859
خادم اظل طول الدهر خادم اكتب عل النحر بدفترج سجليني. بخدمتج خليني خادم اظل طول الدهر للتوصل او المراسله مع خادم الحسين مصطفى النائلي 07719008836
رجب بي تحله فرحتنه/// وشعبان
ونوره من السمه نازل/// وشعبان
الفيافي ابثالثه نگطع/// وشعبان
نزور حسين ونهنى الزجيه
✍️ بقلمي : مصطفى النائلي
بثالث يوم من شعبان اتانيه
لان حسين امامي منولد بي
اوصفه شلون هذا اليوم محتار
ومحتار الشعر ابكل معانيه
رحمه حسين نازل للخلگ هاي
واليتعنه بابه إشراد ينطيه
شحجي عنه احس امقصر اهواي
بيا ابيات ابو اليمه اوافيه
بعده برحم امه وشعشع انوار
وبترابه الشفاء الله منطيه
امنين ابدي وي مولاي يا ناس
يكزبر جلدي من ينجاب طاريه
نزل جبريل هنه المصطفى وكال
الابو الزهره بقدوم حسين اهنيه
فطرس نازل وبس جنحه مكسور
خل سبطك يطه يمسح اعليه
✍️مصطفى النائلي
صوت الشيعة گبر. يا موسى ابن جعفر
======================================
اليوم صوت الشيعه كبر بالنحيب
آه يا موسى بن جعفر يا غريب
بينه جرح مصيبتك لتضن يطيب
جمر حزنك بالگلب خلف لهيب
وبينه الحيره تكبر. يا موسى ابن جعفر
=======================================
يالگضيت ايام عمرك باغتراب
يالعشت بقيودك وشفت العذاب
نعزي امك فاطمه بهذا المصاب
سابع انوار الهدى وللحكمه باب
حزنك بينه كبر. يا موسى ابن جعفر
=======================================
زحف ليك اتعنت امواج الالوف
كلها بسمك تهتف وعينك تشوف
بوسط صحنك سيدي تلبي وتطوف
ولاتضن فد يوم تمنعنه الظروف
واجب ليك نحظر. يا موسى ابن جعفر
=========================================
يخسى ذاك السمك الطاغي الجحود
نور شخصك ماخمد رغم القيود
رغم سوط السندي والچف الحقود
الله كرم شخصك بسر الخلود
نار بينه تسعر... يا موسى ابن جعفر
=======================================
✍️ مصطفى النائلي
علي بمولد علي الأكوان فرحانه .
وبيت الله تشع وتسطع أركانه .
وليد الكعبه تؤم للكرم والجود ..
وعله كل الخلايق رجح إيمانه .
آمن بالرساله وعمره عشر اسنين .
بالإسلام الأول صار عنوانه .
وطلگ بالثلاث الدنيه ابو الحسنين..
لادرهم أخذ منها ولا عانه .
گلها غري غيري وياي لتلعبين ..
وبوجه الطمع قافلها بيبانه .
زهد بيها وبهلهه ماهو مثل الغير ..
باع الاخره بوسوسة شيطانه .
نذر لله نفسه وضحه لجل الدين ..
ورب الكون هو الي رفع شانه ..
سيف الحگ علي ومجندل االفرسان ..
وبالميدان تتحاشاه عدوانه .
قالع باب خيبر والليالي اشهود..
شايل غيرة الله ونور قرآنه ..
ضيغم بالشدايد اسد من تنخاه ..
مايتعذرك ويگول هذا آنه .
