وداعت الله دمعي صله
خويه يـــــاعباس عنك رايحه
وعله الهزل راح اسوي الفاتحه
وداعت الله
ـ ـ ـ ـ ـ ـ ـ ـ ـ ـ ـ ـ ـ
يصعب عليه الحچي
راح اسولف بالبچي
دمعه دمعه بسره وستمع ليهن
والله لوتدري شجره
بختك ألي مـــخدره
ومن رحت عباس وياك ابتديهن
مدري شنهي بروحتك بالدنيه صار
ختنگت الريه واحس مات الخضار
عيوني وي طولك بقت وبگلبي نار
متت من رد الحـــسين وحيره حار
حسين اجالي ونه عالي
يلتفت كل ســـاع ويعاين وراه
حسيــن موعاده ابد يلزم گفاه
وداعت الله
ظهره مكسور الحسين
وحيد اصدله بلامعـين
وزلمه صار الشمر ودنه لخيامي
شاف اخيك منكسر
شگال لوتدري الشمر
حسين وحدك مابقه يمك محامي
مابقه بالحومه واحــــد يظل ينصرك
طاح اخيــــــك عالنهر وحزام ظهرك
اليوم كون اطيح وصعد فوگ صدرك
وفجع گلـــــوب الفوطم وحز نحرك
راح الحسين تنضر العين
طاح اخيك طاح من فوگ المهر
بگلبه المثـــلث وجه ليه الشمر
وداعت الله
حرت ألمن التفت
والله ساعته متت
ساعه لن بان الرمح ياخويه شفته
براسه راس وكل دم
صحت ياخويه بألم
هذا راس حسين بعيوني نضرته
حضرو خـــيل ويدوسون عله صدره
وغدت من دمه الحوافر خويه حمره
انطبگ صـــــدره اشوفن ويع ظهره
وانه مذهوله يـــــخويه بس انضره
الخيل بيه ادوس هيه
صدري مو صدره انفرش بالحافر
الخيل داسن صـدري يوم العاشر
وداعت الله
خويه والعسكر هجم
ونار شـــبت بالخيم
اطفي نار بـــــــالخيم نار بعباتي
اطفال تركض عالجمر
خيل وسـياط وسطر
وانه ماشفت الركض خويه بحياتي
خيالي يتحسر گبل شوفت خيالي
اركض ابين الزلم مـــاجه عله بالي
بحافر الخيل الظهـر داسو اطفالي
ينضرب بالسوط خويه الماله والي
متني بالطگ غادي ازرگ
الهوه يلجمني خويه مـــــن يهب
وبس يحركلي عباتي الدم يصب
وداعت الله
بتنه ليله عله الترب
وحشه مابين الغرب
بس حرم وطفـال ياخويه ويتامه
ماغفت ياخويه عين
كلمن بطوره الونين
ويمنه راس حسين دامي بلا عمامه
شلون ليله عله الترب ياخويه بتنه
ناس ماعدهم رحـــــــم وليه ولتنه
والله ياعباس لو حــــــاضر شفتنه
نستند ظـــــهر بظهـــر لمن عفتنه
ونه واهات ون غريبات
طفله تسكت ذيج تصرخ بالالم
هاي متني وذيچ مچويت جدم
وداعت الله
چنهه موليله گبر
بطول ايام العمر
والصبح جيبو الهزل بالناس ناده
واحنه اطفال وحرم
شلون نركب والزلم
انته تركبني چنت متعوده عاده
خويه أگلهن ركبــن يگللي وانتي
ودمعت السجاد نزلت وي دمعتي
رگبن النسوان بـس صعبه ركبتي
العليل بگيده صعـــــــدني بعبرتي
من عله النوگ گلبي محروگ
ودعــــيتك جثه مرمي عله الثره
رايحه بـس خويه اروح ميسره
وداعت الله
علي مظلوم الجناحي
@Ali_aLgenaih
يوم واحد ماتعده علينه مامر
كلشي بيچ بساع يازينب تغير
چنــي فارگتج عمر
هواي متغيره شكثر
يوم واحد
ـ ـ ـ ـ ـ ـ ـ ـ ـ ـ
عين مطفيه بــــسهم وبعين شفتچ
انه مامعقوله اضـــــــيعچ ماعرفتچ
حته صوتچ مختــلف بذني ونبرتچ
صوت مبحوح اختنگ خويه بعبرتج
انه من فوگ الرمح وبعين اصدلچ
ذابل ومذاك الاول خويه شــكلچ
فراگي وياچ الـظهر
هواي متغيره شكثر
ـ ـ ـ ـ ـ ـ ـ ـ ـ ـ
خويه وجهچ ماعرفته موش الاول
حــــــيل متغيـــــر ولونه هم تبدل
بس اثر جويات جدمچ خويه اندل
خطوتج تعثر اشـــــوفن گوه تنزل
حمر حيل اعيونچ وذابل جفنهن
باچيه چنچ عمــــر رايح نضرهن
باقي بخــــدوچ اثر
هواي متغيره شكثر
ـ ـ ـ ـ ـ ـ ـ ـ ـ ـ
ماعرفتچ منحني يــــاخويه ظهرچ
نگلت جدامچ ثچيله ايدچ بخصرچ
مال طولچ بالهوه الخـــطوه تعثرچ
الچلمه ماتطلع تمـــوت اباب ثغرچ
يميل ويه الريح طولچ يالعــــقيله
ونگلت اجدامچ احس كلش ثچيله
جبل مكسور الظهر
هواي متغيره شكثر
ـ ـ ـ ـ ـ ـ ـ ـ ـ ـ
شفتچ اطيحين چم مره من جيتي
بياعلي گوه نهـــــــضتي ونتخيتي
ع الجمر تمـشين خويه ومادريتي
عينچ عله الگاع وبسكته بچيتي
وين طولچ خويه يالممشاچ هيبه
وصوتچ الكرار ليه مـــــن يجيبه
حافي والحومه جمر
هواي متغيره شكثر
ـ ـ ـ ـ ـ ـ ـ ـ ـ ـ
هادله متونچ اشــوفن حافي تمشين
من الخيم للتل طريقچ طوله خمسين
صعتي فوگه وانه اسمعچ من تنادين
راسچ مــــشيب نزلتي ودمعه بالعين
هيه هاي ألي اجت بالگوه تمشي
نزلتي موزينب تغير خويه كلشي
مشيبه وبعينچ نهر
هواي متغيره شكثر
ـ ـ ـ ـ ـ ـ ـ ـ ـ ـ
شفتچ المغرب وحيــده من بقيتي
لاخيم ويتاــــــــــم عندچ ونوليتي
ابعــــــباتچ كلهه لاذت من حويتي
ياهو حط ايده عله متنچ انحنيتي
لواجت ايد اليتامه فوگ المتون
تنحنين بساع ينزل دمع العيون
السوط بمتونچ حفر
هواي متغيره شكثر
علي مظلوم الجناحي
@Ali_aLgenaih
وين طايح
ويـــــن گلي بياكتر
وين طايح
حافي ادور ع الجمر
منين اجي ومنين اطب
انته دليـــــــني الدرب
وين طايح
ـ ـ ـ ـ ـ ـ ـ ـ ـ ـ ـ ـ ـ ـ ـ ـ
بويه حــد شوفي گصير وهاي صحره
وانه طفله وخايفه وبــــعيوني عبره
گوه امشي بالجدم اثــــــــــــار جمره
هذا مــــــاي وماضگت من عنده گطره
وين انته
ليش عطــــــرك مااشمه
وين انته
من الدخان الدنيه ظلمه
تگدر اتأشر صعب
انته دليني الدرب
ـ ـ ـ ـ ـ ـ ـ ـ ـ ـ ـ ـ ـ ـ ـ ـ
انطوني ماي وبالعجل بجفوفي جبته
رت ابخ گلبك يبويه ومــــــــــاشربته
زغير جفي وعالترب اركـــــض نثرته
ماتدليني عليك وايـــــــــــــــــن انته
ادري ضامي
ويلهب بصدر جمر
ادري ضامي
ارد ارشه ع النحر
بلل اشفافك عذب
انته دليني الدرب
ـ ـ ـ ـ ـ ـ ـ ـ ـ ـ ـ ـ ـ ـ ـ ـ
زغيره انه والجثث كلهـــــــــا عبرتها
لجــــــــــــن جثتك بالمعاره ماشفتها
خاف مـــــــر شوفي عليها ومعرفتها
وصله مــــــــن ثوبك اخذتها وگلبتها
گمت اشمها
عليها عطرك ماضيعه
گمت اشمها
وسأل وبالعين دمعه
بلكت ادلي الگلب
انته دليني الدرب
ـ ـ ـ ـ ـ ـ ـ ـ ـ ـ ـ ـ ـ ـ ـ ـ
بويه دخان الخيم صايـــــــــر هواي
وبالهوه ماشمه عطــــــرك كونه جاي
اليمي ماشوفه الظهـــــر ظلمه سماي
والشمــــــــــــر بالسوط ورملي گفاي
بعيني دخان
ورمل يابويه وسطر
بعيني دخان
والدمه من ذني يخر
حومه والممشه صعب
انته دليـــــني الدرب
ـ ـ ـ ـ ـ ـ ـ ـ ـ ـ ـ ـ ـ ـ ـ ـ
راسك لمحته ع الرمح وبعيني شفته
اهواي متغير يبويه ومـــــــــــاعرفته
شلت ايدي للرمح بــــس ماوصلته
رت ابلل شـــــــفتك بجــــفي نثرته
عالي مالوح
الرمح كلش طويل
عالي مالوح
والدمه مـــنه يسيل
گعدت يمه وانتحب
انته دلينــك الدرب
ـ ـ ـ ـ ـ ـ ـ ـ ـ ـ ـ ـ ـ ـ ـ ـ
هذا راسك والجســــــد يابويه وينه
وين حضني وين جفـــــك ماخذينه
ليش جسمك بـــــالخيول مگطعينه
وليش جسمك مــــــن حديد مبدلينه
اشبگ اسهام
بويه لوريدن حضن
اشبگ اسهام
كون اشتاگ واحن
والرمح حضنه صلب
انته دليـــني الدرب
ـ ـ ـ ـ ـ ـ ـ ـ ـ ـ ـ ـ ـ ـ ـ ـ
الجثه وداني الگلــــب موجدمي ليها
هاي موجثه يبويه شظـــــــــــال بيها
مو ملامح جثه حيـــــــــــل موذريها
بگد حدود الحومه بــــويه موزعيها
ماهو گلبك
گلبك وظهرك سوه
ماهو گلبك
ضاع بويه بنينوه
تغطه جسمك بالترب
انته دليـــني الدرب
وين طايح
علي مظلوم الجناحي
@Ali_aLgenaih
يم الخدر رحيل
باچر سفر طويل
باچر هجر لمن يمر
وحدچ بلا كفيل
ـ ـ ــ ـ ـ ـ ـ ـ ـ ـ ـ ـ ـ
بس يهل باچر يزينب ويه فجره
مصاب مامر ع الواحد بيچ يجره
باچر اجروحچ تفز والعــين عبره
ينكسر گلـــــبچ ولا واحد يجبره
باچر يــجي العذاب
چم لوعه چم مصاب
دمعچ يصب وسط الغرب
عنچ هلچ تشيل
ـ ـ ــ ـ ـ ـ ـ ـ ـ ـ ـ ـ ـ
خويه بس هالليله بس هاي المسيه
وداع خويه والفجــــــــر باچر منيه
باچر التوديع يصـــــعب حيل اليه
گبل باچر ارد احــــــــط ايدچ بديه
باچر حزن جراح
باچر بچي ونياح
باچر اشد خويه وبعد
دمع الهجر ثجيل
ـ ـ ــ ـ ـ ـ ـ ـ ـ ـ ـ ـ ـ
خويه باچر لويجي يحــــزون نحري
والشـــمر خويه يتربع فوگ صدري
من تصدين الشـــــــمر يابعد عمري
خويه لاتنسي الوصيه خويه اصبري
صبري على هالحال
عيــنچ عله العيال
