987
صلة رحم خدمتي وياكم لوعفتكم بله وين الكاكم صرتوا اهلي وكلشي اليه اعز من روحي عليه للتواصل مع خادم الزهراء عليها السلام الشاعر علي النائلي يرجئ التواصل علئ الرقم 07828746369 تلگرام - واتساب
اليزور حسين. عارف بحقه
في سند ثابت يثبت بصدقه
فوز في يوم النشور بحقه كل عارف يزور
عارف بحقه
==========
اليزور حسين متعني لضريحه
بهل حجي عدنا روايتنه الصحيحه
كمن زار الله في عرشه ومقامه
هالحقيقه واضحه وكلش صريحه
جنه مو من القبور بحقه كل عارف يزور
==========
الكاصد وعنده علم عنده درايه
عن زيارة سيدي هاي الروايه
عن امامي الصادق وهذا حديثه
وهالحديث بوحده هو كفايه
شمس مابين السطور بحقه كل عارف يزور
==========
بالعمر واجب فرض عدنا الزياره
عن يقين وإلها ماخذنا استخاره
من اساس الدين واركانه وجوباً
عن روايات المشي موضح قراره
شما تمر بينه الدهور. بحقه كل عارف يزور
==========
خذنا من حسين دستور الحقيقه
للعلي نوصل لمن نمشي بطريقه
هو ثبت دين جده من دمائه
حين دمه ابكربله بالطف اوريقه
لسه دمه ظل يفور بحقه كل عارف يزور
==========
ياشمس ماينحجب ويشع ضواها
الدنيا لوماحسين يخنگنه هواها
انت سلطان القلوب وماكو غيرك
إزيارتك جنه فلا شفنه سواها
شمس للدنيا تنور. بحقه كل عارف يزور
=========
الشاعر علي النائلي
فوك الهزل جتفوني. يابويه مارحموني
انه العليل بلا رحم بدرب السبي عذبوني
==========
انه العليل بكربله شاف الرزيه
انه الكضوا أهله ذبح بالغاضريه
الزاد الألم فوك المرض والعِلّه بيه
اخت الكمر من صاحو اخذوها سببه
فوك المرض اذوني بالسوط من ضربوني
بالروح خلو جم سهم بدرب السبي عذبوني
==========
جتفو اديه بالحبل زادت حسرتي
والسلسلة من الثكل حزت رگبتي
دم الجفن ينزل دمه سالت دمعتي
ارجف يبويه عل الهزل وبروحي عِلتي
دم الدمع بعيوني. أصعب جرح راووني
حيلي عله النوك انهدم بدرب السبي عذبوني
==========
عماتي من مرن عله القتله يصيحن
عالجثث من فوك الهزل رادن يطيحن
بسجن يعماتي عله النوك استريحن
انكسر گلبي لعمتي والحادي ماحن
يابويه من اخذوني بگلبي تره لجموني
سار الضعن وبلاعَلم بدرب السبي عذبوني
==========
انظر عليها عالهزل تنظر عليه
مجتوفه وتون مانشف مدمع رقيه
جنها تكلي من الحبل فكهن اديه
جم مره يابويه بألم شفت المنيه
بدلالي من صابوني والسوط صاب امتوني
بمتوني وبگلبي الالم. بدرب السبي عذبوني
==========
ليل السبي لمن يمر ويهيج الآلام
تبجي اليتامه من الألم ماتكدر تنام
بتنه بخرابه ياوسف ماعدنا اخيام
والصعبه جانت عالحرم طبينه للشام
بذاك القصر دخلوني وسط القصر جروني
وانده يحماي الخيم بدرب السبي عذبوني
==========
رحلة عذابي ولوعتي وغصت حياتي
جرحي فلا يشفه ابد لساعة مماتي
انزف الم من الهضم كد نايباتي
بالسم ختم عمري الألم ساعة وفاتي
بسم الحقد سموني انزف الم تركوني
من الألم جبدي انجسم بدرب السبي عذبوني
==========
الشاعر علي النائلي
https://youtu.be/WgQ0cZLUzzU?si=_LWEIxQRh7jBUykJ
Читать полностью…
