-
Mohsen Aljabri
بعد ما تحتاج تنشر قصيدتك بغير قناة انشرها بقناتك ودز الرابط فقط واحنة انروجها اعلان حقيقي عراقي مشاهدات او مشتركين للتواصل
@ahmed_alziwar0
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
شبل الحسن طب ليها.. بسيفه العده يفنيها
####################
شهم كله غيره.. اخذ بالوصيه
لبو اليمه وفه .. واخذله تحيه
سبع وابن السباع.. گلبها الوطيه
ابن اكرم الناس.. تحرسه الزچيه
فرق الگوم بنزلته و مايهم بالقاده
صاح انه القاسم يوادم ابن خير الساده
اليوم ارد صولات حيدر بالحرب وامجاده
الحومه بيدي اچفيها .. بسيفه العده يفنيها
########################
صبي ومن حلاته .. صفن حته خصمه
ترف كلـه نخـوه .. رزن فدوه السمـه
كبيـر ابـعطائـه .. رخص حته دمـه
بكشخته وجماله .. يحسدوها امــه
صفن الجيش ابقتالـه وانبهر من شافه
ضل يعزب بالمناحر طالع اعله اسلافه
البرزله يطيح لازم والشرد مـا عـافـه
العمي روحي افديها .. بسيفه العده يفنيها
##########################
بـرز للـعساكـر .. بعزم وبعقيده
فزع للـمخيم .. ونـال الـيريده
سبع وبچفوفه .. يلـوح البعيده
بحبر دم الرگاب.. كتبلـه قصيده
سطر ابسفه المعاني والزلم مطروحه
قدملنه اعظم رساله من الخيم لجروحه
فرزن جروح العقيله ونـال خوش اطروحه
خله الزمن يحچيها .. بسيفه العده يفنيها
########################
طبرها المناحر .. كبير المراجـل
هتف بأعله صوته .. وهل من مقاتل
يـزت بالعـساكر .. غضب چنه نازل
يذكرونه بالماي .. وتذكر بو فاضل
الضمه لمن وصلـه والعطش من جاسه
تحزم بعمه ابو فاضل وارتوه بأحساسه
كام يازلمه اليگصده بيـده ياخذ راسه
روحي بگمر ارويها .. بسيفه العده يفنيها
##########################
ختام القصيده .. بسلامة خيامه
عبر ناخذ ابهاي .. وعدنه علامه
صبي بعمر الورود .. وضحه الامامه
نذر كل السنين .. لصاحب زمانـه
ناخذ من القاسم احنه ونقتدي بسنينه
والعمر لازم يعالم يرخص المهـدينه
المهدي شاف اجروح جده واجب احنه انعينه
والحرگه لا تطفيها .. بسيفه العده يفنيها
###########################
سيد محسن الجابري
#نزال
#ليلة_العباس
غضب نـازل .. ابو فاضل
______
نـزل هيبـه و رجولـه .. نـزل يمشي اعله طوله
وطبك ذوله ويه ذوله .. ولا همه العدد
اخـذ بيـده القيـاده .. وگلـب حتـه الوساده
ورفع رايـة السـاده .. ولخيته ضل سنـد
طاحوا يمه الخياله .. الشارد صاحوا هنياله
قاتلهم بس بخياله
طر الجيش .. حته خيال الكفال طر الجيش
منو يقـاتل .. ابو فاضل
_______
هـجم صال ابـنزاله .. مـثل حيدر قـتاله
اليخطفه يصير حاله .. مثل حال النزف
النزف بالحومـه دمه .. نگول اعليـه زلمه
سبع من شال جـدمه .. ولـو يمه رجـف
الـطف شاهد صولاته .. ميثنيهن ضرباته
حيدر جن طب ابذاته
ذب الوان .. اليخزر عينه العباس ذب الوان
نـزل راجـل .. ابـو فاضل
________
كلب بيده الشريعه .. ابو عيون الوسيعه
هجم هجمه فضيعه .. ابو فاضل غضب
اليصيده يطيره راسه .. شهـم كله فراسه
بعبرته المـاي جاسه .. وطشر هـالرگب
تجدح خزرات عيونه.. كافل خيته ايسمونه
ليخطفه يخطف لونه
راسه يطير .. اليخطف منه العباس راسه يطير
من السائل .. ابو فاضل
______
خنگ حتـه الوطيه .. ابن حامي الحميه
او حافض عالوصيه .. ابو فاضل فخر
كفل خدر السبايـه .. رفـع بالحومه رايه
يزبنب هاج هايـه .. اعيوني والنهـر
يازينب انه گبالج .. محد يوصل لخيالج
طمنيهم خويه اطفالج
مو بخيام .. خويه بعيني تنامين مو بخيام
نـهر شايل .. ابو فاضل
________
گـمر بالسمه ضيـه .. على خيام الله فيه
بسطـرته اتطيح ميه .. والباقي تنسحك
سبـع بالحومه نازل .. غيره وهيبه شايل
اليسطره ابو فاضل .. بجهنم يحتـرك
براسه وسيفه الحروره .. الكافـل بالطـف اسطوره
المالاحه يوزع انذوره
يضوگ النار .. الضاگ ايمين العباس يضوگ النار
بفعـل فاعل .. ابو فاضل
#سيد_محسن_الجابري
#نسألكم_الدعاء
ليلة #ام_البنين ع
بخت عنده اليوافيهه .. ام الوفـه نسميهه
ام البنين . ام البنين
_________
قبل لا تعقد النيه .. بگلبك سولف شويه
تلكه ويـاك بدويه .. لروحك تزرع الراحه
كرم عدها ولا صاير .. بسرعة اتطيب الخاطر
اندبها لا تضل حاير .. ام الكثرة اجراحـه
هاي الضحت ابكلشي للحسين
وكت المـوزمه تفتحلـك ايديـن
تنطيك ابعـجل ماعدها بعدين
حرز عندك تخليـها .. ام الوفـه نسميهه
_______
حضر حيلك المايل .. واكصد ام ابو فاضل
سجلها بالوفه حافل .. ام الشايل الرايـه
ثوب دمـعتك الـها .. صدك راح تقبلها
واكيـد الحاجـه متردها .. ابد مترد الحجايه
بس حلفها بالماشارب الماي
دوم وياك تصبح خيمه وفياي
كلــه ويـاج انـه وكونـج ويـاي
بدمع عينك ترويهه .. ام الوفـه نسميهه
__________
تحب اليحجي بالخدمه .. تحضره اليلطم بهمه
تسجل بالعزاء اسمـه .. تنور دربه وسنينه
تكفله اليخدم بحركه .. تحسه اليحس بالفركه
اليضحي تعرفه من عشگه .. تگر بهالعشك عينه
اليتعب بالخدام اتصيرله حزام
هيه تريـد زلمـه ايـرد السهـام
ويطفي ابدمعتـه نـار الخيـام
تريد ابدمعه ينطيهه .. ام الوفه نسميهه
_______
تنصره اليصر بصراره .. تزيد جمرته وناره
تنطي بسرعـه البشاره .. وما تتأخر البشره
ترفعه الفاتح جروحه .. تخضر بالعشك روحه
تزيـد حـركته ونوحـه .. وتوزع للخدم نضره
وبنضرة عطفها تترس الناس
هاي ام البنين التـرفع الراس
شحجي وهو ابنها الكمر عباس
ام الگمـر يضويها .. ام الوفـه النسميها
_________
رتب گلبـك وثابـر .. هيه اتـريد اليناصر
عيش بالوعة العاشر .. ضم اهمومك ابهيمه
خلي ايكون موضـوعك .. طف ونـار ودموعـك
واكسر بيـدك اضـلوعك .. وسير للحـرم غيمه
الغـي بهالشهـر كل المواعيـد
بس حسين خلي ابالك ايفيـد