يم المحن باري الضعن
وعينچ ع العليل
ـ ـ ــ ـ ـ ـ ـ ـ ـ ـ ـ ـ ـ
باچر العبـاس خويه تطفي عينه
ع النهر لايــــسره عنده ولايمينه
باچر يروح الگمر حامي الضعينه
ومايرد اجوب لــــــمن تنتخينه
راسه بعــمد ممرود
يطيح العلم والجود
بعينه السهم راسه انهشم
دم منحره يسيل
ـ ـ ــ ـ ـ ـ ـ ـ ـ ـ ـ ـ ـ
باچر الدلال خويه يـــصير جمره
جاسم تشوفينه باچر يطفي بدره
خويه والاكبر خنــــاجرهم توذره
وحته عبدالله الطفل ينگطع نحره
باچر دمه وخضاب
باچر يــــحز رگاب
محد يظل من الاهل
لاوالي لا خليل
ـ ـ ــ ـ ـ ـ ـ ـ ـ ـ ـ ـ ـ
باچر تفرين مـــــــــن خيمه لخيمه
ومن تغير الخيل تسحگ چم يتيمه
من يجيچ المــهر يصرخ بالظليمه
الهوه يجرحچ اذا هــــــب بنسيمه
لضرب السايط اثار
والــخيم بيهن نار
جتاف وحبل فوگ الهزل
بلاخيمه يلفي الليل
ـ ـ ــ ـ ـ ـ ـ ـ ـ ـ ـ ـ ـ
اخوتچ فوگ الثره يظلـون صرعه
والموادع ع الهــزل ياخويه دمعه
خويه والـسجاد ذابل مثل شمعه
بالسناسل منجتف وشلون وضعه
حرگه ودمع ضياع
فوگ الهــزل وداع
دمعچ يهل ماينحمل
درب السبي طويل
ـ ـ ــ ـ ـ ـ ـ ـ ـ ـ ـ ـ ـ
خويه من باچر بعد ينشاف طولچ
ديره ديره هاه يزينب ينـــضروچ
خويه كل نضره بسهم لو باوعولچ
وتنتخـــــين بأخوتچ لاما يجولچ
بــس الاشد عليچ
مجلس يسب والچ
طاغي بحكم بمجلس ظلم
سب حامي الدخيل
علي مظلوم الجناحي
@Ali_aLgenaih
ابدي منين ودمع العين
يشرح وضعي وشلت حالي
من تموت بس موموت
ميت چه فاگــــــــدك غالي
الفاگد ياناس المــحبوب
تسد الدنيه بوجه البوب
*
منين ابدي وانه بجبدي
جرح يدي والم وفراگ
يهل دمعي طفه شمعي
الحدر ضلعي شكثر مشتاگ
الله يعين گلبــــــه الفاگد احباب
تشم حدر الضلع من عنده عطاب
دافن كل حـــــــياته تحت التراب
مايرجع اله بــــــــس لازم الباب
بس وحيد عندي وليد
والطف باگه وباگ احلامي
بخيل انداس وفاح الياس
وجابو راس برمح اگبالي
ازغير ولابس گلبي الثوب
تسد الدنيه بوجه البوب
*****
ثمر تعبي ونبض گلبي
ضوه دربي وكل ارباي
سهر الليل وذاك الحيل
شفت الويل ودم اجلاي
الچنت حاسبته تچوه وللوكت سور
مشه وخلاني شمــــعه ابين الگبور
االرحل من عــنده غالي يفگد النور
صعب تجبيــره هذا الگلبه مكسور
الكله اجروح حگه اينوح
معذور الفاگد معشوگه
من الراح عت سباح
گلبك گطع كل اعروگه
حگك تبچيله وتبقه تلوب
تسد الدنـيه بوجه البوب
***
المثل ظلي انه وكلي
بجايه اهلي يهد فراكاه
مشه ولليوم جفاني النوم
بقيت رسوم صرت بجفاه
امك من رحــــــــــــت چاه ماخذتها
مونــــــفس الــــملامح من عفتها
تضيع العرف يمكـــــــــــن لوشفتها
حسبت حســــــــــابها من ضيعتها
تدري الصار بمك دار
ضربوها بسوط وركضوها
فوگ النوگ دخلت سوگ
مسبيه امك تدري خذوها
وراسك يمها كل غروب
تسد الدنيه بوجه البوب
****
گبل اذكر الليالي تمر
الفجر ويطر بجفن ساهر
يمر شتاك وظل وياك
اعدل اغطاك بحلم باچر
اشوف ابني كبــــــر وگعد بفيه
يجازي ارباي باچر تــــجوه اليه
بقت حـــــــسره وبقت هلوله بيه
صرح احلامي طــاح بهل المنيه
موع البال شل الحال
شمعه عمره بالطف تطفه
تالي السيف وسفه وحيف
باگه ولاح الرگبه الترفه
هذا ع امك هم مكتوب
تسد الدنيه بوجه البوب
*
المثل شمعه بدر ربعه
اخذ درعه وترك غصه
ولاهمه نذر دمه
مشه لعمه واخذ رخصه
نزل مثل البــــــدر ليلت تمامه
بدر ويشع ضــــوه لابس عمامه
نبض گلبي برز وبنـــــص عمامه
سلم من مشـــــــه وداع بسلامه
ردلي ردود بس ممرود
البيه ينـــبض حدر ضلوعي
الدم غاطيه مسبل اديه
وطاحت روحي ويه ادموعي
سابح بالدم ومســــــلوب
تـسد الدنيه بوجه البوب
***
اظل عمري الدمع يجري
لحد گبري اظل انعاك
انه وني يظل حزني
لوكت ابني لما ألگاك
كل اليوم اليــــــمر كل يوم غبته
لاني العدله وصبــــــر لاني ميته
رحت عني لچن بس كشلي اخذته
ويه دموعي عمـــري عليك عشته
لمته الموت يمر بسكوت
ادعي يمر وياخذ روحي
لمته ارتاح كافي اجراح
وطيب بمگاك اجروحي
ادعي لربي كـل غروب
تسد النيه بوجه البوب
علي مظلوم الجناحي
@Ali_aLgenaih
الولد راح بعيــوني يزينب انه شفته
الولد راح زغير وترفه ماتحمل رگبته
عليه يطول وني
يزينب راح مني
**
منين الطـف اجاني ومنهو جابه
اخذ تعب العــــمر سهره وشبابه
گطع من الاصـــــل دلالي صابه
اخذ كلشي ومشه مثل السحابه
اجه منين عليه الطف يزينب ماحسبته
اجه منين يريت الموت اخذني ولاصلته
من الغالي حرمني
يزيـنب راح مني
****
يسف الشوم انـــــشدك يالذبحته
شـــلون الحاملك بس گلي طعته
مــــــــــثل عود الورد ترفه رگبته
من شم الهوه شمــــــالك حرمته
شجنه وياك ترفه رگبته وانته ادري محدود
شجنه وياك تگلي بياذنب تگطع بالورود
احس نصلك ذبحني
يزيـــــنب راح مني
***
انه بوجه يزيـــــــــنب انسه همي
وترد روحي لــــــــون ناداني امي
انــــــــسه الدنيه كلهه وهوه يمي
شلون بغيره اعــيش ويجري دمي
الاجل كون گبل جاسم تمـــــــنيته اجاني
الاجل كون الاخذ روحه يريته هم خذاني
الاخذ جاسم اخذني
يـــــزينب راح مني
***
يـــــــــزينب ام ولد لوواحد يغيب
تنسه هــــــــــمومه بالثاني وتطيب
ونه واحد يزيــنب دهري شيجيب
بعد شكثـــــر ألي يالوعه ويصيب
الوكت ليش دين وياي يطلبني علي جار
الوكت ليش اخذ مني الاحبه واحله تذكار
اخذ كلشي اليهمني
يــــزينب راح مني
***
الولد غالي يزيـــنب وانتي تدرين
عليه امال كــــــل عمرچ تحسبين
ألچ عون وســـــند ذخرچ للسنين
بســــــــــــده بالكبر باچر تگعدين
حسبت عود باچر بالكـبر هوه التجيه
حسبت عود هوه ألي ينگط الماي أليه
طلع چذاب ظني
يزينب راح مني
*
جنت كل يوم احسب ونثر احلام
ورسمهــــــا االاماني بوجه جسام
اسولف شــــكو بگلبي گبل مانام
وكل الي حســــــبته مابقه ودام
شكثر چان اسولف للمخده احله امنياتي
شكثر چان وكلها تبدت وانطـــــر مماتي
الگبر ارحم يضمني
يزيـــنب راح مني
علي مظلوم الجناحي
@Ali_aLgenaih
كلشي راح ••• بجودي من طاح السهم
كلشي راح ••• ومــــاوصل مايي الخيم
كلشي راح ••• تبده حيلي ونــــــــهدم
**
ماخفت مــــــره بحياتي ولا حنيت
وانه مــــــــــن حيدر ثباتي تعلميت
مـــن ترست الجود بيدي من اجيت
طاحن اجـفوفي ولا همني وحجيت
بس اريد ••• الماي يوصـل للخيم
بس اريد ••• والله مـــاهمني الألم
بس اريد ••• بوجهي سكنه تبتسم
**
طاحن اجفوفي وعفتهن يـــاجفوف
وحضنت جـودي بزنودي وبيه خوف
بيش ارد سهـم اليجيني بيش اشوف
بصدري ماي بظهري طعنات السيوف
وانه جاي ••• الدنيه تمطر بس نبل
وانه جاي ••• كلمن بـــسيفه يسل
وانه جاي ••• وانه بس جـود وامل
***
برودت الماي ع صــدري وجمره صدري
وگمت اشوف بعين گلبي وجدمي يسري
اركض بكــل حيلي اركض محني ظهري
موجوع بـــــس ع جودي خوفي فكري
صعبه حيل ••• مغمض ويمشي بدرب
صعبه حيل ••• والمصيبه بنص حرب
صعبه حيل ••• الماي مايوصل صعب
****
طحت مبلول ختلط بــــــالماي مدمع
والهوه يحرك السهـــــــم وبعيني يشلع
ضعيف صوتي من احشم حسين يفزع
وصوت گــــــــرب للحوافر يمي اسمع
وين اخوي ••• منهو ياخذله الخبر
وين اخوي ••• خـــل يجيني للنهر
وين اخوي ••• لزينب اهوي اعتذر
***
اليوگع ومــــــا عنده جف يعين روحه
صعبه ينهض والنزف يـــاخذ جروحه
لااشوف ألي اجاني وبيــــــش ألوحه
والرمل حـــــــــار ودليلي سكته نوحه
بيه نار ••• ونـار فوگاي الشمس
بيه نار ••• والرمل جواني احس
بيه نار ••• اليوم وين وين امس
****
كله تطعـــــن وانه ع غبــــــره طريح
ارد اگومن لاجن ارجع هــــــــــم اطيح
حسين خويه وداعت الله گمت اصيح
رت اشمك حته بـــــــالموت استريح
اليمي جاي ••• گتله لتحــــــــز النحر
اليمي جاي ••• حسيــن انته لوشمر
اليمي جاي ••• بس عرفته من العطر
علي مظلوم الجناحي
@Ali_aLgenaih
ودعت اخوي عله النـــهر لودعاني
ليش احس شوكلشي ميت بيه اني
