صنَـعـۛۛۛ♕ـۛۛۛـا۽ رَوَحُۧـ♡ـيَۧ

21 August 2026 00:39

- #النجد_الأحمر #إب

كانت اجواء الأمس 🌧️ ❤️


•| @sanaaroohi |•

صنَـعـۛۛۛ♕ـۛۛۛـا۽ رَوَحُۧـ♡ـيَۧ

18 July 2026 16:42

أزقة صنعاء القديمة .. مباشر♥️ .

صنَـعـۛۛۛ♕ـۛۛۛـا۽ رَوَحُۧـ♡ـيَۧ

30 January 2026 21:37

بين سطرٍ وسطر…
حكاية تشبهك،
ووجع يشبهنا جميعًا.
رواية يمنية نابضة،
لا تُنسى… بل تسكنك طويلًا بعد أن تنتهي.
👇
/channel/sanaaroohi2/36953

صنَـعـۛۛۛ♕ـۛۛۛـا۽ رَوَحُۧـ♡ـيَۧ

23 January 2026 19:38

♠️⁽ منوعات صنعاء روحي ₎ٌֆ ♥️

"أمّا خطايانا فأنتَ حَسيبُها
‏وبِكُلّ ما نُخْفيهِ أنتَ عليمُ
‏ويهونُ ما نلقاهُ من أوجاعِنا
‏ربّي كريمٌ .. والكريمُ رحيمُ"

•| @sanaaroohi |•

صنَـعـۛۛۛ♕ـۛۛۛـا۽ رَوَحُۧـ♡ـيَۧ

22 January 2026 19:56

♠️⁽ منوعات صنعاء روحي ₎ٌֆ ♥️

- محافظة المحويت - وادي سردد

بعدسة: Nezar Moqbel


•| @sanaaroohi |•

صنَـعـۛۛۛ♕ـۛۛۛـا۽ رَوَحُۧـ♡ـيَۧ

20 January 2026 21:06

الأرصاد يزف بشائر سارة بانكسار موجة البرد ويحذر من تقلبات بحرية خلال 24 ساعة.

بعد ليالٍ قاسية من البرد القارس، تحمل الساعات القادمة أنفاس دفء خجولة تبشّر بانفراجة مرتقبة في أجواء اليمن، حيث تشير توقعات الأرصاد الجوية إلى تراجع حدة البرودة وتحسّن نسبي في الطقس، بالتزامن مع تحذيرات مهمة للمواطنين ومرتادي البحر من تقلبات لا تزال حاضرة.

وفي هذا السياق، جدّد المركز الوطني للأرصاد الجوية والإنذار المبكر تنبيهاته للمواطنين، لا سيما كبار السن والأطفال والمرضى في المرتفعات الجبلية والهضاب الداخلية، بضرورة أخذ الحيطة والحذر من برودة الطقس خلال الليل وساعات الصباح الباكر.

ولم تخلُ النشرة من تحذيرات بحرية، إذ دعا المركز مرتادي البحر والصيادين في جنوب الساحل الغربي ومدخل باب المندب وغرب خليج عدن إلى توخي الحذر، في ظل اضطراب البحر وارتفاع الموج.

النشرة الجوية بمستجدات حالة الطقس المتوقعة خلال الـ24 ساعة القادمة

المرتفعات الجبلية:

أجواء صحوة وباردة أثناء الليل والصباح الباكر على المرتفعات الجبلية وأجزاء من الهضاب الداخلية مع احتمالية تشكل الضباب أو الشابورة المائية على أجزاء منها، ظهور قطع متفرقة من السحب الركامية المنخفضة نهاراً على أجزاء منها.

المناطق الساحلية:

أجواء غائمة جزئياً مع احتمالية هطول أمطار متفرقة على أجزاء من أرخبيل سقطرى والسواحل الشرقية والجنوبية والمناطق الداخلية المحاذية لها، الرياح نشطة جنوب الساحل الغربي ومدخل باب المندب وغرب خليج عدن تصل أقصى سرعة لها 25 عقدة.

المناطق الصحراوية:

أجواء صحوة باردة إلى باردة نسبياً خلال الليل والصباح الباكر، الرياح خفيفة إلى معتدلة السرعة مثيرة للغبار والأتربة أحياناً
ــــــــــــــــــــــــــــ

•| @sanaaroohi |•

صنَـعـۛۛۛ♕ـۛۛۛـا۽ رَوَحُۧـ♡ـيَۧ

20 January 2026 19:36

♠️⁽ منوعات صنعاء روحي ₎ٌֆ ♥️

صورة اليوم بعدسة المصور الفوتوغرافي اليمني المبدع: #علي_السنيدار
والتي علق عليها يقول: مع بزوغ أول خيوط الفجر، ينطلق الرجال من أعالي الجبال نحو مدرجات البن، يحملون على أكتافهم تعب الطريق وأمل الموسم.
خطواتهم تعانق الضباب في مشهد يلخص تعب الأرض، وكرامة العمل وأصالة اليمن. 🤍🌿

•| @sanaaroohi |•

صنَـعـۛۛۛ♕ـۛۛۛـا۽ رَوَحُۧـ♡ـيَۧ

20 January 2026 18:25

الاجنبيات مبتسمات مش فاهمات...

دعاء : ادخلين اجلسين، شويه وارجع لكن...

الاجنبيات دخلين الديوان بيشوفين الكرسي الي مجهز للعروسه...ويتسائلين بيناتهن البين ( ليش كرسي واحد ليش مش اثنين )!
دعاء لما دخلت ترفع قلصات القهوه سالنها وجاوبتهن .

الاجنبيه بصدمه: يعني العروسه تكون لحالها والعريس بمكان اخر ؟؟

دعاء : ايوه العريس يرجع بعد الزفه يجي ويتصورو وحدهم

الاجنبيات مستغربات(ليش؟؟) ويهزين راسهن اوكيه

بعد ماغسولين ولبسين وتصلحين وبداين يتجمعين بالديوان النسوان

الاجنبيات مبتسمات لهن بيتحيلين للبسهن...
سألين دعاء : ايش هذا الي على راسهن؟؟

دعاء : هذا لبس تراث يمني صنعاني اسمه( مصر طالعي)

الاجنبيه: يشبه لبس الملكه كانه تاج
دعاء ابتسمت لهن...
الاجنبيه: من اين نشتريه؟

دعاء( بالانجليزي ) : بعد قليل ستأتي إمرأه تقوم ببيع ملابس واكسسوارات

الاجنبيه : عظيم ، سننتظرها...


