Вясна / Правы чалавека ў Беларусі

09 April 2025 14:01

💔Дапамога сям'і былога палітвязня Яўгена Харашкевіча

«За сваю грамадзянскую пазіцыю я быў арыштаваны, потым асуджаны і адпраўлены ў турму на 4 гады, пакінуўшы цяжарную жонку адну ў самых складаных абставінах. У жніўні 2024 года, пасля поўнага адбыцця тэрміна, я выйшаў на волю. Але пераслед нашай сям'і не спыніўся. Увосень 2024 года ў нашу кватэру зноў прыйшлі сілавікі з ператрусам.

Тры месяцы мы хаваліся ў Грузіі, жывучы ў пастаянным страху. А калі, нарэшце, змаглі пераехаць у Польшчу, нас чакаў яшчэ адзін удар: грошы, якія мае бацькі перадалі нам на першы час у эміграцыі, былі скрадзеныя.

Мы звярнуліся ў паліцыю Польшчы і рыхтуем заяву ў паліцыю Грузіі, але шанцы вярнуць скрадзенае малыя. Цяпер мы засталіся без сродкаў да існавання і без той фінансавай падушкі, якая дазволіла б нам пачаць новае жыццё».

Вясна / Правы чалавека ў Беларусі

09 April 2025 11:02

🌿У Берліне пройдзе вечар салідарнасці з беларускімі палітвязнямі

Мерапрыемства адбудзецца ў чацвер, 10 красавіка, у офісе Libereco (Brunnenstraße 9, Berlin). Пачатак а 17-ай гадзіне.

Гасцей чакае выступ былых палітзняволеных музыкаў гурта Irdorath Уладзіміра і Надзеі Калач, а таксама напісанне лістоў беларускім палітвязням.

Уваход вольны!

Вясна / Правы чалавека ў Беларусі

08 April 2025 16:36

Білі ў пах электрашокерам — як губазікаўцы катавалі 19-гадовага беларуса са зламанымі пальцамі

Сілавікі здзекваліся з хлопца і прымушалі казаць хлусню. Нібы ён прыняў іслам і з’яўляецца маджахедам, падтрымлівае нацыяналістычныя ўкраінскія батальёны і збіраецца ехаць на вайну. Як распавядае Уладзіслаў, за тое, што ён ад болю не мог з першага разу прачытаць тэкст для «пакаяльнага» відэа, супрацоўнікі ГУБАЗіК некалькі разоў прымянялі электрашокер. Білі ў раён паху, каб было бальней.

«У мяне там былі такія эмоцыі, што ад болю аж слёзы на вачах былі. Зламаныя пальцы моцна апухлі. Я не мог нічога ясна сказаць і пачаў заікацца».

Вясна / Правы чалавека ў Беларусі

08 April 2025 14:32

У Беларусі прызналі «экстрэмісцкімі» чарговыя кнігі

Гаворка пра друкаваныя выданні «Даведiк беларускага журналiста» (Фенрых Пшэмыслаў, Вячорка Вінцук), а таксама «Беларусь на разломе» (Яраслаў Раманчук, Леанід Зайко). Яны былі прызнаныя «экстрэмісцкімі» судом Партызанскага раёну Мінска 4 красавіка.

Таксама «экстрэмісцкі» спіс папоўнілі старонкі ў Facebook «Ольг’ерд Мамаєнко» і «Беларускi Моладзевы Хаб», Telegram-каналы і чаты «Диаспора Беларусов Мира», «Рабочы Рух чат», «Vladimir Pogosyan |Official», старонка ў «Аднакласніках» «Свободный Гомель FREE GOMEL», а таксама старонкі ў сацсетках Аляксандра Баля.

Вясна / Правы чалавека ў Беларусі

08 April 2025 12:16

«Абвінавацілі ў шпіянажы на карысць Польшчы і Ватыкана». Ксёндз Генрых Акалатовіч адзначыў 65-годдзе і перадаў вестку з-за кратаў

Ксёндз Генрых сказаў, што яго абвінавацілі ў «шпіянажы на карысць Польшчы і Ватыкана», што з'яўляецца «грубай правакацыяй». Святар падкрэсліў, што ніколі не быў нічыім шпіёнам, што ён слуга Бога, а судзяць не яго, а «ўсю Каталіцкую царкву ў Беларусі».

