Вясна / Правы чалавека ў Беларусі

13 May 2024 11:02

🌿Падпішыце петыцыю за вызваленне Нобелеўскага лаўрэата Алеся Бяляцкага

Нямецка-швейцарская праваабарончая арганізацыя Libereco — Partnership for Human Rights і «Вясна» заклікаюць падпісаць петыцыю за вызваленне Алеся Бяляцкага і ўсіх палітычных зняволеных Беларусі. Мэта — сабраць 100 000 подпісаў і перадаць іх у амбасаду Беларусі.

Ад моманту стварэння петыцыі больш за 82 000 чалавек з усяго свету выказалі сваю падтрымку беларускаму праваабаронцу і выступілі за неадкладнае вызваленне палітвязняў.

✅Падпісаць петыцыю можна па спасылцы

Вясна / Правы чалавека ў Беларусі

12 May 2024 16:16

Перакладчыца Вольга Калацкая на волі

Некалькі дзён таму з'явілася інфармацыя, што яна была затрыманая, а дома ў яе прайшоў ператрус. Як стала вядома @nashaniva, перакладчыца знаходзіцца на волі.

Калацкая ўжо была палітзняволенай — у пачатку 2021 годзе яе змясцілі ў СІЗА на два месяцы за тое, што яна нібыта дала поўху супрацоўніку СТБ Рыгору Азаронку.

Вольга Калацкая пераклала на беларускую мову дзясяткі фільмаў, серыялаў і кніг, у тым ліку творы Вірджыніі Вулф, Тэнесі Уільямса, Уільяма Голдынга, Пола Остэра, Тоні Парсанза, Артура Голдэна, фільмы «Гладыятар», «Шрэк», «Сямейка Смітаў» ды іншыя.

Вясна / Правы чалавека ў Беларусі

12 May 2024 13:01

📄 Што пачытаць у нядзелю? Сабралі для вас галоўныя матэрыялы «Вясны» за тыдзень:

🔹«Галоўнае, захаваць здароўе». 21 траўня — Дзень палітвязняў

🔹Адмова праехаць у РУУС, падпіска на «Медыязону», БЧБ-значок: за што беларусаў судзілі ў красавіку

🔹Сітуацыя з правамі чалавека ў Беларусі ў красавіку

🔹«Я ніхто». Інтэрв'ю з Марыяй Колесавай-Гудзілінай

🔹За ўдзел у акцыі пратэсту ў Гомелі асудзілі вядомага шоўмена і прадпрымальніка

🔹Праваабаронцу Анара Мамедлі пакінулі пад вартай, а Алега Арлова этапавалі ў Сызрань: дайджэст міжнародных навінаў

🔹«Любіш біць міліцыю? Зараз мы цябе паб’ем». Рэчыцкі нафтавік упершыню выйшаў на пратэсты і патрапіў ў калонію

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

12 May 2024 09:01

Каталіцкіх святароў з Шуміліна судзілі дыстанцыйна

Вынік суда вернікам і духавенству не паведамілі, аднак вядома, што святары застаюцца ў зняволенні — гэта значыць, ім быў прысуджаны адміністрацыйны арышт.

Нагадаем, айцец Анджэй Юхневіч і айцец Павел Лемех з ордэну Місіянераў аблатаў Беззаганнай Марыі, якія служаць у дыяцэзіянальным санктуарыі ў Шуміліне, былі затрыманыя ў Шуміліне 8 траўня.

Акрамя таго, Katolik.life распавялі пра яшчэ адно затрыманне ў Шуміліне. У той жа дзень, калі сілавікі прыехалі да святароў, толькі на некалькі гадзін раней, па месцы працы затрымалі свецкую верніцу, парафіянку касцёла ў Шуміліне. Гэта маладая жанчына, педагагіня, удзельніца душпастырства моладзі Віцебскай дыяцэзіі, раней была вакалісткай музычнага гурта.

Яна таксама знаходзілася ў зняволенні ў Віцебску, але 11 траўня высветлілася, што яе адпусцілі.

