106517
Канал пресслужбы штабов Тихановской, Бабарико, Цепкало.
«Я разумею, што толькі калі мы пераможам Лукашэнку, нашыя любімыя, сябры і сваякі будуць вызваленыя»
У размове з TVP World Святлана Ціханоўская падзялілася асабістымі перажываннямі, гісторыямі з жыцця сваёй сям’і і распавяла пра тое, як бачыць сітуацыю ўнутры рэжыму. Яна падкрэсліла, што змаганне за свабоду Беларусі — гэта не толькі палітычная мэта, але і асабісты абавязак перад тымі, хто пацярпеў ад рэжыму.
Яркія цытаты з размовы:
«Я разумею, што толькі калі мы пераможам Лукашэнку, нашы любімыя, сябры і сваякі будуць вызваленыя. Гэтае разуменне, адказнасць і боль даюць энергію, каб працягваць барацьбу. Я бачу, як мае дзеці сумуюць па бацьку, пішуць яму лісты, на якія два гады няма адказу. Я ведаю, што сотні дзяцей, такіх як мае, разлучаныя са сваімі бацькамі. І мы хочам дасягнуць міру, свабоды ў Беларусі, дзе нашыя дзеці не будуць жыць у атмасферы страху і рэпрэсіяў».
«Мы ведаем, што з беларускімі палітвязнямі абыходзяцца значна горш. Людзей пастаянна зневажаюць фізічна і маральна. У Беларусі салідарнасць лічыцца злачынствам. Калі вы дапамагаеце дзецям рэпрэсаваных, спяваеце ўкраінскія песні, робіце ахвяраванні ўкраінскай арміі — гэта падстава, каб вас пасадзілі ў турму на доўгія гады. Гэта — гуманітарны крызіс».
«Сістэма Лукашэнкі можа здавацца маналітнай, але гэта не так. Лукашэнка ведае, што нават у яго сістэме ёсць шмат прыхільнікаў пераменаў. Ён вельмі падобны на чалавека, які можа давяраць толькі асабістаму ваеннаму апарату і сям'і. Таму ў Беларусі няма месца для, як вы нас называеце, апазіцыі, каб дзейнічаць адкрыта. Але факт застаецца фактам: у Беларусі апазіцыяй народу з'яўляецца Лукашэнка».Читать полностью…
Далучайцеся да акцыяў да Дня салідарнасці з палітвязнямі ў Вільні
Беларусы Літвы правядуць у Вільні серыю мерапрыемстваў, прымеркаваных да Дня салідарнасці з палітвязнямі. У праграме — лёгкаатлетычны забег, акцыя на Кафедральнай плошчы, варта памяці і інсталяцыя каля амбасады.
🗓 18 траўня (нядзеля)
➖Сімвалічны забег на 2334 метры
⭕️11:00 — збор удзельнікаў каля Алеі беларускай дэмакратыі (каля Сейма)
⭕️11:30 —старт забегу да Кафедральнай плошчы
Рэгістрацыя — па спасылцы.
➖Акцыя салідарнасці на Кафедральнай плошчы
⭕️12:00 — пачатак акцыі
Святлана Ціханоўская прывітае ўдзельнікаў забегу і тых, хто прыйдзе падтрымаць, а таксама выступіць з прамовай. На плошчы вы зможаце ўшанаваць памяць загінулых за кратамі і выказаць салідарнасць з тымі, хто цяпер у зняволенні. Да таго ж, да акцыі далучацца былыя палітзняволенныя, з якімі пройдзе адкрытая размова.
На акцыю запрашаюцца ўсе: нават калі вы не ўдзельнічаеце ў забегу, можна проста прыйсці на плошчу.
🗓 21 траўня (серада)
➖Варта Святла
⭕️Mindaugo g. 13, каля амбасады Беларусі
Цягам дня — ціхая акцыя памяці ў гадавіну гібелі Вітольда Ашурка. За гэты час за кратамі загінула як мінімум шэсць палітвязняў. У Беларусі пра гэта гаварыць небяспечна, таму беларусы замежжа могуць стаць галасамі тых, хто знаходзіцца ўнутры краіны.
Кожны можа паставіць лампадку, прынесці кветкі, спыніцца на хвіліну маўчання. Каля амбасады будзе ўсталяваная адмысловая інсталяцыя.
Спіс усіх мерапрыемстваў глядзіце па спасылцы.
Святлана Ціханоўская — наўпрост з Саміту Еўрапейскай палітычнай супольнасці
«Я ганаруся прадстаўляць тут Беларусь і беларусаў. Усе размовы пра бяспеку: як спыніць вайну, як дапамагчы Украіне, як абараніць дэмакратыю ў Еўропе.
Я казала: Беларусь — гэта частка Еўропы. І бяспека Еўропы — немагчымая без вольнай Беларусі. У гэты гістарычны момант важна, што ў Еўропе гучыць голас Беларусі.
Мы хочам, каб нас бачылі не як працяг дыктатуры, а як вольны і годны народ, які змагаецца за сваё месца ў еўрапейскай сям’і».
Падрабязней — у відэа.
Сёння беларуская лідарка бярэ ўдзел у шостым саміце Еўрапейскай палітычнай супольнасці (EPC) у Тыране
Гэта адна з найважнейшых палітычных пляцовак Еўропы, дзе лідарам 47 краінаў і кіраўнікам найбуйнейшых міжнародных арганізацыяў даводзіцца шукаць агульныя адказы на сучасныя выклікі — ад дэмакратычнай бяспекі да геапалітычнай устойлівасці.
Адным з першых на івэнце Ціханоўская сустрэлася з прэзідэнтам Украіны Уладзімірам Зяленскім.
Святлана Ціханоўская:
«Цяпер вельмі важна быць разам з Украінай і падтрымліваць украінскі народ. Спыненне расійскай агрэсіі — нашая агульная мэта. Мы працуем над тым, каб Беларусь і Украіна былі вольнымі — без акупантаў, без дыктатараў, у еўрапейскай сям’і».Читать полностью…
Святлана Ціханоўская — да Міжнароднага дня сям’і
«15 траўня па ўсім свеце адзначаюць Міжнародны дзень сям’і. Звычайна людзі не звяртаюць увагі на такія даты. А думаць пра іх і надаваць ім значэнне пачынаюць толькі тады, калі губляюць магчымасць адчуваць сям’ю побач.Читать полностью…
Ужо амаль пяць гадоў правесці гэты дзень разам я магу толькі ва ўспамінах: мой муж знаходзіцца за кратамі за праўду, за спробу даць лепшую будучыню нашым дзецям. Як і сотні іншых беларусаў, ён пазбаўлены самага дарагога — магчымасці абняць дзяцей перад сном, трымаць іх за руку, разам сустракаць новы дзень.