Паводле святара, у ягонай справе «няма ні слова праўды, ні аднаго факту, які выкрывае яго ў шпіянажы, а ўсё абвінавачванне будуецца на хлусні, пагрозах і шантажы». Ксёндз падкрэсліў, што з дзясяткаў сведак, сярод якіх ёсць чыноўнікі і вайскоўцы, ніхто не даў супраць яго «выкрывальных паказанняў».

У яго паведамленні таксама ідзе гаворка аб няправільным перакладзе яго тэксту ў матэрыялах справы — верагодна, нейкага ліста на польскай мове. Таксама згадваюцца эксперты з Міністэрства абароны, з чаго можна зрабіць выснову, што святару маглі інкрымінаваць нібыта перадачу нейкіх звестак на ваенную тэматыку.

Крыніца: katolik.life

Вясна / Правы чалавека ў Беларусі

08 April 2025 11:16

Amnesty International: Беларусь у ліку 46 краін, што выносілі смяротныя прысуды ў 2024 годзе

Па ўсім свеце праваабаронцы налічылі сама меней 2075 вынесеных смяротных выракаў і не менш за 1508 пакаранняў смерцю. Адсутнасць даных па шэрагу краін, вядомых сваёй практыкай прымянення вышэйшай меры пакарання, паказвае на тое, што маштабы могуць быць значна большымі.

Amnesty International канстатавала, што Беларусь — адзіная краіна ў Еўропе, дзе прымяняецца смяротнае пакаранне. Зафіксаваны летась прысуд — па справе нямецкаму грамадзяніну Рыка Крыгеру, асуджанаму за «акт тэрарызму» паводле некалькіх крымінальных артыкулаў у рамках працэсу, што праходзіў у закрытым рэжыме.

Крыгер, нагадала арганізацыя, быў памілаваны і перададзены Германіі ў рамках шырокага абмену зняволенымі паміж Расіяй і краінамі Захаду.

Падрабязнасці 👉 dp.spring96.org/be/news/117753

Вясна / Правы чалавека ў Беларусі

08 April 2025 10:05

📝Гендакладчыца ПАСЕ па палітвязнях: Сітуацыя ў Беларусі застаецца вельмі трывожнай

Генеральная дакладчыца Парламенцкай асамблеі Савета Еўропы (ПАСЕ) па палітвязнях у Еўропе Азадэ Райхан падрыхтавала інфармацыйную запіску да вясенняй сесіі ПАСЕ, якая адбываецца ў Страсбургу 7–11 красавіка. У ёй гаворыцца, што сітуацыя з палітычнымі зняволенымі ў Беларусі і Расіі «застаецца вельмі трывожнай».

Дакладчыца адзначыла, што ва ўмовах шырокага пераследу праваабаронцаў і палітычных апанентаў «абодва таталітарныя рэжымы пераследуюць таксама актывістаў, журналістаў, юрыстаў і арганізацыі грамадзянскай супольнасці праз адвольныя затрыманні, палітычна матываваныя абвінавачванні, гвалт і заканадаўчыя абмежаванні».

Беларусь і Расія працягваюць выкарыстоўваць крымінальнае права, антыэкстрэмісцкія меры і контртэрарыстычныя рамкі «для падаўлення іншадумства і знішчэння таго, што засталося ад незалежнай грамадзянскай супольнасці».

Чытаць па спасылцы 👉 https://spring96.org/be/news/117751

Вясна / Правы чалавека ў Беларусі

07 April 2025 16:15

⁉️Што трэба для таго, каб чалавека ўнеслі ў спіс былых палітвязняў?

Для таго, каб інфармацыя пра чалавека трапіла ў спіс «былых палітвязняў», яму самому ці яго блізкім трэба звярнуцца ў «Вясну» (@ViasnaSOS, @Viasnainfo) і распавесці пра сваю справу.

Праваабаронцы падрабязней тлумачылі працэдуру ўнясення чалавека ў спіс былых палітвязняў:

«Трэба даслаць хоць нейкія дакументы, якія датычацца крымінальнай справы чалавека і ў якіх будзе зафіксавана, што ў пэўны перыяд дадзены чалавек знаходзіўся ў месцы несвабоды. Напрыклад, калі чалавек да суда ўтрымліваўся ў СІЗА, то гэта будзе пазначана ў тэксце прысуда. Бо калі ў праваабаронцаў да моманту звароту не было зусім ніякіх звестак пра чалавека, то ў сваім рашэнні далучыць яго ці яе да спісу былых палітвязняў мы мусім абапірацца не толькі на словы чалавека, але і на дакументы».

