487
شاعر قصائد حسينيه منبريه .... ادعمنا فقط في الاشتراك للتواصل @Mert3338
(ثكيل للسبي )
حسين مايدري ابخواته ... سبي راحن للشماته
من الظلم ... ... ... محد سلم
__
ياناس هذا الجره ... الذبّاح حاس ابمفخره
الخيل داست منحره ... وضلوعه هم انداسن
جم مره صاحت زينبه ... يحسين خدر الله انسبه
كل العيال امدولبه ... أهل العفاف انشافن
محاوطهن الظالم بجيشه ... الموت أهون ولا العيشه
وضرب وشتم ... محد سلم
___
تتطوه وحدتهن طوي ... وماطايبه اجورح الجوي
دك الطبل يدوي دوي ... أبأسماع كل علويه
المذبوح ماجنه حسين ... جن خارجي عن الدين
جلمة الحك راحت وين ... جم فلس بيه مخفيه
المال أعمى كل بصيره ... بيهم وضاعت شكو غيره
ابنار الألم ... ... .... محد سلم
___
زينب ابمثابة ام كبل ... ويكلولها ابكل الحصل
هسه الوكت صعدها تل ... وين الجانت اميره
ابجم مصيبه محمله ... شيّبت زينب كربله
شافت صبر مااطوله ... وتاليها للشامت اسيره
مامتعوده زينب علمذله ... ولاماشيه والناكه هزله
والكل علم ... ... ... محد سلم
___
مكتوبه الاام تضوك ... وماوكفت رجل النوك
الا لمن طبت سوك ... وشافوها خدر امكبع
اهنا لسان الحق نطق ... خطتبها مو جلمه بورق
ومن القصر هل المنطلق ... وبدت والكل بده يسمع
ذلت يزيد وابن ازياد ... وذلهم بعدها السجاد
لبيع الذمم ... ... ... محد سلم
___
مرات تنقام الحرب ... بس مو بلسيوف وضرب
الخطبه هاي اكبر رعب ... هزت عروش وذلت
وبلتالي ينطاع القدر ... شاء الله نفديه النحر
وشاء الله يسبون الخدر ... وارسالة الحق وصلت
مشروع الحسين الفاز ... أحدث بل الإسلام انجاز
ثورة قيم ... ... ... محد سلم
الخادم: عباس محمد الحميداوي
محرم الحرام
جميع دروس المقامات الفرعية والاصلية تجدونها هنا👇🏿👇🏿👇🏿👇🏿👇🏿
https://youtube.com/channel/UCz03jT4unuka51X7foOyXcg
#دعم_مؤسسة_منبريون_الحسينية_رقم3
#ملاحظة_الدعم_3_ساعات_وينمسح_من_القناة
الشاعر ابو احمد الطائي
@sadqdd
انين الطفوف ام يحيى العبودي
@amyahaaaleabude
الشاعرة نشوان الكناني
@Nshwan_1999
تعليم الاوزان فالح العامري
@abooredha
الشاعر عباس الصالحي
@AbbasAlsalhi
الشاعر فاروق العيساوي
@faroqesavi
الشاعر عباس المجتومي
@abaas997
الرادود علي الدلفي
@aliali12345aliali123
الرادود علي الحبيب الغزي
@Mulaali4
الشاعر والرادود جهاد السلطاني
@jahadsoltani
الشاعره كلثوم الساعدي
@ailyihg
القارئ والناعي عصام المحمداوي
@vkhhgfffggg57812
الشاعر ابو قسور العويدي
@fff45
ملا عمار الديباجي الحسيني
@afghgghhh
الشاعر حميد الشويلي
@hameedd100
الشاعره ام سعد الشمري
@um1966ahmed
الرادود محمد ابو سجاد الكعبي
@mngfuy
الرادود أمير الفتلاوي
@amarr_hasnn
الرادود عبد الزهره الركابي
@ksaiabmolahna
الرادود شهاب الشغانبي
@mnfvgbb
الرادود فارس المرياني
@almreaniy93
الرادود غازي الساعدي خادم. العقيلة
@KHADAMALAQELA
الملحن الملا فلاح الغانم
@almulla8800
الرادود احمد المياحي
@ahmedalmayah
الرادود سيد منتظر الموسوي
@Muntazar_ALMussawi
الرادودو السيد باسم الموزاني
@hussienbnAli
الرادود منير القريشي
@muncf
الرادود حسين القريشي
@krehte
الرادود شهاب الموسوي
@saidshehab27
الرادود والناعي ابو زينب المحمداوي
@a_1959
الرادود ملا عمار العامري
@Aamra3456
الرادود علي الشبلي
@ali_alshble
الشاعر منتظر الكعبي
@juhsa
الناعي ابو زينب المحمداوي
@a_1959
قصائد على لحن باسم
@qwergtyyuujjjjjkk
آه يادمعة رقية خاصة
@deaa1989
ملا علي يوشة
@MullaAliyousha
الناشر خادم الخدام
@alialaialai
قصائد زنجيل
@zngel1441
النعي والرثاء لمجالس سيد الشهداء
@AL_Nay_and_Alrthaa
محاضرات وقصائد ومعلومات
@Alhasasn18
صوت الحسين لنشر القصائد
@hkcjhfjoggohcc
فخر المخدرات زينب لنشر القصائد
@sxggnj
ويبقى الحسين لنشر القصائد
@qqq88997ffff
الشاعر رائد البزوني
@HassanKarim7
الشاعرة ام علي افضل الزينبي
@omali1290
رابطة مسلم ابن عقيل عليه السلام
@mslmapnAGyel
الشاعرة زمن حاتم الربيعي
@pntAlMirza_zamn
اشعار زينبية فاطمية
@najiqq
الشاعر محمد الشريفي.
@mlamemd
الرادود ابو محمد الدراجي
@jabeier
الشاعر ازهر الزيدي
@qwqerd
الشاعرة ام ليث
@Yazahraaa655
الشاعر عمار الغزي
@nnrjsb
الشاعر والرادود عقيل الكرعاوي
@akeellll
الشاعر كرار الزهيري
@uyyrew
الشاعر جاسم العامري
@jasemalameri1999
الشاعر مهند الدريساوي
@mohaneedatea
الشاعر حسين الطائي
@handresalrekabi
حسنين المحنة
@azlvideo123
الشاعرة ام علي الموسوي
@zxop1222
الشاعر السيد محمد الموسوي
@qwertyuiopasdfghjklasdfbnm
الشاعرة رافضية وافتخر
@vgdtyhjj
الشاعر ابو سجاد الجعفري
@abosajadaljafre
الشاعرة هاجر الزينبية
@HH_7W15
الشاعرة فضيلة هاشم الموسوي
@dmoh91
الاستاذ مريم
@Mulla_Maryam
الشاعرة نور الحساني
@N_H_313
الشاعر عباس محمد الحميداوي
@qs3qw
قصائد زنجيل
@alhusseinabaabdlah
الشاعر احمد الميالي
@Ahmedalm313
الشاعرة ام الحسن الزيدي
@umalhasn
الشاعر محمد ابو باقر الحجي
@mohammed_alhajiy
قصائد حسينية شور
@alimtmf
الشاعر حسن نعيم العبادي
@Hnaeem
الشاعر باقر علاء
@baqir_alaa1
يتم الان نشر قصائد محرم 👇👇👇👇
/channel/+QYhwKvqAiD7e_b1P
[ليلة السابع ... عن لسان الحوراء زينب عن علمت بمقتل أخيها فقالت للحسين ١٤٤٥]
العايفله اخت وسط الخيم ... اعيونها تناطر علم
... وملهوفه
امتانيته عباس يعود ... واعدني متروس الجود ... من جفوفه
*_*_*_*_*___***
ابوعد الكفالة طالبت وحك الأخت تطالب
يم حيدره وكال الكمر زينب بهذا الشارب
وحسين من كد الضمه نازل بعينه الحاجب
وعبدالله غابت بسمته والضمه ضل ما غايب
من الماي ناشف حلكه ... عباس مايك ملكه ... لطيوفه
وحاضر يضل اوموجود ...واعدني متروس الجود ...من جفوفه
*_*_*_*_*___***
ماراح ايس وانتظر و طبع اليئس مذموم
عباس اعرفنه وفي مو امس وهسه واليوم
مااقتنع درب النهر بل العكسر اعليه ملزوم
كلي اذا لاحج عطش اترسلج الدنيه اغيوم
كلي العطش اشحده ويمر ... إعدام أصدر بلنهر النهر ... وجروفه
وجا غير دلالي يهود ... واعدني متروس الجود ... من بجفوفه
*_*_*_*_*___***
مجاي اصدك موتته العباس وانسه الصاير
كافلني هوه بطلعتي وشلون ارجع باجر
عباس ابروحي عدل ماياخذه كل عاشر
وشعجب عينه غمضت وحسينه ابلا ناصر
مو تدري ضال ابوحده ... العكسر وحيد يشاهده ... بهل الشوفه
ماعطله كطع ازنود ... واعدني متروس الجود ... من بجفوفه
*_*_*_*_*___**
من طاحت الخيمه بعد طاحت الخوه وياها
ماكالي حسين البكه ابراسج مشه وهداها
اتخوصر وكلي تره الموت ابعجل سواها
عباس مات ودنيتي اضلمت علي بضواها
ماكلي اموادع موت ... بلكلب ماضل بتوت ... أعلى حروفه
علمشرعه يضل مدود ... واعدني متروس الجود ... من جفوفه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وهذا خبر موتك تره شعّب كلبي اوضعي