Беларускія сем’і сёння — гэта сем’і на адлегласці. Гэта жанчыны, якія выхоўваюць дзяцей самі. Гэта бабулі і дзядулі, што даглядаюць унукаў замест бацькоў, якія цяпер у зняволенні. Гэта тыя, каго раздзяліла мяжа — калі сын ці дачка ў выгнанні, а маці засталася ў Беларусі. Калі ты не можаш прыехаць на дзень народзінаў да самага блізкага чалавека, бо табе — нельга, а яму — страшна. Гэта разбураныя сем’і, разбураныя жыцці, разбураныя лёсы. І ўсё таму, што ўлада працягвае помсціць тым, хто адважыўся марыць пра свабоду.
Усе палітзняволеныя павінны быць вызваленыя. Каб беларуская сям’я зноў стала сімвалам цяпла, любові і адзінства. Бо моцны народ пачынаецца з моцнай сям’і».
«Для беларусаў, якія вымушана пакінулі краіну, гэтыя навіны азначаюць папаўненне спісу краінаў, куды ехаць небяспечна»
Учора стала вядома, што рэжым плануе падпісаць двухбаковыя пагадненні аб выдачы беларусаў, абвінавачаных па крымінальных злачынствах, з дзевяццю краінамі: Венесуэла, Зімбабвэ, Нігерыя, Бразілія, Камбоджа і Нікарагуа. Дадаткова, «міністр юстыцыі» паведаміў, што ўжо дасягнутыя дамоўленасці з ПАР, Карэяй (не ўдакладняецца з якой) і Шры-Ланкай. Учора Палата прадстаўнікоў ратыфікавала падобнае пагадненне з Пакістанам.
⭕️Каментар Леаніда Марозава, дарадцы па прававых пытаннях Святланы Ціханоўскай:
«У прававых дзяржавах практыка заключэння падобных дагавораў цалкам вітаецца і мае на мэце пазбягання беспакарана за злачынствы. Аднак такія планы рэжыму — трывожны сігнал, таму што новыя пагадненні аб выдачы будуць выкарыстоўвацца для чарговага этапу рэпрэсіяў. А пад барацьбой са злачыннасцю будуць хавацца спробы легалізаваць трансгранічны пераслед палітычных апанентаў, актывістаў і журналістаў, абвешчаных «крымінальнікамі» за іншадумства.Читать полностью…
Рэжым спачатку сілай выціснуў дзясяткі тысячаў грамадзянаў з краіны — праз катаванні, крымінальныя справы і запалохванне. А цяпер ён імкнецца дастаць іх за мяжой — у тым ліку з дапамогай двухбаковых пагадненняў аб выдачы і каналаў накшталт Інтэрпола, асабліва ў краінах без устойлівай прававой сістэмы. Гэта класічная Падвойная віктымізацыя: спачатку — у Беларусі, затым — у выгнанні.
Для беларусаў і беларусак, якія вымушана пакінулі сваю краіну, такія навіны азначаюць патэнцыйнае папаўненне спісу краінаў, у якія ехаць небяспечна.
Мы безумоўна праінфармуем нашых міжнародных партнёраў і арганізацыі аб патынцыйных рызыках выкарыстання двухбаковых пагадненняў аб выдачы для палітычна матываванага пераследу».
Святлана Ціханоўская да 30 гадавіны рэферэндума аб змене дзяржаўных сімвалаў і статусе рускай мовы
«30 гадоў таму ў Беларусі адбыўся рэферэндум, вынікам якога стала змена дзяржаўнай сімволікі, паглыбленне эканамічнай інтэграцыі з Расіяй і наданне рускай мове статусу роўнага з беларускай. Менавіта тады Лукашэнка абраў курс далейшага развіцця краіны — і з таго моманту думка народа, якому ён абяцаў служыць, перастала для яго мець значэнне.
Цяпер, азіраючыся, мы можам выразна ўбачыць, да чаго нас прывяло тое рашэнне. Аўтарытарны рэжым, залежнасць ад Расіі, захаванне савецкай эканомікі, нестабільны рост ВУП, аслабленая валюта, абмежаваныя рэформы, рэпрэсіі, задушэнне пратэстаў, татальны дзяржаўны кантроль над СМІ. Як жа адно, здавалася б, звычайнае рашэнне магло прывесці да такіх вынікаў? Усё проста: замест таго, каб развіваць уласную культуру, праводзіць сучасныя еўрапейскія рэформы і будаваць моцную, незалежную дзяржаву, рэжым Лукашэнкі зрабіў стаўку на яднанне з Расіяй.
Да чаго гэта нас прывяло? Да мізэрных заробкаў, ідэалагічных звальненняў, палітычных арыштаў. Да ізаляцыі ад цывілізаванага свету, напружаных адносінаў з суседзямі, перапісвання гісторыі. Да забыцця беларускай культуры, страты ідэнтычнасці, залежнасці ад чужой улады. Мы адчынілі дзверы «рускаму міру», і ён намагаецца забраць у нас найдаражэйшае — самасвядомасць.
Мы не можам змяніць мінулае — тое, што адбылося, ужо не вярнуць. Але можам паўплываць на будучыню. Захоўвайце і перадавайце беларускую культуру дзецям. Часцей размаўляйце па-беларуску, чытайце нашыя кнігі, слухайце беларускую музыку, падтрымлівайце тых, хто стварае на беларускай мове. Сапраўдная свабода пачынаецца з любові да свайго. І калі мы хочам быць гаспадарамі на сваёй зямлі, то мусім шанаваць нашую спадчыну і караіну».
Візіт Святланы Ціханоўскай у Люксембург: выступ на сесіі Камітэта міністраў і сустрэча з Прэзідэнтам Парламенцкай асамблеі Рады Еўропы
Беларуская лідарка працягвае працоўны візіт у Люксембург. У межах сустрэчаў на высокім палітычным узроўні яна правяла перамовы з Прэзідэнтам Парламенцкай асамблеі Рады Еўропы Тэадорасам Русопуласам. У цэнтры дыялогу — стратэгічнае супрацоўніцтва дэмакратычных сілаў Беларусі з Радай Еўропы. Яно ўжо мае трывалую аснову: працуе кантактная група, дзейнічае дэлегацыя ў ПАРЕ, была прынятая важная рэзалюцыя па Беларусі падчас саміту ў Рэйк’явіку.
Апроч гэтага, бакі абмеркавалі:
➖стварэнне механізму маніторынгу выканання «Люксембургскіх рашэнняў»;
➖магчымасць юрыдычнага аналізу праекта Канстытуцыі новай Беларусі;
➖неабходнасць прыцягнення Лукашэнкі да адказнасці ў рамках спецыяльнага трыбуналу.