Вясна / Правы чалавека ў Беларусі

07 April 2025 13:32

❗️Праваабаронцы заклікаюць дакументаваць факты катаванняў і парушэнняў правоў чалавека ў Беларусі

«Вясне» вядома, што ў Беларусі працягваюцца масавыя катаванні і збіванні, утрыманне ў нечалавечых умовах у ізалятарах. Мы разумеем, што праз страх і рызыкі пераследу людзі баяцца звяртацца да праваабаронцаў для дакументавання гэтых фактаў. Але мы заклікаем з дапамогай фота і відэа самім фіксаваць сляды катаванняў і збіванняў. Акрамя гэтага, звяртайцеся да лекараў, каб зафіксаваць траўмы і захаваць медыцынскія дакументы. Гэта дапаможа ў будучыні прыцягнуць да адказнасці ўсіх датычных да рэпрэсій.

✍️Вы можаце самастойна задакументаваць ваш выпадак, дзякуючы «Практычнаму дапаможніку для пацярпелых»

🔹Калі вы пацярпелі ад катаванняў з боку сілавікоў ці сутыкнуліся з бесчалавечным і жорсткім абыходжаннем у месцах зняволення, парушэннем правоў чалавека — калі ласка, пішыце @ViasnaDOC ці viasnadoc@spring96.org

Вясна / Правы чалавека ў Беларусі

07 April 2025 11:33

😔Палітвязня Дзяніса Сальмановіча перавялі ў турму

Праваабаронцам «Вясны» стала вядома, што палітзняволенага Дзяніса Сальмановіча перавялі у турму № 4, што месціца ў Магілёве.

Раней ён адбываў сваё пакаранне ў папраўчай калоніі №3 «Віцьба». Апошнім часам ён утрымліваўся ў штрафным ізалятары, негледзячы на праблемы са здароўем.

Нагадаем, Брэсцкі абласны суд 30 верасня 2022 года прысудзіў Дзянісу пазбаўленне волі тэрмінам на 10 гадоў ва ўмовах узмоцненага рэжыму, а таксама штраф у памеры 6 400 рублёў.

Вясна / Правы чалавека ў Беларусі

07 April 2025 10:00

❗️«Хацеў даказаць, што не ўсе беларусы падтрымліваюць Расію». Экс-палітвязень з суполкі «Саюз беларускага нацыянальнага шчыта»

У 2022 годзе 19-гадовы Уладзіслаў Ефімовіч далучыўся да закрытай суполкі «Саюз беларускага нацыянальнага шчыта», дзе з паплечнікамі дзяліўся відэа расійскай ваеннай тэхнікі і абмяркоўваў партызанскую вайну ў Беларусі. У тым жа годзе Уладзіслава разам з адміністратарамі суполкі затрымалі. Палітвязня асудзілі на 3,5 гады калоніі па некалькіх крымінальных артыкулах.

Сёлета ў студзені ён выйшаў з калоніі па памілаванні, сутыкнуўся з далейшым ціскам і пагрозамі ад сілавікоў, і з’ехаў з Беларусі.

Уладзіслаў распавёў «Вясне», як пры затрыманні яму зламалі пальцы, а ў аддзяленні ГУБАЗіК білі электрашокерам у пах. Як ён у СІЗА ад адчаю рэзаў сабе вены, як палітвязняў садзяць у ШІЗА за вывучэнне замежных моваў, а таксама, як праходзіла апошняя хваля памілавання.

Чытаць па спасылцы 👉 https://spring96.org/be/news/117744

Вясна / Правы чалавека ў Беларусі

07 April 2025 08:45

Да пажылой маці праваабаронцы Леаніда Судаленкі прыходзілі сілавікі

Былы палітзняволены праваабаронца, які выехаў за мяжу пасля выхаду з турмы, лічыць, што гэты візіт не выпадковы, піша @viasnaHomel.

«Прымусілі 87-гадовую жанчыну падпісаць пратакол пра маю адсутнасць у доме, які я пакінуў яшчэ ў часы СССР. Яны ведаюць, дзе я – і ўсё роўна прыйшлі! Ім абыякавы яе ўзрост, здароўе, сэрца. Яны прыйшлі, каб зламаць. Каб учыніць боль. Каб сказаць: «Твой сын – злачынец. Ён у вышуку», — напісаў Леанід у Facebook.