Вясна / Правы чалавека ў Беларусі

11 May 2024 14:32

На шклозаводзе «Нёман» у Бярозаўцы адбыўся ўжо пяты рэйд сілавікоў за апошнія 9 месяцаў

@Grodno_grab паведамляе, што затрымалі некалькі чалавек.

У жніўні на шклозаводзе затрымалі не меней за 9 чалавек, у лістападзе — каля 10 чалавек, у снежні — 8, у гэтым студзені — 5.

🗣Паведаміць пра затрыманне
⚖️Атрымаць бясплатную кансультацыю праваабаронцаў
📝Абскардзіць дзеянні дзяржаўных органаў
✍️Звязацца з журналістамі «Вясны»

Вясна / Правы чалавека ў Беларусі

11 May 2024 11:02

💌Беларусы Масквы працягваюць збірацца кожны тыдзень і пісаць беларускім палітвязням

Гэтым разам віншаванні з Днём Народзінаў, а таксама словы падтрымкі, павінны атрымаць Бурло Яўген, Махалюк Алена, Забіран Аляксей, Залатароў Мікіта, Зянько Іван, Колас Таццяна, Кунусаў Дзмітрый, Мацкевіч Уладзімір, Асавула Андрэй, Мазоль Сяргей, Стэфановіч Расціслаў.

📨Адрасы і спіс усіх палітвязняў, якім можна даслаць паштоўку або ліст
💻Напісаць анлайн
⁉️Як яшчэ падтрымаць палітзняволеных?
✍️2,5 года кожны тыдзень. Як беларусы Масквы пішуць паштоўкі палітвязням

Вясна / Правы чалавека ў Беларусі

10 May 2024 19:10

Палітзняволеная Кацярына Андрэева за кратамі перанесла пнеўманію

Пра гэта ў Facebook напісаў яе муж Ігар Ільяш.

«У канцы красавіка Кацярына Андрэева перахварэла на пнеўманію. Была шпіталізаваная, праляжала ў санчастцы калоніі 10 дзён. На шчасця, пнеўманія была не вялікая, а ачаговая. Лекары своечасова дыягнаставалі хваробу і вельмі адказна паставіліся да лячэння. Каця ачуняла і на мінулым тыдні яе выпісалі з санчасткі.

Перад тым як захварэць на пнеўманію Каця перанесла моцны прыступ сезоннай алергіі. Яна заўсёды была алергікам, але ў зняволенні гэтая праблема рэзка абвастрылася. Прыступы становяцца значна больш пакутлівымі, а спіс алергенаў — шырэйшым. У пачатку красавіка алергічны ацёк прыйшлося здымаць пры дапамозе ўколаў, бо Каця зусім не магла дыхаць праз нос.

У цэлым за амаль што 3,5 гады зняволення праз агульнае аслабленне арганізму Каця стала часцей хварэць на прастуды і пакутаваць ад галаўных боляў. У яе прыкметна пагоршыўся зрок».

Вясна / Правы чалавека ў Беларусі

10 May 2024 15:27

КДБ прызнаў «экстрэмісцкімі фармаваннямі» чатыры кааліцыі, якія будуць удзельнічаць у выбарах у Каардынацыйную раду

Гэта «Воля / Рух Воля / Блок Воля», «Закон и правопорядок», «Еўрапейскі выбар» і «Моладзевы наступ».

Усе яны былі прызнаныя КДБ «экстрэмісцкімі фармаваннямі» 6 траўня. Адзначым, што ў дакуменце таксама пералічана больш за 80 чалавек, якія маюць дачыненне да вышэй згаданых кааліцый.

🔗Хроніка палітычнана пераследу

Вясна / Правы чалавека ў Беларусі

10 May 2024 14:46

🌏Дайджэст міжнародных навінаў пра абаронцаў правоў чалавека

«Вясна» падрыхтавала чарговы дайджэст аб пераследзе праваабаронцаў на постсавецкай прасторы і набольш значных парушэнняў правоў чалавека.