Акрамя таго, Святлана Ціханоўская выступіла перад міністрамі ўсіх краінаў Рады Еўропы на сесіі Камітэта міністраў, дзе падкрэсліла важнасць адзінства, падтрымкі людзей і смеласці ў абароне дэмакратыі.
Тры важныя думкі, якія Святлана Ціханоўская агучыла міністрам:
«Па-першае: давайце заставацца адзінымі — дзеля каштоўнасцей, якія мы ўсе падзяляем. Каштоўнасці — вось што робіць Еўропу моцнай. Трэба быць адзінымі па ўсёй Еўропе і па абодва бакі Атлантыкі.Читать полностью…
Па-другое: падтрымлівайце людзей. Будуйце масты, а не сцены. Ваенная сіла сама па сабе нічога не значыць без людзей, гатовых абараняць свабоду.
І, па-трэцяе: будзьце смелымі. Будзьце адважнымі. Падтрымайце Украіну. Супрацьдзейнічайце Пуціну. Прыцягніце Лукашэнку да адказнасці. Абараняйце свае дэмакратыі — і дапамажыце тым, хто ўсё яшчэ змагаецца за свае».
Люксембург выдзяляе 250 000 еўра на дапамогу палітвязням
Святлана Ціханоўская сустрэлася з віцэ-прэм’ерам і міністрам замежных справаў Люксембурга Ксаўе Бетэлем. Падчас сустрэчы абмяркоўваліся шляхі падтрымкі беларускага народа, еўрапейская інтэграцыя і адказнасць рэжыму Лукашэнкі за злачынствы.
Міністр Бетэль паінфармаваў, што Люксембург далучаецца да міжнароднага гуманітарнага фонду і ўжо выдзеліў 250 000 еўра для лячэння і рэабілітацыі палітвязняў і рэпрэсаваных.
Акрамя таго, бакі абмеркавалі:
➖шляхі і спосабы вызвалення беларускіх палітвязняў;
➖легалізацыю беларусаў у Люксембургу;
➖уплыў на беларускія рэаліі прынятых раней «Люксембургскіх рашэнняў» і далейшую сумесную працу;
➖магчымасць прызначэння спецпасланніка па Беларусі.
Святлана Ціханоўская:
«Гэта моцны сігнал падтрымкі для беларускага народа. Мы дзякуем Люксембургу за прынцыповую пазіцыю, падтрымку на пляцоўках Рады Еўропы і ААН. Унёсак у Міжнародны гуманітарны фонд дапаможа аднавіцца тым, хто прайшоў праз турмы, катаванні і пераслед. Я заклікаю Люксембург не спыняцца на гэтым — і далей уздымаць пытанні, датычныя Беларусі, на міжнародных пляцоўках. У прыватнасці, дапамагаць шукаць шляхі і спосабы вызвалення палітвязняў».Читать полностью…
Што такое Рада Еўропы і чым яна карысная для беларусаў?
Дарадца Святланы Ціханоўскай па моладзі і студэнцтву Маргарыта Ворыхава тлумачыць, што такое Рада Еўропы і як арганізацыя можа дапамагчы беларусам.
«Беларусь ніколі не была паўнапраўнай удзельніцай Рады Еўропы — бо ў нас няма свабодных выбараў, свабоды слова, а рэжым парушае правы чалавека. Але Рада Еўропы не адварочваецца. Яна працягвае падтрымліваць беларусаў і беларусак».
«Калі дыяспара прасоўвае Беларусь у медыя — у любой краіне свету палітыкі будуць звяртаць на гэта ўвагу»
У інтэрв'ю на канале «NEXTA PLUS» Святлана Ціханоўская распавяла, чаму важна трымаць беларускую тэму на міжнародным парадку дня, нават у часы глабальных крызісаў. Акрамя таго, лідарка адказала на заявы Лукашэнкі пра яе нелегітымнасць.
Пытанні, на якія адказала Святлана Ціханоўская ў размове са Сцяпанам Пуціла:
⭕️Як, нягледзячы на хаос у свеце, вы працягваеце кожны дзень падтрымліваць беларускі парадак дня?
«Падтрымліваць складана, бо з прычыны ўсіх падзеяў Беларусь не ў прыярытэце. І нашая задача — выводзіць Беларусь высока на парадку дня, каб пра Беларусь гаварылі і ў медыя, і ў палітычных колах. Я разумею, што калі гэтага не будзе, пра Беларусь хутка забудуць. І таму нашая задача — каб Беларусь не выпускалі з-пад увагі. Але гэта задача не толькі палітычных структураў, але і дыяспары. Таму што ў любой краіне, калі дыяспара актыўная, калі дыяспара прасоўвае Беларусь у медыя, то і палітыкі будуць звяртаць на гэта ўвагу».
«Ціск на рэжым — гэта ледзь не адзіны інструмент, які ёсць у дэмакратычным свеце, каб прымусіць дыктатараў мяняць свае паводзіны. Важна знаходзіць шляхі вызвалення людзей, але не шляхам іх выкарыстання. Таму перш за ўсё мы патрабуем спынення рэпрэсіяў, і толькі пасля гэтага можна весці нейкі дыялог аб прыпыненні альбо памяншэнні ціску на рэжым».
«Лукашэнка ўвесь час вяртаецца да 2020 года, да нелегітымнасці Ціханоўскай, да пытання палітвязняў — яму гэта баліць. Яму гэта перашкаджае беспакарана кіраваць. Ён разумее, што мы запусцілі працэсы прыцягнення яго да адказнасці, што беларускае дэмакратычнае грамадства не дае яму здзяйсняць злачынствы ціхенька, хаваючыся за вайной. Таму нам важна гучаць на міжнароднай арэне, каб не даваць гэтаму рэжыму ціха абыходзіць ціск і рэпрэсаваць людзей».Читать полностью…
Латвія вылучае 30 тысяч еўра на дапамогу рэпрэсаваным
Падчас візіту Святланы Ціханоўскай у Рыгу Міністэрства замежных справаў Латвіі абвясціла аб далучэнні да Міжнароднага гуманітарнага фонду і дадатковым унёску ў памеры 30 000 еўра. Гэтыя сродкі пойдуць на непасрэдную падтрымку былых палітвязняў, іх сем’яў і рэпрэсаваных — на лячэнне, рэабілітацыю і іншыя патрэбы.
Акрамя таго, у рамках візіту Ціханоўская сустрэлася са спікеркай парламента Латвіі Дайгай Міерыняй і прапанавала падпісаць Мемарандум аб супрацы паміж Парламентам Латвіі і беларускімі дэмакратычнымі сіламі. Асобна бакі абмеркавалі міжнародную кампанію падтрымкі палітвязняў. Лідарка заклікала далучыцца да Міжнароднага дня салідарнасці з палітвязнямі 21 траўня.