Нават знаходзячыся за кратамі праваабаронца бярог маці:

«Казаў, што працую за мяжой. Бераг яе здароўе. Пасля вызвалення паспеў развітацца з ёю назаўсёды. Але і тады не сказаў праўду – проста паўтарыў: «Паехаў працаваць за мяжу». А нядаўна, віншуючы з днём нараджэння, пачуў: «Сынок, калі ты да мяне прыедзеш?» Я не змог яе раніць. Адказаў: «Восенню, мама. Абавязкова прыеду». Хоць дакладна ведаю – хутчэй за ўсё, не атрымаецца...».

Вясна / Правы чалавека ў Беларусі

06 April 2025 16:33

✊ Падтрымайце «Вясну» на Patreon альбо аднаразовым данатам

На сёння за кратамі знаходзіцца пяцёра праваабаронцаў «Вясны» — іх асудзілі да пазбаўлення волі толькі за тое, што яны абаранялі правы беларусаў. Нягледзячы на гэта, праваабаронцы і валанцёры «Вясны» працягваюць сваю працу па абароне і фіксацыі парушэнняў правоў чалавека ў Беларусі.

Акрамя магчымасці падтрымаць «Вясну» падпіскай на Patreon, ёсць магчымасць зрабіць і аднаразовы данат праваабаронцам.

Усе сабраныя ахвяраванні будуць накіраваныя на падтрымку дзейнасці арганізацыі, а таксама палітзняволеных вясноўцаў.

❗️Калі ласка, рабіце пераводы толькі, калі для вас гэта бяспечна. Мы настойліва просім не рабіць пераводаў з картак беларускіх ці расійскіх банкаў

💵Падтрымаць «Вясну» аданаразовым данатам
💶Падтрымаць Вясну на Patreon
⁉️«Вясну» прызналі «экстрэмісцкім фармаваннем»: як цяпер супрацоўнічаць з намі?

Вясна / Правы чалавека ў Беларусі

06 April 2025 11:35

📝«Лекары за праўду і справядлівасць» працягваюць даследванне праблем здароўя жанчын у беларускіх турмах

Пытанні цалкам ананімныя, не патрабуюць прадстаўлення аніякіх асабістых звестак, адказы будуць выкарыстоўвацца толькі ў абагуленым выглядзе.

«Мы просім былых зняволеных жанчын адказаць на пытанні трох невялікіх анкет. Адна з іх — пра здароўе падчас зняволення – агульная, дзве іншыя — пра псіхалагічны стан — асобныя для былых зняволеных, якія застаюцца ў Беларусі, і для тых, якія пакінулі краіну».

Вясна / Правы чалавека ў Беларусі

05 April 2025 16:31

🎧«Важна падтрымліваць сваё асяроддзе». Дзіяна Пінчук — «Жанчыны ў праваабароне»

Праваабаронца «Вясны» Дзіяна Пінчук стала «Журналісткай года-2024» (прэмія ад беларускай праваабарончай супольнасці). Яна мастацкі пераасэнсоўвае праваабарончыя тэмы. Сярод творчасці Дзіяны — альтэрнатыўныя паштоўкі #FLOWERPOWER і фотапраект «Магшоты палітвязняў». Таксама яна спрычынілася да музычнага альбома «Пазначаныя жоўтым», да стварэння фільмаў пра былых палітзняволеных «Фіялетавыя слёзы» і «Цень радасці».

А яшчэ праваабаронца была сярод тых, хто прапанаваў грамадству 21 траўня як Дзень палітвязня ў Беларусі.

У новым выпуску падкаста «Вясна прыйдзе» Дзіяна распавядзе, як усё гэта спалучае і дзе бярэ натхненне.

Soundcloud | Spotify | Apple podcasts | Youtube | Castbox | Іншыя пляцоўкі

Вясна / Правы чалавека ў Беларусі

09 April 2025 12:02

Будзьце ўважлівымі — адбылася рассылка пра фэйкавае апытанне па чатах беларускай дыяспары

У чатах беларусаў замежжа з'явіліся допісы пра тое, што праводзіцца нейкае апытанне, «важнае для даследчай работы». Арганізатары хочуць, каб анкету запоўнілі студэнты. Паведамленні з просьбай прайсці апытанне распаўсюджвае акаўнт, які мае ID 6288192255 і імя карыстальніка linga017.