ماسولف عن اللطم وماسولفت عن دمعي
عباس روحي امدوهنه كتلها مات اقتنعي
جاليش ماكتلي ابشغف مني يخويه اتودعي
لحّت روحي بالعتب ... تفاركني يبن امي انكتب ... معروفه
من الخيمه طاح العامود ... واعدني متروس الجود ..من جفوفه
الشاعر عباس محمد الحميداوي
١٤٤٥.٢٠٢٣ محرم الحرام
(ثكيل ... ليلة العباس .. لسان حال زينب عندما رأئت الحسين راجع من مصرع قمر العشيره )
حسبالي كفيلي ونتي تجيبه
راجعلي امحمل راسك ابشيبه
مشيتك شيبتلي حتى رمشي
مشيتك شيبتلي حتى رمشي
*_*_*_*_*___***
انه والعباس جنه انسولف كلب ابكلب
حتى مانبرتي تظهر صعب علكافل صعب
جان يسمح اثر رجلي لو تمشينه بدرب
سيرتي عنده خدري وحّرامها أعلى الكتب
حسبالي يجي وخابت الحسبالي
مو يدري علينه يالاخو غالي
اخر كلمه كلي زينب امشي
مشيتك شيبلتي حتى رمشي
*_*_*_*_*___***
كلت هسه حسين يرجع ويجي وياه الكمر
اول الراحو هذا ابموته ماشعت الخبر
حيرتك ترسمها عينك ومبّين لجرحك اثر
خيمته طيحتها صعبه وصعبه ظهرك ينكسر
اناظر خيمة العباس مهدومه
اذا ظهرك لاخوك انكسر مالومه
اذا مات ابو فاضل مات كلشي
مشيتك شيبتلي حتى رمشي
*_*_*_*_*___****
عوداني دوم اضلن صابره اولا امئسيه
ومن كثر بجيك لخيك ارياكك هل يابسه
بدون ماتحجيلي مات الجنت بيه امنومسه
اوينها التكدر نعاوي اعليه تنعى من النسه
خويه أتأكدت يحسين يحسين
معقوله تركنه وغمض العين
متفقين هو ايشيل نعشي
مشيتك شيبتلي حتى رمشي
*_*_*_*_*___***
ادري وصاك ابوصيه وراح اكلك يبن أم
كلك لمصرعي لاتجيب اختي زينب تنهضم
يستحي اعليه يناظر وبل الكفاله ملتزم
عين لاكه السهم بيها وعين جامد بيها دم
وجايبلي فقط بس رايته وفرسه
الكلي الماي المعطشج فلا لمسه
ابدمتعج كلي نحر حسين رشي
مشيتك شيبتلي حتى رمشي
*_*_*_*_*___***
انت تدري وانه ادري الدنيه مصخت لو رحل
يخازر الشمس ابعيوينه لو تطّلع لاخته ضل
راح اصيحن وراح الطم واتصور جني كبل
صحت وينك يبو فاضل يبو فاضل وماامل
يعني مات لمن نزفن اجروحه
تره العباس زينب ريته وروحه
يجفوف القدر بكليبي نهشي
مشيتك شيبتلي حتى رمشي
الخادم: عباس محمد الحميداوي
محرم الحرام
ليلة السابع .. ليلة ابو الفضل
(ثكيل ... عن لسان الامام الحسين عندما وصل الى اخيه بعد سقوطه على النهر)
اكعد شد حيلي ياعباس اتخزم ... مو مالت اعيونك يغطيها الدم
جبت كل الدرب حاير ... واكولن ربي اشصاير
معقوله الكمر طاح ... معقوله الكمر طاح
_
من اكلك اكعد انه هواي محتاج ... اريدن ظهري اعدله
وتعرف كلب ياهي الناطره اهناك ... البخدرها مستضله
مصيبة ولدي وانصاري يعباس ... اكبالك كلها سهله
وشماتي ابقصد نشدوني اعليك ... فشله تموت فشله
فتشت عينك فتشت شمس هاي .. يله انسه المواجع وكوم وياي
كلبي من الحزن شاجر ... واكولن ربي شصاير
معقوله الكمر طاح ... معقوله الكمر طاح
____
يعباس الاخو يمتلك كلبين ... كلبه وكلب اخيه
يحس من اخو عنده واكع بضيج ... ويدور عن تجيه
بيت الجنه بيه نكعد يعباس ... وكع اسا عليه
ذبح روحي سكوتك اونتك هاي ... الوت جف اديه
انكسر ظهري يخويه وبانت الخله .. دربي تيهته وصرت ماندله
تكوم وياي انه مناطر ... واكولن ربي شصاير
معقوله الكمر طاح ... معقوله الكمر طاح
___
الصوت بصوب وانه اركض على صوب ... واختل وضعي وكياني
وحيلي اشما احشمه يجيبني احذاك ... صوب الهم خذاني
سهم عامي عينك وانه فركاك ... رمح صدك عماني
جنت بكل محنه انته سند ظهري ... لون الهم لفاني
وهسه نحل جسمي واذبلت قوته .. وتعرف الزلمه حيله من خوته
اعلى جرحك تصعب نكابر ... اكولن مدري شصاير
معقوله الكمر طاح ... معقوله الكمر طاح
___
احاجيك شعجب ماتلتفت ليش ... شعجب بردت جمرتك
دباصرني يخويه وهبني الراي ... عذري شنهو لختك
شكلها البكه براسج لو شكولون ... احجي انه اعلى بختك
كبل لاتلطع وهيه بقلق حاد ... وخافت من لجمتك
خافت ماترد بس اخبارك ترد ... لذالك قررت اعلى الباب تكعد
خويه وضلت اتناظر ... واكولن مدري شصاير
معقوله الكمر طاح ... معقوله الكمر طاح
___
يخويه انهض بداعت امسامري وياك ... يبعد اهلي وكعدتي
بداعت سهم عينك والاداب ذاك ... الما خالف كلمتي
كسر العظم يجبر بكلشي ويطيب ... بس كلي ابكسرتي
محني وروحي تجمع كومة اعذار ... يروحي انته وسلوتي
شنو عباس نيتك تترك اعضيدك ... اريدك انه خويه وزينب تريدك
تدري جرحك اشكاسر ... واكولن ربي شصاير
معقوله الكمر طاح ... معقوله الكمر طاح
•••••••
خادم ابأالفضل العباس .. عباس محمد الحميداوي
(القصيده مهديه الى سيد الماء ابي الفضل العباس لقضاء حاجه مستعصيه )
(ثكيل ..عن لسان ابي عبد الله الحسين )
تروح من يمي يعباس .... بظهري شو بين كسر
استوحدتني عكبك الناس ... شراح اكل لأم الخدر
آه .. ياحيل الحسين ... آه ... مكطوع الايدين
___
خويه من شفتك صريع تشمتت بيه الغرب
وارجعت والظهر محني وضعي اي كلش صعب
ولمن شافتني الحزينه وحدي جاي بهل الدرب
نشدت وكالت يخويه والدمع منها يصب
حسين جاوين الكفلني .... عباس شو مارد الي
والظهر شو توه محني .... وينه ابن حيدر علي
آه ... زيدت الونين .... آه ... مكطوع الادين
_____
ومن درت بيك العقيله خويه مرمي علنهر
اولاجفوف البكن عندك والسهم طفه النظر
كالت اي حكك يخويه ظهرك اعليه انكسر
الاخو لا مايتعوض اومايرده النه الدهر
فراك اخو مثله بجماله ... وبيها لحضات الوادع
يعني بيه غيره وبساله ... وغيرته بيها اطباع
آه ... كلبي حزين .... آه .. مكطوع الادين
_____
جنت عسكر خويه وحدك والعده منك تهاب
اوبعدك انه يابو فاضل تنسلب مني الثياب
والضعن يحدونه غربه يعني يحمونه الاجناب
خويه والخدر المدلل ينلسب منه الحجاب
خيم ماتبكى للزينب ... تحتمي من العده
كوم وانهض يابو فاضل ... حسين ضل لوحده
آه ... رحت انته وين ... آه ... مكطوع الادين
_____
ارد اعاتب خويه اسمع خويه ارجوك العتاب
الطفل ناشفه ارياجه اوضنها ضل بيك الرباب
تجيب ماي لهل اليتامى وينتهي هذا المصاب
كوم وانهض كبل اخيك لايطيح اعلى التراب
خويه خاف ينجرح كلبه .... ويطيح من ظهر المهر
كوم واسكينا بجربتك ... العطش ماخذ جم عمر
آه ... بعين اليقين .... آه .. مكطوع الادين
____
انته كافلها ياخويه وحامي للحدود الخيام
ادري لايمنه ولايسر عندك بفعل اللئام
كوم عبد الله يريد الماي مايريد السهام
كوم اسكيه من فراتك شويه بس خليه ينام
من العطش يون سكته ... وينحب وامه تون
واني بحضيني اخدته ... وسهم ذبحاه بشجن
آه ... دمه سال اعلى الوتين ... آه .. مكطوع الادين
___
زينب التعتب وتكول شنهي هاي الفاجعه
تكول باجر لو رجعت واشوف ام الاربعه
راح اكلها فده احسينج وراح كبله للمصرعه
جنت ايساري ويميني الوكت شنخو يرجعه
نايم وسهم بعيونك .... وماتشوف الي جره
زينب تلم بل يتامى ... والخيام اموجره
آه ... كوم ماضلي معين .... آه ... مكطوع الادين
الخادم : عباس محمد الحميداوي
محرم الحرام
نعي ليلة العباس
___
الامام الحسين يخاطب الامام العباس حين الوداع ...