Асаблівая ўвага была нададзеная праграме стажыровак для беларускіх актывістаў у латвійскім парламенце — першыя ўдзельнікі ўжо праходзяць у Сейме.
Падрабязней пра візіт — па спасылцы.
«Гэтая выстава — паглыбленне ва ўнутраны свет людзей, адзіным злачынствам якіх была мара пра вольную і справядлівую Беларусь»
Падчас візіту ў Рыгу Святлана Ціханоўская адкрыла выставу «Мастацтва з-за кратаў», арганізаванай асацыяцыяй беларусаў Латвіі «Суполка» і Праваабарончым цэнтрам «Вясна».
У сваёй прамове лідарка падкрэсліла, што мастацтва стала душой беларускага пратэсту і формай супраціву нават у зняволенні. Да таго ж, Ціханоўская згадала пра тых, хто ўсё яшчэ за кратамі:
«Гэтая выстава — паглыбленне ва ўнутраны свет людзей, адзіным злачынствам якіх была мара пра свабодную і справядлівую Беларусь.Читать полностью…
Гэтыя працы былі створаныя ў турэмных камерах, пад пастаянным наглядам, на марозе або без належнага асвятлення. Гэта не проста малюнкі або карціны. Гэта сведчанні. Гэта акты непадпарадкавання. І гэта абяцанні, што народ Беларусі не забудзе, не здасца і не спыніцца, пакуль кожны палітвязень не будзе вызвалены».
«Другая сусветная вайна — гэта боль, які мусіць нагадваць нам: вайна ніколі не павінна быць сродкам вырашэння праблемаў», — Ціханоўская да Дня Перамогі
Да 80-ай гадавіны Перамогі Святлана Ціханоўская звяртаецца да беларусаў і беларусак з важнымі словамі пра вайну, мір і адказнасць перад гісторыяй:
«Другая сусветная вайна – гэта рана, якая не зарастае. Гэта боль, які мусіць нагадваць нам: вайна ніколі не павінна быць сродкам вырашэння праблемаў. Нашыя бабулі і дзядулі ішлі на фронт не дзеля медалёў, а дзеля таго, каб мы з вамі жылі без страху. Каб не было больш бамбёжак, голаду, стратаў.Читать полностью…
Я бачу, як сёння ў Беларусі спрабуюць ператварыць гэтую дату ў яшчэ адно шоу — гучныя лозунгі, ваенная тэхніка. Але мір не нараджаецца ў маршах. Мір — у нашай памяці, у спачуванні, у клопаце пра блізкіх і адно аднаго.
Асабліва балюча глядзець, як гэты дзень цяпер выкарыстоўваюць для апраўдання новай вайны. Для маніпуляцыяў і рэпрэсіяў. І ўлада карае людзей, якія маюць смеласць сказаць «Не вайне». Але менавіта так — словамі «Не вайне!» — намагаемся пазбегнуць памылак мінулага».
«Мы ўжо бачым першыя вынікі супрацоўніцтва з адміністрацыяй прэзідэнта Трампа»
Дарадца Святланы Ціханоўскай па дыпламатычных пытаннях Дзяніс Кучынскі і дарадца па парламенцкім супрацоўніцтве і канстытуцыйнай рэформе Анатоль Лябедзька падзяліліся вынікамі візіту ў ЗША. Падчас працоўнага візіту беларуская дэлегацыя сустрэлася з новай адміністрацыяй Дональда Трампа, правяла больш за 15 сустрэчаў у Кангрэсе ЗША з прадстаўнікамі дэмакратычнай і рэспубліканскай партыяў.
Два галоўныя вынікі, якія акрэслілі дарадцы Ціханоўскай:
1️⃣Падача Акта аб падтрымцы дэмакратыі ў Беларусі — гэта прававая аснова таго, каб Беларусь была ў амерыканскім парадку дня: магчымасці новых стыпендыяў, падтрымкі праваабаронцам, патрабаванне вызвалення палітвязняў.
2️⃣ЗША прызнае легітымнасць і суб’ектнасць Святланы Ціханоўскай.
Дзяніс Кучынскі падкрэсліў, што на кожнай сустрэчы ўздымаліся пытанні вызвалення беларускіх палітвязняў, падтрымкі грамадзянскай супольнасці і незалежных медыя.
Падрабязней — у відэа!
«Самае простае — паддацца адчаю і скласці рукі. Але мы не можам сабе дазволіць такой «раскошы»
У Вільні прайшла акцыя да Дня салідарнасці з палітзняволенымі. Гэтая дата — гадавіна смерці палітвязня Вітольда Ашурка, якога рэжым давёў да смерці за кратамі.
Удзельнікі і ўдзельніцы акцыі ўшанавалі памяць тых, хто загінуў за кратамі, і выказалі салідарнасць з усімі, хто застаецца ў зняволенні. Напярэдадні акцыі адбыўся сімвалічны забег у падтрымку палітзняволеных. Святлана Ціханоўская далучылася да мерапрыемства і звярнулася да беларусаў:
«Вітольд Ашурак верыў, што перамены хутка настануць — давайце і мы будзем у гэта верыць і змагацца далей. Бо самае простае — гэта паддацца адчаю і скласці рукі. Але мы з вамі не можам сабе дазволіць такой «раскошы». І чым больш мы будзем актыўныя, тым хутчэй яны настануць.Читать полностью…
Я хачу звярнуцца да беларусаў у Беларусі. Дарагія, я ведаю, што вам цяжка, але цяпер не час для роспачы. Я ведаю, што вы не верыце прапагандзе, не верыце рэжыму і па-ранейшаму чакаеце пераменаў. І перамены абавязкова прыйдуць. Мы робім для іх і для вызвалення нашых палітвязняў усё магчымае».
Закуліссе размоваў з сусветнымі лідарамі на саміце Еўрапейскай палітычнай супольнасці
Дарадца Святланы Ціханоўскай па дыпламатычных пытаннях Дзяніс Кучынскі распавёў пра значэнне сустрэчаў, што адбыліся падчас саміту, і магчымасць нагадаць адразу ўсім сусветным лідарам пра тое, чаму важна бачыць у беларусах сапраўдную еўрапейскую, свабодалюбівую нацыю.
➖Пра што Святлана Ціханоўская размаўляла з лідарамі?
➖Што гэта азначае сёння на практыцы?
➖Якія магчымасці гэта дае беларусам унутры краіны і ў выгнанні?
Адказы шукайце ў відэа.
Уладзімір Зяленскі, Дональд Туск, Кір Стармер: з кім сустрэлася Святлана Ціханоўская на саміце Еўрапейскай палітычнай супольнасці ў Албаніі
Беларуская лідарка ўзяла ўдзел у шостым саміце Еўрапейскай палітычнай супольнасці (EPC), які прайшоў у Тыране. Гэта адна з найважнейшых палітычных пляцовак Еўропы, дзе лідары 46 краінаў і кіраўнікі найбуйнейшых міжнародных арганізацыяў шукаюць агульныя адказы на сучасныя выклікі — ад дэмакратычнай бяспекі да геапалітычнай устойлівасці.
