الشاعر سيد علي الموسوي الكربلائي

31 July 2023 12:22

قصائد والحان الدفنة
👇👇👇👇

/channel/+mylIImyhJe8yNWIy

الشاعر سيد علي الموسوي الكربلائي

24 July 2023 08:48

بداية عزاء للانصار


بايعناك يا مولاي
عاهدناك يا مولاي

خل يشوف الكون كله كربله
وحگ جدك راح تصبح زلزله
شنهو دمنه والله لجلك ما غله
نخلي عالي الكون يصبح سافله

عد عيناك يا مولاي
……
خل نعيد اليوم صولة حيدره
وخل نخلي اجسومهم متنثره
الروس ودماهم تضل اعله الثره
خل نسوي كربله چالاخره

دون ادماك يا مولاي
……
شيخ الانصار الذي سوه العجب
رد شباب بسيفه هالكون انگلب
عابس و جون بأعالي امن الرتب
حي زهير و حي برير و حي وهب

ما عفناك يا مولاي
……
احنه ترباتك يبن خير البشر
راح نگلبها ويسجلها الدهر
يا حسين انكتبت ابدم عالنحر
ما نزل لو صرنه من أجلك وذر

وعشگناك يا مولاي
……
صرنه نشتمك هوانه ياحسين
فاز كلمن يمشي دربك يالحنين
ثنين والسبعين صارو فد يمين
وينه كلمن ضدك وواجهنا وين

يالردناك يا مولاي
……
الشاعر
السيد علي الموسوي الكربلائي

الشاعر سيد علي الموسوي الكربلائي

21 July 2023 14:37

الله وياكم الله وياكم وداعة الله وداعة الله
———
حانت الفرگه بدمعه وبشهكه
وكمت ادور اعله الضعن النوگ متحمله بسفر متوكله
اه يا جرح الزمن
عالاهل انعي مو سهل وضعي
اخدودي بدموعي انچون

صعب فركاكم وداعة الله
———
ساعه يم عمتي اوكف بونتي
ايسولف بدمعه النظر
عمة عينيني وياج اخذيني
احمل هموم و قهر
ناحت اعليه تكلي مسبيه
ومو سهل هذا السفر

ربي يرعاكم وداعة الله
———
ابعلتي و همي اتجمعن يمي
كل خواتي بالدمع
وياچن اتمنه امشي واتعنه
ابخيمه وحده ننجمع
رقيه شبكتني وسكنه شمتني
مو سهل ذاك الوضع

ابقه اتناكم وداعة الله
———
وساعه يم عمي اعتني بهمي
والزم اچفوفه ابحزن
يمسح بعيني لا تتانيني ايكلي وبحسره اون
شاهدت عينه ومنظر سنينه
الشوفتك عمي احن

صعبه انساكم وداعة الله
———
لوالدي بلهفه بحظنه و بعطفه
ايكلي بويه اتحملي
خوفي ما ترجع ودمعي ما ينفع
وياك اخذني ابمحملي
كمت اشم صدره وامسح بنحره
ومن يضل بعدك الي

ابونه انعاكم وداعة الله
———
سيد علي الموسوي الكربلائي

الشاعر سيد علي الموسوي الكربلائي

18 July 2023 13:37

موشح دخول الضعن

بدور هاشم نوخت بضعونها
بنينوى اخيام الوفه اينصبونها

دخلت ارچاب المهابه والفخر
عالضعن رف اللوه ابجف الكمر
والهوادج شاهد اعليها الدهر
و الأملاك البالسمه ايحفونها

خيرة الله ابهالضعن لمن نزل
حل عله العالم وكل الخير حل
نور يتبع نور لأرض الطف وصل
والرحال بهالفلا ايحطونها

حسين جاب اهله وصحبته وخيرته
الكربلا والدنيا تزهي ابهيبته
چالكواكب مزهره كل عيلته
خيام من نور السمه اينصبونها

حط صواوين المعالي والابه
والخدور امبخره ومرتبه
بكربلا وچن الجنان امنصبه
والهواشم للنسه ايحوطونها

والنسخ بوليانهن مدللات
مأمنه ابصيوانهن ومحصنات
وزينب وياهن بقت ومخدرات
ونزلت أملاك السما يحرسونها

وكمر هاشم عالضعن شبه السمه
افياي للعيله ابيمينه صارمه
وبوجوه العيله ضلت سالمه
حي كفيل اخته وسند مأمونها

الشاعر سيد علي الموسوي الكربلائي

الشاعر سيد علي الموسوي الكربلائي

15 July 2023 10:47

تجليبة لفاطمه العليله عليها السلام

عليلتكم يهاشم بالغرب ضليت
ومن دون الابو موحش صفالي البيت
……
البيت بلا ابو مثل اللحد يصفه
واليبقه ابغرب كل عيشته كلفه
اطگ الراح فوگ الراح يا وسفه
وين الي انام ابحظنه واترببت
……
وين الي احسة نسمة الريه
أبويه وشوفتة چالرحمه ليليه
وعيني من بعد روحته معميه
من كثر الدمع واعله الابو ونيت
……
ونيت اعله فكده والچفن دامي
أبويه وراحتي لو شفته گدامي
بنضرته تنجلي واتزول الامي
والعطرة وحنانة بدمعتي حنيت
……
حنيت اعله شوفه والكلب يجزع
ومن ليلة وداعة ناضري يدمع
أبويه ومن حنانه و طيبه ما اشبع
بحالي ابگيت وبهمي أنه احتاريت
……
يا ريت اوصله واترد الي روحي
وبشبگة ابوية تضمد اجروحي
وارتاح اعله متنه وينكطع نوحي
وبلزمة چفوفه بعلتي اتشافيت
……
اتشافه ابلزمته وما يون كلبي
ومن دونه بعد ما وجددت دربي
كل ليلة اناجي و اندعي ربي
سالم والدي يرجع اليه ادعيت
……
دار اهلي صفت من الأهل خالي
لا اخوه البقت لا عم الي اوالي
واليالي السهر ناحن عله حالي
ذبلت وردتي وسم الهوه اشتميت
……
الشاعر سيد علي الموسوي الكربلائي

