Вясна / Правы чалавека ў Беларусі

06 February 2025 10:15

❗️У Жлобіне за сарваны сцяг асудзілі хлопца, які год таму выратаваў з возера пенсіянера

На выязным пасяджэнні суда Жлобінскага раёна асудзілі Канстанціна Ціхамірава паводле арт. 370 КК (здзек з дзяржаўных сімвалаў). Суддзя Святлана Андрэева прызначыла хлопцу адзін год абмежавання волі без накіравання ў папраўчую ўстанову адкрытага тыпу («хатняй хіміі»). Судовае пасяджэнне адбылося на базе Жлобінскага металургічнага каледжа, дзе вучыўся Канстанцін.

Год таму, на сцэне актавай залы Металургічнага каледжа, хлопца разам з трыма іншымі навучэнцамі ўрачыста віншавалі і ўзнагароджвалі лістамі падзякі — юнакі выратавалі пенсіянера з вады.

Пра гераічны ўчынак падлеткаў тады нават напісала прапагандысцкая «СБ. Беларусь сегодня» — хлопцы запаўзлі на лёд і з дапамогай знойдзеных побач друкоў змаглі выцягнуць з вадаёма пенсіянера і ўратаваць яму жыццё.

Чытаць па спасылцы 👉 https://spring96.org/be/news/117374

Вясна / Правы чалавека ў Беларусі

06 February 2025 09:15

Гамельчука Юрыя Залатухіна пачынаюць судзіць за «здраду дзяржаве»

У Гомельскім абласным судзе 6 лютага ў закрытым рэжыме пачнуць разглядаць справу 35-гадовага мясцовага жыхара Юрыя Залатухіна. Яго абвінавачваюць паводле арт. 356 КК (здрада дзяржаве). Працэс будзе весці суддзя Дзмітрый Казлоў.

Пакуль невядома, у чым дакладна абвінавачваюць мужчыну.

Мяркуючы па сацсетках, жонка Юрыя — украінка Ірына. Вядома, што Юрый пэўны час працаваў на будоўлі, але інфармацыі пра яго апошняе месяца працы няма.

Чытаць па спасылцы 👉 https://spring96.org/be/news/117299

Вясна / Правы чалавека ў Беларусі

06 February 2025 08:15

Святлана Ціханоўская: 700 дзён Сяргея Ціханоўскага ўтрымліваюць у рэжыме інкамунікада

Пра гэта піша @tsikhanouskaya.

«Апошні раз я чула голас мужа больш за чатыры гады таму. У мяне было ўсяго пяць хвілінаў, каб падтрымаць яго, расказаць пра дзяцей, спытаць пра здароўе. Тады я яшчэ не ведала, што нам больш не дазволяць пагаварыць. Часта ўспамінаю тую размову і думаю, што яшчэ магла б сказаць…

Вось ужо 700 дзён ад Сяргея няма навінаў. Я не ведаю, ці атрымлівае ён віншаванні з днём нараджэння, ці бачыў паштоўкі, намаляваныя дачкой. Не ведаю, калі зноў змагу пачуць ягоны голас. Нават адзін дзень без вестак ад блізкага чалавека – гэта ўжо нагода для трывогі. Разам з Карнеем і Агніяй мы жывём у гэтай трывозе ўжо некалькі гадоў.

Але я ўпэўненая, што ён адчувае нашую падтрымку. Што ягоная ўнутраная сіла з ім. І нават за гэты час без сувязі – ён надае гэтую сілу і мне. Мы не спынімся, пакуль Сяргей і ўсе палітвязні не будуць на волі».

Вясна / Правы чалавека ў Беларусі

05 February 2025 15:45

У Беларусі прызналі «экстрэмісцкай» песню «А.С.А.В» гурта «Руки на одеяло»

Адпаведнае рашэнне прынятае судом Гомельскага раёну 4 лютага.