بزنودي شو احس بألم
بعيوني لوعينه السهم
شوميت اني
*
راح للماي وانه بهداي
تخوصرت حسيت جن ظهري انكسر
حيلي شوراح بداخلي صياح
راح مايرجع بـــــــــــعد ليه الگمر
گمت اشد حزام ظهري ويرخه الاحزام
وگامت عيـــــــوني تهل ونضر للخيام
لازم اصـفاحي واحس مطعون بسهام
واسكت شما اصد زينـب وخفي الألام
شما يبــــعد يزود الألم وتوجه حيلي
وكل خطوه اصيحن ياعلي ولزم دليلي
والدمع ظل مايــــلزم
بعيوني لوعينه السهم
شوميت اني
*
يرفرف ألواه وعيني وياه
شما يميل تمـــــــيل روحي تريد تطلع
گمت احس نار حدر الگصار
واحجي وي روحي وگلهـا هسه يرجع
حيرتي حيـــــره وگمت افرگ بديه
الدنيه صارت جن لحد ضاگت عليه
منين مادير الوجه مــــــــوت ومنيه
اصعب من الموت ثاري العافه اخيه
يموت سكته الراح من عنده عضيد
وحشته وحــشت گبر ويظل وحيد
بلحظه حيله ينهــــدم
بعينه لو عيني السهم
شوميت اني
*
غاب ع العين حزام الحسين
وانه خايف جنـــــــــت من نهر الفرات
وسمعت صوت بنبرت الموت
خويه ادركني لاجن كل حيــــلي مات
بخطوت المحتار امشي والنفس ظاگ
موش للملگه احــــــس امشي للفراگ
وصلت يم عبـاس لنه حاضن الراگ
خويه گلي وانه الهــــا اهواي مشتاگ
حاطه بحضني وبقيت بحيره يمه
ألجم اجروح اخاف من ارد اضمه
راسم بــــصفه خيم
بعيني لوعينه السهم
شوميت اني
*
وحدي رديت شلون رديت
لااخو لاحـــــــــيل مكســــور وحيد
طاح عباس وصاحت الناس
بيمن تزامط بعد طـــــــــاح العضيد
امشي والخطـــــوات تعثر بيه كسره
الب شدد ويروح اخيه يحــني ظهره
شحچي ويزينب وزينـب بيها جمره
شلون اگلها كافلج انطــــــــاج عمره
كون مــــــن تسألني ماتنزل دموع
ويمها ألم طولي ولا اكض الضلوع
ولو برسومي انرسم
بعيني لوعينه السهم
شوميت اني
*
الموت اناديه مايجي شبيه
انه من طرت الفـجر كل ساعه اموت
كلها راحت وستراحت
مثل جناز اصبــــحت بحبابي زاتوت
موتي اول تالي ونلــــــــم بحصيره
ونسحگ بالخــــــــيل اقبل بالظهيره
لجن زينب تنـــــــسبي زينب جبيره
وتدخل الكوفه اسيــــره ومو اميره
خل ترضني خيولهم ودوس بيه
ولاتطب زيــــنب ابد ديون اميه
اظل يوميـــه انلجم
بعيني لوعينه السهم
شوميت اني
علي مظلوم الجناحي
@Ali_aLgenaih
ألتفت وحدي بقيت ومحد وياي
ردت طاست ماي لچن ماكو ماي
فكرت بيك وبجيت
انته باچر لواجيت
ماكو ماي
ـ ـ ـ ـ ـ ـ ـ ـ ـ ـ ـ ـ ـ
دربي هوه يگود بيه الخـــــــطوه مجهوله احطها
امشي لاچن چني واحد يمشي بس عيونه سدها
وين ماشي وين اريدن وباب ياهو اتعــــنه ادگها
صعبه اليمشي ومايعرف بالديره
غربه ألمن وجه ويــــن يديره
حيره بعينه الدنيه تصير زغيره
شلون ابو نفس عزيزه يدگله باب
وتكبر الحيره لون يم وادم اجناب
والله حيره تحيرت
.انته باچر لواجيت
ماكو ماي
ـ ـ ـ ـ ـ ـ ـ ـ ـ ـ ـ ـ ـ ـ ـ
حيلي راح وگلبي ضامي وعله حايـــط انتچيت
وانته باچر تجـــــــوه ماكو صعبه لوحدك هويت
وانه يمكن ماي احــــــصل وانته يمه ومارويت
تعطش يم الماي ويابــس كلبك
الجاري جم مره يجرحك ويعذبك
وهوه من يعطش يتروه يشربك
ماي اشرب مااظل عطشان محتار
وانته بخيامك تشب وبگلبك النار
تريد تنهض بس هويت
وانته باچر لواجيت
ماكو ماي
ـ ـ ـ ـ ـ ـ ـ ـ ـ ـ ـ ـ
هيه ليله وادري موتي گلــــــبي لاچن مطمئن
تصير لطفالي انته والد تعـــــطف عليهم تحن
تلمه بحضانك حميد وكــــــــــل بنات ينسبن
طايح تنضر فرت كل ايتامك
بحومه تركض تتسلب گدامك
وزينب هيه زادت بيك ألامك
تكعد وياها حميده تواسي بيها
وباچر سكينه حبل جاتف اديها
تصيح يالكافل دريت
انته باچر لواجيت
ماكو ماي
ـ ـ ـ ـ ـ ـ ـ ـ ـ ـ ـ
طوعه اوصيها لحميــــده وباچر توصل الوصيه
تگلها ابوچ اهواي ســــــــلم گبل لحظات المنيه
بس رقيه تصد قميـــــــصك بالخيول العوجيه
تنزف تنضر بتك هاي اجروحك
بحسره مذهوله تصدلك وتنوحك
گامت لراس الرمح تريد اتلوحك
تخاف لوصاحو عليها الطفله معروف
راسك ع رماح باچر بنـــتك اتشوف
تگله بويه تسلبيت
انته باچر لواجيت
ماكو ماي
ـ ـ ـ ـ ـ ـ ـ ـ ـ
انه هم بسيف اموتن بــــــس فرق كلش چبير
مااطيح اگبـــــال اختي وحيره مثلك مااحير
منهلي مـــــحد شاف موتي ولايلموني بحصير
انه مااوگع يم واحد غالي
ذبحي محد شاهد من عيالي
وترك اطفال اترك وي چتالي
ع الرمح محد يرفعه راسي ينشال
وانته راسـك ع الرمح جدام العيال
مامتت وتسلبيت
انته باچر لواجيت
ماكو ماي
ـ ـ ـ ـ ـ ـ ـ ـ ـ ـ ـ
متت گبل الطــــيحه اني ماشفت حسره والم
طفل ماعندي بمماتي بحضني ويذبحه السهم
وماحرت امه شگلـــــها تـــنطر اباب الخيم
صعبه حل اگماطه وارد يضمك
تگله ارجع بـــيك شلون لأمك
وحدك وكل الدنيه ادور لچمك
مصابي والله يهون يمك مايقاس
والفكد تنگــال والله لمثل عباس
ع القصر من سلميت
انته باچر لواجيت
ماكو
علي مظلوم الجناحي
@Ali_aLgenaih
الماله بالغربه اخو ماله نصير
يبقه حاير ألمن بعـــينه يدير
المن يدير النـــــــضر
يصير طعنه من الظهر
ماله نصير
****
صعبه من تبقه وحيد وحيره حيران
بديره غربه وتلتفت وبـــلايه خوان
بديره مابيه عرف ماتــعرف انسان
وخانك الحسـبت عونك والغدر بان
هـــذا حال الماله بالغربه عضيد
عليه تقوه وتنتفض حته العبيد
سيــــف موته ينشهر
يصير طعنه من الظهر
ماله نصير
اليبقه مابين الغرب ماعنــده عون
وماكو كل نضرت عرف بين العيون
الناس موگد الحــچي وكلهه تخون
والرسايل بينــــت وبلايه مضمون
چذب طلعت كل رسايلهم حبر
طبع هاي الناس ياوسفه الغدر
والـــــغدر بان وظهر
يصير طعنه من الظهر
ماله نصير
گمت اصلي والجــــــــمع صله وراي
خلصت تالي واصد خــــــــالي گفاي
واحد يدليــــــني دربي مابقه وياي
گلبي يم طوعه اخذني وطلبت ماي
منهو انته تگلي وشجابك ألي
گلت مسلم عمي ياطوعه علي
صاحت وبس تعتذر
يصير طعنه من الظهر
ماله نصير
ماخــــــفت لا والله مره ولااهم
الموت اول تالي وامــره منحتم
والله اتلگه الــــــــمنيه مبتسم
انه كل خوفي ع حـــسين واهم
كون يسمع صوتي يوصله الكلام
هاي ناس تخــــون ماتعرف امام
الوفه مـــــــــــاله اثر
يصير طعنه من الظهر
ماله نصير
انه اتنطر اجل صـــــــــــار شكثر
وجثه من فوگ القصر ادري انشمر
ظنهم يذلوني وحــــــــدي وانسكر
انه دون حـــــــــسين ماريد العمر
انه تربات الفـحل لاما احيد
والله حد الموت مابايع يزيد
من يگطـــعون النحر
يصير طعنه من الظهر
ماله نصير
ينسه البلذله مــــات وندري زين
والنحر فدوه اذا مـــن اجله دين
مايموت المات من اجل الحسين
يبقه طـــول الدهر وبمر السنين
انه كل عمري فده ويرخص اله
ونـــــحري اقدمنه فده للعايله
لموتي مشـتاگ انتظر
يصير طعنه من الظهر
ماله نصير
علي مظلوم الجناحي
@Ali_aLgenaih
زارعه عيوني بقيت بدرب الضعون
انطر احبابي شوكـــــت ليه يجون
النهار اگضيه بـالدروب
ورد مكسوره ويالغروب
لمته يجون
*
بكل الدروب.... زارعه عيوني انتظار اتنطر ألكم
ودمع العيون.... يرسم بخدي يظل ينزل صوركم
كل ضعن اركض اگولـــن همه اجوني
ورجع وكلي كســــــــر دمعه بجفوني
احجي وي روحي يروحي هم يجوني
مثلي هــــــــم ذكروني اهلي لونسوني
انظر الكل الوجوه وجوه غربه
واليفارگ كل هله مكسور گلبه
اصبر وياصبري جندوب
ورد مكسوره ويالغروب
لمته يجون
**
كلشي مشتاگ....كلشي حي مشتاگ احسن والجماد
والصبح مات.... وماكو لون بعيني صاير بس سواد
المـــــــاي عطشان وتغير وجه ذابل
ومــــــــــــــاتغرد بطلت تنعه البلابل
النده عاف الورد مــــــــــاظل يغازل
وســوت اضراب الطيور ع السنابل
الديره موديره صـفت ديرت مگابر
ماكو بسمه ولاضحك ميته المشاعر
جنها بيت احزان يعقوب
ورد مكسوره ويالغروب
لمته يجون
*
كلشي مخنوگ.... الهوه وجلمــت هله بحلگ المضايف
سافر وراح .... العافيه وضحك الصدگ فوگ الشفايف
حته طير العدنه سافـــــــر عاف وكره