الشاعر سيد علي الموسوي الكربلائي

25 May 2023 19:50

#اعلان_محرم
لعمل هندسة صوتية عن طريقة بصمة الواتساب والتلجرام وكذلك مونتاج فيديو بالاضافة الى زيادة المشتركين والمشاهدات التواصل مع
@ahmed_alziwar0

الشاعر سيد علي الموسوي الكربلائي

21 April 2023 01:19

لاول مرة زيادة مشتركين يوتيوب
بعد توقف لأكثر من سنة الان يتوفر لدينا زيادة مشتركين اليوتيوب لفترة محدودة جدا
للاستفسار @ahmed_alziwar0
للتواصل واتساب 07732320742

الشاعر سيد علي الموسوي الكربلائي

20 April 2023 22:54

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
/channel/ahmed_alziwar1

الشاعر سيد علي الموسوي الكربلائي

08 December 2022 21:50

إبليلة الجمعه .. تحظر البضعه إبدمعها
……….
فاطمه ابليلة الجمعه تحظر اتأدي الزيارة
تمشي محنيه وگلبها مسعره و ما تطفه ناره
الباب گبر حسين توصل وبالدمع تكتب عباره

اهنانه الملاذ امن المحن
وكل الشدايد ينگضن
تدخل الزهره وبالصحن
وتنظر الكبه و مناره

وتدعي منكسره .. فاطمه الزهره .. بدمعها
والنظر يشبح .. الكبره والمذبح .. ابدمعها
……….
وتوصل الشباچ ابنها تون والحسره شديده
تقره عاشوراء ومنظر ليلة العاشر تعيده
ربي العنها العصابه السحكته وحزت وريده

تشوف ابضريحه چن صور
چن شمر و يحز بالنحر
وبصوره چن محني الظهر
و يون من فارگ عضيده

و تلمح الشفه .. امفطره وسفه .. بدمعها
ومنظر اليفجع .. جسمه المكطع .. ابدمعها
……….
تمشي والخطوات تثكل وتجر بالانفاس گوه
اتوجهت صوب الكفاله والجدم مابيه گوه
وصلت ويم گمر هاشم بالدمع والحزن تهوه

وتكله يالما قصرت
وفيت عهدك وبذلت
وباب الحوائج أصبحت
وهالاسم يوليدي يسوه

وتبجي عالرايه .. و جربته ومايه .. بدمعها
وتوصل الچفه .. بحرگه وبلهفه .. ابدمعها
……….
ترد وتزور المخيم والحزن خيم عليها
وتذكر اشلون العقليه حايره بضيعة وليها
ويلي والصيوان يلهب وزينب اتشاگف بديها

وچم طفله فرت وانچوت
والحرم ويلي اتحيرت
والحره تالي ايست
وجهزو ناگة سبيها

وتمشي عالهزل .. بت علي بمحمل .. بدمعها
تنادي يالكافل .. ها يبو فاضل ابدمعها
……….
فاطمه ابآخر زياره تكصد لغيبة ابنها
وتعتني وتلزم ضلعها وما فتر بالحزن ونها
اتگله يالمهدي اريد الشيعه يتكحل جفنها

يا يوم يا ساعه الأمر
كل ليله بغيابك تمر
ابكل لحظه ضلعي ينكسر
وشيعتك زادت محنها

الأمه تترجه .. وتندب الحجه .. بدمعها
وفاطم اليله .. ابونه تشكيله. ابدمعها
……….
سيد علي الموسوي الكربلائي

الشاعر سيد علي الموسوي الكربلائي

04 November 2022 20:42

گعده للسيدة الزهراء ع


ياعلي ياعلي شلون ادفنت روحك
ياعلي ياعلي ما أعظم اجروحك
شهالمصيبه
……
يا علي ايعينك الباري عالمصاب الي جرعتة
ذره هالكون اويه صبرك عجبه هالموقف حملته
هجمو عله الباب تنظر وكَّسر ضلع الزهره شفته

ومچتوف بحبال الصبر
واحشاك يتلاهب جمر
واجب تنفذ هالامر
والضلع بالعين شفته

امهشمه امهشمه چن سورة الكوثر
امهشمه امهشمه وعالنفس ما تكدر
شهالمصيبه
……
حيدر اوضاعه تغيرت واضطرب حاله لوضعها
ياعلي صاحت الزهره الباب من حاقد دفعها
سكط محسنها بعصرته تجري آيات بدمعها

والتفت حيدر لن نظر
بوجه الزچيه چن أثر
والسطره تنطيك الخبر
وعلگ بالحسره شمعها

فاطمه فاطمه ياذي الله الاذاها
فاطمة فاطمه سر الله وام طه
شهالمصيبه
……
اه من باب الرزيه اخذت الدنيا بأسرها
وحيدر اعله الباب ينعه وينظر بدمعه اثرها
فاطمه افراكچ يفجعه وچم يتيم الينتظرها

والحسن شافه ابلا وعي
وحسين واگف يندعي
وزينب ابدمعتها نعي
بروحتچ تبدي اليسرها

بالدمع بالدمع متجمعه ايتامج
بالدمع بالدمع وتتخيل الآمج
شهالمصيبه
……
يا علي اليله المصايب فتحت أبواب الفجيعه
چن صُبح عاشر محرم من شفت نعش الوديعه
وزينب اتنادي ييمه هالله هالله شهالفجيعه

ابهالباب تتخيل صور
چن خدر بالنار استعر
وچن صدر مسحوك ونحر
وچن گمر يم الشريعه

كربله كربله من ضلعج انظرها
كربله كربله تبدي اويه عاشرها
شهالمصيبه
……
سيد علي الموسوي الكربلائي