Таксама «экстрэмісцкі спіс» папоўнілі TikTok-старонкі «onlineua», «belaruski_krok», а таксама старонкі ў Instagram «nina_a_sh», «belarusians.lietuva1», «leanidmyshlenik», «throughcameraprism».

🔗Хроніка палітычнага пераследу

Вясна / Правы чалавека ў Беларусі

05 February 2025 14:05

16-гадовага падлетка з Ваўкавыска асудзілі на 1 год «хатняй хіміі» за зрэзаны чырвона-зялёны сцяг

У судзе Ваўкавыскагаг раёна 21 студзеня асудзілі Леаніда Трафімовіча паводле арт. 370 КК (здзек з дзяржаўнаў сімволікі). Справу ў закрытым рэжыме разглядаў суддзя Мікалай Сяргейка.

Паводле матэрыялаў следства, Леанід, знаходзячыся на даху будынка, зрэзаў нажом чырвона-зялёны сцяг.

Паведамлялася, што падлетак у пад’ездзе чакаў сябра. Узламаўшы дзверы на дах шматпавярховага дома, ён убачыў сцяг, зрэзаў яго сцізорыкам і схаваў ў сябе дома ў шафе. Пазней супрацоўнікі ЖКГ заўважылі знікненне і звярнуліся ў міліцыю.

Чытаць па спасылцы 👉 https://spring96.org/be/news/117372

Вясна / Правы чалавека ў Беларусі

05 February 2025 12:16

📝Агляд сітуацыі з правамі чалавека ў Беларусі ў студзені

📍Глыбокі крызіс правоў чалавека абумовіў кантэкст фальшывых выбараў* прэзідэнта ў Беларусі: Лукашэнка падоўжыў свае паўнамоцтвы і працягвае ўтрымліваць дзяржаўную ўладу;
📍За месяц праваабаронцы зафіксавалі мінімум 506 выпадкаў палітычна матываваных рэпрэсій (затрыманні, ператрусы і г.д.);
📍Улады Беларусі рыхтуюць магчымасці для новых шырокамаштабных, у тым ліку трансгранічных рэпрэсій: у працэсе прыняцця знаходзяцца змены ў Крымінальны кодэкс;
📍На працягу студзеня было вынесена мінімум 175 палітычна матываваных прысудаў і мінімум 295 палітычна матываваных рашэнняў па адміністрацыйных справах;
📍Шэраг палітвязняў, у тым ліку тых, каго ўтрымліваюць у рэжыме інкамунікада, на працягу апошніх месяцаў былі паказаны ў публікацыях і відэасюжэтах праўладных медыя. Тым не менш, гэта не спыніла іх ізаляцыю ад знешняга свету і родных.

Справаздача цалкам 👉 https://spring96.org/be/news/117368

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

05 February 2025 10:51

❗️Калі вам патрэбна дапамога з тэрміновай эвакуацыяй з Беларусі — звяртайцеся на @help_bysol

Таксама нагадваем пра Гарачую лінію «Вясны» — вы можаце атрымаць бясплатную юрыдычную кансультацыю ці паведаміць пра затрыманне на @ViasnaSOS

Вясна / Правы чалавека ў Беларусі

05 February 2025 10:32

📍BYSOL паведамляе пра ўзмоцненыя праверкі на мяжы

Пра гэта піша @stryzhak.

«Практыкай паглыбленых праверак на мяжы для тых, хто вяртаецца ў Беларусь, ужо нікога не здзівіш, але ж мы атрымалі інфармацыю пра тое, што сілавікі ўзмацнілі кантроль і праверкі і тых, хто выязджае з краіны. Будзьце пільныя і падрыхтаваныя — трымайце дэвайсы чыстымі, галовы халоднымі і памятайце што тэхніка бяспекі жыцця пры дыктатуры гэта, у першую чаргу. ваша асабістая адказнасць».

Вясна / Правы чалавека ў Беларусі

05 February 2025 09:15

У Паставах за «экстрэмізм» асудзілі маладую сямейную пару

10 хвілін адвяла суддзя Наталля Максімовіч на разгляд пратакола ў дачыненні да 29-гадовага Яўгена Радзевіча. А неўзабаве яна разглядзела і справу Луізы Радзевіч.