Гэтым разам да івэнту далучыліся такія відныя палітычныя дзеячы, як прэзідэнт Украіны Уладзімір Зяленскі, прэзідэнт Францыі Эманюэль Макрон, старшыня Еўрапейскага Парламента Раберта Метсола, старшыня Еўрапейскай Камісіі Урсула фон дэр Ляен, прэзідэнт Літвы Гітанас Наўседа і многія іншыя.
У межах EPC Ціханоўская сустрэлася з ключавымі еўрапейскімі палітыкамі:
🇺🇦 Прэзідэнтам Украіны Уладзімірам Зяленскім;
🇹🇷 Прэзідэнтам Турцыі Рэджэпам Таіпам Эрдаганам;
🇬🇧 Прэм’ер-міністрам Вялікабрытаніі Кірам Стармерам;
🇵🇱 Прэм’ер-міністрам Польшчы Дональдам Тускам;
🇩🇪 Канцлерам Германіі Фрыдрыхам Мерцам;
🇽🇰 Прэзідэнткай Косава В’ёсай Асмані-Садрыў;
🇪🇸 Прэм’ер-міністрам Іспаніі Педрам Санчэсам;
🇮🇸 Прэм’ер-міністаркай Ісландыі Крыструн М'ёдль Фростадоўцір;
🇦🇲 Прэм’ер-міністрам Арменіі Ніколам Пашынянам;
🇭🇷 Прэм’ер-міністрам Харватыі Андрэем Пленкавічам;
🇦🇹 Канцлерам Аўстрыі Крысціянам Штокерам;
🇸🇰 Прэм’ер-міністрам Славакіі Робертам Фіцам;
🇫🇮 Прэм’ер-міністрам Фінляндыі Петэры Орпам;
🇨🇿 Прэм’ер-міністрам Чэхіі Петрам Фіялам;
🇪🇺 Старшынёй Еўрапейскага Парламента Рабертай Метсолай;
🇪🇺 Старшынёй Еўрапейскай Камісіі Урсулай фон дэр Ляен;
🇪🇺 Старшынёй Еўрапейскай Рады Антоніу Коштам;
🇪🇺 Вярхоўнай прадстаўніцай ЕС па замежных справах і палітыцы бяспекі Каяй Калас;
⭕️ Генеральным сакратаром НАТА Маркам Рутэ;
На саміце Ціханоўская падкрэсліла:
«Сёння найважнейшае пытанне для ўсіх — гэта мір. Не толькі для Украіны, але і для ўсёй Еўропы. Мы мусім не толькі гаварыць пра мір, але і дзейнічаць — разам і паслядоўна. Калі мы не будзем ставіцца да гэтага сур’ёзна, наступствы могуць быць катастрафічнымі».Читать полностью…
Далучайцеся да акцыяў у Дзень салідарнасці з палітвязнямі
21 траўня — Дзень салідарнасці з палітвязнямі. З гэтай нагоды ў гарадах свету беларусы ладзяць розныя мерапрыемствы: паказы фільмаў, перформансы, забегі, варты. Мы сабралі імпрэзы, якія ладзяцца нашай дыяспарай, у маштабны спіс — далучайцеся, калі гэта для вас бяспечна!
📌 18 траўня
🇱🇹 Вільня, 11:00 — Акцыя «Рука дапамогі», Кафедральная плошча (вуліца Šventaragio)
🔗 Спасылка
🇱🇹 Вільня, 11:30 — Забег на 2334 метры, ад Алеі беларускай дэмакратыі (каля Сейма) да Кафедральнай плошчы
🔗 Спасылка
🇱🇹 Вільня, 12:00 — Акцыя да Дня палітвязняў, Кафедральная плошча (вул. Šventaragio)
🔗 Спасылка
🇵🇱 Варшава, 14:00 — Акцыя «Шлях да волі праз кайданы», Помнік Мікалая Каперніка
🔗 Спасылка
📌 20 траўня
🇵🇱 Гданьск, 18:30 — Сустрэча з Алегам Груздзіловічам, БКТ «Хатка» (Miszewskiego 17/307)
🔗 Спасылка
📌 21 траўня
🇱🇹 Вільня, 19:00 — Варта святла, насупраць амбасады Беларусі (Mindaugo g. 13)
🔗 Спасылка
🇱🇹 Вільня, 20:00 — Спектакль да Дня палітвязня «Мая мама ў турме», Vilniaus g. 16
🔗 Спасылка
🇵🇱 Варшава, 17:00 — Мерапрыемства «Напішы ліст палітвязню» ў Беларускім моладзевым хабе, Dożynkowa 6a
🔗 Спасылка
🇵🇱 Варшава, 18:00 — Адкрыццё выставы «Нічога асабліва новага», Музей Вольнай Беларусі (Foksal 11)
🔗 Спасылка
🇵🇱 Беласток, 18:00 — Акцыя з нагоды Дня палітвязняў
Skwer Wolnej Białorusi 1, кансулат РБ
🔗 Спасылка
🇮🇹 Рым, 18:00 — Еўхарыстычная імша ў Chiesa della Risurrezione di Nostro Signore Gesù Cristo з нагоды Дня палітвязня
Via di San Sebastianello, 11
🔗 Спасылка
📌 22 траўня
🇱🇹 Вільня, 19:00 — Спектакль «Ордэн Белай Мышы», Mroj-Hall teatras (Gedimino pr. 28)
🔗 Спасылка
🇵🇱 Кракаў, 17:30 — «Творчасць за кратамі», адкрыццё выставы і размова, Прастора (ul. Mikołajska 4/6)
🇵🇱 Уроцлаў, 19:00 — Падпісанне лістоў салідарнасці беларускім палітзняволеным
Tadeusza Kościuszki 35A
🔗 Спасылка
📌 23 траўня
🇵🇱 Познань, 19:30 — Дзень палітвязня
Rozbrat, Pułaskiego 21A
🔗 Спасылка
📌 24 траўня
🇳🇱 Утрэхт, 20:00 — Вечар «Пяць гадоў барацьбы і рэпрэсій у Беларусі»
Savannah Bay, Telingstraat 13
🔗 Спасылка
Спіс будзе дапаўняцца. Калі вы ведаеце пра мерапрыемства, якое варта дадаць — напішыце нам на @askoffice_15.