https://youtu.be/8acGOSMq18g?si=E4Rjx0hnqMFCoZ2m
الوداع الوداع
ملا جعفر الشبكي
الشاعر علي النائلي
https://youtu.be/j6nFV_-NDOk?si=LFZ17d90OmksF1Cl
ودعته وكسر ظهري
أداء الطيب صباح الابراهيمي
الشاعر علي النائلي
ليلة مولاي مسلم ابن عقيل
لدفن الأجساد الطاهره
حيرني أبوي وحيره بالروح
من مكفاه يويلي إلكيته مذبوح
المصيبه خنصره ماهو بالايد
مذبوح واحسه لزينب يريد
==========
من أرض الغري متعني بهوم لرض الغاضريه
جيت وگلبي نار وحيل ملجوم من عظم الرزيه
وصلت الطف لكيت حسين ياحيف عاري اعل الوطيه
مذبوح وسليب وضامي ياناس خليته اعل اديه
خليته بديه ودمعي بالعين
حاجيني كلتله بويه يحسين
نار البل گلب يابويه مَتهيد
مذبوح واحسه لزينب يريد
==========
شكثر بيه السيوف الظاله هواي آثار البواتر
ولكيت بصدره حفره والله ياناس من سحك الحوافر
الحوافر كَسَرّنها اظلوع الحسين ظل يكسر الخاطر
ألمنه وذر متوذر شلون نار وگلبي فاير
متوذر والمه حاير بهاي
لواشرب ابوي الماشرب ماي
الذباحه الضمه ياماي اله يفيد
مذبوح واحسه لزينب يريد
==========
بكفاه جني طلت نظرات العيون واني بگلبي حسره
الشمر جني اشوفه طابر حسين يويلي اثنعش طبره
كاعد عالصدر والشيب مخضوب لحيته كلها حمره
من دمه يخضب شيبه الحسين گلبي شنهو صبره
والدم بلحيته شيبه مخضوب
مذبوح اعل وجه لكيته مگلوب
من انذبح عمي عنه ابعيد
مذبوح واحسه لزينب يريد
==========
خنصر والدي مگطوع ظليت ادور خنصر ايده
عليل ومن يساعد حالي ياناس والخنصر يعيده
جَمَّعته وذر بالكوه خليت جسمه وي وريده
بيدي رجعتها اظلوع الحسين وحق امه الشهيده
ياماي التبده لمته شلون
شجاوب من ارد لعمتي ام عون
اخوج بكربله مگطوع الاوريد
مذبوح واحسه لزينب يريد
==========
اعل صدري وسد ابني گلي ياناس من إحفرت گبره
بلحد واحد دفنته والدي وصار عبدالله اعل صدره
اوسده شلون ابويه وهو مذبوح شخلي جوه نحره
هالمنظر جرحني وزاد الاونين خنكت صدري عبره
رديت وهضمني دفنه ياناس
مثل مارد ابوي بفگد عباس
الحك ياعلي لإبنك أيا حيد
مذبوح واحسه لزينب يريد
==========
الشاعر علي النائلي
بعد ما تحتاج تنشر قصيدتك بغير قناة انشرها بقناتك ودز الرابط فقط واحنة انروجها اعلان حقيقي عراقي مشاهدات او مشتركين للتواصل
@ahmed_alziwar0
https://youtu.be/FBWjqkqbmvU?si=QgDPEg5sFHHxiRrW
للحرب لمن برز
أداء ملا علي رافد الزهيري
الشاعر علي النائلي
https://youtu.be/3iTuom6TqiY?si=0V1sAA_YyUJ2mmfu
Читать полностью…
https://youtu.be/5cUjVpEnyB4?si=Qru5QVXHzDnOmIV1
طفلة مذبوحه
ميثم ال بوقرين
الشاعر علي النائلي
مملكة البحرين
ليلة مولاتي العليله
https://youtu.be/yMkSV2Irp_M?si=dlnDoMtCveZC1eTO
Читать полностью…
وداع الإمام الحسين عليه السلام مع عيالهِ ليلة العاشر
==========
هاليله ابو سكينه ماغمضت عينه
وداع العايله. وداع العايله
==========
وداع ابلا امل وداعه وي الاهل
وداعه جن يطول وداعه لعيلته
يصد اعل الخيم عكب ذاك العلم