І Яўгену, і Луізе ставілі ў віну «распаўсюд экстрэмісцкіх матэрыялаў» (ч. 2 арт. 19.11 КаАП), піша @vitebsk_info.

Вясна / Правы чалавека ў Беларусі

05 February 2025 07:33

🌿Праваабарончая праграма «Вясна»

1:25 Мікалая Статкевіча намінавалі на Нобелеўскую прэмію міра

5:26 «Іншыя гісторыі» і дэстыгматызацыя псіхічных растройстваў. Размова з журналісткай Дар’яй Гардзейчык

29:02 Што пісаў сайт Арганізацыі Аб’яднаных нацый пра Беларусь у студзені

Вясна / Правы чалавека ў Беларусі

04 February 2025 17:34

Пасля пагроз Азаронка быў затрыманы брат палітычнага эмігранта з Гомеля

Як паведаміў @flagshtok Мікалай Стагурскі, яго брат Дзмітрый, сёння раніцай быў дастаўлены ў Навабеліцкае аддзяленне міліцыі — у яго нібыта былі знойдзеныя «экстрэмісцкія» падпіскі. У дачыненні да хлопца склалі пратакол паводле арт. 19.11 КаАП за (распаўсюд экстрэмісцкіх матэрыялаў).

Раней Мікалаю ў сваім тэлеграм-канале пагражаў прапагандыст Азаронак у сувязі з удзелам Мікалая ў акцыі, прымеркаванай да выбараў* у Беларусі.

Вясна / Правы чалавека ў Беларусі

04 February 2025 16:10

У Беларусі прызналі «экстрэмісцкімі» фотальбом пра святкаванне стагоддзя БНР і кнігу пра забойства ў Курапатах

Гаворка пра альбом «БНР-100 сьвяткаванне 100-гадовага юбiлею ў Беларусi i ў замежжы» і выданне «НКВД забiваў у Курапатах…». Акрамя таго, у «экстрэмісцкі» спіс дадалі часопіс «Абажур № 3 (124), які выдаваўся ГА "Беларуская асацыяцыя журналістаў", 2018».

Таксама ў Спіс экстрэмісцкіх матэрыялаў дадалі:

📍Telegram-каналы і чаты «Приобрети ячмень в глазу», «Беларусы Анталии», «Гномоборея�»;
📍Instagram старонкі «vyraj.рl», «belarusfreetheatre», «stachkombelaruskalii», «chajkouskaya»;
📍Старонкі ў Facebook «Dżmitry Hurniević», «Белорусы Страсбурга»;
📍TikTok-старонкі «andronchik8», «bezumniibelarus», «belnel», «politzaklyhenibelarus».

🔗Хроніка палітычнага пераследу

Вясна / Правы чалавека ў Беларусі

04 February 2025 15:20

💔«Ты проста глядзіш, як жыццё, што ты будавала, рассыпаецца», — былая палітзняволеная пра тры гады няволі

Ветэрынарку Яну Жураўлёву затрымалі проста на працы пасля аперацыі котцы ў лістападзе 2021 года за ўдзел у нядзельных Маршах. Ёй прызначылі максімальныя тры гады пазбаўлення волі — яна трапіла ў другую хвалю палітвязняў, якіх адправілі ў гомельскую жаночую калонію № 4.

Больш за ўсё дзяўчына перажывае за страчаны час у зняволенні, які магла б прысвяціць прафесійнаму развіццю і дапамозе жывёлам. Яна называе рэпрэсіўны досвед, што ёй давялося перажыць, «бяздушнай машынай», а калонію — серыяй «Чорнага люстэрка» і «Алісай у Залюстроўі». Цалкам адбыўшы тэрмін у канцы лета 2024 года, яна выйшла на волю і ўжо праз некалькі дзён пакінула Беларусь.