✍️مصطفى النائلي
أَنِّي أَنَا تِلْكَ الخَادِمُ المُقَصِّرُ
وَبِنُورِكِ «الزَّهْرَا» يَطْهُرُ مَحْضَرِي
يَا مَوْلَتِي وَبِكِ اقْتَبَسْتُ مَوَدَّةً
هِيَ فِي «قُرَى الْقُرْآنِ» لَنْ تَتَغَيَّرِ
﴿قُل لَا أَسْأَلُكُمْ عَلَيْهِ أَجْرًا إِلَّا الْمَوَدَّةَ فِي الْقُرْبَى﴾ — إشارة بلا اقتباس نصي
أَنْتِ الَّتِي فَوْقَ «الْكَوْثَرِ» قَدْرَاً سَمَتْ
فَبِذِكْرِكِ الإِيمَانُ يَزْدَادُ الْبَشَرِ
إشارة لآية: ﴿إِنَّا أَعْطَيْنَاكَ الْكَوْثَر﴾
لَوْلَا وَلَاؤُكِ مَا لِدُنْيَايَ اتِّسَاعٌ
تَبْقَى بِغَيْرِ حِمَاكِ دُنْيَا تَفْتَرِ
وَعَلَى العُهُودِ أَتَيْتُ أَحْضُرُ مَأْتَماً
لِأَزِيدَ مِنْ خَيْرِي وَأَصْفُو مَصْدَرِي
أَرْجُو أَمَاناً يَوْمَ تُنْصَبُ سَاعَةٌ
وَتَكُونُ «نَفْسٌ» لِلْجَزَاءِ تُحَاضَرِ
إشارة لآية: ﴿يَوْمَ تَجِدُ كُلُّ نَفْسٍ مَا عَمِلَتْ مِنْ خَيْرٍ مُحْضَرًا﴾
لِكَي أَنَالَ رِضَاكِ يَا بِنْتَ أَحْمَدٍ
فَبِذِكْرِكِ «التَّقْوَى» تَسُودُ وَتَظْهَرِ
✍️ مصطفى النائلي
على الزهراءِ مِن بعدِ النبيِّ **
هَجَمَتْ عليهـا عصبةٌ بالنّاصِبِ **
عَجَبًا لِمَنْ أَضْرَمْ بَبابٍ نارَهُ **
أَفَمِنْ عَذابِ اللهِ أينَ المَهْرَبِ؟ **
هيَ بنتُ خَيرِ الخَلقِ خُيرَ مُصَفّىً **
قَدْ ضُيِّقَ البابُ الجَبانُ المُنْقَلِبِ **
بابٌ إذا طُرِقَ الرجاءُ تَفَتَّحَتْ **
بابُ الحُمى، والجارُ فيهِ المَأرَبِ **
قَدْ أَضرَموا نارًا بِبابِ مُحَرَّمٍ **
وعشُّ طُهورِ الطُّهرِ فيهِ مُلتهِبِ **
قيلَ: انتبِهْ، فيها البَتولُ فاطِمٌ **
قالوا: وَإنْ، جَمعٌ كَجَمْعِ الثَّعْلَبِ… **
ها قد أَسْقَطوا مُحسِنًا بظُلامَةٍ **
وبِحَقِّهِ اشتعلتْ نِيرانُهُمْ وَاللَّهَبِ **
✍️ مصطفى النائلي
حرگوا علينا الدار. يا والدي الكرار
هاي المسيه. هاي المسيه
•••••••••••••••••••••••••••••••••••••••••••••••
يبويه الزمره هجمت تحرك الباب
دفعوها بحقد عالزهره الاعراب
بالبسمار امي اشلون تنصاب
ما راعوا وصيه جدي الاصحاب
لمن شفتها النار. يا والدي الكرار
هاي المسيه. هاي المسيه
•••••••••••••••••••••••••••••••••••••••••••••••••••
عالحايط شفت آثار الدموم
عرفت اهنا ضلع الزهره مهشوم
حرگوا دارنا يا بويه هالگوم
وعلى افراگ امي فاطم گلبي مهظوم
تارك ضلعها آثار. يا والدي الكرار
هاي المسيه.. هاي المسيه
••••••••••••••••••••••••••••••••••••••••••••••••••••
آنه زينب واسولف عن كسرها
اشم بثيابها وريحة عطرها
گلي ابيا ذنب ظالم عصرها
راحت امي مني ابعز عمرها
بضلوعي احس بسمار. يا والدي الكرار
هاي المسيه .. هاي المسيه
•••••••••••••••••••••••••••••••••••••••••••••••••••
امي راحت او تركت حزنها
من گد الآلم ازرگ جفنها
سگط محسن علي هالليله منها
حرموني وآنه ابحاجه لبنها
گلبي بگه محتار. يا والدي الكرار
هاي المسيه.. هاي المسيه
••••••••••••••••••••••••••••••••••••••••••••••••••
الدنيه ابلايه امي جنها ظلمه
عشت لوعة الفاگد والله هضمه
اليتجرأ عليهه موش زلمه
تمنيتك يغالي بس تلزمه
تاخذ يبويه الثار. يا والدي الكرار
هاي المسيه . هاي المسيه
••••••••••••••••••••••••••••••••••••••••••••••••••••••••••••
✍️ مصطفى النائلي
من نور الإله انخلقت الزهره
عظيمة شان بيها جلت القدره
من نور الرسول وشاء ان تكون
بذره للأمامه وتطلع الشجره
الممتحنه الصبوره الزاكيه الزهراء
الإنسيه الوقوره الفاضله الكبرى
الصديقه ام حسن والراضيه ام حسين
التقيه والنقيه الغاليه الحره
يكفيها الفخر زوجة ولي الله
الذي من چفه شبّع حيدر الفقره
المظلومه العفيفه كوثر الكرار
العزيزه فاطمه وللمنتهى السدره
البضعه الجليله ابكل عوالمها
وجاءت من نسلها فاطمه العتره