الشاعر سيد علي الموسوي الكربلائي

08 September 2022 20:26

https://youtu.be/uOacQ-4zjTA

الشاعر سيد علي الموسوي الكربلائي

29 April 2022 20:26

https://youtu.be/nPKyV5F4_a4

الشاعر سيد علي الموسوي الكربلائي

09 August 2020 01:51

https://youtu.be/ILIHjGjBFwE


بيوم الغدير انوار شعت علينه
من نصب المختار حيدر ولينه

انطاك الله مرسوم .. اخذ العهد دوم
مانتركك يوم
حيدر ولينه
————
#عيد_الغدير_الاغر
#مصطفى_الكربلائي
#العتبة_الحسينية_المقدسة

الشاعر سيد علي الموسوي الكربلائي

21 May 2020 06:56

يا احلى شي فوگ الأرض
يم الگلوب الصافيه
تركضلج أنفاسي بعشگ
وجدام گلبي حافيه
يشبهوج بالجنه و اضن
والجنه لا مو كافيه
هالكون اضلم صرت أحس
بس انتي لا مو طافيه
تلمينه بالحب كربلاء
وخيام عطفج دافيه
يضل اسمج لطول الدهر
الكل عله انتي الشافيه
بالخدر ادعي و بالنحر
ما بيج غير العافيه

كلمات خادمكم

الشاعر سيد علي الموسوي الكربلائي

06 September 2019 07:15

يا عباس وعدك عمي وينه
يا عباس يا حامي الضعينه
___________________________

عمي عطشانه تراني و انتخيتك
من الضمه دلالي يسعر وارتجيتك
طلبتي سهله يعمي من اجيتك
يا ابو الغيره و أنه بعمري فديتك

يا عباس محتاره و حزينه


يا ضوه عيوني اجيتك چبدي ضامي
و انته كفال الضعينه و المحامي
انه ليك بدمعتي اشرح كلامي
جم طفل عطشان ينحب گلبه ضامي

يا عباس يا عمي شبدينه


يالي بيك المرجله و بيك الحميه
اعرفك وفاي متهاب المنيه
بالخيم جم طفله دمعتها جريه
عمي والله شيبتني الغاظريه

يا عباس بوجودك أمينه


لو رحت عن عيني ليطول غيابك
و ادري بدموعي ازيدلك عذابك
تدري ما احمل يبو فاضل مصابك
شتعتقد أصبر اذا هالدهر صابك

يا عباس لتطول علينه


جودك بجفك حملته و انطر اني
روح الله وياك بس ارجعلي ثاني
والله من دونك أعيش بهم تراني
و بعدك بهم و هظم يا عم اعاني

يا عباس نار و حسره بينه


شوف عبد الله الطفل يترقب الماي
يكسر الخاطر نحيبه اووجر حشاي
ابيش اصبره و ما بقه بس دمع عيناي
بشيمتك يا عمي و اعرف انته وفاي

يا عباس يا عمنه ا ولينه


متت ما ضگت العذب يا گرة العين
حيرتني مثل حيرة والدي حسين
سهم عينك مرد چبدي و اتجه وين
ايست ترجعلي لمن هوت چفين

يا عباس لمصابك بجينه


خادمكم سيد علي الموسوي الكربلائي

الشاعر سيد علي الموسوي الكربلائي

31 July 2023 12:21

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300عضو فما فوق
━━━━━━━━━━━━━━━
للإشـــتِـراك 👇🏻.