في الغرفه الي بيتصلحين فيها ليلى وصفاء ويتمكيجين هن وبنات خالتهن وخالهن ونسوان ..
البنات( ازال إجلال هديل هبه سميه) بيتفرجين وهن بيتمكيجين جالسات مراعيات يكملين ...
اول ماخرجين
هبه:كملين وسارين هيا يابنات نتمكيج ونتفرط ...

إجلال : ولو يجين امي وامش والله عتوقع لنا قتله

ازال: نفسي ادرا ليش عيب مافيها عيب نتمكيج
إجلال: قالت ماما ماتتمكيج البنت الا يوم عرسها امد توقع حاليه
هبه: ايوه اصلا ماعد توقعش حاليه لو تمكيجت قبل

ازال: بس عنمسحه
سميه: هيا يا ازال اختش بتفتجع لاتتمكيج
إجلال : انا شابسركن والعب معاكن تفرطه بس بدون مكياج مشتيش انضرب ، انتين واصل بتنضربين
ازال بدات تتمكيج : خطت الكحل لطرف عينها
سميه: جي ابترش ( اسوي لش روج)
ازال: اشتي هذا اللون

هبه: انا شفعلش عيونش
ازال: بشرط اوقع انا الحريوه حين تسريحتي ساع دلال حريوه عمي جمال

سميه: تمام وانا شاوقع اختش
هبه: وانا شامسك لش الشمعه
إجلال: وانا شازفكن...

كملين يتمكيجين
ازال: اول شي نخرج كلنا وانتين تدخلين المكان وبعدا انا شادخل وتزفني ساع الحريوه ...

دخلين هبه وسميه قبلها المكان يسلمين على المداكي والوسائد( على اساس انهن نسوان وضيوف)
واجلال دخلت ماسكه كرتون فاضي تقدم لهن القهوه ..
هبه: اسلمي والله مازيد شابعه

إجلال : هيا شلي قلص واحد
هبه شلت من الهواء قلص فاضي وشربته وطرحت القلص
ازال واقفه في الباب: مسرع شربتيه حامي

هبه: ماقبلش انتي حريوه لاتتدخليش..
ازال :هيا زفني تعبت وقفه خارج اشتي العب معاكن

جلسين يزفين ويحجرين
سميه خرجت تدعي اخوها : ياسام جي العب معنا
سام: اين العب!!! نسوان داخل ياخوشا

صنَـعـۛۛۛ♕ـۛۛۛـا۽ رَوَحُۧـ♡ـيَۧ

19 January 2026 18:16

♠️⁽ منوعات صنعاء روحي ₎ٌֆ ♥️

تصوير جوي لجانب من الألعاب النارية في ثاني أيام مهرجان العسل في نادي الوحدة بصنعاء

•| @sanaaroohi |•

صنَـعـۛۛۛ♕ـۛۛۛـا۽ رَوَحُۧـ♡ـيَۧ

18 January 2026 20:43

♠️⁽ منوعات صنعاء روحي ₎ٌֆ ♥️



الستارة الصنعاني لو تعرف طريق المحكمة كان راحت تشتكي بكم بهذلتوها في كل مكان.🤦🏼‍♀️
حطيتوها ديكور في الحيط وقلنا معلش
حطيتوها على الطربيزات والدسك وقلنا معلش
حطيتوها سفرة طعام على الأرض وقلنا معلش
تتفرش في الخروجات والحدائق وقلنا معلش
والآن أصبحت زينة فوق السيارات وداخل الباصات
وبعدين معاكم..؟!
منقول🤣✌️

•| @sanaaroohi |•

صنَـعـۛۛۛ♕ـۛۛۛـا۽ رَوَحُۧـ♡ـيَۧ

18 January 2026 20:30

♠️⁽ منوعات صنعاء روحي ₎ٌֆ ♥️

- جنان هذا مش طبيعي


طبعا المقطع منقول


•| @sanaaroohi |•

صنَـعـۛۛۛ♕ـۛۛۛـا۽ رَوَحُۧـ♡ـيَۧ

17 January 2026 22:45

ايمان انحرجت قدام نسوان إخوتها وبنات خالها وعماتها : يوه شكلهن حين الجهال بيرفسوا ماقدرين عليهم

ليلي : مابلا قلنالش رفاع الجهال ثاني و رفاعنا ثاني ...

ايمان ضبحت توترت وسارت ترفع بقصت قناتها وبتصيح: مالكن ماترفعين سوا؟

هديل: يمه إجلال اكبر واحده فينا ليش ماترفع هي؟؟ ولا اختها الي فارحه بروحها سارت تتكوفر ، واحنا نجي نرفعلهن وهن يزنطين

ايمان: انتين داريات كيف نسوان اخوالش يدلعنهن ويغنجنهن وسماجه، اشتي الناس يبسرو كيف بناتي اصغر واحمش منهن واحسن

هديل : حاضر

ايمان : هيا امسكي من طرف معي المفرشه نوضعهن وانتي ياهبه سيري ادعي إجلال تجي تدعس الوسايد
اقطبين سريع الان عيجين النسوان ...
دعاء دخلت شافت الغشايات حق الوسايد مرفوعه قوي: يووووو يا ايمان كيف الغشايات علقتيهن علاق وضعيهن سوا مالش
ايمان عصبت فوقها ناولتها بقيه الغشايات حق الوسايد الي في يدها : المفروض انتي يامحترمه تدخلي توضعيهن كيف تتحاكي معي هكذا

دعاء استغربت مالها معصبه : تمام ناهي قلي لي وشاسبرهن اصلا جيت اعاونش
ايمان : جي رفعي البيت انتي واسير اقرب معهن الغدا نسوان اخوتش كل واحده في وادي

دعاء: بطلي تتبلي عليهن والله إن مابش ساعهن بيشتغلين اكثر مننا

ايمان رجمت المدكا من يدها وخرجت...
في المطبخ النسوان بيغرفين الغداء ويقربين يمدين للرجال وهم يقربوا الاكل للضيوف داخل الخيمه

دخلت ايمان لاعندهن...
ايمان: بنتش يا صفاء وين هي سارت تتكوفر وبناتي رفعين عشر مرات والجهال بيرفسوا البيت

صفاء بهدوء: هي مكوفره اين عتسير لاتصدقي للمطابزات حقهن مش وقت جي ذلحين غرفي معنا بسرعه ، جي انتي امسكي المحشي وانا شاغرف الرز

ايمان: يو على قد برود فيش ما انتي ، مش انتي داريه وين بنتش مابحد هي

صفاء مطنشه وبتغرف الاكل وتعد الصحون كم قد غرفت وكم تزيد....