Апытанне мімікрыруе пад апытанне, якое цяпер праводзіць Аб'яднаны пераходны кабінет, але ў ім зусім іншыя пытанні, піша «Наша Ніва».

Унутры апытання збіраюць e-mail, звесткі пра ўзрост, месца жыхарства і род заняткаў. Пры гэтым стваральнікі прыкрываюцца імем Маргарыты Ворыхавай — прадстаўніцы Святланы Ціханоўскай па справах моладзі.

Верагодна, за атакай стаяць спецслужбы Беларусі. Гэты ж акаўнт ужо быў заўважаны ў фэйкавай рассылцы два гады таму. Тады адміністратарам прапанавалі дадаць фэйкавага бота праекта «Стоп Прапаганда» ў свае суполкі. У якасці кантактнага ўказаны фэйкавы бот Кіберпартызанаў.

Вясна / Правы чалавека ў Беларусі

09 April 2025 09:02

📝Нагадваем кантакты Праваабарончага цэнтру «Вясна»

🔹Паведаміць пра затрыманне, даслаць інфармацыю з судовых пасяджэнняў: Telegram-бот @viasna_bot | @ViasnaSOS, @SOSViasna;
🔹Звярнуцца па дапамогу па юрыдычных пытаннях, абскардзіць дзеянні дзяржаўных органаў: @zvarot96 | zvarot@spring96.org;
🔹Калі вы пацярпелі ад катаванняў з боку сілавікоў ці сутыкнуліся з жорсткім абыходжаннем за кратамі: @ViasnaDOC | viasnadoc@spring96.org;
🔹Распавесці сваю гісторыю журналістам «Вясны»: @Viasnainfo | viasna@spring96.org.

📍Кантакты рэгіянальных прадстаўніцтваў «Вясны»: Бабруйск — @babrujskspring; Барысаў — @Spring_help_r; Брэст — @Nadbuzanski, @BrestSOS; Гомель — @homelspring; Магілёў — @maydayhelp, @mspring_help; Маладэчна — @Maladecza_help; Наваполацк — @impaynes; Віцебск — @Viciebsk_spring; Светлагорск — @svietlahorskspring

❗️Афіцыйныя кантакты ПЦ «Вясна» можна паглядзець у апісанні @viasna96 ці на старонцы «Кантакты» на spring96.org

⁉️«Вясну» прызналі «экстрэмісцкім фармаваннем»: як цяпер супрацоўнічаць з намі?

Вясна / Правы чалавека ў Беларусі

08 April 2025 15:51

📍Міжнародны дзень рома адзначаецца 8 красавіка

8 красавіка адзначаецца Міжнародны дзень рома. Менавіта ў гэты дзень у 1971 годзе ў Лондане прайшоў Першы Сусветны ромскі кангрэс, на якім прысутнічалі ромскія дэлегаты з 30 дзяржаў. У тым жа годзе быў створаны Міжнародны саюз цыганоў. Адным з вынікаў кангрэса стала прыняцце нацыянальных сімвалаў — сцяга і гімна.

Якая сітуацыя з правамі рома ў Беларусі? Гэтая тэма, сярод іншага, уздымалася на 3 095 пасяджэнні Камітэта аб ліквідацыі ўсіх формаў расавай дыскрымінацыі, падчас прэзентацыі справаздачы Беларуссю як дзяржавы-ўдзельніцы Канвенцыі аб ліквідацыі ўсіх формаў расавай дыскрымінацыі.

Тады судакладчык Камітэта закрануў пытанні супольнасці рома ў Беларусі: адукацыя, працаўладкаванне, сацыяльныя паслугі, ахова здароўя ды іх прафіляванне.

«Рома па-ранейшаму сутыкаюцца з маргіналізацыяй, дыскрымінацыяй, высокім узроўнем беспрацоўя, нізкім узроўнем адукацыі ды адсутнасцю доступу да сацыяльных паслугаў».

Вясна / Правы чалавека ў Беларусі

08 April 2025 14:02

ЕС фінансава падтрымае беларусаў, што пацярпелі ад рэпрэсій

Еўрапейскі саюз у рамках праграмы EU4Belarus – SALT абвяшчае запуск праграмы падтрымкі для тых, хто пацярпеў ад палітычных пераследаў і страціў крыніцу даходу і магчымасць атрымання адукацыі, піша @viacorka.

