمي
❇️ ابوذية لاستشهاد امير المؤمنين الامام علي عليه السلام
علي يل صارمك بالحرب عزريل
عده وربك لدينك بيك عزريل
رفيجك چان بالميدان عزريل
يريد رويحتك هاي المسية
------------
عقيل الكاظمي
❇️ ابوذية في رد الشمس للمولى امير المؤمنين علي بن ابي طالب عليه السلام
إعجازك يخل عقول يوشاع
ونورك يخطف الابصار يوشاع
الشمس مرة ترد بأمر يوشاع
والك مرتين ردت طوع هيه
——-
عقيل الكاظمي
❇️ ابوذيات لولادة المولى صاحب العصر والزمان الامام الحجة بن الحسن المهدي عجل الله فرجه الشريف
گصه جوع المفارگ منتضرنه
ولا نعرف التنفع من تضرنه
نصيح العجل وانت منتضرنه
نصير اسباب للطلعه البهية
----------------
عقيل الكاظمي
❇️ ابوذيات لولادة الامام الحسين عليه السلام
يليث اصرعت شر اعداك يا سد
يسور بوجه سيل الجور يا سد
صبح گبرك صرح يحسين يا سد
على كل مجد ساكن بالثرية
-------------
عقيل الكاظمي
❇️ ابوذيات لولادة الامام الحسين عليه السلام
العشگ بس الك وحدك من قريته
الحرف لجلك كتبته من قريته
الشعِر فلّاح هاجَر من قرِيته
لمدينة حكمتك بالغاضرية
--------
عقيل الكاظمي
❇️ ابوذيات لولادة الامام الحسين عليه السلام
العذلني بحب ابو اليمه دراويش
سحرني؟ وصحت يا ربي دراويش
روحي وكلبي وعقلي دراويش
جواله بغرام حسين هيه
-----------
عقيل الكاظمي
❇️ ابوذية للسيدة زينب عليها السلام
المصايب كثرن ودمعي بهنسال
وسهام الفاجعة بگلبي بهنسال
وگفت بمجلس الشامت بهنسال
اخوتچ وين راحو يالسبية
———-
عقيل الكاظمي
❇️ ابوذية لولادة الامام علي عليه السلام
الگلب ما بي مكانه بسمكنته
ملك روحي غرامك بسمكنته
حياتي سجلتها بسمكنته
علي حبي وكياني والهوية
———-
عقيل الكاظمي
❇️ ابوذية لولادة الامام علي عليه السلام
الكلب ما بي مكانه بسمكنته
ملك روحي غرامك بسمكنته
حياتي سجلتها بسمكنته
علي حبي وكياني والهوية
———-
عقيل الكاظمي
❇️ ابوذية لولادة الامام الجواد عليه السلام
الليلة للسهر روحي تلالي
تشوف انجوم بسماهه تلالي
طير السعد باياته تلالي
الجواد اشرقت شمسه اعلى البرية
---------------
عقيل الكاظمي
❇️ ابوذية ولادة الامام علي الهادي عليه السلام
اهتدينه بحبه ما لحظه تهنه (التيه)
كرامة إسمه كل معجز تهنه (تهونه )
يگلبي بفرح ميلاده تهنه (الهناء)
علي الهادي ضوه عيون الثرية
-------
عقيل الكاظمي
لا تنسوا والدتي واخوتي بالدعاء والفاتحة
لانك للحسين ادعيت، صوتك صار
صوته، وذاك عزمه تجدد بعزمك
لانك من حسين اتفرعِت، معروف
من دمه المقدس ينعكس دمك
لانك عن حسين تحدث الاجيال
اعلى وادي كربلا يدليهه ضي نجمك
لانك بالحسين تعيش ما ينساك
غير البايع يزيد ونكر حكمك
بزيارة اربعينه ونصف من شعبان
احياء الشعيرة تسجل باسمك
لذلك صار ضدك كل عدو لحسين
وباطباع العكارب حاربوا سلمك
باضواءك التسطع يهتدي المحتار
وشذرات المعارف ومضة من فهمك
وراء الفقه عالم بس الك مكشوف
وبموسوعة المهدي اظهرِت علمك
عصاة الحكمة بيدك ورث من لقمان
ومن داوود وارث صبرك وحلمك
ارسمِت درب النجاة بحكمتك للناس
وخسر كل من جفاك وما مشه برسمك
.........
عقيل الكاظمي
ليلة الخميس 3 ذو القعدة
1-5-2025
لا تنسوا والدي بقراءة الفاتحة
من واجبنا ان نذكر هذه الشخصيات
الشاعر والرادود المرحوم مهدي علوان التميمي رحمة الله عليه
كضه عمرك لبو السجاد علوان
وصفه شانك بهام النجم علوان
الك هذي هديه يبن علوان
وفاء للعلاقة الابوية
....
عقيل الكاظمي
قصيدة سودت صحيفة اعمالي
الفصيح للشاعر المرحوم السيد رضا الهندي
والشعبي للشاعر عقيل الكاظمي
❇️ ابوذية للمولى امير المؤمنين علي عليه السلام
الدنيا سموم بس حبك مصلاي
بعد خيرك أبد كل شر مصلاي
اسمك قبلتي وذكرك مصلاي
ولاءك يا علي واجب عليه
..........