التواصل مع  @ahmed_alziwar0

قناة خاصة بتلحين القصائد

/channel/+PZwpTt2HLXcvUQZh

------------------------------------------------------

1/الشاعر احسان الحميداوي
@ahssan313
2/الشاعر حسين لؤي العتابي
@Hussein110033
3/الشاعر جعفر عطية البزوني
@Jaffarattea
4/الشاعر هادي السلامي الكاظمي
@hadialsa
5/الشاعر السيد علي الكربلائي
@alialmoosawe
6/الشاعر هادي الساعدي
@had_jaa
7/الشاعر علی جباري
@damethezen
8/الشاعر محمد الجوراني
@algorane
9/الشاعر الحسيني علي مظلوم
@Aljnahe
10/الشاعر  سيد سعد الفحام
@saidsaad11
الشاعر محسن الجنابي
@mhsui
الشاعر امير السعيدي
@dhjgdsswfgh
الشاعر محمد الجوراني
@algorane
الشاعر نسيم الحميداوي
@NasimAlhamdawi
الشاعر رياض الرسل الجابري
@narjskaton
الشاعر مهند الدريساوي
@Alfoatm9
الشاعر ذو الفقار الزيدي
@dhwlfqr
الشاعر ضرغام الجابري
@hususn1
الشاعر جبار عبد الزهرة
@ALshoely12
الشاعرة نور الهدى الشويلي
@lIAUAlI
الشاعر ام رائد زوين للمواليد
@noor93s
الشاعر سيد محسن الجابري
@saedmohsenjabere
الشاعرة ايمان الزهيري
@Emaanelzharii
الشاعرة العلويه ام حسين الحسيني
@OmHussinAlHassani
الشاعرة ام حوراء البركاوي
@qwerrtt76
الشاعر محمد المشعلاوي
@Mohammed_almassl
الشاعر علي موفق القزاز
@alimwafaq94
الشاعرة الملا جنات الحسناوي
@dchhtg
الشاعر علي خيري العبادي
@AliAliAlabady
الشاعرة ام قاسم الشمري
@hhgtfc
الشاعر ابو اسحاق الفحام
@aboashik
الشاعر عقيل الكاظمي
@alshaeraqeelalkadhmi
الشاعر والرادود سيد محمد الموسوي
@sadmhamd
الشاعرة ام وسام
@Ali45445
الشاعر علي النائلي
@Ali_Anaily000
الشاعر جبار عبد الزهره الشويلي
@ALshoely12
الشاعرة ام زينب الواسطي
@Fatimids89
الشاعرة ام حسين المحمداوي
@aaaadrfqe
مريم العبودي
@dtyruFteRqejkvuccdsqiopkm
الشاعر علي الاحسائي
@ehhhnb
الشاعر ابواياد البيجاوي
@mhsn1955
الشاعره ام نور الميسانيه
@Aleulawiuhamnuwr
الشاعرة ام محمد باقر الفحام
@yamahdy4444
الشاعرة ام مصطفى الاسدي
@jgapun
الشاعرة الحاجة ام محمد الكناني
@ALHUSSEN_M
شاعرات العترة
@ttrre
الشاعرة ام روكان الشمــــــريه
@eimahde
الشاعرة ام سيف الزبيدي
@RR775
الشاعر ذو الفقار الزبيدي
@dhwlfqr
الشاعر عمار الساعدي
@Amaar37
الشاعر علي عباس العيساوي
@aliashghinah2
الشاعر عباس فاضل الشمري
@abbas_daher
الشاعر جعفر البديري
@jifrrham
الشاعر علي صيوان التميمي
@alisaioan
الشاعر ابو عقيل الناصري
@aa_ad9
الشاعر أنور السباهي
@Anwernaser
الشاعر اسعد قاسم االكريعاوي
@asaad8417
الشاعر سجاد جاسم الفرطوسي
@sajadjasimAlfartosy
الشاعر عباس فاضل القسام
@olpkp
الشاعر محمد الساعدي
@qwqqed
الشاعر علي الزاملي
@Ailast
الشاعر علي ياسين اللامي
@Aliyaseen8
الشاعرة ام زهراء الكعبي
@omzahraaalkibe
الشاعر كرار الغزي
@karrarr999
الشاعر خالد مسلم الحلفي
@kaledalhalfi
الشاعر محمد مسلم الاسدي
@mohmed_moslem
الشاعر حسين الخزعلي
@ch2Hs
الشاعر عمر العارضي
@hpp_50
الشاعر فالح العامري للمواليد
@falehalameri111
الشاعر والرادود سيد علي الحسيني
@Aliodaae
الشاعر رائد الاسدي
@raedalasady
عباس العبودي الواسطي
@Alabbodi
ديوان المنظورات الكربلائي
@KazemManzourAlkarbalaei
الشاعر علي مهودر الحمراني
@Alhmrane
الشاعر علي قصي الركابي
@Qusayalr
صرخة العقيلة
@zhrhzahraa
الشاعر مصطفى النائلي
@wwaspqtt
الشاعر سيد محسن الجابري
@saedmohsenjabere
الشاعر والرادود عبدالباسط الخزاعي
@abdolbasot_alkhazaei
الشاعر سيد محمد السعبري
@ashggjd
الشاعرة ام علي المالكي
@cdeut
الشاعر حسين الباوي
@Abuas994
الشاعر عمار الفاطمي
@kadeemalzhraa
الشاعر احمد الحيدري
@a_alhaideri
الشاعر عباس الشويلي
@jhfdryhdsf
الشاعرة ام زهراء الكعبي
@omzahraaalkibe
الشاعر حسن غانم العبادي
@hassanalabadi33
الشاعرة ام سيف الزبيدي
@RR775
الشاعرة طالبة الزهراء ( ع)
@sultan_zman
الشاعر السيد محمد الموسوي
@qwertyuiopasdfghjklasdfbnm
الشاعرة ام الحسن  الزيدي
@umalhasn
لوعة رقية
@loahroqaiah
الشاعرة هالي نور
@gftergr
الشاعر عباس محمد الحميداوي
@qs3qw
الرادود ابو سجاد الجعفري
@abosajadaljafre
قصائد زنجيل
@alhusseinabaabdlah
الشاعر ذو الققار الخفاجي
@zfk313
الشاعر كرار الزهيري
@uyyrew
عباس محمد الحميداوي
@qs3qw
الشاعر ابو سجاد الجنابي
@aljanabe313
الشاعرة ام كرار الشبابي
@krsnta21

الشاعر سيد علي الموسوي الكربلائي

22 July 2023 18:17

https://youtube.com/shorts/MjZf3YDCueo?feature=share

كلمات الشاعر
السيد علي الموسوي الكربلائي

الشاعر سيد علي الموسوي الكربلائي

18 July 2023 13:38

عكيلي فاطمه العليله


يا بويه فراكك سابيني

يالوالد من بعد غيابك
انتظرك بدموعي ابابك
اشتاگ و اشتم بثيابك
والمدمع ما فارگ عيني

اعليله وحنيت اعله الوالد
الله ايصبر كلمن فاكد
والليل اعله دموعي شاهد
والوحدي ليش مخليني

كل فرض بدمعات اتضرع
يارب الوالد هم يرجع
متجرحه اعيوني امن المدمع
ما واحد يمي يواسيني

شمعات فراكك كل ليله
اعلكها و انطر للعيله
ومن غيابك روحي اعليله
وبس شوفك بويه ايداويني

كل ليله اترقب واتمل
ضعن يعود ورايه ومحمل
شتحمل بعدك شتحمل
وخلافك دمعي يسليني

وكل يوم بآلام اوونه
لعبدالله اشتاقيت وسكنه
لرقيه وشوفتها اتمنه
اتحسر والهم واليني

والزينب مشتاقه العمتي
يمته ترد وتهود ونتي
خلص بدموعي كل وكتي
ومصايب عمتي اتاذيني

كون العباس يضل يمي
عمي ومحتاجه لجف عمي
تبرة جروحي ويبرد همي
وجفوف الكافل تحميني

الشاعر سيد علي الموسوي الكربلائي

الشاعر سيد علي الموسوي الكربلائي

15 July 2023 10:47

ميمر الانصار عليهم السلام
درس الوفه امن الانصار الحد هالوكت آثاره
……
اخذ الدرس منهم و بيه اتمعن
أنصار معدنهم درر بل أثمن
واحدهم بإسم الحسين اتحصن