ويمها مجره الماي بـس ماتت الشجره
النخل واگف بقه بـــــس روحه صفره
وطاح ورد الجوري منـــه ومات عطره
ثاري المفارگ يعيش متـــاني موته
شما يصيح احبابه مـــاينسمع صوته
عايش ومن كلشي مسلوب
ورد مكسوره ويالغروب
لمته يجون
*
احسبلكم.... الليل ساعاته تمر وانه احسب ايام
من مشيتو.... عيني مامرها الوسن ماتبقل اتنام
ليلي يخلص بـــــــس اگلب ذكرياتي
ونفس امــــس ارجع لدربي وامنياتي
هينه لوشمس الظهر صبغـــــت عباتي
شمس فرگاكم احـــس صبغت حياتي
البيت يصبح لورحل عنه ضواه
مگبره وميته تمر نسمت هواه
لاهله ولادگه بــــالبوب
ورد مكسوره ويالغروب
لمته يجون
***
اربع اولاد.... فدوه يحسين الولد بس ترد ليه
والله يحسين .... انه لوعندي بعد انطيك ميه
ثلث ألهم بالگلب بـــــس انته ثلثين
ومن ثلثهم ثلث تاخذ يمــــه حسين
همه اديه وانته اليه نـــــــور بالعين
العين تحميها ييمه جفـوف الايدين
تقدم ع العين جفـــــــك للحمايه
وتنطي للغالي شرط اغله الهدايه
واربعه شويه يمحبوب
ورد مكسوره ويالغروب
لمته يجون
*
وكت الغروب .... من ارد مكسوره والخطوه ثگيله
اوصل البيت .... وألگه ع البـاب بدمع تنطر عليله
فوگ كسرت روحي وجروحي الغزيره
اگعد عله الباب يمهــــــــــا وبيه حيره
تنسه كسرت المغرب يــــــــــم زغيره
انته لم الاربعه الكســــــــره الجبيره
مولحت عيناي مثـــل عيون يعقوب
ولاقميص الجاني منك لاجه مكتوب
والعمر يايمه محسوب
ورد مكسوره ويالغروب
لمته يجون
علي مظلوم الجناحي
@Ali_aLgenaih
بس صده الصوت وحشه البيوت
وانه ودمعتي وحسرتي
كلها غياب ودگت الباب
صارت عزيزه ومنيتي
حته الـــــــهوه لوحرك الباب
اركضله اگولن جوني الاحباب
بس صده الصوت
*
يحملون وانه بس اون
وكلمن مـجانه بالضعن
لورحتـو اظل بلاوطن ألمن بعدكم
اخذوني وياكم صحت
الخيل اســــرجه گلت
اخذوني من علتي طبت خدامه الكم
امشي ع رجلي وماهم وتحزم حزام
والـكم امد افراش انه مابين الخيام
كاروك عبــــــدالله اهز لوليله مانام
ورقيه انــسيها التعب لوحست ألام
علتي اتروح اطيب الجروح
انتم دواي وطيبتي
من تروحون ابقه وشلون
چاه شنهو ظلتي بدنيتي
السكته صـــارت ردي وجواب
****
من حمل حسين وطلع
صوت الالم ماينــسمع
حســيت دلالي انگطع ويه الضعن راح
كل خــــطوه عني يبتعد
چن سيف بضلوعي يحد
حزن الله بعـــــيوني لبد وبداخلي انياح
شگد سولفت عيني بگفه ضعن الجفوني
وگالت اموتن من اظـــــل بس ماخذوني
لميت كل حيلي ووگــــفت من ودعوني
ومن ابعد عليه الضـــعن طاحن عيوني
الباب خطوات حيلي من مات
مااگدر اوصل عتبته
ثگلت الروح وصوت الجروح
اذن بروحي وسمعته
حـــــسيت روحي بديرت اغراب
*
الليل عسعـــــــس وحدي
وضنوني كل لحظه تحدي
هموم المفـــــارگ تبتدي يلتمن عليه
وبأوله صـــــــــــبري نفذ
ويانوم انـــــــامه وستلذ
ماخله كلشي وكلشي اخذ بس خله طاريه
ليل الله خلصته مـــشه وبدمع جاري
چن مگبره بلايه هلي ماچــــنها داري
سكته ولا تسمع صده بس كبره ناري
ساعات مرن بس عمر چان انتظاري
الموت شفته بليله ضگته
وشلون لوطال السفر
يعني مكتوب ويه الغروب
چم مره اموتن بالعمر
ضاغطني هجــــرك ضغط التراب
****
لوعت مفارگ لوعـــــتي
لحيطان اسولف وحدتي
وضيگ احــــسن غرفتي مثل اللحد حيل
الصبح يتنــــفس گبل
بحسين والظـــلمه تفل
وحسين عافاني ورحل مايخلص الليل
صبح الله يتنفـس گبل من وجه ويطش
خيط الشـمس من وجنته ع الناس يغبش
صبح الله عافاني ورحل والـــليل موحش
وهمـــــــــــومي ماترحم ابد وبروح تركش
لومشه النور تصبح گبور
ومايطلع يطر الصبح
تروح الالوان نصير عميان
ومايبره ويطيب الجرح
مايـــــــــشفه لايرهمله عطاب
****
اتحــــزمت جرح بجرح
والليل خلـص والصبح
شچ گلبي شـچاه برمح وحدي وحزينه
لابويه لايــــــــمه وهله
لاصوت عبـدالله اعتله
صـــــوت بأذني اتخيله هاه صرتي زينه
اليبقــه وحده بعلـــــــــــته ومفارگ ايام
اگباله بس صورت محـــــب يتخيل اوهام
گاعد ويـــــــــــحلم بالمشو وعيونه متنام
وتفضحه عينه المنجرح تحجي شألم ظام
بلايه تفسير الفارگ يصير
محد يسمعه ويفهمه
يدامن النوح دمعه مفضوح
والنسمه تاذي وتلجمه
وحته الحـــــلم يطلعله چذاب
**
الينــــتظر غايب يمر
كل لحــــظه تنعد بعمر
ماينفــــع وياه الصبر شماطول البال
الموت والله اهون الي
ولابـقه وحدي بلاهلي
لاجاني عــمي ولا علي بيه الهجر طال
وديت مرسالي لچـــــــن ماجاني مرسال
گلتلهم اصبي النـــــــظر ويه الدمع سال
العايش غريب بديرته هم يـشرح الحال
بياساعه اموت من الهضم وجنازه انشال
لحالي ينگال بكل الحوال
فرگاكم وظلتي اجل
لتمن اثنين فراگ الحسين
والعله صارتلي علل
مشــــتعله كلي وكل كتر شاب
علي مظلوم الجناحي
@Ali_aLgenaih
ألمن راجع شفت وسامع
الصار وياي
هلالك مرني بس شيبني
وفت اچلاي
الموت اهون من الصار
لهسه بگــــبي منك نار
ألمن راجع
كون مامر بيه شهـــــرك لا اجاني
بيه چم سـهم الزمن حط ورماني
ماشفت بعيـوني ريت هلال موتي
وگبله اتمنــــــــيت يرجعلي زماني
يرجع بيه مومسبيه
وعندي اخوان
گبل العاشر گبل الحافر
گبل الچان
وچني بطيف ومر خطار
لهــــــسه بگلبي منك نار
انته من هليت يهــــــــلال المنايه
جايب وياك الحزن جـبت الرزايه
بيك شفت مــصاب مامر ع واحد
والبدايه بــــــيك صارتلي النهايه
منك كلشي شيب رمشي
وشفت مصاب
ماظل واحد لهمي يساعد
بس اصواب
ماعندك غيري وتختار
لهسه بـگلبي منك نار
صور ظــــــلت من هلالك بيه تاكل
بكل كتر جرح ومصــيبه بيه شاتل
موت بس موت مـــن گلب ذكرياتي
ودار وحشه والفرح من عدها شايل
باگ احلامي وكل ايامي
وجاب الموت
ماخلالي بيت وخالي
چن تابوت
صوره هناه وهناه تذكار
لهسه بگلـــبي منك نار
گبل مهيوبه چــــــنت عزي ودلالي
بين اخوتي ومــحد يشاهد خيالي
موكبي الكرار والــــكافل يحرسه
والحسن وحسين ببميني وشمالي
اول تالي دمعي يلالي
بهزل نوگ
عمري اميره تالي اسيره
ودخل سوگ
مچتوفه وشمروني حجار
لهسه بگلبــــــي منك نار
انته ماخليت بس نوح ومـــصايب
وهسه هليت وانشدك شنهو جايب
تردلي ذاك الراح وتجدد مـــصابي
لوترد وياك كل ذيـــــــچ الحبايب
راجع بيمن بس عليمن
يرد الراح
دمع اليوگع لاما يرجع
دمع الطاح
عدله شلون ويومك دار
لهسه بگلـــبي منك نار
علي مظلوم الجناحي
@Ali_aLgenaih
راجع ألمن ياهلال وكلشي اخذته
انه من جيتك گبل محسوبه ميته
گلبي بيمن ينسعد
لزينب شعندك ترد
محسوبه ميته
*
سنه مرت وانه يــــــــــهلال ع وضعي
فكري ســــــارح والجفن غارگ بدمعي
ماخلص ليل اهدعش بس خلص شمعي
ورحي مــــــــاتسمع حجي گلتها اطلعي
انه شفت الموت بعيوني شكثر
وانه ارحم موتي من هذا العمر
والله دلالي انمرد
لزينب شعندك ترد
محسوبه ميته
*
طشرت كلشي وبــــــــــعد ماينجمع
صـــــــار نوحي بطلعتك عاده وطبع
انه مــــــــــــن ابجي عمر مثل الشمع
تنزل اسنيني ع خـــــــــــدي ومودمع
انه احسب عمري من يوم الهلال
مــــن بقيت لوحدي وراح الدلال
باقيه بجيت جسد
لزينب شعندك ترد
محسوبه ميته
****
تكمل وتملي السمه بــس هيه ظلمه
صرت بعيوني اشوفك مثـــل نجمه
عيوني گالتلي يزينب غيــــري اسمه
اسمه سيف ومو هـــــــلال وكله نقمه
انته هم عندك فـرح ويه الحزن
وانته مــن مريت ضيعت الوطن
فاگده ومحد يسد
لزينب شعندك ترد
محسوبه ميته
****
مـــــــــــــن جيت تغير بريتي الهوه
كلشي مـــــــــــن نار الخيم بيه دوه
گبـــــــــل جيتك انه وحبابي سوه
وهسه بـــــــس جروح بيه بلا دوه
انه بهلاك صـــــــرت كلي جرح
ولسه روحي معلگه فوگ الرمح
هذا حالي شتعتقد
لزينب شعندك ترد
محسوبه ميته
****
عاد لوخليت بــــــــــــس واحد ألي
يسدلي وحشت بيتي من راحو هلي
انته تكره هـــــــــــــم مثلهم كل علي
انه مــــــن عندك بقيت بــــــلا ولي
صرت وحدي ابين حيطان اربعه