صبح عاشر يكول جبيره مصيبته
صاح الكمر وينه ماغمضت عينه
وداع العايله
==========
الألم ماينوصف الدمع جنه نزف
يبوفاضل يصيح يخويه بحسرته
صعب باجر تره الفواطم حايره
إذا واحد يطيح تألم كسرته
ماتنسي اسنينه ماغمضت عينه
وداع العايله
==========
ابو اليمه بألم كعد بين الحرم
علئ زينب نظر تِطَّوّل نظرته
علئ سكينه بدمع اعل خوله منفجع
لرقيه من يصد شكبرها لوعته
مايگطع إونينه ماغمضت عينه
وداع العايله
==========
يسولف جم جرح. إذا طر الصبح
علئ صدري تجول حوافر عالصدر
اطيح من المهر انا بوكت الظهر
يزينب وشأكول الئ الله الأمر
عدمن تخلينه ماغمضت عينه
==========
يزينب لوطحت لخيامج التفت
يبت حيدر علي بوداعي كسرتج
علئ خيامج اصد العساكر من تهد
ولااكدر اكوم شوصف حيرتج
صاحت يحامينه ماغمضت عينه
وداع العايله
==========
شسولفلج بعد. يزينب والأشد
الشمر لمن اطيح إيتربع عالصدر
الذبح من الكفه تره ذبحي صفه
منو مثلي ذبيح الرمل يجوي النحر
إحسينج تودعينه. ماغمضت عينه
وداع العايله
==========
السوالف من دمه تره بوكت الضمه
العطش ماينحمل خذتني كربله
فطر جبدي العطش نبض گلبي انكمش
وانا بصدري النبل ينبلة حرمله
من كربله البينه ماغمضت عينه
وداع العايله
==========
وصيتي لحضرتج بغلات امحبتج
يخويه من انذبح. دضمي دمعتج
تره غالي الخدر. ولااريد الشمر
يعاين مدمعج اثبتي بقوتج
خلي الجرح بينه ماغمضت عينه
وداع العايله
=========
الشاعر علي النائلي
ليلة مولاي عبد الله الرضيع عليه السلام
ميت والوليله وبحسره اناغيله
عبدالله اكعد ليه بعيوني أفَيِّله
==========
من جابه الحسين واجه خليت ابني بحضني
لوليتله بدمعي وصحت عبدالله اكعد يبني
ياشمعة اسنين العمر تكبر ييمه وضني
ضني تجازي ارباي الي بيدك ردت تدفني
ماردت ادفننه بس ردت اشربنه
وشسوه جرحك بيه بعيوني أفَيِّله
==========
ماحسبت يمه ابد ذبحك يصير اكبالي
ماجانت أبالي تره وهسه خذت كل بالي
من عمرك اكبر هالسهم سهمك شسوه بحالي
ميت بحضني مانمت موتك جرح يبرالي
شيضمد اجروحي. ياللي خذت روحي
والفركه مره عليه بعيوني أفَيِّله
==========
غصنك يبس من النزف ومخضره بيك النبله
ذبحت وريدك ياترف هالنبله ابد موسهله
ذبلان ياوجه الشمس وياك گلبي امذبله
من مثلي يمه بالخلك ميت ابنها ويحله
بس فكهن عيونك خل اعرف شلونك
ذبلان بين إيديه بعيوني أفَيِّله
==========
حاولت يوليدي اشكثر ايدي امدها وارجع
بس كون اطلع نبلتك شكد حاولت ماتطلع
اكسرها لو اسحبها الي خافن وريدك اشلع
نحرك اخافن ينگطع گلبي وعلي يتگطع
بس خفت الجمنك يمه من احركنك
والنبله تكتل هيه بعيوني أفَيِّله
==========
ظليت اعاين رگبتك كلش ذهلني المنظر
محفوره بالنبله حفر ودمك عليها مطشر
مصابك فجع حته العرش لگلب العرش جن فَطَرْ
عبدالله فك عينك الي يوليدي گلبي تحير
عبدالله موسالم. ميت فلا نايم
بنار البعد مجويه بعيوني أفَيِّله
==========
الشاعر علي النائلي
ليلة مولاي علي الأكبر عليه السلام
يمتعب ابوك بموتك. خليني اسمع صوتك
گلي عدل حته ارتاح شفتك طحت گلبي طاح