• Суд у Баку пакінуў пад вартай вядомага праваабаронцу Анара Мамедлі — яго абвінавачваюць у «кантрабандзе групай асоб»;

• Amnesty International асуджае жорсткія напады невядомых асоб на крытыкаў ўрада ў Грузіі: «Бандыты ў цывільным жорстка нападаюць на пратэстоўцаў да і пасля мітынгаў, нават нападаюць на пратэстоўцаў каля іх дамоў»;

• Праваабаронцу «Мемарыяла» Алега Арлова этапавалі ў СІЗА Сызрані — ён даслаў ліст, у якім распавядае пра вялікую колькасць арыштантаў у маскоўскіх турмах і пра тое, як цяжкія для зняволеных этапы ў суды і назад;

• Больш за 400 тысяч подпісаў пад петыцыяй з патрабаваннем зняць абвінавачванні з кыргызстанскай праваабаронцы Рыты Карасартавай — ёй выстаўленыя надуманыя абвінавачванні ў спробе «гвалтоўнага звяржэння ўлады».

Чытаць па спасылцы 👉 https://spring96.org/be/news/115188

Вясна / Правы чалавека ў Беларусі

10 May 2024 13:46

Цяжарную мінчанку асудзілі на 2 гады «хатняй хіміі» за ўдзел у «Маршы героеў»

У судзе Ленінскага раёна Мінска 27 сакавіка асудзілі Юлію Каралёву паводле ч. 1 арт. 342 КК (арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх). Суддзя Юлія Інчына прызначыла Каралёвай два гады абмежавання волі без накіравання ў папраўчую ўстанову адкрытага тыпу («хатняй хіміі»).

Мінчанку апазналі па фотаздымку з акцыі пратэсту і з дапамогай даных мабільнага аператара аб тэлефонных злучэннях яе абаненскага нумара.

Акрамя гэтага ў судовай пастанове паведамляецца аб «актыўным спрыянні выкрыванню іншых удзельнікаў злачынства» з боку Юліі. Нібы Юлія падала асабістыя даныя іншых удзельнікаў Маршу, якія былі разам з ёю на фотаздымку. Яе адвакат прасіў улічыць гэты факт і змякчыць пакаранне. Але суд адмовіў, бо «абвінавачваная ўказала толькі абставіны здзейсненага ёю злачынства».

Чытаць па спасылцы 👉 https://spring96.org/be/news/115190

Вясна / Правы чалавека ў Беларусі

10 May 2024 13:03

Папулярную гомельскую фатографку асудзілі па двух крымінальных артыкулах

34-гадовая Аляксандра Мельнічак прафесійна займаецца фатаграфіяй больш за 15 гадоў. Яе спецыялізацыя — сямейная, вясельная і івэнт-фатаграфія. Раней жанчына мела ўласную фотастудыю «Пудра» ў Гомелі. Таксама яна ўдзельнічала ў фотапраектах і конкурсах.

Апошні раз яна была анлайн ва «Укантакце» 15 лютага. Імаверна, у гэты дзень яе і затрымалі, піша @nashaniva.

Судовы працэс над Аляксандрай адбыўся 3 траўня ў Гомельскім абласным судзе. Разглядаў справу суддзя Дзмітрый Казлоў. Мельнічак абвінавачвалі па двух артыкулах — «распальванне варожасці ці варажнечы» (ч. 1 арт. 130 КК) і «актыўны ўдзел у дзеяннях, якія груба парушаюць грамадскі парадак» (ч. 1 арт. 342 КК).

✍️Калі вам вядомыя падрабязнасці гэтай справы, канчатковы прысуд ці інфармацыя пра Аляксандру — калі ласка, напішыце на @Viasnainfo

Вясна / Правы чалавека ў Беларусі

10 May 2024 12:16

📝Заява заснавальнікаў установы «Лекары за праўду і справядлівасць»

3 траўня КДБ прызнаў калектыў установы «Лекары за праўду і справядлівасць» экстрэмісцкім фарміраваннем. З прычыны гэтага заснавальнікі ўстановы прынялі адпаведную заяву.