لو رحت خويه عدواني تجسر عليه بعد
وانته خيمه على زينب شلون لو طاح العمد
الاخو يحتاج لخيه وانته الي تدري السند
يلوج الحزن بكلبي لوجة فاكده وثكلى
وبعيد الشر على كلبك خبر فركاك نتحمله
شلون تريد نصبر وصوت البجي مايعله
خويه انته رايح وحيلي رايح تعنه وياك ويهم
وراح يوج كل دليلي وتشتعل روحي بألم
يمته ترجع وارد وافرح وانظر يرف العلم
الخيم ماتنجهب عكبك واطب واستضل بضلها
والنفس يختلف لو رايح الحياه كل طعم مالها
ارجع لخاطر ايتامك رد لختك يمن انته كافلها
بعيد الشر على كلبك تروح وترد ليه اردود
الكومه تصير والكعده برجعتك حيلي هلمعكود
سلام الله على عينك سلام الله على الزنود
نتفارك يخويه شلون والله وياك ماترهم
مو هذا الهوه نشمه بفركاك احنه نشتم هم
بداعت امك روح بس لاتكطع بدرب الخيم
____
فرح ردت بحياتي وراحه ريدن
من كثر مانشفت دمعي راح الردان
زينب بكت تنطر راح اردن
واكلها حسين ضل ابلا اخيه
ضلام بطيحتك خيم تره سماي
الوحيد ابلا نفس روحك تره اسمي
تجيني اسكينه وتكلي ترس ماي
عمي من النهر مارد اليه
بيت الدمع راح ابني وسكناه
وروعي اشلون اصبرنه واسكنه
شكول لزينب بفكدك و سكنه
اكلهن راح عباس من اديه
الخادم : عباس محمد الحميداوي
محرم الحرام
[ نزلة ليلة الأنصار ١٤٤٥]
الهوسو كدامنه ... ذوله من ازلامنه
الهم فعل يوم الحرب يفرحونج ام عون
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يم عون ذوله الي اجو اربات الطلابه
وذاكه حبيب الي يشد عينه بعصابه
ارضعو من در الوفه وكلهم نجابه
والموت ويانه صبح محد يهابه
ماهابو الموت ... صاحو فرد صوت
وكلنه فداء لشيبتك كامو يصيحون
الهم فعل يوم الحرب يفرحونج ام عون
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أهل السيوف الباشطه كشخة الحومه
بيهم حبيب وشيبته كمر ونجومه
ومجنوني عابس لو برز يشكك هدومه
النصراني يترك زوجته وعرسه ويومه
ابن النصارى ... ويه الغيارى
بتراب هايه المعركه بصمه يخلون
الهم فعل يوم الحرب يفرحونج ام عون
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يترسها كاع المعركه جون من عطره
اسود اللون ابطلته وجاي للنصره
اتبيضت عدنه نيته ومعتلي قدره
ابلمة ربعي هم بعد فرحت الزهره
فرحت بل الانصار ... صحباني الأبرار
منهم وداعت شيلتج ماينخطف لون
الهم فعل يوم الحرب يفرحونج ام عون
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جا ذاكه ابن عوسجه مسلم اطفوفي
وهذا برير ابجبهته ناقش احروفي
محلاها فزعتهم الي بت علي شوفي
من افراكهم باجر صبح هسه كل خوفي
أهل الشهامه ... ربعي النشامه
لو فاركتهم والنظر يطفى بالعيون
الهم فعل يوم الحرب يفرحونج ام عون
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابمثل الوفه البيهم ابد لا ماكو مقياس
وعيونج اعشكهم عشك كلبج لعباس
وبذوله حكي افتخر وحك ارفع الراس
تدرين خدرج مارضو يالحره ينداس
والمن تخافين ... من ربع الحسين
زينب وبعدج خايفه من ربعي اشلون؟
الهم فعل يوم الحرب يفرحونج ام عون
# الشاعر عباس محمد الحميداوي
١٤٤٥.٢٠٢٣ محرم الحرام
نزله ليلة الأنصار .. الحسين يتكلم مع زينب لدور الانصار)
شفت نياتهم ...اعرفت غاياتهم
باعو الدنيه يزينب واشتروني
وبغدير الطف كلهم بايعوني
*_*_*_*_*_*_*_*_*_*_
طاعتي وحبهم اليه يزود لا ماينقص
ذوله صحباني الأجلنه ارواحهم تترخص
أجتمع بيهم حبيب وكالهم خصاً نص
حسين مو بس سواد العين بل كل الفص
حبيب كلوبهم ... انه محبوبهم
انموت وياكم يزينب عاهدوني
وبغدير الطف كلهم بايعوني
*_*_*_*_*_*_*_*_*_*_
اجتهاد بحوزة التضحيه الكل مستحق
ودرجة حبهم اليه ماكو بيها كل فرق
امتياز بدرجة عالِ عدهم بل النطق
ومايرد الا شهيد يدري كلمن يلتحق
اكلهم باجر ... نموت نسافر
امنيه الموت يزينب جاوبوني
وبغدير الطف كلهم بايعوني
*_*_*_*_*_*_*_*_*_*_
انه وين الكه رفاكه مثل ربعي القاده
النسب مو ساده كلهم وفزعو وي الساده
ماكو واحد اتمنى موته ولمن اكبل راده
وربعي اي واحد اكله تموت احس ابسعاده
طاهرة مرضع ... عدهم اجمع
نسو الكلشي يزينب مانسوني
وبغدير الطف كلهم بايعوني
*_*_*_*_*_*_*_*_*_*_
لكهف بيت الرساله بدينهم جأو فرار
النه يازينب مهجهم انطو وهذا انتصار
ومن ديوان الصحابه اعلنو هذا القرار
لو نموت اكبالك احنه لو نعيش الانكسار
شكلهم شحجي ... الوفاء ايبجي
بهل الفعل والله يزينب حيروني
وبغدير الطف كلهم بايعوني
*_*_*_*_*_*_*_*_*_*_
شوفي جون والجمال بيه ضل يتأمل
ومنهو بيهم يبت حيدر يحتاجله يتغربل
الحمله مايل بربعي ذوله يختي يتعدل
اتحدى واحد عنده صحبه مثلهم وافضل
أصحابي تجاره ... مابيها خساره
ضلي مرتاحه يزينب ياعيوني
وبغدير الطف كلهم بايعوني
الخادم : عباس محمد الحميداوي
محرم الحرام
نزله الى انصار الحسين )
اجن رايات سبعين .... ذوله انصار الحسين
ياحي الله الانصار .... ياحي الله الانصار
___
هيبة اضعون التعنت تسوه جيش ابن سعد
اصحاب تصدق من تصاحب مايخلفون الوعد
جايبين شكد مواقف وصح قليلين العدد
نظرت الحره لضعنهم وكالت اللهم زد
مثال الصاحب الزين ..... ذوله انصار الحسين
يا حي الله الانصار .... ياحي الله الانصار
____
محملين الغيره كلها يسولفون اعلى النصر
شايلين الخوف كلش ابالهم فنه يمر
محزمين لكل كلافه كلبوهم دله وجمر
كاتبين اعلى المخيم الف لعنه اعلى الشمر