الطم وابجي وانـه انطيك شتريد
تلگه الشفه بيديهه .. ام الوفه نسميهه
________
#سيد_محسن_الجابري
نِدٍعٌوٌکِْ وٌآلَدٍعٌآء ... يا آمً آلَوٌفُآء
####################
بًيَـچ .. نِدٍعٌيَ بًآريَنِـهّ
بًيَـچ .. نِرفُعٌ آيَـدٍيَنِهّ
بًيَچ .. کْلَشُيَ مًنِطِيَنِهّ
منج اتعلمنه كلـشي يـالأبيـه
قدميتي اولادج وعمرج هديه
صار اسمچ نسمه بگلوب البريه
موقفچ طيب كسر امنه الزچيه
مًنِ بًعٌدٍ آلَعٌنِآء .. يـا ام الوفاء
#####################
صّـآر .. آسِمًچ آشُکْبًرهّ
صّـآر .. بًـآبً لَلَـفُقُـرهّ
صّـآر .. بًکْلَ گلَبً حًضرهّ
صّآر آسِمًچ ذِکْر لَصّحًآبً آلَعٌقُيَدٍهّ
آلَيَذِکْرچ يَرتٌآحً لَوٌ حًتٌهّ بًـقُصّيَدٍهّ
آلَيَنِدٍبً آمً آلَآربًعٌهّ نِآلَ آلَـيَريَـدٍهّ
وٌآلَلَيَ يَقُرهّ آلَفُآتٌحًهّ تٌنِطِيَهّآ بًيَدٍهّ
مًفُتٌآحًُ آلَسِمًآء .. يَآ آمً آلَوٌفُآء
########################
وٌيَـنِ .. نِلَگهّ مًنِ عٌطِفُچ
وٌيَـنِ .. مًحًـدٍ آيَـوٌصّفُچ
وٌيَـنِ .. بًسِ عٌلَيَ يَعٌرفُچ
شُمًآ کْتٌبًنِهّ عٌنِجّ آنِحًسِهّآ قُلَيَلَهّ
مًحًدٍ آيَوٌصّفُ جّزٍء مًنِ آلَجّلَيَلَهّ
يَآلَيَ صّرتٌيَ آلَمًآيَ بًشُفُآهّ آلَعٌقُيَلَهّ
آنِتٌيَ لَلَخِدٍمًهّ صّبًحًتٌيَ آفُضلَ وٌسِيَلَهّ
بًآلَحًزٍنِ وٌآلَبًکْآء .. يَآ آمً آلَوٌفُآء
##########################
مًـآيَ .. صّرتٌيَ لَضآمًيَ
مًـآيَ .. آنِتٌيَ وٌحًزٍآمًيَ
مًـآيَ .. لَبًنِچ آلَـدٍآمًيَ
يَآلَيَ ربًيَتٌيَ زٍلَـمً کْلَهّـمً بًـوٌآسِلَ
آلَمًآعٌرفُ تٌضحًيَتٌچ آصّلَآ هّذِآ غُآفُلَ
مـًآ آبًَـآلَـغُ لَـوٌ گلَـتٌ آمًــ آلَـمًرآجّـلَ
شُتٌطِلَعٌ آلَبًطِنِ آلَلَيَ جّآبًتٌ آبًوٌ فُآضلَ
مًنِ کْفُهِّ آلَشُفُآء .. يَآ آمً آلَوٌفُآء
############################
وٌيَآچ .. نِذِکْر آلَصّآحًبً
وٌيَآچ .. نِدٍعٌيَ وٌنِطِآلَبً
وٌيَآچ .. آلَحًآضر آلَغُآئبً
تٌکْآلَبًتٌ هّآلَدٍنِيَآ کْلَشُ هّمً عٌلَيَنِهّ
وٌآلَ آمًيَةّ رجّعٌوٌآ وٌزٍيَنِـبً حًزٍيَنِهّ
کْآفُلَ آلَصّحًنِ آلَعٌقُيَلَهّ آلَمًهّدٍيَ وٌيَنِهّ
ضآگتٌ آصّدٍوٌر آلَروٌآفُض خِلَ يَجّيَنِهّ
قُدٍ زٍآدٍ آلَبًلَآء .. يَآ آمً آلَوٌفُآء
#سيد_محسن_الجابري
محرم جديد
لمولاتنا ام البنين عليها السلام
يـابشر .. عليمن جايب اخبار .. احچي ابكربـله اشصار
وجت بيهم النار .. ويلي
يـابشر ..گلي بگرت العيـن .. عـوف اولادي بعـدين
وسولـفلي على حـسين .. ويلي
###########################
يابشر احجيلي كلشي المشتـكه للبـاري
وقبل لا تنـعه المدينه تنعه كـون ابداري
كـربله احچيلي عنها وگلهـا عن اخبـاري
والله من يوم العفتهم كامت اتوج ناري
توج وتستعر .. وبگليبي الجمر
بلا ضحكة هلي .. ما اريد العمر
يـابشر .. ارسومك تشرح الحال .. عينك بيها مرسـال
احجيلي مدوهن البـال .. ويلي
يـابشر .. توجع كلمت الوين ..عوف اولادي بعدين
سولفلي على حسين .. ويـلي
#############################
كلت لزهره الزچيه عمري فدوه الاسمج
واربع ابنيني انذرتهم حـته اخـدم والـدج
وروحي هم افديها الهم لان روحي تحبج
وعيني من كد ماتشوفج كل مسيه اترسمج
عيوني مساهره .. وابقه مناطره
انذرت ولد اربعه .. واحس امقصره
يـابشر .. جايب خيمه وارماد .. جـرح البيه يزداد
وافوا گلـي الاولاد .. ويلي
يـابشر .. تدمع گامت العين .. عوف اولادي بعدين
سولفلي على حسين .. ويلي
###############################
من بعد مسمعت منج سمعي مني شصاير
عظم الله اجرج ابولدج يـالعميتـي النـاظـر
جعفر وعبدالله راحوا وانكسر كـل خـاطر
وهم بعد عثمان مات وجثته جوه الحافـر
تغطوا بالـدمه .. وماتوا بالضمه
الوصيتج نفذوا .. ورضوها الفاطمه
يـابشر .. لا تحچيلي تفصيل .. مني رايح الحيل
گلـي اشداست الخيل .. ويلي
يـابشر .. ما متحمله للحين .. عوف اولادي بعدين
سولفلي على حسين .. ويلي
###############################
وابو فاضل شحچي عنه وشحچي عن چفينه
حسين شيب من وصله وطاح يـمه حسينه
بلا ظهر ضل يمشي گوه وسهم شاف ابعينـه
والهضيمه بلا چفوفه ومستحي من اسكيـنه
نزف كد غيرته.. وخجل من طيحته
يهم بس بالخيم .. واخيته تنـخته
يـابشر .. گلبي اتگطع ابهاي .. كلي هم شرب ماي
عندي الكافل هواي .. ويلي
يـابشر .. الكافل انطه چفين .. عوف اولادي بعدين
سولفلي على حسين.. ويلي
################################
بشر ضل ينعه المصيبه وگام يهمل مدمعه
وگلـها مـا قصرتي بيهم خوش ربيتـي اربـعه
تلاثه طاحوا فدوه لسمه حسين طيب منبعه
وابو فاضل هذا راسه وجـسمه يم المشرعه
ابو فاضل غضب .. كتل بيده وضرب
وصل يم النهر .. ولا گطره شرب
يـابشر .. كالت والسبي شلون .. گلي اشباقي بم عون
الـها تعمـه العيون .. ويلي
يـابشر .. زينب شافت اونين .. عوف اولادي بعدين
سولفلي على حسين .. ويلي
################################
والمصيبه الجاي بيها ويا عظـم هالمحنه
لمو حسين بحصيره وطعنه فوك الطعنه
وزينب اتصيح اعلى خوها بعد عينك ضعنه
وجهـوا راسه عليـنه لسـبي مـن رحـنـه
طاحت عالجسد .. زينب وشبعد
لو شفتي الضعن .. متعرفيها ابد
يـابشر .. اخ الابني من طاح .. وزينب صعبه تـرتاح
وعمري يگضي بنياح .. ويلي
يـابشر .. ميت ابني الحنين .. عوف اولادي بعدين
سولفلي على حسين.. ويلي
سيد محسن الجابري
#نزال_لمولاتنا_العليلة ع
بويه اعلة بابگ .. انطر تجيني
###################
طفله واعاين ليش عالرايح وجـاي
بلكت يمرني حسين ويرجع ويـاي
يـوم العفتني هواي ضلمتني دنيـاي
عطشانه بس لحسين مارايده الماي
وادم ينـامون .. وانـه ابونيني
بويه اعلة بابگ .. انطر تجيني
######################
كل ضني كون وياك ارحل واسافر
ما ضنتي بفد يوم عنـي تهاجـر