يمتعب ابوك بموتك
==========
عثر نبضي يبويه بگلبي يالاكبر
عمه شوفي بعد ماشافك موذر
كوم ارجع لخيامي وياي اذا تكدر
يبو طول الحلو حته الهوه تغير
اركض اجيتك ملهوف اعثر واكوم بلاشوف
كبالي شفت دمك ساح شفتك طحت گلبي طاح
يمتعب ابوك بموتك
==========
علي كلمة يبويه حلوه بلسانك
نزف دمك علي متغيره الوانك
اكعد ليه اجيتك بويه لمجانك
الكطع نحرك يعمري ماعرف شانك
انت النظر وانت العين وانت الهوه برية حسين
وانت الضوه بكل مصباح شفتك طحت گلبي طاح
يمتعب ابوك بموتك
==========
جبير أولادي انت وهدمت حيلي
راح من ايدي ابني بويه ياويلي
نهاري أظلم عليه والِلفَهْ ليلي
الله يصبر إگليبي علي ادعيلي
ادعيلي بويه إمروتك يأذيني تدري اسكوتك
شيب الرمش يمك لاح شفتك طحت گلبي طاح
يمتعب ابوك بموتك
==========
الزمت ظهري ومشيت لزينب الحره
الدرب للخيمه بويه بي الف عثره
الابو حكه اذا لبنه انكسر ظهره
وعلي فكدك كسرني كسرة الزهره
يامن كسرت بروحي منهو اليضمد جروحي
فكدك الم مال ارماح شفتك طحت گلبي طاح
يمتعب ابوك بموتك
==========
ضعف شوفي انهدم حيلي عِلَهْ وني
نزل دمعي انحنئ ظهري بفكد ابني
قسه دهري عليه وهالخذك مني
انهدم بيتي يبويه وشبعد شبني
بيتي انهدم وبلابيت يوليدي يمك ونيت
هم الگلب ماينزاح شفتك طحت گلبي طاح
يمتعب ابوك بموتك
==========
الشاعر علي النائلي
https://youtu.be/EJsniW6BJwo?si=clpK-3HEfuMZbYQa
Читать полностью…
https://youtu.be/HgU1j91l_co?si=PEjRhEHdEarcbdmD
وداع الحسين
أداء الحبيب عيسئ الإبراهيمي
الشاعر علي النائلي
https://youtu.be/HZoKiGAvx8w?si=ufOuXeH2S2Xz9oqn
اشم نحرك
جعفر الشبكي
الشاعر علي النائلي
https://youtu.be/cQFeUQRkD0U?si=vhgZOU8pS4id9Qka
Читать полностью…
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
https://youtube.com/shorts/OjNYJqO-KHI?si=7cN0q7-pYuoIZlVm
Читать полностью…
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
https://youtu.be/zz_sqY2IIDQ?si=KHZyRfJGRpeqvB0W
الخيل طاحت عالارض فرسانها
أداء الشيخ عارف ال سنبل
الشاعر علي النائلي
القطيف السعودية
نزلة عزاء
ولد حيدر بالحرب. سدوا اليوم الدرب
هلا بيهم يزينب هلا بيهم
==========
طبوا اليوم المعاره. كلمن ولازم فقاره
للعساكر ماكو جاره رفرفت هالرايه
نزلوا ورفرف لواهم والهوه يلوذ بكفاهم
يعمي بالعسكر ضواهم بيها دكوا ثايه
هذا اخوج اوولد اخوتج زينب وسمعو نخوتِج
لبو فاضل وصل صوتج هاي هيه الغايه
يشرد العسكر صعب سدو اليوم الدرب
هلا بيهم يزينب هلا بيهم
==========
الكمر صاح لولد اخوته والعساكر طبها صوته
كلها صارت كلها موته موت بيهم حاصل
عمي يالاكبر تقدم. وانت ياجاسم تحزم
من يصل صوب المخيم واني عمكم نازل
احنه تربات الصميده خيبره لازم نعيده
السيف خل يكتب قصيده مستهلها الكافل
اگلب الحومه گلب. سدوا اليوم الدرب
هلا بيهم يزينب. هلا بيهم
==========
الميمنه كضها بوفاضل وينكم هل من منازل