«Мужчыны ва ўладзе часта глядзяць на нас звысоку. Таму ім асабліва цяжка прайграць жанчыне на выбарах»
Святлана Ціханоўская другі год запар бярэ ўдзел у міжнароднай канферэнцыі «Impact», якая сёлета праходзіць у Познані 14–15 траўня. Impact збірае лідараў думак, палітыкаў і экспертаў з усяго свету. Сёлета сярод спікераў — Барак Абама, Фрэнсіс Фукуяма, Радаслаў Сікорскі, Джон Кэры, Эн Эплбаўм ды іншыя.
Ціханоўская выступіла ў другі дзень канферэнцыі, 15 траўня, падчас дыскусіі «Голас мужнасці: дэмакратыя, лідарства і сіла жанчын».
Вось некалькі ключавых выказванняў беларускай лідаркі:
➖Пра тое, чаго баяцца аўтакраты ў жанчынах:
«Я думаю, што аўтакраты баяцца рашучасці і стойкасці жанчын. Яны змагаюцца не толькі за сябе, але і за сваіх дзяцей, свае сем’і. Гэта робіць іх моцнымі. Жанчыны вытрымліваюць доўгія дыстанцыі. Я лічу, што жанчыну цяжэй падкупіць. І мужчыны ва ўладзе часта глядзяць на нас звысоку, лічаць слабымі, таму ім асабліва цяжка прайграць жанчыне на выбарах».
«Жанчыны ведаюць, што такое пазбаўленне правоў і роўнасці ў аўтарытарных грамадствах. Там, дзе дамінуюць мужчыны, у іх амаль няма доступу да «сацыяльных ліфтаў». Толькі дэмакратыя можа гарантаваць жанчынам сапраўднае раўнапраўе».
«Уся мая надзея — у людзях. Калі я бачу мноства яскравых маладых жанчын у нашым руху, калі чую гісторыі пра жаночую салідарнасць у турме — я напаўняюся аптымізмам. Жанчыны ў Беларусі ўсё яшчэ хочуць пераменаў, і яны абавязкова прыйдуць. Маё пасланне тым, хто нас глядзіць: ніколі не здавайцеся. Вы мацнейшыя, чым вам здаецца».
«На жаль, я даволі скептычна стаўлюся да гэтых перамоў. Існуе ілюзія, што Пуцін і Лукашэнка хочуць міру. Але вайна выгодная ім: яна падтрымлівае іх эканоміку і дазваляе трымаць грамадства пад кантролем. Мы ўсе бачылі, што Пуцін адправіў у Стамбул чыноўнікаў трэцяга эшалону. Ён не ўспрымае мір сур’ёзна. Цяпер прыйшоў час дэмакратычнаму свету паказаць зубы: у нас ёсць інструменты і сродкі, якія прымусяць дыктатараў памяняць свае паводзіны».Читать полностью…
IV Канферэнцыя беларусаў і беларусак свету — ужо зусім хутка!
З 23 па 25 траўня ў Варшаве адбудзецца IV Канферэнцыя беларусаў і беларусак свету — галоўная падзея беларускай дыяспары.
📌 Асноўная тэма — узмацненне патэнцыялу беларускай дыяспары, беларусаў замежжа, наладжванне сталай працы па розных напрамках. Акрамя таго, абмяркуем:
⭕️Абмежаванні для грамадзянаў Беларусі;
⭕️Візы для беларусаў у краіне;
⭕️Пошук працы за мяжой;
⭕️Замену пашпартоў;
⭕️Адукацыю за мяжой.
Што чакае на канферэнцыі:
1️⃣Даклад аб удзеле рэжыму Лукашэнкі ў вайне супраць Украіны. Будзе прэзентаваны даклад, які з’яўляецца першым сістэматызаваным доказам удзелу рэжыму Лукашэнкі ў вайне.
2️⃣Шляхі пошуку прыватнага фінансавання культурніцкага сектара. Абмеркаванне магчымасцяў і стратэгіяў прыцягнення прыватных фінансавых рэсурсаў на культурніцкія ініцыятывы.
3️⃣Круглы стол «Што такое культурная дыпламатыя і хто з нас з’яўляецца дыпламатам?».
4️⃣Сустрэча з народнымі амбасадамі, якая накіраваная на адкрыты дыялог і практычную дапамогу ўдзельнікам.
5️⃣Масты без межаў: крэатыўная праца з моладдзю з Беларусі, дыяспары і краінаў Еўрапейскага Саюза. Умацаванне супрацоўніцтва паміж дыяспаральнымі арганізацыямі і маладымі людзьмі з Беларусі, дыяспары і краінаў ЕС.
💻 Магчымы ўдзел як у афлайн, так і ў анлайн фарматах! Для гэтага рэгіструйцеся па спасылцы.
Далучайцеся да абмеркавання будучыні Беларусі разам з намі!
❗️Падчас канферэнцыі будзе праводзіцца фота- і відэаздымка, таму, калі ласка, загадзя прыдбайце пра сваю бяспеку.
Святлана Ціханоўская – пра смерць былой палітзняволенай Тамары Каравай:
«Даведалася пра трагічную навіну — памерла Тамара Каравай, былая палітзняволеная, жанчына, якая правяла за кратамі амаль два гады. Тамару адправілі ў турму за звычайны лайк у інтэрнэце. Яе пакаралі зняволеннем, а потым — за тры месяцы да канца тэрміну — нібыта «памілавалі», каб паказаць «міласэрнасць» рэжыму Лукашэнкі. Гэта не акт высакароднасці, гэта — цынічная спроба схаваць злачынства.
Выпусціць чалавека, калі яго арганізм ужо зломлены — гэта не памілаванне, гэта хаванне доказаў забойства. Рэжым Лукашэнкі не шкадуе ні жанчын, ні хворых, ні старых. Ён кідае людзей у вязніцы за лайкі, словы і думкі, а потым ціха знішчае іх здароўе і чалавечую годнасць. І тое, як гэты рэжым забіў Тамару — не адзінкавы прыклад. Мы памятаем гісторыі Святланы Круцікавай, Анны Кандраценка, Валянціна Іваноўскага. І, на вялікі жаль, наўрад ці ў гэтым спісе пастаўленая кропка…
Я хачу выказаць глыбокія спачуванні родным і блізкім Тамары: яе сыну, яе партнёру. Гэта жудасная трагедыя, якая не павінна была здарыцца. Мы працягнем змагацца за ўсіх палітвязняў. Мы патрабуем не ціхага вызвалення перад смерцю, а справядлівасці. Не замоўчвання і падману, а пакарання вінаватых у катаваннях і смярцях».