نار الفـراگ هواي كاسرلي خاطر
حالي بغيابك صار حال المگابر
ويه الهوه الهاب .. ارسل حنيني
بويه اعلة بابگ .. انطر تجيني
#########################
شمعنه عفتني هنا من دون اخوتي
تدري بغيابك ريت اتمنـه موتـي
من البچي مبحوح يابويه صوتي
حيلي تهدم بيك چنت انته قوتي
ويـلي بغيابك .. ضاعت سنيني
بويه اعلة بابگ .. انطر تجيني
###########################
كون الزمان ايعود واتروه عطفه
عمري زغير وصار كل عمري نزفه
من ايدي وسفه تروح يابويه وسفه
عگبك يضي العين ما اگدر اغـفه
والله بغيابـك .. ماتغفه عيني
بويه اعلة بابگ .. انطر تجيني
############################
اتخيل ابكل يوم طاري اهلنه
واتمنه كون البيت يرجع يلمنه
لا مره مليناه ولا هـوه ملـنه
بس الزمن غدار طشر زلمنـه
اصفگ على الراح .. ايساري ويميني
بويه اعلة بابگ .. انطر تجيني
#سيد_محسن_الجابري
هل هلال الحـزن بالدمـعات هـل
وانه وحدي وطولي ضل ابلايه ضل
_________
مرني شهر الضيم والحسرة تجـر
شما يمرني اذكر اسياط الـشمر
كلشي يعطش بيه لو شهرك يمر
جبل صبري والجبل صاعدله تل
_________
الليل عند الناس بي تغفه وتچن
وانـه ليلي ما غمض بيـه الچـفن
لهل سبب صار اسمي بسم ام الحزن
والحزن من زغري سل ابروح سل
_______
من زغر سني وعلي دهري قسه
ما اصبح صار كل عمري مسه
ابالي صوت اطفال وونين النسه
الفرن ابليل العلي كلشي ذبل
_______
كل فجر مصباح بي يبدي الحمل
وبيه ضل يتمايـل ابحـيله الهـزل
لهسه بيـه اثـار من گيـد الحـبل
ويلسع ابجلدي وليهسه ابالي ضل
_______
ليلي ضل يبدي ابله ويخلص بله
واللي فـارگله عـشيره چـا شـله
كلها هينه بس مصايب كـربلـه
عگدت ابروحي وصرت مابيه افل
________
الگمر عـالگاع من چفـه هـوه
كمت اشـم افراگ ما اشم الهوه
لجرحي بس الكافل الچـان الدوه
والدوه راح وصبح جرحي يچل
______
حزني طـاف ودمعي واصل للهدم
مدري اهم بحسين مدري ابيش اهـم
كبالي راسه ويمي بس صوت الزلـم
ويمي بس نسوان واطفال وهـزل
_______
سيد محسن الجابري
*السلام عليكم ورحمة الله وبركاته*
يسرني ويسعدني أن اتقدم بأزكى آيات التهاني والتبريكات الى مقام سيدي ومولاي الإمام صاحب العصروالزمان ارواحنا لتراب مقدمه الفداء والى جميع مراجعنا العظام وجميع المؤمنين والمؤمنات من شيعة أمير المؤمنين عليه السلام
*بمناسبة عيد الفطر المبارك*
وسائلاً من الله العلي القدير أن يجعل فرج امام زماننا ويجعل اعيادنا برؤيته اجمل واجمل وان يعيد علينا وعليكم هذا العيد بأفضل وحال انّهُ سميع مجيب.
خادمكم_محسن_الجابري
يـا علي .. صاحت الحبيبه .. لحيتك خضيبه
فرگتك مصيبه .. حيدر
#####################
رايـح .. ضلت ايتامك وحدها.. منهو بعدك يفزعلها ..بويه يالوالي
رايـح .. صدك لو هم بيك جيه .. تكالبت كلها عليه .. ومحد بحالي
اليـتامه ابـاب بيـتك يالأمير
هذا جايـب لبن والثاني شعير
وينك ايريدوك ما رادو العيد
كلها تنشد وين المفرح الفقير
بلا ولي .. كالوا اليتامـه .. تروح الابتسامـه
من يسد مكانه .. حيدر
##########################
صعبـه .. فراگك ايغيـر الملامح .. كمت احسك بالجوارح .. وبعجل تـرحل
صعبـه .. زينب بلا علي صعبه .. يعني راح اتعيش غربـه .. بويه كلي الحل
المفارك والده ايعيش ابضيـاع
ابـد متلمـه سمه ومتـلمه گـاع
الخيمه لو طاحت تطيح الامنيات
السفينه شلون تمشي بلا شراع
ياهو الي .. من بعد راحيلك .. يـاعلي دخيـلك
طامعه بقلـيلك .. حيدر
########################
ضلمه .. صار بيتك بويه خالي .. خنگة انفاسي الليالي .. وتكتل الحسره
ضلمه .. وحشة اديارك عليه .. واحترك كل مغربيه .. من اذكر الزهره
لهسه بيه جروح نيران الجنين
لهسه اثار الحرك بيدي الثنين
ياجرح يتضمد ايـفز جـرح لاخ
فوك جرح الزهره جرحك يالحنين
يا هلـي .. صعبه عالعقيله .. مـنهو اشتكيـله
محنتي ثگيـله .. حيدر
#########################
بويـه .. بنتك ابجالك اميره .. بـعدك اتصبح اسيره .. والدمع ينـزل
بويـه .. حدثوني بالمصايب .. كالوا ادخل للخرايب .. رايده اليكفل
كلها يازينب على انفاسج سلام
ابو فاضل هـوه يكفلها الخيـام
باجر اتشوفين اخوج ابين اديج
ايحطج ابعينه النبت بيها السهام
كافلـي .. بطيحته الحزينه .. بيسرته ويـمينـه
بموتتـه انسبيـنه .. حيدر
#######################
جرحي .. بالسبي يلچمني باجر .. والجرح من الحوافر .. داست ضلوعه
جرحي .. من اشوفن راسه عالي .. والمهر من عند خالي .. وتشهد دموعه
بويه كلهن ذني احملهن محال
بويه عگب حسين مايبقالي حال
ويلي يازينب على مصابچ شگول
صاحوا المسبيه من عگب الدلال
بمحملـي .. ودمعتي وونيني .. وانتظر تـجينـي
چم رزيه بعيني .. حيدر
#سِـيِّدٍ_مًحًسِـنِ_أّلَجّـأّبًريِّ
#شهادة_الامام_الكاظم ع
سجني ضلمه وكيد بيه .. بكلبي احچي چم رزيه
ااااه ااااه ياقسوة السجان
__
الكاظم اني .. يـا زمانـي الكظمت غيضي وغضت
نضر عيني .. بـكل ونيني راح اسولف ما شفـت
ويـن .. احجي وبالسهر
ويـن .. دمعاتي صـور
ويـن .. ابعيني النحر .. وبكلبي جوده
شويه احچي وبيه الهواي .. بسجني واخجل اشرب الماي
اه اه .. ياويلي عالعطشان
اه اه .. ياقسوة السجان
__
رايد ابدي .. بقصتي واحدي من بالسجن ضليت
ليلي جرحي .. وانتو صبحي ياشيعة اهل البيـت
صـاح .. هارون الكفر
صـاح .. عالسندي يمر
صـاح .. احسم هالأمـر .. ضيك گيوده
بلايه رحمه ولا خطيه .. من منيه لحد منيه
اه اه .. ومكيده الذرعان
اه اه .. ياقسوة السجان
_
بدمعي ناكع .. والمواجـع لا مو سجن وعيون
لچن عندي .. يجي السندي ويشتم اعله ام عون
طاح .. حيلي وانهدم
طـاح .. ذكرني بسهم
طـاح .. بزينب والخيم .. وطيحة زنوده
جرح الطفوف ويه نفسي .. بيه اصبح وهـم امسي