Былая палітзняволеная распавяла «Вясне» пра адаптацыю пасля вызвалення і складанасці вяртання ў прафесію, тры гады зняволення і жаночую калонію.

Чытаць па спасылцы 👉 https://spring96.org/be/news/117355

🌿Дапамога Яне пасля 3 гадоў турмы вярнуцца ў прафесію

Вясна / Правы чалавека ў Беларусі

04 February 2025 14:15

Былога памежніка будуць судзіць за «здраду дзяржаве»

Сяргею Цераховічу 42 гады. Ён нарадзіўся і ўсё жыццё пражыў у Гродне. Па звестках «Белпола», ён да канца 2016 года служыў старшым тэхнікам у памежнай часці 2141, якая абслугоўвала пункт «Брузгі» на беларуска-польскай мяжы.

Служба скончылася незразумелым інцыдэнтам на мяжы — Сяргей самастойна адкрыў шлагбаўм і дазволіў «грамадзянцы Цераховіч» (незразумела, гэта яго сваячка ці не) выехаць з пункту пропуску.

Па звестках Digital Intelligence Team, пасля 2016 года Цераховіч заняўся ўласным бізнэсам. Сяргей стаў дырэктарам фірмы «Севіры Сэрвіс», якая надавала рытуальныя паслугі. Таксама ў яго ёсць статус ІП, сферай дзейнасці якога пазначана «Паштовая ды кур'ерская дзейнасць», піша «Наша Ніва».

Суд над Сяргеем пачынаецца 17 лютага ў Гродзенскім абласным судзе. Яго абвінавачваюць у «здрадзе дзяржаве» (ч. 1 арт. 356 КК). Суддзя — Юрый Казакевіч.

Вясна / Правы чалавека ў Беларусі

04 February 2025 13:10

Справу блогера Сяргея Бяспалава накіравалі ў суд

33-гадоваму Сяргею інкрымінаваныя ч. 3 арт. 130 КК (распальванне варожасці), арт. 188 КК (паклёп), ч. 1 арт. 293 КК (масавыя беспарадкі), ч. 1 арт. 342 КК (актыўны ўдзел у дзеяннях, якія груба парушаюць грамадскі парадак), ч. 1 арт. 357 КК (змова ці іншыя дзеянні, учыненыя з мэтай захопу дзяржаўнай улады), ч. 3 арт. 361 КК (заклікі да санкцый), ч. 1 арт. 361-1 КК (стварэнне экстрэмісцкага фармавання або ўдзел у ім), ч. 2 арт. 367 КК (паклёп на Лукашэнку), ч. 2 арт. 368 КК (абраза Лукашэнкі), арт. 369-1 КК (дыскрэдытацыя Рэспублікі Беларусь).

Генпракуратура лічыць, што дзеяннямі блогера была нанесеная шкода ў памеры звыш 30,9 мільёна рублёў.

Вясна / Правы чалавека ў Беларусі

06 February 2025 09:46

BYSOL за суткі атрымаў 50 зваротаў з нагоды ўзлому чат-бота «Беларускага Гаюна»

Пра гэта паведамляе @stryzhak.

Калі вам патрэбна дапамога з тэрміновай эвакуацыяй з Беларусі — звяртайцеся на @help_bysol

Вясна / Правы чалавека ў Беларусі

06 February 2025 08:45

Па трох палітычных артыкулах пачынаюць судзіць беларускага бізнэсмена

Алегу Самародскаму 61 год. Мужчына ўсё жыццё займаўся бізнэсам — быў кіраўніком фірмы «Уладкас», якая займалася вырошчваннем гародніны, насення і рассады, таксама дырэктарам фірмы «Белбаскітлід», якая вырабляе драўляную тару і іншыя рэчы з дрэва ў Іўі Гродзенскай вобласці, піша «Наша Ніва».