شكتب عنها فاطم تعجز الأقلام
وهي رب العرش بيها جعل سره
✍️مصطفى النائلي
ميلادُ زينبَ الحوراءِ
في مثلِ هذا اليومِ قد وُلِدَتْ زَهَرُ
زَيْنَبُ الحوراءُ والبشرى تَسُرُ
واستبشرتْ أرضُ الهدى وسماءُها
إذْ فاضَ نورُ الطهرِ حينَ استبشَرُ
في خامسٍ مِن جمادى شعَّ وجهٌ
مِن آلِ طه في السماءِ يتنورُ
بنتُ الوصيِّ المرتضى بدرُ الهدى
وبها الملائكُ في البُكورِ تُكَبِّرُ
أنبَتْ رياضُ المجدِ فيها زهرةً
تسمو على كلِّ البرايا تُفخَرُ
طه النبيُّ بشَـرَ الأمينَ بأنَّها
آياتُ عزٍّ في البريَّةِ تُذكَرُ
يا زينبَ الخيرِ العظيمةَ شأنَها
بِكِ يفتخرُ الدهرُ إذْ لا يُنكَرُ
مصطفى النائلي
علئ المنبر . يبو الاكبر. تصدح هالحناجر هاي
••••••••••••••••••••••••••••••••••••••••
يبو اسكينه خدم للموت. منعوفك يبو العتره
قسمنه بفاطمه الزهراء. واختك زينب الحره
ما نترك طريقك يوم. عله طول السنه نقره
وحك سكنه . نظل احنه. لخدمتك يسعى كل وفاي
••••••••••••••••••••••••••••••••••••••••••••••••••••
وقعنه عهدنه اوياك. يحسين وفلا نخلفه
نطبعت بالصدر آثار. فدوه سيدي نخسفه
صك الاخره مضمون. كلمن يلطم بجفه
حرز مضمون. تنطي اعيون . بثوابك لليوزع ماي
•••••••••••••••••••••••••••••••••••••••••••••••••••••••••••••
شحلات الدنيه تخلص بيك. الوجود بأسرى كله يزول
وحگ كل گطره من ادماك. ترضه علينا هيج انگول
رساله الال آميه اتگول.. حسين الغالي ما مقتول
نذيع اخبار.. يبو الاحرار.. علئ كل شامت وعداي
•••••••••••••••••••••••••••••••••••••••••••••••••••••
عطر جنه خدمتك هاي. بيها يفخر الخادم
عزائك كل وكت منصوب. لحد ما يظهر القائم
وبهاي السنه يحسين. نعزيك ابعزه فاطم
نصيح بصوت. عدل ميموت. اليخدم واليحكم الراي
•••••••••••••••••••••••••••••••••••••••••••••••••••••
لولا خدمتك مولاي.. كلمن ملتهي بذنبه
اليخدمك من صدگ يحسين. اتجاهك سيدي تسحبه
اغلبها البشر يا ريت.. الك الخادم اتنسبه
نورج الناس.. عزم عباس.. عدنه يكفي حيل اهواي
•••••••••••••••••••••••••••••••••••••••••••••••••••••
العدو لابد انقهره اليوم. بشعايرنه ومنابرنه
على طول الدرب مكتوب. يحسين بضمايرنه
لنجل لا نمل من خوف. من ذجرك حناجرنه
نفك اركاب. على الارهاب. للموت الوفي شراي
••••••••••••••••••••••••••••••••••••••••••••••••••••••••••••••••
✍️ مصطفى النائلي
يهدئ ثوابها الى روح المرحوم جدي ابو عقيل
قصيدة منصه الى استشهاد النبي محمد (ص)
رحمه المصطفى مرسوله للاسلام
كون الرحمه هاي الوادم اتجلّها
خاتم للرسل معجزته بالقرآن
وانك يا محمد للخلگ كلّها
ابو الزهره دعوته جانت التوحيد
وهاي الدعوه طه بعلمه كملّها
وصه الامه بعده اتراعي بالثقلين
حفاظ اعله الامانه الامه حملّها
اشكثر گال الهم الله الله بالزهراء
راد الفكره الهم كل يوصلها
فهموه القصد بس حقها ماراعوه
ناس العوجه طبعا كيف يعدلها
اوبدت نيران غلهم وجرت بالباب
نسوا بيت الوحي الزهراء منزلها
غضاضه اويه النبي الماعدها شيمه اعراب
رادت سنن طه الكل تبدلها
لذلك من فدك دگت نوايا الشوم
گالوا بت نبي اوكل ورث ماالها
ربكم بالكتاب امورثه الداوود
امن اسليمان ورثه اوهاي گايلها
بس باطل هدفها اترد رسول الله
مثل ماردته ابحيدر وصيه الها
بيعتها ابغدير اتبدلت بالحال
من طاح النبي المسموم من غلها
اية الله بلغ يامحمد قوم
حيدر للوصايه اوكلها قابلها
اونكرت والنبي يصارع لحاظ الموت
راحت للسقيفه احكام تخذلها
اوصار الامر شورى اببين حفنه افراد
صار الهم خليفة تيم حاصلها
اوتواصت ال اميه الثار ثم الثار
مايرجع محمد بعد ينزلها
اوصفه التاريخ اسود وانطوى الاسلام
اوضاع التعب كله اوغاب مرسلها
اولومافضل الله اوفيض دم حسين