ليلى شافت سام جا لاعندهن..

سام: هياا ادو الاكل الباقي قد الناس ملان الخيمه فيسع

ليلى : سير ابسر اين ازال ، قالو مابحد

سام: مابسرتهاش من ظهر..

صفاء خافت: صدق؟؟؟ قوا سير ابسرها في الشارع.
ها شل الصحن هذا واخطى دلا لايتقلبين الصحون...
شاقربه لك واراعي لك هنا ، تردلي نابي، اسحبها من شعرها لو عاندت سع كل مره

سام: حاضر ..


بعد نص ساعه رجع سام والرجال قدهم مكملين الغداء...

دخل لاعند عمته: يا عمه صفاء ولا بقيت بقاله والحاره لقيتها من طالع لنازل مابحد والبيت مابحد ...

صفاء خافت قلقت دخلت تشتي تلبس البالطو...

سام سمع اصوات الرجال بيضحكواا ويتكلموا جري دخل الخيمه يشوف ايش في وصوت نسوان بيضحكين...


صفاء انصدمت دخلت تقل للنسوان صوت نسوان في الخيمه بيضحكين ....!!

صنَـعـۛۛۛ♕ـۛۛۛـا۽ رَوَحُۧـ♡ـيَۧ

16 January 2026 22:47

ليلى ضحكت عليها: كلهن بنات هذه الايام، تزوجنا كلنا جمعه في سنه واحده وخلفنا في سنه واحده

ايمان مقاطعه لهن: الا تربيتي غير تربيتكن انا وقعت ساع امي،خليت بناتي يتمهرين وانتين مكنتين البنات عادهن صغار ...

يااا هديل...ياااا هبه....ادخلين رفعين وكنسين سوا ، قد بينقل بناتي غير قوا لحبيبااتي بيضين وشي(وجهي)

هبه مسكت خصرها: و اجلال؟ و ازااال !! ازززال والله ماعتفعل شي ليش اما هي جالسه بتلعب في الخيمه والشارع

هديل: حاضر يا ماما

ايمان بهررت لهبه...

هبه خافت غيرت كلامها بسرعه: حاضرررر...

فاطمه شافت كيف بيتكلمين والبطاطه جالسه في يدها ساعه وهذك يتفرد عجين بنت الصحن وهي في يدها ساعه وقد بتتقطع مسكت راسها و دخلت رفعت صوت الزفه للاخير عشان لايقدرين يتكلمين ويسمعين بعض ....

مرت جيرانهم: مال البنات مكوفرات من صباح الصبح؟

دعاء : هن سارين امس عرس الحريوه وتكوفرين ويشتين يخلنها للزفه حق اليوم

بعد صلاة الظهر جهزين الغداء والشفوت والسلطات وفرشين الخيمه وجهزين الغداء ( سلطه شفوت سحاوق ملاعق )
والجهال بيلعبوا ويتسابقوا ويدورو حول الاكل ...
دخلت لهم الجده فاطمه بالعصايه ضربتهم وخرجتهم...
اول ماوصل العريس وقرحوا له...

ازال ماسكه شده قريح وبتولع

سام: قرب ونكزها

ازال خافت: رجمت القريح فوقه

سام سحب البخاخ الابيض من السياره وجلس يبخ فوق شعرها

ازال وهي بتبكي مسكت الكوت حق سام: التسريحه خربت والله لاغرمك حق تسريحه جديده سبرها انت ذاحينه والله لاتسبرها

سام دهفها : خبلا ابعدي من قبالي انتي والشعر هذا ساع المكنسه ياسعم اننا مكوفر

ازال وهي بتلحقه: والله لا رويك... والله لاندمك ...

عمها عبدالوهاب : مالش يا ازال ؟

ازال وهي بتبكي: ياعمووو ابسروا كيف خرب تسريحتي سام

عمها: الله يهديكم انا شاوريه ، هيا ادخلوا هيا عيجو الرجال
ازال: والله مالي دخل شاغرمه حق التسريحه

عمها ضحكك: تمام غرميه كيف عتغرميه؟

ازال: ادي حق الجعاله حقه حق اسبوع لاعندي واسير اتكوفر عند ام ضياء
عمها بيضحك على حذقها ناولها فلوس من جيبه: هذه ٣٠٠ حق سام حق الجعاله شليها تكوفري ...

ازال شلت الزلط وخرجت بدون ماتستئذن من امها...

عند ام ضياء ...
ازال ناولتها ال٣٠٠ يا خاله قالت امي كوفريني ..

ام ضياء : عاد فوقهن لي حق الفراتك والمثبت واللمعه ماجد حاسبني ولا حتى عزمتوني غدا الله المستعان

ازال : هو غدا للعريس للرجال ، كوفريني وانا اعزمش

ام ضياء تحيلت لها: هيا ناهي ال٣٠٠ حق ماء وشامبو اغسل شعرش اول

ازال: اسير اديلش شامبو من بيتنا ؟؟

ام ضياء : مع ،خليني اقطبش ونسير نتغدا يتمين الرجال وبعدا نسير

ت.ع.خ

صنَـعـۛۛۛ♕ـۛۛۛـا۽ رَوَحُۧـ♡ـيَۧ

16 January 2026 22:47

في حواري صنعاء القديمه كان بيتهم مميز جنب البيوت الي وسط الحاره ...
كان البيت الي طرف الحاره واكبر بيت فيها ( لذلك كان يفسحوا ( يعملوا العرس عندهم )
الجيران عندهم بالمناسبات)..
بيت كبير طابقين حوش كبير ، الحوش الخلفي للبيت
حديقه شجر فواكه مسوره بقفل عشان الجهال ...
والنص الباقي ساحه واسعه امام البيت وجوانبه فيها خزانات الماء ...
يسكن في هذا البيت الحج احمد و زوجته فاطمه
ابنهم الاكبر عبدالوهاب و زوجته ليلى وجهالهم
( سام ١٠ سنوات ، سميه ٨ سنوات ، سلاف٣ سنوات)

وابنهم الثاني عابد و زوجته صفاء
( إجلال ١٠ سنوات ، أزال ٨سنوات ، محمد ٥سنوات)

بنتهم الثالثه ايمان واطفالها
( احمد ١١سنه ، هديل ٩سنوات , هبه ٧سنوات)
بنتهم الاخيره دعاء
( اشرف ٦سنوات ، رشا ٢سنتين)

الابن الاخير للحج احمد ( جمال )

صباح يوم الخميس الساعه ٧ الصبح( عرس جمال)
الميكروفونات مفتوحه داخل حوشهم بس عشان لايزعجوا الجيران
النسوان من الاهل والجيران في الديمه ( المطبخ الي بالحوش ) بيطبخين والباقيات مفرشات وجالسات في الارض يقطعين ويتقهوين البن...

