https://youtu.be/ILIHjGjBFwE
بيوم الغدير انوار شعت علينه
من نصب المختار حيدر ولينه
انطاك الله مرسوم .. اخذ العهد دوم
مانتركك يوم
حيدر ولينه
————
#عيد_الغدير_الاغر
#مصطفى_الكربلائي
#العتبة_الحسينية_المقدسة
يا احلى شي فوگ الأرض
يم الگلوب الصافيه
تركضلج أنفاسي بعشگ
وجدام گلبي حافيه
يشبهوج بالجنه و اضن
والجنه لا مو كافيه
هالكون اضلم صرت أحس
بس انتي لا مو طافيه
تلمينه بالحب كربلاء
وخيام عطفج دافيه
يضل اسمج لطول الدهر
الكل عله انتي الشافيه
بالخدر ادعي و بالنحر
ما بيج غير العافيه
كلمات خادمكم
يا عباس وعدك عمي وينه
يا عباس يا حامي الضعينه
___________________________
عمي عطشانه تراني و انتخيتك
من الضمه دلالي يسعر وارتجيتك
طلبتي سهله يعمي من اجيتك
يا ابو الغيره و أنه بعمري فديتك
يا عباس محتاره و حزينه
يا ضوه عيوني اجيتك چبدي ضامي
و انته كفال الضعينه و المحامي
انه ليك بدمعتي اشرح كلامي
جم طفل عطشان ينحب گلبه ضامي
يا عباس يا عمي شبدينه
يالي بيك المرجله و بيك الحميه
اعرفك وفاي متهاب المنيه
بالخيم جم طفله دمعتها جريه
عمي والله شيبتني الغاظريه
يا عباس بوجودك أمينه
لو رحت عن عيني ليطول غيابك
و ادري بدموعي ازيدلك عذابك
تدري ما احمل يبو فاضل مصابك
شتعتقد أصبر اذا هالدهر صابك
يا عباس لتطول علينه
جودك بجفك حملته و انطر اني
روح الله وياك بس ارجعلي ثاني
والله من دونك أعيش بهم تراني
و بعدك بهم و هظم يا عم اعاني
يا عباس نار و حسره بينه
شوف عبد الله الطفل يترقب الماي
يكسر الخاطر نحيبه اووجر حشاي
ابيش اصبره و ما بقه بس دمع عيناي
بشيمتك يا عمي و اعرف انته وفاي
يا عباس يا عمنه ا ولينه
متت ما ضگت العذب يا گرة العين
حيرتني مثل حيرة والدي حسين
سهم عينك مرد چبدي و اتجه وين
ايست ترجعلي لمن هوت چفين
يا عباس لمصابك بجينه
خادمكم سيد علي الموسوي الكربلائي
گعده إلى مولاي عبد الله الرضيع عليه السلام
وياك يا محله سنيني
بفرگاك ما غمضت عيني
عبد الله يبني تمنيت
وياك موتي ياريت
***************
الولد شمعه بعين أمه
وضلمه لو يرحل ولدها
سند للشده و ذخرها
شلون اذا يوگع سندها
ودعاة الله ما اگلك
لأن روحي ضيعتها
حاجيني فدوه لشوفتك
بس جلمه گلي مروتك
تدريني هسه بعازتك
امك بيا حاله عفتها
أحلام شفتك بعيوني
أحلام وتخيب ضنوني
وياك كون تواريت1
كلشي حسبت بخيالي
بس وداعك ما حسبته
يبني عبد الله أنادي
لو طفل وي أمه شفته
دوهنتي بهالرزيه
و بالدمع خدي حفرته
كابلت مهدك و انتحب
أيام عمرك ينحسب
نيران دلالي يشب
لو عطر مهدك شهگته
مليت عمري و أيامي
بعيناك ضاعت أحلامي
و بجروح كلبي احتاريت 2
يمه من تغمض عيوني
تبدي اطايافك و اشوفك
برؤية اللهفه على وجهك
و بيدي جن أشعر جفوفك
افز من حلمي على مهدك
و انلجم يمه بطيوفك
و ابقه على مهدك ساهره
ما تغمض عيوني تره
بالدمع روحي محيره
شبيدي يمه و حته اعوفك
تذكار دمك بثيابك تذكار موقف نشابك
يا دهري و شخليت 3
اشم عطرك من ثيابك
و اسرح بعبره وحسرتي
و الزم كماطك و اشبكه
و أشعر يلامس مهجتي
ضحكتك يمه باذاني
نسيت من بعدك ضحكتي
مشتاقه لعيونك و احن
ترجعلي يبني ما اضن
ضليت عشره ويه الحزن
والدمع أصبح سلوتي
عطشا خلصت أيامك
ذبلان غصنك بالامك
من العمر مليت 4
جانت ضنوني اكبرك