احكام الله اومحمد چا صفت كلها
✍️ مصطفى النائلي
من اقصى هالبحر. مشايه للنحر
يا ابا عبدالله. يا ابا عبدالله
========================================
ممشه للنحر نتعنى ابو الاحرار
رايه شلنه وترف عالدرب زوار
هذا الممشه يبقه حد ظهور الثار
للحظره بعزم جينه بعزم واصرار
ثورة وبلا خطر. مشايه للنحر
يا ابا عبدالله… يا ابا عبدالله
=======================================
زينب والزجيه فاطمة اويانه
على طول الطريق الزهره ترعانه
والشوفت ابنها الزهره عطشانه
ونذر للمهدي نهدي هذا ممشانه
خل يسمع الگمر. مشايه للنحر
يا ابا عبدالله…. يا ابا عبدالله
========================================
من البيشه حتماً نرفع الرايه
لحسين الشهيد انادي وفايه
ضريح حسين يبقى الشيعته الغايه
عهد طول الدهر نقسمله مشايه
حان موعدنه وصدر. مشايه للنحر
يا ابا عبدالله.... يا ابا عبدالله
========================================
شايب ويه شاب واسسو موكب
اهلاً ثم اهلاً زاير اترحب
من كل خادم يمرها بصمت تطلب
يم حسين ادعي يقبله امعزب
وهنا بعد فخر. مشايه للنحر
يا ابا عبدالله….. يا ابا عبدالله
========================================
✍️ مصطفى النائلي
ليلة العاشر ذبح
•••••••••••••••••••••••••••••••••••••••••••••••••••••••••••••••
حسين ايودع هله. ليلة العاشر ذبح
من اراضي كربله. ليلة العاشر ذبح
يله يهل المرجله. ليلة العاشر ذبح
حسين منهو الي اله. ليلة العاشر ذبح
وراس مرفوع برمح. ليلة العاشر ذبح
•••••••••••••••••••••••••••••••••••••••••••••••••••••••••••••
زينب اخته حايره. ليلة العاشر ذبح
شلون تصبر يا تره. ليلة العاشر ذبح
لو تشوفه اعله الثره. ليلة العاشر ذبح
تگوم وتشم منحره. ليلة العاشر ذبح
وهذا هم اعظم جرح. ليلة العاشر ذبح
•••••••••••••••••••••••••••••••••••••••••••••••••••••••••••••
طفل راسه ينگطع. ليلة العاشر ذبح
وأثر حافر ينطبع.. ليلة العاشر ذبح
والرباب تهل دمع. ليلة العاشر ذبح
حسين مكسور الضلع. ليلة العاشر ذبح
وجم جرح الينفتح. ليلة العاشر ذبح
•••••••••••••••••••••••••••••••••••••••••••••••••••••••••••
تفر طفله امن الخيم.. ليلة العاشر ذبح
خرم شيلتها السهم.. ليلة العاشر ذبح
بالخله تصيح ابألم.. ليلة العاشر ذبح
وتوج نيران الخيم.. ليلة العاشر ذبح
وينگلب ليل الصبح. ليلة العاشر ذبح
••••••••••••••••••••••••••••••••••••••••••••••••••••••••••••••
✍️ مصطفى النائلي
نادى حسين بيوم العاشر حي الله الانصار
حي الله بفرسان الهيجه وكل فارس مغوار
كل واحد يعدل ميه
بالروح الإيمانيه
•••••••••••••••••••••••••••••••••••••••••••••••••••••••••••••
حسين وانصاره واخوته كل فرد منهم علامه
يمثل العز والكرامة والعدل والاستقامه
ثبتوا للدين راية اترفرف اليوم القيامه
الانصار نالوا ھالشرف .. بالتضحية مو بالترف
ضحوا لجل انبل ھدف .. وانعم بھاي النشامه
جن صوت الانصار اينادي ابدا لاتحتار
لجل الدين انضحي ولجلك ياشبل الكرار
ونقاتل آل اميه
بالروح الإيمانيه
•••••••••••••••••••••••••••••••••••••••••••••••••••••••••••••••••
ليلة العاشر رهيبه والفجر كرب انهاره
وللحرب شدوا حزمهم ثلة احسين الغياره
والمنايه اتحيط بيهم موت وتوقع قراره
لاجرح يرھمله دوه .. ولاضلمه يجليھا الضوه
وبكربله ضاك الھوه .. وين حيدر ذلفقاره
هاي النخوة وهذا الموقف خالد للاحرار
ما مهتم واحدهم ابدا للجيش الجرار
يتقدم للحربيه
بالروح الإيمانيه
•••••••••••••••••••••••••••••••••••••••••••••••••••••••••••••••••••
احسين بالسبعين قاتل ما تكول وياه قله
ما ترك ثغره العدوه ولا عليه بينت خله
آثر العز والشهادة وابد ما ركنو الذله