داخل البيت ..
الجهال كلهم راقدين في الحجره( الصاله) مفرشين بالوسط فراشات ووسايد البنات بجهه والعيال بجهه ومكان جدتها الي كانت راقده فيه ..مابحد يعني عتجي لهم ذلحين بالعصايه

ازال قامت فتحت البطانيه وبتشوف من حولها كلهم نوم شافت جدتها منشغله تكلم بنتها غمضت عينها بسرعه
بنت عمتها هبه بتشاورها
هبه: بتسمعي الزفه؟؟؟ قد بدأو العرس ؟

قاطعهن صوت الخفع فوق البطانيات بالخيزران

الجده : هياااا بيت عرس مايرقدوش قومين نافعين ورفعين المكان هذا هياااا

جمال وصل يسافطهم يسحب البطانيات من فوقهم ...
سام : ياعم بطل سفاط

جمال: مش هو سفاط هيا البس عنخرج ذلحين

ازال قامت جلست : كيف عتخرج وقد بدأت زفتك

جمال ضحك : ولو بدأت زفتي احتبس او ماهو ،
ازال: اجلس عندنا انت حريو ، لمن بنحتشر الحشيره هذه كلها ابسر ايحين قيمونا سعم انها مدرسه وانت عتخرج تلوي وتفتهن

سام بضبح منها: نخرج ياعم احسن من هذه الشعفله

جمال بيضحك عليه: وانت ليش رقدت هنا ياسعم انك جهال
سام بضبح واحراج : النسوان ملان البيت مابش لنا بقعه رصونا هنا
الجده: عادك جاهل وانت تحروا سكته لاتفعل لنا حرشه ولا عنشل لهم مكانك نتفاسح

جمال ضحككك افتجع من امه دهف سام وغطاه بالبطانيه وغطاه: والله اننا بينمززززح معك والله ...
قام يدغدغ الجهال كلهم صحاهم وسار يتجهز يلبس ويخرجو

صنَـعـۛۛۛ♕ـۛۛۛـا۽ رَوَحُۧـ♡ـيَۧ

16 January 2026 22:47

الرواية الجديدة للكاتبه عبير الكبسي

صنَـعـۛۛۛ♕ـۛۛۛـا۽ رَوَحُۧـ♡ـيَۧ

21 July 2026 15:41

- #دار_الحجر #صنعاء

#بعدستي 📷

•| @sanaaroohi |•

صنَـعـۛۛۛ♕ـۛۛۛـا۽ رَوَحُۧـ♡ـيَۧ

13 June 2026 15:04

اجواء إب اليوم - مباشر❤️

صنَـعـۛۛۛ♕ـۛۛۛـا۽ رَوَحُۧـ♡ـيَۧ

23 January 2026 19:41

♠️⁽ منوعات صنعاء روحي ₎ٌֆ ♥️


‏شاب يمني ، يشارك متابعينه صوره منذ كان في اليمن وبعد قدومه إلى السعودية، وكيف التغيير اللي حصل معه..

•| @sanaaroohi |•

صنَـعـۛۛۛ♕ـۛۛۛـا۽ رَوَحُۧـ♡ـيَۧ

22 January 2026 20:29

#الفلكي_محمد_عياش : أجواء مُغبِره نسبياً على معظم المناطق خلال الـ48 الساعه القادمه، مع تأثُر الأجواء بكُتله هوائِيه مُحمَّله بالغُبار واسع الإنتشِار مصدرها صحاري الربع الخالي، والذي يتركز تأثيرها بشكلٍ أكثر على مناطق شرق البلاد.
------------------------------
/channel/sanaaroohi

صنَـعـۛۛۛ♕ـۛۛۛـا۽ رَوَحُۧـ♡ـيَۧ

22 January 2026 19:56

♠️⁽ منوعات صنعاء روحي ₎ٌֆ ♥️

- ‏تحية لمثل هؤلاء الشرفاء المكافحين لكسب لقمة العيش بشرف (تحية لهذا الشبل العظيم )


•| @sanaaroohi |•

صنَـعـۛۛۛ♕ـۛۛۛـا۽ رَوَحُۧـ♡ـيَۧ

20 January 2026 19:37

♠️⁽ منوعات صنعاء روحي ₎ٌֆ ♥️

كما ورد تعميم صادر عن بنك اليمن الدولي بتقليص عدد الموظفين ابتداء من شهر يناير 2026م

•| @sanaaroohi |•

صنَـعـۛۛۛ♕ـۛۛۛـا۽ رَوَحُۧـ♡ـيَۧ

20 January 2026 18:25

سام: اين العب؟؟؟! نسوان داخل ياخوشا

سميه: اوقع الحريو بسرعه واخرج

سام: ابي قال اجلس في الحوش لو يشتو منفعه هم والنسوان

سميه: ابي في الخيمه في الشارع مادراه ياسعم انك سرت تنفع

سام: من الحريوه ؟

سميه: ازال
سام: الله يقلعها مشتيش اتزوجها قرده

سميه: مع والله انها وقعت حاليه مكيجناها

سام: بس خباله قدنا كبير مش انا جاهل العب معاكن

سميه: طز فيك والله لاتزعل ماتزيد تتزوجك عمرها

سام: احسن مقلع

سميه زعلت وبكيت منه (دخلت لاعندهن تقلهن..

ازال بضبح عقدت حواجبها مسكت خصرها : وانا شاوريه ولا يوم شازيد العب معه ولا شاحاكيه ولاشتزوجه يوم في حياتي ...

إجلال : هيا ننزل نلعب وقل في الحوي( الحوش )

ازال: اول امسحين المكياج ماما حنجا عيقصقصو وجهي

مسحين لها ولارضي يبتعد سوا

نزلين وازال مغطيه وجهها بيدها...