بالجثث ماخله فاصل ركاب طَيّرْ سيفه
عالجثث عباس ساحگ ظل هواهم بيده خانگ
ميه ميه بسيفه طابگ الموت صار بكيفه
يابشر هذا المحارب داس هاليوم الشوارب
دخن وطباها غاضب. وأخذ منهم حيفه
النسمه جنه من يهب. سدوا اليوم الدرب
هلا بيهم يزينب. هلا بيهم
==========
صاحله يوليدي الاكبر والهوه يدورله معبر
العسكر كباله تعثر علي طب للقاده
تنومسوا كلهم عمامه علي من جرد حسامه
ياشهم وشهل شهامه هلا ببن الساده
حيدر بصورة جماله. انت يالوارث خصاله
القاده تسلم استحاله النصر عندك عاده
قاده عالقاده تذب. سدوا اليوم الدرب
هلا بيهم يزينب. هلا بيهم
هلا بيهم يزينب. هلا بيهم
==========
الميسره كله يجاسم دوس بيها اعل الجماجم
موزغير اعل الملاحم من يصل لحدودك
يبن اخوي عليه طالع كوم شوفهم مواجع
خيبر الطف وانت قالع مثل جدك زودك
يبني طشرها الكتايب عمتك زينب تراقب
مو زغير اعل المصاعب ماتلاوي ازنودك
خل تسجل هالكتب سدوا اليوم الدرب
هلا بيهم يزينب. هلا بيهم
==========
الشاعر علي النائلي
https://youtu.be/eJWcF0FXJks?si=OR-Odvc7Nxu9A3aQ
خلنه يرتاح
السيد جعفر الموسوي
الشاعر علي النائلي
عزاء مملكة البحرين
https://youtu.be/YGxp3roStYs?si=Y3buf6QWTZakAYaZ
Читать полностью…
/channel/qweraddf123
قناة خاصه للنعي
قناة الشاعر علي الزرگاني
ليلة العاشر مصيبة. كلمن يودع حبيبه
ليلة خل تعمي النواظر والصبح يكسر خواطر
كلمن يودع حبيبه
==========
بالخيَم نزلن سوه السمه ودموع الهوه
حسين شافنه بجه هاليله من دم
الخيم وياه هم تون ليلة العاشر حزن
الكاع بالطف تبجي وياه والمخيم
الكون كله يرتجف ليله ابد ماتنوصف
والعرش هاليله من الون تألم
حسين ودع عيلته واشكبرها حسرته
حيله ابو اليمه بالموادع تهدم
شابك سكينه وحميده ونته الليله شديده
باجر اتگطعه البواتر والصبح يكسر خواطر
كلمن يودع حبيبه
==========
لزينب تعنه وحجه حسين ودعها وبجه
خويه زينب مو سهل لمن اودعج
امر الله ولامحال باجر يروح الدلال
من اطيحن عالوطيه ضمي دمعج
ظلي زينب بالخيام واني اوديلج سلام
ارفع ايدي ويستقر ياخويه وضعج
زينب وباجر صعب ايشيب من عنده الگلب
منهو يازينب بعد خويه يسمعج
والصبح زينب رزيه والظهر انتي سبيه
هالخبر جن ظهري كاسر والصبح يكسر خواطر
كلمن يودع حبيبه
==========
الليله جفنه ماطبگ گلب الحسين احترك
سمع ليله تنحب وتحجي وي ابنها
علي يمه لورحت احسبني وي موتك متت
كسر گلب حسين هاليله حزنها
لكبرتي ردتك تظل بروحي زارعته الامل
الليله ليله ماغمض لحظه جفنها
كبالي اشوفك تنذبح عسه لاطر الصبح
تموت امك ياعلي بموتك عسنها
واني هالمدمع نصيبي للذبح رايح حبيبي
من اشوفك وذر صاير والصبح يكسر خواطر
كلمن يودع حبيبه
==========
بخيمه كاروك ومهد حسين يمهن جن كعد
ضامي عبدالله وبعد گلبه شيصبره
مارضع من الضمه گلب امه ألمه
حايره امه وتشم هاليله عطره
غصن ذابل ماغفه ذبل وجهه وخايفه
ذبل عبدالله وذبل هاليله عمره
يبو السجاد وحرت ماي لوليدي ردت
حيل محتاره وحرت يحسين بأمره