النه الكل قرابين ..... ذوله انصار الحسين
ياحي الله الانصار ... ياحي الله الانصار
____
انزلو بطف زلازل وكسفو اعيون الألوف
طافو التضحيه كلهم وموت فوكاهم يطوف
سجلو بدفتر عشكهم حسين مانكدر نعوف
وقعو لقرب الشهاده ونسوه شي يّسمى خوف
بدماء اموقعين .... ذوله انصار الحسين
ياحي الله الانصار ... ياحي الله الانصار
____
وثّقو بطف ثبات وسوو الماهو يصير
انهم فتية عرفو احسين الاول والاخير
نعمَ المولى مولاهم ثم نعمَ للنصير
صارو احزام ابو اليمه حين ناده هل مجير
نزلو للميادين .... ذوله انصار الحسين
ياحي الله الانصار ... ياحي الله الانصار
____
سيوفهم تنكط شجاعه منكعه ملوحة عشك
عاشكين الموت بينه ذوله صحبان الصدك
كالو اكبال العقيله ثايه للصحبه ندك
السيف هو الكراب احنه شلون بله ونفترك
صح همه قليلين .... ذوله انصار الحسين
ياحي الله الانصار .... ياحي الله الانصار
_____
ربك الانزل الحسين وزلمه ذوله الحافظون
طلكو كلشي واجونه الغايه النه ينصرون
اذا جاء نصر ربك فلح بيها المؤمنون
الموت ماخشعو منه لخدر زينب خاشعون
استحو خاف مقصرين .... ذوله انصار الحسين
ياحي الله الانصار ... ياحي الله الانصار
الخادم : عباس محمد الحميداوي
محرم الحرام
ليلة الانصار ... ثكيل ...( عن لسان الحسين يخاطب نفسه عن موقف انصار عليهم السلام )
لااعلم اصحابً خيراً من ازلامي
وينطون الارواح اعرفهم كدامي
الكبل الحيهم متحضرين ... هنيالك بيهم يحسين
حي الله انصارك ... حي الله انصارك
_
عن لسان حسين كل هذا الكلام ومحتواه
قره كلوب انصاره كلهم والرد منهم خذاه
يسمع من انصاره كبله نموت مانبكى وراه
نعيش ويموت ابو اليمه هل العمر من امداه
لو هيج الصاحب لو ماريد الصاحب
واحدهم غيره فاض وكاض الشارب
بس تأمرهم منتظرين ... هنيالك بيهم يحسين
حي الله انصارك ... حي الله انصارك
____
الما شغهلم عني شاغل الطلكو نسوانهم
اسمائهم خطها الوفاء شكد صعب نسيانهم
الذبو دروع المعارك ولبسو من اجفانهم
اخوان لو صحبان رايح يضل عنوانهم
فزعتهم بيها اتشيم هاي الفزعه
وتجازيهم بل المحشر امي البضعه
ذوله انصاري السبعين ... هنيالك بيهم يحسين
حي الله انصارك ... حي الله انصارك
__
جف مكاود جف تكول جنهم سلسله
همه سبعين ومواقفهم تحمل قافله
عندي شسع نعولهم تسوه سنان وحرمله
من حرورة انفوسهم عطشت الدنيا وكربله
شمحلى وكفتهم واحد بصف الواحد
يكلولي احنه جنودك وانته القائد
اعرفهم كلهم كلفين ... هنيالك بيهم يحسين
حي الله انصارك ... حي الله انصارك
___
اتساوت قيمة الحر والعبد بين صفوفهم
سبع اشواطاً الغيره واجب من اطوفهم
الخوف مو لرواحهم اعليه كل خوفهم
ويبرد كلب العقيله لمن يمي تشوفهم
هنيالك يحسين هواي بهيج ازلام
منهم وكفو اي والله وثلث انعام
الكالو زينب لتخافين ... هنيالك بيهم يحسين
حي الله انصارك ... حي الله انصارك
____
من زهير ولعد جون ولعد الشيبه حبيب
ولعابس ولبن اوس ولعد الشايل صليب
وكل الانصار لجلي اكلوبهم تلهب لهيب
كلهم يكلولي باجر تشوف الام شتجيب
ويه اعدائك عدنه طلابه مامفضوضه
وكل عطوه وهدنه هلمره مرفوضه
الكالو نرجع منتصرين ... هنيالك بيهم يحسين
حي الله انصارك ... حي الله انصارك
••••••••••
الخادم : عباس محمد الحميداوي
محرم الحرام
(نعي ليلة الانصار )
كبل لا ينداس خدر العايله
خلنه كدامك نموت بهل الفله
يابو سكينه خل نموت بكربله
كبال عينك اسمحلنه بلقتال
خلنه للصحبه نحط اعظم مثال
هاي انصارك يريدون النزال
كبل لا خدك تلوحه هل الشمس
خلنه اكبالك نضحي بهل النفس
الموت شنهو وياك شو يحلى نحس
__
بعد ماقتلو الانصار وكأن الحسين يخاطبهم ....
شحلات المه حين اكبالي كلكم
وهسه ولا احد ضلالي منكم
اطب واطلع كمت واشتم خيمكم
تانيت وندهت هواي لجن ايست هلمره
جنكم ماتردولي اشوفنكم على الغبره
يمن ماقصريتو اهواي منكم تتشكر الزهره
_____
وكأن الانصار يقولون للحسين ....
يزف الموت خل بينه وله نهب
مانخاف المنيه احنه ولها نهاب
نموت ولا بنت بلطف لها انهب
تراجي والاذن تنزف جريه
المنيه وياك مبغانا ولها نصر
وكل لزينب احسينج له انصار
سور بأمرت الكافل لها نصير
وحاشا اعليها تنكال السبيه
الخادم :عباس محمد الحميداوي
محرم الحرام
الابيات مهداة الى روح الشيخ عبد دويش الحميداوي وجميع ارواح شيعة امير المؤمنين
قصيده نسائيه ١٤٤٥
تعبانه زينب بلطم عينوها ... تعبانه زينب بلطم عينوها
وكفتها كوه زينب تعرفوها ...تعبانه زينب بلطم عينوها
لا ابو يمها ولا أم ولا خوها .. تعبانه زينب بلطم عينوها
بناكه هزيله رايح يركبوها .. تعبانه زينب بلطم عينوها
ماجان ضنها العدو يسبوها .. تعبانه زينب بلطم عينوها
أعلى المجالس رايح يدخلوها ..تعبانه زينب بلطم عينوها
وين الهواشم كون ويلحكوها .. تعبانه زينب بلطم عينوها
ابديرة الغربه شلون ويعوفوها ... تعبانه زينب بلطم عينوها
المن تنادي اخوانها وذبحوها .. تعبانه زينب بلطم عينوها
وسفه الشماته بسوكهم جابوها .. تعبانه زينب بلطم عينوها
تبجي والعدوان ميخلوها .. تعبانه زينب بلطم عينوها
ابدروب شوك وياوسف مشّوها .. تعبانه زينب بلطم عينوها
كصت اديها احبالها فكوها .. تعبانه زينب بلطم عينوها
على المشرعه عدوانها مروها .. تعبانه زينب بلطم عينوها
وين العشيره الجانو يحموها .. تعبانه زينب بلطم عينوها
ابنص الخرايب بت علي يبّتوها .. تعبانه زينب بلطم عينوها