اه اه .. يـا طبة الديـوان
اه اه .. يـاقسوة الـسجان
__
من يمرني .. ضل يجرني وتشبكني كـومه جروح
بيـه سكته .. لچن شفته يحجيلي علـ مذبـوح
ضاك .. صبري والحبل
ضاك .. بيدي والفعل
ضاك .. بچلماته اشتعل .. وهو ابروده
لحظه عيني تغفه بيـه .. تـشوف شوغـات الزجيه
اه اه .. واتنفس الدخان
اه اه .. ياقسوة السجان
___
بسجني انعي .. واكض ضلعي واتذكر اعله البـاب
امي طاحت .. وروحي راحـت وتـرد لچن بعتـاب
ليش .. فاطم تنظرب
ليش .. والحاقد يطب
ليش .. بالدار الغرب .. والدنيا سوده
ابچي واسكت نفسه حيلي .. شحچي والزهره ابدليلي
اه اه .. يازهـرة القرأن
اه اه .. ياقسوة السجان
___
فاض أمري .. وضاك صدري دعـيت رب الكـون
كتله الاهي .. ابجاه جـاهي خلصني من هـارون
جـاب .. رطبه السندي الي
جـاب .. عـباله انـولـي
جـاب .. ادري ابمقتلـي .. وادري بعهوده
كضه عمري بحبل ينكاد .. وجثتي ضلت بجسر بغداد
اه اه .. يـاحركة الدفـان
اه اه .. ياقسوة السجان
#خادمكم_محسن_الجابري
#شهادة_السيده_زينب عليها السلام
تذبح كلمة الخوه زينب صاحت هواي
راحوا مني خواني الچانوا مـثل الفياي
###########################
زينب تون وتسولف بوحشة البيت الخلي
چنت اميره ابجال عزهم اه يـا لـمة هلـي
من اطلع من البيت چانوا كل اثر يمحو الي
هسه من بعد الغوالي سبيه طلعت بت علي
شحچي والشمر وسفه يـمي رايح وجاي
راحوا مني خواني الچانوا مثـل الفـياي
#############################
من اذكر سوالـف اخوتي تصب دموعي چن شمع
صح زغيره وبيه عاشت نار وخـيام وضلع
لچن چانوا اهلي يمي وهمه مسحولي الدمـع
ويلي هسه وبيتي خالي وكل دقيقه انفجع
هسه ويلي من ابچي عليه يشتم الجاي
راحوا مني خواني الچانوا مثـل الفـياي
##############################
للحسن شحچي يدهري وانه وي ضله عشت
بعد ابويه هوه النه خيمه چان ابكـل وكـت
من زغر سنـي ويگلي عليـج ياخويـه خـفت
وبعد ما سمموا جسمه راد مـاشوف الطشت (بهاروايه)
حتـه وباخر ايـامه يخاف عليه من هاي
راحوا مني خواني الچانوا مثـل الفـياي
###############################
وللگمـر ابني يروحي تحچي بعيـوني الصور
بيدي ربيته وحسبته اغلى من عيـن النـضر
ابني صار وهم اخويه وهـم كفيلي وهم كمر
انكسر كل صاحي بيه بيـوم عفتـه اعلى النهر
لمـن طاحت اچفوفه طيح كلشي وياي
راحوا مني خواني الچانوا مثـل الفـياي
###############################
ويلي وحسين ومصابه البيه صرت محيره
ماشفت كل عمري مني ولا شفت من الجره
داسته خيول الاعادي وصار لحمه اعلى الثره
والشمر كاعد ابصدره وشال سيفه المـنحره
يابس كلشي بحسيني مات وماشرب ماي
راحوا مني خواني الچانوا مثـل الفـياي
###############################
#ونسألكم_الدعاء
#سيد_محسن_الجابري
https://vt.tiktok.com/ZS6A5VmGs/
Читать полностью…
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
#ليلة_الوداع
حوار العقيله زينب عليها السلام مع اخيها اباعبدالله الحسين عليه السلام
بالـخيمه الحچي تاليته عالفطره
صار امشابك الدمعات بـالـنضره
الحجي صار .. ضمه ونار .. بدمعة الحره
_____
تعنه وكصدها بالحزن .. والخطوه يثگل بيها
يصبرها راد ابروحته .. بس شو دمـع كاضيها
كـللها دمـعاتج سـتر .. بخفيه يخويه اجريها
تمعن بالعيون وكشف .. سر الحياه راعيها
تكله سري حسين مو عذب سري
يالـتريد اتـروح فدوه اخـذ عمري
مو بس عمري الك افديلك عيوني
ولا اشوفك امـگطع من يـسألوني
الرمل حار .. ضمه ونار .. بدمعة الحره
_______
شمت قميصه وشافته .. و تـذكرت امها ابضلع
كلتله حـَل وكت الفرض .. وموادع اجروح ودمع
وصتني امي بهالوكت .. ياخويه لوصيتي استمع
شمي جروح السحكته .. او بوسي راسه المنكطع
يكـلها راسي ويـاج بـالـسبي بـاجر
وصدري فوك الكاع مطشر بحافر
لو شفتي الشمر متربع ابصدري
اقري الفاتحه ابدىعاتج التـجري
صبع طار .. ضمه ونار .. بدمعة الحره
______
ياخويه ما بعد الذبح .. يصير النهب بالخيمه
من غير نار التشتعل .. ومراكض ابهل هيمه
واحد يطك الاخر يسب .. بلا رحمه وبلا شيمه
عينج عله هذا الضعن .. صيري الحزنهم غيمه
يـختي ما اوصيج بـاجر اعـليهم
صيري چن عباس وانتي اكفليهم
كـفالج وكـع وتـبده كـل جـوده
بس انتي وكفو بالخيمه موجوده
الكمر غار .. ضمه ونار .. بدمعة الحره
_______
كلتله والمدمع يهل .. هواي السوالف هـيه
سهله الخيم خل تحترك .. شلون بركض علويه
يوجعني ياخويه العتب .. اعذرني هـذا البـيه
كدامي بنتك تنضرب .. وتـتسـلب الترجيه
تبچي والـسلاب يضـحك الحاقـد
عـمه صاحت هـاي هـدية الـوالـد
طفله وبالحرب ياخويه صبرني
تكلي عمه ليش الشمر يضربني
والاشرار .. ضمه ونار .. بدمعة الحره
_______
حاجاهه بجروح المتن .. وضل يشرح ابموضوعه
نار وشمس خيل وضرب .. وبين الغرب مفجوعه
كللها يوجـعني الـسبي .. وكامت تـشم اضلـوعه
يبجي الحـسين ومنكسر .. وزينب تنشف ادموعه
يكلها درب الشام كلها فرحانه
وانتي طول الليل يختي سهرانه
سهرانه وعيونج تـرصد المنظر
ما بين الرمح والشامت اليفتر
والحجار .. ضمه ونار .. بدمعة الحره
_______
#سيد_محسن_الجابري
#نسألكم_الدعاء
يوجد ترويج( لمواليد الشعبانية )
#حقيقي عراقي
(فيس+ انستا + تيك توك + يوتيوب)
للتواصل واتساب 07732320742
تلجرام
@ahmed_alziwar0
عباس صاحوا لو علي هذا النزل للحومه
#################
غضب.. وعيونه حمر
غضب.. ضل يشمر شمر
غضب.. وبصدره جمر .. هذا عباس
برز.. وانزاح الهوه
برز.. يكتل باللوه
برز.. اليشوفه خوه.. هذا عباس
اليشوفه ما يحس برفيجه
مايلحك حته يبلع ريجه
السبع بيهم يشگ ابزيجه
صارت ارض الطف عليهم ضيجه
ياويله اليوصل لخيامه (هوسه)
اليوصل الحد الخيم اتطيح حته ارسومه