Суд над ім пачынаецца 6 лютага ў Мінскім гарадскім судзе. Вінавацяць бізнэсмена па трох артыкулах — «удзел у экстрэмісцкім фармаванні» (ч. 3 арт. 361-3), «заклікі да дзеянняў, якія наносяць шкоду Беларусі» (ч. 3 арт. 361 КК) і «распальванне варожасці» (ч. 1 арт. 130 КК).

Абставіны справы невядомыя. Працэс прызначана весці суддзя Таццяна Фалькоўская.

Вясна / Правы чалавека ў Беларусі

06 February 2025 07:45

Васкрасенскі назваў прозвішчы пяці палітвязняў, якія «выйшлі на волю перад Новым годам»

Паводле яго, з калоній выйшлі:

• Студэнт хімфака БДУ Арцём Баярскі, які быў асуджаны да 5 гадоў пазбаўлення волі паводле арт. 342 КК (арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх), арт. 361-1 (стварэнне экстрэмісцкага фармавання або ўдзел у ім).
• Аляксандр Грыдзюшка, які быў асуджаны да 4 гадоў пазбаўлення волі паводле ч. 1 арт. 130 (распальванне варожасці), ч. 2 арт. 295 (незаконныя дзеянні ў дачыненні да агнястрэльнай зброі), ч. 1 арт. 368 (абраза Лукашэнкі), арт. 369 (абраза прадстаўніка ўлады);
• Алена Бурлакова, якая была асуджаная на невядомы тэрмін судом Шумілінскага раёна паводле арт. 369 КК (абраза прадстаўніка ўлады);
• Аляксандр Зубкоў, які быў асуджаны да двух гадоў калоніі агульнага рэжыму паводле ч. 1 арт. 367 КК (паклёп у дачыненні да Лукашэнкі).

Таксама на волю выйшаў палітвязень па прозвішчы Жарло, але пра яго праваабаронцам нічога невядома.

Вясна / Правы чалавека ў Беларусі

05 February 2025 15:05

💔«Дайце я пацыента адпушчу». Былая палітзняволеная ветэрынарка распавяла пра сваё затрыманне наўпрост на працы

Яну Жураўлёву затрымалі за ўдзел у нядзельных Маршах на працы пасля аперацыі котцы. Распавядаючы пра гэта, Яна кажа, што «гэта было яшчэ па-боску», узгадваючы гісторыі іншых зняволеных са збіццём і «пысай у падлогу»:

«У мяне быў пацыент пасля аперацыі — котачка. І я супрацоўнікам кажу: "Дайце я пацыента адпушчу". Яны былі незадаволеныя, але дазволілі пры ўмове, што будуць прысутнічаць пры гэтым. І сапраўды, яны стаялі чакалі, пакуль я раскажу кліентцы, што трэба рабіць з коткай. Пасля гэтага мяне забралі. Прынамсі, у параўнанні з тым, што я чула ад іншых, у маім выпадку не "зажасцілі" хоць бы. У той сітуацыі, якая склалася, у той жорсткасці, тое, што мне далі адпусціць пацыента — для майго псіхалагічнага стану было вельмі важна».

Вясна / Правы чалавека ў Беларусі

05 February 2025 13:06

У Мёрах сёння за «распаўсюд экстрэмізму» судзяць Аллу Катлярэнка

Жанчына працуе загадчыцай сектара ў Беларусбанку, піша @vicspring.

Разбіраць яе справу паводле ч. 2 арт.19.11 КаАП прызначана суддзя Ірына Яскевіч.

Па гэтым самым артыкуле 7 лютага ў судзе Мёрскага раёна будуць яшчэ адну жыхарку — Алену Слуцкую (суддзёй прызначана Вераніка Кісляк). Старонкі Аллы і Алены ў сацыяльных сетках ужо закрытыя.