امها مسكتها: مالش؟

إجلال خافت تنضرب اختها : هي غاثيه حين مارضي يلعب معنا سام

امها : اسكه مالش ابسرش حاكيني

ازال : ولاشي شاخرج واسكت ماشبكيش

امها حست ولمحت عيونها مكحلات: ازاال تمكيجتي؟؟؟

ازال بعدت يدها من وجهها : مع قصدكم هذا ؟؟ هو شربت عصير فمتو وقع فمي هكذا
صفاء مبهررره: بتكذبي عليا؟لو حد يبسرش هكذا ماعيقلين عليش النسوان

ازال بخوف: ماشربش عصير عسب النسوان؟

صفاء: وتكذبي؟؟؟ وعيونش مالهن مسودات؟ وحواجبش من لطهن لش للطرف هكذا مخططات، ادي الصدق تمكيجتي؟؟

ازال:ايوه بس والله احنا لعبنا ومسحته

صفاء غسلت وجهها ومسحت لها وجهها : لو ازيد ابسرش والله لاقص فمش وعينش بتسمعي

ازال حست بجلافه امها وهي بتمسح لها: حاضررر

صفاء بعد مامسحت لها : اخرجي ولاتمهدين الفساتين وانتي يا إجلال بعيني شاوريش تبسري اختش وساكته بدل ماتدعيني

إجلال دهفت ازال: انتي اجلسي افعلي المصايب وانا عيوقع لي الضرب بعدا بسببش...

خرجين الحوش جلسين يلعبين وقل واتفتحي ياورده وغمايه وملاحقه....

وقت المغرب بياذن دعتهن عمتهن ايمان يدخلين يصلين
ازال: الكوافيره قالت لي ياعمه لاصليش
ايمان: صوووودق ؟؟؟؟ قالت لاتصليش تشتيش تدخلي جهنم

ازال: مع قصدها عتخرب التسريحه
ايمان: صلااااااه ،،،بتلعبين من اول وماخربت التسريحه قلي لها لو ماصليتي عتخرب صدق

بعد صلاة العشاء تجهزين البنات بالمزاهر الي فيهن شذاب وشمع وخرجين واقفات قدام جمال هي وهبه وسميه...
ازال جالسه تداهف هبه وسميه وتتوسطهن قدام جمال
سام صيح فوق اخته: ماقلتلكن ماابش خرجه
ازال: مادخلك انت ، امي حنجا قالو انا وسميه وهبه سهل نخرج وإجلال وهديل بس هن بيخزين

سام: لانهن احسن منكن وانتي ياسميه شاوريش
ازال لفتت لعمها تحارش: ياعمو ابسر سام بيهدد سميه عيضربها

صنَـعـۛۛۛ♕ـۛۛۛـا۽ رَوَحُۧـ♡ـيَۧ

20 January 2026 18:25

سام: انتي مجنونه تدخلي النسوان الخيمه لاعند الرجال بشعرهن

ازال : والله انهن من نفسهن ابسرين الباب مفتوح وفي لمبات وخيمه ودخلين .. احاكيهن ييياي النسوان من هنا وهن ولابيفهمين

سام: من اين عيفهمين بالعربي يابقره وهن اجانب

ازال: معرفش انجليزي مادراني.. هيا تستاهل انهن دخلين حين بتلاعن ماعدلا تحجبهن هن والكل مادخلك انت يخ كيف انت كريه خصمك شعر البنات ضروري تحجب الناس كلهم..


صفاء سحبت ازال من يدها بقوه: جي لهنا من كوفرش؟؟؟؟
قد بتلمعي ماهو هذا اللماع ؟؟؟ اين سرتي؟

سام واقف يتفرجها ويحانكها وامها بتهزئها

ازال: سرت تكوفرني لان هذا المجنون وسخ شعري بالبخاخ حق الثلج

سام انحرج: لاتصدقي ياعمه

فاطمه صيحت فوق صفاء: مش وقت اديها انا شابهذلها سيري قربي معهن ورفعين فيسع

ازال بدلع ومسكنه لجدتها: يامامه حنجا ( جدتها) والله انهم خربو شعري وسرت عند ام ضياء تسبره

جدتها شلتها على جنب وهي ماسكه يدها بقوه: جي جابريني ...

ازال : ماهووو ؟؟؟

جدتها : من حاكيتي انش عتسيري ؟؟من سمح لش !

ازال: اصلا محد فاضي احاكيه سرت بسرعه قبل ما تجي الحريوه..

جدتها:وتسيري بغير استئذان ؟؟؟ وتدخلي وحدش بيت الناس؟

ازال بخوف : كلكم مشغولين محد فاضي وعتقولولي سهل ومش هو سهل
جدتها: تيه(هذه) المره لش لو زد ابسرش تسيري بقعه عند حد وتدخلي بيوت الناس بدون استئذان ووحدش لاكسر ارجلش

ازال: ناهي
جدتها ببهرره: مايقولوا ؟

ازال: حاضر ..ومشيت

سام شافها بيلاحقها بعد التهزيئه : ابسري محلا اجلال وهديل احلى منش لو تفعلي مافعلتي انش قرده ...

ازال بكل ثقه بتدلع بشعرها وهي بتضحك: على حلاك تشبه الضفدع الي ذبحناه هذك اليوم...

سام : على حلاش انتي بتتخايل نفسها عروسه محد عيتزوجش ياشوعه

ازال بمحانكه : شاتزوجك انت وعلى عينك،، ياي لاتصدق نفسك شاتزوج احمد احسن منك وانت تزوج هديل او إجلال .

ومشيت بتدلع بخصلات شعرها المموجه خطوه يمين خطوه يسار

سام كان يشتي يسحب شعرها شاف النسوان بيدخلين ،،،،
خرج...

بعد ساعه النسوان كملين يتغدين

الاجنبيات يشتين يساعدين ويغسلين معهن

دعاء : لا

الاجنبيات: اكلنا مجان يجب علينا مساعدتكن في تنظيف الصحون ...

دعاء : انتين ضيوف وعندنا في اليمن الضيف لا يعمل،، يتم خدمته ..
ايمان:: ماقلتي لهن؟ بترطني انتي وياهن اجنبي
دعاء : قالت لها باليمني الي قالته لهن ...
ايمان: هنيت لعينش ياسعم انهن مسلمات نخدمهن ثلاث ايام ، خليهن يحشرين ويحمشين ويغسولين نقطب
دعاء: يو ما انتي اخس من فرعون ياختي عتخليهن يكرهين الاسلام..