بحضني عبدالله ايتلوه ماي ماعندي ايتروه
طفل مايكدر يكابر والصبح يكسر خواطر
كلمن يودع حبيبه
==========
رمله واحلام العرس وامنيات بهل النَفِس
بخيمه القاسم تره مذبوحه الاحلام
حلم ام من انذبح وحنه ماشافت فرح
هذا عريس الهواشم للذبح كام
والله گلب الوالده الليله الله يساعده
والشموع البل خيم طفتها الآلام
رمله ياجاسم نعت عينها ماغمضت
شلون ازفك للحرب يوليدي جسام
للحرب زفت ابنها تنام هاليله شتظنها
شاب توك يمه صاير والصبح يكسر خواطر
كلمن يودع حبيبه
==========
الشاعر علي النائلي
نزلة عزاء ( مولاي على الاكبر) عليه السلام
للحرب لمن برز راعيها
جنود وي القاده داس عليها
==========
شيخ وابن شيوخ ابن الساده
طب عليهم زلزله كالعاده
بيها بلش من جبير القاده
ذكرت الماضي النست ماضيها
==========
صاح بيهم صوت وإهتز الفله
الا اطشركم جثث في كربله
وينه ابن جوشن اوينه حرمله
مو زلم هالقاده واني ادريها
==========
القاده سككت لاجواب ولاقرار
وابن جوشن صاح لوذو بالفرار
ليل همه وطب عليهم جن نهار
كربله ظلمه وعلي يضويها
==========
طر عساكرهم اجه بهيئة ضوه
وكامت العسكر تدور عالهوه
كتاب بيده الطف علي اليوم انطوه
والكتايب بيده ظل يطويها
==========
عمه ابو فاضل بعد سيد الرجال
وهو ربه الاكبر ويُهزم محال
شاف فعله الدربه بيوم القتال
شاف الاكبر والعده يمحيها
==========
طشهم وذرهم وذر وبلا مفر
وداس روس القاده راوها الخطر
ظهر اكبرهم علي برجله كسر
وحالف اليوم الكفر يكضيها
==========
الشاعر علي النائلي
عَرِيسْ الطف بدماك. نهر غيره بمسراك
خذت هالروح وياك. يالولد يالولد
==========
عرس دينك احلئ دمائك زفافه
نهر انت للدين يقينك ضفافه
الكمر غطه وجه بجمال اللي شافه
الترب من تسحكه يخضر ترافه
بترافه شكد متروس نزلت اتحز الروس
الهوه خاف ومحبوس يالولد. يالولد
==========
فقيه انت بالدين بفروعه واصوله
رغم سنك ازغير. يضاهي الرجوله
علي منه ماخذ اساس الفحوله
الئ هاشم اتعود ربيب البطوله
ابن هاشم وتعود فتئ وتربات احيود
كرم وأخلاق وجود يالولد يالولد
==========
الجمال انت بالطف ييوسف طفوفه
الاعمه التجيله. جمالك يشوفه
الفرق بإسمك هواي يمحله حروفه
الجرح وبقميصك يجاسم تروفه
يشع ابوجهك نور عليك تغار الحور
صرت بالطف جن سور يالولد يالولد
==========
يسيرة نبي انت. الئ قومه مرسل
ابني اميه ياناس عذاب الله جن حل
طوه الحومه بيده فتئ وسيفه من سل
الزلم يمه نسوان الزلم يمه تنذل
الزلم يمك نسوان شبه هيبة عدنان
من ابو فاضل نيشان يالولد. يالولد
==========
نهار الطف انت. لِدِينك مناصر
يفر منك الليل. تفر العساكر
شهب وانت سجيل الكتايب تحاصر
الرعد انت والنور القيامه وي فاطر
أنزلت وانت السجيل صحف وانت الانجيل
الأرض تسحك وتميل. يالولد
==========
وجب دينك عليك امتثالاً لأمره
دمائك للإسلام تضحي وتنصره
ابو اليمه هالدين اخذ منه صبره
تقدمله نحرك فدائاً لنحره
نصر عمك يالحيد تنصره ابلا ترديد
الشهادة الكم جن عيد يالولد
==========
الشاعر علي النائلي