وياي لو بين مشيبي
تالي ترحل يمه عني
يا ضوه عيوني وحبيبي
حرمله فت يمه گلبي
وجان نشابه نصيبي
ما يسوه عمري من رحت
أصعب مصيبه من شفت
وي رأس أبوك تعلكت
من أذكرك ينزل حليبي
بالروح ضلت ضحكاتك
مذبوح و انضر اهاتك
و بالفاجده اتسميت 5
نزال إلى الأنصار عليهم السلام
شد حيلك بالانصار
يغالي :يوالي: هنياله اليتبعك
دمانه :امانه :بس أشر باصبعك
وعدنه :بكربلا هاليله
وعدنه :الحمل كله انشيله
يالغالي لتحتار 1
بگلبنه :تبعنه :هيهات مره ننذل
ولينه :السفينه :غيرك لا منندل
مجانين هالبشر سمونه
مجانين وشكثر لامونه
حقه المنه اليغار 2
هتفنه :شرفنه :انته وكلشي مرفوض
نبايع :نتابع :وحق دمانه محفوظ
نحبك غصبا عله عدانه
نحبك تمشي ويه دمانه
بزود وهمة اخيار 3
نعادي :اليعادي:ونحب اليحبك
قسمنه :وعهدنه :منزل عله دربك
بدمانه كربلا سگيناها
بدمانه صحف خطيناها
سور بوجه الأخطار 4
يكعبه :يتربه :يا قبلة عشگنه
يكوثر :يمعبر : من عطرك شهگنه
يقران الخالقك سبحانه
يقران الك فدوه دمانه
اعضم كل الاسرار 5
يجنه :التلمنه :يا روح الزجيه
اتجهنه :بوجهنه :بأمرك للمنيه
بالطفوف كلنه عابس صرنه
بالطفوف ومنك اتخرجنه
بيدينه الفلك دار 6
تركنه :اهلنه :وتعنينه وياك
قبلنه :باجلنه :بيوم الساعه ننخاك
بحر جود چفك يغذينه
بحر جود بالسمه تعلينه
مولانه لتحتار 7
طلبنه :باجلنه :لجلك ترخص رگاب
بختنه :صبحنه :يمك يبن الاطياب
كبرنه يمك التمينه
كبرننه بيك يزهر بينه
وحج بكربلا صار 8
خادمكم سيد علي الموسوي الكربلائي
صعب فگدگ انمرد چبدك
يعبد الله انضرك يصب دموم نحرك
انه حسين بدمعتي اروي الآمي
انه بجفي انذبح طفلي بسهم ضامي
بنضرته انجرح وثوبه الصبح دامي
بعد شلي بحياتي و عيشة أيامي
دمع عيني يجويني
طفو يوليدي بدرك
يصب دموم نحرك
حملته على الصدر للگوم وديته
وعلى جفي الطفل و يلوج خليته
أنادي اسگوه اميه و صوتي عليته
بدموع العين اني لطفلي رويته
شنو ذنبه انمرد گلبه
وحملت بروحي قهرك
يصب دموم نحرك
يبن كاهل و شلك عالطفل عتبه
رميته بنبلتك ضامي انفطر گلبه
ضامي و ينذبح گلي شنو ذنبه
مصابه شلون احمله و حالته صعبه
انذبح مضلوم رووه دموم
يمن حيرني امرك
يصب دموم نحرك
عليّ مرت مصايب منها گلبي ذاب
يعبد الله و مصابك ما مثيله مصاب
بين چفوفي وبنبلة حقد تنصاب
شنو ذنب الجنيته يبني و الأسباب
شيصبرني كثر وني
و أعد شهور عمرك
يصب دموم نحرك
رميت دمومك لصوب السمه ومهموم
و اصيح بصوت أحكم ربي يا قيوم
شعمل عبد الله يرمونه بسهم هالگوم
انچتل و شفافه ذبلانه و يصب دموم
يضي عيناي شلي بدنياي
بخظاب الدم اشهرك
يصب دموم نحرك
انه بيا حال اردك للخيم مذبوح
و على گماطك يصب يا بويه فيض جروح
و امك بالمخيم تنتظر و تنوح
يبعد الروح عگبك م اريد الروح
يدلالي يأآمالي
حملت بالآه مرك
يصب دموم نحرك
رجعت صوب الخيم عبد الله يالغالي
شفت منضر فجعني و فطر دلالي
تهز بالمهد امك و المهد خالي
صحت هاليوم ذبحو وردة آمالي
وگلب أمه كثر همه
و على حالي أخبرك
تصب دموم نحرك
خادمكم سيد علي الموسوي الكربلائي
تمت كتابة هذه القصيدة سنة
2013/10/16
بهاي المسيه
شفت الزچيه
تعنت بدمع الهظم للكاظميه
__________
تنادي يا موسى ابن جعفر يا حبيبي
يبني سامحني لون طول مغيبي
يم بنيني امشي والمدمع نصيبي