( رجاء يكفي امس😐 تفاعلوا بنقطه، بيقيدوا عليا النشر ووصول المنشور)

صنَـعـۛۛۛ♕ـۛۛۛـا۽ رَوَحُۧـ♡ـيَۧ

18 January 2026 20:47

♠️⁽ منوعات صنعاء روحي ₎ٌֆ ♥️

احدى الدور اليمنية القديمة بنيت على سقف صخرة كبيرة على شكل صقر والمنزل في رأس الصقر #اليمن تاريخ وحضارة 🇾🇪😎

•| @sanaaroohi |•

صنَـعـۛۛۛ♕ـۛۛۛـا۽ رَوَحُۧـ♡ـيَۧ

18 January 2026 20:37

♠️⁽ منوعات صنعاء روحي ₎ٌֆ ♥️

"شوفو جنة الله في ارضه"
الجلسة في هذا المكان تساوي #العالم كله
ماشاء الله تبارك الله المنظر لايوصف سبحان الله العظيم.
طبعاً المكان محافظة #ريمة

•| @sanaaroohi |•

صنَـعـۛۛۛ♕ـۛۛۛـا۽ رَوَحُۧـ♡ـيَۧ

18 January 2026 20:14

صفاء انصدمت دخلت تقلهن في صوت نسوان بيضحكين والرجال بيضحكوا...

سام وصل و ازال واقفه وجنبها اجنبيات ( سُياح) مع شابين  بيصوروا ...
وجلسين ياكلين معهم ...
عابد شاف الوضع محرج بيكلمهن بالانجليزي إنه يتفضلين داخل بالبيت يقربوا لهن اكل نظيف جديد ( بيقنعهن باسلوب لطيف)

سام شلهن انت و ازال دخلوهن...
قامين النسوان والرجال يشتو يمشوا معهن
عابد مسكهم وقلهم بعاداتهم الرجال هنا والنساء داخل ...

اول مادخلين من الحوش شويه وقد النسوان محوشات بيتسمعين ويتشاقرين يشتين يشوفين من النسوان وايش قصتهن..

فاطمه: ياعقي عقاااااه إنا دخلين لاوسط الرجال هكذا...


سام بضبح بيقلهم: هي السبب ازال ادتهن معها..

الاجنبيات مبتسمات بيرحبين ويقولين واو اكل كثيررر وخارج سلاسل اضواء ولمبات ايش المناسبه؟؟؟؟

دعاء كانت تعرف شويه انجليزي جاوبتهن ودخلتهن الغرفه وبدأت تشرح لهن الوضع إن الرجال لوحدهم وهم لوحدهن

الاجنبيات: الاكل كثير جدا بالخارج اصناف متنوعه

دعاء بتشرح لهن في الاعراس ...
الاجنبيه رفعت الكاميرا تشتي تصور الحجه فاطمه ..
فاطمه : يعاووو زكاش عقلش لاتصوريني يا مدكومه

دعاء بتضحك: امي لا تريد اخذ صور من فضلكن لانتصور نحن النساء

الاجنبيه اعتذرت وفهمتها انها حبت لبس الحجه فاطمه
( كنت لابسه زنه( فستان صنعاني تقليدي من التراث) ولثمه ملس وسلس مرجان وفضه ..

دعاء بتضحك: يمه عجبهن لبسش  قد فهمتهن...

جين ليلى وصفاء قريبين لهن غداء ..
انبسطين وقربين يجربين الاكل وعجبهن جلسين يصورين الاصناف ويسالين دعاء ...
فاطمه شافت ليلى وصفاء : الرجال خرجوا سيرين رفعين وقربين للنسوان او عنتفرط مع هولا ونقلت الناس...
ليلى : هنيت لش يادعاء حين تعرفي انجليزي خلصتي من الغسوله والرفاع...

دعاء ضحكت.: شكلكن عتخلني اغسول حق النسوان الغسوله كلها

ليلى: يحمشين القمارى الي معش ثلاث جنبش وغسولين انتين...خرجت

الاجنبيه: كم كلفكم شراء هذا الطعام؟؟

دعاء: احنا طبخناه

تعجبت الاجنبيه انهن طبخين هذه الكميه كلها والاصناف كلها وجلسين يسالين كم استغرق وقت ومن ساعدهم

دعاء : شرحت لهن تساعدين النساء بينهن البين الجيران والاهل جلسين مستغربات ومصدومات الكميه الي شافنها بخيمه الرجال ( خمسين بنت صحن وخمسين صحن شفوت وصحون السلطه والرز وغيرها من اصناف ...الخ)

الاجنبيات : انتم رائعون جدا ، هل يمكننا حضور الزفاف معكم؟؟

دعاء : نعم ولكن يمنع تصوير النساء ...

الاجنبيات وافقين وجلسين يتغدين .


في الحوش ...

سام : من سمح لش تدخليهن من الشارع؟؟ انتي خبلا تدخلي النسوان بشعرهن لاعند الرجال

ازال : والله انهن من نفسهن

صنَـعـۛۛۛ♕ـۛۛۛـا۽ رَوَحُۧـ♡ـيَۧ

17 January 2026 22:45

ام ضياء : مع خليني اقطبش ونسير نتغدا ، يتمين الرجال اول وبعدا نسير ، ماقدرت للرفاع والغسوله،، كسرين ظهري امس كلهن اكوفرهن وعادو دين

ازال: انا شاقلهن يدين زلطش

ام ضياء : لاتقلي شي ولاشي ابردي عنراعي ، انتو تعرسوا وافتهنوا واحنا عنراعي

ازال: ناهي لاتضبحيش وتخلي تسريحتي شوعه

ام ضياء ضحكت: ناهي ، انتي امش عسل ولافوقها فلس ولا ماكنت شاكوفرش ، يعني شافعل لش تسريحه احلى

ازال مارايش حين ماتشتيش تسيري تغسولي مع بيتنا، افعلي لي تسريحه البلح وخلي شعري ساع تسريحه الحريوه حق عمي جمال

ام ضياء : يووو غبني عليها الحريوه هذه عتجي لاعند عماتش وامش وسليفتها، و زد ماذلحين قد انتين عتطابنين الحريوه وعادكن في القع

ازال ضبحت منها: هيا كوفريني ياخاله، مش انا داريه ليش بتكرهي بيتنا قوي

في بيت العرس

العيال كلهم بيلعبوا في غرفه صغيره نازل عند الدرج على طلعه الدور الي فوق ...

الحجه فاطمه بتسمعهم في الغرفه السريه حقها الي بتخبي فيها اشياء

مهمه في المغفره( نافذه صغيره ولكن في الجدر نفسه مثل الدولاب

يستخدموها يخبو فيها القلافد)

بيتضاربوا على الفلوس وهي نازله من الدرج


في الغرفه..
سام واحمد ومحمد و اشرف سميه وهبه...