########################
هجم.. من شاف الخصم
هجم.. بقائدهم تضم
هجم.. ضل بيهم يطم.. هذا عباس
سبع.. ما همه الخطر
سبع.. واحله من الگمر
سبع.. نازل چن مطر .. هذا عباس
البرزله والله يقهر حاله
والشرد منه الف هنياله
اليعرفه ما وصل لخياله
شمر حته الخيل عالخياله
تتراجف منه الخياله
السلم منه بالحرب بس اليذب اهدومه
########################
شهم.. شايل كربله
شهم.. من يوصل اله
شهم.. حامي العائله.. هذا عباس
رسم.. طف من الزغر
رسم.. اسم ام الخدر
رسم.. بجفوفه النصر.. هذا عباس
من زغر سنه وثگيله متونه
يضمه حيدر چان ليحسدونه (بها روايه)
بالحروب الكافل ايعرفونه
يخبط الجيش وتوج اعيون
ماينگض لو شد الثامه
تارس الطف ابغيرته وسطراته ما معلومه
######################
گمر.. كافل للخيم
گمر.. وبچفه علم
گمر.. والوحده هجم .. هذا عباس
رزن.. كلفه يمنته
رزن.. كد احچايته
رزن.. واخته اتنخته.. هذا عباس
وصل للماي وغرفه بيمينه
ماشرب منه ترس لسكينه
نهر غيره طالع من اجبينه
وكامت الجربه تبوس بعينه
ومعلگ جربه اعله متونه
الجربه تارسها وفه من گصته الملچومه
#########################
خسف.. بيهم هالارض
خسف.. ابطول وعرض
خسف.. بسيفه منتفض.. هذا عباس
فحل .. سد عين الشمس
فحل .. يخنگ بالنفس
فحل .. لقنعم درس.. هذا عباس
رجف حته الماي من النضره
والشرد مرعوب طاح ابخزره
اليخطفه ايموت من السطره
والگصدله بيده يحفر گبره
ليگصده بيده يطم روحه
نضراته ماتخطي ابد والسطره هم محسومه
#سيد_محسن_الجابري
#ليلة_العباس
لسان حال مولانا الامام الحسين عليه السلام
مخاطباً مولاتنا العقيله زينب عليها السلام
قائلاً
راح عباس .. يختي طايح عالنهر
راح عباس .. وانكسر يمـه الظهر
يـكلي خـليني ابمكاني وعفته
ثاري كلش مستحي من اخته .. راح عباس
______
لمن وكع وابطيحته الحك الي صاح وسكت
رحت وركضت المصرعه وعيوني وحدها بجت
من نبرة ونينه اعرفت ضل باله يـم الما روت
انهدم حـيلي وشـيبت عد راسه
فـكره يـم الخيمه مو يم ناسه
جـاب طاريج بـأخير انـفاسـه
يسلم اعليج الگمـر بحساسـه
راح عباس .. كلشي من بعده ذبل
راح عباس .. ضل يسولف عالأهـل
كتله كلي شيوجعك كال انته
ثاري كلش مستحي من اخته .. راح عباس
________
ياخويه من يمه اكعدت بين عالرسومي القهر
الـرجف ابـطوله العـده امـطشر وصايـر وذر
ابطولي چنت امشي عدل خلاني امشي بلا ظهر
انكسر ظهري وحدبت لونـينه
الشفته يمه يختي لتشوفينه
زنوده مكطوعه وسهام ابعينه
وفوك كـل هذا تـره امگـطعينه
راح عباس .. ذاك ابـو طول الحلو
راح عباس .. چا هسـه ليردني مـنـو
شلون اكوم وحيلي مرمي بونته
ثـاري كلش مستحي مـن اخته .. راح عباس
_________
ياخيتي بالرايه شفت من كل مكان اموذره
بس قبضت ايده بلا اثر ضلت وطاحت عالثره
معناها اخيج من وكع وكفو على انفاسه سـره
واحد يبدي بجربته الروايه
الثاني يطعن بالجسدوالرايه
وهو كل هذا التغثه احجايه
صاحوا العباس طايح مايـه
راح عباس .. و الـلي اذاه الـوعـد
راح عباس .. بالخجل كلـبه انمرد
سكينه كل فكره تضل ناطرته
ثاري كلش مستحي من اخته .. راح عباس
________
المشهد الاصعب عليه ياخويه من بعد الحرب
واكع على الراس العمد وتهوس براسه الغـرب
يدور عليه بكل كتر حسباله تـوني بـنص درب
يحـجي وي ذبـاحه لا تـذبحني
خل يجيني حسين ادري يحبنه
وكامت ادموعي بوجع تحركني
كتلـه انه حسين صاح ادركني
راح عباس .. وانتهى وياه الـعمر
راح عباس .. والوجع يختي الستر
ضيم الاطفال وضمه الذابحته
ثاري كلش مستحي من اختـه .. راح عباس
_________
ضلت الدنيا بلا كمر ياخويه من يوم الوكـع
سودت الدنيا بوكعته وكل الدمع چن ما نفع
ياوسفه واصوات العده يم راسه وزنوده ارتـفع
شلون افسر طيحته بتفسيره
زنود ماعنده وظـلام الديـره
بعد آبو فاضل حسين ابحيره
وعكبك الدنيا تراها اگصيره
راح عباس .. وكل سوالف تنكسر
راح عباس .. بقت بس ام الخدر
صـاحت بلوعة كلب عاذرته
ثاري كلش مستحي من اخته .. راح عباس
_______
وبأخر انفاسه سئلت عباسي عن حالة فرض
خليته راسك بالحضن وترد تراجعه عل الارض
جاوبني بدموعه وبجه وبكلبه موجود الرفض
كلي ما اقبل اصير بحضنك
منهو بعدي يوسدك ويحضرك
انه ميت صعبـه اضل ابكترك
بعدي عشر خيول تسحك صدرك
راح عباس .. وتحزم بحيله الشمر
راح عباس .. ووصيتي يمج تنشمر
ادري لعـيالي العـمر نـاذرته
ثاري كلش مستحي من اخته .. راح عباس
_______
سيد محسن الجابري
اللـيله حاجة عدنه وياج ونعـرف ما تردينه
عليـج ابخـوة العباس بسجل عباس سجلينه
_______
بسم ام الكمر نبدي عزانه وتشهد الدمعه
اليحضر مجلس ام عباس ترزقه الجاه والرفعه
واكيد الزهره موجوده ابعزانه الطاهره البضعه
تـفرح باليدك صدره .. وتحزم بالنذر عمره
وترزقه الدمعه والنظره
عليج حسين يم حسين منج لا تحرمينه
_________
بي سر مجلسـج والله وسرج ما تفهمه الناس
ليش من اذكر امصابج يروح الگلب يم عباس
ضحيتي ابأعـز ولـدج وتضحيتج ولا تـنـقاس
يالضحيتي كـل ولدج .. وچان حسين كل همج
تعلمنـه العشك منج
ارزقينه البچي لحسين وبعباس حزمينـه
________
نعرفج ما تردي الناس ويمج ما يضل سأل
نريد انصير فيْ لحسين وخدام الابو فاظل
سجلج بالعطه معروف وتاريخج يضل حافل
عليج ابداعة ابنينج .. نريد انعيش بونينج
ونصير الماي لحسينج
كون ابـدفتر العشاك تتسجل اساميـنه
_________
اليقره الفاتحه وينخاج ما يحـتار بسنيـنه
قبل لا يطلب الحاجه كلشي يريد تنـطينه
كريمه وچفج ايخجل ونـعرف ما ترديـنه
يالجودج يگـر العيـن .. كون انصير بس لحسين
وما نگطع ابد الونين
حاجات الخدم هايه ويـه حسين خلينه
_________
بعزاء الضحت ابكلشي عزانه يستمر لازم
وتضل رايتنا مرفوعه من خادم الى خادم