امصايب بروحي وكثر بالگلب شيبي
بضلعي التكسر
هاليله أحضر
وابچي يمه عليك وانصبلك عزيه
__________
بچفها رايه وعتنت ويه اليزورون
وتهمل ادموع اعله درب البيه يمشون
اترحب بزوار ابنها من يدخلون
وعالضلع تلطم شفتها من يلطمون
وصطرة وجها
واضح أثرها
وعالوجه تلطم ودمعتها جريه
__________
بالصحن گامت تنادي يبني يبني
ما نسيتك لحضه ياليومك فجعني
بالسجن وياك أحضر رغم حزني
وعالجسر وي شيعتك جيت اعله وني
اويه اليشيعون
ايهل دمع العيون
اووسدت وسط الگبر جثتك بديه
__________
واحنه كل عام اليمر نحيي الفجيعه
وبالمواكب تحضر الزهره الوديعه
نخدم الزوار واجبنه وشريعة
ونلطم اعله البالسجن روحه صريعه
وننصب مواكب
وتحله المتاعب
والاجر يبقه عله الهادي اوصيه
__________
سيدي نتشرف الزاير نخدمه
المعتني رغم الخطر ويفديك دمه
اعلينه شاهد كل زمن جسر الأيمه
واليجي حته الذبح لا ما يهمه
بروح العقيده
مصابك نعيده
ويانه عاشت سيدي هاي الرزيه
__________
عدنه غايب لابد الهالعالم إيعود
ينشر العدل وظلم ما يرجع اردود
اظهر الخاطر رقيه وخاطر الجود
ننتظر هاي البشارة بچف ابو الزود
بجاهك يغايب
تجلي المصايب
والله تفجع ونة الأم الشجبه
__________
سيد علي الموسوي الكربلائي
ثمرة الخدمه :
هالخدامه مفخره بأتباعها
والسفينه حسين و احنه شراعها
-------------------------------
هيبة الخدام تبقه معدله
للكنس واليقره نفس المنزله
بلا فرق أن جان نازل أو عله
دنيا خلصانه و تلمنه بگاعها 1
--------------------------------
احله ما بالخدمه ما بيها خلل
بخيمه وحده والتعب مثل العسل
صخام جدر حسين نيشان انجعل
والمواكب نورها من سباعها 2
-----------------------------------
الينطي ماي يروي گلب الما روه
وتربه الخدام للعله دوه
بكل عزه موجود شيال اللوه
ولازم الخدام من ذراعها 3
----------------------------
اليطبخ ويكرم تحسده أهل الكرم
شي اكيد من الحسن مأخذ شييم
بچفه ينطي الزاد وتزيد النعم
والمضايف ما تغير اطباعها 4
______________
والمجالس ضل طعمها مختلف
على النيه أن جان عشره لو الف
شمحله صدري من اللطم لو ينخسف
ودنيتي بحسين انسه اوجاعها 5
________________
والنفق دينار محسوب بعشر
حته لو ينطيله ماي لبس نفر
كلها مقبوله و أخذ مني الخبر
ما يشوف الله الخدمته باعها 6
________________
نافس بنيه وفه مو بالكسر
خاف باجر تهوه و تضيع العذر
ما الك داعي ويه غيرك و احتذر
و اللشش تتعلگ من كراعها 7
________________
صفي گلبك والتزم عندك مجال
دنيه معرفه بوصف دار الزوال
هالخدامه مو نقش فوك الرمال
عالحجر منقوشه كلمن طاعها 8
الشاعر سيد علي الموسوي الكربلائي
جنت أتمنى أعيد سنيني
واصد بمسار الزجيه بعيني
ها يروحي شكد ردت منج ترجعين
بيه يوم الباب ترجع كون السنين
شكد صبر بيه عله قصة نار وحنين
واعتقد لو حاظر اگلبها الموازين
اني عندي المرجله سجلت عنواين
والله أجيب العلگمي وافتح ميادين
وداعة گماطي وزنودي وسيفي
اله اختار الرگب وبكيفي 1
نفترض عاد الزمن وندفعت الباب
يعني للحاقد الي ما يحسب حساب
اله اخلي رگابهم تنطخ بالرگاب
والله ما خلي ضفر للزهره ينصاب
الرايه اجعلها غطه للزهره وحجاب
واليجي ياويلي اشوفه يوم الحساب
انه ساقي الضامي يوم طفوفي