Яны адзначаюць, што праваабарончая ўстанова займаецца даследаваннем і абмеркаваннем грамадска значных праблем, дае пляцоўкі для публічных выказванняў экспертам, спецыялістам, грамадзянам, ладзіць дыскусіі на тэмы пенітэнцыярнага здароўя.

«Пенітэнцыярная сістэма ў любой дзяржаве павінна быць даступнай грамадзянскаму кантролю. Наяўныя ў публічнай прасторы шматлікія сведчанні парушэнняў як нацыянальнага, так і міжнароднага заканадаўства, у тым ліку стварэння бесчалавечных умоў утрымання, прымянення катаванняў, парушэнняў пратаколаў і правілаў аказання медыцынскай і псіхалагічнай дапамогі абвінавачаным і асуджаным у беларускіх вязніцах, патрабуюць тэрміновага расследавання і неадкладнага эфектыўнага рэагавання».

Вясна / Правы чалавека ў Беларусі

10 May 2024 11:01

​​📸Фотафакт: магшот Алеся Бяляцкага падчас першага зняволення за праваабарончую дзейнасць

Нагадаем, пасля разгону Плошчы-2010 і рэпрэсій за сваю праваабарончую дзейнасць і няўхільную абарону правоў чалавека заснавальнік Праваабарончага цэнтра «Вясна» Алесь Бяляцкі быў затрыманы 4 жніўня 2011 года і асуджаны да 4,5 гадоў пазбаўлення волі нібыта за несплату падаткаў у асабліва буйным памеры (арт. 243 КК). Міжнародная супольнасць на працягу ўсяго зняволення праваабаронцы выступала за яго вызваленне і ладзіла акцыі салідарнасці.

Алесь быў вызвалены датэрмінова 21 чэрвеня 2014 года. Пасля гэтага ён працягнуў праваабарончую дзейнасць у Беларусі, за што быў зноўку затрыманы ў ліпені 2021 года і асуджаны да 10 гадоў зняволення. Цяпер Алесь адбывае тэрмін у горацкай калоніі № 9. На ім цяпер ужо бірка жоўтага колеру, якая прысвойваецца ўсім асуджаным па палітычных матывах як «схільным да экстрэмісцкай і іншай дэструктыўнай дзейнасці». Такая практыка жоўтых бірак стала практыкавацца пасля падзей 2020 года, калі ў калоніі сталі масава адпраўляць палітвязняў.

🟨«Вясна» збірае магшоты палітзняволеных — mugshots.spring96.org/persons. Былыя палітвязні таксама могуць прыняць удзел у праекце і такім чынам задакументаваць сваю гісторыю. Для гэтага трэба запоўніць адмысловую гугл-форму

Вясна / Правы чалавека ў Беларусі

10 May 2024 10:11

😔Палітвязня Міхаіла Лабаня хочуць перавесці на турэмны рэжым

Міхаіл — гаспадар ювелірнай майстэрні "Самародак", які займаўся вырабам упрыгожанняў для ўдзельнікаў рэканструктарскіх суполак, вывучаў гісторыю Сярэднявечча. Яго абвінавацілі ў "паклёпе ў дачыненні да Лакушэнкі" (ч. 1 арт. 367 КК), абразе "Лакушэнкі" (ч. 1 арт. 368 КК) і "абразе прадстаўніка ўлады" (арт. 369 КК).

Суддзя Віталь Лапко асудзіў палітвязня да 4 гадоў калоніі і штрафу ў памеры 100 базавых велічынь.

Цяпер стала вядома, што ў судзе Івацэвіцкага раёна 13 траўня адбудзецца суд па замене Міхаілу рэжыма ўтрымання на турэмны. Яго справу разгледзіць суддзя Сяргей Кухацкаволец.