صبحي نوح اگضيه ليلي فاجعه
ليلي بهمومه يهد
لزينب شعندك ترد
محسوبه ميته
****
انته مـــــــــــن هليت جبت النايحه
وصارت ايام العمر بـــــــس فاتحه
انته كـــــــــل طلعات عمرك جارحه
وهسه مني اتريد اگــــول مسامحه
ردلي اهلي مـــن تجي لولا تعود
وعوض عيوني دمع وفك الگيود
ودوه لجروحي وضمد
لزينب شعندك ترد
محسوبه ميته
علي مظلوم الجناحي
@Ali_aLgenaih
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
1/الشاعر احسان الحميداوي
@ahssan313
2/الشاعر حسين لؤي العتابي
@Hussein110033
3/الشاعر جعفر عطية البزوني
@Jaffarattea
4/الشاعر هادي السلامي الكاظمي
@hadialsa
5/الشاعر السيد علي الكربلائي
@alialmoosawe
6/الشاعر هادي الساعدي
@had_jaa
7/الشاعر علی جباري
@damethezen
8/الشاعر محمد الجوراني
@algorane
9/الشاعر الحسيني علي مظلوم
@Aljnahe
10/الشاعر سيد سعد الفحام
@saidsaad11
الشاعر محسن الجنابي
@mhsui
الشاعر امير السعيدي
@dhjgdsswfgh
الشاعر محمد الجوراني
@algorane
الشاعر نسيم الحميداوي
@NasimAlhamdawi
الشاعر رياض الرسل الجابري
@narjskaton
الشاعر مهند الدريساوي
@Alfoatm9
الشاعر ذو الفقار الزيدي
@dhwlfqr
الشاعر ضرغام الجابري
@hususn1
الشاعر جبار عبد الزهرة
@ALshoely12
الشاعرة نور الهدى الشويلي
@lIAUAlI
الشاعر ام رائد زوين للمواليد
@noor93s
الشاعر سيد محسن الجابري
@saedmohsenjabere
الشاعرة ايمان الزهيري
@Emaanelzharii
الشاعرة العلويه ام حسين الحسيني
@OmHussinAlHassani
الشاعرة ام حوراء البركاوي
@qwerrtt76
الشاعر محمد المشعلاوي
@Mohammed_almassl
الشاعر علي موفق القزاز
@alimwafaq94
الشاعرة الملا جنات الحسناوي
@dchhtg
الشاعر علي خيري العبادي
@AliAliAlabady
الشاعرة ام قاسم الشمري
@hhgtfc
الشاعر ابو اسحاق الفحام
@aboashik
الشاعر عقيل الكاظمي
@alshaeraqeelalkadhmi
الشاعر والرادود سيد محمد الموسوي
@sadmhamd
الشاعرة ام وسام
@Ali45445
الشاعر علي النائلي
@Ali_Anaily000
الشاعر جبار عبد الزهره الشويلي
@ALshoely12
الشاعرة ام زينب الواسطي
@Fatimids89
الشاعرة ام حسين المحمداوي
@aaaadrfqe
مريم العبودي
@dtyruFteRqejkvuccdsqiopkm
الشاعر علي الاحسائي
@ehhhnb
الشاعر ابواياد البيجاوي
@mhsn1955
الشاعره ام نور الميسانيه
@Aleulawiuhamnuwr
الشاعرة ام محمد باقر الفحام
@yamahdy4444
الشاعرة ام مصطفى الاسدي
@jgapun
الشاعرة الحاجة ام محمد الكناني
@ALHUSSEN_M
شاعرات العترة
@ttrre
الشاعرة ام روكان الشمــــــريه
@eimahde
الشاعرة ام سيف الزبيدي
@RR775
الشاعر ذو الفقار الزبيدي
@dhwlfqr
الشاعر عمار الساعدي
@Amaar37
الشاعر علي عباس العيساوي
@aliashghinah2
الشاعر عباس فاضل الشمري
@abbas_daher
الشاعر جعفر البديري
@jifrrham
الشاعر علي صيوان التميمي
@alisaioan
الشاعر ابو عقيل الناصري
@aa_ad9
الشاعر أنور السباهي
@Anwernaser
الشاعر اسعد قاسم االكريعاوي
@asaad8417
الشاعر سجاد جاسم الفرطوسي
@sajadjasimAlfartosy
الشاعر عباس فاضل القسام
@olpkp
الشاعر محمد الساعدي
@qwqqed
الشاعر علي الزاملي
@Ailast
الشاعر علي ياسين اللامي
@Aliyaseen8
الشاعرة ام زهراء الكعبي
@omzahraaalkibe
الشاعر كرار الغزي
@karrarr999
الشاعر خالد مسلم الحلفي
@kaledalhalfi
الشاعر محمد مسلم الاسدي
@mohmed_moslem
الشاعر حسين الخزعلي
@ch2Hs
الشاعر عمر العارضي
@hpp_50
الشاعر فالح العامري للمواليد
@falehalameri111
الشاعر والرادود سيد علي الحسيني
@Aliodaae
الشاعر رائد الاسدي
@raedalasady
عباس العبودي الواسطي
@Alabbodi
ديوان المنظورات الكربلائي
@KazemManzourAlkarbalaei
الشاعر علي مهودر الحمراني
@Alhmrane
الشاعر علي قصي الركابي
@Qusayalr
صرخة العقيلة
@zhrhzahraa
الشاعر مصطفى النائلي
@wwaspqtt
الشاعر سيد محسن الجابري
@saedmohsenjabere
الشاعر والرادود عبدالباسط الخزاعي
@abdolbasot_alkhazaei
الشاعر سيد محمد السعبري
@ashggjd
الشاعرة ام علي المالكي
@cdeut
الشاعر حسين الباوي
@Abuas994
الشاعر عمار الفاطمي
@kadeemalzhraa
الشاعر احمد الحيدري
@a_alhaideri
الشاعر عباس الشويلي
@jhfdryhdsf
الشاعرة ام زهراء الكعبي
@omzahraaalkibe
الشاعر حسن غانم العبادي
@hassanalabadi33
الشاعرة ام سيف الزبيدي
@RR775
الشاعرة طالبة الزهراء ( ع)
@sultan_zman
الشاعر السيد محمد الموسوي
@qwertyuiopasdfghjklasdfbnm
الشاعرة ام الحسن الزيدي
@umalhasn
لوعة رقية
@loahroqaiah
الشاعرة هالي نور
@gftergr
الشاعر عباس محمد الحميداوي
@qs3qw
الرادود ابو سجاد الجعفري
@abosajadaljafre
قصائد زنجيل
@alhusseinabaabdlah
الشاعر ذو الققار الخفاجي
@zfk313
الشاعر كرار الزهيري
@uyyrew
عباس محمد الحميداوي
@qs3qw
الشاعر ابو سجاد الجنابي
@aljanabe313
الشاعرة ام كرار الشبابي
@krsnta21
ودعت اخوي عله النـــهر لودعاني
ليش احس شوكلشي ميت بيه اني
بزنودي شو احس بألم
بعيوني لوعينه السهم
شوميت اني
*
راح للماي وانه بهداي
تخوصرت حسيت جن ظهري انكسر
حيلي شوراح بداخلي صياح
راح مايرجع بـــــــــــعد ليه الگمر
گمت اشد حزام ظهري ويرخه الاحزام
وگامت عيـــــــوني تهل ونضر للخيام
لازم اصـفاحي واحس مطعون بسهام
واسكت شما اصد زينـب وخفي الألام
شما يبــــعد يزود الألم وتوجه حيلي
وكل خطوه اصيحن ياعلي ولزم دليلي
والدمع ظل مايــــلزم
بعيوني لوعينه السهم
شوميت اني
*
يرفرف ألواه وعيني وياه
شما يميل تمـــــــيل روحي تريد تطلع
گمت احس نار حدر الگصار
واحجي وي روحي وگلهـا هسه يرجع
حيرتي حيـــــره وگمت افرگ بديه
الدنيه صارت جن لحد ضاگت عليه
منين مادير الوجه مــــــــوت ومنيه
اصعب من الموت ثاري العافه اخيه
يموت سكته الراح من عنده عضيد
وحشته وحــشت گبر ويظل وحيد
بلحظه حيله ينهــــدم
بعينه لو عيني السهم
شوميت اني
*
غاب ع العين حزام الحسين
وانه خايف جنـــــــــت من نهر الفرات
وسمعت صوت بنبرت الموت
خويه ادركني لاجن كل حيــــلي مات
بخطوت المحتار امشي والنفس ظاگ
موش للملگه احــــــس امشي للفراگ
وصلت يم عبـاس لنه حاضن الراگ
خويه گلي وانه الهــــا اهواي مشتاگ
حاطه بحضني وبقيت بحيره يمه
ألجم اجروح اخاف من ارد اضمه
راسم بــــصفه خيم
بعيني لوعينه السهم
شوميت اني
*
وحدي رديت شلون رديت
لااخو لاحـــــــــيل مكســــور وحيد
طاح عباس وصاحت الناس
بيمن تزامط بعد طـــــــــاح العضيد
امشي والخطـــــوات تعثر بيه كسره
الب شدد ويروح اخيه يحــني ظهره
شحچي ويزينب وزينـب بيها جمره
شلون اگلها كافلج انطــــــــاج عمره
كون مــــــن تسألني ماتنزل دموع
ويمها ألم طولي ولا اكض الضلوع
ولو برسومي انرسم
بعيني لوعينه السهم
شوميت اني
*
الموت اناديه مايجي شبيه
انه من طرت الفـجر كل ساعه اموت
كلها راحت وستراحت
مثل جناز اصبــــحت بحبابي زاتوت
موتي اول تالي ونلــــــــم بحصيره
ونسحگ بالخــــــــيل اقبل بالظهيره
لجن زينب تنـــــــسبي زينب جبيره
وتدخل الكوفه اسيــــره ومو اميره
خل ترضني خيولهم ودوس بيه
ولاتطب زيــــنب ابد ديون اميه
اظل يوميـــه انلجم
بعيني لوعينه السهم
شوميت اني
علي مظلوم الجناحي
@Ali_aLgenaih
صار الغروب
وانتي يازينب وحيده
صار الغروب
ودمعتج تكتب قصيده
الليل لوچلچل ظلامه
يرتفع صوت اليتامه
ـ ـ ـ ـ ـ ـ ـ ـ ـ ـ ـ ـ ـ
ترجع الوادم طبــع لوصار الغروب
تلتم ويجمعه بيـــــت وتنسد البوب
وانتي وحدج بالغرب مابين الدروب
لاخيم لابيت عـــــندج لاكو محبوب
ابين الاجناب
وحدج والدنيه ليل
ابين الاجناب
واليتامه تريد حيل
ومحد يهــــود ينامه
يرتفع صوت اليتامه
ـ ـ ـ ـ ـ ـ ـ ـ ـ ـ ـ ـ ـ
هاي اول مــــــــره يازينب وحيده
وهاي اول ليله عــــن اهلج بعيده
عاده بيام الشـــــدد عونك تريده