وبالدمه اسگي القربلج شوفي 2
ما عرفت الخوف أقسم بالزجيه
من علي مأخذ صفات الهاشميه
والله يم الباب احول الغاضريه
الباب خلها تحترك بس القضيه
شنهو يتوقعون مني بهالمسيه
والله اخليهم وصل فوك الوطيه
ياهو اليواجهني خل يدنالي
اله اتيها الأول من التالي 3
ها يدنيه شگد حلمت بهيج لحضات
احمل الرايه وأنزل بيدي رايات
بلايه شك حيدر اشوفه يعيد حملات
وياه اضل عالباب ما يدنوها هيهات
العنده غيره شلون عنه ينكنب مات
وغيرتي من أم الوفه وحاضر الشدات
راسي حار وما ادنك راسي
بزندي مكتوب الوفه وبحساسي 4
شلون اذا نادت عليه بذيج الضرف
جوابي يمه ابشري وعيونج اتشوف
أمني وما يدنه گلبج ذره من خوف
انه تربات الحرب ورماح وسيوف
بالمراجل انوصف وبزودي معروف
بدال محسن يمه فدوه تروح الجفوف
انذرتها الروح لجل عيونج
وبوجودي حلم ما يدنلوج 5
يالصبرتي عله الجره بيه شتضنين
راح اسكت لو اسمعج من تنادين
السبعه اطبكها عله سبعه بس تأشرين
وأنه عد عينج ييمه ولا تهمين
انجان بابج يندفع وانتي تحيرين
بدال سهم الماي اصد بسمار بالعين
عيني يا يمه فده لسنينج
ولا سمعت بيوم ضربو عينج 6
صور باب الزهره بيها انذهل فكري
جن خيم زينب تشب وتنادي خدري
طفل شفته طايح ومنهار صبري
مثل عبد الله انذبح وبصدري جمري
وشفت راسي مهشم ودم عيني تجري
هنا أبو اليمه ينادي انكسر ضهري
وصعبه اشوف الحره كبالي
عالهزل وبلا أخو ولا والي 7
الشاعر سيد علي الموسوي الكربلائي
يعباس يالله حظر رايتك
بعباس گوم اصنع خيمتك
يالله يابو الغيره منك رايده تعاهدني
حان وكت البيه ابويه ليمتك سلمني
مثل ما تاخذني كون بچفك ترجعني
خويه يابو الغيره اعرفك والله ما تتركني
يعباس فدوه اروح ليمنتك 1
اعرف اطباعك يخويه اني المربيتك
وتكبر بعيني واشوفك وشكثر تانيتك
واذكر بيوم الحملتك وبالحضن خليتك
واني من يوم الي شفتك يالوفي سميتك
يعباس من الطفوله شيمتك 2
غالي عندي واغله مني واشم بيك أنفاسي
بيك اشوف دوم ابويه وبيك أحس احساسي
ما أذكرك يا بو فاضل واعتقد ما ناسي
رايتك لو ودعتني راح أشدها براسي
يعباس بيدي الزم جربتك 3
انه اعرفك بالكلايف غظب الله بسيفك
واحد انته كبال عسكر والعدد ميخيفك
ما تشيلك كاع والله لو فزعت لحيفك
تقبض أرواح وتذلها الموت صار بكيفك
يعباس بدت خويه ساعتك 4
شفتك بوسط الحرايب عالجثث تتبختر
يندم اليدناك والله عليك ياهو اليكدر
والعده احتارت تنادي رد علينه حيدر
والأرض بدموم غرگت صار يوم المحشر
يعباس كلها هابت هيبتك 5
هالعده تنادي دخيلك لمن يشوفونك
الدنيا كلها اتصير حمره بخزره من عيونك
تغير ألوان الطفوف وما تغير لونك
ما تعب زندك واشوف اعداك ميهمونك
يعباس ما تثني بضربتك 6
لو رحت يالغالي ارجع هيبتي بوجودك
عيني مشبوحه عليك ورايتك وزنودك
يا شهم رد للمخيم يالوفيت وعودك
هلشمر يتمنه بعدك يدنه يم حدودك
يعباس الحرم كلها بذمتك 7
خايفه عليك برحيلك ما ترد لخيامك
وعالنهر توگع صريع أبين جور أيامك
يوصلك لو تهوه جثه رماد حرگ خيامك
وما اضن تفزع إليه گوه مابجدامك
يعباس صعب أشاهد حالتك 8
تمت
خادمكم سيد علي الموسوي الكربلائي
يا سلام الله على جاسم ايه للحب لو توصف
حاير بأمرين شفته لو عرس لو جثه بالطف
راح للزفه وبطفه مكتوبه المنيه
راح يم عمه وكل همه مكتوبه المنيه
......