💌Падтрымайце Міхаіла: ПК № 22. 225295, Брэсцкая вобласць, г. Івацэвічы, ст. Даманава, а/с 20, Міхаіл Аляксандравіч Лабань
💻Напісаць анлайн

Вясна / Правы чалавека ў Беларусі

10 May 2024 08:46

У «Спіс экстрэмістаў» дадалі яшчэ 22 чалавек — цяпер у ім 4056 прозвішчаў

10 траўня МУС зрабіла традыцыйны пятнічны апдэйт «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іншых, у спіс дадалі грамадзяніна Расіі Міхаіла Бодаша, кухара Ігара Казубава, бацьку траіх непаўнагадовых дзяцей Віталя Максімчука.

Да допіса далучыны апошні «Пералік грамадзян, якія маюць дачыненне да экстрэмісцкай дзейнасці».

⁉️«Мама, я экстрэміст». Якія абмежаванні накладаюцца на асоб, уключаных у «Спіс экстрэмістаў»

Вясна / Правы чалавека ў Беларусі

13 May 2024 09:02

✊Падтрымайце палітзняволеную велаактывістку Святлану Кароль

Святлана — пенсіянерка і велаактывістка з Гомеля, былая старшыня абласнога грамадскага аб'яднання «ВелаГомель». У 2020 годзе жанчына далучылася да Гомельскай Каардынацыйнай Рады. Дома на Святлану чакаюць маці сталага веку і муж з анкалагічнай хваробай, якімі апякуецца жанчына.

Жанчыну затрымалі напрыканцы верасня ў Гомелі. Яе абвінавацілі ў паклёпе на Лукашэнку (арт. 367 КК), а таксама ў распальванні сацыяльнай варожасці альбо варажнечы паводле (арт. 130 КК). Напрыканцы сакавіка Гомельскі абласны суд прызначыў ёй паўтара года калоніі ва ўмовах агульнага рэжыму.

💌Даслаць Святлане грашовы перавод, пасылку і тэлеграму па адрасе: СІЗА-3. 246003, Гомель, Кніжная, 1А, Святлана Мікалаеўна Кароль 
💻Напісаць анлайн

Вясна / Правы чалавека ў Беларусі

12 May 2024 15:03

🎧«Не хапае толькі палітычнай волі». Марыя Колесава-Гудзіліна распавяла, чаму верыць ва ўніверсальную юрысдыкцыю

Прэзідэнтка Беларускай асацыяцыі адвакатаў правоў чалавека, прафесарка і PhD Марыя Колесава-Гудзіліна дала інтэрв'ю падкасту «Вясна прыйдзе». Апроч іншага, яна распавяла і пра сваё стаўленне да ўніверсальнай юрысдыкцыі.

«Усё зроблена дзеля таго, каб справам далі ход».

Вясна / Правы чалавека ў Беларусі

12 May 2024 11:01

🇫🇷Сёння ў Парыжы пройдзе вечар напісання лістоў палітвязням

Арганізацыя «Memorial France» ладзіць у нядзелю, 12 траўня, вечар лістоў беларускім і расійскім палітвязням.

Мы працягваем пісаць лісты палітзняволеным, таму што кожны атрыманы ліст — гэта важны момант для чалавека, які знаходзіцца ў цяжкіх умовах, у інфармацыйным вакууме. Практыка перапіскі застаецца галоўным спосабам падтрымання маральнага духу людзей, якія змагаюцца за свае перакананні, а таксама легальным выказваннем пратэсту супраць парушэнняў правоў чалавека і палітычных рэпрэсій, пад якія яны трапляюць. На вечары мы распавядзем пра нюансы перапіскі з палітзняволенымі і падзелімся ўсімі матэрыяламі для лістоў.

Вясна / Правы чалавека ў Беларусі

11 May 2024 17:06

💔Чаму менавіта 21 траўня стаў Днём палітвязняў Беларусі?

Праваабаронцы абралі дату Дня салідарнасці з палітзняволенымі ў Беларусі невыпадкова. Менавіта 21 траўня 2021 года ў шклоўскай калоніі № 17 памёр актывіст з Бярозаўкі Вітольд Ашурак: палітвязень быў асуджаны ў закрытым рэжыме да пяці гадоў зняволення. Афіцыйная прычына — спыненне сэрца, хоць, паводле сваякоў, да зняволення на здароўе мужчына не скардзіўся.