عقيل الكاظمي
❇️ ابوذيات لولادة المولى صاحب العصر والزمان الامام الحجة بن الحسن المهدي عجل الله فرجه الشريف
شكثر ناداه گلبي وانتخابي
يمن حبك بروحي وانت خابي
الك صوتي نطيته وانتخابي
والك تاج القيادة السرمدية
--------------
عقيل الكاظمي
❇️ ابوذيات لولادة المولى صاحب العصر والزمان الامام الحجة بن الحسن المهدي عجل الله فرجه الشريف
العصمه ابوالده والطهر عدماه
نصر دين الاله انكتب عدماه
الوجود بلا وجوده حان عدماه
وبقاء الكون بانفاسه الزكيه
------------
عقيل الكاظمي
❇️ ابوذيات لولادة الامام الحسين عليه السلام
يتاجي وسيدي بدنياي ملكاي
أريدك لو حضر بالگبر ملكاي
هناك تصيح هذا العبد ملكاي
وعلامة حبك بروحي هويه
------------
عقيل الكاظمي
❇️ ابوذيات لولادة الامام الحسين عليه السلام
يمن كل فرحه بسنينك متامات
أعيش لشوفتك واسأل متى مات ؟
أحلفك بامك الزهره متى مات
گلبي ، ابنظره منك ردّه ليه
----------
عقيل الكاظمي
❇️ ابوذية استشهاد الامام الكاظم عليه السلام
الالم ناره لعند الروح ماسات
حزينه صبحت بالنوح ماسات
يبن جعفر مصابك صار ماسات
بعدهه تهون كل محنه اورزيه
-----------
انه العمري بودادك بادي ونهه
وعليك الروح تنحب بادي ونهه
لمُصابك نحل جسمي وباد ونهه د
ركن حيلي وطوه الاضلاع اليه
-----------------
ا
عقيل الكاظمي
❇️ابوذية للسيدة زينب عليها السلام
ثبت جدمي بطريق الطف منازل
لغير ام الحزن دمعي منازل
غريبه الها بضواحي الهم منازل
سبي وغربه وجرح خوله ورقية
......
عقيل الكاظمي
❇️ مباراة ابوذية لأبيات من قصيدة الشيخ كاظم الازري طيب الله ثراه
فابتدا المصطفى يُحدِّثُ عَمّا = يُؤجَرُ الصابرونَ في أُخراها
قائلاً إنَّ للجليلِ جِناناً = ليس غيرُ المجاهدينَ يَراها
أينَ مَن نَفسُهُ تتوقُ إلى الجَنّـ = اتِ أو يُورِدُ الجحيمَ عِداها
مَن لعمروٍ وقد ضَمَنْتُ على = اللهِ له مِن جِنانِهِ أعلاها
فالْتَوَوا عن جوابِهِ كَسَوامٍ = لا تَراها مجيبةً مَن دعاها
وإذا هُم بفارِسٍ قَرَشيٍّ = ترجِفُ الأرضُ خيفةً إذ يَطاها
نخيت الكوم بالخندق يطاها
ولا من ركبته لدينه يطاها
نهض للحرب فارس اذ يطاها
رعب تتراجف ضلوع الوطية
-----
عقيل الكاظمي
فانتضى مَشرَفِيَّهُ فتلقّى = ساقَ عمروٍ بضربةٍ فَبَراها
هلا بآلاء جفه وي براها
يسبحان الخلقها وي براها
تلقى ساق عمر وي براها
ابيمينه التبتسم للمشرفية
-------
عقيل الكاظمي
❇️❇️❇️
❇️ ابوذية لولادة الامام علي عليه السلام
برد حبه وابد لا مات حربه
الضماير بي حيت لا مات حربه
علي ويوم اللبس لا مات حر به
رفع راس الكرامة الآدمية
---------------
عقيل الكاظمي
❇️ ابوذية استشهاد الامام علي الهادي عليه السلام
اطش حزنك على جروحي ولم بيه
واعاتب دمعي لمصابك ولم بيه
شعجب ما تنزف وگلبي ولم بيه
لعلي الهادي الگضه بسم المنية
عقيل الكاظمي
❇️ ابوذية مباراة لابيات السيد حيدر الحلي في استنهاض بني هاشم للثار لسيد الشهداء عليه السلام
إلى الآنَ لم تجمَعْ بكِ الخيلُ وثبةً * كأنكِ ما تدرينَ في الطفِ ما جرى
هلُمّي بها شَعثَ النواصي كأنَّها * ذيابُ غَضًا يَمْرَحْنَ بالقَاعِ ضُمّرا
وإنْ سألتكِ الخيلُ أينَ مَغارُها * فقولي ارفَعِي كُلَ البسيطةِ عَثْيرا
فإنَّ دماكُم طِحنَ في كُلِ مَعشَرٍ * ولا ثارَ حتى ليسَ تُبقينَ مَعشرا
السيد حيدر الحلي
لحزنكم ضامري وجّر ولا ثار
لدماكم لا سمه تحمل ولا ثار
هوى دمكم بكل معشر ولا ثار
حتى الكل ترد چاس المنية
-----
عقيل الكاظمي
الصورة عند مقام الراس الشريف في الجامع الاموي 2003