قصة حب عجيبه .. والحاله غريبه
فرحه ويه المصيبه .. وشيجيبه .. عني لو راح
صح چن عمره ورده .. بالف فارس أعده
ضيم اعله اليضده .. وشيرده .. الماي لو طاح
غيره امن الهواشم .. بحب حسين هايم
عينه اعله الفواطم ... يرد سالم .. ويه الافراح
بس اعرف صفاته .. لا ميعز حياته
فرحان بمماته .. وشحلاته .. شمس مصباح
تارك بأيدي وصيه ومن الدمع ثوبي تخضب
يگلي يا يمه مصابي يهون عن مصاب زينب
شاف بالحومه مرسومه ساعات الوصية
راح يم عمه وكل همه مكتوبة المنيه
..........
نضرة عينه جنه .. وبغيره تعنه
وكاتب من الحنه .. شما تمنه .. فوگ الچفوف
يتمنه المنيه ... بأرض الغاضريه
عينه تصد عليه .. والاذيه .. لمن يشوف
يحچي بعينه چلمه .. و يگلي ييمه
چفچ خل الزمه .. و آرد اشمه ودمعه مذروف
وصاني بوصيه .. يمه بهالمسيه
جثتي تضل رميه .. عالوطيه .. بين الصفوف
يمه لو خلصت حياتي فدوه لحسين وعضيده
الفاتحه اقري عليه الغيبه لو صارت بعيده
راح اتوكل واتحمل يا يمه الاذيه
راح يم عمه وكل همه مكتوبة المنيه
........
سالم يمه ريتك .. ترجعلي نخيتك
بس انته الحويتك .. والمنيتك .. تمشي هاليوم
صح هذي الإمانه .. تحط كلشي بمكانه
يا يوسف زمانه .. امك انه .. وگلبي مهموم
لتطول رحيلك .. وين الگه بديلك
بنص روحي اشيلك .. واشتكيلك .. والحزن دوم
اغله من حياتي .. يا قبلة صلاتي
يا كل امنياتي .. يالمماتي .. گبلك إيحوم
لا تصدگ لو عفتني ابقه مرتاحه بزماني
عيني متعوده عله شوفك لو رحت عميه تراني
بيك أحلامي أيامي يا جاسم زهيه
راح يم عمه وكل همه مكتوبة المنيه
........
يا اغله الغوالي .. بيك الرأس عالي
يا عمري ودلالي .. يضل سؤالي .. يبني شتريد
رايد ثوب عرسك .. بچفوفي البسك
وادعي الله يحرسك .. يلي حسك .. فرحة العيد
گول اطلب ييمه .. منك ولو چلمه
گلبي ويه دمه .. ليك اسلمه .. ولو شنو تريد
شموعك بالصواني .. هلهوله وتهاني
واليومك اتاني .. يا حناني .. ونبض الوريد
راح اطش ورد السعاده وفرحتي ماضنها تكمل
ابالك الفرحه الچبيره لو هويت اووذر ترحل
لا تتأخر ما اگدر تتركني سبيه
راح يم عمه وكل همه مكتوبة الوصيه
........
اعرف كل صفاتك .. يا روحي وغلاتك
منذوره حياتك .. وبمماتك .. تذبل اورود
شفتك بالحرايب .. سويت المصايب
تصنع بالعجايب .. والكتايب .. عنك شهود
ترباة الفوارس .. وبسيفك مدارس
بيك احتار عابس .. ما تنافس .. اله بالجود
محتاره زلمهم .. وبكثرة عددهم
ما تندل دربهم .. عذبتهم .. ناوي وبزود
يا حسين تنادي بالطف زلزلتها الگاع بيهم
ولو تنادي يبو فاضل والله ما تلحگ عليهم
نار نضراته وصولاته بالطف حيدريه
راح يم عمه وكل همه مكتوبة المنية
........