فرزنهم حسين وشاف غيره واوفه انصاره
_
كل واحد البيهم جبل ما ينهز
وكل الوصف بافعالهم تتعجز
طف كربلا لو بارزو تتهز هز

عالحگ بقو ما يثنون ولجل السبط نغاره
__
نور اعله نور وللحرب طلابه
سوح الوغه عجعج دمه ويه ترابه
الواجهم بورطه يضل وشجابه

ومشهد حبيب ويه الگوم خله الزلم محتاره
__
فتيه ونعم منهم مهابه ونوماس
اگبال الخصم ما دنگو عالي الراس
مسنوده بالرايه ويمين العباس

سبعين فارس مهيوب هز الحرب واكتاره
__
طف كربلا مال وتعدل ساسه
والعدو بالگوه يجر أنفاسه
امن الرعب ضل الجيش لازم راسه

صارت جثث ويه الروس تتطاير امن الغاره
__
قسموا قسم لحسين بالروح ودم
كلمن يدوس الحد ابد ما يسلم
والما علم هاليوم خله يعلم

تاره يحصدون الروس و تسحگ جثثهم تاره
__
وهوسو يم الخيم والكون أعجب
محد يمس احدود خيمة زينب
بوجودهم زينب فلا تتغرب

موقف شرف بخط ادموم وبكل دهر تذكاره
__
الشاعر سيد علي الموسوي الكربلائي

الشاعر سيد علي الموسوي الكربلائي

15 July 2023 10:46

موشح مسلم ابن عقيل عليه السلام

مسلم اعله الكوفة شد بغيرتة
و انطوت اركانها من صولته
……
يرعد ومالت نواحي الكوفه
تسولف بقصة حرب معروفه
مسلم ومن يسلم امن جفوفه
ومن علي الكرار ماخذ شمرته
……
مسلم الما هاب كثره ولا خطر
بوحده يواجه الوف ومنكسر
من صفاة المرتضى وجف الگمر
وجن ابن عمه الحسين بهيبته
……
الكوفه محد واجها من هالزلم
اليدنه جان برمشه يصبح ينعدم
اجهنم وهاجمهم بجفه هجم
حيرة حيرهم بسيفه وخزرته
…..
ذلهم و ما يرجع اليمه يمر
داس عدوانه وتولاهم سطر
مسلم الراواهم انجوم الضهر
وخسف كاع المعركه من شيمته
……
توله عدوانه ويراويهم عجب
وحول الميدان نار امن الغظب
تعب ابن زياد سيفه وما تعب
تدوي باذان الإعدادي صيحته
……
وحده ايواجهم وشل الخصم
ويوم مسلم ضل أثر حد العضم
ضووگ الفرسان ساعات الهظم
رغم گلبه الضامي توجع ضربته
……
بلا سند بس طوعه جانت تسنده
ما رجف دلالها من العده
تشوف مسلم بينهم ضل وحده
وبالغدر يا وسفه طاح بحفرته
……
الشاعر سيد علي الموسوي الكربلائي

الشاعر سيد علي الموسوي الكربلائي

25 May 2023 19:50

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300عضو فما فوق
━━━━━━━━━━━━━━━
للإشـــتِـراك 👇🏻.