مشروع صاروا للقتل. لجل الكرامه والعدل
ما بخلو بحته الطفل. من النحر دمه يهله
بيوم الطف اصبح كل فارس ثورة اعله الطغيان
يهجم مثل الاسد الظاري وتلوذ الخرفان
هاي الصوله العلويه
بالروح الإيمانــيـه
•••••••••••••••••••••••••••••••••••••••••••••••••••••••••••••••
يوم عاشر من محرم يوم آلآم وفجيعه
بيها ابو فاضل تعرض للغدر يم الشريعه
جوده من الماي خال ومست جفينه گطيعه
والعين طفاها السهم. ويلاه يا راعي العلم
من غيرك اليحمي الحرم.. والحرم عندك وديعه
انته التشهدلك عدوانك متهاب الاخطار
يا عباس وضرب ايمينك ضربات الكرار
ضرباتك كراريه
بالروح الإيمانيه
••••••••••••••••••••••••••••••••••••••••••••••••••••••••
✍️ مصطفى النائلي
گوم انهض يخويه انذبحت احلامي
وحيده وكسر ضهري لمت ايتامي
شلت راسك اريدك تلتفت يحسين
شوف اعيال بيتي وحرگت اخيامي
انخامن بعد والگمر طاح بعيد
وبسد الشريعه مخضب ودامي
راح امشي سبيه اعله الهزل للشام
والشمات ودها اتطيح الثامي
لچن اختك مثل حيدر بوكت الضيج
اسحگه بنعل جدمي الوگف جدامي
يخويه اوداعت الله وفدوتك ام عون
يا قرت اعيوني وقدوت اعمامي
✍️ مصطفى النائلي
امامك علي يوم انولد عباس
اجه البنته يزفلها البشاره
يکلها افرحي هذا ابو النوماس
شبيه الگمر يامحله النظاره
گمر وبشوفته تنزال الهموم
يصبح للعدل والحگ مناره
بجبينه قاضي الحاجات مكتوب
كريم ومايرد واحد شعاره
اخوج وكافلج بالشده والضيج
وفي ماينثني يوم بقراره
شيال العلم فارس ومغوار ..
غيور وقدوه يمسي للغياره
وساقي للعطاشه ابكربله ايصير ..
وبالصولات تلگى بالصداره
يضحي بروح لجل القيم والدين..
جسور ولايگه عاليه الجساره
احزام الظهر هذا وناصر احسين .
اختاره الباري وأحسن بختياره
وشيدله ضريح ابكربله وصار ..
كعبة ثانيه قبره ومزاره .
✍️ مصطفى النائلي
عله المسموم واويلاه ...
ومصابه فلا ننساه ...
====================================
عله امصابك تهل ادموع العيون
يالكاظم وفگدك كدر الكون
گظه نحبك غريب ابسجن هارون
بني العباس شيمتهم يغدرون
انضل ننعاك.. ماننساك.. يالغالي علينه
والاحرار.. لجل الثار ..رأيتهم حزينه
أحبابك تصيح احاه
عله المسموم واويلاه
=====================================
عله مد الدهر ذكراك تنعاد
يبن خير الورى ويا اسد بغداد
مجدنه انته وعدوك ما إله امجاد
وتبقه حضرتك كعبة الوفاد
تشع بالنور .. ومن أنزور .. تتلگانه الزهره.. يامظلوم..ويامسموم..نصيح ابدمعه وعبره ..
وبالارواح نتفداه.
عله المسموم واويلاه
======================================
يالذكراك تشبه يوم عاشور
خلت شيعتك كل گلب مكسور
مواكبها وعزاها مد الدهور
تطوف بحضرتك وبصحنك اتدور
هاي الناس .. اتدگ عالراس.. ويامظلوم اتنادي.
بدمع العين.. اتوفي الدين. وفضلك يبن الهادي
ياهنياله اليوفي اوياه
عله المسموم واويلاه
======================================
يضل هذا عهدنه وياك الدوم ..
شرف للرافضه وميهمنه اليلوم..
سود اثيابنه والگلب مالوم..
لمن يطلع المهدي ويخرس البوم ..
تصهل خيل .. وتجلي الليل ..والموعود اينور..
بيده السيف .. وياخذ حيف ..وبالظلام ايشور..
ذاك اليوم وكلنا وياه.
عله المسموم واويلاه
=======================================
✍️ مصطفى النائلي
بأرض الشام زينب فجرت ثوره
أخت عباس وأخذت هيبته وگدره
بت حيدر علي ومنطقها مثل السيف
عله رگبة يزيد وهانته ابقصره
فضحت آل آميه والدجل والزيف
ونحدرت شبيه الصاعقه الحمره
بنت الزهره هاي وضنوة الكرار
وثلث تنعام منها زينب الحره
شسع انعالها ايشرف آباء ايزيد
والام الوضيعه العاهره القذره
اكلت الاكباد وما نريد انزيد
يكفيها الطرب وتعاقر الخمره
✍️ مصطفى النائلي
ياسلام الله عله ام البنين ..