تضل جمرتنا متوجره لحد ما يظهر القائم
وهناك العزاء يحله .. بحظور المهدي بالسهله
والمجلس وله انمله
تزيد الحركه واللوعه بحظور المهدي وونينه
_______
#سيد_محسن_الجابري
لحن ثاني
بويه اعلة بابگ .. انطر تجيني
###################
طفله واعاين عالرايح وجـاي
عطشانه لحسين مارايده الماي
يـوم العفتني ضلمتني دنيـاي
چنت انته اليه يـاوالدي فياي
وادم ينـامون .. وانـه ابونيني
بويه اعلة بابگ .. انطر تجيني
######################
كل ضني وياك ارحل واسافر
ما ضنتي بيوم عنـي تهاجـر
بْعدك يبويه كاسرلي خاطر
حالي بغيابك حال المگابر
ويه الهوه الهاب .. ارسل حنيني
بويه اعلة بابگ .. انطر تجيني
########################
شمعنه عفتني من دون اخوتي
تدري بغيابك اتمنه مـوتي
ارفع اديه وادعي بقنوتـي
حيلي تهدم چنت انته قوتي
بيوم العفتني .. ضاعت سنيني
بويه اعلة بابگ .. انطر تجيني
##########################
اتذكر هواي كـعدت اهلنه
نعاين عالحسين ويفك حزنه
اتمنه لو يوم يرجع شملنه
بس الزمن خان طشر زلمنه
اصفگ على الراح .. ايساري ويميني
بويه اعلة بابگ .. انطر تجيني
############################
ما اسلهم النوم كاتلني هجرك
باقي ابـخيالي يابويه ذكـرك
امشي واسولف كله اعله امرك
مااگدر اغفه بس اعله صدرك
والله بغيابـك .. ماتغفه عيني
بويه اعلة بابگ .. انطر تجيني
#سيد_محسن_الجابري
ذبلت حته عيوني .. وياكم فدوه اخذوني
وياكم فدوه اخذوني.. لتعوفوني
#######################
طفله ما احمل قهر.. والله يوجعني السفر
عمري بدونك صاير بويه.. عذاب
بعد ما چانوا الي.. بلحظه راحوا كل هلي
وصارت كل سنيني بغربه و.. عذاب
فاطمه بنتك التحچي بويه والمدمع يهل
مو عليله وياك بويه اگدر ابكلشي احتمل
خذني سجاده الصلاتك خذني اهزاً بالطفل
ليش كل اخواني راحوا ليش بس انه اضل
وحدي لتعوفونـي .. وياكم فدوه اخذوني
وياكم فدوه اخذوني.. لتعوفوني
#########################
كعدتي وياكم سوه.. هيه لجروحي دوه
بيوم الرحتوا خضر جرحي.. جروح
ميت ابريتي الهوه.. وعيني ماشافت ضوه
ذبلت من دموعي وشافت.. جروح
والله يقهر حالي بويه وعمري مو كد الرمح
ومن اشوف اطفال تلعب ويه اهلها انـجرح
بيش اصبر روحي گلي وانـه مكسورة جنح
عمري طفله وگلبي شايل نار وخيام وذبح
شالت جربه چفوني .. وياكم فدوه اخذوني
وياكم فدوه اخذوني.. لتعوفوني
###########################
بعمري ما عشت البُعد .. زغيره وبعمر الورد
واتلوع من ضيم الفرگه .. عجيب
معلگه ابالي الصور .. قبل لا اشبع قهر
واتعذب من نار الحرگه .. عجيب
من تمرني المغربيه اذكر اسنيني المضت
هنا ضحكنه هنا لعبنه وابد ما عيني بچت
هنا تسولفلي العقيله وكل سوالفها بخت
هنا يجي حسين ويضمني وروحي يمه تفرفحت
خابت كل ضنوني .. وياكم فدوه اخذوني
وياكم فدوه اخذوني.. لتعوفوني
#############################
زغيره واحتاج الدفو.. بنيه وبعازة ابو
والله فراگ الوالد يـوجع.. واذوب
شحسبلكم وانتظـر.. اللحظه احسنها عمر
واتذكر كل لحظه وياكم.. واذوب
الفارگ الخيمه الچبيره يگضي عمره بلا وطن
وانه روحي هسه احسها جنازه ملفوفه ابچفن
كلشي ميت صار بيه وعلتي زادت بـالمـحن
بس جسد موجود يمي وروحي راحت لضعن
روحوا ولا تنسوني.. وياكم فدوه اخذوني
وياكم فدوه اخذوني.. لتعوفوني
###########################
من بعد كل الحچي.. راح اموت امن البچي
رحموا بحالي ورجعوا شويه.. خيال
لختي مشتاگه وردت .. احچي الها الما شفت
متعوده وياها احچي البيـه.. خيال
ولبو فاضل عمي والله حيل مشتاگه اله
كافل الخيمه ويه زينب گصته غيره مبلله
امنيتي چانت ويه عمتي گون اروح الكربله
وامشي مسبيه واشاگف بيدي ويه العـائلـه
تحمل سوط امتوني.. وياكم فدوه اخذوني
وياكم فدوه اخذوني.. لتعوفوني
سيد محسن الجابري
يامهدي .. شهرُ المحرَّمِ قد اتىٰ
يامهدي .. والكلُّ يلهجُ بـالندا
يامهدي .. عجل فقد طال الصدىٰ
####################
عاشورك الليله بده .. أعلية المدامع شاهده
بجروحي جيتك .. كاصد البيتك
ابيتك انعه واختنگ .. واحچيلك اجروح السحگ تسمعني ريتگ .. گاصد البيتك
رفقاً بأحساس المحب يامهدي
كل خوفي المأخرك ذنب من عندي
ابـاب بيـتك واگـف انـه مجـدْي
يامهدي .. صوتُ الضمائرِ قد عَلٰى
يامهدي .. أرواحنُا لـك الفـدى
يامهدي .. عجل فقد طال الصدىٰ
########################
يالقاسي وياك الزمن .. يالصاير الروحي وطن
ليلية اندبك .. مولاي احبك
سامحني يالعطفك نهـر .. واسمحلي اخدم هالشـهر
خليني اخدمك .. مولاي احبك
اقبلني يالكلشي تره بضمانك
وخليني اخدم هالسنه بأمانـك
حيل محتاج الوجودك والحنانك
يامهدي .. من لي سواك ياتُرىٰ
يامهدي .. حُزني عليك ابك الورىٰ
يامهدي .. عجْل فقد طال الصدىٰ
##########################
اشعلّك ابروحي شمع .. واحچيلك ابنبرة دمع
حچي المدامع .. يهيج المواجع
طوّل اغيابك ياصرح .. كل جمعه بالندبة انذبح
صوت الجوامع .. يهيج المواجع
احسبلك احساب العمر واتوسل
كلشي اقبل ولامني احسك تزعل
يالعلمتني ويـاك اعـيش امـدلل
يامهدي .. أملأ يَدَيَّ بالعطا
يامهدي .. ارزقني آثـار البُكا
يامهدي .. عجل فقد طال الصدى
###########################
نار المحب متوجره .. كل الخدم متحضره
منتظره حـزنك .. تبچي ويه ونك
تحضر عزانه فاطمة .. تنعه وتـون ولاطمـة
كل ضنها ضنك .. تبچي ويه ونك
واتصيح انه ام البقه بلا فزعه
احضر مجالسكم مثل المضيعه
وصوت ناعيكم على ابني انسمعه
يامهدي .. من فاطمة هذا الندا
يامهدي .. احزانُها تُبكي السما
يامهدي .. عجل فقد طال الصدى
##############################
بالخاتمة انلخص الحچي .. مولاي عذبنه البچي
يالكلشي تـگدر .. ياجـمعة تظهر