На відэа з калоніі, якое СК апублікаваў пасля смерці палітвязня, ён выглядаў знясіленым і ледзь трымаўся на нагах. Калі родным паказалі цела Вітольда, то галава была практычна цалкам забінтаваная. Следчы камітэт заявіў, што смерць палітвязня не мела крымінальнага характару, і да гэтага часу не завёў справу.

🌿«Галоўнае, захаваць здароўе». 21 траўня — Дзень палітвязняў
⁉️Што можна зрабіць да Дня палітвязняў 21 траўня?
✍️Праваабаронцы збіраюць інфармацыю пра мерапрыемствы да Дня палітвязняў — дасылайце іх на @Viasnainfo

Вясна / Правы чалавека ў Беларусі

11 May 2024 12:59

«Цяпер дакладна ведаю, што такое ўдар, а што — штуршок». Як палітвязня судзілі за «гвалт над міліцыянтам» за тое, што ён заступіўся за пратэстоўца

Судовы працэс над мужчынам расцягнуўся на шэсць пасяджэнняў. На адным з іх сведкам выступаў міліцынт, якога штурхануў Канстанцін падчас пратэстаў. Ён быў амаль аднаго з ім узросту. Хлопец кажа, што заява сілавіка пра гвалт над ім выглядала камічна.

«У мяне рост 170 см., у міліцыянта – 193 см. і вага 110 кг. То бок, ён дастаткова моцны хлопча. Было забаўна слухаць, як ён прасіў кампенсацыю маральнай шкоды 1000 рублёў».

«Суд прысвяціў цэлае пасяджэнне разбіральніцтву, што ж я зрабіў з міліцыянтам. Цяпер я дакладна ведаю, што такое удар, а што — штуршок».

Вясна / Правы чалавека ў Беларусі

11 May 2024 09:02

🎥Узровень рэпрэсій у дачыненні да палітычных праціўнікаў рэжыму і іншадумцаў застаецца на крытычна высокім узроўні

Былая палітзняволеная Дар'я Кароль у нашым новым TikTok відэа viasna96/video/7367380933281926432">распавядае пра сітуацыю з правамі чалавека ў Беларусі ў красавіку.

Вясна / Правы чалавека ў Беларусі

10 May 2024 16:47

🎧«Ёсць адзін нюанс». Марыя Колесава-Гудзіліна распавяла, ці будзе абараняць сілавікоў у Новай Беларусі

Прэзідэнтка Беларускай асацыяцыі адвакатаў правоў чалавека, прафесарка і PhD Марыя Колесава-Гудзіліна дала інтэрв'ю падкасту «Вясна прыйдзе». Марыя распавяла, каго і як абараняла і ці будзе абараняць сілавікоў у новай Беларусі, згадала пра самыя цікавыя сітуацыі ў судах і тое, як усё можна высмейваць.

«Абарона — гэта не для таго, што апраўдаць. Абарона для таго, каб усе прынцыпы незалежнасці суда былі выкананы».

Вясна / Правы чалавека ў Беларусі

10 May 2024 15:14

«Дык ты яшчэ і бчбшнік». Як у ПК-15 «актывісты» здзекуюцца над палітвязнямі

Былы палітвязень Канстанцін Міхальцоў распавядае, што ў ПК-15 сутыкнуўся з перадузятым і зневажлівым стаўленнем з боку так званых «актывістаў» – вязняў, якія супрацоўнічаюць з адміністрацыяй. Па іх указцы палітвязняў па надуманых прычынах выклікалі на праверкі, дзе збівалі або прымушалі адціскацца.

«Актывісты казалі: "Дык ты яшчэ і бчбшнік" . А таксама называлі палітычных "экстрэмістамі". Сярод іх быў Кіслякоў Ілля Мікалаевіч, які пастаянна імкнуўся мяне і іншых паддзець і справакаваць: "Любіш біць міліцыю? Зараз мы цябе будзем біць". Мяне, напрыклад, "жартаўліва" маглі ўдарыць у прэс. Але іншых палітвязняў збівалі даволі моцна.