ام الخدر بعيونهم شافوها .. تعبانه زينب بلطم عينوها
اجروح ابمتنها بلطم داووها .. تعبانه زينب بلطم عينوها
هاي الغريبه كامو ينادوها .. تعبانه زينب بلطم عينوها
ابيش زينب العدو يطلبوها .. تعبانه زينب بلطم عينوها
الخادم : عباس محمد الحميداوي ١٤٤٥.٢٠٢٣
[نزله ليلة مسلم ابن عقيل ١٤٤٥]
اتخليها الطف يامسلم ... وغّرك كوفتهم بلدم
حيلك من عمك حيدر ... ماتتعب ماتستسلم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شد اعليهم يبن الزود ... وخلي الكوفه الغوث اتصيح
وجفيتك هاي البراس ... بالك يبن الساده اطيح
دليهم ابدورب الموت ... ودرب المهرب خله اشحيح
ابحر وتتلاطم امواج ... خلي الكوفه بدم اتسيح
منك لاترضى يشردون ... مسلم خليهم يبجون
وحدك ومجهزيلك جيش ... ومنهم منهو اليسلم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الناوي يتبارز و ياك ... ودع اهله وجالك
من كد خوفه أتراجع كال ... اتبارز وي اخيالك
الما لاكاك ابدربه اشبيه ... ناشف ريجه وهالك
اشحال الكوفه بذاك اليوم ... ماننشد عن حالك
ندريبك كالبها ازماط ... وتهوس بيها برباط
عركه اوي الساده تصير ... واعلى العركه امعّلم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زلم اتساوت وي نسوان ... ابيوم الراكب مهرك
ولازلمه المامره الخوف ... يدعي يكون يعبرك
أعلى اخشوم العدوان تدوس ... محد جان يكدرك
اتحارب والعباس وياك ... وببن العم شد ظهرك
منهو اليكدر ويلاويك ... تهجر الكوفه والله ادريك
منهو الحط عينه ابعيناك ... ومارد لهله امثلم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
طوعه اتزامط بيك الكوم ... تكلهم شوفو اشسوه
اتهلل بت إكرام الناس ... ابهلهولتها اتكوه
عطشان اتكلهم ادريه ... وبيهم سيفه اتروه
فوك اسطوح بيوت الناس ... ماضل ميت جوه
أعلى الحطيان امشمرها ... من اليخات يجرها
مسلم مايتكابل دوم ... مايرجع ويتقدم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تكص السان اكبار الكوم ... امزلزل كاع العركه
مابيهم واحد غثاك ... الا وحلكه تفركه
الاكبر منتظرك تنخاه ... وياك اهنانه تشركه
يّدرب للطفوف حسين ... وماينطيهم فكه
حسينك مستر بهل الحال ... ويتنطر منك مرسال
يمتى تكله الكوفه اتراب ... صارت ها يبن العم
الشاعر: عباس محمد الحميداوي
١٤٤٥.٢٠٢٣ محرم الحرام
(لمسلم ابن عقيل.. وكأني بحميدة ابنة مسلم لما علمت بشهادة ابيها قالت إلى اخويها)
يمسح على راسي هاي اكبر علامه
يعني انجتل مسلم وصرنه من اليتامه
ياابراهيم وينك ويامحمد ... ابونه مات ماضلانه احد
وصرنه من اليتامه ... وصرنه من اليتامه
*_*_*_*_*_*_*_*_***_
يخواني كعدت و جان الحسين اعلى راسي تمسح ايده
ماكالالي بلسانه الابو مات والبكه براسج حميده
يجر بجدمه كوه كام الحسين ومشه لخيمة عضيده
سمعته نشغ نشغه وشبك عباس اون ونه شديده
يكله احزامنه البكوفه هم تدري اخباره
انرمى مسلم ياعباس من قصر الاماره
انه اهنا لطمت ايدي علخد .. ابونه مات ماضلانه احد
وصرنه من اليتامه ... وصرنه من اليتامه
*_*_*_*_*_*_*_*_*_*_
سمعت عمتي زينب بجه حسين والكافل تفرع
ذب أعمامته واتوسد الكاع ورادت روحه تطلع
وشك ثوبه عليه حسين نصين ابن الليث الانزع
سمعته يصيح ابن عمنه وسف مات وصوابي توسع
وطبت عمتي للخيمه ومذهوله انظرتها
طلعت لخيمة النسوان وبسرعه اتبعتها
ذبو الأبيض وخل نلبس اسود .. ابونه مات ماضلانه احد
وصرنه من اليتامه ... وصرنه من اليتامه
*_*_*_*_*_*_*_*_*_*_
وصلت باب صيوان النساوين زينب ابكذا عثره
والتمن اعليها الهاشميات وكلهن ابفرد نبره
شنهو الصار ماتحجين يم عون الدهر معروف غدره
منهو المات كالت مسلم المات كضى بلكوفه عمره
ضن جان بس صدمة خبر كلش ثكيله
انه حسبالي من الفركه متوفية العليله
اثاري والدي الرايح ولارد ... ابونه مات ماضلانه احد
وصرنه من اليتامه ... وصرنه من اليتامه
*_*_*_*_*_*_*_*_*_*_
بأن أعلى الهواشم فكد رجال واسم من الاسامي
صار البجي هو حجاية تنكال عد كومي وعمامي
علي الأكبر يسئل والده وكال صدك الضرغام ضامي
يكله اي يبويه مات عطشان اواساني ابخيامي
يكله امهلو كوه يصلي بس ركعتين
كمل وكال مسلم سلام اعليك يحسين
انرمى وانجر وبلسوك امدد .. ابونه مات ماضلانه احد
وصرنه من اليتامه ... وصرنه من اليتامه
*_*_*_*_*_*_*_*_*_*_
شنصلي الوحشه هسه مدري يخوان الوحشه تجينه
غايب جان ابونه وحاله ابخير اوهسه شلون بينه
نترجاه يجي وينصب اله الحسين خيمه تلم بنينه
مسلم اسلم الروح اوفه اونال الشهاده لأجل دينه
سفير حسين ابونه ولااكو اقصور ابمهمته
ايواسي حسين ابونه حتى ابحز ركبته
ثقة الحسين بوالدنه اتسجد .. ابونه مات ماضلانه احد
وصرنه من اليتامه ... وصرنه من اليتامه
خادم مسلم ابن عقيل : عباس محمد الحميداوي
محرم الحرام
للشعراء والرواديد أول تطبيق لطميات مكتوبة ببرمجة عراقية يمكنك نشر قصائدك والمشاركة يحتوي على 10 اقسام للقصائد
https://play.google.com/store/apps/details?id=com.ltme1eit
ليلة -السابع
[قصيده عن لسان الامام الحسين لما جاء إلى اخيه ابا الفضل العباس ١٤٤٥]
عباس كلّت حيلتي ... شمتت أعداي بحالتي
لو ترد وياي والمكفه اعدله
لو ارد محني شتشوف اعليك سهله
تردني مكسور ... تردني مكسور
..............................................................