Вясна / Правы чалавека ў Беларусі

05 February 2025 11:35

📝Нагадваем кантакты Праваабарончага цэнтру «Вясна»

🔹Паведаміць пра затрыманне, даслаць інфармацыю з судовых пасяджэнняў: Telegram-бот @viasna_bot | @ViasnaSOS, @SOSViasna;
🔹Звярнуцца па дапамогу па юрыдычных пытаннях, абскардзіць дзеянні дзяржаўных органаў: @zvarot96 | zvarot@spring96.org;
🔹Калі вы пацярпелі ад катаванняў з боку сілавікоў ці сутыкнуліся з жорсткім абыходжаннем за кратамі: @ViasnaDOC | viasnadoc@spring96.org;
🔹Распавесці сваю гісторыю журналістам «Вясны»: @Viasnainfo | viasna@spring96.org.

📍Кантакты рэгіянальных прадстаўніцтваў «Вясны»: Бабруйск — @babrujskspring; Барысаў — @Spring_help_r; Брэст — @Nadbuzanski, @BrestSOS; Гомель — @homelspring; Магілёў — @maydayhelp, @mspring_help; Маладэчна — @Maladecza_help; Наваполацк — @impaynes; Віцебск — @Viciebsk_spring; Светлагорск — @svietlahorskspring

❗️Афіцыйныя кантакты ПЦ «Вясна» можна паглядзець у апісанні @viasna96 ці на старонцы «Кантакты» на spring96.org

⁉️«Вясну» прызналі «экстрэмісцкім фармаваннем»: як цяпер супрацоўнічаць з намі?

Вясна / Правы чалавека ў Беларусі

05 February 2025 10:43

❗️Бот Telegram-канала «Беларускі Гаюн» быў часова ўзламаны

Пра гэта паведамляе @Hajun_BY.

«Мы не ведаем, які аб'ём дадзеных мог быць выгружаны за той час, пакуль у старонняга акаўнта быў доступ. Калі вы дасылалі інфармацыю, якая можа вас ідэнтыфікаваць, ці пісалі з акаўнтаў, якія могуць вас ідэнтыфікаваць, вы пад пагрозай.

Таксама настойліва рэкамендую ўсім, хто карыстаецца акаўнтам у тэлеграме працяглы перыяд, выдаліць яго і стварыць новы, і рэкамендуецца так рабіць хаця б раз у год.

У дадзены момант крытычныя ўразлівасці выпраўленыя, але я разумею, што, нажаль, мы не змаглі цалкам абараніць людзей».

Вясна / Правы чалавека ў Беларусі

05 February 2025 09:45

У Кобрыне за ўдзел у пратэстах судзяць адразу чатырох мясцовых жыхароў

У судзе Кобрынскага раёна 5 лютага пачалі судзіць чатырох чалавек за ўдзел у акцыях пратэсту ў 2020 годзе: Івана Бурліка, Віктара Вярбіцкага, Аляксандра Дзмітрука і Івана Літвіна. Іх абвінавачваюць паводле ч. 1 арт. 342 КК (актыўны ўдзел у дзеяннях, што груба парушаюць грамадскі парадак). Гэта другі працэс у горадзе з 2020 года паводле «народнага» артыкула.

У 2024 годзе сілавікі перыядычна ладзілі рэйды ў Кобрыне за ўдзел у пратэстах чатырохгадовай даўніны. Так, напрыканцы жніўня затрымалі Івана Літвіна (на фота), якога цяпер судзяць.

Справу разглядае суддзя Аляксей Кміта.

Вясна / Правы чалавека ў Беларусі

05 February 2025 08:32

📍Сёння пачынаецца чарговы суд над палітвязнем Уладзімірам Кнігай

Нагадаем, фігуранта "справы Ціханоўскага" ўтрымліваюць у няволі амаль чатыры з паловай гады, з іх больш за год і тры месяцы — у рэжыме інкамунікада без сувязі са знешнім светам.

Летась палітвязню дадалі яшчэ адзін год зняволення паводле арт. 411 КК (злоснае непадпарадкаванне законным патрабаванням адміністрацыі калоніі) і перавялі ў барысаўскую калонію № 14. Па інфармацыі "Вясны", там на Уладзіміра працягваюць аказваць ціск: яго змясцілі ў ПКТ і рэгулярна выпісваюць новыя парушэнні. Акрамя гэтага, яго пазбавілі перадач, спатканняў і званкоў. 