У Таліне прайшоў круглы стол па пытаннях гендарнай роўнасці і будучых рэформаў у Беларусі
У прадстаўніцтве дэмакратычных сілаў Беларусі ў Эстоніі адбыўся круглы стол «Будучыня без дыскрымінацыі: абмеркаванне рэформаў заканадаўства для абароны ЛГБТК+ правоў для Беларусі». Сярод удзельнікаў — прадстаўнік Офіса Святланы Ціханоўскай у Эстоніі і Латвіі Віталь Малчанаў, першая намесніца прадстаўніцы па сацыяльнай палітыцы ў Аб’яднаным Пераходным Кабінеце Юлія Міцкевіч, прадстаўнікі беларускіх і эстонскіх НДА, што займаюцца пытаннямі гендарнай роўнасці, а таксама супрацоўнікі офіса амбудсмена Эстоніі і структураў дзяржаўнай улады.
Тэмы, пра якія ішлі размовы падчас мерапрыемства:
1️⃣Выклікі, з якімі сутыкаецца ЛГБТК+ супольнасць у Беларусі.
2️⃣Аналіз эстонскага вопыту ў сферы антыдыскрымінацыйнай палітыкі.
3️⃣Канцэпцыі будучых заканадаўчых рэформаў, накіраваных на абарону правоў і свабод у дэмакратычнай Беларусі.
📌Галоўны вынік сустрэчы — дамоўленасць аб распрацоўцы канцэпцыі па развіцці гендарнай роўнасці ў будучай Беларусі, а таксама аб далейшым супрацоўніцтве і падтрымцы ініцыятываў, заснаваных на прынцыпах роўнасці, інклюзіўнасці і павагі да чалавечай годнасці.
Віталь Малчанаў:
«Мы ўзнялі тэмы складаных рэаліяў, з якімі штодня сутыкаюцца ЛГБТК+ супольнасці ў Беларусі. Прадстаўнікі Эстоніі распавялі пра ўласны вопыт прасоўвання гендарнай роўнасці, падзяліліся як паспяховымі крокамі, так і памылкамі, дапушчанымі да прыняцця адпаведнага заканадаўства. Таксама нашыя калегі пазначылі далейшыя этапы, якія прадпрымае эстонскае грамадства для ўдасканалення сістэмы прававой абароны і роўнага звароту. Беларусь будучыні павінна быць інклюзіўнай і бяспечнай для ўсіх. Гэты дыялог дапамагае нам рыхтаваць рэальныя інструменты для пераменаў».
Святлана Ціханоўская — упершыню на міністэрскай сустрэчы Рады Еўропы
Святлана Ціханоўская распачала працоўны візіт у Люксембург, каб прыняць удзел у міністэрскай сустрэчы Рады Еўропы, дзе будзе абвешчана пра стварэнне трыбуналу за злачынствы Расіі супраць Украіны.
Беларуская лідарка выступіць перад міністрамі, каб патлумачыць і дэталёва раскрыць суагрэсарскую ролю рэжыму Лукашэнкі ў вайне, а таксама данесці неабходнасць прыцягнення ўсіх датычных да адказнасці.
Акрамя таго, Святлана Ціханоўская правядзе шэраг асабістых сустрэчаў з міністрамі, якія ўдзельнічаюць у сесіі. Бакі абмяркуюць наступныя тэмы:
– магчымасці, метады і шляхі вызвалення беларускіх палітзняволеных;
– падтрымка беларускай дыяспары;
– дапамога беларускім незалежным медыя;
– супрацоўніцтва паміж дэмакратычнымі сіламі і Радай Еўропы.
Ужо цяпер адбываецца сустрэча з віцэ-прэм’ерам Люксембурга Ксаўе Бетэлем.
Святлана Ціханоўская — да Міжнароднага дня медсясцёр
«Праца медсясцёр — апора ўсёй сістэмы аховы здароўя. Але самі яны часта застаюцца незаўважанымі. Гэта прафесія патрабуе ведаў, вытрымкі, хуткіх рашэнняў і спагады. Важна памятаць: медсястра — гэта не «малодшы медыцынскі супрацоўнік», а самастойны спецыяліст, без якога немагчыма ўявіць ні шпіталь, ні паліклініку, ні хуткую дапамогу.
У Беларусі прафесія медсястры, на жаль, абясцэненая. Умовы гэтай працы часта знаходзяцца на мяжы чалавечых магчымасцяў. Медсёстры працуюць без адпачынку, ноччу, у перапоўненых аддзяленнях, з нізкімі заробкамі і без сацыяльных гарантыяў. Але нават у такіх умовах яны не губляюць пачуцця адказнасці за людзей. Таму што для іх гэта не проста праца — гэта місія. Медсястра — гэта чалавек, які кожны дзень ставіць чужы боль вышэй за ўласную стомленасць.
У гэты дзень я звяртаюся да вас, дарагія, са словамі падзякі. Ваш уклад у сучасную медыцыну не проста крытычна важны — ён незаменны. Без вашай працы не можа быць ніводнай аперацыі, ніводнай рэанімацыі, ніводнага стацыянару. Дзякую вам за вытрымку, прафесіяналізм і чалавечнасць. Настане час, калі вам будзе дзякаваць і ўся краіна. Беларусь, да якой мы ўсім сэрцам імкнёмся, — гэта краіна, якая беражэ тых, хто беражэ людзей».
Што будзе чакаць удзельнікаў IV Канферэнцыі беларусаў і беларусак свету? Апошнія навіны!
23–25 траўня ў Варшаве адбудзецца галоўная падзея для беларускай дыяспары — IV Канферэнцыя беларусаў і беларусак свету.
Мы абнавілі праграму: цяпер падрабязнасці пра сайд-івэнты 23 траўня і асноўны дзень 24 траўня можна пабачыць па спасылцы.
У першы дзень:
➖ круглы стол пра культурную дыпламатыю;
➖ прэзентацыя даклада пра ўдзел рэжыму ў вайне ва Украіне;
➖ размова пра фінансаванне культурных ініцыятываў;
➖ сустрэча з Народнымі амбасадамі.
Усе падзеі адкрытыя для ўсіх жадаючых — рэгістрацыя не патрэбная!
У асноўны дзень, 24 траўня — адкрыццё Канферэнцыі з удзелам Святланы Ціханоўскай, праца ў групах, майстар-класы, фандрайзінг-сесія і Q&A з палітыкамі.
Калі вы хочаце паўдзельнічаць у канферэнцыі — зарэгіструйцеся праз гэтую спасылку.
Пакінуць свае прапановы і пытанні, каб разглядзець іх падчас Канферэнцыі можна тут.
Да сустрэчы ў Варшаве!
«Усё, чаго мы хочам — гэта даць беларусам магчымасць самім выбраць сваю будучыню»
Святлана Ціханоўская працягвае свой працоўны візіт у Рыгу. Пасля адкрыцця выставы «Мастацтва з-за кратаў», беларуская лідарка прыняла ўдзел ў адкрыцці івэнту «Роля Беларусі ў палітычнай архітэктуры і архітэктуры бяспекі Еўропы: перспектывы Балтыйскага рэгіёна», якое арганізаваў латвійскі інстытут міжнародных адносінаў і МЗС Латвіі ў Рызе.