ضحت ابشبانها لجل الحسين .
هاي الوفيه ..لابن الزجيه .
ضحت ابشبانها لجل الحسين..
=========================================
هاي ام البنين الطاهره الحره .
ضحت بالبنين اوافت الزهره ..
تمنت كون عدها من الولد عشره .
تقدمهم ضحايه السيد العترة ..
المهم عدها ابن الزجيه وخاطره .
تروح فدوه الزلم كلها الناظره. .
بالغاضريه ..لابن الزجيه
ضحت ابشبانها لجل الحسين.
============================================
ام عباس قدوه ومثل للوادم ..
للحگ انصرت مانصرت الظالم ..
بصبرها وبوفاها درس للفاهم..
بعزاز الگلب نالت رضا فاطم .
العين تدمع من يمر طاريها ..
وتستحق ننصب تعازي أعليها..
بونه شجيه.. لابن الزجيه..
ضحت بشبانها لجل الحسين
=========================================
يرد احسين وتشوفه ويجي عدها ..
سالم وبوجوده النوب يسعدها .
تخدم للعليله ومن تناشدها ..
تهديها وتطمنها اعله والدها .
بالقلق عاشت ومشبوحه النظر .
بلجي عن احسين يوصلها خبر .
بدمعه سريه ..لابن الزجيه..
ضحت ابشبانها لجل الحسين
==========================================
تناشد لليروح ويجي بعلو الصوت ..
عن اعزازها الگربو من الموت ..
أهنا يالراد يونس واطلعه من الحوت .
ماريدك تردهم الي بالتابوت .
وين صرتوا يالمشيتو الكربله .
افراگكم ذلني وجنت امدلله ..
وصفج بديه .. لابن الزجيه ..
ضحت ابشبانها لجل الحسين
==========================================
✍️مصطفى النائلي
في كلِّ صُبحٍ أُناجي المُنتظَرْ
متى نَراكَ؟ فمُقلتي بكَ تَسْتَبِرْ
ونرى طَلَلَتَكَ البهيّةَ ساطِعـاً
تمحو الظلامَ… فبالضّياءِ لَكَ الأثَرْ
قلبي ونبضي والعُهودُ وجُملةٌ
ممّا أملكُ… يا سيدي فِداكَ قد قُدِرْ
شيعيّتي لحُسامِ حيدرَ عِزّةٌ
وبنَفسيَ الإخلاصُ نحوكَ مُنتَشِرْ
دعني أتنفّسُ في كُلِّ حينٍ نَفَساً
يهوى هواكَ… فهَواكَ في صدري استَقَرْ
يا أبا صالحٍ، واللهِ إنَّ الثأرَ آتٍ
وتعـلُو الصيحةُ العظمى… بها يُمحى الضَّجَرْ
وعلى لَهيبِ القلبِ أهتفُ سيدي
إنَّ الزهراءَ تَنتظرُ القضاءَ على الصَّهَرْ
✍️ مصطفى النائلي
نَشَرَتْ فاطِمَةُ قَميصَ حُسَيْنِها
في دوحِ سَمْوٍ بالدماءِ مُخَضَّبَا
بِنْتُ النَّبِيِّ تُحَدِّثُ الأَفْلاكَ عَنْ
ظُلْمٍ جَرَى وَزَيْنَبٌ تُسْقَى السِّبَا
في كَرْبَلاءَ تَناثَرَتْ أَجْســادُهُمْ
وَتَهَدَّمَتْ خُبَبُ الطُّهُورِ وَأُحْرِقا
مصطفى النائلي
يا بحر الصبر يالما نضب صبره
الله يعين گلبك عالجره ويجره
••••••••••••••••••••••••••••••••••••••••••••••••
تعال الحگ عليها يا علي البضعه
انكسر حيدر ضلعها من أثر دفعه
بخدها اليدعي صاحب طبع صفعه
ودارك مُضرمه امست تره اموجره
••••••••••••••••••••••••••••••••••••••••••••••••••
يالبالشده تحضر فاطمه ابشده
عصرها الظالم وكل غيره ما عنده
سيف اللهْ سيفك عالعده اتجرده
بوجه كلمن ظلمها يالولي اتشهره
••••••••••••••••••••••••••••••••••••••••••••••••••
من كسرو ظلعها تكسر الخاطر
كافر عل الزچيه ايحشم ابكافر
وعلى رغم الأذى شفتك علي صابر
ضلع الزهره باجر حتما اتجبره
•••••••••••••••••••••••••••••••••••••••••••••••••••
عين ام الحسن كل لحظه مشبوحه
عليك وكل وكتها الزهره مجروحه
دخيلك يا علي ولگلبك ونوحه
حزين اعله الزجيه الطاهره العتره
•••••••••••••••••••••••••••••••••••••••••••••••••••••
ايعينك الله حيدر من شلت فاطم
على افراگ ام حسن بيك الحزن قادم
أمرها فاطمه سلمته للقائم
ياخذ ثار امه الزهره تنتظره