اليا مكان اتروح اله .. بالكوفـه لو طـف كربـلة
يـالجرحك اخضر .. يـاجمعة تظهر
نار البعُـد مولاي تـلسع بيـنه
ضل بينه ميت كلشي يا والينه
مر بينه تدري ابشوفـتك تحينه
يامهدي .. قد ذُقنا انواع البـلا
يامهدي .. والشيبُ بالقلبِ طغىٰ
يامهدي .. عجل فقد طال الصدىٰ
#سيد_محسن_الجابري
من الجواد .. لـحضرة الخـادم
كون الحداد .. كل العمر دايم
عاشور اجه بهذا العزه هنيـاله ليساهم
###########################
شهـر .. من ذهب
عزاء .. عطره هب
نجاة .. بالتعب .. احچاية الفطره .. من تاسع العتره
الضياع .. بالهجر
بكاء .. من العمر
العذاب.. كله اجر .. ابنية الفقره .. من تاسع العتره
انه الجواد الشيعتي ارد ارسل الامـي
ايامي فتـره وتنتهي خلـوها ايـامـي
ما حاچه اوصيكم بعد معروفه خدامي
كـل العمر يبقـه العزه للسـيد الضـامي
يبقه المصاب .. لحسين ابو اليمه
نـوح وعذاب .. بـالحسره والخدمه
شما تزغر انتـه للخـدم اتصير چن عالم
عاشور اجه بهذا العزه هنيـاله ليساهم
###########################
خلگ .. محترگ
عشگ .. من صدگ
صدر .. منـسحـك .. للگضت محـنيه .. كون بحسن نيه
بعمل .. وبفعل
صور .. بالعقـل
تسير .. ويه الهزل .. واترجم البيـه .. كون بحسن نيه
يالرايد اتبرد جروح المهدي والزهره
خل عينك بطول العزه من البچي حمره
اجزع والطم واعمل واخدم وهم اقره
الواضب ابمجلس عزانـه اتوفقه الزهره
تنطي الثواب .. وتوزع الدمعه
تفتحله بـاب .. وتسجله البضعه
شهر الدمع بي ننفجع اي يالخدم لازم
عاشور اجه بهذا العزه هنيـاله ليساهم
##############################
جرح .. ينفتح
خيم .. تنـطرح
وجوه .. تنفضح .. لا مو شهر عابر .. معروف اليثابر
صراخ .. يعتلي
العزاء .. ينمـلي
اليصيح .. ياعلي .. كون بعلي شاطر .. معروف اليثابر
يالصوتك امبچي السمه حافض على دينك
اتـرك الدنيـا والحچه ولا تتـرك حسـينـك
للمنطي لله شمـا ملـك طشـرهن اسنينك
باچر ابنظره من علي صْـدگ يـگر عيـنك
كلمن يْثـاب .. گد نية الـمنحر
كون الشباب .. تفهم حچي لمنبر
مثل الشباب الانذبح انتـه اقتدي بقـاسم
عاشور اجه بهذا العزه هنيـاله ليساهم
#############################
دموع .. تنكتب
شموع .. تنسلب
شـهر .. ينحسب .. لحظاته چن جنه .. باللطمه والونه
خيام .. تستعر
ظلوع .. تنكسر
جفوف .. تنشمر .. لـمثل الگـمر چـنه .. باللطمه والونه
يالفاهم ابدرس العشگ ومحيـْر الغـافل
كل ما تجن بمحبتـك معناها چن عاقل
يمحصن اذنوبـك صدگ ايحصنك الكافل
وايدك الدگت عـالصدر ياخذها ابو فاظل
من يعتنيك .. يـالبالعزه فاهم
ياخذ بديك .. قـمر بني هاشم
يتـكفل ابعمرك مثل مـتكفل الوادم
عاشور اجه بهذا العزه هنيـاله ليساهم
############################
مصاب .. ماله حد
ثواب .. للگصـد
عتاب .. وشبعـد .. اعمـالكم عنـدي .. اتقربوا للمهدي
دموع .. لو جرت
خشوع .. لو بچت
سيوف .. لو حچت .. اتفاخـر ابولـدي .. اتقربوا للمهدي
كون اليواضب بالعزه يمشي على دربه
كون البـچه للـمنسلب ميفارگ النـدبه
كون الخلص للال النبـي ينشر اثـر گلبه
المهدي حاضر ياخلگ ما عاف اللي يحبه
هوه يجي .. وتتشـرف ابنظـره
بس بالگلب .. بانيله چن حضره
مثل الهوه المنتظر يتنفسـه الخـادم
عاشور اجه بهذا العزه هنيـاله ليساهم
############################
تمت ونسألكم الدعاء
سيد محسن الجابري
نزال
سر الوجود اولايتي .. علي ولي نعمتي
علي مولايه علي
#######################
مانعوفـك يـاعلي وتبقـه ولـينه
وبس الك يا ابو الحسن نرفع ادينه
اللي ميلوح العنـب يحچي عليـنه
خله يحچي احنه حيدر عـاشگينه
علي الي من فطرتي .. علي ولي نعمتي
#######################
اللي يحچي فارغ وللسلطه طامـع
واللي يبغض حيدر اتعذبه المواجع
احنه جدنه الچان باب الكفر قالـع
وانتو جدكم نفسه هو الچان نازع
يبقه افتخاري ابدنيتي .. علي ولـي نعمتي
#######################
احنـه من الذر اله منطين كلمه
حيدر ويه الهوه اسمه چن نشمه
اليوالي من صدك معناها زلـمه
واللي يبغض اسمه ما جابته امه
ولا أثنـي ابكـلمتي .. علي ولي نعمتي
########################
عن وعي واثبات حبنـه وعن عقيدة
وعن درايه بكل عوالمنـه البعيـده
بعالم الارواح واليـنه الصميـده
وانتو عنه ارواحكم چانـت بعيـده
بكل العوالم غايتي .. عـلي ولـي نعمتي
##########################
علي الاول يبقه بينه وهوه الاخـر
علي الزاهد هوه والقائد النـادر
الحضه ابحب الوصي يرتاح باجر
واللي ما واله علـي معنـاها كافـر
علي صلاتي وتربتـي .. علي ولـي نعمتي
##########################
علي الجامـع للشرائط والوصيه
علي بفـراش النبـي شاف المنيـه
علي للتـاريخ صـار اعظم قضيـه
بـعالم الـدنيا علـي احسن هديـه
علي فرحتي ودمعتي .. علي ولـي نعمتي
#########################
#سِـيِّدٍ_مًحًسِـنِ_أّلَجّـأّبًريِّ
اليوم شتخلي ابفطورك
سفره تفرش لـو نحر
لو قميص حسين تفرش
يمك وتشبع قهر
هم توزع فطورك
ابوكت الغروب
لو توزع دموع عينك
للضلع منها انكسر
من يطر جرح الغروب
اتهيج روحك
لو تهيج اجروحك
ابوكت السحر
گلي ياجرح اليألمك
جرح گلبك لو جرح
راس الامير ابهالشهر
جرح مايك لو دمعك
ذيج المأسي الكظت
اوياك الدهر .. تفطر ابماي
البواچي لو تخلي اجـروح
زينب يـمك وتفطر صـور
صوره الاولى من خذوها
لسبي وشـاء القدر
وصوره من فرت العيله
والشماته اتشمر حجار ونظر
وصوره من طاح الكفيل
وضلت اسكينه ابخطر
وصوره من حسين وحده
ورجع يمشي بلا ظهر
والصور كلهن يألمن
حرت شذكر ياصور
ارد اسئلك يابو صالح
والسؤال
ايفطر عيون الحجر
تمسك ابيا وكت كلي
شو گضيت العمر صايم
والامساك وياك طول ونجبر
شو كضيت العمر تنزف
والدموم ابعينك اتغطي النظر
تستمع هم للمؤذن من يكول