والاخو بالغربه يحــــــتاز لعضيده
ياهو تنخيه
وانتي كل اهلج مشو
ياهو تنخيه
هاي عازات الاخو
الينتخي تفزع عمامه
يرتفع صوت اليتامه
ـ ـ ـ ـ ـ ـ ـ ـ ـ ـ ـ ـ ـ
انتي جانت خيـــــمتج مابين الاحباب
اثر لجدامج گبـــــــل ماشافته اجناب
شلون ليلج راح تگضــــــينه ع التراب
وانتي عرش الله گبل صايرلج احجاب
موكبج جان
هيبه متوسط هلج
موكبج جان
وخلفه يمشي كافلج
موكب تحرسه الامامه
يرتفع صـوت اليتامه
ـ ـ ـ ـ ـ ـ ـ ـ ـ ـ ـ ـ ـ
جان عندچ بـس ألچ بسماچ عالي
گمر ماغاب وخـــسف طول الليالي
عليچ ليل الله يچـــــل وبغير والي
جنت اميره وشو سبيه وسفه تالي
كافلج جان
هوه حارس للصبح
كافلج جان
وهسه راسه ع الرمح
راس وبلايه عمامه
يرتفع صوت اليتامه
ـ ـ ـ ـ ـ ـ ـ ـ ـ ـ ـ ـ ـ
انتي مصحف خاص وانتي البسمله
وجان بـــــــــس عباس يقره يرتله
من الطفوله انتي چــــــــنت معلعله
وهسه اجتـــــج فوگ حزنج كربله
هيبت حسين
انتي يانور الجلاله
هيبت حسين
نبي ويتامج رساله
وانتي بالغار الحمامه
يرتفع صوت اليتامه
ـ ـ ـ ـ ـ ـ ـ ـ ـ ـ ـ ـ ـ
وي فجر باجر يــصعدوج بهزلهم
وحدچ وصعبـــه اذا تنضر زلمهم
تنجتف ايدج غـصب گوه بحبلهم
انتي دمعه بعينچ وهمه بضحكهم
دربج بعيد
وصعب ممشاها الهزل
دربج بعيد
اليوگع يجره الحبل
اسم الله ماكو ولاسلامه
يرتفع صـــوت اليتامه
علي مظلوم الجناحي
@Ali_aLgenaih
بويه سمعن يالبنات
باجر تركضن حفات
ارد اضمجن وحده وحده بصدري حيل
هيه هاي الليله بـــــــس تخلص رحيل
بويه سمعن يالبنات
***
هيه هاي اللـــــــيله يابويه الاخيره
خلي اشبع مـــــــــــنج الليله گصيره
التفن عليه مثــــــل لفت الحصيره
باچر الوسعـــــــه اذا اطيحن زغيره
باجر بوكت الظــهر
ماتظل خيمه وخدر
الموت باجر بالخــــــــــــيم يصبح نزيل
هيه هاي الليله بـــــــس تخلص رحيل
****
خل رقيه تبـــــــوسني تشمني اريد
من مچان الخنــــــــــجر يحز الوريد
خل امـــــــسح راسه بلكي الله اهيد
باجر ارفع ايـــــــد توگع مـــــني ايد
باچر يطمــــني الحجر
بكل كتر جسمي انطبر
الما يلوح بــــــــــسيفه بحجاره يميل
هيه هاي الليله بـــــــس تخلص رحيل
****
التـــمن اعـــليه يبـويه ابصدري شمن
باجر ايصعــــــده الشمر من هسه اسمعن
و 12 طبره على نحري ابسيفه يطـعـن
هذا وجهي وشوف منه هواي اشبــعن
دورن بعيـن الگلب
انعرف باچر صعب
مـــــــــــــاتظل عـــــــمامه باچر لا دليل
هيه هاي الليله بـــــــس تخلص رحيل
*
بويه بين عيـوني بوسـن خلـــن اثار
قبل لا هذا المــــــجان ايجيسه الحجار
خدي خلنه عله خد وحـــــده من الزغار
ع الــرمل باجر احطــــــه والرمل حار
اوكف وارجع اطيح
حيل مابـيه اصيح
وسهم المثلث نبــــــــــت وسط الدليل
هيه هاي الليله بـــــــس تخلص رحيل
***
باجر موادعنــه بويـه موادع اگلــوب
شمن هدومي گبل لا انــسلــــب ثوب
انه من هالساعه اكلجـــن باقي مسلوب
و ع الوجــه يابويه باجر ابقى مگلوب
من الگفه بويه انذبح
وراسي ينشال برمح
گبالچن راسي الشــــــــمر باچر يشيل
هيه هاي الليله بـــــــس تخلص رحيل
علي مظلوم الجناحي
@Ali_aLgenaih
جلجل الليل وتعبت الخيل
وخمدت النار وعتنيتك
ـ ـ ـ ـ ـ ـ ـ ـ ـ ـ ـ ـ
من نامت عيون الضوه والدنيه صــــــارت سكته
دورتك بعين الگلب يــــــــــــاخويه جاه وين انته
كل ساعه اعثر ولتفت كل ساعه ابــــــــن عابرته
طگ كلبي خويه لشوفتك شلون الاخو يعوف اخته
گلبي مشلوع تجري الدموع
عفت الزغار واعتنيتك
ـ ـ ـ ـ ـ ـ ـ ـ ـ ـ ـ ـ
دليني ماعرف الدرب مـــــــاطبت اختك حومه
حرمه وغريبه وبــالحرب والليل صعبه علومه
اگعد وگومن لايفز خاف الحــــــــرس من نومه
هاي الجثث مـــــــــاتنسأل والليل ضم انجومه
انشد اعليك بهيده احاجيك
گلبي محتار واعتنيتك
ـ ـ ـ ـ ـ ـ ـ ـ ـ ـ ـ ـ
الحومه متروسه جمـــــــــــر واختك تدور حافي
صح طفت نيران الخيم بـــــــس جمر ماطافي
مابيه صوت لصيحتك مـــــات الحجي ع شفافي
ومن ألتفت خويه انلجم السوط اكـــــل بجتافي
متني مطگوگ جدمي محروگ
والرمل حار وعتنيتك
ـ ـ ـ ـ ـ ـ ـ ـ ـ ـ ـ ـ
شميت عطرك ولتفت وحســـــــبالي يتراوالي
دنگــت ع الگاع وشفت اصـــبع يخويه الغالي
بيه ريحت الخوه اشـــــــــــم هذا العطر للوالي
وصله لقميصك ميزت بحــــــــافر فرس وگبالي
مسلب اهدوم مخضب دموم
سولف الصار واعتنيتك
ـ ـ ـ ـ ـ ـ ـ ـ ـ ـ ـ ـ
شلت اصبعك وبلا فكر كـل ظني اوصل جثتك
ولمن وصلت لمصرعك ريــــت العمه ولا شفتك
الخيل ماخلت اثر مــــــــــــــن كل كتر دايستك
مطبوگ صدرك ع الظهر مثـــــل المطر ناثرتك
بحافر الخيل داستك حيل
هاي الاثار وعتنيتك
ـ ـ ـ ـ ـ ـ ـ ـ ـ ـ ـ ـ
رت انه ابوسن منحرك بـس حرت وين المنحر
ماتنعرف جثتك بقت بـــــخيل وسيوف اموذر
لاظل صدر لاظل زند كــــــــل عظم بيك مكسر
وگمت انه ابوسن بــــالثره هناه منحرك اتذكر
گلبي خلصان وجدمي تعبان
شلت الحجار وعتنيتك
علي مظلوم الجناحي
@Ali_aLgenaih
طلع نوره يشع
بدر لابس درع
جاسم تقدم
بدر جاسم طــــــــــلع ليله تمامه
بدر يمشي رزن لابـــــس عمامه
جلد وكت الـشدد مايحني هامه
انعرف شبل الحسن ماذب لثامه
نعرف من شمرته
تخــــــوف خرته
جاسم تقدم
اخذ من حيـــدر الشمره بيمينه
واخذ من الحـــسن ماتغفه عينه
مثل عبـــــاس لو يعرگ جبينه
وابو الســجاد چنه بكل حنينه
يهــــوس من نزل
الفحل خلف فحل
جاسم تقدم
لبس درعه وكشخ هيبـه بمشيته
خبط صافي المعـاـره وعله صيته
ابن سوح الوغه والحــــومه بيته
گطع روس الزلم صفــــاهه نيته
نوه الــيوم بعزم
يطگ خشم الزلم
جاسم تقدم
المعاره من زغر حافــــظها هوه
يغمض من يطب وبضحكه حلوه
لجل عمي امــــوت الموته تسوه
وانه موصه اصـــير لعمي فدوه
اريـــد اوفي اللبن
وانه ربات الحسن
جاسم تقدم
طبگ ذوله بيـــمينه ويه ذوله
وناده ع الزلم ويـــــن الرجوله
وصلوله الشـــمر اشراح أگوله
جيشك من يجيني عيونه حوله
اليفر يرجع ألي
تدوهن مبتـلي
جاسم تقدم
توسط بالــــــمعاره وهيه هوسه
وغدت ظلمه مثل حوت ع موسى
تفنن جاســــــــم وحافظ دروسه
اليطيح مـــــن الزلم ربعه تدوسه
يدورن الهــــوه
مثـل نار ودوه
جاسم تقدم
علي مظلوم الجناحي
لمته بطيف وتمر ظيف
لولحظه عيوني تمر بيه
راح اتموت بس بسكوت
گاطع بمك حن عليه
لوبس اتمر لمحه بعيني
يابعد امك شو ناسيني
***
اظل ليليه انطرنك لــــولحظه تمر خطار
اقبل لوعطر منـــــــك اشمنه ع باب الدار
مرني لوخيال اقبل وسولفلك عليه شصار
طيفك لو يمـــــــر بيه يهود بالضلوع النار
لحمت عين شمه منين
من نحرك لومن ازلوفك
گلبي يفور ونطي انذور
لومرت بالعين اطيوفك
وينك ماظل شوف بعيني
يابعد امـــــك شو ناسيني
****
ادعي الله شكثر ونذر گبل مـاتغمض عيوني
ويــن الله وتمر بيه ويكحل طولك اجفوني
احلم بالحلم وسرح وتسولف كثرت اظنوني
هيجي ولنك اگبالي وتطيب بشوفك متوني
كافي غياب راسي شاب
والموت اهون من فراگك
عمري اهات مر لحظات
خليني اشتم عطر ثيابك
يوميه انـطر وتبچيني
يابعد امك شو ناسيني
**
يجاسم مولحت عيني وبعد ماوچد بدربي
وديلي قميصك عـــــــــاد اشمه يابعد گلبي
ماچني امس عفتك مــــــر بيه دهر حسبي
تعال غياري مو للشام عليك اغياري ياتعبي
فراگك نار وحشه الدار
ظلمه وبس الموت وذكره
هناه مريت هناه صليت
هناه نزلت من عندك عبره
من گتلك يمه توافيني
يبعد امك شو ناسيني
*
لثيابك انه ليليه اســـــــولف وشتكي الفرگه
وشمهن شـــمت المخنوگ ويدور نفس شهگه
وظل مثل الشمع بالريح وظلمت فرگتك رفگه
ورسم صــــورتك بالبال وحته ابالي محترگه
تشب نيران لو شبان
وسرح بظنوني لممشاهم
بحلك كون ويضحكون
وتخيل كون انته وياهم
نار دموعي ظل تجويني
يبعد امــــك شو ناسيني
****
اشمن ثوبك واسرح وألزمه مـــــن الردن بيدي
وسولف عـــــود وامشي وياك ايد بأيد يوليدي