سام بحماس وهو بيلعب بس مصمت الصوت حق التلفزيون لايصيحوا فوقهم بيلعبوا وقت الظهر وقت غدا وناس جايين

احمد: انتبه حقي الزلط جمعهن كلهن ولاتخلي فلس ، ابعد كذا شويه ايوه هيا جمعهم هيا سررررريع

سام : اناااا داري مالك دخل انت هن حقي كيف حقك هذا دوري ، تم دورك

فاطمه حمشت( رفعت او شمرت ) زنتها( ثوبها)
وبتنزل بسرعه تهرول من الدرج( ياسرق يا كلاب الله يلعن شيطانكم
يا...... سكتت لما شافتهم متحمسين فوق اللعبه الافلاس هن حق اللعبه...

جالسين قدام التلفزيون كلهم وظهرهم للباب دخلت دلا فتحت المغفره( بعدت قاروره صليد (زيت سمسم) والبودره حقها وقاروره كولونيا ( عطر) وعلبه خيوط وابر والمكحله( نحاس فيا كحل بودره يتم وضعه بحديده مثل الابره ) وبتره( روج سيدتي سحريه )
قلافدها.....الخ لقيت الشنطه المشططه الي فاعله داخلها كيس و وسطه علبه نيدو كبيره فيها افلاس خيراااااات ...تاكدت كل شي تمام قفلت المغفره بقفل كان معلق بحبل فوق رقبتها مع مفاتيح عشان المخازن والغرف بتقفل كل شي ...

سمعو العيال وهي بتقفل خافو طفو التلفزيون وهربوا وهي مش فاهمه مالهم؟؟؟ قفلت الغرفه بمفتاح وخرجت...

دخلت تفعل جوله في البيت وانصدمت !
خرجت تداعيهن
فاطمه: ايمان جي ابسري رفاع بناتش الي ركنتي عليهن الناس عيجو ادخلي اكنسي انتي فيسع

( مساء الخيرات)

صنَـعـۛۛۛ♕ـۛۛۛـا۽ رَوَحُۧـ♡ـيَۧ

16 January 2026 22:47

الجده بتلوي وتشرف على كل واحد دخلت المطبخ


فاطمه: من امس الليل بتقطعين البطاط ؟؟؟

ايمان: يوه يمه مابتبسروش كيف عيوني مورمات من البصل

قاطعتها دعاء : ماهوو؟؟
انتي قصيتي اربع حبات بسسس ترفيه..

الي قصقصين شواله بصل ليلى وصفاء

ايمان بضحك: لما تتكلم اختش الكبيره بطلي مقاطعه عيب خلي امي يرضوا علينا شويه انا وانتي ، قد الحب كله شلنه صفاء و ليلى بدلنا

ليلى بتخبز وهي بتضحك عليهن

دعاء ضحكت شافت ليلى: هيا افعلي لي خبزه مدهونه يا ليلى من يدش ابسري كيف دافعت عليش ...

الجهال خرجوا الحوش كلهم جنب المطبخ..

هديل: عياكلوا الخبز هذا كله؟
ازال شافت مرت عمها: يو ياعمه ليلى حرقتي ؟؟؟

فاطمه جدتها: ماتحرق الا الحميش اخرجين من هنا الاكل عيمتلي شعر وبعدا مالكن جالسات بالتسريحه

ازال: مشتيش اوقع حميش ، والتسريحه امد نخرج زفه عمو ..
وجريت تلعب

سام وهو خارج من الباب هو وعمه : مابش خرجه الشارع..

ازال فتحت الباب وخرجت: مادخلك شاخرج

سام: ياعم ابسر كيف بتعاند

ازال: ياعمو اشتي ابسر اللمبات حق عرسك

جمال: وانت مادخلك ؟

سام: بتخرج بشعرها مكوفره

ازال بمحانكه: عادنا شاخرج العشي امسك لعمو الشمعه والمزهريه والبس الفستان الابيض مادخلك انت

جمال مسك راسها وحبها( باسها) : انا فدالش يا روح عمو

سام دهفها وخرج : ياعم انت بتدلعهن و ابي بيصيح ليش ماصيح فوقهن وامنعهن

جمال بمسافطه: ناهي امنعهن يلعبين في الشارع بس مادخلك منها لو خرجت او بتغير عليها

سام: شلوها الجن اخس واحده بحياتي لقنه مستفزه

جمال التقى باصحابه بيسلم عليهم وعيال عمه واخواله وبداو يطلعوا السيارات..

في المطبخ...
فاطمه : اقطبين الساعه عشر وماقد فعلتين شي

ليلى بصدمه واحباط : امه فاطمه امس فعلنا عجين ثنتين شواااال قلنا نبكر نخبزهن الصبح والساعه ثلاث فجر خالتي صفيه قيمتنا نخبزززز ، افتح عيني على صياح قلك العجين خُمر ، ميه خبزه وتمين ربعهن صبوح وثنينا وعادحنا مافعلنا شي

صفاء بطبعها الهادئ الرايق شافت الساعه بيدها ضحكت: يوه مش هي الساعه عشر عاد الساعه٨ يمه الله يحفظكم سيروا ارقدوا شويه ردو روحكم من العشي وانتو تهمو وتلوو، كله عيسبررر..


فاطمه : ارقد ؟؟ الله يزكيش عقلش ، جي انتي ودعاء اكنسين البيت

ايمان: البنات عيكنسين

فاطمه: ياعقي مالكن مبوردات بنقلكن عرس عرس الناس عيجو ، كيف تركنين على كناس البنات؟

ايمان بنظره تباهي وترفع صوتها تسمع النسوان لطرف الحوش : بنتي بتفعل كل شي ونظيفه ومشحوطه عيجبرني بها ، احنا ودلع بنات هذه الايام

ليلى ضحكت عليها: كلهن بنات هذه الايام، تزوجنا كلنا جمعه في سنه واحده وخلفنا في سنه واحده