كابرت ياما كابرت حاولت اعدل ظهري
هذا الكسر مو من جرح بلروح صاير كسري
تعثرت جم مره وطحت ضليت حاير بأمري
مدري اجيلك لو ارد للواعدتها انتظري
عباس أوجد يادرب ... والظهر متنسده غرب
هسه توني اعرفت هم للخوه عله
لو ارد محني شتشوف اعليك سهله
تردني مكسور ... تردني مكسور
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياغربة الماعنده اخو ويردون كطع أنفاسه
يصيح الغريب لكل لهله ومامن خبر من ناسه
وحسين فاكدكم سوه والهظم طب لحساسه
ويدري بعد موتك شمر ياخذ لزينب راسه
لحضات واصعد عالرمح ... حالتي ماضن تنشرح
وكلبي شيجاوب زينبك لمن تريد تسئله
لو ارد محني شتشوف اعليك سهله
تردني مكسور ... تردني مكسور
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عباس اذا من ايدي رحت راح ارد بس اتعثر
عباس اذا تضل منطرح فكّر بحال الخّدر
ولحضات واواكع عالرمل انهض بعد مااكدر
وزينب تطلعها العده أطر الزلم بت حيدر
التل يتاني اجدامها ... وانه انذبح كدامها
عباس حط بيدي عذر لسكنه ورباب ورمله
لو أرد محني شتشوف اعليك سهله
تردني مكسور ... تردني مكسور
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لمن سمعتك صيّحت كلبي وكف مدري يدك
اتمنيت لحظات الطحت اسندك كون ملحك
مارافع لعينك طرف بوجهي ودوم مدنك
افراك اخو مثلك شهم عباس كلش يخنك
ياهوى الريه الدافي ... من نومتك مو كافي
منظر كسرتي للعدو عباس كلش يحله
لو ارد محني شتشوف اعليك سهله
تردني مكسور ... تردني مكسور
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شما اجمع الذكرى الجنت عباس بيها امهندم
تتطشر بلفحت هوى وادري بعد ماتتلتم
كون انه ميت وانذبح عباس وانته التسلم
ماكو شمس والها ضوه عكبك الكون واظّلم
كلشي تغّير لونه ... وحالي يخويه شلونه
ودرب الخيم لمن متت شو ماندله
لو ارد محني شتشوف اعليك سهله
تردني مكسور ... تردني مكسور
# الشاعر عباس محمد الحميداوي
١٤٤٥.٢٠٢٣ محرم الحرام
( نزلة ... شجاعة ابا الفضل على لسان الحسين عليه السلام ١٤٤٤)
يعباس مناطره اختك ضاله
يعباس ترد عليه أن شاء الله
الطف لهسه دايخ ... بيك اخيّك كاشخ
يعباس ترد عليه أن شاءالله
----------------------------------------------------------------
مو فقط جود اعلى متنك شلت واكلبت الحرب
شلت عافيتي انه واختك العينها صوب الدرب
الموت خايف من خيالك شحده لو يمك كرب
الهوه يستأذن لريتك يابو فاضل لو يطب
يعباس الهوه اتخوفه انفاسك
يعباس شمحلى غترة راسك
الطف جمالك دارخ ... بيك اخيّك كاشخ
يعباس ترد عليه أن شاءالله
------------------------------------------------------------------
الك راي ورايه رفت بسوح معركة اليقين
والك ثلث اخوان بلطف من ذراري أم البنين
ماسمعت بيوم منك خويه كتلي ياحسين
جنت تندهني باامامي وكلبك اشكد بيه حنين
يعباس اقصور ابد ماشايف
يعباس بصدر موتك واكف
الموت شارد صارخ ... بيك اخيّك كاشخ
يعباس ترد عليه أن شاءالله
------------------------------------------------------------
كلبي اوكلب اختك من بعيد وهم عرف
زوهر الشط وابو فاضل نزل مترهي وغرف
اباب خيمتنه اوصلنه صوت عسكرهم رجف
الكاع كالت يابو فاضل حملي زاد وانخسف
يعباس الكاع زاد احمولها
يعباس صولها انت وجولها
ابجفك شكد كافخ ... بيك أخيّك كاشخ
يعباس ترد عليه أن شاء الله
--------------------------------------------------------------------
من النجف حيدر اجاهم لا ابد مو مستحيل
الموت طب وسط المعاره هذا بتّار الكفيل
تاهت الحومه عليهم والكمر هو الدليل
عفيه يبن امي يمرهب يا ابو حيل الثجيل
يعباس اتخيلت مشرادهم
يعباس عفيه سيفك صادهم
اظهور كاسر فاصخ ... بيك اخيّك كاشخ
يعباس ترد عليه أن شاءالله
-----------------------------------------------------------------
ثكل سيفك من دماهم والضربه جانت قاسيه
ماكو زلمه صدك زلمه اتبارزك بس فاهيه
مكبره سوه نهرهم ساجيه اتكل ساجيه
خبط صافيها ابو فاضل الكوم شردت حافيه
يعباس واحد انته لو الف
يعباس الماركض يشرد زحف
عباس شامخ شامخ ... بيك اخيّك كاشخ
يعباس ترد عليه أن شاءالله
الخادم: عباس محمد الحميداوي
١٤٤٤.٢٠٢٢ محرم الحرام
(شوط كربلائي الى ابا الفضل عليه السلام )
ملك للمشرعه العباس ... ... وعلى الشاطي صبح حكمه
خزينت دولته جوده ... ... ورضات اسياده التهمه
__
ملك ماوطئ عرش الكاع ... بكلب زينب صبح عرشه
ملك حير اصفوف اعداه ... ياصف يلكه يفلشه
عنده اعداه صم حنطه ... يلمه بكيفه ويطشه
ملك عطشانه ارياجه ... ... وحسين عمامته وتاجه
يأشر على الماي يطب ... ... بجربته بدون مايلمه
_____
تره كشاخ ابو فاضل ... والدرع شي ثاني ملبوسه
شيخ وطلع صوب الماي ... وشافو شنهو ادروسه
بس لمن برز عباس ... علشط سكتت الهوسه
اليفك حلكه غده بحرفين ... يشطره الكافل لنصين
كتيبه ينحسب عباس ... من زوده وكثر عزمه
____
العمامه آل هاشم هاذ ... والابو حيدر شنو يطلع
بوفاء حار كل الكون ... وقليل شمه احنه نتوقع
جفوفه من دنت للماي ... نوى اعلى جفوفه تتشلع
حس ببرودته اشوايه ... تتجه وكام علرايه
هيهات اشرب وعطشان ... كال حسين ابو اليمه
_____
يتلضى من العطش ممدود ... عبد الله انه عفته اهناك
والمواعدها اجيبن ماي ... وكالت عمي الله وياك
شجاوب فاطمه وامي ... لون كالتلي وين ارباك
لون مارضت عني امي ... وتكلي ليش يانشمي
وشتفيد الصلاه والصوم ... العنه المارضت امه
_____
جربته بمتنه والعدوان ... دروب النهر سدوها
من مهره لحضن حسين ... هوه من جربته ارموها
جر راسه ولخوه يكول ... جبهتك من يخضبوها
منهو اهناكه اليعينك ... ويمسح دمه البجبينك
بوفاء ويه اخوه حسين ... معنى الخوه اليرسمه
_____
وعظيمه منزلة عباس ... والباري بيها العالم
لذالك لحد هذا الحين ... وماتخفى اعلى كل فاهم
اله راية ستر واصلاح ... لون تتعارك الوادم
من مملكته هاي تضل ... على الاصلاح من تنفل
واله رايه اعلى راك الماي ... بسمه الشاطي بقت نجمه
••••••••
الخادم : عباس محمد الحميداوي
محرم الحرام
(القصيده مهديه الى السيده شريفه عليها السلام )
(ثكيل .. على لحن قصيده قادم محرم )
جاوينه عباس الشهم كافلي ... وكل هلي ... ونفس من انفاس اخته
الماي ردنه وكالي ادللي ..... بت علي ... وراح للمشرعه شفته
ماي الاخذ مني ابو فاضل .... ماريده ياشيخ المحامل
عباس وينه .... عباس وينه
_
راجع وحيد ابلا كمر ... كلي شحصل شنهو الخبر ... بكفالي
ضهرك عدل شبيه انكسر ... بس لا العباس بخطر ... يلغالي
جاوبني يلبيك النظر .... مليته ملاني الصبر .... يوالي
بغلاة الخوه وينه خويه كلي عن كفيلي
عهد كالالي اردن انتي بس خويه اندعيلي
على حارس خدرنا بلوجل شو حس دليلي
عاهدني يرجع ياذخر للخيم ... بل علم ... والنهر كله يجيبه
يرضى برحيله اني اعيش بألم ... وبهضم .... وشلون خلاني بمصيبه
شمر الذي يحدي الاصايل .... ماريده ياشيخ المحامل
عباس وينه ... عباس وينه
_
متخوصر وحيلك ضعف ... وعيونك الدمعه تزف ... للجفونك
جن هام عباس النزف ... وبزنوده ماباكيله جف ... ويعونك
الرايه طاحت لو ترف .. جاوبني ياشيخ السلف ..من عيونك
ضواي وكل مناي انته شحصل شنهو الجرالك
شنو اسباب الذي متعبه الكلب ومغيره حالك
اعوذ من الهضم لو مر يخويه بضل خيالك
خطوات مشيك مال واحد فكد ... السند .... وكبش كل هاي الكتايب
هديت من خيمت اخوي العمد ... ياضمد ... اجروحي بهاي المصايب
ليش الدمع ياخويه هامل .... ماريده ياشيخ المحامل
عباس وينه ... عباس وينه
____
توصل وترد عندك حجي .. ومذبل اعيونك بجي ... من الخوه
مو طبع عندك من تجي .... ايدك بظهرك بلمشي .... بس كوه
ا تعيبان اعليه انتجي ... طولك غصن ابلا سجي ... وتتلوه
اريدك تحجي لاجن دمعك يوازي بكلمتك
لمن رديت اليه من النهر كوه وعرفتك
تون ون الثكالى من بعيد انه وسمعتك
تصفك اديك بحسره دون الامل ... وبالاجل ... والدمع ينزل ابسكته
تعاتب الموت تكله ماتمل ... من الاهل ... شكد خذيت وياهو عفته
ظهرك عدل بس هسه مايل ... ماريده ياشيخ المحامل
عباس وينه ... عباس وينه
___
جنك حمد بلا بسلمه ... وعينك غيمه وهامله ... من احزانك
عطشان لكلمه هلا .... من ذخر طاح بكربله ... من اخوانك
لاجم دليلك حرمله ... رامي سهم وموصله ..... للقرأنك
علامات المصايب لاحن وخوفي بخطرهن
و ترتل دمعتك قرب النهر نزلن سورهن
يمن فدوه لعيونك ولبجيهن ولنظرهن
خيط الشمع حالك يخويه صفه ...اوطفه ... نور اخر شمعه عندك
روحك من كل كتر شو نازفه ... ومؤسفه ... من ترد ياخويه وحدك
ياريت شهر الحزن ماهل .... ماريده ياشيخ المحامل
عباس وينه .... عباس وينه
____
نشغت كلب بيه السهم ... روحك مثلومه ثلم ... ومالومك
راجع ودمعك كله دم .. باجي بكثر دمع الخيم .. بدمومك
طاري النهر يلجم لجم ... من تسمعه ترد تنصدم ... بهمومك
يشاطي دمعتي يابهجه الهادي وخصاله
انه بشارب كمر يم النهر تو اعتناله
انشدك عن ذخرنا عل ولي راعي الكفاله
متوضي وجهك ياشهم بلدمع ... اوركع ... ظهرك وصلى كيانك
عباس شو راح وبعد مارجع ... ولاانسمع ... صوت من نبرة حنانك
وجيش العده للخيم واصل .... ماريده ياشيخ المحامل
عباس وينه .... عباس وينه
الخادم : عباس محمد الحميداوي
محرم الحرام
(نعي عن لسان ابو الفضل والإمام الحسين عليه السلام)
منك سمعنه تصيح احضر
يحسين اخيّك هل تكنطر
بعامود راسي هل تطشر
انكسر ظهرك اي توزر
مكفاك شيعدله أعلى حالي
يحسين اعوفك مو ابالي
تالي ابغدر انجتل تالي
جم نفس دلحك جن بكالي
ولو ماراح اشوفنك بعيناي
هاي الدم عليها وطافيه هاي
تركض مدري تعثر يل الاخو جاي
اسكينه وشتكلها الرايده الماي
مايحتاج اختنا من تكللها
راح الذي من الأهل كافلها
طيّح عمد صيواني وتدنه الها
على خوتنه بالك كون تسئلها
الحسين يجاوب العباس ....