التواصل مع  @ahmed_alziwar0

قناة خاصة بتلحين القصائد

/channel/+PZwpTt2HLXcvUQZh

------------------------------------------------------

1/الشاعر احسان الحميداوي
@ahssan313
2/الشاعر حسين لؤي العتابي
@Hussein110033
3/الشاعر جعفر عطية البزوني
@Jaffarattea
4/الشاعر هادي السلامي الكاظمي
@hadialsa
5/الشاعر السيد علي الكربلائي
@alialmoosawe
6/الشاعر هادي الساعدي
@had_jaa
7/الشاعر علی جباري
@damethezen
8/الشاعر محمد الجوراني
@algorane
9/الشاعر الحسيني علي مظلوم
@Aljnahe
10/الشاعر  سيد سعد الفحام
@saidsaad11
11/الشاعر محسن الجنابي
@mhsui
12/الشاعر امير السعيدي
@dhjgdsswfgh
13/الشاعر محمد الجوراني
@algorane
15/الشاعر نسيم الحميداوي
@NasimAlhamdawi
16/الشاعر رياض الرسل الجابري(قصائد خاصة للسيدة نرجس
@narjskaton
17/الشاعر مهند الدريساوي
@Alfoatm9
18/الشاعر ذو الفقار الزيدي
@dhwlfqr
19/الشاعر ضرغام الجابري
@hususn1
20/الشاعر جبار عبد الزهرة
@ALshoely12
21/الشاعرة نور الهدى الشويلي
@lIAUAlI
22/الشاعر ام رائد زوين للمواليد
@noor93s
23/الشاعر سيد محسن الجابري
@saedmohsenjabere
24/الشاعرة ايمان الزهيري
@Emaanelzharii
25/الشاعرة العلويه ام حسين الحسيني
@OmHussinAlHassani
26/الشاعرة ام حوراء البركاوي
@qwerrtt76
27/الشاعر محمد المشعلاوي
@Mohammed_almassl
28/الشاعر علي موفق القزاز
@alimwafaq94
29/الشاعرة الملا جنات الحسناوي
@dchhtg
30/الشاعر علي خيري العبادي
@AliAliAlabady
31/الشاعرة ام قاسم الشمري
@hhgtfc
32/الشاعر ابو اسحاق الفحام
@aboashik
33/الشاعر عقيل الكاظمي
@alshaeraqeelalkadhmi
34?/الشاعر والرادود سيد محمد الموسوي
@sadmhamd
35/الشاعرة ام وسام
@Ali45445
36/الشاعر علي النائلي
@Ali_Anaily000
37/الشاعر جبار عبد الزهره الشويلي
@ALshoely12
38/الشاعرة ام زينب الواسطي
@Fatimids89
39/الشاعرة ام حسين المحمداوي
@aaaadrfqe
40/مريم العبودي
@dtyruFteRqejkvuccdsqiopkm
41/الشاعر علي الاحسائي
@ehhhnb
42/الشاعر ابواياد البيجاوي
@mhsn1955
43/الشاعره ام نور الميسانيه
@Aleulawiuhamnuwr
44/الشاعرة ام محمد باقر الفحام
@yamahdy4444
45/الشاعرة ام مصطفى الاسدي
@jgapun
46/الشاعرة الحاجة ام محمد الكناني
@ALHUSSEN_M
47/شاعرات العترة
@ttrre
48/الشاعرة ام روكان الشمــــــريه
@eimahde
49/الشاعرة ام سيف الزبيدي
@RR775
50/الشاعر ذو الفقار الزبيدي
@dhwlfqr
51/الشاعر عمار الساعدي
@Amaar37
52/الشاعر علي عباس العيساوي
@aliashghinah2
53/الشاعر عباس فاضل الشمري
@abbas_daher
54/الشاعر جعفر البديري
@jifrrham
55/الشاعر علي صيوان التميمي
@alisaioan
56/الشاعر ابو عقيل الناصري
@aa_ad9
57/الشاعر أنور السباهي
@Anwernaser
58/الشاعر اسعد قاسم االكريعاوي
@asaad8417
59/الشاعر سجاد جاسم الفرطوسي
@sajadjasimAlfartosy
60/الشاعر عباس فاضل القسام
@olpkp
61/الشاعر محمد الساعدي
@qwqqed
62/الشاعر علي الزاملي
@Ailast
63/الشاعر علي ياسين اللامي
@Aliyaseen8
64/الشاعرة ام زهراء الكعبي
@omzahraaalkibe
65/الشاعر كرار الغزي
@karrarr999
66/الشاعر خالد مسلم الحلفي
@kaledalhalfi
67/  الشاعر محمد مسلم الاسدي
@mohmed_moslem
68/الشاعر حسين الخزعلي
@ch2Hs
69/الشاعر عمر العارضي
@hpp_50
70/الشاعر فالح العامري للمواليد
@falehalameri111
71/الشاعر والرادود سيد علي الحسيني
@Aliodaae
72/الشاعر رائد الاسدي
@raedalasady
73/عباس العبودي الواسطي
@Alabbodi
74/ديوان المنظورات الكربلائي
@KazemManzourAlkarbalaei
75/الشاعر علي مهودر الحمراني
@Alhmrane
76/الشاعر علي قصي الركابي
@Qusayalr
77/صرخة العقيلة
@zhrhzahraa
78/الشاعر مصطفى النائلي
@wwaspqtt
79/الشاعر سيد محسن الجابري
@saedmohsenjabere
80/الشاعر والرادود عبدالباسط الخزاعي
@abdolbasot_alkhazaei
81/الشاعر سيد محمد السعبري
@ashggjd
82/الشاعرة ام علي المالكي
@cdeut
83/الشاعر حسين الباوي
@Abuas994
84/الشاعر عمار الفاطمي
@kadeemalzhraa
85/الشاعر احمد الحيدري
@a_alhaideri
86/الشاعر عباس الشويلي
@jhfdryhdsf
87/الشاعرة ام زهراء الكعبي
@omzahraaalkibe
88/الشاعر حسن غانم العبادي
@hassanalabadi33
89/الشاعرة ام سيف الزبيدي
@RR775
90/ الشاعرة طالبة الزهراء ( ع)
@sultan_zman
91/الشاعر السيد محمد الموسوي
@qwertyuiopasdfghjklasdfbnm



قناة مؤسسة منبريون للنعي والالحان فقط👇👇

/channel/+P0VV4bLqtzuKdcQS

الشاعر سيد علي الموسوي الكربلائي

20 April 2023 22:56

قريبا نشر قصائد محرم مع الالحان
للاشتراك. بالقناة اضغط على الرابط
/channel/+QYhwKvqAiD7e_b1P

الشاعر سيد علي الموسوي الكربلائي

20 April 2023 11:38

يوجد لدينا تحظيرات محرم
1- زيادة مشاهدة اليوتيوب10 الف فما فوق
2- ترويج مقاطع الفيديو على الفيس بوك 100 الف فما فوق
3-زيادة متابعين قنوات التلجرام 200 مشترك فما فوق
4- زيادة متابعين حساب الانستا5000 الف فما فوق
5- عمل فيديو كليب وانت كاعد بالبيت
للتواصل @ahmed_alziwar0
واتساب 07732320742

الشاعر سيد علي الموسوي الكربلائي

01 December 2022 19:37

البقيه بعمرك و مأجور يالمهدي بمصاب امك
چم ثار البقه ايتناك وثار الضلع كل همك

امن البسمار
عندك ثار
ومصيبة فاطمه تألمك
……
العجل يالغايب امتانيك الضلع والمحسن اللي طاح
تعلم بالجره اعله الباب و أثر دم الكسر ما راح
الكون اهتز على الي صار الوحي ون لفكدها وناح
يغايب لحد هذا اليوم تسمع حيدره من صاح

امن البسمار
عندك ثار
ومصيبة فاطمه تألمك
………
يبو صالح ضلع امك تهشم وانصطر خدها
ونار انشبت اعله الباب وغير الصبر ما عدها
النبي وصه بعترته وصار عكس الذي واعدها
انسلب حكها و فدك غصبوه وبيت الحزن شاهدها

امن البسمار
عندك ثار
ومصيبة فاطمه تألمك
……..
يمهدينا الخبر عندك بيوم الهجمت العدوان
جهلو كل قدر هالدار وصنم متستر بايمان
الأول ظهر احقاده والثاني يشب نيران
من كلمة وان تبدي المصايب والدمع طوفان

امن البسمار
عندك ثار
ومصيبة فاطمه تألمك
……….
يغايب جدك الكرار تكيد وبصبر ملزوم
اكبال عيونه شاف الصار ودموعه تصب ادموم
انكشفت كل حقايقهم واضح أصبح المظموم
وحقدهم مستمر لليوم وغدرهم منفضح للدوم