يالضحيت دمك .. لجل حسين عمك
شي وصلني يمك .. أرد اشمك .. روحي وياك
يبني شلون اشوفك .. دم حنه چفوفك
بالمدمع اطوفك .. ما اعوفك .. يــــمه انخاك
وجروحك اعدهن .. محتاره شيشدهن
بعيوني شفتهن .. تجري كلهن .. دمعي اذاك
شيبني مصابك .. اشايف من شبابك
الموت ولا غيابك .. وبعذابك .. يبني منساك
إحظنتك بكثرة جروحك وسلمت بيدك وصيه
طلبتي بالجنه يبني خل مكاني ويه الزچيه
آه دعتك يالعفتكم مرمي عله الوطيه
راح يم عمه وكل همه مكتوبة الوصية
..........
سيد علي الموسوي الكربلائي
شد يبني يا لأكبر عليهم عليهم
السبعه عله سبعه انطبكت وجنها القيامه
ولو يكب عرگه نقره عالدنيه السلامه
والشمر لابس شيلته بدال العمامه
وبالضربه ما يخطه
وتورطو ورطه 1
حيهم يا لأكبر وابتدت بالمعركه صياح
هذا الي يغمه عليه وهذا بخزرته طاح
بالحومه شبعهم ركظ والمات يرتاح
دك صدره يم عمامه
ما يرجع بكلامه 2
ناوي عليهم ما يخلي النفس بيهم
لزمو گلبهم منه ما حركو اديهم
يبسهم وجنه علي نازل عليهم
داس عله خيرهم
وفارك شواربهم 3
حته الهوه أصبح خطر لمن يمرهم
ويبلعمون وبالاصابع ضل عددهم
التراب غالي أصبح وهمه شرخصهم
جن رمشه من يصيده
ما يخطه تسديده 4
كون الله هذا شكبره يصغر ضل بالعيون
بأربع جهات الموت حطه أوين يرحون
گلهم تراني بحب ابويه حسين مجنون
شما تصعب السهله
من توصله تحله 5
دار عله أبو فاضل وروحه ترفرف عليه
يكله يعمي العلكملي لاوين اخليه
والله لون تريد حته الكون امليه
شنهو العطش والماي
وكبالي الرواي 6
رد للمخيم وبعجل ومن زينب شراد
يكللها فرحي اليوم حته خيبر انعاد
أمني وإني الما متت لتهمج إعداد
اليوم اگشرعليهم
حالف ابجيهم 7
هيبه ومهابه معدل ويگطر حميه
سيد وبخته وشارته من الهاشميه
ومن شافه أبوه حسين أقسم بالزجيه
كله وحق امك
دمي فده لدمك 8
نزال إلى مولاي علي الأكبر سلام الله عليه
يا لأكبر واويلاه
تتوذر واويلاه
سألت عين الأملاك بطفوف المصايب
حين انصاب الأكبر و بدر الدنيا غايب
و تعناله الحسين و يجر بالنوايب
شاف وليده مذبوح بسيوف الكتايب
شهالمنضر واويلاه
تتوذر واويلاه
الله يساعد حسين من شاهدها جثته
ضل يندب واويلاه و على الخد دمعته
يم ابنه علي طاح و يجر بحسرته
دمه اليجري عالگاع و مگطع نضرته
و اتحير واويلاه
تتوذر واويلاه
صاح بصوت الأحزان يا روحي و مهجتي
يا بدر الي ما تام يالشوفك فرحتي
ردتك يبني الأيام اها تي و حسرتي
و ذخرتك يالوليد لو حلت كبرتي
شأتصبر واويلاه
تتوذر واويلاه
يا جرح الاداويه من جسمك يغالي
وين انطي الوجه وين شاهد بويه حالي
وبفگدك يا لأكبر بس دمعي صفالي
لتفاگني وتروح يا بدر اليالي
ما اگدر واويلاه
تتوذر واويلاه
جسمك فوگ الرمال مرمي على الوطيه
بويه جروحك هواي و دمومك جريه
و طبرة رأسك اليوم ذكرتني برزيه
طبرة داحي الباب حماي الحميه
و أتأثر واويلاه
تتوذر واويلاه
للخيمه حملتك و تلگتني امك
و مزجت دمعة العين يوليدي ويه دمك
و زينب ويه الخدور ناحت يبني يمك
و رمله بحسرة الروح يا لأكبر تكلمك