••••••••••••••••••••••••••••••••••••••••••••••••••
✍️مصطفى النائلي
أبا الحَسنينِ سارَ عَلى قَبرها
بنتُ النبيّ مُحَمَّدٍ وهو يندبُ
أيا قبرَ البتولِ لا تؤذي ضلعها
تلك الأميرةُ فاطم عليها انحبُ
حَلَ الفراقُ بينَ الحيدُ وفاطمٌ
حقاً فأحقاً على حيدرٍ يصعبُ
✍️مصطفى النائلي
سِبطُ النَّبيِّ، وَحَيْدَرٌ، وَفَاطِمُ
إِنّي لِأَبِي الأَحْرَارِ حَقًّا خَادِمُ
هَذَا الحُسَيْنُ، فَهْوَ نُورُ هِدَايَتِي
لَوْلَاهُ مَا خُلِقَ الوُجُودُ، وَقَائِمُ
مصطفى النائلي
لجلك تنطبر يحسين. هامات
صهيل وخيل ترس السمع هامات
وختك طرت اعله الهزل هامات
يبو السجاد گوم الحگ عليه
✍️ مصطفى النائلي
القدر رضن دليلي حيل خيلاه
ولمع سيفه بوريدي حسين خيلاه
عدل بعدك يبو السجاد خي لا
اذا بعدك عدل لحگ عليه
من المدينه الزھرة اجت لحسينھا
.بلهفه ويھد الجبال اونينھا
••••••••••••••••••••••••••••••••••••••••••••••••••••••••••••••••••••••
حضرة ابيوم الدفن ام الحسن
والمدامع ھامله شبه المزن
اتصيح يوليدي عسى عيوني عمن
ولااشوفن جثتك اموذرينھا
•••••••••••••••••••••••••••••••••••••••••••••••••••••••••••••••••
والده تنوح وتدك اعله الصدر
آھ يبني الصھرته شمس الظھر
والغوالي اعله الرمال بكل كتر
امطرحين والله كون ايعينھا
••••••••••••••••••••••••••••••••••••••••••••••••••••••••••••••••••••
ابهالمصيبه ايعين الله فاطمه
من تشوف حسين سابح بالدمه
اعضامه مرضوضه بگت ومهشمه
من الخيول السحگته برجلينها
•••••••••••••••••••••••••••••••••••••••••••••••••••••••••••••••••••••••
تنظر السجاد والمدمع يهل
والگلب تنور داوي ومشتعل
كل ولدها بكربله خلصوا چتل
ما سلم حتى الرضيع البيها
•••••••••••••••••••••••••••••••••••••••••••••••••••••••••••••••••••••••
وزينب الممتحنه امست بالعيال
اتضمد اجروح اليتامه من الحبال
وعينها اعله المشرعه تطرح سؤال
يا كفيلي الخوه تطلب دينها
••••••••••••••••••••••••••••••••••••••••••••••••••••••••••••••••••••••••••
✍️ مصطفى النائلي
الجيش رايد منحره حسين بالعاشر تره
ما يهم ابهالخطر. ما يهم ابهالخطر
•••••••••••••••••••••••••••••••••••••••••••••••••••••••••••••••••••
حسين بالعاشر منيته.
وحده بس ثارت حميته
ويلي ويخضب لحيته
خلاف سبع الگنطره
ينده وماكو مناصر هالمصيبه بيوم عاشر صدره ينرض بحوافر
ابن حيدر عالثره
وحده وبين الالوف. وذرت جسمه السيوف
ما يهم ابهالخطر. ما يهم ابهالخطر
••••••••••••••••••••••••••••••••••••••••••••••••••••••••••••••••••••
لا اهل لا صحبه عنده
بالرمل هالصار خده
رفع للخيمات يده
بين جيمان وزلم
حيرته اعله الخدر حيره
من عكب بدر العشيره
وجهه للشاطي يديره
وين شيال العلم
بصدره ترفس هالخيول. الاعوجيه من تجول
ما يهم ابهالخطر. ما يهم ابهالخطر
••••••••••••••••••••••••••••••••••••••••••••••••••••••••••••••••
المهر من شاف دمه
دنج لراس ابو اليمه
والنهار انگلب ظلمه
انحر لصوب الاهل
عالجره ابهاي الهضيمه
گام يصهل يالظليمه
طلعن بطارف الخيمه
وأيسن ماظل أمل
اجت أخته مسرعه. تشوف جثته مگطعه
ما يهم ابهالخطر. ما يهم ابهالخطر
•••••••••••••••••••••••••••••••••••••••••••••••••••••••••••••••••••
النحر چالنهر جاري
جثته ظلت للضواري
بالعرا والريح ذاري
عالارض دمه يصب
بالدمه ارتجت السبعه
وفاطمه يم جسمه تنعه
وي ضلعهه انكسر ضلعه
عليها هالموقف صعب
الزهره اجته وحضرته. تشوف بالطف جثته
ما يهم ابهالخطر . ما يهم ابهالخطر