"Актывіст" рукою пакідаў на чужым ложку ўмяціны. Гэта залічвалі як дрэнна засцелены ложак і выклікалі на праверку, дзе збівалі ці па іншаму фізічна каралі».

Вясна / Правы чалавека ў Беларусі

10 May 2024 14:15

❗️Палітзняволеная Ірына Алябовіч зламала шыйку сцягна ў калоніі

Пра гэта паведамляе @dissidentBY. У 2022 годзе, калі жачнына прыехала ў калонію, яна зламала шыйку сцягна і правяла больш за год у санчастцы. Косткі зрасліся няправільна і Ірына доўга чакала якаснай дапамогі і пратэза. Ірыне Алябовіч не выдавалі нават хадункі, негледзячы на тое, што яны былі ў калоніі. Дзякуючы сваякам жанчыны, праблема вырашылася і цяпер жанчына пераведзена ў звычайны атрад і мае хадункі.

Нагадаем, Ірына была затрыманая 28 сакавіка 2022 года. Яе абвінавацілі паводле трох артыкулаў Крымінальнага кодэкса за каментары. У судзе Цэнтральнага раёна Мінска 27 чэрвеня 2022 года суддзя Дзмітрый Карсюк асудзіў яе да 3 гадоў калоніі і штрафу ў памеры 200 базавых велічыняў. Цяпер жанчына адбывае тэрмін у гомельскай жаночай калоніі № 4.

💌Падтрымайце яе паштоўкамі, тэлеграмамі і лістамі: ПК № 4. 246035, г. Гомель, вул. Антошкіна, 3, Ірына Вячаславаўна Алябовіч
💻Напісаць анлайн

Вясна / Правы чалавека ў Беларусі

10 May 2024 13:28

Мужчыну асудзілі да двух гадоў калоніі за каментар пад фота Лукашэнкі

Стала вядома, што 7 сакавіка ў судзе Кастрычніцкага раёна Магілёва вынесены прысуд мясцоваму жыхару Паўлу Макаранку. Яго прызналі вінаватым паводле арт. 368 КК (абраза Лукашэнкі) і асудзілі да 2 гадоў пазбаўлення волі ў калоніі ва ўмовах агульнага рэжыму. Прысуд агучыла суддзя Ю. Арахоўская.

Яго асудзілі за тое, што ў жніўні 2021 году ён пакінуў каментар пад выявай Лукашэнкі ў адной з груп Telegram. У ім нібыта ўтрымлівалася негатыўная ацэнка Лукашэнкі, абвінавачанне вырашыла, што гэтым Макаранка «публічна ў зневажальнай форме выказаў сваю негатыўную ацэнку асобы».

Мужчына не прызнаў віну.

Чытаць па спасылцы 👉 https://spring96.org/be/news/115189

Вясна / Правы чалавека ў Беларусі

10 May 2024 12:30

⚖️Актывістку руху «Маці-328» Марыну Уладыку асудзілі да 15 сутак арышту

Па інфармацыі @MAYDAYMog, жанчыну затрымалі раніцай 7 траўня, а дома правялі ператрус.

У судзе Заводскага раёна Мінска 8 траўня над жанчынай адбыўся суд. Яе абвінавацілі ў "дробным хуліганстве" паводле арт. 19.1 КаАП. Суддзя Алена Някрасава арыштавала Уладыку на 15 сутак.

Вядома, што Марына з'яўляецца каардынатаркай па дапамозе сіротам, асуджаным да вялікіх тэрмінаў паводле арт. 328 КК (Незаконны абарот наркатычных сродкаў і псіхатропных рэчываў). Каля дзясятка асуджаных маглі "атаварвацца" ў турэмнай краме дзякуючы дапамозе актывістаў руху.