صنَـعـۛۛۛ♕ـۛۛۛـا۽ رَوَحُۧـ♡ـيَۧ

16 January 2026 22:47

وصلنا لعام 2026 عارفين إنه مواليد التسعينات أصبحوا ثلاثينات من أعمارهم والالفينات منتصف العشرينات بس كيف قضينا كل السنين الي راحت ؟
كنا نجتمع نذاكر جنب ابي وامي بين البرد تحت بطانيه واحده والعصايه تجي بالخطأ للي جنب المتنح وينظلم ،يمكن بسبب الضبابه الي فعلتها امي لما بخرت البيت عشان ندفأ وننتظر نخلص مذاكره عشان نتعشاء العشاء الثاني ايوه الثاني لان العشاء الاول كان غواث قبل المغرب يطلع طعم الغدا كله الي ماعجبنا لذيذ وقت المغرب ، اما العشاء الثاني كانت تجوعنا ريحة الخبز الدافيه وفته المطيط، اما الفول كان عندي فوبيا منه معرفش ليش احس بمغص يمكن لانه كان يذكرني باول ايام حياتي لما بدانا المدرسه ونصحى الصبح ولازم نصتبح بالبيت بالغصب قبل مانخرج المدرسه...
وننتظر نخلص ايام الاسبوع كلها عشان يجي يوم الجمعه ويجين بنات عمتي ويكتمل عددنا الاطفال في بيت جدي ونقدر نعمل فريق كبير بنات وعيال ...
معرفش ليش كنا نحب نلبس يوم الجمعه ملابس العيد بدون ملل ، وننزل نتسابق من صباح الصبح من يقطف نعنعه الشاي من الحوش...
والعصر نلعب ونعمل كعك وخبز وكيك بالخلب( الطين)
اول ماياذن مغرب نتسابق سريع من يلقف مكان قدام التلفزيون ويمسك الريموت عشان نشوف عدنان ولينا
وجدي وابي لما يجو يصيحوا فوقنا نصلي و العيال يخرجوا الجامع يصلوا واحنا نستغل وقت الاذان نركع سريع واحنا بنتشاقر التلفزيون لو بدات الحلقه...

ولما يرجعوا ضابحين فاتهم نص الحلقه نخرب تسريحه شعرنا احنا البنات قبل مايبدا تنمر ابن عمي الكبير ( ثقيل الدم) كان يسمي اي واحده فينا عامله تسريحه عبسي ( يداعوها العيال ياعبسي)
مازلت اتذكر لما كنت اتخيل نفسي انا وبنات عمي وعمتي وخواتي كيف بنكون عرايس ونتضارب من توقع العروسه في اللعبه ...
كان العيال يخربوا علينا أجواء اللعب بالمحارشه انحنا عملنا فساتين وطرحات بغشايات الوسائد حق الديوان ..

واحنا ننتقم لما نخرب دكاكينهم الي عملوها من مداكي ووسايد وهم بيلعبو ويبيعو كل تحف الديوان
وبعدها يزيد إصرار ابن عمي بكراهيته للبنات وانه مايطيقهن ويتعصبوا عشان ينتقما لدكاكينهم ونهرب البنات نحتمي بجدتنا وجدنا وهم يصيحوا فوقنا مغارب، تعوذبوا ، صلوا على النبي ...
ولا لما كنا نفتح سبيستون كوكب زمرده والعيال يهربوا لانه كوكب الفتيات فقط...
اشتقنا لعلبه شكلاته الكواليتي ستريت ولما تحبط وجوهنا لما نفتحها وداخلها خيوط وابر خياطه...
اشتقنا لقصص جدي وجدتي ومغامراتهم المضحكه،، اشتقنا للمه العيله قدام مسلسل الساعه سبعه...
اشتقنا لاصواتنا في الشارع واحنا بنلعب ( اتفتحي ياورده اتغمضي ياورده) ...

اشتقنا لاصواتنا في الشارع واحنا بنلعب ( اتفتحي ياورده اتغمضي ياورده) ...
ولازعاج العيال باصي باصي وشوته الكره الي تدخل حوشنا وتخليهم يترجونا ساعه عشان نطلعها ونشرط يروحوا يلعبوا حاره ثانيه...
اشتقنا للعزايم والاعراس والخيم الي كانو يعملوها بالحوش
ولسفره الاطفال الي يخلوها لحالها عشان الضيوف يأخذوا راحتهم...
اشتقت امسح خدي بطرف كمي بعد بوسه جدي وجدتي...

ونفسي اتذكر ايش كنا نتكلم انا وصحبتي ساعه بالتلفون الارضي !!!
جميل وهناء عدنان ولينا المحقق كونان كشكوش ،، يوميات ونيس ، ماروكو ، طمطوم، النشيد الوطني في التلفزيون بدايه اليوم في الصباح ...
اشتقت لدوري لما دخل حياتنا الاتاري..
وكنا ملوك ماريو..
اشتقت للقلم ابو اربعه الوان ومجله ماجد وميكي ماوس ..
لما كان الكرسي يكفي اثنين والبطانيه تغطي اربعه والغرفه ماتحلى الا بعشره..
هو احنا الي كبرنا ولا البيت صغر ؟؟؟
اشتقت لما كنا نتمدد في خانه السياره الليل لما يخرجونا دوره ( لفه) ونجلس نشوف النجوم ونعدهن واحنا مغطيين وجهنا عشان لايمتلي شامات..
ومانشرب الشاي عشان لانسود ويداعونا ياخادمه
اشتقت لاحلامنا البريئه وسعادتنا العفويه الي بتتلخص بابو عودي وفوقه شكلاته سندباد..
وسهره جدي وابي واعمامي ع عتبه باب البيت ...
كان يوسعنا كل الاماكن السفره والغرفه والبطانيه ويكفينا الاكل ...
كانت حياتنا حلوه توسع كل الغوالي،،،
كنا نعرف فيها من هم الجيران ونفكرهم اهلنا ...

( الرواية بتكون في أحد حواري صنعاء القديمه ، وفي الزمن الجميل ،
مختلفه عن قصة حب في صنعاء القديمه ، بس تشبه اجوائها وحياتنا هذك الفتره 😍 لو تحمستوا للبدايه
تفاعلوا فضلاً ليس أمراً ومنشنوا لكل من يحب الروايات وبالذات رواية حب في صنعاء القديمه)
عشان ابدأ لما يكون في تفاعل مناسب ❤️❤️❤️❤️

صنَـعـۛۛۛ♕ـۛۛۛـا۽ رَوَحُۧـ♡ـيَۧ

20 May 2025 23:58

كما ورد
اعتماد السفر للحجاج من مطار صنعاء الى مطار جدة مباشرة
إبتداءً من الاسبوع القادم بحسب تعميم الخطوط الجوية اليمنية
لوكلاء الحج والعمرة المعتمدون.