وتحومر وجنتك خجلان من گلك شوفتك عيدي
يجويني الدمـع وصحه ويوگف نبضي بوريدي
بس حسبات دمعي يبات
ويتبلل ثوبك بدموعي
وين ألگاك ونار جفاك
تلهب تسعر حدر اضلوعي
ليليه المـــوت يراويني
يابعد امك شو ناسيني
****
ألمـــــن انضر بعيني اذا بعــــيوني ماشفتك
مـــــاظلت عليه رسوم ميته بساعت العفتك
رسومك هم گلبها الموت ذبلت يالورد شفتك
وبعده نور البوجهك لــــوطفه اللحد شمعك
شماله البين عميه العين
يخلي الشوك ويگطع ورده
بس يختار وين الحار
واحد بس بلفين انعده
المفروض وياك ويلفيني
يابعد امــك شو ناسيني
علي مظلوم الجناحي
@Ali_aLgenaih
هذا الماي هذا الماي
النهر مــن جودي فرع
ينشف اذا بسمي سمع
هذا الماي
***
النهر وي جــــــــــودي اذا قارن زغير
هوه وجروفه بطرف جــــودي يصير
راح اروح گباله وگبــــــــــــالي يحير
نگطه راح يصيـــــــر مايشبعله طير
وبعياني وبعياني
امــــــــر واسمعله نعم
والمجره اغيره للخيم
هذا الماي
***
راح امره ومـــــــــــــــــــا اكثر بالكلام
اترك اجروفك ومش يــــــــــم الخيام
حــــــب رجل سكنه وتعذر وبجي عام
ولولي يـــــــــم عبدالله لشفافه وينام
لولي هداي لولي هداي
حــــــد ماتورد شفته
وبروده صير لنومته
هذا الماي
*
انه عباس وهوه حـــــــــي الله جرف
مـــــــــاي من گصتي اخذ هلما نشف
مـــــــــــــن امر من يمه والرايه ترف
يصير يجري بـالعكس يزحف زحف
عكس الماي عكس الماي
يتمنه يوصل شفتي
ينشف اذا موجربتي
هذا الماي
****
انته شنهو تشيــــل خشمك ع الكفيل
كـــــــون اساوي اجروفك وتزغر ذليل
شلون دمعت سكنه مــــن عندك تسيل
شمـــــــــا كبرت بعيني اشوفنك قليل
تدري بهاي تدري بهاي
كل اليعاندني انشطب
ويالموت اسمه ينكتب
هذا الماي
**
بسرعه اركض يــــــــــانهر طيع الامر
وامشي يــــــــــم زينب ذليل وتعتذر
گلهه يازينب دخيلج ويــــــــــــن افر
امشي وياي اعتذر مــــــــــــــن الگمر
دخيلج جاي دخيلج جاي
لوما يسامحني الگمر
انشف ومـــاانعد نهر
هذا الماي
**
شوف يـــــــاهو يموت وصبر انتضر
راح ينسونك وانــــــــــــه ابقه انذكر
انته لوموانه حـــــــــــــــــــي الله نهر
صيت تاخذ منـــــــــــــي طباك الگمر
صير هواي صير هواي
من تكبر وتصبح بحر
يـــــم الگمر مالك اثر
هذا الماي
علي مظلوم الجناحي
@Ali_aLgenaih
ماتسولف راجع ومو ايده بيدك
ماتسولف راح مايرجع عضيدك
خويه حيلي لاتهد
ليش ساكت ماترد
ماتسولف
ـ ـ ـ ـ ـ ـ ـ ـ ـ ـ
شبيك راجع گوه تمشي ومنكسر
تميل ويه الريح گلبــــك منعصر
ايدك بخاصـــــــــرتك اتردد ذكر
من قضى منــــهم ومنهم ينتظر
لاتگلي طاح جيشك ع النهر
لاتگلي راح عبـــاس الكمر
خويه چاه بيمن تهد
ليش ســاكت ماترد
ـ ـ ـ ـ ـ ـ ـ ـ ـ ـ
خويه طولك هيبه يالطولك جبل
راجع ومحـــني الظهر عودك ذبل
من ملامح وجـــــهك مبين رحل
جاوبت عـــــيناك من دمعي سأل
لاتحول تخفي بدموع العيون
لاتحول دهري عودني يخون
جروحي انه من المهد
ليش ســـــاكن ماترد
ــ ـ ـ ـ ـ ـ ـ ـ ـ ـ ـ ـ
رحت مــــــن يمي بدر لمن رحت
كلشي بيـــــك اتغير وشو شيبت
للخيام واصــل نحيبك من نحت
حسين گلي بروحت خويه اشفت
صورتلي بوجهك اليمطر دفو
صورتلي فاگد مــــضيع اخو
گلبك وگلبي انمرد
ليش ساكت ماترد
ـ ـ ـ ـ ـ ـ ـ ـ ـ ـ ـ
رحت ماتهتم ابد جيش الزلم
راجع وكل لحـظه تنظر للخيم
والله لوعباس عايـــش ماتهم
بس اظن عباس بعيـونه سهم
بينتلي مايرد حـــامل لواك
بينتلي من كمت تنضر گفاك
راح عونك والمدد
ليش ساكت ماترد
ـ ـ ـ ـ ـ ـ ـ ـ ـ ــ ـ
حده بيه الموت مستعــجل حده
نار جايـــــــبلي وانه بعازت نده
يعني احضر متني للسياط العده
يعني شوط اجروحي بغيابه بده
لا يخويه يعني مايبقه خدر
لايخويه يعني يوليني الشمر
السوط احضرله جلد
ليش ساكت ماترد
ـ ـ ـ ـ ـ ـ ـ ـ ـ ـ ـ
صعبه بيام الشدد وظـــــل وحيد
عليك تقوه وتنتـفض حته العبيد
شــما تكابر ونــــــــتك تكبر تزيد
من اجيت مبـــــين مضيع عضيد
سولفولي وحدي اظل بكربله
سولفولي وامشي اسيره معلعله
جرحي مايلگه ضمد
ليش ساكت ماترد
ماتسولف
علي مظلوم الجناحي
@Ali_aLgenaih
كون مسلم بالطفوف ويه ابو اليمه حضر
وسوه نزلو للقتال مسلم ويمه الگمر
جان ماظلت عساكر
****
نفرض فرض مسلم عدل والسيف ماحز نحره
ولكربله وياهم اجه ويه الكمر شـــــــد ظهره
ونزلو سوه للمعركه مســــــلم وراعي الگمره
تصور منهو النازل مسلم ويه الكافل
ياهو الراح يقاتل ياعسكر
أله من يطبوها بنص ساعه يصفوها
والحومه يسوها جن محشر
واحد يسكت الجيوش شلون لوطبو سوه
ينعلن يوم الحساب ونفخت الصور اللوه
يبقه ملك الموت حاير
*
مسلم والعباس الگمر بالحومه والجيش يشوف
جاه شردت اخـيول وزلم وگلوب توگع وسيوف
يلگون موته بلاطعن يلگــون موته من الخوف
حته الظل ماشارد حيله يخونه وگاعد
يابس دمه وجامد يشفونه
تغير وجه ولونه تسمع طگ سنونه
بس ادير اعيونه يلگونه
اليصد عباس اجاه يموت حيله ومايفر
ومسلم يشوفه وراه بيده يحفرله گبر
يموت مرعوب ويكابر
*
من ينذكر اسم الگمر يخوف تره الزلمه الحيد
ولودخل ميدان الگمـــر لاركضه لاشرده تفيد
ونوب طب ومــــــحتزم وي مسلم وايد بأيد
الجيش وكل اعداده يضيع عليه مشراده
وتختل روس القاده يضموها
اللحگ خلص روحه الشرده هناه مسموحه
تسمع خايف نوحه يسمعوها
عار لليشرد گبل وهسه لازلمه الشرد
واليفر من خوفه گام ليهم بجدمه يرد
الخوف شوف عيونه ساطر
****
مسلم يكض الميسره وعباس ع اليمنه يدير
ومن الصفر يبدي العدد وعزريل يرفع تقرير
باب لجهنم ينصب بالحــــومه مفتوح يصير
يصير الموت مغالب مسلم گام يعاتب
رايد حصه يطالب يشكيله
مسلم گال بهيده كضه عباس من ايده
يخلي جنود ايريده يخليله
گله موكلهم عليك خويه سبع الگنطره
جاه اظل انطر وراك بلكي واحد تعبره
اظل بالحومه اناطر
***
لونزلو الحومه ســـــــــــوه وتحزمو الها حزام
حته الگصب يفزع يــــهد وياهم يصير اسهام
ويرتفع بس صوت البجي ويسمعه حته بالشام
الكافل ياخذ حيفه حاصل حل تنضيفه
يذري الروس بسيفه يصفيها
ومسلم من ذراها طشها ورد لماها
الروس عليه دناها يعدبيها
يگله مسلم لاتعد انه لجلك ماطگ
انه لوحدي اصول اطبگ بسيفي طبگ
والاريد يصير صاير
***
يجسمون جيش المعركه يجسمونه بالطف اثنين
ويتغالبون عله الرگب ياهو اليخـــــلص السبعين
ياهو اسرع ايطــيح ألف ويرجع يسولف لحسين
كون حسين يشاهد بطرف الخيمه وكاعد
ياهو اكثر ياواحد ذلاهم
سكته تصير الوسعه صوت الريج تسمعه
ياهو اسرع بالرجعه حياهم
ياهو خلص حصته بساعه سكتها ورجع
وياهو ظل صوت الونين من حملته ينسمع
ياهو رد وگال حاضر
****
يلغون مجراه النهـــــــــر وللخيمه مجراه يدير
وعبدالله يشرب لوعطش بكاروكه جواه يصير
ويتفرع بكل الخـــــــــــيم ويتعذر من التقصير
اجروفه تصير الخيمه وتشبع حته الهيمه
وتاخذ منه الغيمه يوزعونه
يوصل كل شفايف امر ومنهو يخالف
محد يضمه وخايف يسگونه
يصير كل ماي الفرات بأمر عباس الگمر
ومسلم يوزع ثواب وخيمته بصف النهر
وترتوي حته الضماير
علي مظلوم الجناحي
@Ali_aLgenaih
المعاره فنـون والها أرجالها
وذاك من ذاك الصدگ خيالها
ابو ظاهر منحسب
بأول سطور انكتب
مسلم بزود وفخر شيالها
***
الرايد يسولف مراجل للزلم وكت الشدد
واليعد بنــصاف كونه للمواقف من يعد
مسلم تصدر يشوفه اسمه واضح ونوجد
يلگه عنوان الـشجاعه والمراجل والعهد
المراجل چلمه بس تـحلاله
الكوفه تشهد مانست افعاله
اباب طوعه من غضب
بأول ســـطور انكتب
مسلم ابيت الشــــجاعه صار وبيوت الزلم
رضع من ثدي البطوله غيره وحساس وقيم
اخذ من عمه وتعــــــــلم صولته وذاك العزم
والدرس بصفوف حيدر بهاي يشهدله الخصم
مسلم گباله خضع عرش المجد
اليحب يشـــهد بهايه واليضد
الضده يشهد واليحب
بأول سطـــور انكتب
حتارو بعزمه ويقيــــــــنه چنه عباس وزعل