Вясна / Правы чалавека ў Беларусі

10 May 2024 11:36

❤️Журналістцы Марыне Золатавай прысудзілі міжнародную прэмію Ёхана-Філіпа Палма

На прэмію яе намінавала праваабарончая арганізацыя «Рэпарцёры без межаў». Разам з Золатавай яе таксама атрымае афганская рэдакцыя Zan Times. Уручэнне пройдзе ў снежні 2024 года ў нямецкім горадзе Шорндорф, піша Deutsche Welle.

"Перад абліччам велізарных перашкод і рэпрэсіўных мер Марына Золатава паказала сябе як чалавек незвычайнай мужнасці і сумленнасці", — лічаць "Рэпарцёры без межаў" і апякунчая рада фонду Palm.

Марына — былая галоўная рэдактарка найбуйнейшага беларускага незалежнага парталу TUT.ВY. Яе затрымалі 18 траўня 2021 года. Марыне і былой генеральнай дырэктарцы Людміле Чэкінай прызначылі па 12 гадоў калоніі. Іх абвінавацілі па шэрагу артыкулаў Крымінальнага кодэкса.

💌Павіншуйце яе лістамі, паштоўкамі і тэлеграмамі: ПК № 4. 246035, г. Гомель, вул. Антошкіна, 3, Марына Васільеўна Золатава
💻Напісаць анлайн

Вясна / Правы чалавека ў Беларусі

10 May 2024 10:31

Сілавікі затрымалі студэнта БДУІРа

Праўладныя тэлеграм-каналы паведамляюць пра затрыманне 20-гадовага студэнта трэцяга курса Беларускага дзяржаўнага ўніверсітэта інфарматыкі і радыёэлектронікі.

На «пакаяльным відэа» хлопец «прызнаецца» ў тым, што ў 2020 годзе пісаў у чат-бот праекта «Голас», хадзіў на пратэсты, распаўсюджваў «экстрэмісцкія» матэрыялы, пасля тэракту ў Расіі «радаваўся гэтай сітуацыі», а таксама падтрымліваў «украінскіх неанацыстаў».

🔗Хроніка палітычнана пераследу

Вясна / Правы чалавека ў Беларусі

10 May 2024 09:35

У Брэсце пачынаецца трэці суд за «грубае парушэнне парадку» 10 жніўня 2020

У судзе Маскоўскага раёна Брэста 10 траўня распачынаецца суд паводле «народнага» артыкула 342 Крымінальнага кодэкса (актыўны ўдзел у дзеяннях, якія груба парушаюць грамадскі парадак) адразу над васьмю мясцовымі жыхарамі – Мікітам Вайцюком, Васілём Алексеюком, Глебам Клімовічам, Віталём Варфаламеевым, Аляксандрам Тысевічам, Юліей Шаронавай, Мікалаем Нікіцюком і Максімам Собалевым.

Па звестках @viasna_brest, людзей абвінавачваюць у тым, што 10 жніўня 2020 года яны ўдзельнічалі ў пратэстах у Брэсце.

Вядома, што Аляксандр Тысевіч быў затрыманы напачатку студзеня гэтага года і запісалі з ім «пакаяльнае відэа».

Справу разглядае сумнавядомы суддзя Яўген Брэган, на рахунку якога ўжо мінімум 58 асуджаных па палітычных крымінальных справах.

Вясна / Правы чалавека ў Беларусі

09 May 2024 21:30

Затрымалі перакладчыцу Вольгу Калацкую

Акрамя таго, дома ў яе правялі ператрус, піша @radiosvaboda.

Вольга Калацкая пераклала на беларускую мову дзясяткі фільмаў, сэрыялаў і кніг, у тым ліку творы Вірджыніі Вулф, Тэнэсі Ўільямса, Уільяма Голдынга, Пола Остэра, Тоні Парсанза, Артура Голдэна, фільмы «Глядыятар», «Шрэк», «Сямейка Смітаў» ды іншыя.

У 2021-ым годзе Вольгу асудзілі да 2 гадоў «хатняй хіміі» за тое, што падчас адной з акцый пратэсту ўдарыла прапагандыста Азаронка.