••••••••••••••••••••••••••••••••••••••••••••••••••••••••••••••••••••••••••••••
حسين قدم كل عياله
وقدم چفوف الكفاله
لحد كلشي ما بقاله
قربه للواحد احد
انطه كلشي للمنيه
وصحبته اهل الحميه
وزينب الراحت سبيه
لا خوان ولا ولد
ذكره خالد بالزمان. كربلائي بكل مكان
ما يهم ابهالخطر . ما يهم ابهالخطر
•••••••••••••••••••••••••••••••••••••••••••••••••••••••••••••••••••••••••
✍️ مصطفى النائلي
نذر وعھد من اصباي يحسين اخدمك تدري
••••••••••••••••••••••••••••••••••••••••••••••••••••
ياريت تقبل هالوعد من عندي
حبك ورثته من ابوي وجدي
دمع المصيبه ما يفارگ خدي
وبمجلسك يا مولاي خادم اظل كل عمري
••••••••••••••••••••••••••••••••••••••••••••••••••••••••••••
هنيالي من اكضي العمر بالخدمه
واحضه بوسام وشرف هالنعمه
عطر الخدامه جنه من نشمه
بي ريحتك يا مولاي نبض بدليلي يسري
•••••••••••••••••••••••••••••••••••••••••••••••••••••••••••••
دگيت بابك واعتقد متردني
وهاي المجالس هي ليك تشدني
يابو الكرم وچفوفك اتقلدني
اوسام الشرف يا مولاي نجمه وتلالي بصدري
•••••••••••••••••••••••••••••••••••••••••••••••••••••••••••
خدامك وننتظر منك نظره
يابو الكرم والجود يبن الزهره
هاي المآتم مو فقط بلعشره
طول السنه يا مولاي. تلهب قصايد شعري
•••••••••••••••••••••••••••••••••••••••••••••••••••••••••••••
هالخدمه امست مدرسه وقرآني
تنور طريقي وحيل ترفع شاني
يبن الزچيه عايش ابوچداني
ومن الطم الراس اعليك. يرتفع راسي وقدري
•••••••••••••••••••••••••••••••••••••••••••••••••
✍️ مصطفى النائلي
هاي الليله... زينب احچيله…. شصار بغيابه
انهدم حيلي… من يجن ليلي... اذكر مصابه
•••••••••••••••••••••••••••••••••••••••••••••••••••••••••••••••••
گومي يا زينب احچيله وننطر اچواب
هذا جاسم ابني ليش اتحنه بخضاب
من عمت عيني اشوفه فوك التراب
فارگ امّه وعافهه ما بين الأجناب
اعيوني هماله. شاهدت حاله. واشتم اثيابه
انهدم حيلي.. من يجن ليلي.. اذكــــر مصابه
••••••••••••••••••••••••••••••••••••••••••••••••••••••••••••••••••
يختي مو سهله أعوفه والرمل حار
چثه عالغبره رميه والجفن غار
ارد اگله الخيمه لسه تسعر بنار
يبني گوم انهض وشوف امك يمغوار
عالرمح راسه.. وصاحت انفاسه.. ابنج اخضابه
انهدم حيلي... من يجن ليلي. اذكــــر مصابه
•••••••••••••••••••••••••••••••••••••••••••••••••••••••••••••••••••••••••
عالرمح راسه وعليه اندار جسام
جسمه چنّه اخيال صاير يهل الاسلام
لا هي وحده ولا هي عشره اهوايه الاسهام
بالغرب باجر وحيدة ابين ظلام
وحدي بالغربه. يختي هم صعبه... حاسبه احسابه
انهدم حيلي... من يجن ليلي... اذكــــر مصابه
••••••••••••••••••••••••••••••••••••••••••••••••••••••••••••••••••
للولد يختي يزينب روحي تشتاگ
وأنتي ادره شلون يكتل حيل الفراگ
الأمل چنت آنه ارسمه ليش انباگ
مره هاي الغيبه كلش والنفس ضاگ
وبعزاه احضر... عالخدم افتر.... ويه احبابه
انهدم حيلي... من يجن ليلي... اذكــــر مصابه
••••••••••••••••••••••••••••••••••••••••••••••••••••••••••••••••••••••
تأكدت زين وبعد ما ظلت انفاس
راح جسام الغريب وبان الاحساس
يعينج أنتي من فگدتي ابو النوماس
حارس اخيمج يزينب چان عـــباس
فاگده الكافل. هذا ابو فاضل. هالت اترابه
انهدم حيلي... من يجن ليلي... اذكــــر مصابه
••••••••••••••••••••••••••••••••••••••••••••••••••••••••••••••••••
✍️ مصطفى النائلي