5 лютага суд Барысаўскага раёна пачынае разглядаць ужо другую справу супраць палітвязня паводле арт. 411 КК (злоснае непадпарадкаванне законным патрабаванням адміністрацыі калоніі). Працэс будзе весці суддзя Людміла Зінкевіч. Палітвязню пагражае да 1 года зняволення.

Вясна / Правы чалавека ў Беларусі

04 February 2025 18:04

🇺🇳«Канстытуцыя не абараняе жанчын ад дыскрымінацыі». Беларускія НДА выступілі ў ААН з дакладам

Прадстаўнікі арганізацый грамадзянскай супольнасці 3 лютага праінфармавалі Камітэт па ліквідацыі дыскрымінацыі ў дачыненні да жанчын аб становішчы з правамі жанчын у Дэмакратычнай Рэспубліцы Конга, Непале, Беларусі ды Люксембургу, даклады якіх Камітэт разгледзіць на гэтым тыдні.

Дакладчыкі, якія прадстаўляюць Беларусь, заявілі, што Канстытуцыя не забяспечвае эфектыўную абарону ад дыскрымінацыі. Правы жанчын на адукацыю і ахову здароўя абмежаваныя. У Беларусі заканадаўча замацаваныя дыскрымінацыйныя нормы харчавання; жанчыны і дзяўчаткі не маюць доступу да садавіны і арэхаў, што стварае доўгатэрміновыя рызыкі для здароўя.

Як адзначалася ў выступе, доступ жанчын да правасуддзя быў падарваны пераследам жанчын-праваабаронцаў, які працягваецца — жанчын-актывістак ілжыва называлі тэрарысткамі, нягледзячы на іх мірныя акцыі.

Чытаць па спасылцы 👉 https://spring96.org/be/news/117363

Вясна / Правы чалавека ў Беларусі

04 February 2025 16:46

❗️Былым палітвязням ставяць забароны на выезд з краіны — што рабіць у такой сітуацыі?

Як паведамілі «Вясне», у Мінску былым палітзняволеным пасля вызвалення крымінальна-выканаўчыя інспекцыі ставяць забароны на выезд з краіны. З Юрыдычнай службай «Вясны» разбіраемся, ці законна гэта і што рабіць у такіх сітуацыях.

Пасля вызвалення на тэрмін прафілактычнага ўліку — судзімасці — выезд з Беларусі чалавеку можа часова абмежаваць орган дзяржаўнай бяспекі. Таксама ў абыход суда прымаць такія рашэнні на больш доўгі тэрмін можа КДБ «у інтарэсах нацыянальнай бяспекі». У такім выпадках рашэнне дзяржаўнага органа можна абскардзіць у вышэйшы орган, а потым — у суд.

Чытаць па спасылцы 👉 https://spring96.org/be/news/117360

🌿Для дапамогі ў абскарджванні рашэнняў дзяржаўных органаў звяртайцеся да нашых юрыстаў: zvarot@spring96.org альбо @zvarot96

Вясна / Правы чалавека ў Беларусі

04 February 2025 15:47

🤷‍♂️Полацкага бізнесмена судзяць завочна ўжо сёмы месяц — яго справу нават вярталі на дапрацоўку

Завочны суд над полацкім бізнесменам Уладзімірам Захаравым распачаўся 23 ліпеня 2024 года. У межах спецвытворчасці яго абвінавачвалі па эканамічных і палітычных артыкулах Крымінальнага кодэкса: ч. 3 арт. 243 КК (ухіленне ад выплаты падаткаў, збораў), ч. 2 арт. 243-1 КК (ухіленне ад выканання абавязкаў падатковага агента па пералічэнні падаткаў, збораў), ч. 1 арт. 243-3 (ухіленне ад выплаты страхавых узносаў), арт. 369-1 (дыскрэдытацыя Рэспублікі Беларусь).