امن البسمار
عندك ثار
ومصيبة فاطمه تألمك
……..
يمحجوب الضلع ينخاك ويتناك اعله جمر الهم
الباب المنها فتحت بوب الغدرهم وانته هم تعلم
كظو بين الذبح مولاي ومابين الغرب والسم
وانته بكل وكت مهموم بمصاب العتره تتألم

امن البسمار
عندك ثار
ومصيبة فاطمه تألمك
………
وبعد يالمنتظر ثارات الجدك والهشم صدره
وثارالعالرمح راسه وجثته اموسده الغبره
وبعد عمك كمر هاشم وكل اوصاله الموذره
ودموعك تهمل ابكل يوم عله اللي مشت متيسره

امن البسمار
عندك ثار
ومصيبة فاطمه تألمك
…….
سيد علي الموسوي الكربلائي

الشاعر سيد علي الموسوي الكربلائي

29 October 2022 17:45

(كعدية) للزهراء عليها السلام

بخيمة خدمتج اندعي اتوفقيني
بخيمة خدمتج فاطمة اتثبتيني
الباري خص ايامج
رحمته لخدامج
وفقيني
……..
فاطمة بموسم عزاها تحظر بدمعه جريه
ادور من مجلس لمجلس بهاليالي الفاطمية
توگف اباب المئاتم وللخدم تمنح هويه

تحظر المجلسها بألم
وتوثق اسماء الخدم
رادود ناعي والطم
ونضره من عدها الهديه

من خيرج نعيش فضلج مغطينه
من خيرج نعيش و خدمتج تغنينه
وبصدرنه وسامج
رحمته لخدامج
وفقيني 1
……….

تحظر ومحني ضلعها واليواسيها تسمعه
و الحضر مجلسها لاشك وية ابو اليمه تجمعه
تحت خيمتها تلمنه وتحصي منه دمعه دمعه

وشكبر حظي أصبحت
خادمها بالفطره صرت
وياها ما مره حرت
وحق رب الرفع سبعه

تحسدني الأملاك اخدم المضلومه
تحسدني الأملاك بجبهتي مرسومه
بصمه من ابهامج
رحمته لخدامج
وفقيني 2
……..
بحر جفها الماله تالي تنطي كل حاجه ضعفها
دمعه وحده وتكفي منك الجنه تدخلها بعطفها
والذي مكسور كلبه ما ترده تمدله جفها

متقصر لكلمن سأل
متخلي واحد عالامل
وياك حد يوم الأجل
فاطمة شاعظم وصفها

خليني وياج من ضمن حاشيتج
خليني وياج رزقي من جف ايدج
ترف تبقه اعلامج
رحمته لخدامج
وفقيني 3
……….

الخدمه ويه الزهره مكسب ربح دوم بلا خساره
والذي بهالدرب يسلك خله يسمع هالعباره
باجر الزهره تعبره وعلي يكون بانتضاره

بس كون تصفه نيتك
هالخدمة خلها غايتك
ومن عدها تاخذ حاجتك
تنول كلشي بكل جداره

ام عالخدم دوم فضلج مغطينه
ام عالخدم دوم. نضره بس تكفينه

بهالعمر مادامج
رحمته لخدامج
وفقيني ٤
………

شوف وانضر منو القبلك فنه بهالخدمه حياته
عالي ضل اسمه يلالي وشاهد تضل ذكرياته
اخلص و نال اليريده وحضرت الزهره بمماته

جم خادم بخادم رحل
عن دنيته اوكته اكتمل
ضل عالي صيته وما نزل
واضحه تبقه صفاته

يالزهره انخاج دوم لتخليني
يالزهره انخاج. ضعت لو عفتيني
ابقه تحت اجدامج
رحمته لخدامج
وفقيني 5
……..

خادم الامام الحسين ع
الشاعر
السيد علي الموسوي الكربلائي

الشاعر سيد علي الموسوي الكربلائي

24 August 2022 17:01

https://youtu.be/fuebOXTh3sw

ملا مصطفى الكربلائي
كلمات الشاعر
السيد علي الموسوي الكربلائي

الشاعر سيد علي الموسوي الكربلائي

19 March 2022 08:51

https://youtu.be/saQiRmOtgFo

الشاعر سيد علي الموسوي الكربلائي

01 June 2020 13:49

https://youtu.be/fuebOXTh3sw

الشاعر سيد علي الموسوي الكربلائي

06 September 2019 07:16

يعباس يالله حظر رايتك
بعباس گوم اصنع خيمتك

يالله يابو الغيره منك رايده تعاهدني
حان وكت البيه ابويه ليمتك سلمني
مثل ما تاخذني كون بچفك ترجعني
خويه يابو الغيره اعرفك والله ما تتركني
يعباس فدوه اروح ليمنتك 1

اعرف اطباعك يخويه اني المربيتك
وتكبر بعيني واشوفك وشكثر تانيتك
واذكر بيوم الحملتك وبالحضن خليتك
واني من يوم الي شفتك يالوفي سميتك
يعباس من الطفوله شيمتك 2

غالي عندي واغله مني واشم بيك أنفاسي
بيك اشوف دوم ابويه وبيك أحس احساسي
ما أذكرك يا بو فاضل واعتقد ما ناسي
رايتك لو ودعتني راح أشدها براسي
يعباس بيدي الزم جربتك 3


انه اعرفك بالكلايف غظب الله بسيفك
واحد انته كبال عسكر والعدد ميخيفك
ما تشيلك كاع والله لو فزعت لحيفك
تقبض أرواح وتذلها الموت صار بكيفك
يعباس بدت خويه ساعتك 4


شفتك بوسط الحرايب عالجثث تتبختر
يندم اليدناك والله عليك ياهو اليكدر
والعده احتارت تنادي رد علينه حيدر
والأرض بدموم غرگت صار يوم المحشر
يعباس كلها هابت هيبتك 5