اشرب اميه وعجـل بشربة دهر
شلون من تشرب الماي وتذكر
حسيت العطش يم النهر
يمته وتعجل علينه والافطار
وياك يحله بشوفة عيون الكمر
هيجي ونعيش ابضواك ونكعد
بحضرة المهدي بلا خطر
هيجي ونشم القميص ونرجع
انشوف وترد النه البصر
وكل مسيه وياك نـكضي
والصبح من نفز نلكه
عيون ابونه المنتظر
يمته من انفز نشوف
عيون ابونه المنتظر
#سِـيِّدٍ_مًحًسِـنِ_أّلَجّـأّبًريِّ
#شهادة_السيده_زينب عليهآ آلسـلآمـ
#مـوشـح ـ
هل سواد الليل والدمعاتي هـل
وانه وحدي وطولي ضل ابلايه ضل
_
الليل عند الناس بي تغفه وتچن
وانـه ليلي ما غمض بيـه الچـفن
لهل سبب صار اسمي بسم ام الحزن
والحزن من زغري سل ابروح سل
___
من زغر سني وعلي ليلي قسه
ما اصبح صار كل عمري مسه
ابالي صوت اطفال وونين النسه
الفرن ابليل العلي كلشي ذبل
___
كل فجر مصباح بي يبدي الحمل
وبيه ضل يتمايـل ابحـيله الهـزل
لهسه بيـه اثـار من گيـد الحـبل
ويلسع ابجلدي وليهسه ابالي ضل
___
ليلي ضل يبدي ابله ويخلص بله
واللي فـارگله عـشيره چـا شـله
كلها هينه بس مصايب كـربلـه
عگدت ابروحي وصرت مابيه افل
____
الگمر عـالگاع من چفـه هـوه
كمت اشـم افراگ ما اشم الهوه
لجرحي بس الكافل الچـان الدوه
والدوه راح وصبح جرحي يچل
__
حزني طـاف ودمعي واصل للهدم
مدري اهم بحسين مدري ابيش اهـم
كبالي راسه ويمي بس صوت الزلـم
ويمي بس نسوان واطفال وهـزل
___
#سيد_محسن_الجابري
#شهادة_السيدة_زينب ع
ماتت يالكافل لتحبها .. ماتت ومشيب حاجبها
يالميت عليها .. ماتت من سبيها .. لتحبها
____________________
ماتت وبالعين دمعه .. وبمتنها اثر صفعه .. من السبي
حـدبت من المـأسي .. والزمن ويـاها قاسي .. وبالعبي
ماتت ولا واحد وياها حضر
ماتت ابعاشور زينب وبصفر
من كثر ذيج المأسي والجروح
بكل مكان البيها ضل طابع اثر
رادت بس واحد يحضرها .. لشافت چم موت ابعاشرها
الـمتگطع وليها .. ماتت من سبيها .. لتحبها
___________________
شحجي ياكافل حماها .. من نهد درب السباهه .. للغرب
تغيرت حيل العقيلـه .. بصعدت النوك الهزيله ..والضرب
صعدوها النوك والـيحدي وراه
ودخلوها الـشام ااااه يـشام ااااه
اباب ساعات القهر كامت تطيح
وماتت امن احترگت اطـراف العباه
شافت موتتها بهالمنظر ..والطاغي يجرها شما تعثر
وما هـم البچيها .. ماتت من سبيها
_____________________
بعد موتك ياابو فاضل .. الشمر ضل هوه كافل .. لضعـن بالسبي شافت مصايب .. كعدوها ابنص خرايب .. بلا وطن
المالمح لخيالها حته الظلام
وسفه كعدت بالخرابه وماتنام
كلها تسأل عنك وانته بعيد
عالنهر نـايم ومتغطي ابسهام
شافت من ابعيد اوريدك .. وتگلك خويه وين ايدك
حط ايدك بديها .. ماتت من سبيها .. لتحبها
________________________
الوجع ضل بيها داير .. وحافر ايذبها اعله حافر .. مو جرح
تخيـل وياي الاميـره .. تجمـع حسين ابـحصيره .. بالـذبح
شافت خيول التدوس ابصدر اخوك
شافتـك بعيونها مـن كطعـوك
بعمر خمسين وركض تركض حرام
وهيه تركض گـاموا ايسبون ابـوك
تركض لعيالك لو ناسك .. والشامت يضحك يم راسك
وشاعل خيمه بيها .. ماتت من سبيها .. لتحبها
___________________________
بقرب ساعات المنيه .. تمنت اتشوفك خطيه .. بهالعمر
قبل لا يخلص حزنها .. رادتـك تنـظر متـنها .. وتـنتظر
ويه ابو سكينه تريدك يالحنين
ما تريد اتسولف ابـنار و ونيـن
حيل مشتاقه وتريدك لو خيال
بس شرط لمن تجـي عندك ادين
تمنت عاشگتك تحضرها .. وحسين ايطيب خاطرها
تـأيس لو تجـيها .. ماتت من سبيها .. لتحبها
#خادمكم_محسن_الجابري
نِدٍعٌوٌکِْ وٌآلَدٍعٌآء ... يا آمً آلَوٌفُآء
####################
بًيَـچ .. نِدٍعٌيَ بًآريَنِـهّ
بًيَـچ .. نِرفُعٌ آيَـدٍيَنِهّ
بًيَچ .. کْلَشُيَ مًنِطِيَنِهّ
منج اتعلمنه كلـشي يـالأبيـه
قدميتي اولادج وعمرج هديه
صار اسمچ نسمه بگلوب البريه
موقفچ طيب كسر امنه الزچيه
مًنِ بًعٌدٍ آلَعٌنِآء .. يـا ام الوفاء
#####################
صّـآر .. آسِمًچ آشُکْبًرهّ
صّـآر .. بًـآبً لَلَـفُقُـرهّ
صّـآر .. بًکْلَ گلَبً حًضرهّ
صّآر آسِمًچ ذِکْر لَصّحًآبً آلَعٌقُيَدٍهّ
آلَيَذِکْرچ يَرتٌآحً لَوٌ حًتٌهّ بًـقُصّيَدٍهّ
آلَيَنِدٍبً آمً آلَآربًعٌهّ نِآلَ آلَـيَريَـدٍهّ
وٌآلَلَيَ يَقُرهّ آلَفُآتٌحًهّ تٌنِطِيَهّآ بًيَدٍهّ
مًفُتٌآحًُ آلَسِمًآء .. يَآ آمً آلَوٌفُآء
########################
وٌيَـنِ .. نِلَگهّ مًنِ عٌطِفُچ
وٌيَـنِ .. مًحًـدٍ آيَـوٌصّفُچ
وٌيَـنِ .. بًسِ عٌلَيَ يَعٌرفُچ
شُمًآ کْتٌبًنِهّ عٌنِجّ آنِحًسِهّآ قُلَيَلَهّ
مًحًدٍ آيَوٌصّفُ جّزٍء مًنِ آلَجّلَيَلَهّ
يَآلَيَ صّرتٌيَ آلَمًآيَ بًشُفُآهّ آلَعٌقُيَلَهّ
آنِتٌيَ لَلَخِدٍمًهّ صّبًحًتٌيَ آفُضلَ وٌسِيَلَهّ
بًآلَحًزٍنِ وٌآلَبًکْآء .. يَآ آمً آلَوٌفُآء
##########################
مًـآيَ .. صّرتٌيَ لَضآمًيَ
مًـآيَ .. آنِتٌيَ وٌحًزٍآمًيَ
مًـآيَ .. لَبًنِچ آلَـدٍآمًيَ
يَآلَيَ ربًيَتٌيَ زٍلَـمً کْلَهّـمً بًـوٌآسِلَ
آلَمًآعٌرفُ تٌضحًيَتٌچ آصّلَآ هّذِآ غُآفُلَ
مـًآ آبًَـآلَـغُ لَـوٌ گلَـتٌ آمًــ آلَـمًرآجّـلَ
شُتٌطِلَعٌ آلَبًطِنِ آلَلَيَ جّآبًتٌ آبًوٌ فُآضلَ
مًنِ کْفُهِّ آلَشُفُآء .. يَآ آمً آلَوٌفُآء
############################
وٌيَآچ .. نِذِکْر آلَصّآحًبً
وٌيَآچ .. نِدٍعٌيَ وٌنِطِآلَبً
وٌيَآچ .. آلَحًآضر آلَغُآئبً
تٌکْآلَبًتٌ هّآلَدٍنِيَآ کْلَشُ هّمً عٌلَيَنِهّ
وٌآلَ آمًيَةّ رجّعٌوٌآ وٌزٍيَنِـبً حًزٍيَنِهّ
کْآفُلَ آلَصّحًنِ آلَعٌقُيَلَهّ آلَمًهّدٍيَ وٌيَنِهّ
ضآگتٌ آصّدٍوٌر آلَروٌآفُض خِلَ يَجّيَنِهّ
قُدٍ زٍآدٍ آلَبًلَآء .. يَآ آمً آلَوٌفُآء
#سيد_محسن_الجابري
#ونسألكم_الدعاء