Справу адразу разглядаў Андрэй Прэйс. Але прысуд ён так і вынес. Як пазначана на сайце Вярхоўнага суда, было прынята рашэнне вярнуць справу супраць Уладзіміра пракурору. Як адзначана ў Крымінальна-працэсуальнага кодэкса, пракурору вяртаецца справа ў выпадках наяўнасці перашкодаў.

Пасяджэнні па справе аднавіліся толькі праз пяць месяцаў — 11 студзеня 2025 года. Цяпер яе разглядае суддзя Юрый Урбан.

Чытаць па спасылцы 👉 https://spring96.org/be/news/117356

Вясна / Правы чалавека ў Беларусі

04 February 2025 14:51

У «спіс тэрарыстаў» дадалі Славу Камісаранку і яшчэ пяць беларусаў

Камітэт дзяржаўнай бяспекі абнавіў спіс «асоб, якія маюць дачыненне да тэрарыстычнай дзейнасці» — там з'явіліся прозвішчы 6 чалавек.

Сярод іх Вячаслаў Камісаранка, Армэн Арзуманян, Дзмітрый Асіюк, Барыс Крыцкі, Валеры Мефадзіенка, Анастасія Жыльская.

Цяпер у «тэрарыстычным спісе» 1234 чалавекі, з іх больш за 500 — беларусы.

⁉️«І цяпер я бел-чырвона-белы тэрарыст». Адказваем на пытанні пра «спіс тэрарыстаў»

Вясна / Правы чалавека ў Беларусі

04 February 2025 13:50

Учора ў Шаркаўшчыне судзілі мясцовага журналіста Андрэя Буку

Супраць Андрэя склалі пратакол паводле ч. 3 арт. 24.23 КаАП (несанкцыянаванае пікетаванне, здзейсненае паўторна цягам года), піша "Віцебская Вясна". Справу разглядала суддзя Аксана Табола. Вынік суда пакуль невядомы.

За "несанкцыянаванае пікетаванне" Буку судзілі 28 кастрычніка мінулага года. Тады ён быў асуджаны да арышту на 5 сутак, але адбываць пакаранне адразу актывіста не забралі.

У сакавіку 2023 года Буку судзілі паводле арт. 19.10 КаАП (Прапаганда або публічнае дэманстраванне нацысцкай сімволікі або атрыбутыкі). Тая ж суддзя Аксана Табола пакарала мужчыну штрафам памерам 30 базавых велічыняў (на той час 1 110 руб). Перад гэтым у яго правялі ператрус і забралі ноўтбук.

15 траўня 2024 года суд Кастрычніцкага раёна Віцебска прызнаў "экстрэмісцкімі матэрыяламі" тэлеграм-канала Андрэя "Думкі ўслых".

Вясна / Правы чалавека ў Беларусі

04 February 2025 12:05

У Гомелі за «распальванне варожасці» і «абразу Лукашэнкі» судзяць прадпрымальніка з Петрыкава

4 лютага ў Гомельскім абласным судзе пачаўся пачатак судовага пасяджэння па справе Аляксандра Яворскага. Яму інкрымінуюць ч. 1 арт. 130 КК (распальванне варожасці) і ч. 1 арт. 368 КК (абраза Лукашэнкі). Судовы працэс узначальвае суддзя Яўген Ерафееў.

Пра Аляксандра вядома, што ён з Петрыкава, дзе займаўся прадпрымальніцкай дзейнасцю ў сферы гандлю харчовымі прадуктамі, напоямі і тытунём, валодаў крамай «Салеман».

Як паведамляе «Гомельская Вясна», у кастрычніку 2020 года мужчына далучыўся да агульнанацыянальнага страйку, абвешчанага Святланай Ціханоўскай — і нават запісаў з гэтай нагоды відэазварот. Адна з дзяржаўных прапагандысцкіх газетаў тады яшчэ са здзекам цытавала ягоныя словы з відэа.