يمشكر واويلاه
تتوذر واويلاه
بعدك عمري لا طال و اتمنى وفاتي
شنهو يصبر الروح يا كل امنياتي
ضلمه اوحشه دنياي يا شمعة حياتي
تمنيت اني وياك يلفيني مماتي
اتكدر واويلاه
تتوذر واويلاه
خادمكم السيد علي الموسوي الكربلائي
https://youtu.be/ILIHjGjBFwE
بيوم الغدير انوار شعت علينه
من نصب المختار حيدر ولينه
انطاك الله مرسوم .. اخذ العهد دوم
مانتركك يوم
حيدر ولينه
————
#عيد_الغدير_الاغر
#مصطفى_الكربلائي
#العتبة_الحسينية_المقدسة
يا ضامن حياتي
يا روحي ونجاتي
انولد علي بنوره الدنيا تحله
حرت اله شنهو الي أرسله
سكن وسط كلبي وما أمله
العمر فده وبعيوني احمله
يلي مانسيتك
بدلالي لكيتك
زها بدر سلطان البريه
يشع ضوه بأنواره الزهيه
بحر كرم بجفوفه السخيه
يهل فضل من طبع الزجيه
أتمنى برحابك
وعيوني عله بابك
سحر عشك جنني بغرامه
رسى الكلب يم بحره بسلامه
اضل عبد ومتهمني الملامه
شرف الي يم صحنه الخدامه
شاغلني بجماله
وما توصف خصاله
الي يضل أقرب من جفوني
الدرب بعد بس ساكن عيوني
البشر لون عافتني ونسوني
اله اتجه ميخيب ضنوني
لو تنضرله روحي
تتشافه جروحي
الرضا بغرب وانواره البعيده
لجن الي جن كلبي أو وريده
ملك يضل واحنه من عبيده
مثل علي جده الفاتح أيده
يغمرني بحنانه
وارتاح بأمانه
الكصد اله بدموعه وطلبته
بفرح يرد ومسروره مهجته
اليزور بمرض خل ينساها علته
الدعا انقضه مشهود بحظرته
يا باب الكرامه
يا ثامن الامامه
الشاعر سيد علي الموسوي الكربلائي
#مشهد_الامام_الرضا_عليه_السلام
https://www.instagram.com/p/BxXYpFzFvkH/?igshid=q4iv1xtwlrsk
Читать полностью…
https://www.instagram.com/p/Bw7U07NlXyW/?igshid=cm67pikwylyu
Читать полностью…
يل بالمشاكل محتار موسى ابن جعفر حلها
__________
خل عينك بعين الذي لو تنخاه
ينطيك من فضله بيسرته ويمناه
بالشده لو تهوه يجيك وتلكاه
يحظرلك بأسرع حال والتصعب يسهلها
__________
صاحب مضيف ومنفتح ضل بابه
بچفوفه يكرم والشفه امن ترابه
نوره الزهه الكل شيعته واحبابه
باب الحوائج والله لكل عگده بيده يفلها
__________
معروف فضله والكرم بين الناس
وكل واحد اتعناه وبكل إحساس
ياخذ الحاجه بدمعته ورفعة رأس
ميخيب ضن الدگ باب وراعيها ما يقبلها
__________
كلنه ابخت باب الوفه ونحتاجه
نرفع ادينه لگبته الوهاجه
اي والذي من عنده سلبو تاجه
محد يرد وزعلان يم بابه لو قبلها
__________
كل هالخدم ترجاك يا وإليها
وهاي الوجوه بخدمتك خليها
هذا الغريب نضل نردد بيها
ما ننسى يومك مولاي وحگ زينب وكافلها
__________
خلينه تحت تراب جدمك خدام
نحيي المصيبه بكل مسيه وكل عام
جن حمزه وي كاظم ونور الإعلام
هالخدمه مولاي أرجوك من خادمك اقبلها
__________
سيد علي الموسوي الكربلائي
أمن يجيب المضطر
يا رب تنادي الكوثر
يا مضهر العجب
حگ فاطمه انسلب
ودعت طه بدمعتي
واحزاني تجري بمهجتي
من بعده أحس بغربتي
والشامت بحالي يفرح
اول مصيبه الجنوها
گاع الفدك من خذوها
و وصيته خالفوها
وسيف الغصب بيه يذبح
من غمضت عينه بالهم