📍Праграма прызначана для былых палітзняволеных, а таксама беларусаў і беларусак, якія падвергліся адміністрацыйнаму або крымінальнаму палітычнаму пераследу.

💵Памер падтрымкі: да 10 000 еўра!

🔹На гэтую суму ў межах праграмы адна асоба можа атрымаць падтрымку на:

- навучанне і зборы (прафесійная адукацыя, курсы павышэння кваліфікацыі, моўныя курсы, курсы кіроўцы, сертыфікацыя, настрыфікацыя і экзамены);
- выдаткі на пераклад дакументаў;
- пражыванне ў інтэрнаце (для прафесійнай адукацыі да 12 месяцаў);
- грамадскі транспарт (для вочнага навучання працягласцю не менш за 1 месяц);
- падпіскі на праграмнае забеспячэнне і лічбавыя платформы, неабходныя для навучання і перападрыхтоўкі.

Спасылка на праграму і анкета для запаўнення 👉 https://eu4belarus.info/grants02-ex-politicalprisoners-by/

Вясна / Правы чалавека ў Беларусі

08 April 2025 11:46

🎬Прэм'ера дакументальнага фільма «Вясны» пра рэсацыялізацыю былога палітвязня адбудзецца на XI Фестывалі нефільтраванага кіно

Кароткаметражны фільм «Цень радасці» расказвае гісторыю былога палітвязня Артура, які пасля трох гадоў зняволення пачынае жыццё з нуля ў Польшчы. Праз яго вочы глядач бачыць цяжкасці адаптацыі: моўны бар’ер, пошук працы, сацыяльную ізаляцыю, настальгію па радзіме і спробы захаваць надзею.

🎫Паказы запланаваны 23-27 красавіка ў Варшаве, Вільні і Хельсінках, а таксама анлайн. Пазней ён будзе даступны для прагляду на ютубе «Вясны».

Падрабязнасці і квіткі тут: https://unfilter.by/schedule/

Над фільмам працавалі Зміцер Пылыпіў і праваабаронца «Вясны» Дзіяна Пінчук.

*Фестываль «Нефільтраванае кіно» з’явіўся як адгалінаванне міжнароднага кінафестывалю Сinema Perpetuum Mobile адзінаццаць гадоў таму і праводзіўся ў Мінску на розных пляцоўках. Дзявяты незалежны кінафорум павінен быў прайсці ў 2023 годзе, аднак Міністэрства культуры адмяніла яго.

Вясна / Правы чалавека ў Беларусі

08 April 2025 10:35

У адстаўку адправілі адыёзную наваполацкую суддзю Зінаіду Балаболаву — на яе «рахунку» сотні палітычных працэсаў

Інфармацыя пра яе адстаўку прысутнічае ва Указе Лукашэнкі №142 ад 7 красавіка 2025 году, піша @vicspring.

Паводле інфармацыі праваабаронцаў, на «рахунку» Балаболавай не менш за 268 разгледжаных адміністрацыйных справаў — у абсалютнай большасці з якіх яна прызначала суткі. Адзначым, што рэальная лічба разгледжаных Балаболавай палітычных судовых справаў вышэй — у праваабаронцаў адсутнічаюць поўныя даныя пра рэпрэсіі.

Вясна / Правы чалавека ў Беларусі

08 April 2025 09:02

У Бярозе прайшлі чарговыя суды — верагодна, за пратэсты 2020 года

Як паведамляе @BeloyeChernoye, 28 сакавіка ў Бярозе па палітычнай справе судзілі 2 мясцовых жыхароў — Кірыла Карпеша і Андрэя Бурына.

У пачатку студзеня актывісты пісалі, што Бурына і Карпеша затрымалі «месяцам раней» з-за пратэстаў, якія праходзілі 10 жніўня 2020 года. Абодва пасля бярозаўскага ІЧУ былі змешчаныя ў брэсцкае СІЗА па гэтай справе.

З лета 2024 года ў Бярозе пачалі судзіць па крымінальным артыкуле 342 за мірныя пратэсты лета 2020 года. Жыхроў Бярозы судзяць групамі па 2-4 чалавекі. На сёння вядома пра 24 асуджаных (без уліку Бурына і Карпеша), піша @viasna_brest.