شكللها اختنه انجان نشدتني
اسكت لون بضلع امي حلفتني
أكلها الدنيه تاخذ ليش عافتني
امشي محني ظهري شلون خلتني
يعباس الاخو فيات اله اشكد
ومجان الاخو ماعوضه احد
يمصباح عاشر كونه اسود
خذه مني اخيي وحيلي انهد
الابوذيات ...
تضل امدد أعلى النهر مو حل
ويحالي بعد شحجي مو حال
افراكك جم عظم بعضاي مو حل
وجم كسره البظري يلشفيه
عليك الحيل يابو الفضل منهد
وعليك من البواجي بعد من هيد
انه ميت لون تدري منهد
وداعك ذاك وشبكاتك اليه
عباس محمد الحميداوي ١٤٤٥.٢٠٢٣
تم بحمد الله نشر قصائد الليله السادسه 👆
Читать полностью…
ليلة- الأنصار ١٤٤٥
[قصيدة رئيسيه ليلة الأنصار... عن لسان الأنصار يخاطبون الامام الحسين عليه السلام ١٤٤٥]
تم اكتمال العدد ... سبعين واحد جاي
ميهمنه نعطش بعد ... شوفتك عدنه الماي
يحسين انصارك ... يحسين انصارك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لمن اجينه لكربله غايتنا نرفع همك
وعدنه قضيه سيدي وخلي تكون بعلمك
احنه الذي كبلك نهد ونلاكي لازم خصمك
بوجودنه وداعت علي ماتكع كطره لدمك
جا غير اعز من النفس ... يابعد هاي وهاي
مهيمنه نعطش بعد ... شوفتك عدنه الماي
يحسين انصارك ... يحسين انصارك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اختيار من الله بل حتى اختبار لربعك
الله ميريد النه ننظر سيف يبتر صبعك
والا من ناصر تصيح مايريد نسمعك
وليش تفرك يمنتك وغورك الجفن ابدمعك
من هسه جن اتحيرت ... يحسين بالراي
مهيمنه نعطش بعد ... شوفتك عدنه الماي
يحسين انصارك ... يحسين انصارك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
دورت الحاجب سيدي عالعين داروه حولك
خلينه ننطيها الركب أأذن لنا يكلولك
لو عدهم أغلى من العمر يحسين هم يفدولك
ودهم يضل كحل النظر يحسين سالم طولك
ماتفكد العباس ابد ... ودهم يمولاي
مهيمنه نعطش بعد ... شوفتك عدنه الماي
يحسين انصارك ... يحسين انصارك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حر وعبد شاب وكهل كلهم تحت امرتك
يحسين خلي يبرد بعد كلب العقيله اختك
اتخذوا الليل جمل صعبه اشكثر كلمتك
الكوم يردوني كلت وكنالك ابزمرتك
يحسين بعناها وخلص ... للروح شراي؟
ميهمنه نعطش بعد ... شوفتك عدنه الماي
يحسين انصارك ... حسين انصارك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يخذل اللهم الذي يحسين ناوي يخذلك
الكاتوبوك اويه الشمر و أتريد بس تقتلك
وانصارك مطلكه النسه باذله الروح لأجلك
وشمحلاها باجر بلحشر الله علينه يسئلك
وتكله انصاري يرب ... وفّاي ابصف وفّاي
ميهمنه نعطش بعد ... شوفتك عدنه الماي
يحسين انصارك ... يحسين انصارك
# الشاعر عباس محمد الحميداوي
١٤٤٥.٢٠٢٣
محرم الحرام
( نزله في حق الانصار )
برواحنه يحسين نفديك ... لبيك صاح الكلب لبيك
من فدوه لانفاسك ... مرفوع يبقى راسك
من انصارك ... من انصارك
____
بعينك اتناظرنه من الدم نملي ابحورها
والزلم نشمرها حدر الخيل من ظهورها
انجان متنه ابجثننه الخيم نصبح سورها
وفعل انصارك بطف يبقى واضح دورها
بعنه الروح وقررنه نشريك ... ولبيك صاح الكلب لبيك
من فدوه لانفاسك ... مرفوع يبقى راسك
من انصارك ... من انصارك
_____
نهر غيرتنه الثجليه فاض من ريكانه
وللمنيه احنه نتسابك انه كبلك انه
ومو لشرب الماي تدري ارواحنه لهفانه
لعطر جنتك يخو زينب ارواحنه عطشانه
وندري بهجرنه نأذيك ... لبيك صاح الكلب لبيك
من فدوه لانفاسك ... مرفوع يبقى راسك
من انصارك ... من انصارك
_____
تسوه هاي ارواحنه لو صارت بميزانك
وشان لنصارك يصبح سيدي من شانك
رحم الله شخصاً على اعدائك عانك
امنيتنا انموت كبلك وكبل موت اخوانك
تستاهل الارواح ننطيك ... لبيك صاح الكلب لبيك
من فدوه لانفاسك ... مرفوع يبقى راسك
من انصارك ... من انصارك
__
الصاحب تبين ربعه من تصير اطلابه
بلوفاء يكدر يميز الشهم من اصحابه
واحنه ذبينه المخاطر والسيف ذب كرابه
وجينه متجردين من هل الدنيه الغلابه
انموت وعايش بينه طاريك ... لبيك صاح الكلب لبيك
من فدوه لانفاسك ... مرفوع يبقى راسك
من انصارك ... من انصارك
__
حسين مشراد الاعادي بيا طريقه تريدها
وياروس من الخصم يحسين تهوى نصيدها
هاي جيمان الاعادي اليوم الا انبيدها
وبكيفنه ننهي العركه بكيفنه احنه نعيدها
اخبار الانصار يحسين تلفيك ... لبيك صاح الكلب لبيك
من فدوه لانفاسك ... مرفوع يبقى راسك
من انصارك ... من انصارك
•••••••
الخادم : عباس محمد الحميداوي
محرم الحرام
(ليلة الانصار ثكيل عن لسان الانصار )
النداء اعتلى من خيمة حبيب ... الله شاهد علنكوله ورقيب
احسين اسمع هل النداء ... احنه الك كلنه فداء
هاي انصارك ... هاي انصارك
___
العشك جابانه الك والغيره فزعت بل عرِك
هنيالنه اعشكناك صحنه وهنيالنه بهذا العشك
اسمع يبو اليمه الكلب يحسين لو رايد يدك
احزام وتجوة جتف ولاتظن عنك نفترك
تستاهل انبيع الاوراح لروحك ... وننجرح ونموت كبل اجروحك
التضحيه لشخصك ولاء ... احنه الك كلنه فداء
هاي انصارك ... هاي انصارك
___
سجن تصبح هل الحياة اخلافك اليضل شنو
واحنه من سجن الحياة حصلينه افضل عفو
حسين منهو اليشري دمنه غيرك كلنه منو
صحبة انصارك اصليه حسين يانعم الاخو
نموت احنه كبل حز وريدك ... مانخاف احنه وادينه بأيدك
اجنودك احنه لكربلاء ... احنه الك كلنه فداء
هاي انصارك ... هاي انصارك
_____
اخذ من عدنه حجايه وحده ونكف السوالف
احنه فدوه نروح الكم وماكو بينه اليخالف
الكصص مانشف ميها الخوف مايه بينه ناشف
الصحبه يبو سكينه لازم تتضح بل المواقف
والموقف خلي يصدق اقوالنه ... نريد موقفنه يوضح افعالنه
ابدربك شمحلى الفناء ... احنه الك كلنه فداء
