Telegram-канал naghamyemen - الفن اليمني الاصيل: Unsorted

الفن اليمني الاصيل

27 March 2025 03:34

#عيال_السفاح

"البارت الثامن"

اول ما ابسرت وجه الشيخ الاعور ، حسيت قلبي توقف وبدأت اسمع طنين في اذاني ، ما دريت الا لما طرح يده في لقفي ورفعني لا حضنه وهو بيشاورني اووصصص لسمع نخس ، وانا ماسك يده اللي مغطيه فمي بيداتي الثنتين ومفتح عيوني بقوة وبنزبط بارجلي ، وفي نفس الوقت ما سطيت اصيح لا عاد يسمعني ابي ، بس بنحاول اسحب يده من فوق نخرتي ما عاد بنقدرش اتنفس ، وشلني وطلع لدور الثالث حق الفله ، وقد يده مبلوله من الدموع اللي بتنزل من عيوني ، فتح باب غرفة ودخلني ، وبه داخل الغرفة مرة لابسة لبس حالي وكانت جلسة فوق السرير ممدده بنص جسمها وجنبها طفل في المقمطه وهي بتتحيلى له ، اول ما دخلني الشيخ للغرفة قامت المره وهي حاضنه للجاهل ، ومفتجعه ، انا ابسرت الجاهل ودريت انهو واحد من الاطفال اللي شلوهم ، وفرحت وبنتفحص باقي الغرفه اذا انا شلقي الجاهل الثاني ، المره وهي حاضنه لطفل غمزت لشيخ بتأشر له من هذا ، الشيخ قلها سعليش خلي الولد هذا هنيه يا مره ، وانتبهي يخرج ، او يصيح ، وابسر لا عندي وقال والله لو اسمع منك نخس لا اسلخك واكلك حي ، وخرج وقفل الغرفة بالمفتاح ، رجعت ابسرت لا عند المره وعادنا اشتي اقلها اين النونو الثاني .. ما دريت الا لما قلبت ملامحها وكانت ملامح وجهها خبيثه والمكياج ملان وجهها وكانت طويله ، وقالت اجلس جنب الباب سكته لو اسمع لك نخس ، لا ارجمك من الطاقة تيه للحوش ، افتجعت من نضراتها وجلست جنب الباب وانا حاضن لسيقاني ، وبنبسرها وهي رجعت تجلس فوق السرير وهي بتناغي النونو ، وبتقول فديت قلبك يا صقر ، والله لا افرش لك الدنيا ذهب تحت ارجلك ، اخيرا وقع لي ولد ، وانا بنجابر نفسي ، هذا مشو ابنها ، بس من كلامها كأنها قدلها فتره ما وقعش لها جاهل او ما بتخلفش ، وخطفو الولد ذيه ، قلت لها بس هذا مشو ابنش واين سار النونو الثاني ؟ ما دريت الا لما طرحت الجاهل فوق السرير بقوة ، واقتلبت لا عندي وتغيرت في لحظات لشخص ثاني ، وهي بتبسرني وقالت ماهو ما قلت ..! مشو ابني ، وبتقرب لا عندي دلا دلا ، وهي بتقل الا ابني ، واللي عيفكر يشله مني شبعد كبدة لا يدي ، وانا كانت عيوني لا عند الجاهل مفتجع لو يقع به شي بسبب انها طرحته بقوة لسرير ، ما دريت الا وقد المره طرحت يدها في رقبتي وبدأت تخنقني بقوة ، وكانت تصيح بقوه وهي بتخنقني ، واظافر يداتها بدأت تدخل في لحم رقبتي ، وكانت تصيح وتفتح فمها وهي قاحصه بسنانها وتلل ، كان شكلها ساع كلب مسعور مشو بوعية ، وانا ماسك يداتها اشتي ابعدهن بس ما قدرتش وكانت تخبط قفى راسي على الباب وهي خانقة لي ، وقبل ما ينقطع نفسي ، ما دريت لما الشيخ فتح الباب بقوه ودهفني انا والمره للارض بالباب لما فتحه ، مسكني من يدي وسحبني من جنبها ، وقال للمره حقه اوصصص ليش بتصيحي قلت لش معي ناس مهمين مشتيش اسمع نخس ، المره وقفت وتحولت لشخص هادئ وطبيعي ، وقالت بصوت منخفض وهي مبتسمه ، هو اللي كان بيصيح ما رضاش يسكت ، وانا بنقلة ابني يشتي يرقد ، واقتلبت وخطيت طريق السرير والجاهل بيبكي ، وحضنته وبتهزه فوق حضنها وبتقل اوصص اوصص ، الشيخ خرجني من الغرفة وقفل وطلعني للجباء حق الفلة ، لا طرف الجباء مسكني من خصري ورفعني ، قال ارجمك من هنيه لا فوق السيارة حق ابوك ، انا من كثر الخوف والوضع اللي عشته ، وقدنا ميت .. ميت كنت مع الشيخ او مع ابي ، قلت له ارجمني .. هياا ارجمني ، ما دريت الا لما طرحني ، وابسرني بنضرة غريبه ، طرح يده فوق كتفي وقال ، ما شرجمكش ، ولا شا اجابر ابوك ، اننت هنيه او بتراقبه ، شا اخليك ترجع تتخبي في السيارة حق ابوك ، وترجع للبيت طبيعي بدون محد يعرف شي ، بس اشتي منك حاجه تفعلها ، قلت له ماهي الحاجه الي تشتيني افعلها ، ابتسم وضحك ضحكته المستفزة ، وقال تعجبني ..تعجبني ، مش وقت لما ارجع القيك شا اقلك ما اشتي منك ، قلت له اين عتلقيني انا ما شا اجيش لا هنيه مره ثانيه ، طرح يده في ضهري وبيمشي طريق باب الدرج حق الجباء ورجع يضحك ، ونزلني لا نازل ، وصيح لواحد من المرافقين ، يا صادق ..صاادق ، وصل صادق وهو مقعش ولابس ثوب وفوقه محزق وجعبه والسلاح فوق كتفه ، ابسرني جنب الشيخ وهو مستغرب ، قال هاه يا شيخ اامر ، قلة طلع الولد ذيه ،،، وابسرني وقلي ايش اسمك ، قلت له رعد ، قال طلع رعد فوق السيارة حق الدكتور بدون محد يعرف ، قله تمام ..تمام ،حاضر يا شيخ ، ومسكني من كتفي بقوة ، والشيخ قال صااادق ، دلا على الولد لا اقلع عينك ، قال طيب طيب يا شيخ ، وشلني لا فوق السيارة وطلعني قفل الباب ورحله ، ونا نبعت اتخبي في الخانه في بقعتي ، وتمددت وكان جسمي كله بيرتعش من كثر ما كنت مفتجع ، ويداتي بيعرقين قوي ، وبنفكر ، معقوله الشيخ ما عيجابرش ابي ، ولا بيضحك عليا ، طيب ماهو اللي يشتيه مني ، وكيف قال لما نلتقي مره ثانيه ، المهم الحمد لله انهو ما اكلنيش ، وفلتني ، وزوجته المجنونه شكلها عتقتل النونو في اي لحظه وهي ضابحه ، طيب يعني ابي قتل واحد من الجهال ، والجاهل الثاني