Вясна / Правы чалавека ў Беларусі

07 April 2025 15:03

«Называлі мяне нацыстам і маджахедам». Як сілавікі зламалі пальцы 19-гадоваму хлопцу пры затрыманні ў вайсковай частцы

Уладзіслава затрымалі праз 3 тыдні тэрміновай службы. Ён нават не паспеў прыняць прысягу. Супрацоўнікі АМАП і ГУБАЗіК у поўным узбраенні прыехалі па хлопца прама ў частку.

«Мяне паклалі проста на зямлю, калі я вяртаўся са сталовай. Сілавікі наступілі мне на руку і зламалі тры пальцы. Першае, што яны ў мяне спыталі: "Ну што, Слава Украіне?". Я адказаў станоўча, за гэта атрымаў удар у галаву. Сілавікі называлі мяне нацыстам і маджахедам».

«У бусіку ў мяне пыталі пра гісторыю Другой сусветнай вайны. А таксама ці паеду я "пі*дзіць хахлоў" і ці пайду служыць у ПВК "Вагнер". Я адказаў, што сваіх забіваць не пайду. Сілавікі называлі ўкраінцаў нацыстамі».

Вясна / Правы чалавека ў Беларусі

07 April 2025 12:15

🌿7 красавіка — Сусветны дзень здароўя

Па стане на 7 красавіка 2025 году праваабаронцам вядома не менш чым пра 203 палітвязня, якія знаходзяцца за кратамі ў асаблівай рызыцы.

Гэта людзі, якія маюць праблемы са здароўем, непаўнагадовыя на момант здзяйснення дзеянняў, што ставяцца ім у віну, шматдзетныя і іншыя людзі ў цяжкіх сямейных абставінах, людзі, якія знаходзяцца на прымусовым псіхіятрычным лекаванні ў закрытых установах. Таксама ў гэтую лічбу ўваходзяць палітвязні, якія дыскрымінуюцца паводле розных падставаў: інкамунікада, зняволеныя, якія не выходзяць з-за кратаў, нават нягледзячы на тое, што тэрмін іх пакарання сыйшоў.

У зняволенні мінімум 76 чалавек знаходзіцца ў цяжкім стане фізічнага здароўя, 7 чалавек маюць інваліднасць, 30 сталых людзей, чый узрост перавышае 60 гадоў (шмат хто з іх мае вялікія праблемы са здароўем), а таксама 10 чалавек з ментальнымі разладамі.

Вясна / Правы чалавека ў Беларусі

07 April 2025 11:01

📝Сейм Польшчы прыняў рэзалюцыю аб прэзідэнцкіх выбарах* у Беларусі

«Сейм асуджае адсутнасць празрыстасці і сумленнасці падчас апошніх прэзідэнцкіх выбараў, якія не адпавядалі міжнародным дэмакратычным стандартам, а іх вынік не можа быць прызнаны пэўным адлюстраваннем палітычнай волі беларускага народа», — гаворыцца ў рэзалюцыі.

Дэпутаты заклікалі ўлады Беларусі да «неадкладнага і безумоўнага спынення гвалту і пераследаў супраць усіх грамадзян, якія выказваюць свае погляды мірным шляхам, а таксама да вызвалення і зняцця абвінавачванняў з усіх палітычных зняволеных, у тым ліку Андрэя Пачобута».

«Сейм салідарызуецца з жыхарамі Беларусі, а таксама беларусамі, што жывуць за мяжой, якія прагнуць сапраўднай незалежнасці і суверэннасці сваёй Радзімы. [Сейм] прызнае свабодную і незалежную Беларусь ключавой апорай стабільнасці і бяспекі ў рэгіёне, а таксама падтрымлівае дзейнасць беларускіх дэмакратычных супольнасцяў у выгнанні».

Вясна / Правы чалавека ў Беларусі

07 April 2025 09:15

Экс-каліноўца Максіма Ралько затрымалі на беларуска-польскай мяжы

На АНТ паказалі новы прапагандысцкі сюжэт — гэтым разам пра былога байца палка Каліноўскага Максіма Ралько. Стала вядома, што мужчыну затрымалі ў 2024 годзе пры ўездзе ў краіну праз беларуска-польскую мяжу ў пункце пропуску «Брэст». Раней было толькі вядома, што ён звольніўся з палка, жыў у Варшаве, а потым нечакана апынуўся ў мінскім СІЗА.