هاي انصارك ... هاي انصارك
___
وياك عدنه الموت مو عجبه النعوفك عجيبه
والينصرك بخته عالي وهنياله ابنصيبه
الطلع ضدك يبو اليمه ماهو طاهر حليبه
واحنه يبن الزهره مابينه اليخون ابصحيبه
عهد منطينك نذب يمك ركب .. وننزل اعلى الحومه بركان وغصب
نزاعل الكون وهواء ... احنه الك كلنه فداء
هاي انصارك ... هاي انصارك
__
من تريد النجمه صدك نجيبلك كوكبها
تريد نعدلك الحومه لو تود نكلبها
ولو يبن حيدر خمية زينب انته اطبها
كلهه خدامج تكول خل يبرد كلبها
كلهه ازلامي نشامه وغيارى ... مني منتظرين خويه الاشاره
وبعز نموت وكبرياء ... احنه الك كلنه فداء
هاي انصارك ... هاي انصارك
••••••••
الخادم : عباس محمد الحميداوي
محرم الحرام
القصيده مهديه الى الشاعر المرحوم معين السباك
ميمر ليلة الأنصار )
صحبة وفه ... مو عاطفه ... وقول المثل مو فلسفه
لو صاحبت رافك زين لو ضل بدون الصاحب
****
مثل القرين الصاحب الي اتماشيه
امراية أفعالك كون هيج تخليه
انظر أصحاب احسين بيمن تفديه
الكل مفتخر ... منطي العمر ... لحسين فزعتهم ذخر
مابيهم المر بيه خوف لو من بعيد يراقب
____
احروف كل واحد لوحه ابمتحف
ومابيهم بنعمة حسين الاسرف
الزلمه كلمه الزلمه فعل وموقف
كول وفعل ... شاب وكهل ... أصحاب والموقف يضل
شاهد ومن جيل لجيل الحاضر يبلغ الغايب
____
ألتاريخ يمهم مستحي بل حنّب
صح غربه همه بس تهمهم زينب
امهم الزهره وعلي معتبرينه أب
الحر والعبد ... الوالد اولد ... لحسين كالو من نهد
نكلبها فوك الطيغان وندري الحسين الغالب
_____
السان الوصف يمهم يبيّن عاجز
اليبارز جن ابجتال ابوه ايبارز
حطو ابنص المعركه هل الحاجز
حاجز جثث ... كلمن عبث ... بمشروع الإسلام ونكث
بيعة غدير الكرار اوضد الحسين يحارب
_____
طاعة أمام العصر هايه الودهم
فكره اليجيبه ويقترب من حدهم
حب المناصب ذوله لا ماعدهم
مو من حزب ... ابفطرة كلب ... طلعو محب يتبع محب
كل ذوله لحسين أنصار وكلمن لموته حاسب
الخادم: عباس محمد الحميداوي
محرم الحرام
تلبية لطلب بعض الملايات كتبت هذا القصيده ونسأل الله التوفيق
Читать полностью…
تم بحمد الله نشر قصائد الليله الخامسة ☝️
Читать полностью…
نزله شجاعة مسلم في الكوفه )
الخبر بلكوفه انتشر ... الناس في حالة خطر
طبها مسلم هذا شيخ أفعالها
مثل حيدر صالها ورد جالها
__
الخبر عاجل توه صادر هام وشاع انتشاره
مسلم نيته هسه يقتحم قصر الاماره
سيف مسلم مايثني وبلركب واضح مساره
ابحيل عمه يفني خصمه ابزوده وقوة فقاره
يصيح ياحيدر مدد ... الزلمه ضم راسه ولبد
الكوفه بس نسوان وين ارجالها
مثل حيدر صالها ورد جالها
__
طشّر راي الاعادي وكشف عن وجه الغضب
برز بتاره بيمينه ويخترق كل الركب
هوس وميدانه هوس وينه المنه اقترب
الناس كالت الموت هذا داخل عليهم رعب
ابلاحديث وثرثره ... بس هلاهل هلمره
طوعه تهلهل ومسلم ماتكبله ابطالها
مثل حيدر صالها ورد جالها
_
على متونه علم عالي ايرفرف ابطور الهوه
ظهر مهره من حرارة غيرته حس انجوه
والله جا طّشر اميه لون حاضر نينوى
هذا مسلم المسنع الجفه مامره انلوه
وبيقى مسلم جاهز ... الزلمه كون ايبارز
الكوفه مالت ومسلم التجالها
مثل حيدر صالها ورد جالها
___
الكوفه علنت البيه زود من الكوفه يهاجر
المايموت ابسيف مسلم الدم يغركه باجر
حتى لو فارس اليبرز بروحه ليش يخاطر
هذا تربات الهواشم جيش جنه وثائر
مو قضاء ولاقدر ... الكوفه عالت بل الاشر
هيج جانت الكوفه هاي اقوالها
مثل حيدر صالها ورد جالها
___
جم قائد ابظهر قائد شارد ايدور بديل
لابن ازياد ايتراجف يرجع الجيش التجيل
ضهضب واتثلم الهم شسوه مسلم بن عقيل
اثكل الام بولدها والزوجه بلزلمه وعويل
نايحه ابكل دورها ... الكوفه زاد اكبورها
الكوفه غلطت وابد ماعدالها
مثل حيدر صالها ورد جالها
الخادم: عباس محمد الحميداوي
محرم الحرام
( نزله في حق شجاعة مسلم ابن عقيل عليه السلام )
الزلم بشجعان كل مقياسها
وشجعانهم منك ضمت راسها
سويت بيهم خوفه ... طشرت جيش الكوفه
يبو طاهر ... يبوطاهر
____
يتناكل العسكر كلام وضل يطك راس براس
واحد يحاجي الثاني بالك تبرز لهل النبراس
جا غير مسلم هذا غير ابن عم العباس
ابمعجزه ينجى اليوكف كدامه وماينجاس
الشرده من الحرب عدهم عاده
دخيلك يامسلم تنادي كل القاده
محد ضل بصفوفه ... طشرت جيش الكوفه
يبو طاهر ... يبو طاهر
__
اتخورست حلوك العده وياسبع يطلع حسه
خمسه كظهم بيمنته وبليسره لازم خمسه
اليمر منه ابن عقيل ينكطع صوته ونفسه
من كبل ويه عمه يهد المعركه عنده ونسه
ساعة الموت الكوفه كام تعيشها
لاناس ضلت بيها لاضل جيشها
الموت كام تشوفه ... طشرت جيش الكوفه
يبو طاهر ... يبو طاهر
__
خاجيته ذبها اعلى الجتف وعلوجه شد لثامه
وتتفرهد احوال الذي ايلاكيه وهو بصمصامه
جن علي طب المعركه ومحد وكف كدامه
وابن احريث بحيره مسلم كضاها ازلامه
من شافو سيفه وميلة حاجبه
عرفو قليل العدد لا مو عاجبه
الحي بيهم مايعوفه ... طشرت جيش الكوفه
يبو طاهر ... يبو طاهر
__
يعرفون قوة طكته والمن تعود انسابه
ولمثل هذا اليوم محد محسب احسابه
يغرك بيته من الدمه الفكر يفتح بابه
مسلم وياهم يكول اليوم عندي اطلابه
يتندمون اعلى المضى خلاهم
وفرت السبحه بيمنته فراهم
اسمك تخوف احروفه ... طشرت جيش الكوفه
يبو طاهر ... يبو طاهر
__
الكوفه انترست جثث والدم غزه ريكانها
وابيوتها اتحنت دمه وحمره انصبغ بيبانها
ابسطوح البيوت الجثث وقسم ابحيطانها
مسلم كفضها المعركه وذبّح كل شجعانها
ضوكهم بيوم الهجم جم لوعه
وزاد العزم من هلهلته طوعه
يل هدتك معروفه ... طشرت جيش الكوفه
يبو طاهر ... يبو طاهر
•••••••☆
الخادم : عباس محمد الحميداوي
محرم الحرام