Пра што казала Ціханоўская падчас выступу:
⭕️Сённяшнія парады ў Мінску і Маскве — гэта не свята міру, гэта спробы апраўдаць вайну
«Сёння, 9 траўня, мы ўспамінаем ахвяраў Другой сусветнай вайны. Калісьці гэты дзень азнаменаваў перамогу над злом — цяпер ён выкарыстоўваецца для апраўдання самога зла. У Мінску і Маскве мы ўбачым ваенныя парады і прапагандысцкія шоу. Але нельга падманвацца. Гэта не святкаванне міру. Гэта кампаніі па апраўданні жорсткай агрэсіўнай вайны».
«Расійскія войскі павінны быць выведзеныя не толькі з Украіны, але і з Беларусі, уключаючы іх ядзерную зброю. Мы не павінны дапусціць новай Ялты, дзе лёсы краінаў вырашаюцца за іх спінай».
«У 2020 годзе беларусы прагаласавалі за перамены. Яны прагаласавалі за Еўропу. Нягледзячы на тэрор, гэтае жаданне не змянілася. Як толькі Беларусь верне сабе поўны суверэнітэт, мы пачнём працэс еўрапейскай інтэграцыі — як гэта зрабілі латышы два дзесяцігоддзі таму».
Святлана Ціханоўская сустрэлася з парламенцкай групай «За дэмакратычную Беларусь» у Латвіі
Беларуская лідарка распачала свой працоўны візіт у Рыгу з насычанай сустрэчы з парламенцкай групай «За дэмакратычную Беларусь». Ціханоўская падзякавала латвійскім дэпутатам за падтрымку беларусаў у выгнанні, асабліва за зробленыя ў заканадаўстве выключэнні, а таксама за дапамогу палітвязням і прынцыповую пазіцыю адносна рэжыму. Асобна лідарка адзначыла намаганні тых, хто ўжо стаў хроснымі бацькамі беларускіх палітвязняў у рамках ініцыятывы Libereco, і заклікала іншых дэпутатаў далучыцца.
У пачатку сустрэчы Ціханоўская агучыла практычныя прапановы, накіраваныя на ўзмацненне супрацоўніцтва паміж Латвіяй і дэмакратычнымі сіламі Беларусі:
➖Сінхранізацыя дзейнасць парламенцкіх групаў краінаў Балтыі «За дэмакратычную Беларусь»: Ціханоўская прапанавала наладзіць каардынацыю паміж парламентскімі групамі «За дэмакратычную Беларусь» у краінах Балтыі і правесці супольную сустрэчу восенню ў Вільні.
➖Трэцяя сустрэча Міжпарламенцкага альянсу: лідарка запрасіла латвійскіх дэпутатаў далучыцца да трэцяй сустрэчы Міжпарламенцкага альянсу «За дэмакратычную Беларусь», якая адбудзецца сёлета ў Парыжы.
➖Мемарадум аб супрацоўніцтве: Ціханоўская заклікала ініцыяваць падпісанне мемарандума паміж Сеймам Латвіі і дэмакратычнымі сіламі Беларусі — аналагічнага таму, што ўжо быў падпісаны з Еўрапарламентам.
➖Рэалізацыя Люксембургскіх рашэнняў: прагучала прапанова разглядзець магчымасці прымянення рэкамендацый ПАРЕ ў Латвіі для падтрымкі беларускіх уцекачоў.
Святлана Ціханоўская:
«Мы жывём у неспакойныя часы, таму я разумею, як цяжка трымаць Беларусь у цэнтры ўвагі. І ўсё ж вам гэта ўдаецца. Галоўнае — разумець, што беларусы гэта не рэжым. Але і не варта класці іх у адзін кошык з расіянамі. Дзякуй, што вы гэта разумееце».Читать полностью…
Святлана Ціханоўская — з нагоды абрання Роберта Фрэнсіса Прэво новым Папам
«Вашая святасць, я шчыра віншую Вас з абраннем пантыфікам, з новым адказным заданнем і служэннем. Несумненна, Вашае прызначэнне з’яўляецца важнай падзеяй як для католікаў, так і для ўсіх хрысціян, і ўвогуле кожнага чалавека на нашай Зямлі.
Ваш голас будуць чуць мільёны. І сярод іх — мы, беларусы. Народ, які мірна змагаецца за свае правы і свабоду. Народ, які верыць у сілу спачування і салідарнасці. Які ставіць чалавечнасць і дабрыню вышэй за ўсё іншае.
Мы верым, што Вашае слова можа стаць голасам падтрымкі для нашых палітвязняў, для іх сем’яў. Голасам для ўсіх, хто не страціў веры нават у самых цяжкіх умовах нашай рэчаіснасці.
Няхай Вашае служэнне стане праменем надзеі для ўсіх, хто змагаецца за праўду».
Святлана Ціханоўская сустрэлася з Прэзідэнтам Джорджам Бушам у Даласе
Падчас візіту ў Злучаныя Штаты беларуская лідарка правяла сустрэчу з 43-м Прэзідэнтам ЗША Джорджам Бушам у Даласе. Сустрэча доўжылася больш за паўтары гадзіны. Бакі абмеркавалі сітуацыю ў Беларусі, барацьбу за свабоду і дэмакратыю, а таксама ролю Беларусі ў рэгіянальнай бяспецы.
Абмяркоўваліся ключавыя тэмы:
➖як вызваліць беларускіх палітвязняў і надаць справе міжнародны розгалас;
➖як зрабіць Беларусь часткай справядлівага і доўгатэрміновага міру ва Усходняй Еўропе;
➖як змагацца з дыктатурай і рэпрэсіямі, а таксама абараніць беларусаў, якія не спынілі супраціў.
Святлана Ціханоўская ў размове адзначыла:
«Дзякую вам за вашую адданасць беларускай справе і асабліва — за ўсе вашыя намаганні па вызваленні палітвязняў. Вас беларусы памятаюць, ведаюць і ніколі не забудуць вашую падтрымку. Я ганаруся магчымасцю сустрэцца з вамі і хачу, каб вы ведалі — вы для нас герой, як і прэзідэнт Рэйган для вашага пакалення».
«Тое, што адбываецца ў Беларусі, мае значэнне для нас тут, дома. Калі дыктатары, падобныя да Лукашэнкі, прыгнятаюць свой народ за мяжой, гэта змяняе наш свет і нашае жыццё ў цэлым. Краіна становіцца менш бяспечнай. Такія смелыя лідары, як Святлана Ціханоўская, якія адстойваюць дэмакратыю, нягледзячы на наступствы, неабходныя для нашай будучыні міру і працвітання».