Telegram-канал khawater_monsie - خـ♥️ـوٌآطــر مـنـسـ♥️ـيــهّ: Unsorted

خـ♥️ـوٌآطــر مـنـسـ♥️ـيــهّ

21 January 2018 13:09

-
-
واحد من العيال الله يهديه قبل كم سنة جاهم جيران جدد والأخو طلع يراقبهم 👀 ومن هالكلام ..
الزبده جاني بعد فتره يقلي أنا أعجبتني 😍 بنتهم وأبي أخطبها 💘 - ماشافها ولا شي بس يشوف زولها بالعبايه - ويقول باين انها مهتمه بحجابها وعيونها ما اشوفها ومدري ايش .. المشكله الأخو توه بالجامعه ولاهو متوظف ولا شي ، قلتله اصبر لين تخلص وتتوظف ويصير خير ، كان باقيله 3 سنين ويتخرج ومحد ماكلها الا أنا .. يومياً يجي يشكي لي وخايف ان البنت تروح من يدي و و و و ....
دايماً اخواته وأمه يسولفون عن جيرانهم وهو يجيني بعدها ويتشكى وحالته مُزريه
مره كنت مسافر واخر الليل الساعه ٣ ونص كان جوالي يدق الا طلع هو .. سمع من أمه ان اهل هالبنت بينتقلون لمدينه ثانيه وذبحني !! جلست اكلمه ٣ ساعات عشان يهدى وأقنعه ان اذا الله كاتبها له بياخذها لو مدري وين بتروح وانه اذا راح يخطب بترفضه لأنه مو متوظف وبالغصب اقتنع ، وزين انهم انطقوا ببيتهم بعدين
يعني اللي لازم تفهمونه من كلامي اني أنا اللي ماكل تبن من حبه لكتلة السواد ذي 💔..
المهم جلس 3 سنوات يراقبها دايم لين تخرج وتوظف السنه ذي وقبل اسبوع راح خطبها ووافقوا وقالت أمه شوفها نظره شرعيه ( أمه تقول انها مو حلوه ورفضت زواجه منها بس هو معنّد الا يبيها )
المُهم ؛ بعد ماطلع من بيتهم جاني ووجهه أسوووود وكل حزن الدنيا فيه حسيت انه شوي ويبكي .. سألته وش السالفه ؟ توقعته بيقول حبيتها بالعبايه بس طلعت موب حلوه ومن هالكلام ، قال لي أنا خلاص بموت من القهر ، خليته يهدى وكذا وحاولته يفهمّني وش صار .. قال ياخي أنا طلعت خاق مع شغالتهم مو مع بنتهم 💔 ، والله ماقدرت أكتم ضحكتي وقتها هههههههههههههههههههههههههههههههههههههه .. يقول الله وكيلك ان ركبتي أحلى من بنتهم 💔😂😂😂 ، عاد سحب ع بنتهم والحين يشكي لي بعد من الخدعه اللي كان فيها هالثلاث سنوات .. يقول طلعت شغالتهم مسلمه وحجابها زي بناتنا ومدري كيف < يعني لو مو مستحي راح خطب الشغاله الظاهر 😂😂.
.
.
سبراايز 😂🌞 !