هالعده تنادي دخيلك لمن يشوفونك
الدنيا كلها اتصير حمره بخزره من عيونك
تغير ألوان الطفوف وما تغير لونك
ما تعب زندك واشوف اعداك ميهمونك
يعباس ما تثني بضربتك 6


لو رحت يالغالي ارجع هيبتي بوجودك
عيني مشبوحه عليك ورايتك وزنودك
يا شهم رد للمخيم يالوفيت وعودك
هلشمر يتمنه بعدك يدنه يم حدودك
يعباس الحرم كلها بذمتك 7


خايفه عليك برحيلك ما ترد لخيامك
وعالنهر توگع صريع أبين جور أيامك
يوصلك لو تهوه جثه رماد حرگ خيامك
وما اضن تفزع إليه گوه مابجدامك
يعباس صعب أشاهد حالتك 8

تمت
خادمكم سيد علي الموسوي الكربلائي

الشاعر سيد علي الموسوي الكربلائي

05 September 2019 05:21

يا سلام الله على جاسم ايه للحب لو توصف
حاير بأمرين شفته لو عرس لو جثه بالطف
راح للزفه وبطفه مكتوبه المنيه
راح يم عمه وكل همه مكتوبه المنيه

......

قصة حب عجيبه .. والحاله غريبه
فرحه ويه المصيبه .. وشيجيبه .. عني لو راح

صح چن عمره ورده .. بالف فارس أعده
ضيم اعله اليضده .. وشيرده .. الماي لو طاح

غيره امن الهواشم .. بحب حسين هايم
عينه اعله الفواطم ... يرد سالم .. ويه الافراح

بس اعرف صفاته .. لا ميعز حياته
فرحان بمماته .. وشحلاته .. شمس مصباح

تارك بأيدي وصيه ومن الدمع ثوبي تخضب
يگلي يا يمه مصابي يهون عن مصاب زينب
شاف بالحومه مرسومه ساعات الوصية
راح يم عمه وكل همه مكتوبة المنيه

..........

نضرة عينه جنه .. وبغيره تعنه
وكاتب من الحنه .. شما تمنه .. فوگ الچفوف

يتمنه المنيه ... بأرض الغاضريه
عينه تصد عليه .. والاذيه .. لمن يشوف

يحچي بعينه چلمه .. و يگلي ييمه
چفچ خل الزمه .. و آرد اشمه ودمعه مذروف

وصاني بوصيه .. يمه بهالمسيه
جثتي تضل رميه .. عالوطيه .. بين الصفوف

يمه لو خلصت حياتي فدوه لحسين وعضيده
الفاتحه اقري عليه الغيبه لو صارت بعيده
راح اتوكل واتحمل يا يمه الاذيه
راح يم عمه وكل همه مكتوبة المنيه

........

سالم يمه ريتك .. ترجعلي نخيتك
بس انته الحويتك .. والمنيتك .. تمشي هاليوم

صح هذي الإمانه .. تحط كلشي بمكانه
يا يوسف زمانه .. امك انه .. وگلبي مهموم

لتطول رحيلك .. وين الگه بديلك
بنص روحي اشيلك .. واشتكيلك .. والحزن دوم

اغله من حياتي .. يا قبلة صلاتي
يا كل امنياتي .. يالمماتي .. گبلك إيحوم

لا تصدگ لو عفتني ابقه مرتاحه بزماني
عيني متعوده عله شوفك لو رحت عميه تراني
بيك أحلامي أيامي يا جاسم زهيه
راح يم عمه وكل همه مكتوبة المنيه

........

يا اغله الغوالي .. بيك الرأس عالي
يا عمري ودلالي .. يضل سؤالي .. يبني شتريد

رايد ثوب عرسك .. بچفوفي البسك
وادعي الله يحرسك .. يلي حسك .. فرحة العيد

گول اطلب ييمه .. منك ولو چلمه
گلبي ويه دمه .. ليك اسلمه .. ولو شنو تريد

شموعك بالصواني .. هلهوله وتهاني
واليومك اتاني .. يا حناني .. ونبض الوريد

راح اطش ورد السعاده وفرحتي ماضنها تكمل
ابالك الفرحه الچبيره لو هويت اووذر ترحل
لا تتأخر ما اگدر تتركني سبيه
راح يم عمه وكل همه مكتوبة الوصيه

........

اعرف كل صفاتك .. يا روحي وغلاتك
منذوره حياتك .. وبمماتك .. تذبل اورود

شفتك بالحرايب .. سويت المصايب
تصنع بالعجايب .. والكتايب .. عنك شهود

ترباة الفوارس .. وبسيفك مدارس
بيك احتار عابس .. ما تنافس .. اله بالجود

محتاره زلمهم .. وبكثرة عددهم
ما تندل دربهم .. عذبتهم .. ناوي وبزود

يا حسين تنادي بالطف زلزلتها الگاع بيهم
ولو تنادي يبو فاضل والله ما تلحگ عليهم
نار نضراته وصولاته بالطف حيدريه
راح يم عمه وكل همه مكتوبة المنية

........

يالضحيت دمك .. لجل حسين عمك
شي وصلني يمك .. أرد اشمك .. روحي وياك

يبني شلون اشوفك .. دم حنه چفوفك
بالمدمع اطوفك .. ما اعوفك .. يــــمه انخاك

وجروحك اعدهن .. محتاره شيشدهن
بعيوني شفتهن .. تجري كلهن .. دمعي اذاك

شيبني مصابك .. اشايف من شبابك
الموت ولا غيابك .. وبعذابك .. يبني منساك

إحظنتك بكثرة جروحك وسلمت بيدك وصيه
طلبتي بالجنه يبني خل مكاني ويه الزچيه
آه دعتك يالعفتكم مرمي عله الوطيه
راح يم عمه وكل همه مكتوبة الوصية


..........


سيد علي الموسوي الكربلائي