У сюжэце прадэманстравалі відэазапісы з кабінета органаў, дзе Максім знаходзіўся ў розны час. Цяпер Ралько, як сказана ў сюжэце, «чакае суда» і «актыўна супрацоўнічае са следствам, распавядае пра былых змоўшчыкаў, дапамагае апазнаваць па фатаграфіях».

Паводле якіх артыкулах Крымінальнага кодэкса цяпер абвінавачваюць экс-добраахвотніка — не паведамляецца.

Чытаць па спасылцы 👉 https://spring96.org/be/news/117739

Вясна / Правы чалавека ў Беларусі

06 April 2025 18:04

❗️ Максіма Урбановіча ўтрымліваюць у камеры СІЗА КДБ

Пра гэта паведамляюць крыніцы @belsat.

Малодшага брата беларускага добраахвотніка Дзяніса Урбановіча, затрымалі 2 красавіка.

У ноч на 6-е красавіка скончыліся трое сутак, якія Максіма Урбановіча згодна з Крымінальна-працэсуальным кодэксам Беларусі маглі трымаць без прад’яўлення абвінавачання на час праверкі.

Максім на волю не выйшаў. Гэта дае падставы меркаваць, што следчыя арыштавалі яго яшчэ як мінімум на 10 дзён. Невядома ці распачата крымінальная справа і ў якім статусе трымаюць Максіма Урбановіча за кратамі.

Вясна / Правы чалавека ў Беларусі

06 April 2025 14:05

🌿У Берліне пройдзе вечар салідарнасці з беларускімі палітвязнямі

Мерапрыемства адбудзецца ў чацвер, 10 красавіка, у офісе Libereco (Brunnenstraße 9, Berlin). Пачатак а 17-ай гадзіне.

Гасцей чакае выступ былых палітзняволеных музыкаў гурта Irdorath Уладзіміра і Надзеі Калач, а таксама напісанне лістоў беларускім палітвязням.

Уваход вольны!

Вясна / Правы чалавека ў Беларусі

06 April 2025 09:03

📄 Што пачытаць у нядзелю? Сабралі для вас галоўныя матэрыялы «Вясны» за тыдзень:

🔹«Гэта не прыкмета адлігі», — праваабаронцы «Вясны» пра тое, як рэжым знішчае доказы сваіх злачынстваў

🔹Што рабіць, калі арыштоўваюць маёмасць? Інструкцыя ад Юрыдычнай службы «Вясны»

🔹Мытнік, сцюардэса, бізнэсоўцы, лекарка: каго прызналі палітвязнямі ў сакавіку

🔹Вікторыю Кульшу чакае чацвёрты суд за «злоснае непадпарадкаванне адміністрацыі калоніі»

🔹Заснаванне Упаўнаважанага па правах грамадзян Беларусі немэтазгоднае і неэфектыўнае. Пазіцыя кааліцыі беларускіх праваабаронцаў

🔹Сітуацыя з правамі чалавека ў Беларусі. Сакавік 2025

🔹Тбіліскі Дом правоў чалавека пераследуюць за аплату штрафаў, у Расіі судзяць праваабаронцаў

🔹За данаты ў Беларусі асудзілі мінімум 112 чалавек. Прапагандысты знялі чарговы сюжэт пра палітвязняў

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

05 April 2025 14:01

💵Як беларусаў пераследуюць за данаты

Паводле інфармацыі «Вясны», за данаты ў Беларусі асудзілі мінімум 112 чалавек. Гэта асуджаныя паводле арт. 361-2 КК (фінансаванне дзейнасці экстрэмісцкага фармавання), арт. 290-1 КК (фінансаванне тэрарыстычнай дзейнасці), арт. 361-3 КК (удзел ці падрыхтоўка грамадзяніна Рэспублікі Беларусь на тэрыторыі замежнай дзяржавы ў ваенных дзеяннях без упаўнаважання дзяржавы).

«Толькі за апошні год намі ва ўзаемадзеянні са Следчым камітэтам выяўлена каля 70 злачынстваў, звязаных з фінансаваннем рознага роду дэструктыўнай дзейнасці», — заявіў начальнік упраўлення Дэпартамента фінансавых расследаванняў Камітэта дзяржкантролю Уладзіслаў Ларыёнаў.

🔹За данаты ў Беларусі асудзілі мінімум 112 чалавек. Прапагандысты знялі чарговы сюжэт пра палітвязняў