وباب طوعه يبقه شاهد شلون بيهم من حمل
حمل والكــــــــوفه گلبهه رفع صوته ويبتهل
الحشر چن صار بيــــــــــده محد ليمه وصل
الجيش وعداد الزلم مذهوله
وحده مــسلم هاي مامعقوله
بيهم بكــيفه يطب
بأول سطور انكتب
غصت الكوفه بعددهم ضاگت وشح النفس
وياعدد يلحگ لمسلم وهوه بالغيض انترس
مايذل صعبه ويساوم واضح ومثل الشمس
برز والسيف بيميـــــنه والنفس بيهم حبس
صاح بيهم هذا واضح صوتي
والله مـــــــــابايع يزيد لموتي
لو اموت وانصـلب
بأول سطور انكتب
لوردت احســبه احـــــسب واحد اگبال الجمع
واحد وذلهم بـــــعزمه ابــــــــــد ماذل وركع
واحد وحارو بمرهم والـــــــــــــــمدد لاما نفع
يعني مسلم جيش وحده ويمه عسكرهم خضع
كلهه ذلهه وابد ماگدروله
يمه ماوصلو غدر وصلوله
سوه بيمينه العجب
بأول سطور انكتب
علي مظلوم الجناحي
@Ali_aLgenaih
لمته ترد مات الورد
وبجفاك دلالي انمرد
ام البنين بلياك
سيف البعد جتالي
***
روحي تون والونه بس ردتها
والروح لوطلعت صعب ردتها
شوفت عيونك بس فقط رادتها
ظلمه الظهر گمت انعصر
صح عدله لجني بگبر
مثل الگبر ضيم جفاك
واللحد يتراوالي
****
ماباقي لمك من رحت حال الها
فركتك صعبه وماكو ابد حال الها
جروح البعد مو بالعمر حال الها
اللحظه بعمر لمن تمر
تسعر وماتبرد جمر
لايرهم اوياها اخياط
مايشفه جرح الغالي
****
اسألمن انه بغيبتك ونشدمن
ونعوف گلي ياجرح ونشدمن
لوتدري حالي بغيبتك ونشدمن
بطور البچي مات الحچي
ماامشي صرت أله انتجي
والوني ون حته الطوف
وحته العدو ونالي
***
حادي الضعن لمن حده ودارها
جن نار تسعر بالگلب دارها
وحشه وخليه من رحت دارها
الراحو هله بلوه ابتله
شما يكتم بونه عله
والفارگت مثل حسين
الموت اول تالي
**
مثل السهم روحي البعد صابها
ولم الوكت كل نايبه وصابها
عيوني احس جاري الجفن صابها
عيوني انعمن مضيعه وطن
والفارگ احباب يحن
عليك اسأل الراح ورجع
مامش خبر ردالي
**
غير الحزن محد وصل طابلها
والعله زادت مانفع طابلها
عندك عليله بسفرتك طابلها
تبجي وتون تگلي الضعن
لمته يرد لرض الوطن
گالالي اوديلج علي
ولهسه ماودالي
علي مظلوم الجناحي
@Ali_aLgenaih
من اين لي
الخير وادري الخير منك
من اين لي
دليتني وصرت انه اخدمنك
عبدك انه وبسمك مـــــلك
كل خيري من عندك والك
من اين لي
ادري كلشي ••••• مسلم امري ••••• بيده الله
تريد واحد ••••• يسعه گاعد •••• نعمت الله
ادري الله ومــــــقتنع الارزاق بيده
وكلمن ونيته العبــــد والله يزيده
وانه نيتي ومقــــتنع گلبي اليريده
عبد عــــد حسين اريد ومن عبيده
عمري انه
من خدمت هـــــذا الذي ادري
عمري انه
وگبله المظه ماينحسب عمري
محسوب بــــس بمنزلك
كل خيري من عندك والك
ادعي اطلب ••••• ليك اگرب ••••• خذني يمك
خيرك انته ••••• انه ضگته ••••• وخيري منك
انه منيلي ومــــــاعندي كــــــل خير
وانه لومو انته ضـــــايع تايه ازغير
گمت احس طعم لحياتي والها تقدير
حيل مبخوت بحياته الخــادم يصير
حته من ازل
ماتبخل وتنطيني من فضلك
حته من ازل
مـــــن فضلك ادليني وصلك
تنطيني لمـــــــــن اسألك
كل خيري من عندك والك
بسمك امشي ••••• والك كلشي •••• اليوم باچر
نفس ريتي ••••• ياهــــويتي •••• انته صاير
جنت ضايع سـيدي وسويتني انسان
وگبل ماخدمك گـــبل ماعندي عنوان
بـــــس اندبك بالشدد تفتحلي بيبان
كله مـــــــــن عندك بخيرك انه غرگان
منك الك
عايش انه وماعندي بس خيرك
منك الك
ماريد ابد كل خير مـــــن غيرك
بـــس انته انته اتوسلك
كل خيري من عندك والك
العشگ واحد •••• بگلبه گاعد •••• بيه يسري
عشگي ياناس •••• وحگ عباس •••• عشگ عذري
كل عشگ چذاب عـندي وتالي الغياب
وين يتساوه النجم وي ذاري التـراب
وانه محبوبي اختلف عن كل الاحباب
ابد ماسد مـــــن اجيته بوجهي الباب
ويه النفس
اتنفسه ويدور احس بيه
ويه النفس
وبيه النفس متفظل عليه
بالدنيه كلـــــــها اتخيلك
كل خيري من عندك والك
ذنوب بيه ••••• من اديه ••••• اهواي اقصر
روحي اجتك •••• عليك اختك ••••• نضره انضر
اقبلني جيتك ســيدي يالقابل الحر
انه غرگان بذنوبي وبيـــــــــك اعبر
الدنيه مـــــااگدر عليها وخاف انجر
من تدير الوجه عـــني كلشي اخسر
خذني اليك
يــــاسيدي ياتقبل المذنب
خذني اليك
ابابك اظل ولعطفك مچلب
خذني خــــــــمار لمحملك
كل خيري من عندك والك
رزقني جويه ••••• دوم بيه ••••• وحزن لابس
رزقني حرگه •••• رزقني سحگه •••• وعشگ عابس
خليني اهيم بعالمــــــــك شعليه بالناس
عيشني دمعات ولطم وجروح الاحساس
خليني لومرلك ذكر الطـــــــــم ع الراس
ولدير وجــــــهك انتهي بداعت العباس
ركضني الك
ركضت رقيه وهيه مرعوبه
ركضني الك
عاشگ انه والمات محبوبه
اسبيني چن سبيت هلك
كل خيري من عندك والك
علي مظلوم الجناحي
@Ali_aLgenaih
هل الهلال ..مرت سنه ع اجروحي والشام
هل الهلال.. ولسه انجوي من نار الخيام
چم موت بعيوني شفت
چم مره مت ومامتت
هل الهلال
هل الهلال والعمر طال
سنه مرتني وگول شلون عدله
المات محضوض وانه مفروض
متت بالعاشر ولا اصعد الهزله
المثل حالي هواي اهون من يموت
من زغر دهري رسم بعيوني تابوت
سلوتي دمعي بحياتي وابچي بسكوت
العمره لوعات والفرح ماغلط مره وصل بابه
العمره لوعات ينطر المن ماترد راحت احبابه
فرح مامرني وشفت
چم مره مت ومامتت
العمره ماخاف ولاحزن شاف
هذا يسحب عمره ماشايف جروح
العاش بالاه وكته راواه
بس جسد يمشي تشوفه بلايه روح
انه اخلص من مصيبه وگعلي مصيبه
من عمر خمس وغزاني الوكت شيبه
وانه ذاك اليختلف حته بنحيبه
منهو مثلي حته بيام الفرح تنزل دمعته
منهو مثلي من زغير لليوم مابردت جمرته
من الظيم طفله وشيبت
چم مره مت ومامتت
گلت دهري تالي عمري
اكتفه والصار بيه انتهه وصار
وكتي خوان بجرحي فنان
كربله ضمالي بيها اجروحي الاكبار
اخذ مني كل اخوتي وكلشي ماظال
وحدي ظليت بهضم يهد حته الاجبال
لملي حزن الدنيه كله والفرح شال
الصار بيه ماسده لواحد ولاصار بمره
الصار بيه حافي اركض وانه عمري مخدره
خمسين عمري وركضت
چم مره مت ومامتت
منهو مثلي راحو اهلي
وحرگو خيامي عليه فوگ الايتام
فكري محتار خيل والنار
وكلها عمه تصيح وانه ابين ظلام
اكض واحد خايفه يفر ثاني مني
هذا نار بثوبه ذيج تصيح اذني
وذاگه اشگف عنه بالسوط ع متني
جلجل الليل وروس اخوتي ع رماح يمي
جلجل الليل وباچر سبي ينادون بسمي
بروس اخوتي انضر بتت
چم مره مت ومامتت
كلها شمات والخدر مات
الچلمه اقوه من السهم تاذي الدليل
الفاگد اخوان يبقه حيران
وانه كل اخوني ع غبره مچاتيل
وحدي ظليت وشماته كلها وياي
الماي بعنادي يجيبه وطشره احذي
وانه ماتو كل خوتي بحسره الماي
الشمر صار زلمه يتهدد عليه وعنده حراس
الشمر صار يوگف اگبالي برمح بيه راس عباس
راداني اصيح وماصحت
چم مره مت ومامتت
اذكر وچان يمي جيران
سنين مايدري علي عدهم ابنيه
تالي للسوگ ادخل بنوگ
وناس ملتمه الضحه وصاحو سبيه
صعبه ترجع ديره بت شيخ العشيره
وزينب ع الكوفه رجعت بس اسيره
بداري مروني الگبل بيها اميره
العمر چانت تطلع بموكب واثر ماالها ينشاف
العمر چانت دخلت الكوفه اسيره وبيها ينطاف
ديوان بالكوفه ادخلت
چم مره مت وماتت
تالي للشام واه يالشام
معيده بيه الناس وتلگونه بدفوف
شتم وحجار زغار وكبار
لتمت الوادم علينه واليجي يشوف
من يزيد ومجلسه بتنه بخرابه
ونامت الليل اليتامه ع الترابه
رقيه گعدت من حلم وتصيح بابه
الها جابو راس ابوها وحضنته مذهوله هيه
الها جابو حضنته وماتت بحسرتها رقيه
رقيه بجفوفي ادفنت
چم مره مت ومامتت
علي مظلوم الجناحي
@Ali_aLgenaih
قصائد محرم مع الالحان جديد
/channel/+QYhwKvqAiD7e_b1P
الان فرصة لزيادة متابعين حساباتكم قبل اغلاق الموقع
يتوفر زيادة متابعين بيج الفيس بوك ومشاهدات ومشتركين يوتيوب وانستا للاستفسار @ahmed_alziwar0
07732320742