اعرف حياتي متسلم
أمر وعليه تحتم
بس بالصبر گلبي يربح
كل الذي حاسبته
واقع صحيح وشفته
ما ينفع العتب 3
جرح الي بيه شيضمده
بدموعي والهم أشده
وجور النواصب تعده
وبابي شبو حطبهم
أهل السقيفه بحقدهم
يم بأبي باقي اثرهم
ملعون كلمن يحبهم
وكل غيره ماكو بنفسهم
لذت بأديه وشفتها
نار الضليمه حملتها
وقصة حجابي كتبتها
ياهو الي يرضا بفعلهم
كلمن تعنه لبابي
بيوم القيامه جوابي
بيا دافع وسبب 4
مضلومه و اشكي لألاهي
ومرت عليه الدواهي
ياربي ادعي بجاهي
أيامي لا ما ردتها
بأول حياتي وسنيني
اغفه عله نوح اونيني
والأثر لسه عله عيني
شاهد على حالي شفته
حيدر عذرته عله صبره
ما ردت سيفه يشهره
أيده عله رأسه وانضره
دمعة مصايب يكتها
يابا الحسن خليني
من ولدي تشبع عيني
اول حچي انكتب 1
عند الله اني عظيمه
بأسراره اني عليمه
وحتى عله خصمي رحيمه
والجنه بأسمي جعلها
يعرفوني لمن اجوني
بغظا بحيدر سبوني
وبلا رحم عذبوني
اواحد لناره شعلها
واحد تعمدد يضدني
واحد بسوطه ضربني
واحد بجفه صفعني
والامه عرفت جهلها
ما واحد البيه رحمه
وبداري صبو نقمه
يا كاشف الكرب 2
عن يامصاب احجي أكثر
عن ضلعي لو جفني الأحمر
ومن شفت حيدر تحير
بهل شوفه ضلعي تالم
عينه عله سيفه وعليه
دمعه ويه دمعي سويه
يتجارن بهالمسيه
وبالصبر گلبه توزم
اه عله طيحه جنيني
عالعتبه تنضرله عيني
هنا صحت فضه ادريكيني
والباب ضل جاري الدم
سلوة حياتي كبالي
مارد دليلي وحالي
يالمرتضى شعجب 5
ايام صارت حياتي
واقترب موعد مماتي
و أيدي على ضلعي بصلاتي
والدنيا تبجي عله حالي
مضلومه وادعي يربي
بالاجل ريحلي گلبي
ما ردت دنيا ويه تعبي
وغير الحزن ما صفالي
بكل خطوه اتوچه بالهم
وبعيني دمعاتي من دم
يا ربي وبحالي تعلم
شنهو الجنيته سؤالي
يارب تراني بشده
جرح الهضم شيشده
اتباع أبا لهب 6
ملعون من شب الحطب على باب بيت النبي : ملعون من شب الحطب على باب بيت النبي
لعنة الله على الكسر ضلع البتول
شيعتذر عن فعله باچر وشيكول
هذي بنت المصطفى
سرها محد يعرفه
مثواه نار الي اقترب 1
النبي وصه بعترته وحفظ الكتاب
ليش بعده تندفع علزهره باب
ليا سبب هذا الفعل
بالحقد رد الفضل
عادو حقد أبا لهب 2
فاطمه باب الفرج خير النساء
مستاجبه الدعوه عدها بالبلاء
عجب صبرج فاطمه
بالرزايه محزمه
وحي الله هليله كتب 3
الباب من دفعوها صاحت يا علي
ها يحلال الشدد افزع الي
نبت بسمار بضلع
ترضه خدي ينصفع
وجنيني بالعصره انسلب 4
صبر حيد ما اضن مثله صبر
عجب الكون وحزن گلبه شكثر
السيف بيده لو رفع
يعني موت الله انوضع
بس ينضر بعينه شعجب 5
شاف جم حاقد على الباب اعتنه
وفاطمه بنظرة دموع اتعاينه
اتكله أصبر يا فحل
الحمد لله عله الحصل
والنور هليله انحجب 6
يا علي خل ينكسر مني الضلع
يهون والله لراسه باجر ينرفع
اليله راوني الدهر
زينب تنادي الگمر
ومذكوره واتشوف السبب 7
باجر أولادي تروح بلا ذنب
مثل حالي بسيف لو سم لو سلب
والمصايب تنعرض
من هويت عله الأرض
وعرش الله لمصابي نحب 8
الشاعر سيد علي الموسوي الكربلائي
